Working in Singapore Part XI

အပိုင်း (၂)

၂၊ ၁။ မိမိအနာဂါတ်ကို မိမိဘာသာ ဖန်တီးတည်ဆောက်ခြင်း အပိုင်း (၁) တွင် စင်ကာပူတွင် အလုပ်လုပ်နေသူ သို့မဟုတ် စင်ကာပူနိုင်ငံသို့ သွားရောက်ကာ အလုပ်လုပ် လိုသော မြန်မာနိုင်ငံမှ လူငယ်များ သိသင့် သိထိုက်သည့် ဗဟုသုတများကို ဖော်ပြခဲ့ပါသည်။ ကျွန်တော့်မှာ Project ပြီးခါနီး အလုပ်များကို နေ့မအား ညမအား လှိမ့်လုပ်ရလျှက် ရှိရာ စာရေးရန် အချိန် အလွန်နည်းပါးပါသည်။ သို့သော် အားသည့် အချိန်လေး များတွင် ဖြစ်စေ၊ အိပ်ချိန်များထဲမှ အနည်းငယ်ဖဲ့၍ ဖြစ်စေ ရသလောက် တက်သုတ်ရိုက် ရေး လိုက်ရခြင်း ဖြစ်ပါ၏။ သို့ဖြစ်ရာ ပြည့်စုံသင့်သလောက် ပြည့်စုံချင်မှ ပြည့်စုံပါမည်။ နောင် အချိန်ရလျှင် ထပ်မံ ဖြည့်စွက် ရေးသားပါဦးမည်။ ဥပမာအားဖြင့် အပိုင်း(၁) တွင် စင်ကာပူတွင် အလုပ်လုပ်သူများ Safety နှင့် ပတ်သက် ၍ လိုက်နာရမည့် စည်းကမ်း၊ နည်းလမ်းများကို လုံးဝ မဖော်ပြလိုက်ရပါ။ အဘယ်ကြောင့်ဆိုသော် ထိုအကြောင်းအရာ မှာ အတော်များသည်ဖြစ်ရာ နောက်ထပ် အခန်းတစ်ခုအနေနှင့် သီးသန့်ရေးမှ ပိုမိုသင့်တော်မည် ဖြစ်သောကြောင့် ပါတည်း။
ယခု အပိုင်း(၂) တွင် စင်ကာပူရောက် လူငယ်များအနေနှင့် မိမိတက်လမ်းကို မိမိဖာသာ ဖန်တီးယူလို့ ရနိုင် သော လမ်းစများကို ဖွင့်လှစ် ပြပါမည်။ စင်ကာပူတွင် အလုပ်လုပ်သူများ Safety နှင့် ပတ်သက် ၍ လိုက်နာရမည့် စည်းကမ်း၊ နည်းလမ်းများ၊ သိသင့် သိထိုက်သည့် အချက်အလက်များကို အပိုင်း (၃) တွင်လည်းကောင်း၊ မိမိ Supervisor ဖြစ်လာသောအခါ Supervisor တစ်ဦး သိသင့်သိထိုက်၊ လုပ်သင့် လုပ်ထိုက်၊ လေ့လာသင့်လေ့လာထိုက်သည့် တာဝန်၊ ၀တ္တရား၊ ဗဟု သုတများ (Soft skill) ကို အပိုင်း (၄) တွင် လည်းကောင်း ဆက်လက်ရေးသားမည် ဖြစ်ပါသည်။ ပထမဦးစွာ သိထားသင့်သည်မှာ မိမိပညာအရည်အချင်း အဆင့်အတန်းနှင့် မိမိမည်မျှ လေ့လာတတ်မြောက် ထားသနည်း ဆိုတာ ဖြစ်ပါ၏။ ခုနစ်တန်းလောက်သာ တက်ဖူးသူတစ်ဦးအနေနှင့်တော့ သင်တန်းများ ဆက်လက် တက်ရောက်ရန် အင်္ဂလိပ်စာ အဆင့်အတန်း မီပါမည်လား ဟု မေးစရာ ရှိပါသည်။ သင်တန်းတက်ရောက်ရန် အဆင့် မမီပါပဲလျှက် သွားတက်လျှင်တော့ ကိုယ့် ဒုက္ခ ကိုယ်ဝယ်သလိုသာ ဖြစ်ပါလိမ့်မည်။ ဆယ်တန်းပညာအရည်အချင်း လောက် ရှိထားလျှင်မူ ဖြစ်နိုင်ပါလိမ့်မည်။ သို့သော် ဆယ်တန်းမည်ကာမတ္တ ဆိုလျှင်လည်း အထက်တွင် ဖော်ပြခဲ့ သလို ငါ ဒီသင်တန်းကို တက်ဖို့ ဖြစ်နိုင်ပါ့မလား ဟု ကိုယ့်ကိုယ်ကိုယ် အလျင် မေးခွန်းထုတ်ရမည် ဖြစ်ပါသည်။ ဘွဲ့ရ ဆိုပြီးတော့လည်း ကိုယ့်ကိုယ်ကိုယ် အရမ်း အထင်မကြီး လိုက်ပါနှင့်။ မိမိဘယ်လောက် တတ်မြောက်ထားသည်ကို မိမိမှ လွဲ၍ မည်သူမျှ မသိနိုင်ပါ။
