ကျွန်တော် စာကဗျာများကို ချစ်တတ်လာပုံအကြောင်း

(၁)

များသောအားဖြင့်တော့ ကျောင်းစာအုပ်များကို စိတ်ဝင်စားနှစ်ချိုက်သူ အတော်နည်းလှ၏။

မဖြစ်နိုင်လို့သာ သင်နေရသည်၊ စိတ်ကတော့ သိပ်မဝင်စားလှ။

အပြင်စာအနေနှင့် စိတ်ဝင်စားစရာကောင်းလှသော စာတစ်ပုဒ်သည်ပင်လျှင် ကျောင်းစာအနေနှင့် သတ်မှတ်ပြဋ္ဌာန်းပြီး ကျောင်းစာ အုပ်ထဲ ထည့်လိုက်ပါက စိတ်ဝင်စားစရာကောင်းမှု လျော့ကျသွားလေတော့၏။

သို့တိုင် ကျွန်တော် အလွန်ချစ်ခင်နှစ်သက်လှသည့် ကျောင်းစာအုပ်များ ရှိခဲ့ဖူးပါသည်ဆိုလျှင် အသင်တို့ အံ့သြလေမည်လား မပြောတတ်။

ကျွန်တော် အလယ်တန်းကျောင်းသားဘဝက (၁၉၇၅-၇၆) အလယ်တန်းတွင် မြန်မာစာ၌ ကဗျာစာအုပ် အသစ်ကျပ်ချွတ် ကလေးနှင့် သင်ခဲ့ရ၏။ စာအုပ်နာမည်မှာ အလယ်တန်း မြန်မာကဗျာလက်ရွေးစင် ဖြစ်၏။ အဖုံးစိမ်းလေးနှင့်။ စာအုပ်ကလေးမှာ အသစ်ဆိုတော့ အသစ်နံ့လေးမွှေးလို့။ အထဲက ကဗျာကလေးတွေကိုလည်း ကျွန်တော် အလွန်နှစ်သက်လှ၏။ သည်စာအုပ် ကလေးကို ခုထိ အသည်းထဲစွဲနေတုံး ဖြစ်၏။ စာအုပ်အဖုံးမှာ အောက်ပါအတိုင်းဖြစ်ပါသည်။

  

စာအုပ်ထဲတွင် ရှေးကဗျာများရော၊ ခေတ်ကဗျာများပါ ပါသည်။ အားလုံးကို ကျွန်တော်နှစ်သက်သည်။ ငယ်ငယ်တုံးကတော့ ဉာဏ်ကလဲရွှင်တုံးဆိုတော့ ကဗျာတော်တော်များများကို အလွတ်ကျက်ခဲ့ပါသည်။

ပထမဆုံးအဖွင့်ကဗျာမှာ တိမ်ပန်းချီ ဟူ၏။ ရှင်ဥတ္တကျော်၏ တောလားမှ ကောက်နုတ်ထားသော ကဗျာလေး ဖြစ်သည်။ ခုနစ်တန်းတုံးက အလွတ်ကျက်ခဲ့သည့် ထိုကဗျာလေးကို အသက် ၆၀ နားနီးသည်ထိ ရနေသေး၏။

ကျွန်တော်နှစ်သက်ခဲ့သော နောက်စာအုပ်တစ်အုပ်မှာ အထက်တန်း စိတ်ကြိုက်စကားပြေလက်ရွေးစင် စာအုပ် ဖြစ်၏။ ထို စာအုပ်ကိုမူ ကျွန်တော် မသင်ခဲ့ရပါ။ ကျွန်တော့်၌ ကျွန်တော့်ထက်နှစ်နှစ်ကြီးသော အစ်ကိုတစ်ဝမ်းကွဲရှိ၏။ ကိုသန်းနိုင်ဟု ခေါ်၏။ ကျွန်တော်တို့မောင်နှမအားလုံး စုပြီး တစ်အိမ်တည်း၌ နေကြသည်ဖြစ်ရာ သူတက်နေသည့် အထက်တန်းမှ စာအုပ်များကိုပါ ကျွန်တော် လေ့လာခွင့်ရခဲ့၏။ ထိုအချိန်က အထက်တန်းမြန်မာစာတွင် ပင်ရင်းစကားပြေနှင့် စိတ်ကြိုက်စကားပြေဟု နှစ်မျိုး သင်ရလေရာ ကျွန်ုပ်မှာ ပင်ရင်းစကားပြေထက် စိတ်ကြိုက်စကားပြေပါ ပြဋ္ဌာန်းစာများကို အတော်သဘောကျမိလေ၏။

