အီလက်ထရောနစ် လူ့အဖွဲ့အစည်း (၄)

(၇) အီလက်ထရောနစ် စာရင်းအင်းများ၊ အချက်အလက်များ နှင့် အီလက်ထရောနစ် အစိုးရ စနစ်

အီလက်ထရောနစ်စနစ်၏ နောက်ကောင်းကျိုးတစ်ခုမှာ အချက်အလက်၊ စာရင်းအင်းကိစ္စ ဖြစ်၏။ အီလက်ထရောနစ် အချက်အလက် သိုလှောင်မှုစနစ်နှင့် စာရင်းအင်းစနစ်သည် သိမ်းရလွယ်၊ ရှာရလွယ်သည်။ Back up များ လုပ်ထားနိုင်သဖြင့် အလွယ်တကူ ပျောက်ပျက်သွားမှာ မစိုးရိမ်ရ။ ဆွေးသွားမှာ၊ ခြကိုက်မှာ၊ မီးလောင်မှာ၊ ရေစိုမှာ စသည့် ရုပ်ပိုင်းဆိုင်ရာ ချို့ယွင်းမှု (physical damage) များဒဏ်ကို ကြံ့ကြံ့ခံနိုင်လေသည်။

စာရင်းအင်း၊ အချက်အလက်၊ စာအုပ် ထောင်ပေါင်းများစွာကို လက်တစ်ဝါးစာလောက် ပစ္စည်းကလေးနှင့် သိုလှောင်ထားနိုင် သောကြောင့် နေရာတကာ သယ်သွားနိုင်သည်။ ကြိုက်သည့်နေရာတွင် ဖွင့်ကြည့်လို့ရသည်။ ဌာနဆိုင်ရာအချင်းချင်း အချက်အလက်များ ပေးပို့လို ဖလှယ်လိုပါက အလွန်လွယ်ကူစွာ ဖလှယ်နိုင်လေသည်။

အီလက်ထရောနစ်စနစ်ကြောင့်ပင် တိုင်းပြည်၏ စီးပွားရေးအတက်အကျ၊ အလုပ်အကိုင်ရရှိမှုအခြေအနေ၊ လုပ်ငန်းခွင် မတော်တဆမှု၊ ယာဉ်မတော်တဆမှုများ သာမက မည်သည့်နေရာတွင် ကားပျက်နေ၍ လမ်းပိတ်နေသဖြင့် ထိုနေရာမှ မသွားဘဲ မည်သည့်လမ်းမှ သွားပါက ပိုအဆင်ပြေမည်၊ မည်သည့်ဘူတာတွင် ရထားပျက်နေသောကြောင့် မည်မျှ နောက်ကျမည်၊ မည်သည့်နေရာတွင် ဇီကာဗိုင်းရပ် ကူးစက်ခံရသူ မည်မျှရှိနေသည် အစရှိသည်များကိုပါ အချိန်နှင့် တပြေးညီ သိနိုင်လေသည်။

ထိုကြောင့် တိုင်းသူပြည်သားများအနေနှင့် မိမိတို့နိုင်ငံ၏ သွင်းကုန်၊ ထုတ်ကုန်၊ ပိုင်ဆိုင်မှု၊ ကုန်ပစ္စည်းဈေးနှုန်း အတက်အကျ၊ စတော့ဈေး၊ ရာသီဥတုအခြေအနေမှအစ အားလုံးကို အချိန်မရွေးသိခွင့်ရနေသဖြင့် ဗဟုသုတပြည့်ဝသော၊ အရည်အသွေးမြင့် နိုင်ငံသားများ ဖြစ်လာနိုင်သည်။

အီလက်ထရောနစ်အစိုးရ၏ နောက်ကောင်းကွက်တစ်ခုမှာ သက်ဆိုင်ရာဝန်ကြီးဌာန၏ အချက်အလက်များကို ကြည့်နိုင်ခြင်း ဖြစ်၏။ ထို့ကြောင့် မိမိသိလိုသည့်အချက်များကို မည်သူ့မှ မေးစရာမလိုဘဲ ထိုင်ရာမထ သိနိုင်လေသည်။ ဥပမာ - ကုန်ပစ္စည်း တစ်ခုခု တင်သွင်းမည်ဆိုပါက ထိုကုန်ပစ္စည်းသည် ကန့်သတ်ထားသော ကုန်ပစ္စည်း ဟုတ်မဟုတ်၊ ကန့်သတ်ကုန်ပစ္စည်း ဖြစ်လျှင် မည်ကဲ့သို့လုပ်ဆောင်ရမည်၊ လိုင်စင်လျှောက်ရမည်ဆိုလျှင် မည်ကဲ့သို့လျှောက်ရမည် အစရှိသည်။ ထို့ပြင် လိုင်စင် လျှောက်ရန်လိုပါကလည်း ထိုနေရာတွင်ပင် သက်ဆိုင်ရာစာရွက်စာတမ်းများတင်ပြလျှက် လျှောက်နိုင်လေရာ အလွန် အဆင်ပြေလှသည်။

ဆောက်လုပ်ရေးလုပ်ငန်းလုပ်ကိုင်သူများအနေနှင့် ဆောက်လုပ်ရေးအာဏာပိုင်အဖွဲ့ (BCA - Building Construction Authority) website တွင် မိမိတို့သိလိုသည့် ဥပဒေများ၊ စံချိန်စံညွှန်း၊ လုပ်ထုံးလုပ်နည်း၊ ရည်ညွှန်းပုံများ၊ လက်စွဲစာအုပ်များ အစရှိသည်တို့ကို အခမဲ့ ရယူနိုင်သည်။ ဆောက်လုပ်ရေးကန်ထရိုက်တာများအား မည်သည့်ကုမ္ပဏီက မည်သည်တို့ လုပ်သည် အစရှိသည်ကို လိပ်စာ၊ ဆက်သွယ်ရမည့်ဖုံးနံပါတ်၊ ဖက်စ်၊ အီးမေးလိပ်စာများနှင့်တကွ သိနိုင်သည်။

လုပ်သားအင်အား ၀န်ကြီးဌာန (MOM - Ministry of Manpower) website တွင်လည်း အလုပ်သမားများကို မည်သည့် pass များထုတ်ပေးထားသည်။ ထို pass များ လျှောက်ပုံလျှောက်နည်း၊ လိုက်နာရမည့်စည်းကမ်းများကို ဖော်ပြထားသည်သာမက pass လျှောက်လိုပါကလည်း ဤနေရာတွင်ပင် လျှောက်နိုင်သည်။ pass ကို cancel လုပ်လိုပါကလည်း ဤနေရာမှပင် cancel လုပ်နိုင်သည်။ လုပ်ငန်းခွင်အန္တရာယ်ကင်းရှင်းရေးနှင့်ပတ်သက်သည့် ဥပဒေ၊ နည်းဥပဒေ လုပ်ထုံးလုပ်နည်းများကိုလည်း သာမန်လူများ နားလည်နိုင်စေရန် ပြန်ရှင်းပြထားသည်။ လုပ်ငန်းခွင်အန္တရာယ်ကင်းရှင်းရေးအတွက် တက်ရန်လိုသော သင်တန်းများနှင့် သင်တန်းကျောင်း အချက်အလက်များကိုလည်း link များပေးထားသဖြင့် မိမိတက်လိုသောသင်တန်း၊ သင်တန်းရက်၊ သင်တန်းကြေးများကို အလွယ်တကူ ရှာနိုင်လေသည်။ ထိုမျှသာမက မိမိတက်ထားသောသင်တန်းနှင့် သင်တန်းဆင်းလက်မှတ် သက်တမ်းရှိသေးလား၊ သက်တမ်းကုန်နေပြီလား ဆိုသည်ကိုလည်း စစ်နိုင်သည်။ MOM website တွင် လုပ်လို့ရသည့် လုပ်ငန်းများ အတော်များသဖြင့် ဤနေရာတစ်ခုတည်းနှင့် ကုန်အောင်ဖော်ပြနိုင်ဘို့ရာ မဖြစ်နိုင်ပါ။

အခြားသော အစိုးရဌာနများလည်း အလားတူပင် ဖြစ်ပါသည်။

အီလက်ထရောနစ်စနစ်၏ နောက်ကောင်းသည့်တစ်ချက်မှာ ဥပဒေ၊ နည်းဥပဒေများကို အင်တာနက်တွင် အခမဲ့ဖတ်နိုင်၊ pdf ဖြင့် download လုပ်နိုင်ခြင်း ဖြစ်သည်။ ဤကဲ့သို့ ဥပဒေကို လက်လှမ်းတမီတွင် ထားပေးခြင်းဖြင့် မိမိမရှင်းလင်းသည်များ ရှိပါက မည်သူ့မှ လိုက်မေးနေစရာမလိုပဲ သက်ဆိုင်ရာ ဥပဒေကို အချိန်မရွေး ကိုးကားနိုင်လေသည်။

တရားဥပဒေစိုးမိုးမှုကို အကောင်အထည်ဖော်ရာတွင် ဥပဒေကို လူအများ နားလည်လိုက်နာခြင်းသည်လည်း တစ်ခုအပါအ၀င် ဖြစ်လေရာ ဥပဒေများကို လူအများ အလွယ်တကူ ဖတ်ရှု၊ မှီငြမ်းပြုနိုင်စေရန်ထားပေးရန်လည်း လိုအပ်ပေသည်။  ဥပဒေ ဆိုသည်မှာ ရှေ့နေရှေ့ရပ်များအတွက်သာမကပဲ သာမန်ပြည်သူလူထုအတွက်လည်း အရေးကြီးကြောင်း နားလည် သဘောပေါက်၊ လက်ခံလာအောင် ပညာပေးကြရမည်။

(၈) ငွေသားမဲ့ လူ့အဖွဲ့အစည်း (Cashless Society) တစ်ခု တည်ဆောက်ခြင်း

ကျွန်တော် ပိုက်ဆံအိတ်ထဲတွင် မည်သည့်အခါမှ ပိုက်ဆံ ၂၀၊ အများဆုံး ၃၀ ထက် ပိုထားလေ့မရှိပါ။ ပထမအကြောင်းမှာ ငွေသားဟူသည် ပျောက်လွယ်ရှလွယ်ဖြစ်သောကြောင့်ဖြစ်ပြီး ဒုတိယအကြောင်းမှာ ငွေသားကို များများ ကိုင်ဆောင်ထားရန် မလိုအပ်၍ ဖြစ်ပါသည်။

စားသောက်ဆိုင်များရှိရာ Kopitiam ဆိုင်များ၊ လမ်းဘေးဈေးသည်များနှင့် ကုန်စိမ်းတန်းများမှလွဲ၍ နေရာအားလုံးလိုလို ဘဏ်ကဒ်ဖြင့်ပေးလို့ရကြောင်း အထက်တွင် ကျွန်တော်ဖော်ပြခဲ့ပြီး ဖြစ်ပါသည်။ ထိုနေရာများသို့ ကျွန်တော်ရောက်ခဲပါသည်။ တစ်လနေလို့ တစ်ကြိမ်မရောက်ဖြစ်ပါ။ ထို့ကြောင့် ကျွန်တော့်တွင် ငွေသားကိုင်ပြီးသုံးစရာ နေရာမရှိပါ။

တိုးတက်သော နိုင်ငံများတွင် အရာရာကို Credit card/debit card များဖြင့် ပေးချေကာ ငွေသားမဲ့လူ့အဖွဲ့အစည်းများ ထူထောင်ရန် စိုင်းပြင်းနေကြပါပြီ။ (Credit card ဟူသည် မိမိ ဘဏ်စာရင်းထဲတွင် ပိုက်ဆံရှိနေစရာမလို။ သတ်မှတ်ထားသော ပမာဏထိ အကြွေးသုံးနိုင်သည့် ကဒ်ကို ခေါ်သည်။ Debit card ဟူသည် မိမိဘဏ်စာရင်းထဲတွင် ပိုက်ဆံရှိသလောက်သာ သုံးနိုင်သည်။ သို့သော် အင်တာနက်မှ ငွေပေးချေခြင်း စသည့် ကိစ္စရပ်များအတွက် credit card နှင့် အလားတူပင် သုံးနိုင်၏။ ဤကား စကားချပ်)

ခရက်ဒစ်ကဒ် နှင့် ဒက်ဘစ်ကဒ်များကို တွေ့ရပုံ

ကျွန်တော်တို့တိုင်းပြည်တွင် အိမ်ဝယ်ခြင်းကဲ့သို့သော ကိစ္စများတွင် ငွေများကို ပီနန်အိတ်၊ ဂုံနီအိတ်များဖြင့် ထည့်ကာ သယ်ဆောင်ကြရပါသည်။ ဘဏ်များဆိုလျှင်လည်း ပိုက်ဆံများကို သည်အတိုင်း သယ်ကြရတာဖြစ်သဖြင့် အလွန် အန္တရာယ်များလှ၏။

ကိစ္စတစ်ခုခုရှိ၍သွားလျှင် ပိုက်ဆံအိတ်အကြီးကြီးကိုကိုင်ပြီး အများသုံးယာဉ်ရထားပေါ် သွားရတာ သူခိုးသူဝှက်၊ ခါးပိုက်နှိုက်၊ အချောင်လုလိုသူများအား လက်ယပ်ခေါ်နေသကဲ့သို့ ဖြစ်သည်။ ထို့ပြင် ပိုက်ဆံထုပ်များမှာ တစ်နေရာမှ တစ်နေရာသို့ စည်းရေမပျက် လှည့်လည်နေကြရာ ပိုက်ဆံထုပ်များတွင် မှိုနှင့် ဘက်တီးရီးယားများစွာ ခိုအောင်းနေလေသည်။ ထို့ကြောင့် သည်မျှများပြားလှသော ပိုက်ဆံများကို ရေတွက်နေရသည်မှာ ရောဂါပိုးများနှင့် ပျော်ပျော်ကြီး ဆော့ကစားနေသည်နှင့် တူတော့၏။

အကယ်၍သာ မြန်မာပြည်တွင်လည်း အီလက်ထရောနစ်စနစ်တစ်ခု ထူထောင်ပြီး ပိုက်ဆံကို ခရက်ဒစ်/ဒက်ဘစ်ကဒ်များဖြင့် ပေးချေနိုင်သော အခြေအနေရောက်ပါက ပိုက်ဆံထုပ်ကြီးများ သယ်ရသည့်ဒုက္ခ၊ ငွေအတုနှင့် ညားမှာ စိုးရိမ်ရသည့်ဒုက္ခ၊ ငွေချေသည့်နေရာရောက်မှ ပိုက်ဆံမလောက်သည့် ဒုက္ခ၊ ရှိသမျှပိုက်ဆံကလေး ခါးပိုက်သွားမှာ စိုးရိမ်ရသဖြင့် ပိုက်ဆံအိတ် ကြီး တပိုက်ပိုက်လုပ်နေရသောဒုက္ခ၊ ပိုက်ဆံပေးသွင်းရန် ဘဏ်သို့သွားနေရသော ဒုက္ခ စသော ဒုက္ခအပေါင်းမှ ကင်းဝေးစရာ ရှိလေသည်။ (ပိုက်ဆံအိတ်ကို ခါးပိုက်နှိုက်သွားသဖြင့် ဘဏ်ကဒ်ပါသွားသည့်တိုင် စိုးရိမ်စရာ မရှိပါ။ မိမိ လျှို့ဝှက်နံပါတ်ကို သူမသိလျှင် ငွေထုတ် မယူနိုင်။ ခရက်ဒစ်ကဒ် ပါသွားလျှင်လည်း ဘဏ်ကိုဖုံးဆက်ပြီး ချက်ချင်း cancel လုပ်ခိုင်းနိုင်ပါသည်။)

ခေတ်ကြီးမှာ တနေ့တခြား တိုးတက်လာလျှက်ရှိရာ သည်ကနေ့ခေတ်တွင် ပိုက်ဆံပေးချေရန်အတွက် ဘဏ်ကဒ်ပင် မလိုတော့။ စမတ်ဖုံးများဖြင့် ပေးချေနိုင်လေပြီ။

ကျွန်ုပ်တို့မြန်မာနိုင်ငံတွင်လည်း လျှပ်စစ်ကို လူနေမှုဘ၀တွင် ပြည့်စုံဖူလုံအောင် သုံးစွဲနိုင်ပြီး အီလက်ထရောနစ် လူ့အဖွဲ့အစည်း တစ်ခုဖြစ်အောင် မနှေးအမြန်တည်ဆောက်နိုင်ပါစေကြောင်း ဆန္ဒပြုရင်း ဤဆောင်းပါးကို နိဂုံးချုပ်ပါမည်။

အေးငြိမ်း (လေးမျက်နှာ)

၇ စက်တင်ဘာ၊ ၂၀၁၆