အီလက်ထရောနစ် လူ့အဖွဲ့အစည်း (၁)

အီလက်ထရောနစ်စနစ် ဖြစ်ပေါ်လာခြင်းသည် လူတို့အတွက် အလုပ်လုပ်ရာတွင် အလွန်လွယ်ကူ လျှင်မြန်သွားစေသည်။ နေ့စဉ်လူနေမှုဘ၀အတွက် သက်တောင့်သက်သာ နေထိုင်လုပ်ကိုင်နိုင်စေသည်။ ငွေရေးကြေးရေးကိစ္စများတွင် ပိုမိုစိတ်ချ၊ လျှင်မြန်စွာဆောင်ရွက်နိုင်သည်။ လူတို့၏ အဆင်မပြေမှုကြောင့် ဖြစ်ရသော ဒေါသများနှင့် ဖြစ်မှဖြစ်ပါ့မလားဟူသော စိုးရိမ် ကြောင့်ကြမှု၊ စိတ်ပူပင်သောကများကို လျှော့ချပေးနိုင်သည်။

အီလက်ထရောနစ်စနစ်ကို အကောင်အထည်ဖော်နိုင်ခြင်းအားဖြင့် နေ့စဉ်လူနေမှုဘ၀တွင် အဘယ်မျှ အဆင်ပြေကာ သက်တောင့်သက်သာရှိသည်ကို ရေးသားဖော်ပြပါမည်။ ကျွန်တော်သည် စင်ကာပူတွင် နေထိုင်သည်ဖြစ်၍ ကျွန်တော်နှင့် ရင်းနှီးကျွမ်းဝင်သော စင်ကာပူမှစနစ်များကို အခြေခံကာ ဤဆောင်းပါးကို ရေးပါသည်။

(၁) အီလက်ထရောနစ်စနစ်က နေ့စဉ်လူနေမှုဘ၀အား အထောက်အကူပြုပုံ

ကျွန်ုပ်တို့သည် အစားအသောက်မှအစ မိမိတို့အလိုရှိသော ပစ္စည်းများကို နေ့စဉ် ၀ယ်ယူကြရ၏။ ဤသို့ဝယ်ယူရာ၌ ဈေးများသို့လည်းကောင်း၊ စူပါမားကက်ကြီးများသို့လည်းကောင်း သွားရောက်ဝယ်ယူကြရသည်။ စင်ကာပူမှ လမ်းဘေး၌ ရောင်းသော ဆိုင်လေးများ၊ ဟော်ကာစင်တာ စားသောက်ဆိုင်၊ ကုန်စိမ်းဈေး စသည့်ဆိုင်များမှအပ ဆိုင်အားလုံးလိုလိုတွင် ပစ္စည်းဝယ်ယူခြင်းအတွက် ငွေပေးချေရာ၌ ဘဏ်ကဒ်ဖြင့်ပေးချေနိုင်သည်။ NTUC - Fairprice Extra စူပါမားကက်များတွင် မိမိဝယ်ယူထားသည့် ပစ္စည်းများအား ကောင်တာသွားစရာမလိုပဲ မိမိကိုယ်တိုင် ငွေပေးချေနိုင်သည်။

လုပ်ရသည်မှာလည်း မခဲယဉ်းပါ။ ပထမဦးစွာ ၀ယ်မည့်ပစ္စည်းများကို ငွေချေသည့်စက်ပေါ်တွင် တင်လိုက်ရသည်။ ထို့နောက် ပစ္စည်းတစ်ခုချင်းစီကို scan ဖြတ်ရသည်။ ပစ္စည်းအားလုံးကုန်သွားပြီဆိုလျှင် စုစုပေါင်း မည်မျှကျသင့်သည်ဆိုသည်ကို စက်က ဖော်ပြပါလိမ့်မည်။ ထိုအခါ ဘဏ်ကဒ်ကို စက်အတွင်းထည့်ကာ မိမိလျှို့ဝှက်နံပါတ်ရိုက်ထည့်လိုက်လျှင် ငွေလက်ခံဖြတ်ပိုင်း ထုတ်ပေးပါလိမ့်မည်။ အလွန်လွယ်ပါ၏။

ထို့ပြင် မက်ဒေါ်နယ် စသည့်ဆိုင်များ၌ သွားစားသည်ဆိုပါစို့။ ကောင်တာတွင် တန်းစီနေစရာမလို။ ဆိုင်ရှေ့၌ထောင်ထားသည့် ကြော်ငြာဖန်သားပြင်များပေါ်တွင် မိမိအလိုရှိသည့်အစားအစာများကို မှန်သားပြင်၌ထောက်ပြီး ရွေးလို့ရပါသည်။ အားလုံး ရွေးချယ်ပြီးနောက် ထိုနေရာ၌ပင် ထားပေးထားသည့် စက်အတွင်း မိမိဘဏ်ကဒ်ထည့်ကာ ကျသင့်ငွေကိုချေရပါသည်။ ထိုအခါ စက်က တိုကင်နံပါတ် ထုတ်ပေးပါလိမ့်မည်။ အစားအသောက်ရွေးသည့် ကောင်တာ၌ မိမိနံပါတ်ပေါ်လာသည့်အခါ သွားယူလိုက်ရုံ ဖြစ်၏။ အလွန် အဆင်ပြေပါသည်။

ရုပ်ရှင်ကြည့်လိုလျှင်လည်း လက်မှတ်အတွက် တကူးတက သွားတန်းစီနေစရာမလို။ မိမိအိမ်မှ ကွန်ပြူတာကနေ လက်မှတ်ကို online ၀ယ်လို့ရသည်။ သို့သော် online ၀ယ်တာက S$1.50 အပိုပေးရသည်။ ထို့ကြောင့် ရုပ်ရှင်မစမီ ၅ မိနစ်လောက် စောသွားပြီး ရုံရှေ့ရှိ လက်မှတ်စက်တွင် မိမိကြည့်လိုသော ကား၊ နေ့ရက်၊ အချိန်တို့ကိုရွေးပြီး စက်ထဲသို့ ဘဏ်ကဒ်ထည့် လိုက်လျှင် စက်က ကျသင့်ငွေကို အလိုအလျောက်ဖြတ်ပြီး လက်မှတ်ထုတ်ပေးပါလိမ့်မည်။

အီလက်ထရောနစ်စနစ်ကြောင့်ပင် ဆေးခန်းပြရတာလည်း အလွန်အဆင်ပြေလှသည်။

မိသားစုဝင်ထဲမှ တစ်ဦးဦး နေထိုင်မကောင်းလို့ ဆေးခန်းသွားပြမည် ဆိုကြပါစို့။ ဆေးခန်း (polyclinic) ၏ website တွင် appointment ယူလို့ ရပါသည်။ ထိုကဲ့သို့ ရက်ချိန်းယူထားခြင်းဖြင့် လူများ၍ အကြာကြီး စောင့်နေရခြင်းဒုက္ခ မရှိတော့။ မိမိအလှည့်ကျမည့်အချိန်ကို ချိန်သွားလို့ရသည်။ ဆေးခန်းတွင်လည်း အရာရာကို အီလက်ထရောနစ်စနစ်ဖြင့် လုပ်ပေး ပါသည်။

ဆေးခန်းရောက်လျှင် မိမိ appointment စာရွက်ကို ဆေးခန်းအပေါက်ဝတွင်ထားပေးသည့် စက်၌ scan လုပ်လိုက်ပါ။ မိမိလူနာနံပါတ်၊ ကောင်တာနံပါတ်၊ ဆရာဝန်ပြရမည့်အခန်း စသည်တို့ဖော်ပြထားသော တိုကင်စာရွက် ထုတ်ပေးပါလိမ့်မည်။ ထိုအစဉ်အတိုင်းသွားကာ သက်ဆိုင်ရာအခန်းရှေ့တွင် မိမိနံပါတ်ပေါ်အလာကို စောင့်နေရုံဖြစ်၏။

ဆရာဝန်ထံမပြမီ အရပ်၊ ကိုယ်အလေးချိန်၊ သွေးပေါင်၊ အဖျားရှိလျှင် အပူချိန် စသည်တို့ တိုင်းပေးပါသည်။ သွေးပေါင်ချိန်စက် ကလည်း ဒစ်ဂျစ်တယ်ဖြစ်လေရာ ဘာမှလုပ်စရာမလို။ စက်အတွင်းလက်ထည့်လိုက်လျှင် အလိုလိုတိုင်းပေး၏။

သွေးစစ်သည်၊ ECG ရိုက်သည် ဆိုပါစို့။ ထို သွေးစစ်အဖြေ၊ ECG အဖြေကို အီလက်ထရောနစ်စနစ်အတွင်းသို့ ထည့်သွင်းပေး လိုက်သည်။ သက်ဆိုင်ရာဆရာဝန်ရှေ့ရောက်သည့်အခါ ဆရာဝန်က ကွန်ပြူတာတွင် မိမိလူနာနံပါတ်ကို ဖွင့်ကြည့်ကာ ထိုအဖြေများကို စစ်ဆေးလျှက် ဆေးညွှန်းပေးပါလိမ့်မည်။ ဆေးညွှန်းကို ကွန်ပြူတာထဲတွင် ရိုက်ထည့်လိုက်၏။ ဆေးယူရမည့် နေရာတွင် မိမိလူနာနံပါတ်ကို scan လုပ်လိုက်သည်နှင့် သည်လူနာကို ဘာဆေးတွေပေးရမည်ဆိုသည်ကို ကောင်တာက သိသည်။

ကိုယ်က မိမိနံပါတ်ပေါ်အလာကို ထိုင်စောင့်နေရုံဖြစ်သည်။ မိမိနံပါတ်ပေါ်လာလျှင် သူတို့ပေးသည့်ဆေးကို သွားယူပါ။ ဆေးကို မည်ကဲ့သို့သောက်ရမည်ကို ကျကျနန ရှင်းပြပါလိမ့်မည်။

သောက်စရာဆေးများကို သက်ဆိုင်ရာကောင်တာတွင် ယူပြီးနောက် ပိုက်ဆံချေတော့လည်း မိမိဘာသာပင် ချေနိုင်ပါသည်။ ဆေးခန်းဝင်လာခါစက ထုတ်ပေးထားသည့် တိုကင်စာရွက်ပေါ်တွင် ကွန်ပြူတာဘားကုဒ် ပါသည်။ ဆရာဝန်ပြခ မည်မျှ၊ သွေးစစ်သည်၊ ဆီးစစ်သည်၊ ECG တိုင်းသည်၊ ဆေးဘိုးမည်မျှ စသည် အားလုံးကို electronic system အတွင်း ထည့်သွင်း ထားသည်ဖြစ်ရာ ငွေပေးရမည့်စက်၏ လေဆာရောင်ခြည်ရှေ့သို့ ထို ကွန်ပြူတာဘားကုဒ်ကိုပြလိုက်သည်နှင့် ဆေးခန်းပြခ မည်မျှကျသင့်ကြောင်း တွက်ပေးပါလိမ့်မည်။ ထိုအခါ မိမိဘဏ်ကဒ်ကို စက်အတွင်းထည့်၊ မိမိကိုယ်ပိုင်နံပါတ်ကို ရိုက်ထည့် လိုက်ပါက စက်က ငွေလက်ခံဖြတ်ပိုင်းကို ရိုက်ထုတ်ပေးပါလိမ့်မည်။ 

ယခု အီလက်ထရောနစ်စနစ်ကြောင့် ကား၊ ရထားစီးရာတွင် မည်မျှအဆင်ပြေကြောင်း ဆက်ပြောပြပါမည်။

အများပြည်သူသုံးသည့် ကား၊ ရထား၊ တက္ကစီ စသည်စီးလျှင်လည်း အဆင်ပြေလှ၏။ ကား၊ ရထားစီးရန်အတွက် ကဒ်လုပ်ထား ရသည်။ ရထားဘူတာများတွင် ကဒ်ရောင်းပေးပါသည်။ ထိုကဒ်ကို ez link card ဟု ခေါ်၏။ ထိုကဒ်အတွင်း ငွေဖြည့်ထား ရသည်။ ဘူတာတိုင်းတွင် ငွေဖြည့်စက်ရှိ၏။ ထိုစက်ကို General Ticketing Machine ဟု ခေါ်ပါသည်။ ရထားစီးလိုပါက မိမိသွားလိုသည့်ဘူတာကို စက်၏ မှန်သားပြင်ပေါ်တွင် လက်နှင့်ထောက်ပြီး ရွေးပါ။ နောက်ပြီး ကျသင့်ငွေအတွက် ပိုက်ဆံ ထည့်လိုက်ပါလျှင် စက်က လက်မှတ်ထုတ်ပေးပါလိမ့်မည်။ ပိုသောပိုက်ဆံပြန်အမ်းလျှင် အောက်ဘက်ပေါက်မှ ထုတ်ယူပါ။ ez link card ကို ဘဏ် ATM စက်များမှလည်း ငွေဖြည့်နိုင်ပါသေးသည်။

ကားစီးလျှင် ရှေ့ပေါက်မှတက်ပြီး စက်ကို ez link card ပြလိုက်ပါက စက်က အလိုလိုမှတ်ပေးသည်။ ဆင်းမည့်မှတ်တိုင်တွင် ကဒ်ကို စက်တွင်ပြလိုက်ပါက စက်က ကျသင့်ငွေကို ဖြတ်သွားလိမ့်မည်။ စက်တွင် ကဒ်ဖြတ်ရန်အတွက် ကဒ်ကို ထုတ်စရာပင် မလိုပါ။ ကဒ်ထည့်ထားသည့် ပိုက်ဆံအိတ် သို့မဟုတ် လက်ကိုင်အိတ်ကို ပြလိုက်ရုံသာ ဖြစ်သည်။

ရထားစီးလျှင်လည်း ဘူတာအ၀င်တွင် လက်မှတ်ဖြတ်ရသော နေရာများရှိ၏။  ထိုနေရာ၌ စက်ပေါ်တွင် ez link card ကို ပြလိုက်ပါက စက်က အလိုအလျောက်မှတ်ပေးသွားသည်။ ဆင်းမည့်ဘူတာရောက်လျှင် ထွက်ဝရှိစက်၌ ကဒ်/လက်မှတ်ကို ပြလိုက်ပါက ကျသင့်ငွေကို ဖြတ်သွားပါလိမ့်မည်။ 

ချစ်စရာကောင်းသည်မှာ ez link card သုံးပြီးသွားလျှင် ကားမှ ရထားသို့လည်းကောင်း၊ ရထားမှ ကားသို့လည်းကောင်း ပြောင်းစီးသည့်အခါ ကား၊ ရထား စီးခများကို လျှော့ဈေးပေးခြင်းဖြစ်၏။ သို့သော် ငွေသားဖြင့် ပေးချေလျှင်မူ အပြည့်ပေးရ ပါသည်။ လျှော့ဈေးမရပါ။

ဤကဲ့သို့ အီလက်ထရောနစ် ငွေပေးချေခြင်းစနစ်ကို ကျင့်သုံးခြင်းအားဖြင့် သယ်ယူပို့ဆောင်ရေး ကုမ္ပဏီများအနေနှင့် ကား၊ ရထားစီးခများကို အပြည့်အ၀ ရစေသည်။ မသမာသောသယ်ယူပို့ဆောင်ရေး ၀န်ထမ်းများကြောင့် ငွေများလေလွင့်ပျောက်ဆုံး ခြင်း မရှိတော့။ ခရီးသည်များလည်း စိတ်ချမ်းသာရသည်။ သယ်ယူပို့ဆောင်ရေး ကုမ္ပဏီများ ၀င်ငွေတိုးလာသည့်အတွက် အစိုးရလည်း အခွန်အတုတ် ပိုရသည်။ ခရီးသည်၊ ကုမ္ပဏီ၊ အစိုးရ သုံးဦး သုံးဖလှယ်လုံးအတွက် ကောင်းသဖြင့် အလျင်အမြန် အကောင်အထည် ဖော်သင့်လှပေ၏။

ကဒ်ဖြင့်ပေးသည့်စနစ်၏ နောက်အားသာချက်တစ်ခုမှာ စပယ်ယာထားရန် မလိုခြင်း၊ အကြွေပြန်အမ်းရန်မလိုခြင်း၊ စပယ်ယာ ၏ အော်ငေါက်ခံရခြင်းဒုက္ခတို့မှ ကင်းဝေးခြင်း၊ စပယ်ယာမရှိသောကြောင့် ဘတ်စ်ကားပေါ် အတင်းဆွဲတင်၊ ကားမရပ်ခင် အတင်းထိုးချသည့် ဒုက္ခများမှ လွတ်ကင်းနိုင်ခြင်းတို့ဖြစ်၏။ ဘတ်စ်ကား စပယ်ယာများပေးသောဒုက္ခ ဘယ်လောက်ကြီးမှန်း ရန်ကုန်သူ၊ ရန်ကုန်သားများမှသာ သိနိုင်ပါလိမ့်မည်။

ထို့ပြင် အငှားယာဉ်စီးသည့်အခါလည်း ကျသင့်ငွေကို မီတာမှ တွက်ပေးသည်။ ကျသလောက်ကို ဘဏ်ကဒ်ဖြင့် ပေးနိုင်၏။ ထို့ကြောင့် နီးနီးလေးပဲ၊ ဘယ်လောက်ပဲထားပါ စသဖြင့် ဈေးညှိရသောဒုက္ခ၊ များမှန်းမသိ၊ နည်းမှန်းမသိ တောင်းသလောက် ပေးရသောဒုက္ခများမှလည်း လွတ်ကင်းပါလေတော့သည်။ ငွေလက်ခံဖြတ်ပိုင်းလိုချင်လျှင်လည်း စက်က ရိုက်ထုတ်ပေးပါ လိမ့်မည်။ ထို့ကြောင့် အငှားယာဉ်ဖြင့်သွားသည့်ခရီးများအတွက် ပိုက်ဆံပေးရလျှင် ပိုတောင်းလေတော့မလားဟူသော စိုးရိမ်သောက ရောက်စရာမလိုတော့ပါ။

ဆက်ပါဦးမည်။