ECO (Environmental Control Officer) တစ်ဦး၏ တာဝန်ဝတ္တရားများ (၂)

(၆) ပိုးမွှားကောင်များ ထိန်းသိမ်းရေး (Pest Control)

            ECO ၏ နောက်တာဝန်တစ်ခုမှာ ပိုးကောင်မွှားကောင်များ မပျံ့ပွားစေရန် ထိန်းသိမ်းထားရေး ဖြစ်၏။  ပိုးကောင်မွှားကောင် (Pest) ဟု ဆိုရာတွင် ခြင်၊ ယင်၊ ကြမ်းပိုး၊ ကြွက်၊ ခြ၊ ပိုးဟပ် အကုန်ပါသည်။ သို့သော် ECO နှင့် သက်ဆိုင်သော ပိုးကောင်များမှာ အဓိကအားဖြင့် ခြင်၊ ယင်၊ ကြွက်၊ ပိုးဟပ် လေးမျိုးဖြစ်၏။ ထိုအထဲတွင် ခြင်နှင့် ကြွက်မှာ အဓိကပိုကျသည်။

            ထိုပိုးမွှားကောင်များကို ထိန်းရန်အတွက် လုပ်ငန်းရှင်က Pest Control ကုမ္ပဏီကို ငှားရသည်။ ထိုအငှားစာချုပ် PCO Contract (Pest Control Operator Contract) ကို NEA သို့ တင်ပြရသည်။ ထိုစာချုပ်၌ တစ်ပတ်လျှင် ဘယ်နှကြိမ် ဆေးဖြန်းမည်။ ဘယ်နှကြိမ် မီးခိုးမှိုင်းတိုက် (fogging) မည် စသည်တို့ ပါရသည်။ ပိုးမွှားများထိန်းချုပ်ရေး အစီအမံ (vector control programme) ကို NEA သို့ တင်ပြရသည်။

            အနည်းဆုံးတော့ တစ်ပါတ်တစ်ခါ ဆိုဒ်ထဲလှည့်လည် စစ်ဆေးရသည်။ စစ်ဆေးချက်မှတ်တမ်းလည်း ပြင်ထားရ ပါမည်။ အဓိကကတော့ ခြင်ပေါက်ပွားမှုရှိမရှိ စစ်ဆေးရန် ဖြစ်၏။

ယင်နှင့်ပိုးဟပ်ကို ထိန်းရန် လွယ်ပါသည်။ ထိုအကောင်ပလောင်လေးများ မလာစေရန် အစားအသောက် အကြွင်း အကျန်များအားလုံးကို လွှင့်ပစ်ပါ။ အစားအသောက်အမှိုက်ကို ၂၄ နာရီအတွင်းပစ်ရမည်ဟု ဥပဒေဖြင့် ပြဌာန်းထား၏။ အစားအသောက်အမှိုက်ထည့်သည့် အမှိုက်ပုံးမှာ အဖုံးပါရမည်။ အမှိုက်ပုံးကို အမြဲဖုံးထားရမည်။ အစားအသောက်များကို လေလုံသည့်ပုံး (air tight container) အတွင်း ထည့်ထားရမည်။

ခြင်အကြောင်းကတော့ တော်တော်လေးများပါသည်။ ကျွန်တော် ECO သင်တန်း စာမေးပွဲဖြေတုံးက အတော် ခေါင်းခြောက်အောင် ကျက်ခဲ့ရသည်။ သို့တိုင် သေသေချာချာ မမှတ်မိ။ ဘယ်လိုခြင်က ရေမျက်နှာပြင်နားမှ ပေါက်သည်။ ဘယ်လိုခြင်လောင်းက ရေအောက်မှာ နေသည်။ ဘယ်လိုခြင်က ချောင်ကြိုက်သည် စသည်။ သေသေချာချာ ကျက်ထားတာတောင် စာမေးပွဲခန်းထဲရောက်တော့ အကုန်ရောကုန်လို့ အောင်မှအောင်ပါ့မလား စိတ်တထင့်ထင့်။ ဖြေရတာက အွန်လိုင်း ဖြေရတာဖြစ်၏။ ဖြေပြီး submit လုပ်လိုက်သည်နှင့် ပြန်ပြင်လို့မရတော့။ အောင်မယ်၊ ဘယ်လိုခြင်မျိုးက မီတာ ၁၅၀ အတွင်းမှာဘဲ နေသည်။ ဘယ်လိုခြင်မျိုးကျတော့ ခရီးဝေးထွက်သည် ဆိုတာတောင် ပါသေး။ ဘယ်လိုစမ်းသလဲဆိုတော့ ခြင်ကို ဆေးသုတ်လွှတ်ပြီး အဲဒီဆေးနောက် ခြေရာခံလိုက်ပါသတဲ့။ မှတ်ကရော့။

ခြင် အကြောင်း နည်းနည်းလျှာရှည်ရလျှင် ခြင်ထီးများမှာ သက်သတ်လွတ်သမားများဖြစ်၏။ သွေးမစုပ်။ ပန်းပွင့်များမှ ပန်းဝတ်ရည်ကိုသာ သောက်သုံးသည်။

ညဘက် မိတ်ဆွေတို့ နား နား တွင် တ၀ီဝီဖြင့် သွေးစုပ်ဖို့ ချောင်းနေသူများမှာ ခြင်မ များ ဖြစ်သည်။ မ, ဆိုလျှင် ခြင်မ, တောင်မကောင်း။ (ဟုတ်ပေါင်၊ ယောင်လို့)

ဗဟုသုတအဖြစ် ထပ်မံဖြည့်စွက်ရလျှင် ခြင်လောင်း၊ ပိုးလောက်လန်းကလေးများမှာ အင်မတန် ထူးဆန်းသည့် သဘာဝရှိသည်။ ထိုလောက်လန်းကလေးများမှာ ရေရှိလျှင် တစ်ပတ်အတွင်း ခြင်ဖြစ်လာပြီး ရေမရှိလျှင် တစ်နှစ်လောက်ထိ အသက်ဆက်နေနိုင်သည်ဆို၏။ ဥပမာ - ရေအိုးအတွင်း ခြင်လောက်လန်းကလေးများ ရှိနေပြီဆိုပါစို့။ ထိုရေအိုးကို သွန်လိုက်ပြီးသည့်နောက် လောက်လန်းကလေးများမှာ ရေအိုးနံရံတွင် ကပ်ကျန်ခဲ့သည်။ ထိုရေအိုးကို တစ်နှစ်ခန့် ရေမထိဘဲထားပြီး တစ်နှစ်ကျော်မှ ရေပြန်ဖြည့်လျှင် ယခင်အိုးနံရံ၌ကပ်ကျန်နေခဲ့သည့် လောက်လန်းကလေးမှာ အသက်ပြန်ဆက်လာကာ ခြင်ဘ၀သို့ ကူးပြောင်း ရောက်ရှိသွားသည် ဟူ၏။

ခြင်သံသရာ

အခြေအနေပေးလျှင် လောက်လန်းကလေးမှာ တစ်ရက်အတွင်း ဥကိုခွဲကာ ထွက်လာသည်။ လေးရက်လောက်ကြာ တော့ ပိုးလောက်လန်းကြီး ဖြစ်လာ၏။ နောက်နှစ်ရက်လောက်ကြာတော့ ခြင် ဖြစ်လာပြီ။ ခြင်မ သည် မျိုးစေ့ချရန် (ဥ ဥရန်) ပရိုတိန်းလိုသည်။ ထို့ကြောင့် သွေးစုပ်ရသည်။ လူထံမှ သွေးစုပ်အပြီး ၃ ရက်အကြာတွင် ဥ ဥ တော့သည်။ ဤသည်ပင် ခြင် သံသရာ ဖြစ်တော့သည်။

လူကိုမကိုက်သော ခြင်ထီးက တစ်ပတ်လောက်ပဲ အသက်ရှည်သည်။ လူသွေးစုပ်သည့် ခြင်မ, ကျတော့ အေး၍မှောင်သော လိုဏ်၊ ချောင်ကြိုမြောင်ကြား စသည်တို့၌ အခြေအနေပေးလျှင် ပေးသလို သုံးပတ်မှ တစ်လလောက်ထိ အသက်ရှည်၏။ အခြေအနေမပေးပါက သာမန်အနေအထားတွင်ပင် နှစ်ပတ်မှ သုံးပတ်ထိ အသက်ရှည်နိုင်သည်ဟု ဆိုသည်။

အမှန်မှာ ခြင်က လူကိုရောဂါဖြစ်စေတာ မဟုတ်ပါ။ ခြင်က ရောဂါရှိသောလူကို ကိုက်လိုက်ပြီး ထိုလူ့ထံမှ ရောဂါပိုးများကို ယူလာ၊ နောက်လူတစ်ဦးကို ကိုက်လိုက်ခြင်းဖြင့် ထိုရောဂါပိုးများကို မိမိကိုက်လိုက်သူအား လက်ဆောင် ပေးလိုက်ခြင်းဖြစ်၏။ ထို့ကြောင့် ခြင်မ, များမှာ တစ်နည်းအားဖြင့် သယ်ယူပို့ဆောင်ရေး ၀န်ကြီးဌာနမှ အင်မတန် တာဝန်ကျေပွန်သော ၀န်ထမ်းများ ဖြစ်ချေသည်။

ဤတွင် ကြားဖြတ်ပြောရလျှင် ဟိုတလောက သတင်းစာ၌ စင်ကာပူတွင် ခြင်ထီးများကို သင်းကွပ်ပေးမည်ဆိုလား သတင်းစာတွင် ဖတ်လိုက်မိ၏။ ထိုအကြောင်း ဆောင်းပါးရေးရန် ကြံသေးသော်လည်း ကွန်ပြူတာပျက်နေသဖြင့် ကိုယ့်အပူနှင့် ကိုယ် မအားလပ်သောကြောင့် မရေးလိုက်နိုင်။ တနည်းအားဖြင့် နတ်ကွတ်ခြင်ထီးများ မွေးထုတ်ပြီး ခြင်မများကို မျိုးတုံးစေရန် ကြံရွယ်ခြင်းဖြစ်၏။ (မင်းတို့နှယ်၊ ကြံကြံဖန်ဖန်ကွာ၊ ခြင်များ - သင်းရတယ်လို့ ဟု ၀ါးတောကွင်းရွာမှ ကျွန်တော့်ဘကြီးများ နှုတ်ခမ်းမဲ့မှာ မြင် မြင်ယောင်မိသေးတော့။)

ဤသတင်းကြားလေသော် ခြင်ထီးအပေါင်းမှာ စင်ကာပူမှ မိုက်ဂရိတ်လုပ်ကြရန် ခြင်ပေါင်းစုံ အရေးပေါ်ညီလာခံ ကျင်းပကြသည်ဟု Real Singapore ဖေ့စ်ဘုတ်တွင် ဖတ်မိလိုက်ပါသေးသည်။ 

            ခြင်ကိုရှင်းရန်အတွက် ၎င်းတို့က eliminate by source ဟု နည်းပေးသည်။ ခြင်ပေါက်ပွားနိုင်သည့် နေရာအားလုံးကို ရှင်းလင်းပစ်ပါ ဟု ဆိုလိုခြင်းဖြစ်၏။ သို့ဆိုလျှင် မည်သည့်နေရာတွင် ခြင် ပေါက်သနည်း။ ရေရှိလျှင် ခြင်ရှိမည်။ သို့မို့ကြောင့် ရေ၀ပ်နိုင်သည့် နေရာမှန်သမျှ အကုန်ရှင်းထုတ်ရမည်။ မည်သည့်နေရာများကို စစ်ရမည်နည်း။

            Code of Practice for Environmental Control Officers တွင် အောက်ပါနေရာများကို စစ်ပါဟု ဖော်ပြထား၏။

၁။ အမှိုက်များ ပစ်ထားသည့်နေရာ

၂။ ကင်းဘတ်စ၊ အဆောက်အဦးဆောက်လုပ်ရန် ပစ္စည်းများ စုပုံထားသည့်နေရာ၊ စက်ကိရိယာများ

၃။ မြေကြီးပေါ်မှ ချိုင့်ခွက်များ

၎။ ကွန်ကရိကြမ်းခင်းနှင့် အထပ်မြင့်များရှိ ပေါက်ပြဲနေသော ကြမ်းခင်းများမှ ချိုင့်ခွက်များ

၅။ ရေလှောင်ကန်များ၊ တိုင်ကီများ၊ ရေပုံး၊ ရေချိုင့်များ

၆။ အမှိုက်လှောင်ကန်ကြီးများ

၇။ ရေမြောင်းများ

၈။ ဓာတ်လှေခါးလိုဏ်များ

၉။ ယာယီရေနှုတ်မြောင်းများ

၁၀။ လေအေးစက်များ

၁၁။ ယာယီရုံးခန်းနှင့် အမိုးပြားအဆောက်အဦများ

            မည်မျှ အသေးစိတ်လိုက်ပါသနည်း။ ဆက်ဖတ်ကြည့်ပါ။

Ø  ပုံးများ၊ ခွက်များမှ ရေအကြွင်းအကျန်များကို သွန်ပြီး မှောက်ထားပါ။ အခြား စက်ကိရိယာစသည်တို့ကို အမိုးအကာ အောက်တွင် ထားပါ။

Ø  လုပ်ငန်းခွင်ကို အမှိုက်သရိုက်ကင်းနေစေရန် အမြဲထိန်းထားပါ။ လုပ်ငန်းခွင်မှထွက်လာသည့် အမှိုက်သရိုက်အားလုံးကို အမှိုက်စွန့်ကန်အတွင်း ချက်ချင်းစွန့်ပစ်ပါ။ အမှိုက်စွန့်ကန်ကိုလည်း နေ့စဉ် သို့မဟုတ် အမှိုက်ကန်ပြည့်လာသည့်အခါတိုင်း စွန့်ပစ်ပါ။

Ø  ဆောက်လုပ်ရေးသုံးပစ္စည်းများကို တတ်နိုင်သမျှ အမိုးအကာအောက်တွင် ထားပါ။ ထားရာတွင်လည်း အောက်ဘက်တွင် ရေ၀ပ်နေခြင်းကို ရှင်းလင်းနိုင်ရန် ကြမ်းပြင်မှ အနည်းဆုံး ၆၀၀ မီလီမီတာ မြှင့်၍ထားပါ။ ရေ၀ပ်နေပါက ခြင်ဆေးဖြန်းပါ။

Ø  ၀ပ်နေသော ရေများကို စုပ်ထုတ်ပစ်ပါ။ ချိုင့်နေသောနေရာများကို ညီအောင် မြေဖို့ပေးပါ။

Ø  ချိုင့်များအတွင်း ၀ပ်နေသောရေများရှိလျှင် ခြင်ဆေးခဲများဖြူးပေးပါ။ ထောင်ထားသော ပိုက်ဝများကို ဖုံးကာထားပါ။

Ø  အုတ်ပေါက်များကို မဆလာဖြင့် လုံအောင်ပိတ်ပါ။

Ø  ရေ၀ပ်ရာနေရာများကို အနည်းဆုံး တစ်ပါတ်တစ်ကြိမ် ခြင်ဆေးဖြန်းပါ။ မိုးရွာလျှင် ဖြန်းထားသောဆေးများသည် မိုးရေနှင့်အတူ ပါသွားမည်ဖြစ်သဖြင့် မိုးရွာပြီးတိုင်း ခြင်ဆေးဖြန်းဘို့လိုပါသည်။

Ø  လုပ်ငန်းခွင်အတွင်း ခြင်များတွေ့လာပြီဆိုပါက ခြင်ဆေးမီးခိုး (fogging) မှုတ်ပေးရန် လိုပါသည်။

Ø  ငှက်ဖျားဖြစ်နိုင်ချေရှိသောနေရာများ၌ တစ်လတစ်ကြိမ် ရုံး အဆောက်အဦးများ၏ အတွင်းအပြင်နံရံများကို (residual sparying) ဆေးဖြန်းပေးရမည်။

ကြွက်များကတော့ တွေ့ရခဲပါသည်။ အကယ်၍ ကြွက်တွေ့ခဲ့လျှင် pest control ကို အကြောင်းကြားပြီး ရှင်းခိုင်းနိုင် ပါသည်။ ECO ၏ အလုပ်မှာ မိမိဆိုဒ်အတွင်း ကြွက်တွင်းများရှိမရှိ၊ ကြွက်သွားလမ်းများရှိမရှိ ပုံမှန် စစ်ဆေးရန် ဖြစ်ပါသည်။ အမှန်က စစ်စရာတောင် မလိုပါ။ ကြွက်ဆိုတာ အမြဲတွင်းအောင်းနေတာ မဟုတ်သဖြင့် အပြင်ထွက်လာသည့်အခါ တစ်ယောက်မဟုတ်၊ တစ်ယောက် တွေ့ပါလိမ့်မည်။ ကိုယ်က ကြွက်တွေ့လျှင် သတင်းပေးဘို့ အလုပ်သမားအားလုံးကို မှာထားရန်သာ လိုပါသည်။

           

            ECO ၏ လုပ်ငန်းတာဝန်များကို ရေးထားတာ ၁၂ မျက်နှာရှိပါသည်။ အစားအသောက်၊ အိမ်သာလိုအပ်ချက်၊ အလုပ်သမားများ၏ တစ်ကိုယ်ရေသန့်ရှင်းရေး စသဖြင့် အတော်များ။ သို့သော် သိပ်စိတ်ဝင်စားစရာမကောင်းသဖြင့် ချန်ခဲ့ပါတော့မည်။ သည်လောက်ဆို အတော်ပြည့်စုံ လုံလောက်ပါပြီ။

            တုတ်ကိုကြောက်၍ စာအံရသော ကလေးမျိုးမဖြစ်ပါစေနှင့်။ ဥပဒေသည် ဥပဒေသာဖြစ်၏။ အရေးကြီးသည်မှာ ကိုယ့်ကိုယ်ကိုယ် တန်ဘိုးထား လေးစားတတ်ရန် ဖြစ်ပါသည်။ ကိုယ့်ကိုယ်ကိုယ် ရိုသေမှ ကိုယ့်တာဝန်ကိုယ် လေးစားမည်။ ဘယ်သူပြောပြော မပြောပြော၊ ဘယ်သူစစ်စစ် မစစ်စစ်၊ တာဝန်သည် တာဝန်သာဖြစ်၏။ သည်ဟာကိုလုပ်ဖို့ သည်လခ ပေးထားခြင်းဖြစ်သဖြင့် ကိုယ်လုပ်စရာရှိသည်ကိုတော့ ကိုယ့်အသိနှင့်ကိုယ် လုပ်ရမည်သာ ဖြစ်ပါသည်။

ဖတ်ရှုအားပေးသူအားလုံးကို အထူးကျေးဇူးတင်ပါသည်။

(ရန်ကုန်က ဂျာနယ်တစ်ခုက မြန်မာပြည်ပြန်မလာခင် တစ်ပုဒ်လောက် ရေးပေးပါဦးဆိုလို့ ရေးလိုက်ဦးမဗျာ။)

အေးငြိမ်း

၁၅ ဒီဇင်ဘာ၊ ၂၀၁၄။ ည ၁၁း၁၅ နာရီ

ရည်ညွှန်းကိုးကား စာအုပ်စာတမ်းများ

http://app2.nea.gov.sg/…/cmsresour…/20091026433417663697.pdf

http://www.pub.gov.sg/ecm/download/Documents/ECM_Guidebook.pdf

http://www.dengue.gov.sg/subject.asp?id=12

WSH (Noise) Regulations

EPMA (Boundary Noi

http://statutes.agc.gov.sg/aol/search/display/view.w3p;page=0;query=DocId%3A%2285f6db58-bacd-4542-8855-816a649859fd%22%20Status%3Ainforce%20Depth%3A0;rec=0