Wednesday, September 21, 2016

ဖောင်ဝပ် အကြောင်း

ဗွီအိုအေမှ ဒေါ်ခင်မျိုးသက် က formwork safety အကြောင်း ကျွန်တော်နှင့်အင်တာဗျူးသည့်အခါ ကျွန်တော်ပြောသည့် အခေါ်အဝေါ်များကို သိပ်နားမလည်။ ထို့ကြောင့်သူက သာမန် ရေဒီယို ပရိသတ်တွေ နားလည်အောင် ပြောပြစမ်းပါဆိုသဖြင့် ပြောလိုက်ရပြန်ချေသည် တမုံ့။ (သာမန် စာဖတ်ပရိသတ်အတွက်ဖြစ်သောကြောင့် အင်ဂျင်နီယာ ကိုကိုမမများ ကျော်ခွ သွားကြပါကုန်။)

သွားလေသူကြီးများက  သစ်တောများကို ပြောင်တောင်ပျက်၊ တက်တက်ပြောင်အောင် ခုတ်သွား လေတော့ သစ်ဝါးများမှာ ရွှေထက်ရှားသွားလေပြီဖြစ်သောကြောင့် တကြောင်း၊ သစ်သားထက် ကွန်ကရိတိုက်က ကြာရှည်ပိုခံသည်။ ပိုတောင့်တင်းသည် (ထင်ရတာပဲ၊ အသေအချာတော့ ကန်ထရိုက်တာတွေမှ သိမှာပဲဗျ။) ဆိုတော့ ခုခေတ်မြို့ပြများမှာ အဆောက်အဦများကို ကွန်ကရိ လောင်းပြီး ဆောက်ကြသည်။ နောက်ပြီး သစ်သားအိမ်ကို တိုက်ဟုမခေါ်။ မြေကြီး၊ ဘိလပ်မြေများ နှင့်ဆောက်သောအိမ်ကိုမှ တိုက်ဟု ခေါ်သည်မဟုတ်လော။ (မြေကြီးအိမ်ကို အဘယ်ကြောင့် တိုက်ဟုခေါ်မှန်း ကျွန်ုပ်မသိပါ။)

အဆောက်အဦများကို သံကူကွန်ကရိဖြင့် ဆောက်ကြ၏။ အင်္ဂလိပ်လို RC (Reinforced Concrete) ဟု ခေါ်သည်။ သံက ဆန့်အား (tensile force) ကို ခံနိုင်သည်။ ကွန်ကရိက ဖိအား (compressive force) ကိုခံနိုင်သည်။ ထို့ကြောင့် ဖိအားရော၊ ဆန့်အားပါခံနိုင်စေရန် သံနှင့်ကွန်ကရိကို တွဲသုံးခြင်း ဖြစ်၏။

ကွန်ကရိလောင်းသည့်အခါ သံချောင်းများကို ကွန်ကရိထဲတွင် မြှုပ်ပြီးလောင်းသည်။ ထို့ကြောင့် ဖောင်ဝပ်ဆင်ပြီးသွားသည်နှင့် အားဖြည့်သံချောင်းများကို အင်ဂျင်နီယာကတွက်ချက်ပေးထားသော ဒီဇိုင်းအတိုင်း ဆင်ရသည်။
 

အားဖြည့်သံချောင်းများကို အရပ်အခေါ် ရီဘား ဟု ခေါ်၏။ ရီဘား ဟူသည် အင်္ဂလိပ်လို Rebar ဖြစ်ပြီး Reinforcement Bar ကို အတိုကောက်ခေါ်ခြင်း ဖြစ်၏။



ကွန်ကရိလောင်းရန် အားဖြည့်သံချောင်းများ ဆင်ထားပုံ

ကွန်ကရိလောင်းသည့် အဆောက်အဦးမှန်သမျှ ဖောင်ဝပ်ရိုက်ရသည်။ ဖောင်ဝပ်ရိုက်ရာတွင် အထပ်သားနှင့် 3”x2”, 4”x2” သစ်သားများ သုံးသည်။ ဖောင်ဝပ်ကို ထောက်ပေးထားသည့် ငြမ်းစင် ကိုမူ သစ်သားများဖြင့် သုံးတာရှိသလို သတ္တု (သံ၊ ဒန်) များဖြင့်လည်း သုံးတတ်ကြ၏။

ဖောင်ဝပ် = အဆောက်အအုံတစ်ခု ဆောက်လုပ်ခြင်း၌ ကွန်ကရိလောင်းရာတွင် လိုအပ်သော ပုံသဏ္ဍာန် ရစေရန် သစ်သားများဖြင့် ဆင်ထားသော ပုံလောင်းခွက် (ကြမ်းခင်းလောင်းရန်အတွက် Table form, တိုင်လောင်းရန်အတွက် Column form, ဓာတ်လှေခါးနံရံများလောင်းရန်အတွက် Jump Form, နံရံများလောင်းရန်အတွက် Wall Form များကို သုံးပါသည်။)

False Work or Shoring

ဖောင်ဝပ်ကို ထောက်ပေးထားသော အောက်ဘက်မှ ငြမ်းစင်ကို False work or shoring ဟု ခေါ်ပါသည်။
အောက်ပါပုံတွင် ကြည့်ပါ။



စနစ်တကျဆင်ထားသော False work or shoring ကို တွေ့ရစဉ်


ကွန်ကရိလောင်းရန် အဆင်သင့်ဖြစ်နေသော ဖောင်ဝပ်တစ်ခုကို တွေ့ရစဉ်


တိုင်များ ကွန်ကရိလောင်းရာတွင် သုံးသည့် ဖောင်ဝပ် (Column formwork)   


အောက်ပိုင်းကို  ကွန်ကရိလောင်းပြီးသွားလျှင် အပေါ်ဆက်တက်သွားလို့ရသည့် Jump Form


သစ်သားထောက်များသုံးသော Timber formwork


မြန်မာပြည်တွင်တွေ့ခဲ့ရသော ဖောင်ဝပ်တစ်ခု

ဖောင်ဝပ်ဆင်ပြီးနောက် ကွန်ကရိလောင်းသည်။ ကွန်ကရိသည် ၁ ကုဗမီတာတွင် ၂.၄ တန် လေး သည်။ ထို့ကြောင့် ထု ၂၀၀ မီလီမီတာရှိသော ကွန်ကရိကြမ်းခင်းအတွက် ၂ မီတာခွဲပတ်လည်လျှင် ကွန်ကရိချည်း အလေးချိန် ၂ တန်ခွဲလောက် လေးသည်။ ၂ မီတာခွဲဟူသည် လူကြီးခြေလှမ်း ၃ လှမ်း စာမျှသာ ရှိ၏။ ထို့ကြောင့် ကြမ်းခင်းကျယ်လေ ၀န်ပိုလေဖြစ်ရကား အောက်ဖက်မှ ထောက်ထား သော ထောက်များသာ မခိုင်ပါက ဖောင်ဝပ်ပြိုလဲစရာ ရှိလေသည်။ ထို့ပြင် ကွန်ကရိလောင်းခြင်း ဟူသည် ငြိမ်ငြိမ်သက်သက်လုပ်ရသော အလုပ်မဟုတ်။ ကွန်ကရိများကို ကြမ်းခင်းတလျှောက် လျှောက်ဖြန့်ရသည်။ နောက်ပြီး ကွန်ကရိများ သိပ်သွားစေရန် တုန်ခါစက် (vibrating machine) ဖြင့် ထိုးချရသေးသည်။ အပေါ်တွင် လူများလည်း ရှိနေသည်ဖြစ်ရာ ထိုဝန်အားလုံးကိုခံနိုင်ရန် အရေးကြီး ၏။

ဖောင်ဝပ်ပြိုလဲသည် ဆိုကြသော်လည်း အမှန်မှာ ဖောင်ဝပ်လဲတာမဟုတ်မူ၍ အောက်တွင် ထောက် ထားသော ထောက်များ (shoring or falsework) ပြိုလဲခြင်းသာ ဖြစ်လေသည်။

ဖောင်ဝပ်လဲပြိုလျှင် -

·         လူများသေကြေပျက်စီးနိုင်သည်။

·         လောင်းထားသမျှကွန်ကရိများရော မလောင်းရသေးသည့်တိုင် ကြိုမှာထားသော ကွန်ကရိများ၊ ဖောင်ဝပ်တစ်ခုလုံး ဆုံးရှုံးမည်။
·         ပစ္စည်းအပျက်အစီးများကို ရှင်းလင်းရမည်ဖြစ်၍ အချိန်ကုန်မည်။

·         နောက်ထပ် ဖောင်ဝပ်အသစ်ဆင်ရမည်။ ကွန်ကရိအသစ်ပြန်မှာရမည်၊ ပြန်လောင်းရ မည်ဖြစ်၍ ငွေကုန်သည်။ လူပန်းသည်။
ထို့ကြောင့် ဖောင်ဝပ်တည်ဆောက်ရာတွင် ခိုင်ခံ့ပြီး စနစ်ကျသော ဖောင်ဝပ်များဖြစ်အောင် အထူးတည်ဆောက်ကြရန် လိုပေသတည်း။

ကျေးဇူးတင်ပါသည်။

အေးငြိမ်း

၂၅ သြဂုတ်၊ ၂၀၁၆



No comments: