စင်ကာပူနိုင်ငံသို့လာရန် Visa လျှောက်ခြင်း

(ဤပို့စ်ကို ရင်နာနာနှင့် ရေးပါသည်။ ဦးဏှောက်မဲ့သူများ တိုင်းပြည်အာဏာကို ရယူထားသောကြောင့် အာဆီယံ ၁၀ နိုင်ငံတွင် ကျွန်ုပ်တို့ မြန်မာတစ်နိုင်ငံတည်းသာ စင်ကာပူလာရန် ဗီဇာယူရ၏။ မည်မျှဆိုးသနည်းဟူမူ ဗီဇာရှိပါလျှက် လေဆိပ်ရောက်မှ ပြန်လွှတ်ခံရသေး၏။ ဤဒုက္ခသုက္ခများမှ ကင်းဝေးစေရန် အနှီ ဗရုတ်သုက္ခများကို ၂၀၁၅ တွင် တိုင်းသူပြည်သားအားလုံး ညီညာဖျဖျ တောထုတ်ပစ်ကြရန် လွန်စွာမှ အရေးကြီးလှပါကြောင်း။ )

ဤဆောင်းပါးပါ အချက်အလက်အားလုံးမှာ ICA Website မှ ဖြစ်ပါသည်။

ဗီဇာလိုအပ်ချက်

အောက်ပါတိုင်းပြည်များသည် စင်ကာပူသို့လာရန် ဗီဇာလျှောက်ရန် လိုပါသည်။ (JPEG ပုံတွင်ကြည့်ပါ။)

Assessment Level 1

အာမေးနီးယား	ခယူးဂစ်စတန်	တာဂျစ်ကစ်စတန်
အဇာဘိုင်ဂျန်	မော်လဒိုက်	တာ့က်မန်နစ်စတန်
ဘီလာရုစ်	မကာအို	ယူကရိန်း
ဂျော်ဂျီယာ	မြန်မာ	ဥဇဘက်ကစ်စတန်
ဂီနီ	ရုရှား	ဟောင်ကောင်
အိန္ဒိယ	တရုတ်
ကာဇက်စတန်	ဆီယာလီယွန်

Assessment Level 2

အာဖဂန်နစ္စတန်	လက်ဘနွန်	ဆိုမာလီယာ
အယ်လ်ဂျီးရီးယား	လစ်ဗျား	ဆူဒန်
ဘင်္ဂလားဒေ့ရှ်	မာလီ	ဆီးရီးယား
အီဂျစ်	မော်ရိုကို	တူနီးရှား
အီရန်	နိုင်ဂျီးရီးယား	ယီမင်
အီရတ်	ပါကစ္စတန်
ဂျော်ဒန်	ဆော်ဒီအာရေဗျ

အရေးကြီးသော မှတ်ချက်

စင်ကာပူဗီဇာသည် လ.၀.ကကိုဖြတ်သန်းရန် လက်မှတ်မဟုတ်။ စင်ကာပူဗီဇာရရှိထားသူအား စင်ကာပူနိုင်ငံသို့ ၀င်ရောက်ရန် သို့မဟုတ် ဖြတ်သန်းသွားလာရန် အကြိုခွင့်ပြုမိန့်သာဖြစ်၏။ စင်ကာပူနိုင်ငံသို့ ၀င်ခွင့်ရရန်မှာ လေဆိပ်ရှိ ICA (Immigration & Checkpoints Authority) က စစ်ဆေးပြီး အဆုံးအဖြတ်ပေါ် မူတည်သည်။     ဗီဇာရရှိရုံမျှဖြင့် စင်ကာပူနိုင်ငံအတွင်း ၀င်ခွင့်ရလိမ့် မည်ဟု အာမမခံပါ။

