Saturday, December 8, 2018

စိတ်ပျက်စရာကောင်းသော အယူအဆတစ်ခု


 (၁)

QA/QC သင်မည့်နေ့က ကျောင်းသို့အသွား မိတ်ဆွေများနှင့် ကော်ဖီဝင်သောက်ကြ၏။ ကျွန်တော့်မိတ်ဆွေက ကော်ဖီဆိုင်တွင် တင်ထားသော စာအုပ်အချို့ယူလာပေး၏။ ကျွန်တော်လည်း စာအုပ်ကို ကောက်လှန်ကြည့်မိ၏။

မြတ်စွာဘုရား။

အခြားစာများမဖတ်ရသေးမီ ပထမဆုံးစာမျက်နှာမှ စာတစ်ပိုဒ်ကို ဖတ်လိုက်ရသည်နှင့်ပင် ကျွန်ုပ်မျက်လုံးများမှာ ၅ စင်တီမီတာခန့် ပြူးကျယ်သွားရလေသတည်း။

အခြားစာများကို ဆက်ဖတ်ကြည့်ရင်း ကျွန်ုပ်မှာ စာများကို ဆက်မဖတ်ရဲတော့လောက်အောင်ပင် ကြောက်လန့်လာမိလေ၏။ သည်စာများကိုသာ လူငယ်များ ဖတ်မိကြလျင်ဖြင့် ဘုရားဘုရား။ (တစ်နှစ်လုံးနေလို့ တစ်ခါမှ ဘုရားကိုသတိမရ။ ယခုမှ သတိရလေသည်ဖြစ်ရာ ဘုရားကိုသတိရအောင် ပြုလုပ်ပေးသော အနှီမောင်မင်းကြီးသားကို ကျေးဇူးတင်ရပေသည်တမုံ့။)

၎င်းစာများကား အဆိပ်ထက်ဆိုးသော စာများတည်း။
အဆိပ်ဟူသည် သောက်သူတစ်ယောက်ကိုသာ သေစေနိုင်၏။ သို့တိုင် သေချင်သူမှလွဲ၍ အားအားလျားလျား မည်သူမှ အဆိပ်ကို ရေငတ်ပြေ သောက်သူဟူ၍ ရှိလိမ့်မည်မဟုတ်။ သို့အတွက် အဆိပ်ကို သိပ်ကြောက်စရာမရှိ။

သို့သော် သည်စာအုပ်ကို အပျင်းပြေ ကောက်ကက်လှန်ရာမှ သည်စာများကို သဘောကျကာ ကျင့်သုံးသွားလျှင်ဖြင့် ကိုယ်ကျိုးကြီး နည်းပေလိမ့်မည်။ နောက်ပြီး စာအုပ်ဆိုတာ တစ်အုပ်ထဲထုတ်တာမဟုတ်။ အနည်းဆုံး အုပ် ၅၀၀၊ ၁၀၀၀ မျှ ထုတ်တာဖြစ်သဖြင့် လူ ၅၀၀၊ ၁၀၀၀ လောက်များဖတ်မိလို့ကတော့ ရင်လေးစရာဖြစ်လေသည်။ သို့သော် ဖတ်သူတိုင်း သူ့အယူအဆကို ကြိုက်လိမ့်မည်လို့တော့ မယူဆပါ။

နောက်ပြီး စာအုပ်တဲ့ခင်ဗျာ။ ကြည့်လိုက်ပါဦး၊ ရေးထားတာတွေကလည်း။ လဖက်ရည်ဆိုင်မှာ ထိုင်ပြောတာတွေကို လိုက်မှတ်ထားသလိုမျိုး ရေးထားတာဖြစ်၏။ သဟာနှင့်တောင် စာအုပ် ၅ အုပ်လား၊ ၆ အုပ်လား ထုတ်ပြီးပြီဆို၏။

(၂)

ဖေ့စ်ဘုတ်ကောင်းမှုဖြင့် သိပ်မကြာသေးမီက ကိုယ်ပိုင်အထက်တန်းကျောင်းတစ်ကျောင်းမှ ကြေငြာချက်တစ်ခုကို ဖတ်လိုက်ရ၏။ ဘာတဲ့၊ ဖြတ်လေးဖြတ် စီမံကိန်းဆိုပါကလား။ 

  
ကျွန်တော်တို့ငယ်စဉ်ကလေးဘဝ ဗကပ (ဗမာပြည်ကွန်မြူနစ်ပါတီ) များကို အပြတ်တိုက်တော့ တော်လှန်ရေးကောင်စီတပ်များက ဖြတ်လေးဖြတ်စနစ်ကို ကျင့်သုံးခဲ့၏။ ရိက္ခာဖြတ်၊ သတင်းဖြတ်၊ လက်နက်ဖြတ် စသည်ဖြစ်ပါလိမ့်မည်။ ကျွန်တော်က ၅ နှစ်သား လောက်ပဲ ရှိသေးတော့ ကောင်းကောင်းမမှတ်မိ။

ထိုကျောင်းစီမံခန့်ခွဲသူက ဤသည်ကိုအားကျကာ ဖြတ်လေးဖြတ်စနစ်ကို ကျင့်သုံးသည်ထင့်။ သေပါပေရော့ မောင်ကျောင်းသားတို့။

ကျွန်ုပ်တို့ရွှေပြည်ကြီး၌ ကျောင်းတက်ရခြင်း၏ ရည်ရွယ်ချက်မှာ နှစ်ခုသာရှိလေသည်။

၁။ ဆရာဝန်ဖြစ်ဘို့
၂။ အင်ဂျင်နီယာဖြစ်ဘို့

ဆရာဝန်နှင့်အင်ဂျင်နီယာဖြစ်ဖို့သာ အရေးကြီးသည်။ တခြား ဘာအရည်အချင်းတွေ၊ ပညာတွေ၊ စာရိတ္တတွေ၊ ပြည်သူ့နီတိတွေ၊ နီတက်တွေ လာပြောမနေနှင့်။ အလကား။ ဘာမှ အသုံးကျတာတွေမဟုတ်။

"အားကစားလား။ မင်းအားကစားလုပ်လို့ ဘယ်လောက်ရမတုံး။ အားကစားဆိုတာ သက်မွေးဝမ်းကျောင်းပညာလားကွ။ ဖွမ်။"
"ပန်းချီ၊ ဟားဟား။ ဘယ်ပန်းချီဆရာသူဋ္ဌေးဖြစ်သတုံးကွာ။ ငါ့ကိုလက်ဆွဲပြစမ်းပါ။"
"ဂီတ။ အောင်မယ်လေးကွာ။ ပိုက်ဆံရှိသီချင်းဆိုလို့ ဖြစ်ပါတယ်ကွ။ ဟို မြို့မေတ္တာခံယူတဲ့သားလေးတောင် သီချင်းဆိုလို့ ဖြစ်သေးတာ။ ငါတို့က ဘာမဖြစ်စရာရှိမတုံး။"
"ဘာ၊ သမိုင်း။ မင်း သမိုင်းအဓိကနဲ့ဘွဲ့ရရင် ဘာအလုပ်ရှာမလဲ။ ငါ့ ပြောစမ်းပါကွာ။ သောက်ကယိုးနဲ၊ သမိုင်းများ ထူးထူးထွေထွေလုပ် သင်နေရတယ်လို့။ စာအုပ်ဆိုင်တွေသွားကြည့်၊ သမိုင်းစာအုပ်တွေမှ မလိုချင့်အဆုံး။"
သည်လိုပြောစကားများ မကြားချင်မှ အဆုံးရှိမည်။
တချို့ဘာသာရပ်တွေဆို တက်မည့်သူတောင်မရှိဟု သတင်းများတွင် ဖတ်ရ၏။

သည်တော့ ကျောင်းတက်ရာ၌ ဆယ်တန်းမှာ အမှတ်အများဆုံးရဘို့လောက် ဘယ်ဟာမှ အရေးမကြီး။ နင့်ဟာနင် ဗမာပြည် ဘယ်သူ သမ္မတဖြစ်ဖြစ်၊ ငါနဲ့ဘာဆိုင်တုံး။ ဆယ်တန်းမှာ အမှတ်ကောင်းမှ ဆရာဝန်ဖြစ်မှာ။

မိဘတွေကလည်း သည်းသည်းလှုပ်၏။ ပုဂ္ဂလိကကျောင်းတွေ၏ အဓိကရည်ရွယ်ချက်မှာလည်း ဆယ်တန်းမှာ ဘာသာစုံ ဂုဏ်ထူး ဘယ်နှစ်ယောက်ပါရမည်။ ဗမာပြည်မှာ အမှတ်အများဆုံးရရေး - ဒို့အရေး တွေ ဖြစ်ကုန်တော့သည်။
အိမ်း၊ သူတို့ကိုလည်း အဆိုးမဆိုသာပြန်။ ခေတ်ကြီးကိုက အဲသလို ဖြစ်နေမင့်ဟာကိုး။

ဒဿနိက၊ စိတ်ပညာ၊ အရှေ့တိုင်း၊ ပထဝီ၊ သမိုင်း၊ ရုက္ခဗေဒ၊ သင်္ချာ၊ ရူပဗေဒ စသည့်ဘာသာရပ်များနှင့်ဘွဲ့ရလာလျှင် ဘာလုပ်စား မည်နည်း။ အလုပ်ရှိသည့်တိုင် လူသိမများ။ မတွင်ကျယ်။ အကန့်အသတ်ရှိသည်။ အဲလေ၊ အလုပ်ခေါ်စာများတွင် ဘွဲ့တစ်ခုခု ရရမည်ဆိုလျှင်တော့ မျှော်လင့်ချက်ရှိပါသည်။
ကိုယ်ပိုင်စီးပွားရေးလုပ်ငန်းလုပ်မည် ဆိုလျှင်တော့ တမျိုးပေ့ါ။
ကိုယ်ပိုင်စီးပွားရေးလုပ်ငန်းတွင် မိမိသင်ယူလေ့လာထားသည့် ပညာများကို ပြန်လည် အသုံးချဘို့ဆိုတာကတော့ သာမန် ကြက်တူရွေးစာကျက်သလိုမျိုးနှင့် မရနိုင်။ တကယ် စိတ်ဝင်တစားလေ့လာလျှင် တစ်နည်းနည်းနှင့် ပြန်လည် အသုံးချနိုင်ပါမည်။

ကျွန်တော်ကတော့ ဆယ်တန်းမှာ အမှတ်မကောင်းလို့ တစ်သက်လုံး လူရာမဝင်တော့ဟု မယူဆပါ။
သူတို့လိုဖြင့် အင်ဂျင်နီယာနှင့်ဆရာဝန်လိုင်းမရသူအားလုံး သုံးစားလို့မရဖြစ်တော့မည်။
သင့်အိမ်နားက လူတွေကို နည်းနည်းလောက် စေ့ငုကြည့်စမ်းပါ။
အင်ဂျင်နီယာ၊ ဆရာဝန်ဦးရေနှင့် အခြားလုပ်ငန်းဖြင့် သက်မွေးဝမ်းကျောင်းလုပ်နေသူဦးရေ ဘယ်သူပိုများသနည်း။
(ငါတို့ ဘာလို့ကျောင်းတက်ကြသလဲ ခေါင်းစဉ်ဖြင့် ကျွန်တော် စာရှည်ကြီးတစ်ပုဒ်ရေးဖူးပါသည်။ မြို့ရွာ လေးငါးဆယ်ခု လောက်တွင်လည်း ဟောပြောပွဲများ ပြုလုပ်ပေးဖူးပါသည်။ စိတ်ဝင်စားသူများ ရှာဖွေဖတ်ကြည့်နိုင်ပါသည်။)

ကိုယ့်ကြိုးစားမှုဖြင့် ဆယ်တန်းမှာ အမှတ်ကောင်းရတာကို ကြိုဆိုပါသည်။
သို့သော် ဖြတ်လေးဖြတ် လုပ်ရလောက်အောင်ထိတော့လည်း မလိုအပ်ဟု ထင်ပါသည်။
(ဤသည်မှာ ကျွန်တော့်အယူအဆမျှသာ ဖြစ်ပြီး ကျွန်တော်သာမှန်ရမည်ဟု မဆိုလိုပါ။)

လူသည်လူသာဖြစ်၏။ စက်ရုပ်မဟုတ်။
အိုးနှင့်ဆန် တန်ရုံသာကောင်းသည်။
နွားကလေးကို စပါးနှစ်ဆယ်ဝန် ဆွဲခိုင်းလျှင် ဝန်ပိသေရုံသာရှိမည်။
ပုံတွင်ပြထားသော မြင်းကလေးကို ကြည့်ပါ။ နောက်မှ နောင်တ မရပါစေနှင့်။



ဆယ်တန်းတွင် အမှတ်ကောင်းရဘို့ အလွန်အရေးကြီးကြောင်း လက်ခံပါသည်။ သို့သော် အတင်းတွန်းလုပ်လို့ ကလေးက ကြောင်သွားတာ၊ ရူးသွားတာ၊ စိတ်ကျရောဂါရသွားတာမျိုးဆိုလျှင်တော့ မိဘတွေ ရင်ကျိုးစရာဖြစ်လိမ့်မည်။

စင်ကာပူတွင်မတော့ များမကြာသေးမီက အသက် ၁၁ နှစ်သာရှိသေးသည့် ကျောင်းသားတစ်ယောက် စာမေးပွဲကျ၍ တိုက်ပေါ်မှ ခုန်ချသေသွားသည့်သတင်းကို ဖတ်လိုက်ရသည်။ စာမေးပွဲကျခြင်းသည် သေလောက်သည့်ကိစ္စတစ်ခုဖြစ်ပါသလား။ ထိုကလေး အဘယ်ကြောင့် တိုက်ပေါ်မှ ခုန်ချရသနည်း။

Ref:
https://www.straitstimes.com/singapore/courts-crime/death-of-boy-11-who-fell-17-floors-after-failing-his-exams-for-the-first-time

စဉ်းစားစရာ ဖြစ်ပါသည်။

ကျွန်တော်ဒေသကောလိပ်ကျောင်းသားဘဝတုံးက နက်ဖြန်ခါ သင်္ချာဖြေမယ်ဆိုတာတောင် သည်ကနေ့ ရုပ်ရှင်သွားကြည့်တာ မှတ်မိပါသေးသည်။ ရုပ်ရှင်ကားနာမည်က Which Is Sronger Karate or Tiger. ဖြစ်၏။

သည်စာအုပ်ထဲက စာတွေကို မေးတာသာဖြစ်၍ နှစ်စမှ နှစ်ဆုံးတိုင် ကျေကျေညက်ညက် လုပ်သွားလျှင် ဘာမှ စခန်းသွင်းတာတွေ၊ စခန်းသွက်တာတွေ လုပ်နေစရာမလို။ ဖြတ်လေးဖြတ်တွေ၊ ဖြတ်ရှစ်ဖြတ်တွေ လုပ်နေစရာမလို။ ပုံမှန်အိပ်၊ ပုံမှန်စား၊ ပုံမှန်ကစား၊ ပုံမှန်ရုပ်ရှင်ကြည့်၊ ပုံမှန်သီချင်းဆိုနေရင်း စာမေးပွဲကို သက်တောင့်သက်သာ ကျော်လွှားနိုင်ပါသည်။

အသည်းအသန် သေကောင်ပေါင်းလဲလုပ်ခြင်းအားဖြင့် မိမိရည်မှန်းချက်သို့ မရောက်နိုင်ကြောင်း ခင်ဗျားတို့၊ ကျွန်ုပ်တို့ ကိုးကွယ်နေသည့် မြတ်စွာဘုရားက ဒုက္ကရစရိယာကို (၆) နှစ်ကျင့်သုံးပြီး သက်သေပြသွားခဲ့လေပြီ။ သဟာနှင့်များတောင်မှ အသင်တို့က အနှီ အတ္ထကိလမထာနုယောဂေါလမ်းစဉ်ကြီး မှန်ပါသည်ဆိုလျှင်ဖြင့် ကျွန်ုပ်အနေနှင့် ပြောစရာမရှိပါ။

အထက်တွင် ဖော်ပြခဲ့သည့်အတိုင်း ဤသည်မှာ ကျွန်ုပ်၏ ကိုယ်ပိုင်အယူအဆသာ ဖြစ်၍ ကြိုက်မှလက်ခံ၊ မကြိုက်လျှင် အားမနာ၊ ပါးမနာ လွှင့်ပစ်လိုက်ပါ။

ကျေးဇူးတင်ပါသည်။

အေးငြိမ်း (အတင်းအဓမ္မဆိုသည့်စကားကို ရွံမုန်းသူ)
၈ ဒီဇင်ဘာ၊ ၂၀၁၈

Thursday, December 6, 2018

ဥပဒေဘောင်တွင်း နေထိုင်ခြင်း၊ ဘေးကင်းရန်ကွာ လွန်ချမ်းသာ


(၁) မင်းဘာကောင်လဲ၊ ငါဘာကောင်လဲ

ကျွန်ုပ်တို့ရွေးချယ်တင်မြှောက်လိုက်သော ပြည်သူ့အစိုးရတက်လာပြီးသည့်နောက်ပိုင်း ထူးခြားပြောင်းလဲမှုများစွာကို မြင်တွေ့ကြရပြီ ဖြစ်ပါသည်။

အထင်ရှားဆုံးဥပမာအနေနှင့် သည်ကနေ့ (5/12/2018) တက်လာသော ဖေ့စ်ဘုတ်ပို့စ်တစ်ခုကို နမူနာပြပါရစေ။

သည်ပို့စ်တွင် ယာဉ်ထိန်းရဲတစ်ယောက်က ကားများကို ရပ် စစ်သည်။ ထိုအခါ ယခင် ဘာကောင်ကြီးဖြစ်ခဲ့သူက ပါဝါပြသည်။ ဘာကောင်ကြီးဖြစ်ခဲ့ပါလျက် ဥပဒေ၊ စည်းမျဉ်းစည်းကမ်းများကိုနားမလည်။ ထိုအခါ တာဝန်ကျရဲအရာရှိကို ယခင်က အရှိန်အဝါများ ထုတ်သုံးလျက် ခြိမ်းခြောက်သည်။ တာဝန်ကျရဲအရာရှိက ကောင်းကောင်းမွန်မွန် ရှင်းပြနေသည့်တိုင် အရှိန်လျော့မသွား။

သနားစရာထိုသတ္တဝါမှာ ဘယ်ချောင်သွား အိပ်ပျော်နေသည်မသိ။ ခေတ်ကြီးပြောင်းသွားပြီဆိုသည်ကို မသိလိုက်။ ယခင်က အတိုင်း ဗျူးဗျဲနှင့် ဖျဲခြောက်လျှင် ရနေသေးသည်ဟု ယခုတိုင် ထင်နေပေသေး၏။ ရဲအရာရှိက အင်း၊ နဂါးမှန်းသိအောင်တော့ နည်းနည်းလောက် အမောက်ထောင်ပြမှ ဖြစ်မယ်ဟု ဆုံးဖြတ်ပြီး တင်းပြလိုက်မှ ပြန်လျှော့သွားလေသည်။

Ref:
https://www.facebook.com/photo.php?fbid=744610275893937&set=a.104663473221957&type=3&theater

သည်ပို့စ်ကိုဖတ်ပြီး ကျွန်တော့်မှာ ထိုရဲအရာရှိလေးကို ပြေးဖက်နမ်းချင်စိတ်ပေါက်သွားမိလေသည်။ အဘယ်ကြောင့်နည်း။

သည်ကဲ့သို့သော လူကြီးများနောက်မှာ ဘာလက်ပတ်၊ ညာလက်ပတ်နှင့် ရှူးတိုက်လျှင် ပြေးကိုက်မည့်သူများ ရှိနေနိုင်သည်။ သည်ကဲ့သို့လုပ်ခြင်းမှာ အလွန်အန္တရာယ်များလှကြောင်း ထိုရဲအရာရှိမသိမဟုတ်။ သိမည်သာဖြစ်၏။ သို့တိုင် မိမိတာဝန်ကို မကြောက်မရွံ့၊ ရဲဝံ့စွာထမ်းဆောင်သွားသည့်စိတ်ဓာတ်ကား ယောအတွင်းဝန်၏ စိတ်ဓာတ်မျိုး ဖြစ်ချေသည်။

ဤတွင် စကားစပ်မိ၍ မိမိအသက်ထက် အမှန်တရားကို ပိုမိုမြတ်နိုးသော ယောအတွင်းဝန်ဦးဖိုးလှိုင်အကြောင်း အနည်းငယ် ပြောခွင့်ပြုပါ။ (ယခင်က တစ်ခါပြောခဲ့ဖူးပါသည်။ သိပြီးသူများ သည်းခံတော်မူကြပါ။)

တစ်ခါက မင်းတုန်းမင်းကြီး မိဖုရားတစ်ဦး၏ မောင်ဖြစ်သူ တောင်ထားဝယ်သေနတ်ဗိုလ် ငတိုးသည် သူ့အစ်မမိဖုရား၏ အရှိန် အဝါကို သုံးလျက် မင်းချင်းများကို စော်ကားမော်ကားပြုလေသည်။ ထိုအကြောင်းကို ယောမင်းကြီးသိသောအခါ ငတိုးကို ထောင်းပြီး ဒဏ်ပေး၏။ (ယခင်က ထောင်းသည်ဟု သုံးသည်။ ကျွန်တော်ထင်သည်မှာ လက်သီးနှင့်ထိုးခြင်း၊ တံတောင်နှင့်ထောင်း ခြင်း၊ နားရင်းအုပ်ခြင်းများကို ဆိုလိုသည် ထင်ပါသည်။)

ထိုအခါ ငတိုးက သူ့အစ်မဖြစ်သူ ရှင်ဘုရင့်မိန်းမကိုတိုင်သည်။ ရှင်ဘုရင့်မိန်းမက ရှင်ဘုရင်ကို မူလကျီ၊ ပူလကျီလုပ်သည်။
"ဟင်၊ ရှင့်ဝန်ကြီးလုပ်တာကောင်းသလား။ ကျုပ်မောင်ကိုများ သူက ထောင်းသလေး၊ ထက်သလေးနဲ့။"
"ဟေ၊ ဟုတ်လား။ အေး အေးပါကွယ်၊ ငါ ကျုပ်ကျက်လိလိုက်ပါမယ်။"

ရှင်ဘုရင်က ယောအတွင်းဝန်ကို ခေါ်သည်။

"ဟဲ့ ငလှိုင်" (ယောအတွင်းဝန်မှာ မင်းတုန်းမင်းကြီးတို့၏ မွေးစားသားဟုပင် ခေါ်လို့ရသည်။ ငယ်စဉ်ကတည်းက ကြည့်ရှုစောင့်ရှောက်လာသူ ဖြစ်၏။ ချစ်လည်း အင်မတန်ချစ်သည် ဟု စာများတွင် ဖတ်ရပါသည်။)
"ဘုရား"
"နင့်အပြစ် နင်သိတယ်နော်"
"သိပါတယ်ဘုရား"
"ကိုင်း ဒါဖြင့် ဆိုစမ်း၊ ဘယ်လိုဖြစ်သတုံး"
"မှန်လှပါ -
အစ်မနှမ၊ သမီးကကို၊ စ၍ဆက်သွင်း၊ လက်ဆောင်နှင်းသည့်၊ စိုးမင်းချစ်မြတ်၊ ထိုအမတ်သည်၊ အတတ်မရှိ၊ သတ္တိကင်းကွာ၊ ဘုန်းကြီးလှာမူ၊ ပြည်ရွာပျက်ကြောင်း၊ တစ်ပါးတည်း . . လို့ လာရှိပါသဘုရာ့။"
(ဘာအတတ်ပညာမှ မရှိသူသည် ရှင်ဘုရင်ကိုနှစ်မ၊ အစ်မ၊ သမီးပေးပေါင်း၍ ဘုန်းကြီးလာပြီဆိုပါက တိုင်းပြည်ပျက်စီးရာ ပျက်စီးကြောင်း အကြောင်းတရားတစ်ခုပင်ဖြစ်သည် ဟု ဆိုလိုပေသည်။)

ကြည့်စမ်းပါဦးခင်ဗျာ၊ သက်ဦးဆံပိုင် ဘုရင်စနစ်ဆိုတာ လူတစ်ယောက်အသက်ကို "သတ်စေ" ဆိုတဲ့ စကားကလေးတစ်လုံးထဲနဲ့ ပုရွက်ဆိတ်ကလေးလို သတ်လို့ရတာ။ ဤသည်ကိုသိလျက်နှင့် ဦးဖိုးလှိုင်က ရှင်ဘုရင်ကို ဤကဲ့သို့လျှောက်တင်ရဲသည့် သတ္တိကိုဖြင့် ကျွန်တော့်မှာ ကြက်သီး မွေးညင်း ထမိပါသည်။
သည်တော့ ရှင်ဘုရင်မှာ အနာပေါ်တုတ်ကျလျက် လက်သုံးတော်လှံကိုဆွဲ၏။

"ဟဲ့ ငလှိုင်၊ ဟောသည်လှံကိုကြည့်စမ်း။ ဒါ ဘယ်သူ့ကို စီရင်ခဲ့တဲ့လှံလဲ။"
"မှန်လှပါ။ အရှင်မင်းကြီးရဲ့ ဖခမည်းတော်က ကျွန်တော်မျိုးကြီး ဖခမည်းတော်ကို စီရင်ခဲ့တဲ့ လှံပါဘုရား။"
"နင်ကော နင့်အဖေလို ဖြစ်ချင်ပြီထင်ပါရဲ့။"

အဲသည်တော့ ယောမင်းကြီး ဘယ်လိုလုပ်တယ်ထင်တုံး ပိတ်သတ်တို့။

ထိုးတော်မူပါဘုရား ဆိုကာ ရင်ကိုကော့ပေးတော်မူသတတ်။

အောင်မယ်လေး၊ မြတ်စွာဘုရား။ ရှင်ဘုရင့်မှာ သက်မကြီးကိုချလျက် ခေါင်းတစ်ခါခါဖြင့် အတွင်းတော်သို့ ဝင်တော်မူလေ သတည်း။

မင်းကြီးနှယ်၊ ရဲလဲရဲပါပေ့ဗျာ . . ဟု အခြားဝန်မင်းကြီးများက ဆိုသော် -

ကျုပ်တို့လိုလူမျိုးတွေရှိလျက်နဲ့ ဒါမျိုးတွေ ဖြစ်ခွင့်ပေးထားရင် ရာဇဝင်ရိုင်းပေတော့မပေါ့ ဝန်မင်းရဲ့ - ဟု ပြောသည်ဆို၏။
ယောမင်းကြီးကား မိမိအသက်ထက် အမှန်တရားကို ပို၍ ချစ်မြတ်နိုးသူဖြစ်၏။
မိမိအသက်သေမှာထက် နာမည်သေမှာကို ပိုကြောက်သူ ဖြစ်သတည်း။

အထက်ပါ ရဲအရာရှိမှာ ထိုကဲ့သို့သောလူစားမျိုး ဖြစ်ပေမည်။ ထိုကဲ့သို့သော ရဲအရာရှိမျိုးကို ကျွန်ုပ်တို့က အားပေးရမည်။ ချီးမြှောက်ရမည်။ ထိုဝန်ထမ်းမျိုး များများပေါ်ထွက်လာအောင် လုပ်ရမည်။

ကျွန်ုပ်က ဤကဲ့သို့ပြောခြင်းမှာ ဟိုဘာကောင်ကြီးဟောင်းကို မုန်း၍မဟုတ်။
ကျွန်ုပ်ကား မဟုတ်တာ၊ မတရားတာကို အလွန်အင်မတန် ရွံမုန်းသူ ဖြစ်ပေသည်။
မဟုတ်တာ၊ မတရားတာကို ကိုယ်တတ်နိုင်သည့်ဘက်မှ တိုက်ထုတ်နေသူများကို သူရဲကောင်းများဟု သတ်မှတ်ထားသူ ဖြစ်၏။
အနှီ ကျွန်ုပ်၏ သူရဲကောင်းများမှာ သူတို့လုပ်စရာရှိတာကို ထုံးစံအတိုင်း လုပ်သွားတာဖြစ်သည့်အတွက် ဘာမှ မထူးဆန်း၊ ဘာမှ ကျေးဇူးတင်စရာမရှိဟု ဆိုက ဆိုနိုင်ပါသည်။
သို့သော် သာမန်ပြည်သူများ Wheeltax မပြ၍ ဖမ်းခြင်းမှာ သာမန်အခြေအနေဖြစ်သည်။
ယခု ၎င်းတို့ဆောင်ရွက်လိုက်သည်မှာ သူတို့အတွက် စွန့်စားခန်းတစ်ရပ်ဖြစ်နိုင်သည်။ ဤသည်ကို မကြောက်မရွံ့ သည်ကဲ့သို့ လုပ်နိုင်ခြင်းအတွက် ချီးကျူးခြင်းဖြစ်၏။

အကယ်၍သာ ကျွန်ုပ်တို့ရွှေပြည်ကြီး၌ ဤရဲအရာရှိမျိုးချည်းဆိုလျှင် -
ဘယ်နှစ်လောင်းပြိုင်လူသတ်မှု ဆိုတာတွေကို ဖော်ထုတ်နိုင်မည်။
ခြံထဲမှာ မူးယစ်ဆေးဝါးတွေကို ကားအစီးလိုက်တွေ့တာတောင်မှ ဘယ်သူပိုင်မှန်းမသိ ဆိုတာတွေ လျှော့ချနိုင်မည်။

သည့်အတွက် ယခင်က ဘာကောင်ကြီးဖြစ်ခဲ့သူများအား ယခင်အရှိန်အဝါနှင့် မမိုက်ကြပါနှင့်တော့။ အမိုက်အမဲလေးတွေမို့ ခွင့်လွှတ်ပါဆိုတာ ၃၇ မင်းကိုပဲ တောင်းပန်လို့ရမည်။ တရားဥပဒေမှာတော့ဖြင့် ပြစ်မှုကျူးလွန်လျှင် ကျူးလွန်သည့်အတိုင်း အရေးယူခံရမည်ဆိုသည်ကို သတိပြုမိကြစေလိုကြောင်း။

(အဲလေ၊ အကုန်လုံးတော့လည်း မဟုတ်ပေဘူးပေါ့ဗျာ။ ဟို ၉၁ ကြိမ်မြောက် ရုံးထုတ်တဲ့အမှုမျိုးတွေလည်း ရှိသေးသကိုး။)

ဤပို့စ်ဖြင့် ဒုရဲအုပ်ဌေးလွင် ကို ဂုဏ်ပြုပါသည်။

(၂) ပညာရှိသတိဖြစ်ခဲ

ပြည်သူ့အစိုးရတက်လာတော့ အချို့ခေါင်းဆောင်ပိုင်းများမှာ စေတနာတွေ ပိုကဲခါ သာသာထိုးထိုးလေး လုပ်တာများကို တွေ့ရပါသည်။ ဤသို့လုပ်ခြင်းကား သူတို့အကျိုးစီးပွားအတွက်မဟုတ်။ သူတို့မိသားစု၊ ဆွေမျိုးသားချင်းများ ကောင်းစားရေး အတွက် မဟုတ်။ တိုင်းပြည်အတွက်၊ ပြည်သူပြည်သားများ ကောင်းစားရေးအတွက် လုပ်ကြခြင်းဖြစ်သည်။
သို့သော် ဤသို့လုပ်ရင်းမှ စေတနာအမှားများ ဖြစ်တတ်သည်။

မည်သည့်အရာကိုလုပ်သည်ဖြစ်စေ၊ ဥပဒေဘောင်အတွင်းမှသာ လုပ်ရသည်။ မည်သူမှ ဥပဒေကို ကျော်လွန် လုပ်ခွင့်မရှိ။ ဥပဒေအထက်တွင် မည်သူမှ မရှိရ ဆိုတာ လူတိုင်းသိသည်။
သို့သော် လုပ်ချင်ဇောတွေများနေသောကြောင့် ဤအရာကို သတိမမူမိဘဲ ဖြစ်နေတတ်သည်။
ဤသည်မှာ ပညာရှိ သတိဖြစ်ခဲ ဖြစ်၏။

အကယ်၍ ၎င်းတို့မှားနေပါက (မည်သည့်ရာထူးအဆင့်ကြီး ဖြစ်နေပါစေ) မှားနေကြောင်း ထောက်ပြသူရှိရမည်။ ထောက်ပြရဲသည့် သတ္တိလည်း ရှိရမည်။ ထောက်ပြလျှင်လည်း ထိုလူကြီးဆိုသူက မိမိအမှားကို လက်ခံရမည်။ ထောက်ပြသူအားလည်း အရေးမယူရ။ အရေးမယူသည့်ပြင် ကျေးဇူးတောင်တင်ရဦးမည်။ အဘယ်ကြောင့်ဆိုသော် အမှားကိုသိမှ အမှန်ပြင်နိုင်မည်။ အမှန်ပြင်မှ တိုးတက်မည်။ အမြဲတိုးတက်နေဘို့ရာမှာ ကိုယ်လုပ်သမျှ ဘာတွေလွဲနေသလဲ၊ ဘာတွေမှားနေသလဲ သိနေဘို့လိုသည်။
ဘယ့်နှာ နေရာတကာ၊ ငါသိ၊ ငါတတ်ချည်း လုပ်လို့ဖြစ်မတုံး။ ဘုရားမှ မဟုတ်တာ။
ကိုယ်မသိတာတွေ အများကြီးရှိနိုင်သည်။ မသိဘူးဆိုလျှင် မသိဘူးဟု ရိုးရိုးသားသား ဝန်ခံကာ သိသူကို ဆရာတင်ရမည်။

အချို့ဌာနများတွင် ဝန်ထမ်းများသည် တရားဥပဒေက သတ်မှတ်ထားသော အလုပ်ချိန်ထက် ပိုလုပ်နေကြရသည်။ ထိုကဲ့သို့ ပိုလုပ်ရသည့်အတွက် အချိန်ပိုကြေးမရ။ ဤသည်မှာ ဥပဒေဘောင်အပြင်ရောက်နေသည်။

ခွင့်ရက်နှင့် အလုပ်ပိတ်ရက်ဥပဒေအရ အလုပ်သမားတစ်ဦး၏ သာမန်အလုပ်ချိန်မှာ တစ်နေ့လျှင် ၈ နာရီ။ တစ်ပတ်လျှင် ၄၄ နာရီ ဖြစ်၏။ ထိုအလုပ်ချိန်ထက်ပိုလျှင် ဥပဒေက သတ်မှတ်ထားသည့်အတိုင်း အချိန်ပိုကြေးပေးရမည်။ ထို့ပြင် အလုပ်လုပ်သူ တစ်ယောက် ရသင့်ရထိုက်သည့် ရှောင်တစ်ခင်ခွင့်၊ လုပ်သက်ခွင့်၊ ဆေးခွင့် စသည်များလည်း ရှိသည်ဖြစ်ရာ ဝန်ထမ်းများသည် တရားဥပဒေက ခံစားခွင့်ပေးထားသည့် ထိုခွင့်များကို လစာမပျက် ခံစားခွင့်ရှိ၏။
အချိန်ပိုသာလုပ်ရပြီး အချိန်ပိုကြေးမပေး ဆိုပါက ဥပဒေဘောင်အပြင်ဘက် ရောက်နေသည်။ အလုပ်များလွန်း၍ နှစ်စဉ် ခံစားခွင့် ရှိသော ခွင့်များကိုလည်း ခံစားခွင့်မရဆိုပါက ဝန်ထမ်းများအတွက် နစ်နာသည်။ ဤသည်ကို လူကြီးအနေနှင့် သတိထားသင့်သည်။

အဘယ်ကြောင့် အလုပ်ချိန်နှင့် အချိန်ပိုများသတ်မှတ်ထားရသနည်း ဟူမူ လူတိုင်းတွင် ဆိုင်ရာဆိုင်ရာ မိသားစုရှိသည်။ အဲလေ၊ အပျိုကြီး၊ လူပျိုကြီးများကတော့ ရုံးမှာညအိပ်ရလည်း ဘာကိစ္စရှိမတုံး။ သို့ပေသိ ဤသည်မှာ ချွင်းချက်မျှဖြစ်၍ များသောအားဖြင့် သူသူကိုယ်ကိုယ် အိမ်ထောင်နှင့်၊ ကလေးနှင့် မြေးကင်းနှင့်ချည်း ဖြစ်၏။ လူကြီးလုပ်သူသည် ဤသည်ကိုလည်း ထည့်တွက်ရပါ မည်။ ကိုယ်လုပ်နိုင်သည့်တိုင် ကိုယ့်လက်အောက်က ဝန်ထမ်းတွေ လုပ်ချင်မှ လုပ်နိုင်ပေမည်။

နောက်ပြီး သည်လိုလုပ်နေရတာ တစ်နေ့မဟုတ်။ တစ်ရက်မဟုတ်။ လနှင့်ချီ၊ နှစ်နှင့်ချီလုပ်ရတာဆိုတော့ ကြာလျှင် လုပ်ရသူတွေ စိတ်ပျက်သွားနိုင်သည်။ ကိုယ့်လူကြီးမို့ ဘာမှ မပြောသာလို့ မပြောပေမင့် (မပြောရပေမင့်၊ မပြောနိုင်ပေမင့်) အလုပ်လုပ်ရတာ မပျော်တော့။

အလုပ်ဆိုတာ လုပ်ရတာ ပျော်နေမှ ခရီးရောက်သည်။ ကိုယ့်အလုပ်ကိုကိုယ် စိတ်ဝင်စားမည်။ လုပ်ချင်စိတ်ရှိမည်။ သို့မဟုတ်ပဲ အလုပ်က ကိုယ့်ကိုဖိစီးနေကာ အလုပ်သွားရမှာကို ကြောက်နေပြီဆိုလျှင်ဖြင့် ထိုလုပ်ငန်းခွင်သည် ပျော်စရာကောင်းသည့် လုပ်ငန်းခွင်တစ်ခု မဟုတ်တော့တာ သေချာပါသည်။ သို့ဆိုလျှင် လုပ်ငန်းတွေ ပြီးစီးသင့်သလောက် မပြီးစီးတာတွေ၊ အမှားမှား အယွင်းယွင်းတွေ ဖြစ်လာမည်။ အမှားတွေကို ပြန်ပြင်နေရသည့်အတွက် အချိန်ကုန်လူပန်း၊ အလုပ်ပျက်စရိတ်တက်တာတွေ ဖြစ်လာမည်။ အထက်အောက် ဆက်ဆံရေးကို ထိခိုက်လာနိုင်သည်။ တစ်ယောက်နှင့်တစ်ယောက် အမြင်မကြည်လင်တာတွေ ဖြစ်လာနိုင်သည်။

ထိုလူကြီးမှာ ထိုဝန်ထမ်းများကို ၎င်း၏ အကျိုးစီးပွားအတွက် ခိုင်းထားခြင်းမဟုတ်။ ၎င်းတို့လုပ်သမျှအားလုံး နိုင်ငံ့အတွက်ချည်း ဖြစ်သည်။ သို့သော် နိုင်ငံ့အတွက်ဆိုပေမင့် ဝန်ထမ်းအခွင့်အရေးဆိုတာကိုလည်း မေ့ထားလို့မရ။  

Slow and steady win the race. (ဖြည်းဖြည်းနဲ့မှန်မှန် အောင်ပွဲခံ) ဆိုသော အင်္ဂလိပ်စကားပုံ။ ရောမမြို့ကို တစ်နေ့တည်းနှင့် မတည်နိုင် ဆိုသည့်စကားများ ရှိပါသည်။

သည်ကိစ္စမှာ ရေရှည်လုပ်ရမှာဖြစ်သည့်အတွက် ကျွန်တော်ကတော့ မှန်မှန်သာ လုပ်စေချင်ပါသည်။ တစ်ရက်ကို အလုပ်ချိန် ၁၀ နာရီထက် ပိုမခိုင်းစေချင်ပါ။ နောက်ပြီး ပိုလုပ်သည့် ၂ နာရီအတွက် အချိန်ပိုကြေးပေးရပါမည်။ ဤသည်မှာ မတရားတောင်းတာ မဟုတ်။ ဥပဒေအရ ရသင့်ရထိုက်တာကို တောင်းခြင်းသာ ဖြစ်ပါသည်။ အကယ်၍ အခြေအနေအရ အချိန်ပိုကြေးမပေးနိုင် ဆိုလျှင်တောင် ခံစားခွင့် တစ်စုံတစ်ရာ ဖန်တီးပေးသင့်ပါသည်။ သို့မှ လုပ်ရသူများလည်း ပျော်ပျော်ရွှင်ရွှင် လုပ်နိုင်ပါမည်။
(ဤနေရာတွင်ပြောသည့် ခံစားခွင့်ဆိုသည်မှာ လာဘ်စားဘို့ ဂွင်ဖန်ပေးခြင်းကို မဆိုလိုကြောင်း မိတ်ဆွေတို့ သိပါသည်။)

