ငယ်ကကျွမ်းလည်း မလွမ်းသာ

 

- ချစ်တဲ့သူငယ်လေ

  ကလူနော့လျက်၊ တူဆော့ဖက်ရေ။

- နှင်းလွှာဝတ်မှုံ၊ လွှမ်းခြုံကာသမ်း

  မြောက်ပြန်လေ၊ သုတ်ချွေဖြန်းတော့

  ငယ်ကျွမ်းကို သတိရပါ့ကွယ်။

- သင်းကာဆွတ်ထုံ၊ ပန်းစုံဖြာလန်း

  ကောက်ရန်ကြွေ၊ တစ်ဆုပ်-မြေနမ်းတော့

  တကယ်ကမ်းပို၊ မချိလှပါ့ကွယ်။

- ရွှေရောင်စိုဖိတ်၊ စပါးတွေရိတ်လျှင်

  နှစ်ယောက်သား၊ တို့များ ငယ်စဉ်ကို

  မြင်ယောင်တမ်းမိပါရဲ့ကွယ်။

- ပညောင်ညိုရိပ်၊ ကစားနေစိတ်ရွှင်

  အရောက်သွား၊ တို့နားလယ်ပြင်ကို

  ရွှင်အောင်လှမ်းကြည့်၊ မကြာခဲ့တယ်။

- စပါးရိတ်ညီ၊ အဖေတွေဆီလိုက်

  တေးသီဆို၊ ပိုဟားတိုက်လို့

  ပျော်ပိုက်တူပင်၊ လက်တွဲယှဉ်

  တမင်လွမ်းဖို့ တွေလားကွယ်။

- မောပါသော်ငြား၊ နားကြပြန်သေး

  ခါးပုံစလေးထဲက

  မုံ့ဆန်းလှော်ကို၊ ကိုယ်ကကျွေးလို့

  သူပေးကောက်ညှင်း

  နှစ်ယောက်အကြိုက်၊ ဗိုက်ဖြည့်တင်းခဲ့။

- တလင်းဆီရောက်

  ပြန်တွေးလျှင်၊ တကယ်ပင် လွမ်းလောက်ရဲ့

  တို့နှစ်ယောက် အတွယ်တာ

  ဘယ်မှာမေ့လို့ ရမလဲကွယ်။

- သို့ပေမဲ့လဲလေ

  တို့တွေရဲ့အခြေ၊ အလှမ်းကွာပြီ

  မြို့နေတဲ့ဆွေ

  ပို့စေခဲ့ပေ၊ အလွမ်းကြာရှည်။

- အလိုလေ့အိုင်

  နှင်းမှုန်ကဖွေး၊ မြောက်လေသွေးတော့

  ပြေးမြင်ယောင်လာ၊ ခုအခါ။

- ပညာဂုဏ်ဝင့်

  မြို့မှာလေ၊ အနေတင့်ပြီကော

  ရွာနှင့်မကွာ၊ ကိုယ်သာတွယ်မှီး

  စပါးရွှေ အလေအလွင့်နည်းအောင်

  ချွေးသီပေါက်ကျ၊ ချွေးစစိုလိမ့်

  မလွမ်းအားပေ၊ ရိတ်ချွေသိမ်းနေရ

  စိမ်းရက်သူ ငယ်ကကျွမ်းရယ်

  မှန်းကြည့်ပါ့လေး။                        ။

ရွက်ဝါ ( ငွေတာရီ မဂ္ဂဇင်း၊ ဇန္န၀ါရီ၊ ၁၉၈၃)