မီးအန္တရာယ် ကာကွယ်ရေး ပညာပေး

မီးအန္တရာယ်ကာကွယ်ရေး သတိပြုရမည့် အချက်များ

၁။ ယေဘူယျ မီးကာကွယ်ရေး အချက်များ

မီးသတိပြုရန် အရေးကြီးဆုံး နေရာတစ်ခုမှာ မီးဖိုဆောင်ဖြစ်ပါသည်။ ထမင်းဟင်းချက်ပြုတ်ခြင်းဟူသည် မီးကိုအသုံးပြုရ သည်ဖြစ်ရာ အထူးသတိပြုရန် လိုသည်။ အိမ်များ၊ စားသောက်ဆိုင်များ၊ ဟော်တယ်များ၊ ဘုန်းကြီးကျောင်းများ၊ ဓမ္မာရုံများ၊ လမ်းဘေးမုံ့ဆိုင်များ စသဖြင့် မီးသုံးသည့်နေရာအားလုံးပါသည်။

              ကွန်ပြူတာ၊ မိုက်ခရိုဝေ့ဖ်၊ လျှပ်စစ်မီးဖို၊ မီးပူ၊ လျှပ်စစ်ရေနွေးအိုး၊ တယ်လီဖုန်း အားသွင်းစက် စသည့် လျှပ်စစ် ပစ္စည်းများကို မသုံးသည့်အခါ ခလုတ်ပိတ်ထားပါ။

 

              ဓါတ်ဆီဆိုင်များ၊ ဓါတ်ငွေ့ဆိုင်များ၌သုံးသော လျှပ်စစ်ပစ္စည်းများသည် “Explosion-­proof” (မပေါက်ကွဲစေနိုင်သော) ပစ္စည်း အမျိုးအစားဖြစ်ရမည်။ ထိုပစ္စည်းများအား အပူထွက်စေမည့် ပစ္စည်းများနှင့် ဝေးဝေးထားပါ။

              ထရန်စဖော်မာများ၊ ကွန်ဗာတာများ၊ အင်ဗာတာများ စသည့်အရေးကြီးသော လျှပ်စစ်ပစ္စည်းများကို ကျွမ်းကျင်သူနှင့် တစ်နှစ်တစ်ခါ မှန်မှန်စစ်ပါ။

              အိမ်ရှိလူကုန် အပြင်သွားစရာရှိလာပါက ရေခဲသေတ္တာကဲ့သို့သော ပစ္စည်းမှလွဲ၍ ကျန်မီးခလုတ်အားလုံးကို သေချာစွာ ပိတ်ခဲ့ပါ။ သေချာစေရန် အပြင်မထွက်မီ နောက်တစ်ခေါက်ထပ်စစ်ပါ။

              လျှပ်စစ်ပစ္စည်းများ ပြုပြင်တပ်ဆင်ခြင်း၊ ၀ါယာကြိုးများသွယ်တန်းခြင်းတို့ကို လက်မှတ်ရလျှပ်စစ်လုပ်သားအားသာ ခိုင်းပါ။

၅။ စက်မှုဆိုင်ရာ မီးအန္တရာယ်

အကြောင်းရင်းများ

              အင်ဂျင်နှင့်မောင်းသော မီးစက်အိတ်ဇောမှ မီးပွားများထွက်ကာ အခြားလောင်စာများသို့ ကူးစက်ခြင်း။

              အလွန်ပူနေသော အင်ဂျင်ကိုယ်ထည်ပေါ်တွင် မီးလောင်လွယ်သော ပစ္စည်း (ဥပမာ - စက္ကူ) များတင်ထားခြင်း။

              ဂျင်နရေတာမှ အထွက် ၀ါယာများကို သေချာစွာ မဆက်ထားသဖြင့် မီးပွားများထွက်ကာ အင်ဂျင်မှ စက်ဆီများသို့ ကူးစက်လောင်ကျွမ်းခြင်း။

              အပူလွန်ကဲခြင်း။

              မီးလောင်လွယ်သော ပစ္စည်းများကို အင်ဂျင်နှင့်၊ မီးစက်နှင့်အတူထားခြင်း။

              ဓါတ်ဆီပုံး။ တိုင်ကီကို ဂေါက်နှင့် ရိုက်ဖွင့်ခြင်း။

              ဆီတိုင်ကီအတွင်းရှိ ဆီအနည်းအများကို ဖယောင်းတိုင်မီးဖြင့် ကြည့်ခြင်း။

              ဆီရောင်းနေစဉ် ဆေးလိပ်သောက်ခြင်း။

              မီးလှုံရန်အတွက် ဆောင်းတွင်းအခါ ဆီပုံးများအနီး မီးဖိုခြင်း။

  

၆။ အကြံပြုချက်များ

              အင်ဂျင်ဖြင့်မောင်းသော ဂျင်နရေတာများတွင် မီးပွားဖျောက်ကိရိယာ (spark arrester) တပ်ဆင်ပါ။

              ဂျင်နရေတာကို လေ၀င်လေထွက်ကောင်းသော နေရာတွင်သာထားပါ။ အလုံပိတ်အခန်းတွင်း၌ မထားပါနှင့်။

              အင်ဂျင်အနီးပတ်ဝန်းကျင်တွင် မည်သည့်အမှိုက်သရိုက်မှ မရှိစေရန် အမြဲသန့်ရှင်းနေပါ။

              ဆီတိုင်ကီကို မည်သည့်အခါမှ ရိုက်ဖွင့်ခြင်း မပြုပါနှင့်။ ဆီတိုင်ကီဖွင့်သည့် အတံကို အလွယ်ရစေရန် အနီးတွင် ဆောင်ထားပါ။

              ဆီတိုင်ကီအတွင်းရှိ ဆီကိုစစ်ဆေးလိုသော် လက်နှိပ်ဓါတ်မီးကိုသာ သုံးပါ။

              ဆီတိုင်ကီများအနီး၊ ဆီရောင်းသည့်အနီး၊ ဆီပုံးများအနီးတွင် ဆေးလိပ်သောက်ခြင်းကို တင်းကြပ်စွာတားမြစ်ပါ။

၇။ မီးဆိုသည့်မှာ ဂရုမစိုက်မှုများကြောင့် လောင်ကျွမ်းရသည်

• မင်္ဂလာဈေးမီးသည် လျှပ်စစ်ရေနွေးအိုးကို မပိတ်ဘဲထားခဲ့ရာမှ စလောင်သည်။
• မုံရွာမီးသည် ဖယောင်းတိုင်မှ စလောင်သည်။
• ပုသိမ်မီးသည် ဆီတိုင်ကီအတွင်းသို့ မီးခြစ် ခြစ်ကြည့်ရာမှ စလောင်သည်။
• ထိုပုသိမ်တွင်ပင် ဆီတိုင်ကီအား ဂေါက်တံဖြင့်ရိုက်ဖွင့်ရာမှ စလောင်သည်။

များသောအားဖြင့် မီးလောင်မှုများကို စစ်ကြည့်လိုက်လျှင် ပေါ့ဆသောကြောင့်လည်းကောင်း၊ စနစ်တကျတပ်ဆင်မထားသော လျှပ်စစ်ဝါယာကြိုးများကြောင့်လည်းကောင်း၊ မီးမမှန်သောကြောင့်သော်လည်းကောင်း ဖြစ်ရသည်။

ကျွန်တော်တို့တိုင်းပြည်တွင် မီးဆိုသည်မှာ လာချင်သည့်အချိန်လာသည်။ ပြတ်ချင်သည့်အချိန်ပြတ်သည်။ ထို့ကြောင့် လျှပ်စစ် ကိုသုံးရာတွင် များစွာသတိထားကြရန် လိုသည်။ မီးအန္တရာယ်ကိုလည်း မကြောက်၊ သေရမည့်ဘေးကိုလည်း မကြောက်။ ဖြစ်ကာမှ ငိုကြီးချက်မနှင့် င့ါကိုက ကံဆိုးပါတယ်ကွာ ဟု ကံကိုသာ ပုံချမည်။

 

သို့သော် လာချင်လျှင်လာ၊ ပြတ်ချင်လျှင်ပြတ် ဖြစ်နေသော မီးကို မီးပြတ်ပြီဟေ့ ဆိုသည်နှင့် ရှိသမျှခလုတ်အားလုံး ပိတ်ဖို့ရာ မည်သူမှ ဂရုမစိုက်။

 

၈။ ဈေးများအတွင်းမှ အလွန်အန္တရာယ်ကြီးလှသော အခြေအနေ

ကျွန်တော်တို့တိုင်းပြည်တွင် ဈေးဆိုသည်ကလည်း စနစ်တကျဆောက်ထားတာမဟုတ်။ ဆောက်တာတင်မဟုတ်ပါ။ လျှပ်စစ် မီးလိုင်းများ ဆင်ထားတာလည်း စနစ်မကျ။ ရေပေးဝေရေးစနစ်လည်း မရှိ။ အိမ်သာစနစ်လည်း ကောင်းကောင်းမရှိ။ ပစ္စည်းများကိုထားမည့် ဂိုဒေါင်ဆိုတာလည်း စနစ်တကျ မဟုတ်။

ဈေးများအတွင်း၌ လူသွား၍ မရလောက်အောင် ပစ္စည်းများ လမ်းပေါ်ချထားတာ တွေ့ရပါလိမ့်မည်။ မီးဟေ့ဆိုလျှင် မည်သည့် နေရာမှ ပြေးရပါမည်နည်း။ သူတို့ကိုလည်း အပြစ်မတင်သာ။ သည်လိုမှ မချလျှင် ချစရာနေရာ မရှိ။ ပစ္စည်းထားသည့် ဂိုဒေါင် တွင်ရော လေအ၀င်အထွက် စနစ်၊ အရေးပေါ်ထွက်ပေါက်။ မီးခံနံရံစသဖြင့် ကျကျနန တွက်ချက် ဆောက်ထားတာ ရှိပါသလား။

မြန်မာပြည်တွင် မီးလောင်ခြင်းဖြစ်ရသည့် အဓိကအကြောင်းများအနက် လျှပ်စစ်သည် တစ်ကြောင်းဖြစ်၏။ ထိုဈေးကြီးများတွင် တပ်ဆင်ထားသော ၀ါယာကြိုးအရွယ်၊ မီးသုံးသည့်စနစ်၊ သုံးခွင့်ပြုသည့် လျှပ်စစ်ပစ္စည်း၊ control box ၊ breaker စသည်တို့သည် စနစ်တကျ ဟုတ်ပါရဲ့လား။ ဒါတွေ ကျွန်တော်မသိပါ။ ဤ၀ါယာကြိုးများမဆင်မီ ၀ါယာကြိုးက ထမ်းရမည့်ဝန်  (load) ကို တွက်ပါသလား။ တွက်သည့်တိုင် ရသည့်အဖြေအတိုင်း အတိအကျလိုက်နာပါသလား။

မင်္ဂလာဈေးတွင် ရေနွေးအိုးကြိုထားတာ မေ့ပြီး ခလုတ်မပိတ်မိဆိုသည့်တိုင် အဘယ်ကြောင့် breaker မကျရပါသနည်း။ အဘယ်ကြောင့် Fuse သည် မပြတ်ရပါသနည်း။ ရေအားလုံးခန်းသွားလျှင် သတ္တုအရည်ပျော်မည်။ ထိုအခါ ရှော့ဖြစ်ရမည်။ ရှော့ဖြစ်လျှင် breaker ကျရမည်။ အကယ်၍သာ breaker ကျလျှင် သည်မီးလောင်ခြင်းဆိုတာ ဖြစ်ပါမည်လား။

 

ကျွန်တော်တို့ဆီက လူများကတော့ ဘာစည်းစနစ်မှမရှိဘဲ ဒီလို ကြည့်ကျက်လုပ်နေတာ ရိုးနေပြီ။ Breaker များ တပ်ဆင် ပေးထားသည့်တိုင် ထို breaker များကို ဖြုတ်ပစ်မည်။ ဖြူ့စ်များကို မပြတ်နိုင်သော နန်းကြိုးအကြီးကြီးနှင့် လဲထည့်မည်။ ဤကဲ့ သို့ ဘာမှ မသိနားမလည်သည့် အရပ်သားများ လုပ်ချင်သလိုလုပ်တာကိုလည်း ဥပဒေက ခွင့်ပြုထားသည်။

ဤဈေးတွင်တပ်ဆင်ထားသော မီးစနစ်သည် အသုံးပြုရန် အန္တရာယ်ကင်းသည့် အခြေအနေရှိပါသလားဟု မည်သူသည် လာစစ်ပါသနည်း။ လာစစ်သည်ဆိုသည့်တိုင် ထိုသူသည် သတ်မှတ်ထားသော စံချိန်စံညွှန်းများနှင့်အညီ စစ်ပါသလား။ စံချိန်နှင့် မညီသော ပစ္စည်းကိရိယာ၊ ခလုတ်၊ ၀ါယာများကို လဲပေးပါသလား။

 

ဈေးတစ်ခုဟူသည် မီးကာကွယ်ရေးအတွက် မည်ကဲ့သို့ စံနှုံးများရှိရမည်၊ အရေးပေါ်ထွက်ပေါက်၊ မီးသတ်စနစ်၊ ရေဖြန်းစနစ် (sprinker)၊ ထားပါလေ။ မီးမမှန်သောတိုင်းပြည်တွင် ရေဖြန်းစနစ်ထားဘို့မလွယ်ပါ။ ပစ္စည်းသိုလှောင်သည့်စနစ်၊ အလင်းရောင်ပေးသည့် စနစ် အားလုံး သူ့နေရာနှင့်သူ စနစ်တကျရှိနေလျှင် မီးဟေ့ဆိုသည့်တိုင် အကြီးအကျယ်လောင်မည့် အန္တရာယ်မှ ကာကွယ်နိုင်မည်။

 

မင်္ဂလာဈေးတစ်ဈေးလုံးသည် မီးလောင်လွယ်သည့် ပစ္စည်းများနှင့် ပြည့်နှက်နေသည်။ ငါတို့တော့ မီးစာပုံထဲ ထိုင်နေရတာ အန္တရာယ်များတယ်ဟေ့။ မီးသတ်ဗူးဆောင်ထားကြရင် ကောင်းမယ်ဟုများ ဆိုင်ရှင်ဘယ်နှယောက်က တွေးမိပါသနည်း။ မီးသတ်ကရော မီးကာကွယ်ရေးစနစ်များ လုပ်ပေးပါသလား။ မီးအန္တရာယ်အတွက် အသိပညာ ပေးတာတွေဘာတွေ သည်ဈေးသူဈေးသားများကို လုပ်ပေးဖူးပါသလား။ အနည်းဆုံး မီးသတ်ဗူးအသုံးပြုနည်းလေးဘာလေးတော့ သင်ပေးထားဘို့ မကောင်းပါလား။ ခင်ဗျားတို့ မီးသတ်ဗူးဆောင်ထားရင် မကုန်သင့်တာတွေ မကုန်တော့ဘူး ဟု ဟောပြောဖူးပါသလား။ ဟော ပြောဖူးသည်ဆိုစေ၊ ဈေးသူဈေးသားများကရော နားဝင်ပါသလား။ အလကားပါကွာ၊ ဒို့ဒီလိုရောင်းလာတာပဲ ဒို့တစ်သက်ရှိနေပြီ ဆိုသူ တယူသန်များချည်း ဖြစ်နေသလား။

သေသေချာချာ ကျကျနန စာရင်းကောက် လေ့လာကာ ပြုပြင်သင့်တာ ပြုပြင်ကြဘို့ အချိန်တန်နေပြီဟု ပြောချင်ပါသည်။ ဈေးသူဈေးသားများကိုလည်း ဒါတွေ ခင်ဗျားတို့ကို ပြောနေတာ ကျွန်တော်တို့ အကျိုးစီးပွား တစ်ပြားဘိုးမှ မပါဘူး။ ခင်ဗျားတို့ ဥစ္စာဓနတွေအတွက် ပြောနေတာ ဆိုပြီးလည်း သတိပေးသင့်ပါသည်။

ဤအခြေအနေမှာ မင်္ဂလာတစ်ဈေးထဲမဟုတ်။ မြန်မာတစ်ပြည်လုံးရှိ ဈေးကြီးများအားလုံး သည်အတိုင်းချည်း ဖြစ်သည်။ မီးလောင်သွားပြီး ပစ္စည်းဥစ္စာများစွာ ဆုံးရှုံးသွားသည့်တိုင် ငါတို့တော့ မီးကာကွယ်ရေးကိစ္စ အရေးတကြီးလုပ်ကြမှဟေ့ ဟု မည်သူတစ်ဦးတစ်ယောက်သည် တွေးမိ၊ ပြောမိ၊ ဆွေးနွေးမိ၊ အကြံပေးမိ၊ တင်ပြမိပါသနည်း။

 

အရေးအကြီးဆုံးမှာ မြို့ပြ မီးကာကွယ်ရေးစနစ်ကို မည်သူကိုင်တွယ် လုပ်ပေးပါသနည်း ဆိုတာဖြစ်သည်။ သည်မီးနှင့် ပတ်သက်၍ မည်သူတာဝန်အရှိဆုံးနည်း။ သူ့ကိုရော မည်သည့်လုပ်ကိုင်ခွင့်များ ပေးထားပါသနည်း။ ၎င်းသည် သူယူထား သော ရာထူးနှင့်အညီ မိမိတာဝန်ကို မည်သူ့မျက်နှာမှ မငဲ့ပဲ အတိအကျ ထမ်းဆောင်ပါသလား။

 

စင်ကာပူတွင်တော့ Commissioner ခန့်ထားသည်။ မီးမဟာမင်းကြီး ဟုပဲ ဆိုပါစို့။ အလွန်ပါဝါရှိသည်။ အဘယ်ကြောင့် ဆိုသော် မီးနှင့်ပတ်သက်၍ သူအာဏာအရှိဆုံး ဖြစ်သောကြောင့်တည်း။ သူကလည်း ငါ ဘာကောင်ကြီးပဲ ဟု အသာနှပ် နေလို့မရ။ အဆောက်အအုံများ၊ ကျောင်းများ၊ ဈေးများ၊ ဆေးရုံ စသော မီးလောင်နိုင်တာမှန်သမျှ သူ့တွင်တာဝန်ရှိသည်။ ထို့ကြောင့် ထိုနေရာဌာနများတွင် မီးကာကွယ်ရေးစနစ်များ အဆင်သင့်ရှိနေမနေ၊ စစ်ဆေးမှုများလုပ်မလုပ် အမြဲနိုးကြား နေရသည်။

 

ဤနေရာတွင် စကားစပ်မိ၍ ပြောရလျှင် ကျွန်တော်တို့နေသော ပြည်ရိပ်မွန်အိမ်ယာမှ တိုက်ခန်းများ၌ အိမ်မှ အပြင်သို့ ထွက်ရန်အတွက် မျက်နှာချင်းဆိုင် တိုက်ခန်းနှစ်ခုအကြား အလွန်ကျဉ်းမြောင်းသော လှေခါးကလေးတစ်ခုသာ ရှိသည်။ ထိုလှေခါးမှလွဲ၍ အခြား အောက်ဆင်းစရာ ဘယ်နေရာမှမရှိ။ သည်တော့ ကျွန်တော်က အရေးပေါ်ထွက်ပေါက် ကလေးများ ဆင်ထားလိုထားငြား လိုက်ရှာကြည့်သည်။

 

ဟုတ်ကဲ့။ ဆင်တော့ထားပါ၏။ ၀တ်ကျေဝန်ကုန် ဆင်ထားခြင်းမျှ ဖြစ်၏။ အောက်ဆင်းလို့ရသည့် လှေခါးမဟုတ်။ ထိုလှေခါးသို့ ဆင်းလိုလျှင် မီးဖိုချောင် ပြတင်းပေါက်ကို ကျော်တက်မှ ရမည်။ တက်ပြီးတာတောင် လှေခါးက အနီးတွင်မရှိ။ ပြတင်းပေါက်နှင့် လှေခါးက ၃ ပေလောက် ဝေးသည်။ လှေခါးကို နံရံတွင်ကပ်ကာ မူလီကလေးများနှင့် စုပ်ထားခြင်း ဖြစ်၏။ လှေခါးလည်း ကြည့်လိုက်ပါဦး။ ငါးမူးသံချောင်းကလေးများကို tacking တွဲထားတာဖြစ်သည်။ အရေးဟေ့ဆိုပြီး ဤလှေခါးသာ သုံးမိလို့ ကတော့ မီးလောင်လို့မသေ၊ လှေခါးပေါ်မှ ပြုတ်ကျကာ သေဘို့များသည်။

 

သို့ဆိုလျှင် ဤကိစ္စများအတွက် မည်သူမျှ တာဝန်မရှိတော့ပြီလော။ သည်လိုပဲ ဖြစ်သလိုနေ၊ ဖြစ်သလိုသေကြတော့မည်လော။

၉။ နိဂုံး

ယခု ကျွန်တော် စင်ကာပူမှ မီးကာကွယ်ရေးစနစ်များအကြောင်း၊ မီးကာကွယ်ရေးပညာပေး အကျဉ်းကလေး စသည်တို့ကို ရေးခဲ့ပါသည်။ ယခင်က စင်ကာပူမှ ရေပေးရေးစနစ်၊ ရေမြောင်းများ ဖောက်လုပ်ထားသော စနစ်၊ အမှိုက်သိမ်းစနစ် စသည်တို့ ကိုလည်း မနားတမ်း ရေးခဲ့ပါသည်။ အဘယ်ကြောင့်နည်း။

 

အနေသာကြီးပေမင့် မြန်မာပြည်ကြီး ကဖျဲကရုန်းဖြစ်နေတာ၊ စည်းမရှိကမ်းမရှိ ဖြစ်ချင်တိုင်း ဖြစ်နေတာ မြင်ရကြားရ၊ တွေ့နေရတာ ကျွန်တော် စိတ်မချမ်းသာပါ။ ကျွန်တော်တို့တိုင်းပြည်ကြီးနှင့် မြန်မာနိုင်ငံသူ မြန်မာနိုင်ငံသားများကို စည်းကမ်းကျနသော၊ အသိစိတ်ဓါတ်ရှိသော၊ ကိုယ်ကျင့်တရားကောင်းပြီး အလုပ်ကို ရိုးရိုးသားသား၊ ကြိုးကြိုးစားစား လုပ်သော၊ ပညာကိုတန်ဖိုးထားသောသူများ ဖြစ်လာစေလိုလှပါသည်။

သို့သော် ကျွန်တော်ကား ဘာကောင်မှမဟုတ်သော ဖွတ်ကျားမျှသာဖြစ်၍ ဘာမှလုပ်လို့မရပါ။ သည်တော့ သည်လိုစာမျိုး များကိုသာ နေ့မအား၊ ညမအား နာနာဖိရေးရပါသည်။ ရည်ရွယ်ချက်ကား ကျွန်တော်ရေးလိုက်သော သည်စာတိုပေစ ကလေးများကို ဖတ်မိသူ တက်သစ်စ လုလင်ငယ်၊ လုံမငယ်တို့ အသိတရားကလေးများရကာ လေ့လာကျက်မှတ် ကြိုးစားကြ လျှက် တိုင်းပြည်ထူထောင်ရေးကို တစ်ဖက်တစ်လမ်းမှ ပါဝင်လာတန်ကောင်းရဲ့ဟု မျှော်လင့်ချက်ကလေးနှင့် ဖြစ်ပါ၏။

ဒါ ကျွန်တော်တတ်နိုင်သလောက် လုပ်ကြည့်တာ ဖြစ်ပါသည်။ အခြားသူများလည်း လုပ်ကြပါ။ ၀ိုင်းကြ၀န်းကြပါဟု တိုက်တွန်း ပါသည်။

စင်ကာပူ၌ မီးအရေးပေါ်စီမံချက်ကို မည်သို့ရေးဆွဲသည့်အကြောင်း ဗဟုသုတရစေရန် ဖော်ပြပါဦးမည်။ ၎င်းကို အတုယူကာ မြန်မာနိုင်ငံတွင်လည်း ဘာလို့ မလုပ်နိုင်ရမည်နည်း။ (စင်ကာပူဆိုတာလည်း သည်ဥပဒေ၊ Code of Practice များကို သူတို့ဟာသူတို့ အကုန်ရေးထားတာဟု မထင်မှတ်ကြပါလင့်။ အမေရိကန်၊ ကနေဒါ၊ သြစတေးလျ စသောနိုင်ငံကြီးများမှ ဥပဒေများကို မိမိနိုင်ငံနှင့်ကိုက်ညီအောင် ဖြတ်ညှပ်ကပ်လုပ်ထားခြင်းသာ ဖြစ်ကြောင်း ဖော်ကောင်လုပ်လိုပါသည်။ သဟာကို လည်း ကျွန်တော်က ကိုယ့်စိတ်အထင်နှင့် ရမ်းတုတ်တာမဟုတ်ပါ။ Singapore Standards Catalogue ရှေ့ပိုင်းတွင် အတိအလင်း ဖော်ပြထားပါသည်။)

မြန်မာပြည်ကြီးသည် ထူးချွန်ထက်မြက်သော နိုင်ငံ့သားကောင်း၊ သမီးကောင်းကလေးများ မနှေးအမြန် ရလာပါစေသတည်း။

 

အားလုံးကို ကျေးဇူးတင်ပါသည်။

အေးငြိမ်း

6/11/2011, 10:40 pm

Blk 663D, Jurong West St. 65

#15-233

Singapore 644663

Tel: 97303027

Email: y_nyein@yahoo.com.sg