လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) (၉)

၇၊ ၃။ တစ်ကိုယ်ရေကာကွယ်ရေး အသုံးအဆောင်ပစ္စည်းများ (PPE - Personal Protective Equipment)

            လုပ်ငန်းခွင် မတော်တဆမှုများကို ကာကွယ်ရေးတွင် တစ်ကိုယ်ရေကာကွယ်ရေး အသုံးအဆောင်ပစ္စည်းများ (Personal Protective Equipment) သည်လည်း အရေးကြီးသော အခန်းကဏ္ဍမှ ပါဝင်ပါသည်။ ထိုပစ္စည်းများကို ၀ယ်ယူ သုံးစွဲရန်အတွက်မူ ငွေအရင်းအနှီး စိုက်ထုတ်ရပါမည်။ လူ့အသက်နှင့် ခန္ဓာကိုယ်အစိတ်အပိုင်းများ မည်မျှပင် အရေးကြီး ပါသည်ဆိုစေ ငွေကြေးအကုန်အကျခံရမည်ကိုတော့ လက်တွန့်ကြသူချည်း ဖြစ်၏။           

            ဤနေရာတွင် တစ်ခုသတိပေးလိုသည်မှာ ဥပဒေလွတ်ရုံ၊ လူမြင်ကောင်းရုံ၊ ဟန်ပြလုပ်ခြင်းများကို ရှောင်ရှားကြရန် ဖြစ်ပါသည်။ ဤအရာသည် လူတို့၏ အသက်နှင့်၊ သို့မဟုတ် ခန္ဓာကိုယ်အစိတ်အပိုင်းများနှင့် တိုက်ရိုက်ပတ်သက်နေသော ကြောင့် အရေးတကြီးထား စဉ်းစားကြရန် တိုက်တွန်းပါသည်။

            ဦးခေါင်းကို အကာအကွယ်ပေးမည့် အန္တရာယ်ကင်း ခမောက်သည် ကျလာသောပစ္စည်း၊ ခဲလုံးများဒဏ်ကို တကယ်ခံ နိုင်မှ ၀ယ်ရကျိုး၊ ဆောင်းရကျိုးနပ်ပါမည်။ ထို့အတူ အခြား အန္တရာယ်ကင်း အသုံးအဆောင်ပစ္စည်းများသည်လည်း သုံးစွဲသူ၏ အသက်နှင့် ခန္ဓာကိုယ်ကို အမှန်တကယ် အကာအကွယ်ပေးနိုင်ပါမှ သုံးစွဲရကျိုးနပ်ပါမည်။ လူမြင်ကောင်းရုံမျှ ခမောက်ကလေး ဆောင်းပြ၊ မျက်မှန်ကလေးတပ်ပြရုံမျှဖြင့်တော့ ဘာမှ တန်ဘိုးမရှိပါ။

            အရေးကြီးသည်မှာ ထို တစ်ကိုယ်ရေကာကွယ်ရေး အသုံးအဆောင်ပစ္စည်းများကို ၀ယ်ယူတော့မည်ဆိုလျှင် ထိုပစ္စည်းများသည် အပြည်ပြည်ဆိုင်ရာမှ သတ်မှတ်ထားသော စံချိန်စံညွှန်းများအတိုင်း ထုတ်လုပ်ထားသော ပစ္စည်းများ ဟုတ်မဟုတ် သေချာစွာ စစ်ဆေးရန် ဖြစ်ပါသည်။ ဈေးသက်သာသည်ဆိုတိုင်း ကောင်းသည်မဟုတ်ပါ။ အဖိုးနည်းလျှင် အိုးကွဲ သာရပါလိမ့်မည်။ 

            အထူးသဖြင့် မည်သည့် စည်းမျဉ်းဥပဒေ၊ လုပ်ထုံးလုပ်နည်းမှ မချမှတ်၊ မပြဌာန်းရသေးသော မြန်မာနိုင်ငံသို့ နိုင်ငံတကာ ဈေးကွက်ပေါင်းစုံမှ ပစ္စည်းပေါင်းစုံ ၀င်ရောက်လာမည်မှာ မလွဲပါ။ ထိုပစ္စည်းများတွင် မည်သည့်ပစ္စည်းသည် စံချိန် စံညွှန်းများနှင့် အညီထုတ်ထားပြီး မည်သည့်ပစ္စည်းကတော့ ဘာစံချိန်မှမရှိဘဲ ဖြစ်ကတတ်ဆန်း ထုတ်လုပ်ထားသည့် ပစ္စည်း ဆိုသည်ကို ချိန်ဆတတ်ရန် လိုပါသည်။

ထို့ကြောင့် အားလုံးမဟုတ်သည့်တိုင် နိုင်ငံတကာ၌ အများဆုံးအသုံးပြုနေသော တစ်ကိုယ်ရေကာကွယ်ရေး အသုံးအဆောင်ပစ္စည်းများ (PPE - Personal Protective Equipment) ၏ အမျိုးအစား၊ အသုံးပြုပုံ၊ ထုတ်လုပ်ရာ၌ လိုက်နာ ရမည့်စံချိန်စံညွှန်း၊ ထိုစံချိန်စံညွှန်းများအား စစ်ဆေးနည်း စသည်တို့ကို အကျဉ်းချုံးဖော်ပြလိုက်ပါသည်။

၇၊ ၃၊ ၁။ အန္တရာယ်ကင်း ခမောက် (Safety Helmet)

            အန္တရာယ်ကင်းခမောက်သည် ဦးခေါင်းကို ဒဏ်ရာမရစေရန် အဓိကကာကွယ်ပေးသည်။ ဦးခေါင်းနှင့် တိုက်ရိုက် ထိနေသော ကူရှင်မှာ ခမောက်အပြင်အခွံနှင့် တစ်လက်မ မှ လက်မငါးမတ်ထိ ကြားလပ်ရှိနေရမည်။ သို့မှသာ ခမောက်ပေါ် ကျလာသော ဒဏ်သည် ဦးခေါင်းကို တိုက်ရိုက်မထိနိုင်မှာဖြစ်သည်။ ခမောက်တစ်လုံး တည်ဆောက်ထားပုံကို အောက်တွင် ဖော်ပြထားပါသည်။

ခမောက်တစ်လုံးတွင် အပြင်ဘက်အခွံ (shell) နှင့် အတွင်းသားကူရှင် (cusion, suspension) ဟု နှစ်ပိုင်းပါသည်။ အတွင်း ကူရှင်တွင်လည်း အပျော့နှင့်အမာဟု နှစ်မျိုးရှိ၏။ ကူရှင်အပျော့တွင် ဦးခေါင်းကိုထိန်းထားမည့်ခါးပတ်နှင့် အ၀တ် ကူရှင်မှာ သီးသန့်ဖြစ်၏။ သို့သော် ကူရှင်အမာကို ပလတ်စတစ်အပျော့စားနှင့်လုပ်ထားပြီး ကူရှင်နှင့်ခါးပတ်မှာ တစ်ခုတည်း ဖြစ်၏။ ခါးပတ်တွင် ခေါင်းမှထွက်သောချွေးများကို စုပ်နိုင်ရန် နဖူးနေရာ၌ အ၀တ်စများ ပတ်ပေးထားပါသည်။ ဦးခေါင်းကို ထိန်းထားသည့် ခါးပတ်ကြိုးမှာ ဦးခေါင်းအရွယ်အစားအလိုက် အလျှော့အတင်းလုပ်၍ရသည်။

အန္တရာယ်ကင်းခမောက်နှင့်ပတ်သက်၍ စင်ကာပူမှ စံနှုန်းမှာ SS 98 : Specification for Industrial safety helmets ဖြစ်ပါသည်။

ခမောက်ထုတ်လုပ်ရန် သတ်မှတ်ထားသောစံနှုန်းများမှာ EN397 (ဥရောပစံနှုန်း) ANSI Z89.1 (အမေရိကန်စံနှုန်း) တို့ ဖြစ်၏။ ဤစံနှုန်းအရထုတ်လုပ်ထားသော ခမောက်များကို Class A၊ Class B၊ Class C ဟု အတန်းအစား ၃ မျိုး ထုတ်လုပ် သည်။

Class A အမျိုးအစားမှာ ဆောင့်ကျသည့်ဒဏ်၊ စူးရှသည့်ဒဏ်၊ လျှပ်စစ်ဓါတ်အား ၂၂၀၀ ဗို့ထိ ခံနိုင်သည်။ Class B အမျိုးအစားမှာ ဆောင့်ကျသည့်ဒဏ်၊ စူးရှသည့်ဒဏ် နှင့် လျှပ်စစ်ဓါတ်အား ၂၂၀၀၀ ဗို့ထိ ခံနိုင်၏။ Class C အမျိုးအစားမှာ ပေါ့ပါးသည်၊ ဆောင်းရတာ သက်တောင့်သက်သာရှိသည်၊ သို့သော် ဓါတ်လိုက်ခြင်းကို ကာကွယ်မပေးနိုင်။ သို့သော် ဤတွင် ဖော်ပြထားသော ဗို့အား ၂၂၀၀၊ ၂၂၀၀၀ ဆိုသည်မှာ ဤခမောက်သည် ဤပမာဏရှိသော လျှပ်စစ်ဓါတ်အားဒဏ်မှ ဆောင်းထားသူကို ကာကွယ်ပေးသည်ဟု မဆိုလို။ စမ်းသပ်ထားသော ဗို့အားများသာဖြစ်၏။

ခမောက်များ၏ အတွင်းပိုင်း၌ အောက်ပါတို့ကို ဖော်ပြထားပါသည်။

• ခမောက်ထုတ်လုပ်သူ၏ အမည်
• "ANSI Z89.1-1986" ဟူသော အမှတ်အသား
• A, B သို့မဟုတ် C ဟူသော အတန်းအစား

