(၁၈-၁၂-၂၀၀၈၊ ကြာသပတေးနေ့)
အနာဂါတ်တစ်ခု ဖန်တီးတည်ဆောက်ခြင်း ပထမပိုင်းတွင် စင်ကာပူသို့ လာမည့်သူများ၊ စင်ကာပူတွင် အလုပ် လုပ်နေသူများ သိသင့်သိထိုက် သည်များကို ဦးစားပေး ရေးထားပါ၏။ ယခု ဒုတိယပိုင်းတွင် စင်ကာပူ လူနေမှု ဘ၀ကို ကုန်ကျစရိတ် များနှင့်တကွ ပြည့်ပြည့်စုံစုံလေး တင်ပြပါမည်။ မည်သည့် ကိစ္စနှင့်မဆို စင်ကာပူသို့ လာလိုသူများ တင်ကြို လေ့လာနိုင်ပါ၏။
အခန်း (၄)
သိမှတ်စရာ စင်ကာပူနိုင်ငံ ၏ အချက်အလက်များ
စင်ကာပူနိုင်ငံ ၏ မြေပုံ
စင်ကာပူနိုင်ငံသည် ငယ်ပင်ငယ်ငြားသော်လည်း ကမ္ဘာ့ အလုပ်ရှုပ်ဆုံး ပင်လယ်ဆိပ်ကမ်းများ တွင် တစ်ခု အပါ အ၀င် ဖြစ်ပါသည်။ အရှေ့နှင့် အနောက် လမ်းဆုံသော နေရာလည်း ဖြစ်ပါ၏။ သည်ဘက် လှည့်လိုက်လျှင် အရှေ့ ပင်လယ် ရောက်ပြီး ဟိုဘက် လှည့်လိုက်ပါက အနောက် ပင်လယ် ရောက်လေရာ ကမ္ဘာ့ကုန်သွယ်ရေး၊ ကမ္ဘာလှည့်ခရီး သွားလာရေး၊ ဆက်သွယ်ရေး တို့တွင် အလွန် အချက်အချာ ကျသော နေရာလေးတစ်ခု ဖြစ်ပါသည်။ မြောက်ဖက်တွင် မလေးရှား နိုင်ငံ တည်ရှိပြီး တောင်ဘက်တွင် အင်ဒိုနီးရှားနိုင်ငံ တည်ရှိပါသည်။ အာရှတိုက် ၏ တောင်ဘက် အစွန်ဆုံး အငူကလေးကိုလည်း စင်ကာပူနိုင်ငံ ဆင်တိုဇာ ကျွန်းပေါ်တွင် တွေ့မြင်နိုင်ပါသည်။ ညဘက်များ တွင် ကျွန်းတစ်ကျွန်းကျွန်းပေါ်မှ လှမ်းကြည့်လိုက်ပါက မီးရောင်စုံများ ထွန်းညှိထားသော စင်ကာပူနိုင်ငံကို အလွန် လှပစွာ မြင်ရမည် ဖြစ်ပါ၏။ ထို့အပြင် ပင်လယ်ဘက်ကို လှမ်းကြည့် လိုက်ပါကလည်း မီးများထွန်း ထားသော ဧရာမ ပင်လယ်ကူး သင်္ဘောကြီးများ ရပ်နားကျောက်ချ ထားသည်ကို လှပစွာ တွေ့နိုင်ပါသည်။ 
စင်ကာပူနိုင်ငံအတွင်းကို လှည့်လည် သွားလိုက်ပါက ဥယျာဉ် ပန်းခြံကြီး တစ်ခု အတွင်း သွားနေရဘိ သကဲ့သို့ ခံစားရ ပါလိမ့်မည်။ နေရာတိုင်းတွင် သစ်ပင် ပန်းမာလ်များဖြင့် အလှဆင်ထားပြီး စံနစ်တကျ စိုက်ပျိုးထားသော မြက်ခင်း ပြင်များကိုလည်း တွေ့ရပါသည်။ များပြားလှသော လူနေတိုက်တာ အဆောက်အဦများ၊ ဘောလုံးကွင်းများ၊ ကားလမ်းများမှ အပ ကျန် ရနိုင်သမျှသော မြေကွက်လပ် မှန်သမျှကို သစ်ပင်ကြီး၊ ငယ်များ စိုက်ပျိုး ထားသည် ဖြစ်ရာ တစ်နိုင်ငံလုံး စိမ်းလန်း စိုပြေလျှက် ရှိပါသည်။ စက်မှုထွန်းကား သော နိုင်ငံများ၏ ထုံးစံအတိုင်း စက်ရုံ အလုပ်ရုံများ၊ မော်တော်ကား ကြီးငယ်များ၊ ဆောက်လုပ်ရေး စက်ယန္တယားများ၊ အင်ဂျင် အမျိုးမျိုးတို့မှ ထုတ်လွှတ်နေသည့် တန်ပေါင်းများစွာသော ကာဗွန်ဒိုင် အောက်ဆိုဒ် ဓါတ်ငွေ့များကို ထိုသစ်ပင်များမှ တာဝန်ယူ စားသုံးကာ လူတို့ အသက်ရှူရန် မရှိမဖြစ် လိုအပ်သော အောက်ဆီဂျင် ဓါတ်ငွေ့ကို လှိုင်လှိုင်ကြီး ထုတ်ပေးလျှက် ရှိပါသည်။
စင်ကာပူနိုင်ငံ အနှံ့အပြားတွင် ဒီဇိုင်းဆန်းဆန်း အထပ်မြင့် တိုက်ကြီးများကို အစုလိုက် အစုလိုက် လှပစွာတွေ့ မြင်နိုင်ပါသည်။ ထိုအထပ်မြင့် တိုက်ကြီးများ အကြားတွင်လည်း ဟိုနေရာ၊ သည်နေရာများတွင် ပန်းခြံများ ရှိသလို ထိုပန်းခြံများ အတွင်းတွင် လည်းကောင်း၊ အဆောက်အဦး ကြီးများ ရှေ့၊ ဘေး၊ အချို့ အတွင်း ပိုင်း စသည်တို့တွင် လည်းကောင်း ထားရှိသည့် ထုထည် ကြီးမားသည့် ပန်းပုရုပ်တုများ ကလည်း စင်ကာပူ ၏ အလှကို ဖြည့်ဆည်း ပေးလျှက် ရှိပါသည်။ ထို့ပြင် ဆေးရုံ၊ ဆေးခန်းများ၊ ရုံးများ၊ ရထား ဘူတာရုံများ၊ မြေအောက် လူသွားလမ်းများ စသည် တို့တွင်လည်း အဖိုးတန်လှသော ပန်းချီကားကြီးများ ချိတ်ဆွဲထား သည်ကို တွေ့နိုင်သလို အသက်ဝင်နေသော ရေပန်းများ မှာလည်း မြင်ရသူစိတ်ကို လန်းဆန်း စေပါသည်။ ကလေး ကစားကွင်းများ၌ ကစားစရာပစ္စည်းများဖြင့် ကလေးငယ်များ ကစားနေသည်ကို တွေ့နိုင်သလို၊ Community club များရှိ ကစားစရာ ကွက်လပ်များတွင် အဖိုးကြီး၊ အဖွားကြီးများ တိုက်ချိချွမ် ကစား နေသည်ကို လှပစွာ တွေ့မြင်ရ ပါလိမ့်မည်။ သို့မဟုတ် ပါကလည်း ပန်းခြံအတွင်းရှိ ခုံတန်းလျား ကလေးပေါ်တွင် အဖိုးကြီး တစ်ယောက် သတင်းစာကို အေးအေး ဆေးဆေး ဖတ်နေသည်၊ သို့မဟုတ် အားကစား ၀တ်စုံနှင့် အဖွားကြီး တစ်ဦး ပြေးလမ်းပေါ်တွင် ပြေးနေသည်ကို တွေ့နိုင်ပါသည်။
စင်ကာပူသည် နိုင်ငံငယ်သလောက် လူမျိုးစုံလှရာ မြို့ထဲလျှောက်လည်လျှင် ဖြူသောလူမျိုး၊ မဲသောလူမျိုး၊ ဖြူလည်း မဖြူ၊ မဲလည်း မမဲသော လူမျိုး စသည့် လူမျိုး တစ်ရာ့တစ်ပါးကို တွေ့ရပါလိမ့်မည်။ လူမျိူးစုံသလို ပြောသော ဘာသာစကား အစုံကိုလည်း ကြားရပါလိမ့်မည်။၎၊ ၁။ မှတ်သားစရာ အချက်အလက်အကျဉ်းချုပ်
Ref: 
No comments:
Post a Comment