Thursday, February 27, 2014

27/2/2014 မြန်မာ့အလင်း သတင်းစာပါ ကြော်ငြာ


နိုင်ငံခေါင်းဆောင်များကို ပြုစုပျိုးထောင်ခြင်း

(၁)

အရေးတကြီးလုပ်စရာကိစ္စများရှိနေသဖြင့် ACTA (Advance Certificate in Training and Assessment) သင်တန်းကို မပြီးပြီးအောင် ကတိုက်ကရိုက်တက်နေရခြင်းက တစ်ကြောင်း၊ မတ်လ (၁) ရက်နေ့တွင် လူရှေ့သူရှေ့၌ ပြောရမှာဖြစ်သည့်ပြင် တက်လာမည့်ပရိသတ်က မေးလာမည့်မေးခွန်းများကို အထစ်အငေ့ါမရှိ ပြန်လည်ဖြေကြားနိုင်ရန် စာများဖတ်နေရခြင်းတို့ဖြင့် ကျွန်ုပ်မှာ ယားနေသည်ကိုပင် မကုတ်အားသေးပဲ မတ်လ (၃) ရက်နေ့နောက်ပိုင်းမှ အတိုးချ ကုတ်ရန် ထုံးတို့ မှတ်ထားရသော ဟူ၏။
ဤတွင်မိတ်ဆွေများကို ပြောစရာရှိလာပါသည်။
စာသင်ရန် သို့မဟုတ် သင်တန်းပို့ချရန် ၀ါသနာပါသူမိတ်ဆွေများအား စင်ကာပူတွင်သင်သည့် ACTA သင်တန်းကို သွားရောက်လေ့လာသင်ယူကြပါရန် တိုက်တွန်းလိုပါသည်။ အားလုံး အသုံးချလို့မရသည့်တိုင် တော်တော်များများကို လက်တွေ့ အသုံးချ၍ရပါသည်။ ကျွန်တော်ကတော့ လောလောဆယ်လုပ်မည့် ဟောပြောပွဲတွင် အသုံးချမည်ဖြစ်ပါသည်။
သူများတွေတော့ မပြောတတ်။ ကျွန်တော်သင်တန်းတွေတက်တာ သူများတွေထက် ရည်ရွယ်ချက်တစ်ခုပိုပါသည်။ အခြားသူများတွင် များသောအားဖြင့် ရည်ရွယ်ချက် နှစ်ခုရှိနိုင်၏။
(၁) သင်တန်းမှပို့ချသမျှကို လေ့လာပြီး လက်တွေ့နယ်ပယ်တွင် အသုံးချရန်
(၂) လက်မှတ်တစ်ခုရရန်
            ဤအထဲတွင်ပင် များသောအားဖြင့် ဒုတိယရည်ရွယ်ချက်အတွက်သာ လာတက်ကြတာ များပါသည်။ ထိုရည်ရွယ်ချက် နှစ်ခုစလုံးအတွက်တက်သူများရှိသော်လည်း (ကျွန်တော်တက်ခဲ့သော သင်တန်းအတွေ့အကြုံများအရ) အတော့်ကိုနည်းပါသည်။ (ဥပမာ - လောလောလတ်လတ် မနေ့ကမှ ပြီးခဲ့သော CU3A သင်တန်းတွင် ကျွန်တော်နှင့် တစ်စားပွဲတည်းထိုင်သူ ကူမားဆိုသည့် ကုလား၀၀ကြီးက ငါ့အတွက်ကတော့ လက်မှတ်တစ်ခုထက် ဘာမှပိုမလိုဘူးကွ ဟု ဆို၏။ ဒေးဗစ်ဆိုသော နောက်တရုတ်တစ်ယောက်ကမူ ငါ့ကို သူတို့လွှတ်လိုက်လို့သာလာရတာ ဟု ပြောလေ၏။ အပြောနှင့် အလုပ်လည်း ညီလှသည်။ ကျွန်တော်တို့မှာ ရှေ့ဆုံးစားပွဲဖြစ်နေစေကာမူ အာပေါက်အောင် ပြောနေသည့် သင်တန်းဆရာကိုမှ အားမနာ၊ တစ်ချိန်လုံး ဖုံးမက်ဆေ့ခ်ျများပို့ခြင်း၊ တက်ပလက်ကို ကစားနေခြင်းဖြင့်သာ အချိန်ကုန်လေ၏။)
            ကျွန်တော်ကတော့ အထက်ပါရည်ရွယ်ချက် နှစ်ခုအပြင် နောက်တစ်ချက်ပိုပါသည်။ ၎င်းမှာ ဤသင်တန်းမှ လေ့လာရခဲ့သမျှကို စာပြန်ရေးခြင်းဖြင့်သော်လည်းကောင်း၊ ဟောပြောပြသခြင်းဖြင့်သော်လည်းကောင်း မြန်မာနိုင်ငံမှ မျိုးဆက်သစ်များအား (လိုချင်သည်ဖြစ်စေ၊ မလိုချင်သည်ဖြစ်စေ) ပြန်လည်ပေးရန် ဖြစ်၏။ (အနည်းဆုံးတော့ ခုလို ဆောင်းပါးတစ်ပုဒ်လောက် ရေးလို့ရသပေါ့ဗျာ။)
နောင်တွင် ဤ ACTA သင်တန်းများမှ ပို့ချသည်များကို စာတစ်စောင်၊ ပေတစ်ဖွဲ့၊ စာအုပ်တစ်အုပ် ရေးဖွဲ့ပါမည်။ ထိုစာသည် သင်တန်းပို့ချသူများ (အထူးသဖြင့် အသက်ကြီးသူများ၊ လုပ်ငန်းခွင်အတွင်းမှသူများကို သင်တန်းပေးနေရသူ (ဥပမာ - ဖောင်ကြီးဗဟိုလ်ပြည်သူ့ဝန်ထမ်းတက္ကသိုလ်)) အတွက် အသုံးတည့်ပါလိမ့်မည်။
            ထို့ကြောင့် ကျွန်တော်သင်တန်းတက်တိုင်း သင်တန်းဆရာနှင့်အနီးဆုံးခုံတွင်ထိုင်ကာ ပြောသမျှကို တစ်လုံးမှ မလွတ်စေပဲ လိုက်မှတ်ခြင်း၊ လိုအပ်သည်တို့ကို အသံဖမ်းခြင်း၊ ဓာတ်ပုံရိုက်ခြင်း၊ ပေးသမျှစာရွက်စာတမ်းတို့ကို မလွတ်တမ်း ရယူခြင်း စသည်တို့ဖြင့် လူများ မျက်စိနောက်လောက်အောင် အလွန်အလုပ်ရှုပ်လျက်ရှိနေတတ်၏။ (ဤကားစကားချပ်) 

(၂)

            ဦးလှထွန်းခိုင်၏ ဖေ့စ်ဘွတ်တွင်တွေ့ရသော “NLD ဟာ အာဏာရှင်လက်သစ်” ( Link: http://mgkyautkhae.blogspot.sg/2013/10/nld.html ) ကို ဖတ်ပြီး မိတ်ဆွေများ မှတ်ချက်ပေးသည်များကို ဖတ်ရင်း၊ ပြန်လည်ဖြေကြားရင်းဖြင့် အတွေးတစ်စ ပေါ်လာသဖြင့် ဤစာကို ရေးပါသည်။ သို့သော် အသစ်အဆန်းမဟုတ်ပါ။ နိုင်ငံတော်သမ္မတနှင့် အလွန်နီးစပ်သူ မြန်မာပြည်မှ အရာရှိကြီးတစ်ယောက် စင်ကာပူကို လာစဉ်ကလည်း ကျွန်တော် သူ့ကိုပြောခဲ့ဖူးပါသည်။
            အခြားမဟုတ်ပါ။ နေရာတကာတွင်လိုသည့် back up option အကြောင်း ဖြစ်ပါသည်။
            ယခုကျွန်တော်တို့နိုင်ငံတွင် အဓိကကြုံတွေ့နေရသော ပြဿနာမှာ အရည်အချင်းပြည့်ဝသော နိုင်ငံခေါင်းဆောင်များ ရရှိရေး ဖြစ်ပါသည်။ လောလောဆယ်ဖြစ်နေရသော ပြဿနာပေါင်းစုံမှာ စီမံခန့်ခွဲမှုစနစ် ချွတ်ယွင်း အားနည်းနေသောကြောင့် ဖြစ်သည်ဆိုလျှင် မိတ်ဆွေတို့ ငြင်းပါမည်လား။
            ယခင်အစိုးရ ဖွခဲ့သော လက်ပံတောင်းတောင်၊ ရွှေဓာတ်ငွေ့၊ မြစ်ဆုံ၊ မြေသိမ်း စသည်တို့ကိုဖယ်ထားလျှက် လတ်တလောဖြစ်ရသည့် ရခိုင်ကိစ္စ၊ မိတ္ထီလာကိစ္စ စသည်တို့မှာ အကယ်၍သာ စနစ်တကျနိုင်နိုင်နင်းနင်း ကိုင်တွယ်နိုင်မည် ဆိုလျင် သည်လောက်ကြီးကျယ်စရာ အကြောင်းမရှိပါ။ အခြားသူများတော့ မပြောတတ်၊ သည်ကိစ္စများကို စင်ကာပူမှ ကြည့်နေရင်း ကျွန်တော် အသည်းယားလှပါသည်။ ဘာကြောင့်ဒီလိုဖြစ်ရသလဲဟူသည့် မေးခွန်းကို မကျေနပ်စွာ ကိုယ့်ကိုယ်ကိုယ် အထပ်ထပ် မေးမြန်းနေမိသည်။
            ယခုလူကြီးများကိုတော့ ဘာမှလုပ်လို့မရတော့။ ပြောချင်ရာပြောကြပါစေဟု ခွင့်လွှတ်ထားလိုက်ကြပါ။ အသက်တွေကြီးလှပြီ။ နောက်ပြီး သူတို့ဆက်အုပ်ချုပ်ဘို့ အချိန်သိပ်ကျန်တော့တာ မဟုတ်။
            အရေးကြီးသည်မှာ ထိုလူကြီးများကို ဆက်ခံမည့် နောက်မျိုးဆက်များ ဖြစ်၏။ ထိုလူကြီးများဆင်းသွားသည့်အခါ ထိုလူကြီးများ၏ နေရာကို ဆက်ခံမည့်သူများမှာ တော်တည့်ထက်မြက်သူများ ဖြစ်နေဘို့ အရေးကြီးပါသည်။ ထိုကဲ့သို့ မဟုတ်ဘဲ သူမသာ၊ ကိုယ်အသုဘဆိုလျှင်ဖြင့် ကျွန်ုပ်တို့ မြန်မာနိုင်ငံတော်ကြီးကို မည်ကဲ့သို့အုပ်ချုပ်ကြပါမည်နည်း။ ရွှေမန်းတင်မောင်လိုသာ ကျွန်တော်သည်ထိုနည်းလည်းကောင်း၊ ထိုနည်းလည်းကောင်း၊ ထိုနည်းလည်းကောင်း ဆိုနေကြလျှင် ကျွန်တော်တို့မြန်မာနိုင်ငံတော်ကြီး၏ ရှေ့ရေးမှာ အဘယ်သို့ရှိချိမ့်မည်နည်း။
            အရေးကြီးသူများသည် လူတကာလုပ်သောအလုပ်များနှင့် အချိန်မကုန်သင့်။ ကိုယ်ဘာလုပ်ရမည်ကို သိရပါမည်။ ဦးတည်ချက်ထားရပါမည်။ ထိုဦးတည်ချက်အတိုင်း ခိုင်ခိုင်မြဲမြဲ လျှောက်လှမ်းရပါမည်။ သူများပြောတာ နားမယောင်ပါလင့်။ ကိုယ့်ဆုံးဖြတ်ချက်ကို ကိုယ်ပိုင်နေရပါမည်။ လူများဆိုတာ ပါးစပ်ထဲ၊ စိတ်ထဲထင်တာတွေ လျှောက်ပြောကြတာ များသည်။ အများယောင်လို့ယောင်၊ အမောင်တောင်မှန်း မြောက်မှန်းမသိဆိုနေလျှင်ဖြင့် အဘယ်ကဲ့သို့ နိုင်ငံတစ်နိုင်ငံကို အုပ်ချုပ်ပါ မည်နည်း။
            နိုင်ငံ့ခေါင်းဆောင်လုပ်မည့်သူများကို ကျွန်တော်တို့ ခန့်မှန်းကြည့်လို့ရပါသည်။ တောသူတောင်သားများ ဖြစ်နိုင်ပါမည်လား။ ဝေးစွ၊ ထိုသူများနှင့် နိုင်ငံရေးမှာ မယ်သီလရှင်နှင့် ဘီးကဲ့သို့ ဖြစ်ချေသည်။ ကျွန်တော်တို့လိုလူများ ဖြစ်နိုင်ပါမည်လား။ နိုး။
            နိုင်ငံ့ခေါင်းဆောင်လုပ်မည့်သူများမှာ နိုင်ငံရေးနှင့် နီးစပ်သူများ၊ ပါတီတွင်းဝင်ထွက်နေသူများ (ဟုတ်ပေါင်) ပါတီဝင်များ၊ အုပ်ချုပ်ရေးပိုင်းမှ ပုဂ္ဂိုလ်များ၊ လွှတ်တော်ခြံစည်းရိုးနား ကပ်ဖူးသူများ စသူတို့ မဟုတ်ပါလော။
            သို့ဆိုလျှင် ထိုသူများကို နိုင်ငံတစ်နိုင်ငံအား မည်ကဲ့သို့အုပ်ချုပ်ရမည်ကို ကျကျနန လေ့ကျင့်ပေးရန် မသင့်ပါ သလော။ အမှန်ပင် သင့်လှပေ၏။ နိုင်ငံ့ခေါင်းဆောင်လုပ်မည့်သူက နိုင်ငံရေးသိပံ္ပစာအုပ်တစ်အုပ်မှ မဖတ်ဖူးဘူး ဆိုလျှင်ဖြင့်၊ မာကီယာဘယ်လီဆိုတာ ဟင်းထဲထည့်ချက်ရတဲ့ ငြုပ်ကောင်းတစ်မျိုးလားဟု မေးလာခဲ့လျှင်ဖြင့် - ဟာာာာာာင်း . . . . ။
            သို့ဆိုလျှင် မည်သည့်အချိန်၌ လေ့ကျင့်ပေးရမည်နည်း။ ယနေ့ပင် စတင်လေ့ကျင့်ပေးရမည် ဖြစ်၏။ (နောက်တောင် ကျနေပြီ။ ဒါမျိုးဆိုတာ ခုစလက်လောင်း၊ ခုဖောင်ဝပ်ဖြုတ် (ဟုတ်ပေါင်) ခုရေတွင်းတူး၊ ခုရေကြည်သောက် လုပ်လို့ရတာမျိုး မဟုတ်။) ဒါဖြင့် လေ့ကျင့်ပေးနေကြပါပြီလား။ ကျွန်တော်မသိပါ။ ကျွန်တော်ကတော့ တစ်ယောက်အပြစ်အနာအဆာ တစ်ယောက်ထုတ်ဖော်ပြီး ငယ်ကျိုးငယ်နာတွေကို အတင်းတုပ်၊ လက်ညှိုးထိုးနေကြတာသာ တွေ့နေရပါသည်။ (တိုးတိုးတိတ်တိတ် ကြိတ်ပြီးသင်တန်းပေးနေလျှင်တော့ မပြောတတ်ပါ။)
            အမေရိကန်တွေ အိုဘားမားကို အဘယ်ကြောင့် မဲပေးကြပါသနည်း။ အမေရိကန်လူမျိုးများသည် ခပ်ချာချာ လူမျိုးများတော့ မဟုတ်တန်ရာ။ ဘယ်တုံးကမှ အစဉ်အလာမရှိသော လူမည်းကို အဘယ်ကြောင့် ရွေးကောက်ကြပါသနည်း။ အလကား၊ နိဂရိုးကောင်၊ မတန်မရာ၊ ငါတို့လူဖြူတွေကို ဆရာလာလုပ်လို့ရမလားကွဟု အဘယ်သူ အတင်းတုပ်ပါသနည်း။ သူရှုံးသည့်အခါ ဂျွန်မက်ကိန်းကရော၊ ဟင် - အလကားကောင်တွေ။ ငါ့တော့မဲမပေးဘဲ ငမဲကောင်ကို မဲပေးရသလားဟု ပြောသံ ကြားခဲ့ရပါသလား။
            မိတ်ဆွေတို့ အိုဘားမား၏ ကျမ်းကျိန်ပွဲကို ကြည့်ဖူးကြမှာပါ။ အဲသဟာ ဘာကြောင့်နည်း။
            မိတ်ဆွေတို့ ဆရာဇော်ဂျီ၏ ပုဂံဈေးကို ဖတ်ဖူးကြမှာပါ။ သာမန်အညတြသည်ပင် နန်းတွင်းပညာရှိကြီးများထက် ပို တော်နေတတ်ပေသေးသည် မဟုတ်လော။
            ကျွန်တော်နိုင်ငံရေးသိပံ္ပပညာရှင်မဟုတ်ပါ။ နိုင်ငံရေးကျွမ်းကျင်သူမဟုတ်ပါ။ နိုင်ငံရေးအကြောင်း စိတ်ဝင်စားသည့် သာမန်ပြည်သူတစ်ယောက်သာ ဖြစ်ပါသည်။ သို့သော် ကျွန်တော် နိုင်ငံရေးသိပံ္ပစာအုပ် တော်တော်များများကို ဖတ်ဖူးပါသည်။ ကျွန်တော့်စာအုပ်စင်တွင်လည်း ရှိပါသည်။
            မိတ်ဆွေတို့ကိုလည်း နိုင်ငံရေးသိပံ္ပစာအုပ်များ ဖတ်ကြည့်ကြဖို့ တိုက်တွန်းလိုပါသည်။ သူများပြောတိုင်း ယောင်ပြီး ခေါင်းမငြိမ့်မိစေရန်၊ အလံရှူးလုပ်သူက လက်ခုပ်တစ်ချက်စပေးလိုက်တိုင်း ၀ိုင်းပြီးလက်ခုပ်မတီးမိကြစေရန် ဖြစ်ပါသည်။
(ယခင်ကာလများက ဖွလိုသူတစ်ဦးက ဒို့အရေးဟု အော်ပေးလိုက်ရာ ဟိုလူကလည်း ဒို့အရေး၊ ဒီလူကလည်း ဒို့အရေး နှင့် လူလည်းများလာပြီဆိုရော စပြီးတိုင်ပေးခဲ့သူ ဒို့အရေးသမားမှာ ခြေရာဖျောက်သွားပြီး ဘုမသိ၊ ဘမသိ။ သူများ ဒို့အရေးလို့ ၀ိုင်းပြီး လက်သီးလက်မောင်းတန်းကာ ဒို့အရေးမိသူများ အချောင်အဖမ်းခံခဲ့ရသည့် သာဓကများ ရှိခဲ့ဖူးပြီ။)  

            ကျွန်တော်တွေးမိတာ ပြောခြင်းဖြစ်ပါသည်။ ကျွန်တော်နှင့် သဘောတူရမည်ဟု မဆိုလိုပါ။ လွတ်လပ်စွာ သဘောထားကွဲလွဲခွင့်မှာ လူတိုင်း၏ မွေးရာပါ အခွင့်အရေးဖြစ်သည်။

ကျေးဇူးတင်ပါသည်။

အေးငြိမ်း

၂၇ - ၂ - ၂၀၁၄။ ည ၉း၂၇ နာရီ

ဝိုင်ပုလင်းဖောက်နည်း နိဿရည်း

           ကျွန်တော် ဘီယာ၊ ၀ိုင် စသည်တို့ သောက်လေ့မရှိပါ။ (ခြွင်းချက်။     ။ တိုက်မဲ့သူမရှိရင် သို့မဟုတ် အလကားရမဲ့နေရာမဟုတ်ရင်) အဘယ်ကြောင့်မသောက်သနည်း။ ပိုက်ဆံကုန်မှာ နှမြော၍ဖြစ်၏။ နေပူပူထဲက ပြန်အလာ၊ သို့မဟုတ် ပင်ပင်ပန်းပန်းတစ်ခုခုလုပ်အပြီး စည်ဘီယာအေးအေးကလေး စုပ်လိုက်ရတာ အင်မတန်အရသာရှိလှသည်။ ကျွန်တော်ဘီယာသောက်တာ မူးချင်လို့မဟုတ်။ ဘီယာ၏အရသာကို ကြိုက်သောကြောင့်ဖြစ်သည်။ ရှည်ပါတယ်လေ။ လိုရင်း ပြောကြပါစို့။
            မနေ့က တရုတ်နှစ်ကူးလက်ကျန်များကို မဲနှိုက်သည်။ ကျွန်တော်က သင်တန်းသွားနေတော့ ကျွန်တော့် safety coordinator က နှိုက်ပေးထားသည်။ ၀ိုင်နှစ်ပုလင်းနှင့် ခရု စသည့် သဗ္ဗဒါနံများ မဲပေါက်သည်။ (မွေးကတည်းက ဘယ်သောအခါမှ ကံကောင်းလေ့မရှိသော ကျွန်တော်သာ ကိုယ်တိုင်နှိုက်ရလျှင် ပေါက်မည်မဟုတ်။) သူက ဒါတွေ ဘယ်လိုလုပ်ရမလဲဟု မက်ဆေ့ခ်ျပို့လေသော် ကျွန်တော်က ၀ိုင်နှစ်ပုလင်းကလွဲလျှင် ကျန်တာအကုန် သူများပေးပစ်လိုက်ဘို့ ပြောလိုက်သည်။
            သည်တော့ သည်နေ့အပြန် ၀ိုင်နှစ်ပုလင်း ပါလာသည်။    သောက်လေ့မရှိသောကြောင့် ကျွန်တော့်တွင် ၀ိုင်ပုလင်း ဖောက်တံမရှိပါ။ အရင်တုံးကတော့ ဒါးပေါက်စန၊ လက်သည်းညှပ်၊ ဇာကနာ၊ နားဖာကလော်၊ ၀ိုင်ပုလင်းဖောက်တံ စသဖြင့် လက်နက်အတော်များများစုဆောင်းတပ်ထားသည့် All in one တစ်ခုရှိဖူးသည်။ သို့သော် ခု ဘယ်ရောက်သွားပြီမှန်းမသိ။
            သည်တော့ ၀ိုင်ပုလင်းဖောက်ရန် ကြံဆရသည်။ လိုလျှင်ကြံဆ နည်းလမ်းရဆို မဟုတ်လား။ ပထမ ၀က်အူလှည့်နှင့် ကော်ထုတ်ကြည့်သည်။ မရ။ ပဲ့ထွက်ကုန်သည်။ နောက် ကော်ရင်း၊ ကြံရင်းနှင့် အောက်ပါအကြံကိုရသည်။
            ကျွန်တော့်လို ၀ိုင်ပုလင်းရလာပြီး ဖောက်တံမရှိသူများအတွက် ပြန်လည် ဝေငှလိုက်ပါသည်။
            များများမလိုပါ။ ၀က်အူနှစ်ချောင်း၊ ၀က်အူလှည့်တစ်ခု၊ စတီးဝိုင်ယာကြိုးတစ်ချောင်း၊ ပလိုင်ယာတစ်ခုရှိလျှင်ရပါပြီ။ ၀ိုင်ယာကြိုးကို ၀က်အူတွင် ခိုင်ခိုင်ပတ်လိမ်ထားလိုက်ပါ။ ထို့နောက် ဖော့ဆို့ထဲသို့လှည့်သွင်းလိုက်ပါ။ နောက်ပြီး ၀ိုင်ယာကြိုးကို ပလိုင်ယာဖြင့် ဆွဲထုတ်လိုက်ပါ။ အလွယ်တကူ ပါလာပါလိမ့်မည်။

