ခိုစာကျွေးခြင်းကို စင်ကာပူ၌ ဥပဒေဖြင့်တားမြစ်ထားသည် ဆိုခြင်းအကြောင်း

(၁)

မကြာသေးမီက ဖေ့စ်ဘွတ်တွင် တစ်ယောက်က သူ ခိုများကို အစာကျွေးမိသဖြင့် အိမ်နီးချင်းက ရဲတိုင်မည်လုပ်၍ ပြဿနာ တက်ရသည့်အကြောင်း ရေးထားတာ ဖတ်လိုက်ရ၏။ ယခင်က စင်ကာပူတွင် တိရစ္ဆာန်များကို အစာကျွေးခြင်း၊ လွှတ်ခြင်း၊ မွေးခြင်းအား ကန့်သတ်ထားသည်ဟု ကျွန်တော် ခပ်ဝါးဝါးသာ သိခဲ့၏။ ယခု သူရေးတာဖတ်ရတော့ ဘယ်လိုတွေများ ကန့်သတ် ထားပါလိမ့်ဟု သိချင်လာသောကြောင့် လိုက်ရှာမိ။ ထို့နောက် ဖတ်ရှုလေ့လာ၊ သိရှိသည့်အကြောင်းကို မိတ်ဆွေများအား ပြန်လည် ဖောက်သည်ချလိုပြန်သောကြောင့် ဤစာတစ်ပုဒ် ရေးထုတ်လိုက်ရပါကြောင်း။

(၂)

တိရစ္ဆာန်များအား ရောင်းခြင်း၊ မွေးခြင်း၊ လွှတ်ခြင်း၊ အစာကျွေးခြင်းတို့နှင့်ပတ်သက်၍ စင်ကာပူတွင် ဥပဒေပြဌာန်းထား၏။ ထိုဥပဒေကို Animals and Birds Act ဟု ခေါ်၏။ ထိုဥပဒေတွင် တိရစ္ဆာန်များအား စင်ကာပူအတွင်းသို့ တင်သွင်းလာခြင်း၊ နိုင်ငံခြားသို့ တင်ပို့ခြင်း၊ တိရစ္ဆာန်များမှရသည့်ရောဂါများ မပြန့်ပွားရေး၊ ငှက်နှင့် တိရစ္ဆာန်များ (ကြောင်နှင့်ခွေးမပါ) တို့အတွက် ထောက်ပံ့ပေးရမည့်အရာများ၊ ကြောင်နှင့်ခွေးတို့အတွက် ထောက်ပံ့ပေးရမည့်အရာများ စသည်ဖြင့် ပြဌာန်းထား၏။

ထိုဥပဒေအောက်တွင် နည်းဥပဒေ၊ အမိန့်၊ ကြော်ငြာစာ စုစုပေါင်း ၁၆ ခုရှိ၏။ ၎င်းတို့အထဲမှတစ်ခုမှာ ခိုများနှင့်ဆိုင်သော Animals and Birds (Pigeons) Rules ဖြစ်၏။ ၁၉၇၃ နိုဝင်ဘာလက ပြဌာန်းခဲ့ပြီး နောက်ဆုံးပြင်ဆင်ချက်ကို ၁၉၉၀ ခုနှစ်က ပြုလုပ်ခဲ့ သည်။

ထိုဥပဒေထဲမှ သိသင့်သိထိုက်သည်တို့ကို ထုတ်နုတ်၊ အတိုချုပ်၍ ဖော်ပြပေးပါအံ့။ ရှေ့မှ ဂဏန်းများမှာ ပုဒ်မများဖြစ်ပါသည်။

၃ (၁)။ လိုင်စင်မရှိဘဲ ခိုစာကျွေးခြင်း၊ ခိုအိမ်ဆောက်ပေးခြင်း၊ ခိုမွေးခြင်း၊ ခိုများကို ခိုးဝှက်ထားခြင်း တို့ကို မည်သူမှမပြုရ။

၃ (၂)။ ပြုခဲ့သော် အများဆုံး ဒဏ်ငွေ ၅၀၀ ထိတပ်ရိုက်နိုင်သည်။

၎။ ခိုစာကျွေးခြင်း၊ ခိုမွေးခြင်းတို့ပြုလိုလျှင် လိုင်စင်လျှောက်ရမည်။

၎ (၃)။ လိုင်စင်ကို အခြားသူတစ်ဦးတစ်ယောက်သို့ လွှဲပြောင်းပေးခြင်းမပြုရ။

၅။ လိုင်စင်လျှောက်ခ ၅၀ ဖြစ်၏။

၇။ လိုင်စင်အရ ခိုမွေးခွင့်ပြုပါက အဆောက်အဦးကို ခိုများမိမိခြံအတွင်း၌သာ ရှိနေစေရန် ဆောက်လုပ်ထားရမည်။

၈။ လိုင်စင်ရှိသည်ဆိုသော်ငြား ၎င်းပိုင်ခိုများကို အများပြည်သူဆိုင်ရာနေရာများသို့ လွှတ်ခွင့်မရှိ။

၉။ မိမိခိုများကြောင့် အိမ်နီးနားချင်းကိုသော်လည်းကောင်း၊ အများပြည်သူကိုသော်လည်းကောင်း အနှောင့်အယှက်မဖြစ်စေရ။

၁၀။ မည်သူမှ မည်သည့်နေရာတွင်မှ ခိုစာကျွေးခြင်း မပြုရ။

၁၁။ မည်သူမှ စင်ကာပူနိုင်ငံအတွင်း ခိုလွှတ်ခြင်းမပြုရ။

၁၂။ အကယ်၍ သင့်ပိုင်နက်အတွင်း ခို တွေ့ခဲ့ပါက သင့်ကို ခိုမွေးမြူသူအဖြစ် မှတ်ယူမည်။ (အောင်မယ်လေးဗျ)

၁၃ (၁)။ လိုင်စင်ထုတ်ပေးသော အရာရှိသည် လိုင်စင်မရှိဘဲ မွေးမြူထားသည့် ခိုများတွေ့ပါက ခိုများအတွက်ဆောက်လုပ်ပေးထား သောအသိုက်၊ ခြံ၊ အိမ် စသည်တို့ကို ဖျက်သိမ်းပေးရန် နေ့ရက်နှင့်တကွ စာထုတ်မည်။

၁၃ (၂)။ အကယ်၍ စာထုတ်ပေးသည့်တိုင် ဖျက်ဆီးရန် ငြင်းဆန်နေပါက သတိပေးစာထဲတွင် ဖော်ပြထားသည့် နောက်ဆုံးထားဖျက်ဆီးရန်ရက်စွဲ နောက်ပိုင်းတွင် လိုင်စင်ထုတ်ပေးသော အရာရှိသည် ထိုအရာတို့ကို ဖျက်ဆီးပစ်နိုင်သည်။ ဤကဲ့သို့ဖျက်ဆီးခြင်းအတွက် ကုန်ကျစရိတ်ကို ပိုင်ရှင်က ကျခံစေရမည်။

၁၄။ အများပြည်သူပိုင်နေရာများတွင် ခိုများတွေ့ခဲ့ပါက လိုင်စင်ထုတ်ပေးသော အရာရှိသည် ရှာဖွေဖမ်းဆီးသတ်ဖြတ်ပစ်နိုင်သည်။

၁၅။ ဤဥပဒေအရ အရေးယူဆောင်ရွက်စရာရှိသည်များ ဆောင်ရွက်ရန် လိုင်စင်ထုတ်ပေးသော အရာရှိသည် မည်သည့် ပိုင်နက်၊ အဆောက်အဦအတွင်းသို့မဆို ၀င်ရောက်နိုင်သည်။

ကျွန်တော်တော့ လိုင်စင်ထုတ်ပေးတဲ့သူမလုပ်တော့ဘူးဗျို့။ တော်ကြာခိုတွေလိုက်သတ်နေရဦးမယ်။

ကျေးဇူးတင်ပါသည်။

အေးငြိမ်း

၂၈ မေ၊ ၂၀၁၅။

ရည်ညွှန်း

Animals and Birds (Pigeons) Rules

http://statutes.agc.gov.sg/aol/search/display/view.w3p;page=0;query=CompId%3Acd59ff6f-ad0b-4caa-9d3e-a6c1b138e6e2%20ValidTime%3A20150528000000%20TransactionTime%3A20150528000000;rec=0

http://statutes.agc.gov.sg/aol/search/display/view.w3p;page=0;query=DocId%3A%22bebfb193-3494-422b-9cb8-4fa1ad34b0d3%22%20Status%3Ainforce%20Depth%3A0;rec=0;whole=yes