Living in Singapore XXX (Buying A House I)

အခန်း (၁၁)

၁၁၊ ၁။ စင်ကာပူတွင် အိမ်ဝယ်ခြင်း

စင်ကာပူတွင် လူတိုင်း အိမ်ပိုင်ယာပိုင်နှင့် နေနိုင်ရန် အစိုးရမှ စီစဉ်ပေး ထားပါသည်။ ထိုအစီအစဉ် များထဲတွင် အိမ်များကို အရစ်ကျ ငွေပေးချေသော စနစ်လည်း ပါဝင်ပါသည်။ ဤတွင် အရစ်ကျ ပေးချေသည် ဆိုခြင်းမှာ လိုသောငွေကို ဘဏ်မှ ထုတ်ယူကာ အိမ်ဘိုးချေပြီး ဘဏ်ချေးငွေကို အရစ်ကျ ပြန်ဆပ်ခြင်းကို ခေါ်ပါသည်။ ဤသို့ပြန်ဆပ်ရန် CPF စနစ်ကို ကျင့်သုံးပါသည်။ CPF အကြောင်းကို ၉၊ ၂၊ ၁။ CPF (Central Provident Fund) တွင် ဖော်ပြပြီး ဖြစ်ပါသည်။ အိမ်ဘိုးငွေ ပေးချေ ရာတွင် CPF – OA (Ordinary Account) မှ ပေးချေနိုင်ပါသည်။
ညားခါစ စင်ကာပူ နိုင်ငံသား ဇနီးမောင်နှံတို့ အိုးသစ်၊ အိမ်သစ် ထူထောင်ရန် အိမ်ဝယ်တော့မည် ဆိုလျှင် အစိုးရ မှ သူတို့ကို ငွေသုံးသောင်း ချီးမြှင့်ပါသည်။ ထို့ပြင် ထို ဇနီးမောင်နှံတို့သည် မိဘများ၏ အနီးအနားတွင် ပြန်ရောင်းသော အိမ် အဟောင်းကို ၀ယ်မည် ဆိုပါက နောက်ထပ် တစ်သောင်းတိုးကာ အစိုးရမှ ငွေ လေးသောင်း ချီးမြှင့်ပါသည်။ ထိုမျှသာမက အခြား ချီးမြှင့်သော ငွေသားများလည်း များစွာ ရှိသေးရာ အသေးစိတ် မဖော်ပြတော့ပါ။ သို့သော် အိမ်ဝယ်ပြီးလျှင်မူ အနည်း ဆုံး ၅ နှစ် မိမိလက်ဝယ်တွင် ထားရမည် ဖြစ်ပါသည်။ ချက်ခြင်း ပြန်ရောင်းခွင့် မပြုပါ။
စင်ကာပူတွင် အိမ်အသစ်ကို အသက် ၂၁ နှစ်ပြည့်ပြီးသော စင်ကာပူနိုင်ငံသား များကိုသာ ရောင်းချပေးပါသည်။ သို့ အတွက် ထိုအပိုင်းကို ချန်ခဲ့ပြီး SPR များဝယ်နိုင်သော ပြန်ရောင်းအိမ်(Resale Flat) များ အကြောင်းကို အကျဉ်းမျှ ဖော်ပြ ပါမည်။
စင်ကာပူသည် လူမျိုးစုများ စုပေါင်းနေထိုင်ရာ တိုင်းပြည်ငယ်ကလေး ဖြစ်သဖြင့် လူမျိုးစု အဓိကရုဏ်းများ မပေါ်ပေါက် ရလေအောင် အစိုးရမှ အထူး ဂရုစိုက် ဆောင်ရွက် ပေးပါသည်။ ဤသည်ကို Racial Harmony ဟု ခေါ်ပါသည်။ ကျောင်းနေရွယ် ကလေးဘ၀ကတည်းက အားလုံး လူမျိုးမခွဲခြားဘဲ တစ်တန်းတစားထည်း ဆက်ဆံနိုင်တတ်စေရန် လေ့ကျင့် သင်ကြားပေးလိုက် ပါသည်။ အိမ်ခန်းများ အရောင်းအ၀ယ် လုပ်ရာတွင်လည်း ဤ အချက်ကို ထည့်သွင်း စဉ်းစားပါသည်။
တစ်နေရာထည်းတွင် လူမျိုးစု တစ်မျိုးထည်း အများကြီး မဖြစ်နေစေရန် လူမျိုးစုများကို အချိုးချ ပေးထားပါသည်။ အကယ်၍ တိုက်တစ်ခု တွင် လူမျိုးစု တစ်စုသည် သတ်မှတ်ထားသော အချိုးထက် နည်းတော့မည် ဆိုပါ က ထိုလူမျိုးရောင်းမည့် အိမ်ကို အခြား လူမျိုးမတူ သော အိမ်ထောင်စုသို့ ရောင်းပိုင်ခွင့် မရှိပါ။ မိမိနှင့် လူမျိုးတူ ကိုသာ ရောင်းချနိုင်ပါသည်။ ဥပမာ အိမ်ရှင် သည် တရုပ်လူမျိုး ဖြစ်ပါက အခြား တရုပ်လူမျိုး တစ်ဦးဦး ကိုသာ ရောင်းချနိုင်ပြီး မလေး၊ သို့မဟုတ် အိန္ဒိယ အမျိုးသားများကို မရောင်းချ နိုင်ပါ။ ဤသည်ကို Ethnic Group Eligibility ဟု ခေါ်ပါသည်။
မိမိဝယ်မည့် အိမ်သည် မိမိဝယ်လို့ ရနိုင်၊ မရနိုင်ကို http://services2.hdb.gov.sg/webapp/ BB29ETHN/ web-site တွင် ၀င်ရောက် ကြည့်ရှုနိုင်ပါသည်။ အိမ်ခန်း မ၀ယ်မီ ဦးစွာ စဉ်းစား ရမည်မှာ ဤအိမ်ခန်းသည် မိမိ သားစဉ်မြေးဆက် နေသွားရန် ရည်ရွယ်သည်လား၊ သို့မဟုတ် ခေတ္တခဏသာနေပြီး နောက် ပြန်ရောင်းရန် ရည်ရွယ်သည်လား ဆုံးဖြတ်ရန် ဖြစ်ပါသည်။ အကယ်၍ ပြန်ရောင်းရန် ရည်ရွယ် ရင်း ရှိလျှင် မ၀ယ်မီကပင် ပြန်ရောင်း၍ လွယ်လွယ်နှင့် ထွက်နိုင်မထွက်နိုင် ကိုပါ ထည့်သွင်း စဉ်းစားရန်လိုပါသည်။

Bungalo House

ဈေးနှင့်မနီး၊ ဘူတာနှင့်မနီး၊ မြို့အစွန် ကျသော နေရာများ၊ မြေညီထပ်မှ အိမ်ခန်းများ၊ 5 Room (အိပ်ခန်း ၄ ခန်း၊ ဧည့်ခန်း ၁ ခန်း) အိမ်ခန်း များ သည် ပြန် ရောင်းထွက်ရန် ခက်တတ်ပါသည်။ ယေဘူယျ အားဖြင့်ပြောရလျှင် ဘူတာနှင့်၊ ဈေးနှင့် နီးသော 3 Room တိုက်ခန်းများသည် အရောင်း အ၀ယ် လွယ်ကူပါသည်။
အိမ်ခန်းတန်ဘိုးမှာ တည်နေရာနှင့် အိမ်ခန်း အကျယ် အ၀န်းပေါ် မူတည် ကွာသွားတတ်ပါသည်။ အိမ်ခန်းအကျယ် ချင်း တူလျှင် နေရာကောင်းသော (မြို့လယ်နှင့်နီးသော) နေရာမှ အိမ်ခန်းများမှာ ငှားဈေးရော၊ ရောင်းဈေးပါမြင့်တတ်ပါသည်။
ဥပမာအားဖြင့် အိမ်ခန်းကျယ်တာခြင်း အတူတူ Clementi မှ အိမ်ခန်းများသည် Jurong West မှ အိမ်ခန်းများထက် ပို ဈေးကြီး ပါသည်။ အချို့သော ခန့်မှန်း အိမ်ခန်း တန်ဘိုးများကို ဗဟုသုတ အလို့ငှာ ဖော်ပြလိုက်ပါသည်။

၁၂ ထပ် ရှိ ၄ ခန်း (3 Room + 1 Hall) ပါ အိမ်ခန်း တစ်ခန်း (အကျယ် ၉၂ စတုရန်းမီတာ) ၏ ကာလတန်ဘိုး နှိုင်းယှဉ်ချက်-

Ang Mo Kio မှ တိုက်ခန်း တန်ဘိုးမှာ ၃ သိန်းခွဲ ခန့်။
Clementi မှ တိုက်ခန်း၏ တန်ဘိုးမှာ ၄ သိန်း ခန့်။
Jurong West Ave 1 မှ တိုက်ခန်း၏ တန်ဘိုးမှာ ၂ သိန်း ၇သောင်း ခန့်။
Hougang မှ တိုက်ခန်း၏ တန်ဘိုးမှာ ၂ သိန်း ၇သောင်း ခန့်။
Pasir Ris မှ တိုက်ခန်း၏ တန်ဘိုးမှာ ၃ သိန်းခွဲ ခန့်။
Woodlands မှ တိုက်ခန်း၏ တန်ဘိုးမှာ ၃ သိန်း ခန့် အသီးသီး ပေါက်ဈေး ရှိပါသည်။

Condominium

တိုက်ခန်းအဟောင်း(Resale Flat) ရောင်းဝယ်ခြင်းများတွင် စနစ် အမျိုးမျိုးရှိရာ ဤနေရာတွင် SPR များအတွက် အသုံးတည့်မည့် Public Scheme အကြောင်း ဖော်ပြပါမည်။

၁။ တိုက်ခန်းဝယ်မည့်သူသည် စင်ကာပူ နိုင်ငံသားတစ်ဦး နှင့် SPR တစ်ဦး၊ သို့မဟုတ် SPR နှစ်ဦး ဖြစ်ရမည်။ အသက်
၂၁ နှစ်ပြည့်ပြီးသူ ဖြစ်ရမည်။ အိမ်ထောင်စု စာရင်းတွင် မိမိ၏ ဇနီး၊ ခင်ပွန်း၊ သားသမီးများ။ မိဘများ နှင့် ညီအစ်ကို
မောင်နှမ များ။ (တစ်ခုလပ်၊ မုဆိုးဖို၊ မုဆိုးမ၊ အိမ်ထောင်ကွဲများ အတွက်) တရားဝင် ကြည့်ရှုစောင့်ရှောက်
ထားရသော သားသမီးများ။
၂။ ၀င်ငွေ မည်ရွေ့မည်မျှ ရှိမှ အိမ်ဝယ်နိုင်သည် ဆိုသော ကန့်သတ်ချက် မရှိပါ။ (အကယ်၍ CPF Housing Grant ကို မလျှောက်ဘူး ဆိုလျှင်)
၃။ လူမျိုးစု ကန့်သတ်ချက် မရှိသော (Ethnic Group Eligibility) မည်သည့် အိမ်ခန်းကိုမဆို ၀ယ်နိုင်ပါသည်။ Ethnic Group Eligibility ကို အထက် စာပိုဒ်တွင် ဖော်ပြခဲ့ပြီး ဖြစ်ပါသည်။
၎။ အကယ်၍ သင်သည် စင်ကာပူ နိုင်ငံအတွင်း အလုပ်လုပ်နေပြီး CPF ထမ်းဆောင်နေသူ တစ်ဦး ဖြစ်ပါက CPF Housing Grant လျှောက်ထားနိုင်ပါသည်။
အကြမ်းဖျဉ်းအားဖြင့် စင်ကာပူရှိ အိမ်များကို အတန်းအစား သုံးမျိုး ခွဲနိုင်ပါသည်။ မြေစိုက် လုံးချင်းအိမ်၊ ကွန်ဒိုမီနီယမ်
နှင့် အများပြည်သူပိုင်အိမ်(HDB Flat) တို့ ဖြစ်ပါသည်။ (လုံးချင်းအိမ်တွင်လည်း ခြံဝန်း တစ်ခုလျှင် အိမ်တစ်လုံးချင်း
ဆောက်ထားသည့် Bungalow ဘန်ဂလို အိမ်များ၊ ဘန်ဂလိုအိမ်များကဲ့သို့ မဟုတ်သော်လည်း မိမိကိုယ်ပိုင်ခြံ၊ ကိုယ်ပိုင်အိမ်
နှင့် ရှိနေသော အတွဲလိုက် လုံးခြင်းအိမ်များ၊ အတွဲလိုက် ပုံစံတူ ဆောက်ထားပြီး နံရံများဖြင့် ခြားထားသော Terrace ဟု
ခေါ်သည့်အိမ်များ (တစ်ထပ် သို့မဟုတ် နှစ်ထပ် ရှိပါသည်) ဟု ကွဲသွားပါသည်။)

Terrace House

Terrace House
၁၁၊ ၂။ အိမ်ဝယ်ခြင်း အတွက် ပြုလုပ်ရမည့် လုပ်ငန်း အဆင့်ဆင့်

၁။ မိမိဝယ်မည့် အိမ်ခန်းသည် Ethnic Group Eligibility ဖြစ်ပါသလား။ (အထက်ဖော်ပြပါ website တွင် ၀င်ကြည့်ပါ) ။
၂။ မိမိဝယ်မည့် အိမ်ခန်းတန်ဘိုးသည် မိမိတတ်နိုင်သော ငွေပမာဏ အတွင်း ဖြစ်ပါသလား။
အိမ်ဝယ်ခြင်းသည်ကား တန်ဘိုးကြီးသော ရင်းနှီးမြှုပ်နှံမှု ဖြစ်ပါသည်။ မိမိလက်ထဲတွင် လက်ရှိ စုမိငွေ မည်မျှ ရှိနေပြီ နည်း။ ဘဏ်မှ မည်မျှ ထပ်ချေးရမည်နည်း။ ဘယ်နှနှစ်ကြာ ပြန်ဆပ်ရမည်နည်း။ တစ်လလျှင် ဘယ်လောက်ဆပ်ရ မည်နည်း။ ဘဏ်တိုးသည် မည်မျှ ဖြစ်သနည်း။ မိမိ၏ လခသည် မိသားစု အသုံးစရိတ်အပြင် အိမ်ခန်းတန်ဘိုး ပြန်ဆပ်ရန် လုံလောက်ပါရဲ့လား။ မိမိ CPF ဖြင့် မလုံလောက်လျှင် ငွေသားထပ်ဖြည့်ရန် လောက်ရဲ့လား။
၃။ စိတ်ကြိုက်အိမ်ခန်းကို ရပြီ။ ဈေးကလည်း မိမိတတ်နိုင်သော ဈေးအတွင်း ဖြစ်သည်။ ဘဏ်သို့ပြန်ဆပ်ရမည့်ငွေ ကလည်း မိမိ လစာနှင့် အဆင်ပြေသည် ဆိုလျှင် လက်ငင်းပေးချေရမည့် ငွေသားပမာဏ ပြည့်အောင် စုရတော့မည် ဖြစ်ပါသည်။ အိမ်ဝယ်သည် ဆိုရာ၌ အိမ်တန်ဘိုးသာမက အိမ်ရှင်သို့ လက်ငင်း ပေးရမည့်ငွေ၊ ပွဲခ၊ တံဆိပ်ခေါင်းခွန် စသည့် အခများပါ ထည့်တွက်ရပါမည်။ သို့ဖြစ်ရာ ထိုငွေပမာဏ(upfront costs) ကိုပါ သိရှိထားရန် လိုပါသည်။
ထိုကုန်ကျငွေများ တွက်ပုံကို အောက်တွင် အသေးစိတ် ဖော်ပြထားပါသည်။
၎။ OTP (စရံငွေပေးစာချုပ် မချုပ်ဆိုမီ ဆောင်ရွက်ရန်များ)
အိမ်ရှင်နှင့် စရံငွေပေးစာချုပ် OTP (Option to Purchase) ချုပ်ဆိုပါ။ ထို စရံငွေပေး စာချုပ်ကို အခြေခံ၍ နောက်ပိုင်း “အရောင်းအ၀ယ် စာချုပ်” ချုပ်ဆိုရန် ဖြစ်ပါသည်။ စင်ကာပူတွင် အိမ်ယာမြေ တရားဝင် ပိုင်ဆိုင် ကြောင်း သက်သေထူရန် “စင်ကာပူ မြေယာအာဏာပိုင် အဖွဲ့” (Singapore Land Authority - အတိုကောက် အားဖြင့် SLA - မြန်မာပြည် အခေါ် မြေတိုင်း ဦးစီးဌာန) သို့ လျှောက်ထားရန် လိုပါသည်။ အိမ်ယာမြေ အဆောက် အဦ ပိုင်ဆိုင်မှုနှင့် ပတ်သက်လျှင် SLA က အပြီးသတ် ဆုံးဖြတ်နိုင်သည့်ပြင် ထိုဌာနက ထုတ်ပေးသော “ပိုင်ဆိုင်မှု လက်မှတ်” ကသာ အတည်ဖြစ်လေသည်။ အိမ်ယာဝယ်သူများ အနေနှင့် အခြား ဟိုဟို ဒီဒီ စုံစမ်းစရာမလိုဘဲ SLA မှ ထုတ်ပေးသော “အိမ်ယာ ပိုင်ဆိုင်မှု မှတ်တမ်း” ကို လက်ကိုင်ပြုရုံနှင့် လုံလောက်ပါသည်။ အသေးစိတ် သိလိုသူများ အနေနှင့် http://www.sla.gov.sg တွင် ၀င်ရောက် လေ့လာနိုင်ပါသည်။
၅။ အိမ်ဝယ်ရန် မိမိသည် HDB မှ ငွေချေးလိုပါသလား။ သို့သော် HDB ချေးငွေကို စင်ကာပူ နိုင်ငံသားမှသာ လျှောက်လို့ ရပါသည်။ အကယ်၍ HDB Loan မရလျှင် ဘဏ်ချေးငွေ ရယူရန် ပြင်ဆင်ပါ။ ဘဏ်ချေးငွေများ အကြောင်း အောက်တွင် ဖော်ပြ ထားပါသည်။
၆။ အရောင်းအ၀ယ် သဘောတူညီချက်
စရံငွေပေးစာချုပ်ကို လက်မှတ်ထိုးလိုက်ခြင်းသည် ၀ယ်သူအနေနှင့် အရောင်းအ၀ယ် သဘောတူညီချက်ကို တဖက်သတ် လက်ခံလိုက်ခြင်း ဖြစ်သည်။ အစိုးရ ဌာနတစ်ခုခုမှ မကန့်ကွက်လျှင် အရောင်း အ၀ယ် ဖြစ်ပြီ။ ထို အတောအတွင်း ၀ယ်သူ၏ ရှေ့နေမှ “အိမ်ယာပိုင်ဆိုင်မှု မှတ်တမ်း” ကို ရှာဖွေခြင်း နှင့် ရောင်းချသူ အနေနှင့် လူမွဲစာရင်း ခံထားခြင်း ရှိမရှိ စစ်ဆေးမှုများ ပြုလုပ်ရလေသည်။ ထို မှတ်တမ်းသည် အလွန်အရေးကြီး၏။ မိမိ ထိုအိမ်ကို ပိုင်ဆိုင် ကြောင်း ပြနိုင်သော တစ်ခုထည်းသော အထောက်အထား ဖြစ်သည်။ အလွန် ရိုသေစွာ သိမ်းထားရမည့် စာရွက်စာတမ်း ဖြစ်ပါသည်။
၇။ ပိုင်ဆိုင်မှု လက်မှတ်ကို စစ်ဆေးခြင်း
စရံငွေပေးစာချုပ်ကို လက်မှတ်ထိုးပြီးနောက် အရေးကြီးသော အဆင့်တစ်ခုမှာ ရောင်းသူ၏ “ပိုင်ဆိုင်မှု လက်မှတ်”
ကို ၀ယ်သူ၏ ရှေ့နေမှ စစ်ဆေးခြင်း ဖြစ်လေသည်။ ထိုကာလအတွင်း ရောင်းသူအနေနှင့် ၀ယ်သူကို အသိမပေးဘဲ နောက်ထပ် ၀ယ်လိုသူ တစ်ဦးဦးနှင့် ဆက်သွယ်ခွင့် မရှိပါ။ ပုံမှန်အားဖြင့် “ပိုင်ဆိုင်မှု လက်မှတ်” ကို ၀ယ်သူ၏ ရှေ့နေမှ အရောင်းအ၀ယ်ကိစ္စ တရားဝင် ပြီးစီးသည်အထိ လက်ဝယ်သိမ်းထားပြီး ပိုင်ရှင်အသစ် (၀ယ်ယူသူ) အတွက် SLA မှ “ပိုင်ဆိုင်မှု လက်မှတ်” အသစ် ထုတ်ရန် အချိန်ကျမှ အဟောင်းကို ပြန်အပ်လေ့ ရှိပါသည်။
ထို့နောက် Release Application (အိမ်ခန်း လွှဲပြောင်းခြင်း) လျှောက်လွှာ တင်ပါ။
၈။ ရောင်းသူ၊ ၀ယ်သူနှစ်ဦး စလုံးသည် လိုအပ်သော စာရွက်စာတမ်းများ ယူဆောင်ကာ ပထမရက်ချိန်း (Attend 1st Appointment) အနေနှင့် HDB သို့ သွားရပါမည်။
၉။ ထို့နောက် အိမ်ဝယ်သူသည် မိမိအိမ်အား ဆေးသုတ်ခြင်း စသော လိုအပ်သော ပြင်ဆင်မှုများ အတွက် ကြိုတင် စီစဉ် ရပါသည်။
၁၀။ အရောင်းအ၀ယ်ကိစ္စ တရားဝင်ပြီးစီးခြင်း (Attend Completion Appointment)
အိမ်အရောင်းအ၀ယ် လုပ်ငန်း ပြီးမြောက်ရန် ၁ လခွဲမှ ၂ လခန့် ကြာပါသည်။ ရောင်းချသော အိမ်ယာကို မလွှဲအပ်မီ တစ်ပတ်ခန့် အလိုတွင် နှစ်ဖက်ရှေ့နေများမှ အရောင်းအ၀ယ် အထမြောက်ကြောင်း ထွက်ဆိုချက်များကို ရောင်းသူ ၀ယ်သူတို့၏ ဘဏ်များသို့ လွှဲအပ်သည်။ ယင်းထွက်ဆိုချက်များအပေါ် နှစ်ဦးနှစ်ဖက် သဘောတူပါက ယခင် သတ်မှတ်ထားသော အရောင်းအ၀ယ် ပြီးစီးခြင်းရက်ကို ထပ်မံ အတည်ပြုနိုင်ပါသည်။ ထိုရက်တွင် အိမ်ရှင်၊ အိမ်ငှား နှစ်ဦးလုံး HDB သွားရသည်။ HDB မှ အိမ်အရောင်း အ၀ယ်စာချုပ်ကို အတည်ပြုပေးပါသည်။

အားလုံးအတည်ဖြစ်သည်နှင့် ၀ယ်သူက ကျန်သောငွေအားလုံးကို အကြေ ချေရပါသည်။ ရောင်းသူ၏ ရှေ့နေက အိမ်သောနှင့် လိုအပ်သော စာရွက်စာတမ်းအားလုံးကို ၀ယ်သူ၏ ရှေ့နေသို့ လွှဲအပ်ပါသည်။
ထိုအိမ်ခန်းလွှဲပြောင်းခြင်း စာချုပ်တွင် -
- မြေအမည်၊ တည်နေရာ လိပ်စာ
- ရောင်းသူ အမည်
- ၀ယ်သူ အမည်
- စာချုပ် ချုပ်သည့်နေ့စွဲ
- အိမ်တန်ဘိုး
- အိမ်ခန်း လွှဲပြောင်းသည့် နေ့စွဲ
- ရောင်းသူဘက်မှ သက်သေ
- ၀ယ်သူဘက်မှ သက်သေ - စသည်တို့ ပါဝင်ပါသည်။
ထိုနေ့တွင် ၀ယ်သူ၏ ရှေ့နေသည် Certificate of Title (အိမ်ပိုင်ရှင် အမည်) လျှောက်လွှာတင်ပါသည်။ ထိုနေ့တွင်
ပင် Singapore Land Authority က Certificate of Title ကို ထုတ် ပေးလိုက်ပါလိမ့်မည်။
ထို အခါကျမှပင် အိမ်အရောင်းအ၀ယ် လုပ်ငန်း ပြီးဆုံးခြင်းသို့ ရောက်ပါသတည်း။
ပိုမို၍ အသေးစိတ် သိလိုသူများ http://www3.nationproperty.com.sg/npp2/EF_REF.aspx တွင် ၀င်ရောက် လေ့လာနိုင်ပါသည်။

လက်တွေ့တွင်မူ အိမ်အရောင်း အ၀ယ်လုပ်ငန်းမှာ အလွန်ရှုပ်ထွေးလှပါသည်။ သို့အတွက် အလုပ်ကတစ်ဖက်နှင့်
ခေါင်းစားမခံဘဲ ပွဲစားသို့အပ်လိုက်လျှင် ပွဲစားက လိုအပ်သည်များကို လုပ်ပေးသွားပါလိမ့်မည်။ စင်ကာပူမှ အိမ်ပွဲစားများကား
အလွန် စိတ်ရှည်လှပါ၏။ သူတို့ထံ အလုပ်အပ်လိုက်ပြီ ဆိုသည်နှင့် အိမ်များစွာကို စိတ်ရှည် လက်ရှည်လိုက်ပြပါသည်။ မိမိက အိမ်ပေါင်းများစွာ လိုက်ကြည့်ပြီးသည့်တိုင် ပိုက်ဆံမလောက်သေးလို့ စသဖြင့် အကြောင်းအမျိုးမျိုးပြကာ မ၀ယ်ဖြစ်သေးသည့် တိုင် ၎င်း တို့က ကိစ္စမရှိဘူး၊ အိမ်ဝယ်ဘို့ဆိုတာ လွယ်တဲ့ကိစ္စမဟုတ်ဘူး။ နောက် မင်း ၀ယ်မဲ့အချိန်သာ င့ါကို လှမ်းခေါ်လိုက် ဟု ပြောတတ်ပါသည်။ ၎င်းတို့သည် လိုင်စင်ယူကာ လုပ်ကိုင်နေသူများ ဖြစ်သဖြင့် စိတ်ချရပါသည်။

အိမ်တန်ဘိုးမှာ HDB လက်မှတ်ရ ရာဖြတ်များက ဖြတ်ပေးသည့် တန်ဘိုး (Valuation Price) နှင့် မိမိတိုက်ခန်းကို ပြန်ပြင် ထားသည့်အတွက် အိမ်ရှင်က သပ်သပ်တောင်းသော ပိုက်ဆံ (Cash-Over-Valuation – COV) ဟုရှိပါသည်။ သို့အတွက် ၀ယ်ရင်းဈေးအမှန် (Purchasing Price) မှာ ထို အိမ်ရှင်က တောင်းသော ပိုက်ဆံ COV နှင့် ရာဖြတ်က ဖြတ်ပေး သော တန်ဘိုး နှစ်ရပ်ပေါင်း ဖြစ်ပါသည်။ ပွဲစားခ၊ ရှေ့နေခ၊ စာရွက်စာတမ်းကြေး၊ အိမ်ရှင်က တောင်းသည့် ထို အပိုပိုက်ဆံတို့ အတွက် မိမိတွင် စုဆောင်းပြီးသား ငွေ လုံလုံလောက်လောက်ရှိရန် လိုပါသည်။
CPF ထည့်ဝင်နေသူတို့ အဖို့ အိမ်ဝယ်ရန် ငွေကို CPF ၏ OA(Ordinary Account) ထဲမှ ပေးချေ နိုင်ပါသည်။ သို့သော် အတိုင်းအဆ မရှိတော့ မဟုတ်ပါ။ အထက်ပါ စာပိုဒ်တွင် ဖော်ပြခဲ့သော Valuation Limit(VL) ထိသာ ထုတ်ယူ ပေးချေ နိုင်ပါသည်။ Valuation Limit သည်ကား အိမ်ခန်း၏ ကာလပေါက်ဈေး ဖြစ်ပါသည်။ အကယ်၍ မိမိ၏ CPF တွင် Valuation Limit ထိ ပေးချေရန် မပြည့်မီပါက အခြားနည်းဖြင့် ပေးချေရမည် ဖြစ်ပါသည်။
Withdrawal Limit (WL) ဟူသည်ကား CPF ၏ OA မှ မိမိထုတ်ယူ နိုင်သော ငွေပမာဏ ဖြစ်ပါသည်။ ပုံမှန်အားဖြင့် WL သည် VL ၏ 120% ဖြစ်ပါသည်။

HDB Flat