Working in Singapore Part VIII

၅။ ရုပ်ပိုင်း သို့မဟုတ် စိတ်ပိုင်း ချို့ယွင်းနေသူ ညီအစ်ကို၊ မောင်နှမများအတွက် - မိမိ သို့မဟုတ် မိမိအိမ်ထောင်ဘက်၏ ရုပ်ပိုင်း သို့မဟုတ် စိတ်ပိုင်း ချို့ယွင်းနေသူ အောက်ဖော်ပြပါ ညီအစ်ကို၊ မောင်နှမများ အတွက် တစ်ဦးလျှင် S$ ၃၅၀၀ နှုတ်ခွင့် ရှိသည်။
၁။ မိမိနှင့် တစ်အိမ်ထဲတွင် အတူနေထိုင်သူ
၂။ ၀င်ငွေ S$ ၂၀၀၀ ထက် မပိုသူ

၆။ အထက်ဖော်ပြပါ နှုတ်ပိုင်ခွင့်များအပြင် အောက်ပါတို့ကိုလည်း မိမိဝင်ငွေမှ နှုတ် နိုင်ပါသည်။
၁။ CPF (အများဆုံး နှုတ်နိုင်သော ပမာဏ - တစ်လလျှင် S$ ၄၅၀၀)
၂။ မိမိအတွက် သို့မဟုတ် မိမိအိမ်ထောင်ဖက်အတွက် အသက်အာမခံ (အသက်အာမခံကြေး၏ ၇ %)
၃။ မိမိလုပ်ငန်းနှင့် ပတ်သက်ဆက်နွယ်နေသော သင်တန်းတစ်ခုခုကို တက်နေလျှင် သင်တန်းကြေးကို (အများဆုံး S$ ၃၅၀၀ ထိ) နှုတ်နိုင်ပါသည်။
၎။ ခင်ပွန်းဖြစ်သူနှင့် အတူနေသူ အမျိုးသမီး ဖြစ်ပါက (သို့မဟုတ်) မိမိခင်ပွန်း စင်ကာပူနိုင်ငံတွင် ရှိမနေပါက (သို့မဟုတ်) သားသမီးများနှင့် အတူနေသော တစ်ခုလပ် (သို့မဟုတ်) မုဆိုးမ ဖြစ်ပါက ထို အမျိုးသမီးသည် မိမိငှားရမ်းထားသော အိမ်ဖော်အတွက် ပေးဆောင်နေရသည့် levy ၏ နှစ်ဆကို နှုတ်နိုင်ပါသည်။

၁၊ ၂၊ ၅။ မူးယစ်ဆေးဝါး လက်ဝယ်တွေ့ရှိမှု၊ သယ်ဆောင်မှု နှင့် ရောင်းဝယ်ဖောက်ကားမှု

နောက်တစ်ခု သိထားစရာ အရေးကြီးတာ တစ်ခုပြောချင်ပါသေးသည်။ စင်ကာပူတွင် သေဒါဏ်ပေးနိုင်သော ပြစ်မှု အကြောင်းဖြစ်ပါ၏။ Misuse of Drugs Act တွင် အောက်ပါ မူးယစ်ဆေးဝါးပမာဏ နှင့် အထက် ကို လက်ဝယ် တွေ့ရှိပါက သို့မဟုတ် ပိုင်ဆိုင်ထားပါက သို့မဟုတ် သယ်ဆောင်ပါက သို့မဟုတ် ရောင်းဝယ်ဖာက်ကားပါက သေဒါဏ်ပေးနိုင်သည် ဟု ဖော်ပြထားပါသည်။

ထို ဥပဒေ Schedule I နှင့် Schedule II တွင် တားမြစ်ထားသော ဓါတုဗေဒ ဆေးဝါးများ (Controlled Drugs) ကို ဖော်ပြထားပါ၏။ ဤနေရာတွင် သာမန်စာဖတ် ပရိသတ်တို့နှင့် မရင်းနှီးသော ဓါတုဗေဒ နာမည်များကို ဖော်ပြလိုက်ပါက စာရှည်ပြီး အလွန် ပျင်းစရာ ကောင်းမည်စိုးသောကြောင့် ထိုဆေးဝါးနာမည်များကို မဖော်ပြ တော့ပါ။ သိလိုသူများ အောက်ပါ Link သို့မဟုတ် Misuse of Drugs Act တွင် ဖတ်ရှုကြပါရန်။
ရည်ညွှန်း။ ။ http://en.wikipedia.org/wiki/Misuse_of_Drugs_Act_(Singapore)

