စင်ကာပူတွင် နေထိုင်ခြင်းအတွက် ခန့်မှန်းကုန်ကျစရိတ်

စင်ကာပူကိုလာရင် တစ်လဘယ်လောက်ကုန်မလဲ မေးလာကြသူများအတွက် ခန့်မှန်းတွက်ချက်ပြလိုက်ခြင်းဖြစ်ပါသည်။

မည်မျှကုန်မည်ဆိုသည်ကို အတိအကျပြောရန် ခက်ပါသည်။ မည်သည့်နေရာတွင် မည်ကဲ့သို့နေမည်၊ မည်ကဲ့သို့စားမည်၊ မည်ကဲ့သို့ သွားမည်၊ ဘယ်လိုသုံးမည် ဆိုသည့်အပေါ်မူတည်ကာ ကွာခြားသွားပါသည်။

သို့အတွက် ကိုယ့်ဘာသာကိုယ် တွက်နိုင်ရန် ဈေးနှုန်းများပါ ဖော်ပြလိုက်ပါသည်။

လူတစ်ဦး တစ်လ နေထိုင်ခြင်းအတွက်

အိမ်ခန်းငှားခ                  - ၄၅၀

စားသောက်စရိတ်              - ၂၅၀

သွားလာစရိတ်                  - ၁၀၀

အထွေထွေ အသုံးစရိတ်      - ၃၀၀

စုစုပေါင်း                         - ၁၁၀၀

စဉ်	အမျိုးအမည်	S$
၁	အိမ်ခန်းငှားခ	450
၂	စားသောက်စရိတ်	250
၃	သွားလာစရိတ်	100
၎	အထွေထွေ အသုံးစရိတ်	300
	စုစုပေါင်း	1100

ဈေးနှုန်းများ

အိမ်ငှားခ

ဆွေမျိုး၊ မိတ်သင်္ဂဟများအိမ်တွင်နေမည်၊ အိမ်ငှားရန်မလို ဆိုပါက အိမ်ငှားခ နှုတ်ပါ။ ပျမ်းမျှ အိမ်ငှားခမှာ နေရာကိုလိုက်၍ (တစ်ဦးအတွက်) ၃၅၀ မှ ၅၀၀ ထိ ရှိပါသည်။ ဘူတာ၊ ဈေးများနှင့်နီးသောနေရာ၊ မြို့ထဲနှင့်နီးသောနေရာများတွင် ပိုဈေးကြီး ပါသည်။ ထို့ပြင် ရေတို (တစ်လ၊ နှစ်လ) ငှားခမှာ ပုံမှန်ဈေးထက် ပိုများတတ်ပါသည်။

စားသောက်စရိတ်

အသိအိမ်တွင်နေပြီး ချက်စားလို့ရမည် ဆိုလျှင် ၁၂၀ လောက်သာ ကုန်ပါလိမ့်မည်။ နေရာကိုလိုက်၍ လဖက်ရည်၊ ကော်ဖီ တစ်ခွက်လျှင် ပြား ၉၀ မှ ၁ ကျပ် ၉၀၊ ၂ ကျပ်ထိ ရှိ။ ပိုကောင်းသောဆိုင်များတွင် ပိုဈေးကြီးပါသည်။ အအေးဘူးများမှာ တစ်ဘူးလျှင် နေရာကိုလိုက်၍ ၁ ကျပ် ၂၀ မှ ၂ ကျပ်ခန့်ထိ။ သစ်သီးဖျော်ရည်များမှာ တစ်ခွက်လျှင် ၂ ကျပ်ခွဲခန့်။ စီးကရက် တစ်ဘူးလျှင် ၁၀ ကျော်။

နံနက်စာ

နံနက်စာအဖြစ် ခေါက်ဆွဲကြော်၊ ကြာဇံကြော်များ ရနိုင်သည်။ တခြား ဘာအဆာမှမပါဘဲစားလျှင် ၁ ကျပ် ၂၀ ခန့်၊ ကြက်ဥကြော်၊ ၀က်အူချောင်း စသည်တို့နှင့်စားလျှင် ၁ ကျပ် ၈၀ မှ ၂ ကျပ်ကျော်ထိ။

ပလာတာ၊ ဟင်းရည်နှင့်စားလျှင် ၂ ကျပ်ခွဲခန့်။ ပလိန်းပလာတာတစ်ချပ်လျှင် ၁ ကျပ်ခန့်။ (နေရာလိုက်ပြီး ဈေးအနည်းငယ် ကွာပါသည်။)

ကော်ဖီမစ်ထုတ်ဝယ်ကာ ပေါင်မုံ့နှင့်ယိုဘူးဝယ်ပြီး အိမ်တွင်စားပါက ၁ ကျပ်ဘိုးလောက်ဆို ဗိုက်ရိုက်စားလို့ရပါသည်။ ကော်ဖီမစ် တစ်ထုပ်လျှင် ၅ ကျပ်ခန့်ရှိ၏။ အမျိုးအစားကိုလိုက်၍ ဈေးအနည်းငယ် ကွာပါသည်။

ကျွန်တော့်လို အင်မတန်ကပ်စေးနဲသူများအဖို့ ကော်ဖီမှုန့်ပုလင်းနှင့် ကော်ဖီမိတ်ထုတ်ဝယ်ကာ ကိုယ့်ဘာသာဖျော်သောက်ပါ။ ၂၀၀ ဂရမ်ပါ အကောင်းစား ကော်ဖီတစ်ပုလင်းမှ ၁၂ ကျပ်။ သာမန်ကော်ဖီဆို ၆ ကျပ်ခွဲ။ ကော်ဖီတစ်ခွက်ကို ၃ ဂရမ်။ ကျွန်တော်က ခပ်ပြင်းပြင်းသောက်သဖြင့် ၄ ဂရမ်ခွဲ။ ဆိုတော့ ကော်ဖီတစ်ခွက်မှ ပြား ၂၀ လောက်သာ ကျပါသည်။

Fair Price တွင် ပေါင်မုံ့ထုပ်နှင့် ယိုတစ်ပုလင်းလောက်ဝယ်ပြီး ကိုယ့်ဘာသာ ပေါင်မုံ့ယိုသုတ်လုပ်စားပါ။ ၁၂ ချပ်ပါ ပေါင်မုံ့ တစ်ထုပ်မှ တစ်ကျပ်ခွဲ။ ယိုတစ်ပုလင်း ၃ ကျပ် မှ ၅ ကျပ်။ စားပါလေ့။ တန်မှတန်။

နေ့လည်စာ၊ ညစာ

မလေးအစားအစာ - ကန်စွန်းရွက်ကြော်၊ ကြက်ဟင်းခါးသီးချက်၊ ငါးဟင်း၊ အမဲသား၊ ဆိတ်သား စသည်တို့ရနိုင်ပါသည်။ ယေဘူယျ ထမင်းတစ်ပွဲ (ထမင်း+အသီးအရွက်နှစ်မျိုး+အသား/ငါးတစ်မျိုး) လျှင် ၃ ကျပ်ခွဲခန့်။ ငါးဟင်းဆိုလျှင် ပိုဈေးကြီး တတ်ပါသည်။ ၄ ကျပ်ခွဲလောက်ထိ ယူ၏။ မလေးအစားအစာက မြန်မာအစားအစာနှင့် ပိုနီးစပ်သည်။ ကျွန်တော်ကတော့ ဆိုင်တွင်စားသည့်အခါ မလေးစာသာစားလေ့ရှိ၏။ မလေးဆိုင်မရှိမှ တရုတ်ဆိုင်ကိုရွေးသည်။

တရုတ်အစားအစာ - စင်ကာပူ၌ ကျွန်တော်ခံတွင်းအပျက်ဆုံး အစားအစာကို ပြပါဆိုလျှင် တရုတ်အစားအစာများကို ပြရပါလိမ့်မည်။ ဆိုင်ပေါ်တွင် ဟင်းအမျိုးပေါင်း ၂၀ ခန့် ခင်းထား၏။ အသီးအရွက်၊ အသားငါး၊ ကြက်ကြော်၊ ငါးကြော်၊ ကြက်ဥကြော်၊ ၀က်သား၊ ၀က်ချိုချဉ် စသည်။ ဟင်းအမယ်စုံလှ၏။ သူက ဈေးတော့ ချိုသည်။ သို့သော် ဟင်းကမချို။

ဟင်းသီးဟင်းရွက် ၂ မျိုး+အသားတစ်မျိုး ဆိုလျှင် ၂ ကျပ်ခွဲမှ ၃ ကျပ်ခန့်။ ငါးနှင့်စားလျှင် ၃ ကျပ်ခွဲခန့်။ ၄ ကျပ်ထက်မပို။

အနည်းငယ် စားလို့ရသော ဟင်းများမှာ Curry chicken နှင့် ၀က်ချိုချဉ်ကြော် ဖြစ်၏။

ထို့ပြင် ဘဲသား/ကြက်သား/၀က်ရိုးဆန်ပြုတ်၊ ဟင်းသီးဟင်းရွက် ၇ မျိုးထည့်သောက်ရသော စွပ်ပြုတ် စသည်လို့လည်း ရနိုင်ပါ၏။

အိန္ဒိယအစားအစာ - အိန္ဒိယဆန်လုံး သေးသေးကလေးများနှင့် ချက်ထားသည့် တစ်လုံးနှင့်တစ်လုံး အစေးမကပ်သော ထမင်း များကို နင်းကန်ထည့်ကာ ဟင်းများကိုလည်း စားမကုန်အောင်ထည့်လျှက် ဈေးလည်း အခြားအစားအစာများထက် ကြီးသော အစားအစာမှာ အိန္ဒိယထမင်းဖြစ်၏။

ထမင်း+ကြက်သားဟင်း တစ်ပွဲကို ၄ ကျပ်ခွဲမှ ၅ ကျပ်လောက်ထိ ယူသည်။ အာလူး၊ ပဲဟင်း စသည်တို့ထပ်ထည့်လိုက်ပါက ၅ ကျပ်ခွဲ ၆ ကျပ်လောက်ရောက်သွားမည်။ ကြက်သားမှာ ရင်ပုံတစ်ခြမ်းလုံး ထည့်ပေးတာဖြစ်သဖြင့် ကျွန်တော့်လို အစားနည်းသူ များအဖို့ မနည်းကုန်အောင် စားရသည်။ ထမင်းများကိုလည်း နင်းကန်ထည့်သေး၏။ ကျွန်တော် အိန္ဒိယစာစားလျှင် ထမင်းကို တစ်ဝက်လျှော့ထည့်ခိုင်းရသည်။

စင်ကာပူမှ အိန္ဒိယအစားအစာမှာ မြန်မာပြည်မှ အိန္ဒိယအစားအစာနှင့် သိပ်မကွာပါ။ စားလို့တော့ကောင်းပါသည်။ သို့သော် အစား အသောက်ကို စားပိုးနင့်မတတ် စားရသလို ဈေးမှာလည်း စားပိုးနင့်မတတ် ဖြစ်၏။

ဒန်ပေါက်ကို သူတို့က နစီဘရီယာနီ ဟု ခေါ်သည်။ နာမည်ကွာသလို အရသာလည်း ကွာ၏။ စင်ကာပူဒန်ပေါက်အရသာမှာ  မြန်မာပြည်ဒန်ပေါက်အရသာ၏ တစ်ဝက်မျှပင် မမီပါ။

ဆိတ်သားဒန်ပေါက်၊ ကြက်သားဒန်ပေါက် စသည်ရ၏။ ထမင်းကို အရောင်ဆိုးထားပြီး ဖွယ်ကြောင်ကြောင်နှင့် ဘယ်လိုမှ စားလို့ မကောင်းပါ။ ဒန်ပေါက်တစ်ပွဲလျှင် ၄ ကျပ်ခွဲ မှ ၅ ကျပ်ခွဲလောက်ထိ ရှိ၏။

ဘာစားရမှန်း မသိဘူးလား။ ကြက်ဆီထမင်း (Chicken Rice) စားပါ။ နေရာကိုလိုက်၍ ၂ ကျပ်ခွဲမှ ၄ ကျပ် ထိရှိ၏။ ဘဲဆီထမင်း (Duck Rice)။ ၀က်ဆီထမင်း (Pork Rice) များလည်းရသည်။ ကြက်ဆီထမင်းတွင် ကြက်သားကို ရေနွေးငွေ့နှင့်ပေါင်းထားသော Steam chicken နှင့် ကင်ထားသော rosted chicken ဟု နှစ်မျိုးရသည်။ ဘဲသားနှင့် ၀က်သားမှာမူ အကင်များဖြစ်၏။ ဘဲဆီထမင်းမှာ ပိုဈေးကြီးသည်။ ထိုကြက်ဆီထမင်းနှင့်တွဲစားရန် ကိုက်လန်ကြော်၊ ပဲပင်ပေါက်ကြော်စသည်တို့လည်း မှာနိုင်ပါသေး၏။ ကျွန်တော်မုန်းသည်မှာ ပဲငံပြာရည်များကို ထမင်းပေါ် လောင်းချခြင်း ဖြစ်၏။

စင်ကာပူကား လူမျိုးစုံသဖြင့် အစားအသောက်လည်း မျိုးစုံရသည်။ မက်ဒေါ်နယ်၊ ကေအက်ဖ်စီ၊ မက်ဘာဂါ၊ ဂျွန်လစ်တဲလ် (ဟုတ်ပေါင်) ရောကုန်ပြီ။ အနောက်တိုင်းအစားအစာ၊ ထိုင်းစာ၊ ဂျပန်စာ၊ အီတလီ စားချင်တာစားပါ။ အဲလေ စားပြီးရင်တော့ ရှင်းမယ်သာ ပြင်ထားပါ။ ဟိုတလောက ကျွန်တော် တူမတွေကို Jurong Point, Thai Express မှာ ထိုင်းစာလိုက်ကျွေးတာ သုံးယောက်စားတာ ကို ၁၂၀ တောင်ကျ၏။ သောက်ကယိုးနဲ။ ကျုပ်တို့ရွာမှာဆို တစ်လလောက် စားလို့ရသည်။

သွားလာစရိတ်

စင်ကာပူတွင် ကားခ၊ ရထားခ သိပ်ဈေးမကြီးလှပါ။ ဟိုနားဒီနား ပြား ၅၀။ စင်ကာပူတနံတလျား ခရီးဆုံးသွားမှ ၂ ကျပ်၊ ၂ ကျပ် ခွဲထက် ပိုမကျ။

တက္ကစီထက် ဘတ်စ်ကား၊ ရထားများဖြင့်သာ သွားပါ။ စင်ကာပူတွင် လမ်းကြိုလမ်းကြား၊ နေရာအနှံ့ ဘတ်စ်ကားရောက်သည်။ ထို့ပြင် ကားမှ ရထား၊ ရထားမှ ကား၊ ကားနံပါတ်တစ်ခုမှ အခြားတစ်ခုသို့ ပြောင်းစီးလျှင် (ကဒ်ဖြင့် စီးသူများအတွက်) လျှော့ဈေး ပေးပါသေး၏။ အကြွေမသုံးပါနှင့်။ ကားကဒ်ဖြင့်စီးပါ။ ပို အဆင်ပြေသည်။ discount လည်းရသည်။

အိမ်ပြန်လက်ဆောင်

စင်ကာပူတွင် ပေါချောင်ကောင်း ရနိုင်သောနေရာများ ရှိ၏။ ပါတိတ်ဂိုဒေါင်၊ ၁ ကျပ်ခွဲ ၂ ကျပ်နှင့်ရသော ချောကလက် (အာဗျာ၊ ခင်ဗျားကလည်း ဈေးပေါပါတယ်ဆိုမှတော့ အရည်အသွေးကို ဈေးဆစ်မနေနဲ့ပေါ့ဗျာ။ အဘိုးနည်းတော့ အိုးကွဲပဲ ရမှာပေါ့။) စသည်ဖြင့် ဖြစ်၏။ ဘူဂစ်စ်မှ ဈေးတန်းသွားပါ။ တူ၊ တူမများအတွက် ၄၊ ၅ ကျပ်တန် နာရီများ ၀ယ်သွားလို့ရသည်။ နောက် မူစတာဖာ သွားပါ။ ၂၄ နာရီဖွင့်သည်။ ပစ္စည်းအစုံကို သိပ်မများလှသော ဈေးဖြင့် ရနိုင်၏။

ရောက်တုန်းရောက်ခိုက် ပိုက်ဆံလေးတော့ဖြုန်းသွားဦးမှ ဆိုလျှင် သြချတ်ကို သွားပါ။ ၄၅ ပြားလောက်တန်သော ရေပုလင်း အသေးကိုတောင် ၂ ကျပ်ခွဲလောက်ပေးသောက်ရလိမ့်မည်။ အလွန်ကပ်စေးနဲသော ကျွန်ုပ်ဆိုလျှင် သြချတ်မှ ပစ္စည်းများကို တည့်တည့်တောင်မကြည့်ရဲ။ ခပ်ဝေးဝေးမှ မျက်စောင်းထိုးကြည့်ရ၏။

ဒါလောက်ဆို စုံပါပြီနော။

“စင်ကာပူဥယျာဉ်နိုင်ငံ” ကို proof ဖတ်ရတာ မျက်စိညောင်းလာလို့ လက်အယားပြေ ကောက်ကက်ရေးလိုက်တာ။

ကျေးဇူးတင်ပါသည်။

အေးငြိမ်း

၁၂ ဇူလိုင်၊ ၂၀၁၅