ခမောက်တစ်လုံး၏ သက်တမ်းကို တိတိကျကျသတ်မှတ်မထားပါ။ မည်မျှခံသနည်းဆိုသည်မှာ ဤခမောက်ကို သုံးသူသည် မည်မျှ ရိုရိုသေသေကိုင်သနည်း ဆိုသည့်အပေါ်မူတည်နေပါသည်။ မည်သို့ဆိုစေ လုပ်ငန်းခွင်အန္တရာယ် ကာကွယ်ရေးပစ္စည်း ထုတ်လုပ်သည့် ကုမ္ပဏီတစ်ခုဖြစ်သည့် MSA (Mine Safety Appliances Co. ) က အတွင်းဘက် ကူရှင်ကို ၁၂ လ၊ အပြင်ဘက်အခွံကို ၅ နှစ် ကြာသည့်အခါ အသစ်လဲသင့်သည်ဟု Useful Service Guidelines တွင် ဖော်ပြထားပါသည်။

ခမောက်သက်တမ်း ၅ နှစ် မပြည့်သေးသော်လည်း ခမောက်အရောင်များ လွင်(ပြယ်)သွားပါက အသစ်လဲသင့်သည် ဟုလည်း အကြံပြုပါသည်။ ထို့ပြင် နေ့စဉ် နေပူထဲတွင် ဆောင်းနေရသည်ဖြစ်ပါက ခရမ်းလွန်ရောင်ခြည်ကြောင့် ခမောက်သား များ စားသွားတတ်ပါသည်။ ဤသို့စားသွားလျှင် ခမောက်မျက်နှာပြင်သည် မူလအတိုင်း ပြောင်ချောမနေတော့ပဲ စုတ်ဖွားဖွား ဖြစ်လာပါလိမ့်မည်။ ထိုအခါမျိုးတွင် ခမောက်ကို အသစ်လဲရန်လိုပါသည်။ သို့မဟုတ် ခမောက်သား ကြွပ်ဆပ်လာပါကလည်း အသစ်လဲရမည်ဖြစ်ပါသည်။

ခမောက်ကူရှင်သည် ကောင်းကောင်းကြပ်လို့မရတော့လျှင်၊ ကျိုးပဲ့နေလျှင်၊ ကြွပ်ဆပ်လာလျှင်လည်း အသစ်လဲရ ပါမည်။

ခမောက်ကို နေ့တိုင်းဆောင်းနေသည့်အတွက် မိမိခမောက်တွင် ကွဲအက်ရာများရှိနေသလား၊ ဆိုးဆိုးရွားရွား ခြစ်မိ ထားသလား၊ အလေးအပင်နဲ့ဖိမိထားလို့ လိမ်နေသလား၊ ပုံစံပျက်နေသလား၊ အထဲက ကူရှင်ကောင်းသေးရဲ့လား စသည်ဖြင့် နေ့စဉ်စစ်ဆေး နေရန်လိုပါသည်။ ခမောက်ကို နေ့စဉ်ဆောင်းနေသည်ဖြစ်ရာ နေ့စဉ် ဆေးကြောသန့်ရှင်းနေရန် လိုပါသည်။

ခမောက်ကို ဆေးမသုတ်ရပါ။ ခမောက်သားသည် ပလတ်စတစ်ဖြစ်သဖြင့် သုတ်ဆေးတွင်ပါသော ဓါတုဆေးများကြောင့် ခမောက်သား၏ အရည်အသွေးကျသွားပါလိမ့်မည်။

ထို့ပြင် မူလပါလာသော လေပေါက်မှလွဲ၍ မိမိသဘောနှင့်မိမိ ခမောက်ကို အပေါက်ဖောက်ခြင်း မပြုရပါ။ ထိုသို့ အပေါက်ဖောက်လိုက်ခြင်းဖြင့် ခမောက်၏ ခိုင်ခံမှုစွမ်းရည် ကျဆင်းသွားပါသည်။

ခမောက်တွင် ဖုံများ၊ သဲများ၊ အမှုန်များကပ်နေတတ်သည့်ပြင် အတွင်းပိုင်း ခေါင်းနှင့်ထိသည့်နေရာတွင် ချွေးများ ရှိနေသဖြင့် မဆေးကြောပဲထားပါက အနံ့များနှင့် နံစော်ညစ်ပတ်နေတတ်ပါသည်။ ထို့ကြောင့် မိမိခမောက်ကို အမြဲ ရေဖြင့် ဆေးကြော သန့်ရှင်းပေးရန် လိုပါသည်။ သို့သော် ခမောက်ကို သင်နာ၊ ချွတ်ဆေး၊ ဓါတ်ဆီစသည်တို့ဖြင့် မဆေးရပါ။ ရေနှင့်ဆပ်ပြာမှုံ့ဖြင့်သာ ဆေးပါ။

၇၊ ၃၊ ၂။ အန္တရာယ်ကင်း ဘွတ်ဖိနပ် (Safety Shoes)

            လုပ်ငန်းခွင်ဟူသည် အန္တရာယ်များဖြင့် ပြည့်နှက်လျက်ရှိ၏။ ထိုအထဲတွင် ခြေထောက်ကို ထိခိုက်မိမည့် အန္တရာယ် များလည်းပါ၏။

            ခြေထောက်အတွက် အကောင်းဆုံးအကာအကွယ်မှာ အန္တရာယ်ကင်း ဘွတ်ဖိနပ် (Safety Shoes) ဖြစ်ပါသည်။ အန္တရာယ်ကင်း ဘွတ်ဖိနပ် အမျိုးမျိုးရှိ၏။ အရည်အသွေးကိုလိုက်၍ ဈေးလည်း အစားစားရှိသည်။

သာမန်ဖိနပ်များနှင့်မတူဘဲ ခြေထောက်ကို အကာအကွယ်ပေးရန် အန္တရာယ်ကင်းဖိနပ်၌ အောက်ပါ အင်္ဂါရပ်များနှင့် ပြည့်စုံရမည်။

• သံကဲ့သို့သောအရာများ၊ ဖန်စ၊ မှန်စများ၏ စူးသည့်ဒဏ်ကိုခံနိုင်ခြင်း (SPR - Sole Punture Resistance)
• အလွန်ကြမ်းသောမျက်နှာပြင်နှင့် ကွန်ကရိအကျိုးအကြေများအပေါ်တွင် အန္တရာယ်ကင်းစွာ နင်းနိုင်ခြင်း
• ပူသောမျက်နှာပြင်၊ အေးသောမျက်နှာပြင်များပေါ် လျှောက်ရသည့်အခါ ခြေထောက်ကို ကောင်းစွာ အကာအကွယ် ပေးနိုင်ခြင်း
• ချောမွေ့သောမျက်နှာပြင်များ၌ သွားရသည့်အခါ ချော်လဲခြင်းမှ ကာကွယ်ပေးခြင်း
• ခြေထောက်ပေါ်သို့ အလေးအပင်များ ပြုတ်ကျသည့် ဒဏ်မှ ကာကွယ်ပေးခြင်း
• ဓာတုဆေးများဖြင့် ထိမိခြင်းမှ ကာကွယ်ပေးခြင်း
• ဓာတ်လိုက်ခြင်းမှ ကာကွယ်ပေးခြင်း (EH – Electrical Hazard)

အန္တရာယ်ကင်းဖိနပ်တစ်ရံ၌ ရှိရမည့်အရည်အသွေးကို သတ်မှတ်ထားသောစံနှုန်းမှာ စင်ကာပူနိုင်ငံတွင် - SS 513 - Specification for Personal protective equipment – Footwear ဖြစ်၏။ ယခင်က အမေရိကန်စံနှုန်းမှာ (ANSI) Z41-PT99 ဖြစ်ပြီး ၂၀၀၅ ခုနှစ်တွင် ASTM F2413-05 ဖြင့်အစားထိုးလိုက်သည်။ ဥရောပစံနှုန်း - EN345 (toecap 200 joules), EN346 (toecap 100 joules), EN347 (no toecap)။ သြစတေးလျားစံနှုန်း - AS/NZS2210.2 တို့ဖြစ်၏။

အန္တရာယ်ကင်း ဖိနပ်များကို ဈေးကွက်အတွင်း တင်သွင်းရောင်းချရန် စမ်းသပ်သော စင်ကာပူစံနှုန်းမှာ SS105 ဖြစ်၏။

            အန္တရာယ်ကင်း ဖိနပ်တွင် ပါဝင်သော အစိတ်အပိုင်းများမှာ အောက်ပါအတိုင်း ဖြစ်ပါသည်။ 

ဖိနပ်တစ်ရံတွင် ထုတ်လုပ်ထားသည့်စံနှုန်း၊ ထုတ်လုပ်သည့်ခုနှစ်၊ ခံနိုင်ရည် စသည်တို့ကို အောက်ပါအတိုင်း ဖော်ပြ ထားပါသည်။

ဖိနပ်ကို ၀ယ်တော့မည်ဆိုလျှင် ဦးစွာ အစမ်းစီးကြည့်ပါ။ ဖိနပ်ဟူသည် ၀ယ်ပြီးချက်ချင်းကုန်သွားသည့် ပစ္စည်း မဟုတ်ဘဲ တစ်နေကုန်၊ နှစ်ရှည်လများ စီးရမည်ဖြစ်သဖြင့် စီးသည့်အခါ သက်တောင့်သက်သာရှိရန် အလွန်အရေးကြီး ပါသည်။ ဖိနပ်အရွယ် ငယ်လွန်းခြင်း၊ ကြီးလွန်းခြင်းတို့သည် ခြေထောက်ကို ဒုက္ခပေးတတ်၏။ ဖိနပ်ကို အစမ်းစီးကြည့်သည့် အခါ ခြေအိတ်ဝတ်ပြီးစမ်းပါ။ ဖိနပ်ကို ကြိုးများအားလုံးချည်ပြီးသည့်အခါ ခြေထောက်သည် ဖိနပ်အတွင်း အရမ်း ကြပ်မနေ ပါစေနှင့်။ ဖိနပ်နှင့်ခြေထောက်အကြား လက်ချောင်းများ ထိုးထည့်လို့ ရ ရပါမည်။

            ဖိနပ်အရွယ်များမှာ နိုင်ငံကိုလိုက်ပြီး ကွဲသွားပါသည်။ အောက်ပါတို့မှာ နိုင်ငံအလိုက်သတ်မှတ်ထားသည့် ဖိနပ် အရွယ်အစားများဖြစ်၏။

သင့်ခြေထောက်အရွယ်ကိုလိုက်၍ ဖိနပ်အရွယ်ကို အောက်ပါအတိုင်း ရွေးချယ်နိုင်ပါသည်။

အန္တရာယ်ကင်းဖိနပ်တစ်ရံ၏ သက်တမ်းကို အတိအကျ သတ်မှတ်မထားပါ။ ဖိနပ်ကို အသုံးပြုရသည့် ပတ်ဝန်းကျင် အနေအထား၊ ဖိနပ်ကို မည်မျှဂရုစိုက်သည်၊ ဖိနပ်၏ အရည်အသွေး စသည်တို့ပေါ်မူတည်၍ သက်တမ်း ၁ နှစ်မှ ၃ နှစ်ထိ ရှိနိုင်ပါသည်။ သို့သော် မိမိဖိနပ်ကို ကောင်း၊ မကောင်း အမြဲစစ်ဆေးကြည့်ရှုနေရန် လိုပါသည်။ ဖိနပ်စုတ်ပြဲနေပြီဆိုပါက အမြန်ဆုံးအသစ်လဲရပါမည်။

                                                ပျက်စီးနေသော အန္တရာယ်ကင်းဘိနပ်ကို  တွေ့ရပုံ

ထုတ်လုပ်သူသည် ဖိနပ်၏သက်တမ်းကို ၆ လ၊ တစ်နှစ် စသဖြင့်အာမခံပေးပါသည်။ သို့သော် ဖိနပ်ကို ဂရုမစိုက် သဖြင့် အချိန်မတိုင်မီပျက်စီးရခြင်းမှာ စီးသူ၏ တာဝန်သာဖြစ်၏။ ချွန်ထက်သောအရာများကို နင်းမိခြင်း၊ ဖိနပ်ကို ခွေခေါက် ထိုင်ခြင်း၊ ဖိနပ်ဖြင့် ပြင်းထန်စွာကန်ခြင်း၊ အက်စစ်၊ အယ်လ်ကာလီ၊ ကော့စတစ်၊ ဓာတုဆေးများဖြင့်ထိတွေ့ခြင်း၊ အလွန်ပူခြင်း၊ ရေစိုခြင်း စသည်တို့သည် ဖိနပ်သက်တမ်းကို ကျစေ၏။ ဖိနပ်ကို ဘိလပ်မြေ၊ သုတ်ဆေး၊ ဓာတုဗေဒဆေးရည်များ စသည်တို့ ထိလျှင် ရေဖြင့်ဆေးကြောသန့်စင်ပါ။

            ဖိနပ်ကို တိုက်ချွတ်သန့်ရှင်းခြင်း၊ ဖယောင်းဖြင့် ပေါ်လစ်တင်ပေးခြင်း စသည်တို့သည် ဖိနပ်ကို ကြာရှည်ခံစေသည်။ သာမန်အားဖြင့် ဘွတ်ဖိနပ်များကို ရေဖြင့် မဆေးကြောပါနှင့်။ ရေစိုဖိနပ်များကို ဖိနပ်ကြိုးများဖြည်ကာ နခမ်းသားများကို လှန်လျက် အခန်းအပူချိန်တွင် အခြောက်ခံပါ။ အပူမပေးပါနှင့်။ မည်သည့် ဓာတုဆေးရည်နှင့်မှ မဆေးကြောပါနှင့်။           

            ဖိနပ်ကို နေပူထဲတွင် မထားပါနှင့်။ မှိုများ၊ ပိုးကောင်များ၊ ဖုံများ၊ ရေစိုနေသောနေရာများတွင် ဖိနပ်ကို မထားပါနှင့်။ အေး၍ခြောက်သွေ့သော လေ၀င်လေထွက်ကောင်းသည့် နေရာတွင်ထားပါ။

၇၊ ၃၊ ၃။ အန္တရာယ်ကင်း မျက်မှန် (Safety Glassess, Goggles)

လုပ်ငန်းခွင်အတွင်း၌ မျက်လုံးကို အမှုန်အမှိုက်၊ ခဲလုံး၊ အလင်းရောင်၊ အပူ၊ အရည်စက်၊ လေပြင်း စသည်တို့မှ ကာကွယ်ရေးအတွက် အန္တရာယ်ကင်းမျက်မှန် တပ်ဆင်ရန် လိုပါသည်။ လုပ်ငန်းခွင်၌ဖြစ်သော မျက်လုံးအန္တရာယ်အများစုမှာ အလွယ်တကူ ကာကွယ်နိုင်ပါလျှက် ဂရုမစိုက်သောကြောင့် ဖြစ်ရတာများ၏။ ထို့ကြောင့် မျက်လုံးအန္တရာယ်ကာကွယ်ရေးကို ဥပဒေထဲတွင် ထည့်သွင်းပြဌာန်းထားပြီး မလိုက်နာသူများကို အရေးယူအပြစ်ပေးရပါမည်။

လုပ်ငန်းရှင်များအနေနှင့် မိမိအလုပ်သမားတိုင်းအား အန္တရာယ်ကင်းမျက်မှန် ထုတ်ပေးထားရန်၊ မျက်မှန်မကောင်း တော့ပါက အသစ်လဲပေးရန် တာဝန်ရှိပါသည်။ မျက်မှန်တစ်လက်၏ တန်ဖိုးမှာ မည်မျှမများပါ။ အဖိုးဖြတ်မရသော မျက်လုံးကို ဘာမှအဖိုးမတန်လှသော မျက်မှန်တစ်လက်နှင့် အလောင်းအစားလုပ်ရန် မသင့်တော်လှပါ။

လုပ်ငန်းခွင်အတွင်း မျက်မှန်တပ်ရန်လိုသော နေရာများ၌ ဆိုင်းဘုတ်များဆွဲကာ ပြသထားရမည်။ မိမိကြောင့် မဟုတ်လျှင်ပင် အခြားတစ်နေရာမှလာသော အစတစ်ခု မျက်လုံးအတွင်းဝင်ပါက မျက်လုံးကို ဒဏ်ရာရစေနိုင်သည်။

မျက်လုံးအန္တရာယ်ဖြစ်စေနိုင်သော အကြောင်းတရား များစွာရှိ၏။ အောက်တွင် အချို့ကို ဖော်ပြထားပါသည်။

 အမှိုက်သရိုက်၊ အမှုန်အမွှား၊ သံစ၊ သစ်သားစ၊ ကျောက်ခဲ၊ မှန်ကွဲစ စသည်တို့လွင့်စင်ကာ မျက်လုံးကို မှန်ခြင်း၊ မျက်လုံးအတွင်း ၀င်ခြင်း။ ၀င်သောနည်းမှာလည်း မျိုးစုံရှိပါသည်။ လေတိုက်သဖြင့် ၀င်ခြင်း၊ ကျောက်စက်တိုက်ရာမှ သံစများလွင့်စဉ်ကာ ၀င်ခြင်း။ တူထုရာမှ သစ်သားစ ပဲ့ကာ လွင့်စဉ်ဝင်ခြင်း၊ ကွန်ကရစ်ကို အပေါက်ဖောက်ရာမှ ကျောက်စ လွင့်စဉ်ဝင်ခြင်း စသည်။ မျက်လုံး အတွင်း တစ်ခုခုဝင်ပြီဆိုလျှင် ရေများများနှင့် လောင်းဆေးပါ။ မျက်လုံးကို လုံးဝ မပွတ်ပါနှင့်။ မျက်လုံးအတွင်း ၀င်သွားသော အစသည် မျက်သားကို စိုက်ကာ ပိုဆိုးစေပါသည်။ မျက်စိကိုပိတ်၊ အပေါ်မှ အသာအယာ ပတ်တီးစီးကာ ဆေးရုံ၊ ဆေးခန်းများသို့ အမြန်သွားပါ။