            ပထမ ကျွန်တော် ၀က်အူတစ်ချောင်းဖြင့် စမ်းကြည့်ပါသည်။ ဖော့ဆို့က အတန်ကြပ်နေသဖြင့် ၀က်အူကျွတ်ထွက်လာ သည်။ မရပါ။ ထို့ကြောင့် ၀က်အူနှစ်ချောင်းစိုက်ကာ ဆွဲထုတ်ရသည်။ နှစ်ချောင်းမရဘူးလား။ သုံးချောင်းပေါ့ဗျာ။





မူးနိုင်ကြ (ဟုတ်ပေါင်) အဆင်ပြေနိုင်ကြပါစေဗျာ။

အေးငြိမ်း
၂၇ - ၂ - ၂၀၁၄

Tuesday, February 11, 2014

ခရီးတွင်လို့ ရွာစဉ်မသိ

(၁)

ယခုတလော နေရထိုင်ရသည်မှာ အဆင်မပြေ။ တစ်ခုခုလိုနေသလို ခံစားနေရသည်။ စိတ်ထဲမရှင်းတော့ စာရေးရတာလည်း ခရီးမတွင်။ ယခု ကျွန်တော် PPE (Personal Protective Equipment) အကြောင်း ရေးနေပါသည်။  ရေးစရာရှိသဖြင့် မနည်းအားစိုက်ရေးနေရသော်လည်း စိတ်မပါသဖြင့် ခရီးမရောက်။ သည်အကြောင်း စာရေးသူများ၊ ပန်းချီဆွဲသူများ သိပါလိမ့်မည်။
            စာရေးခြင်း ပန်းချီဆွဲခြင်းဆိုသည့်အရာများမှာ စိတ်ခံစားချက်နှင့်တိုက်ရိုက်ပတ်သက်နေသဖြင့် စိတ်မပါပါဘဲလျက် မဆွဲချင့်ဆွဲချင် အတင်းဆွဲနေရလျှင် ပန်းချီကားကောင်းတစ်ချပ် ဖြစ်မလာနိုင်။ စေတနာထားမရေးဘဲ၊ စိတ်ပါလက်ပါမဟုတ်ဘဲ စာကောင်းတစ်ပုဒ် ဖြစ်မည်မဟုတ်။
            သည်ကိစ္စနှင့်ပတ်သက်၍ ပြောစရာအနည်းငယ် ပေါ်လာပါသည်။
            ကျွန်တော် ဖောင်ကြီးသင်တန်းတက်စဉ် ၁၉၉၁ ခုနှစ်လောက်က။ စနေ၊ တနင်္ဂနွေပိတ်ရက်များတွင် အပြင်ထွက်ခွင့် ရသည်။ ရန်ကုန်မှလာသူများက ရန်ကုန်ပြန်သည်။ ကျွန်တော်က ပျဉ်းမနားက လာတာ။ နောက်ပြီး ရန်ကုန်တွင်လည်း ပြောရ လောက်အောင် ဆွေမျိုးမိသင်္ဂဟရှိတာမဟုတ်သဖြင့် ပိတ်ရက်များတွင် စာဖတ်ရုံမှလွဲ၍ ဘယ်မှမသွား။
            တစ်ခုသော ပိတ်ရက်တွင် ကျွန်တော်နှင့်သင်တန်းတစ်ပတ်တည်း၊ တစ်ဆောင်တည်းအတူနေသူ ကိုဆန်းထွန်းနီက သူတို့အိမ်လိုက်လည်ရန် ခေါ်သဖြင့် ကျွန်တော်လိုက်သွားသည်။ သူတို့အိမ်က အင်းစိန်မှာ။ စနေနေ့ညနေသွား။ တနင်္ဂနွေ နေ့ခင်း ပြန်လာ။ သူတို့အိမ်တွင် ကိုဆန်းထွန်းနီ အမေကို တွေ့သည်။ (အမေလား၊ အဖွားလား၊ သိပ်မမှတ်မိတော့ပါ။ အမေထင်ပါသည်။) အမေကြီးမှာ အတော် အသက်ကြီးလှပြီ။ ၈၀ လောက်ပင်ရှိမည်ထင်၏။ မမှတ်မိတော့။
            အသက်ကြီးပြီဆိုတော့ ပါးရေနားရေတွေတွန့်ကာ ဆံပင်ဖြူများမှာလည်း ကျိုးတိုးကျဲတဲ၊ တွန့်လိမ်ကောက်ကွေး။ ရှိစုမဲ့စု ဆံပင်ကလေးများကို စုကာ ဆံထုံးတော်ကြီး တမာသီးလုပ်ထားသည်။ 
            ပန်းချီဆွဲရာတွင် အလွန်ရုပ်ဆိုးသူများ၊ ပါးရေနားရေတွန့်နေသည့် အဖိုးကြီးအဖွားကြီးများမှာ အလွန်ပန်းချီဆွဲလို့ကောင်းကြောင်း ပုံဆွဲဖူးသူတိုင်း သိပါသည်။ အင်မတန်လှသော မိန်းကလေး၊ အင်မတန် ဆွဲရခက်သည်။ မျက်နှာက ပြောင်ချောနေတော့ သရုပ်ဖော်စရာ မျဉ်းမပါ။ နှာတံကလေးစင်းနေတာ အပြင်မှာသာ ကြည့်လို့ကောင်းသည်။ ပန်းချီဆွဲရာမှာတော့ သည်နှာခေါင်းမျိုးသည် အတော် ဒုက္ခပေးသော နှာခေါင်းဖြစ်၏။ ဘာအရေးအကြောင်းမှမပါသော သည်နှာခေါင်းကို စက္ကူပေါ်မှာ ကြွတက်လာအောင် ဆွဲဘို့ရာ အင်မတန် မလွယ်သည့် အလုပ်ဖြစ်သည်။  
            အဖွားကြီးက ကုတင်ပေါ်တွင်ထိုင်နေသည်။ ကိုဆန်းထွန်းနီက သူ့အမေနှင့်မိတ်ဆက်ပေး၏။ ကျွန်တော် ကိုဆန်းထွန်းနီ အမေကြီးကိုကြည့်ကာ ပန်းချီဆွဲချင်စိတ်များ တဖွားဖွားပေါ်လာသည်။ သို့နှင့် -
ကိုင်း၊ ကိုဆန်းထွန်းနီ၊ စက္ကူဖြူ အလွတ်တစ်ရွက်လောက်နဲ့ ခဲတံတစ်ချောင်းလောက် ရနိုင်မလားဗျာ။
ဟာ၊ ရပါတယ်။ ဘာလုပ်ဖို့တုံး။
ကျွန်တော် ကိုဆန်းထွန်းနီ့အမေကို ပုံတူဆွဲပေးမယ်။
အဲဗျ။ ကျွန်တော့်မှာ ပုံဆွဲတဲ့စက္ကူတို့ခဲတံတို့မရှိဘူးဗျ။
မလိုပါဘူးဗျာ။ ဖူးစကက်ပေပါ နဲ့ ရိုးရိုးခဲတံ ရှိတယ်မဟုတ်လား။
အင်း၊ အဲဒါတော့ရှိတယ်။ ဖြစ်ပါ့မလားဗျ။ ဖူးစကက်ပေပါက ပြောင်ချော်ချော်နဲ့။
ရပါတယ်ဗျာ။ ဘာလို့မဖြစ်ရမှာတုံး။
ကိုင်း၊ အမေကြီး ကျွန်တော် အမေကြီးကို ပုံတူဆွဲပေးမယ်။ သက်တောင့်သက်သာ၊ နေတတ်သလိုသာနေ။
            ကျွန်တော်ဆွဲတာ နာရီဝက်မကြာပါ။ အများဆုံးကြာ မိနစ် ၂၀ မျှသာဖြစ်သည်။ ကျွန်တော် mood အပြည့်နှင့်ဆွဲရ သဖြင့် ပုံမှာ အလွန်ကောင်းလှသည်။ ကိုဆန်းထွန်းနီမှာ ပါးစပ်ကြီးအပြဲသားနှင့် တအံ့တသြကြည့်နေလေသည်။ သို့သော် ထိုခေတ်က မိတ္တူကူးစက်တို့၊ ကင်မရာတို့ဆိုတာ ပေါပေါသီသီသုံးနိုင်သေးသည့် ခေတ်မဟုတ်သဖြင့် ထိုပုံ မိတ္တူကို ကူးမထားနိုင်ခဲ့ပါ။ ထိုခေတ်က မိတ္တူကူးစက်ပင် မပေါ်သေးဟု ထင်ပါသည်။ ကျွန်တော် ကျောင်းမှာစာသင်တော့ ဖယောင်း စက္ကူတွေကို လက်နှင့်ဖောက်ကာ ဂက်စတင်နာနှင့်လှိမ့်ရတုံး ရှိပါသေးသည်။
            နောက်တစ်ပုံမှာ ကျွန်တော်တို့နှင့် အတူနေသူ အရီးဖြစ်ပါသည်။ ကျွန်တော်လည်း အရီးပုံကို စိတ်လိုလက်ရ တစ်ပုံဆွဲဖြစ်ပါသည်။ ၁၉၉၀ ပြည့်လွန်နှစ်များက ရေဆင်းမှာရှိစဉ်ဆွဲတာဖြစ်သည်။ ထိုပုံမှာလည်း အတော်လေးကောင်း၏။ သို့သော် အိမ်အပြောင်းအရွှေ့များတွင် ဘယ်ရောက်သွားသည်မသိတော့ပါ။ ပုံကောင်းကလေးများဖြစ်သဖြင့် အလွန်နှမြော လှ၏။
            စာရေးရာတွင်ပင် တစ်ခါတစ်ခါ အသည်းအသန်စာရေးချင်စိတ်က ကားပေါ်၊ ရထားပေါ် သို့မဟုတ် တစ်နေရာရာမှာ ရှိစဉ် စသဖြင့် ဖြစ်တတ်သည်။ သို့သော် အခါအခွင့်မသင့်သဖြင့် ချက်ချင်းချရေးလိုက်လို့မရ။ နောက် အားမှ ပြန်ရေးသည့်အခါ ယခင် စိတ်ကူးရစဉ်ကလောက် လက်မပါတော့။
            စင်ကာပူရောက်မှ ပန်းချီဆွဲတာ၊ ကာတွန်းဆွဲတာ၊ ကဗျာစပ်တာများ မလုပ်ဖြစ်တော့။ သို့သော် အင်တာနက်မှ ပန်းချီကားနှင့် ကာတွန်းများကိုမူ စုမိပါသည်။ လုပ်ချင်တာများ မလုပ်ရသည့်အတွက် စိတ်ထဲ မကောင်းလှ။
            နေပါအုံး။ ဘယ်ရောက်သွားပါလိမ့်။ သြော် - စိတ်မပါရင် ဘာလုပ်လုပ် မကောင်းဘူးဆိုတဲ့အကြောင်း ပြောပါတယ်။

(၂)

            ယခုလည်း စိတ်ထဲ ဟာတာတာဖြစ်နေပါသည်။ ဖြစ်ရသည်မှာ အကြောင်းရှိ၏။ ကျွန်တော်က အင်မတန် စိတ်မြန်၊ ကိုယ်မြန်လုပ်ချင်သူဖြစ်သည်။ အလုပ်တစ်ခုကို မလုပ်ခင်က ပြီးချင်နေသည်။ သည်တော့ ကျွန်တော့်စာအုပ်များ (၃ အုပ် လောက်) ကို ထုတ်ဝေသူများက နေ့ရွှေ့၊ ညရွှေ့နှင့် လပေါင်းများစွာ အချိန်ဖြုန်းနေသည်ကို သည်းမခံနိုင်။ သည်အခါ ငါ ဒီလောက် အသည်းအသန် အားထုတ်ရေးနေတာ ဟုတ်ရောဟုတ်သေးရဲ့လား ဟု ကိုယ့်ဘာသာကိုယ် ဇဝေဇ၀ါဖြစ်လာသည်။ သူများတွေလို အလုပ်ကလေးသွားလုပ်လိုက်၊ ပြန်လာ တီဗီလေးကြည့်လိုက်၊ သူငယ်ချင်းတွေနှင့် east coast သွားပြီး ဘီယာလေးသောက်လိုက်၊ ပျော်လိုက်ပါးလိုက်နှင့် နေရတာ ပိုကောင်းလိမ့်မည်ဟု တွေးလာသည်။
            သည်အထဲတွင် ဘူးလေးရာ ဖရုံဆင့်လာသည့်ကိစ္စက MTP မှလုပ်မည့် Panel Discussion ကိစ္စဖြစ်၏။ လက်သည်က အတင်းတွန်းချနေသလောက် ဗိုက်ကြီးသည်ကတော့ နေသာသပ၊ လေညာက ဖြစ်နေသည်။ နည်းနည်းလေးမှ ညှစ်ပေးဖော်မရ။
            ကျွန်တော်တို့က သည်ကိစ္စ အားစိုက်လုပ်နေသည့်တိုင် ဟိုဘက်ကတော့ ဘာမှ ဆီမလာ၊ ပျားမလာ။ သည်တော့ ကိုယ်လုပ်နေသည့်ကိစ္စ၊ ကိုယ့်ဟာကိုယ် သံသယ၀င်လာသည်။
            ငါတို့လုပ်နေတာ ဟုတ်ရောဟုတ်ရဲ့လား။
            သည်တော့ မိတ်ဆွေများခင်ဗျား။
            ခင်ဗျားတို့ ကျွန်တော်တို့ဟာ အထက်တန်းပညာများ သင်ယူထားကြသူများ ဖြစ်၏။ သည်တော့ အများယောင်လို့ ယောင်၊ အမောင်တောင်မှန်း မြောက်မှန်းမသိ လုပ်နေလို့မဖြစ်။ သည်ကိစ္စ နည်းနည်းလောက် သုံးသပ်ကြည့်ကြပါစို့။
            စင်ကာပူရောက် မြန်မာပညာရှင်များစုကာ Myanmar Transitional Platform ဟု ဖွဲ့၍ မြန်မာနိုင်ငံပြန်လည် ထူထောင်ရေးတွင် ကိုယ်တတ်နိုင်သလောက် တစ်ဖက်တစ်လမ်းမှ ၀ိုင်းဝန်းဆောင်ရွက်ပေးကြရန် ကြိုးပမ်းကြ၏။

            မိတ်ဆွေတို့သိတော်မူကြသည့်အတိုင်း မြန်မာနိုင်ငံဘက်မှ ၀န်ကြီးတစ်ပါးအပါအ၀င် အခြားအရာရှိများ၊ ပညာရှင်ကြီးများ ဖိတ်ကာ ၂၀၁၂ မေလ ၁ ရက်နေ့က စင်ကာပူတွင် Panel Discussion လုပ်ကြသည်။ လုပ်တုံးကတော့ အတော့်ကို အားကြိုးမာန်တက်၊ တက်တက်ကြွကြွ လုပ်ကြ၊ ပြောကြတာဖြစ်၏။ တက်ရောက်လာသူများလည်း မနည်းပါ။ သည်တုံးကတော့ သည်ပွဲကို အတော်အောင်မြင်ခဲ့သည် ဟု ထင်မိခဲ့သည်။



သို့သော် - (ကျောင်းသားဘ၀က ကျက်ခဲ့တာဆိုတော့ ပါဠိလိုမေ့နေပြီ၊ မြန်မာလိုတော့မှတ်မိပါသေး၏။)
စားလိုက်တဲ့အစာကို စားနေတုံး ကောင်းလိုက်တာလို့ မချီးမွမ်းပါနဲ့။ လုံးဝ အစာကျေညက်သွားပြီဆိုတော့မှ ချီးမွမ်းပါ တဲ့။
မယားဖြစ်သူကိုလည်း အရွယ်ကောင်းတုံး ငါ့မိန်းမ ငါ့အပေါ်သစ္စာရှိလိုက်တာလို့ မချီးမွမ်းပါနဲ့။ အရွယ်လွန်လို့ အိုမင်းမစွမ်း ဖြစ်ပြီဆိုတော့မှ ချီးမွမ်းပါ တဲ့။
           
            အဲသည် စကားပုံအတိုင်းပြောရရင် ခင်ဗျားတို့ ပင်နယ်ဒစ်စကပ်ရှင်းကြီးကိုလည်း ပြောချင်တာတွေ ပြောလိုက်ရလို့၊ လူကြီးတွေလည်း လာနားထောင်လို့၊ ပရိသတ်တွေကလည်း ၀က်ဝက်ကွဲ အားပေးကြလို့ အောင်မြင်လှချည်ရဲ့လို့ မချီးမွမ်း လိုက်ပါနဲ့ခင်ဗျား။
            ကျွန်တော်တို့ပြောလိုက်တာတွေကို အစိုးရဘက်၊ သို့မဟုတ် တစ်စုံတစ်ယောက်သော ပေါက်မြောက်သူက အကောင်အထည်ဖော်၊ ဆောင်ရွက်၊ အောင်မြင်လာပြီဆိုတော့မှ ငါတို့ panel discussion တော့ အောင်မြင်သယ်ဟေ့ လို့ ချီးမွမ်းလိုက်ပါ ခင်ဗျား။
            သည်တော့ မိတ်ဆွေတို့လည်း သိပါသည်။ စင်ကာပူမှာ တစ်ခုခုလုပ်ပြီဆိုရင် အဲဒါ အောင်မြင်သလား၊ မအောင်မြင် ဘူးလား၊ ဘယ်လောက်ထိရောက်သလဲ၊ မထိရောက်ဘူးလား၊ မအောင်မြင်ဘူးဆိုရင် ဘာတွေချို့ယွင်း၊ အားနည်းနေလို့လဲ လို့ သုံးသပ်ကြ၊ ဆန်းစစ်ကြပါတယ်။
            ကျွန်တော်တို့ရော၊ ကျွန်တော်တို့လုပ်ခဲ့တာတွေ ဘယ်လောက် ထိရောက်၊ အကျိုးရှိသလဲ ပြန်လည်သုံးသပ်၊ ဆန်းစစ် ဘို့၊ မထိရောက်၊ မအောင်မြင်ဘူးဆိုရင် ဘာလို့လဲ။ ထိရောက်အောင်မြင်အောင် ဘယ်လိုလုပ်မလဲဆိုတာ အဖြေရှာဘို့ မလိုပါလော။ လို၏။
            ကျွန်တော်တို့ panel discussion ပြီး ဘာတွေဆက်လုပ်ဖြစ်ပါသနည်း။ သည် PD ကတင်ပြလိုက်တာတွေ ဘာတွေများ အကောင်အထည် ပေါ်လာပါသနည်း။ သူတို့ (အစိုးရ) ဘက်က ဘယ်ဟာတွေတော့ဖြင့် ကောင်းလိုက်တာဟေ့၊ အဲဒါလေး အကောင်အထည်ဖော်လိုက်ရအောင် လို့ စ,လိုက်တာများ ရှိပါသလား။ Follow up action အနေနဲ့ ဘာတွေ စီစဉ် ထားတာများ ရှိပါသလဲ။
            သည်ကြားထဲမှာ မစိမ့်တို့၊ ကိုဘိုတို့ ရန်ကုန်မှာ ထပ်လုပ်ကြပါသေးသည်။ ထိုပွဲများကရော ဘာရလဒ်ကောင်းများ ပေါ်ထွက်လာပါသနည်း။
            အခု ကျွန်တော်တို့ ကိုယ့်စရိတ်နှင့်ကိုယ် ကြီးတော့်နွား၊ သွားကျောင်းကြပါဦးမည်။ ကျွန်တော်က စနေနေ့တစ်ဝက် အလုပ်ဆင်းရတော့ ထိုနေ့ကို ခွင့်ယူရမည်။ နေ့ဝက်သာအလုပ်ဆင်းရသည်ဆိုသော်လည်း ခွင့်ယူလျှင် တစ်ရက်စာ ဖြတ်သည်။ မနှစ်ကလည်း တစ်ရက်ခွဲ ခွင့်ပိုယူထားသည်ဆိုကာ ပိုက်ဆံ ၃၀၀ ဖြတ်လိုက်သေး၏။
            သည်တော့ သည်လောက်ရင်းနှီးပြီး တပင်တပန်းလုပ်ရတာ၊ သွားပြောပြီးပြန်လာ။ ဟိုဘက်ကလူတွေကလည်း မကောင်းတတ်လို့ လာနားထောင်။ အခန်းထဲကလည်းထွက်၊ အကုန်လုံးမေ့ ဆိုလျှင် ပေးဆပ်ရတာနှင့် မတန်လှဟု ကျွန်တော်ကတော့ သည်အတိုင်းမြင်ပါသည်။
            ခေါ်ပြောလိုက်ကြ။ သွားပြောလိုက်ကြ။ ပြီးရင် မေ့သွားလိုက်ကြနှင့် သည်အတိုင်းဆက်သွားမည်ဆိုလျှင်တော့ သိပ်မဟန်လှသေးဟု ထင်ပါသည်။
ကျွန်တော်မှားလျှင် ပြင်ပေးပါခင်ဗျား။
            သည်တော့ -

(၃)

            မိတ်ဆွေများဆီက တစ်စုံတစ်ခုပြန်ကြားရလိမ့်မည်၊ အကြံကောင်း၊ ဉာဏ်ကောင်းများ ပေါ်ထွက်လာလိမ့်မည်ဟု ယုံကြည်ပါသည်။
            စာရေးဘို့ စိတ်မပါသည့်အတွက် -
            ခုညတော့ စာမရေးဘဲ ရုပ်ရှင်ကြည့်လိုက်ဦးမည်။

     “BABYLON A.D”

            ကျွန်တော် ကိုယ့်စရိတ်နဲ့ကိုယ် မြန်မာပြည်အနှံ့လျှောက်သွား၊ သူများနားထောင်ချင်မှန်း၊ မထောင်ချင်မှန်းမသိ၊ အရမ်းကာရောပြော၊ မိတ်ဆွေတွေဆီက ပိုက်ဆံတွေ အလှူခံ၊ စာအုပ်တွေရိုက်ထုတ် လုပ်နေတာတွေရော၊ ဘယ်လောက် အကျိုးရှိသလဲဆိုတာ ပြန်လည် ဝေဖန်ဆန်းစစ်ရပါဦးမည်။
            ပိုးသာကုန်၊ မောင်ပုံစောင်းမတတ်ဆိုလျှင်တော့ သားနဲ့ဘဲ အေးအေးဆေးဆေး လျှောက်လည်တာ ပိုကောင်းပါ လိမ့်မည်။

ကျေးဇူးတင်ပါသည်။

အေးငြိမ်း
၁၁၊ ၂၊ ၂၀၁၃။ ည ၉း၂၁ နာရီ