Friday, January 29, 2010

ပညာဒါနဘလော့ဂ်

ကျွန်တော်တို့ မိတ်ဆွေများစုပေါင်းပြီး စင်ကာပူသို့ လာရောက်အလုပ်လုပ်ကိုင်နေသူ မြန်မာများအတွက် လုပ်ငန်းခွင် ဗဟုသုတ တိုးပွားစေရန် ပညာဒါနသင်တန်းများ ဖွင့်လှစ်သင်ကြားပေးလျှက် ရှိပါသည်။

သင်တန်းရက်များ (အပတ်စဉ် တနင်္ဂနွေ) - ဇန္န၀ါရီလအတွင်း - ၂၄၊ ၃၁
ဖေဖော်ဝါရီလအတွင်း - ၇၊ ၂၈ (၁၄ နှင့် ၂၁ မှာ တရုတ်နှစ်ကူးဖြစ်၍ ပိတ်၏)။
မတ်လအတွင်း - ၇၊ ၁၄
အချိန် - နေ့လည် ၁း၃၀ မှ ညနေ ၄း၃၀ ထိ
နေရာ - #03-25, TMC Education Group @ Capitol Centre (Beside Peninsula Plaza)
သင်ကြားသူများ - English (ဒေါ်ခိုင်ခိုင်အောင်)
Data Collection and Reporting (ဦးနေမင်းဟိန်း)
Piping Engineering (ဦးအေးငြိမ်း)
သင်တန်းကြေးမရှိ။

ကျွန်တော့်စာများနှင့် မရောစေရန် ပညာဒါနဘလော့ဂ် သပ်သပ်ခွဲရေးထားပါသည်။
စိတ်ပါဝင်စားသူများ http://www.pyinnyadana.blogspot.com တွင်
ဝင်ရောက်လေ့လာနိုင်ပါသည်။

Tuesday, January 26, 2010

“အနာဂါတ်တစ်ခု ဖန်တီးတည်ဆောက်ခြင်း” စာအုပ်ကြော်ငြာ


“အနာဂါတ်တစ်ခု ဖန်တီးတည်ဆောက်ခြင်း” ကို ရိုက်နှိပ်ထုတ်ဝေရန် ကြိုးစားနေရာ ယခုဆိုလျှင် ၆ လမျှပငိ ရှိသွားပြီ ဖြစ်ပါသည်။ သို့သော် စာအုပ်အဖြစ်မရောက်သေး။ အမျိုးမျိုးသော အကြောင်းပြချက်များဖြင့် နှောင့်နှေးကြန့် ကြာလျှက် ရှိပေသည်။ ယခုလကုန်တွင်မူ ထွက်လိမ့်မည်ဟု ယူဆရပါ၏။ သို့သော် မသေချာပါ။
စာအုပ်ထုတ်ဝေခမှာလည်း မျှော်မှန်းထားသည်ထက် အဆပေါင်းများစွာ ပိုမို ကုန်ကျပါ၏။ တွက်ကြည့်လိုက် သောအခါ စာအုပ်တန်ဖိုးကို တစ်အုပ် ၅၅၀၀ ကျပ်ဖြင့်ရောင်းမှ ဖြစ်တော့မည်။ ယခင်ကမူ တစ်အုပ်ကို ၃၀၀၀ ကျပ်မျှ နှင့် ရောင်းမည် စိတ်ကူးထား၏။ စင်ကာပူနှင့် မလေးရှားတွင်ပါ ဖြန့်မည်ဟု စိတ်ကူးထားသော်လည်း သယ်ယူစရိတ် မသိရသေးသဖြင့် ဈေးနှုံးမည်မျှနှင့် ရောင်းမည်ကိုလည်း မသိရသေးပါ။
အုပ်ရေ ၁၅၀၀ ရိုက်ထားရာ စင်ကာပူတွင် အုပ် ၃၀၀၊ မလေးရှားတွင် အုပ် ၂၀၀၊ မြန်မာပြည်တွင် အုပ် ၉၀၀ ဖြန့်မည်ဖြစ်ပါသည်။ သက်ဆိုင်ရာ သို့ ၆၅ အုပ်ပေးရမည် သိရပါသည်။
စင်ကာပူတွင်မူ ပင်နင်စူလာရှိ စာအုပ်ဆိုင်အားလုံးလိုလို၌ တင်ထားရန် စိတ်ကူးရှိပါသည်။ သို့သော် ဖြန့်ဝေသူနှင့် မဆွေးနွေးရသေးပါ။ ကျွန်တော် နှင့် ကျွန်တော့်မိတ်ဆွေများ ထံတွင်လည်း စာအုပ်အချို့ထားမည် ဖြစ်ပြီး ကျွန်တော်တို့ထံတွင် တိုက်ရိုက်ဝယ်ပါက ၂၀% လျှော့ပေးမည် ဖြစ်ပါသည်။
စာအုပ်မှာ ဤ blog တွင်ရေးထားသော Working in Singapore/Study in Singapore/Living in Singapore စသည်များကို စုစည်းထုတ်ထားခြင်း ဖြစ်ပါသည်။
စောင့်မျှော် အားပေးကြပါကုန်။

Saturday, January 23, 2010

ယောဂီစိတ္တရ ဓမ္မ၀ိဇ္ဖာ ဆရာကြီး-၁

(၁) ဦးဉာဏောဒရ

ဤစာကို မည်သူ့အားမျှ ထိခိုက်စေလို၍ ရေးခြင်း မဟုတ်။ ကျွန်တော်တို့တိုင်းပြည်တွင် ဘာတွေ ဖြစ်ပျက် နေသည်ကို အများသိစေရန် ရေးခြင်းမျှသာဖြစ်ပါသည်။ ဤသို့ရေးရာတွင်လည်း အကောင်းမြင်ဘက်မှ ရေးခြင်း မဟုတ်သလို အဆိုးမြင်ဘက်မှလည်း ရေးခြင်းလည်း မဟုတ်။ အရှိကို အရှိအတိုင်း မြင်ရသည်များကို အမြင် အတိုင်း တင်ပြထားခြင်း ဖြစ်ပါသည်။
မြန်မာပြည်တွင် ဤကဲ့သို့သော ပုဂ္ဂိုလ်နှင့် ဤ ကဲ့သို့သော ပုဂ္ဂိုလ်ကို ကြည်ညိုမြတ်နိုး ရှိခိုးဦးတင်နေ ကြသော လူများမှာ သိန်းပေါင်းများစွာ ရှိပါသည်။ သူတို့ သည် သာသနာပြုသည်ဟု ကြွေးကြော်ကာ ဘာသာရေး သမားလိုလိုနှင့် အမှန်တကယ် သာသနာ တိုးတက်ကြီးပွားကြောင်းကို ဘာမှမစွမ်းဆောင်ဘဲ တစ်နည်းအားဖြင့် သာသနာ ပြင်ပမှ မဟုတ်တန်းလျား အယူအဆများကို လူများအတွင်း သွတ်သွင်းပေးနေသူများသာ ဖြစ်ပေသည်။
နိုင်ငံတော်တစ်ခု တည်ဆောက်ရာတွင် ပြည်သူပြည်သား လူအများ၏ ဉာဏ်၊ လုံ့လ၊ ၀ီရိယတို့ဖြင့်သာ တည်ဆောက် နိုင်မည် ဖြစ်၏။ တိုင်းသူပြည်သား လူအများအား မဟုတ်မမှန်သောနည်းဖြင့် ငွေရှာခြင်းကို အားပေးနေခြင်းဖြင့် လည်းကောင်း၊ မိမိကိုမှီခို၍ အစားရချောင်နေခြင်းဖြင့် လည်းကောင်း လူအများရေသာခို အချောင်လိုက်ကာ အလုပ်လုပ်ချင်စိတ်များ လျော့ပါး ပျောက်ကွယ်လျှက် ပေါ့ပေါ့နေ ပေါ့ပေါ့စားလူတန်းစားတစ်ရပ် ပေါက်ဖွားလာခြင်းသည် တစ်နည်းအားဖြင့် နိုင်ငံအပေါ် သစ္စာမဲ့ ရာလည်း ရောက်ပေသည်။
၎င်းတို့ကို ၀ိဇ္ဖာဟု လည်းကောင်း၊ ဘိုးတော်ဟု လည်းကောင်း၊ ဘာဆရာကြီးဟု လည်းကောင်းခေါ်ပြီး တစ်ခါတစ်ရံ ထိုသူများမှာ ဘုန်းကြီးများပင် ဖြစ်နေတတ် ပါသေးသည်။ အချို့သော ဘုန်းကြီးများမှာ ကံအားလျော် စွာ ဘုန်းကြီးအဖြစ်နှင့် ရပ်တည်ခွင့်ရပြီး မြန်မာနိုင်ငံ တစ်ဝှမ်းမှ သိန်းပေါင်းများစွာသော လူတို့၏ ယုံကြည် ကိုးကွယ်ခြင်းကို ခံကြရပြီး အချို့သော ဘုန်းကြီးများမှာမူ နိုင်ငံတော်မှ ဘုန်းကြီးအဖြစ်ကို လက်မခံသဖြင့် လူဝတ် လဲလိုက်ရကာ၊ ရသေ့ယောင်ယောင်၊ ဘိုးသူတော် ယောင်ယောင်၊ ဂိုဏ်းဆရာကြီးယောင်ယောင် အဖြစ် ရပ်တည်နေကြပါသည်။
ကျွန်တော် ယခုတင်ပြမည့်သူမှာ ထိုသူများထဲမှ တစ်ဦးဖြစ်၏။
သူ့အမည်မှာ ဦးဉာဏောဒရ ဖြစ်ပါသည်။ သူ့ထံသွားပြီး ဓါတ်ပုံရိုက်ခွင့်တောင်းရင်းနှင့် သူ့အကြောင်းရေးမည်ဟု တစ်ပါတည်း ခွင့်တောင်းခဲ့ပါသည်။
“အရင်တုံးက စာရေးဆရာ မောင်မောင်မြင့်အေးလည်း သူ့အကြောင်းရေးဖူးပါတယ်။ သူဆို ဒီကို မကြာခဏ ရောက် ဖြစ်တယ်” ဟု သူ့ထံတွင် အမြဲနေထိုင် လုပ်ကိုင်ပေးနေသူ ဦးမိုးကုတ်၏ အမျိုးသမီးက ပြောပါသည်။ သို့သော် မောင်မောင် မြင့်အေးရေးသည့် ရှုထောင့်နှင့် ကျွန်တော်ရေးမည့်ရှုထောင့်မှာ ဖြောင့်ဖြောင့်ကြီး ဆန့်ကျင်နေကြောင်း သူတို့မသိပါ။ ၂၀၀၉ ခုနှစ် ဒီဇင်ဘာလ ၄ ရက်နေ့တွင် သူနေထိုင်ရာ အေးရိပ်မွန်သို့ ကျွန်တော့်ညီဝမ်းကွဲတော်သူ သူ့တပည့်ရင်းချာ ကိုလှမိုးနှင့် သွားရောက်လေ့လာခဲ့ပါသည်။






(၂) နောက်ခံသမိုင်းကြောင်း

သူ့အကြောင်းကို ကျွန်တော်ကြားဖူးနေသည်မှာ ကြာပါပြီ။ ၁၉၈၇ ခုနှစ်လောက်ကတဲက ဖြစ်၏။ သို့သော် သေသေ ချာချာ မလေ့လာမိ။ သူ့သတင်းများကို နားစွန်နားဖျားတော့ မကြာခဏ ကြားနေရပါ၏။ အဘယ်ကြောင့်ဆိုသော် ကျွန်တော်၏ ညီတစ်ဝမ်းကွဲတော်သူ ကိုလှမိုး ဆိုသူမှာ သူ့ထံတွင် အမြဲနေထိုင်ကာ ဝေယျာဝစ္စများ လုပ်ကိုင်ပေးနေသူ ဖြစ်သောကြောင့် ဖြစ်ပါ၏။ သို့သော် အိမ်ထောင်ကျပြီးချိန်မှစကာ သူ့ထံတွင် အမြဲမနေတော့ဘဲ ရံဖန်ရံခါမှသာ လာရောက်လေ့ရှိကြောင်း သိရ ပါသည်။ သို့တိုင် တစ်ခါတရံ တစ်လကိုးသီတင်း နေထိုင်တတ်သည်ဟု ကိုလှမိုးက ပြောပါသည်။
သူ့အကြောင်း ဂဃနဏ သိချင်သည်နှင့် မြောင်းမြမြို့တွင် နေထိုင်သော ကိုလှမိုးကို ဖုံးဆက်ခေါ်ကာ သူနေထိုင်ရာ အေးရိပ်မွန် သို့ ၂၀၀၉ ခုနှစ် ဒီဇင်ဘာလ ၄ ရက်နေ့တွင် လည်းကောင်း၊ သူတည်ထားမည့် ဖားစေတီနေရာသို့ ဒီဇင်ဘာလ ၅ ရက်နေ့တွင် လည်းကောင်း သွားရောက်လေ့လာခဲ့ပါသည်။
ထို့နောက် ကိုလှမိုးက သူ့အကြောင်း အပြည့်အစုံကို အောက်ပါအတိုင်း ပြောပြပါသည်။
သူ့ဇာတိမှာ ဧရာဝတီတိုင်း၊ အင်္ဂပူမြို့ နယ်၊ ကွင်းကောက်တိုက်နယ်၊ ပိန္နဲကွင်းရွာ အရှေ့ပိုင်းရှိ လင်ကောင်ပိုးကျေးရွာ ဖြစ်ပါသည်။
ဖခင်မှာ သမားတော် ဆရာလှ ဖြစ်ပြီး မိခင်မှာ ဒေါ်စိန်ဝ ဖြစ်၏။ အင်္ဂါသား ဖြစ်ပြီး ငယ်နာမည် မောင်စိုးလေး ဟု ခေါ်သည်။
ခုနစ်လသားနှင့် မွေးသည်ဟု သိရပြီး ၁၂၉၀ ပြည့်နှစ်တွင် ဖွားမြင်ခဲ့သည်ဟု ပြောစ မှတ် ရှိပါသည်။

ငယ်စဉ်က လင်ကောင်ပိုးရွာ နှင့် သိပ်မဝေးလှသော သပြေကုန်းရွာတွင် သွား ရောက် ပညာသင်ကြားခဲ့သည်။ သပြေကုန်း ရွာတွင်ရှိသော သပြေကုန်း စာသင်တိုက်ကြီး မှာ ပညာတတ်အကျော်များ မွေးထုတ်နိုင် သဖြင့် အလွန်ထင်ရှားသည်။ မူလ ဦးစီးနာယက ဆရာတော်ကြီးမှာ ဘဒ္ဒန္တပညာဝံသ ဖြစ်၏။ ဆရာတော်ကြီးမှာ ပရိယတ္တိ၊ ပရိပတ္တိ စာပေများ သင်ကြားပို့ချပေးသည်။
ဦးဉာဏော၏ ငယ်စဉ် မောင်ရှင်ဘ၀ ဘွဲ့အမည်မှာ ရှင်စိတ္တရ ဖြစ်သည်။ ရဟန်းဘောင်သို့ တက်လှမ်းသည့်အခါမှ ဦးဉာဏောဒရ ဟု ပြောင်းလဲ မှည့်ခေါ်လိုက်ခြင်း ဖြစ်၏။
ထိုစဉ်က မန္တလေးမှ ရောက်လာသည်ဆိုသော အဘိုးရှမ်းဘုန်းကြီးမှာ လောကီ၊ လောကုတ် ပညာရပ် အစုံတတ် မြောက်သည်။ သူတတ်သလို သူ့တပည့်များကိုလည်း သင်ကြားပြသပေးသည်။ ရှင်စိတ္တရမှာ ငယ်စဉ်က ဉာဏ်အလွန် ထက်မြက်သူတစ်ဦး ဖြစ်ပြီး သင်ကြားပြသပေးသည့် စာပေကျမ်းဂန်များကို ခဏချင်းပင် အာဂုံဆောင် တတ်မြောက်ခဲ့သည်။ ဗုဒ္ဓစာပေ ပရိယတ္တိများသာမက အဘိုးရှမ်းဘုန်းကြီးထံတွင် တိုင်းရင်းဆေးပညာ၊ ဗေဒင်နက္ခတ်ပညာ၊ ရတုလင်္ကာ စသည် များကို နေ့နေ့ညည အပတ်တကုတ် ကြိုးစားသင်ယူခဲ့သည်။
ဉာဏ်ထက်သည့်သူ ဖြစ်သည့်အားလျော်စွာ ကိုရင်ဝတ်နှင့် ၇ ၀ါခန့်တွင် ပိဋကဋ်တော်လာ ဗုဒ္ဓစာပေများကို အတန် နှံ့နှံ့စပ်စပ် သင်ကြားလေ့ကျင့်ခဲ့ပြီး ဖြစ်ခဲ့သည်။ သို့သော် ကိုရင်စိတ္တရမှာ ပညာသင်ကြားရသည်ကို အားမရ။ အဆင့်မြင့် စာပေ ကျမ်းဂန်များကို ဆက်လက် ဆည်းပူးလေ့လာ သင်ယူလိုသေးသည်။ သို့အတွက် မန္တလေးရွှေမြို့တော်သို့ သွားရောက်ရန် အခွင့် ပေးပါမည့်အကြောင်း ဆရာတော်ဘုန်းကြီးသို့ လျှောက်ထားသော်လည်း ဆရာတော်ကြီးက ခွင့်မပြုခဲ့။ သို့သော် ရှင်စိတ္တ ကလည်း မန္တလေးသို့ သွားရောက်ရန် အလွန်စိတ်ထက်သန်နေသည့်အလျှောက် ဆရာတော်ကြီးကို အထပ်ထပ် လျှောက်ထား ရာ နောက်ဆုံးတွင် ခွင့်ပြုခဲ့သည်။
သို့နှင့် ရှင်စိတ္တဘ၀မှ ဦးဉာဏော ဖြစ်လာခဲ့သည်။ ဦးဉာဏောတွင် လေနာရှိသဖြင့် ငယ်စဉ်ကပင် ညနေစာကို စားသုံး ခဲ့ရသည်။ သို့သော် သူ့မှာ အစားအသောက်တွင် ဇီဇာကြောင်တတ်သူမဟုတ်။ ရှိသမျှနှင့် ရောင့်ရဲတင်းတိမ်တတ်သူ ဖြစ်သည့် အားလျော်စွာ ရလာသည့် ဆွမ်း၊ ဟင်းများကို သပိတ်ထဲတွင် ဘတ္တပိုင်ရောမွှေကာ ဘုဉ်းပေးသည်။ ဆွမ်းဘုဉ်းပေးပြီးသည့် အခါတွင် သပိတ်ကိုရေနှင့်ကျင်းကာ ထိုသပိတ်ကျင်းရေများကိုပါ သောက်ပစ်လိုက်သည်။
နောက်ပိုင်းတွင် ဘုရားတည်ခြင်း စသော သာသနာပြုလုပ်ငန်းများ လုပ်ကိုင်ခဲ့သည်။ ပထမဦးစွာ ပုသိမ်အရှေ့မြို့နယ် ကန်ကြီးဒေါင့်ကျေးရွာတွင် ဆရာတော် ဦးပညာသုတနှင့်အတူသီတင်းသုံး နေထိုင်ခဲ့သည်။ ထို့နောက် မြောင်းမြမြို့တွင် ဘုရား ပျက်များကို ပြုပြင်ခြင်းများပြုလုပ်ခဲ့သည်။ ထိုမှတဖန် ပုသိမ်သို့ပြန်ကြွလာကာ ပုသိမ်အရှေ့မြို့နယ်၊ ကြုံဒရယ်ရွာမှ ဒါယိကာ ဦးအောင်မြ အိမ်တွင် ကြွရောက်သီတင်းသုံးနေထိုင်ခဲ့သည်။ သို့သော်လည်း ထိုအိမ်တွင် ခေတ္တခဏမျှသာ သီတင်းသုံးပြီး ပုသိမ်မြစ်အတွင်း၌ ရှင်ဥပဂုတ္တဖောင်တော်ကြီး ဆောက်လုပ်ကာ ထိုဖောင်တော်ကြီးပေါ်တွင်ပင် နေထိုင်ခဲ့သည်။
တစ်နယ်ထဲသားချင်း ဖြစ်သည့်အလျှောက် ကိုလှမိုးမှာ ဘုန်းကြီးအကြောင်းကို လေ့လာသိရှိ။ (ကိုလှမိုး၏ အမေ ဒေါ်စန်းနှင့် ထို ဘုန်းကြီးတို့မှာ ဆွေမျိုးနီးစပ်တော်သဖြင့် အကြောင်းသိအစင်းသိ ဖြစ်သည်။) ထို့နောက် ကိုလှမိုးမှာ ဘုန်းကြီးရှိရာ ပုသိမ်မြို့သို့ လိုက်သွားခဲ့သည်။
ကိုလှမိုးမှာ ဘုရားယောင်ယောင်၊ တရားယောင်ယောင်နှင့် ဘုရားစာများကို အလွတ်ကျက်ကာ ဟောသည့်ပြောသည့် နေရာတွင် လူများကြိုက်အောင် အာပေါင်အာရင်းသန်သန်နှင့် လေလုံးထွားတတ်လေရာ ၎င်းကို ဘုန်းကြီးက သဘောကျသည် နှင့် အနီးကပ်ပြုစုရန် အခွင့်အရေးကို ပေးသနားလိုက်လေသည်။ သို့အတွက် ဆယ်တန်းစာမေးပွဲကို သုံးခါပြန်ဖြေပြီးသည်နှင့် တပြိုင်နက် ကိုလှမိုးမှာ ဘုန်းကြီး၏ ကပ္ပိယအဖြစ် ဘုန်းကြီးသွားရာ လိုက်ပါနေခဲ့တော့သတည်း။
ဘုန်းကြီးမှာ ကွမ်းအလွန်ကြိုက်ပြီး မပြတ်အောင် စားလေ့ရှိသည်။ အဓိကအားဖြင့် ချဲဂဏန်းများပေးခြင်း၊ နာမကျန်းဖြစ်နေသူများကို ဆေးကုပေးခြင်းတို့ ပြုလုပ်ခဲ့သည်။ ဥပမာအားဖြင့် - ဟာ၊ ငါးလေးတစ်ကောင် ခုန်ချသွားပြီကွ၊ ခုန်ချသွားပြီ ဟု ဘုန်းကြီးက ပြောလိုက်လျှင် လူတို့က ထိုစကားကို အတိတ်ကောက်ကာ ဂဏန်းအသွင်ပြောင်းပြီး ချဲထိုးကြ ခြင်း ဖြစ်သည်။ သို့သော် ထိုစကားမှာ ၅၄၁ ကို ဆိုလိုကြောင်း ပေါက်စဉ်ထွက်ပြီးမှ သိကြရတာများသည်။

မွေးရပ်မြေသို့ အလည်တစ်ခေါက်

မွေးရပ်မြေသို့ အလည်သွားခြင်း
(၄-၁-၂၀၁၀)

(၁)

“မင်း ရောက်တုံးရောက်ခိုက် ဒီက ကောင်လေး၊ ကောင်မလေးတွေကို စကားလေးဘာလေး ပြောသွားပါဦးကွ” ဟု ခရီးရောက်မဆိုက် ဦးလေးဝင်းမြင့် က ပြောလာပါ၏။ ထို့ကြောင့် ကျွန်တော်လည်း ဒါဖြင့် လူစုလိုက်လေ၊ တစ်ရွာလုံးတော့ မဟုတ်ဘူး။ ကျွန်တော်ပြောတာ နားလည်နိုင်မဲ့ သူလောက်ပဲပေါ့ ဟု ပြောလိုက်ပါသည်။ အထူးသဖြင့် ကျောင်းနေခဲ့ဖူးသူ လူငယ်၊ လုံမငယ်များကိုသာခေါ်ရန် မှာလိုက်ပါသည်။ စုစုပေါင်း ၁၅ ဦး လာပါသည်။ အချို့မှာ လယ်ထဲ ကိုင်းထဲ ရောက်နေသဖြင့် မလာ ရောက်နိုင်ပါ။
သို့ဖြင့် ၂၀၁၀ ပြည့်နှစ်၊ ဇန္န၀ါရီလ ၁ ရက်နေ့ နေ့လည် ၁ နာရီတွင် သူတို့ကို မိမိတို့နေထိုင်သည့် ကျေးရွာနှင့်ပတ်သက်၍ မိမိတို့တွင် မည်ကဲ့သို့တာဝန်ရှိကြောင်း၊ သြဇာနှင့်အာဏာ မည်မျှကွာခြားကြောင်း၊ သြဇာရှိအောင် မည်ကဲ့သို့ နေထိုင်၊ ပြုမူ၊ ပြောဆို ရမည် ဖြစ်ကြောင်း၊ လောကတွင် အသိပညာသည် မည်မျှအရေးကြီးကြောင်း စသည်များ ပြောလိုက်ပါသည်။

(၂)

မွေးရပ်မြေသို့ ပြန်မရောက်သည်မှာ ၆ နှစ်ကျော်ပြီ။ ထို့ကြောင့် အချိန်ရတုံး တစ်ခါတစ်ခေါက်လောက် ပြန်ချင်သေးသဖြင့် ၂၀၀၉ ခုနှစ် ဒီဇင်ဘာလ ၃၁ ရက်နေ့တွင် ရန်ကုန်မှ ထွက်ခဲ့၏။ နံနက် ၆ နာရီခွဲတွင် ဒဂုံ-ဧရာ အဝေးပြေးစခန်းမှ ရွှေဒိုးလေးကားဖြင့် စတင်ထွက်ခွာခဲ့သည်။ လမ်းပြင်နေသည့် ရာသီမို့လား မပြောတတ်။ လမ်းပိုင်း တော်တော်များများကို ပြင်ရန် ပြင်ဆင်နေသည်ကို တွေ့ရသည်။ ထိုပြင်နေသော လမ်းများမှာ ကျောက်ကြမ်းများချည်းရှိသဖြင့် ကားမှာ အမြန်မောင်း၍ မရသလို၊ ချိုင့်လည်း အလွန် ချိုင့်ပါသည်။ ချိုင့်ခွက်ကင်းသော ကတ္တရာလမ်းဟူ၍ အနည်းငယ်မျှသာ ရှိ၏။
ကားမှာ အဲယားကွန်းကား မဟုတ်ဘဲ မှန်ဖွင့်ကားဖြစ်သဖြင့် ဖုံများကို တောက်လျှောက် ရှူနေရသည်။ ဤမျှဖုံထူသော လမ်းတွင် အဲယားကွန်းဖွင့်ရန်လည်း မဖြစ်နိုင်ပါ။ လမ်းတွင်တွေ့သမျှ ခရီးသည်များကို တင်လိုက်ချလိုက်နှင့်ပင် နေ့လည် ၁ နာရီ ခန့်တွင် လယ်တံငယ်လမ်းဆုံသို့ ရောက်တော့၏။ ကြိုတင်ဖုံးဆက် မှာထားသဖြင့် ရွာမှ မော်တော်ဆိုင်ကယ် သုံးစီး လာကြိုနေပါ သည်။ ဆိုင်ကယ်များနှင့် ခရီးဆက်ခဲ့ရာ မိနစ် ၂၀ ခန့်မျှ မောင်းလျှင်ပင် ရွာသို့ရောက်တော့သည်။
စကားစပ်၍ ပြောရလျှင် ကျွန်တော်တို့ရွာ ဆိုသည်မှာ ဧရာဝတီတိုင်း၊ လေးမျက်နှာမြို့နယ်အတွင်းရှိ ဝေးလံသီခေါင်လှသော နယ်စပ်တစ်နေရာမှ ၀ါတောကွင်းရွာကလေး ဖြစ်ပါသည်။ ကျွန်တော်တို့ရွာ၏ ဟိုမှာဘက်၌ မည်သည့်ရွာမှမရှိတော့။ ရွာမှနေ၍ တစ်ညဥ့်အိပ်မျှ ရခိုင်ရိုးမကို ကျော်ချလိုက်လျှင် ရခိုင်ပြည်နယ်၊ ဂွမြို့သို့ ရောက်တော့သည်။
ကျွန်တော်တို့ငယ်စဉ်ကမူ ရန်ကုန်သွားဘို့အရေး ဆိုသည်မှာ ယခုခေတ် စင်ကာပူသို့ သွားဘို့ထက် ခဲယဉ်းသေးသည်။ လမ်းပမ်းဆက်သွယ်ရေး ခက်ခဲလှသဖြင့် ဟင်္သာတသို့ပင် ရောက်ဖူးသူ သိပ်မရှိ။ ရန်ကုန်သို့ လေးမျက်နှာဘက်မှ သွားမည်ဆိုပါစို့။ ရွာမှ နံနက်စောစောထကာ လေးမျက်နှာသို့ ကုန်းကြောင်းလျှောက်ရသည်။ လေးမျက်နှာသို့ နွေဘက်တွင် လှည်းဖြင့်လာလို့ရသည်။ မိုးတွင်းဘက်တွင် လယ်တံငယ်ထိ ခြေလျင်လျှောက်။ ထိုကမှတစ်ဆင့် လှေစီးကာ လေးမျက်နှာသို့လာ။
ဝါးတောကွင်းမှ လေးမျက်နှာထိ ၁၄ မိုင်ဟု ဆိုသည်။ ခြေလျင်လာလျှင် လေးနာရီကျော်လျှောက်ရသည်။ ခြေလျင်လမ်း ဆိုသော်ငြား လမ်းသီးသန့်ဟု ရှိသည်မဟုတ်။ လယ်ကန်သင်းပေါင်များပေါ်မှ လျှောက်ရခြင်းသာ ဖြစ်သည်။ လေးမျက်နှာမှ နံနက် အစောပိုင်းထွက်သော မော်တော်တစ်စီးသာရှိရာ လေးမျက်နှာရောက်လျှင် ချက်ခြင်း ခရီးဆက်၍မရ။ ညအိပ်စောင့်ရသည်။ ထိုမှ နံနက် လေးနာရီခန့်ထွက်သော ပဲ့ထောင်မော်တော်ကိုစီးကာ အိုင်သပြုသို့လာ။ မော်တော်စီးချိန် တစ်နာရီကြာ၏။ အိုင်သပြု ရောက်လျှင် ဆိပ်ကမ်းမှ ကားဂိတ်သို့ အပြေးအလွှားလာလျှက် ဟင်္သာတသို့ဆွဲသော ကားကို အတင်းအလုအယက် တက်စီး။ ကားဆိုသော်ငြား လူစီးကားတော့ မဟုတ်ပါ။ ဟိုး ယခင် စစ်အတွင်းက သုံးခဲ့သော ယာဉ် သုံးတန်၊ ကုန်သုံးတန် ဟူသည့် ဆန်တင်ကားများ ဖြစ်ပါ၏။ မဝေးလှသော ခရီးပင် ဖြစ်လင့်ကစား ဟင်္သာတသို့ နှစ်နာရီခွဲမှ သုံးနာရီကြာအောင် မောင်းရပါသည်။
ဟင်္သာတရောက်ပြန်သော် သင်္ဘောဆိပ်သို့သွားမည့် ကားဂိတ်ဆီ သုတ်ခြေတင်ရပြန်ပါသည်။ ဟင်္သာတမြို့နှင့် သင်္ဘော ဆိပ်ကြား သောင်ပြင်ကြီးခံနေရာ ထိုသောင်ပြင်ကိုဖြတ်ကာ ကားစီးရပါသေး၏။ ထို့နောက် သင်္ဘောစီးပြီး သာရဝေါသို့လာ။ သင်္ဘော ဆိုက်ပြီဟေ့ ဆိုသည်နှင့် လူမှန်းမသိ၊ သူမှန်းမသိ အတင်းတို့ဝှေ့ဆင်းကြကာ နောက်မှ ကျားလိုက်လာသည့် အလား မီးရထား ဘူတာသို့ ဒရောသောပါး ပြေးကြပါ၏။ မည်မျှပြေးသည် ဖြစ်စေ မောင်ပြေးပင် ဖြစ်ပါ၏။ ကျွန်တော်ပြေးခဲ့သည့် ကာလ တစ်လျှောက် လုံး ထိုင်ခုံလက်မှတ် ရသည်ဟု မရှိခဲ့ဖူးပါ။ အနို့ ရထားထွက်ကာနီး နာရီပိုင်းမှ ရောက်လာသည့် ကျွန်တော်တို့အတွက် အဘယ်မှာ လျှင် ထိုင်ခုံကျန်နိုင်ပါအံ့နည်း။
သက်ပြင်းမောကြီးကို ၀ှူးကနဲချပြီး ရထားကြမ်းပြင်ပေါ် ထိုင်ချလိုက်သည့်ခဏ နေ့လည် ၁ နာရီခန့်တွင် သာရဝေါ ဘူတာမှ စတင်၍ ရထားထွက်ပါသည်။ လက်ပံတန်း၊ တိုက်ကြီး၊ သုံးဆယ်၊ သာယာဝတီ စသော ဘူတာများကို အစဉ်လိုက် ဖြတ်ပြီး ည ၇ နာရီခန့်တွင် ကြည့်မြင်တိုင်ဘူတာသို့ ရထားဆိုက်ပါသည်။
အထုပ်အပိုးများနှင့် မော်တော်ပေါ်မှပြေးဆင်း၊ ကားပေါ်အပြေးတက်။ တစ်ခါ သည်ကားမှ ဟိုကားသို့ပြေး စသဖြင့် ခရီးစဉ်တစ်လျှောက်လုံး ပြေးလွှားနေရသော ကျွန်တော်တို့၏ ဒုက္ခကို တွေးကြည့်ရုံနှင့် မောလှပါသည်။

ဟော၊ ယခုတော့ လွယ်ပါဘိ။ တိုင်းသူပြည်သားများအပေါ် ထားရှိသော နိုင်ငံတော်အစိုးရ၏ အလွန်ကြီးမားလှသော စေတနာကြောင့် လမ်းပမ်းဆက်သွယ်ရေးများ အလွန်ကောင်းမွန် ချောမွေ့နေပြီ ဖြစ်ရာ ရန်ကုန်မှ နံနက် ၆နာရီခွဲ ထွက်သော ကားဖြင့်လိုက်လာ၊ ရွာသို့ နေ့လည် ၂ နာရီခန့်တွင် မပင်မပန်းပဲ ရောက်ရှိ။ ထို့ပြင် ရွာမှ ရန်ကုန်သို့ လာလိုသည် ဖြစ်အံ့။ နေ့စဉ် သွားနေသော လူကြုံဖြင့် ကွင်းကောက်သို့ ကားလက်မှတ် ကြိုမှာလိုက်။ နောက်နေ့မနက် သုံးနာရီခန့်ထကာ ကားလမ်းမ လာပြီး ကားစောင့်စီး။ ရန်ကုန်သို့ နေ့လည် ၁ နာရီ မတိုင်မီရောက်။ ဘာမှ ပင်ပန်းစရာမလို။ ရန်ကုန်မှ သွားလိုပါကလည်း ကားလက်မှတ်ကို ဖုံးဆက်ပြီးကြိုမှာထားလို့ ရပါသည်။

(၃)

ရွာထဲသို့ ၀င်လိုက်သည်နှင့် အတော်စိတ်ပျက်မိ သွားပါသည်။ ရွာမှ အိမ်များမှာ တဖြည်းဖြည်းနှင့် ပိုပြီးစုတ်သထက် စုတ်လာပါသည်။ ကျွန်တော်တို့ ငယ်စဉ်ကမူ ရွာတွင် အိမ်ခြေမှာ ၄၀၀ ခန့်မျှသာ ရှိပြီး သွပ်မိုး၊ ပျဉ်ထောင်။ ၁၆ လုံးအိမ်ကြီးများ အတော်များ၏။ သွပ်များမှာလည်း ပြောင်ပြောင်လက်လက်ရှိကာ၊ ပျဉ်ထောင်နံရံများမှာလည်း ရေနံချေးဝလျှက် ခန့်ခန့်ငြားငြား ရှိ၏။ အိမ်တိုင်းလိုလိုမှာ ခြံနှင့်ဝင်းနှင့်။ ခြုံနွယ်ပိတ်ပေါင်းများ ကင်းလျှက်။ အိမ်တစ်ခြံရာလျှင် အိမ်ကြီးတစ်လုံး၊ မီးဖိုဆောင် တစ်ဆောင်၊ နွားတင်းကုပ်တစ်ခုတော့ ရှိမြဲ။
ယခုမူ ယခင်က သွပ်မိုးပျဉ်ထောင် အိမ်ကြီးတစ်ဆောင်နေရာတွင် အင်ဖက်မိုး၊ ထရံကာအိမ်ကလေး နှစ်လုံးစီ နေရာယူ ထားတာ တွေ့ရပါသည်။ ကျန်ရှိနေသေးသော အိမ်ကြီးများမှ ပျဉ်ထောင်နံရံများမှာ ဖြူယော်မွဲခြောက်လျှက်နေသည်ကို ကြည့်ခြင်း ဖြင့် ရေနံချေးနှင့်ဝေးခဲ့သည်မှာ အတော်ကြာနေပြီမှန်း ခန့်မှန်း၍ ရပါသည်။ အိမ်ခြံစည်းရိုးများမှာလည်း ကျိုးသည့်နေရာက ကျိုး၊ ပေါက်သည့်နေရာက ပေါက်။





ရောက်မဆိုက် မူလတန်းလွန်ကျောင်းသို့ သွားကြည့်ရာ ပိုဆိုးပါတော့၏။ အတော်စိတ်ကုန်သွားပါသည်။ ကာထားသော အကာများ ပျိုပျက်ကျနေသည်မှာ သာလာယံ ဇရပ်ထက်ပင် ဆိုးပါသေးသည်။ ထို့ထက် ဆိုးသည်မှာ မူလတန်းကျောင်း ဖြစ်ပါ၏။ ကလေးငယ်များမှာ အုတ်ခဲကျိုး များပေါ် ဖင်ခုထိုင်ကာ ဖုံတသောသောနှင့် စာသင်နေတာ တွေ့ရပါသည်။
ရွာဘုန်းကြီး၏ ဆန္ဒဖြင့် ရွာသားများမှာ စေတီများ တစ်ဆူပြီးတစ်ဆူ တည်လာနေလိုက်ကြသည်မှာ ရွာတွင်းတွင် တစ်ဆူ၊ ရွာထိပ်တွင် တစ်ဆူပြီးခဲ့ပြီ။ ယခု နောက်ထပ်တစ်ဆူ ကို ရွာနှင့်မလှမ်းမကမ်း တောင်ပေါ်တွင်တည်ရန် အလှူခံ လျှက် ရှိပါသည်။ ရွာသို့အလာလမ်းတွင် တူတော်မောင်များ ပြသဖြင့် စေတီတည်နေသော လုပ်ငန်းခွင်ကိုလည်း တွေ့ခဲ့ရပါသည်။
မူလတန်းလွန်ကျောင်းကို ထရံကာမည် ဆိုပါက ငွေတစ်သိန်းမျှပင် မကုန်ပါ။ မူလတန်းကျောင်းတစ်ကျောင်းလုံး ၀ါးထရံခင်းမည် ဆိုပါကလည်း နှစ်သိန်းထက် မပိုနိုင်ပါ။ ဆိုလိုသည်မှာ ငွေသုံးသိန်းလောက် စုနိုင်လျှင် ထိုနှစ်ကျောင်း စလုံး အကာရော အခင်းပါ ကောင်းကောင်း ရသွားနိုင်ပါသည်။ အိမ်ခြေငါးရာမျှရှိသော ရွာကြီးတစ်ရွာအနေနှင့် ငွေသုံးသိန်း ဆိုသည်မှာ မဖြစ်နိုင်သော ပမာဏမဟုတ်။ (စကားစပ်၍ ပြောရလျှင် ရွာတွင် မော်တော်ဆိုင်ကယ် အစီးရေ ၃၀ ခန့်ရှိပါ သည်။ သို့ဖြစ်ရာ ကျောင်းအတွက် ငွေသုံးသိန်း စုလို့ မရနိုင် စရာမရှိပါ။သည်လို လုပ်ရကောင်းမှန်းမသိ၍သာ မလုပ်ကြခြင်း ဖြစ်ပါသည်။)

“သွပ်အမိုးနဲ့။ မျက်နှာကျက်မရှိဘဲ မပူဘူးလား” ဟု ကျွန်တော်က မေးသဖြင့် “ပူတာ ဘယ်ပြောကောင်းမလဲ အစ်ကိုရယ်” ဟု ကျောင်းမှ ဆရာကလေးက ဆိုသဖြင့် ကိုင်း၊ ဒါဖြင့် ဟောဒီ တစ်ကျောင်းလုံးကို မျက်နှာကျက်လုပ်ရင် ဘယ်လောက်ကုန်မလဲ တွက်စမ်း ဟု တွက်ခိုင်းရာ ငါးသောင်းခြောက်ထောင် ဟု ဆို၏။ “ကဲ ကိုယ့်လူ၊ မျက်နှာကျက် အတွက်တော့ ကိုယ်လှူခဲ့မယ်” ဟု ကျသမျှပိုက်ဆံပေးပြီး မျက်နှာကျက် လုပ်ခိုင်းလိုက်ပါသည်။
ဘုရားများတစ်ဆူပြီးတစ်ဆူတည်နေပြီး ကိုယ့်ကလေးများ အုတ်ခဲကျိုးပေါ်ဖင်ခုထိုင်ကာ စာသင်နေရသည်ကို သည်အတိုင်း ကြည့်နေနိုင်သော ထိုသူများအစား ကျွန်တော်ဖြင့် ရှက်လှပါသည်။ ကျွန်တော်က သူတို့ကို -
“အသိပညာ” မရှိလို့ သည်လို ဖြစ်နေရတာပဲ
- ဟု တစ်လုံးထဲသာ ပြောခဲ့ပါသည်။

(၄)

ငါမင်းတို့ကို ရင်းရင်းနှီးနှီး မင်းနဲ့ ငါနဲ့ပြောမယ်။ ငါပြောမဲ့စကားကို သေသေချာချာ နားထောင်။ မှတ်လဲထား။ လက်တွေ့ လည်းလုပ် ဟု အစချီကာ သူတို့ကို အကဲခတ်ကြည့်လိုက်ပါသည်။ အားလုံးလိုလိုမှာ ကျွန်တော့်တူ၊ တူမများချည်း ဖြစ်ပါ၏။ ပညာအရည်အချင်းအားဖြင့် လေးတန်း နှစ်ယောက်မှ လွဲ၍ ကျန်သည့်သူများမှာ ဆယ်တန်းနှင့် ဘွဲ့ရများ ဖြစ်ပါသည်။
မင်းတို့တွေရှိနေရက်ကနဲ့ ငါတို့ရွာကြီး ဒီလိုဖြစ်နေရတာ ငါနည်းနည်းမှ စိတ်မကောင်းဘူး။ အထူးသဖြင့်တော့ စာသင် ကျောင်းနဲ့ စာကြည့်တိုက်ပဲ။ ရွာကြီးဆိုတာလည်း စုတ်ပြတ်သတ်နေတာပဲ။ ဧည့်သည်တွေခေါ်လာလို့မှ ပြဘို့ မျက်နှာပန်းမလှဘူး။ ငါဖြင့် ဒါ ငါတို့ရွာပဲလို့ပြောရမှာ ရှက်တောင်ရှက်တယ်။ အဲဒါ ဘာကြောင့်လဲ တဲ့။
အဓိက အချက်က အသိပညာပဲကွ။
ခုလိုဖြစ်နေတာ နံပါတ် (၁) အသိပညာ မရှိလို့။ နံပါတ် (၂) ခေါင်းဆောင်ကောင်း မရှိလို့။
ပြင်လို့မရတော့တဲ့ လူကြီးတွေကိုတော့ ငါ ဘာမှ မပြောလိုတော့ဘူး။ အရိုးရင့်သွားပြီ။ ပြောလို့လည်း နားဝင်တော့မှာ မဟုတ်တော့ဘူး။ မင်းတို့က သူတို့နေရာမှာ အစားဝင်ရမဲ့ နောက်မျိုးဆက်သစ်တွေ။ မင်းတို့တော့ မပျက်စီးသေးဘူးလို့ ထင်တာပဲ။ ပျက်စပြုနေပြီ ဆိုရင်လည်း ခုအချိန်ကစပြီး အချိန်မီ ပြင်ပေတော့လို့ ပြောချင်တယ်။

ပညာဆိုတာ ဘာလဲ
ဒီနေရာမှာ ပညာဆိုတာကို နည်းနည်းပြောချင်တယ်။ ပညာဆိုတာ စာကျက်အောင်ပြီး ဘွဲ့ရလာတာကိုခေါ်တာ မဟုတ်ဘူး ကွ။ ဆိုပါတော့ကွာ။ ၀န်ဇင်းမင်းရာဇာဟာ ဘာဘွဲ့ရခဲ့သလဲ။ ဒါပေမဲ့ ဘာဖြစ်လို့ ပညာရှိ ဖြစ်သတဲ့လဲ။ ပညာဆိုတာ မှန်၏၊ မှား၏၊ ကောင်း၏၊ ဆိုး၏ကို မှန်မှန်ကန်ကန် ဝေဖန်ပိုင်းခြားနိုင်တဲ့ အသိကို ခေါ်တာကွ။ ဒါဆိုရင် ကျောင်းတက်ပြီး ပညာသင်စရာ မလိုတော့ ဘူးတဲ့လား။
သိပ်လိုသပေါ့ကွာ။ ကျောင်းမှာ သင်ပေးလိုက်တဲ့စာတွေဟာ မင်းတို့ လူ့လောကထဲ ရောက်လာတဲ့အခါ အမှား၊ အမှန်၊ အကောင်း၊ အဆိုးကို ချင့်ချိန်ဝေဖန်နိုင်အောင် သင်ပေးလိုက်တဲ့ အခြေခံဗဟုသုတတွေပဲ။ ဒါပေမဲ့ မင်းတို့ငါတို့က ကျောင်းစာတွေကို ကျောင်းခန်းထဲမှာပဲ ထားခဲ့ကြတယ်။ ကျောင်းကလဲ ထွက်လာရော ဘာမှမပါလာကြတော့ဘူး။ ဆိုပါတော့ကွာ။ အခု အရှေ့ အလယ်ပိုင်းဒေသမှာ စစ်ဖြစ်လို့ လူတွေ သောက်သောက်လဲ သေနေကြရသတဲ့။ အဲဒီ အရှေ့အလယ်ပိုင်းဒေသဟာ ဘယ်မှာလဲ လို့ ငါက ကမ္ဘာ့မြေပုံယူလာပြီးမေးရင် မင်းတို့ လက်နဲ့ထောက်ပြနိုင်ပါ့မလား။
ခု ရွာကလူတွေမှာ အသိပညာ လိုအပ်နေတယ်။ မင်းတို့မှာရောပဲ။ အဲဒါ မင်းတို့နဲ့တကွ ရွာသူရွာသားတွေရဲ့ အသိဉာဏ် ပညာ၊ ဗဟုသုတ တိုးပွားအောင် လုပ်ပေးဘို့ လိုတယ်။

ခေါင်းဆောင်ကောင်းလိုတယ်
နောက်ပြီး ခေါင်းဆောင်။ ငါတို့ငယ်ငယ်တုံးက ရွာကို ကောင်းကောင်း အုပ်ချုပ်နိုင်တဲ့ ခေါင်းဆောင်တွေ ရှိခဲ့တယ်ကွ။ ဥပမာ ဦးကြီးထွန်းလှိုင် (ဖြူ) တို့၊ ဦးကြီးထွန်းလှိုင်(ဖ၀ိုင်း) တို့၊ ဦးကြီးမြဆင်၊ ဦးကြီး ကြီးရွှေ၊ အဖေကြီး(ကျွန်တော့်ဖခင်) တို့ဟာ ရွာကို ကောင်းကောင်း အုပ်ချုပ်နိုင်ခဲ့တယ်။ သူတို့ဟာ ဘွဲ့ရပညာတတ်တွေ မဟုတ်ဘူး။ အားလုံး ဘုန်းကြီးကျောင်းထွက်တွေ ချည်းပဲ။ ဒါပေမဲ့ သူတို့အတွေ့အကြုံအရ စီမံခန့်ခွဲမှု အတတ်ပညာဆိုတာဘာလဲ လို့ သူတို့သိတယ်။ ကိစ္စတစ်ခုကို မှန်၏၊ မှား၏၊ ကောင်း၏၊ ဆိုး၏ သူတို့ ကောင်းကောင်းနားလည်တယ်။ မှန်မှန်ကန်ကန် ဆုံးဖြတ်တတ်တယ်။ နောက်ပြီး သူတို့ အားလုံးဟာ ရပ်ရွာအပေါ်မှာ သြဇာညောင်းကြတဲ့သူတွေ။ ခုတော့ ရွာကို ကောင်းကောင်းအုပ်ချုပ်နိုင်တဲ့သူ မရှိတော့ဘူး။ ခါးပြတ်သွားတယ်။ အဲဒါကို မင်းတို့ လက်ထက်မှာ ပြန်ပြီး အဖတ်ဆယ်ပါ။ အဲဒီလို အဖတ်ဆယ်နိုင်အောင် ခုကထဲက လေ့ကျင့် ပျိုးထောင်ထားဘို့ လိုတယ်။
ဘယ်လိုလေ့ကျင့်ပျိုးထောင်ရမလဲ ဆိုတာ ပြောပြချင်လို့ မင်းတို့ကို ခေါ်လိုက်ရတာပဲ။

သြဇာနှင့် အာဏာ
ဒီနေရာမှာ ငါက မင်းတို့ကို သြဇာနဲ့အာဏာ ဘာကွာသလဲလို့ ထပ်ပြောပြချင်သေးတယ်။ အာဏာဆိုတာက သူ့မှာ လုပ်ပိုင်ခွင့်ရှိနေတဲ့အတွက် သူ့ကိုကြောက်လို့ လုပ်ချင်လဲလုပ်၊ မလုပ်ချင်လဲလုပ်ပေးရတာ။ သြဇာဆိုတာကတော့ သူခိုင်းလိုက်တဲ့ အလုပ်တစ်ခုကို ကြောက်လို့မဟုတ်ပဲ သူ့ကို ရိုသေလေးစားမှုကြောင့် လိုလိုချင်ချင် စေတနာပါပါနဲ့ လုပ်ပေးတာ။ သူ့မှာ လုပ်ပိုင်ခွင့် အာဏာမရှိသော်လည်းပဲ သူ့သြဇာကြောင့် သူ့ကို အလိုလို ချစ်ကြောက်ရိုသေဖြစ်ရတာ။
ဆိုပါတော့။ ခု မင်းတို့အသိပဲ။ ဟောဒီ နောက်ဘက်က နီလာလမ်းမကြီးတစ်လျှောက်။ ၄ ရပ်ကွက်ဘက်မှာဆို ခြုံတွေ တောထနေလိုက်တာ လမ်းတောင် ပိတ်နေပြီ။ အဲဒါကို ရွာပေါ်မှာ သြဇာမရှိတဲ့သူတစ်ယောက်က အာဏာကိုသုံးပြီး ဟေ့ကောင်တွေ မင်းတို့ ဟောသည် ခြုံနွယ်ပိတ်ပေါင်းတွေ ရှင်းရမယ်။ မရှင်းရင်တော့ ငါနဲ့ အသိပဲ လို့ ခိုင်းလိုက်ရင် သူ့ကိုကြောက်လို့ လုပ်လိုက်ရ ပေမဲ့ ၀တ်ကျေတန်းကျေ ပြီးပြီးရော လုပ်မယ်။ သေသေချာချာ ရှင်းမှာမဟုတ်ဘူး။
ဒါပေမဲ့ ရွာပေါ်မှာ သြဇာရှိတဲ့ လူကြီးကျတော့ ဟဲ့ကောင်လေးတွေ၊ ဒီလမ်း နင်တို့ပဲ နေ့တိုင်းလျှောက်နေတာ မဟုတ်လား။ ကြည့်စမ်း တောထနေပြီ။ လာကြဟေ့ ရှင်းကြရအောင်။ ဟို လုံမကလေးတွေပါခေါ်လိုက် ဆိုရင် ဟုတ်ကဲ့ဘကြီး ဆိုပြီး လိုလိုချင်ချင်နဲ့ အကုန်လုံး ရှင်းလိုက်ကြမှာ။ ဒါဖြင့် သူတို့ဘာဖြစ်လို့ ရပ်ရွာအပေါ် သြဇာညောင်းသလဲ တဲ့။

သြဇာ
ရပ်ရွာအပေါ် သြဇာညောင်းတယ် ဆိုတာ အချက်အများကြီးပေါ် မူတည်နေတယ်။ ဒါဟာ မွေးရာပါအရည်အချင်း ဖြစ်ချင် ဖြစ်မယ်။ ဖြစ်ချင်မှလည်း ဖြစ်မယ်။ ကိစ္စမရှိဘူး။ မွေးမြူယူလို့လည်း ရတာပဲ။ အရေးကြီးတာက ဘာလဲ၊ ဘယ်လိုလုပ်ရမလဲ လို့ သိထားဘ်ို့ပဲ။ ရပ်ရွာအပေါ်သြဇာညောင်းဘို့ရာ အရေးကြီးဆုံးအချက်သည် ရိုးသားမှုပဲ။
ရိုးရိုးသားသားနေပါ။ ရိုးရိုးသားသားပြောပါ။ ရိုးရိုးသားသား တွေးပါ။ ရိုးရိုးသားသား အသက်မွေးပါ။ ရိုးရိုးသားသား ၀တ်ပါ ဆင်ပါ။ အားလုံးအပေါ်မှာ ရိုးသားပါ။ အထူးသဖြင့် ငွေရေးကြေးရေးနဲ့ ပတ်သက်ပြီး ရိုးသားပါ။ မရိုးသားတာမှန်သမျှ ဘာမှမလုပ်ပါနဲ့။ တွေးတောင် မတွေးမိပါစေနဲ့။ ဒါလောက်ပြောရင် ရိုးသားမှုဟာ ဘယ်လောက်အရေးကြီးတယ်ဆိုတာ သဘောပေါက်လောက်ပြီ။ မြတ်စွာဘုရားရဲ့ အလောင်းတော်ဘ၀တွေကို ဖတ်ကြည့်ပါ။ ဘုရားလောင်းဟာ ဘယ့်ကလောက် ရိုးသားခဲ့သလဲဆိုတာ တွေ့ပါ လိမ့်မယ်။
မင်းတို့ တရားပွဲတွေသွား၊ တရားတွေနာပြီး တရားပွဲလဲဆုံးရော သာဓု၊ သာဓု ဆို ထပြန်လာခဲ့ကြတာပဲ။ တရားထဲမှာပါတဲ့ ဇာတ်ထုပ်ထဲက တို့ဘုရားအလောင်းတော့ဖြင့် ဘယ်လိုနေထိုင် ကျင့်ကြံကြိုးကုတ် အားထုတ်ခဲ့တာပဲလို့ နည်းနည်း ကလေးမှ အတုယူရကောင်းမှန်း မသိဘူး။ ပြောလိုက်တော့ဖြင့် နိဗ္ဗာန်၊ မဂ်ဖိုလ်ကို ရက်တိုတိုနဲ့ ရောက်ရပါလို၏။ လုပ်တော့ဖြင့် ငါမပြော လိုက်ချင်ဘူး။ ထားပါတော့။
ရပ်ရွာအပေါ် သြဇာညောင်းစေမဲ့ နောက်တစ်ချက်က ပညာ ပဲ။ ရပ်ရွာအရေးကိစ္စမှန်သမျှကို ခေါင်းအေးအေးနဲ့ မှန်မှန် ကန်ကန် ဖြေရှင်းနိုင်ဘို့ ပညာ ရှိနေဘို့လိုတယ်။ အဲဒီပညာရဘို့ မင်းတို့ စာတွေ အများကြီး ဖတ်ရမယ်။ အတွေ့အကြုံဗဟုသုတရှိတဲ့ လူကြီးသူမတွေဆီ ချဉ်းကပ်မေးမြန်းရမယ်။ နောက်ပြီး အရေးကြီးတာ တစ်ခုက ခရီးထွက်ပြီး သူများတွေ ဘာတွေလုပ်နေကြသလဲ။ ဘယ်လိုနေတယ်၊ ထိုင်တယ်၊ ပြောတယ်၊ ဆိုတယ်။ လုပ်တယ်၊ ကိုင်တယ် ဆိုတာတွေကို လေ့လာရမယ်။ အတုယူရမယ်။

အသိပညာ (Knowledge)
ကဲ၊ ခု မင်းတို့ကို ငါမေးမယ်။ မင်းတို့အားလုံး လယ်လုပ်နေကြတဲ့ သူတွေချည်းပဲ။ ဒါဆို စပါးစိုက်နည်းကို မင်းတို့ ကောင်းကောင်းသိရဲ့လားလို့ ငါမေးရင် မင်းတို့ ဖြေနိုင်ပါ့မလား။ သိတာပေါ့ဦးရဲ့၊ ထယ်ထိုးမယ်၊ လယ်ထွန်မယ်၊ ပျိုးကြဲမယ်၊ စိုက်မယ်၊ သီးလာတော့ ရိတ်မယ်၊ လှေ့မယ် ပေါ့ဗျာ။ ဘာခက်တာ လိုက်လို့လို့တေ့ာ မဖြေနဲ့ပေါ့ကွာ။ အဲဒီလောက်ပဲ မင်းတို့ သိတယ်ဆိုရင် မင်းတို့သိတဲ့အသိဟာ ဟိုး လွန်ခဲ့တဲ့ နှစ်ပေါင်း ၂၀၀ လောက်ကတဲက သိတဲ့အသိနဲ့ ဘာမှမကွာဘူး။ အတူတူပဲလို့ ပြောရမှာပဲ။ ဟို့ အရင် အနှစ် ၂၀၀ လောက်ကလည်း ဒီလို စိုက်ခဲ့ကြတာပဲ။ ခုက ၂၀၁၀ ရောက်နေပြီ။ ၂၁ ရာစု။ နောက်ပြီး မင်းတို့က ခေတ်ပညာ တတ်တွေ။
ဒီလိုဖြင့် မင်းတို့သင်ခဲ့တဲ့ ပညာတွေ ဘယ်နေရာမှာ အသုံးချမလဲလို့ ငါမေးမကွာ။ ကဲ ဘယ်လိုဖြေမလဲ။
မြန်မာပြည်မှာ စိုက်နေတဲ့ စပါးမျိုး ဘယ်နှမျိုးရှိသလဲ မင်းတို့သိသလား။ မင်းတို့စိုက်နေတဲ့ မြေကြီးဟာ ဘယ်မြေမျိုးလဲ သိရဲ့လား။ အဲဒီမြေမျိုးမှာ ဘယ်မျိုးကို စိုက်လို့ ပိုပြီး သင့်တော်သလဲ သိရဲ့လား။ ဘယ်လိုစပါးမျိုးဟာ သက်တမ်း ဘယ်နှရက် ရှိသလဲ၊ ပျိုးသက် ဘယ်နှရက်မှာ နှုတ်လို့အကောင်းဆုံးလဲ၊ မစိုက်ခင် ဘယ်မြေသြဇာထည့်ရမလဲ၊ စိုက်ပြီး ဘယ်နှရက်ကြာရင် ဘယ်မြေသြဇာ ထည့်ရမလဲ၊ ဘယ်အချိန်မှာတော့ဖြင့် ရေကို ဘယ်နှလက်မထိ လှောင်ထားရမလဲ၊ ဘယ်အချိန်မှာ ရေဖောက်ထုတ်ရမလဲ လေ့လာ ဖူးရဲ့လား။
စပါးရွက်တွေ ကွက်ပြီးဝါလာရင် ဘာရောဂါဖြစ်သလဲ။ ဘာပိုးကျသလဲ။ ဘယ်ဆေးနဲ့နှိမ်းနှင်းရမလဲ။ စပါးပင်တွေ အုပ်စု လိုက် ကွက်ပြီး သေရင် ဘာရောဂါလဲ။ အဲဒါဆို ဘယ်ဆေးဖြန်းရမလဲဆိုတာ သိရဲ့လား။ ငါက အင်ဂျင်နီယာ။ စိုက်ပျိုးရေးသမား မဟုတ်တော့ ဒီအကြောင်းတွေ မသိဘူး။ မင်းတို့က လက်တွေ့ စပါးစိုက်နေတဲ့သူတွေဆိုတော့ ဒီအကြောင်းတွေအားလုံး ဂဃနဏ သိထားသင့်တယ်။ သိအောင် ဘာလုပ်ရမလဲ။ စာဖတ်ပါ။ စိုက်ပျိုးရေးပညာရှင်တွေထံ ချဉ်းကပ်ပြီး မေးရမယ်။ ရေဆင်း စိုက်ပျိုးရေး သုတေသနကိုသွားပြီး လက်တွေ့လေ့လာရမယ်။
ဟိုကောင်တွေ၊ မင်းတို့ ဖရဲစိုက်တယ်မဟုတ်လား။ ကိုင်း၊ ဆိုစမ်းပါဦး။ ဖရဲအကြောင်း ဘယ်လောက်များ သိထားသလဲ။ မြေကြီးထဲ အစေ့ချ၊ အပင်ပေါက်လာတော့ ရေလောင်း။ အချိန်တန်တော့ သီးလာတဲ့အသီး ခူးရောင်း။ ဒါလောက်ပဲသိတာ။ ဟုတ်တယ် မဟုတ်လား။ အဲဒါ ဘာမျိုးဖြစ်တယ်။ တစ်ဧကကို ဘယ်နှစ်ပင် စိုက်ရမယ်။ အသီးဘယ်လောက်ရမယ်၊ မစိုက်ခင် မြေကို ဘယ်လိုပြင်ရမယ် စတာတွေ သိရဲ့လား။
အစ်ကိုကြီးရေ ကျွန်တော့်ဖရဲခင်းတွေ မနှစ်က သီးလျက်သားနဲ့ ဒီနှစ် အသီးမလိုက်ဖူး။ ဘယ်လိုဖြစ်မှန်းမသိပါဘူးဗျာ လို့ ကိုယ့်ကို ချဉ်းကပ်အကူအညီတောင်းလာခဲ့ရင် ကိုယ်က ဟကောင်၊ မနှစ်က သီးတာက ပထမနှစ်ကိုးကွ။ ဒီနှစ်ကျတော့ မြေကို ဘယ်လိုပြင်ပေးရတယ်။ ငါပြောသလို လုပ်စမ်း စသဖြင့် အကြံဉာဏ်တွေပေးနိုင်ရင် ကိုယ်က အလိုလို ရွာအပေါ်မှာ သြဇာညောင်း လာမှာပဲ။
နောက်တစ်ခုက ကျန်းမာရေး။ ကိုယ့်မှာ ကျန်းမာရေး ဗဟုသုတ ရှိထားတဲ့အခါကျတော့ မဖြစ်တန်တာ မဖြစ်ရအောင် တားနိုင်တယ်။ ဒါလည်း ကျန်းမာရေးနဲ့ပတ်သက်တဲ့ စာအုပ်စာတမ်းတွေ ဖတ်ဖို့မှတ်ဖို့ပဲ။ ငါတို့ရွာ ဆိုတာက ဆရာဝန်၊ ဆရာမတွေနဲ့ အင်မတန် အလှမ်းဝေးတဲ့နေရာ။ အနည်းဆုံးတော့ ရှေးဦးသူနာပြုကို မင်းတို့ ကျကျနန တတ်ထားဘို့လိုတယ်။ ခု မင်းတို့မှာ ဘာ ကျန်းမာရေး ဗဟုသုတမှ မရှိဘူး။ သူများပြောတာ ရမ်းယုံ။ ရမ်းလုပ်။ ရမ်းဖြစ်။ ရမ်းသေ။ လောကမှာ လူ့အသက်ထက် တန်ဘိုးရှိတာ ဘာရှိသလဲ။ ဒီတော့ ကောင်မလေးတွေရော သေသေချာချာ လေ့လာထားသင့်တယ်။ ဖြစ်နိုင်ရင် ရန်ကုန်သွားပြီး သင်တန်းတွေ တောင် တက်သင့်တယ်။ ဟိုမှာ သူနာပြုအကူ ၆ လ သင်တန်း တွေရှိတယ်။ ငါပြောနေတာ မင်းတို့ကို စာတွေဖတ်၊ သင်တန်းတွေ တက်ပြီး ဒေါက်တာရမ်းကု လုပ်ဖို့ပြောနေတာ မဟုတ်ဘူး။ ကျန်းမာရေး ဗဟုသုတ ရှိလာတဲ့ အခါကျတော့ အဲဒီဒေါက်တာရမ်းကုတွေ ပြောတာကိုလည်း မှန်၏ မှား၏ မဝေဖန်နိုင်ဘူးလား။
ကိုယ်က အအားမနေပဲ ကျကျနန လေ့လာထားလို့ နေရာတကာ နှံ့နှံ့စပ်စပ် သိထားတဲ့အခါကျ ရွာက အားကိုးရလောက်တဲ့ လူတစ်ယောက် ဖြစ်မလာပေဖူးလား။ အဲဒီအခါ လူတွေက ကိုယ့်ကို အလိုလို လေးစားလာမှာပဲ။ ကိုယ်ပြောတာတွေ ဟုတ်နေတဲ့ အခါ ကျတော့ ကိုယ့်သြဇာ သူတို့အပေါ် အလိုလို ညောင်းလာမှာပဲ။
ခု ငါပြောနေတဲ့ ရပ်ရွာအပေါ် သြဇာညောင်းလာအောင် ဆိုတာ ကိုယ်က သူတို့ကို နေရာတကာ ဆရာကြီးလုပ်ဘို့ ပြောတာ မဟုတ်ဘူး။ သူတို့ကို နှိမ့်ချကြည့်ပြီး မတူသလို၊ မတန်သလို ဆက်ဆံဘို့ ပြောတာမဟုတ်ဘူး။ လူတွေရဲ့ မသိနားမလည်မှုအပေါ် အခွင့်ကောင်းယူဘို့လို့ မဟုတ်ဘူးဆိုတာ မင်းတို့ ကောင်းကောင်းနားလည် ထားရမယ်။ ကိုယ်က ကိုယ့်ရွာသူရွာသားတွေ မသိ နားမလည်ရင် သူတို့ကို နားလည်လာတဲ့ထိ ရှင်းပြရမယ်။ အဲဒီအပေါ်မှာ အခွင့်ကောင်းမယူရဘူး။

နောက်ပြီး ဘာသာရေး။ ငါတို့လူတွေက ကိုယ့်ကိုယ်ကိုယ်သာ ဗုဒ္ဓဘာသာခေါ်နေတာ။ ဗုဒ္ဓဘာသာဆိုတာ ဘာမှန်း ရေရေရာရာ မသိကြဘူး။ မသိကြလို့လည်း မဟုတ်တာတွေ လျှောက်လုပ်နေကြတာပေါ့ကွာ။ သိအောင်လည်း မလေ့လာ။ သိအောင်လို့ ပြောပြရမဲ့သူတွေကလည်း မပြောပြ။ ပြောပြရလောက်အောင်ကလည်း ဗဟုသုတ မရှိ။ ငါတို့စာကြည့်တိုက်မှာ စာအုပ်ကောင်းတွေ အများကြီး ရှိတယ်။ မင်းတို့ရွာသားတွေ တစ်ယောက်မှ ဖတ်ဖော်မရဘူး။
ငါကတော့ တို့ရွာသားတွေ စာဖတ်ကြပါစေဟဲ့၊ အသိပညာတွေ တိုးပွားကြပါစေဟဲ့လို့ ငွေကုန်ကြေးကျ အကုန်ခံပြီး စာကြည့်တိုက် ထောင်ပေးထားတာ။ မင်းတို့က စိတ်တောင်မ၀င်စားဘူး။ တခြားသူတွေ စိတ်မ၀င်စားတာ ငါ မအံ့သြပါဘူး။ မင်းတို့ တွေ စိတ်မ၀င်စားတာ။ လာမဖတ်တာကို ငါ့အနေနဲ့ အံ့သြလို့ အမျိုးမဆုံးဘူး။ မင်းတို့ ဘယ်လိုတွေများ ဆယ်တန်းအောင်လာကြ သလဲ။ မင်းတို့မှာ ဘယ်လောက်ဗဟုသုတ ရှိသလဲ ဆိုတာ ငါ အတော်လေး သံသယဖြစ်မိတယ်။
ငါ စလုပ်ပေးစက စာအုပ်ကောင်းတွေ၊ ဂျာနယ်တွေ၊ မဂ္ဂဇင်းတွေ၊ ကာတွန်း၊ ကလေးဖတ်၊ လူကြီးဖတ် အများကြီးပဲ။ ငါရော၊ မမရော၊ မူမူရော၊ ဂွမ်းရော၊ သူတို့သူငယ်ချင်း မိတ်ဆွေတွေရော။ အားတက်သရော လှူထားတာ။ ကြည့်စမ်း ခု။ ကျန်ကောင်းကျန်ရာ ကျန်တော့တယ်။ ငှားတယ်။ ပြန်မပေးဘူး။ တိတ်တိတ်ယူထားတယ်။ အရုပ်လှလှလေးတွေတွေ့ရင် ဖြဲပြီး ထရံမှာကပ်တယ်။ စာအုပ်ကောင်းကောင်းလေးတွေကျ နည်းနည်းဖတ်တတ်တဲ့သူတွေက ခဏဆိုငှားသွားပြီး ပြန်မပေးတော့ဘူး။ နောက်ပြီး ပေါ်တင် ဘူးကွယ်တယ်။ ကိုတင်သိန်းပြောတာ။ ကောင်းတဲ့ တရားစာအုပ် အုပ် (၂၀) ကို လူ တစ်ယောက်က ငှားသွားပြီး ပြန်ပေးတော့ (၇) အုပ်ပဲ ပြန်ပေးတော့တယ်။ ပြန်တောင်းတော့လည်း ဟိုလိုလို ဒီလိုလို လုပ်နေတယ်တဲ့။ ကြည့်အုံး။ မင်းတို့ရွာထဲက လူတွေရဲ့ စိတ်ဓါတ် ကို။
ခုတော့ စာကြည့်တိုက်ကို ဆရာကိုတင်သိန်းပဲ မအားတဲ့ကြားထဲက ကလေးတွေအတွက် ဖွင့်ပေး။ ကလေးတွေက လာဖတ် တယ်လို့ သိရတယ်။ အဲဒါ ဖြစ်သင့်သလား။ မင်းတို့ ကိုယ့်ဟာကိုယ် စဉ်းစားကြည့်ကြပါဦး။ အဲဒါ မင်းတို့ ဦးဆောင်ပြီး မလုပ်သင့် ဘူးလား။


ကိုယ်ရည်ကိုယ်သွေး (Personality)
သြဇာရဲ့ နောက် အရေးကြီးတဲ့ တစ်ချက်က ကိုယ်ရည်ကိုယ်သွေးပဲ။ ကိုယ်ရည်ကိုယ်သွေး ဆိုတဲ့နေရာမှာ ကိုယ့်ရုပ်ရည်၊ ၀တ်ပုံဆင်ပုံ၊ စားပုံသောက်ပုံ၊ နေပုံထိုင်ပုံ၊ သွားပုံလာပုံ၊ ပြောပုံဆိုပုံ။ လမ်းလျှောက်ပုံ၊ အိပ်ပုံ၊ လူတွေအပေါ်ထားတဲ့ သဘောထား၊ မျက်လုံးအကြည့်၊ စိတ် အတွေးအကြံ၊ စတာတွေ အကုန်လုံးပါတယ်။
နိုင်ငံခြားတိုင်းပြည်တွေမှာဆိုရင် ကိုယ်ရည်ကိုယ်သွေးနဲ့ ပတ်သက်တဲ့ သင်တန်းတွေ၊ စကားပြောနည်းသင်တန်းတွေ ရှိတယ်။ လူရှေ့သူရှေ့မှာ စကားပြောရင် လက်ကိုဘယ်လိုထားရမယ်။ မျက်နှာကို ဘယ်လိုထားရမယ်။ ကိုယ်ကိုဘယ်အနေအထား မှာ ထားရမယ်။ လေသံကို ဘယ်လိုအနိမ့်အမြင့်နဲ့ ပြောရမယ် စသဖြင့်ပေါ့။
ထားပါတော့။ မင်းတို့အနေနဲ့ ဘယ်လိုနေရထိုင်ရမလဲ ဆိုတာ ငါ အကျဉ်းချုပ်ပြောပြမယ်။
လူမှာ အ၀တ်၊ တောင်းမှာ အကွပ် တဲ့။ အ၀တ်အစား အရေးကြီးတယ်။ အရေးကြီးတယ် ဆိုလို့ အမြဲတမ်း အ၀တ်သစ်ဝတ်ဖို့ ပြောတာမဟုတ်ဘူး။ သပ်သပ်ယပ်ယပ်၊ သန့်သန့်ရှင်းရှင်း၊ ခန့်ခန့်ငြားငြား အ၀တ်ကို ၀တ်ရမယ်။ တခါတည်း ဆံပင်ကဘုတ်သိုက်၊ လူကညှင်းသိုးသိုး၊ ချေးက လက်လေးသစ်၊ ပါးစပ်တွေကလည်း ကွမ်းသွေးတွေနဲ့ ပေလို့ကျံလို့၊ သွားတွေကလည်း ကွမ်းချေးတွေ တက်လို့၊ ပုဆိုးက ချက်ပြုတ်၊ ခြေထောက်တွေ ကြည့်လိုက်ပြန်တော့ ဖုံနိုင်းချင်းနဲ့၊ မဲလို့တူလို့ ဆိုရင် မင်းတို့ကို ဘယ်သူက ခေါင်းရင်းခန်းမှာ နေရာပေးမလဲ။
ကောင်းရာမွန်ရာ စကားပြောနေတုံး ကွမ်းဝါးထားလို့ တစ်ဖက်သားကို ကွမ်းသွေးတွေက စဉ်၊ စကားပြောနေတုံး ပြစ်ကနဲ၊ ပြစ်ကနဲ တွေ့ကရာကို ကွမ်းသွေးတွေ ထွေး လုပ်နေရင် မင်းတို့စကားကို ဘယ်သူ လေးစားမလဲ။
ဗလချီးနမ်းလူတွေနဲ့ လည်ပင်းဖက်ပေါင်း၊ တွေ့ကရာလူတွေနဲ့ ပေါက်တတ်ကရတွေပြော၊ တဟီဟီတဟားဟား နဲ့နေ၊ ကောင်မလေးတွေနဲ့ ဖင်ပုတ်လိုက်၊ ရင်ပုတ်လိုက်လုပ်နေရင် မင်းတို့ကို ဘယ်သူခန့်ငြားမလဲ။
ကောင်းကောင်းမွန်မွန် ခံ့ခံ့ညားညား ၀တ်စားသွားရမဲ့ ပွဲလမ်းသဘင်ကို စွပ်ကျယ်ချိုင်းပြတ်နဲ့၊ ပုဆိုးညစ်ထပ်ထပ်နဲ့ သွားရင် မင်းတို့ကို ဘယ်သူက အရေးလုပ်ခေါ်မလဲ။ မကောင်းတတ်လို့ ခေါ်သည့်တိုင် သူတို့စိတ်ထဲဘယ်လို ရှိမလဲ။ အလကားကောင်၊ ငါတို့ပွဲကို ဒီလိုအ၀တ်နဲ့လာတယ်။ ဒါ ငါတို့ကို သက်သက်စော်ကားတာ လို့ မထင်ပေဘူးလား။
စကားပြောတဲ့နေရာမှာလည်း တစ်ခါတလေ ပျော်စေပျက်စေပြောတာကလွဲလို့ စကားကို ကပျက်ကချော်မပြောရဘူး။ ထောင်တန်တဲ့ စကား၊ ရယ် ပေါ့ တဲ့။ တည်တည် ပြောရမဲ့ စကားကို တည်တည်တံ့တံ့ပြောရတယ်။ အကျိုးမရှိ၊ သိမ်ဖျင်းတဲ့စကားတွေ ပြောရင် လူမလေးစားဘူး။ နောက်ပြီး သူများမကောင်းကြောင်းကိုလည်း တတ်နိုင်သမျှ မပြောရဘူး။ သူများ ပြောတာ စိတ်ပါလက်ပါ နားထောင်။ သူများပြောစကားကို ကြားထဲက ဖြတ်ဖြတ် မပြောရဘူး။ နောက်ပြီး သူများနားထောင်ချင်မှန်း မထောင်ချင်မှန်း မသိဘဲ ငါ့စကားနွားရ လျှောက်မပြောရဘူး။
လူတစ်ယောက်ကို ဘယ်သောအခါမှ ချိုးချိုးဖဲ့ဖဲ့ မပြောရဘူး။ လူတိုင်းလူတိုင်းမှာ ကောင်းကွက် တစ်ကွက်စီ ရှိတယ်။ ကိုယ်လည်းရာနှုံးပြည့် ကောင်းမွန်မှန်ကန်နေတာ မဟုတ်ဘူး။ လူဆိုတာ အားနည်းချက်၊ အားသာချက် ရှိမှာပဲ။ သူများအမှားချည်း ထောက်ပြ အပြစ်တင်မနေရဘူး။ ငါရော ဘာမှားနေလဲ ပြန်ဆင်ခြင်ရတယ်။ သူမှားနေရင် ပြင်ပေးရတယ်။ အဆင်းမှာ ဘီးတပ်မပေး ရဘူး။ လူဆိုတာ သူများမှားတာသာ မြင်လွယ်တာ။ ကိုယ်မှားနေတာကျ မြင်ဘို့ အင်မတန်ခက်တယ်။ ကိုယ်က သူများအမှားကို ထောက်ပြပေးရသလို ကိုယ်မှားနေတာ ထောက်ပြပြောဆိုရင်လည်း စိတ်မဆိုးရဘူး။ ကျေးဇူးတောင်တင်ရဦးမယ်။ ဒါပေမဲ့ လူဆိုတာ မှားတာကို မှားတယ်လို့ပြောရင် ခံချင်ကြတာ မဟုတ်ဘူး။ ငါကစပြီး စိတ်ဆိုးတတ်ကြတယ်။ အဲဒါ ကြပ်ကြပ် သတိထားရမယ်။
အကျဉ်းချုပ်လိုက်ရင် မင်းတို့ ၀စီဒုစရိုက်လေးပါး သိတယ်မဟုတ်လား။ အဲဒါရှောင်ရင်ကို ပြီးတယ်။ မညာနဲ့၊ အတင်းအဖျင်း မပြောနဲ့၊ ကုန်းမတိုက်နဲ့၊ ဆဲရေးတိုင်းထွာ မပြောနဲ့။ ဒါဆို မင်းတို့ပြောစကားကို လူတွေ လေးလေးစားစား နားထောင်လာလိမ့်မယ်။
နောက်ပြီး နေတာထိုင်တာ။ ကြည့်စမ်း၊ ဟိုကောင်ထိုင်နေတာ။ တစ်ခါထဲ ခါးကြီးကို ခွေခေါက်လို့။ လောကကြီးကို စိတ်ကုန် နေတဲ့ မျက်နှာနဲ့။ ဘယ်တေ့ာမှ အဲလို မထိုင်နဲ့။ ခါးကိုမတ်မတ်ထိုင်။ အမြဲတက်တက်ကြွကြွ ဖြတ်ဖြတ်လတ်လတ် ရှိနေပါစေ။ သွားတဲ့ လာတဲ့နေရာမှာလည်း ရှပ်ပြာရှပ်ပြာမသွားပဲ ဣနြေ္ဒသိက္ခာနဲ့ သွားရတယ်။
နောက်ပြီး လူကြီးလုပ်မဲ့လူတစ်ယောက်အတွက် အရေးကြီးတဲ့ ကိုယ်ရည်ကိုယ်သွေး နှစ်ခု ရှိသေးတယ်။
တစ်ခုက စိတ်ရှည်တာ။ နောက်တစ်ခုက သည်းညည်းခံတာ။ အဲဒီနှစ်ခုဟာလည်း သြဇာညောင်းရေးမှာ အင်မတန် အရေးပါတယ်။ ဒါလည်း အင်မတန်ခက်တယ်။ တမင်ကို လေ့ကျင့်ယူမှ ရတယ်။ အထူးသဖြင့်တော့ သည်းခံတာပေါ့။
ကိုယ့်ကို အိမ်ရှေ့လာပြီး ကလော်တုတ်သွားရင်တောင် သည်းခံနေနိုင်ရမယ်။ ငါ ဒီလိုလူတွေနဲ့ ဖက်ပြီး ရန်ဖြစ်လို့ မတော်ပေ ဘူး လို့ နှလုံးသွင်းရမယ်။ သည်းခံရုံတင်မက ခွင့်လည်း လွှတ်တတ်ရမယ်။ လူကြီးလူကောင်းတစ်ယောက်မှာ လက်စားချေတယ် ဆိုတာ လုံးဝမရှိဘူး။
ငါ ကိုယ်ရည်ကိုယ်သွေးပြောတာ တော်တော်များသွားပြီ။ ပြောစရာတွေတော့ အများကြီးပေါ့။ မင်းတို့ သေသေချာချာ လေ့လာချင်တယ် ဆိုရင် ငါ စာအုပ်တွေ ၀ယ်ပြီးပို့ပေးလိုက်မယ်။ ကိုယ့်ဟာကိုယ် ဖတ်ပြီး ဆွေးနွေးကြ။ လေ့ကျင့်ကြပေါ့။ အချိန်တွေ အများကြီး ရှိသေးတယ်။ ခု နောက်တစ်ခု ဆက်ရအောင်။

တာဝန်ယူမှု (Responsibility)
နောက်တစ်ခုပြောချင်တာ တာဝန်သိတတ်မှု နဲ့ တာဝန်ယူမှု ပဲ။ ဒါဟာ ၀တ္တရားနဲ့ တိုက်ရိုက်ပတ်သက်နေတယ်။ မင်းတို့တော့ တာဝန်နဲ့ ၀တ္တရားကို ခွဲခြားပြီး သိမသိ မပြောတတ်ဘူး။ မသိတဲ့သူ သိအောင်၊ သိမလိုလို ဖြစ်နေတဲ့သူတွေလည်း ပိုရှင်း အောင် ငါထပ်ပြောပြမယ်။
မင်းတို့ကို လှည်းတိုက်ငှားတယ် ဆိုပါတော့။ သူက ပိုက်ဆံပေးပြီး ငှားထားတဲ့အတွက် ဒီစပါးကို သူလိုတဲ့နေရာရောက် အောင်ပို့ပေးဘို့ မင်းတို့တာဝန်ဖြစ်လာပြီ။ ဒါပေမဲ့ သူက ပြောတုံးက ပန်းတောကြီးလို့ပဲပြောပြီး ပိုက်ဆံ ၁၅၀၀ နဲ့ ငှားထားတာ။ ဟိုရောက်တော့မှ မန်ကျည်းပင်ကွင်းအထိလို့ ဖြစ်သွားရင် မင်းတို့ မလိုက်ပဲ နေနိုင်တယ်။ အနို့ပြောတုံးက ပန်းတောကြီးလို့ပဲ ပြောထားတာကိုး။ ဒါ့အပြင် ပုံမှန်အားဖြင့် ပေါက်ဈေးက ၂၀၀၀ ရှိတာကို သူက ၁၅၀၀ ပဲပေးလို့ မင်းတို့ကြိုက်ဈေးမရတဲ့အတွက် မလိုက်ချင်ဘူးဆိုလည်း မလိုက်ပဲ နေနိုင်တယ်။ အဲဒါ တာဝန်။
ဝတ္တရားကျတော့ မင်းတို့အဖေနဲ့ အမေ့အိမ်မှာ ဖက်တွေမိုးထားတာ အိမ်အမိုး မလုံတော့ဘူး။ အဖေနဲ့ အမေကလည်း အိုလှပြီ။ ဖက်တွေဝယ်ဘို့ရာလည်း ပိုက်ဆံမရှိဘူး။ မိုးကလည်း ကျတော့မယ်။ သည်တော့ကာ သားဖြစ်တဲ့မင်းအနေနဲ့ အဲဒီအိမ်ကို မိုးပေးဘို့ ၀တ္တရားရှိလာပြီ။ ဟာဗျာ၊ အဖေ့အိမ်ထားလို့ ကျွန်တော့်အိမ်တောင် မမိုးရသေးဘူး။ နောက်ပြီး အဖေ့အိမ်မိုးလို့ ပိုက်ဆံ တစ်ပြားမှရမှာ မဟုတ်ဘူးဗျလို့ ရှောင်ပြေးလို့ မရဘူး။ မင်း လုပ်ချင်သည်ဖြစ်စေ၊ မလုပ်ချင်သည် ဖြစ်စေ၊ ကိုယ့်အိမ်အမိုးကို အသာ ထားပြီး အဖေ့အိမ်ကို မိုးကိုပေးရမယ်။ အဲဒါ ၀တ္တရား။
ဒါပေမဲ့ ၀တ္တရားသာရှိပြီး တာဝန်မသိတတ်တဲ့ သူတွေကျတော့လည်း ဘာမှ လုပ်မပေးဘူး။ မသိချင်ယောင် ဆောင်နေတာ ပဲ။ ၀တ္တရားရှိတဲ့အတိုင်း ဘယ်သူကမှ မခိုင်းပဲ လုပ်ပေးတဲ့သူကမှ တကယ် တာဝန်သိတတ်တဲ့၊ တာဝန်ယူတတ်တဲ့သူ ဖြစ်တာ။ ငါတို့ ဆီမှာ အဲဒီလို ၀တ္တရားရှိပေမဲ့ တာဝန်မဲ့နေတဲ့သူတွေ အများကြီးပဲ ဆိုတာ မင်းတို့မျက်စိရှေ့မှာ တွေ့နိုင်တယ်။ နာမည်တွေတော့ အကျည်းတန်မှာစိုးလို့ ငါမပြောပြတော့ဘူး။
လူရယ်လို့ ဖြစ်လာရင် တာဝန်ကိုယ်စီ ရှိကြတာချည်းပဲ။ ကိုယ့်တာဝန်ကိုယ်ယူမှ လူပီသတယ်။
ကိုယ့် ခန္ဓာကိုယ် အတ္တဘောကြီး ကြည့်ကောင်းရှုပျော်ဖြစ်အောင်လုပ်ဖို့ ကိုယ့်မှာတာဝန်ရှိတယ်။ ဒါ ခုနကပြောခဲ့တဲ့ ကိုယ် ရည်ကိုယ်သွေး မွေးမြူဘို့ ကိုယ့်တာဝန်ပဲ လို့ ဆိုလိုတာ။
နောက်ပြီး ကိုယ့်ကို လူဖြစ်လာအောင် ကျွေးမွေးပြုစုစောင့်ရှောက်ခဲ့တဲ့ ကိုယ့်မိသားစုကို ပြန်ပြီး လုပ်ကျွေးသမှုပြုဘို့၊ ကြည့်ရှုစောင့်ရှောက်ဘို့ ကိုယ့်မှာတာဝန်ရှိတယ်။ နောက် ကိုယ်နေတဲ့ ရပ်ရွာအတွက် ကိုယ့်မှာတာဝန်ရှိတယ်။ ကိုယ်နေတဲ့ တိုင်းပြည် အတွက် ကိုယ့်မှာတာဝန်ရှိတယ်။ ဒါ ဘယ်သူကမှ အတင်းရိုက်ခိုင်းနေစရာ မလိုဘဲ ကိုယ့်အသိနဲ့ကိုယ် လုပ်ကြရမှာ။
ကိုယ်နေတဲ့အိမ်ကို၊ ခြံကို နေ့တိုင်းသန့်ရှင်းရမယ်။ အိမ်သာကို ဆေးရမယ်။ အမှိုက်သရိုက်တွေ ရှင်းပစ်ရမယ်။ ခြံစည်းရိုး ပျက်နေရင်ပြင်၊ မရှိရင်ကာ။ အိမ်အမိုးအကာတွေ ပျက်နေရင် ပြင်သင့်ပြင်၊ အသစ်လဲသင့်လဲ လုပ်ရမယ်။ ကိုယ့်အဖေအမေ လက်ကို ချည်း စောင့်မနေရဘူး။ ခုကြည့်စမ်း၊ မင်းတို့ အိမ်ခြံဝင်းတွေထဲမှာ ပေါင်းတွေ ခြုံတွေ၊ အမှိုက်သရိုက်တွေနဲ့ ညစ်ပေ ရှုပ်ပွနေတာ။ ဒါ ဘယ်သူကမှ ခိုင်းနေစရာ မလိုဘူး။ အရွယ်ရောက်လာတဲ့သူတိုင်း ကိုယ့်အသိနဲ့ကိုယ် လုပ်ကြရမှာ။ ငါတို့ဟာ ဒီအိမ်မှာ နေနေတဲ့ အတွက် ဒီအိမ်နဲ့ ပတ်သက်လို့ ကိစ္စအ၀၀ ငါတို့မှာ တာဝန်ရှိတယ် လို့ ခံယူထားရမယ်။
နောက်ပြီးတော့ ကိုယ့်ရပ်ရွာ။ ခု ကြည့်စမ်း၊ မင်းတို့ ၀ါးတောကွင်းရွာကြီး။ စုတ်ပြတ်သတ်နေတာ။ အဲဒါ ဒီရွာက လူတစ်ဦး ချင်းစီ တစ်ဦးချင်းစီက ကိုယ့်တာဝန်ကို မကျေပွန်ကြလို့ ဖြစ်နေတာ။ ဒီရွာမှာနေတဲ့အတွက် ဒီရွာကြီးကောင်းစားရေး၊ ဒီရွာတင့်တောင့် တင့်တယ်ဖြစ်ရေး၊ ရွာသန့်ရှင်းသာယာလှပရေးဟာ ဒီရွာအတွင်း မှီတင်းနေထိုင်တဲ့ ရွာသားအားလုံးမှာ တာဝန်ရှိတယ်။ ငါတို့ရှိနေရက် ကနဲ့ ငါတို့ရွာကြီး ဒီလိုအမြင်မလှဖြစ်နေတာ ငါတို့အသုံးမကျလို့ဘဲ လို့ ကိုယ့်ကိုယ်ကိုယ် ရှက်လိုက်ကြစမ်းပါကွာ။
နောက်တစ်ခုက တိုင်းပြည်။ မင်းတို့ ဒီတိုင်းပြည်မှာနေ၊ ဒီတိုင်းပြည်က သင်ပေးလိုက်တဲ့ပညာတွေကိုသင်။ ဒီတိုင်းပြည်ရဲ့ မြေပေါ်က ပေးကျွေးလိုက်တဲ့ အသီးအနှံတွေကိုစား၊ ဒီတိုင်းပြည်ကထွက်တဲ့ ရေကိုသောက်နေတဲ့ အတွက် ဒီတိုင်းပြည်ကောင်းစား ရေး မင်းတို့မှာလည်း တာဝန်ရှိတယ်။ ဒါဖြင့် တိုင်းပြည်ကျေးဇူးကို ဘယ်လိုဆပ်မလဲ။
တိုင်းပြည်ဆိုတာ မြို့နယ်တွေ၊ ရွာတွေကို စုပေါင်းထားတာကွ။ ရွာဆိုတာဟာလဲ အိမ်တွေကို စုပေါင်းထားတာပဲ။ ဒီတော့ အိမ်တိုင်းအိမ်တိုင်းက ကိုယ့်အိမ်ကိုယ် သပ်သပ်ယပ်ယပ်၊ သန့်သန့်ရှင်းရှင်းဖြစ်အောင်လုပ်ထားရင် ဒီရွာ သပ်ရပ်သန့်ရှင်းတဲ့ ရွာ ဖြစ်လာမယ်။ ရွာတိုင်းသာ ဒီလိုသန့်ရှင်းနေရင် တိုင်းပြည်ကြီးလည်း သပ်ယပ်သန့်ရှင်းတဲ့ တိုင်းပြည်ကြီး ဖြစ်လာမှာပဲ။ ခုတော့ ၀ါးတောကွင်းတင် စုတ်နေသလားမမှတ်နဲ့။ ထောက်ကြံ့ကွင်းသွားလည်း ဒီအတိုင်း။ ယိုးဒယားကွင်း၊ စူးထိုးကွင်း၊ လယ်တံငယ် အားလုံးဟာ ဘယ်သူမှမသာဘူး။ ဗမာပြည်ထဲကရွာတွေ ငါ လေ့လာကြည့်တယ်။ အားလုံး စုတ်တုတ်တုတ်ရွာတွေချည်းပဲ။ ဗမာပြည်ထဲက ရွာတွေစုတ်နေပြီ ဆိုမှတော့ ဗမာပြည်ကြီးလည်း စုတ်ပြတ်နေတဲ့တိုင်းပြည်ကြီး ဖြစ်နေတာပေါ့ကွ။ အဲဒီလို ဖြစ်နေတာ မင်းတို့လို တာဝန်မသိတဲ့သူတွေကြောင့်ပဲ။
မင်းတို့ကသာ ဦးဆောင်ပြီး ရပ်ရွာကောင်းစားရေးလုပ်လိုက်မယ်ဆိုရင် ရွာကြီး ဒီ့ထက်ပိုလှလာမယ်။ ပိုပြီး ကြီးပွားတိုးတက် လာမယ်။ မင်းတို့သာ စာတွေဖတ်ပြီး အသိပညာတွေ တိုးတက်လာရင် စီးပွားရေးလုပ်ငန်းကိုင်ငန်းတွေလည်း ကောင်းလာမယ်။ အဲဒီ အခါ လူနေမှု အဆင့်အတန်းလည်း မြင့်လာမယ်။ အဲဒီအမွေကို နောက်မျိုးဆက်သစ်တွေကိုလည်း လက်ဆင့်ကမ်းပေးနိုင်မယ်။ ကိုယ် ကရှေ့ဆောင်ပြီး လုပ်လိုက်လို့ တခြားရွာတွေ အားကျလာရင် အဲဒီရွာတွေကိုလည်း ကိုယ်က နည်းပေးလမ်းပြ လုပ်နိုင်မယ်။ အဲဒီအခါ အဲဒီရွာတွေလည်း တိုးတက်လာမယ်။
တကယ်လို့သာ မင်းတို့လို လူငယ်တွေ မြန်မာပြည်တစ်ဝှမ်းမှာ အများကြီးပေါ်လာပြီ ဆိုရင် မြန်မာပြည်ကြီးလည်း ပိုပြီး သာယာလှပတဲ့ တိုင်းပြည်ကြီး မဖြစ်လာပေဘူးလား။ ပိုပြီး လူနေမှုအဆင့်အတန်းမြင့်မလာဖူးလား။ တိုင်းပြည်ထုတ်ကုန်လည်း ပိုပြီး မတိုးလာဘူးလား။ အဲဒါဟာ တစ်နည်းအားဖြင့် မင်းတို့က ကိုယ့်ရပ်ရွာအတွက် လုပ်နေရင်း တိုင်းပြည်အကျိုးစီးပွားကိုလည်း တပါတည်း လုပ်ပြီးဖြစ်သွားတာပဲ။ အဲဒီတော့ မင်းတို့ဟာ ကိုယ့်မိသားစုအတွက်၊ ကိုယ့်ရပ်ရွာအတွက် လုပ်နေခြင်းဟာ တိုင်းပြည် အတွက် လုပ်နေခြင်းပဲ ဆိုတာသဘောပေါက်ဘို့ လိုတယ်။

ဘာလုပ်ရမလဲ
ဒီတော့ဘာလုပ်ရမလဲ တဲ့။
မင်းတို့လူငယ်တွေစုပြီး အဖွဲ့လေးတစ်ဖွဲ့ ဖွဲ့ပါ။ အဲဒီအဖွဲ့အတွက် တူညီဝတ်စုံမလိုဘူး။ ဥက္ကဌ၊ အတွင်းရေးမှုး မလိုဘူး။ ရံပုံငွေ တွေ ဘာတွေ မလိုဘူး။ ရုံးခန်း မလိုဘူး။ အဓိကလိုတာ လုပ်ချင်စိတ်နဲ့ စေတနာ ပဲ။ ဒါပေမဲ့ အဖွဲ့ကို ဦးဆောင်ဘို့ မင်းတို့အထဲက ထက်ထက်မြက်မြက် အရှိဆုံး၊ အသိဉာဏ် အမြော်အမြင်အရှိဆုံး တစ်ယောက်က ခေါင်းဆောင်ရမယ်။ နောက်ပြီး မင်းတို့အဖွဲ့ထဲမှာ အကြံပေးမဲ့ လူကြီးတွေလိုတယ်။ သူတို့က အတွေ့အကြုံရှိပြီးသားဆိုတော့ သူတို့ကို မထည့်မဖြစ် ထည့်ကိုထည့်ရမယ်။ ဥပမာ - ဟောဒီက ဦးလေးဝင်းမြင့်တို့၊ ဦးကြီးမြဆင် တို့ပေါ့။ဒါပေမဲ့ တကယ်လုပ်တဲ့အခါတော့ မင်းတို့ကိုယ်တိုင် လုပ်ရမှာပေါ့။
အဖွဲ့ဖွဲ့ပြီးပြီဆိုရင် တစ်လတစ်ခါတန်သည်၊ နှစ်ခါတန်သည် စည်းဝေးကြရမယ်။ နောက်ပြီး ဒို့ရပ်ရွာမှာတော့ ဘာတွေလုပ်ရင် ကောင်းမလဲ လို့ ချရေး။ ဘယ်လိုလုပ်ရမလဲ လို့ ဆွေးနွေး၊ မဖြစ်နိုင်တာတွေ မပြောနဲ့၊ ဖြစ်အောင်ကို လုပ်မယ် ဆိုတဲ့စိတ်ကို မွေးထား။ အခက်အခဲနဲ့ ပြဿနာကတော့ ရှိမှာပဲ။ ဘယ်အရာမှ စင်းလုံးချော မဖြစ်နိုင်ဘူး။ မင်းတို့ကို ကန့်လန့်တိုက်တဲ့ သူတွေ၊ ကဏ္ဍဃောစ လုပ်တဲ့သူတွေ၊ ကဖျက်ကယက်လုပ်တဲ့သူတွေ ရှိမှာပဲ။ သူတို့နဲ့ ဖက်ပြီးရန်ဖြစ်နေစရာ မလိုဘူး။ ကိုယ်လုပ်ရမဲ့အလုပ်ကို အောင်မြင် အောင်လုပ်ဖို့ပဲ လိုတယ်။ နောက်ပြီး သူတို့အပေါ် မေတ္တာမပျက်နဲ့။ ထားပါတော့ ရွာလမ်းတွေ သန့်ရှင်းရေးလုပ်ပေမဲ့ အိမ်တစ်အိမ်က ကပ်ဖဲ့လုပ်ပြီး မပါဘူး။ ကိစ္စမရှိဘူး။ သူမပါလည်း သူ့အိမ်ရှေ့ပါ မင်းတို့သွားရှင်းပေးလိုက်ပါ။ မင်းတို့ သူ့အပေါ်သဘောထားကြီး ကြောင်း ပြလိုက်ပါ။ မေတ္တာမပျက်ကြောင်း ပြလိုက်ပါ။ ဒီလူ သူ့လိပ်ပြာ သူရှက်သွားလိမ့်မယ်။
နောက်တစ်ခုက အချင်းချင်း စိတ်ဝမ်းမကွဲကြပါနဲ့။ မတွက်ကပ်ကြပါနဲ့။ အလုပ်လုပ်လာပြီဆိုရင် သဘောထားခြင်း မတိုက်ဆိုင်တာတွေ ရှိလာတတ်တယ်။ လူတွေအများကြီးနဲ့ လုပ်တာပဲ။ ဘယ် အားလုံးသဘောတူနိုင်မလဲ။ ဒါ သဘာဝကျတယ်။ အဲဒီလို သဘောထားခြင်း မတိုက်ဆိုင်တဲ့အခါ သူ့ဘက်ကိုယ့်ဘက် အလျှော့အတင်းလုပ်ပြီး ညှိယူပါ။ ဘယ်သောအခါမှ ငါ့စကား နွားရ မပြောပါနဲ့။ ကိုယ့်ဘက်ကနေမဟုတ်ပဲ သူ့ဘက်ကနေ စဉ်းစားကြည့်ပါ။ သြော်၊ သူပြောတာ ဟုတ်သားပဲ လို့ အမြဲတွေးပါ။
သာရေး၊ နာရေး တွေမှာ မင်းတို့အဖွဲ့ ဦးဆောင်ပြီး တက်တက်ကြွကြွ စေတနာပါပါနဲ့ လုပ်ပေးလိုက်ပါ။ နောက်ပြီး သင်္ကြန်၊ ၀ါဝင်၊ ၀ါထွက် လူကြီးသူမတွေကို ကန်တော့ပွဲလေးတွေ လုပ်ပေးပါ။ ၀ါတွင်းဥပုသ်ရက်တွေဆို ကျောင်းမှာ ဥပုသ်သည်တွေ အရမ်း များတယ်။ မင်းတို့က ဦးဆောင်ပြီး သူတို့နေရာထိုင်ခင်းသန့်ရှင်းတာ၊ ဆွမ်းကွမ်းဝေယျာဝစ္စ၊ ရေချိုးတာ၊ မမာရေး၊ မကျန်းရေး စတာ တွေကို လုပ်ပေးကြရမယ်။ အလှူ၊ မင်္ဂလာဆောင်ရှိပြီဟေ့ ဆိုတာနဲ့ မင်းတို့က စည်းဝေးပွဲအငယ်စားလေး ခေါ်ပြီး မင်းကတော့ မဏ္ဍပ် ထိုးဘို့တာဝန်ယူ၊ ငါကတော့ ကျွေးမွေးရေးတာဝန်ယူမယ်၊ နင်တို့က ဧည့်ခံရေးတာဝန်ယူ၊ မင်းတို့ကတော့ ဖိတ်စာရိုက်ပေးလိုက်ကြ စသဖြင့် အသီးသီး တာဝန်ခွဲဝေယူကြရမယ်။ အခက်အခဲ ပြဿနာတွေနဲ့ ကြုံတဲ့အခါတိုင်း လူကြီးသူမတွေဆီက အကြံဉာဏ်ကို ယူပါ။
မင်းတို့စည်းဝေးပွဲလုပ်မယ်ဆို စာကြည့်တိုက်ထဲမှာ လုပ်လို့ရတယ်။ စာကြည့်တိုက်ကိုလည်း ပြန်ပြင်ပါ။ စာအုပ်ဘီရိုတွေ ထပ်လုပ်၊ စာအုပ်တွေ ထပ်ဖြည့်။ မင်းတို့ကိုယ်တိုင်လည်း စာဖတ်၊ ရွာသားတွေ စာဖတ်အောင်လည်း နှိုးဆော်ပါ။ စာကြည့်တိုက်ဟာ ရွာကာလသား၊ ကာလသမီးတွေ တွေ့ဆုံရာနေရာလေး ဖြစ်နေပါစေ။ စာကြည့်တိုက်ပတ်ဝန်းကျင်ကို သန့်ရှင်းထားခြင်းဖြင့် ကလေး တွေလည်း ဆော့လို့ရအောင် လုပ်ထားပါ။ စာကြည့်တိုက်ကို ဘယ်နေ့ဘယ်သူလာဖွင့် စသဖြင့် အလှည့်ထားပြီး အနည်းဆုံး တစ်ပတ်ကို သုံးရက်လောက်၊ တစ်ရက်ကို တစ်နာရီ၊ နှစ်နာရီလောက် ဖွင့်ဖြစ်အောင် ကြိုးစားပါ။
ကျောင်းခြံစည်းရိုး၊ ဆေးခန်း၊ စာကြည့်တိုက်နဲ့ ရယကရုံး စည်းရိုးတစ်လျှောက် သစ်ပင်တွေ စိုက်ပါ။ မန်ကျည်းပင်၊ သရက် ပင်၊ ခရေပင်၊ သပြေပင်၊ ကုက္ကိုပင် စတဲ့ နှစ်ရှည်ပင်ကြီးတွေ စိုက်ပါ။ ကံ့ကော်တို့၊ စကားပင်တို့လည်း စိုက်လို့ရတာပဲ။ နောက်ပြီး ရွာဘောလုံးကွင်းကို လည်း ပြန်ပြင်ပါ။ အားကစားပွဲလေးတွေ လုပ်ပေးပါ။
ဒါဆို မင်းတို့ဟာ ရပ်ရွာက အားကိုးရမဲ့ သားကောင်း၊ သမီးကောင်းတွေ ဖြစ်လာလိမ့်မယ်။ ရပ်ရွာကလည်း မင်းတို့ကို တကယ် အားကိုးအားထား ပြုလာလိမ့်မယ်။ ခု လူကြီးတွေနောက်ပိုင်း မင်းတို့ ရပ်ရွာကို တာဝန်ယူရတဲ့အခါ ရပ်ရွာအပေါ် သြဇာ ညောင်းတဲ့၊ အရည်အချင်းရှိတဲ့ ခေါင်းဆောင်ကောင်းတွေ ဖြစ်လာလိမ့်မယ်။ လုပ်ရင်းကိုင်ရင်းကနေ ဘာတွေလုပ်ရမယ်၊ ဘယ်လိုလုပ် ရမယ် ဆိုတာ အလိုလို သိလာလိမ့်မယ်။ တစ်ခုတော့ရှိတယ်။ အဲဒီလိုလုပ်ရင် မင်းတို့ကို အ-မနာပ ပြောတဲ့လူတွေ ရှိလာလိမ့်မယ်။ မင်းတို့ အဆဲခံရလိမ့်မယ်။ မဲ့တာရွဲ့တာခံရလိမ့်မယ်။ တီးတိုးတီးတိုး သဖန်းပိုး လုပ်ကြလိမ့်မယ်။ မကြားတကြား လှောင်တဲ့သူတွေ ရှိလိမ့်မယ်။ အဲဒီလူတွေနဲ့ ဖက်ပြီး ရန်ဖြစ်မနေနဲ့။ အဲဒီလူတွေပြောတာကို လျစ်လျူရှုထားလိုက်ပါ။
မင်းတို့အဲဒီလိုလုပ်ရင် ၀ါးတောကွင်းရွာကြီးဟာ ဘေးကရွာတွေ တမင်သက်သက်လာပြီး လေ့လာရမဲ့ စံပြရွာကြီး တစ်ရွာ ဖြစ်လာလိမ့်မယ်။ မင်းတို့အကြောင်းကိုလည်း တစ်ဆင့်စကား တစ်ဆင့်နား လူသတင်း၊ လူချင်းဆောင် သွားလိမ့်မယ်။

ကဲ၊ ငါပြောတာလည်း အတော်များသွားပြီး။ ဒီတော့ ငါပြောတာသေသေချာချာ မှတ်ထားပါ။ ငါပြောသလို လုပ်ဖြစ်အောင် လည်း လုပ်ပါ။ ငါ နောက်နှစ်နှစ်လောက်ကြာရင် တစ်ခေါက်ပြန်လာဦးမယ်။ အဲဒီအခါ ခုအခြေအနေနဲ့ဘာတွေကွာသလဲလို့ လေ့လာ ကြည့်မယ်။ လုပ်ဖြစ်အောင် လုပ်ကြပါလို့ ငါတိုက်တွန်းချင်တယ်။ ဒါပါပဲကွာ။

အေးငြိမ်း(လေးမျက်နှာ)
၇-၁-၂၀၁၀

ဘ၀ခါးခါး (ကိုလှစိုး-၂)

၁၆၊ ၂။ ကာတာသို့ သွားပြန်ခြင်း

မြန်မာပြည် ပြန်ရောက်ပြန်တော့ ဘာလုပ်ရမှန်း မသိဘူး။ ကျွန်တော်တို့ရပ်ကွက်ထဲမှာ စင်ကာပူကိုသွားတဲ့ ကောင်တွေ တစ်လ လေးငါးသိန်းပို့နေတာ တွေ့နေရပြန်တော့ နိုင်ငံခြားပြန်ထွက်ဘို့ လုပ်ပြန်တယ်။ ကျွန်တော် ပန်းဆိုးတန်းလမ်းမှာ လျှောက် သွားနေရင်းက ဆိပ်ကမ်းသာလမ်းဘက်မှာ ဆိုင်းဘုတ်ကြီးတွေ ထောင်ပြီး လူတွေဝိုင်းအုံနေတာ ၀င်ပြီး စပ်စုကြည့်လို့ ဒူဘိုင်းနဲ့ ကာတာအတွက် အလုပ်တွေခေါ်နေတာ သိရတယ်။ ဒါနဲ့ ကျွန်တော် ကာတာအတွက် ၀င်ပြီး အင်တာဗျူးတယ်။ ဗျူးတော့ ပါပြန် တယ်ဗျို့။
ကာတာအတွက်လည်း Carpenter ပဲ။ သူတို့က ပိုက်ဆံကို သွားခါနီးကျမှ ပေးရမယ် တဲ့။ အေးဂျင့်ဖီး စုစုပေါင်း ၁၁ သိန်း ပဲ ကုန်တယ်။ ဒါပေမဲ့ ကာတာမှာလည်း အရင်းမကျေပါဘူးဗျာ။ ကာတာမှာလုပ်ခဲ့တာ စုစုပေါင်း ၈ သိန်းလောက်ပဲ ပြန်ပို့နိုင် တယ်။ အဲဒီမှာလည်း ၃ သိန်းလောက် ရှုံးတာပဲ။
ကာတာကို သွားတာ ကျွန်တော်တို့ အုပ်စုမှာ စုစုပေါင်း ၉ ယောက်။ Carpenter ဆိုပေတဲ့ တကယ်လုပ်တဲ့အခါကျ ကျွန်တော်တို့ကို မလုပ်ခိုင်းဘူး။ အီဂျစ်က အလုပ်သမားတွေက လက်သမားလုပ်ပြီး ကျွန်တော်တို့ကတော့ ရိုးရိုး General Worker အလုပ်ပဲ လုပ်ရတယ်။ နှစ်ထပ်ကနေ ငါးထပ်ထိ ဆောက်တဲ့ တိုက်တွေမှာ သံချည်၊ သံကွေး၊ ဘိလပ်မြေအိတ်တွေ ထမ်းရတယ်။ သံချောင်းတွေ သယ်၊ ဖြတ် အစုံပေါ့။ ငြမ်းလည်း ဆင်ရတယ်။ ကွန်ကရစ်လောင်းဘို့ ကျောက်ပုံးရိုက်ရတယ်။ မဆလာ ဖျော်ရ တယ်။ အုတ်ကြီးတွေ သယ်ရတယ်။ ကျောက်စရစ်နဲ့ သဲတွန်းရတယ်။ ရေပိုက်လိုင်းတွေ မိလ္လာပိုက်လိုင်းတွေ ဆင်ရတယ်။ ကြွေပြားကပ်ရတယ်။ နောက်ပြီး အုတ်သယ်ရတယ်။ အုတ်က အကြီးကြီးတွေ။ အဲဒီအုတ်တစ်လုံးကို ၇ ပိဿာလောက် လေး တယ်။ အုတ်အလျှားက ၁၄လက်မ၊ ထုက ၉ လက်မထု။ အလယ်မှာ အခေါင်းပွကြီးတွေ။ အုတ်တွေက ကြီးတဲ့အခါကျတော့ ပြီးတာ မြန်တယ်။ တစ်နေ့ကို တစ်ယောက်ထဲ လုပ်တာတောင် ဒီလိုအခန်းမျိုးဆို မနက်တစ်ခန်း၊ ညနေတစ်ခန်း အသာလေး ပြီးတယ်။
ရာသီဥတုကလည်း အရမ်းဆိုးတယ်။ ပူလိုက်တာ မပြောပါနဲ့တော့။ နေ့ခင်းကျတော့ ခြစ်ခြစ်တောက် တအားပူ။ ညဘက် ကျတော့ လေကတအားတိုက်။ အရမ်းချမ်းတယ်။ စားဘို့သောက်ဘို့ ၀ယ်ရအောင်လို့ ညဘက် အလုပ်ကပြန်ရောက်ရင် ချမ်းချမ်းစီးစီးကြီးထဲမှာ စူပါမားကက်တွေကို သွားရသေးတယ်။ ပိတ်ရက်ကျတော့ ဒိုဖာ ဆိုတဲ့နေရာသွားပြီး ကိုယ်လိုချင်တဲ့ အစား အသောက်တွေ ၀ယ်ရတယ်။
ကာတာ ရောက်ရောက်ချင်း သုံးဘို့စွဲဘို့လို့ တစ်ယောက်ကို ၁၅၀ ထုတ်ချေးတယ်။ လခထုတ်တော့ လခထဲက ပြန်ဖြတ် တာပေါ့။ နေရတာက ကျွန်တော်တို့ မြန်မာတွေက တစ်ခန်း၊ ဘေးချင်းကပ်လျှက်က နီပေါတွေ။ နောက်တစ်ခန်းကျော်က ဗီယက် နမ်တွေနေတယ်။
ကျွန်တော် အဲဒီမှာ အရိုက်ခံရသေးတယ်။
ကုမ္ပဏီက ကုလား အင်ဂျင်နီယာ မိုဟာမက် အီဗရာဟင် တဲ့။ သူက ဘိလပ်မြေအိတ်တွေချဘို့ လူအင်အားနည်းနေလို့ ကျွန်တော်တို့ သုံးယောက်ကို အကူလွှတ်လိုက်တယ်။ ပြောတုံးကတော့ ပြီးတာနဲ့တပြိုင်နက် ချက်ခြင်း ပြန်ပို့ပေးမယ်တဲ့။ ဒါပေမဲ့ ဂိုဒေါင်လဲရောက်ရော ကားသမားက မင်းတို့ဒီမှာပဲ အိပ်ပေတော့။ ငါတော့ မစောင့်နိုင်တော့ဘူး။ ပြန်မယ် လို့ပြောတယ်။ အဲဒီမှာ ကျွန်တော်နဲ့ စကားများတယ်။ မင်းတို့ အင်ဂျင်နီယာက အလုပ်ပြီးတာနဲ့ ချက်ခြင်း ပြန်ပို့ပေးမယ် ပြောထားတယ်။ ငါတို့အလုပ်ပြီး အောင် မင်းစောင့်နေပါ။ ငါတို့တခါတည်း ပြန်လိုက်ခဲ့မယ်။ ဒီမှာမအိပ်နိုင်ဘူးပေါ့။
ညဘက် အရမ်းချမ်းတော့ စောင်တွေမရှိဘဲ ဘယ်လိုမှ မအိပ်နိုင်ဘူး။ နောက်ပြီး ရေနံကြောတွေရှိလို့ ခွင့်ပြုမိန့်မရှိဘဲ ဘယ်မြေပြင်ပေါ်မှာမှ မီးမွှေးခွင့် မရှိဘူး။ မွှေးရင် အဖမ်းခံရမယ်။ အဲဒီအကြောင်း ကျွန်တော်နဲ့ အတူပါလာတဲ့ နီပေါကောင်လေး ကို ရှင်းပြတယ်။ ဒါပေမဲ့ ဟိုကောင်က မရဘူး၊ ပြန်မယ်ချည်းလုပ်နေတော့ ကျွန်တော်လည်း မင်းပြန်ရင် ငါတို့လည်း ပြန်လိုက်ခဲ့ မယ် ဆိုပြီး အတင်းကားပေါ်တက်တယ်။ သူက အတင်းပြန်တွန်းချ၊ ကျွန်တော်က အတင်း တံခါးဖွင့်တက်နဲ့ ဖြစ်နေတုံး ကျွန်တော်လည်း ကားပေါ်ရောက်ရော ကားသမားက သစ်သားတုတ်နဲ့ ကျွန်တော့်ကို ကျောကုန်းဖြတ် ရိုက်တယ်။ ကျွန်တော် လည်း ဘယ်လိုမှ လုပ်မရလို့ အဲဒီမှာ ကျန်ရစ်ခဲ့ရတယ်။ ဒီကောင်တွေကတော့ လူကို လူလိုမဆက်ဆံဘူး။
ညကျတော့ အရမ်းအေးလာတာကိုး။ ကျွန်တော်လည်း မနေနိုင်တော့လို့ ကဲ၊ ထောင်ကျမှ ကျရော့။ ပြန်လွှတ်လဲ မတတ်နိုင်ဘူး ဆိုပြီး အတူပါလာတဲ့ ကောင်လေးတွေကို မင်းတို့ မီးခြစ်ပါလား ဆိုပြီး အနားက အတိုအစတွေ လိုက်ကောက်။ မြေပြင်ပေါ်တော့ မီးမွှေးလို့မဖြစ်ဘူး။ ကွန်ကရစ်ကြမ်းခင်းပေါ် မီးမွှေးပြီး တစ်ညလုံး မီးလှုံနေရတယ်။ ဖြစ်ပုံများတော့။
လခက တစ်ရက်ကို ရီယယ် ၂၀ ရတယ်။ ၁ ရီယယ်ကို မြန်မာငွေ ၃၀၀ နဲ့ ညီမျှတယ်။ အလုပ်ချိန်က မနက် ၆ နာရီကနေ နေ့ခင်း ၂ ချက်တီး ထိ။ ၁၁ နာရီလောက်ကို ထမင်းစားချိန်ပေးတယ်။ ညနေပိုင်းကျတော့ ကျနေနဲ့ အရမ်းပူလို့ အလုပ် မလုပ်နိုင်ဘူး။ မနက် ၄ နာရီလောက်ဆို အိပ်ယာက ထကြတယ်။ မနက် ၅ နာရီဆို နေထွက်ပြီ။ မနက် ၇ နာရီ ၈ နာရီလောက် နေက ဒီမှာ တပေါင်း၊ တန်ခူးနေ့ခင်း ၁၂ နာရီနေထက် ပိုပြင်းသေးတယ်။ အရမ်းကို ပူတာ။ အညာသားတွေတောင် မခံနိုင်ဘူး။ ရေနံချောင်းက ကောင်ကတော့ ရောက်ပြီး ၃ ရက်ပဲ အလုပ်ဆင်းတယ်။ မခံနိုင်ဘူး၊ ပြန်မယ်ဆိုပြီး ပြန်သွားတယ်။ ကုန်ထားတဲ့ ၁၁ သိန်းတော့ ဟိုမှာပဲရှာပြီး ပြန်ရအောင်လုပ်တော့မယ် တဲ့။ အောင်မယ် ဒါတောင် ဒီကောင်က ကျွန်တော်တို့လို နေပူထဲလုပ်ရတာ မဟုတ်သေးဘူး။ သူက လက်ဆေးကန်တို့၊ အိမ်သာတို့ဆင်ရတာ ဆိုတော့ အရိပ်ထဲမှာလုပ်ရတာ။
ဘယ်လိုလဲ ဆိုတော့ တပေါင်း၊ တန်ခူးမှာ စောင်တွေ လေးငါးဆယ်ထပ်လောက် ခြုံပြီး ချွေးအောင်းရသလိုမျိုး။ အပြင်ထွက်လိုက်ပြန်တော့ လေပူကြီးတွေက တဟူးဟူးတိုက်သေးတယ်။ မျက်လုံးလေးပဲ ဖွင့်ထားပြီး တစ်ကိုယ်လုံးကို အ၀တ်တွေနဲ့ ခြုံထားရတယ်။
အဲဒီမှာ ရန်ကုန်တစ်ဖက်ကမ်း၊ ဒလက ကောင်လေးတစ်ယောက် သေသွားတယ်။ ဘယ်လိုဖြစ်သလဲ ဆိုတော့ အခန်းထဲမှာ Aircond နှစ်လုံးတပ်ပေးထားတယ်။ အရမ်းပူတော့ ဒီကောင်က Aircond ကို သွားပြင်တယ်။ Aircond ရှေ့မှာတပ်ထားတဲ့ လေခွဲတဲ့ shutter တွေကို ဖြုတ်ပစ်လိုက်တယ်။ ဒီတော့ လေက ဖြာမထွက်တော့ပဲ ရှေ့တည့်တည့်ပဲ မှုတ်နေတော့တာပေါ့။ အဲဒီ လေမှုတ်နေတဲ့ ရှေ့တည့်တည့်သွားပြီး ခေါင်းထိုး အိပ်တယ်။ မနက်ကျတော့ သေနေပြီ။ သေနေတာ ဘယ်သူမှတောင် မသိလိုက်ဖူး။ အဲဒီမှာပဲ ချလိုက်ရတာပေါ့။ သရဏဂုံတောင် မတင်လိုက်ရဘူး။
စားရတာကတော့ အစုံပဲ။ ကျွန်တော်တို့တော့ ဟင်းမရှိလို့ အဆောက်အဦးတွေထဲ လာအသိုက်လုပ်တဲ့ ငှက်တွေ ဖမ်း ကြော်စား။ ကြွက်တွေဖမ်းပြီး ကင်စား။ သူတို့ဆီမှာ ဒန့်သလွန်သီးပေါတော့ ဒန့်သလွန်သီးခူးပြီး ဟင်းချက်။ နောက်ပြီး သဲကန္တာရ ထဲမှာ ဖွတ်လိုအကောင်ကြိး တွေရှိတယ်။ တော်တော်ကြီးတယ်။ အဲဒီအကောင်ကြီးတွေ ခဲနဲ့ပစ်ဖမ်းပြီး ဟင်းချက်စားတယ်။ ကြက်ဥ ချက်စားတယ်ပေါ့။ ပြန်ခါနီး နှစ်လလောက်ကျမှပဲ အစားအသောက် ပေါတော့တယ်။ အနားမှာရှိတဲ့ သားသတ်ရုံသွားပြီး ကျွန်တော်တို့က ငါတို့ကို လခမပေးတာ လနဲ့ချီနေပြီ။ အစားကောင်းကောင်းမစားရဘူး လို့သွားပြောတော့ သူတို့က သိုးကလီစာ တို့၊ ဆိတ်ကလီစာ တို့၊ ကုလားအုတ်ခေါင်းတို့ ပေးတယ်။ ယူတာတော့ များသောအားဖြင့် ကျွန်တော်ပဲ သွားယူတယ်။ အဲဒါတွေ ချက်ပြီး တစ်ခန်းလုံး မျှစားကြတာပေါ့။
ဆန်ကတော့ အိန္ဒိယဆန်၊ ဘင်္ဂလားဆန်နဲ့ ထိုင်းဆန်တွေ ရှိတယ်။ ကျွန်တော်တို့ကတော့ ခပ်ညံ့ညံ့ ဆန်တွေပဲ ၀ယ် စားကြတယ်။ ဆန်တစ်ကီလိုကို ၄ ရီယယ်ပေးရတယ်။
အလုပ်ပင်ပန်းတဲ့နေ့တွေမှာတော့ ပေါင်မုံ့တစ်လုံးနဲ့ အအေးတစ်ဗူး တိုက်တယ်။
အဲဒီမှာ ရောက်နေတာ မြန်မာ စုစုပေါင်း ၂၀၀ လောက်ရှိမယ် ထင်တယ်။ သန့်ရှင်းရေးလုပ်တဲ့ကောင်တွေလည်း ရှိတယ်။ သူတို့က အစိုးရကနေ ခေါ်တာ။ သူတို့ကျ လခမှန်မှန်ရတယ်။ နေပူကြီးထဲမှာ လမ်းတွေပေါ်လျှောက်ပြီး သန့်ရှင်းရေး လုပ်ရတယ်။ မျက်နှာတင် ဖော်ထားပြီး တစ်ကိုယ်လုံးအ၀တ်တွေ ခြုံထားရတယ်။ ပူလွန်းလို့။
နောက်ပြီး လမ်းဘေးတွေမှာ မြန်မာဆေးလိပ်တို့၊ ကွမ်းယာတို့ရောင်းတဲ့ သူတွေလည်း ရှိသေးတယ်။ ပေါ်တင်တော့ ရောင်းလို့မရဘူးပေါ့။ ခိုးကြောင်ခိုးဝှက် ရောင်းရတာ။ မြန်မာ ဆေးပေါ့လိပ် ၃ လိပ်ကို ၁ ရီယယ်။ ရှားသွားတဲ့အခါမတော့ တစ်လိပ်ကို ၁ ရီယယ်။ ကွမ်းတစ်ယာကို ၁ ရီယယ်။ ဒါပေမဲ့လည်း သူတို့ရောင်းရတယ်။ လက်ကိုမလည်ဘူး။ ကာတာတွေ ကတော့ ကွမ်းမစားဘူး။ မြန်မာ၊ အိန္ဒိယ၊ ဘင်္ဂလားတွေပဲ ကွမ်းစားတယ်။ နောက်ပြီး အသင့်စားနိုင်တဲ့ ငါးပိဗူးလေးတွေလည်း ၀ယ်လို့ ရတယ်။ ဒါပေမဲ့ အရမ်းဈေးကြီးတယ်။
ကျွန်တော်တို့က အာရပ်တွေ ထမင်းစားတာ စောင့်ကြည့်နေရတယ်။ သူတို့က ပက်ပ်စီဗူးတို့၊ ငြုပ်သီးတို့၊ ဒိန်ချဉ်ဗူး၊ အသားဗူး တွေနဲ့စားတယ်။ သူတို့စားပြီးသွားရင် ပက်ပ်စီဗူးတို့၊ ငြုပ်သီးတို့ ကျွန်တော်တို့ကို ပေးလေ့ရှိတယ်။ အအေးတော့ အလကား သောက်ရတာပေါ့။
နေဦး။ မြန်မာငါးပိ ဒုက္ခအကြောင်း ကျန်သေးတယ်။ ကျွန်တော် ဒီကသွားတော့ ငါးပိ တစ်ပိဿာလောက် သယ်သွားတယ်။ ဟိုရောက်တော့ ငါးပိရည်ကျိုတာပေါ့။ ကျွန်တော်တို့အနားမှာ အီဂျစ်ကကောင်တွေ၊ ပါလက်စတိုင်းက ကောင်တွေ နေတယ်။ ကျွန်တော် ငါးပိရည်ကျိုတော့ ဒီကောင်တွေ လှမ်းအော်တယ်။ ကုလားလို။ ကျွန်တော်တို့လည်း ဘာမှ နားမလည်ဘူး။ နောက်တော့ ဒီကောင်တွေလာပြီး ကျွန်တော်ကျိုနေတဲ့ ငါးပိရည်အိုးယူပြီး အကုန် သွန်ပစ်တယ်။ ကျွန်တော်လည်း စိတ်ထဲ ဖျဉ်းကနဲ ဖြစ်သွားတာပေါ့။ ဒါပေမဲ့ ဒီကောင်တွေက လူထွားကြီးတွေ။ နောက်ပြီး သူတို့ဆီမှာ ရန်ဖြစ်လို့ မရတော့ ဘာမှ မတတ်နိုင်ဘူး။ ဒီအတိုင်း ကြည့်နေလိုက်ရတာပဲ။
တစ်နေ့တော့ အခန်းထဲကို ရဲတွေရောက်လာတယ်။ ကျွန်တော်တို့ကို ဗီယက်နမ်တွေမှတ်လို့။ ကျွန်တော်တို့နဲ့ ဗီယက်နမ် တွေကလည်း တော်တော်တူတယ်။ အဲဒါနဲ့ သူတို့ ဗီယက်နမ်တွေနေတဲ့ အခန်းကို ထွက်သွားတယ်။ အဲဒီအခန်းမှာနေတဲ့ ဗီယက်နမ် ၁၀ ယောက်စလုံးကို ဖမ်းသွားတယ်။ နောက်ကြားရတာတော့ ၅ ယောက်ကို သေဒါဏ်ချလိုက်တယ် တဲ့။ ဘာဖြစ်လို့လဲ ဆိုတော့ အနားက နီပေါ ၃ ယောက်ကို သတ်ပြီး ချက်စားလို့။ ကျွန်တော်တို့တောင် လူသားတွေ စားမိသေးလား မသိဘူး။ တစ်နေ့မှာ ဗီယက်နမ်တစ်ယောက် ကျွန်တော်တို့ စားဘို့ဆိုပြီး ဟင်းတစ်ခွက် လာပေးတယ်။ ဘာသားတွေလဲတော့ မသိဘူး။ နုပ်နုပ်စင်း ချက်ထားတာ။ စားလို့တော့ အတော်ကောင်းတယ်။
သူတို့ သတ်စားတာကို တစ်လလောက်ကြာမှ သိရတာ။ ပထမတော့ ဒီကုလားတွေ ပျောက်နေတယ် ဆိုပြီး လိုက်ရှာနေ တာ ကြာပြီ။ ဘယ်မှ ရှာလို့မတွေ့ဘူး။ အလုပ်ရှင်က လခမပေးလို့များ overstay နဲ့ တခြား တစ်နေရာကို ပြေးသွားသလား ပေါ့။ အမျိုးမျိုး ယုန်ထင်၊ ကြောင်ထင် ထင်နေကြတာ။
တစ်နေ့မှာ ဗီယက်နမ်တစ်ယောက် ဗိုက်အရမ်းအောင့်လို့ ဆေးရုံတက် ခွဲလိုက်ရတယ်။ အဲဒီကောင်ရဲ့ အစာအိမ်ထဲမှာ လူ လက်သည်းခွံသွားတွေ့တယ်။ အဲဒီမှာ ရဲတွေက လိုက်စုံစမ်းတယ်။ နောက်တော့ ဗီယက်နမ်တွေ သတ်စားတာ ပေါ်သွားတယ်။ ဗီယက်နမ် အားလုံးတော့ မဟုတ်ဘူး။ လူသတ်ပြီး ချက်စားတာက ၅ ယောက်ထဲ။ အဲဒီကောင်တွေ ခေါင်းဖြတ်သတ်ဖို့ စီရင်ချက် အချခံရတယ်။
လခက နည်း၊ အိမ်ကို ပြန်ပို့ရတဲ့ငွေက မဖြစ်စလောက် ဆိုတော့ ကျွန်တော်တို့ နေ့လည်ခင်း အရမ်းပူတဲ့အချိန်မှာတောင် အပြင်ထွက်ပြီး ပိုက်ဆံ ရှာရတယ်။
ဘယ်လိုလုပ်ရလဲ ဆိုတော့ အိမ်တွေရှေ့၊ ဟော်တယ်တွေရှေ့မှာ အမှိုက်ပုံးတွေ ရှိတယ်။ အဲဒီ အမှိုက်ပုံးတွေမှာ ပက်ပစီ တို့၊ ဆဲဗင်းအပ် တို့ အအေးဗူးခွံတွေ လိုက်ကောက်တယ်။ ဗူးခွံတွေကို ဖိနပ်နဲ့ တက်နင်းပြီး ပြားအောင်လုပ်၊ ကြွပ်ကြွပ်အိပ်နဲ့ စုပြီး ပြန်ရောင်းတာပေါ့။ တစ်ကီလိုကို ၃ ရီယယ် ရတယ်။ အစပိုင်း ဈေးမသိတော့ အနှိမ်ခံရတာပေါ့။ ဒါပေမဲ့ နောက်ပိုင်းကျတော့ တစ်ကီလိုကို ၆ ရီယယ်ထိ ပေးတယ်။
နောက်ပြီး ဆောက်လက်စ တိုက်တွေမှာ wiring လိုက်တဲ့ကောင်တွေကို ပေါင်းထားရတယ်။ သူတို့မီးဆင်ရာကနေ ၀ါယာဖြတ်စ ညှပ်စတွေ စုပြီး ပြန်ရောင်းရင် တစ်ကီလိုကို ၂၀ ထိရတယ်။ ဒါ့အပြင် သံပန်း သံတံခါး ဆရာတစ်ယောက်နောက် လိုက်ပြီး သူနဲ့ ကူညီညာလုပ်သေးတယ်။ အပိုဝင်ငွေလေး ဘာလေးရတာပေါ့။ ဒါပေမဲ့ အဲဒါလည်း သိပ်မကြာလိုက်ဘူး။ သူတို့ သိသွားတဲ့အခါကျ မလုပ်ရပြန်ဘူး။

၁၆၊ ၃။ ပြည်တော်ပြန်ခြင်း

လခကိုလည်း မှန်မှန်မပေးဘူး။ နှစ်လပေါင်းပေး၊ သုံးလပေါင်းပေး။ တစ်ခါတလေများဆို သုံးစရာတောင် ပိုက်ဆံမရှိဘူး။ သုံးဘို့ရေကို ကားနဲ့လာပို့ပေးတယ်။ ပလတ်စတစ် ရေတိုင်ကီတွေနဲ့ပေါ့။ ပြန်ကာနီး ရေ အတော် ဒုက္ခရောက်သွားသေးတယ်။ ကျွန်တော်တို့ပြန်မယ်လဲ ဆိုရော ရေကိုပါ ဖြတ်လိုက်တယ်။ အရင် ထည့်ပေးနေကျ ရေကန်ကြီးထဲမှာ ရေအပြည့် ထည့်ပေးထား တယ်။ ဒါပေမဲ့ ရှိသမျှ လူအကုန် ဒီရေပဲ သုံးနေရတာကိုး။ ထမင်းချက်ဖို့၊ ရေချိုးဘို့၊ အ၀တ်လျှော်ဘို့ အကုန် ဒီရေပဲသုံးရတော့ ကျွန်တော်တို့မပြန်ခင် ရေပြတ်သွားတယ်။ ရေပူရော၊ ရေအေးပါ မရတော့ဘူး။
ကျွန်တော်တို့ ရေမှာတော့ ငါတို့ကတော့ မထည့်ပေးနိုင်တော့ဘူး။ မင်းတို့မှာ ပိုက်ဆံရှိရင် ကိုယ့်ဟာကိုယ် မှာထည့်တဲ့။ ကျွန်တော်တို့ကို အရင်တုံးက ဦးဆောင်လုပ်ပေးနေတဲ့ မြန်မာ စူပါဗိုက်ဆာကလည်း စင်ကာပူကို ကူးသွားတော့ ပိုဆိုးသွားတာ ပေါ့။ သူမရှိတော့ဘူးလည်း ဆိုရော ကျွန်တ်ာတို့ကို လုပ်ချင်တိုင်း လုပ်တော့တာပဲ။
ကျွန်တော်တို့လည်း လခထုတ်မပေးတော့ ရုံးကို သွားပြောတာပေ့ါ။ မင်းတို့ ပြန်ချင်သလား တဲ့။ မေးတယ်။ နောက်ပြီး မင်းတို့ပြန်ချင်ရင် ကိုယ့်စားရိတ်နဲ့ကိုယ် ပြန်ရမယ်။ ပြန်ပြီးရင်တော့ နောက်ကို ဒူဘိုင်းတို့၊ ကာတာတို့တော့ ဘယ်တော့မှ လာလို့ရမှာ မဟုတ်တော့ဘူးနော်တဲ့။ ပြောလိုက်သေးတယ်။
သူတို့ကလည်း အင်္ဂလိပ်လို နားမလည်။ ကျွန်တော်တို့ကလည်း ကောင်းကောင်းရှင်းမပြတတ်တော့ အတော် ပြဿနာ တက်တယ်။ ဒါနဲ့ ကာတာရောက်နေတာ ကြာပြီဖြစ်တဲ့ ကုလားကြီးတစ်ယောက် မြန်မာလူမျိုးပေါ့၊ ခေါ်လာတယ်။ ကျွန်တော်တို့က သူ့ကို သေသေချာချာရှင်းပြတော့ သူက ရုံးကို ဘာသာပြန်ပြတယ်။ ဒီတော့မှ သူတို့က ကျွန်တော်တို့ပြန်ဘို့ စီစဉ်ပေးတယ်။ အဲဒီလိုနဲ့ ကာတာက ပြန်လာခဲ့တယ် လို့ပဲ ဆိုပါတော့။ ကာတာမှာ တစ်နှစ်နဲ့ငါးလ ကြာခဲ့တယ်။
ရောက်ရောက်ချင်း လေးငါးလမှာ လခ မှန်မှန်ပေးသေးတယ်။ နောက်ပိုင်းကျတော့ ခုနပြောသလို နှစ်လသုံးလကြာမှ ပေါင်းပေးတာတို့၊ ရက်ပျက်တွေကို ဖြတ်တာတို့၊ တစ်ချို့လတွေမှာ စားဘို့လောက်ပဲ ရတာတို့တွေ ဖြစ်လာတော့တယ်။ နောက်ဆုံး တိုင်မယ်တောမယ် လုပ်တော့မှ ကျွန်တော်တို့ရစရာ ရှိတဲ့ ပိုက်ဆံတွေထဲက လေယာဉ်လက်မှတ်ခ နှုတ်ယူထားလိုက်ပြီး အကုန် စုရှင်းပေးလိုက်တယ်။ လေယာဉ်လက်မှတ်ကလည်း အရမ်းဈေးကြီးတယ်။ ဆယ်သိန်းနဲ့ ငါးသောင်းထင်တယ်၊ ကျတယ်။
ပထမတော့ သူတို့က သက်တမ်းတိုးမလား မေးတယ်။ သွားလုပ်ရတာလည်း အဝေးကြီး၊ မင်းတို့ သွားရေးလာရေးလည်း စီစဉ်ပေးတာလည်း မဟုတ်ဘူး။ မိုင် ၃၀ လောက်ဝေးတဲ့နေရာကို လိုင်းကားနဲ့ သွားလုပ်ရတာ။ နောက်ပြီး လခလည်းမှန်မှန် မထုတ်ပေးဘဲနဲ့ ငါတို့ ဘာလို့ လုပ်ရမလဲ၊ ခုထိနေရတာတောင် လွန်လှပြီလို့ ပြောလိုက်တယ်။
အဲဒီလိုနဲ့ မြန်မာပြည် ပြန်ခဲ့တယ်။ အပြန်မှာ ဒူဘိုင်းလေယာဉ်ကွင်းထဲမှာ လေးနာရီလောက်ကြာတယ်။ စောင့်နေရတာ။ နောက် ဘန်ကောက်ရောက်တော့ ရှစ်နာရီလောက် စောင့်နေရတယ်။ Transit ပေါ့။

အဲဒီမှာ မူးယစ်ဆေးဝါး လုံးဝမရှိဘူး။ မကောင်းတဲ့မိန်းမတွေ မရှိဘူး။ ကာတာနိုင်ငံသားကို ကာတာရီလို့ခေါ်တယ်။ အာရပ်လူမျိုးတွေ။ တစ်ကိုယ်လုံး အဖြူရောင် ၀တ်ထားတယ်။ ခေါင်းကို အဖြူရောင်ကြားကြား၊ အပြာရောင်ကြားကြား ဖော့လုံးလို ဟာကြီးတွေနဲ့ စွပ်ထားတယ်။ တစ်နေ့ကို ဘုရားကျောင်း ၆ ကြိမ် လောက်သွားရတယ်။ မိန်းမ ၄ ယောက်ထိ ယူခွင့်ရှိတယ်။
သူတို့ဆီက မိန်းကလေးတွေကို သွားပြီး ထိခွင့်၊ ကိုင်ခွင့် မရှိဘူး။ ကျွန်တော်တို့ အုပ်စုထဲက လူတစ်ယောက်ဆို ကောင် မလေး တစ်ယောက် စက်ဘီးနဲ့လဲသွားလို့ သွားထူပေးမိတာ ထောင်တစ်နှစ်ကျသွားတယ်။ တကယ်လို့ အမျိုးသမီးတစ်ယောက် ကို မျက်နှာဖုံးလှစ်ကြည့်မိရင် ထောင် ဆယ်နှစ်ထိ ချနိုင်တယ် တဲ့။ သူတို့စည်းမျဉ်း၊ စည်းကမ်း၊ ဥပဒေတွေကို အာရဗီဘာသာ နဲ့ရော၊ မြန်မာဘာသာပြန်ပါ ကျွန်တော်တို့ကို ပေးထားတယ်။
နောက်ဆုံးအနေနဲ့ ကျွန်တော် မှာချင်တာက ကျွန်တော့်အတွေ့အကြုံနဲ့ ယှဉ်ပြီးပြောရရင် ကာတာကို မသွားကြပါနဲ့။ ဒုက္ခရောက်ရင် ကိုယ့်ကို ကူမဲ့ကယ်မဲ့သူ ဘယ်သူမှ မရှိဘူး။ သူများ အနိုင်ကျင့်တာ လှိမ့်ခံနေရတယ်။ လခလည်း စင်ကာပူ လောက် မရဘူး။ ရာသီဥတုကလည်း အရမ်းဆိုးတယ်။ လခချင်းယှဉ်လိုက်လို့ စင်ကာပူထက် ပိုများနေရင်တောင် ကာတာကိုတော့ မသွားတာ ပိုကောင်းတယ်။ အခြေအနေ အရပ်ရပ်ကို ခြုံကြည့်လိုက်ရင် စင်ကာပူက ပိုကောင်းတယ်။ စိတ်ချရတယ်။ မြန်မာတွေလည်းများတော့ အရေးအကြောင်းရှိရင် ကူမဲ့ကယ်မဲ့သူ ပေါတယ်။ စင်ကာပူပဲ သွားကြဘို့ တိုက်တွန်း ချင်ပါတယ်။
နောက်ပြီး မြန်မာပြည်မှာသာ သူတို့က Carperter တို့၊ Welder တို့၊ Fitter တို့ပြောပေမဲ့ ဟို ရောက်တဲ့အခါ အဲဒီအလုပ်တွေကို သူတို့အာရပ်တွေပဲ လုပ်ပြီး နိုင်ငံခြားသားတွေကိုတော့ အလုပ်ကြမ်းပဲ ခိုင်းတာ။ အဲဒီမှာ ပါလက်စတိုင်းက လူတွေ၊ အာဖဂန်နစ္စတန်က လူတွေလည်း လာလုပ်တယ်။ ဒီကလူတွေ ပြောစကားလည်း မယုံကြပါနဲ့လုိ့။ အဲဒါ ကျွန်တော့် ကိုယ်တွေ့ပဲ။
ခုလို ကျွန်တော့်အတွေ့အကြုံတွေ ပြန်ပြီးဝေမျှရတာ အများကြီး ၀မ်းသာပါတယ်။ နောက်သွားမဲ့သူတွေကို ကိုယ့်လို ဒုက္ခမရောက်စေချင်ဘူး။ ဒါပါပဲ။

သုံးသပ်ချက်

ကိုလှစိုးမှာ စင်ကာပူနှင့် ကာတာသို့ သွားရောက် အလုပ်လုပ်ခဲ့သော်လည်း တစ်ပြားဘိုးမျှ အမြတ်မထွက်ခဲ့။ နိုင်ငံခြား သွားရန် ရင်းခဲ့ရသော အရင်းပင်မကျေ။ သူတစ်ပါးကို လုပ်ကျွေးသမှုပြုရန် နိုင်ငံခြား ထွက်သွားသကဲ့သို့ ဖြစ်ချေသည်။ ဤသို့ ဖြစ်ရခြင်းမှာ ၎င်း၏ ဆက်ဆံရေးမပြေပြစ်မှုကြောင့်ဟု သိရသည်။ သို့အတွက် ငွေရှာရန် တစ်ပြည်ရပ်ခြား တိုင်းတစ်ပါးသို့ သွားကြ ရာတွင် ဒေါသအလျှောက် မဆက်ဆံပဲ မိမိကိုယ်ကို အတတ်နိုင်ဆုံး ချုပ်တည်းကာ ရန်မဖြစ်အောင် နေတတ်ရန်လည်း အရေးကြီး ပါသည်။ နိုင်ငံခြားတိုင်းပြည်များတွင် ရန်ဖြစ်လျှင် သူတို့နိုင်ငံတွင် ဆက်မထားပဲ ချက်ခြင်း ပြန်လွှတ်လေ့ ရှိပါသည်။
အထူးသဖြင့် စင်ကာပူနိုင်ငံဟူသည် နိုင်ငံပေါင်းစုံမှ လူမျိုးပေါင်းစုံတို့ လာရောက် အလုပ်လုပ်ကိုင်နေသည် ဖြစ်ရာ အကျင့်စရိုက်မျိုးစုံတို့နှင့် ဆက်ဆံရမည်မှာ မုချ ဖြစ်၏။ မည်သို့ပင် ဖြစ်စေ ရန်ဖြစ်၍ ပြန်ရလျှင် မိမိနှင့်တကွ မိမိအပေါ် မှီခို နေသော မိသားစုကိုပါ တိုက်ရိုက် ထိခိုက်နိုင်သည်ဟု အမြဲ ခေါင်းထဲထည့်ထားကာ သည်းခံခြင်းတရား လက်ကိုင်ထားကြရန် တိုက်တွန်းလိုက်ပါသည်။ သို့အတွက် ရန်ဖြစ်ပြီး ပြန်လာရသော ကိုလှစိုးအကြောင်းကိုပါ ထည့်သွင်း ဖော်ပြလိုက်ရခြင်း ဖြစ်ပါ သည်။

ဘ၀ခါးခါး (ကိုလှစိုး-၁)

နာမည် - ကိုလှစိုး
အသက် - ၃၅
ပညာအရည်အချင်း - အခြေခံပညာ အထက်တန်း
လက်ရှိအလုပ်အကိုင် - ကျပန်း
လစာ -

၁၆၊ ၁။ တစ်ဝက်တစ်ပျက်ဖြင့် ပြန်ခဲ့ရသော စင်ကာပူခရီး

နိုင်ငံခြားထွက်မယ် ဆိုတော့ ပထမဆုံး ပတ်စ်ပို့ လုပ်ရတာပေါ့။ ပတ်စ်ပို့လုပ်မယ် ဆိုတော့ ပုံစံ ၁၇ လုပ်ရမယ်တဲ့။ ဒါနဲ့ မြို့နယ်မှာ ပုံစံ ၁၇ ယူပြီး ပတ်စ်ပို့ရုံးလာ။ ကိုယ်ကလည်း တစ်ခါမှ မလုပ်ဖူးတော့ အဲဒီရုံးရှေ့မှာ စုစု စုစုနဲ့ အတင်းဝိုင်းခေါ်နေကြတဲ့ ပွဲစားတွေကို ပုံစံယူပြီး ဖြည့်ခိုင်းရတယ်။ ပတ်စ်ပို့လုပ်ဖို့ သူတို့ကိုပဲ အပ်လိုက်တယ် ဆိုပါတော့။ နှစ်သောင်းပေးရတယ်။ နှစ်လ နီးပါးကြာမှ ပတ်စ်ပို့ရတယ်။
ကျွန်တော် စင်ကာပူသွားမယ်လုပ်တော့ ဟင်္သာတက အစ်ကိုကြီးက သူ့အသိတစ်ယောက်နဲ့ ဆက်သွယ်ပေးတယ်။ မမြင့် တဲ့။ သူ့ယောက်ျားက စင်ကာပူမှာ အလုပ်လုပ်နေတာ။ အဲဒီ မမြင့်က ရန်ကုန်က အေးဂျင့်တစ်ခုရဲ့ လက်ခွဲဆိုပါတော့။ သူက ဟင်္သာတက လူရှာပြီး ရန်ကုန်အေးဂျင့်ကနေ တစ်ဆင့် စင်ကာပူကို လူပို့တယ်။ အဲဒီ မမြင့်က ရန်ကုန်က အေးဂျင့်ဆီလွှတ်ပြီး သင်တန်း တက်ခိုင်းတယ်။ ရန်ကုန်အေးဂျင့်က လမ်း ၅၀ မှာ။
သင်တန်းက တောင်ဒဂုံ စက်မှုဇုံမှာ။ သင်တန်းက Welding သင်တန်း။ သင်တန်းကြေးက ၅ သောင်း ပေးရတယ်။ အဲဒီ မှာပဲ အိပ်၊ အဲဒီမှာပဲ စားပေါ့။ စစချင်း တစ်ပေလောက်ရှိတဲ့ သံပြားတွေကို Gas cutter နဲ့ ဖြတ်ရတယ်။ အစပိုင်းတော့ ဘယ် အဆင်ပြေမလဲ။ တစ်ရက်နှစ်ရက်လောက် ရှိတော့မှ သဘောတရား နားလည်သွားပြီး ဖြတ်စတွေလည်း ညီလာတယ်။ သံပြားကို ကျွမ်းကျွမ်းကျင်ကျင် ဖြတ်တတ်သွားတော့ ပိုက်လုံးတွေကို ဖြတ်ရတယ်။ ပိုက်လုံးတွေကို ၄၅ ဒီဂရီ၊ ၉၀ ဒီဂရီ အနေအထားနဲ့ ဖြတ် ရတယ်။ Bevel ထိုးရတယ်။ (Bevel ထိုးသည် ဆိုသည်မှာ ပိုက်လုံးနှင့် ပိုက်ဆက်ပစ္စည်းများ ဆက်ရာတွင် ဂဟေဆော်ရန်အတွက် ပိုက်နှုတ်ခမ်းကို ၄၅ ဒီဂရီ နှုတ်ခမ်းလုံးပေးခြင်းကို ခေါ်သည်။) စသဖြင့် တစ်ဆင့်ပြီး တစ်ဆင့်သင်ပေးသွားတာပေါ့။
တစ်ပတ်တစ်ခါ လက်တွေ့စစ်ဆေးတယ်။ ဘယ်သူ ဂဟေကောင်းကောင်း ဆော်နိုင်သလဲ ပေါ့။ အဲဒီ welding သင်တန်း ကို နှစ်လ တက်လိုက်ရတယ်။
သင်တန်းလဲ တက်ပြီးရော။ အင်တာဗျူးလာမယ်တဲ့။ Pipe Fitter နဲ့ ခေါ်မယ်။ ခု လူ ၃၀ ရှိတဲ့အနက် ၁၅ ယောက် အင်တာဗျူးရမယ် တဲ့။ အင်တာဗျူးတော့ ကျွန်တော်ကျတယ်။ မပါဘူး။ သူတို့က မင်းလုပ်တာကိုင်တာတော့ သဘောကျပါတယ်။ ဒါပေမဲ့ အင်္ဂလိပ်လိုပြောတာ အားနည်းတယ်၊ လေ့ကျင့်လိုက်ဦး တဲ့။
အင်တာဗျူးမပါဘူး ဆိုတော့ နည်းနည်းတော့ စိတ်အားငယ် သွားတာပေါ့။ အိမ်ကလည်း သွားစေချင်နေပြီကိုး။ သူတို့ ကတော့ ပြောပါတယ်။ ကိစ္စမရှိဘူး။ နက်ဖြန်ကာ အင်တာဗျူးတစ်ခု ထပ်ရှိသေးတယ် တဲ့။ Carpenter တဲ့။ အမှန်ဆို လက်သမား ကို ကျွန်တော် သိပ်စိတ်ပါတာ မဟုတ်ဘူး။ ဒါပေမဲ့လည်း အင်တာဗျူးဝင်လိုက်တယ်။ အဲဒီမှာ သစ်၊ သံ၊ တူ၊ ဆောက်၊ လွှ စသဖြင့် ပေးထားပြီး သေတ္တာလေးတွေ ရိုက်ပြရတယ်။ စွန်မြီးစကေး (လက်ယှက်ထိုး) နဲ့ ရိုက်ပြရတယ်။
သူတို့က မင်း ဒါမျိုးတွေ အရင်တုံးက လုပ်ဖူးသလား ဆိုတော့ လက်တွေ့တော့ မလုပ်ဖူးဘူး။ ပုသိမ်မှာတုံးကတော့ ပရိ ဘောဂ အရောင်းအ၀ယ်လုပ်တော့ လက်သမားတွေလုပ်နေတာ အနီးကပ်မြင်ဖူးတယ် ပေါ့။ ကျွန်တော် တတ်သလောက် မှတ်သ လောက် လုပ်ပြလိုက်တော့ သူတို့လည်း ကြိုက်တာနဲ့ရွေးလို့ ပါသွားရော ဆိုပါတော့။ အင်တာဗျူးလာတာက တရုတ် မန်နေဂျာ တစ်ယောက်၊ HR (Human Resources) ကတစ်ယောက်၊ မြန်မာ စူပါဗိုက်ဆာ တစ်ယောက်။
လုပ်ရမှာက သင်္ဘောကျင်းမှာ။ Keppel Sea Scan တဲ့။ အင်တာဗျူးအောင်တော့ သူတို့က နောက်နှစ်ပတ် သုံးပတ် လောက်ကြာရင် သွားရလိမ့်မယ်။ ပိုက်ဆံပြန်ယူပါ တဲ့ ပြောလို့ ကျွန်တော် ရွာပြန်ပိုက်ဆံယူတယ်။ အေးဂျင့်ဖီးက လေယာဉ် လက်မှတ် အပါအ၀င် စုစုပေါင်း စင်ကာပူဒေါ်လာ ၃၈၀၀ နဲ့ ညီမျှတဲ့ မြန်မာငွေ ၂၉ သိန်းကျော် ပေါ့။ ရွာမှာ ပိုက်ဆံပြန်ယူပြီး ဟင်္သာတလာတော့ ဟင်္သာတက အေးဂျင့် မမြင့် က နင်တို့ အဲဒီပိုက်ဆံတွေနဲ့ ရန်ကုန်သွားရင် စိတ်မချရဘူး။ သူ့ကိုပေး၊ သူလွှဲပေးမယ် လို့ပြောလို့ သူ့ကို ပေးလိုက်တယ်။
နောက်နေ့ ကျွန်တော်တို့ ရန်ကုန်ရောက်လို့ မေးကြည့်တော့ အေး၊ ဟုတ်တယ်။ မင်းတို့ဘို့ အေးဂျင့်ဖီး ရပြီးပြီ လို့ပြောတယ်။ သူတို့ကပဲ ဘာတွေ ဘာတွေ ၀ယ်ရမယ် ဆိုတာ စာနဲ့ရေးပေးလိုက်တယ်။ အဲဒါတွေ လိုက်ဝယ်တယ်။ နောက် စားဘို့သောက်ဖို့ ငါးခြောက်ငါးခြမ်းတွေဝယ်၊ ငါးပိကြော်၊ ငံပြာရည်ကြော်တွေ လုပ်ပြီး သွားရမဲ့ရက်ကို အဆင်သင့် စောင့်နေတာ ပေါ့။
မြမင်းသရဖူမှာ ဆေးစစ်ရသေးတယ်။ ဆေးစစ်ခက ရှစ်ထောင် ပေးရတယ်။ ဆေးစစ်ပြီးတော့ အားလုံး အဆင်သင့် ပြင်ထားကြ။ သန်ဘက်ခါ ထွက်ရမယ် တဲ့ ပြောတယ်။ ထွက်ရမဲ့နေ့မတိုင်မီ တစ်ည အေးဂျင့်ရုံးခန်းမှာ အားလုံး စုအိပ်ကြတယ်။ အင်တာဗျူးအောင်တာ ၁၂ ယောက် အနက် ပထမ ၉ ယောက်က မနေ့ကတည်းက သွားနှင့်ပြီ။ ကျွန်တော်တို့ အသုတ်မှာတော့ ၃ ယောက်ပဲ ကျန်တော့တယ်။ မှတ်ရလွယ်အောင်လို့ ကျွန်တော်တို့ သုံးယောက်ကို ဦးထုပ် အဖြူတွေ ဆောင်းပေးလိုက်တယ်။
ကျွန်တော် စင်ကာပူသွားတာ ၂၀၀၅ ခုနှစ် ၉ လပိုင်း။ စင်ကာပူရောက်တော့ Tampines Village မှာ စုနေရတယ်။ ရောက်ခါစမှာ သုံးဘို့ တစ်ယောက်ကို ၅၀ စီ ထုတ်ချေးတယ်။ နောက်ပြီး ရေဘိုး၊ မီးဘိုးပေးရမယ် လို့လည်း ပြောတယ်။ မင်းတို့ရောက်လာရင် အဆင်သင့် သုံးနိုင်အောင် ငါတို့ ထမင်း ပေါင်းအိုး၊ ဂက်စ်မီးဖို၊ ရေခဲသေတ္တာ၊ အ၀တ်လျှော်စက် စတာတွေ ၀ယ်ပေးထားတယ်။ မင်းတို့အားလုံး စုပြီးထည့်ရမယ်။ လကုန်ရင် အဲဒါတွေအတွက် လခထဲကဖြတ်မယ် လို့ပြောတယ်။
အခန်း နှစ်ခန်းပေးတယ်။ ကျွန်တော်တို့အခန်းမှာ လောလောဆယ် ၆ ယောက်။ နောက်တော့ ဆယ်ယောက် ဖြစ်လာ တယ်။ ဟိုတစ်ခန်းမှာ ၇ ယောက် နေရတယ်။ နောက်နေ့ကျတော့ ဆေးစစ်သွားရတယ်။ ဆေးအောင်ပြီးပြန်တော့ Low Levy ဖြေဘို့ဆိုပြီး တစ်ပတ် training သွားရတယ်။ welding ဆော်တာ လေ့ကျင့်ရတယ်။ တစ်ပတ်ပြီးလို့ စစ်လိုက်တော့ ကျွန်တော် အောင်တယ်။
အောင်ပြီး နောက်တစ်နေ့မှာ ရုံးကို သွားရတယ်။ ရုံးမှာ ကျွန်တော်တို့ကို သူတို့ကုမ္ပဏီရဲ့ စည်းမျဉ်းစည်းကမ်းတွေ ဖတ်ပြ တယ်။ အဲဒီအထဲမှာ အခန်းခ ဖြတ်မယ် ဆိုတာရယ်၊ တစ်လကို ဒေါ်လာ ၅၀ ကုမ္ပဏီက မဖြစ်မနေ စုပေးမယ် ဆိုတာလည်း ပါတယ်။ ဖတ်ပြပြီး ကျွန်တော်တို့ကို လက်မှတ်ထိုးခိုင်းတယ်။

မှတ်ချက်။ ။ Work Perimit Holder အလုပ်သမားများအတွက် အခန်းခကို ကုမ္ပဏီမှသာ ကျခံရမည် ဖြစ်ပါသည်။ အလုပ်ရှင်သည် အလုပ်သမားများထံမှ အခန်းခ ဖြတ်ပိုင်ခွင့်မရှိ။ (ရည်ညွှန်း - Foreign Workers Employment Act)