ထို စိတ်ကြိုက်စကားပြေလက်ရွေးစင်တွင် မိတဆိုးရှင်ပြု၊ ကျားကိုက်သောမြင်း၊ စလောင်းဖုံးတစ်ချပ် စသည်တို့ ပါသည်ထင် ပါသည်။ ကောင်းကောင်းမမှတ်မိတော့။ စာအုပ်အဖုံးမှာ အစိမ်းရောင် မှန်ကူကွက်ကလေးများဖြစ်၏။ ထိုစာအုပ်ထဲမှ စာအားလုံးကို ကျွန်တော် အလယ်တန်းကျောင်းသားဘဝကတည်းက ဖတ်ဖြစ်ခဲ့လေသည်။ ပင်ရင်းမြန်မာစကားပြေ လက်ရွေးစင်ကိုလည်း ဖတ်ခဲ့သည်သာ ဖြစ်ပါသည်။ ထိုစာအုပ်များ ကျွန်တော်တို့အိမ်တွင် အချိန်အတော်ကြာကြာ ရှိနေပါသည်။ ယခုတော့ ရှိသေးလား မပြောတတ်။

လွန်ခဲ့သော ဆယ်နှစ်ခန့်ကမူ လှည်းတန်း လမ်းဘေးစာအုပ်ဆိုင်တစ်ခုတွင် အလယ်တန်းစကားပြေစာအုပ်ကို တွေ့ခဲ့သဖြင့် ဝယ်ခဲ့ပါသည်။ မူလ စာအုပ်မျက်နှာဖုံးများ မရှိတော့။ အဖုံး၌ "လွန်ခဲ့သော နှစ် ၄၀ က ဝတ္တုများ" ဟု လက်ရေးနှင့် ရေးထား၏။ ကျွန်တော်လည်း စိတ်ဝင်စားသဖြင့် လှန်ကြည့်ရာမှ မထင်မှတ်ဘဲ အလယ်တန်း မြန်မာစာအုပ်ကို ပြန်တွေ့ရခြင်း ဖြစ်၏။) သည်စာအုပ်ကလေး ပြန်တွေ့ရတော့ အတော်ဝမ်းသာမိ၏။ ငယ်ပေါင်း ရောင်းရင်း တစ်ယောက်ကို ပြန်တွေ့ရသကဲ့သို့ ရှိပါသည်။ ငယ်စဉ်က သည်စာအုပ်ထဲက စာတွေကို ကျွန်တော်တို့ သင်ခဲ့ရသကိုး။ ၇ တန်းတုံးက မြန်မာစာ ဆရာမှာ ဆရာဦးတင်မောင်ကြီး ဖြစ်၏။

ကျောင်းတွင် စာကြည့်တိုက် ရှိ၏။ ကျောင်းအားချိန်များ၌ ကျွန်တော် စာကြည့်တိုက်သို့သွား စာဖတ်ဖြစ်၏။ ထိုစဉ်က ကွင်းကောက် မှာ တောမြို့ပေါက်စနကလေး တစ်ခုမျှသာ ဖြစ်လေရာ စာအုပ်စာတမ်းဟူ၍ ဖတ်စရာ များများစားစား မရှိ။ ထို့ကြောင့် ထိုမြန်မာစာ စာအုပ်ပါ စာများကို ကျွန်တော် အတော်သဘောကျရခြင်း ဖြစ်ပေမည်။

ကျွန်တော် ကဗျာနှင့်စကားပြေများကို ချစ်တတ်လာခြင်းမှာ ထိုစာအုပ်များ၏ ကျေးဇူးပါသည်။ ကျွန်တော်တို့ငယ်စဉ်က ကဗျာ စာအုပ်များမှာ ကျွန်တော်တို့လက်လှမ်းတမီ၌ မရှိသလောက် ရှားသည်။ ကျွန်တော်က ကဗျာချစ်သူဖြစ်သည့်အတွက်  မဂ္ဂဇင်းများ၌ ပါသည့် ကဗျာများကို အားလုံးလိုလို ဗလာစာအုပ်၌ ကူးယူရေးမှတ်ထားခဲ့ဖူးသည်။ အချို့ဗလာစာအုပ်များမှာ ယခုတိုင် ရှိသေး၏။ ထိုစဉ်က ကျွန်တော်ဖတ်ခဲ့ဖူးသော မဂ္ဂဇင်းများမှာ မြဝတီ၊ ငွေတာရီ၊ စန္ဒာ၊ သပြေတေးမဂ္ဂဇင်း၊ သွေးသောက် စသည်တို့ဖြစ်၏။ ငယ်စဉ်က ထိုမဂ္ဂဇင်းများ၌ ဖတ်ခဲ့ဖူးသည့် ထန်းတက်သမား ငထေကြီး၊ မဂျိုးကို ဘယ်လိုပြောရပါ့။ တင့်တယ် ၏ ကြယ်ကြွေသည့် ည စသည်တို့ကို ယခုတိုင် မှတ်မိနေသေးသည်။

၉ တန်းတက်တော့ ကွင်းကောက်မှ လေးမျက်နှာသို့ ပြောင်းလာသည်။ ကဗျာရူးစာရူး ဖိုးတင်စိုးတို့နှင့် ပေါင်းမိ၏။ ရှင်မဟာရဋ္ဌသာရ အနှစ် ၅၀၀ ပြည့် အထိမ်းအမှတ်ထုတ်ဝေသည့် စာအုပ်မှ ကဗျာများကို ကူးယူကာ အတော်များများကို ကျက်မှတ်ခဲ့ဖူးပါသည်။ အချို့ကဗျာများကို ယခုတိုင် အလွတ်ရနေသေးသည်။

(၂)

ကဗျာအဖွဲ့များတွင် ကျွန်တော်အနှစ်သက်ဆုံး ကဗျာအဖွဲ့ကိုပြပါဆိုလျှင် တေးထပ် ကို ပြရမည်ဖြစ်၏။ နောက်ပြီး ရှင်မဟာရဋ္ဌသာရ ၏ တောင့်တဲတွန့် ပိုဒ်စုံရတုများမှာလည်း ကျွန်တော့်အသည်းစွဲဖြစ်၏။ နောက်နှစ်သက်လှသည့် အဖွဲ့တစ်ခုမှာ သံချိုလေးချိုး ဖြစ်လေသည်။

ဝဏ္ဏပဘာ၊ ကလျာဖူးစသစ်၊ ပျိုမြစ်မြစ်လျှင်၊ ကျစ်လျစ်တင့်စံပယ်၊ လှမျိုးကြွယ်သား ဟူသည့် တောင့်တဲတွန့်ပိုဒ်စုံရတုကို ကျွန်တော် ဘယ်လိုချစ်မှန်းမသိ။ စကားလုံးလေးတွေကလည်းလှ၊ အဓိပ္ပာယ်ကလည်းကောင်း၊ အသံကလည်းသာ။ အပြစ်ပြောစရာ တစ်ကွက်မှ မတွေ့။ သည်ကဗျာကို အဘယ်မျှ ကျွန်တော်ကြိုက်သနည်းဟူမူ တစ်ခေါက်ဖတ်ရုံနှင့် အလွတ်ရလေသည်။ ကျက်စရာ တောင်မလို။

နောက်အလွန်ကြိုက်သည့် ကဗျာလေးမှာ ချစ်ထိုက်မယ်နှင့်သာ ဟု မှတ်မိပါသည်။

ဆင်းလှဆင်းထွတ်၊ ဆင်းလွတ်လှမော၊ တုလျောတူဖက်၊ တူစက်ပြိုင်အံ့၊ မဝံ့သည်သာ၊ မဟုတ်စွာတည့်၊ လူ့ရွာဌာန၊ နှံ့မျှပတ်ညက်၊ ကျော်တူဖက်မူ၊ တစ်ယောက်ဟူသည်၊ ရည်တူမရှိရာတကား။

မြတ်မျိုးမြင့်မှန်၊ ကြင်ပေတန်၍၊ ရွယ်ရန်ရည်ရင့်၊ ဆင်တိုင်းတင့်သား - ဟူသောအဖွဲ့။

ရတုဘုရင် နတ်သျှင်နောင်ဟု ဆိုသော်ငြား၊ နတ်သျှင်နောင်၏ ရတုများကို မကြာခဏ ဖတ်မိငြားလည်း ကျွန်တော်ကတော့ ရှင်မဟာရဋ္ဌသာရ၏ အထက်ဖော်ပြပါ ကဗျာလေးများကို ပိုချစ်ပါသည်။ (ယခုတစ်ခေါက် ပြန်လာတော့ စိတ်ကူးချိုချိုက ထုတ်သည့် ဂန္ထဝင် ၁၂ တွင်ပါသော နတ်သျှင်နောင် ရတုပေါင်းချုပ်စာအုပ်ကို ယူလာခဲ့ပါသည်။)

နောက် ကျွန်တော်နှစ်သက်သည့် အဖွဲ့တစ်ခုမှာ သံချိုလေးချိုး ဖြစ်၏။ သံချိုလေးချိုးကဗျာလေးများမှာ ဖတ်ရတာ အလွန်အရသာ ရှိ၏။ သံချိုလေးချိုးများအနက် ဆရာဇော်ဂျီ၏ ရှေးခေတ်ပုဂံပြည် ကဗျာမှာ ကျွန်တော့် အသည်းစွဲ ဖြစ်ပါသည်။ စကားလုံးလေးများ ကလည်းလှ၊ အသံကလည်းသာ၊ ဖတ်ရတာ လေးလေးပင်ပင်ရှိပါသည်။

ဟိုးငယ်ငယ်က မဂ္ဂဇင်းမှာဖတ်ရသည့် -

ချောတမူ မနောဖြူ သဘောအူစင်း

အပြောမူလင်းတဲ့ တို့တောသူ

ဟန်တွေ ပန်တွေ မာန်တွေ မထပ်

ကန်ရေခပ်တဲ့ တို့တောသူ . . .  ဆိုသည့်ကဗျာလေးကို အလွန်နှစ်သက်ခဲ့သည်။

ဒေသကောလိပ်ကျတော့ ဆရာမင်းသုဝဏ်၏ ခါနွေဆန်းတော့ လွမ်းမိတယ် ကဗျာလေးတစ်ပိုင်းတစ ပါလာသည်။

"တောစံပယ်ဖြူ၊ ဝတ်မှုန်ကျင်းတဲ့၊ သင်းကြူကြူကို၊ လေခြူလို့လွှင့်၊ ပန်းထုံတဲ့ လေချိုမှာ၊ ရွှေချိုးဖို ကူသံဆင့်ပေလိမ့် . . . "

ကြည့်စမ်းပါ့ခင်ဗျာ။ လှလိုက်တဲ့အဖွဲ့။ ကဗျာဖတ်နေရင်းတောင် စံပယ်ပန်းရနံ့ကလေး ရလာသည်။ ချိုးကူသံလေး ကြားလာရသည်။ တောင်လေတဖြူးဖြူးတိုက်လာသလို ခံစားရသည်။

ရိုးရိုးသားသားသား ဝန်ခံရပါမူ ရှေးကကဗျာကြီးတွေမှာ အဖွဲ့အနွဲ့၊ တင်စားချက် စသည်များစွာ ပါသည်။ သို့သော် ကျွန်တော် နားမလည်တာတွေ အတော်များ၏။ သည်တော့ တိုက်ရိုက်ခံစားလို့မရ။ ခက်ဆစ်များကို ဖတ်ပြီးမှ သြော် ဒါပါလားဟု သိရတော့ အဘယ်ကဲ့သို့သာလျှင် ကဗျာအရသာကို အပြည့်အဝ ခံစားနိုင်ပါတော့မည်နည်း။ ကဗျာကိုဖတ်ပြီး တိုက်ရိုက် နှလုံးသားနှင့် နားလည်ခံစားနိုင်မှ ခံစားမှုအစစ်ကို ရသည်။ ယခုတော့ သူများပြန်ပြောပြမှ ခံစားရတာဆိုတော့ အငှားခံစားချက်သာ ဖြစ်လေသည်။

(၃)

ယခုခေတ်တွင်မူ ကဗျာကို နမိတ်ပုံများဖြင့် ဖွဲ့သည်။

ခေတ်ပေါ် ကဗျာများကိုလည်း ကျွန်တော် ကြိုက်ပါသည်။

ဖတ်ဖြစ်သည်။ ကဗျာစာအုပ်များကိုမူ ယခင်ကလောက် မဝယ်ဖြစ်တော့။ online မှ download လုပ်ယူထားသည့် ကဗျာစာအုပ်များ ကား အတော်များလေသည်။

စင်ကာပူတွင် ကျွန်တော်တို့ ကဗျာဖတ်ပွဲလေး လုပ်ဖြစ်ခဲ့သေးသည်။ ကိုကျော်သက်အောင်တို့နှင့်။

ကျွန်တော် ကောင်းကင်ကို ၏ တို့အိမ် ဟူသော ကဗျာလေးကို ဖတ်ခဲ့သည်။ ထိုကဗျာလေးကို ကျွန်တော်ဖတ်တော့ ဆရာမခိုင်က မျက်ရည်တောင်ကျချင်တယ် ဆို၏။ ကဗျာလေးမှာ မြန်မာနိုင်ငံကို တင်စားဖွဲ့ဆိုထားသည့် ကဗျာလေးဖြစ်သည်။ ကျွန်တော် အလွန် ကြိုက်လှ၏။ ကောင်းကင်ကို၏ ကဗျာအတော်များများကို ကျွန်တော် ကြိုက်၏။

နောက်ပြီး အနှစ် ၂၀ ကျော်ကြာသည့်တိုင် မှတ်မိနေသေးသည့် ကဗျာလေးတစ်ပုဒ် ရှိပါသေးသည်။

"ရေသည်ပြဇာတ် တစ်ခန်းရပ်"

<ပြဇာတ်ဆရာ မောင်ခိုင်မာ>

ဒေါက် ဒေါက် ဒေါက် ဒေါက်

အိမ်ရှေ့ပေါက်မှာ

မောင်ရောက်ချိန်ကို နားစွင့်ခင်

တံခါးဖွင့်ပါ တော့လားဟင် . . . .

ဆိုရလျှင် ကျွန်တော်ကြိုက်သည့် ကဗျာဆရာ တော်တော်များပါသည်။ တချို့နာမည်တွေ ကျန်ခဲ့မှာစိုး၍ မဖော်ပြတော့ပါ။

(၄)

အဲလေ - ကဗျာတွေအကြောင်းချည်း။

စကားပြေထဲမှာရော -

စကားပြေထဲမှာလည်း ကျွန်တော် အလွန်နှစ်သက်လှ၍ ထပ်ခါတလဲလဲ ဖတ်ဖြစ်သည့် ဝတ္ထုလေးများ ရှိပါသည်။

ဥပမာ - မောင်ထင် ၏ ထားဝယ်လုံချည် ဖြစ်၏။

သည်ဝတ္ထုကလေးကို ကျွန်တော် ဘယ်နှစ်ခါပြန်ဖတ်ဖတ် ကြိုက်သည်ချည်း ဖြစ်၏။ ရိုးသွားသည် မရှိခဲ့။

ဆရာရေးထားတာဖတ်ရတာ အလွန်အရသာရှိလှသည်။

အမှန်ဆို ထိုခေတ်က ဆရာကြီးများ၏ အရေးအသားကို ကျွန်တော် လွှတ်သဘောကျခဲ့၏။ မောင်ထင်၊ သခင်ဘသောင်း၊ ရွှေဥဒေါင်း၊ မဟာဆွေ စသည်။ ကျွန်တော်ရေးထားသည့် စာများကို ဖတ်ဖူးသူများအနေနှင့် ကျွန်တော့်ရေးဟန်မှာ ထိုဆရာကြီး များ၏ သြဇာသက်ရောက်မှု များစွာလွှမ်းမိုးနေသည်ကို သတိထားမိပါလိမ့်မည်။

လုံးချင်းဝတ္တုများတွင် လွန်းထားထား၊ မိုမို၊ ခင်သာပြည့် စသည့် စာရေးဆရာမများမှလွဲ၍ ကျန်သည့်ဝတ္တုအတော်များများ ဖတ်ဖြစ်၏။ ကျွန်တော်တို့ကျောင်းသားဘဝက မောင်သာရ၊ စန်းစန်းနွဲ့ (သာယာဝတီ)၊ မိုးမိုး (အင်းလျား)၊ နုနုရည် (အင်းဝ)၊ ကလျာ (ဝိဇ္ဇာ၊ သိပံ္ပ)၊ ခင်ဆွေဦး၊ ယုဝတီခင်စိန်လှိုင်၊ တက္ကသိုလ်ဘုန်းနိုင်၊ မောင်စိန်ဝင်း (ပုတီးကုန်း)၊ မင်းကျော်၊ ငြိမ်းကျော်၊ နွမ်ဂျာသိုင်း၊ မြသန်းတင့် အများကြီးဖြစ်ပါသည်။

ကျွန်တော်က တောသားဖြစ်လေတော့ အားမနာတမ်းပြောရလျှင် အရသာကို အတုံးလိုက် အတစ်လိုက် ပစ်ထည့်ပေးသည့် ဝတ္တုများကို ပိုနှစ်သက်တတ်သည်။ ဖတ်လိုက်ရလျှင် တစ်ခါတည်း မျက်ရည်ပေါက်ပေါက် ကျလာတာမျိုး။ ဇာတိမာန် ဝတ္ထုမျိုးဆို ခုပဲ ဓားနှင့်ထခုတ်ချင်တာမျိုး ဖြစ်၏။

ထိုဝတ္တုနမူနာများကိုပြပါဆိုလျှင် လယ်တွင်းသားစောချစ်၏ ပန်းမြိုင်လယ်မှ ဥယျာဉ်မှူး၊ ဖဲသမားသား စသည့် ဝတ္တုများ ဖြစ်၏။

သို့သော် နုနုရည် (အင်းဝ) ၏ လဝန်းစက်ဝိုင်း ထက်ပိုင်းပြတ်ကြွေ လို ဟာမျိုးကျတော့ သိပ်မကြိုက်ပါ။ တခါတည်း သူ့ဝတ္ထုကို ဖတ်နေရင်း ကိုယ်ပါ ရောသေချင်စိတ်ပေါက်လာလေသည်။ ဤသည်ပင်လျှင် ဝတ္ထုရေးဆရာ၏ အလွန်ပြောင်မြောက်သော အတတ် ပညာတစ်ခု ဖြစ်ပါ၏။

ယခင်က မဂ္ဂဇင်းများမှာ ဖတ်စရာ ဝတ္ထု၊ ကဗျာ၊ ကာတွန်း၊ ဆောင်းပါး၊ အက်ဆေး အစုံပါသည်။ ယခု မဂ္ဂဇင်းများနှင့် ဝေးသည်မှာ ဆယ်စုနှစ်တစ်စုမကတော့ပြီ။ ဘာတွေရေးလို့ ဘာဖတ်စရာတွေ ပါသည် မသိတော့။ စင်ကာပူရောက်စကတော့ ပင်နင်ဆူလာတွင် မြန်မာ့ဓန၊ Living Colour၊ သင့်ဘဝ စသည့်မဂ္ဂဇင်းများကို ပုံမှန်ဝယ်ယူ ဖတ်ဖြစ်သည်။ ယခုတော့ ပင်နင်ဆူလာကိုလည်း အကြောင်းမရှိဘဲ မရောက်ဖြစ်တော့။ စာအုပ်များလည်း မဝယ်ဖြစ်တော့။

စာကဗျာများကို ဖတ်တတ်၊ ခံစားတတ်၊ ချစ်တတ်တာလည်း ဘဝပေးကုသိုလ်တစ်မျိုးပင်ဖြစ်သည်ဟု ကျွန်ုပ်ကတော့ ဆိုချင်ပါ၏။ စာကဗျာကလေးများကို မချစ်တတ်၊ မခံစားတတ်သူသည် တစ်နည်းအားဖြင့် လူ့ဘဝ အရသာကို အပြည့်အဝ မခံစားရသူများ ဖြစ်၏။

ပန်းချီ၊ ဂီတ၊ ရုပ်ရှင်များလည်း အလားတူ ဖြစ်ပါသည်။ သူတို့တောင် သန်းချီအကုန်ခံ ရိုက်ထားသေးတာ ငါ ကြည့်မှ ဖြစ်မပေါ့ ဆိုကာ ကောင်းမည်ထင်သည့်ကားများကို သွားကြည့်ဖြစ်ပါသည်။ (ယခု ပြဿနာ တက်နေသည်မှာ ကျွန်တော် ရုပ်ရှင် သွားကြည့်လျှင် သားကိုပါ ခေါ်သွား၏။ သူက အသက် ၁၂ နှစ်တောင် မပြည့်သေးဆိုတော့ PG13 တို့၊ M18 တို့၊ R21 တို့ဆို ကြည့်လို့မရ။ သူကြည့်လို့မရတော့ ကျွန်တော်လည်း သွားမကြည့်တော့ပါ။ သူကတော့ ဖေကြီး၊ ရုပ်ရှင်ကောင်းတယ်။ သွားကြည့်ချေ ဟု ပြောရှာပါသည်။ ကာတွန်းနှင့် animation ကားများကလွဲ၍ ရုပ်ရှင်တော်တော်များများကလည်း PG13၊ M18၊ R21 များဖြစ်လေရာ ကျွန်ုပ်မှာ ရုပ်ရှင်နှင့် ဝေးနေရပြန်လေ၏။)

(၄)

ကျွန်ုပ်၏ ကဗျာရူး၊ စာရူးအကြောင်းကို ကဗျာတစ်ပုဒ်ဖြင့် နိဂုံးချုပ်ပါမည်။ ခံစားကြည့်ကြပါကုန်။

အဘယ်ကြောင့် ဤကဗျာကို ဝေငှရသနည်း။ သည်ကနေ့ကား လွတ်လပ်ရေးနေ့ ဖြစ်၏။ အင်္ဂလိပ်တို့က ၁၉၄၈ ခုနှစ် ဇန္နဝါရီလ ၄ ရက်နေ့တွင် လွတ်လပ်ရေး ပေးခဲ့၏။ သို့သော် ထိုလွတ်လပ်ရေးမှာ သိပ်တာရှည်မခံ။ ၁၉၆၂ ခုနှစ် မတ်လ ၂ ရက်နေ့တွင် လူတစ်စု က အတင်းအဓမ္မ လုယူသွားခဲ့၏။ ၈-၈-၁၉၈၈ တွင် အများပြည်သူတို့ တစ်နိုင်ငံလုံး အုံးအုံးထကာ ထိုလွတ်လပ်ရေးကို ပြန်ယူရန် ကြိုးစားခဲ့ကြ၏။ (ထိုစဉ်က တိုင်းပြည်ကြီးချောက်ထဲကျဘို့ လက်နှစ်လုံးလောက်အလိုတွင် ကယ်တင်ခဲ့ရသော ကယ်တင်ရှင်ကြီး များကို တစ်နေ့လျှင် ဦးသုံးကြိမ် ချသင့်ပေသည်။ သူတို့သာ မကယ်တင်လျှင် ကျွန်ုပ်တို့ သေဖွယ်ရာရှိသည် မဟုတ်လော။) ယခုတော့ ပြန်လွတ်လပ်စပြုလာပြီဟု ထင်ပါသည်။

အင်္ဂလိပ်ခေတ်၌ ဆရာကြီး သခင်ကိုယ်တော်မှိုင်းက "ဥုံ အရဟံ သစ္စာကတိတွေနှင့်၊ ဂဠုန်သရဏံ ဂစ္ဆာမိကြပေရော့ . . " ဟု တပ်လှန့်ခဲ့၏။ ယခု ကဗျာမှာ စစ်အာဏာရှင်များလက်ထဲမှ လွတ်လပ်ရေးကို ပေါင်းစည်းအားဖြင့် အရယူကြဘို့ နှိုးဆော်ထားသော တိုက်ပွဲခေါ်သံ ကဗျာတစ်ပုဒ် ဖြစ်ပါသည်။

(၁၉၈၈ ခုနှစ်အရေးတော်ပုံတွင် မြန်မာနိုင်ငံလုံးဆိုင်ရာ ရဟန်းပျိုများသမဂ္ဂ နှင့် ကျောင်းသားများ ဒီမိုကရက်တစ်ပါတီ သွေးစည်းညီညွတ်ရေး ရဟန်းတော် (မေဃသာ) ၏ အလွန်ကျော်ကြားလှသော ကဗျာ)

ဗိုလ်ချုပ်သို့ (၂၆) နှစ်ကြာ သမိုင်းရှင်းတမ်း

=======================

(၁)        ချစ်လှစွာသော ဗိုလ်ချုပ်

            အတိုချုပ်၍ ကျွန်ုပ်တင်ပြပါမည်

            ဗိုလ်ချုပ်မရှိသည့်နောက်

            ၆၂ ခုလောက်ထင်ပါသည်

            ဖနောင့်တို နဖူးမောက်

            နှာယောင်ကောက်ကောက်

            ဦးဏှောက်မသန်စွမ်းတဲ့

            ခြေလက်ဆော့ မျောက်တွေရဲ့ အတ္တလက်မှာ

            မြန်မာပြည် ကျရောက်ခဲ့ပါတယ်။

(၂)        အရှေ့တောင်အာရှရဲ့

            မဟာစနေဂြိုဟ်ဆိုး

            သည်းခြေပျက် မျောက်ရူးမျိုးတွေဟာ

            အခိုးရမ္မက်လွှမ်းတဲ့ မျက်လုံးတစ္ဆေ

            ရက်စက်ကြမ်းတမ်းတဲ့ လက်စုန်းကဝေ

            ခြောက်သွေ့ပူပြင်းတဲ့ ပါးစပ်ဥပဒေ

            ပုပ်ပွနံစော်တဲ့ ယတြာနတ်မှူးတွေနှင့်

            အထူးပြည့်စုံ ဘုန်းမီးနေလတောက်စွာ

            မြန်မာပြည်ကို နာဇီလို အုပ်ချုပ်ခဲ့ကြပါတယ်။

(၃)        တန်ခိုးအာဏာနှင့် သူခိုးရာဇာတို့ကြား

            သွေးစုတ်ခံ ပြည်သူတို့ အများစုမှာ

            လွတ်လပ်ရေးအရသာ ချိုသတဲ့လား

            ဒီမိုကရေစီဆိုတာ ချိုနဲ့လား

            ယောင်ဝါးဝါးပါဘဲ

မျောက်သမီးသား၊ ဇနီးမယားတို့အတွက်

            လယ်ထွက် ယာထွက် တွင်းထွက် စက်ရုံထွက်

            သွေး . . . ချွေးစက်နှင့် ပေးဆက်ရင်း

            မြင်းမိုရ်ထိပ်ဖျား၊ ကုန်ဈေးနှုန်းကြားမှာ

            အားငယ်ခြင်း နှလုံးမသာယာခြင်း

            စိတ်ဓါတ်ကျခြင်း၊ မျှော်လင့်ချက် ကင်းမဲ့ခြင်း

            ဆင်းရဲခြင်း ဒုက္ခသံသရာမှာ

            နှစ် (၂၀) ကျော်ကြာ၊ မဟာအုတ်မြစ်

            ဂုတ်ညှစ်လို့ နေပါတယ်။

(၄)        ကိုယ်ယူကိုယ်ရစနစ်နှင့်

            အလိုတူ အလိုကျဖြစ်အောင်

            စစ်ခေါင်းဆောင်နောက် ခြေဖ၀ါး

            ခံစားတဲ့ ၀ံပုလွေ မြေခွေး

            ညစ်ထေးတဲ့ လက်နှီးစုတ်စိတ်ဓါတ်

            လူသတ်တဲ့ လက်ညှိုးနှင့် ကျည်ဆံ

            တယူသန်ဝါဒ အဆိုးမာန

            ငါ့နာဇီ၊ ငါ့ မဆလ ယ၊ ငါကွ ဒေါသကုမ္မာရ

            အဖာဗလပွ အာဏာမကျရေးအတွက်

            အပြစ်မဲ့ ပြည်သူ့သွေး

            ခြေဆေးလို့ နေပါတယ်။

(၅)        နွားချေးအတွင်းခံ အပြင်ယံရွှေမှုန်ကျဲ

            မျက်နှာမွဲ စဏ္ဍာလ

            ဒေ၀ါလီခံဘ၀ တက်ကြွစွာ ချီတက်ရင်း

            စီးပွားရေး ကျန်းမာရေး ပညာရေး

            တစ်ရေးမှမအောင်မြင်၊ ခွေးမျှ မဟောင်ချင်အောင်

            (စင်ကာပူ၊ မလေးရှား၊ ကိုးရီးယား၊ ဟောင်ကောင်)

            အာရှနဂါး၊ လေးကောင်ကြားမှာ

            တီကောင်မျှလားလား မဖြစ်ခဲ့ပါ

            ကွာ . . . ၂၆ နှစ်

            သောက်ဖြစ်က မတန်

            ကုလ၊ အမေရိကန်၊ ရုရှား၊ ဂျပန်

            ဂျာမဏီ၊ ပြင်သစ်နဲ့ အင်္ဂလန်

            အာရှဖွံ့ဖြိုးရေးဘဏ်

            မြန်မာမှန်ရင် နိုး နိုး - - -

            ရှိကြီးများ ခိုးပါသတဲ့။

(၆)        အို . . . ချစ်လှစွာသော ဗိုလ်ချုပ်

            အတိုချုပ်၍ ကျွန်ုပ်တင်ပြပါဦးမည်

            အရင်းအမြစ် သယံဇာတ ပေါကြွယ်ဝပါတဲ့

            သာယာလှပ ချစ်စရာ့ အမိမြန်မာ

            ယဉ်ကျေးမှု ဓလေ့၊ သိမ်မွေ့နူးညံ့ရာတဲ့

            ဗုဒ္ဓအဘိဓမ္မာနှင့် ချစ်စရာ့ အမိမြန်မာ

            အနှီပါ မြန်မာကား

            မသတီစရာ အာဏာရူးခွေးတွေကြောင့်

            ပဋာလူး သွေးမြေခရပြီး

            အကြွေးတွေ လည်မှာ နင့်ပါလို့

            တွယ်ရာမင့် အမှောင်ကမ္ဘာမှာ

            ပေါင်စရာ ဖင်သာရှိတော့တာမို့

            ယောင်ချာချာ အသက်ရှူဆုံးတော့မယ်

            ပိသုကာရယ် . . .

            ကြည့်လှည့်ပါဦး။

(၇)        ချစ်လှစွာသော ပိသုကာဗိုလ်ချုပ်

            ကျွန်ုပ် တပ်လှန့် ဆော်သြပါရစေ

            အို - သစ္စာရှိ တော်လှန်ရေး ရဲဘော်အပေါင်းတို့

            ခါးတောင်းကြိုက် မဖြုတ်

            လက်သီးဆုပ် မဖြည်ကြကုန်လင့်

            ခင်ဗျားတို့ ကျုပ်တို့လို ရွှေဟင်္သာတွေက

            စစ်ဘီလူး ကျီးကောင်တွေရဲ့ စကားကို

            နားထောင်ဘို့ မလိုဘူး

            ဦးညွတ်ဘို့ မလိုဘူး

            အောင်ပွဲဆိုတာ တိုက်ရဲသူအတွက် ဖြစ်တယ်

            ပြည်တော်ချစ် စိတ်ဓါတ်မွေး

            သတ္တိသွေးကို ပြကြပါကုန်လော့

            ပိုးလိုးပက်လက်လန် ပြည်နိုင်ငံကို

            မြိုင်ဆိုင်စွာ ကယ်တင်ကြပါကုန်လော့။ ။

(မေဃသာ)

ကျေးဇူးတင်ပါသည်။

အေးငြိမ်း

၎ - ၁ - ၂၀၁၉၊ လွတ်လပ်ရေးနေ့