စင်ကာပူဗီဇာကိုင်ဆောင်ထားသူအား စင်ကာပူနိုင်ငံသို့ ၀င်ရောက်ရန် သင့်တော်သည်ဟု ICA က ဆုံးဖြတ်ပါက နိုင်ငံအတွင်း ၀င်ခွင့် နှင့် နေထိုင်ခွင့် လက်မှတ် (White Card) ကို ICA က ထုတ်ပေးပါလိမ့်မည်။ ထိုလက်မှတ်တွင် ရိုက်နှိပ်ထားသော တံဆိပ်တုံးကို သေသေချာချာစစ်ဆေးကြည့်ရန် အကြံပြုပါသည်။ ထိုတံဆိပ်တုံးတွင် သင်အား စင်ကာပူနိုင်ငံ၌ မည်မျှနေခွင့်ပြုသည်ကို ဖော်ပြထားပါသည်။ ထိုတံဆိပ်တုံးတွင် ဖော်ပြထားသော ကာလသည် ဗီဇာတွင်ခွင့်ပြုထားသည့် ရက်များနှင့် မသက်ဆိုင်ပါ။

ဦးအေးငြိမ်း၏ ထပ်ဆင့်ရှင်းလင်းချက်

၁။ စင်ကာပူအတွင်း ၀င်ခွင့်ရလျှင် ယေဘူယျအားဖြင့် နေခွင့်သက်တမ်းကို ရက် (၃၀) ပေးပါသည်။ အောက်တွင် လ.၀.က မှ ထုပေးလိုက်သော White Card မှ တံဆိပ်တုံးနမူနာကို ဖော်ပြထားပါသည်။ (JPEG ပုံတွင်ကြည့်ပါ။)

ထို white card ဖြတ်ပိုင်းကလေးကို ပတ်စ်ပို့စာအုပ်ထဲ၌ သေချာစွာ ညှပ်ထားပါ။ ဖြစ်နိုင်လျှင် ကလစ်နှင့်တွဲထားပါ။ စင်ကာပူ နိုင်ငံအတွင်း နေခွင့်မှာ ထိုလက်မှတ်ကလေးအပေါ် မူတည်နေပါသည်။ စင်ကာပူနိုင်ငံအတွင်း သွားလာသည့်အခါတိုင်း ပတ်စ်ပို့စာအုပ်နှင့် ထိုဖြတ်ပိုင်းကလေးကိုပါ သွားလေရာ ယူသွားရန် အလွန် အရေးကြီးပါသည်။ နေခွင့်သက်တမ်းတိုးသည့်အခါ ထိုဖြတ်ပိုင်း ကလေး အရေးကြီးပါသည်။ ထို့ပြင် စင်ကာပူမှ ပြန်လည်ထွက်ခွာသည့်အခါ ထိုဖြတ်ပိုင်းကလေးကို ICA သို့ ပြန်အပ်ရန် လို၏။

၂။ “ထိုတံဆိပ်တုံးတွင် ဖော်ပြထားသော ကာလသည် ဗီဇာတွင်ခွင့်ပြုထားသည့် ရက်များနှင့် မသက်ဆိုင်ပါ” - ဆိုသည်ကို ရှင်းပြပါမည်။

အထက်ပါတံဆိပ်တုံးတွင် စင်ကာပူဝင်လာသည့်ရက်သည် 6 June, 2015 ဖြစ်၏။ ထိုရက်မှနေ၍ ရက် ၃၀ ကို တွက်လိုက်သော် စင်ကာပူတွင်နေထိုင်ခွင့်ရသော ကာလမှာ 5 July, 2015 ထိ ဖြစ်ပါသည်။ ဇွန်လ ၆ ရက်နေ့ကိုပါ ထည့်သွင်းရေတွက်ရန် လို၏။ သေချာစေရန် ပြက္ခဒိန်ပေါ်တွင် လက်နှင့် ထောက်ကာ ရေပါ။ ၃၁ ရက်လများအတွက် အထူးသတိထားပါ။ အကယ်၍ ရက် (၃၀) ထက်ကျော်လျှင် စင်ကာပူမှ ပြန်အထွက် ၌ ပြဿနာ တက်တတ်ပါသည်။ လေယာဉ်လက်မှတ်မှာ အသွားအပြန် ၀ယ်ရသည် ဖြစ်ရာ လက်မှတ်ဝယ်ကတည်းက ရက် (၃၀) ကို တစ်ပါတည်းတွက်ကာ ၀ယ်ရန်လိုပါသည်။

အထက်ပါခရီးသည်အတွက် ဗီဇာ၏ သက်တမ်းမှာ 4 Aug, 2015 ထိ ဖြစ်၏။ ဆိုလိုသည်မှာ ထိုဗီဇာကို ထုတ်ပေးသည့်ရက်မှ သြဂုတ်လ ၄ ရက်နေ့အတွင်း စင်ကာပူသို့ ၀င်လာ၍ရသည်။  သို့သော် ထိုဗီဇာမှာ single journey visa ဖြစ်သဖြင့် စင်ကာပူသို့ တစ်ခေါက်သာ ၀င်လို့ရသည်။ ထိုသူမှာ စင်ကာပူသို့ ဇွန်လ ၆ ရက်နေ့တွင် ၀င်လာသည်ဖြစ်ရာ ဗီဇာပေါ်တွင် ဖော်ပြထားသည့် သြဂုတ်လ ၄ ရက်ဆိုသည်မှာ အလိုလို ပျက်ပြယ်သွားပြီဖြစ်၏။ (သို့သော် multiple journey ပေးလျှင်မူ ထိုကာလအတွင်း စင်ကာပူကို အခေါက်ခေါက်အခါခါ ၀င်လိုက်/ထွက်လိုက် လုပ်၍ရပါသည်။) ထို သြဂုတ်လ ၄ ရက်ဆိုသည်မှာ စင်ကာပူနိုင်ငံ အတွင်း နေထိုင်ခွင့်ပြုထားသော ကာလမဟုတ်။ စင်ကာပူတွင် နေထိုင်ခွင့်ပြုသောကာလမှာ white card ပေါ်တွင် ဖော်ပြထား သည့် ကာလသာ ဖြစ်၏။

“ထိုတံဆိပ်တုံးတွင် ဖော်ပြထားသောကာလသည် ဗီဇာတွင်ခွင့်ပြုထားသည့် ရက်များနှင့် မသက်ဆိုင်ပါ” - ဆိုသည်မှာ -

‘ထုပေးလိုက်သော တံဆိပ်တုံးအရ စင်ကာပူနိုင်ငံတွင် ဇူလိုင်လ ၅ ရက်နေ့ထိသာ နေထိုင်ခွင့်ရသည်။ ဗီဇာတွင်ဖော်ပြထားသည့် သြဂုတ်လ ၄ ရက်နေ့နှင့် ဘာမှမပတ်သက်ပါ’ ဟု ဆိုလိုသည်။

(အယ်မယ်လေး၊ ဖတ်တဲ့ခင်ဗျားတို့တော့ ဘယ်လိုနေမယ်မှန်းမသိဘူး။ ရှင်းပြရတဲ့ကျုပ်တော့ မောလိုက်တာဗျာ။ ဟူး)

ဗီဇာလျှောက်ခြင်း

ဗီဇာကို online မှ ဖြစ်စေ၊ လူကိုယ်တိုင် သံရုံးသို့သွား၍ဖြစ်စေ လျှောက်နိုင်ပါသည်။ Online မှလျှောက်ခြင်းကား အလွန် သက်သာ လွယ်ကူလှ၏။ မိမိ၏ စာကြည့်စားပွဲတွင်ထိုင်ကာ ကိုအံ့ကြီး၏ ရွှေမင်းဂံသီချင်းကလေးကို ညည်းလျှက် လိုအပ်သော အချက်အလက်များဖြည့်ကာ ကလစ်ကလေးကို တစ်ကနဲ နှိပ်လိုက်ရုံမျှဖြင့် ၁၅ မိနစ်မကြာဘဲ ပြီးနိုင်သည်။

လူကိုယ်တိုင်သွားလျှောက်ရသော ဒုက္ခကို မြန်မာပြည်သူအပေါင်းတို့ သိပါသည်။ ကားပိတ်နေ၍ ချွေးတလုံးလုံးနှင့် ဘတ်စ် ကားပေါ်တွင် အောင့်အည်းသည်းခံ စောင့်နေရသော ဒုက္ခ၊ ကားစပယ်ယာ၏ နင်ပဲငဆ ဆဲဆိုခံရသော ဒုက္ခ၊ တစ်ခါမှ မရောက်ဘူးသောကြောင့် သံရုံးဆိုသော အရှိန်အ၀ါကြီးကို လန့်ကာ ဘယ်သူ့ အဖေခေါ်ရမှန်းမသိသည့် ဒုက္ခ၊ မှတ်ပုံတင် မေ့ကျန်ခဲ့သဖြင့် ၀င်ခွင့်မရသောကြောင့် ဘာမှ အလုပ်မဖြစ်ဘဲ လှည့်ပြန်ခဲ့ရသည့် ဒုက္ခ၊ (ခုတော့ မှတ်ပုံတင်လိုသေးလားမသိ)။ ထိုသို့ ဘာမှအလုပ်ဖြစ်ဘဲ ပြန်ခဲ့ရသဖြင့် စိတ်တိုကာ မဆီမဆိုင် အိမ်ကမိန်းမကို အော်ငေါက်ဆဲဆိုရသော ဒုက္ခ -

တခြားဒုက္ခတွေတော့ ထားလိုက်ပါတော့။ မောလွန်းလို့။ ခုထိ သံရုံးတောင် မ၀င်ရသေးဘူး။

သို့သော်လည်းပေါ့လေ။ စင်ကာပူတွင် အသိမိတ်ဆွေ မရှိသူများအတွက် အဆင်ပြေစေရန် လူကိုယ်တိုင် ဗီဇာလျှောက်ခြင်းကို အပြည့်အစုံ ဖော်ပြလိုက်ပါသည်။

ရန်ကုန်ရှိ စင်ကာပူသံရုံးတွင် ဗီဇာလျှောက်ခြင်း

စင်ကာပူသံရုံးသည် အမှတ် ၂၃၈၊ ဓမ္မစေတီလမ်း၊ ဗဟန်းမြို့နယ်၊ ရန်ကုန် တွင် ရှိ၏။ ဖုံးနံပါတ် (၉၅) ၁ ၅၅၉၉၁၆ ဖြစ်ပါသည်။

ဗီဇာလျှောက်ချိန်များမှာ တနင်္လာမှ သောကြာနေ့ထိ နံနက် ၉ နာရီခွဲမှ ၁၁ နာရီခွဲထိ ဖြစ်၏။ ဗီဇာထုတ်ပေးချိန်မှာ တနင်္လာမှ သောကြာနေ့ထိ ညနေ ၂ နာရီခွဲ မှ ၄ နာရီထိ ဖြစ်ပါသည်။ စနေ၊ တနင်္ဂနွေ၊ အများပြည်သူရုံးပိတ်ရက်များတွင် ပိတ်ပါသည်။

ဗီဇာလျှောက်ရန် အောက်ပါစာရွက်စာတမ်းများ လိုပါသည်။

v ဗီဇာလျှောက်လွှာ - Form 14A

v Letter of Introduction - Form V39A

v (Form 14A နှင့် Form V39A တို့ကို အင်တာနက်မှ download လုပ်ယူနိုင်သလို သံရုံးရောက်မှ ယူလျှင်လည်း ရပါသည်။ ကျွန်တော့်ဆီ အီးမေး ပို့ပြီးတော့လည်း တောင်းနိုင်ပါသည်။)

v သက်တမ်း ၆ လရှိသေးသည့် ပတ်စ်ပို့

v စင်ကာပူအသွားအပြန် လေယာဉ်လက်မှတ်

v လွန်ခဲ့သော ၃ လအတွင်း ရိုက်ထားသည့် ရောင်စုံဓာတ်ပုံ (နောက်ခံ အဖြူ ဖြစ်ရမည်။ ဦးထုပ်မဆောင်းရ၊ နေကာမျက်မှန် စသည် မတပ်ရ။) ထိုဓာတ်ပုံကို Form 14A ၏ အပေါ်ဘက် ညာဘက်ထောင့်ရှိ အကွက်တွင် ကပ်ရပါမည်။

v အင်္ဂလိပ်ဘာသာပြန် (Notri Public) အိမ်ထောင်စု စာရင်း လိုချင်လိုပါလိမ့်မည်။ လိုရမယ်ရ ယူသွားပါ။

v စပွန်စာလုပ်သူ စင်ကာပူနိုင်ငံသား သို့မဟုတ် PR ၏ IC ကဒ် မိတ္တူ

v ခွင့်ဖြင့်သွားသူဖြစ်လျှင် ကုမ္ပဏီမှ ခွင့်စာ

ဗီဇာကျရန် လေးရက်ကြာပါမည်။

စင်ကာပူဘက်မှ ဗီဇာလျှောက်လျှင် စင်းဒေါ်လာ ၃၀ ပေးရပါသည်။ ရန်ကုန်ရှိ စင်ကာပူသံရုံးတွင်လျှောက်လျှင် ဗီဇာလျှောက်ခ US ဒေါ်လာ ၂၃ ပေးရပါသည်။

Online မှ ဗီဇာလျှောက်ခြင်း

Online မှ ဗီဇာလျှောက်ခြင်းကို SAVE (Submission of Application for Visa Electronically) ဟု ခေါ်၏။ စင်ကာပူတွင် စင်ကာပူနိုင်ငံသား သို့မဟုတ် PR အသိမိတ်ဆွေရှိသူများ မိမိ၏မိတ်ဆွေကို လှမ်း အကူအညီတောင်းနိုင်ပါသည်။ (အင်း၊ စလုံးက မိတ်ဆွေတွေရဲ့ အဆဲတော့ ခံရတော့မှာဘဲ။ မနေနိုင်မထိုင်နိုင် အလကား ငါတို့လာပြီး အလုပ်ပေးတယ်ဆိုပြီးတော့။)

SAVE ဖြင့် ဗီဇာလျှောက်ရန် Sing Pass လိုပါသည်။ လျှောက်ထားရန် အောက်ပါအချက်အလက်များ လို၏။

v  လျှောက်ထားသူ အမည် (ပတ်စ်ပို့ထဲက အမည်အတိုင်း အတိအကျဖြစ်ရန်လို၏။ ဦး/ဒေါ် တို့ မထည့်ရ။)

v  မွေးနေ့သက္ကရာဇ်

v  ပတ်စ်ပို့နံပါတ်

v  ပတ်စ်ပို့ ထုတ်ပေးရက်စွဲ နှင့် ပတ်စ်ပို့ သက်တမ်းကုန်သည့် ရက်စွဲ

v  မြန်မာပြည်မှ နေရပ်လိပ်စာ

v  ပညာအရည်အချင်း

v  ကိုးကွယ်သည့်ဘာသာ

v  စင်ကာပူသို့လာမည့် ခန့်မှန်းရက်စွဲ

v  လာမည့်အကြောင်း (purpose of visit)

v  စင်ကာပူတွင် နေမည့်လိပ်စာ

စပွန်စာ လုပ်ပေးသည့်သူသည်လည်း ၎င်း၏ ပတ်စ်ပို့နံပတ်၊ ပတ်စ်ပို့သက်တမ်းကုန်မည့်ရက်စွဲ၊ နေရပ်လိပ်စာ စသည့် အချက် အလက်များ ဖြည့်ရပါသည်။

အားလုံးဖြည့်စွက်ပြီးလျှင် eNETS, debit card, credit card တို့ဖြင့် စင်ကာပူဒေါ်လာ ၃၀ ပေးလိုက်လျှင် ပြီးပါသည်။ နောက် ၄- ၅ ရက် လောက်ကြာလျှင် approve ဖြစ်မဖြစ် စစ်ကြည့်လို့ရပါသည်။ လျှောက်စဉ်က ပေးထားသော email သို့လည်း approve ဖြစ်မဖြစ် ပို့ပေးပါလိမ့်မည်။ Approve ဖြစ်ပြီဆိုလျှင် print ထုတ်လိုက်ရုံဖြစ်၏။ ဗီဇာလျှောက်ပေးရသော ရန်ကုန်ရှိ မိသားစု၊ မိတ်ဆွေ အပေါင်းအသင်းများထံ အီးမေးဖြင့် ပို့လိုက်ပါ။

ကိစ္စပြီး၏။

ကျေးဇူးတင်ပါသည်။

အေးငြိမ်း

၃ ဇူလိုင်၊ ၂၀၁၅။ ၀၀း၂၂ နာရီ