၁၊ ၂၊ ၆။ စင်ကာပူနိုင်ငံအတွင်း တရားမ၀င် နေထိုင်မှု

Immigration Act (Chapter 133) လူဝင်မှုကြီးကြပ်ရေး ဥပဒေ (အခန်း ၁၃၃) အပိုဒ် ၆ တွင် စင်ကာပူနိုင်ငံ အတွင်း တရားမ၀င်နေထိုင်မှု အတွက် အောက်ပါအတိုင်း ပြဌာန်းထားပါသည်။

စင်ကာပူနိုင်ငံအတွင်း သို့အောက်ပါသူများသာ ၀င်ရောက်ခွင့်ရှိသည်။
၁။ သက်တမ်းရှိ ၀င်ခွင့်လက်မှတ် (သို့မဟုတ်) ပြန်လည်ဝင်ခွင့် လက်မှတ် ကိုင်ဆောင်ထားသူ
၂။ အထက်ပါ ၀င်ခွင့် / ပြန်လည်ဝင်ခွင့် လက်မှတ်ပေါ်တွင် ကိုင်ဆောင်ထားသူ၏ နာမည် ပုံနှိပ်ထားသူ
၃။ တရားဝင် ထုတ်ပေးထားသည့် သက်တမ်းရှိ pass တစ်ခုခု ကိုင်ဆောင်ထားသူ
စင်ကာပူနိုင်ငံမှ ပြန်လည်ထွက်ခွါသည့်အခါ မိမိ၏ ပတ်စ်ပို့ နှင့်အတူ အထက်ပါ ၀င်ခွင့်လက်မှတ်၊ pass များကို လူဝင်မှုကြီးကြပ်ရေးဌာနသို့ တင်ပြရမည်။

အထက်ပါ ဥပဒေကို ချိုးဖောက်သူများအား - ၆ လထက်မများသော ထောင်ဒါဏ် နှင့် ၃ ချက်ထက် မနည်းသော ကြိမ်ဒါဏ် ကို ကျခံစေရမည်။ အကယ်၍ ထိုသူသည် ကြိမ်ဒါဏ်ပေးရန် မသင့်တော်ဟု ဆုံးဖြတ်ပါက စင်ကာပူဒေါ်လာ ၆၀၀၀ ထက် မများသော ဒါဏ်ငွေကို ပေးဆောင် စေရမည်။

၁၊ ၂၊ ၇။ စင်ကာပူနိုင်ငံတွင်း ၀င်ခွင့်ကန့်သတ်ချက်များ

လူဝင်မှုကြီးကြပ်ရေး ဥပဒေ (အခန်း ၁၃၃) အပိုဒ် ၈ တွင် စင်ကာပူနိုင်ငံတွင်း ၀င်ခွင့်မပြုနိုင်သူများကို ဖော်ပြထားပါသည်။ ဤနေရာတွင် သိသင့်သည့် အချက်အနည်းငယ်သာ ဖော်ပြလိုက်ပါသည်။ အသေးစိတ် သိလိုသူများ http://statutes.agc.gov.sg/ Immigration Act (Chapter 133) တွင် ဖတ်ရှုနိုင်ပါသည်။

၁။ စိတ်မနှံ့သူများ
၂။ အများပြည်သူသို့ ကူးစက်စေနိုင်သည့် ရောဂါ ရှိသူများ
၃။ AIDS (ခုခံအားကျဆင်းမှု ရောဂါ) ခံစားနေရသူများ၊ သို့မဟုတ် HIV ဗိုင်းရပ် စွဲကပ်နေသူများ
၎။ ပြစ်မှုပြစ်ဒါဏ် ကျခံနေရသဖြင့် တိုင်းပြည်တွင်း ၀င်ရောက်မှု တားမြစ်ခံထားရသူများ
၅။ ပြည့်တန်ဆာများ နှင့် ပြည့်တန်ဆာ ခေါင်းများ
၆။ ဖုန်းတောင်း၊ ယာစကာများ .......... စသည်။