Saturday, July 28, 2012

မြန်မာ ပြက္ခဒိန် တွက်နည်း (၉)


မြန်မာလများဖော်ပြရာတွင် ပိုမိုပြည့်စုံစေရန် လအလိုက်ပွင့်သောပန်းများနှင့် ပွဲတော်လများကိုပါ ဖြည့်စွက်ဖော်ပြ လိုက်ပါသည်။


မြန်မာလအမည်
ပန်း
ပွဲတော်များ
တန်ခူး
ကံ့ကော်
အတာသင်္ကြန်
ပိတောက်
ရင်ခတ်
စလပ်
စွယ်တော်
ကဆုန်
စံကားစိမ်း
ညောင်ရေသွန်း ပွဲတော်
စံကားဝါ
စံကားဖြူ
ချယားပန်း
နယုန်
ဇီဇ၀ါ
စာပြန်ပွဲတော်
ဇလပ်
မြတ်လေး
ကြက်ရုန်း
စံပယ်
ဝါဆို
ပုန်းညက်
ပဉ္စင်းခံ၊ ရှင်ပြုပွဲ
နှင်းဆီ
ဝါခေါင်
ခတ္တာ
စာရေးတံအလှူပွဲ
မိုးစွေ
တော်သလင်း
ယင်းမာ
လှေပြိုင်ပွဲ
သီတင်းကျွတ်
ကြာမျိုး ၅ ပါး
ဆီမီးမြင့်မိုရ်ပွဲ
ကုံကုမန်ပန်း
တန်ဆောင်မုန်း
ခ၀ဲပန်း
ကထိန်ပွဲ
ပြည်ပန်း
မသိုးသင်္ကန်းပွဲ
ရွှေပန်း
နတ်တော်
ဂမုန်း
မဟာပိန္နဲနတ်ပွဲ
သဇင်
သစ်ခွ
ပြာသို
ခွာညို
မြင်းခင်းသဘင်
စက်သွင်းသဘင်
တပို့တွဲ
ပေါက်
ထမနဲပွဲ
လဲ
ယာဂုပွဲ
လက်ပံ
မီးပုံပွဲ
တပေါင်း
သရဖီ
သဲပုံစေတီပွဲ
အင်ကြင်း
ပိတောက်


မြန်မာလ လင်္ကာ


၁။         တန်ခူး မိဿ၊ စိတြ၊ လနှင့်ယှဉ်ပြိုင်ထွန်း။

            ရင်ခတ်၊ ကံ့ကော်၊ ထုံသင်းပျော်၊ ပွဲတော်အခါညွှန်း။

၂။         ကဆုန် ပြိဿ၊ ကောင်းကင်ဝ၊ ထွန်းပ ၀ိသာခါ။

            စကားပွင့်ဆဲ၊ ညောင်ရေပွဲ၊ သွန်းမြဲအချိန်သာ။

၃။         နယုန်မာသာ၊ မေထုန် ကျ၊ ဇေဌရောင်စုံကျင်း။

            စံပယ် မြတ်လေး၊ ရနံ့မွှေး၊ စာမေးသဘင်ခင်း။

၎။         ၀ါဆို ကြကဋ်၊ လပြဿဒ်၊ တည့်မတ် အာသဠီ။

            ပုန်းညက်ငုံကင်း၊ စပ္ပယ်သင်း၊ ပဉ္စင်းခါတော်မီ။

၅။         ၀ါခေါင်သိမ်းမွန်၊ အာကာစွန်၊ သရ၀ဏ် ရောင်စွေးစွေး။

            ခတ္တာဖူးလျှံ၊ စာရေးတံ၊ ညတန်ဆောင် ဖွေးဖွေး။

၆။         တော်သလင်းမီ၊ ကန်ရာသီ၊ ထွန်းချီ ဘဒြာ။

            ယင်းမာလှိုင်မြဲ၊ ခိုင်လုံးတွဲ၊ လှေပွဲသဘင်ပ။

၇။         သီတင်းကျွတ်ပြီ၊ တူရာသီ၊ အဿဝဏီ ရှိန်ဝါရွှန်း။

            ကြာမျိုးလည်းစို၊ မီးမြင့်မိုရ်၊ ဗဟိုအချာထွန်း။

၈။         တန်ဆောင်မုန်း ဗြိစ္ဆာ၊ ကြတ္တိကာ၊ ရောင်ဝါရှိန်လို့ဖြိုး။

            ခ၀ဲပွင့်ချိန်၊ ခင်းကထိန်၊ ရွှေအိမ်ပိုးလည်စိုး။

၉။         နတ်တော်ခါမီ၊ ဓနုချီ၊ မိဂသီ ရောင်တစ်ဆန်း။

            သဇင်ဖူးယဉ်၊ ဂမုံးအင်၊ သဘင်ဆင်တော်ပန်း။

၁၀။       ပြာသို မကာရ၊ ကြယ်ဖုသျှ၊ ယှဉ်ထ တူနှစ်ဖော်။

            ခွာညိုနွယ်ရင်း၊ ၀တ်မှုံကင်း၊ မြင်းခင်း သဘင်တော်။

၁၁။       တပို့တွဲလ၊ ကုံသို့ကျ၊ မာဃထွန်းစမြဲ။

            ပေါက်လဲပွင့်တုံ၊ ဆူးပန်းငုံ၊ မီးပုံ ယာဂုပွဲ။

၁၂။       တပေါင်းခါချိန်၊ ရာသီမိန်၊ တောက်ထိန် ဖဂ္ဂုဏ။

            သရဖီ ဖူးဆဲ၊ ပိတောက်ပွဲ၊ သဲပုံစေတီပ။          


၁၊ ၁၃။ နှစ်များ


၁၊ ၁၃၊ ၁။ စန္ဒြမာသနှစ် နှင့် သူရိယမာသနှစ်


            အထက်တွင်ပြဆိုခဲ့သည့်အတိုင်း စန္ဒြမာသတစ်နှစ်တွင် ရက်ပေါင်း ၃၆၀ ရှိ၏။ သူရိယမာသ တစ်နှစ်တွင် ၃၆၅.၂၅၈၇၅၆ ရက်ရှိ၏။ တစ်နည်းအားဖြင့် သူရိယမာသတစ်နှစ်ဆိုသည်မှာ ယခုနှစ် သင်္ကြန်တက်ချိန်မှ နောက်နှစ်သင်္ကြန် တက်ချိန်ထိ ဖြစ်၏။

            ဤတွင်နားရှုပ်စရာဖြစ်လာပါသည်။ မြန်မာတို့သုံးနေသော သက္ကရာဇ်နှစ် (ဥပမာ ၁၃၇၃ ခုနှစ်) သည် သူရိယမာသ နှစ်ဖြစ်၏။ အထက်တွင်ဖော်ပြခဲ့သည့်အတိုင်း သူရိယမာသသည် သင်္ကြန်တက်ချိန်မှ နောက်သင်္ကြန်တက်ချိန်ထိ ဖြစ်သဖြင့် ၁၃၇၃ ခုနှစ်၏ အပိုင်းအခြားကာလ အတိအကျမှာ ၁၃၇၂ နှောင်းတန်ခူးလဆန်း ၁၃ ရက်။ ခရစ်နှစ် ၂၀၁၁ ခု၊ ဧပြီလ၊ ၁၆ ရက်၊ စနေနေ့ မြန်မာစံတော်ချိန် ည ၇ နာရီ၊ ၄၅ မိနစ်၊ ၃၁ စက္ကန့် မှ ၁၃၇၃ နှောင်းတန်ခူးလပြည့်ကျော် ၁၀ ရက်။ ခရစ်နှစ် ၂၀၁၂ ခု၊ ဧပြီလ၊ ၁၆ ရက်၊ တနင်္လာနေ့ မြန်မာစံတော်ချိန် နံနက် ၁ နာရီ၊ ၅၈ မိနစ်၊ ၇ စက္ကန့် ထိ ဖြစ်၏။ သို့သော် ဤသည်ကို သိသူ အတော်နည်းပါသည်။ များသောအားဖြင့် မှတ်ယူနေကြသည်မှာ ၁၃၇၃ ခုနှစ်သည် တန်ခူးလဆန်း ၁ ရက်နေ့မှ တပေါင်း လကွယ်နေ့ထိဖြစ်သည် ဟု (အင်္ဂလိပ်နှစ်တွင် ဇန္န၀ါရီ ၁ ရက်မှ ဒီဇင်ဘာ ၃၁ ရက်ထိ ကို ယူသကဲ့သို့) လွဲမှား မှတ်ယူနေကြ ပါသည်။ အချို့မှာ ၁၃၇၃ ခုနှစ်၏အစရက်မှာ နှစ်ဆန်းတစ်ရက်နေ့တွင်စသည်ကိုမူ သိပါသည်။ သို့သော် ဘယ်နေရာမှ စသည် ကိုမသိ။ အင်္ဂလိပ်နှစ်ကဲ့သို့ပင် နှစ်ဆန်းတစ်ရက်နေ့၏ ၀၀း၀၀ နာရီမှပင်စသည်ဟု မှတ်ကြပါသည်။ 

            တန်ခူး၊ ကဆုန်စသောလများမှာ လသွားနှုံးကို မူတည်သတ်မှတ်ပြီး သက္ကရာဇ်နှစ်ကိုမူ နေသွားနှုံးကို မူတည် သတ်မှတ်ထားသောကြောင့် မြန်မာပြက္ခဒိန်ကို “နေလသွား ပြက္ခဒိန် (Lunisolar Calendar)” ဟုခေါ်ပါသည်။


၁၊ ၁၃၊ ၂။ ရာသီဥတုနှစ် (Tropical Year) နှင့် နက္ခတ်နှစ် (သူရိယမာသနှစ်) (Sidereal Year)


            ရာသီဥတုနှစ် ဟူသည်မှာ ယခု ကမ္ဘာသုံးပြက္ခဒိန်တွင် သုံးနေသောနှစ် ဖြစ်၍ တန်ဘိုးအားဖြင့် ၃၆၅.၂၄၂၁၉၈၈ (၃၆၅ ရက်၊ ၅ နာရီ၊ ၄၈ မိနစ်၊ ၃၀ စက္ကန့်) ဖြစ်သည်။ နက္ခတ်နှစ် (သူရိယမာသနှစ်) ဆိုသည်မှာ သူရိယသိဒ္ဓန္တကျမ်းလာ နှစ်ဖြစ်ပြီး တန်ဘိုးအားဖြင့် ၃၆၅.၂၅၈၇၅၆၄၈ (၃၆၅ ရက်၊ ၆ နာရီ၊ ၁၂ မိနစ်၊ ၃၇ စက္ကန့်) ဖြစ်သည်။ သို့သော် အနောက်တိုင်း နက္ခတ်ကျမ်းများတွင်မူ နက္ခတ်နှစ်ကို ၃၆၅.၂၅၆၃၆၂၈၉၂ ဖြစ်သည်ဟု ဖော်ပြထားပါသည်။ 

မှတ်ချက်။            ။ မြန်မာသုံးနှစ်တာကာလသည် ကမ္ဘာသုံးနှစ်တာကာလနှင့် ကွာခြားနေသောကြောင့် မြန်မာနှစ်ကို မှားသည်ဟု မယူဆနိုင်ပါ။ ကမ္ဘာသုံးနှစ်မှာ Tropical Year ဖြစ်ပြီး မြန်မာသုံးနှစ်မှာ Sidereal Year ဖြစ်သောကြောင့် ဖြစ်ပါသည်။

နက္ခတ်တစ်နှစ် = ၁.၀၀၀၀၃၈၇၈ ရာသီဥတုနှစ်

ရာသီဥတုတစ်နှစ် = နက္ခတ်နှစ် တစ်နှစ်နှင့်တစ်ရက်တိတိ


၁၊ ၁၃၊ ၃။ ဂျူလီယန်နှစ် (Julian Year)


            ဂျူလီယန်နှစ် ဟူသည် တစ်နှစ်လျှင် ၃၆၅.၂၅ ရက် ရှိသောနှစ်ဖြစ်၏။ ယခင် ဂျူလီယန်ပြက္ခဒိန်တွင် သုံးခဲ့သည့် တစ်နှစ်တာကာလ ဖြစ်သည်။ တစ်နှစ်လျှင် ရက်စွန်း ၀.၂၅ ရက်ဟု သတ်မှတ်ထားသောကြောင့် လေးနှစ်ပြည့်တိုင်း တစ်ရက် တိုးသည်။ ဤပြက္ခဒိန်ကို ၁၅၈၂ ခုနှစ်တွင် ဂရေဂေါရီယန်ပြက္ခဒိန်နှင့် အစားထိုးခဲ့သည်။  


၁၊ ၁၃၊ ၄။ ခရစ်နှစ်


            ခရစ်တော်မွေးဖွားသည့်နှစ်ကို ရည်ညွှန်းဖော်ပြသည့် အင်္ဂလိပ်ခုနှစ်များဖြစ်သည်။ ယခုအခါ တစ်ကမ္ဘာလုံးက လက်ခံ သုံးစွဲနေသော ခုနှစ်များလည်း ဖြစ်၏။ ယခုသုံးနေသော အေဒီ ၂၀၁၂ ခုနှစ် စသည့်နှစ်များ၏ အစဖြစ်သော အေဒီ ၁ မှာ ဂျူလီယန် ပြက္ခဒိန်ကို စတင်သုံးစွဲခဲ့သည့်နှစ်ဖြစ်၏။ ထိုနှစ်များတွင် အေဒီနှင့် ဘီစီအကြား “သုညနှစ်” ဟု မရှိ။ ဘီစီ ၁ ပြီးလျှင် အေဒီ ၁ လာသည်။ ခရစ်တော်မွေးဖွားသည့်နှစ်ကို ဘီစီ ၆ မှ ၄ အကြားဟု ခန့်မှန်းကြ၏။


၁၊ ၁၃၊ ၅။ သက္ကရာဇ်နှစ်များ

            မြန်မာတို့သုံးနေသော သက္ကရာဇ်နှစ်များမှာ အိန္ဒိယ ပြက္ခဒိန်နှစ်များကို အခြေခံသည်။ အိန္ဒိယ ယဉ်ကျေးမှုများသည်  မြန်မာနိုင်ငံသို့ ဗုဒ္ဓဘာသာနှင့်အတူ ၀င်ရောက်လာခဲ့ရာ ထိုအထဲတွင် ပြက္ခဒိန်လည်း အပါအ၀င်ဖြစ်ပါသည်။ အဘယ်ကြောင့် သက္ကရာဇ်ခေါ်ကြောင်း ၁၊ ၂။ အခေါ်အဝေါ်များအကြောင်းတွင် ရှင်းပြခဲ့ပြီး ဖြစ်ပါသည်။ သက္ကရာဇ်နှစ်များအကြောင်းကို ပြက္ခဒိန်တွက်နည်းအခန်းတွင် အသေးစိတ်ရှင်းပြပါမည်။ 


သက္ကရာဇ်နှစ် (ဝေါဟာရနှစ်) သုံးမျိုး



မြန်မာပြက္ခဒိန်တွင် သာမန်နှစ်၊ ၀ါငယ်ထပ်နှစ် နှင့် ၀ါကြီးထပ်နှစ်ဟု သုံးမျိုးရှိပါသည်။ သာမန်နှစ်တွင် ရက်မစုံ ၆ လ၊ ရက်စုံ ၆ လ။ စုစုပေါင်း ၃၅၄ ရက်ရှိသည်။ ၀ါငယ်ထပ်နှစ် ဆိုသည်မှာ သာမန်နှစ်တွင် နောက်ထပ် ၀ါဆိုတစ်လ ထပ်တိုး လိုက်ခြင်းဖြစ်၏။ ထိုနောက်တိုးဝါဆိုတွင်လည်း ရက် ၃၀ ပင်ရှိသည်။ ထို့ကြောင့် ၀ါငယ်ထပ်နှစ်တွင် ရက်မစုံ ၆ လ၊ ရက်စုံ ၇ လဖြစ်သွားပြီး (၃၅၄+၃၀=) ၃၈၄ ရက် ရှိသည်။

ဝါကြီးထပ်နှစ်ကို ၀ါထပ်ရက်ငင်ဟုလည်း ခေါ်ပါသည်။ ၀ါကြီးထပ်နှစ်မှာ နောက်ထပ်ဝါဆိုတစ်လအပြင် ရက်ငင်ခြင်း ကို နယုန်လတွင် ပြုသည်။ ထို့ကြောင့် နယုန်လမှာ ရက်စုံဖြစ်သွားပြီး ရက် ၃၀ ဖြစ်သွားသည်။ သို့အတွက် ၀ါကြီးထပ်နှစ်တွင် ရက်မစုံ ၅ လ၊ ရက်စုံ ၈ လဖြစ်သွားပြီး စုစုပေါင်း ၃၈၅ ရက်ဖြစ်သွားပါသည်။

အောက်ပါဇယားတွင် သာမန်နှစ်၊ ၀ါငယ်ထပ်နှစ်၊ ၀ါကြီးထပ်နှစ်တို့တွင် ပါဝင်သောလများ နှင့် တစ်လရှိရက်များကို ဖော်ပြထားပါသည်။

သာမန်နှစ်
ဝါငယ်ထပ်နှစ်
ဝါကြီးထပ်နှစ်
တစ်လရှိရက်
တစ်လရှိရက်
တစ်လရှိရက်
တန်ခူး
၂၉
တန်ခူး
၂၉
တန်ခူး
၂၉
ကဆုန်
၃၀
ကဆုန်
၃၀
ကဆုန်
၃၀
နယုန်
၂၉
နယုန်
၂၉
နယုန်
၃၀
ဝါဆို
၃၀
ပထမ ၀ါဆို
၃၀
ပထမ ၀ါဆို
၃၀
ဝါခေါင်
၂၉
ဒုတိယ ၀ါဆို
၃၀
ဒုတိယ ၀ါဆို
၃၀
တော်သလင်း
၃၀
ဝါခေါင်
၂၉
ဝါခေါင်
၂၉
သီတင်းကျွတ်
၂၉
တော်သလင်း
၃၀
တော်သလင်း
၃၀
တန်ဆောင်မုန်း
၃၀
သီတင်းကျွတ်
၂၉
သီတင်းကျွတ်
၂၉
နတ်တော်
၂၉
တန်ဆောင်မုန်း
၃၀
တန်ဆောင်မုန်း
၃၀
ပြာသို
၃၀
နတ်တော်
၂၉
နတ်တော်
၂၉
တပို့တွဲ
၂၉
ပြာသို
၃၀
ပြာသို
၃၀
တပေါင်း
၃၀
တပို့တွဲ
၂၉
တပို့တွဲ
၂၉
တပေါင်း
၃၀
တပေါင်း
၃၀
စုစုပေါင်း
၃၅၄
စုစုပေါင်း
၃၈၄
စုစုပေါင်း
၃၈၅

၁၊ ၁၃၊ ၆။ သာသနာနှစ်

            မြတ်စွာဘုရားရှင်သည် မဟာသက္ကရာဇ် ၆၈ တွင် ဖွားမြင်တော်မူပြီး ၀ါတော် ၄၅ ၀ါ၊ သက်တော် ၈၀၊ မဟာသက္ကရာဇ် ၁၄၈ တွင် ပရိနိဗ္ဗာန် ပြုတော်မူသည်။ မြတ်စွာဘုရား ပရိနိဗ္ဗာန် ပြုပြီးနောက် အရှင်မဟာကဿပမထေရ်ကြီးမှူးကာ ပထမ သင်္ဂါယနာတင်ကြသည်။ ထိုအခါ မြတ်စွာဘုရား ပရိနိဗ္ဗာန်ပြုပြီး နောက်ပိုင်းနှစ်များကို သာသနာနှစ်များဟုခေါ်ကာ အဇာတသတ်မင်းသည် သာသနာနှစ်နှင့် လူတို့သုံးသောနှစ်တူညီစေရန် လက်ရှိ မဟာသက္ကရာဇ် ၁၄၈ ကိုဖြိုကာ သာသာနာ နှစ် ပြုတော်မူသည်။ ဆိုလိုသည်မှာ လက်ရှိသုံးနေသောနှစ်ကို မယူတော့ဘဲ သက္ကရာဇ်နှစ်ကို ၁ မှစရေတွက်သည်။

            ထိုသာသနာနှစ်အား မြန်မာဘုရင်များက ဆက်လက်သုံးစွဲခဲ့သည်။ သာသနာနှစ် ၆၂၄ အရောက်တွင် သရေခေတ္တရာ ပြည် မင်းဆက် ၂၅ ဆက်မြောက် သုမုနြ္ဒီမင်းက ဒေါဒေါရသကိန်းဖြင့် အကြွင်း ၂ နှစ်ထားပြီး ၆၂၂ နှစ်ကိုဖြိုလိုက်၏။ ဤနှစ်များ အတိုင်းဆက်ရေလာခဲ့ရာ သက္ကရာဇ် ၅၆၂ အရောက်တွင် ပုဂံပြည်၊ ပုပ္ပါးစောရဟန်းမင်းက အကြွင်း ၂ နှစ်ထားပြီး ခန်းဆပဉ္စ ကိန်းဖြင့် နှစ်ပေါင်း ၅၆၀ ကိုဖြိုပြန်သည်။ ယခုသုံးနေသောနှစ်များမှာ ပုဂံပုပ္ပါးစောရဟန်းမင်း ဖြိုကြွင်းနှစ်များဖြစ်၏။

            ထို့ကြောင့် ထိုဖြိုလိုက်သောနှစ် ၂ ရပ်ပေါင်းကို လက်ရှိသက္ကရာဇ်နှင့် ပေါင်းလိုက်ပါက သာသနာနှစ်ကို ရမည်။

            ဖြိုလိုက်သောနှစ်များမှာ ၆၂၂+၅၆၀=၁၁၈၂ ဖြစ်၏။

            ထို့ကြောင့် သာသာနာနှစ် = လက်ရှိနှစ် + ၁၁၈၂

သို့အတွက် ၁၃၇၄ ခုနှစ် အတွက် သာသနာနှစ်မှာ ၁၃၇၄+၁၁၈၂ = ၂၅၅၆ ဖြစ်သတည်း။

ပြက္ခဒိန်တွက်နည်းအခန်းတွင် သက္ကရာဇ်ဖြိုခဲ့ပုံများကို အသေးစိတ်ထပ်မံရှင်းပြပါမည်။


၁၊ ၁၃၊ ၇။ သုတေသနသရုပ်ပြအဘိဓါန်လာ နှစ်အမျိုးအစားများ


နှစ် အမျိုးအစား ၃-ပါး

ဗဟုသုတအဖြစ် ဖျာပုံတိုက်သစ်ဆရာတော်၏ သုတေသနသရုပ်ပြအဘိဓါန် မှ နှစ်အမျိုးအစားများကို ထုတ်နုတ် ဖော်ပြလိုက်ပါသည်။

(၁) မဏ္ဍုကဂတိကနှစ်။       ။ ရက်ပေါင်း ၃၆၄-ရက်ကျမှ မိဿရာသီသို့ တနင်္ဂနွေ ရောက်လျှင် နေသည် အသွားနှေးသော ကြောင့် မဏ္ဍုက ဂတိကနှစ်ဟု ခေါ်သည်။ လဆန်း တိထီ ၁-ရက်, ၂-ရက် တွင် လကိုမြင်ရသည်။
(၂) သီဟဂတိကနှစ်။          ။ ရက်ပေါင်း ၃၅၄-ရက်နှင့် မိဿရာသီသို့ တနင်္ဂနွေရောက်လျှင် နေသည် ခုန်ကျော်၍ အသွား မြန်သောကြောင့် သီဟဂတိကနှစ် ဟုခေါ်သည်။ လဆန်း တိထီ ၄-ရက်, ၅-ရက် ကျမှ လကိုမြင်ရ၏။
(၃) ယထာဂတိကနှစ်။        ။ ရက်ပေါင်း ၃၆၀-အပြည့်တွင် မိဿရာသီသို့ တနင်္ဂနွေရောက်လျှင် နေသည် မနှေးမမြန် အဖြောင့်သွားသောကြောင့် ယထာဂတိကနှစ်ဟု ခေါ်သည်။ လဆန်း တိထီ ၃-ရက်၌ လကိုမြင်ရ၏၊ ဆေးသြဇာရှိသော နှစ်မည်၏။



မှတ်ချက်။            ။ ဤသည်မှာ သုတေသနသရုပ်ပြ အဘိဓါန်တွင် ဖော်ပြထားသည့်အတိုင်း ပြန်လည်ကူးယူ ဖော်ပြခြင်း ဖြစ်ပါသည်။ အထက်တွင် ကျွန်တော်ရှင်းပြခဲ့သလို အကယ်၍ လဆန်း ၃၊ ၄၊ ၅ ရက်ကျမှ လကိုမြင်ရလျှင် ထိုပြက္ခဒိန်မှာ မှားနေပြီ။ လဆန်း ၁ ရက်၊ နောက်အကျဆုံး လဆန်း ၂ ရက်တွင် လကိုစမြင်ရမှ ပြက္ခဒိန်အမှန်ဖြစ်၏။


နှစ် အမျိုးအစား ၅-ပါး။

သုတေသီတုိ့အတွက် အချက်ကျသိစေရန် တွက်နည်းလင်္ကင်္ာပါ ဖေါ်ပြထားသည်။

လင်္ကာသံပိုင်ကား -

ကမ္ဘာကပ္ပ၊ သာသန သံဝစ်၊ တိထီ နှစ်နှင့်၊ သစ်သစ်သင်္ချာ၊ အင်္သာမည်ထုတ်၊ သုဒ္ဓဒိန်သွား၊ နှစ်ငါးပါးတွင်၊ ပျက်ပွားတည်ထ၊ တပေါင်းစ၍၊ တိံသဒိဝ၊ လဖြင့်ရေတွက်၊ အရက်ခြောက်ဆယ်၊ သုံးရာကြွယ်သား၊ ထိုဝယ်နှစ်ကို၊ ကပ္ပဆို၏။ ထိုလည်းတကြောင်း၊ တပေါင်းကွယ်ပြည့်၊ ပါဋိပဒ၊ တန်ခူးစ၍၊ ခြောက်လ ခြောက်လ၊ ၀ိသမနှင့်၊ သမဖြင့်အား၊ ငါးဆယ့်လေးခါ၊ ရက်သုံးရာကား၊ သာသနာနှစ်၊ ဖြစ်၏၎င်း၊ တပေါင်းလပြည့်၊ တန်ခူးပြည့်နှင့်၊ ဆယ်နှစ်လှည့်လည်၊ တိထီမည်၏၊ တလီဆိုဘွယ်၊ သုံးဆယ်အင်္သာ၊ ဆယ့်နှစ်ခါ၌၊ အင်္သာသံဝစ်၊ ခေါ်မြဲနှစ်တည်း။ သက္ကရာဇ်ဦး၊ တန်ခူးတာတက်၊ ရက်၏အပ၊ ကြုံခဲ့ကြ၍၊ သုံးရာ့ရက်ပါး၊ ခြောက်ဆယ့်ငါးနှင့်၊ ဆယ့်ငါးနာရီ၊ နှစ်ပါဒ်ချီလျက်၊ တဗီဇနာ၊ သုံးပြန်ကျတွင်၊ သုဒ္ဓဒိန္န၊ သံဝစ္ဆရဟု။ သဒ္ဓမ္မပုည၊ ရွှေဝဆီမီး၊ စွယ်စုံကြီးတို့၊ ရှေးတီးတင့်နှိုင်း၊ ဆက်စဉ်လှိုင်း၍၊ သံပိုင်းမင်္ဂလာ၊ တင်ပြန်ရာသည်၊ မင်းသာပိုင်သ၊ စိုးမြန်းတည်း။

နှစ် အမျိုးအစား ၁၂-ပါး။


ခုနှစ်သက္ကရာဇ် အမည် ၁၂-မျိုး၊ ၎င်းတို့ကိုပင် "သင်္ကြန်မျိုး ၁၂-ပါး" ဟုလည်းခေါ်ကြသည်။ သင်္ကြန်လက်ရိုးကျမ်းတို့မှ နည်းရရုံ ပြလိုက်၏။

ရောက်ဆဲ သက္ကရာဇ်ကိုတည်၊ ၂-ခုနုတ်၊ ၁၂-ခုစား။

၁-ကြွင်းမူ ဇေယျနှစ်၊
၅-ကြွင်းမူ သရ၀ဏ်နှစ်၊
၉-ကြွင်းမူ မိဂသီနှစ်၊
၂-ကြွင်းမူ ၀ိသာခါနှစ်၊
၆-ကြွင်းမူ အဒြနှစ်၊
၁၀-ကြွင်းမူ ဖုသျှနှစ်၊
၃-ကြွင်းမူ ဇေဋ္ဌနှစ်၊
၇-ကြွင်းမူ အဿယုတ္တနှစ်၊
၁၁-ကြွင်းမူ မာဃနှစ်၊
၎-ကြွင်းမူ အာသဠှီနှစ်၊
၈-ကြွင်းမူ ကြတ္တိကာနှစ်၊
၁၂-ကြွင်းမူ ဖဂ္ဂုဏနှစ်။


ဤနှစ်များမှာ အိန္ဒိယယဉ်ကျေးမှုမှ ဆင်းသက်လာခြင်းဖြစ်၏။ ပြက္ခဒိန်နှင့် မသက်ဆိုင်လှပါ။ ဤနှစ်အမည်များကို လိုက်၍ သင်္ကြန်စာအဟောများ ရှိပါသည်။ အကျယ်ကို သင်္ကြန်အခန်းတွင် အပြည့်အစုံ ဖော်ပြပါမည်။

ထို့ပြင် ကြာသပတေးဂြိုဟ်နှင့်စပ်သော ပရာဘ၊ ၀ိဘ၀၊ သုက္က စသော နှစ်နာမည်ပေါင်း ၆၀ ရှိပါသေးသည်။ နှစ်နာမည်တွက်နည်း၊ နာမည်ပေးနည်းများရှိသော်လည်း ပြက္ခဒိန်နှင့် သိပ်မသက်ဆိုင်သဖြင့် မဖော်ပြတော့ပါ။ ဤနာမည်များ မှာလည်း အိန္ဒိယပြက္ခဒိန်မှ နာမည်များပင်ဖြစ်ပါသည်။ နှစ်အမည်များအလိုက် ဗေဒင်ဟောကိန်းများရှိပါသည်။


1. Prabhava
2. Vibhava
3. Shukla
4. Pramoda
5. Prajāpati
6. Āngirasa
7. Shrīmukha
8. Bhāva
9. Yuva
10. Dhātri
11. Īshvara
12. Bahudhānya
13. Pramādhi
14. Vikrama (2000-2001)
15. Vrisha (2001-02)
16. Chitrabhānu (2002-03)
17. Svabhānu (2003-04)
18. Tārana (2004-05)
19. Pārthiva (2005-06)
20. Vyaya (2006-2007)
21. Sarvajeeth (2007-08)
22. Sarvadhāri (2008-09)
23. Virodhi (2009-10)
24. Vikrita (2010-11)
25. Khara (2011-12)
26. Nandana (2012-13)
27. Vijaya
28. Jaya
29. Manmadha
30. Durmukhi
31. Hevilambi
32. Vilambi
33. Vikāri
34. Shārvari
35. Plava
36. Shubhakruti
37. Sobhakruthi
38. Krodhi
39. Vishvāvasu
40. Parābhava
41. Plavanga
42. Kīlaka
43. Saumya
44. Sādhārana
45. Virodhikruthi
46. Paridhāvi
47. Pramādicha
48. Ānanda
49. Rākshasa
50. Anala
51. Pingala
52. Kālayukthi
53. Siddhārthi
54. Raudra
55. Durmathi
56. Dundubhi
57. Rudhirodgāri
58. Raktākshi
59. Krodhana
60. Akshaya