Working in Singapore Part VII

၂၊ ၄။ ပေးဆောင်ရမည့် အခွန်အခများ

အောက်ဖော်ပြပါ သတင်းအချက်အလက်များကို စင်ကာပူ အစိုးရ Website http://www.iras.gov.sg/ မှ ထုတ်နှုတ် ဖော်ပြထားခြင်း ဖြစ်ပါ၏။ စင်ကာပူတွင် အလုပ်လုပ်သူတိုင်းထံသို့ စင်ကာပူ အခွန်ရုံး Inland Revenue Authority of Singapore (IRAS) မှ နှစ်စဉ် အခွန်တောင်းခံလွှာများကို မိမိတို့အလုပ်လုပ်နေသည့် ကုမ္ပဏီများမှ တဆင့် ပို့လေ့ရှိပါသည်။ ကုမ္ပဏီမှ မိမိဝန်ထမ်းအား IR8A ပုံစံထုတ်ပေးရပါသည်။ အလုပ်သမားက ထို IR8A form တွင်ဖော်ပြထားသည့် ၀င်ငွေအတိုင်း IRAS မှ ပို့ပေးသော ပုံစံတွင် ဖြည့်စွက်ကာ နှစ်စဉ် ဧပြီလ ၁၅ ရက်မတိုင်မီ IRAS ရုံးသို့ ပြန်လည် ပေးပို့ ရပါသည်။ အခွန်တောင်းခံလွှာ ပို့ကတည်းက ပုံစံနှင့်တကွ အပိုစာအိတ်တစ်အိတ်ပါလာကာ ပုံစံထဲတွင် ဖြည့်စွက်ပြီးသောအခါ ထိုစာအိတ်အတွင်း ထည့်ကာ စာတိုက်ပုံးထဲထည့်ပြီး ပြန်ပို့လိုက်ရုံသာ ဖြစ်ပါ၏။ စာအိတ်ပေါ် တွင် လိပ်စာ တပါတည်းရေးထားပြီး တံဆိပ်ခေါင်းကပ်ရန်လည်း မလိုပါ။ အခွန်ပေးဆောင်ခြင်းသည် အရေးကြီးသော အခန်းဏ္ဍမှ ပါဝင်နေသဖြင့် ဤနေရာတွင် ကျွန်တော် ပြည့်စုံနိုင် သမျှ ပြည့်ပြည့်စုံစုံ ဖော်ပြပါမည်။ မိမိနှင့် မသက်ဆိုင်သည်များကို ကျော်ဖတ်သွားကြရန် ဖြစ်ပါ၏။

၂၊ ၄၊ ၁။ မည်သူသည် Income Tax ပေးဆောင်ရန် လိုသနည်း

ဝင်ငွေခွန်တွက်ရာတွင် ၀င်ငွေဆိုသည်မှာ လစာအပြင် အပိုရရှိသော ဆုကြေး (bonus) နှင့် အခြားဝင်ငွေများ အားလုံးကို ပေါင်းပြီး ဆိုလိုခြင်း ဖြစ်ပါသည်။ အောက်ဖော်ပြပါသူများသည် သတ်မှတ်ထားသော ၀င်ငွေခွန် ပေးဆောင်ရန် လိုပါသည်။ ၁။ စင်ကာပူ နိုင်ငံသား ၂။ ဧည့်နိုင်ငံသား (Singapore Permanent Resident) ၃။ စင်ကာပူနိုင်ငံတွင် ၁၈၃ ရက်ထက် ပိုမို နေထိုင်သူ (သို့မဟုတ်) အလုပ်လုပ်ကိုင်နေသူ

တစ်နှစ်လျှင် လခ နှစ်သောင်းအောက်သာ ရသော Work Permit သမားများအနေနှင့် စင်ကာပူ အစိုးရ သို့ ၀င်ငွေခွန် ပေးဆောင်ရန် မလိုပါ။ ပေးပင် မပေးဆောင်ရသော်ငြား မိမိတို့ ၀င်ငွေ မည်မျှရှိသည်ကိုမူ အခွန်ရုံးသို့ ဖော်ပြရမည် ဖြစ်ပါ၏။ ထိုအခါ အခွန်ရုံးက မိမိသည် ထိုနှစ်အတွက် အခွန်ပေးဆောင်ရန် S$ 0.00 သာ ရှိပါသည် ဟု အကြောင်းပြန်လိမ့်မည် ဖြစ်ပါ၏။ မိမိသည် ထိုနှစ်အတွက် အခွန်ပေးဆောင်ရန် မလိုကြောင်း ထို စာ (Income Tax Statement) ကို သေသေချာချာ သိမ်းထားရပါလိမ့်မည်။ အကြောင်းတစုံတရာ ပေါ်ပေါက်လာပါက ပြနိုင်ရန် ဖြစ်၏။ တစ်နှစ်လျှင် ၀င်ငွေ နှစ်သောင်းအထက် ရသူများသည် အထက်ပါ ဇယားအတိုင်း အချိုးကျ ပေးဆောင်ရန် ဖြစ်ပါ၏။ ၀င်ငွေခွန်ပေးဆောင်ရာတွင်လည်း အလွန် လွယ်ကူပါသည်။ စာတိုက်တွင်ပေးဆောင်၍ ရသလို နေရာတိုင်းလိုလို တွင် ရှိသည့် SAM (Selfservice Automated Machine) များတွင်လည်း ပေးဆောင်နိုင်ပါသည်။ သို့မဟုတ် Internet Banking ဖွင့်ထားသူများအဖို့မူ မိမိစားပွဲပေါ်မှနေပြီး ကျသမျှ ငွေကို ရိုက်ထည့်ကာ ကလစ်နှိပ်လိုက်ရုံသာ ဖြစ်ပါသည်။

၂၊ ၄၊ ၃။ အခွန်ပေးဆောင်ရန် မလိုသော (အခွန်ပေးဆောင်ရာတွင် နှုတ်ထားနိုင်သည့်) ကြေးငွေများ
မိမိဝင်ငွေများအားလုံး (Gross Income) ကို အခွန်ပေးဆောင်ရန် မလိုပဲ ကျသင့်သလောက် (Taxable Income) ကိုသာ ပေးဆောင်ရမည် ဖြစ်ပါသည်။ ကျသင့်သလောက်ဆိုသည်မှာ မိမိဝင်ငွေများထဲမှ မိမိကိုယ်တိုင်၏ ၀င်ငွေအတွက်လည်းကောင်း၊ မိမိဇနီးအတွက် လည်းကောင်း၊ မိမိသားသမီးများအတွက် လည်းကောင်း၊ မိမိနှင့် အတူနေ မိဘများ၊ ယောက္ခမများအတွက် လည်းကောင်း၊ အဖိုးအဖွားများအတွက် လည်းကောင်း အတိုင်းအတာ တစ်ခုထိ နှုတ်ထားနိုင်ပါသည်။ မည်မျှ နှုတ်နိုင်သည်ကို အောက်တွင် ဇယားများဖြင့် ဖော်ပြထားပါ၏။ မိမိဝင်ငွေထဲမှ နှုတ်လို့ရသမျှ နှုတ်ပြီး ကျန်သော ငွေပေါ်တွင်သာ အခွန်ပေးဆောင်ရန် လိုပါသည်။

အခွန်ဆောင်ရန် ငွေတွက်ချက်ရာတွင် မိမိဝင်ငွေခွန်ထဲမှ နှုတ် နိုင်သော ပမာဏများ

၁။ မိမိအတွက် (လျှော်လိုက်သည့် ၀င်ငွေခွန်)

အသက် ၅၅ နှစ်အောက် S$ ၁၀၀၀
အသက် ၅၅ မှ ၅၉ ထိ S$ ၃၀၀၀
အသက် ၆၀ နှင့် အထက် S$ ၄၀၀၀

အကယ်၍ မိမိသည် မသန်မစွမ်း ဖြစ်ပါက -

အသက် ၅၅ နှစ်အောက် S$ ၂၀၀၀
အသက် ၅၅ မှ ၅၉ ထိ S$ ၅၀၀၀
အသက် ၆၀ နှင့် အထက် S$ ၆၀၀၀

၂။ မိမိ၏ ဇနီးအတွက် -
သာမန် ဇနီးအတွက် - S$ ၂၀၀၀
ခြေလက်အင်္ဂါ မသန်စွမ်းသော ဇနီးသည်အတွက် - S$ ၃၅၀၀
မှတ်ချက်။ ။ အကယ်၍ ဇနီးသည် သည် အလုပ်လုပ်သူ ဖြစ်ပါက လခ S$၂၀၀၀ အောက်ရသူ ဖြစ်ရပါမည်။

