လုပ်ငန်းခွင်အန္တရာယ်ကင်းရှင်းရေးမိတ်ဆက်သင်တန်း မှတ်စု (ဆောက်လုပ်ရေး) (၂)

၃။ သင်္ကေတများ၊ အမှတ်လက္ခဏာများ (Sign and Symbols)

            လုပ်ငန်းခွင်အတွင်း၌ အန္တရာယ်ကင်းရှင်းရေးဆိုင်ရာ ဆိုင်းဘုတ်များ၊ သင်္ကေတများကို ချိတ်ဆွဲပြသထားသည်ဖြစ်ရာ ထိုသင်္ကေတများသည် မည်သည်ကိုဆိုလိုကြောင်း ကောင်းစွာနားလည်ထားရန် လိုပါသည်။

သင်္ကေတများကို အပြာရောင်၊ အ၀ါရောင်၊ အနီရောင် နှင့် အစိမ်းရောင် ဟု အရောင်များဖြင့် ခွဲခြားထားပါသည်။

အပြာရောင်မှာ “မဖြစ်မနေလိုက်နာရမည့်” အရာများဖြစ်၏။ အောက်ပါသင်္ကေတများကို ကြည့်ပါ။

ပီပီအီးများကို အပြာရောင်ဖြင့် ပြထားပါသည်။ အပြာရောင်ဖြင့် ခမောက် (helmet) ကို ပြထားပါက ထိုနေရာတွင် ခမောက် ဆောင်းကို ဆောင်းရပါမည်။

            အ၀ါရောင်မှာ “သတိပေး” သည့် သင်္ကေတအမှတ်အသားဖြစ်၏။

အနီရောင်မှာ “အန္တရာယ်” အမှတ်သင်္ကေတဖြစ်၏။

အစိမ်းရောင်မှာ အန္တရာယ်ကင်း၊ ထွက်ပေါက်၊ စုရပ် စသည် သင်္ကေတဖြစ်၏။

အနီရောင်ကန့်လန့်ဖြတ်မျဉ်းသည် “မလုပ်ရ” ဟူသော သင်္ကေတဖြစ်၏။

၎။ သန့်ရှင်းရေး (House Keeping)

            သန့်ရှင်းရေးသည် ဆောက်လုပ်ရေးလုပ်ငန်းအတွက် အခြေခံလိုအပ်ချက်တစ်ခုဖြစ်၏။ အမှိုက်သရိုက်များနှင့် ရှုပ်ပွ နေသောနေရာသည် ခလုတ်တိုက်လဲနိုင်သည်။ မီးလောင်နိုင်သည်။ အကယ်၍ ခလုတ်တိုက်လဲရာမှ ထောင်နေသော သံချောင်းပေါ် လဲကျလျှင် သို့မဟုတ် ချထားသော သံယက်မနှင့် ခေါင်း၊ ရိုက်မိလျှင် အသက်အန္တရာယ်ပင်ရှိပါသည်။ ထိုအခါ ထို မတော်တဆမှုများကြောင့် လုပ်ငန်းကိုလည်း နှောင့်နှေးစေသည်။

              တစ်နေ့တာ လုပ်ငန်းများပြီးသွားလျှင် အလုပ်မသိမ်းမီ မိမိလုပ်ကိုင်ခဲ့သည့်နေရာကို သန့်ရှင်းရေးလုပ်ရမည်။ သန့်ရှင်းရေးကို နေ့တိုင်းလုပ်ရန်လိုသည်။

ပစ္စည်းများကို စနစ်တကျ သိုလှောင်ပါ။ ထားသိုပါ။

၅။ ပစ္စည်းများ ကိုင်တွယ်ခြင်း၊ မ,ခြင်း (Material Handling)

            ပစ္စည်းများကို စနစ်တကျ မ,မတတ်လျှင် ခါးနာတတ်သည်။

ပစ္စည်းများကို မ,တော့မည်ဆိုလျှင် မ,မ မီ သင့်ကိုယ်သင် ဦးစွာမေးပါ။

Ø  ဒီပစ္စည်းကို ငါမ,နိုင်ပါ့မလား။

Ø  ဘယ်လောက်လေးသလဲ။

Ø  ဘယ်လောက်ဝေးဝေးထိ သယ်သွားရမလဲ။

Ø  နောက်အကူအညီတစ်ယောက်ယောက် ခေါ်ဘို့လိုမလား။ စက်ကိရိယာသုံးဘို့ လိုမလား။

သင် မ,ကို မ,ရတော့မည် ဆိုပါက အောက်ပါနည်းလမ်းအတိုင်း မ,ပါ။

၁) ပစ္စည်းနှင့် အနီးဆုံးတွင် ကပ်ထိုင်လိုက်ပါ။ ပစ္စည်းကို ကိုယ်နှင့် အနီးဆုံးတွင်ရှိပါစေ။

၂) မ,ရာတွင် ခါးကို အတတ်နိုင်ဆုံး မတ်မတ်ထားပါ။

၃) မ,သည့်အားကို ခြေထောက်များပေါ်တွင်သာ ရှိပါစေ။ ခါးပေါ်မသက်ရောက်ပါစေနှင့်။

၎) ပစ္စည်းကို မ,ပြီး ထသည့်အခါ ကုန်းမထပါနှင့်။ ခြေထောက်များ၏အားဖြင့် တည့်တည့်မတ်မတ် ထ,ပါ။

၅) လှည့်ရန်လိုသည့်အခါ ခါးဖြင့် မလှည့်ပါနှင့်။ ခြေထောက်များသုံးပြီး တစ်ကိုယ်လုံးလှည့်ပါ။

၆) ပစ္စည်းကိုချသည့်အခါတွင်လည်း ခါးကိုကုန်းပြီး မချပါနှင့်။ ခြေထောက်ပေါ်တွင်တည့်တည့်ထိုင်ချပါ။

၇) ခါးကို တတ်နိုင်သမျှ မတ်မတ်ထားပြီး ချပါ။

            အကယ်၍ သင်တစ်ယောက်တည်း မ,မနိုင်လျှင် အကူခေါ်ပါ။ အကယ်၍ လူအားနှင့်မ,ရန် မဖြစ်နိုင်ပါက အခြား ဟိုက်ဒြောလစ်ဂျက်(hydraulic jack) ၊ ပဲလက်ထရပ် (Pallet truck)၊ ဖောက်ကလစ် (fork lift) စသည့်စက်များဖြင့် မ,ပါ။

၆။ အမြင့်၌ အလုပ်လုပ်ခြင်း (Working At Height)

အန္တရာယ်ရှိသော၊ စိတ်မချရသော အခြေအနေများ

အမြင့်၌အလုပ်လုပ်ရာတွင် လုံခြုံစိတ်ချရစေရန် အောက်ပါတို့ကို ပံ့ပိုးပေးရမည်။

            ၁။ သင့်တော်သည့် ၀င်ပေါက်၊ ထွက်ပေါက်။ အတက်၊ အဆင်းလှေခါး

၂။ ပြုတ်ကျခြင်းမှ ကာကွယ်ထားသည့်စနစ် (အကာအရံတန်းများ၊ ငြမ်းများ၊ ဂွန်ဒိုလာ၊ ဆစ်ဆာလစ်ဖ် စသည်)

၃။ ပြုတ်ကျလာလျှင် ဖမ်းထားသည့်စနစ် (Fall Arrest System) (ကိုယ်သိုင်းကြိုး - Safety harness။

    အသက်ကယ်ကြိုး - Life line။ ပိုက်ကွန် - Safety net စသည်)

၎။ လှေခါးများ၊ ဆင့်များ

အမြင့်တွင် အလုပ်လုပ်ခြင်းအတွက် ဆိုင်းဘုတ်များ

အမိုးပေါ်တွင် အလုပ်လုပ်ခြင်းအတွက် ဆိုင်းဘုတ်များ

အမြင့်တွင် အလုပ်လုပ်ခြင်းကို ရှောင်ရှားရန် အခြားနည်းလမ်းများ

-  မျက်နှာကျက်ကိုဆေးသုတ်ရာတွင်  လက်ကိုင်ကို ၀ါးလုံးရှည်တွင်တပ်ခြင်း

-  အပေါ်တွင်ဆင်ရမည့် အစိတ်အပိုင်းများကို ဖြစ်နိုင်သမျှ အောက်တွင်ဆင်ပြီး မှ အပေါ်တင်ခြင်း၊ အပေါ်ဘက်တွင် 

လုပ်ရမည့်အလုပ်များကို လျှော့ချခြင်း

ပြုတ်ကျခြင်းမှ ကာကွယ်ရန် ဥပဒေသများ

ပြုတ်ကျခြင်း မြှောက်ဖော်ကိန်း (Fall Factor)

Fall Factor 0 - မိမိ၏ပုခုံးအထက်တွင် ချိတ်ကိုချိတ်ထားပါက Fall Factor သုည ဖြစ်၏။ အကောင်းဆုံးအခြေအနေဖြစ်သည်။

Fall Factor 1 - မိမိ၏ ခါးနှင့်ညီသောနေရာတွင် ချိတ်ကိုချိတ်ထားပါက Fall Factor တစ် ဖြစ်သည်။ သိပ်ပင်မကောင်းလှ သော်လည်း လက်ခံနိုင်သေးသည်။

Fall Factor 2 - မိမိ၏ ခြေထောက်အောက်တွင် ချိတ်ကိုချိတ်ထားပါက Fall Factor နှစ် ဖြစ်သည်။ လက်မခံနိုင်သော အခြေ အနေဖြစ်၏။ ပြုတ်ကျလျှင် ခန္ဓာကိုယ်ပေါ်သို့ အားအများဆုံးသက်ရောက်မည် ဖြစ်သည်။

Fall Factor ဆိုသည်မှာ ပြုတ်ကျသည့်အခါ လူကိုယ်ခန္ဓာကိုယ်ပေါ်သက်ရောက်သည့်အားကို မြှောက်သည့်ကိန်း ဖြစ်သည်။ ထို့ကြောင့် ထိုဂဏန်းကြီးလေ လူခန္ဓာကိုယ်ပေါ်သက်ရောက်သည့် အား များလေဖြစ်၏။ အလွယ်ဆုံးရှင်းပြရလျှင် လူ့ခေါင်းအထက်တွင် ချိတ်ကိုချိတ်ထားပါက ပြုတ်ကျလျှင် အလွတ်ကျမည့် အကွာအဝေးမှာနည်းသဖြင့် ခံရတာ သက်သာ မည်။ ချိတ်ကို ခြေထောက်အောက်တွင် ချိတ်ထားပါက ပြုတ်ကျလျှင် အလွတ်ကျမည့် အကွာအဝေးမှာ များသဖြင့် အလွန်ဆိုးရွားစွာ ခံစားရပါလိမ့်မည်။

            ခန္ဓာကိုယ်အလေးချိန် ကီလိုဂရမ် ၁၀၀ (ပေါင် ၂၂၀) ရှိသူတစ်ဦးဆိုပါစို့။

v  ချိတ်ကို ခြေထောက်အောက်တွင် ချိတ်ထားလျှင် (Fall Factor = 2) ပြုတ်ကျပါက ၎င်းခန္ဓာကိုယ်ပေါ်သို့ သက်ရောက်မည့်အားမှာ ၁၅ ကီလိုနျူတန် ရှိမည်။

v  ချိတ်ကို ခါးနှင့်ညီသည့်နေရာတွင် ချိတ်ထားလျှင် (Fall Factor = 1) ပြုတ်ကျပါက ၎င်းခန္ဓာကိုယ်ပေါ်သို့ သက်ရောက်မည့်အားမှာ ၁၁ ကီလိုနျူတန် ရှိမည်။

v  ချိတ်ကို ခြေထောက်အောက်တွင် ချိတ်ထားလျှင် (Fall Factor = 0) ပြုတ်ကျပါက ၎င်းခန္ဓာကိုယ်ပေါ်သို့ သက်ရောက်မည့်အားမှာ ၂ ကီလိုနျူတန် ရှိမည်။

မှတ်ချက်။            ။ ပိန်သောသူတစ်ဦး၏ အလေးချိန်မှာ ကီလို ၅၀ ခန့်သာရှိပြီး သာမန်လူကြီးတစ်ဦးသည် ၇၅ ကီလိုခန့် လေးပါသည်။ ကီလို ၁၀၀ ဆိုသည်မှာ အနောက်တိုင်းမှ လူထွားကြီးများ၏ ခန္ဓာကိုယ်အလေးချိန် ဖြစ်ပါသည်။

လူခန္ဓာကိုယ်က ခံနိုင်သောအားမှာ ၆ ကီလိုနျူတန် (အမေရိကန်ကတော့ ၈ ကီလိုနျူတန်ဟု သတ်မှတ်သည်) ဖြစ်၏။ ဤသည်ကိုကြည့်ခြင်းဖြင့် အသက်ကယ်ကိုယ်သိုင်းကြိုးဝတ်ထားသည့်တိုင် မည်သည့်နေရာတွင် ချိတ်ကို ချိတ်ထားသနည်း ဆိုသည်မှာ အလွန်အရေးကြီးကြောင်း သိနိုင်ပါသည်။ မိမိနင်းထားသောကြမ်းပြင်၌ ချိတ်ကို ချိတ်ထားသူတစ်ဦးသည် အကယ်၍ ပြုတ်ကျခဲ့ပါက ငယ်ပါများ စုတ်ပြတ်သွားခြင်း၊ ခါးရိုးကျိုးခြင်း၊ အသားများ စုတ်ပြတ်၊ လန်ထွက်ခြင်းတို့ ဖြစ်နိုင်ပါသည်။

အမြင့်မှပြုတ်ကျခြင်းကို ကာကွယ်သည့် အထိန်းများ

၁။ အလုပ်အတွက် နေရာချထားပေးသောကြိုး (Work Positioning)

မြင့်သောနံရံများကို ဆေးသုတ်သည့် အလုပ်မျိုးများအတွက် ဤစနစ်ကိုသုံးသည်။ ပြုတ်ကျနိုင်မည့် အခွင့်အလမ်း နည်းနိုင်သမျှနည်းအောင် စီမံထားရမည်။ မည်ကဲ့သို့သော ကိရိယာအားသုံးမည်ကို သေသေချာချာရွေးချယ်ရန် လိုပါသည်။ ဤကြိုးသည် အလုပ်လုပ်ရန် အဆင်ပြေစေရေးအတွက်သာဖြစ်ပြီး အသက်ကယ်ကြိုးမဟုတ်ပါ။ ဤစနစ်အတွက် အသက်ကယ်ကြိုး သီးသန့်ထားပေးရန်လိုသည်။

            အသက်ကယ်ကြိုးချိတ် ချိတ်မည့်နေရာသည် အနည်းဆုံး ၁၀ ကီလိုနျူတန် (10kN) သို့မဟုတ် ကီလို ၁၀၀၀ (1000 kg) အားရှိရမည်။

၂။ လှုပ်ရှားမှုကို ကန့်သတ်သော ကြိုး (Work Restraint)

            အစွန်း၌ အလုပ်လုပ်ခြင်းအတွက် အစွန်းကိုလွန်၍ ပြုတ်မကျစေရန် အစွန်းမရောက်မီထိ ချုပ်ထားသော ကြိုး (ခါးပတ်) ဖြစ်သည်။ 

            လွတ်လပ်စွာလှုပ်ရှားနိုင်ရန် ရေပြင်ညီအသက်ကယ်ကြိုး (Horizontal life line) တပ်ထားပြီး ထိုကြိုးတွင် လှုပ်ရှားမှု ကို ကန့်သတ်သောကြိုး (Work Restraint) တပ်ထားရမည်။ ဤကဲ့သို့တပ်ထားခြင်းဖြင့် အစွန်းနားရောက်ပါက ထိုကြိုးက ရှေ့ ဆက်မသွားနိုင်စေရန် ဆွဲပေးထားလိမ့်မည်။

ဆက်ပါဦးမည်။

အေးငြိမ်း

၅၊ ဧပြီ၊ ၂၀၁၃။ ည ၁၁း၁၇ နာရီ