Friday, June 27, 2014

စာမရေးဖြစ်ရခြင်းအကြောင်း

ခုနင်က ဂျစ်တူး (မုံရွာ) ဖုံးဆက်လာ၏။ ဘာကိစ္စများပါလိမ့်ဟု စပ်စုသော် သူက ခွေးဆွဲလို့ဆိုလား ပြော၏။ အယ်မယ်လေးဗျာ၊ ဘယ်လိုဖြစ်တာလဲဟု အလန့်တကြားမေးတော့ သူက ဘယ်လိုမှမဖြစ်ပါဘူး၊ ဘာလို့စာအရေးကျဲနေတာလဲ၊ နေမကောင်းလို့လား ဟု ပြောမှ ခုနက ဖုံးက ၀ူးဝါးဝူးဝါးဖြစ်နေသဖြင့် စာအရေးကျဲတာကို ခွေးဆွဲတာဟု နားကြားလွဲကြောင်း သဘောပေါက်ပြီး တစ်ယောက်တည်း ရှက်ပြုံးပြုံးမိ။

ကျွန်တော်တို့ သင်တန်းကျောင်းတစ်ခုဖွင့်ဘို့ ကြိုးစားနေကြောင်း မိတ်ဆွေများ သိပြီးဖြစ်ပါသည်။ စင်ကာပူ၌ သင်တန်းကျောင်းတစ်ခု တည်ထောင်ခြင်းအကြောင်းလည်း တို့စိတို့စိ ရေးခဲ့ပြီးပါပြီ။ အပြည့်အစုံမဟုတ်သည့်တိုင် အတော်အတန် စုံပါသည်။

အသည်းအသန်လုပ်တာတောင် ယခုမှ သုံးခုပဲ တင်ပြီးသေးသည်။ Work-At-Height for Workers, Work-At-Height for Supervisors, Construction Safety Orientation Course တို့ဖြစ်၏။ နောက် လေးခုလောက် ကျန်ပါသေးသည်။ Building Construction Supervisors Safety Course, Work-At-Height for Assessors, Shipyard Safety Induction Course for Workers နှင့် Shipyard Supervisor Safety Course တို့ဖြစ်၏။ ထိုအထဲမှ BCSS နှင့် SSSC မှာ မနည်းလှ။ ၅ ရက်သင်တန်းဖြစ်သဖြင့် အနည်းဆုံး ၂ ပတ်၊ ၃ ပတ်လောက် လုပ်ယူရလိမ့်မည်။ ထို့ကြောင့် သည်ဟာအားလုံးပြီးအောင်ဆို နောက်ထပ် အနည်းဆုံး တစ်လကျော်လောက် လုပ်ယူရပါလိမ့်မည်။

ယခင်က တစ်လကို အနည်းဆုံး စာ ၁၄ - ၅ ပုဒ်လောက် ရေးပါသည်။ ယခုတော့ တစ်လတစ်ပုဒ်တောင် ရေးမထုတ်အားပါ။
ဇူလိုင်လကုန်လောက်ဆိုလျင်တော့ ပုံမှန်အတိုင်း ဆက်ရေးနိုင်ပါလိမ့်မည်။

အားပေးသူအပေါင်းအား ကျေးဇူးတင်ပါ၏။

စိတ်ကျန်းမာ၍ ကိုယ်ချမ်းသာကြပါစေ။
(ကိုယ်ကျန်းမာဘို့ကလွယ်ပါတယ်ဗျာ။ စိတ်ကျန်းမာဘို့က ပိုအရေးကြီးတာပါ။ စိတ်ချမ်းသာတယ်ဆိုတိုင်း စိတ်ကျန်းမာတာမဟုတ်ကြောင်း ကိုယ့်ဘာသာကိုယ် တွေးကြည့်ကြပေါ့။)

အေးငြိမ်း

၂၆၊ ၆၊ ၂၀၁၄

Monday, June 23, 2014

WAH (Work-At-Height) Train The Trainer Course

(၁)

သည်ကနေ့ WAH Train The Trainer Course ၅ ရက် သင်တန်းပြီး၏။ မနည်း အသည်းအသန်လုပ်လိုက်ရသည်။ သင်တန်းက စာမေးပွဲဖြေရတာတင်မဟုတ်။ Take home assignment လည်း ပေးလိုက်သေး၏။ သူ့ assignment ကလည်း နည်းနည်းနောနောမဟုတ်။ နောက်ပြီး စာအုပ်ထဲပါတွေ ကူးရေးရတာလည်းမဟုတ်။ research ဆိုကာ ဟိုဟာရှာခိုင်း၊ သည်ဟာရှာခိုင်းနှင့် အတော်ခေါင်းနောက်လှ၏။
ကွန်ုပ်မှာ တနင်္လာနှင့် အင်္ဂါနေ့ညများက MOM လိုင်စင်တင်နေရသေးသည်နှင့် ဘာမှမလုပ်ဖြစ်။ သည်တော့ ဗုဒ္ဓဟူးနှင့် ကြာသပတေး နှစ်ရက်ပဲအချိန်ရ၏။ Assignment က ကြာသပတေးည အပြီးတင်ရမှာ။ သောကြာနေ့တွင် assignment ကို ရှင်းပြ၊ နောက်ပြီး စာမေးပွဲဖြေ ဆိုတော့ စာကလည်း ကျက်ရဦးမည်။ သည်တော့ assignment ကို အတင်းတွန်းထိုးလုပ်တာ ကြာသပတေးည သန်းခေါင်လောက်မှပြီး၏။ ပြီးတော့ ဘာမှစဉ်းစားမနေတော့ဘဲ မနက် ၄ နာရီ နှိုးစက်ပေးပြီး အိပ်။ မနက် ၄ နာရီထ။ အိပ်ချင်ပြေအောင် ခေါင်းက ရေလောင်းချိုးပြီး စာကျက်။ မနက် ၇ နာရီလောက်ကျတော့ ငုတ်တုတ်ထိုင် စာကျက်နေရင်း အိပ်မက်များမက်လာသဖြင့် နာရီဝက်လောက်ပြန်အိပ်။ နှိုးစက်မြည်တော့ ကပျာကယာထ။ အ၀တ်အစားလဲ သင်တန်းသွား။ (သယ်၊ အရေးထဲ ရထားက Jurong East မှာ ရပ်နေလိုက်ရသေး။)
စာမေးပွဲလား။ အောင်သပေါ့ဗျာ။ ဘယ့်နှာ၊ တစ်သက်လုံး ဖြေလာခဲ့တဲ့စာမေးပွဲအရေတွက် ကိုယ့်အသက်ထက် တောင် များသေး။
ကျွန်တော့်အမြင်ပြောရလျှင်တော့ သူတို့သင်တာ သဘောမကျပါ။ အဲလေ သင်တာကိုပြောတာဟုတ်ပါဘူး။ သင်ရိုးညွှန်းတမ်းကို ပြောပါတယ်။ သင်တန်းခေါင်းစဉ်က WAH Train The Trainer Course ဆိုတော့ သင်တန်းဆရာ ဖြစ်နည်း သင်တန်း ဖြစ်ရမည်မဟုတ်ပါလား။ သင်တန်းဆရာကောင်းတစ်ယောက်ဖြစ်အောင် လေ့ကျင့်ပေးရမှာ မဟုတ်ပါလား။ အခုတော့ ဆရာဖြစ်သင်တန်းနဲ့တူတာ (၄ ရက်လုံး သင်တာမှာ) တစ်လုံးမှ မတွေ့ခဲ့။ သင်တန်းရည်ရွယ်ချက်က “How to become a billionier (ဟုတ်ပေါင်) good trainer for WAH” ဖြစ်သင့်ပါသည်။ နောက်ဆုံးပိတ် course evaluation form ထဲမတော့ သည်အတိုင်း ထည့်ရေးခဲ့သည်။ သည်သင်တန်းမှ ဗဟုသုတတော့ အတော်ရခဲ့ပါ၏။

ထားပါတော့။ ကိုယ်ဘာတတ်နိုင်တာမှတ်လို့။

(၂)

Work At Height သင်တန်း ဆိုတော့ တစ်ခုတွေးမိပြီး ကျွန်ုပ်မှာ ငါးသလောက်ပြုံး ပြုံးမိ၏။ အခြားမဟုတ်။ သူတို့လိုသာ အမြင့်တက်တိုင်း Work At Height သင်တန်းတက်ခိုင်းရလျှင် ကျွန်ုပ်တို့တစ်ရွာလုံး ယောက်ျား၊ မိန်းမမကျန် အကုန်သင်တန်းတက်ရဘို့ ရှိလေသည်။
ရွာမှ အိမ်အများစုမှာ ဖက်မိုး၊ သက်ငယ်မိုး၊ ဓနိမိုးများ များသည်။ ဆင်းရဲသူများက ဖက်မိုး၊ ပိုက်ဆံအနည်းငယ် တတ်နိုင်သူများက သက်ငယ်မိုး၊ ပိုပြီး ပိုက်ဆံတတ်နိုင်လျှင် ဓနိမိုး။ ပိုက်ဆံရှိသူများက သွပ်မိုးကြသည်။ သွပ်မိုးသည် ဆိုရာတွင်ပင် အိမ်မကြီးကိုသာမိုးပြီး မီးဖိုဆောင်နှင့် နွားတင်းကုပ်တို့ကိုမူ ဖက် သို့မဟုတ် သက်ငယ်မိုးကြ၏။
ဖက်ဟူသည် တောအတွင်းပေါက်နေသော အင်ပင်မှ ကြွေကျသည့် အင်ဖက်များကို ကောက်၊ ရွာပြန်ရောက်တော့ ချောင်းထဲက ရေအိုင်ထဲတွင် စိမ်။ ၀ါးသီတံတွင်ပျစ်ကာ အမိုး၊ အကာလုပ်ကြခြင်းဖြစ်၏။ ကိုယ့်ဘာသာကိုယ် တောထဲက ဖက်သွားကောက်တာဆိုတော့ ပိုက်ဆံတစ်ပြားမှ ကုန်စရာမလို။ (ဒါ၊ အရင်တုံးက ဖြစ်၏။ ယခုတော့ ဟို နိုင်ငံ့ဂုဏ်ဆောင် လက်မှတ်ရသူများလက်ချက်ဖြင့် သစ်ပင်တွေ့ချင်လျင် စာအုပ်ထဲလှန်ရှာရသည့် အခြေသို့ဆိုက်သွားလေရာ သူတို့ ဘယ်လို မိုးကာနေကြသည်ကို မသိတော့ပါ။)
ဆိုတော့ နွေကျလျှင် အိမ်အမိုးများ အသစ်ပြန်မိုးကြသည်။ ကျွန်တော်တို့ ငယ်ငယ်ကတော့ ဘယ်သူ့မှ ငှားစရာမလို။ ဘယ်သူ့အိမ် ဘယ်နေ့မိုးမယ်ဆိုတာ တစ်ဆင့်စကား တစ်ဆင့်နားဖြင့် လူငယ်များစုကာ သွားမိုးကြခြင်းဖြစ်၏။ အိမ်ရှင်က ထန်းလျက်နှင့် ရေနွေးတိုက်သည်။ ထန်းလျက်မရှိလည်း ကိစ္စမရှိပါ။ ရေနွေးမတိုက်လို့လည်း ဘယ်သူ့ကိုမှ စုပေါင်း ဆန္ဒထုတ်ဖော်ပွဲ မလုပ်ခဲ့ကြပါ။ ကိုယ့်ဘာသာ ကိုယ့်စေတနာနှင့်ကိုယ် သွားမိုးပေးကြခြင်းဖြစ်ပါသည်။ ကိုယ့်အိမ် မိုးမည်ဆိုတော့လည်း သည်အတိုင်း လာမိုးကြတာသာ ဖြစ်၏။ အချင်းချင်း စလိုက်၊ နောက်လိုက်၊ သီချင်းတွေ အော်ဆိုလိုက်နှင့်၊ တပျော်တပါးကြီးဖြစ်ပါသည်။ ယခုတော့ သည်ဓလေ့များ ကျန်သေးသလား၊ ပျောက်ကွယ်ကုန်ကြပြီလား မပြောတတ်ပါ။ သည်ချစ်စရာကောင်းသည့် ဓလေ့များ ကွယ်ပျောက်သွားပြီဆိုလျင်ဖြင့် အလွန်ဝမ်းနည်းဖွယ်ရာ ဖြစ်ပါသည်။
များသောအားဖြင့် အိမ်မိုးလျင် ကျွန်တော်တို့တတွေ အင်္ကျီမ၀တ်ကြပါ။ အနို့ မ၀တ်ဆို။ အင်္ကျီတစ်ထည် တန်ကြေးက မသေးလှ။ ပုဆိုး ခါးတောင်းကျိုက်ကာ သည်အတိုင်း တက်မိုးကြခြင်းဖြစ်၏။
ဖက်မိုးလျှင် ဖက်ကိုရေစိမ်ထားတာဆိုတော့ ဖက်မှကျလာသည့် ရေပုပ်များမှာ အလွန်ယားလှ၏။ သည့်ထက်ဆိုးသည်က သက်ငယ် ဖြစ်သည်။ (ကျွန်တော်တို့က သက်ကယ်ဟုခေါ်၏)။ သက်ငယ်ကား ရှလည်းရှသည်။ ယားလည်းယားသည်။ သို့သော် သည်လို ကုတ်ရင်းဖဲ့ရင်းနှင့် အိမ်မိုးပြီးရသည်။ မိုးပြီးတော့မှ ခေါင်းကဖြိုကာ ရေချိုး။
ဘယ်သူကမှလာပြီး environmental friendly တို့၊ green peace တို့ recycle တို့ လာတရားဟောနေစရာမလို။ ဘ၀ပေးအသိဖြင့်ပင် မနှစ်ကမိုးထားသည့် သက်ငယ်များကို အတင်းကန်ကျောက်မချပဲ အသာအယာဖျက်ချကာ ကောင်းသေး သည့် အပျစ်များကို အနားများဖြတ်ကာ အောက်ဆုံးက ခံမိုးသည်။ နောက်တော့မှ အသစ်များကို မိုးသည်။ အတန် ကောင်းသေးသည့် အပြစ်များဆိုလျင် အသစ်နှင့်ညှပ်ကာ ပြန်မိုးကြသည်။ ပိုက်ဆံမရှိတော့လည်း သည်လို ကြံကြဖန်ကြရသည်ပဲ။
အိမ်မိုးပြီဆိုကတည်းက အမြင့်တက်ရတာ မဟုတ်ပါလား။ ကျွန်တော်တို့ငယ်စဉ်၊ ခေါင်မိုးပေါ်တက်တုံးက သည်အတိုင်း ထုပ်ယောက်တန်းမြားများကို နင်းကာ ကျော်ခွ တက်ခဲ့ကြခြင်း ဖြစ်ပါသည်။ ဘာလှေခါးမှ မလို။ (အခုတော့ ဤကဲ့သို့ ကျော်ခွတက်ခဲ့သော ကျွန်ုပ်ကိုယ်နှိုက်က လှေခါးမှ မတက်၊ အခြားနေရာမှ ကျော်ခွတက်နေသူများတွေ့လျင် ဓာတ်ပုံရိုက်ကာ ဒဏ်တပ်နေရလေ၏။ အလွန်ရယ်စရာကောင်းလှသော ကပြောင်းကပြန်လောကကြီး ဖြစ်ပေသည်။)
ခေါင်မိုးပေါ်မှာလား၊ ဘယ့်နှာ fall prevention plan တို့၊ safety harness တို့ ရလိမ့်မလဲဗျာ။ လသာသာ၌ ၀ါးလုံးမြားတန်းများပေါ်ထိုင်ကာ သည်အတိုင်း မိုးခဲ့ကြခြင်း ဖြစ်သည်။ သို့တိုင် ကျွန်တော့်တစ်သက် ခေါင်မိုး၍ ပြုတ်ကျသေသည့်မသာ တစ်ယောက်မှ မတွေ့ခဲ့ပါ။

(၃)

ဒါတင်ပဲလား။ ဘယ်ဟုတ်ပါလိမ့်မတုံး။ တောပါဆိုမှ။
ကျွန်တော်တို့တောတွင် ထန်းပင်များရှိ၏။ ကိုယ့်လယ်ထဲကထန်းပင် ကိုယ့်ထန်းပင်ပေါ့။ ကျွန်တော်ကိုယ်နှိုက်က တော့ ထန်းပင်မလှီးတတ်ပါ။ မြို့သွား ကျောင်းတက်နေသဖြင့် တောသားတို့တတ်အပ်သည့် အဋ္ဌာရသ ၁၈ ရပ်ကို အပြည့်အစုံ မတတ်မြောက်ခဲ့။ သို့သော် သူများလှီးထားသော ထန်းပင်ပေါ်တော့ တက်ပြီး ထန်းရေသောက်တတ်ပါသည်။ (အဲလေ၊ ခိုးသောက်တာမဟုတ်ပါ။ သူငယ်ချင်းထန်းပင်ပေါ် အတူတူတက်သောက်တာ ဖြစ်ပါသည်။)
ထန်းပင်ပေါ်တက်တာလည်း မိတ်ဆွေတို့ မြင်ဖူးပါလိမ့်မည်။ ဘာလှေခါးမှရှိတာမဟုတ်။ သူတို့ကတော့ မောင်းတက် ဟုခေါ်၏။ ၀ါးတစ်ပင်လုံးကို အရင်းမှခုတ်လှဲကာ အကိုင်းအခက်များကို တစ်မိုက်လောက်ချန်လျက် ဖြတ်လိုက်လျင်ပင် အင်မတန်မှ ရိုးရှင်းလွယ်ကူလှသည့် မောင်းတက်တစ်ချောင်းရလေတော့၏။ (အညာဘက်တွင်တော့ လှေခါးနှင့်တက်ပါသည်။ ကျွန်တော်တို့ဘက်တွင် ထန်းရည်ကို ကြသောင်းဝါးကိုဆစ်ပိုင်းထားသော ၀ါးကျည်တောက်ဖြင့်ခံပြီး အညာတွင်တော့ မြူအိုး နှင့် ခံသည်။ လှေခါးနှင့်စာလျင် မောင်းတက်က အန္တရာယ်ပိုများ၏။)
အနှီမောင်းတက်ကို ထန်းပင်တွင် အထက်၊ အလယ်၊ အောက် သုံးနေရာ၌ နှီးဖြင့် ချည်ထားလိုက်လျှင် ထန်းပင်ပေါ် တက်ရန် လုံလောက်ပြီ။ ဘာ safe access မှ လာပြောမနေပါနှင့်။ သည်အတိုင်းပဲ တက်နေကြတာ ယခုအထိ။
သဟာတောင် မောင်းတက်ကို ရိုးရိုးထောင်တာမဟုတ်။

ထန်းရည်ကို လူခိုးမှာစိုးသဖြင့် အထက်က မောင်းတက်အတိုလေးပဲ ချန်ခဲ့ပြီး အောက်ဘက်က မောင်းတက်ကို ဖြုတ်ကာ သယ်သွားတာ ဖြစ်သည်။ တက်ချင်တော့မှ ထိုမောင်းတက်ကိုယူလာ၊ ထောင်ပြီး တက်ကြတာဖြစ်၏။



သို့သော်လည်းပေါ့လေ။ လူပေကပဲ။ အမှားနဲ့ ဘယ်ကင်းပါလိမ့်မလဲ။
ကျွန်တော့်ဦးကြီး ဦးမြဆင်မှာ ထန်းပင်ပေါ်က ပြုတ်ကျသဖြင့် တစ်သက်လုံး ထော့နဲ့ထော့နဲ့ ဖြစ်သွား၏။ နောက်တစ်ဦးမှာ မြင့် ဘယ်သူဆိုပါလိမ့်၊ သူ့နာမည်တောင် မေ့နေပြီ။ ကျွန်တော်ဆယ်တန်းအောင်သည့်နှစ်က ထိုကောင်လေး ထန်းပင်ပေါ်က ပြုတ်ကျသေသည့်သတင်း ကျွန်တော်တို့ ရွာအနီးတစ်ဝိုက် အတော် အုတ်အော်သောင်းတင်းဖြစ်သွားခဲ့ဖူး၏။ သို့သော် သူပြုတ်ကျသေသည်မှာ သေရိုးသေစဉ်မဟုတ်။
သူက ရွာမှ ခပ်ချောချောကောင်မလေးတစ်ဦး (ကျွန်တော်နှင့် နှစ်မ နှစ်ဝမ်းကွဲလောက်တော်သည်။) ကို ကြိုက်သည်။ ကောင်မလေးက ပြန်မကြိုက်။ သည်တော့ လူငယ်တို့ ဘာဝ ထွက်ပေါက်ရှာသည်။ သည်တုံးက ကျွန်တော်တို့ရွာမှာ အရက်၊ ဖဲ လုံးဝမရှိ။ ထန်းရည်တော့ သူသူငါငါ သောက်ကြသည်။
ကောင်လေးက ထန်းရည်မသောက်တတ်။ ထန်းရည်မသောက်တတ်တော့ ထန်းပင်လည်း ကောင်းကောင်း တက်တတ်ဟန် မတူပါ။ ထန်းပင်တက်တာ လွယ်သည်မထင်ပါနှင့် မိတ်ဆွေများခင်ဗျား။ ခုနင်ကပြောခဲ့သည့် တစ်မိုက်လောက် ရှိသည့် ၀ါးတက်ကလေးများကို နင်း၊ ထန်းပင်ကိုဖက်လျက် တက်သွား။ အပေါ်ဆုံးရောက်တော့ ထိုမောင်းတက်မှ ထန်းပင်အလက်များအကြား ကူးပြောင်းတက်ရသည်မှာ အသည်းယားဖွယ်ဖြစ်၏။ ကြောက်တတ်လျင်၊ မကျွမ်းကျင်လျင် ပြုတ်ကျဘို့ အလားအလာများပါသည်။   
သူထန်းပင်ပေါ်က မည်သို့မည်ပုံပြုတ်ကျသည်မသိပါ။ သူတစ်ယောက်တည်း တက်သောက်တာ ဖြစ်သည်။ ကံကဆိုးချင်တော့ ပြုတ်အကျတွင် အောက်မှထောင်ထားသည့် မောင်းတက်တည့်တည့်သို့ကျလေရာ တံစို့ထိုးပြီးသား ဖြစ်လေတော့၏။ သည်တော့ သည်တံစို့ကြီးကို မည်သူမှ မနုတ်ရဲ။ သည်အတိုင်း လေးမျက်နှာဆေးရုံသို့ သယ်သွားရသည်။ တောဆေးရုံဆိုတော့ အဘယ်မှာလျင် ဆေးဝါးပြည့်ပြည့်စုံစုံ၊ ခွဲစိတ်ခန်း စသည် ရပါမည်နည်း။
မြို့နယ်ဆရာဝန်ကြီးက ထိုဝါးတံစို့ကို နုတ်သည်ဖြစ်စေ၊ မနုတ်သည်ဖြစ်စေ အသက်ရှင်ရန် မလွယ်ပါဟု ဆို၏။ အနို့၊ ဟို့ . . . . အပေါ်ကအောက်ကိုပြုတ်ကျတာ လှံနဲ့ထိုးတာထက် ဆိုးတော့မပေါ့ဗျာ။ ကိုယ်ထဲက ကလီစာတွေကို ဖြတ်ကာ ရင်ခေါင်းအထိရောက်နေသည့် သည်ဝါးတံစို့ကြီးကို နုတ်လျင်လည်း သေနိုင်သည်၊ သည်အတိုင်းကလည်း ထားလို့မဖြစ် ဆိုတော့ နောက်ဆုံး နုတ်လိုက်ဘို့ဆုံးဖြတ်ကြ၏။ တံစို့လည်းထွက်၊ အသက်လည်းထွက်။

(၄)

ယခုတော့ မြန်မာပြည်တွင် safety ဆိုသည့်အသံ သဲ့သဲ့မျှ ကြားလာရပါပြီ။ လူကြားကောင်းရုံ အသံဟစ်နေရုံမျှ မဟုတ်မူ၍ တကယ်စေတနာပါပါနှင့် လက်တွေ့အကောင်အထည်ဖော်ကြဘို့ အရေးကြီးပါသည်။ လူဟူသည် ပုရွက်ဆိတ်တစ်ကောင် မဟုတ်။ လူမှန်လျင် သူ့အတိုင်းအတာနှင့်သူ အရေးကြီးကြသူချည်းဖြစ်၏။
            ကိုယ့်အသက်ကိုယ် ချစ်တတ်လျင် သူ့အသက်ကိုလည်း တန်ဘိုးထားတတ်ရမည်။
            ထို့ကြောင့် မည်ကာမတ္တမျှသာမဟုတ်ဘဲ တကယ်လုပ်ကြပါဟု တိုက်တွန်းလိုက်ရပါသတည်း။
ညက ၄ နာရီလောက်အိပ်ခဲ့ရလို့ ခုည စောစောအိပ်တော့မဗျာ။

အေးငြိမ်း
၂၀၊ ၆၊ ၁၄။ ည ၉း၂၀ နာရီ

Check list များနှင့် နေထိုင်ခြင်း

ကျွန်တော်ရန်ကုန်သို့အလည်ပြန်စဉ် တစ်နေ့သ၌ နှမတစ်ဝမ်းကွဲဖြစ်သူ မစောမြင့်၏ယောက်ျား၊ ကျွန်တော့် ယ္ဖော ဘန့်ဘွေးကုန်းရွာသား ကိုသန်းချစ် ဆေးခန်းပြရန် ရန်ကုန်မှ ကျွန်တော်တို့အိမ်သို့ ရောက်ရှိလာလေ၏။ နောက်နေ့ကျတော့ သူ့ကိုမမြင်သဖြင့် အနို့၊ ကိုသန်းချစ်လည်း မမြင်ပါလား ဟု မမတို့ကို စုံစမ်းမေးမြန်းလေသော်  ဆေးခန်းသွားရာ၌ ဆေးစာအုပ်နှင့် ဆေးမှတ်တမ်းများ ပါမလာသဖြင့် ပြန်လွှတ်လိုက်သောကြောင့် ရွာသို့ပြန်ကာ ဆေးစာအုပ်များပြန်ယူသည်ဟု သိရလေသည်။ ဆေးခန်းလာပြတာဟယ်၊ ဆေးစာအုပ်မေ့ကျန်ခဲ့ရတယ်လို့ ဟု မမက အပြစ်တင်သည့်လေသံနှင့် ငြီးတွား၏။
            ၂၀၀၇ ခုနှစ်လောက်က ကျွန်တော်ရန်ကုန်ပြန်စဉ် မျက်မှန်မေ့ကျန်ခဲ့သဖြင့် လေဆိပ်ထဲတွင်ဝယ်ရာ ABC ဆိုင်၌ ၃ ကျပ်လောက်ပေးရသည့်မျက်မှန် အပေါစားကို ၃၈ ကျပ်ပေးဝယ်ခဲ့ရဖူးလေပြီ။ ဟိုတစ်ခေါက် ရေကြည်နှင့် ကျောင်းကုန်းဘက်သို့ လယ်ယာအန္တရာယ်ကင်းရှင်းရေး ဟောပြောပွဲများ သွားလုပ်စဉ်ကလည်း သရုပ်ပြမည့် PPE များ ကျန်ခဲ့သဖြင့် ကိုယ့်ခေါင်းကိုယ် တူနှင့်ထုချင်မိခဲ့လေ၏။
            မိတ်ဆွေတို့လည်း သည်လိုဖြစ်ရပ်မျိုး မကြာခဏ ကြုံရဖူးပါလိမ့်မည်။
            ကျွန်တော်တို့လူမျိုးများ၌ Check list သုံးတတ်သော အလေ့အထ မရှိ။ မရှိသည့်အတွက်ပင် လယ်ထွန်သွား၊ နွားမေ့ ဟူသောစကားပုံ ပေါ်ခဲ့ရသည်မဟုတ်လော။
            ယခု Checklist ၏ အရေးပါပုံအကြောင်း ပြောပြပါမည်။
            ဘာပဲလုပ်လုပ် Checklist နှင့်လုပ်ပါ။ ဥပမာ - ဈေးသွားမည်ဆိုပါစို့။ အိမ်မှာကတည်းက ဘာတွေဝယ်ရမလဲ ဟု စဉ်းစားကာ ၀ယ်ရမည့်ပစ္စည်းစာရင်းကို ရေးမှတ်သွားပါ။ ဈေးဝယ်သည့်အခါ ထိုစာရင်းအတိုင်းဝယ်ပြီး တစ်ခုဝယ်ပြီးတိုင်း တစ်ခု ခြစ်ပါ။ ထိုအခါ မေ့ကျန်ခဲ့လို့ ဟူသည့် ပြဿနာမှ ကင်းဝေးပါလိမ့်မည်။
            အသင် စင်ကာပူမှ မြန်မာပြည်သို့ပြန်သည့်အခါ စာရွက်ပေါ်တွင် အိမ်အတွက် တစ်မျက်နှာ၊ ကိုယ့်ဘက်က ဆွေမျိုးတွေအတွက် တစ်မျက်နှာ၊ မိန်းမဘက်က ဆွေမျိုးတွေအတွက်က တစ်မျက်နှာ၊ ကျေးဇူးမကင်း၍ သော် လည်းကောင်း၊ မကောင်းတတ်၍သော်လည်းကောင်း ပေးရမည့်သူများအတွက်က တစ်မျက်နှာ ၀ယ်ရမည့်ပစ္စည်း စာရင်းကို စာဖြင့်ရေးမှတ်၍ ၀ယ်သွားမည်ဆိုလျှင် ယောက္ခမကြီးကလည်း ဖူးဖူးမှုတ်၊ ဆွေမျိုးများကလည်း ဟိုလူက ထမင်းခေါ်ကျွေးချင်၊ သည်လူက ထမင်းလာမစားလို့ စိတ်ဆိုး စသဖြင့် အလွန်မျက်နှာပွင့်ပါလိမ့်မည်။ 
            အရေးကြီးသည်မှာ ခရီးသွားသည့်အခါ ဖြစ်၏။ ခရီးသွားတော့မည်ဆိုလျှင် မသွားမီ တစ်ပတ်လောက်အလို ကတည်းက ယူစရာရှိသည့်ပစ္စည်းများကို ဖြည်းဖြည်းချင်းတွေးကာ စာရင်းလုပ်ထားပါ။ အထုပ်အပိုးများ ပြင်သည့်အခါ တွင် ထိုစာရင်း (checklist) အတိုင်း ထည့်ပါ။ တစ်ခုထည့်ပြီးတိုင်း တစ်ခု ခြစ် (tick) လုပ်ပါ။

ယူဆောင်ရန် စာရင်း
စဉ်
အမျိုးအမည်
ထည့်ပြီး
မထည့်ရသေး
မှတ်ချက်
ပတ်စ်ပို့စာအုပ်


လက်ကိုင်အိတ်
ဗီဇာ


လေယာဉ်လက်မှတ် (ဘယ်နေ့တွင် Check in လုပ်ရန်)


မှတ်ပုံတင်


ဘဏ်ကဒ်၊ ခလက်ဒစ်ကဒ်


ဘွဲ့လက်မှတ်၊ အမှတ်စာရင်း စသည့် အရေးကြီးသည့် စာရွက်စာတမ်းများ (ယူစရာလိုလျှင်)