• ဖိအားမြင့်လေ၊ ရုတ်တရက်တိုက်လိုက်သောလေပြင်း စသည်တို့ကြောင့်လည်း မျက်လုံးကို အန္တရာယ်ဖြစ်စေပါသည်။ ဖိအားမြင့် လေးပိုက်ခေါင်းကို မည်သည့်အခါမှ ရှေ့တည့်တည့်မှ မကြည့်မိပါစေနှင့်။ ထိုလေထိပါက မျက်လုံး ကွယ်သည်ထိ အန္တရာယ်များပါသည်။ ထို့အတူပင် လေပြင်းတိုက်လာလျှင် မျက်လုံးကို ကာကွယ်ထားသင့်ပါသည်။ ဘာအကာအကွယ်မှ မရှိလျှင် မျက်စိပိတ်ထားနိုင်ပါသည်။
• ဓါတုဆေးရည်များ၊ ချွတ်ဆေးများ၊ သုတ်ဆေးများ၊ အရည်ပူများနှင့် အခြားအန္တရာယ်ဖြစ်စေနိုင်သော အရည်များ သည်လည်း မျက်လုံးကို ပျက်စီးစေပါသည်။ ထို့ကြောင့်ထိုအရည်များကို ကိုင်တွယ်သည့်အခါတိုင်း၊ ထိုအရည်များနှင့် အလုပ်လုပ်သည့် အခါတိုင်း မျက်လုံးအကာအကွယ်များ ၀တ်ဆင်ထားရန် လိုပါသည်။ အကယ်၍ မျက်လုံးအတွင်း ထိုအရည်များ ၀င်ခဲ့သည်ရှိသော် မျက်လုံးကို လက်နှစ်ဖက်ဖြင့် ဖြဲကာ သန့်ရှင်းသောရေများများဖြင့် အနည်းဆုံး ၁၅ မိနစ်ကြာအောင် လောင်းပါ။ မျက်လုံးကိုဆေးရန် ရေမှတပါး အခြားမည်သည့်အရည်မှ မသုံးပါနှင့်။  
• လျှပ်စစ်မီးဂဟေမှထွက်သော အလင်းရောင်တွင် ခရမ်းလွန်ရောင်ခြည် အများအပြားပါသည်။ ထိုမီးအား အကာအကွယ်မပါသော မျက်လုံးနှင့် မည်သည့်အခါမှ မကြည့်မိပါစေနှင့်။ ထို့ပြင် လေဆာရောင်ခြည်သည်လည်း မျက်လုံးအတွက် အလွန်အန္တရာယ် ရှိပါသည်။ ထိုမီးများသည် မျက်လုံးကို ချက်ချင်းထိခိုက်ချင်မှ ထိခိုက်မည် ဖြစ်သော်လည်း အချိန်ကြာလာသည်နှင့်အမျှ မျက်လုံးရောင်လာခြင်း၊ မျက်စိနာခြင်း၊ မျက်သားများနီရဲလာခြင်း၊ မျက်စိကိုက်ခြင်းစသည်တို့ ဖြစ်တတ်ပါသည်။ မျက်လုံးကို ထိုမီးထိပြီဆိုလျှင် ဆရာဝန်ထံ အမြန်ပြသင့်ပါသည်။
• မြက်ရိတ်စက်ဖြင့် မြက်ရိတ်သူများသည် လွင့်လာသော မြက်ဖတ်များဖြင့် မျက်လုံးကို ခတ်မိတတ်သည်။
• မျက်စိပတ်ဝန်းကျင်တွင် ထိုခိုက်ဒဏ်ရာရခဲ့ပါက ပတ်တီးရွရွစည်းကာ ဆေးခန်းအမြန်သွားပါ။ မျက်လုံးကို မပွတ်မိပါစေနှင့်။
• နေပူထဲတွင် ခရီးသွားသူများ၊ နေရောင်အောက်၌ ကြာမြင့်စွာ အလုပ်လုပ်ရသူများသည် နေရောင်မှ ခရမ်းလွန် ရောင်ခြည်နှင့် ကြာမြင့်စွာ ထိတွေ့ရမည်။ ထို့ကြောင့် ဖြစ်နိုင်လျှင် နေကာမျက်မှန်တပ်ဆင် အလုပ်လုပ်သင့်ပါသည်။

 လုပ်ငန်းခွင်၌ ကျောက်စက်တိုက်ခြင်း၊ ကျောက်ခွဲခြင်း၊ ဖြတ်ခြင်း စသည့် သံမှုန်၊ ကျောက်စများထွက်သည့် လုပ်ငန်း များတွင် အန္တရာယ်ကင်းမျက်မှန်များ သုံးရပါမည်။ ဂဟေဆော်သူများမှာ ဂဟေမျက်မှန်များ တပ်ဆင်ရမည်။

            ဂဟေမျက်မှန်များမှာ ဂဟေဆော်ရာမှ ထွက်လာသော မီးပွားနှင့် စူးရှသောအလင်းတန်း၊ အပူတို့ကို ကာကွယ်ပေးရန် ထုတ်လုပ်ထားပါသည်။ ဂဟေမျက်မှန်တစ်ခုသည် ဂဟေဆော်သူကို မည်မျှကာကွယ်ပေးနိုင်သနည်း ဆိုသည်မှာ မည်ကဲ့သို့သော ဂဟေမျက်မှန် အမျိုးအစားနည်း ဆိုသည့်အပေါ်မူတည်ပါသည်။

            အောက်တွင် ဂဟေမျက်မှန် အမျိုးအစားများကို ဖော်ပြထားပါသည်။

            ဂဟေခမောက် (welding helmet) အတွက် စံနှုန်းမှာ အမေရိကန်စံနှုန်း ANSI Z87.1 – 2003 (သို့မဟုတ် ANSI Z87+) ဖြစ်ပါသည်။ ဤစံနှုံးအရထုတ်လုပ်ထားသော ခမောက်များသည် လွင့်စဉ်လာသော အမှုန်အမွှားများ၏ အန္တရာယ်နှင့် ဂဟေမီးတို့၏ အန္တရာယ်မှ ကောင်းစွာ ကာကွယ်ပေးနိုင်သည်။  

ဂဟေမျက်မှန်ကို အလင်းစစ်ပေးနိုင်မှု နှုံးပေါ်မူတည်ကာ နံပါတ်ခွဲထားပါသည်။ ထိုမျက်မှန်များမှာ ဂဟေဆော်ရာမှ ထွက်လာသော အနန္တရာယ်ရှိသည့် ခရမ်းလွန်ရောင်ခြည်များအား ရာနှုံးပြည့် အကွယ်အကွယ် ပေးနိုင်သည်။

ဂဟေမျက်မှန်တွင် ပုံသေနံပါတ်ရှိသောမျက်မှန် နှင့် အမှောင်အားကို အလိုလိုညှိပေးနိုင်သောမျက်မှန် ဟု နှစ်မျိုး ရှိ၏။ ပုံသေနံပါတ်နှင့် မျက်မှန်မှာ ဈေးသက်သာသည် မှန်သော်လည်း ဂဟေမဆော်ဘဲ သည်အတိုင်းတပ်ကြည့်လျှင် မှောင်နေသဖြင့် ဘာမှမမြင်ရပါ။ ဂဟေဆော်လိုက်မှ ဂဟေမီးကြောင့် မြင်နိုင်တာ ဖြစ်ပါသည်။ မှန်အမျိုးအစားတွင် အမ်ပီယာနိမ့်သော ဂဟေများအတွက် နံပါတ် ၈၊ အမ်ပီယာအမြင့်များအတွက် နံပါတ် ၁၃ ထိ ရှိပါသည်။ ထိုမျှသာမက ကျောက်စက်တိုက်ခြင်း နှင့် ဖြတ်တောက်ခြင်းတို့အတွက် နံပါတ်နိမ့် (နံပါတ် ၃ မှ ၈ ထိ) လည်းရနိုင်ပါသည်။

ဂဟေဆော်ခြင်းအတွက် အောက်ပါမှန် အတန်းအစားများကို ရွေးချယ်ရန် ညွှန်ပြထားပါသည်။

ဂဟေဆော်ခြင်းအတွက် မှန်အတန်းအစားရွေးသော ဇယား

အန္တရာယ်ကင်းမျက်မှန်ထုတ်လုပ်ရာတွင် တပ်ဆင်သူ သက်တောင့်သက်သာရှိစေမှု၊ မျက်လုံးကို အကာအကွယ် ပေးနိုင်မှုများအပြင် တပ်ဆင်သူအား ကြည့်ကောင်းစေရန် တစ်နည်းအားဖြင့် အလှမျက်မှန်ကဲ့သို့သုံးနိုင်ရန်ပါ ဒီဇိုင်းလုပ်ကြ သည်။ အန္တရာယ်ကင်းမျက်မှန်ပေါ်တွင် ထုတ်လုပ်သည့် စံနှုန်းကို အသားတံဆိပ်ဖြင့် ဖော်ပြထားသည်။

အန္တရာယ်ကင်းမျက်မှန် အစိတ်အပိုင်းများ

အန္တရာယ်ကင်းမျက်မှန်များတွင် မျက်မှန်ကိုင်းကို အတိုအရှည် ချိန်ညှိ၍ရသည်။ မျက်မှန်ဝယ်တော့မည် ဆိုလျှင် ဦးစွာတပ်ကြည့်လိုက်ပါ။ မိမိဦးခေါင်း၊ နှာခေါင်း၊ မျက်လုံးအနေအထားများနှင့် အံဝင်ခွင်ကျဖြစ်မည့် မျက်မှန်ကို ရွေးပါ။ မျက်မှန်သည် တပ်လိုက်သည့်အခါ သက်တောင့်သက်သာ အနေအထားတွင် ရှိရပါမည်။

            အန္တရာယ်ကင်းမျက်မှန်သည် သင့်မျက်လုံးအား ထိခိုက်ဒဏ်ရာရမည့် အန္တရာယ်များမှ ကာကွယ်ပေးသည်ဖြစ်ရာ မျက်မှန်ကို ဂရုတစိုက်ထိမ်းသိမ်းရန် အရေးကြီးသည်။ 

• မျက်မှန်ကို နေ့စဉ်သန့်ရှင်းရေးလုပ်ပါ။ အ၀တ်စ နုနုနှင့် ပွတ်တိုက်သန့်စင်ပေးပါ။ ဖုံ၊ အမှုန်များကပ်ငြိနေလျှင် ရေဖြင့်ဆေးကြောပါ။
• မျက်မှန်တွင် ခြစ်ရာထင်ခြင်းသည် မျက်စိအမြင်ကို မကောင်းစေရုံမျှမက မှန်သား၏ ခံနိုင်ရည်အားကိုပါ ကျဆင်းစေပါသည်။
• မ၀တ်ဆင်သောအခါများ၌ မျက်မှန်ကို အ၀တ်စနုနုဖြင့် ပတ်ကာ အေး၍ခြောက်သွေ့သောနေရာတွင် သေသေချာချာ သိမ်းဆည်းပါ။
• မှုန်ဝါးနေသော၊ ခြစ်ရာခတ်ရာများဖြင့် ပြည့်နှက်နေသော မျက်မှန်ကို မသုံးပါနှင့်။ မျက်စိအမြင်မကောင်းသောကြောင့် အန္တရာယ်ဖြစ်တတ်သည်။ မျက်မှန်မကောင်းလျှင် အမြန်ဆုံးလဲပါ။

စင်ကာပူတွင် အန္တရာယ်ကင်းမျက်မှန်များအတွက် သတ်မှတ်ထားသော စံနှုန်းမှာ SS 473 - Specification for Personal eye-protectors ဖြစ်ပါသည်။

ဆက်ပါဦးမည်။

အေးငြိမ်း

၅၊ ၉၊ ၂၀၁၃။ ည ၁၀း ၂၇ နာရီ