ယခင်က ၂၀၀၁ ဇူလိုင်လ ထိ ကားခ၊ ရထားခ များကို Fare Card ဖြင့် ပေးရပါသည်။ ကားခမှာ လည်း သက်သာ ပါ၏။ လေအေးစက် မတပ်ထားသော ကားများ အတွက် ကားခ ၄၀ ပြား၊ လေအေးစက် တပ်ထားလျှင် ၄၅ ပြား ဖြစ်ပါသည်။ သို့သော် ပိုက်ဆံ အကြွေနှင့် ပေးလျှင်တော့ ၄၅ ပြား နှင့် ၅၅ ပြား အသီးသီးဖြစ်ပါ၏။
ယခင်ကသုံးသော Bus Fare Card ဘတ်စ်ကားကဒ် ပုံစံကား ရထားများနှင့် ခရီးသွားရာတွင် ပိုပြီး မြန်ဆန် ချောမွေ့ စေရန် ez link card ကို ၂၀၀၁ ခုနှစ်မှ စတင်ကာ အသုံးပြု လာခဲ့ပါသည်။ ထိုကဒ်ကို ကားရထား စီးရာတွင်သာ မက McDonald ဆိုင်များတွင် ပိုက်ဆံ ပေးချေရာ၌လည်း သုံးနိုင် ပါသည်။ ထို့ပြင် အချို့ကျောင်း စားသောက်ဆိုင် များ၌လည်း ထိုကဒ်ကိုသုံးကာ ငွေချေနိုင် ပါသည်။
ထိုမျှသာမက ယခု ၂၀၀၈ နှစ်ကုန်တွင် ez link card နှင့် cash card ကို ပေါင်း ပြီး ကဒ်တစ်ကဒ်ကို နှစ်မျိုး သုံးနိုင်ရန် လုပ်မည်ဖြစ်ရာ ၂၀၀၉ ခုနှစ်တွင် လက်ရှိ ကဒ်များအစား ထို နှစ်မျိုးရကဒ် (CEPAS – Contactless ePayment Application) ဖြင့် အစားထိုး သုံးစွဲတော့မည် ဖြစ်ပါသည်။ ထိုအခါ ထိုကဒ်ကို ကားရထား စီးရာတွင် သာမက စာကြည့်တိုက် အတွက် နှစ်စဉ်ကြေးများ ပေးခြင်း၊ ကားများအတွက် လမ်းခွန်များ ပေးခြင်း စသဖြင့် တိုးချဲ့ သုံးစွဲ လာနိုင် တော့မည် ဖြစ်ပါသည်။ လက်ရှိ ကဒ်များကို ပိုက်ဆံ ၁၀၀ သာထည့်ပြီး သုံးစွဲနိုင် သော်လည်း ကဒ်အသစ် တွင်မူ ဒေါ်လာ ၅၀၀ ထိ ထည့်သွင်း သုံးစွဲနိုင်မည် ဖြစ်ပါ သည်။
လက်ရှိသုံးနေသော ကဒ်ဟောင်းနှင့် CEPAS ကဒ်သစ်ကို ၂၀၀၉ ဇန္န၀ါရီလ ၉ ရက်နေ့မှ စက်တင်ဘာ ၃၀ ရက်နေ့ အတွင်း လဲလှယ်ပေးသွား မည် ဖြစ်ပါသည်။ ထို ကဒ်ကို သုံးပြီး အချို့ဆိုင်များတွင် ဈေးဝယ်ရာ၌ ငွေပေး ချေနိုင်ရာ မည်သည့်ဆိုင် များတွင် ငွေချေနိုင်သည်ကို http://www.qb-link.com/ တွင် ကြည့်နိုင်ပါသည်။ez link card ၏ အားသာချက် များမှာ ကားခပေးရာ တွင် ကဒ်ကိုပင် အပြင်ထုတ်စရာ မလိုပဲ ပိုက်ဆံအိတ် အတွင်းတွင် ပင်ထားကာ ကားတွင် တပ်ဆင်ထားသော ယူနစ်ကို ပြလိုက်ရုံမျှ နှင့်ပင် လက်မှတ်ဖြတ် ပြီးသား ဖြစ်သွားခြင်း၊ ထို့ပြင် ပိုက်ဆံကုန် သွားပါကလည်း အလွယ်တကူ ပိုက်ဆံထည့် နိုင်ခြင်းတို့ ဖြစ်ပါသည်။ အားနည်းချက် မှာ ကဒ်တွင် လုံခြုံရေးကုဒ် မပါသဖြင့် ပျောက်ဆုံး သွားပါက မိမိကဒ်ထဲရှိ ပိုက်ဆံ အားလုံး ဆုံးရှုံးနိုင်ခြင်း ဖြစ်ပါသည်။
ယခုအခါ Citi bank မှ ဘဏ်ကဒ် (Citibank SMRT Visa Platinum Card) များဖြင့်လည်း ခရီးသွားနိုင်ပြီ ဖြစ်ပါ၏။ ကဒ်ထဲသို့ အနည်းဆုံး ပိုက်ဆံ ၃၀ တော့ ထည့်ထားဘို့ လိုပါသည်။
No comments:
Post a Comment