Saturday, November 6, 2010

ပိုက်ပြင်ပိုက်ဆက်လက်စွဲ (၂၉) Piping Design 1

Piping Design အတွက် နိဒါန်း

ပြီးခဲ့သည့်အခန်းများက ရေးသားခဲ့သော ပိုက်အကြောင်းများမှာ ပိုက်ဆက်လုပ်သားများ၊ စူပါဗိုက်ဆာများ ယေဘူယျသိသင့်သိထိုက်သော ပိုက်အကြောင်းများဖြစ်ပါသည်။ ယခု ဆက်လက်ပြီး Piping Engineer များအတွက် Piping Design အကြောင်းရေးသားပါမည်။

Piping Design အတွက် စာအုပ်စာတမ်းများ ရှာလိုက်သောအခါ အားလုံးမှာ ဟဲဗီးစာအုပ်ကြီးများ ဖြစ်နေသည့်အတွက် အားလုံးကို ပြန်ရေးရန် မလွယ်ကူလှကြောင်း တွေ့ရပါသည်။ ထိုဘုတ်အုပ်ကြီးများထဲမှ လက်တွေ့အသုံးတည့်မည့် အရာများကိုသာ ထုတ်နုတ်ရေးသား သွားပါမည်။ ကျွန်တော့်ထံတွင်ရှိသော အချို့စာအုပ်များမှာ hard copy အနေနှင့် ဖြစ်ပြီး။ အချို့စာအုပ်များမှာ ebook များဖြစ်ပါသည်။

Piping Design ဆိုရာတွင်လည်း Ductile Iron က တစ်မျိုး၊ Stainless Steel ကတစ်ဖုံ၊ GRP Pipe က တစ်နည်း၊ Plastic Pipe က တစ်သွယ် ဖြစ်လေရာ ဤနေရာတွင် ကျွန်တော်က ကာဘွန်စတီးပိုက် ကို အခြေခံ ရေးသားပါမည်။ အခြားပိုက်များကို နောက်ပိုင်းတွင် ကာဘွန်စတီးပိုက်နှင့် ဘယ်လိုကွာသည်ကို ဇယားများနှင့် နှိုင်းယှဉ်ဖော်ပြသွားပါမည်။

အသေးစိတ်ဖတ်လိုသူများအတွက် ရည်ညွှန်းကိုးကားစာအုပ်စာတမ်းများ စာရင်းကိုလည်း ထည့်ပေးသွားပါမည်။
-----------------------------------------------------------------------------------------------

အခန်း ၁၃



ပိုက်လိုင်း ဒီဇိုင်းရေးဆွဲခြင်း (Piping Design)

ပိုက်လိုင်းဒီဇိုင်းကိုခြုံပြောရလျှင် သတ်မှတ်ထားသော စနစ်တစ်ခုတွင်သုံးမည့် ဖိအား၊ အပူချိန်တို့အပေါ် မူတည်ကာ ပိုက်၏အထူ၊ ပိုက်အရွယ်၊ ပိုက်အမျိုးအစား၊ ပိုက်အထိုင်များ ထည့်ရမည့်နေရာ၊ ပိုက်အထိန်းများထည့်ရ မည့်နေရာ၊ ပိုက်အချုပ်များ ထည့်ရမည့်နေရာ၊ သုံးရမည့် ပိုက်ဆက်ပစ္စည်းအမျိုးအစားများ ကိုရွေးချယ်ပေးခြင်းပင်ဖြစ်ပါသည်။

ဖြည့်စွက်ပြောရလျှင် ပိုက်ကိုသုတ်ရမည့်ဆေးအမျိုးအစား၊ ပိုက်ကိုစမ်းရမည့်အစီအစဉ်၊ ပိုက်ကိုဆင်ရမည့် စံနှုံးများ၊ ဂဟေဆော်ရမည့် စံနှုံးသတ်မှတ်ချက်များ စသည်အားလုံးပါဝင်ပါ သည်။ ဤတွင် ပိုက်လိုင်းဒီဇိုင်း ကို ထည့်ရခြင်းမှာ ပိုက်အင်ဂျင်နီယာများအနေနှင့် လေ့လာလိုက လေ့လာနိုင်ရန်ဖြစ်ပါသည်။ သို့သော် ဒီဇိုင်းပိုင်းမှာ ကျယ်ပြန့်လှသဖြင့် အခန်းတစ်ခန်းမျှနှင့် မပြည့်စုံနိုင်။ စာအုပ်တစ်အုပ်သီးသန့်ရေးမှ ပြည့်ပြည့်စုံစုံ ဖြစ်နိုင်မည်။ ယခုဖော်ပြမည်မှာ ဒီဇိုင်းဆွဲရာတွင် အခြေခံသိထားသင့်သည့် အချက်များသာ ဖြစ်ပါသည်။ ဤအချက်များကိုအခြေခံပြီး မိမိဘာသာ ဆက်လက်လေ့လာနိုင်ပါသည်။

ပိုက်ဒီဇိုင်းဆိုရာတွင်လည်း ပိုက်လုပ်သည့်ပစ္စည်းအမျိုးအစားပေါ်မူတည်ပြီး ကွာခြားသည်ဖြစ်ရာ ဤနေရာတွင် သံပိုက်ကို အခြေခံထားပြီး အခြားပလတ်စတစ်ပိုက်အကြောင်း အနည်းငယ်၊ ဖိုက်ဘာပိုက်အကြောင်း အနည်းငယ်မျှ ဖော်ပြပါမည်။

၁၃၊ ၁။ Piping Codes and Standards

Piping Design Engineer တစ်ဦးအနေနှင့် မသိမဖြစ်သိထားရမည်မှာ Piping Codes and Standards ဖြစ်ပါသည်။ သို့သော် Piping Codes and Standards များမှာ အလွန်များပြား ရှုပ်ထွေးလှသည်ဖြစ်ရာ မိမိအနေနှင့် မည်သည့်အပိုင်းကိုလိုချင်လျှင် မည်သည့်စာအုပ်၊ မည်သည့်အခန်းတွင် ရှာရမည်ကို သိထားရုံမျှ ဖြစ်ပါသည်။ မိမိသိလိုသော အချက်ကိုရှာလျှက် ကိုးကားတတ်ရန် လိုပါသည်။
အဘယ်ကြောင့် Piping Codes and Standards များကို ထားရသနည်းဟူမူ ပိုက်လိုင်းဒီဇိုင်းရေးဆွဲရာတွင် လိုအပ်သော ဒီဇိုင်းစံချိန်စံညွှန်းများကို ဖြည့်ဆည်းပေးရန်၊ ပိုက်လုပ် မည့်ပစ္စည်းကို ရွေးချယ်ရန်၊ ပိုက်လိုင်းဆင်ရာတွင် လမ်းညွှန်မှုပေးရန်၊ ပိုက်ကိုရေထည့်ပြီးစမ်းသပ် ခြင်း၊ စစ်ဆေးခြင်းများအတွက် စံသတ်မှတ်ချက်များ ချမှတ်ပေးရန်၊ ပိုက်လိုင်းအတွင်းသုံးမည့် ပိုက်ဆက်ပစ္စည်းများ၊ ဗားများ၊ ပိုက်လိုင်းကိုသုတ်ရမည့် ဆေးများ၊ အပူကာများ၊ ပိုက်အထိုင်များ စသည်တို့အတွက် လိုအပ်သော စံများချမှတ်ပေးရန် စသည်တို့ဖြစ်ပါသည်။

ပိုက်လိုင်းတစ်လိုင်းကို ဒီဇိုင်းရေဆွဲရာတွင် ဒီဇိုင်နာတစ်ဦးအနေနှင့် အထက်ဖော်ပြပါ Piping Codes and Standards များကို တိတိကျကျလိုက်နာရန် လိုပါသည်။ ထိုမျှသာမက အသစ်အသစ်ထွက်ပေါ်လာသော code နှင့် standard များ၊ ပြုပြင်ပြောင်းလဲချက်များကိုလည်း မျက်ခြေမပြတ် လေ့လာနေရန် လိုပါသည်။
Piping Codes

Piping Codes များက ဒီဇိုင်းလိုအပ်ချက်များ၊ ပိုက်လိုင်းဆင်ခြင်း၊ ပြေးခြင်း၊ ပိုက်လိုင်း တွင်သုံးရမည့် ပစ္စည်းအမျိုးအစား၊ ရေလုံမလုံ စမ်းသပ်ခြင်း နှင့် ပိုက်လိုင်းကို စစ်ဆေးခြင်းများ အတွက် စည်းမျဉ်းများ သတ်မှတ်ပြဌာန်းပေးသည်။

Piping Standrads

Piping Standards များက လက်တွေ့တည်ဆောက်ရာတွင် လိုအပ်သော စံနှုံးနှင့် လိုက်နာရမည့်အချက်များ၊ ပိုက်ဆက်ပစ္စည်းများ၊ အသုံးပြုရမည့် ဗားများကို ပြဌာန်းပေးသည်။

ဤတွင် ပိုက်လုပ်ငန်း၌ သုံးသော Codes and Standards များထဲမှ အချို့ကို ဖော်ပြ ထားပါသည်။ အပြည့်အစုံမဟုတ်ပါ။ အပြည့်အစုံကို သိလိုသူများအနေနှင့် သက်ဆိုင်ရာ ASME, ASTM, API စသည့် web site များသို့ သွားရောက်လေ့လာနိုင်ပါသည်။

No comments: