Living in Singapore XX (Eating Style)

အခန်း(၆)

စားသောက်မှုပုံစံ

Hawker Centre များ

စင်ကာပူ နိုင်ငံသူ နိုင်ငံသားတို့သည် အိမ်တွင် ချက်မစားဘဲ အပြင်၌ ၀ယ်စားလေ့ ရှိကြ၏။ သို့အတွက် Hawker Centre (စားသောက်ဆိုင်တန်းများ) မှိုလိုပေါက်နေသည့်တိုင် ဆိုင်တိုင်း လိုလို၌ လူပြည့်လျှက် ရှိ၏။ သည် Hawker Centre များသည် မြန်မာပြည်မှ တက္ကသိုလ် Canteen များကဲ့သို့ စားသောက်ဆိုင်များကို တစ်နေရာထဲတွင် စုစည်း ပေးထား သဖြင့် Hawker Centre တစ်ခုသို့သွားလိုက်လျှင် ကိုယ် စားချင်သော အစားအသောက်ကို ရွေးချယ် စားသောက် နိုင်ပါသည်။ သို့သော် မည်သည့် Hawker Centre ကို သွားသည် ဖြစ်စေ ဆိုင်ခင်းကျင်းပုံ စားသောက် ဆိုင်များ တည်ရှိပုံ နှင့် ရနိုင်သော အစားအစာများမှာပင် အတူတူ ပင်ဖြစ်ပါ၏။

Hawker Centre များကို လူနေ အဆောက်အဦးများ၊ ဘူတာရုံများ၊ ဈေးများ အနီးတွင် တွေ့ရပါသည်။ လေဟာပြင် စားသောက်ဆိုင်များ ဖြစ်၍ ဈေးလည်း သိပ်မကြီးပါ။ စားပျော်သည် ဟု ဆိုရပါမည်။
၁၉၅၀ - ၆၀ ခုနှစ်များကမူ Hawker Centre များသည် စံနစ်တကျ မရှိသေးဘဲ ကျန်းမာရေးနှင့်လည်း မညီညွတ်ပါ။ သို့သော် ယခုအခါ Hawker Centre များသည် လိုင်စင်ယူပြီး လုပ်ကိုင်ကြရသည့်ပြင် အစိုးရမှ သတ်မှတ်ထားသော ကျန်းမာရေး စံနှုံးများကိုလည်း လိုက်နာ ရပါသည်။ ယနေ့ခေတ် Hawker Centre များကို အစိုးရ အဖွဲ့အစည်းကြီး သုံးခုမှ ပိုင်ဆိုင်ပြီး ၎င်းတို့မှာ -
၁။ NEA (National Environment Agency)
၂။ HDB (Housing Development Board)
၃။ JTC (Jurong Town Council) Corporation တို့ ဖြစ်ပါသည်။

Hawker Centre တို့၏ ကျန်းမာရေး ဆိုင်ရာ စံချိန် စံညွှန်းတို့ ကို NEA မှ အမြဲ စောင့်ကြည့် စီမံ ပေးပါသည်။
သဘောကျစရာ ကောင်းသည်မှာ Hawker Centre တို့၏ သန့်ရှင်း သပ်ယပ်မှု ပင် ဖြစ်ပါသည်။ အစားအသောက် ရောင်းသော ဆိုင်များပင် ဖြစ်လင့်ကစား ယင် များမရှိပါ။ ဆိုင်များတွင် အင်းဆက်များ မလာ စေရန် လျှပ်စစ် ခရမ်းလွန် ရောင်ခြည် မီးချောင်း များ တပ်ဆင် ထားပါသည်။
ထို့ပြင် ဆိုင်များရှေ့ အစားအသောက် ဟင်းအိုးများ၊ ဗန်းများ ထားရာ စင်၏ အောက်ဘက်တွင် လျှပ်စစ်ဖြင့် အပူပေး ထားသော ရေနွေးကန် ရှိပေရာ အစားအစာများမှာ မည်သည့် အချိန်မဆို အမြဲ ပူနွေးနေပါသည်။ ထိုမျှသာ မကသေး။ တရုပ် အစား အစာများမှာ ချက်ခြင်းချက်၊ ချက်ခြင်း စား ဖြစ်ရကား ဟင်းများမှာ စားသည့်အချိန်တိုင်း ပူပူနွေးနွေး စားသောက် ရပါသည်။
ဥပမာ - ထမင်းကြော် ဆိုလျှင် ဗမာပြည်မှ တရုပ်ဆိုင် များကဲ့သို့ မှာမှ ကြော်ခြင်း ဖြစ်ပါ ၏။ စွပ်ပြုပ် ဆိုလျှင်လည်း မှာသည့် အခါတွင်မှ ဆူပွက် နေသော ရေနွေးအိုးထဲသို့ ခေါက်ဆွဲကို ထည့်လိုက်ကာ လိုသည့် အဆာ ပလာများ ပစ်ထည့်လျှက် ချပေးခြင်း ဖြစ်ပါ၏။

Typical Hawker Centre (စံပြ စားသောက်ဆိုင်တန်း တစ်ခု) တွင် အောက်ပါဆိုင်တို့ ပါဝင်မည် ဖြစ်၏။
၁။ Coffee / Tea / Cold Drink (ကော်ဖီဆိုင်)
၂။ Western Food (အနောက်တိုင်း အစားအစာ ဆိုင်)
၃။ Seafood Soup (စွပ်ပြုပ် ဆိုင်)
၎။ Chicken Rice (ကြက်ဆီထမင်း ဆိုင်)
၅။ Indian Rojak (အိန္ဒိယ အစားအစာ)
၆။ Mixed Food (ချက်ပြီးသား ဟင်းများကို ဗန်းများအတွင်း ထည့်ကာ ဟင်းအမယ်များစွာရောင်းသောဆိုင်)
၇။ Sea Food (ပင်လယ်စာ)
ကော်ဖီဆိုင်တွင် ကော်ဖီ၊ လဖက်ရည်၊ အအေး၊ ပေါင်မုံ့ စသည်တို့ ရမည်။ သူတို့ကော်ဖီမှာ ကျွန်တော်တို့ မြန်မာပြည်မှ ကော်ဖီနှင့် အနည်းငယ် ကွာ၏။ ကော်ဖီနှင့် လဖက်ရည်ကို ကိုင်း ဖန်ခွက် ကြီးများနှင့် ထည့်သောက်ခြင်း ဖြစ်ပါ၏။ (ဗမာပြည် မှာကဲ့သို့ နှစ်ငုံလောက် ငုံလိုက်လျှင် ကုန်သွားမည့် ကော်ဖီခွက် များထက် သုံးဆ လောက် ရှိမည် ဖြစ်ပါ၏။)

Kopi O

ထို့ပြင် ကျွန်တော်တို့ ကျောင်းသား ဘ၀က သောက်ခဲ့သော ကော်ဖီ အော ( သူတို့ကတော့ Kopi O ဟု ခေါ်ပါသည်။) လည်း ရပါ၏။ ကော်ဖီကြမ်းကို သကြားခတ် သောက်ခြင်း ဖြစ်ပါသည်။ တရုပ် တော်တော် များများသည် ကော်ဖီအော သောက်ကြပါသည်။
ထို့ပြင် ကြက်ဥ ရေနွေးစိမ်၊ ပေါင်မုံ့ ကြက်ဥကြော်၊ ပေါင်မုံ့မီးကင် ထောပတ်သုတ်၊ အအေး နှင့် ဖျော်ရည် မျိုးစုံ တို့ လည်း ရပါသည်။ ယခင်နှစ်များကမူ ကော်ဖီ၊ လဖက်ရည် တစ်ခွက် ပြား ၆၀ ဖြစ်သော်လည်း ယခုမူ ပြား ၉၀ ဖြစ် သွားပါပြီ။

