မြန်မာနာရီ (နောက်ဆက်တွဲ)

ယခင်ပို့စ်၌ http://words.myanmarsar.org မှ ဇယား မှားနေကြောင်း ပြောခဲ့ပါသည်။ သို့ဆိုလျှင် အဘယ်ကြောင့် မှားနေကြောင်း ရှင်းပြရန်လိုပါသည်။

ပထမတစ်ချက် -

မြန်မာနာရီမှာ ယခုသုံးနေသော စက်နာရီကဲ့သို့ ရက်တစ်ခု၏ အစကို သန်းခေါင်ချိန်မှ စတင်တိုင်းခြင်း မဟုတ်။ နေထွက်ချိန်မှ စတင်တိုင်းသည် ဆိုခြင်းကို ဖော်ပြခဲ့ပြီးပြီ။ မြန်မာတစ်ရက်မှာ (တစ်နေ့ဟု မသုံးပါနှင့်။) တစ်နေ့နှင့် တစ်ည ဖြစ်ပါသည်။ နေရောင်မြင်ရသော နေ့တစ်နေ့ နှင့် နေရောင်မမြင်ရသော ညတစ်ည ဖြစ်၏။

ဒုတိယတစ်ချက် -

စက်နာရီမှာသာ နေ့မွန်းတည့် ၁၂ နာရီကျော်သွားလျှင် ၁၃ နာရီ၊ ၁၄း၃၀ နာရီ၊ ၁၇း၄၅ နာရီ စသဖြင့် ၂၄ နာရီအသွားဖြင့် ဆက်ရေသွားလို့ ရသည်။ မြန်မာနာရီတွင် နေ့နာရီ ၃၀၊ ညနာရီ ၃၀ သတ်မှတ်ထားသောကြောင့် နေ့နာရီ ၃၀ ကျော်သွား သည်ကို ၃၁ နာရီ ၃၂ နာရီ စသဖြင့် ရေရိုးထုံးစံမရှိ။ နေ့နာရီသည် နေ့နာရီသာဖြစ်ပြီး ညနာရီသည် ညနာရီသာ ဖြစ်သည်။

နောက်တစ်ခုမှားနေသည်မှာ နာရီများတွက်ပုံဖြစ်၏။ နေ့နာရီ၊ ညနာရီများ မှားနေသည်။ တစ်နေရာထဲတွင် မဟုတ်။ ၆ နေရာ မှားနေသည်။

မြန်မာစာ၊ သို့မဟုတ် မြန်မာယဉ်ကျေးမှုကို လေ့လာလိုသူတို့ ဤနေရာသို့ ရောက်လာမည်။ ဤတွင်ဖော်ပြထားချက်များကို ကူးယူမှတ်သားမည်။ ရည်ညွှန်းမည်။ ဆက်လက်သုံးစွဲမည်။

ထိုအခါ ဤနေရာမှ အချက်အလက်များကို ရယူသုံးစွဲသူတိုင်း အမှားကြီးကိုသာ ဆက်လက်သုံးစွဲနေပေရော့မည်။

သာမန်စာတစ်ပုဒ်တွင် မှားနေတာ ဘာပြဿနာမှမရှိ။ စာလုံးပေါင်းမှားတာ၊ သတ်ပုံမှားတာ၊ ၀ါကျအထားအသို၊ အသုံးအနှုံး စသည်တို့မှားနေတာ မည်သူကမျှ ရည်ညွှန်းသုံးစွဲမှာမဟုတ်။ သို့သော် ဤကဲ့သို့သော လူအများရည်ညွှန်းနိုင်သည့် အင်တာနက် စာမျက်နှာများမှာမူ သတိထားသင့်ပေသည်။ အင်တာနက်ပေါ်မတင်မီ သေသေချာချာ ကျကျနန စစ်ဆေးရန် လိုပါသည်။ မိမိနားမလည်ပါကလည်း တတ်သိနားလည်သူ ပညာရှင်များထံ ချဉ်းကပ်မေးမြန်း လေ့လာရပေမည်။

ထို့အတူပင် မြောက်များလှစွာသော အင်တာနက်စာမျက်နှာများတွင်လည်း မဖွယ်ရာသော အမှားများစွာကို တွေ့နေရပါသည်။ တရားတော်များကို ပြန်လည်ကူးယူ ဖော်ပြထားသည်များမှာပင် အမှားအယွင်းပေါင်း မြောက်များစွာတွေ့ရပါသည်။ အချို့ကမူ ထိုတရားတော်များကို (သေသေချာချာလည်း နားမလည်ပါဘဲလျှက်) ပြန်၍ပင် ရှင်းပြထားလိုက်သေး၏။ မိမိနားမလည်သည့် အကြောင်းအရာတစ်ခုကို အဘယ်ကြောင့် လက်တည့်စမ်းချင်ရပါသနည်း။

စာရေးချင်သူများ ရေးချင်သပဆိုရေးပါ။ ဘာမှပြောစရာမရှိ။ မိမိသိသောအကြောင်း၊ ကိုယ့်အကြောင်း၊ ကိုယ့်မြို့ကိုယ့်ရွာ အကြောင်း၊ ကိုယ့်ပတ်ဝန်းကျင်မှ ကိုယ်ကြုံတွေ့ရသောအကြောင်း ရေးစရာ များစွာရှိပါသည်။ ကဗျာစပ်ချင်သလား။ လွတ်လပ်စွာ စပ်နိုင်ပါသည်။ ကိုယ်ဝါသနာပါလို့စပ်တာ။ ကြိုက်လျှင်ဖတ်၊ မဖတ်ချင်နေ။ ဘာမှ ပြောစရာမရှိ။

ကျွန်တော်ရေးထားသည်များမှ အမှားများတွေ့လျှင်လည်း ထောက်ပြကြပါ။ ခြောက်ပြစ်ကင်း သဲလဲစင်သူဆိုတာ ရှာမှရှားပေလိမ့် မည်။ ဤသို့ထောက်ပြခြင်းဖြင့် အမှားကိုသိမှ အမှန်ပြင်နိုင်မည်။ မသိလို့ မှားနေလျှင် တစ်သက်လုံးမှားရော့မည်။ မှားမှန်းသိ၍ ပြင်လိုက်လျှင် ခဏနှင့်အမှန်လမ်းသို့ရောက်မည်။

စကားစပ်မိလို့ ပြောရာမှ မဆိုင်တာတွေ ရောပါသွားတာ တောင်းပန်ပါသည်။

နောက်ပို့စ်တွင် မြန်မာအတိုင်းအတာများအကြောင်း ဆက်လက်ရေးသားပါမည်။

အေးငြိမ်း

31/10/2011, 10:55 pm