မနက် ၅ နာရီဆို အိပ်ယာကထ။ ထမင်းအိုးတည်။ ထမင်းချိုင့်လေးတွေထည့်။ ပြင်ဆင်ပြီး အလုပ်သွားတာပေါ့။ လုပ်ရတာက မနက် ၇ နာရီခွဲကနေ ပုံမှန် အလုပ်ချိန်ဆို ညနေ ၄ နာရီခွဲအထိ။ အိုဗာတိုင်ရှိရင်တော့ ညနေ ၆ နာရီခွဲထိ ဆင်းရတယ်။ တစ်ခါတလေတော့ ည ၉ နာရီထိ ဆင်းရတယ်။ များသောအားဖြင့်တော့ ညနေ ၆ နာရီခွဲ ထိ ဆင်းရတယ်။
ညနေ ၇ နာရီခွဲကျော်လောက် အိမ်ပြန်ရောက်တယ်။ ရောက်ရောက်ချင်း ထမင်းအိုးလေး ကောက်တည်။ ရေမိုးချိုးပြီးတဲ့ အချိန်ကျ ထမင်းကျက်။ ကိုယ့်ပါလာတဲ့ ငါးပိကြော်၊ ငံပြာရည်ကျော် လေးတွေနဲ့စား။ ဟင်းမရှိတော့တဲ့ သူတွေကျတော့လည်း ကြက်ဥလေးကြော် ပေါ့။ ဖြစ်သလို စားလိုက်ကြတယ်။ စားသောက်ပြီး ဂစ်တာတီးတဲ့လူက တီး။ သီချင်းဆိုတဲ့သူက ဆို။ ထမင်း မစားသေးပဲ ခြင်းခတ်တဲ့သူက ခတ်။ တခြားအခန်း လျှောက်လည်ပြီး ည ၉ နာရီကျော်မှ ပြန်လာ။ ညှော်တွေ လုပ်တဲ့သူက ရှိသေးတယ်။ ဒီကြားထဲ အရက်ဝိုင်းဖွဲ့တဲ့သူက ဖွဲ့။ ဗီဒီယိုကြည့်နေတဲ့သူက ဂစ်တာတီးနေတဲ့သူကို ဟေ့ကောင်၊ ဒီမှာ ဗီဒီယို ကြည့်နေတယ်။ တိုးတိုးဆို ဆိုပြီး လှမ်းအော်။ ဘာကွ၊ ဒါ မင့်အိမ်မဟုတ်ဘူး။ မင်းအိမ်ပြန်ရောက်မှ အေးအေးဆေးဆေး ကြည့်။ ဒီမှာတော့ မရဘူး ဆိုပြီး စကားများလိုများ။ ဘုရားရှိခိုးတဲ့သူကလည်း သြကာသ၊ သြကာသ နဲ့ အတင်းအော်ဟစ်ပြီး ရှိခိုးလို ခိုး။ အိပ်နေတဲ့ သူကလည်း အောင်မယ်မင်း၊ ခုမှ ဘုရားဒကာနဲ့ တွေ့နေရပြန်ပြီ။ တိုးတိုးလုပ်ကြကွ နဲ့ ပျော်စရာလည်းကောင်း၊ စိတ်ညစ်ဖို့လည်း ကောင်းပေါ့ အစ်ကိုရာ။
Tampines မှာ သိပ်မကြာလိုက်ဘူး။ Jurong East က IMM နောက်မှာရှိတဲ့ dormetry တွေဆီ ပြောင်းရတယ်။
လုပ်ရတာက သုံးထပ်သားတွေကို cutter နဲ့ဖြတ်ပြီး သင်္ဘောပေါ်မှာ အခန်းတွေဖွဲ့တယ်။ နံရံကပ် ဘီရိုတွေ၊ တပ်ရတယ်။ အလှဆင်တာတွေပေါ့၊ လုပ်ရတယ်။ ကိုးရီးယားကလာတဲ့ ကြိတ်သားတွေနဲ့လည်း လုပ်ရတယ်။ နောက်တော့ အလုပ်ပြောင်းသွား တယ်။ လက်သမားအဖြစ်နဲ့ ပရိဘောဂတွေ လုပ်နေရာကနေ insulation ကပ်ရပြန်ရော။
မြန်မာပြည်မှာတုံးကတော့ ဒီ insulation ဆိုတာ လုပ်ဖူးဘို့ မပြောနဲ့၊ ကြားဖူးတာတောင် မဟုတ်ဘူး။
သင်္ဘောနံရံတွေမှာ welder က သံငုတ်လေးတွေ ဂဟေဆော်ပေးသွားတယ်။ ကျွန်တော်တို့က အဲဒီနံရံတွေကို insulation ကပ်ရတာ။ Insulation လုပ်ရတဲ့ အပြားကြီးတွေက အ၀ါရောင်။ အဲဒါကြီးတွေကို လိုသလောက် ဓါးနဲ့ဖြတ်ပြီး ကပ်ရ တယ်။ အဲသလို ဓါးနဲ့ဖြတ်လိုက်ရင် ၀ါဝါအမှုံ့တွေ ထွက်လာတယ်။ အရမ်းယားတဲ့ အမှုံ့တွေပေါ့။ ဘာနဲ့တူသလဲ ဆိုတော့ ခွေးလယားသီး အပွေးတွေနဲ့ တူတယ်။ သူက အမှုံ့မဟုတ်ဘူး။ ဆူးလေးတွေ။ ခါပစ်လို့မရဘူး။
အလုပ်များပြီးသွားပြီဆိုရင် ယားတာ ကျွန်တော်တို့မှာ မနေနိုင်ဘူး။ ဒီဆူးလေးတွေက ရေနဲ့ဆေးပစ်လို့လည်း ရတာ မဟုတ်ဘူး။ အရေပြားမှာ စိုက်ဝင်နေတာ။ ကပ်ရုံကပ်နေတာ မဟုတ်တော့ ဘယ်လိုခါခါ၊ ခါလို့ကတော့ လုံးဝမရဘူး။ နောက်မှ အဲဒီက ၀ါရင့် ကုလားတွေက ပြောပြလို့ insulation လုပ်တဲ့နေရာမှာသုံးတဲ့ တိပ်တွေနဲ့ ကပ်ယူရတယ်။ အဲဒီတိပ်တွေက ကျွန်တော်တို့ဆီက ဒန်အိုးဖာတဲ့ တိပ်တွေနဲ့တူတယ်။ အဲဒီ တိပ်တွေနဲ့ ကပ်လိုက်တော့မှ ယားတာ နည်းနည်းသက်သာသွားတယ်။ ဒါပေမဲ့ လုံးဝပျောက်သွားတာတော့ မဟုတ်ဘူး။
ဆိုးတာက အ၀တ်အစားတွေမှာ ကပ်နေတာပဲ။ သူက ဘယ်လိုမှ လျှော်လို့မရတော့ အ၀တ်တွေ ၀တ်လိုက်ရင် အရမ်းယားတယ်။ ကျွန်တော်ဆိုရင် ယားလို့ကုပ်ရာကနေ လက်မှာ အနာတွေဖြစ်လို့ ဆေးခန်းသွားပြလိုက်ရသေးတယ်။ ဒါပေမဲ့ ဆေးခန်းက အနာပျောက်အောင်ပဲ လုပ်ပေးနိုင်မှာပေါ့။ မယားအောင် ဘယ်တတ်နိုင်မလဲ။ ကျွန်တော်တို့က နေ့တိုင်း ဒါ ကိုင်နေရ တာ ဆိုတော့ ပျောက်လဲ ခဏပဲ။ ကျွန်တော့်လက်မှာ မြန်မာပြည် ပြန်လာတဲ့ထိ အနာတွေ မပျောက်ဘူး။ ပျောက်သွားလိုက်၊ ပြန်ပေါ်လာလိုက်။ အနို့ ယားတော့ မနေနိုင်ဘူး၊ ကုတ်ကရော။ ကုတ်တော့ ပြန်ဖြစ်မှာပဲ။
ဟောဒီမှာကြည့်ပါဦး။ ကျွန်တော့လက်မှာ ခုထိ အမာရွတ်တွေ ရှိတုံး။
အဲဒီလိုလုပ်ရင်း ကျွမ်းကျင်လာတော့ ကိုယ့်ဟာကိုယ် လုပ်နိုင်လာတယ်။ သူများနောက် လိုက်စရာ မလိုတော့ဘူး။ သင်္ဘောအသစ်ပေါ် တက်ရတယ်။ Insulation မရှိတဲ့အခါတော့ welder တွေနောက် လိုက်ရတယ်။ သူတို့လိုတာ ဖြတ်တောက်၊ tacking တွဲပေး။ သူတို့ ဆော်ပြီးသား welding သားတွေကို grinding လိုက်တိုက် စသဖြင့်ပေါ့ လုပ်ရတယ်။
ဆေးခွင့် တစ်ရက်ယူရင် စုံစမ်းပြီး နေမကောင်းတာ မှန်ရင် အဲဒီရက်အတွက် လခပေးတယ်။ ဒါပေမဲ့ ညာပြီး ခွင့်တင်တာ ဆိုရင်တော့ မပေးဘူး။ သုံးရက်အထိ ပျက်ခဲ့ရင် သတိပေးပြီး မလိုက်နာရင် ပြန်လွှတ်တယ်။ ဟို ပဲခူးက ကောင်တစ်ယောက် အကြောင်းပြောရဦးမယ်။ သူက အခန်းထဲက သူငယ်ချင်းတစ်ယောက်က အိမ်ကို ငွေပြန်မလွှဲဘဲ စုထားတာသိတယ်။ စုထားတော့ ဘဏ်စာရင်းထဲမှာက ပိုက်ဆံအတော်များနေပြီပေါ့။ နောက်ပြီး သူငယ်ချင်းချင်းဆိုတော့ သူ့ဘဏ်ကဒ်ရဲ့ password လဲ သိတယ်။
တစ်နေ့တော့ အားလုံးအလုပ်သွားနေတုံး သူက နေမကောင်းဘူး ဆိုပြီး အလုပ်မဆင်းပဲ စောစောက သူငယ်ချင်းရဲ့ သေတ္တာသော့ကိုဖျက်၊ ဘဏ်ကဒ်ကိုယူ၊ ရှိသမျှငွေတွေ အကုန်ထုတ်တယ်။ ဟိုကောင်လဲ အလုပ်ကပြန်လာရော သေတ္တာသော့ ပျက်နေတာတွေ့လို့ စစ်လိုက်တော့ ဘဏ်ကဒ် အခိုးခံရတာ သိရော။ ဒီနေ့အဖို့ သူတစ်ယောက်ပဲ အလုပ်မဆင်းတာကိုး။ ရှင်းနေတာပဲ။ အဲဒီတင် မန်နေဂျာတို့၊ စူပါဗိုက်ဆာတို့က သူ့ကို ချော့ချည်တစ်လှည့် ချောက်ချည်တစ်ခါနဲ့ စစ်တော့ ဒီကောင် သူ့လိပ်ပြာ သူမလုံဖြစ်ပြီး ၀န်မခံဘဲ ထွက်ပြေးသွားတယ်။ Overstay ဖြစ်သွားတာပေါ့။
တွဲပြီး လုပ်ရတာတော့ အစုံပဲ၊ ဘင်္ဂလား၊ နီပေါ၊ အိန္ဒိယ၊ မြန်မာ စသဖြင့်အစုံပဲ။ အဲဒီလို လုပ်နေရင်း ၉ လကျော်၊ ဆယ်လထဲရောက်လာတော့ ကျွန်တော်နဲ့ ကုလားတစ်ယောက်နဲ့ ရန်ဖြစ်တယ်။ ကျွန်တော် လှေခါးပေါ်မှာ အလုပ်လုပ်နေတုံး ကုလားတစ်ယောက်လာပြီး လှေခါးကို လှုပ်ချပြီး ပြဿနာလာရှာတယ်။ ဆဲလဲ ဆဲတယ်။ တစ်နေ့မဟုတ် တစ်ရက်မဟုတ် ဆိုတော့ နောက်နေ့တွေမှာ ကျွန်တော် ဆက်ပြီး သည်းမခံနိုင်တော့ဘူး။ တတိယမြောက်နေ့မှာ ကျွန်တော် လှေခါးပေါ်က ခုန်ဆင်း လာပြီး သူ့ကိုပြန်ပြီး ဆဲ။ ဒီတင် ကုလားက screw driver ကိုင်ပြီး အတင်းပြေးလာတော့ ကျွန်တော်လည်း လက်ထဲရှိတဲ့ Grinder နဲ့ ရိုက်လိုက်တာ ကုလားနှာနုထိပြီး သွေးတွေ တော်တော်များများ စီးကျလာတယ်။
အဲဒီမှာက ကုလားတွေများတယ်။ ဒါဏ်ရာကတော့ သိပ်မကြီးကျယ်လှဘူး။ ဒါပေမဲ့ သွေတွေ အရမ်းကျနေတော့ ပြဿနာက အတော်ကြီးသွားတယ်။ ဒါကို သူဌေးသိတော့ ကျွန်တော်တို့နှစ်ယောက်လုံးကို ခုနစ်ရက်တိတိ အပြစ်ပေးတဲ့ အနေနဲ့ အလုပ်ပိတ်ထားလိုက်တယ်။ သူတို့က အတူတူ လုပ်တဲ့အလုပ်သမားတွေ၊ မန်နေဂျာတွေ၊ စူပါဗိုက်ဆာကို ခေါ်။ သေသေချာချာ စုံစမ်းပြီး ကုလားရော၊ ကျွန်တော့်ကိုပါ ပြန်ပို့ဘို့ လုပ်တယ်။
ကျွန်တော်တို့က ကန်ထရိုက်မပြည့်ဘဲ ပြန်ရတာမို့လို့ လေယာဉ်လက်မှတ်ဘိုးကို လခထဲကဖြတ်မယ် လို့ပြောတယ်။ ဒါပေမဲ့ တစ်လကို ၅၀ စုထားတာတွေ နဲ့ လခကိုတော့ လေဆိပ်ရောက်ရင် ပြန်ပေးမယ် ပေါ့။

မှတ်ချက်။ ။ အလုပ်သမားတစ်ဦး၏ နေရပ်ပြန်စရိတ်ကို အလုပ်ရှင်ကသာ ကျခံရပါမည်။ (Ref: Employment of Foreign Manpower Act (Chapter 91A), First Schedule, 21.)

ပြောပြီး ကျွန်တော်တို့ကို Gang Star တွေလက်ထဲ အပ်လိုက်တယ်။ ဗလကောင်းကောင်း အကောင်ကြီး သုံးယောက်။ သူတို့က ကျွန်တော်တို့ကို တစ်နေရာ ခေါ်သွားတယ်။ ဘယ်နေရာမှန်းတော့ မသိဘူး။ ကုလားကတော့ သူတို့ လေယာဉ်က အရင် ထွက်တာမို့ သူအရင် ပြန်သွားရတယ်။ ကျွန်တော်ကနောက်မှ ပြန်ရတယ်။
အဲဒီလိုနဲ့ ကျွန်တော် စင်ကာပူကနေ မြန်မာပြည် ပြန်ရောက်ခဲ့တယ်။ စင်ကာပူကိုသွားတုံးက ကုန်တာ စုစုပေါင်း သိန်း ၃၀ ကျော်။ ဒါပေမဲ့ စင်ကာပူမှာနေခဲ့တဲ့ ၁၁ လအတွင်း အိမ်ကိုပြန်ပို့နိုင်ခဲ့တာ ၂၇ သိန်း။ ဆိုတော့ အရင်းတောင် မကျေဘူး။

ဘ၀ခါးခါး (ကိုမိုးသက်)

နာမည် - ကိုမိုးသက်
အသက် - ၂၉
ပညာအရည်အချင်း - ၀ိဇ္ဖာဘွဲ့ (သမိုင်း)
လက်ရှိအလုပ်အကိုင် - Seaman (under sea service)
လစာ - S$ 700.00

ကျွန်တော် ဒီအကြောင်းတွေကို ပြောချင်နေတာ ကြာပြီဗျ။ နိုင်ငံခြား၊ နိုင်ငံခြားနဲ့ တခြားလူတွေ အထင်ကြီးနေသလို ဘာမှ မဟုတ်ဘူး ဆိုတဲ့အကြောင်း ပြောပြချင်တာ။ ခုတော့ အကြောင်းအပေါင်းသင့်လို့ ပြောခွင့်ရတော့မှာပေါ့ ဟု ကိုမိုးသက် က ပြောပါသည်။ သူက သင်္ဘောသားဖြစ်ရန် လိုအပ်ချက် တစ်ခုဖြစ်သော Sea Service ယူရန် စင်ကာပူမှ Off Shore ကုမ္ပဏီတစ်ခု တွင် လာရောက် လုပ်ကိုင်နေသူ ဖြစ်ပါသည်။ သူပြန်ပြောပြသည့် သူ့ဘ၀အကြောင်းမှာ အောက်ပါအတိုင်း ဖြစ်ပါသည်။

၁၅၊ ၁။ မလေးရှားသို့ သွားခြင်း

၂၀၀၅၊ ၅ လပိုင်း ၂၈ ရက်နေ့မှာ ကျွန်တော် မလေးရှားကို သွားတယ်။ မလေးရှားသွားတာတော့ အဖေ့အသိ အဆက် အသွယ်နဲ့ သွားတာပဲ။ သူက မင်း မလေးရှားသွားရင် စုစုပေါင်း ၈ သိန်းလောက် ကုန်မယ်။ နေစရာပေးမယ်။ အစားကျွေးမယ် ပြောတယ်။ ကျွန်တော်ကလည်း ပိုက်ဆံရမယ်ဆို လုပ်မယ် ပေါ့။ သူပြောတဲ့ အချိန်ကနေ ပါမစ် ကျလာတဲ့အချိန်ထိ ဘာမှ သိပ်မကြာဘူး။ လေးလလောက်ပဲ ကြာတယ်။ သူပြောတာ တော့ စားသောက်ဆိုင်မှာ လုပ်ရမယ် လို့ပြောတယ်။
သွားရမှာက စုစုပေါင်း ၄ ယောက်။ အဲဒါကို နှစ်ယောက်တစ်တွဲစီ လွှတ်တယ်။ ကျွန်တော်တို့ အဖွဲ့ထဲက ၆ ယောက်က အရင် သွားနှင့်ပြီ။ ရန်ကုန်လေယာဉ်ကွင်းထိတော့ အိမ်က လိုက်ပို့ကြတယ်။ အားလုံး ရှောရှောရှူရှူပါပဲ။ မလေးရှားလေယာဉ်ကွင်း ရောက်တော့ ညနေ ၆ နာရီလောက် ရှိပြီ။ မလေးရှားက အေးဂျင့်ကို ကျွန်တော်တို့ရောက်ပြီ ဆိုတဲ့အကြောင်း ဖုံးဆက် အကြောင်းကြားတယ်။ အေးဂျင့်က တရုပ်။ လာခဲ့မယ် ခဏစောင့်ဦးတဲ့ ပြောတယ်။
ကျွန်တော်တို့လည်း စောင့်တာပေါ့။ တရုပ် ရောက်လာပါတယ်။ ရောက်တော့ သူကပြောတယ်။ သူဌေးက ဆီလန်ဂေါက လာရမှာ။ အရမ်းဝေးတယ်။ မင်းတို့ ဒီမှာ နှစ်ရက်လောက် စောင့်ရလိမ့်မယ် တဲ့။ ပြောပြီး ဟမ်ဘာဂါတို့၊ ရေဗူးတို့ပေးတယ်။ ကျွန်တော်တို့လည်း စားသောက်ပြီး အိပ်တယ်။
အိပ်တယ် ဆိုတာဗျာ၊ ကျကျနန မဟုတ်ပါဘူး။ အဲယားကွန်းခန်းကြီးထဲက သမံတလင်းပေါ်မှာ ဒီအတိုင်း တန်းစီ အိပ်ရတာ။ အဲဒီမှာ မြန်မာတွေ အများကြီးပဲ။ မိန်းကလေးတွေရော၊ ယောက်ျားလေးတွေ ရော။ ကုလားတွေရော။ အစုံပဲ။ တချို့ဆို သူဌေးလာမခေါ်လို့တဲ့။ ခုနစ်ရက်ရှိပြီ။ တချို့ကျတော့ သူဌေးက လာမခေါ်တော့လို့ လေယာဉ်ကွင်းက လှည့်ပြန်သွားရတဲ့ သူတွေလည်း အများကြီး။ ကျွန်တော်တို့ အဲဒီမှာ တစ်ရက်ပဲ စောင့်ရပါတယ်။
နောက်နေ့မနက်ကျတော့ သူဌေးက လာခေါ်လို့ စက်ရုံရောက်သွားရော။ သူတို့ပြောသလို စားသောက်ဆိုင်တော့ မဟုတ်ဘူး။ အချိုရည် စက်ရုံ။
အလုပ်ကတော့ ဘာမှ ပင်ပင်ပန်းပန်း လုပ်ရတာ မဟုတ်ပါဘူးဗျာ။ စက်ထဲက ထွက်လာတဲ့ အချိုရည် ပုလင်းတွေကို တံဆိပ်ကပ်၊ အဖုံးတွေကို ပလတ်စတစ်နဲ့ပိတ်။ ပိတ်တယ် ဆိုတာ gun နဲ့ ရိုက်ပြီး ပိတ်ရတာ။ လွယ်ပါတယ်။ ဒါပေမဲ့ လုပ်တာတော့ တစ်နေကုန်ပဲပေါ့။ မနက် ၈ နာရီကနေ ညနေ ၅ နာရီထိ။ အိုဗာတိုင် ရှိရင်တော့ ည ၉ နာရီထိ လုပ်ပေးရတယ်။ ၉ နာရီကျော်သွားရင် ညစာ ထမင်းတစ်နပ် ကျွေးတယ်။
လခက တစ်နေ့ကို ၁၆ ကျပ် (၁၆ ရင်းဂစ်) ရတယ်။ အိုဗာတိုင် ဆင်းရရင် တစ်နာရီကို ၃ ကျပ်၊ သုံးနာရီကို ၁၀ ပေးတယ်။ ပျမ်းမျှ တစ်လကို ၇၀၀ - ၈၀၀ လောက် ရတယ်။ စားတာတော့ ကိုယ့်ဟာကိုယ် ချက်စားပေါ့။ စားစရိတ်က အရမ်း သက်သာတယ်။ တစ်လ ၄-၅၀ လောက်ဆို လောက်တယ်။
မလေးရှားမှာတော့ ဘာလုံခြုံမှုမှ မရှိဘူး။ အချိန်မရွေး လုတာတို့၊ ဓါးပြတိုက်တာတို့ ခံရနိုင်တယ်။ တစ်ခါက ကျွန်တော်တို့ ဓါးပြတိုက် ခံရတယ်။ အဲဒီနေ့က လခ ထုတ်တဲ့နေ့။ နေရတာက စက်ရုံနဲ့ ကပ်လျှက် ကွန်တိန်နာမှာ။ အဲဒီမှာ လုံခြုံရေး အစောင့်လည်း ရှိတာပဲ။ Security ဆိုတဲ့ကောင်တွေက အလကား။ ဘိန်းစားကောင်တွေ။ ဘိန်းမူးပြီး အိပ်နေတာ များတာပဲ။
အဲဒီနေ့ ည နှစ်နာရီလောက်ကြီး ကားနှစ်စီးနဲ့ အိန္ဒိယ ကုလားတွေ ရောက်ချလာတယ်။ သူတို့ တံခါးခေါက်လို့ ကျွန်တော်တို့ကလည်း မသိတော့ ဖွင့်ပေးလိုက်တယ်။ ကဲ မင်းတို့ ရှိသမျှ ပိုက်ဆံ အကုန်ပေးတဲ့။ ခပ်တည်တည်ပဲ။ အဲဒီတော့မှ ကျွန်တော်တို့လည်း ဓါးပြတိုက်မှန်း သိရတာ။ ကျွန်တော်တို့လည်း လိမ်ရတာပေါ့။ အာ၊ ငါတို့မှာ ပိုက်ဆံဘယ်ရှိမလဲ ဆိုတော့ သူတို့က ဓါးထုတ်ပြီး ထောက်တယ်။ မင်းတို့ ပိုက်ဆံ ပေးမလား မပေးဘူးလား တဲ့။
ကျွန်တော်တို့ က ၆ ယောက်၊ ဒီကောင်တွေက ၁၀ ယောက်လောက် ရှိတယ်။ ဓါးတွေနဲ့ဆိုတော့ ဘယ်တတ်နိုင်မလဲ။ ပိုက်ဆံတွေ ထုတ်ပေးလိုက်ရတယ်။ ကိုယ်ထုတ်ပေးတာတောင် မဟုတ်ပါဘူးလေ။ သူတို့ဟာသူတို့ အကုန် မွှေနှောက်ရှာဖွေပြီး ယူသွားတာ။ သူတို့ မနက်လင်းအားကြီး ၃ နာရီကျော်လောက် ပြန်သွားတယ်။
သူတို့ပြန်တော့ ကျွန်တော်တို့ သူဌေးကို ဖုံးလှမ်းဆက်တယ်။ ဆက်တော့ သူဌေးနဲ့ရဲတွေ ရောက်ချလာတယ်။ ဒါပေမဲ့ ဘာတတ်နိုင်မလဲ။ ဟိုကောင်တွေက ထွက်ပြေးသွားပြီ။ ဒါပေမဲ့ ကျွန်တော်တို့ကို လခတွေ အကုန်ပြန်ထုတ် ပေးပါတယ်။
သူဌေးက စိတ်မချလို့ ဆိုပြီး အဲဒီနေရာမှာ ကျွန်တော်တို့ကို ဆက်မထားတော့ဘူး။ အခန်းတစ်ခန်း ငှားပေးတယ်။ စက်ရုံကနေ နာရီဝက်လောက် လမ်းလျှောက်ရတယ်။ အခန်းကတော့ တော်တော်လေး သန့်တယ်။ ငှားခ တစ်လကို ၃၀၀ ပေးရတယ် တဲ့။ စုစုပေါင်း ၆ ယောက်နေရတယ်။
စက်ရုံနဲ့ အဲဒီ အခန်းကြားမှာ ရထားလမ်း ခုံးကျော်တံတား တစ်ခုရှိတယ်။ အဲဒီ ရထားလမ်းမှာကလည်း မကြာခဏ ယာဉ်တိုက်မှုဖြစ်ပြီး လူသေတတ်တယ်။ အဲဒီ ခုံးမရောက်ခင် ကားလမ်းမကြီး တစ်ခုရှိတယ်။ အဲဒီ ကားလမ်းကလည်း ကား အသွားအလာ အရမ်းများတယ်။ လူကူးစရာ နေရာမရှိဘူး။ ကားလမ်းကူးဘို့ တစ်ခါတလေ နာရီဝက်လောက် စောင့်ရတယ်။
အဲဒီ အခန်းရောက်ပြီး သိပ်မကြာပါဘူး။ လေးလလောက်ကြာတော့ တစ်ခါ ၀ိုင်းလုပြန်ရော။ ဒီတစ်ခါ လုတာက အင်ဒိုနီးရှား ကုလားတွေ။ ရထားလမ်း ခုံးအဆင်းမှာက မီးမရှိဘူး။ မှောင်မဲနေတယ်။ အဲဒီနေရာကနေ စောင့်ပြီးလုတာ။ ကျွန်တော်တို့လည်း တော်တော်လန့်သွားတယ်။ ဒါနဲ့ သူဌေးကို မင်း ငါတို့ကို အိမ်ထိလိုက်ပို့ပါ။ အဲဒီလို လိုက်မပို့နိုင်ရင်တော့ ငါတို့ အလုပ်မဆင်းနိုင်ဘူး လို့ ပြောတယ်။ ဆိုတော့ ညပိုင်း ၉ နာရီတို့ ဘာတို့ ဆင်းရရင် သူဌေးက သူ့ကားနဲ့ လိုက်ပို့တယ်။
ဆိုးတာက မလေးရှားမှာက ဘတ်စ်ကားပေါ်မှာတောင် မြန်မာလို မပြောရဲဘူး။ ကားပေါ်မှာကို ပေါ်တင်လုတာ။ အရမ်းကြမ်းတယ်။ ဂျိုဟိုးလောက်ဆို သိပ်မဆိုးဘူး။ ကွာလာလမ်ပူ ဘက်မှာဆို အရမ်းဆိုးတယ်။ ပိုက်ဆံဆိုရင် ဒီ စင်ကာပူမှာလို ပေါ်တင်ကိုင်လို့ မရဘူး။ ခြေအိတ်ကြားထဲ ထည့်ထားရတယ်။
ဒီလို ထည့်ရခြင်းကလည်း အကြောင်း နှစ်ခုရှိတယ်။ တစ်ခုက လုမှာကြောက်လို့။ နောက်တစ်ခုကတော့ ရဲ ရန် ကြောက်လို့ပဲ။ ဘယ်လောက် ဆိုးသလဲဆို တစ်ယောက်ယောက်နဲ့ ရန်ဖြစ်လို့ မကျေနပ်ရင် ပိုက်ဆံ ၅၀၀ လောက်ပေးပြီး ရှော့ ပစ်လိုက်လို့ ရတယ်။ ကျွန်တော်တို့ဆီမှာ မြန်မာပြည်က ဖိုက်တာတွေ ရှိတာပဲ။ ဒါပေမဲ့ ဒီကောင်တွေနဲ့ ပြိုင် မမိုက်ရဲဘူး။
ဒီကောင်တွေက သေမထူး၊ နေမထူး ဆိုတဲ့ အကောင်တွေ။
ကျွန်တော် အဲဒီစက်ရုံမှာ ၂ နှစ်ကြာခဲ့တယ်။ သက်တမ်း ထပ်မတိုးတော့ဘူး။ သူဌေးကတော့ တိုးစေချင်တယ်။ ဒါပေမဲ့ ကျွန်တော် အဲဒီမှာ ဆက်မလုပ်ချင်တော့ဘူး။ ဒုတိယနှစ်မှာတော့ လခကို ၈၅၀ ထိ တိုးပေးတယ်။ ဒါပေမဲ့ဗျာ၊ စုမိတယ် မရှိပါဘူး။ ပျင်း၊ ပျော်၊ ပျက်၊ ပြေး ဆိုတဲ့ စကားလိုပေါ့။ ရောက်စကတော့ ပျင်းလို့ မနေတတ်ဘူး။ နောက်တော့ ပျော်သွားတယ်။ အပျော်လွန် တဲ့ နောက်တော့ ပျက်တော့တာပဲ။ အဲဒီတော့ အဲဒီမှာ မနေနိုင်တော့ဘူး။ တစ်ခါထဲ ပြေးရတဲ့ဘ၀ ရောက်တာပဲ။
ကျွန်တော်မြင်တာကတော့ မလေးရှားမှာ လုပ်ဖူးသူတစ်ယောက်အနေနဲ့ ဘယ်နိုင်ငံမှာ လုပ်ရလုပ်ရ လုပ်နိုင်သွားပြီ။ ဒါ့ထက်ဆိုးစရာ မရှိနိုင်တော့ဘူးလို့ ဒီလိုပဲထင်တယ်။ အနို့ အဲဒီမှာလုပ်ရတာ အင်မတန် အန္တရာယ်များတယ်။ ကျွန်တော်တို့ ရောက်တဲ့အချိန်မှာ မြန်မာတစ်ယောက်နဲ့ အင်ဒိုနီးရှား နှစ်ယောက် ရန်ဖြစ်ကြတယ်။ ပထမ မြန်မာက ထိုးလိုက်တာ အင်ဒိုနီးရှား ကောင် ကွဲပြဲသွားတယ်။ ဒါပေမဲ့ ဟို အင်ဒိုတစ်ယောက်က အဲဒီမြန်မာရဲ့ မျက်နှာကို အက်စစ်နဲ့ပက်တာ မျက်လုံးလည်း ကန်းသွားတယ်။ မျက်နှာတစ်ခုလုံးလည်း ရစရာမရှိဘူး။
ကျွန်တော်ဆိုလိုချင်တာက မလေးရှားမှာ လုံခြုံမှုမရှိဘူး။ ကျီးလန့်စာ စားနေရတယ်။ မြန်မာပြည်က မလေးရှားသွားဘို့ လုပ်နေသူတွေကို ကျွန်တော်ပြောချင်တာကတော့ မသွားပါနဲ့။ အန္တရာယ်က လက်တစ်ကမ်းမှာ ရှိနေပါတယ် ဆိုတာပဲ။

၁၅၊ ၂။ စင်ကာပူ တွင် သင်္ဘောသားဖြစ်ရန် ကြိုးစားခြင်း

အမှန်ကတော့ ကျွန်တော်ဖြစ်ချင်တာက သင်္ဘောသား။ ဆယ်တန်းအောင်တော့ သင်္ဘောလိုင်းလိုက်ဖို့ ကျောင်းတက်ရ လောက်အောင် အမှတ်ကမမီဘူး။ ဒါနဲ့ အေးဂျင့်တွေ လျှောက်မေးတာပေါ့။ ဘယ်အေးဂျင့် မေးလိုက်မေးလိုက် သင်တန်းတွေ တက်ရမယ်။ တစ်နှစ်စောင့်ရမယ် ဆိုတာချည်းပဲ။ အဲဒီ ၂၀၀၅ ခုနှစ်တုံးက အေးဂျင့်ဖီးက ၄၅ သိန်း။ သင်္ဘောပေါ် အရောက်ပေါ့။ ပိုက်ဆံကုန်မှာကလည်း စိုးသေးတော့ တော်တော်နဲ့ မလုပ်ဖြစ်ဘူး။
သင်္ဘောသားဖြစ်ဖို့ ပထမဆုံး Eye Test အလျင်ဖြေရတယ်။ ဖြေခ နှစ်သောင်းပေးရတယ်။ သုံးခါ ဖြေရတယ်။ သင်္ဘောကျင်းမှာပဲ ဖြေရတာ။ ဘာမှ အထွေအထူးတော့ မဟုတ်ပါဘူး။ မီးရောင်တွေကို အရောင်မှန်မှန် မြင်မမြင် စစ်တာ။ အစိမ်းရောင်လား။ အနီရောင်လား။ Eye Test အောင်မှ သင်္ဘောသား Appointment ၀ယ်ရတယ်။ အဲဒီ Appointment စာရွက်ကို ၃ သိန်း နဲ့ ၀ယ်ရတယ်။ သူက သပ်သပ်ဝယ်ယူ ရတာ။ Appointment စာရွက်ရပြီ ဆိုရင် CDC စာအုပ် ထုတ်လို့ရပြီ။ အဲဒါတွေ လုပ်လိုက်တာ စုစုပေါင်း ၁၈ သိန်းလောက် ကုန်တယ်။
အဲဒါရပြီးရင် သင်တန်းတွေ တက်ရမယ်။ တစ်နှစ်။ ကြိုးချည်နည်း၊ ဖြေနည်း။ အင်္ဂလိပ်စာ သင်တန်း စသဖြင့်ပေါ့။ ကျွန်တော် မတက်ခဲ့ဖူးလို့ သေသေချာချာတော့ မပြောပြနိုင်ဘူး။
သင်္ဘောသား ဖြစ်ရေးအတွက် လိုက်စုံစမ်းတာ စုံနေတာပဲ။ တော်တော်နဲ့ကို အဆင်မပြေနိုင်ဘူး။ ကျွန်တော်က မလေးမှာ လုပ်လာတာ ဆိုတော့ အဲဒီလို ဟိုလိုလို ဒီလိုလိုနဲ့ ယောင်ခြောက်ဆယ် ဖြစ်နေတာကို သည်းမခံနိုင်တော့ဘူး။ အလုပ်မလုပ်ပဲ လေနေတဲ့ ဒါဏ်ကို မခံစားနိုင်တော့ဘူး ဆိုပါတော့။ အဲဒါနဲ့ မထူးဘူးဆိုပြီး စင်ကာပူသွားလို့ရမဲ့ လမ်းကြောင်း လိုက်ရှာတယ်။
အဲဒီမှာ လန်ကစ္စတာလမ်းက အေးဂျင့်တစ်ခု နဲ့ သွားတွေ့တယ်။ သူက စင်ကာပူကို လူတွေအများကြီး ပို့နေတာ။ ခုဆို သူဌေးဖြစ်နေပြီ။ သူ့ဆီမှာ စင်ကာပူလာနိုင်ဘို့ welding သင်တန်း တက်ရတယ်။ သင်တန်းကြေး တစ်သိန်းခွဲ သွင်းရတယ်။ ဘာမှ ရေရေရာရာ မဟုတ်ပါဘူး။ ဆရာတွေကလည်း သူရို့စိတ်ကူးရှိရာ သင်ချင်တာသင်တာပဲ။
သိပ်မကြာပါဘူး။ Seaman တစ်ယောက်လိုတယ် တဲ့။ သတင်းရတယ်။ ပတ်စ်ပို့စာအုပ်ကလည်း seaman စာအုပ်နဲ့မှ ရမှာကိုး။ အဲဒီစာအုပ်က ကျွန်တော်တစ်ယောက်ထဲရှိတာ ဆိုတော့ ကျွန်တော့်ကို သူတို့အင်တာဗျူးတယ်။ သူဌေးက ဗျူးတာ။ ကျွန်တော်က မလေးရှား အတွေ့အကြုံ ရှိထားတာဆိုတော့ အရွေးခံရတယ်။ ရွေးလည်းပြီးရော တင်လိုက်တာ။ ဘာမှ မကြာလိုက်ဘူး။ ဒီနေ့တင်၊ နက်ဖြန်လို IPA ကျလာတာပဲ။ IPA Letter ကို စင်ကာပူကနေ Fax နဲ့လှမ်းပို့ပေးလိုက်တယ်။
အေးဂျင့်ဖီးက ၃၅ သိန်းပေးရတယ်။ လခက Basic Pay ၇၀၀၊ allowance က ၁၀၀။ ပေါင်း ၈၀၀ ပေါ့။ နေတာ သူတို့စီစဉ်ပေး တယ်။ အချိန်ပို ဆင်းရတာနဲ့ဆို တစ်လကို ၁၄၀၀၊ ၁၅၀၀ လောက် ထုတ်ရပါတယ်။
ကျွန်တော်ကလည်း သဘောကျတယ်။ မြန်မာပြည်မှာ တစ်နှစ်နေပြီး သင်တန်းတွေ လျှောက်တက်နေမဲ့ အစား ဒီအလုပ်ကို တစ်နှစ်လုပ်ပြီး အတွေ့အကြုံယူတာကျတော့ ပိုက်ဆံလည်းရတယ်။ လက်တွေ့လည်း တတ်သွားတာပေါ့။ တက်ရမဲ့ သင်တန်းတွေကတော့ ကြိုးချည်နည်းတို့ ဘာတို့၊ သင်္ဘောနဲ့ပတ်သက်တာတွေပေါ့။ ဒါတင်မရဘူး။ သင်္ဘောကျင်းတွေမှာလည်း Dock ဆင်းရမယ်။ နောက်ပြီး အင်္ဂလိပ်စာ သင်တန်းလည်း တက်ရဦးမယ်။
ပြောပါတော့ အဲဒီလိုနဲ့ စင်ကာပူကို ဇူလိုင်လ ၂၈ ရက်၊ ၂၀၀၈ မှာ ထွက်ခဲ့တယ်။
လုပ်ရတာက သင်္ဘောကြီးတွေပေါ်ကို မော်တော်ဘုတ် (motor boat) ကလေးတွေနဲ့ သွားပြီး ကုန်ခြောက်တွေ သွားပို့ရတယ်။ ဘီစကစ်၊ အအေးဗူး စတဲ့ အစားအသောက်နဲ့ လူ့အသုံးအဆောင်တွေ သွားသွား ပို့ပေးရတာ။ နောက် သူတို့ပေးလိုက်တဲ့ D.O (Delivery Order) စာရွက်စာတမ်းတွေ ပြန်ယူလာ စသဖြင့်ပေါ့။ ပို့ခယူတာ တော်တော်များတယ်။ ပစ္စည်းကမှ ၃၀၀ ကျော်လောက် တန်တာ။ သင်္ဘောနဲ့ တစ်နာရီလောက် မောင်းရတဲ့ ခရီးကို ၅၅၀ လောက် တောင်းတယ်။ သုံးနာရီ မောင်းရတဲ့ခရီး ဆို ၁၀၀၀ ကျော်ပေးရတယ်။
သူတို့အတွက် အရေးကြီးတာက ပစ္စည်းမဟုတ်ဘူး။ ပစ္စည်းတွေထက် ပိုအရေးကြီးတာက D.O။ ဒါနဲ့မှ သူတို့ ပိုက်ဆံ ပြန်တောင်းလို့ ရမှာကိုး။ အဲဒီ D.O မှာ လက်မှတ်ထိုးဘို့၊ နောက်ပြီး သင်္ဘောတံဆိပ်တုံးပါဘို့ အရေးကြီးတယ်။ ကုန်ကုန်ပြောရရင် ပစ္စည်းရေထဲကျသွားတောင်မှ ပိုက်ဆံတောင်းလို့ရတယ်။
ပြောရဦးမယ်။ တစ်ခေါက်မှာ Tanker သင်္ဘောကြီးပေါ် ပိုက်လုံးတွေ ပို့ရတယ်။ အဲဒါ ကရိန်းကနေ ဘယ်လိုဘယ်လို လွတ်ကျသလဲတော့ မသိဘူး။ ပိုက်ပြုတ်ကျပြီး ဘုတ်(Boat) ပေါက်သွားတယ်။ ဘုတ်ထဲ ရေတွေဝင်တော့ အသက်ကယ်လှေ တွေပေါ် စုပြုံတိုးတက်ကြတာပေါ့။ ဘုတ်ပေါ်မှာက အသက်ကယ် လှေတွေရှိတယ်။ နောက် အဲဒီဘုတ်နဲ့တွဲထားတဲ့ ကြိုးကိုဖြတ်ချ။ မချရင် ဘုတ်က တန်းလန်းကြီး ဖြစ်နေမှာကိုး။ အသေအပျောက် မရှိပေမဲ့ ပထမဆုံး အတွ့အကြုံဆိုတော့ ကျွန်တော့်မှာ အတော့်ကို သည်းထိတ်ရင်ဖို ဖြစ်သွားတယ်။ ဘုတ်တွေမှာ အရေးပေါ် ခလုတ်ရှိတယ်။ အဲဒီခလုတ်ကို နှိပ်လိုက်ရင် နာရီဝက် အတွင်း ကင်းလှည့်နေတဲ့ ရဲသင်္ဘောတွေ ရောက်လာတတ်တယ်။
သင်္ဘောတွေပေါ်မှာက ဖိလစ်ပင်းများတယ်။ မြန်မာတွေလည်း ပါတတ်တယ်။ တစ်ခါကဆိုရင် သင်္ဘောတစ်စီးလုံး မြန်မာတွေချည်းပဲ။ သင်္ဘောကက်ပတိန်ကစ မြန်မာ။ ကိုယ်ကတော့ ကိုယ့်မြန်မာချင်း ဆိုပြီးတော့ ကိုယ့်အလုပ် ဟုတ်ဟုတ် မဟုတ်ဟုတ် ၀ိုင်းလုပ်ပေးတယ်။ အဲဒီမှာ Chief Officer ကလည်း မြန်မာပဲ။ သူက ဟေ့ကောင်၊ ဒီပစ္စည်းတွေ ချပေး တဲ့။ အလိုဗျာ၊ ကျွန်တော်တို့အလုပ်က သင်္ဘောဆီ လာပို့ပေးရုံပဲ။ ကျွန်တော် စေတနာရှိရင် ချပေးချင် ချပေးမယ်ပေါ့။ ဒါပေမဲ့ တကယ် ယူရမှာက သူတို့။ ခုတော့ အကြောကြီးနဲ့ ကျွန်တော့်ကို ချပေး တဲ့။
ကျွန်တော်လည်း စိတ်တော်တော် အချဉ်ပေါက်သွားတာနဲ့ ဦး လို့။ ဘာဖြစ်လို့ ဒီလို ပြောရတာလဲ။ ဦးတို့မယူလို့ ကျွန်တော်တို့ ပြန်ယူသွားရင်လည်း ဘာမှ မဖြစ်ဘူး လို့ ပြန်ပြောလိုက်တယ်။ မင်းတို့ပို့တဲ့ပစ္စည်း မင်းတို့မချပေးလို့ ဘယ်သူ ချပေး မလဲ တဲ့။ သူက မာရေကျောရေနဲ့။ မသကာ ညီလေးရေ၊ အစ်ကိုတို့ကိုတော့ ဒါတွေ ကူချပေးကွာ ဆိုလည်း ကျွန်တော်တို့ နေပါ့ မလားဗျာ။ တခြားဟာတွေတောင် ၀ိုင်းလုပ်ပေးနေသေးတဲ့ဟာ။
ဦးတို့ မယူချင်လဲ နေ။ ကျွန်တော်တို့ ပိုက်ဆံ claim လုပ်ရမှာ ဒီပစ္စည်းတွေနဲ့ မဟုတ်ဘူး။ ဟောဒီ D.O နဲ့ လို့ပြောလိုက်မှ သူတို့ဟာ သူတို့ သယ်တော့တယ်။ အဲဒီလိုလည်း ကြုံရသေးတယ်ဗျာ။
Anchorage (အပြည်ပြည်ဆိုင်ရာ ရေပိုင်နက်တွင် သင်္ဘောကြီးများ ကျောက်ချရပ်နားရာ နေရာ) ကျတော့ ဟို့ ပင်လယ် ထဲရောက်သွားပြီ။ အရမ်းအန္တရာယ်များတော့ ကျွန်တော်တို့လို အတွေ့အကြုံမရှိသေးတဲ့ သူတွေ မလွှတ်ဘူး။ အတွေ့အကြုံ ရင့်ပြီးတဲ့သူတွေပဲ လွှတ်တယ်။
အရင်တုံးကတော့ Pasir Panjan Ferry Terminal ကနေ သွားရတယ်။ ဒါပေမဲ့ ခုတော့ Penjuru Terminal ကိုပြောင်း လိုက်တယ်။ အဲဒီမှာ ကျွန်တော်တို့ရုံးခန်းလည်း အဲဒီမှာပဲ။ အဲဒီမှာ ပစ္စည်း supply လုပ်တဲ့ ကုမ္ပဏီတွေချည်း စုနေတယ်။ စုစုပေါင်း ၁၃ ခုလောက်ရှိတယ်။ ကျွန်တော်တို့က ပစ္စည်း supply လုပ်ရတာ သီးသီးပဲ။ တခြားဘာမှ မလုပ်ရဘူး။
ပစ္စည်းပို့ဘို့ ဘုတ်တစ်ခေါက်ထွက်ရင် လူ ၃ ယောက်ပါတယ်။ ဘုတ်မောင်းတဲ့သူ တစ်ယောက်ရယ်။ အောက်က ချိတ်ပေးမဲ့လူ တစ်ယောက်။ အပေါ်တက် ဖြုတ်ရမဲ့လူ တစ်ယောက်။
ပင်လယ်ထွက်ရတာ အရမ်း အန္တရာယ်များတယ်။ တစ်ခါတုံးကဆို ကျွန်တော်တို့ ဘုတ်မှာ။ အောက်က ပစ္စည်းချိတ်ပေး တဲ့သူကို ချည်တဲ့ခါးပတ်ကြိုးနဲ့ ရိုက်မိတာ နှာခေါင်းရိုး ကျိုးသွားတယ်။ ကြိုးကကျအလာ ဘုတ်ကအစောင်း ဆိုတော့ ကြိုးအဖျားနဲ့ ခတ်သွားတာ။
တစ်ခါတစ်ခါ ပစ္စည်းတင်နေတုံး မိုးက သည်းကြီးမည်းကြီးရွာ။ လှိုင်းကလည်း အရမ်းလူးနေတယ်။ ကျွန်တော်တို့ Life Jacket (သက်ကယ်အင်္ကျီိ) တွေ ၀တ်ထားရတယ်။ ပင်လယ်ထဲလဲ ပြုတ်ပျက် ကျတာပဲ။ သေကံမရောက် သက်မပျောက်လို့သာ။ တစ်ခါတော့ အိန္ဒိယ Boarding Officer တစ်ယောက်ဆို သင်္ဘောပေါ်တက်သွားရင်း gangway (ကုန်းဘောင်) ပြတ်ကျတာ။ gangway က စိတ်မချရဘူး။ ပင်လယ်ရေတွေနဲ့ အမြဲထိနေတော့ သံချေးတွေကိုက်ပြီး ဆွေးနေပြီ။
သွားတာတော့ အင်ဂျင်နီယာတွေနဲ့ သုံးယောက် သွားတာပဲ။ ဒါပေမဲ့ ဒီကောင့်အလှည့်မှာ ပြတ်ကျတာ။ သူလည်း gang way နဲ့ လွတ်ရာ ပင်လယ်ထဲကို ခုန်ချသွားတယ်။ မဟုတ်လို့ gangway နဲ့သာ ရိုက်မိရင် သေပြီ။ သူတို့သုံးယောက်လုံးမှာ Life Jacket မပါဘူး။ တော်သေးတာပေါ့။ သူက ရေကူးတတ်လို့။ သူပြုတ်ကျသွားတာနဲ့ ဘောတွေ ပစ်ချပေးလိုက်တယ်။ တော်သေး တယ်။ ဘာမှ မဖြစ်ဘူး။
အဲဒီမှာ ရဲ ကင်းလှည့်သင်္ဘောတွေ ရောက်လာတယ်။ ရဲတွေက ကက်ပတိန်ကို မေးတာပေါ့။ ဘယ်လိုဖြစ်တာလဲ လို့။ တကယ်ဆို officer အနေနဲ့ တိုင်လို့ရတာပေါ့။ ဒါပေမဲ့ သူလည်း တိုင်တော မနေတော့ဘူး။ သူတို့နဲ့ ကျွန်တော်တို့နဲ့က ကိုင်းကျွန်း မှီ၊ ကျွန်းကိုင်းမှီ လုပ်နေကြရတာကိုး။ ဒါနဲ့ ပြီးသွားရော ဆိုပါတော့။
မလွယ်ဘူးဗျို့။ ရေထဲမှာ လုပ်နေရတာ။ အန္တရာယ်ချည်းပဲ။
တစ်ခါတလေ super tanker ကြီးတွေဆီ သွားပို့ရတယ်။ နောက်ပြီး ဒီကောင်ကြီးတွေက empty (ကုန်မပါ၊ ဗလာ သင်္ဘော) တွေ။ သင်္ဘောကကြီးလို့ နဂိုကတည်းက မြင့်ပြန်။ ကုန်မတင်ထားလို့ ရေပေါ်ပေါ်နေပြန် ဆိုတော့ အမြင့်ကြီးတွေ။ ပြုတ် ပျက်သာ ကျလို့ကတော့ ရှင်နိုင်စရာ လမ်းမရှိဘူး။ ကုန်တင်ထားရင် ရေထဲကို သုံးပုံနှစ်ပုံလောက် မြုပ်နေလို့ တော်သေးတယ်။
အလုပ်ချိန်ကတော့ မနက် ၈ နာရီကနေ ညနေ ၅ နာရီပဲ။ ဒါပေမဲ့ ပစ္စည်းမပို့ရတဲ့ နေ့တွေဆို အားနေတယ်။ ကွန်တိန်နာ ထဲမှာ တစ်နေကုန် ကော်ဖီသောက်လိုက်၊ စာဖတ်လိုက်နဲ့ အချိန်ဖြုန်းရတာပဲ။ ဒီနေ့ဆို အလုပ်မရှိလို့ နေ့ခင်း ၁၂ နာရီကတည်းက ကျွန်တော်တို့ အပြင်ထွက် လည်နေတာပဲ။
လုပ်သက် တစ်နှစ်ရရင် တုံးတစ်တုံး ထုပေးတယ်။ ကုမ္ပဏီနဲ့ သင်္ဘောက ထုပေးတာ။ လုပ်သက် သုံးနှစ်ရလို့ တုံးသုံးတုံး ထုပြီးသွားရင် စာမေးပွဲ ဖြေလို့ရပြီ။ ဒါပေမဲ့ အဲဒီ တုံးကလည်း အလကားတော့ မရဘူး။ အမေရိကန် ဒေါ်လာ ၂၀၀ နဲ့ ၀ယ်ယူရ တာ။ ပိုက်ဆံပေးရတာတော့ သိပ်မများပါဘူး။ လုပ်ရတာကတော့ အသက်နဲ့ရင်းပြီးကို လုပ်ရတာပဲ။ ကျွန်တော်ကတော့ သေမှာ သိပ်ကို မကြောက်တော့ဘူး။ ဘာဖြစ်လို့လဲ ဆိုတော့ မလေးရှားမှာလုပ်ပြီး တစ်နှစ်ပြည့်တဲ့နေ့မှာ ကားမှောက်တယ်။ ဘီးပေါက်ပြီး မှောက်တာ။ ကံကောင်းလို့ပေါ့။ အကုန်သေကုန်တော့မလို့။ သူဌေးကလည်း တော်ပါတယ်။ ကားမှောက်တဲ့ နေရာ ချက်ချင်းလိုက်လာပြီး အကုန်လုပ်ကိုင် ပေးတယ်။ အဲဒီကတည်းက ကျွန်တော်သေမှာ မကြောက်တတ်တော့ဘူး။ သေတစ်နေ့ မွေးတစ်နေ့ပဲ လို့ သဘောထားတတ်လာ တယ်။
မနက်ဖြန်နေ့ခင်း ၂ နာရီမှာ ပင်လယ်ဆင်းရမယ်။ ကျွန်တော်တို့အဖို့တော့ ရိုးနေပါပြီ။ သင်္ဘောသားဖြစ်လည်း တစ်ချိန်လုံး ပင်လယ်ထဲ နေရမှာပဲ မဟုတ်လား။
ဒါကတော့ ကျွန်တော့်ရဲ့ သင်္ဘောသား တစ်ပိုင်း ဘ၀အတွေ့အကြုံလေးတွေပေါ့ဗျာ။ သင်္ဘောသားစစ်စစ်တွေဆို ကျွန်တော့်ထက် ပိုဆိုးမလား မပြောတတ်ဘူး။

သုံးသပ်ချက်

ကိုမိုးသက်မှာ စင်ကာပူတွင် လုပ်နေသည် ဆိုသော်ငြားလည်း ကုန်းပေါ်တွင် လုပ်နေရခြင်းမဟုတ်။ သင်္ဘောသား ဖြစ်ရေးအတွက် ပင်လယ်တွင်းဆင်းကာ sea service ယူနေသူ ဖြစ်သဖြင့် အခြား ကုန်းပေါ်တွင် လုပ်ကိုင်နေသူများနှင့် အတွေ့အကြုံခြင်း မတူပါ။ သို့သော် အသက်နှင့်ရင်းကာ လုပ်နေရသော သူတို့ဘ၀ကို အများသိနိုင်ရန် ကြားညှပ်၍ ဖော်ပြ ပေးလိုက်ခြင်း ဖြစ်ပါသည်။