ပိုက်ဆံအိတ်


သောက်ရမည့်ဆေးများ (မက်ဖော်မင်၊ အင်ဆူလင်) သောက်ရမည့်ဆေးများကို စာရင်းသပ်သပ်လုပ်ပြီး အရေအတွက်နှင့်တကွ ထည့်ပါ။


luggage
မျက်မှန်


လက်ကိုင်အိတ်
၁၀
ဘောပင်


၁၁
သွားတိုက်ဆေး၊ သွားတိုက်တံ


luggage
၁၂
မှတ်စုစာအုပ်


လက်ကိုင်အိတ်
၁၃
ကင်မရာ


၁၄
ဖုံး


၁၅
ရေဘူး


၁၆
လေယာဉ်ပေါ်တွင်အဆာပြေစားရန် ပေါင်မုံ့


၁၇
အင်္ကျီ၊ လုံချည် ၅ စုံ


luggage
၁၈
မျက်နှာသုတ်ပုဝါ


၁၉
လမ်းမှာဖတ်ဘို့ မောင်သာရ ရဲ့ ယုန်နဲ့အတူပြေး၊ ခွေးနဲ့အတူလိုက်


လက်ကိုင်အိတ်
၂၀
ဒေါ်ဘယ်သူ့ဘို့ မျှစ်ချဉ် ဘယ်နှထုပ်


Luggage
၂၁
သမီးကြိုက်တတ်တဲ့အချဉ်ထုပ် တစ်ပါကင်



            သွားလေရာ မှတ်ပုံတင်ယူသွားပါ။ လူကြီးတစ်ယောက်လုံး တွေ့နေတာတောင် မှတ်ပုံတင်လိုသေးလားကွဲ့ ဟု မငြင်းပါနှင့်။ လိုပါသည်။ မှတ်ပုံတင်ကို ပိုက်ဆံအိတ်ထဲ အမြဲထည့်ထားပါ။
            နေ့စဉ်လူနေမှုဘ၀တွင်လည်း Checklist သည် အသုံးတည့်၏။ သည်တစ်ပတ် ဘာတွေလုပ်စရာရှိသည်။ ဘာကို ဘယ်နေ့လုပ်ရမည်။ ဘယ်နေ့ ဘာဘိုးပေးရမည်။ ဘယ်သူနှင့် ဘယ်နေ့တွင် ဘာကိစ္စတွေ့ရမည်၊ ဘယ်နေ့တွင် ဘယ်သူ့သား မင်္ဂလာဆောင်ရှိသည် စသဖြင့် တေးမှတ်ထားလျှင် မေ့နေလို့ ပေးစရာရှိတာတွေ ရက်ကျော်သွားလို့ ဒဏ်ကြေး/အတိုးပေးရမည့် ဒုက္ခ စသည်တို့မှ ကင်းလွတ်ပါလိမ့်မည်။
အလုပ်လုပ်သည့်အခါတွင်လည်း Checklist နှင့်လုပ်ပါ။
Safety အလုပ်များတွင်မူ နေရာတကာ Checklist ပါ၏။ ဥပမာ - Permit To Work တွင် Checklist ပါသည်။ အဘယ်ကြောင့်ပါသနည်း။ ပါသင့်ပါထိုက်သည့်၊ ရှိသင့်ရှိထိုက်သည့်အရာများ ရှိနေစေရန် စစ်ဆေးသည့်အခါ အားလုံးပြည့်စုံရန်၊ ဘာတစ်ခုမှ မကျန်ခဲ့စေရန် Checklist လုပ်ပေးထားခြင်း ဖြစ်ပါသည်။ အောက်တွင် နမူနာ Checklist များ ပြထားပါသည်။
Checklist များနှင့်နေထိုင်တတ်ရန် နမူနာယူကျင့်သုံးကြပါမည့်အကြောင်း တိုက်တွန်းလိုက်ရပါသည်။

အေးငြိမ်း

၂၃၊ ၆၊ ၁၄။ ၀၀း၃၃ နာရီ

















Sunday, June 15, 2014

စင်ကာပူတွင် သင်တန်းကျောင်းတစ်ခု ထူထောင်ခြင်း

(၁) အချီး

ကျွန်တော် စင်ကာပူအကြောင်း ဆောင်းပါးများ အတော်များများ ရေးခဲ့ပြီးပါပြီ။ သူများတွေ ဘယ်လိုလုပ်နေတယ်။ ငါတို့လည်း လက်ရှိအခြေအနေကို ဘယ်လိုလုပ်ရင် ပိုကောင်းမယ်ဟု နမူနာယူကြစေရန်သာဖြစ်ပြီး ပုံတူကူးချရန် မဟုတ်ကြောင်းလည်း ပြောခဲ့ပြီးပါပြီ။
ဖွံ့ဖြိုးတိုးတက်သော လူတန်းစေ့နိုင်ငံတစ်နိုင်ငံထူထောင်ရာတွင် တော်တည့်ထက်မြက်သော လူအရင်းအမြစ်၊ ကောင်းမွန်မှန်ကန်သော စီမံခန့်ခွဲမှု နှင့် နိုင်ငံ့ခေါင်းဆောင်များ၏ နိုင်ငံအပေါ် တကယ်စေတနာထား လုပ်ဆောင်မှုတို့ အရေးကြီးကြောင်း မည်သည့် သဘာဝသယံဇာတမှမရှိဘဲ တိုင်းပြည်ကို ဆယ်စုနှစ်အနည်းငယ်အတွင်း ပထမနိုင်ငံ (First World) ဖြစ်အောင် လုပ်ပြခဲ့သော စင်ကာပူနိုင်ငံကို ကြည့်ခြင်းဖြင့် သိနိုင်ပါသည်။
ထိုအချက်များထဲမှ လူအရင်းအမြစ် ပြုစုပျိုးထောင်ရေးမှာ အလွန်အရေးပါသော အချက်တစ်ခုဖြစ်၏။ နိုင်ငံသားများကို ထူးချွန်သော လူတော်လူကောင်းများအဖြစ် ဖန်တီးယူရေးမှာ လွယ်ကူလှသော အလုပ်မဟုတ်ပါ။ ငွေကြေး နှင့် အချိန် များစွာလိုပါသည်။
အမှန်တကယ်တတ်ကျွမ်းနားလည်သူများအား မွေးထုတ်ရေးတွင် ပညာရေးသည် အဓိကအကျဆုံးဖြစ်၏။ ပညာရေး ဟုဆိုရာတွင် ပုံမှန်ကျောင်းသင်ပညာရေးနှင့် ကျောင်းပြင်ပပညာရေးဟု နှစ်မျိုးရှိရာ နှစ်မျိုးလုံး အရေးကြီးပါသည်။ ကျောင်းသင် ပညာရေးတွင် အကန့်အသတ်များစွာရှိ၏။ ထိုအထဲမှ အဓိကအတားအဆီးမှာ ဆင်းရဲမွဲတေမှု ဖြစ်ပါသည်။ မိဘကချို့တဲ့သဖြင့် သားသမီးကို ကျောင်းမထားနိုင်သောဖြစ်ရပ်များ မြန်မာတွင်မက ကမ္ဘာတစ်ဝှမ်းတွင်ပါ အမြောက်အမြားရှိသည်။
ထိုအခါ ငယ်စဉ်က အကြောင်းအမျိုးမျိုးဖြင့် ကျောင်းမနေလိုက်ရသော သူများအတွက် ကျောင်းပြင်ပပညာရေးဖြင့် ၎င်းတို့၏ အရည်အသွေးကို မြေတောင်မြှောက်ပေးရန် အရေးကြီးလာပါသည်။ ပုံမှန်ပညာရေးကို ပြီးဆုံးအောင် သင်ကြားခဲ့ရ သူများအနေနှင့်ပင် လက်တွေ့ပညာရပ်များကို သင်ကြားပေးသည့် ကျောင်းပြင်ပပညာရေး လိုအပ်နေပါသေးသည်။
ထိုလိုအပ်ချက်ကို ဖြည့်ဆည်းရန် အကောင်းဆုံး အထောက်အကူမှာ သက်မွေးဝမ်းကျောင်း သင်တန်းကျောင်းများ ထူထောင်ပေးခြင်း ဖြစ်၏။
သက်မွေးဝမ်းကျောင်း သင်တန်းကျောင်းများတွင် အစိုးရကဖွင့်လှစ်သော သင်တန်းကျောင်းနှင့် အစိုးရမဟုတ်သော ပုဂ္ဂလိကနှင့် အဖွဲ့အစည်းများကဖွင့်သော သင်တန်းကျောင်းဟု နှစ်မျိုးထပ်မံရှိပါသည်။
အစိုးရကဖွင့်လှစ်သော သင်တန်းကျောင်းများတွင်မူ စနစ်တကျရေးဆွဲထားသော သင်ရိုးညွှန်းတမ်းများ၊ လေ့ကျင့် သင်ကြားပေးထားသော သင်တန်းဆရာများ၊ သင်တန်းအထောက်အကူပြုပစ္စည်းများ စသည်တို့ ရှိလိမ့်မည် ဆိုသည်ကို ယုံမှားသံသယ ရှိရန်မလိုပါ။
သို့ဆိုလျှင် ပြင်ပသင်တန်းကျောင်းများအတွက် စနစ်တကျ ရေးဆွဲထားသော သင်ရိုးညွှန်းတမ်းများ၊ လေ့ကျင့် သင်ကြားပေးထားသော သင်တန်းဆရာများ၊ သင်တန်းအထောက်အကူပြု ပစ္စည်းများ ရှိပါသလား။
မြန်မာနိုင်ငံတွင် ကျောင်းပြင်ပပညာရေး (သို့မဟုတ်) သက်ကြီးပညာရေး (adult education) တစ်နည်းအားဖြင့် စဉ်ဆက်မပြတ် ပညာရေး (continuing education) ကို ကျကျနန ရေးဆွဲအကောင်အထည်ဖော်မှု အလွန်အားနည်းနေပါ သေးသည်။ အစိုးရကဖွင့်လှစ်သော သင်တန်းကျောင်းများ ရှိသည့်တိုင် အကန့်အသတ်များလှသလို မည်သည့်နေရာတွင် မည်သည့်သင်တန်းရှိသည်၊ မည်ကဲ့သို့တက်ရသည်၊ မည်သူများတက်ခွင့်ရှိသည် စသော သတင်းအချက်အလက်များ ပြည်သူလူထုအကြား ကျယ်ကျယ်ပြန့်ပြန့် ရောက်မလာသေးပါ။ ပြည်သူအများစုမှာ ထိုသင်တန်းများရှိမှန်းပင် မသိကြပါ။
ယခုအခါ ပုဂ္ဂလိကသင်တန်းကျောင်းများ ရန်ကုန်၊ မန္တလေးစသော မြို့ကြီးများတွင် အများအပြားရှိနေပြီ ဖြစ်ပါသည်။ သို့ဆိုလျှင် ထိုသင်တန်းကျောင်းများ၏ အရည်အသွေးကို အစိုးရက စောင့်ကြည့်၊ ကြပ်မတ်၊ ထိန်းသိမ်းပေးမှုများ ရှိပါသလား။ ထိုသင်တန်းကျောင်းများသည် မည်သို့မည်ပုံ သင်ကြားပေးနေကြပါသနည်း။ သင်ပုံသင်နည်းများမှာ ထိရောက်သော သင်ကြားပို့ချနည်းများ ဖြစ်ပါသလား။ သင်ကြားပေးနေသော သင်ရိုးများမှာ ခေါင်းစဉ်တပ်ထားသော သင်တန်းနာမည်နှင့် လိုက်လျောညီထွေ ဖြစ်ပါသလား။ သိသင့်သိထိုက်၊ တတ်သင့်တတ်ထိုက်သည်တို့ ပါဝင်ပါသလား။
သင်ကြားနေသော သင်တန်းဆရာများမှာ အရည်အသွေးပြည့် သင်တန်းဆရာများ ဟုတ်ပါသလား။ ဟုတ်မဟုတ် မည်သည့်စံဖြင့် တိုင်းပါသနည်း။ ထိုသင်တန်းများမှ ဆင်းလာသူများသည် ထိုသင်တန်းမှ ပို့ချလိုက်သော ပညာရပ်များကို သေချာစွာတတ်မြောက်ပါရဲ့လား။ ထိုသူတို့ တကယ်တတ်မတတ် မည်ကဲ့သို့ သိနိုင်ပါသနည်း။ ထိုသင်တန်းမှ ရလာသော လက်မှတ်သည် ထိုသူအား အလုပ်အကိုင်တစ်ခုရစေရေးအတွက် အာမခံပေးနိုင်ပါသလား။
ယခု စင်ကာပူတွင် သင်တန်းကျောင်းတစ်ခု ထူထောင်ခြင်းအကြောင်း ပြောပြပါမည်။ အကောင်းကြီးပင် မဟုတ်လှသော်လည်း သူတို့လုပ်တာ အတော်လေး စည်းစနစ်ကျပါသည်။ အဘယ်ကြောင့် အကောင်းကြီးမဟုတ်ဟု ဆိုရသနည်းဟူမူ စနစ်ပင်မည်မျှကောင်းအောင် လုပ်ထားသော်လည်း အာရှသားတို့၏ ထုံးစံအတိုင်း ညာတာပါတေးဖြင့် ဥပဒေကို လက်တစ်လုံးခြား လုပ်စားနေသူ အများအပြားရှိနေသေးသောကြောင့် ဖြစ်ပါသည်။ စနစ်ကတော့ မဆိုးလှပါ။
မည်မျှပင် စနစ်တကျလုပ်စေကာမူ စနစ်ကိုလှည့်ဖြားကာ ဥပဒေကို မျက်လှည့်ပြလျက် ညာဝါဖြီးဖြန်း လုပ်စားကြမည့်သူတွေရှိနေပါက မည်မျှပင် စနစ်ကောင်းစေကာမူ အောင်မြင်နိုင်စရာ အကြောင်းမရှိပါဟု ပြောလိုပါသည်။
            ယခု ဤအကြောင်းပြောပါမည်။ အသေးစိတ်ပြောပြမည်ဖြစ်သည့်အတွက် အတန်ငယ်ရှည်ပါမည်။ သည်းခံဖတ်ပါခင်ဗျား။

(၂) အရည်အသွေးအတွက် အစိုးရမှ ထိန်းချုပ်ထားခြင်း

            ကျွန်တော်က Safety လိုင်းမှဖြစ်သဖြင့် ကျွန်တော်ပိုကျွမ်းကျင်သော Safety သင်တန်းများအကြောင်း ပြောပါမည်။ စင်ကာပူတွင် Safety သင်တန်းများကို ပိုက်ဆံရှိတိုင်း ဖွင့်ချင်သလို ဖွင့်လို့မရအောင် အစိုးရက လိုင်စင်ဖြင့် ထိန်းထားပါသည်။ ဤလိုင်စင်ကို ချပေးသူမှာ MOM (Ministry of Manpower) ဖြစ်၏။ MOM မှ အသိအမှတ်ပြုထားသော သင်တန်းကျောင်းကို ATP (Accredit Training Provider) ဟု ခေါ်ပါသည်။ လိုင်စင်ရသင်တန်းကျောင်းများကို MOM website (http://www.mom.gov.sg) တွင် ကြည့်လို့ရပါသည်။ လိုင်စင်မရှိသူများ သင်တန်းဖွင့်လို့ မရပါ။
            လုပ်ငန်းအမျိုးအစားအလိုက် မတက်မနေတက်ရသော သင်တန်းများအား အစိုးရမှ သတ်မှတ်ထားပါသည်။ ဆိုလိုသည်မှာ ထိုသင်တန်းဆင်းလက်မှတ်ရှိမှ ထိုအလုပ်ကို လုပ်ခွင့်ပြုသည်။ ထိုသင်တန်းများကိုလည်း MOM website တွင်ပင် ဖော်ပြထားပါသည်။ ၂၀၁၄ မတ်လထိ သင်တန်းစုစုပေါင်း ၅၈ ခု ရှိပါသည်။ မည်သည့်သင်တန်းကို မည်သည့် သင်တန်းကျောင်းတွင် တက်နိုင်ကြောင်းလည်း သင်တန်းကျောင်း link ပေးထား၏။ ထိုသင်တန်းကျောင်း link ကို ဖွင့်လိုက်သည်နှင့် ထိုသင်တန်းကျောင်းက မည်သည့် သင်တန်းများပေးသည်။ မည်သည့်ရက်၌ မည်သည့်သင်တန်းများ တက်နိုင်သည်။ မည်မျှကြာမည်။ သင်တန်းကြေး မည်မျှရှိသည်။ သင်တန်းတည်နေရာ စသည်တို့ကို အပြည့်အစုံ ဖော်ပြထား၏။ ထို့ပြင် ကျောင်းတော်တော်များများမှာ အင်တာနက်မှပင် သင်တန်းလျှောက်လွှာတင်၍ ရပါသည်။
            သင်တန်းကျောင်းဖွင့်ခွင့် လိုင်စင်ကို MOM website တွင် online လျှောက်ရသည်။ ထို website တွင် သင်တန်းကျောင်း လိုင်စင်လျှောက်ရန် လိုအပ်ချက်များကို အပြည့်အစုံ ဖော်ပြထား၏။ ပစ္စည်း (သင်တန်းခန်းမ၊ သင်ကြားမှု အထောက်အကူပစ္စည်းများ စသည်) နှင့် လူ (သင်တန်းဆရာ) ဟူ၍ လိုအပ်ချက်နှစ်မျိုးရှိသည့်အနက် ပစ္စည်းက ငွေရှိလျှင် ပိုက်ဆံပေးဝယ်လို့ ရသေးသည်။ သို့သော် လူကိုမူ ပိုက်ဆံပေးဝယ်ရန် မလွယ်ပါ။ အဘယ်ကြောင့်ဆိုသော် ထိုသူများသည် သူတို့သတ်မှတ်ထားသော စံနှုန်းနှင့်ကိုက်ညီသူများ ဖြစ်ရမည် ဖြစ်သောကြောင့်တည်း။ ထိုသတ်မှတ်ထားသော စံနှုန်းများတွင် သင်တန်းနှင့် လုပ်ငန်းအတွေ့အကြုံဟု နှစ်မျိုးရှိ၏။ သင်တန်းကို ပိုက်ဆံပေးတက်လို့ရသည်။ သို့သော် လုပ်သက်ကိုမူ ပိုက်ဆံပေးဝယ်၍ မရပါ။ ထို့ကြောင့် လူလိုအပ်ချက် အရေးကြီးသည်ဟု ဆိုရခြင်းဖြစ်ပါသည်။
            အဘယ်ကြောင့် ဤကဲ့သို့ ထိန်းချုပ်ထားပါသနည်း။ ရှင်းပါသည်။ အရည်အသွေးလိုချင်လို့ ထိန်းထားတာ ဖြစ်ပါသည်။ မှိုလိုပေါက်နေသော သင်တန်းကျောင်းများမှ ဖြစ်ကတတ်ဆန်းသင်ပေးလိုက်ပြီး လက်မှတ်များကို စက်နှင့် ရိုက်ထုတ်ထားသော သင်တန်းဆင်းများဆိုလျှင်တော့ မည်မျှပင်သင်တန်းဆင်းများ များပါစေ၊ တိုင်းပြည်အတွက်၊ ကုန်ထုတ်လုပ်ငန်းအတွက်၊ တစ်နည်းအားဖြင့် အစိုးရလိုချင်သော ရည်မှန်းချက်အတွက် ပြည့်မီအောင် ဖြည့်ဆည်းနိုင်မည် မဟုတ်ပါ။ ထို့ကြောင့် တော်တည့်ထက်မြက်သော သင်တန်းဆရာများ ရရှိစေရန် ထိုအရည်အသွေးနှစ်ရပ်ဖြင့် ထိန်းထားခြင်း ဖြစ်၏။
            ဤသည်မှာ တိုင်းပြည်ထူထောင်ရေးအတွက် အလွန်အရေးကြီးသော လူအရင်းအမြစ်ပျိုးထောင်ရာတွင် အရေးတကြီး ထည့်သွင်းစဉ်းစားရမည့် အချက်ဖြစ်၏။ လက်မှတ်များကိုင်ထားပြီး တောင်ကိုင်ရမလို၊ မြောက်ကိုင်ရမလို ဖြစ်နေသူများနှင့် အရည်အသွေးပြည့်သည့်တိုင်းပြည်ကို မည်ကဲ့သို့ထူထောင်ပါမည်နည်း။

(၃) သင်တန်းကျောင်းတစ်ခုဖွင့်ရန် လိုအပ်ချက်

လိပ်စာတစ်ခုထဲ၌ (အဆောက်အဦတစ်ခုတည်း၌) သင်တန်းတူနှစ်ခု (သင်တန်းကျောင်းတစ်ခုတည်းမှဖြစ်စေ၊ အခြားသင်တန်းကျောင်းတစ်ခုခုမှဖြစ်စေ) ဖွင့်ခွင့်မပြု။ သင်တန်းများတွင်သင်မည့် သင်ရိုးများကို MOM သို့ တင်ပြ အတည်ပြုချက် ရယူရသည်။ တစ်ခါတင်လျှင် ဘာသာတစ်မျိုး (ဥပမာ - အင်္ဂလိပ်) ကိုသာ စဉ်းစားပေးသည်။ အခြား ဘာသာဖြင့် (ဥပမာ - မြန်မာဘာသာ) သင်လိုပါက သီးသန့်တင်ရသည်။ ထိုဘာသာပြန်များမှာ အတည်ပြုထားသော အင်္ဂလိပ်ဘာသာသင်ရိုးနှင့် အနီးစပ်ဆုံး ကိုက်ညီရမည်။
            သင်တန်းကျောင်းတွင် အချိန်ပြည့်ကျောင်းအုပ် (သို့မဟုတ်) မန်နေဂျာ တစ်ဦး၊ အချိန်ပြည့် သင်တန်းဆရာ တစ်ဦး အချိန်ပိုင်းသင်တန်းဆရာတစ်ဦး ခန့်ထားရပါမည်။
            အောက်ပါသင်တန်း လေးမျိုးသင်လိုပါက အစိုးရသို့ paid-up capital ဒေါ်လာ ငါးသောင်း တင်ရသည်။

i. Construction Safety Orientation Course for Workers; 
ii. Safety Orientation Course for Workers (Metalworking);
iii. Oil/Petrochemical Industries Safety Orientation Course for Workers; and
iv. Shipyard Safety Instruction Courses for Workers (General Trade, Hot-work Trade or Painter Trade)

ထို သင်တန်းလေးမျိုးမှအပ အခြားသင်တန်းများဆိုပါကမူ paid-up capital ဒေါ်လာ ငါးထောင်သာ တင်ရပါသည်။
            သင်တန်းကျောင်းတစ်ခုထူထောင်ရန် လိုအပ်ချက်များကို MOM website တွင်ဖော်ပြထားရာ စုစုပေါင်း ၃၂ ချက်ရှိ၏။ ၃၂ ချက်ဟု ဆိုရာတွင်ပင် တစ်ချက်ချင်းကို အသေးစိတ်ဖြန့်လိုက်ပါက အချက် ၅၀ လောက် ရှိပါသည်။ ဤလိုအပ်ချက်များကို တစ်ခုချင်း အသေးစိတ် ရှင်းပြပါမည်။