နောက်ပြီး ရှိသေးသည်။ ဘာလူကြီးလမ်းကြောင်းရှိလို့ ဆိုကာ ဝန်ထမ်းတွေကို မလာမနေရ၊ ပိတ်ရက်တွေမှာ လာခိုင်းတာ။ အလုပ်ချိန်ပြင်ပမှာ ခေါ်ခိုင်းတာ မတရားပါ။ ဥပဒေကို လေးစားလိုက်နာရမည့်သူများ ကိုယ်တိုင်က ဥပဒေကို မချိုးဖောက်သင့်ပါ။ လုပ်သမျှအရာအားလုံး ဥပဒေနှင့်အညီအရသာ ဖြစ်သင့်ပါသည်။ မည်သည့်အကျိုးခံစားခွင့်မှမပေးဘဲ ထိုကဲ့သို့ ဝန်ထမ်းများကို ခေါ်ခိုင်းခြင်းသည် လုပ်ပိုင်ခွင့်ကို အလွဲသုံးစားရာ (တစ်နည်းအားဖြင့် ဥပဒေကို ချိုးဖောက်ရာ) ရောက်ပါသည်။

တိုင်းပြည်တည်ဆောက်ဆဲကာလမို့ အနစ်နာခံလုပ်ကြရမယ် ဆိုလျှင် အနစ်နာခံရမည့်သူများမှာ လက်တစ်ဆုပ်စာ လူများသာ မဖြစ်သင့်။ အများစုလုပ်၍ သူတို့လည်းလုပ်ရပါသည်ဆိုလျှင် လက်ခံနိုင်စရာရှိပါသည်။ အများစုက ဟေးလားဝါးလား၊ ကင်မွန်းကြိုင်နေပြီး သည်လူတစ်စုတည်းက အသည်းအသန် မနိုင်ဝန်ထမ်းနေရသည် ဆိုလျှင်ဖြင့် တစ်ခုခု မှားနေပြီ ဟု ထင်ပါသည်။

ဤသည်မှာ လက်တွေ့ခံစားနေရသည့် ဝန်ထမ်းများဘက်က ကြည့်ပြီးရေးခြင်းသာ ဖြစ်ပြီး ကျွန်တော်ရေးသမျှအားလုံး မှန်ရမည်ဟု မဆိုလိုပါ။ သည်လိုတော့ ဖြစ်သင့်တယ်၊ ဒီလိုတော့ မဖြစ်သင့်ဘူးဟု မရဲတရဲ အကြံပေးခြင်းမျှသာ ဖြစ်၏။
အမှန်တကယ်မှာ လူကြီးက ဖြစ်ပျက်နေသည်တို့ကို ပြန်ပြီး ဆန်းစစ်၊ သုံးသပ် (evaluation) ဘို့ ဖြစ်ပါသည်။

(၃) ဥပဒေဘောင်တွင်း နေထိုင်ခြင်း

မနှစ်က အဖြစ်အပျက်တစ်ခု ကြုံရပါသေးသည်။

အလုပ်သမားများ၏ အနည်းဆုံးလုပ်ခ သတ်မှတ်ရေးနှင့် ပတ်သက်၍ ဖြစ်၏။ ဤတွင်လည်း လူကြီးလုပ်သူက ပြဋ္ဌာန်းထားသည့် ဥပဒေကို မိမိသဘောနှင့်မိမိပြင်ကာ ကိုင်း၊ ခင်ဗျားတို့ကလည်း ဒီလိုမလုပ်နဲ့၊ မင်းတို့ကလည်း ဒီလိုလုပ်ပေး စသဖြင့် ညှိပေးပါသည်။ ပြောသည့်လူကြီးနှင့် ၎င်းပြောသည့်စကားများကို ကျွန်တော်အတိအကျ ရေးပြလို့မရပါ။ အဘယ်ကြောင့်ဆိုသော် သူပြောတာကို အသံဖမ်းထားတာ မရှိ၍ ဖြစ်ပါသည်။ ရှိတယ်ဆိုလျှင်တောင် ပြောလို့မဖြစ်ပါ။ သည်ကိစ္စနှင့်ဆက်နွယ်သောကိစ္စတစ်ခုနှင့် ကျွန်တော့်ကို ဝိုင်းဝန်းတိုက်ခိုက်တာ အတော်လေး ခံလိုက်ရဖူးပါသည်။ ကျွန်တော် မည်သူနှင့်မှ ပြဿနာ မဖြစ်ချင်ပါ။ စင်ကာပူက တကူးတကပြန်လာပြီးတော့လည်း ရုံးချိန်းလာမတက်ချင်ပါ။

နောက်ပြီး ထိုလူကြီးမှာ ဂေါ်ဇီလာလောက်ကြီးရှိပြီး ကျွန်တော့်မှာ လမ်းဘေးမှ ပုရွက်ဆိတ်လောက်သာရှိသဖြင့် ကျွန်တော် ပြောလည်း ဘာမှထူးကိန်းမမြင်သဖြင့် ကျွန်တော် ဘာမှ မပြောခဲ့ပါ။

လူကြီးလုပ်သူသည် လက်အောက်ငယ်သားများအတွက် စံပြဖြစ်နေဘို့လိုပါသည်။ အဆဲမှာစံပြ၊ ပေါက်တတ်ကရလုပ်တာမှာ စံပြ ဖြစ်နေဘို့ ပြောတာမဟုတ်။ အပြုအမူ၊ အနေအထိုင်ကစ၊ အပြောအဆို၊ စည်းကမ်းလိုက်နာမှုအဆုံး စံပြဖြစ်နေတာကို ပြောတာ ဖြစ်ပါသည်။

အဲလေ၊ အဲသလို လူကြီးလုပ်တဲ့သူဟာ လက်အောက်ငယ်သားတွေရဲ့ စံပြဖြစ်နေရမယ် ပြောမိလို့ ၂၀၁၁ ခုနှစ်ကလုပ်ခဲ့တဲ့ City Hub Project (@ Kallang Ave) မှာ အတော်လေး အတိုက်အခိုက် ခံလိုက်ရပါသေးသည်။ သည်အကြောင်း ကျွန်တော် တစ်ခါက ရေးဖူးပါသည်။ ဤသည်မှစကာ နောက်ပိုင်း အမြင်မတော်တာတွေ တွေ့နေတောင် မသိလိုက် မသိဘာသာ နေတတ်အောင် ကြိုးစားရပါသည်။ အနို့ အမြင်မတော်တာတွေ့တိုင်းလည်း ပြောလို့မကောင်း။ ပြောလျှင် ကိုယ့်အလွန်သာဖြစ်မည် မဟုတ်ပါလား။

အမှန်ဆို ကျွန်တော်တို့ဆီကလူကြီးတွေ ဥပဒေဘောင်ကိုကျော်ပြီး လုပ်နေတာ အတော်များပါသည်။ သို့တိုင် ဥပဒေဆိုတာ ချိုနဲ့လားဟု မေးရမည့် ကျွန်ုပ်တို့ရွှေပြည်ကြီးတွင် ကိုယ်တစ်ယောက်တည်း ဥပဒေ၊ ဥပဒေ ဆိုပြီး အော်နေပြန်ရင်လည်း ခေါင်းနှင့်ကိုယ် အိုးစားကွဲမှာ စိုးရသေးသည်။ ကျွန်တော့်အစ်မကြီးကဆို မကြာမကြာ သတိပေး၏။ နင် တွေ့ရာတွေ လျှောက်မရေး နဲ့နော။ ဒီခေတ်ကြီးမှာ ဘာမှန်းမသိဘဲ သေသွားတဲ့မသာတွေ မနည်းဘူး ဆိုတော့ ကျွန်တော်လည်း ကျောချမ်းလှသည်နှင့် ကျွန်ုပ်နှင့်ကော်ဖီအကြောင်း၊ အီအီးပါခြင်းအနုပညာစသည်ဖြင့် မည်သူနှင့်မှ မသက်ဆိုင်တာများကိုသာ ဖိရေးရချေသည်။ ဒါတောင် တစ်ခါတလေ ပုဂ္ဂိုလ်ရေးဆိုင်ရာတွေ ပါ ပါသွားသေးလို့ ဟဲ့၊ ဘာဖြစ်လို့ အဲဒါတွေ ထည့်ရေးတာလဲ စသဖြင့် ရန်ကုန်ကနေ လှမ်းလှမ်း ဆင်ဆာဖြတ်ပေးရသေး၏။ ထူးဆန်းပါပေ့ ဆတွတ်ရယ်။

(၄) ဘေးကင်းရန်ကွာ လွန်ချမ်းသာ

အမှန်ဆို လူ့ဘောင်လောကကြီး၌ အစိုးရဆိုတာတွေ၊ ဥပဒေဆိုတာတွေ လိုကိုမလိုအပ်ပါ။ သို့ဆိုလျှင် အဘယ်ကြောင့် သည် အစိုးရ ဆိုတာတွေ၊ ဥပဒေဆိုတာတွေ ရှိလာရသနည်း။
လူတွေ၏ လောဘ၊ ဒေါသ၊ မောဟတွေကြောင့် ဖြစ်သည်။
သည်ဒွန္နယာကြီးမှာ ကိုနေမျိုးမောင်တို့လို လူမျိုးတွေချည်းဆို ရှေ့နေတွေ၊ တရားသူကြီးတွေ ထမင်းငတ်သေရကိန်းရှိသည်။
ရဲစခန်းတွေ အကုန်ပိတ်ပစ်ရလိမ့်မည်။
ထောင်တွေအစား ဘိုးဘွားရိပ်သာတွေ အများပြည်သူနားနေရာ ဇရပ်တွေ ဆောက်လို့ရသည်။
ယခုတော့ အသင်တို့ဘုတလင် (ဟုတ်ပေါင်) ပုထုဇဉ်လူသားတွေ၏ (အောင်မယ်၊ သူကတော့ အရိယာကျနေတာပဲ) လောဘ၊ ဒေါသ၊ မောဟတွေကြောင့် တရားသူကြီးတွေ၊ ရှေ့နေတွေ၊ ရဲတွေ၊ ၃၀၀၀ စား၊ ၅၀၀၀ စားတွေ (အဲလေ၊ ရောကုန်ပြီ။ ဆောရီး၊ ဆောရီး) အလုပ်ရကုန်သည်။

ဘာပဲဖြစ်ဖြစ်၊ ဘာပဲလုပ်လုပ်၊ ဥပဒေဘောင်အတွင်းမှာ နေထိုင်ကြပါ။
သွားလေသူကြီးတို့ ထားသွားသည့် ဆောင်ပုဒ်ကလေး သွားသတိရမိသည်။
ဘာတဲ့ -
"ဥပဒေဘောင်တွင်း နေထိုင်ခြင်း၊ ဘေးကင်းရန်ကွာ လွန်ချမ်းသာ"
အောင်မယ်။ အဟုတ်ခင်ဗျ။
သည်တော့ ဥပဒေဘောင်အတွင်းမှာ နေထိုင်ကြပါ။ ဘေးလည်းကင်းမည်၊ ရန်လည်းကွာမည်။ ချမ်းချမ်းသာသာနေရမည်။

ဥပဒေဆိုတာ အတည်ပြုပြီးပြီဆို ကြိုက်သည့်ဖြစ်စေ၊ မကြိုက်သည်ဖြစ်စေ၊ လေးစားလိုက်နာဘို့ နိုင်ငံသားတိုင်းမှာ တာဝန်ရှိသည်။ အကယ်၍ မတရားသောဥပဒေဖြစ်အံ့။ ထိုဥပဒေကို တရားသောဥပဒေဖြစ်အောင် ပြင်ရမည်။

သဟာ ကျွန်ုပ်ပြောတာမဟုတ်။ ဆိုကရေးတီးပြောတာဖြစ်သည်။
စံနမူနာပြအဖြစ် သူ့ကို မတရားအပြစ်ပေးခံရတာတောင် ထွက်ပြေးဘို့မကြိုးစားဘဲ အဆိပ်ခွက်ကို ကိုကာကိုလာအမှတ်ဖြင့် သောက်ပြသွားခဲ့သည်။
ကျွန်ုပ်တို့လည်း ဆိုကရေးတီး၏လမ်းစဉ်ကို လိုက်ကြရမည်။

ငါ ဘာကောင်ကွ ဟု အသားလွတ် မရမ်းချင်ကြပါနှင့်။
ဟို ရဲအုပ်လိုလူမျိုးနှင့်မတွေ့တောင် ဘုရားရိုက်တာခံရလိမ့်မည်။
ဥပဒေဘောင်တွင်း နေထိုင်ကြပါစို့။

ကျေးဇူးတင်ပါသည်။

အေးငြိမ်း
၆ ဒီဇင်ဘာ၊ ၂၀၁၈

Saturday, September 15, 2018

ဗာလနံ - လူမိုက်တို့သည်


(၁)

ရှင်မဟာမောဂ္ဂလာန်အလောင်းနှင့် ရှင်သာရိပုတ္တရာအလောင်းတို့သည် မြတ်စွာဘုရားနှင့်တွေ့ပြီး တရားစစ် တရားမှန်ကို ရှာဖွေတွေ့ရှိကြပြီးသကာလ တရားရှာရင်း သူတို့ဆရာဖြစ်ခဲ့ဖူးသည့် သိစ္စည်းဆရာကြီးဆီသွားကာ မြတ်စွာဘုရားထံ တပည့်ခံ၍ တရားစစ်တရားမှန်ကို အားထုတ်ဘို့ တိုက်တွန်းလေ၏။

ထိုအခါ သိစ္စည်းဆရာကြီးက လူအများ၏ ဆရာကြီးတစ်ဆူအဖြစ်မှ ဂေါတမဗုဒ္ဓ၏ တပည့်အဖြစ် မခံလိုတော့ကြောင်း။
ဟဲ့ - လောကဝယ် လူမိုက်နဲ့ လူလိမ္မာ ဘယ်သင်းပိုများသတုံး။
လူမိုက်တွေ ပိုများပါသဖုရာ့။
အေးအေး - မင်းတို့လိုလူလိမ္မာတွေ ဂေါတမဆီသွားကြ၊ လူမိုက်တွေ ငါ့ဆီ ကျန်ခဲ့လိမ့်မယ် - ဟု ဆိုသတတ်။

အနှီဆရာကြီးကား မိမိလမ်းစဉ်မှားနေကြောင်း သိသည်။ သို့သော် မိမိ၏ အတ္တနှင့် မာနကိုမခွာနိုင်သည့်အတွက် ဂေါတမဗုဒ္ဓ၏ တပည့်အဖြစ်မခံနိုင်၍ တရားစစ်၊ တရားမှန်ကို ရမသွားခဲ့ရှာ။

ဤလောကတွင် ထိုသိစ္စည်းဆရာကြီးကဲ့သို့ လူများ အများအပြားပင် ရှိလေ၏။

(၂)

ယနေ့ ကျွန်ုပ် အစိုးရအရာရှိကြီးတစ်ဦးနှင့် တွေ့ဆုံပွဲသို့ တက်ခွင့်ရခဲ့သည်။ စီစဉ်ပေးသူများကို ကျေးဇူးတင်ပါ၏။
သူပြောပြသဖြင့် သူတို့လုပ်ကိုင်နေသည်များနှင့် သူတို့ရင်ဆိုင်ကြုံတွေ့နေကြရသည်များကို သိခွင့်ရခဲ့ပါသည်။ ထိုအထဲမှ မသိသင့်၊ မသိထိုက်သည်များကို ချန်လှပ်လျက် သိသင့်သမျှ ပြန်လည် ဖောက်သည်ချချင်ပါသည်။

ကျွန်ုပ်တို့၏ လက်သန်းများ တန်ခိုးဖြင့် NLD အစိုးရတက်လာခဲ့သည်မှာ ၂ နှစ်ကျော်ခဲ့ပြီ။ NLD အစိုးရသည် ချေးထုပ်ကြီးကို လက်ဝယ်ပိုက်မိပြီးသား ဖြစ်လိမ့်မည်ကို ကြိုတင်မျှော်လင့်ထားခဲ့ကြ၏။ သို့တိုင် အခြေအနေမှာ သူတို့မျှော်လင့်ထားသည်ထက် အများကြီး ပိုဆိုးနေလေသည်။

အထူးသဖြင့်ကား လူများဖြစ်၏။ လူဟူ၍ ဖြစ်လာကတည်းကိုက ဥပါဒါန်ကြောင့် ဖြစ်လာခြင်း မဟုတ်လော။ သို့မို့ကြောင့် နှစ်ပေါင်းများစွာ အသားကျလာခဲ့သည့် စနစ်ဆိုးကြီးအောက်တွင် ကျင်လည်ကြီးပြင်းခဲ့ရသည့် ထိုသူများသည် ထိုစနစ်ဆိုးကြီးကို အတင်းဖက်တွယ်ထားကြလေသည်။ ထိုစနစ်ဆိုးကြီး မကောင်းမှန်းသိလျက်နှင့် မပြုပြင်လို၊ မပြောင်းလဲလိုကြ။

အဘယ်ကြောင့်နည်း။
ထိုစနစ်ဆိုးကြီးကိုမှီကာ အကျိုးအမြတ်ထုတ်၍ ရနေသောကြောင့် ဖြစ်သတည်း။
ကျွန်ုပ်တို့မြန်မာပြည်ကြီးတွင် ရုံးပြင်ကန္နားနှင့်ပတ်သက်သည့် ကိစ္စမှန်သမျှ ဘယ်ကိစ္စမှ လွယ်သည်မရှိ။ ယုတ်စွအဆုံး ထောက်ခံစာကလေးတစ်စောင်ရဘို့တောင် အလွန်ခက်ခဲလေသည်။
အဘယ်ကြောင့်ခက်ရသနည်း။ ခက်မှ လုပ်စားလို့ရမည်မဟုတ်လော။
လုပ်ရမလွယ်လျှင် လူများသည် အလွယ်နှင့်ရမည့်လမ်းကို လိုက်ကြလိမ့်မည်။ ဤကြောင့်ပင်လျှင် လုပ်ပိုင်ခွင့်ရှိသောလူများ အတွက် အင်မတန် သွားရေယိုစရာကောင်းသည့် ခွင် ဆိုတာကြီး ဖြစ်လာလေသည်။

သည့်အတွက် သည် ခွင်နှင့်လုပ်စားနေသူ လူအပေါင်းတို့မှာ သည်ခွင်ကြီးပျောက်သွားမှာကို ငယ်ထိပ် မိုးကြိုးပစ်မှာထက် ကြောက်သေးသည်။ သည်ခွင်ကြီးပိတ်သွားလျှင် ငတ်ပြီ။

ဘယ်အချိန်တွင် သည်ခွင်ကြီး ပိတ်မည်နည်း။
ရုံးပြင်ကန္နားကိစ္စ၌ လူတွေ အလွယ်တကူ လုပ်လို့ရသွားလျှင် ခွင် ပိတ်တော့မည်။
ထို့အတွက် လူတွေ ရုံးပြင်ကန္နားကိစ္စ၌ အလွယ်တကူ လုပ်လို့ရသွားမည့်အရေးကို ထိုသူများသည် သေမလောက် ကြောက်ကြလေ၏။

ပြောင်းလဲချိန်တန်ပြီဟူသော ကြွေးကြော်သံနှင့် တက်လာသည့် NLD အစိုးရအဖို့ စနစ်ဆိုးကြီးကို ပြောင်းလဲပစ်ရန်ကြိုးစားရာ၌ အစိုးရယန္တရားကြီးကို တကယ်လည်ပတ်ပေးနေသည့် အနှီသကောင့်သား၊ စနစ်ဆိုးကိုဖက်တွယ်ထားလိုသူများမှာ အဓိက အနှောင့်အယှက်၊ အဟန့်အတား၊ အခက်အခဲကြီးတစ်ရပ် ဖြစ်သတည်း။

၎င်းတို့သည် စနစ်ဟောင်းကြီး မကောင်းမှန်းသိသည်။ ထိုစနစ်ကြီးတွင် ဘာအချက်အလက်မှ မရှိ။ ဘာအကိုးအကား အထောက်အထားမှမရှိ။ ရှိသမျှ အချက်အလက်များသည်လည်း ပါးစပ်ထဲကထွက်ထားသည့်၊ ဘာအထောက်အထားမှ မရှိသော အချက်အလက်များသာ ဖြစ်လေသည်။ ဤသို့အချက်အလက် အမှန်အကန်များမရှိခြင်းပင်လျှင် ၎င်းတို့အတွက် ခွင် တစ်ခု၊ ခွင် အကြီးကြီးတစ်ခု၊ ဧရာမခွင်ကြီးတစ်ခု၊ သောက်ကျိုးနည်းကြီးသည့် ခွင်ကြီးတစ်ခု ဖြစ်လေသည်။ ဘာအချက်အလက် အထောက်အထားမှ မရှိတော့ လုပ်ချင်သလို လုပ်လို့ရသည်။ ပြောချင်သလို ပြောလို့ရသည်။ သူတို့ပြောတာတွေ မှန်မှန်းလည်း မသိ။ မှားမှန်းလည်း မသိ။

ယခု တက်လာသူများက ထို ဘာအချက်အလက်မှ မရှိသော၊ ပြောချင်သလိုပြော၊ လုပ်ချင်သလိုလုပ်နေသည့် စနစ်ကြီးကို ပြင်ဘို့ ကြိုးစားသည်။ ထိုအခါ ထို ခက်နေသည့်စနစ်ကို လွယ်အောင်ပြင်လိုသော ပြည်သူ့ဘက်တော်သားများသည် စနစ်ဆိုးကြီးကို အသည်းအသန်ဖက်တွယ်ထားလိုသူကြီးများ၏ မဟာရန်သူတော်ကြီးများ ဖြစ်လာလေသည်။

ထိုကဲ့သို့ ပြောင်းလဲဘို့ ကြိုးစားမှုများကို အသည်းအသန် ကန့်လန့်တိုက်ကြသည်။ ပြဿနာရှာကြသည်။ အပြောင်းအလဲ ရှေ့မတိုးရလေအောင် နည်းမျိုးစုံနှင့် ဒုက္ခပေးကြသည်။ တည့်တည့်တမျိုး၊ စောင်း၍တစ်မျိုး ငါနှင့်လူနှင့် ဆဲကြသည်။

လူထု မသိနားမလည်မှုနှင့် ၎င်းတို့၏ လုပ်ပိုင်ခွင့်များကိုပေါင်းကာ စားသောက်သွားကြသည်များမှာ ခင်ဗျားတို့ ကျွန်တော်တို့ ထင်ထားတာထက် အဆပေါင်းများစွာ များပေမည်။ ၎င်းတို့မှလွဲ၍ မည်သူမှမသိနိုင်။

(၃)

ဤသည်မှာ ကျွန်ုပ်က -
ဘာပြောင်းသလဲ ဟု နှာခေါင်းရှုံ့နေသူများသိစေရန် အရိပ်အမြွက်မှ ရေးလိုက်ခြင်းဖြစ်ပါ၏။
NLD အစိုးရမှ လူသစ်များသည်လည်း ယခု သက်တမ်း၌ အတွေ့အကြုံတော်တော် ရကုန်ကြပြီ။ နောင်သက်တမ်းတွင် သည့်ထက် ပိုလုပ်နိုင်လိမ့်မည်ဟု မျှော်လင့်ပါသည်။

မိတ်ဆွေတို့ ဘာမှ အတွေးမလွဲပါနှင့်။
နောင်လာမည့် ရွေးကောက်ပွဲ၌လည်း ကျွန်ုပ်တို့သည် NLD ကိုသာ ပုံအော မဲပေးရလိမ့်မည်။
သူခိုးများကိုတော့ ဘယ်နည်းနှင့်မှ အားမပေးပါလေနှင့်။ ကုန်ကုန်ပြောရလျှင် ခြံစည်းရိုးနားကိုပင် အကပ်မခံပါလေနှင့်။


ကျမက သူတို့အတွက် အီးမေးဖွင့်ပေးထားတာတောင် တစ်ယောက်မှ ဖွင့်ဖတ်ဖော်မရကြဘူး ဟု ကြားရသည့်အခါ -
ကျွန်ုပ်က စည်းဝေးခန်းစားပွဲရှည်ကြီးပေါ်မှ တစ်နေရာလျှင် တစ်လုံးကျ ဆင်ပေးထားသည့် ကွန်ပြူတာကြီးများကို ပြေးမြင်မိကာ -
အင်း - အဲဒါကြီးတွေက ဘာလုပ်ဖို့များ ဆင်ထားပါလိမ့် - ဟု

စဉ်းစားတွေးတောနေမိပါသတည်း။

ကျေးဇူးတင်ပါသည်။

အေးငြိမ်း
၁၄ စက်တင်ဘာလ၊ ၂၀၁၈။ ည ၁၁း၄၃ နာရီ