မြန်မာ လုပ်ငန်းခွင်အန္တရာယ်ကင်းရှင်းရေး မြှင့်တင်ရေးအဖွဲ့

မြန်မာ လုပ်ငန်းခွင်အန္တရာယ်ကင်းရှင်းရေး မြှင့်တင်ရေးအဖွဲ့

MSDS (Myanmar Safety Development Society)

ယခုပြောင်းလဲစပြုလာနေသော မြန်မာနိုင်ငံတော်ကြီးအား အလုံးစုံချွတ်ခြုံကျနေသောဘ၀မှ ပြန်လည်ထူထောင်ရေး အတွက် အဖက်ဖက်မှ ၀ိုင်းဝန်းကြိုးပမ်းနေသော ကာလဖြစ်ပါသည်။ ဤကဲ့သို့ကြိုးပမ်းနေကြသူများတွင် အစိုးရပိုင်းမှသာမက ပညာရှင်များအသိုင်းအ၀ိုင်း၊ ပုဂ္ဂလိကအဖွဲ့အစည်းများပါ အင်တိုက်အားတိုက်နှင့် ပါဝင်လာကြပါသည်။ ထိုအထဲတွင် အကြောင်းကြောင်းကြောင့် နိုင်ငံရပ်ခြားတိုင်းပြည်များသို့ ရောက်နေကြရသော မြန်မာများလည်း အပါအ၀င်ဖြစ်၏။

ပြည်တွင်းမှ ပုဂ္ဂိုလ်ကြီးများက မည်သို့ပင်မြင်ကြသည်ြ့ဖစ်စေ ပြည်ပသို့ရောက်နေကြသည့် ကျွန်ုပ်တို့မြန်မာများ အားလုံး၏ရင်ထဲတွင် အမိမြန်မာပြည်ကြီး လူတစ်လုံး၊ သူတစ်လုံးဖြစ်လာစေလိုသော ဆန္ဒများ ကိန်းအောင်းနေသည်မှာ အမှန်ပင်ဖြစ်၏။ ထိုဆန္ဒများကို အကောင်အထည်ဖော်ရန် မိမိတတ်နိုင်သောဘက်မှလည်း ကိုယ့်နည်းကိုယ့်ဟန်နှင့် လက်တွေ့ကြိုးပမ်းနေကြပါသည်။

မြန်မာနိုင်ငံတွင် လုပ်ငန်းခွင်အန္တရာယ်ကင်းရှင်းရေးစနစ်တစ်ခု အကောင်အထည်ပေါ်လာစေရန် ရည်ရွယ်ချက်ဖြင့် ယခုနှစ် မေလ ၄ ရက်နေ့က အခြားဝန်ကြီးဌာနများကိုပါ ဖိတ်ကြားစေကာ ဆောက်လုပ်ရေးဝန်ကြီးဌာန၌ “လုပ်ငန်းခွင် အန္တရာယ်ကင်းရှင်းရေး၊ ကျန်းမာရေး နှင့် ပတ်ဝန်းကျင်” ဟူသောခေါင်းစဉ်နှင့် ဟောပြောပွဲတစ်ခု ကျွန်တော်သွားလုပ်ခဲ့ပါ သည်။ ဌာနပေါင်းစုံမှအရာရှိကြီးများ ၁၅၀ခန့်တက်ရောက်လာပါ၏။ စိတ်ဝင်တစားနားထောင်ကြ၊ ပြန်လည်ဆွေးနွေးမေးမြန်း ကြသဖြင့် ကျွန်တော်အလွန်ကျေနပ်မိပါသည်။

ထိုဟောပြောပွဲအပြီး မြန်မာနိုင်ငံဘက်မှ ဆက်လက်အကောင်အထည်ဖော်ရမည့်အကြောင်းအရာများကို သူတို့အား ပြောပြခဲ့၊ စာနှင့်လည်းရေးပေးခဲ့၊ လက်တွေ့အကောင်အထည် ဖော်နိုင်မည့်သူများအားလည်း ချိတ်ဆက်ခဲ့၏။ စင်ကာပူ ပြန်ရောက်တော့လည်း ထိုဟောပြောပွဲအကြောင်း မိတ်ဆွေများကို ဖိတ်ကြားကာ ပြောပြခဲ့ပါသေးသည်။ ဦးဇော်အောင် ကတော့ အဖွဲ့တစ်ခုဖွဲ့ကာ လုပ်ဘို့မကြာခဏတိုက်တွန်း၏။ သို့သော် ကျွန်တော်မှာ safety နယ်သို့ရောက်တာ မကြာသေးသဖြင့် safety အပေါင်းအသင်းသိပ်မရှိသေးသည်တစ်ကြောင်း၊ တစ်ဖက်တွင် မြန်မာပြက္ခဒိန်စာအုပ်ကို အားစိုက် ရေးနေသဖြင့် အခြားကိစ္စများကို ဘာမှ မလုပ်လိုသည်က တစ်ကြောင်းတို့ကြောင့် မြန်မာ safety အဖွဲ့ဖွဲ့ရန် နှောင့်နှေးနေခဲ့ပါ သည်။

၂၀၁၂ ဇူလိုင် ၂၁ ရက်နေ့ နေ့လည်က မိတ်ဆွေဖြစ်သူ ကိုနွယ်ဝင်းက မြန်မာ Safety Officer များတွေ့ဆုံပွဲရှိသည်။ ယနေ့ညနေ ၆ နာရီခွဲအချိန် ကလီမင်တီမောလ် ၌ တွေ့ကြမည်ဆိုသဖြင့် ကျွန်တော်လည်း အကျိုးအကြောင်းသိရအောင် လိုက်သွားခဲ့၏။

စုစုပေါင်း ၁၂ ဦးတက်ရောက်လာပါသည်။ စကားဝိုင်းကို ဦးဆောင်သူမှာ ဦးချစ်ကိုဖေနှင့် ဦးသန့်ဇော်အောင် ဖြစ်၏။ အကြောင်းအရာမှာ စင်ကာပူတွင်ရောက်ရှိအလုပ်လုပ်ကိုင်နေသော Safety လုပ်နေသူများအပါအ၀င် အခြား အင်ဂျင်နီယာနှင့် စိတ်ပါဝင်စားသူများပါဝင်ကာ မြန်မာနိုင်ငံတွင် လုပ်ငန်းခွင်အန္တရာယ်ကင်းရှင်းရေးကို အကောင်အထည်ဖော်ရန် ဖြစ်ပါသည်။ မမျှော်လင့်ဘဲ ကျွန်တော်လုပ်ချင်နေသည်ကို လုပ်မည့်သူများတွေ့ရသဖြင့် အတော်ဝမ်းမြောက်ဝမ်းသာ ဖြစ်မိပါ၏။ ကျွန်တော်ကား စာကိုစောက်ချရေးလိုသဖြင့် သိပ်အချိန်များများစားစားမပေးနိုင်။ ကိုယ်တတ်နိုင်သည့်ဘက်မှ ၀ိုင်းဝန်း လုပ်ပေးမည်ဖြစ်ပါသည်။

ကျွန်တော်တို့ ဆွေးနွေးပြောဆိုခဲ့သည်များကို အများသိစေရန်၊ စိတ်ပါဝင်စားသူများလည်း ပါဝင်လာနိုင်စေရန် ဤအကြောင်း ဆောင်းပါးကလေးတစ်စောင်ရေးလျှက် ဖြန့်လျှင်ကောင်းမည်ဟု မိတ်ဆွေများကိုပြောပြရာ သူတို့ကလည်း သဘောတူပါသည်။

လုပ်ငန်းစဉ်များ

အဖွဲ့အစည်းများမှတ်ပုံတင်ခြင်းနှင့်ပတ်သက်၍ - - - https://app.ros.gov.sg/ui/Index/InformationOnRegisteringASociety.aspx တွင် ဖတ်ကြည့်နိုင်ပါသည်။

၁။ အဖွဲ့၏ သဘာဝ

ဤအဖွဲ့သည် မြန်မာနိုင်ငံ တည်ဆောက်ရေးအတွက် တစ်တပ်တစ်အား ပါဝင်ဆောင်ရွက်ပေးမည့် အမြတ်အစွန်းကို အဓိက မထားသောအဖွဲ့ (Non Profit Organization) ဖြစ်၏။ အဖွဲ့တွင် ပါဝင်ဆောင်ရွက်မည့်သူများမှာ ကာယအား၊ ဉာဏအား၊ ငွေအား စိုက်ထုတ်လုပ်ကိုင်ရန် လိုပါလိမ့်မည်။

