မြူများဖြင့်နေထိုင်ခြင်း

(၁)

မြင်လေရာတို့ မှုန်ဝါးနေသည်။ ရှူလိုက်သည့်အသက်တိုင်း မီးခိုးနံ့ရနေ၏။ လူတချို့ နှာခေါင်းအကာများ ၀တ်ဆင်ထား ပြီး အချို့မှာ လက်ကိုင်ပုဝါများဖြင့် အုပ်ထားသည်။ Hardware ဆိုင်များ၊ စူပါမားကက်များ၌ နှာခေါင်းအကာ (mask) များ ပြတ်လတ်သွားသည်။ ဆေးရုံဆေးခန်းများ၌ ရင်ကြပ်ရောဂါသည်၊ ကလေးငယ်၊ အဖိုးကြီး၊ အဖွားကြီးများ တစ်နေ့တစ်ခြား တိုးပွားလာနေ၏။

အစိုးရအဖွဲ့ဝင်လူကြီးများ အရေးပေါ် စည်းဝေးပွဲခေါ်ကြ၏။ ဟိုတစ်ဘက်ကကျတော့လည်း အဖြစ်သည်းနေလိုက်တာ ဟု လှောင်ပြောင်ကြသည်။ အများစုမှာ မည်သည့်အချိန်များ အစိုးရက အလုပ်ရပ်မိန့် (stop work order) ထုတ်ပြန်လိမ့်မလဲ ဟု စောင့်ကြည့်နေကြသည်။ သို့သော် အစိုးရကမူ သည်အမိန့် ထုတ်ပြန်လိမ့်မည်မဟုတ်ကြောင်း သေချာလှ၏။ သတင်းစာ များ၊ အင်တာနက်စာမျက်နှာများ၊ ဖေ့စ်ဘွတ်စသည်တို့တွင် သည်အကြောင်းကသာ ကြီးစိုးနေသည်။

များစွာသောလူအပေါင်းတို့မှာ haze updated သတင်းကို စောင့်ကြည့်နေကြလေသည်။

(၂)

            ပြီးခဲ့သော သောကြာနေ့ (ဇွန်လ ၁၄ရက်) မှစကာ စင်ကာပူတွင် မြူများစမြင်လာရသည်။ စနေနေ့တွင် အတော်အခြေအနေဆိုးလာ၏။ တနင်္ဂနွေနေ့တွင် အနည်းငယ်ပါးသွားသယောင် ရှိသော်လည်း တစထက်တစ အခြေအနေ ပိုဆိုးလာသည်။ သောကြာနေ့တွင် အဆိုးဆုံးဖြစ်လာသည်။

            ဆီအုန်းစိုက်ခင်းများအတွက် တောရှင်းရန် အင်ဒိုနီးရှားနိုင်ငံ၊ စူမတြာကျွန်း၊ Riau ခရိုင်၊ ဒူမိုင်းမြို့အနီးတွင် တောတောင်များကို မီးရှို့ကာ ရှင်းလင်းကြ၏။ ၂၀၁၃၊ ဇွန်လ၊ ၁၈ ရက်နေ့ထုတ်ပြန်ချက်များအရ မီးရှို့သည့်နေရာ စုစုပေါင်း ၁၈၇ နေရာကို ဂြိုဟ်တုမြေပုံမှ တွေ့ခဲ့သည်ဆို၏။ စူမတြာကျွန်းမှာ စင်ကာပူနှင့် မလေးရှားနိုင်ငံတို့၏ အနောက်တောင်ဘက် ယွန်းယွန်းတွင်ရှိရာ ယခု မုတ်သုံရာသီတွင် အနောက်တောင်မုတ်သုံလေများ တိုက်ခတ်လေရာ စူမတြာကျွန်းမှ မီးခိုးနှင့် ပြာများ စင်ကာပူနှင့် မလေးရှားတို့သို့ ပျံ့လွင့်လာခဲ့တော့သည်။

ဤသည်မှာ အဆန်းတကြယ်မဟုတ်။ ယခင်အခါ ကာလများကလည်း သည်ကဲ့သုိ့ ကြုံတွေ့ခဲ့ကြရသည်။ များသော အားဖြင့်တော့ မုတ်သုံရာသီတွင်ဖြစ်၏။ တောင်ယာစိုက်ရန် တောတောင်များကို လူတို့ မီးရှို့၍သော်လည်းကောင်း၊ သဘာဝ အလျောက် တောမီးလောင်သောကြောင့် သော်လည်းကောင်း အင်ဒိုနီးရှားတွင် ခြောက်သွေ့ရာသီ၌ မကြာခဏ မီးလောင်လေ့ ရှိ၏။ ထိုမီးခိုးပြာများသည် မုတ်သုံလေနှင့်အတူ စင်ကာပူနှင့် မလေးရှားနိုင်ငံများသို့ ရောက်ရှိလာခဲ့သည်။

ယခုအကြိမ်မှာ ၂၀၀၅ ခုနှစ်နောက်ပိုင်း မလေးရှား၌ မီးခိုးပြာများကျရောက်မှု အဆိုးဝါးဆုံးဖြစ်၏။ ၁၉၊ ၆၊ ၂၀၁၃ နေ့ တွင် လေထုညစ်ညမ်းမှု အညွှန်းကိန်း (Air Pollution Index – API) ၁၇၂ ထိ ရောက်ခဲ့သည်။ မလေးရှားနိုင်ငံ၏ ဒေသ ၆ ခု တွင် မီးခိုးပြာဒဏ် ခံခဲ့ရသည်။ ထိုဒေသများတွင် API ၁၀၁ မှ ၁၂၉ ထိရှိခဲ့သည်။

ယခင်အခါကာလများက ထိုကိစ္စကို စင်ကာပူ၊ မလေးရှား၊ အင်ဒိုနီးရှားတို့ ဆွေးနွေးခဲ့ကြဖူးပြီ။

ယခုနှစ် သြဂုတ်လ ၂၀ ရက်နေ့တွင် ဒေသတွင်း၊ မီးခိုးမှိုင်းနှင့်ပြာများ ပြဿနာကို အာဆီယံအဆင့် ဆွေးနွေးကြမည်။ အင်ဒိုနီးရှား၊ မလေးရှား၊ စင်ကာပူ နှင့် ဘရူနိုင်းမှ ၀န်ကြီးများတွေ့ဆုံကာ သည်မီးခိုးပြာများကို မည်ကဲ့သို့ဖျောက်ဖျက်နိုင်မည် နည်းဆိုသည်ကို အဖြေရှာရေး မလေးရှား၌ ဆုံတွေ့ကြမည် ဖြစ်သည်။ မလေးရှားက ဂြိုဟ်တုအသုံးပြု၍ မီးလောင်မှုများကို ကြိုတင်ရှာဖွေနိုင်ရန် တင်ပြထားသော နည်းလမ်းများကို သုံးသပ်လေ့လာကြမည်။ ထို့ပြင် မီးခိုးမှိုင်းပြဿနာကို သက်ဆိုင်ရာ ဌာနများမှ အမျိုးသားရေးလှုပ်ရှားမှုတစ်ရပ် အဖြစ်ပါ ဆောင်ရွက်သွားမည် ဖြစ်ပေသည်။

           

(၃) စင်ကာပူ အခြေအနေ

            စင်ကာပူတွင် လေထုညစ်ညမ်းမှုကို တာဝန်ယူသူမှာ NEA (National Environment Agency) ဖြစ်သည်။ NEA က လေထုညစ်ညမ်းမှု ညွှန်းကိန်း PSI (Pollutant Standards Index) ကို တိုင်းတာကာ ပုံမှန်အချိန်များတွင် တစ်နေ့ သုံးကြိမ် (မနက် ၈ နာရီ၊ မွန်းတည့် နှင့် ညနေ ၄ နာရီ) များတွင် ထုတ်ပြန်သည်။ သို့သော် ယခုအချိန်တွင်မူ နာရီတိုင်း ထုတ်ပြန်လျှက် ရှိ၏။ တစ်ခါတစ်ရံ ၎င်းတို့ထုတ်ပြန်လိုက်သော ကိန်းဂဏန်းများမှာ လက်တွေ့အခြေအနေများနှင့် မကိုက်ညီဟု ထင်ရသော ကြောင့် သတင်းထောက်တစ်ယောက်က မေးမြန်းသည့်အခါ ၎င်းတို့ထုတ်ပြန်သည့် အချက်အလက်များမှာ မှန်ကန်ပါကြောင်း၊ အမှန်မှာ ထိုထုတ်ပြန်ချက်များသည် ၃နာရီ ပျမ်းမျှထုတ်ပြန်ချက်များ ဖြစ်သဖြင့်သာ လက်ရှိမြင်နေရသော အခြေအနေနှင့် အနည်းငယ်ကွဲလွဲဖြစ်ကြောင်း ၀န်ကြီးချုပ် မစ္စတာလီက ရီရီမောမော ပြောဆိုခဲ့၏။

            ပတ်ဝန်းကျင်နှင့် ရေအရင်းအမြစ်ဝန်ကြီး ဒေါက်တာဗီဗီယန်ကလည်း ဤအချက်အလက်များမှာ စင်ကာပူအစိုးရ၊ website ဖြစ်သော data.gov.sg တွင် သိမ်းထားမည့်အချက်အလက်များဖြစ်သဖြင့် ယခုထုတ်ပြန်သော ကိန်းဂဏန်းများ အပေါ် မေးခွန်းထုတ်စရာအကြောင်းမရှိပါကြောင်း ပြော၏။

            လေထုတွင် အမှုန်များလာလျှင် လူတို့ကျန်းမာရေးအတွက် အန္တရာယ်များသည်။ အထူးသဖြင့် အရွယ်မရောက်သေး သော ကလေးငယ်များနှင့် သက်ကြီးရွယ်အို၊ ရင်ကျပ်ပန်းနာသည်၊ နှလုံးရောဂါဝေဒနာသည်၊ အဆုပ်ရောဂါသမား စသည်တို့ အတွက် အခြေအနေကို ပိုဆိုးစေသည်။

            လေထုတွင်ပါဝင်သည့် အမှုန်ပမာဏအလိုက် ကျန်းမာရေးကို ထိခိုက်နိုင်ခြေအား အောက်ပါဇယားဖြင့် ဖော်ပြထားပါ သည်။

မှတ်တမ်းများအရ စင်ကာပူ၌ ၁၉၉၇ ခုနှစ်၊ စက်တင်ဘာလက PSI ၂၂၆ ထိရောက်ခဲ့ပြီး ၂၀၀၆ ခုနှစ်တွင် ၁၅၀ ထိရှိခဲ့၏။ ယခုတစ်ခါတွင်မူ အခြေအနေအတော်ဆိုးသည်။

ယခုလက်ရှိ PSI တန်ဘိုးများမှာ အောက်ပါအတိုင်းဖြစ်၏။

အစိုးရကမူ ပြင်ပတွင်အလုပ်လုပ်ခြင်းကို လျှော့ချရန်၊ အပြင်ထွက်လျှင်နှာခေါင်းအကာများ ၀တ်ဆင်ရန်၊ ကလေးငယ်များနှင့် သက်ကြီးရွယ်အိုများ၏ ကျန်းမာရေးအခြေအနေကို စောင့်ကြည့်ရန်၊ နေထိုင်မကောင်း ဖြစ်လာပါက ချက်ချင်း ဆေးခန်း၊ ဆေးရုံများသို့ သွားရန်၊ မီးသတ်လေ့ကျင့်ခန်းနှင့် စစ်လေ့ကျင့်ခန်းများကို၊ ထုတ်ပြန်သော PSI တန်ဘိုးများအလိုက် လျှော့ချရန်၊ ရပ်သင့်က ရပ်နားထားရန်၊ ပညာရေးဝန်ကြီးဌာနကလည်း ကျောင်းများအား ကျောင်းပြင်ပ လှုပ်ရှားမှုများကို လျှော့ချရန် ညွှန်ကြားထား၏။

အစိုးရတာဝန်ရှိသူများဖြစ်သည့် နိုင်ငံခြားရေးဝန်ကြီး၊ ပတ်ဝန်းကျင်နှင့်ရေအရင်းအမြစ်ဝန်ကြီး၊ NEA ညွှန်ချုပ်တို့က အင်ဒိုနီးရှားအစိုးရထံ ဆက်သွယ်ကာ ဤမီးခိုးပြာများကိစ္စကို အရေးတကြီးထားဆောင်ရွက်ပေးပါရန် တောင်းဆိုခဲ့သည်။

            မီးခိုးမှိုင်းများကိစ္စနှင့်ပတ်သက်၍ ၂၀၊ ၆၊ ၁၃ ညနေ ၃ နာရီတွင် စင်ကာပူဝန်ကြီးချုပ် မစ္စတာ လီဆင်လုန်း၊ ပတ်ဝန်းကျင်နှင့်ရေအရင်းအမြစ်ဝန်ကြီး ဒေါက်တာဗီဗီယန် ဘာလာကရစ်ရှနန်၊ ကာကွယ်ရေးဝန်ကြီး မစ္စတာ အန်အင်ဟဲန် တို့က ပြည်သူတို့ကို စကားပြောခဲ့သည်။

မစ္စတာလီက ၎င်းအနေနှင့် အင်ဒိုနီးရှားသမ္မတ ယူဒိုယိုနိုထံ ယခုဖြစ်ပေါ်နေသောအခြေအနေကို အရေးတကြီးထား လုပ်ဆောင်ရန်နှင့် စင်ကာပူမှပေးမည့်အကူအညီကို အကြောင်းပြန်ကြားရန် စာရေထားကြောင်း၊ စူမတြာကျွန်း၌ လုပ်ကိုင်နေ သည့် စင်ကာပူကုမ္ပဏီများအားလည်း လိုအပ်သည့် အရေးယူဆောင်ရွက်မှုများပြုရန် ပန်ကြားပါကြောင်း၊ ကျန်းမာရေး စောင့် ရှောက်မှုအတွက် လိုအပ်သည့်ငွေကြေးအထောက်အပံ့များပေးနိုင်ရန် အထူးအစီအစဉ်တစ်ခုကိုလည်း အကောင်အထည် ဖော်မည်ဖြစ်ကြောင်း၊ အစိုးရအနေနှင့် နေ့စဉ်စည်းဝေးပွဲများပြုလုပ်ကာ ပြည်သူများအား မီးခိုးမှိုင်းများနှင့်ပတ်သက်၍ အမြဲ အသိပေးနေမည်ဖြစ်ကြောင်း၊ လိုအပ်သည့်ကာကွယ်မှုများကိုလည်း ပြုလုပ်ပေးမည်ဖြစ်သဖြင့် ပြည်သူများအနေနှင့် စိတ်အေး ချမ်းသာစွာနေရန်၊ တစ်ဦးနှင့်တစ်ဦး ဖေးမကူညီရန်၊ အကြောင်းရှိက မိမိတို့၏ လွှတ်တော်ကိုယ်စားလှယ်များကို မေးရန်၊ ပြောရန် စသည်တို့ ပြောခဲ့၏။

            စီးပွားရေးအနေနှင့် ညနေပိုင်းတွင် လူစည်ကားမြဲဆိုင်များမှာ ယခု ဖောက်သည် ထက်ဝက်ခန့်လျော့ကျခဲ့သည်ဆို၏။ စင်ကာပူဖလိုင်ယာ (ရဟတ်) ကိုလည်း ပိတ်ထားမည်ဖြစ်ပြီး အခြေအနေပြန်ကောင်းလာသည်နှင့် ချက်ချင်းပြန်ဖွင့်ရန် စီစဉ် ထားသည်။ သို့သော် ခရီးသွားလုပ်ငန်းများကမူ ၎င်းတို့ဧည့်သည်များအနေနှင့် ခရီးစဉ်များကို ဖျက်သိမ်းခြင်းမရှိသေးကြောင်း ပြောသည်။ သို့သော် လက်ရှိအခြေအနေထက် မတိုးတက်ပါက နောက်နှစ်ပတ်အတွင်း ခရီးသွားလုပ်ငန်း ၂၀% ခန့် ကျဆင်းနိုင်ချေရှိကြောင်း ခန့်မှန်းထား၏။ လက်ရှိဧည့်သည်များကိုမူ ပြင်ပခရီးစဉ်များထက် ပြခန်းများအတွင်း လှည့်လည် ပြသရန် စီစဉ်ထားကြောင်းပြောသည်။

(၄) အစိုးရ၏ ဆောင်ရွက်ချက်များ

            ကျန်းမာရေး စောင့်ရှောက်မှု အထူးအစီအစဉ်ကြောင့် ဇွန်လ ၂၁ ရက်နေ့မှစကာ ကလေးသူငယ်၊ အဖိုးကြီး၊ အဖွားကြီး နှင့် နာတာရှည်ရောဂါသည်များအား အသက်ရှုလမ်းကြောင်းဆိုင်ရာ ရောဂါများအတွက် အစိုးရမှ ဆေးကုသစရိတ် ကုန်ကျငွေ ထောက်ပံ့ပေးမည်။ ထိုအစီအစဉ်အရ အဆိုပါလူနာများမှာ ပိုလီကလစ်နစ်သို့သွားပြီး ဆရာဝန်တစ်ခါပြလျှင် ငွေတစ်ဆယ် သို့မဟုတ် ထို့ထက် ပိုနည်းသော ပိုက်ဆံမျှသာ ပေးရန်လိုပါတော့သည်။ အသက် ၁၈ နှစ်အောက်နှင့် အသက် ၆၅ နှစ်အထက် စင်ကာပူနိုင်ငံသား လူနာများ ပြင်ပဆေးခန်းများ၌ ပြလျှင် ဆေးခန်းတစ်ခါသွားတိုင်း ငွေ ၃၀ ကို အစိုးရမှ ကျခံပေးပါလိမ့်မည်။

            ကာကွယ်ရေးဝန်ကြီး မစ္စတာ အန်အင်ဟန်းခေါင်းဆောင်ကာ Haze Inter-Ministerial Committee ဖွဲ့မည်ဖြစ်၏။ ထိုအဖွဲ့က ပြည်သူ့ကျန်းမာရေးနှင့် အန္တရာယ်ကင်းရေး၊ မီးခိုးပြာများ၏ မူလဘူတဖြစ်သော အင်ဒိုနီးရှားမှ တောမီးများ လောင်ကျွမ်းနေရာဒေသများကို လျှော့ချနိုင်ရေး အင်ဒိုနီးရှားအစိုးရနှင့် ပူးပေါင်းဆောင်ရွက်ရေး စသည်တို့လုပ်ဆောင်မည်။

            ဆိုင်များ၌ နှာခေါင်းအကာများ ပြတ်လတ်သွားသည့်တိုင် အများပြည်သူများအား ထောက်ပံ့နိုင်ရန် နှာခေါင်းအကာ ၉ သန်းကို ဆေးဝါးဆိုင်များသို့ ဖြန့်ဝေပေးသွားမည်ဖြစ်ကြောင်း ကျန်းမာရေးဝန်ကြီးဌာနက ထုတ်ပြန်၏။

            ဇွန်လ ၂၀ ရက်နေ့က အင်ဒိုနီးရှားနိုင်ငံ၊ ဂျကာတာမြို့၌ အရေးပေါ် စည်းဝေးပွဲပြုလုပ်ခဲ့ပြီး စင်ကာပူနိုင်ငံမှ NEA အမှုဆောင်အရာရှိချုပ် မစ္စတာ အင်ဒရူးတန် က မီးခိုးမှိုင်းများကို ထိန်းသိမ်းရန် အင်ဒိုနီးရှားအစိုးရနှင့် ပူးပေါင်းဆောင်ရွက်ရေး ပြောကြားခဲ့သည်။ မစ္စတာတန်တင်ပြခဲ့သည့် စင်ကာပူနိုင်ငံအနေနှင့် မိုးတုဖန်တီးမည့်အစီအစဉ်အတွက် လေယာဉ်များ ထောက်ပံ့ပေးခြင်း၊ မီးလောင်သည့်နေရာများကို နေရာပြ ကိုသြဒိနိတ်နှင့်တကွ ပိုမိုပြတ်သားစွာမြင်ရမည့် ဂြိုဟ်တုပုံရိပ် စနစ်များ ထောက်ပံ့ပေးခြင်း အစီအစဉ်ကို အင်ဒိုနီးရှားနိုင်ငံအနေနှင့် စဉ်းစားမည်ဖြစ်ကြောင်း ပြောပါသည်။ ထို့ပြင် ၂၀၀၂ ခုနှစ်က အင်ဒိုနီးရှားနိုင်ငံလက်မှတ်ထိုးခဲ့သည့် အာဆီယံ နယ်ချင်းစပ်မြူမှုန်သဘောတူညီချက်အား အသက်သွင်းရန်ကိုလည်း မေတ္တာရပ်ခံခဲ့သည်။ အင်ဒိုနီးရှားက ထိုကိစ္စအတွက် ပါလီမန်တွင် အတည်ပြုချက်ရယူပါမည်ဟု ပြောကြားခဲ့၏။

            ဒေါက်တာအန်းက စူမတြာကျွန်းအလယ်ပိုင်းတွင် လောင်နေသောမီးမှာ အတော်ကြီးသည်။ စင်ကာပူမှ ကီလိုမီတာ ၂၅၀ မျှသာကွာ၏။ ထို့မီးကြောင့်ပင် စင်ကာပူအပါအ၀င် စတုရန်းကီလိုမီတာ ထောင်ပေါင်းများစွာတို့ မီးခိုးငွေ့များအောက်တွင် နစ်မြုပ်နေရသည်။ ထိုမီးခိုးများသည် စင်ကာပူကို လွှမ်းမိုးမခံစေရ။ ကျွန်ုပ်တို့ ကိုယ့်ကိုယ်ကို ကာကွယ်နိုင်သည် စသည်ဖြင့် ပြောကြားခဲ့၏။

            အင်ဒိုနီးရှားကမူ သည်တောမီးများအတွက် မည်သူတာဝန်ရှိသည်ဆိုသည့်အချက်ကို ပြတ်ပြတ်သားသား မဖော်ပြ သေးပါ။ စင်ကာပူဝန်ကြီးချုပ် မစ္စတာလီက ဤမီးလောင်ခြင်းတွင် မည်သည့်ကုမ္ပဏီများ ပါဝင်ပတ်သက်နေသည်ကို တိတိကျကျ ပြောရန် အလွန်ခက်ခဲကြောင်း၊ သို့သော် မီးလောင်သည့်နေရာများသည် မြေလွတ်များတွင်လား၊ သို့မဟုတ် အကွက်ချထားသည့် မြေများအတွင်းတွင်လား၊ အကြီးအကျယ် မီးရှို့တောရှင်းနေသည်လား၊ လုပ်ကွက်အနည်းငယ်စီတွင် မီးရှို့နေသည်လား ဆိုသည်ကိုမူ ဂြိုဟ်တုမြေပုံများအရ ခန့်မှန်းရန်ဖြစ်နိုင်ကြောင်း၊ ဤပုံများအရ ဤမီးလောင်ရာနေရာများ သည် လုပ်ကွက်သေးများ မဖြစ်နိုင်၊ အကယ်၍ လုပ်ကွက်သေးများဆိုလျှင် ပိုင်ရှင် အမြောက်အများလိုမည်ဖြစ်ကြောင်း ပြောပါသည်။

            ဂရင်းပိစ်၏ အစီရင်ခံစာတွင် မီးလောင်မြေများမှာ စင်ကာပူကုမ္ပဏီဖြစ်သော First Resources ကပိုင်ကြောင်း ဖော်ပြခဲ့၏။ သို့သော် First Resources ကမူ ငြင်းဆိုခဲ့သည်။ 

            မစ္စတာလီက “ဤမီးလောင်သည့်ဒေသများတွင် ပါဝင်ပတ်သက်နေသူများကို တိကျသောနည်းလမ်းများဖြင့် ရှာဖွေ ဖော်ထုတ်မည်။ သို့သော် ဥပဒေအရ မည်ကဲ့သို့လုပ်နိုင်သည်၊ လက်တွေ့မည်မျှကျသည် ဆိုသည့်အပေါ် မူတည်နေသည်။ သင်သည် စင်ကာပူဥပဒေများကို လေးစားလိုက်နာရမည်။ အကယ်၍ တစ်စုံတစ်ယောက်သည် စင်ကာပူ၏ သဘာဝ ပတ်ဝန်းကျင်ကို ပျက်စီးအောင်ပြုလုပ်ခဲ့ပါက ပြင်းထန်စွာ ပြစ်ဒဏ်ပေးခြင်းခံရမည်”  ဟု သတိပေး ပြောကြားသွား၏။  

(၅) သင့်ကိုယ်သင် မီးခိုးမှိုင်းများဘေးမှ မည်ကဲ့သို့ ကာကွယ်မည်နည်း

            စင်ကာပူတွင်လက်ရှိကြုံတွေ့နေရသော မီးခိုးမှိုင်းများ အန္တရာယ်မှ သင့်ကိုယ်ကို ကာကွယ်ရန် အောက်ပါအချက်များ ကို လိုက်နာပါ။

ü  အပြင်ထွက်သောအခါ ပါးစပ်နှင့်နှာခေါင်းကို ကာမိသည့် နှာခေါင်းအကာများဖြင့် ဖုံးအုပ်သွားပါ။ ထိုနှာခေါင်းအကာများသည် ၀.၃ မိုက်ခရွန်အောက်ရှိသည့် အမှုန်များကို ကာကွယ်နိုင်သည့်အကာများ ဖြစ်ပါစေ။

(လူ့ခန္ဓာကိုယ်သည် ကြီးသော အမှုန်များကို လက်မခံ။ နှာခေါင်းမှသော်လည်းကောင်း၊ ချောင်းဆိုးခြင်းဖြင့် သော်လည်းကောင်း  တစ်နည်းနည်းဖြင့် ပြန်စွန့်ထုတ်သည်။ သို့သော် အလွန်သေးငယ်သော အမှုန်များမှာ အသက်ရှူလမ်းကြောင်းနှင့် အဆုပ်များ အတွင်းသို့ ၀င်ရောက်သွားကာ လူကို ဒုက္ခပေးသည်။)

ü  အိမ်မှ တံခါးများ၊ ပြူတင်းပေါက်များကို အလုံပိတ်ထားပါ။

ü  ကားမောင်းသွားလျှင် ကားပြတင်းများကို ပိတ်ထားပါ။

ü  ညစ်ညမ်းလေများကို ပြင်ပသို့ မှုတ်ထုတ်နိုင်ရန် ဖြစ်နိုင်လျှင် အိမ်၌ လေအေးပေးစက် သုံးပါ။

ü  သေးငယ်သော အမှုန်များကို စုပ်ယူရန် လေသန့်စက်များတပ်ဆင်ပါ။

ü  ပုံမှန်ထက် ရေပိုသောက်ပါ။ ဤနည်းဖြင့် သင်၏ အဆုပ်နှင့် အရေပြားများမှ ၀င်လာသော အမှုန်အမွှားများကို ကျောက်ကပ်မှ တစ်ဆင့် ဆီးသွားခြင်းဖြင့် စွန့်ထုတ်ပစ်လိမ့်မည်။

ü  ကော်ဖီ၊ အရက်များလျှော့သောက်ပါ။ ထိုအရည်များသည် ခန္ဓာကိုယ်မှ အရည်ဓါတ်နှင့် အချို့ သြဇာဓါတ်များကို ဆုံးရှုံးစေသည်။

ü  ဗိုက်တာမင်စီဓာတ်ပါသော မာလကာသီး၊ လိမ္မော်သီး၊ စတော်ဘယ်ရီသီးစသည်၊ ဗိုက်တာမင် အီးဓာတ်ပါသော အစေ့အဆန် များ၊ အိုမီဂါ သရီး၊ ဖက်တီးအက်စစ် (အဆီများသောငါး) စားခြင်းဖြင့် ခန္ဓာကိုယ် ခုခံမှုအားကို မြှင့်တင်ပါ။

                                          

အေးငြိမ်း (လေးမျက်နှာ)

၂၁ ဇွန်လ၊ ၂၀၁၃ / ည ၁၀း၅၁ နာရီ