သို့အတွက် အကြံပေးလိုသည်မှာ သင်တန်းတစ်ခုတက်တော့မည် ဆိုလျှင် မိမိတက် မည့် သင်တန်းအကြောင်း ဦးစွာလေ့လာပြီး မိမိနှင့် သင့်တော်မည် ဆိုမှ လျှောက်ရန် ဖြစ်ပါ၏။ ကျွန်တော်တို့ မြန်မာများမှာ နားပါးသူ၊ သင်ယူတတ်မြောက်လွယ်သူများ ဖြစ်ပါ၏။ ထို့ပြင် အလုပ်ကို မခိုမကပ် ပဲ (တချို့ စုန်းပြူးများမှလွဲ၍) ကြိုးစားလုပ်ကိုင် တတ်ကြသူများလည်း ဖြစ်ပါ၏။ သို့အတွက် အခွင့်အလမ်းရှိသူများ သင့်တော်သော သင်တန်းများကို တက်ရောက် လေ့လာသင်ယူကာ မိမိတက်လမ်းကို ရှာဖွေနိုင်ကြပါစေသတည်း။

၂၊ ၂။ စင်ကာပူတွင် ရရှိနိုင်သော အလုပ်အကိုင်နှင့် လခများကို လေ့လာသုံးသပ်ကြည့်ခြင်း ကျွန်တော်တို့ စင်ကာပူသို့လာရန် ကြိုးစားစဉ် လွန်ခဲ့သည့် ဆယ်စုနှစ် တစ်ခုအကျော်က စင်ကာပူနှင့် ပတ်သက်သည့် ဗဟုသုတ တစ်ပြားဖိုးမှ မရှိဟု ဆိုလျှင် လွန်မည် မထင်ပါ။ စင်ကာပူတွင် မည်သည့်အလုပ်အကိုင် များကို လခ မည်မျှနှင့် လုပ်လို့ ရနိုင်သည် မသိခဲ့ပါ။ ထို့ပြင် မည်သူတို့ လခ မည်မျှလောက်နှင့် လုပ်ကိုင်နေသည် ဆိုသည့် အဆက်အသွယ်လည်း လုံးဝမရှိခဲ့။ စင်ကာပူတွင် အလုပ်လုပ်နေစဉ် ကာလများကလည်း စင်ကာပူသို့ မြန်မာများ နည်းမျိုးစုံ၊ အဆင့်မျိုးစုံတို့တွင် လုပ်ခမျိုးစုံ နှင့် လာရောက်လုပ်ကိုင်နေမှန်း သိခဲ့သော်လည်း ထို ဗဟုသုတ များကို ထိုသူများသို့ ပြန်လည် ဝေငှရန် မစဉ်းစားမိခဲ့ပါ။ တနည်းအားဖြင့် ၀န်ခံရလျှင် ကျွန်တော်ကိုယ်နှိုက်လည်း မည်သည့်အလုပ်အကိုင်များကို လခမည်မျှနှင့် ရနိုင်မှန်း မသိခဲ့ပါ။ မိမိလုပ်ကိုင်နေသော အလုပ်ကလေးတွင်သာ မှေးလုပ်နေခဲ့ပါသည်။ သို့အတွက် ယခု ကျွန်တော် သိရှိထားသလောက် လက်လှမ်းမီသမျှသော ဗဟုသုတ ကလေးများကို ပြန်လည် ဝေမျှပါမည်။ အကယ်၍ တစုံတရာ မှားယွင်းဖော်ပြမိခဲ့ပါလျှင် အချိန်မရွေး ကျွန်တော့်ထံ အကြောင်းကြား နိုင်ပါသည်။ ပြန်လည် ပြင်ဆင်ပေးရန် ၀န်မလေးပါ။ ဤကဲ့သို့ ကျွန်တော်မှားနေသည်ကို ထောက်ပြခဲ့လျှင် အလွန်ကျေးဇူးတင် မည် ဖြစ်သလို ဤစာဖတ်သူများအတွက်လည်း အလွန် အကျိုးများမည် ဖြစ်ကြောင်း ထပ်လောင်း ပြောလိုပါသည်။

စင်ကာပူတွင် ရနိုင်သော အလုပ်အကိုင်များနှင့် မျှော်မှန်းလခများကို ကျွန်တော် သိသမျှ ပြန်လည် ဖောက်သည်ချ လိုက်ပါ၏။ အလုပ်အကိုင်၊ ရာထူးပင် တူသော်ငြားလည်း မိမိလုပ်ကိုင်နေ သည့် ကုမ္ပဏီ၊ မိမိ၏ ကျွမ်းကျင်မှု၊ လုပ်ငန်း အတွေ့အကြုံအလိုက် လခ ကွာသွားနိုင်ပါသည်။ တရားသေ မှတ်ထားလို့ မရပါ။ ဤတွင် ဖော်ပြထားချက်များသည် ပျမ်းမျှ ရနိုင်သော လခများသာ ဖြစ်ပါသည်။ ထို့ပြင် ကျွန်တော့်စာရင်းကို ပြည့်စုံသည်ဟု မမှတ်ယူစေလိုပါ။ အခြား ကျွန်တော်မသိသော အလုပ်များ နှင့် ရနိုင်သော လခများ အများအပြား ရှိနိုင်ပါသေးသည်။

ယေဘုယျအားဖြင့် ခြုံပြောရလျှင် ဘာအတွေ့အကြုံမှမရှိ၊ ဘာပညာမှ မတတ်သူများ သည် တစ်ရက်လျှင် S$၁၄.၀၀ မှ ၁၆.၀၀။ ယခုမှ GTI ပြီးလာသူများ၊ ဘာမှ အတွေ့အကြုံမရှိသေးသူများသည် တစ်ရက်လျှင် S$ ၂၀.၀၀ မှ ၂၄.၀၀။ IT နည်းနည်းပါးပါး အတွေ့အကြုံရှိသူများ လခ S$ ၁၀၀၀။ နည်းနည်း အတွေ့အကြုံရှိ လုပ်တတ်၊ ကိုင်တတ်သဖြင့် Supervisor လုပ်နိုင်လျှင် S$ ၁၂၀၀ မှ ၁၅၀၀ စသဖြင့် ရနိုင်ပါသည်။ အတွေ့အကြုံရင့်ကျက်ပြီး သော သမ္ဘာရင့် Pipe Fitter များ သည် တစ်လလျှင် S$ ၁၀၀၀ မှ ၁၅၀၀ ထိ။ လုပ်သက်ရင့်ပြီး ဂဟေ ကောင်း ကောင်းဆော်တတ်သူ၊ မျိုးစုံ ဆော် တတ်သူ ( Arc Welding, TIG, MIG, FCAW) Welder ကြီးများသည် လခ S$ ၁၂၀၀ မှ ၁၈၀၀ ထိ ရနိုင်ပါ သည်။ သင်္ဘောကျင်းများတွင် လုပ်နေသူ ကျွန်တော့်မိတ်ဆွေ welder များ(လုပ်သက် ဆယ်နှစ်ကျော်) ဆိုလျှင် အချိန်ပို လုပ်ခများပါ ထည့်တွက်လိုက်ပါ က တစ်လလျှင် ၂၀၀၀ မှ ၂၅၀၀ ထိ ရကြပါသည်။
စင်ကာပူရောက် မြန်မာ ခန့်မှန်း ၅ သောင်းခန့် အနက် မန်နေဂျာရာထူးတွင် တာဝန် ထမ်းဆောင်နေသူ၊ စီနီယာ အင်ဂျင်နီယာ၊ အင်ဂျင်နီယာ များစွာရှိပါသည်။ ထို့အတူ GTI ကျောင်းဆင်း Supervisor နှင့် လုပ်နေသူများ လည်း မနည်းလှပါ။ အချို့သည် လခ သောင်းကျော်ရရှိပြီး အများစုမှာ လခ ၂၀၀၀ ပတ်ဝန်းကျင်၊ သာမန်အလုပ်သမား များမှာမူ လခ ၁၀၀၀ နှင့် အောက် စသဖြင့် အစားစား ရှိပါ၏။
လူချင်းအတူတူ၊ လက်မှတ်ချင်းအတူတူ၊ တတ်တာချင်း အတူတူ ကျွန်တော်တို့ မြန်မာများမှာ အနှိမ်ခံ ဘ၀နှင့် လုပ်ကိုင်နေရကြောင်း ကိုယ်တွေ့ခံစားခဲ့ရသူ မိတ်ဆွေတစ်ဦးက ပြောပြပါသည်။ ကျွန်တော်တို့ မြန်မာပြည်တွင် နာ့စ် (Nurse) နှင့် ပတ်သက်၍ ဒီပလိုမာ (Diploma) သုံးနှစ် သင်တန်းရော ဒီဂရီ (Bachelor of Nrusing) ၄ နှစ် သင်တန်းများပါ ပေးနေပါသည်။ ဆယ်တန်းစာမေးပွဲတွင် ရရှိသောအမှတ်နှင့် ခွဲကာ အမှတ်မီသူများ တက်ခွင့် ရပါ သည်။ မြန်မာပြည်မှ ဒီပလိုမာ လက်မှတ်ရပြီး လုပ်သက်လည်း ၅ နှစ်နှင့် အထက်ရှိမည်ဆိုပါက စင်ကာပူတွင် အလုပ် လုပ်ကိုင်လို့ ရပါမည်။ သို့သော် စင်ကာပူ၊ ဖိလစ်ပိုင် စသည့်တိုင်းပြည်များမှ ဒီပလိုမာသမားများနှင့် ကွာ၏။ တော်တော်လေးကို ကွာပါသည်။
ကျွန်တော်တို့ မြန်မာဒီပလိုမာသမားများကို Nurse Aid (နာ့စ် အကူ) နှင့်သာ ခန့်ထားပြီး လခကိုလည်း S$၄၅၀ သာ ပေးပါသည်။ ထိုရာထူးနှင့် ၁ နှစ် တန်သည်၊ ၂ နှစ်တန်သည် လုပ်ပြီးမှ ကုမ္ပဏီ ထောက်ခံစာနှင့် Singapore Nursing Board မှကျင်းပသော စာမေးပွဲကို ၀င်ဖြေ။ ထိုစာမေးပွဲအောင်မှ Enrolled Nurse (EN) ဖြစ်လာကာ လခလည်း တိုးပေးပါသည်။ EN တစ်ဦးအနေနှင့် Nursing Home (ဘိုးဘွားရိပ်သာ ပဲ ခပ်လွယ်လွယ် ဆိုလိုက်ကြပါစို့) များတွင် အလုပ်ရလျှင် လခ S$ ၁၂၀၀ လောက် ရပါသည်။ ကံကောင်းထောက်မသဖြင့် ဆေးရုံများ တွင် အလုပ်ရပါမူ လခ ပိုကောင်းပါ၏။ S$ ၂၀၀၀ လောက်ထိ ရပါသည်။ EN ရာထူးနှင့် တစ်နှစ်လုပ်ပြီးလျှင် ကုမ္ပဏီ ထောက်ခံစာနှင့်ပင် စာမေးပွဲ ထပ်ဖြေကာ အောင်ပါက SRN (Singapore Registered Nurse) ဖြစ်လာပါသည်။ SRN ဖြစ်လာလျှင် လခ S$ ၂၅၀၀ နှင့် အထက် ရနိုင်ပါသည်။ ကွာပုံက ဖိလစ်ပိုင်မှ ခုမှကျောင်းဆင်းပြီး ဒီပလိုမာလက်မှတ် ကိုင်လာသူများကျတော့ ဘာမှမသိ၊ နားမလည် သေးသော်ငြား EN အဖြစ်ခန့်အပ်ကာ လခကိုလည်း S$ ၂၀၀၀ လောက်ထိ ပေးပါသည်။
မိမိမသိသဖြင့် များစွာသော အခွင့်အလမ်းတို့ ရှိပါလျှက် လက်ရှိဘ၀မှ မတက်နိုင်သူများ မှာလည်း ထောင်ပေါင်းများစွာ ရှိလေရာ ထိုသူများသည် ယခုစာဖတ်အပြီး လက်ရှိအဆင့်မှ ပိုမြင့်မားသော ရာထူးနှင့် လခများ ရရန် ကြိုးစားနိုင်ကြလိမ့်မည်ဟု ယုံကြည်မိပါသည်။ ဥပမာအားဖြင့် သာမန်အလုပ်သမား ဘ၀၌ တစ်ရက်လျှင် ၂ ကျပ်ခွဲ၊ သုံးကျပ်မျှသာ ရနိုင်သော်လည်း အင်္ဂလိပ်လို ပြောတတ်ဆိုတတ်၊ ရေးတတ်ဖတ်တတ်သူ ဆယ်တန်းအောင် များသည် Signalling for Lifting Operation and Rigging Operation သင်တန်းကို ၃ - ၄ ရက်မျှ သွားတက် လိုက်ပြီး လက်မှတ် (certificate) ရလာလျှင် လက်ရှိလုပ်ခထက် ၃ ဆမျှ ပိုသော လုပ်ခကို အသာကလေး ရယူ နိုင်ပါမည်။ ထိုမှ လုပ်သက်ရင့်လာသောအခါ Lifting Supervisor သင်တန်းကိုဆက်တက်ပြီး လခ ၁၀၀၀ ကျော် ရသည်ထိ အခွင့်အလမ်း ပွင့်သွားမည် ဖြစ်ပါ၏။