၂။ အဖွဲ့အစည်း မှတ်ပုံတင်ခြင်း

ပထမဦးဆုံး လုပ်ရမည်မည်မှာ အဖွဲ့အစည်း မှတ်ပုံတင်ရန် ဖြစ်ပါသည်။ အဖွဲ့နာမည်ကို သုံးခုတင်ရမည်။ ဦးချစ်ကိုဖေက “MSDS (Myanmar Safety Development Society)” ဟု နာမည်တစ်ခု ရွေးထားသည်။ နောက်ထပ် နာမည်နှစ်ခု လိုပါ သေးသည်။ စိတ်ဝင်စားသူများ နာမည်ထပ်မံရွေးပေးရန် ဖိတ်ခေါ်ပါသည်။ အဖွဲ့တွင် “မြန်မာ” ဟူသောနာမည်ပါပါက မြန်မာ သံရုံးနှင့် ဆက်သွယ်ဆောင်ရွက်ရန် လိုပါသည်။

၃။ အဖွဲ့အစည်း တည်နေရာ

အဖွဲ့တည်နေရာကို ကိုယ့်အိမ်လိပ်စာ ပေးလိုက်လို့မရ။ Society Act ထဲ၌ ပြဆိုထားသည့် နေရာတစ်ခုဖြစ်ရမည် ဆိုသည်။ ပင်နင်စူလာမှ ကျွန်တော့်မိတ်ဆွေများ၏ ဆိုင်လိပ်စာတစ်ခု ပေးလိုက်လို့ရပါသည်။ အခြားသူများရှိလျှင်လည်း အကြံပြုပေးပို့နိုင်ပါသည်။

၎။ အဖွဲ့အစည်း ၏ တံဆိပ် (logo)

ကျွန်တော်စိတ်ကူးရေးဆွဲရန် ကြံစည်ထားပါသည်။ အခြားသူများအားလည်း ရေးဆွဲပေးပို့ ကြပါရန် ဖိတ်ခေါ်ပါသည်။

၅။ အဖွဲ့ ဖွဲ့စည်းပုံ

အဖွဲ့တွင် နာယက၊ ဥက္ကဌ၊ အတွင်းရေးမှူး၊ ဘဏ္ဍာရေးမှူး၊ စာရင်းကိုင်၊ စာရေး စသည်တို့ ခန့်ထားရန်လိုပါသည်။ ဤသည်ကို ထပ်မံစည်းဝေးပြီး အများသဘောတူ ရွေးကောက်ရန် ဖြစ်ပါသည်။ ရွေးကောက်ခံရသူများသည် နာမည်ခံမျှမဟုတ်ဘဲ မိမိတာဝန်ယူထားသည်ကို ကျေပွန်အောင် ဆောင်ရွက်နိုင်ရန် အရေးကြီးပါသည်။ အထူးသဖြင့် အချိန်ပေးနိုင်မှု ဖြစ်၏။ ထိုမျှသာမက မိမိဘာလုပ်ရမည်ကိုသိကာ တကယ်လည်း စေတနာပါပါ လုပ်ပေးသူဖြစ်ရန် လိုပါသည်။

နာယကအဖြစ် စင်ကာပူရှိ မြန်မာနိုင်ငံသံရုံးမှ မြန်မာသံအမတ်ကြီးကို ထည့်သွင်းရန် ရည်မှန်းထားပါသည်။ ထို့ပြင် မြန်မာကလပ်မှ လူကြီးများကိုလည်း အသိပေးဖိတ်ခေါ်ရန် ရှိပါသည်။

၆။ အဖွဲ့ ရံပုံငွေ

အဖွဲ့အစည်းမှတ်ပုံတင်ရန် နှင့် အခြားဗာဟီရများအတွက် ကနဦးရံပုံငွေ $ 500 ခန့်လိုပါသည်။ အဖွဲ့ရပ်တည်နိုင်ရန်၊ လှုပ်ရှားမှုများ (ဥပမာ - ဟောပြောပွဲများ၊ သင်တန်းများ၊ ပြပွဲများ) ပြုလုပ်နိုင်ရန် ရံပုံငွေလိုပါလိမ့်မည်။ ဤရံပုံငွေကိုမူ အသင်းသားများ၏ အသင်းဝင်ကြေးမှသော်လည်းကောင်း၊ အလှူရှင်များ၏ ပံ့ပိုးမှုဖြင့်သော်လည်းကောင်း ရှာဖွေနိုင်ပါလိမ့် မည်။ အသင်း၏ လှုပ်ရှားမှုများကိုပြသကာ နိုင်ငံတကာအဖွဲ့အစည်းများမှ အလှူငွေများ ရရှိနိုင်လိမ့်မည်ဟု မျှော်လင့်ပါသည်။

အမြတ်အစွန်းကို အဓိကမထားသည့် အဖွဲ့ပင်ဖြစ်သော်ငြားလည်း နောက်ပိုင်း အဖွဲ့ ခိုင်ခိုင်မာမာဖြစ်လာပြီးသည့်အခါ သင်တန်း များတွင်တွင်ကျယ်ကျယ် ပေးလာရလျှင် သင်တန်းပို့ချခ၊ ပြပွဲများ၊ ဟောပြောပွဲများ ကျင်းပပေးခ၊ ပစ္စည်းများ (ဥပမာ - PPE) မှာယူသည့်အပေါ်မှ စသဖြင့် တစ်ဦးချင်းဝင်ငွေများ ရနိုင်ပါသည်။ သို့သော် ဤသင်တန်း၊ ပစ္စည်းပံ့ပိုးမှုစသည်များမှာ ဤအဖွဲ့ အောက်မှာသာ ရှိပါသည်။ ဤကဲ့သို့ ရလာသောအမြတ်အစွန်းများမှ အဖွဲ့အတွက် ရာခိုင်နှုံးတစ်ခုဖြင့် ပံ့ပိုးပေးနိုင်ပါလိမ့်မည်။ 

၇။ လှုပ်ရှားမှုများ

နောက်ပိုင်းရုံးခန်းအတည်တကျဖြစ်လျှင် ရုံးဖွင့်ကာ လုပ်ငန်းများကို အချိန်ပြည့်ဆောင်ရွက်မည်ဖြစ်ပါသည်။

ရုံးခန်း၌ စာကြည့်တိုက်ထားရှိကာ safety နှင့်ပတ်သက်သော စာအုပ်စာတမ်းများကို soft copy, hard copy များထားရှိမည်။ ရှိသူများက ၀ိုင်းဝန်းပံ့ပိုးပေးပြီး အလိုရှိသူများအား ပြန်လည်ဝေမျှမည် ဖြစ်၏။ သို့သော် copy right စာအုပ်များကိုမူ ကန့်သတ် ထားပါမည်။ 

စင်ကာပူရောက် မြန်မာအလုပ်သမားများအား မြန်မာဘာသာဖြင့် ဟောပြောပွဲများပြုလုပ်ပေးမည် ဖြစ်ပါသည်။

မြန်မာနိုင်ငံသို့လည်း အခါအားလျော်စွာ သွားရောက်လျှက် ဟောပြောပွဲများပြုလုပ်ခြင်း၊ သင်တန်းများပို့ချပေးခြင်း၊ ပြပွဲများ ပြုလုပ်ခြင်းများ လုပ်ပါမည်။

လိုအပ်သည့်စာအုပ်စာတမ်းများကို မြန်မာဘာသာဖြင့် ရေးသားထုတ်ဝေကြရန် ဖြစ်ပါသည်။

၈။ အထွေထွေ

ဇူလိုင်လ ၂၉၊ လာမည့် တနင်္ဂနွေနေ့တွင် Chinese Garden ၌ နောက်ထပ် စည်းဝေးပွဲပြုလုပ်ပါမည်။ စိတ်ပါဝင်စားသူများ တက်ရောက်ဆွေးနွေးကြရန် ဖိတ်ခေါ်ပါသည်။

စိတ်ပါဝင်စားသူများ အောက်ပါဖုံးနံပါတ်နှင့် အီးမေးများသို့ ဆက်သွယ်နိုင်ပါသည်။

1) U Chit Ko Pe              : 96722512 (uchitkope@yahoo.com)

2) U Tin Maung Thein     : 91055566  (tinmaungthein@gmail.com)

3) U Nwe Win                : 92301304  (nwewin07@yahoo.com)

4) U Thant Zaw Aung     : 94887612  (zaw64@hotmail.com)

5) U Aye Nyein              : 97303027  (aye475@gmail.com)

6) Daw Aye Aye Aung   : 98494099  (ayeayeaung.nus@gmail.com)

7) Daw Aye Aye Myint   : 98522447  (pkpkmyint@gmail.com)

8) U Min Zaw                 : 91143961 (ulowik@yahoo.com)

9) U Win Maung             : 90298154 (winmg06@gmail.com)

10) Mr. Princeton S.Peter : 90235231 (princeton_ptr@yahoo.com)

11) U Chit Shwe             : 94353925  (chitshwe07@gmail.com)

12) U Tin Soe                : 91134832  (tinsoe2001@yahoo.com)

မှတ်တမ်းတင်သူ

ဦးအေးငြိမ်း

၂၂ ဇူလိုင်၊ ၂၀၁၂ နေ့လည် ၁၂ နာရီခွဲ