            သင်တန်းကျောင်းဖွင့်မည့်ကုမ္ပဏီကို ACRA (Accounting and Corporate Regulatory Authority) တွင် မှတ်ပုံတင်ရသည်။ စင်ကာပူတွင်ရှိသော မည်သည့်ကုမ္ပဏီမဆို ACRA တွင် မှတ်ပုံတင်ရ၏။ MOM တွင် လိုင်စင် လျှောက်သည့်အခါ ACRA မှ business profile ကို တွဲတင်ရသည်။ ထို့ပြင် သင်တန်းကျောင်းဖွင့်မည့်နေရာအား သတ်မှတ်ထားသော စံနှုန်းများဖြင့် တည်ဆောက်ပြီး URA (Urban Redevelopment Authority) မှ approval letter ယူရသည်။ ထိုစာကိုပါ ပူးတွဲတင်ပြရသည်။
            (ကျွန်တော်တို့ငှားထားသောအခန်းက ၆ မီတာ မြင့်သည်။ ထို့ကြောင့် ထပ်ခိုးထည့်ပြီး အပေါ်အောက် သင်တန်းခန်း လေးခန်းလုပ်ရန် ကြံသေးသည်။ သို့သော် PE က မင်းတို့ ထပ်ခိုးထည့်ရင် URA က လက်ခံမှာမဟုတ်ဘူး ဆိုသဖြင့် မထည့်တော့။ သူက Total Floor Area များသွားမှာ တစ်နည်းအားဖြင့် ဆောက်လုပ်ထားသော ဒီဇိုင်းဝန်အားထက်ပိုများသွား မည်ဖြစ်သောကြောင့် URA ကလက်မခံခြင်းဖြစ်သည် ဆို၏။)
            သင်တန်း၌ လက်တွေ့သင်ကြားမည့် သင်ထောက်ကူ ငြမ်းစင် စသည်တို့ကို PE (Professional Engineer) ၏ တွက်ချက်၊ လက်မှတ်ထိုးထားသည့် ဒီဇိုင်းအတိုင်း ဆောက်ရသည်။ ဤသည်မှာလည်း အထွေအထူးခေါင်းစားစရာ မလိုအောင် CDA ထဲတွင်ပင် စံဒီဇိုင်းကို ဖော်ပြထားပါသည်။ PE ဆိုသူက ဤဒီဇိုင်းကို အနည်းငယ် အာပလာလုပ်ကာ PE တုံးလေးထုလျက် ပိုက်ဆံ ၃၀၀၀ တောင်းခြင်းဖြစ်၏။
            ဆိုးသည်မှာ MOM သို့ လိုင်စင်တင်သည့်အခါ သင်တန်းကျောင်းတစ်ခုပုံစံ အပြီးအစီးပြင်ဆင်ပြီးမှ တင်ရခြင်း ဖြစ်၏။ လိုင်စင်ကျတော့မှ စပြင်ရတာမဟုတ်။ သည်တော့ လိုင်စင်တင်ဘို့ သင်တန်းခန်းကို အားလုံးပြင်ဆင်ရသည်။ အဲယားကွန်း၊ မီးပေးမှု၊ စားပွဲ၊ ထိုင်ခုံ၊ ၀ှိုက်ဘုတ် စသည်။ ဤစာရင်းမှာလည်း ကိုယ့်ဟာကိုယ် ဟိုဟာလေးထည့်ရင်ကောင်းမယ် စသဖြင့် တစ်ခုချင်း လိုက်စဉ်းစားနေစရာမလို။ သင်တန်းခန်းတစ်ခုတွင် မည်သည့်ပစ္စည်းများပါရမည်ကို တစ်ပါတည်း စာရင်းလုပ်ပေး ပြီးသားဖြစ်၏။ ထိုစာရင်းတွင်ပါသည့်ပစ္စည်းအားလုံး ထည့်သွင်း တပ်ဆင်ရသည်။ တပ်ဆင်ပြီးကြောင်း Checklist တွင် လက်မှတ်ထိုး၊ သင်တန်းခန်းကို ဓာတ်ပုံရိုက်၊ လက်တွေ့လုပ်မည့် နေရာကို ဓာတ်ပုံရိုက်ကာ ဓာတ်ပုံများနှင့်တကွ လိုင်စင် လျှောက်လွှာနှင့် တစ်ပါတည်း ပူးတွဲတင်ပြရသည်။          
            ဓာတ်ပုံမျှ မကသေး။ မည်မျှသေချာသနည်းဆိုလျှင် သင်တန်းခန်းအတွက် ၀ယ်ထည့်ထားသည့် ပစ္စည်းဝယ် ဘောက်ချာများပါ ပူးတွဲတင်ပြရသေးသည်။ ကွန်ပြူတာဝယ်တာ၊ ပရော်ဂျက်တာ၊ ပရင်တာ၊ စားပွဲ၊ ကုလားထိုင်တွေဝယ်တာ၊ အဲယားကွန်းဆင်တာ အကုန်တင်ပြရသည်။ ထိုအထဲတွင် အမှတ်စစ်စက်နှင့် ဆော့ဖ်ဝဲ ၀ယ်ရတာလည်း ပါ၏။ အထက်ဖော်ပြပါ သင်တန်းလေးခုအတွက် အမှတ်စစ်ရာတွင် ထိုပရိုဂရမ်နှင့်စစ်ရပြီး ရလဒ်ကို MOM database နှင့် တိုက်ရိုက်ချိတ်ဆက်ထား၏။ ထို့ကြောင့် အလုပ်သမားတစ်ဦး သင်တန်းတက်ပြီးမပြီး၊ အောင်မအောင်ကို MOM website တွင် အချိန်မရွေးစစ်ကြည့်လို့ ရသည်။

ထို့နောက် သင်တန်းဆရာများ ခန့်ထားရေး ဖြစ်၏။ ခန့်ထားမည့်သင်တန်းဆရာစာရင်း၊ ထိုသင်တန်းဆရာများ၏ ကိုယ်ရေးအတ္ထုပ္ပတ္တိ၊ လက်မှတ်များ၊ လုပ်ငန်းအတွေ့အကြုံမှတ်တမ်း စသည်တို့တင်ပြရသည်။ သင်တန်းဆရာများတွင် ရှိရမည့် အရည်အချင်းကို CDA တွင် ဖော်ပြထားသည်။


သင်တန်းကျောင်းမှ ဆင်းလာသူများအား အားလုံးတပြေးညီ အရည်အသွေးများ ရရှိစေနိုင်ရန် သင်တန်းကျောင်း များတွင် သင်မည့်သင်ရိုး၊ သင်တန်းဆရာများ၏ လိုအပ်ချက်များကို အစိုးရမှ ချမှတ်ပေးထားသည်။ မည်သည့်သင်တန်း အတွက်ဆိုလျှင် မည်သည့်သင်ရိုးအတိုင်းသင်ရမည်။ ထိုသင်တန်းကိုသင်မည့်ဆရာတွင် မည်ကဲ့သို့သော အရည်အချင်းများ ရှိရမည်ဟု သတ်မှတ်ထား၏။ ဤသည်ကို CDA (Curriculum Development Advisory) ဟု ခေါ်သည်။ CDA ကို အစိုးရ website (https://www.wshc.sg) တွင် အခမဲ့ download လုပ်ယူ၍ ရပါသည်။

(၄) ACTA (အက်တာ)

            သင်တန်းတစ်ခုကို သင်နိုင်ရန် ထိုသင်တန်းနှင့်ပတ်သက်သော လုပ်ငန်းအတွေ့အကြုံ အနည်းဆုံး ၅ နှစ်ရှိရမည်။ ဥပမာ - ဆောက်လုပ်ရေးနှင့်ပတ်သက်သည့် သင်တန်းများ သင်မည့်သူသည် ဆောက်လုပ်ရေးလုပ်ငန်းတွင် (စူပါဗိုက်ဆာ၊ အင်ဂျင်နီယာ၊ မန်နေဂျာ စသည်) လုပ်ငန်းအတွေ့အကြုံ အနည်းဆုံး ၅ နှစ်ရှိရမည်။ အကယ်၍ သင်္ဘောကျင်း (marine) နှင့်ပတ်သက်သည့် သင်တန်းများ သင်မည်ဆိုပါက marine အတွေ့အကြုံ အနည်းဆုံး ၅ နှစ်ရှိရမည် စသည်။ (ကျွန်တော်က သင်္ဘောကျင်းတွင် ၁၉၉၈ မှ ၂၀၀၀။ ၂၀၀၅ မှ ၂၀၀၇။ လေးနှစ်လုပ်ဘူးသည်။ သတ်မှတ်ထားသော ၅ နှစ် မပြည့်သဖြင့် marine သင်တန်းများ သင်ဘို့ရမရ မသေချာ။)
            သူတို့ကတော့ competent person ဟု ခေါ်၏။ တကယ်တတ်မြောက် ကျွမ်းကျင်သူများကိုသာ သင်တန်းဆရာ ဖြစ်စေသည်။ Competent person ဖြစ်ရန် အနည်းဆုံး နှစ်ချက် လက်ဆုပ်လိုက်ပြရန် လိုသည်။ ဤသည်မှာ Skill + Knowledge ဖြစ်၏။ တစ်နည်းအားဖြင့် သင်တန်းဆင်းလက်မှတ် + လုပ်ငန်းအတွေ့အကြုံတို့ကို ပြရသည်။
သင်တန်းဆရာများအတွက် သတ်မှတ်ထားသော သင်တန်းများရှိ၏။ ထိုသင်တန်းများထဲမှ သင်တန်းဆရာဖြစ်ရန် အခြေခံအကျဆုံးသင်တန်းမှာ ACTA (Advanced Certificae in Training and Assessment) ဖြစ်၏။ ထိုသင်တန်းတွင် CU1 မှ CU6 ထိ module ၆ ခု ပါသည်။ အချိန်ပြည့်သင်တန်း ဆရာဖြစ်ရန် ထိုသင်တန်း ၆ ခုစလုံး တက်ရောက်အောင်မြင် လက်မှတ်ရပြီး ရမည်။ အချိန်ပိုင်းဆရာဆိုလျှင်တော့ CU1, CU2, CU4, CU6 သင်တန်းဆင်းလက်မှတ် လေးခု ရှိရမည်။ အပြည့်အစုံသိနိုင်ရန် အောက်တွင် မူရင်းကို ဖော်ပြထားပါသည်။


ACTA (Advanced Certificae in Training and Assessment)

SPECIALISATION TRACKS
There are two specialisation tracks in ACTA:
·           Facilitated Learning – suitable for trainers and developers practising classroom-based facilitated training and courseware development.
·           On-the-Job Training – suitable for trainers and developers practising the OJT training approach and use of blueprint in courseware development.
 Course participants can opt for any of the two specialisation tracks:

Facilitated Learning
A specialisation that will certify your ability in developing competency-based training programmes; delivering them in a classroom-training environment; and assessing a trainee’s competency levels.

On-the-Job Training (OJT)
A specialisation that will certify your competence in developing and conducting OJT programmes; as well as assessing the competency level of workers in performing a specific job function.


Under the Facilitated Learning track, you are required to complete CU1, CU2, CU3A, CU4A, CU5, and CU6.
Under the On-the-Job (OJT) track, you are required to complete CU1, CU2, CU3B, CU4B, CU5, and CU6.
If you have completed your ACTA in either track, you could top up on the two modules (CU3A / B and CU4 / B) from the other track and obtain 2 ACTA certification – one from each track.

            အထက်ဖော်ပြပါ အချက်အလက်များအရ ထိုသင်တန်းကို နှစ်မျိုးလေ့လာ သင်ယူနိုင်၏။ တစ်မျိုးမှာ သင်တန်းခန်းမ အတွင်း၌ ထိုင်လျှက် သင်တန်းဆရာပို့ချသည်ကို နားထောင်၊ လေ့ကျင့်သည့်သင်တန်း (စာတွေ့) (Facilitated Learning) ဖြစ်ပြီး နောက်တစ်မျိုးမှာ သင်ကြားပို့မည့် နေရာသို့ သင်တန်းဆရာကသွားရောက်ကာ  ဟောသည်လို လုပ်ရသကွ ဟု လက်တွေ့ပြသခြင်း (လက်တွေ့) (On-the-Job Training) ဖြစ်၏။
            အထက်ပါဇယားကိုကြည့်လျှင် CU ၆ ခုအနက် CU1, CU2, CU5, CU6 များမှာ စာတွေ့ရော၊ လက်တွေ့သင်တန်း အတွက်ပါ အတူတူပင်ဖြစ်ပြီး စာတွေ့သင်တန်းအတွက် CU3A နှင့် CU4A၊ လက်တွေ့သင်တန်းအတွက် CU3B, CU4B ဟု ကွာသွားသည်။ အထက်ပါဇယားတွင် ဖော်ပြထားသော သင်တန်း ၆ ခုကို မြန်မာလိုပြန်ပြရလျှင် အောက်ပါအတိုင်း ဖြစ်ပါသည်။

CU1: စင်ကာပူအစိုးရမှ ချမှတ်ထားသော လုပ်ငန်းဆိုင်ရာ ကျွမ်းကျင်မှုအရည်အသွေး စည်းမျဉ်းဘောင်ကို နားလည်ခြင်း
CU2: သက်ကြီးသင်တန်းအခြေသဘောတရားများနှင့် ကိုယ်ကျင့်တရားစံနှုန်းများကို သင်တန်း၌ အသုံးချခြင်း
CU3: သင်တန်းအစီအမံ (ပရိုဂရမ်) ဒီဇိုင်း ရေးဆွဲခြင်း
CU4: သင်တန်းပို့ချရန် ပြင်ဆင်ခြင်း နှင့် သင်တန်းပို့ချခြင်း
CU5: စာမေးပွဲ/အကဲဖြတ် ဇယား ပြင်ဆင်ခြင်း
CU6: ကျွမ်းကျင်မှုအခြေခံ (competency based) အကဲဖြတ်ခြင်း

            CU ဆိုသည်မှာ Competency Unit ဖြစ်၏။ ဤတွင် ကျွမ်းကျင်မှုအခြေခံ (competency based) ဆိုသော စကားလုံးကို စာရှုသူတို့ သတိထားမိပါလိမ့်မည်။ ဤသည်မှာ သင်တန်းသားတကယ်တတ်မတတ်ကို စာတွေ့လက်တွေ့ စမ်းသပ်ခြင်း ဖြစ်၏။ ဥပမာ - safety harness အကြောင်း သင်ရာတွင် safety harness ကို မည်ကဲ့သို့ ရွေးချယ်ရသည်၊ စစ်ဆေးရသည် စသည့် စာတွေ့ ဗဟုသုတ သာမက လက်တွေ့လည်း ၀တ်ပြခိုင်းခြင်းမျိုး ဖြစ်၏။
            မြန်မာပြည်တွင်လည်း ဤစနစ်လုပ်လိုက်ပါသေးသည်။ ဘာတဲ့၊ စဉ်ဆက်မပြတ် အကဲခတ် ဆိုလား။ အစိုးရမူလတန်း၊ အလယ်တန်း၊ အထက်တန်းကျောင်းများတွင် ကျင့်သုံးသည်။ စာမေးပွဲစစ်စရာမလို။ ကျောင်းသား၏ အရည်အသွေးကို ဆရာဆရာမက အကဲဖြတ်ကာ တကယ်တတ်မြောက်သည့် ကျောင်းသားကို အတန်းတင်ပေးခြင်းဖြစ်၏။
            သို့သော် သိတော်မူကြသည့်အတိုင်း မြန်မာပြည်ဆိုသည်မှာ လုပ်လိုက်လျှင် သောက်တလွဲက များသည်။ သည်စနစ်က ငါတို့နဲ့ ကိုက်ညီသလားဆိုတာ မသုံးသပ်။ အများယောင်လို့ယောင်၊ အမောင်တောင်မှန်း မြောက်မှန်းမသိ။ သည်စနစ်ကောင်းသည်ဆိုကာ အတွေးအခေါ်အမြော်အမြင် ကြီးမားလှသည့် နိုင်ငံ့ခေါင်းဆောင်ကြီးများက ချမှတ်ကျင့်သုံး လေတော့ရာ ကျောင်းသားကလေးများခမျာ ဆယ်တန်းရောက်လာသည့်တိုင် ကိုယ့်နာမည်ကိုယ် မှန်အောင် စာလုံးမပေါင်း တတ်သော အခြေအနေထိ ဆိုက်လေ၏။ ဤစနစ် စတင်ကျင့်သုံးလိုက်သည်မှအစ တစ်နိုင်ငံလုံး ငဒူများချည်း ဖြစ်လေတော့ သတည်း။
            ကျွန်တော်ကလည်း ကိုယ့်ရှေ့မဟုတ်တာ လုပ်လာလျှင် မနေတတ်။ ဖော်ကောင်လုပ်ချင်သည်။ အစိုးရက သူတို့လူများအား လူတော်လူကောင်းများဖြစ်လာအောင် စနစ်များချမှတ်၊ အတင်းရော အဓမ္မပါ အစွမ်းကုန် လေ့ကျင့် လုပ်ပေးနေသည့်တိုင် ရာနှုန်းပြည့် ဖြစ်လာသလားဆိုတော့ မဖြစ်ပါ။ အဘယ်ကြောင့် မဖြစ်သနည်း။ လူတွေဖြစ်သောကြောင့် မဖြစ်ပါသည်။ ရှင်းပါအံ့။
            လိုအပ်ချက်အရ သည်သင်တန်းအားလုံးကို ကျွန်တော်သွားတက်ပါသည်။ ပိုက်ဆံနှင့် အချိန်များပေးကာ တက်ရ သောကြောင့် ကျွန်တော်ကတော့ ရသမျှအကုန်ယူဘို့ အားထုတ်ပါသည်။ သို့သော် မဖြစ်လို့သာ လာတက်ရသည်၊ လက်မှတ်ရ ပြီးရော ဆိုသူများလည်း မနည်းလှပါ။ ဤသည်မှာ ကျွန်တော် ညာဝါဖြီးဖြန်းပြောခြင်း မဟုတ်ပါ။ CU3A ကို STADA တွင် တက်တော့ ကျွန်တော်နှင့် တစ်စားပွဲတည်းထိုင်သူက ပြောခြင်းဖြစ်ပါသည်။ သူက ငါ့အတွက်တော့ လက်မှတ်ရဘို့က လွဲပြီး ဘာမှစိတ်မ၀င်စားဘူးဟု ဆိုပါသည်။
            သင်တန်းတွင် လက်တွေ့ရေးရသော assignment များရေးရသည်။ ဤ assignment များကို ကိုယ့်ဘာသာမရေးဘဲ ခိုးချသည်။ ကျွန်တော်လည်း အခြားသူများရေးထားသော assignment များကို တောင်းကြည့်ပါသည်။ သို့သော် ကျွန်တော် ကြည့်တာ သူတို့ဘယ်လိုရေးထားသလဲဆိုတာ နမူနာယူရုံမျှ ဖြစ်ပါသည်။ အနို့ သူတို့တွေ ခိုးချတယ်ဆိုတာ မင်းက ဘယ့်နှာလုပ် သိသတုံးကွာ ဟု မေးပါ။ ဤသည်မှာ ကျွန်တော်ပြောတာမဟုတ်ပါ။ သင်တန်းဆရာများက ပြောတာဖြစ်ပါသည်။ မင်းတို့ ခိုးတာတော့ ခိုးတာပေါ့ကွာ၊ ဒါပေမဲ့ မမှန်တာကြီးတော့ မခိုးနဲ့ပေ့ါ၊ ဘယ်လောက်ဆိုးသတုံးဆို စာလုံးပေါင်းမှားတာက စ တူတယ် ဟု ပြောပြပါသည်။
            ထို့ကြောင့် သင်တန်းဆင်းလက်မှတ်ရလာတိုင်းလည်း တတ်သည်ဟု မမှတ်ပါလေနှင့်။ Safety Officer ဖြစ်နေပြီး Risk Assessment မရေးတတ်သူတွေ တပုံကြီး။ Permit-To-Work ကိုပင် သေသေချာချာ ရှင်းမပြနိုင်သူတွေ ရှိသေးသည်။
           
(၅) CDA (Curriculum Development Advisory)

            သင်တန်းမှတ်စုများရေးရာတွင် အထက်တွင်ဖော်ပြခဲ့သော CDA အလိုက် ရေးရသည်။

CDA ထဲတွင် ဤသင်တန်းတက်ရန်အတွက် သင်တန်းသား၌ မည်သည့်အရည်အချင်းရှိရမည်။ ဤသင်တန်းကို ပို့ချမည့် သင်တန်းဆရာတွင် မည်သည့်အရည်အချင်းများရှိရမည်။ သင်တန်းသားနှင့် သင်တန်းဆရာ အချိုး၊ သင်တန်းတစ်ခုတွင်ရှိရမည့် သင်တန်းသားအရေအတွက်၊ သင်ကြားပို့ချရမည့်နာရီ၊ အကဲဖြတ်ရန် (စာမေးပွဲ) ကြာချိန်၊ စာမေးပွဲစစ်ပုံစစ်နည်း၊ စသည်တို့ အားလုံးပါသည်။
            အရေးကြီးဆုံးမှာကား ဘာတွေသင်မလဲဆိုတာ (Curriculum) ဖြစ်ပါသည်။ သင်တန်းတွင် သင်ရမည့် ခေါင်းစဉ် များကို သင်ရန်ကြာချိန်နှင့်တကွ လမ်းကြောင်းပေးထားသည်။ ဥပမာ -



သင်တန်းဆရာလုပ်မည့်သူသည် ဤ CDA ကို ကောင်းစွာ ကျေညက်နေရမည်။ မဟုတ်လျင် MOM က အင်တာဗျူး ခေါ်သည့်အခါ ဒုက္ခနှင့်လှလှနှင့်တွေ့မည်သာ အောက်မေ့။ နောက်ပြီး ဤတွင်သင်ကြားမည့်အကြောင်းအရာများကိုလည်း ကောင်းစွာ သိနားလည်ထားရပေမည်။ Rules and Regulations များကို အားလုံးမဟုတ်တောင် တီးမိခေါက်မိ ရှိထားရမည်။ မဟုတ်လျှင်တော့ သင်တန်းဆရာဖြစ်ခွင့်ရှိမည်မဟုတ်ပါ။
            CDA ကား အလွန်ချစ်စရာကောင်းလှ၏။ အဘယ်ကြောင့်ဆိုသော် သင်တန်းမှတ်စုများပြင်ရာတွင် လမ်းကြောင်းပေး ထားသဖြင့် ဘာမှခေါင်းစားစရာမလိုတော့ဘဲ ဤခေါင်းစဉ်များအတိုင်း ပြင်လိုက်သွားရုံသာ ရှိပေသည်။ ဘယ်လောက်များများ ပြင်ရမည်ဆိုသည်ကိုလည်း အချိန်နှင့် ကန့်သတ်ပေးထားသည်။ ၁၅ မိနစ် ဟု ပေးထားလျှင် ၁၅ မိနစ်စာလောက် ပို့ချမည့် အကြောင်းအရာလောက်ပဲ ထည့်ပေါ့။
            (သဟာတောင် သောက်တလွဲလုပ်သူတွေ မနည်းပါ။
            ကျွန်တော်တို့ သင်တန်းကျောင်းထောင်မည်ဆိုတော့ သည်သင်တန်းမှတ်စုများပြင်ရန် ငှားသည်။ သင်တန်းမှတ်စုများ ပြင်ရန်မှာ အချိန်အတော်ပေးရမည်။ နောက်ပြီး တစ်ခု၊ နှစ်ခုတည်းမဟုတ်။ ကျွန်တော်က နေ့တိုင်း အလုပ်ဆင်းရတာဆိုတော့ အချိန်အားမရှိ။ ညပိုင်းများတွင်ပြင်လျင်တော့ ဖြစ်နိုင်သည်ပေါ့။ ဒါပေသိ၊ အချိန်အကြာကြီးလုပ်ရမည်။ သည်တော့ စီးပွားရေး လုပ်ငန်းလုပ်မှာဘဲ၊ သည်လောက်တော့ ကပ်စီးမနည်းသင့်ဟု တိုင်ပင်ကာ (so called) consultant ငှားကြသည်။ Murat Dahalan ဟူ၏။ ကုမ္ပဏီနာမည်က Red-Delima ဖြစ်၏။ မိတ်ဆွေတို့ အထိတ်တလန့်ဖြစ်မှာစိုးသဖြင့် သူ့ဓာတ်ပုံတော့ မဖော်ပြတော့ပါ။
            ပထမတစ်အုပ် စလှန်လိုက်ကတည်းက မူရတ်တော့ သောက်တလွဲလုပ်ပြီဟု ကျွန်တော်သဘောပေါက်လိုက်သည်။ အထဲကစာများကို အသာထား၍ ခေါင်းစဉ်မျှပင် မှန်အောင်မရေးနိုင်။ အမှန်က သူရေးတာပင် ဟုတ်ချင်မှ ဟုတ်ပါမည်။ ဘယ်ကနေ ဘယ်လိုကူးချထားမှန်းမသိ။ ကူးတာကို အဆိုးမဆိုပါ။ သို့သော် ACTA တုံးက သင်တန်းဆရာမ ပြောသလို မှန်အောင်ကူးပေါ့။ သည်အကြောင်း ခပ်စောစောပိုင်းက ကျွန်တော် အနည်းငယ်ရေးခဲ့ပြီးပါပြီ။
            သည်ဟာများကိုသာ MOM တင်လိုက်ရင် reject ဖြစ်ဘို့ ၁၂၀% လောက်ရှိသည်။ တစ်ခါ reject ဖြစ်ပြီး ပြန်တင်လျှင် တန်းစီထားသူများ၏ နောက်သို့ ပြန်ရောက်သွားပေလိမ့်မည်။ ထိုအခါ တမေ့တမော ပြန်စောင့်ပေတော့။
            သည်တော့ မူရတ်ခေါင်းကို တူနှင့်ထုချင်တာ နောက်ထား။ ထို ၂၀၀၀ ကျော်မျှရှိသော slide များကို အစအဆုံး ကိုယ့်ဘာသာကိုယ် လုပ်ရလေတော့သည်။ မကြိုက်လိုက်၊ ပြန်ပြင်လိုက်၊ ဟိုဟာထပ်ထည့်လိုက်၊ သည်ဟာဖြုတ်လိုက်နှင့် တစ်လကျော်လောက် လုပ်တာတောင် သုံးခုလောက်ပဲ ပြီးသည်။
            မူရတ်ပဲလားဆိုတော့ မဟုတ်ပါ။ လက်ရှိသင်နေသည့် သင်တန်းကျောင်းများမှ စာများတွင်လည်း အမှားများစွာ ပါပါသည်။ သို့သော် သူများအမှားကို ထောက်ပြဘို့ထက် ထိုအမှားများမှ နမူနာယူရန်သာ ကြိုးစားပါသည်။ လူမှန်လျင် မည်သူ အမှားကင်းပါသနည်း။
            ယခု MOM တင်ဘို့ အားလုံးအဆင်သင့်ဖြစ်နေပြီမို့ သည်စာကို ရေးခြင်းဖြစ်၏။ သို့သော် လုပ်စရာများ လက်စမသပ်သေးပါ။ နောက်သင်တန်းများအတွက် ဆက်ပြင်စရာ များစွာ ကျန်သေးသည်။ ဤကား စကားချပ်။)
            ထိုမျှမက Course Matrix, Lesson Plan, Assessment Plan, Course Notes, Trainer’s Guide, မေးခွန်းနှင့် အဖြေ စသည်တို့ကိုလည်း ပူးတွဲတင်ပြရပသည်။ သည်အရာများမှာ ရှုပ်ထွေးလှသဖြင့် ဤနေရာတွင် ချန်ခဲ့ပါမည်။ သိလိုသူများ ရည်ညွှန်းထားသော MOM နှင့် WSHC website များတွင် ဖတ်နိုင်ပါသည်။

(၆) အခြားလိုအပ်ချက်များ

            MOM က အရာရာကို စံသတ်မှတ်ပေးထား၏။ သင်တန်းဆင်းလက်မှတ် (certificate) နှင့် သင်တန်းဆင်းကဒ် (pass) ကိုလည်း မည်သို့ပြင်ရမည်ကို သတ်မှတ်ပေးထား၏။ ထိုအတိုင်းပြင်ရမည်။ သူတို့သတ်မှတ်ထားသော ပုံစံအတိုင်း ပြင်ထားကြောင်း သင်တန်းဆင်းလက်မှတ်နှင့် ကဒ် နမူနာကိုပါ ပူးတွဲတင်ပြရသည်။
            သင်တန်းဆရာများတွင်လည်း အထက်တွင်ဖော်ပြထားသော ACTA လက်မှတ်များသာမက အခြား သက်ဆိုင်ရာ သင်တန်းများလည်း တက်ရသေးသည်။ အထက်တွင် ဖော်ပြခဲ့သော သင်တန်းဆရာလိုအပ်ချက်တွင် ကြည့်ပါ။
            Specialist Diploma ဟူသည် Safety Officer သင်တန်းဖြစ်၏။ WSH Level C ဟု ခေါ်သည်။ အလုပ်သမားများ အတွက် ဆိုလျင်တော့ Level B (Safety Coordinator) သင်တန်းဆို ရပါသည်။ သည်မျှသာမက Work-At-Height သင်တန်း သင်ရန် Work-At-Height သင်တန်းဆင်းလက်မှတ် ရှိထားရမည်။
            သည်သင်တန်းဆရာများကို ထုတ်ပေးထားသည့် အလုပ်ခန့်စာကိုလည်း ပူးတွဲတင်ပြရသည်။ အစိုးရက သတ်မှတ် ထားသည့် Safety level စံနှုန်း bizSAFE level3 လက်မှတ်လည်း တင်ပြရသည်။

(၇) နိဂုံး

            သည်သင်တန်းများတွင် သည်အရာများကို သည်ကဲ့သို့သင်ရမည်၊ သင်တန်းဆရာများတွင် ဤကဲ့သို့သော အရည်အချင်းများရှိရမည်၊ သင်တန်းကျောင်းဆိုလျှင် သည်အရာများနှင့် ပြည့်စုံရမည် စသဖြင့် အစိုးရ လမ်းညွှန်ချက် ပေးထားသောကြောင့် လွဲသည်ဆိုသည့်တိုင် ဆိုးဆိုးဝါးဝါး မလွဲတော့။ သင်တန်းဆရာများမှာလည်း ရာနှုန်းပြည့် မကောင်းစေကာမူ သင်တန်းဆရာနှင့်ထိုက်တန်သော အရည်အချင်းအချို့ ရှိနေမည် ဖြစ်ပါသည်။ အရည်အချင်းမရှိသူကိုလည်း ဆရာဖြစ်လက်မှတ် ထုတ်ပေးလိမ့်မည် မဟုတ်ပါ။
            လူများ (အထူးသဖြင့် အာရှသားများ) ဖြစ်သဖြင့် အစိုးရက သည်မျှ ကြပ်ကြပ်မတ်မတ် လုပ်နေတာတောင် ဥပဒေကို ကျော်ခွစားနေသူများ ရှိပါသေးသည်။ သင်တန်းလာတက်၊ အတန်းထဲ၌ အိပ်ငိုက်၊ အချိန်တန်တော့ လက်မှတ်တစ်စောင် ထုတ်သွားသူများ မနည်းလှပါ။ အတန်းထဲမှာ အိပ်ငိုက်နေသူက ဘယ်နည်းဘယ်ပုံဖြင့် စာမေးပွဲအောင်သနည်းဟု မမေးပါနှင့်။ နည်းလမ်းများစွာရှိသည်ဟုပဲ မှတ်ထားပါ။ သည့်ထက်ပိုပြောလို့ မသင့်။
            ကျွန်တော်တို့ မြန်မာပြည်တွင်လည်း စနစ်တကျဖြစ်စေချင်ပါသည်။ လုပ်သားများကို တကယ်တတ်အောင် သင်ပေးသည့် သင်တန်းကျောင်းများ ပေါ်ထွက်လာရေး အစိုးရက ၀ါယမထုတ် လုပ်ကိုင်သင့်ပါသည်။ မယောင်ယာ ဆီလူးသည့်ကိစ္စ၊ နှမ်းဖြူးသည့်ကိစ္စများဖြင့် အချိန်ဖြုန်းနေခြင်းများကို ရပ်တန်းက ရပ်သင့်ပါပြီ။
သို့သော် အထက်တွင်ဖော်ပြခဲ့သလို စဉ်ဆက်မပြတ် အကဲခတ်ပညာရေးစနစ်ကဲ့သို့ လူများကို ဖျက်ဆီးပစ်ရာမရောက်အောင်လည်း သတိပြုရပါမည်။ လက်မှတ်ရှိမှ အလုပ်လုပ်ရမည်ဟု သတ်မှတ်လိုက်ပါက လက်မှတ်ရိုက်ကာ ရောင်းစားမည့်သူများ ဥပဒေမထွက်မီ ကတည်းက တန်းစီနေပါလိမ့်မည်။ 
           
ကျေးဇူးတင်ပါသည်။

အေးငြိမ်း
၁၅၊ ၆၊ ၂၀၁၄။ နေ့လည် ၂း၀၆ နာရီ