Wednesday, June 13, 2012

ဓါတ်ငွေ့ပိုက်လိုင်းအကြောင်း သိကောင်းစရာ (၂)

အခန်း (၂)

သဘာဝဓါတ်ငွေ့ပိုက်လိုင်း တည်ဆောက်ခြင်းလုပ်ငန်း

            မည်သည့်ဓါတ်ငွေ့ပိုက်လိုင်း ဒီဇိုင်း၊ တည်ဆောက်မှု၊ စမ်းသပ်မှု၊ မောင်းနှင်မှုမျိုးကိုမဆို သတ်မှတ်ထားသော နည်းဥပဒေ၊ စံနှုံးများ၊ ဒေသဆိုင်ရာလိုအပ်ချက်များနှင့်အညီ ဆောင်ရွက်ရမည်။ (အမေရိကန်ရှိ ဓါတ်ငွေ့ပိုက်လိုင်း တည်ဆောက်မှုနှင့် ပတ်သက်သောစံနှုံးမှာ DOT Regulations 49 CFR Part 192, “Transportation of Natural Gas and Other Gas by Pipeline: Minimum FederalSafety Standards”  ဖြစ်ပါသည်။) ထိုစံနှုံးများသည်လည်း ဓါတ်ငွေ့ပိုက်လိုင်း မတော်တဆမှု၊ ချို့ယွင်းမှုများမဖြစ်စေရန်၊ အများပြည်သူ၏ အသက်အိုးအိမ်၊ စည်းစိမ်ကို မထိခိုက်စေရန်၊ သဘာဝပတ်ဝန်းကျင်ကို မပျက်စီးစေရန် ရည်ရွယ်ရေးဆွဲထားခြင်းဖြစ်သည်။
            အခြား ဒီဇိုင်းစံချိန်စံညွှန်းများအပြင် အပိုဒ် ၁၉၂ တွင် ပိုက်လိုင်းတည်ဆောက်မည့် ပစ္စည်းအမျိုးအစား၊ အရည်အသွေး၊ အနည်းဆုံး ဒီဇိုင်းလိုအပ်ချက်များ၊ ပိုက်လိုင်းအတွင်းအပြင်ကို ရာသီဥတုဒဏ်မှ ကာကွယ်ပေးရန် အစရှိသည်တို့ကို သီးသန့်ပြဌာန်းထားပါသည်။

၂၊ ၁။ ယေဘူယျ ပိုက်လိုင်းတည်ဆောက်မှု အစီအစဉ်

            မည်သည့်ဆောက်လုပ်ရေးလုပ်ငန်းမှ မစမီ ပိုက်လိုင်းပြေးမည့်နေရာတစ်လျှောက် ပိုက်လိုင်းတပ်ဆင်ရေးလမ်းများ၊ လုပ်ငန်းခွင် စခန်းများ၊ ပစ္စည်းသိုလှောင်မည့် နေရာများ၊ မည်သည့်သစ်တောမြေ၊ စိုက်ပျိုးမြေ စသည်တို့ကို ဖြတ်သွားသနည်း စသည်တို့ကို တိုင်းထွာ သတ်မှတ်ခြင်းများ ပြုရပါမည်။ ရွာ၊ မြို့အနီး၊ စိုက်ခင်း စသည်တို့ကို ဖြတ်သန်းရန် လိုအပ်လျှင် သက်ဆိုင်ရာ ကျေးရွာ၊ မြို့များမှ အုပ်ချုပ်ရေး အဖွဲ့များနှင့် ညှိနှိုင်းတိုင်ပင်ကာ သဘောတူညီချက်ယူရပါမည်။ စိုက်ခင်းများဖြတ်သန်းခြင်းအတွက် လိုအပ်သော လျော်ကြေး၊ နစ်နာကြေး များပေးရန် စီစဉ်ဆောင်ရွက်ရပါမည်။
            လျော်ကြေးဆိုရာတွင် လက်ရှိပျက်စီးသွားသော သီးနှံ၊ အပင်များကိုသာမက ဆောက်လုပ်ရေးလုပ်ငန်းများ လုပ်နေစဉ် လုပ်ငန်းများ ရပ်တန့်ထားရသည့်အတွက် နစ်နာကြေး၊ နှစ်ရှည်ပင်များဖြစ်ပါက အပင်များပြန်စိုက်ပေးမည်၊ သို့မဟုတ် တစ်ပင်လျှင် မည်မျှနှုံးဖြင့် ပေးလျော်မည်၊ အကယ်၍ သစ်တောများကို ခုတ်ထွင်ရှင်းလင်းရလျှင် သစ်ပင်များ ပြန်လည်ရှင်သန်ကြီးထွားလာအောင်  မည်သို့စီမံပေးမည်၊ အစရှိသည် အားလုံးပါဝင်ပါသည်။ ထိုအရာများမှာ ရက်အနည်းငယ်အတွင်း ပြီးနိုင်သော ကိစ္စများ မဟုတ်ရကား၊ ပိုက်လိုင်းမပြေးမီ လ အတန်ကြာကပင် ကြိုတင်စီစဉ်ထားရမည့် အရာများ ဖြစ်ပါသည်။
            ယေဘူယျအားဖြင့် ပိုက်လိုင်းတစ်ခုပြေးတော့မည့် ဆိုလျှင် အောက်ပါလုပ်ငန်းများ ပါဝင်ပါမည်။