၃။ မိမိ၏ သားသမီးများ အတွက် -
(မိမိ၏ သားသမီးအရင်းများသာမက တရားဝင် မွေးစား သားသမီးများအတွက် ပါ ပါဝင်ပါသည်။)

ခြေလက် သန်စွမ်းသော အောက်ဖော်ပြပါ သားသမီး/မွေးစား သားသမီးများ (Qualifying Child Relief – QCR) အတွက် -
၁။ မိမိထောက်ပံ့နေရသော အသက် ၁၆ နှစ်အောက် အိမ်ထောင်မရှိသူ
၂။ အချိန်ပြည့် ကျောင်းတက်နေသော အသက် ၁၆ နှစ်ကျော် အိမ်ထောင်မရှိသူ
၃။ အကယ်၍ သားသမီးသည် အလုပ်လုပ်နေပါက လခS$၂၀၀၀ ထက် မကျော်သူ

သားသမီး ကြီးစဉ်ငယ်လိုက် နှုတ်နိုင်သော ပမာဏ (QCR Allowable)
ပထမ၊ ဒုတိယ နှင့် တတိယ ကလေး တစ်ဦးလျှင် S$ ၂၀၀၀ ကျစီ
စတုတ္ထ ကလေး S$ ၂၀၀၀

ခြေလက် မသန်စွမ်းသော၊ စိတ်မူမှန်သော လက်မထပ်ရသေးသူ သားသမီးများအတွက်မူ S$ ၃၅၀၀ နှုတ်လို့ရပါ၏။
အကယ်၍ ကလေးများ၏ မိခင်သည် အလုပ်လုပ်နေသူ ဖြစ်ပါက ထိုအတွက် ထပ်မံခံစားခွင့် (Working Mother’s Child Relief – WMCR) ကို အောက်ပါအတိုင်း သတ်မှတ်ထားပါသည်။

သားသမီး ကြီးစဉ်ငယ်လိုက် နှုတ်နိုင်သော ပမာဏ (WMCR Allowable)
ပထမ ကလေး မိခင် ၀င်ငွေ၏ ၅ ရာခိုင်နှုံး
ဒုတိယ ကလေး မိခင် ၀င်ငွေ၏ ၁၅ ရာခိုင်နှုံး
တတိယ ကလေး မိခင် ၀င်ငွေ၏ ၂၀ ရာခိုင်နှုံး
စတုတ္ထ ကလေး မိခင် ၀င်ငွေ၏ ၂၅ ရာခိုင်နှုံး
အများဆုံး ခံစားနိုင်ခွင့် ကလေးတစ်ဦးလျှင် S$ ၂၅ ၀၀၀ ကျစီ

၎။ အောက်ပါ မိမိ၏ သို့မဟုတ် မိမိခင်ပွန်း/ဇနီးသည်၏ မိဘ/မသန်မစွမ်း မိဘ/အဖိုး၊ အဖွားများ အတွက် -

၁။ အခွန်ပေးဆောင်ရမည့် နှစ်တွင် စင်ကာပူနိုင်ငံအတွင်း နေထိုင်သူ
၂။ အသက် ၅၅ နှစ်နှင့် အထက် သို့မဟုတ် ရုပ်ပိုင်း/စိတ်ပိုင်း ချို့ယွင်းနေသူ
၃။ မိဘ တစ်ဦးလျှင် ၀င်ငွေ S$ ၂၀၀၀ ထက် မပိုသူ (လခ သို့မဟုတ် ပင်စင်လခ သို့မဟုတ် အတိုးနှုံး စသည်)

သာမန် မိဘများအတွက် ခြေလက်မသန်စွမ်းသူ မိဘများအတွက်
မိမိနှင့် အတူမနေလျှင် S$ ၃၅၀၀ S$ ၆၅၀၀
မိမိနှင့် အတူနေလျှင် S$ ၅၀၀၀ S$ ၈၀၀၀