လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) (၁)

နိဒါန်း

မြန်မာနိုင်ငံတွင် လုပ်ငန်းခွင်အန္တရာယ်ကင်းရှင်းရေးနှင့် ပတ်သက်၍ အတွေ့အကြုံ၊ ဗဟုသုတရှိသူ နည်းပါးလှပါ သည်။ ယခင်အခါကာလများက လုပ်ငန်းခွင် အန္တရာယ်ကင်းရှင်းရေးအား မည်သူကမှ အရေးတယူလုပ် ပြောဆို၊ ရေးသား ကြတာ မတွေ့ရပါ။ ယခုအခါတွင်မူ အတော်များများ အာရုံစိုက်လာမိကြပါပြီ။ လုပ်ငန်းခွင် အန္တရာယ်ကင်းရှင်းရေးနှင့် ပတ်သက်သည့် သင်တန်းများ၊ အလုပ်ရုံဆွေးနွေးပွဲများ၊ ဟောပြောပွဲများကိုလည်း ကြိုကြား၊ ကြိုကြားတွေ့လာရသဖြင့် ၀မ်းသာ မိပါ၏။

မြန်မာနိုင်ငံတွင် လုပ်ငန်းခွင် အန္တရာယ်ကင်းရှင်းရေးနှင့် ပတ်သက်သည့် စာအုပ်စာတမ်းများလည်း မရှိသလောက် ရှားပါးလှပါသည်။ အင်္ဂလိပ်ဘာသာနှင့် ဖြစ်စေ၊ မြန်မာဘာသာနှင့်ဖြစ်စေ လူအချို့၏ လက်ထဲတွင်သာ အနည်းငယ်ရှိသော် လည်း အများပြည်သူ၊ အထူးသဖြင့် လူငယ်များအတွက် လေ့လာစရာ ဘာစာအုပ်မှ မရှိပါ။ မရှိတာထက်စာလျှင် တော်သေး သည်ဟုမှန်းလျှက် ၂၀၁၂ ခုနှစ် ဒီဇင်ဘာလက ဆောက်လုပ်ရေးလုပ်ငန်းခွင် အန္တရာယ်ကင်းရှင်းရေးနှင့် လယ်ယာလုပ်ငန်းခွင် အန္တရာယ်ကင်းရှင်းရေး  လက်စွဲစာအုပ်ငယ်များ ရေးသားလျှက် ကျွန်တော် အခမဲ့ ဖြန့်ဝေခဲ့ပါသည်။ သို့သော် အလုပ်သမား၊ လယ်သမားများ သိရုံလောက်သာ ရေးထားသည့် စာအုပ်ငယ်လေးများ ဖြစ်သဖြင့် အင်ဂျင်နီယာ၊ မန်နေဂျာများအတွက် စီမံခန့်ခွဲရေး နည်းလမ်း၊ စည်းကမ်းစသည်တို့ မပါဝင်ပါ။

လုပ်ငန်းခွင် အန္တရာယ်ကင်းရှင်းရေးဆိုသည်မှာ အစိုးရက ကမကထပြုလျှက် အကောင်အထည်ဖော် ဆောင်ရွက်ရ မည်ဖြစ်သော်လည်း မြန်မာနိုင်ငံအနေနှင့် ယခုတိုင် လောက်လောက်လားလား လုပ်ကိုင်ဆောင်ရွက်မှုများကို မတွေ့ရသေးပါ။ ပုဂ္ဂလိကကုမ္ပဏီအချို့နှင့် စိတ်ပါဝင်စားသူ အနည်းငယ်ကသာ ကိုယ့်အစီအစဉ်နှင့်ကိုယ် လှုပ်ရှားဆောင်ရွက်နေတာ တွေ့ရပါ သည်။ ပုဂ္ဂလိက ကုမ္ပဏီများဖြစ်သည့်အတွက် အခက်အခဲနှင့် အကန့်အသတ် များစွာရှိပါသည်။ တစ်နိုင်ငံလုံးနှင့်စာလျှင် ၎င်းတို့လုပ်နိုင်သည်မှာ ဆင့်ပါးစပ်၊ နှမ်းပက်သလောက်သာ ရှိပါလိမ့်မည်။

လုပ်ငန်းခွင် အန္တရာယ်ကင်းရှင်းရေးနှင့် ပတ်သက်သည့် ဆောင်းပါး အတော်များများ ကျွန်တော်ရေးထားတာ ရှိပါသည်။ သို့သော် စာအုပ်တစ်အုပ် ထုတ်ရလောက်အောင်မရှိသေးပါ။ ထို့ကြောင့် ဆောက်လုပ်ရေးလုပ်ငန်း လုပ်ကိုင်နေသူ များအတွက် အရေးတကြီးလိုအပ်နေသည့် ယခု “လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) လက်စွဲစာအုပ်” ကို ရေးသားလိုက်ပါသည်။

ဤစာအုပ်ရေးသားရခြင်း၏ အဓိကရည်ရွယ်ချက်မှာ မြန်မာနိုင်ငံ၌ လုပ်ငန်းခွင် အန္တရာယ်ကင်းရှင်းရေး အလေ့အထ တစ်ရပ်ထူထောင်ရာတွင် တစ်ဖက်တစ်လမ်းမှ အထောက်အကူပြုစေနိုင်ရန် ဖြစ်ပါသည်။

အမှန်တကယ် လုပ်ငန်းခွင် အန္တရာယ်ကင်းရှင်းရေးဆိုသည်မှာ အစိုးရက ဥပဒေ၊ လုပ်ထုံးလုပ်နည်းများ ပြဌာန်း၍ မလုပ်မချင်း လေးစားလိုက်နာကြရန် မမျှော်လင့်နိုင်ပါ။ ဥပဒေဖြင့် တင်းတင်းကျပ်ကျပ် ဆောင်ရွက်မှ ဖြစ်နိုင်ပါမည်။ ဤစာအုပ်ပါ ဖော်ပြချက်များမှာ ယေဘူယျ အချက်အလက်များသာ ဖြစ်၏။ တကယ်လုပ်မလုပ်ဆိုသည်မှာ လုပ်ငန်းရှင်များ အပေါ် များစွာမူတည်နေပါသည်။

ထို့ပြင်တ၀ ဤစာအုပ်ပါ နည်းလမ်းများကို အကောင်အထည်ဖော်ရာတွင်လည်း အတွေ့အကြုံ၊ ဗဟုသုတရှိသော လုပ်ငန်းခွင်အန္တရာယ်ကင်းရှင်းရေး အရာရှိများ လိုပါသည်။ ၎င်းတို့ကို လုပ်ငန်းခွင်အတွင်း ခန့်ထားဆောင်ရွက်ခြင်း မပြုဘဲ လက်တွေ့လုပ်ရန် မလွယ်ကူလှပါ။

အကယ်၍သာ ဤစာအုပ်ပါနည်းလမ်းများအတိုင်း လိုက်နာကျင့်ကြံ၊ လုပ်ဆောင်ကြ၍ လုပ်ငန်းခွင် ထိခိုက်ယှနာမှုများကို လျော့နည်းကျဆင်းအောင်လုပ်နိုင်ကြသည်ဆိုလျှင် ကျွန်တော်အပင်ပန်းခံ ရေးသားရကျိုး နပ်ပါပြီ။

ကျေးဇူးတင်ပါသည်။

အေးငြိမ်း (လေးမျက်နှာ)

အခန်း (၁) တာဝန်နှင့် ၀တ္တရားများ

လုပ်ငန်းခွင် အန္တရာယ်ကင်းရှင်းရေးအတွက် လူတိုင်းတွင် တာဝန်ရှိသည်။ ပထမဦးဆုံး တာဝန်ရှိသူမှာ အလုပ်ရှင် ဖြစ်ပြီး လုပ်ငန်းပိုင်ရှင်၊ ကန်ထရိုက်တာ၊ ဆပ်ကန်ထရိုက်တာ၊ အင်ဂျင်နီယာ၊ ကြီးကြပ်ရေးမှူး၊ ဖိုမင်၊ အလုပ်သမား၊ ပစ္စည်း ထောက်ပံ့သူ၊ ပစ္စည်းရောင်းချသူ၊ စက်ပစ္စည်းငှားရမ်းသူ၊ ၀န်ဆောင်မှုပေးသူ စသူတို့သည်လည်း မိမိနှင့် ပတ်သက်သော အခန်းကဏ္ဍအလိုက် အသီးသီး တာဝန်ရှိပါသည်။

၁၊ ၁။ အလုပ်ရှင်၊ လုပ်ငန်းပိုင်ရှင်

            အလုပ်ရှင်၊ လုပ်ငန်းပိုင်ရှင် သည် မိမိတာဝန်ယူထားသော -

v  လုပ်ငန်းခွင်အား ဘေးအန္တရာယ်ကင်းရှင်းအောင် ထိန်းသိမ်းထားရန် တာဝန်ရှိသည်။

v  ၀င်ပေါက်ထွက်ပေါက်များအား အန္တရာယ်ကင်းအောင် စီမံထားရန် တာဝန်ရှိသည်။

v  လုပ်ငန်းခွင်အတွင်းမှ စက်ကိရိယာများ၊ လက်သုံးကိရိယာများ၊ စက်ရုံအလုပ်ရုံများ၊ ပစ္စည်းကိရိယာများအား အန္တရာယ်ကင်း နေအောင် စီမံထားရန် တာဝန်ရှိသည်။

v  မိမိလုပ်ငန်းခွင်အတွင်း ရှိနေသူအားလုံး၏ အန္တရာယ်ကင်းရှင်းရေးအတွက် အလုံးစုံ တာဝန်ရှိသည်။

ဤသို့ အန္တရာယ်ကင်းနေစေရန် ဖြစ်နိုင်သမျှသော နည်းလမ်းအားလုံးသုံးကာ ပံ့ပိုးပေးထားရမည်။ 

            အကယ်၍ ကိုယ်ပိုင်လုပ်ငန်းလုပ်ကိုင်နေသူ (ဥပမာ - ကားဝပ်ရှော့ထောင်ကာ မိမိကိုယ်တိုင် ကားပြင်ဆင်ခြင်း) ဖြစ်ပါကလည်း မိမိကိုယ်တိုင်၏ အန္တရာယ်ကင်းရေးအတွက် မိမိတွင် တာဝန်ရှိသည်။

            အလုပ်ရှင်ဆိုသည်မှာ ၀န်ထမ်းများကို ခန့်ထား၊ လခပေးနေသည့်သူဖြစ်ပြီး လုပ်ငန်းရှင်ဆိုသည်မှာ ထိုလုပ်ငန်းကို ပိုင်ဆိုင် လုပ်ကိုင်နေသူဖြစ်ပါသည်။ အလုပ်ရှင်သည် လုပ်ငန်းရှင်ဖြစ်နိုင်သလို လုပ်ငန်းရှင်သည်လည်း အလုပ်ရှင် ဖြစ်နိုင်ပါသည်။ ဥပမာ - အဆောက်အဦတစ်ခု ဆောက်လုပ်ရန် ကုမ္ပဏီ (က) က အလုပ်ရလိုက်သည်။ ထို ကုမ္ပဏီ (က) သည် မိမိကိုယ်တိုင် ဆောက်လုပ်ရေးလုပ်ငန်းများ လုပ်သကဲ့သို့ အချို့လုပ်ငန်းများကို ကုမ္ပဏီ (ခ) (ဂ) (စ) တို့အား အပ်လိုက်သည် ဆိုလျှင် ကုမ္ပဏီ (က) သည် လုပ်ငန်းရှင်လည်းဖြစ်သလို ၎င်း၏အလုပ်သမားများအတွက် အလုပ်ရှင်လည်း ဖြစ်၏။ သို့သော် ကုမ္ပဏီ (ခ) (ဂ) (စ) တို့မှာမူ လုပ်ငန်းရှင်မဟုတ်ဘဲ ၎င်းတို့ပိုင် အလုပ်သမားများ၏ အလုပ်ရှင်သာ ဖြစ်ပါသည်။

            သို့အတွက် ဤဆောက်လုပ်ရေးလုပ်ငန်းခွင်ကြီးတစ်ခုလုံး၏ အန္တရာယ်ကင်းနေစေရေးအတွက် အဓိက တာဝန်ရှိသူ မှာ ကုမ္ပဏီ (က) ဖြစ်ပါသည်။

လုပ်ငန်းခွင်၌ မတော်တဆမှုဖြစ်ခဲ့လျှင် အချိန်မရွေး အရေးပေါ်ပြုစုပေးနိုင်ရန် ရှေးဦးသူနာပြုထားပေးရမည်။ ရှေးဦးသူနာပြုလိုအပ်ချက်ကို ဥပဒေဖြင့် ပြဌာန်းပေးရန်ဖြစ်သော်လည်း လုပ်သား ၂၅ ဦးထက်ပိုလျှင် တစ်ဦး၊ ထို့နောက် လုပ်သား ၁၀၀ တိုင်းအတွက် တစ်ဦးခန့်ထးပေးနိုင်လျှင် သင့်တော်ပါသည်။ ခန့်ထားသည်ဆိုရာ၌ သီးသန့်ခန့်ထားခြင်း မဟုတ်ဘဲ လုပ်သား၊ သို့မဟုတ် ကြီးကြပ်ရေးမှုး၊ အင်ဂျင်နီယာများထဲမှ တစ်ဦးဦးကို ရှေးဦးသူနာပြုသင်တန်း တက်စေခြင်းကို ဆိုလိုပါသည်။

ထို့ပြင် လုပ်ငန်းခွင်တိုင်း၌ ရှေးဦးသူနာပြုသေတ္တာတစ်လုံးစီ (ပစ္စည်း အပြည့်အစုံနှင့်) ထားပေးရန် လိုပါသည်။ လုပ်ငန်းခွင် ထိခိုက်ယှနာမှု အန္တရာယ်နှင့် ကြုံတွေ့ရပါက ဆေးရုံ၊ ဆေးခန်းများသို့ ချက်ချင်းပို့ကာ အမြန်ဆုံးဆေးကုသမှု ပေးရ ပါမည်။ ထိခိုက်မှုကြောင့် ထိုလုပ်သား ဆေးခွင့်ဖြင့်အနားယူနေစဉ်အတွင်း လုပ်ခအပြည့်အ၀ပေးထားရန် တာဝန်ရှိပါသည်။ အကယ်၍ ကိုယ်လက်အင်္ဂါ ချို့ယွင်းခဲ့ပါက ဥပဒေကသတ်မှတ်ထားသည့်အတိုင်း နစ်နာကြေးပေးရန် တာဝန်ရှိပါသည်။

            အလုပ်ရှင်သည် အလုပ်သမားများအား ၎င်းတို့ကိုင်တွယ်နေသည့် စက်ကိရိယာနှင့်ပတ်သက်၍ သင်တန်းပေးထား ရပါမည်။ အကယ်၍ အလုပ်သမားများသည် ဓာတုဗေဒပစ္စည်းများနှင့် အလုပ်လုပ်ရပါက ထို ဓာတုဗေဒပစ္စည်းများနှင့် ပတ်သက်သည့် MSDS (Material Safety Data Sheet) ခေါ် အန္တရာယ်ကင်းရေး သတင်းအချက်အလက်အားလုံးကို ကောင်းစွာ နားလည်သည်ထိ ရှင်းလင်းပြသ၊ သင်ကြားပေးရန် တာဝန်ရှိပါသည်။ ထိုဓာတုပစ္စည်းများအား ကိုင်တွယ်နည်း၊ သုံးစွဲနည်း၊ စွန့်ပစ်နည်း စသည်တို့ကို သေသေချာချာ သင်ကြားပေးရမည်။ ထိုဓာတုပစ္စည်းများအား ကိုင်တွယ်ရာတွင် ၀တ်ဆင်ရန် လိုအပ်မည့် တစ်ကိုယ်ရေကာကွယ်ရေးပစ္စည်း (PPE) များအားလည်း ထောက်ပံ့ပေးရန် တာဝန်ရှိသည်။

၁၊ ၂။ စီမံကိန်းမန်နေဂျာ

            စီမံကိန်းမန်နေဂျာသည် မိမိတာဝန်ယူထားသော စီမံကိန်းအတွင်းရှိ လုပ်ငန်းအားလုံးကို ပြဌာန်းထားသော ဥပဒေများနှင့် ညီညွတ်နေအောင် ပြုလုပ်ထားရန် အဓိကအားဖြင့် တာဝန်ရှိသည်။

စီမံကိန်းမန်နေဂျာသည် စီမံကိန်းလုပ်ငန်းအတွင်းရှိ ၀န်ထမ်းများ၊ အလုပ်သမားများ၊ ဆပ်ကန်ထရိုက်တာများ၏ ဘေးအန္တရာယ်ကင်းရေး၊ ကျန်းမာရေးနှင့် အန္တရာယ်ကင်းသော လုပ်ငန်းခွင်တစ်ခုအဖြစ် ဖန်တီးပေးထားရန် တာဝန်ရှိသည်။ ထိုမျှသာမက စီမံကိန်းအတွင်း ရောက်ရှိလာသည့် ဧည့်သည်များ၊ စီမံကိန်းနှင့်ဆက်နွယ်နေသော အခြားသူများ၏ အန္တရာယ် ကင်းရေးပါ တာဝန်ရှိသည်။

            စီမံကိန်းအတွင်းရှိ အင်ဂျင်နီယာများ၊ ကြီးကြပ်ရေးမှူးများက ၎င်းတို့တာဝန်ယူရသည့် လုပ်ငန်းအတွင်း လုပ်ငန်းခွင် အန္တရာယ်ကင်းရှင်းရေးနှင့် ပတ်သက်သည့် လုပ်ဆောင်မှုဟူသမျှကို စီမံကိန်းမန်နေဂျာက တာဝန်ခံရမည်။ စီမံကိန်းကာလ အတွင်း စီမံကိန်းရှိ အကြီးတန်းအရာရှိများနှင့် တိုင်ပင်လျှက် စီမံကိန်း လုပ်ငန်းခွင်အန္တရာယ်ကင်းရေး ဆောင်ရွက်မှုများကို အခါအားလျော်စွာ သုံးသပ်စစ်ဆေးရမည်။ လုပ်ငန်းခွင်အန္တရာယ်ကင်းရေး လစဉ်စစ်ဆေးမှုများ၌ လိုက်ပါစစ်ဆေးရမည်။

            လုပ်ငန်းခွင်အန္တရာယ်ကင်းရေးနှင့် ပတ်သက်သည့် အလုပ်လုပ်ခွင့်ပြုမိန့်၊ အန္တရာယ်ကင်းစွာ အလုပ်လုပ်ရန် အစီအစဉ်၊ ပစ္စည်းအင်အား၊ လူအင်အား၊ အတတ်ပညာအင်အား စသည့် လိုအပ်သော ပံ့ပိုးမှုဟူသမျှ ဖြည့်ဆည်းပေးရမည်။ လုပ်သားများ၏ အန္တရာယ်ကင်းရေးနှင့် ကျန်းမာရေးအတွက် မိမိအနေနှင့် မည်မျှအလေးထားကြောင်း စိတ်ပါဝင်စားစွာ ပြောဆို၊ ပြုမူပြရမည်။ လုပ်သားများ၏ အန္တရာယ်ကင်းရေးနှင့် ကျန်းမာရေးအတွက် ကုန်ကျသင့်သည့် ငွေကြေးကို ကျခံသုံးစွဲ စေရမည်။

             စီမံကိန်းမန်နေဂျာသည် မိမိစီမံကိန်းအတွင်း လုပ်ကိုင်နေသည့် လုပ်ငန်းမှန်သမျှ အန္တရာယ်ကင်းသည့် အစီအစဉ် များအတိုင်း လုပ်ဆောင်နေစေရမည်။ အန္တရာယ်ကင်းသည့် လုပ်ငန်းအစီအစဉ်များ (Safe Work Procedures) အန္တရာယ် အကဲဖြတ်မှုများ (Risk Assessments) ကို အလုပ်သမားအားလုံး သိနားလည်အောင် ရှင်းလင်းပြောပြထားပြီး၊ အလုပ်သမားများ ကောင်းစွာနားလည် သဘောပေါက်ကြောင်း သေချာစေရမည်။ ထို့ပြင် မိမိလက်အောက်တွင် တာဝန် ထမ်းဆောင်နေသည့် အင်ဂျင်နီယာများ၊ ကြီးကြပ်ရေးမှူးများသည်လည်း ၎င်းတို့တာဝန်ယူ လုပ်ကိုင်နေသည့် လုပ်ငန်းမှ အန္တရာယ်များအကြောင်း ကောင်းစွာသိနားလည်နေ စေရမည်။

စီမံကိန်းမန်နေဂျာသည် မိမိတာဝန်ယူထားသည့် စီမံကိန်းအတွင်း ၀င်ပေါက်ထွက်ပေါက်များအား အန္တရာယ် ကင်းစေရန် စီမံထားရမည်။ လုပ်ငန်းခွင်အတွင်းမှ စက်ကိရိယာများ၊ လက်သုံးကိရိယာများ၊ စက်ရုံအလုပ်ရုံများ၊ ပစ္စည်း ကိရိယာများအားလုံး အန္တရာယ်ကင်းနေစေရန် စီမံထားရမည်။ အန္တရာယ်ရှိသောပစ္စည်းများ (ဥပမာ - ဒီဇယ်၊ ဓာတ်ဆီ၊ ဓာတုဗေဒပစ္စည်းများ) အား စနစ်တကျသိုလှောင်ထားစေရန်၊ ထိုပစ္စည်းများအား စနစ်တကျ ကိုင်တွယ်သုံးစွဲတတ်စေရန်၊ သတ်မှတ်ထားသည့်အတိုင်း စနစ်တကျစွန့်ပစ်တတ်စေရန် ထိုပစ္စည်းများအား ကိုင်တွယ်သုံးစွဲမည့်သူအားလုံးကို သင်ကြား ပေးထားရမည်။

            ၎င်းတို့လုပ်ကိုင်ရမည့် လုပ်ငန်းနှင့်ပတ်သက်သည့် သတင်းအချက်အလက် အပြည့်အစုံကို မိမိ စီမံကိန်းမှ အင်ဂျင်နီယာ၊ ကြီးကြပ်ရေးမှုးများအားလည်းကောင်း၊ မိမိလုပ်ငန်းနှင့် ဆက်စပ်နေသူများအားလည်းကောင်း ပံ့ပိုးပေးရမည်။ လုပ်ငန်းခွင် ထိခိုက်မှု၊ သေဆုံးမှု၊ မတော်တဆဖြစ်မှုများအား စုံစမ်းစစ်ဆေးရာတွင် ပါဝင်ဆောင်ရွက်ရမည်။

            စီမံကိန်းအတွင်း ၀င်ရောက်လာမည့် ကန်ထရိုက်တာများကို လုပ်ငန်းမစမီ မိမိတို့၏ လုပ်ငန်းခွင်အန္တရာယ် ကင်းရှင်းရေး စီမံဆောင်ရွက်ထားမှုများ၊ လိုက်နာရမည့် စည်းမျဉ်းစည်းကမ်းများ၊ လုပ်ငန်းခွင်အန္တရာယ် ကင်းရှင်းရေးအတွက် လိုအပ်ချက်များအား ရှင်းလင်းပြောပြထားရမည်။

            မိမိစီမံကိန်းမှ တစ်စုံတစ်ဦးသည် လုပ်ငန်းခွင်အန္တရာယ် ကင်းရှင်းရေးစည်းမျဉ်းစည်းကမ်းများကို မလိုက်နာ၊ ဖောက်ဖျက်ပါက သတ်မှတ်ထားသော လုပ်ထုံးလုပ်နည်းများနှင့်အညီ အရေးယူဆောင်ရွက်ရမည်။

            စီမံကိန်းအတွင်း လုပ်ငန်းခွင်အန္တရာယ် ကင်းရှင်းရေးအတွက် သက်ဆိုင်ရာ အန္တရာယ်ကင်းရေးဝန်ထမ်းများ ခန့်ထား ဆောင်ရွက်ရမည်။

၁၊ ၃။ အင်ဂျင်နီယာ

            အင်ဂျင်နီယာ၊ လက်ထောက်အင်ဂျင်နီယာတို့သည် မိမိတာဝန်ယူထားသော လုပ်ငန်းအား ပြဌာန်းထားသည့် ဥပဒေ၊ နည်းဥပဒေများနှင့် ညီညွတ်စေရန် ထိန်းထားရန် တာဝန်ရှိသည်။ လုပ်ငန်းခွင်အတွင်း သုံးစွဲနေသော လက်သုံးကိရိယာများ၊ စက်ကိရိယာများ၊ စူးဆောက်တန်ဆာပလာများသည် အသုံးပြုရန် အန္တရာယ်ကင်းကြောင်း သေချာစေရမည်။ လုပ်ငန်း လိုအပ်ချက်အတိုင်း အလုပ်သမားများတွင် လက်သုံးကိရိယာများ လုံလောက်စွာရှိစေရမည်။ ထိုလက်သုံးကိရိယာများအား အလုပ်သမားများသည် အန္တရာယ်ကင်းစွာသုံးနိုင်ရန် ကောင်းစွာထိန်းသိမ်းထားကြောင်း သေချာစေရမည်။

            ဆပ်ကန်ထရိုက်တာများ၊ ကြီးကြပ်ရေးမှုးများ၊ အလုပ်သမားများသည် ဥပဒေအရ ပြဌာန်းထားသည့် လုပ်ငန်းခွင် အန္တရာယ်ကင်းရေး သင်တန်းများ တက်ပြီးကြောင်း သေချာစေရမည်။ ဆပ်ကန်ထရိုက်တာများနှင့် အလုပ်သမားများသည် ရေးဆွဲအတည်ပြုထားသည့် အန္တရာယ်ကင်းရေး လုပ်ငန်းအစီအစဉ်များအတိုင်း လိုက်နာလုပ်ကိုင်ကြောင်း သေချာစေရမည်။ အန္တရာယ် အကဲဖြတ်မှုများ၌ ဖော်ပြထားသည့် အန္တရာယ်ကင်းရေး ထိန်းချုပ်မှုများကို လက်တွေ့လိုက်နာ လုပ်ဆောင်စေရမည်။

            အန္တရာယ်ရှိသောအလုပ်များဖြစ်သည့် အဆောက်အဦဖြိုဖျက်ခြင်း၊ လေးပင်သည့် ပစ္စည်းများ မ,ခြင်း စသည်တို့ အတွက် ကန်ထရိုက်တာနှင့် ကြီးကြပ်ရေးမှုးများအကြား အနီးကပ် ဆက်သွယ်ဆောင်ရွက်ပေးရမည်။

            အင်ဂျင်နီယာ၊ လက်ထောက်အင်ဂျင်နီယာတို့အနေနှင့် ဆပ်ကန်ထရိုက်တာတို့သည် စီမံကိန်းမှချမှတ်ထားသော စည်းမျဉ်းစည်းကမ်းများအတိုင်း လိုက်နာလုပ်ဆောင်စေရန် သေချာစေရမည်။ ဆပ်ကန်ထရိုက်တာတို့ ဆင်ထားသော ငြမ်းများ သည်လည်းကောင်း၊ မြေတူးခြင်း၊ လိုဏ်ခေါင်း၊ ကတုတ်ကျင်းများအတွင်း ၀င်ရောက်ခြင်း၊ ဂဟေဆော်ခြင်း စသည့်လုပ်ငန်းများ သည်လည်းကောင်း သတ်မှတ်ထားသော စံချိန်၊ စံညွှန်းများနှင့် ညီနေစေရမည်။   

            အင်ဂျင်နီယာ၊ လက်ထောက်အင်ဂျင်နီယာတို့သည် လုပ်ငန်းခွင်အန္တရာယ် ကင်းရှင်းရေးစည်းဝေးပွဲများသို့ တက် ရောက်ရမည်။ လုပ်ငန်းခွင် ထိခိုက်မှု၊ သေဆုံးမှု၊ မတော်တဆဖြစ်မှုများအား စုံစမ်းစစ်ဆေးရာတွင် ပါဝင်ဆောင်ရွက်ရမည်။

            လုပ်ငန်းခွင်အန္တရာယ်ကင်းရေးကြီးကြပ်ရေးမှုးမှ တင်ပြလာသည့်၊ လုပ်ငန်းခွင်အန္တရာယ်ကင်းရေးအရာရှိ၊ စီမံကိန်း မန်နေဂျာတို့မှ ညွှန်ကြားလာသည့် အန္တရာယ်ကင်းရေးဆိုင်ရာ ဆောင်ရွက်ရန်ရှိသည်များကို ချက်ချင်း အရေးယူဆောင်ရွက် ရမည်။

            အင်ဂျင်နီယာတို့သည် ၀င်ပေါက်၊ ထွက်ပေါက်များအား အမိုးမိုးပေးရေး၊ ၀င်ပေါက်၊ ထွက်ပေါက်များ၊ စင်္ကြန်များ တစ်လျှောက်နှင့် အလုပ်လုပ်သည့် နေရာများတွင် မီးအလုံအလောက် ထွန်းထားပေးရေး အထူးတာဝန်ရှိသည်။ ထို့အပြင် အလုပ်လုပ်ခွင့် ပါမစ်ထုတ်ပေးရေးအတွက် စစ်ဆေးရသည့် စစ်ဆေးသူ (safety assessor) အဖြစ်လည်း တာဝန်ယူရမည် ဖြစ်၏။

 

၁၊ ၄။ လုပ်ငန်းခွင်အန္တရာယ်ကင်းရေးအရာရှိ

လုပ်ငန်းခွင်အန္တရာယ်ကင်းရေးအရာရှိသည် -

Ø  စီမံကိန်းအတွက် လုပ်ငန်းခွင်အန္တရာယ်ကင်းရေးစီမံခန့်ခွဲမှုစနစ်ကို ပြုစုရေးသားရမည်။

Ø  လုပ်ငန်းခွင်အန္တရာယ်ကင်းရေးနှင့်ပတ်သက်သည့် ဥပဒေ၊ နည်းဥပဒေ၊ လုပ်ထုံးလုပ်နည်းများကို စုဆောင်းထားရှိ ရမည်။

Ø  လုပ်ငန်းတိုင်းအတွက် အန္တရာယ်ကင်းသည့် လုပ်ငန်းအစီအစဉ်များ၊ အန္တရာယ်အကဲဖြတ်မှုများကို ရေးဆွဲရမည်။

Ø  ဆပ်ကန်ထရိုက်တာများမှ တင်ပြလာသည့် အန္တရာယ်ကင်းသည့် လုပ်ငန်းအစီအစဉ်များ၊ အန္တရာယ်အကဲဖြတ်မှုများ ကို ဝေဖန်သုံးသပ်၍ ၎င်းတို့လုပ်ငန်းနှင့် လက်တွေ့ကိုက်ညီစေမည့်အချက်များ၊ ပိုမိုကောင်းမွန်သည့် ကာကွယ်ရေး အစီအမံများ ပါဝင်စေရန် အကြံပြုချက်များ ပေးရမည်။

Ø  ကန်ထရိုက်တာများသည် ၎င်းတို့တင်ပြထားသည့် အန္တရာယ်ကင်း လုပ်ငန်းအစီအစဉ်များ၊ အန္တရာယ်အကဲဖြတ်မှုများ အတိုင်း လက်တွေ့လိုက်နာ လုပ်ဆောင်ကြောင်း သေချာစေရမည်။

လုပ်ငန်းခွင်အန္တရာယ်ကင်းရေးအရာရှိသည် -

v  လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်အတွက် လုပ်ငန်းစစ်အချိန်ဇယား ရေးဆွဲထားရမည်။

v  သက်ဆိုင်သူတို့အား လုပ်ငန်းခွင်အန္တရာယ်ကင်းရေးသင်တန်းများကို စေလွှတ်ရန် အချိန်ဇယား ရေးဆွဲထားရမည်။

v  လုပ်ငန်းခွင်အန္တရာယ်ကင်းရေး လှုပ်ရှားမှုများပြုလုပ်ရန် အချိန်ဇယားရေးဆွဲထားရမည်။

v  အရေးပေါ်ကယ်ဆယ်ရေး လေ့ကျင့်ခန်းများအတွက် အချိန်ဇယားရေးဆွဲထားရမည်။

v  လုပ်ခန်းခွင် ထိခိုက်မှုသတင်းများအား အချိန်နှင့်အမျှ ထုတ်ပြန်ပေးနေရမည်။

v  အစိုးရမှ အသစ်ပြဌာန်းသော၊ ပြောင်းလဲလိုက်သော ဥပဒေ၊ နည်းဥပဒေများကို ထုတ်ပြန်ပေးရမည်။

            လုပ်ငန်းခွင်အန္တရာယ်ကင်းရေးအရာရှိသည် စီမံကိန်းအုပ်ချုပ်ရေးအဖွဲ့နှင့် တန်းတူတာဝန်ရှိသည်။ ၀န်ထမ်းများ၊ ကြီးကြပ်ရေးမှုးများ၊ အင်ဂျင်နီယာများနှင့် အလုပ်သမားများအား လုပ်ငန်းခွင်အန္တရာယ်ကင်းရေးနှင့် ပတ်သက်၍ ပညာပေးရန်၊ အလုပ်ရှင်၊ လုပ်ငန်းရှင်၊ စီမံကိန်းမန်နေဂျာစသည့် အုပ်ချုပ်ရေးအဖွဲ့အား လုပ်ငန်းခွင်အန္တရာယ်ကင်းရေးနှင့် ပတ်သက်၍ အကြံပေးရန်၊ ဥပဒေအရလိုအပ်သည်များကို ဖြည့်ဆည်းပေးရန် တင်ပြကာ အုပ်ချုပ်ရေးအဖွဲ့က အတည်ပြုပြီးလျှင် လက်တွေ့ အကောင်အထည်ဖော်ရန် တာဝန်ရှိသည်။

            လုပ်ငန်းခွင်အန္တရာယ်ကင်းရေးကော်မတီ၏ အတွင်းရေးမှုးအဖြစ် ဆောင်ရွက်ရမည်ဖြစ်ပြီး ကော်မတီဖွဲ့ခြင်း၊ ကော်မတီ၏ တာဝန်ဝတ္တရားများကို အခြားအဖွဲ့ဝင်များအား ဦးဆောင်ကာ ဆောင်ရွက်ခြင်း၊ လစဉ်စည်းဝေးပွဲများကို ဦးဆောင် ကျင်းပရမည်။ ထို့ပြင် အလုပ်လုပ်ခွင့် ပါမစ်ထုတ်ပေးရေးအတွက် စစ်ဆေးရသည့် စစ်ဆေးသူ (safety assessor) အဖြစ် တာဝန်ပေးလာလျှင်လည်း ထမ်းဆောင်ရမည် ဖြစ်၏။

            လုပ်ငန်းခွင် မတော်တဆမှုဖြစ်သည့်အခါ သေသေချာချာ စစ်ဆေးမေးမြန်းပြီး မှတ်တမ်းယူထားရမည်။ နောင်တွင် အလားတူ မတော်တဆမှုမျိုးမဖြစ်ရန် မည်သို့ကာကွယ်ရမည်ကိုလည်း အကြံပြုတင်ပြရမည်။

            စီမံကိန်း၌ အသုံးပြုနေသည့် စက်ပစ္စည်း၊ ကိရိယာများ၊ လက်သုံးကိရိယာများသည် အန္တရာယ်ကင်းစွာ ရှိနေမနေ၊ သူ့နေရာနှင့်သူ နေရာတကျ ရှိနေမနေ၊ လုပ်ငန်းခွင်အတွင်း အန္တရာယ်မကင်းသော အနေအထားရှိမရှိ၊ အလုပ်သမားများ လုပ်ကိုင်နေမှုများသည် အန္တရာယ်ကင်းမကင်း၊ ၀င်ပေါက်ထွက်ပေါက်များသည် အန္တရာယ်ကင်းမကင်း အစရှိသည်တို့ကို  မိမိကိုယ်တိုင်ဖြစ်စေ မိမိလက်ထောက်အား ညွှန်ကြား၍ဖြစ်စေ စီမံကိန်းအတွင်း လှည့်လည်စစ်ဆေးနေရပါမည်။

            ထိုစစ်ဆေးတွေ့ရှိချက်များကို ကြီးကြပ်ရေးမှုးများ၊ ဖိုမင်များ၊ အင်ဂျင်နီယာများနှင့် တိုင်ပင်လျှက် ချက်ချင်းအရေးယူ ဆောင်ရွက်နိုင်ပါက ချက်ချင်း၊ ချက်ချင်းမဆောင်ရွက်နိုင်ပါက မည်သည့်ရက်အတွင်း အပြီးဆောင်ရွက်ရမည် ဟု ရက် သတ်မှတ်ကာ လုပ်ဆောင်စေရမည်။ လုပ်ဆောင်ပြီးမပြီးကိုလည်း ထပ်မံစစ်ဆေးရမည်။ စစ်ဆေးတွေ့ရှိချက်များ၊ ဆောင်ရွက်ချက်များကို မှတ်တမ်းရေးကာ စီမံကိန်းမန်နေဂျာထံ တင်ပြအတည်ပြုချက်ရယူရမည်။ 

ယေဘူယျအားဖြင့် ပြောရလျှင် လုပ်ငန်းခွင်အန္တရာယ်ကင်းရေးအရာရှိသည် စီမံကိန်းလုပ်ငန်းကြီးတစ်ခုလုံး၏ လုပ်ငန်းခွင်အန္တရာယ်ကင်းရေး ဆောင်ရွက်ချက်များကို အမြဲစောင့်ကြည့်လေ့လာနေရန် လိုသည်။ လုပ်ငန်းခွင်အတွင်း အန္တရာယ်မကင်းသည့်အခြေအနေများအတွက် စီမံကိန်းမန်နေဂျာသို့ တိုက်ရိုက်တင်ပြရမည်။

             

၁၊ ၅။ လုပ်ငန်းခွင်အန္တရာယ်ကင်းရေး ကြီးကြပ်ရေးမှူး

            လုပ်ငန်းခွင်အန္တရာယ်ကင်းရေး ကြီးကြပ်ရေးမှူးသည် စီမံကိန်းအတွက် ရေးဆွဲထားသော လုပ်ငန်းခွင်အန္တရာယ် ကင်းရေးစီမံခန့်ခွဲမှုစနစ်ကို ကောင်းစွာနားလည်ထားရမည်။ စီမံကိန်းအတွင်း လုပ်ဆောင်နေသူများအားလုံးသည် လုပ်ငန်းခွင် အန္တရာယ်ကင်းရေးစီမံခန့်ခွဲမှုစနစ်က ချမှတ်ပြဌာန်းထားသည့် စည်းမျဉ်းစည်းကမ်း၊ လုပ်ထုံးလုပ်နည်းများအတိုင်း လုပ်ဆောင် ရန် သေချာစေရမည်။

            စီမံကိန်းကန်ထရိုက်တာနှင့် ဆပ်ကန်ထရိုက်တာများသည် ပြဌာန်းထားသော ဥပဒေ၊ နည်းဥပဒေများကို လိုက်နာခြင်း ရှိမရှိ အမြဲစောင့်ကြပ် ကြည့်ရှုနေရမည်။ လုပ်ငန်းခွင်အန္တရာယ်ကင်းရေး ကြီးကြပ်ရေးမှူးသည် မိမိတာဝန်ယူထားရသည့် စီမံကန်းအား အန္တရာယ်ကင်းသည့် လုပ်ငန်းခွင်တစ်ခုအဖြစ် ထိန်းထားနိုင်ရန် ကြီးကြပ်ရေးမှုးများ၊ အင်ဂျင်နီယာများ၊ အထူးသဖြင့် လုပ်ငန်းခွင်အန္တရာယ်ကင်းရေးအရာရှိနှင့် နီးနီးကပ်ကပ် ပူးပေါင်းဆောင်ရွက်ရမည်။

            အလုပ်သမားများအား အန္တရာယ်ကင်း လုပ်ငန်းအစီအစဉ်များ၊ အန္တရာယ်အကဲဖြတ်မှုများအတိုင်း လက်တွေ့လိုက်နာ လုပ်ဆောင်စေရန် ပညာလည်းပေး၊ လိုက်နာ၊ မလိုက်နာကိုလည်း အနီးကပ်စောင့်ကြပ်ကြည့်ရှုနေရမည်။ အကယ်၍ တစ်စုံတစ်ယောက်သည် ချမှတ်ထားသော အန္တရာယ်ကင်းရေး စည်းမျဉ်းစည်းကမ်းများကို မလိုက်နာ၊ ဖောက်ဖျက်ခဲ့ပါက သက်ဆိုင်ရာ ကြီးကြပ်ရေးမှူး၊ အင်ဂျင်နီယာများသို့ ချက်ချင်းတင်ပြ အရေးယူဆောင်ရွက်ရမည်။

            လုပ်ငန်းခွင်အန္တရာယ်ကင်းရေး ကြီးကြပ်ရေးမှူးသည် စီမံကိန်းအတွင်း နေ့စဉ် လှည့်လည်စစ်ဆေးနေကာ အန္တရာယ် မကင်းသည့်အခြေအနေ၊ စက်ကိရိယာ၊ အပြုအမူများတွေ့ရပါက သက်ဆိုင်ရာ ကြီးကြပ်ရေးမှူး၊ အင်ဂျင်နီယာများသို့ တင်ပြကာ ချက်ချင်း အရေးယူဆောင်ရွက်ရမည်။

            လုပ်ငန်းခွင် မတော်တဆမှုဖြစ်သည့်အခါ လုပ်ငန်းခွင်အန္တရာယ်ကင်းရေးအရာရှိအား ကူညီပြီး စစ်ဆေးမေးမြန်း စုံစမ်းခြင်း၊ ဓါတ်ပုံရိုက်ခြင်း၊ မှတ်တမ်းယူခြင်းများ ပြုလုပ်ရမည်။ နောင်တွင် အလားတူ မတော်တဆမှုမျိုးမဖြစ်ရန် မည်သို့ ကာကွယ်ရမည်ကိုလည်း စီမံခန့်ခွဲရေးအဖွဲ့သို့ အကြံပြုတင်ပြရမည်။

လုပ်ငန်းခွင်အန္တရာယ်ကင်းရေး ပြပွဲပြိုင်ပွဲများ၊ သရုပ်ပြပွဲများ၊ ပညာပေးအစီအစဉ်များ၊ သင်တန်းများ၊ အရေးပေါ် အခြေအနေ ကြိုတင်လေ့ကျင့်ခြင်းအစီအစဉ် စသည်တို့တွင် ပါဝင်ဆောင်ရွက်ရမည်။ ဆပ်ကန်ထရိုက်တာများမှ တင်ပြ လာသည့် အန္တရာယ်ကင်းသည့် လုပ်ငန်းအစီအစဉ်များ၊ အန္တရာယ်အကဲဖြတ်မှုများကို ဝေဖန်သုံးသပ်၍ ၎င်းတို့လုပ်ငန်းနှင့် လက်တွေ့ကိုက်ညီစေမည့်အချက်များ၊ ပိုမိုကောင်းမွန်သည့် ကာကွယ်ရေးအစီအမံများ ပါဝင်စေရန် အကြံပြုချက်များ ပေးရမည်။ ကန်ထရိုက်တာများသည့် ၎င်းတို့တင်ပြထားသည့် အန္တရာယ်ကင်း လုပ်ငန်းအစီအစဉ်များ၊ အန္တရာယ် အကဲဖြတ်မှုများအတိုင်း လက်တွေ့လိုက်နာ လုပ်ဆောင်ခြင်းရှိမရှိ စောင့်ကြည့်စစ်ဆေးနေရမည်။

ဝန်ချီလုပ်ငန်း၊ မြေတူးခြင်းလုပ်ငန်း၊ မီးနှင့်လုပ်ရသည့်လုပ်ငန်း၊ အမြင့်တွင် လုပ်ရသည့်လုပ်ငန်း၊ အဆောက်အဦ ဖြိုဖျက်ခြင်းလုပ်ငန်း၊ ကတုတ်ကျင်း၊ လိုဏ်များအတွင်း လုပ်ရသည့်အလုပ်စသည်တို့အတွက် အလုပ်လုပ်ခွင့်ပါမစ်က ညွှန်ပြ ထားသည့် စည်းကမ်းချက်များအတိုင်း လိုက်နာမနာ၊ လိုအပ်ချက်များကို ဖြည့်ဆည်းပေးထားမထား အစရှိသည်တို့ကို စစ်ဆေး ကြည့်ရှုပြီး လိုအပ်ချက်များတွေ့ပါက သက်ဆိုင်ရာ ကြီးကြပ်ရေးမှုးများအား ချက်ချင်း အရေးယူဆောင်ရွက်စေရမည်။

လက်သုံးကိရိယာများ၊ လုပ်ငန်းသုံးစက်ပစ္စည်းများသည် အန္တရာယ်ကင်းသည့် အခြေအနေတွင် ရှိမရှိ၊ စက်ယန္တရား များသည် သတ်မှတ်ကာလအတွင်း ပြုပြင်ထိန်းသိမ်းမှုများ လုပ်မလုပ် စသည်တို့ကို စောင့်ကြပ်စစ်ဆေးနေရမည်။ အန္တရာယ် ရှိသောပစ္စည်းများ (ဥပမာ - ဓာတ်ဆီ၊ ဒီဇယ်ဆီ၊ ဓာတုဗေဒပစ္စည်းများအား စနစ်တကျ သိုလှောင်ထားခြင်းရှိမရှိ၊ MSDS* က သတ်မှတ်ထားသည့်အတိုင်း ကိုင်တွယ်သုံးစွဲခြင်း၊ စွန့်ပစ်ခြင်းရှိမရှိကို စစ်ဆေးလျှက် လိုအပ်ချက်များတွေ့ပါက သက်ဆိုင်ရာ ကြီးကြပ်ရေးမှုး၊ အင်ဂျင်နီယာ၊ လုပ်ငန်းခွင်အန္တရာယ်ကင်းရေး အရာရှိတို့ကို အကြောင်းကြားလျှက် ချက်ချင်း အရေးယူ ဆောင်ရွက်စေရမည်။

* (MSDS = Material Safety Daya Sheet)

၁၊ ၆။ ၀န်ချီလုပ်ငန်း ကြီးကြပ်ရေးမှူး (Lifting Supervisor)

Ø  မိမိလုပ်ဆောင်မည့် ၀န်ချီလုပ်ငန်းအတွက် အစီအစဉ် (Lifting plan) ရေးဆွဲထားရမည်။

Ø  ကရိန်းမောင်းသူ၊ ကြိုးချည်သူ၊ အချက်ပြသူများသည် ကျွမ်းကျင်သူများ ဖြစ်ကြောင်း သေချာစေရမည်။

Ø  ကရိန်းရပ်သည့် မြေအနေအထားသည် ၀န်ချီခြင်းလုပ်ငန်းအတွက် အန္တရာယ်ကင်း၊ စိတ်ချရကြောင်း သေချာစေ ရမည်။

Ø  ၀န်ချီရာတွင်သုံးမည့် ခါးပတ်ကြိုးများ၊ သံကြိုးများ၊ ရှက်ကယ်များအား ၀န်ချီခြင်းလုပ်င်နး မစတင်မီ မျက်မြင်    စစ်ဆေးကာ အားလုံးကောင်းမွန်သည့် အခြေအနေတွင်ရှိကြောင်း သေချာစေရမည်။

Ø  ကရိန်းသည် ချီမ,မည့်ဝန်အား နိုင်နိုင်နင်းနင်း ကောင်းစွာ ချီမနိုင်ကြောင်း သေချာစေရမည်။

Ø  ၀န်ချီလုပ်ငန်းမစတင်မီ ကရိန်းမောင်းသူ၊ ကြိုးချည်သူ၊ အချက်ပြသူများအား မိမိတို့ ၀န်ချီမည့်အစီအစဉ်ကို ပြောပြထားရမည်။

Ø  အကယ်၍ အထက်ပါ စစ်ဆေးချက်များအား စိတ်ကျေနပ်မှုမရှိပါက ၀န်ချီလုပ်ငန်းအား ရပ်ဆိုင်းထားကာ အန္တရာယ်ကင်းသည့် အခြေအနေရောက်သည်ထိ ပြင်ဆင်ရမည်။

၁၊ ၇။ ၀န်ချီလုပ်ငန်း၌ ကြိုးချည်သူ (Rigger)

ဝန်ချီလုပ်ငန်း၌ ကြိုးချည်မည့်သူသည် မည်သည့်ပစ္စည်းကို မည်ကဲ့သို့ခိုင်ခံ့အောင် ချည်နှောင်ရမည်ကို ကောင်းစွာ တတ်ကျွမ်းနားလည်ထားသူ ဖြစ်ရမည်။ ၎င်းသည် -

Ø  ၀န်ချီရာတွင်သုံးမည့် ခါးပတ်ကြိုးများ၊ သံကြိုးများ၊ ရှက်ကယ်များအား ၀န်ချီခြင်းလုပ်င်နး မစတင်မီ မျက်မြင်    စစ်ဆေးကာ အားလုံးကောင်းမွန်သည့် အခြေအနေတွင်ရှိကြောင်း သေချာစေရမည်။

Ø  ခါးပတ်ကြိုးများ၊ သံကြိုးများ၊ ရှက်ကယ်များသည် ချီမ,မည့်ဝန်အတွက် ကောင်းစွာလုံလောက်ကြောင်း သေချာစေရမည်။

Ø  ထို ခါးပတ်ကြိုးများ၊ သံကြိုးများ၊ ရှက်ကယ်များသည် ချီမ,မည့်ဝန်၏ အလေးချိန်ကို ကောင်းစွာခံနိုင်ကြောင်း သေချာစေရမည်။

Ø  ၀န်ချီရာ၌သုံးသည့် ခါးပတ်ကြိုးများ၊ သံကြိုးများ၊ ရှက်ကယ်များသည် ထိုချီမမည့်ဝန်အတွက် သင့်တော်သော ခါးပတ်ကြိုး၊ သံကြိုး၊ ရှက်ကယ်များ ဖြစ်ရမည်။

Ø  ကြိုးချည်ရာတွင် ဟန်ချက်ညီညီချည်ရန်၊ ခိုင်ခိုင်ခံ့ခံ့ ချည်နှောင်ရန်လိုအပ်သည်။

Ø  အကယ်၍ အုတ်ခဲ၊ ကျောက် စသော ပစ္စည်းများကို ချီမ,ရန်လိုပါက ထိုပစ္စည်းများအား ပလတ်စတစ်၊ အ၀တ် စသည်တို့နှင့် သေချာစွာဖုံးအုပ်ထားရမည်။ သံချောင်းများကို ချီမလျှင် ကောင်းစွာ တုပ်နှောင်ထားရမည်။

Ø   ချွန်ထက်သော ထောင့်ချိုးနေရာများတွင် ခါးပတ်များ မပွန်းပဲ့စေရန် စက္ကူ၊ ပလတ်စတစ် စသည်တို့ ခုပြီး ချည်နှောင်ရမည်။

Ø  အကယ်၍ ခါးပတ်စသည်တို့တွင် ပျက်စီးချွတ်ယွင်းမှုများတွေ့ခဲ့ပါက ၀န်ချီခြင်းလုပ်ငန်းကို ရပ်တန့်လျှက် ၀န်ချီလုပ်ငန်း ကြီးကြပ်ရေးမှူးကို သတင်းပို့ရမည်။ ကောင်းမွန်သည့် ပစ္စည်းနှင့် လဲလှယ် သုံးစွဲရမည်။

၁၊ ၈။ ၀န်ချီလုပ်ငန်း အချက်ပြသူ (Signalman)

ဝန်ချီလုပ်ငန်း၌ အချက်ပြမည့်သူသည် အချက်ပြနည်းသင်္ကေတများကို ကောင်းစွာ တတ်ကျွမ်းနားလည်ထားသူ ဖြစ်ရမည်။ ၎င်းသည် -

Ø  ချီမ,မည့်ဝန်အား ကောင်းစွာ ချည်နှောင်ထားကြောင်း သေချာစွာ စစ်ဆေးကြည့်ရှုရမည်။

Ø  ချီမ,မည့်ဝန်သည် ခိုင်ခံစွာချည်နှောင်ထားကြောင်း၊ ဟန်ချက်ညီညီ ချည်နှောင်ထားကြောင်း သေချာမှ စတင် မ,ရန် ကရိန်းမောင်းသူအား အချက်ပြရမည်။

Ø  အချက်ပြသူသည် မိမိအချက်ပြသည်ကို ကရိန်းမောင်းသူက ကောင်းစွာ နားလည်သဘောပေါက်ကြောင်း သေချာစေရမည်။

Ø  အကယ်၍ စကားပြောစက် (walkie talkie) သုံးခဲ့ပါက စကားပြောစက် ကောင်းစွာအလုပ် လုပ်၊ မလုပ်။ မိမိတို့ ပြောသည်ကို တစ်ဦးနှင့်တစ်ဦး ကောင်းစွာ ကြား၊ မကြား အချက်ပြသူနှင့် ကရိန်းမောင်းသူတို့ အလုပ်မစမီ ကတည်းက ကြိုတင် စမ်းသပ်ထားရမည်။

၁၊ ၉။ လုပ်ငန်းကြီးကြပ်ရေးမှူး၊ အဖွဲ့ခေါင်းဆောင်

Ø  လုပ်ငန်းခွင်အန္တရာယ်ကင်းရေးနှင့် ပတ်သက်သည့် ဥပဒေ၊ နည်းဥပဒေများကို သိရှိနားလည်ထားရမည်။

Ø  မိမိတာဝန်ယူထားရသည့် လုပ်ငန်းခွင်ကို အန္တရာယ်ကင်းသည့်အခြေအနေတွင် ရှိနေစေရန် ထိန်းသိမ်းထားရမည်။

Ø  လုပ်ငန်းခွင်အန္တရာယ်ကင်းရေး အရာရှိနှင့် ကြီးကြပ်ရေးမှူးတို့က အကြံပြုလာသည့် အန္တရာယ်ကင်းရေး အစီအမံများ ကို နှောင့်နှေးခြင်းမရှိဘဲ အမြန်ဆုံးဖြည့်ဆည်း လုပ်ဆောင်ပေးရမည်။

Ø  အန္တရာယ်ကင်းသည့် လုပ်ငန်းအစီအစဉ်များ၊ အန္တရာယ်အကဲဖြတ်မှုများကို ကောင်းစွာနားလည်ထား၍ ထိုလုပ်ငန်း အစီအစဉ်များအတိုင်း လိုက်နာလုပ်ဆောင်ရန် တာဝန်ရှိသည်။

Ø  မိမိလုပ်ငန်းနေရာအား အချိန်တိုင်းစစ်ဆေးကြည့်ရှုလျှက် အန္တရာယ်မကင်းသည့် အခြေအနေကို တွေ့ရပါက ချက်ချင်း ပြုပြင်လုပ်ဆောင်ရန် တာဝန်ရှိသည်။

၁၊ ၁၀။ ရှေးဦးသူနာပြု

ရှေးဦးသူနာပြုသည် မည်သည့်ဒဏ်ရာရပါက မည်ကဲ့သို့ ပြုစုကုသမှု ပေးရမည်ကို ကောင်းစွာ တတ်ကျွမ်းနားလည်ထားသူ ဖြစ်ရမည်။ ၎င်းသည် -

Ø  တစ်ဦးတစ်ယောက် ထိခိုက်ဒဏ်ရာရခဲ့ပါက ဆေးရုံမရောက်မီစပ်ကြား အခြေအနေပိုဆိုးမသွားစေရန် ကောင်းစွာ ထိန်းထားရေး ကြိုးစားပြုစုပေးရန် တာဝန်ရှိသည်။

Ø  ရှေးဦးသူနာပြုဆေးသေတ္တာအား ပုံမှန်စစ်ဆေးရမည်။ ဆေးသေတ္တာအတွင်း ရှိသင့်ရှိထိုက်သည့် ပစ္စည်းများ အရံသင့်ရှိနေစေရန်နှင့် လျော့နည်းနေသော ပစ္စည်းများရှိပါက ၀ယ်ယူဖြည့်တင်းထားရန် တာဝန်ရှိသည်။

Ø  ရှေးဦးသူနာပြုဆေးသေတ္တာကို အလွယ်တကူရနိုင်မည့် နေရာတွင်ထားရမည်။ သေတ္တာရှိသည့်နေရာကို ထင်ရှားစွာ ပြသထားပြီး ဆေးသေတ္တာအနီး၌ မိမိအား ဆက်သွယ်ရမည့်နံပါတ်၊ လုပ်ငန်းခွင် အန္တရာယ်ကင်းရေးအရာရှိ၏ နံပါတ်၊ စီမံကိန်းမန်နေဂျာ၏ နံပါတ်များအား ထင်ရှားစွာ ရေးသားဖော်ပြထားရမည်။

Ø  ရှေးဦးသူနာပြုသည် ထိခိုက်ဒဏ်ရာရသဖြင့် ပြုစုကုသလိုက်ရသူများအမည်၊ နေ့စွဲ၊ ပြုစုပေးပုံ စသည်တို့ကို မှတ်တမ်းတင်ထားရန် လိုသည်။

Ø  အနီးဆုံးဆေးခန်း၊ ဆေးရုံများ၏ တည်နေရာနှင့် ဆက်သွယ်ရမည့် ဖုံးနံပါတ်များကို သိထားရမည်။ အရေးပေါ်ယာဉ်၊ မီးသတ်၊ ရဲ စသည်တို့၏ ဆက်သွယ်ရမည့် ဖုံးနံပါတ်များကိုလည်း သိရှိထားရမည်။

၁၊ ၁၁။ အလုပ်သမားများ

            အလုပ်သမားများသည် အလုပ်ရှင်၊ အင်ဂျင်နီယာ၊ ကြီးကြပ်ရေးမှူး၊ ဖိုမင်များ၏ ညွှန်ကြားချက်အတိုင်း အတိအကျ လိုက်နာလုပ်ဆောင်ရန် တာဝန်ရှိသည်။

Ø  ထုတ်ပေးထားသည့် သတ်မှတ်ထားသော အ၀တ်အစား၊ အသုံးအဆောင်များကို သတ်မှတ်ထားသော လုပ်ငန်းအလိုက် စနစ်တကျဝတ်ဆင်ရန် တာဝန်ရှိသည်။

Ø  အကယ်၍ လုပ်ငန်းထဲ၌ အန္တရာယ်မကင်းသည့် အခြေအနေတွေ့ခဲ့ပါက မိမိ၏ကြီးကြပ်ရေးမှုး၊ လုပ်ငန်းခွင် အန္တရာယ် ကင်းရေးအရာရှိ၊ စီမံကိန်းမန်နေဂျာတို့အား အမြန်ဆုံးသတင်းပို့ရမည်။

Ø  သတ်မှတ်ထားသော လုပ်ငန်းခွင် အန္တရာယ်ကင်းရေးသင်တန်းများအား တက်ရောက်ရမည်။

Ø  သတ်မှတ်ထားသော စည်းကမ်း၊ နည်းလမ်းများကိုလိုက်နာရန် တာဝန်ရှိသည်။

၁၊ ၁၂။ ဆပ်ကန်ထရိုက်တာများ

Ø  ဆပ်ကန်ထရိုက်တာများသည် အစိုးရမှ ပြဌာန်းထားသော ဥပဒေ၊ နည်းဥပဒေနှင့် လုပ်ထုံးလုပ်နည်းများကို လိုက်နာရန် တာဝန်ရှိသည့်ပြင် မိန်းကန်ထရိုက်တာမှ ချမှတ်ထားသော စည်းမျဉ်းစည်းကမ်းများကိုလည်း လိုက်နာ လုပ်ဆောင်ရန် တာဝန်ရှိသည်။

Ø  မိမိတို့လုပ်ငန်းအလိုက် အန္တရာယ်ကင်း လုပ်ငန်းအစီအစဉ်များ၊ အန္တရာယ်အကဲဖြတ်မှုများကို လုပ်ငန်းမစတင်မီ မိန်း ကန်ထရိုက်တာသို့ တင်ပြရန် တာဝန်ရှိသည်။ လက်တွေ့လိုက်နာ လုပ်ဆောင်ကြောင်း သေချာစေရမည်။

Ø  မိမိတို့တင်ပြထားသည့် အန္တရာယ်ကင်း လုပ်ငန်းအစီအစဉ်များ၊ အန္တရာယ်အကဲဖြတ်မှုများအလိုက် လက်တွေ့ လိုက်နာလုပ်ဆောင်ရန် တာဝန်ရှိသည်။

Ø  မိမိတို့အသုံးပြုနေသည့် စက်ကိရိယာ၊ ယာဉ်ယန္တရား၊ လက်သုံးကိရိယာများသည် ကောင်းစွာ စစ်ဆေးထားကြောင်း၊ အန္တရာယ်ကင်းစွာ အသုံးပြုနိုင်ကြောင်း သေချာစေရမည်။

Ø  စက်မောင်းသူ၊ ယာဉ်မောင်းသူများသည် လိုင်စင်ရှိသူများ၊ မိမိကိုင်တွယ်သည့်စက်ကို ကောင်းစွာမောင်းနှင်နိုင်သူ များ ဖြစ်ကြောင်း တာဝန်ယူရမည်။

Ø  မိမိတာဝန်ယူလုပ်ကိုင်နေသည့် လုပ်ငန်းခွင်အား အန္တရာယ်ကင်းသည့် လုပ်ငန်းခွင်အဖြစ် ထိန်းသိမ်းထားရန်၊ မိမိအလုပ်သမားများအားလုံး အန္တရာယ်ကင်းစေရန်၊ ထိုသို့ အန္တရာယ်ကင်းသည့် ပတ်ဝန်းကျင်တစ်ခု ဖန်တီးနိုင်ရန် လိုအပ်သမျှ ပံ့ပိုးမှုအားလုံး ထောက်ပံ့ပေးထားရန် တာဝန်ရှိသည်။

Ø  မိန်းကန်ထရိုက်တာမှ ပြုလုပ်သည့် လုပ်ငန်းခွင်အန္တရာယ်ကင်းရေး စစ်ဆေးမှုများတွင် လိုက်ပါရန်၊ စည်းဝေးပွဲများသို့ တက်ရောက်ရန်၊ အရေးပေါ်စီမံချက် လေ့ကျင့်ခန်းများ၊ ပြပွဲ၊ ပြိုင်ပွဲ၊ သရုပ်ပြပွဲများတွင် ပါဝင်လုပ်ဆောင်ရမည်။

Ø  အကယ်၍ မိမိအလုပ်သမားတစ်ဦးဦး မတော်တဆမှုဖြစ်ခဲ့ပါက မိန်းကန်ထရိုက်တာကို ချက်ချင်းအကြောင်းကြားရ မည်။ ထိန်ချန်မထားရ။

Ø  အကယ်၍ မိမိအလုပ်တွင် လုပ်သား ၂၀ ထက်ကျော်ပါက မိမိပိုင် လုပ်ငန်းခွင်အန္တရာယ်ကင်းရေးကြီးကြပ်ရေးမှူး နှင့် ရှေးဦးသူနာပြုများ ခန့်ထားရမည်။

၁၊ ၁၃။ ပစ္စည်းထောက်ပံ့သူ၊ ပစ္စည်းရောင်းချသူ၊ စက်ပစ္စည်းငှားရမ်းသူ၊ ၀န်ဆောင်မှုပေးသူ

Ø  ပစ္စည်းများထောက်ပံ့သူ၊ စက်ပစ္စည်းရောင်းချသူ၊ စက်ပစ္စည်းငှားရမ်းသူများအနေနှင့် ၎င်းတို့ ရောင်းချ၊ ငှားရမ်း၊ ထောက်ပံ့လိုက်သော ပစ္စည်းများသည် အန္တရာယ်ကင်းစွာ အသုံးပြုနိုင်ကြောင်း အာမခံပေးရမည်။

Ø  မိမိတို့ငှားရမ်းလိုက်သော စက်ကိရိယာ၊ ပစ္စည်းများ အန္တရာယ်ကင်းစေရေးအတွက် အပြည့်အ၀တာဝန်ယူရမည်။

Ø  မိမိငှားရမ်းလိုက်သော စက်ပစ္စည်းကို ကိုင်တွယ်နည်း၊ ထိန်းသိမ်းနည်းသင်တန်း ပေးရမည်။

Ø  မိမိငှားရမ်းလိုက်သော စက်ပစ္စည်းနှင့် ပတ်သက်သည့် သတင်းအချက်အလက်အားလုံး ပံ့ပိုးပေးရမည်။

Ø  ၀န်ဆောင်မှုပေးသူများအနေနှင့်လည်း စက်ပြင်သူဖြစ်ပါက မိမိလွှတ်လိုက်သော စက်ပြင်ဆရာသည် အမှန်တကယ် တတ်ကျွမ်းနားလည်သည့် စက်ပြင်ဆရာ၊ စက်မောင်းသူဖြစ်ပါကလည်း အမှန်တကယ် တတ်ကျွမ်းနားလည်သည့် စက်မောင်းသူ ဖြစ်ကြောင်း အာမခံပေးရမည်။ စက်မောင်းရန်၊ စက်ပြင်ရန် လိုင်စင်လိုအပ်ပါက မိမိလွှတ်လိုက်သူ သည် သတ်မှတ်ထားသော လိုင်စင်ရှိသူ ဖြစ်ရမည်။ ထိုလိုင်စင်ကိုပါ တင်ပြရမည်။

Ø  အကယ်၍ ငြမ်းစင်ဆောက်ပေးသူ ဖြစ်ပါက မိမိဆောက်ပေးလိုက်သော ငြမ်းစင်သည် သတ်မှတ်ထားသော ၀န်အား အတွက် စိတ်ချစွာ၊ အန္တရာယ်ကင်းစွာ သုံးစွဲနိုင်ကြောင်း အာမခံချက်ပေးရမည်။ မိမိထိုးပေးလိုက်သော ငြမ်းစင် ကြောင့် မတော်တဆမှု ဖြစ်ခဲ့ပါက တာဝန်ခံဖြေရှင်းပေးရမည်။

Ø  မိမိ၏ ငြမ်းစင်ကို အချိန်မှန် လာရောက်စစ်ဆေးကြည့်ရှုပြီး သုံးစွဲရန် အန္တရာယ်ကင်းကြောင်း လက်မှတ်ထိုးပေးရမည်။

၁၊ ၁၄။ ကရိန်းငှားရမ်းသူ

Ø  ကရိန်းကိုလာရောက်တပ်ဆင်သည့်အခါ ကျွမ်းကျင်သူများသာ တပ်ဆင်ကြောင်း သေချာစေရမည်။

Ø  မိမိတို့ငှားရမ်းထားသော ကရိန်းသည် အန္တရာယ်ကင်းစွာ အသုံးပြုနိုင်ကြောင်း တာဝန်ယူရမည်။

Ø  မိမိတို့၏ ကရိန်းကို အချိန်မှန် လာရောက် စစ်ဆေးပြုပြင်၊ ထိန်းသိမ်းပေးရမည်။

၁၊ ၁၅။ ကရိန်းမောင်းသူ

Ø  မိမိသည် ဤကရိန်းကို ကျွမ်းကျွမ်းကျင်ကျင် နိုင်နိုင်နင်းနင်း မောင်းနိုင်ကြောင်း သေချာစေရမည်။

Ø  ၀န်ချီလုပ်ငန်းကြီးကြပ်သူ၏ ခွင့်ပြုချက်ရမှသာ ကရိန်းကို စတင်မောင်းနှင်ရမည်။

Ø  မိမိကရိန်း ရပ်ထားသည့်နေရာမှ မြေအနေအထားသည် ၀န်ချီလုပ်ငန်းအတွက် စိတ်ချရသည့်၊ အန္တရာယ်ကင်းသည့် အနေအထား ဖြစ်ကြောင်း သေချာစေရမည်။

Ø  အန္တရာယ်မကင်းသည့် အခြေအနေတွေ့ပါက ၀န်ချီခြင်းလုပ်ငန်းကို ရပ်ဆိုင်းထားရမည်။

Ø  ကရိန်းမောင်းနှင်သူနှင့် ၀န်ချီအဖွဲ့ (၀န်ချီလုပ်ငန်းကြီးကြပ်သူ၊ ကြိုးချည်သူ၊ အချက်ပြသူ) တို့သည် နီးနီးကပ်ကပ် ဆက်သွယ်ဆောင်ရွက်ရမည်။

Ø  အကယ်၍ လော်ရီကရိန်းဖြစ်ပါက ခြေထောက် (outrigger) ကို အပြည့်ဆန့်ထုတ်ထားရမည်။

Ø  အကယ်၍ ကရိန်းသည် ကောင်းကောင်းအလုပ်မလုပ်ပါက ၀န်ချီလုပ်ငန်းကို ရပ်နားလျှက် ကရိန်းငှားသည့် ကုမ္ပဏီသို့ ချက်ချင်း အကြောင်းကြားရမည်။

Ø  ဤ၀န်ကို အန္တရာယ်ကင်းစွာ မ,ချီနိုင်ကြောင်း သေချာစေရမည်။

Ø  မည်သည့်အကြောင်းနှင့်မှ ၀န်ချီလျက်တန်းလန်း ကရိန်းကို ရပ်မထားရ။

Ø  လူများအပေါ်သို့ ဖြတ်ကျော် ၀န်ချီခြင်းမပြုရ။

Ø  ကောင်းကင်မီးကြိုးများရှိပါက အထူးသတိထားရမည်။ မီးကြိုးများအနီး ၃ မီတာထက်ပို၍ နီးကပ်စွာ ၀န်ချီခြင်း မပြုရ။

၁၊ ၁၆။ ငြမ်းဆင်လုပ်ငန်း ကြီးကြပ်သူ

Ø  သတ်မှတ်ထားသော စည်းကမ်းနည်းလမ်းများအတိုင်းသာ ငြမ်းဆင်ရမည်။

Ø  ငြမ်းဆင်သည့်နေရာတွင် အနီးကပ်ကြီးကြပ်မှု ပေးရမည်။

Ø  မိမိဆင်ထားသော ငြမ်းစင်ကို ၇ ရက်တစ်ပါတ်ပြည့်တိုင်း လာရောက်စစ်ဆေးကြည့်ရှုကာ အသုံးပြုရန် အန္တရာယ် ကင်းကြောင်း လက်မှတ်ရေးထိုးပေးရမည်။

Ø  အကယ်၍ ဆင်ထားသောငြမ်း၌ ချွတ်ယွင်းချက် တစ်စုံတစ်ရာတွေ့ခဲ့ပါက ချက်ချင်း ပြန်လည်ပြင်ဆင်ရမည်။ ပြင်ဆင်ခြင်း လုပ်ငန်းမပြီးသေးမီ ငြမ်းစင်၌ “အန္တရာယ်ရှိသည်။ အသုံးမပြုရ။” ဟူသော ဆိုင်းဘုတ် ချိတ်ဆွဲထားရမည်။

၁၊ ၁၇။ ဖောင်ဝပ် ကြီးကြပ်ရေးမှူး

Ø  ဖောင်ဝပ်ဆောက်လုပ်ရာတွင် အနီးကပ်ကြီးကြပ်ပေးရမည်။

Ø  ဖောင်ဝပ်ဆောက်လုပ်ပြီးသွားလျှင် အားလုံးနေထားတကျရှိမရှိ၊ အန္တရာယ်ကင်းသည့် အခြေအနေရှိမရှိ စစ်ဆေးကာ ကွန်ကရိလောင်းရန် အန္တရာယ်ကင်းကောင်း လက်မှတ်ထိုးပေးရမည်။

Ø  ကွန်ကရိလောင်းနေစဉ် ဖောင်ဝပ်အနေအထား၊ ခြေထောက်များ၊ ထောင့်ဖြတ် ဒေါက်များ၊ အခြား ထောက်ကန်ထားသည့် ခြေထောက်များ၏ အခြေအနေကို စောင့်ကြပ် စစ်ဆေးနေရမည်။

Ø  အကယ်၍ ဖောင်ဝပ်၏ အခြေအနေသည် အန္တရာယ်မကင်းကြောင်း စစ်ဆေးတွေ့ရှိပါက ချက်ချင်း အရေးယူဆောင်ရွက် ရမည်။

Ø  ဖောင်ဝပ် စစ်ဆေးခြင်း၊ ပြင်ဆင်ခြင်းများကို မှတ်တမ်းတင်ထားရမည်။

၁၊ ၁၈။ အများပြည်သူများ၏ အန္တရာယ်ကင်းရေး

            ဆောက်လုပ်ရေးလုပ်ငန်းသည် လူနေအိမ်ခြေ၊ အများပြည်သူသုံးလမ်းများ စသည်တို့တွင်လည်း တည်ရှိနိုင်သည်ဖြစ်ရာ မိမိ၏ ဆောက်လုပ်ရေးလုပ်ငန်းကြောင့် ထိုလုပ်ငန်းခွင်ပတ်ဝန်းကျင်မှ အများပြည်သူများအား ဘေးအန္တရာယ် တစ်စုံတစ်ရာ မကျ ရောက်စေရန် သတ်မှတ်ထားသော၊ ဥပဒေ၊ စည်းကမ်း၊ လုံးထုံးလုပ်နည်းများနှင့်အညီ အပြည့်အ၀ ကာကွယ်ပေးထားရမည်။

            အကယ်၍ မိမိ၏ လုပ်ငန်းကြောင့် အများပြည်သူတစ်စုံတစ်ဦးအား ထိခိုက်ခဲ့ပါက ထိုထိခိုက်နစ်နာမှုအတွက် စီမံကိန်း အုပ်ချုပ်မှုအဖွဲ့က လုံးဝတာဝန်ယူ ဖြေရှင်းပေးရမည်။