v  မြေတိုင်းခြင်း
v  ပိုက်လိုင်းချရန် လမ်းအူကြောင်းဖောက်လုပ်ခြင်း၊
v  မြေရှင်းခြင်း၊ မြေညှိခြင်း၊ ပိုက်လိုင်းတပ်ဆင်ရေးလမ်းများ ဖောက်လုပ်ခြင်း
v  ပိုက်လိုင်းချရန် မြောင်းတူးခြင်း
v  ပိုက်များချခြင်း
v  ကွေ့သွားသောနေရာများအတွက် ပိုက်များကို ကွေးခြင်း
v  ဂဟေဆော်ခြင်း
v  ပိုက်များကို မြောင်းအတွင်းချခြင်း
v  ပိုက်လိုင်းကို ရေထည့်စမ်းသပ်ခြင်း
v  ပိုက်လိုင်းအတွင်းပိုင်းကို သန့်စင်ခြင်း
v  လိုအပ်သောကိရိယာ၊ မီတာ၊ အထိန်းနေရာများဖြင့် ဆက်ခြင်း
v  အစမ်း မောင်းနှင်ခြင်း

ဤစံပိုက်လိုင်းဆင်ခြင်း အစီအစဉ်အပြင် ဒေသလိုအပ်ချက်အလိုက် ပြုပြင်ယူရမည့်နည်းလမ်းများလည်း ရှိမည်ဖြစ်ရာ ထိုနည်းလမ်း များကို ပိုက်လိုင်းဆင်မည့် ကုမ္ပဏီအနေဖြင့် ကြိုတင်စီစဉ်၊ တွက်ချက်ထားရန် လိုပါသည်။ ထိုအထဲတွင် ပိုက်လိုင်းသည် ရထားလမ်းများ၊ အဝေးပြေးလမ်းမကြီးများ၊ ရွှံညွံအိုင်များ၊ ရေအိုင်များ၊ ကျောက်တောင်များ၊ ကတ္တရာခင်းလမ်းများ စသည်တို့ကို ဖြတ်သွားသည့်အခါ မည်ကဲ့ သို့သော နည်းပညာဖြင့် ဖြတ်သန်းမည်နည်း ဆိုသည်ကို ကြိုတင်တွက်ဆလျှက် ထိုလုပ်ငန်းများတွင် အထူးကျွမ်းကျင်သော ကန်ထရိုက် ကုမ္ပဏီများနှင့် ဆက်သွယ်ထားရန်၊ ကြိုတင်ညှိနှိုင်းထားရပါမည်။


၂၊ ၁၊ ၁။ ခွင့်ပြုမိန့်များ

            ပိုက်လိုင်းဟူသည် ဒေသပေါင်း အတော်များများကို ဖြတ်သွားရမည်ဖြစ်ရာ ပိုက်လိုင်းပြေးရန်အတွက် ဒေသဆိုင်ရာ အာဏာပိုင်များ၏ ခွင့်ပြုမိန့်များ ကြိုတင်ရယူထားရန် လိုပါသည်။ ထိုခွင့်ပြုမိန့်များတွင် သဘာဝ သယံဇာတ အရင်းအမြစ်များဖြစ်သည့် သစ်ပင်၊ တောတောင်၊ ရေတွင်း၊ ရေကန်၊ မြစ်ချောင်းအင်းအိုင်၊ နှစ်ရှည်ပင်စိုက်ခင်း၊ တောင်သူစိုက်ခင်း၊ သာသနာ့နယ်မြေ၊ နွားစားကျက်၊ ကြိုးဝိုင်းသစ်တော အစရှိသည် အားလုံးပါဝင်ပါသည်။

ဒေသန္တရ (ကျေးလက်၊ မြို့နယ်)

v  အဆောက်အဦဆောက်လုပ်ခွင့်
v  လမ်းများဖြတ်သန်းခွင့်

ပြည်နယ်၊ တိုင်း

v  မြေတူးခွင့်၊ မြေဖို့ခွင့်၊ မြေပုံခွင့်၊ မြေထု ညစ်ညမ်းမှုကို ထိန်းသိမ်းရေး
v  ပိုက်လိုင်းအား ရေထည့်စမ်းသပ်ရန်လိုအပ်သောရေ ရယူသုံးစွဲခွင့်
v  စမ်းသပ်ခြင်းမှ စွန့်ထုတ်လိုက်သောရေများကို မြစ်ချောင်းအင်းအိုင်များအတွင်း စွန့်ပစ်ခွင့်၊ ရေထုညစ်ညမ်းမှုကို ထိန်းသိမ်းရေး
v  ချောင်းမြောင်းများ၊ မြစ်များ၊ အင်းအိုင်များကို ဖြတ်သန်းဖောက်လုပ်ခွင့်
v  သာသနာပိုင်မြေပေါ် ဖြတ်သန်းသွယ်တန်းခွင့်
v  ယဉ်ကျေးမှုနယ်မြေများအား ဖြတ်သန်းခွင့်၊ ယဉ်ကျေးမှုအဆောက်အအုံများ မပျက်စီးစေရန် ထိန်းသိမ်းရေး
v  တောတောင်များအား ဖြတ်သန်းရလျှင် တောရိုင်းတိရိစ္ဆာန်၊ သစ်ပင်ပန်းမာလ်၊ ရှားပါးအပင်မျိုးစိတ်စသည်တို့ကို မထိခိုက်စေရန် ထိန်းသိမ်းရေး
v  လေထုညစ်ညမ်းမှုကို ထိန်းသိမ်းရေး
v  အဝေးပြေးလမ်းမကြီးများနှင့် အပြိုင် သို့မဟုတ် ဖြတ်သန်း ဖောက်လုပ်ခွင့်

အစိုးရ

v  စိမ့်မြေ၊ ညွန်အိုင် စသည်တို့ကို ဖြတ်သန်းခွင့် နှင့် ၎င်းတို့ကို မပျက်စီးအောင် ထိန်းသိမ်းရန်
v  မြစ်ချောင်းအင်းအိုင်များ ဖြတ်သန်းခွင့် နှင့် ၎င်းတို့ကို မပျက်စီးအောင် ထိန်းသိမ်းရန်
v  ရှားပါးငါး၊ တိရိစ္ဆာန်၊ သစ်ပင်ပန်းမာလ်တို့ကို မပျက်စီးအောင် ထိန်းသိမ်းရန်
v  (မီးခိုးများထုတ်လွှတ်မှု) လေထုညစ်ညမ်းမှုကို ထိန်းသိမ်းရန်
v  ပတ်ဝန်းကျင်အရင်းအမြစ်ဆိုင်ရာ အစီရင်ခံစာများ (EIA Report etc…)
v  ဆူညံမှု ထိန်းသိမ်းရန်
v  အဝေးပြေးလမ်းမကြီးများဆိုင်ရာ ခွင့်ပြုမိန့်များ
v  ရထားလမ်းများဆိုင်ရာ ခွင့်ပြုမိန့်များ

ထိုခွင့်ပြုမိန့်များကို လုပ်ငန်းမစတင်မီ ကြိုတင်ရယူထားရမည်။ ရလာသော ခွင့်ပြုမိန့်အားလုံးကို ဒေသဆိုင်ရာ အာဏာပိုင်အဖွဲ့အစည်း များသို့ တင်ပြရမည်။


၂၊ ၁၊ ၂။ မြေတိုင်းခြင်း၊ အလံစိုက်ခြင်း

            ဆောက်လုပ်ရေးလုပ်ငန်းများအတွက် ပထမဦးဆုံး စတင်လုပ်ဆောင်ရမည်မှာ မိမိတို့ခွင့်ပြုမိန့်ရရှိထားသော နယ်နိမိတ်အား အလံ တိုင်များ စိုက်ထူသတ်မှတ်ခြင်းဖြစ်ပါသည်။ ဤနယ်မြေတွင် ပိုက်လိုင်းပြေးမည့် လမ်းကြောင်းတစ်လျှောက်၊ ဆောက်လုပ်ရေးစခန်းများ၊ လမ်းများ၊ ပစ္စည်းထားမည့်နေရာများ စသည်တို့ပါဝင်ပါသည်။ ယဉ်ကျေးမှုနယ်မြေ၊ သာသနာနယ်မြေ၊ မြစ်ချောင်း၊ လမ်း၊ အဝေးပြေးလမ်း၊ ရထားလမ်း စသည့်နေရာတို့တွင် အလံတိုင်သာမက ခြံစည်းရိုးပါ ခတ်ထားရပါမည်။
            ပိုက်လိုင်းချရန် မြေစမတူးမီ မြေတိုင်းအဖွဲ့သည် ပိုက်လိုင်းအလယ်မှတ် နှင့် မြောင်းအကျယ်များကို အလံတိုင်စိုက်ထူ သတ်မှတ် ထားရမည်။













No comments: