စိတ်ပျက်စရာ မြန်မာစာရေးပုံ၊ ဘာသာပြန်ပုံနှင့် ကွန်ပြူတာ စာရိုက်ပုံများ

မြန်မာစာ အရေးအသား၊ ဘာသာပြန်ခြင်း၊ ကွန်ပြူတာစာရိုက်ခြင်းများနှင့် ပတ်သက်၍ ကျွန်တော် တော်တော်များများ ရေးခဲ့ဖူးပါပြီ။ အခုလည်း စိတ်ပျက်စရာများ တပုံတခေါင်းကြီး တွေ့ရပြန်သောကြောင့် ရေးလိုက်ရပြန်ပါ၏။

            စာရေးသူသော်လည်းကောင်း၊ ဘာသာပြန်သူသော် လည်းကောင်း၊ ကွန်ပြူတာစာစီသူ သော်လည်းကောင်း (မည်သူဖြစ်စေ) မိမိတို့လုပ်ထားသည့် အလုပ်ကို မိမိတို့ တာဝန်ယူသင့်၏။

            WSH Myanmar က safety နှင့်ပတ်သက်၍ ဂျာနယ်ထုတ်တော့ စာမူအားလုံးကို ကျွန်တော်ပင် ဖတ်ရှု၊ တည်းဖြတ်ပေးရ၏။ ဖတ်ရှုတည်းဖြတ်သည်ဆိုခြင်းကို လွယ်လွယ်လေး မထင်လိုက်ပါနှင့်ခင်ဗျား။ စာတစ်ပုဒ် ပြင်ပြီးသည့်အခါတိုင်း ကျွန်တော့်မှာ ဆံပင် (၁၄) ချောင်းနှင့် တစ်ပိုင်းတိတိ ဖြူ၏။

            အချို့စာများမှာ စာရေးသူကိုယ်တိုင် ကွန်ပြူတာစာစီ၏။ အချို့စာရေးသူများမှာ မြန်မာစာမရိုက်တတ်သောကြောင့် လက်ရေးနှင့်ရေးကာ ဆိုင်ကို အပ်၏။ အချို့ကျတော့ အောင်မယ် စမတ်ဖုံးနှင့် ရိုက်သည် ဆို၏။ ချီးကျူးဖွယ်ရာပါတည်း။ ထို့ကြောင့် လာသည့်စာများမှာ ပုံစံမျိုးစုံနှင့် လာ၏။

            ဆောင်းပါးပို့သူများတွင် စာရေးနေပါသည်ဆိုသော ဆရာကြီးများလည်းပါ၏။ ဖေ့စ်ဘုတ်တွင် မပြတ်တင်နေသော ပို့စ်ဂုရု ကြီးများလည်းပါ၏။ တစ်ခါမှ မရေးဖူးသူများလည်းပါ၏။ ကိုယ့်ဘာသာ လက်တည့်စမ်းနေသူများလည်း ပါ၏။ မည်သို့ပင် ကွဲစေကာမူ မှားပုံနှင့် ရေးပုံများမှာတော့ လက်ဖျားခါလောက်အောင် လာတူနေကြလေ၏။ ဒီအတိုင်းမှားကြစို့ရဲ့ဟု တိုင်ပင်ထားသလားတောင် အောက်မေ့ရ၏။

            မြန်မာစာ/စကားက လုံးကောက်အဓိပ္ပာယ်ထွက်၏။ အဖြတ်အတောက်မှားသည်နှင့် အဓိပ္ပာယ်ပါ မှား၏။ ထိုအခါ အဖြတ်အတောက်မှားမှာ ကြောက်ကြကုန်သည့် ကျွန်တော့်မိတ်ဆွေအပေါင်းမှာ စာကို လုံးဝ အဖြတ်အတောက်မရှိဘဲ အစမှ အဆုံးတိုင် တစ်ဆက်တည်း ရေးကြလေကုန်သတည်း။ ကျွန်ုပ်မှာ ၎င်းတို့စာကို လိုက်ဖြတ်နေရသည်နှင့်ပင် အချိန်များ အတော် ကုန်လေ၏။ စိတ်များလည်း အတော့်ကို ပျက်လေ၏။

            ထို့ပြင်တဝ ပုဒ်ထီးနှင့် ပုဒ်မကို မည်သည့်နေရာတွင် သုံးရမည် မသိခြင်းကား အတော့်ကို ဆိုးရွားလှပါပေ၏။ စာလုံးပေါင်း မှားတာကိုတော့ စာမဖွဲ့တော့ပါ။ သို့တိုင် အသက် ၅၀ လောက်ဆရာကြီးများက ခေတ်ပေါ်ကာလသား/သမီးကလေးများလို လုပ်တက်တယ်၊ စားတက်တယ်၊ လာတက်တယ် ဟု ရေးလေသည့်အခါ ကျွန်ုပ်မှာ စိတ်ပျက်သည့်ဟိုဘက် နှစ်ဘူတာလောက် လွန်ကာ ရွံသည့်အဆင့်သို့ ရောက်လေတော့၏။

            ၂၀၀၇၊ ၂၀၀၈ ခုနှစ်များဆီက ECC project တွင် ကျွန်တော်တို့လုပ်ခဲ့ကြ၏။ Safety သင်တန်းဆရာမှာ ဆရာကြီး ဦးနွယ်ဝင်း ဖြစ်၏။ Shell project ဆိုတော့ ပိုက်ဆံချမ်းသာ၏။ Safety အတွက် ဒေါ်လာ သန်းနှင့်ချီသုံး၏။ အလုပ်သမားများအတွက် Safety handbook တစ်ခုကို Safety ဌာနက စီစဉ်ကာ ဘာသာမျိုးစုံဖြင့် ထုတ်ဝေ၏။ မြန်မာအလုပ်သမားများလည်း ထောင်ဂဏန်း တော်တော်များများ ရှိရာ မြန်မာဘာသာဖြင့်လည်း ရိုက်နှိပ်၏။

            အနှီမြန်မာစာအုပ်တွင် ဘာသာပြန်ချက်များမှာကား လက်ဖျားခါလောက်ပါပေ၏။ အဘယ်ကြောင့် လက်ဖျားခါရသနည်း ဟူမူ ကျွန်တော် ကြံကြံဖန်ဖန် စဉ်းစားကာ ဘာသာပြန်လျှင်ပင် ၎င်းလောက် သောက်တလွဲစကားလုံးများကို စဉ်းစားမိမည် မဟုတ်သောကြောင့်ဖြစ်၏။ စာမျက်နှာ ၅၀ ခန့်ရှိမည့် လက်တစ်ဝါးစာ စာအုပ်ကလေးတွင် မှန်ကန်သည့် စကားလုံးဟူ၍ တစ်လုံးတစ်လေမှ မပါပါ။ ထိုစာအုပ်ကို ဘာသာပြန်ရန် စင်ကာပူဒေါ်လာ တစ်သောင်းကျော် ကုန်ကျသည်ဟု သိရသည့်အခါ ကျွန်ုပ်မှာ အံ့သြလွန်း၍ သေမတတ်ရှိချေ၏။

            နောက်တစ်ခုမှာ စင်ကာပူမှ ဆောက်လုပ်ရေးလုပ်သားတို့ မဖြစ်မနေတက်ရသည့် ယခင်အခေါ် CSOC, ယခုအခေါ် ACS (Appplied Workplace Safety and Health in Construction Sites) သင်တန်းမှ မေးခွန်းများကို ဘာသာပြန်ထားချက် ဖြစ်၏။ မည်ကဲ့သို့သော ပညာရှိမင်းက ဘာသာပြန်ထားတော်မူသည်မသိ။ (မူရင်းကိုတော့ ဓာတ်ပုံရိုက် တင်ပေးလို့မရပါ။ တော်ကြာ အလကားနေရင်း ပြဿနာအရှာခံနေရဦးမည်။) သူတို့ဘာသာပြန်ထားပုံကလေးကိုတော့ မိတ်ဆွေတို့ မြည်းရအောင် နည်းနည်းလောက် ပြပါရစေဦး။ အလုပ်သမားတွေ မပြောနှင့်။ ကျွန်ုပ်တောင် သူတို့ဟာဖတ်ပြီး ဘယ်လို နားလည်ရမှန်းမသိ။

ACS မေးခွန်း နမူနာများ

လုပ်ငန်းဥပဒေအရ အလုပ်ရှင်သည် အောက်ပါတို့မှ မည်သည့်အချက်ကို ဆောင်ရွက်နိုင်သနည်း

A.    အလုပ်သမား

B.    ကျောင်းသား

C.    အိမ်ရှင်မ

D.    အငြိမ်းစား

အလုပ်လုပ်ခွင့်ဥပဒေများမှမည်သည့်အချက်ကိုမဆို ချိုးဖောက်လျှင် အောက်ပါဖော်ပြချက်များ မှမည်သည့်အချက်သည် မသက်ဆိုင်သနည်း

A.    အလုပ်သမားသည် ထောင် သို့မဟုတ် ဒဏ်ငွေထိလျှင်

B.    အလုပ်သမားသည် ၏ အလုပ်လုပ်ခွင့် ပယ်ဖျက်ခံရလျှင်

C.    အလုပ်သမားသည် အချန်ပို အလုပ်လုပ်ရန်မေးလျှင်

D.    အလုပ်သမားသည် နောင်တွင်စင်င်္ကာပူတွင် အလုပ်လုပ်ရန် ပိတ်ပင်ခံရလျှင်

            ဤသည်မှာ နမူနာမျှ ဖြစ်ပါ၏။ ခြုံ၍ပြောရပါမူ ဤမေးခွန်း၌ တော်တည့်မှန်ကန်သည့် အသုံးအနှုန်းနှင့် ရေးသားထားသည့် စာ တစ်ကြောင်းတလေမှ မပါပါ။ မိတ်ဆွေတို့သိအောင် ပြောပြရလျှင် ထိုစာများကို ဘာသာပြန်ခမှာ တစ်မျက်နှာလျှင် မြန်မာပြည်မှ အလုပ်သမားတစ်ဦး၏ ဆယ်ရက်စာမျှ မကပါ။ ကိုယ့်ပိုက်ဆံမဟုတ်သည့်တိုင် သည်ကဲ့သို့သော သောက်တလွဲဘာသာသာပြန်များကို သည်မျှ ဈေးကြီးပေးရခြင်းအတွက် ကျွန်ုပ်မှာ အလွန်နှမြောလှဘိ၏။

            ယခင်က စင်ကာပူမှ အိမ်အကူလုပ်သားများ (FDW - Foreign Domestic Worker) (မြန်မာလို ခပ်ရိုင်းရိုင်း အားမနာတမ်း ပြောရရင် အိမ်ဖော်ပေါ့ဗျာ) ကို အိမ်တွင်းအန္တရာယ်ကင်းရေး သင်တန်းပေးရာတွင် အင်္ဂလိပ်လို ပေးသည်။ မြန်မာလိုတောင် ဖြောင့်အောင် မရေးတတ်သော ထိုမိန်းကလေးများမှာ ဘယ့်နှာလုပ် အီးလို တတ်ပါမည်နည်း။ တကယ် နားလည်၊ မလည်ကို သူတို့မှ သိမည်။

            ယခုတော့ သူတို့ကို မြန်မာလိုသင်ဘို့လုပ်နေသည်။ ကိုဟန်မျိုးနောင် ဆက်သွယ်ပေးမှုဖြင့် ကျွန်ုပ်နှင့် ကိုနွယ်ဝင်းလည်း ဝင်ပါလေ၏။

            သင်တန်းပေးမည့် ဆလိုက်များကို မြန်မာဘာသာပြန်ဆိုထားသည်။ ထုံးစံအတိုင်းပေါ့ခင်ဗျာ။ ဘာသာပြန်အမှား၊ ဝေါဟာရ အများမှား တပုံတပင်ကြီး ပါလာသည်။ မျက်စိရှေ့မှာ အမှားကြီးမြင်နေရတော့ ကျွန်တော်ကလည်း မနေနိုင်။ ဆလိုက်တစ်ခုချင်း အလိုက် ဘယ်ဟာက ဘာမှားနေသည်ဆိုတာကို (ကျွန်တော်တို့ကို လာစစ်သည့်) MOM အရာရှိထံ ပို့လိုက်သည်။ သို့သော် ဘာမှ ဖြစ်မလာပါ။

            ပြောရလျှင် သည်လိုအမှားများကို ထောက်ပြတာ ဒါ ပထမဆုံးမဟုတ်။ ဟိုးယခင် (၂၀၁၅ ခုနှစ်လောက်က) CSOC မေးခွန်းအမှားများကိုလည်း ဇယားဆွဲ၊ မှင်နီတားကာ ဒါတွေက မှားသည်၊ အမှန်က ဘယ်လိုဖြစ်ရမည် ဆိုသည်ကို ပရင့်ထုတ်ကာ MOM မှ သင်တန်းဆရာချုပ်မှူးကြီးထံ ပေးဖူးပါ၏။ သြော - ဟုတ်လားဆိုကာ ယူသွားသည်။ ဘာမှ ဖြစ်မလာခဲ့။

            ယခုလည်း သည်အမှားများကို ၂၀၁၈၊ ဇန္နဝါရီလ ၁၂ ရက်နေ့က ပို့လိုက်သည်။ ယခု အသစ်ပို့လာသည့် ဆလိုက်များတွင် ဘာတစ်ခုမှ ပြင်ထားတာ မတွေ့ရ။

            သည်ကနေ့ ထိုအိမ်အကူလုပ်သား safety သင်တန်းအတွက် MOM ရှေ့မှောက်တွင် တတိယအကြိမ်မြောက် လက်တွေ့ သွားသင်ပြရ၏။ ကျွန်တော်ကလည်း အမှတ်မရှိ။ ထိုအမှားများကို ပရင့်ထုတ်ကာ ထပ်ပေးပြန်၏။ ဟေ - အဲဒါ ပရော်ဖက်ရှင်နယ် ပြင်ထားတာပဲကွ ဟု MOM အရာရှိကဆို၏။ ဟတ်လား - ပရော်ဖက်ရှင်နယ်ဆိုရင်တော့ လောက်ဇီး ပရော်ဖက်ရှင်နယ် (lousy professional) ဖြစ်မှာပဲ ဟု ကျွန်ုပ်လည်း တုတ်လိုက်၏။ အေး - ငါတို့ ပြန် ရီဗျူးလုပ်လိုက်မယ် ဆို၏။ ကျွန်ုပ်ကတော့ မင်းအောင့်သီချင်းလို 'ဂုဏ်မြင့်သူ လှည့်စားရက်တယ်' ဟုသာ ပြောလိုက်ချင်ပါ၏။

            ယခုတစ်ခါ လာပြန်ပါချေ၏။ စင်ကာပူမှ သင်တန်းများကို နမူနာယူကာ (ယဉ်ကျေးအောင် ပြောတော့ နမူနာယူတယ်၊ ပညာရှိဆန်ဆန်ပြောရင် ရည်ညွှန်းတယ်၊ အရပ်စကားဆို ခိုးချတယ်၊ ဘယ်လိုပြောပြော အဓိပ္ပာယ် အတူတူပါဘဲ ခင်ညာ) ရန်ကုန်မှ ဘတ်စ်ကားဆရာများကို သင်တန်းပေးဘို့ဆိုကာ သည်က သင်တန်းမှတ်စုများကို မြန်မာဘာသာသို့ ပြန်ဆို၏။ ထိုဘာသာပြန် စာရွက်များကို ကျွန်ုပ်အားပေးကာ ပြင်ပေးပါဆိုလာ၏။ ပြင်ခိုင်းတယ်ဆိုတာ အကုန်ပြင်ခိုင်းတာမဟုတ်၊ စာလုံးအစိပ်အကျဲမညီတာ၊ bullet point များ မညီတာကိုသာ ပြင်ပေးပါဆို၏။ အမှားတွေ အများကြီး ပါနေတယ်။ ပြင်ပေးရမလားဆိုတာတောင် နေပါစေ၊ ရပါတယ် ဆို၏။ ကိုယ့်ပစ္စည်းမဟုတ်တော့ အကျောက်အကန်ပြောလို့မကောင်း၊ ဒီအတိုင်း ထားလိုက်ရ၏။

            ထိုဘာသာပြန်တွင်လည်း ထုံးစံအတိုင်း စာကို အဖြတ်အတောက်မရှိ စာတစ်ပိုဒ်လုံးဆုံးသည်ထိ တောက်လျှောက် ရေးထား၏။ ထိုစာကို screen shot ရိုက်ပြချင်သော်လည်း ကာယကံရှင်တွေ့လျှင် ပြဿနာအရှာခံရမည်မို့ မပြဝံ့။ ကျွန်တော် ဘယ်လောက်ကြောက်တတ်မှန်း ဟိုတစ်နေ့ကမှ ပြောထားသေး၏။

           

မိတ်ဆွေများခင်ဗျား -

            ကွန်ပြူတာသုံးသည်ဆိုပေမင့် ကီးဘုတ်ကိုကြည့်ကာ လက်ညှိုးတစ်ချောင်းတည်းနှင့် ဟိုရိုက်သည်ရိုက် မရိုက်ပါနှင့်။ Office ကို ကျကျနန သုံးတတ်အောင်၊ tools တွေကို သုံးတတ်အောင် လေ့လာစေလိုပါသည်။ (သူတို့က tools တွေ မသုံးတတ်တော့ ကျွန်တော့်မှာ အတော်ခေါင်းကိုက်သည်။)

            နောက်ပြီး စာကို ဖြစ်ကတတ်ဆန်းမရေးဘဲ သေသေချာချာ ရေးကြပါ။ ဘာသာပြန်သည်ဆိုတိုင်း အရမ်းမပြန်ပါနှင့်။ မူရင်း ဆိုလိုချက်ကို မိအောင် ပြန်ပါ။ ပိုက်ဆံယူလုပ်သည့် မည်သည့်အလုပ်ကိုမဆို တန်အောင် ပြန်လုပ်ပေးပါ။ ပိုက်ဆံရ ပြီးရော။ ငါ့လက်ကလွတ် ဗြွတ် ဟု မလုပ်ကြပါနှင့်ဟု စေတနာအပေါင်းနှင့် ကြေငြာမောင်း ခတ်လိုက်ရပါကြောင်း။

ကျေးဇူးတင်ပါသည်။

အေးငြိမ်း

၂၁ မတ်လ၊ ၂၀၁၈