Singapore Standard Coffee

အခြား လူကြိုက်များသော အစားအစာ တစ်ခုမှာ Chicken Rice ဖြစ်ပါသည်။ Chicken Rice ထမင်းမှာ ထောပတ်၊ အုန်းနို့ နှင့် အခြား ဟင်းခတ် အမွှေးအကြိုင်များ ထည့်ကာ စီမံထားသော Chicken Rice Paste နှင့် ချက်လုပ်ထားခြင်း ဖြစ်သဖြင့် မွှေးပြီး အရသာ ရှိပါသည်။ ထို ထမင်း နှင့် တွဲဖက်စားရသော ကြက်သားမှာ Roasted Chicken (ကြက်ကင်) နှင့် Steamed Chicken (ကြက်ပေါင်း) ဟု နှစ်မျိုး ရှိ၏။ နှစ်မျိုးလုံး စား၍ ကောင်းပါသည်။
Chicken Rice ဆိုလျှင် သခွားသီး သုံးလေးချပ် ပါမည်။ ငြုပ်ဆီ Sauce ပါမည်။ ဆိုင်ကို လိုက်၍ အချို့ဆိုင်များက နံနံပင် လေးပါ အုပ်ပေးမည်။ ကြက်ခြေထောက် စွပ်ပြုပ် လည်း ပါမည်။

Chicken Rice

Chicken Rice ဆိုင်တွင် ဘဲ ဆီထမင်း Duck Rice နှင့် ၀က် ဆီထမင်း Pork Rice ကို ပါ ရနိုင်ပါသည်။ ဘဲ နှင့် ၀က် ကိုမူ Roasted သာ ရပါသည်။ ပုံမှန်အားဖြင့် Chicken Rice တစ်ပွဲလျှင် ၂ ကျပ် ခွဲ မှ ၃ ကျပ်ခွဲ ဖြစ်ပါသည်။

Duck Rice

Pork Rice

တရုပ်များမှာ ခေါက်ဆွဲ၊ စွပ်ပြုတ်နှင့် ဆန်ပြုတ်များကို စားသောက် လေ့ ရှိသဖြင့် ခေါက်ဆွဲဆိုင်၊ စွပ်ပြုတ်ဆိုင် များလည်း ပေါပါသည်။ စွပ်ပြုတ်များ အနက် Fishball Noodle Soup မှာ လူစားများပါသည်။ နောက်ပြီး အသီးအရွက်၊ တိုဟူး စသည့် အမယ် ခုနစ်မျိုး ထည့်ကာ ပြုတ်သောက်သည့် စွပ်ပြုတ်လည်း ရှိပါသေးသည်။ စင်စစ် ပြုတ်သည် ဟု ပင် မဆိုနိုင်ပါ။ ပွက်ပွက် ဆူနေသော ရေနွေးအတွင်းသို့ ထို အသီးအရွက် ခုနစ်မျိုးကို ထည့်ကာ သောက်ခြင်း ဖြစ်ပါသည်။

Fish Ball Noodle Soup

Fish Ball Noodle Dry

Fishball Noodle တွင် စွပ်ပြုပ် နှင့် အသုတ် ဟု နှစ်မျိုးရပါ၏။ အသုတ်မှာ မြန်မာပြည်မှ ဆီချက် ခေါက်ဆွဲနှင့် တူပါ၏။ ဂျုံခေါက်ဆွဲ အလုံး၊ အပြား၊ ဆန်ခေါက်ဆွဲ၊ ညှပ်ခေါက်ဆွဲ စသဖြင့် ခေါက်ဆွဲ မျိုးစုံ ရပါသည်။ စွပ်ပြုပ်များမှာ အသား၊ ငါး၊ ပုဇွန်အစိမ်းများကို ရေနွေးဆူဆူအတွင်း ထည့်သောက်ခြင်း ဖြစ်၍ ကျက် မကျက် ပင် မသိပါ။

Meat Noodle Dry