လုပ်ငန်းခွင်အန္တရာယ်ကင်းရှင်းရေး (ဆောက်လုပ်ရေး) စာအုပ်

ကျွန်တော် လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) စာအုပ်ကို မနေမနား အင်တိုက်အားတိုက်ရေးနေတာ အခု နောက်ဆုံးတစ်ခန်းပဲ ကျန်ပါတော့တယ်။ ဒါပေမဲ့ နက်ဖြန် ရန်ကုန်ပြန်ပါဦးမယ်။ မြန်မာပြည်မှာတော့ ဘာမှရေးဖြစ်မှာ မဟုတ်ပါ။ နောက်ပြီး ခေါင်းကိုက်စရာ CU5 Assignment ကြီးလည်း မပြီးသေးလို့ အပြီးသတ်ရပါဦးမယ်။ ဒါကြောင့် နောက်ဆုံးအခန်း (စီမံခန့်ခွဲရေးအဖွဲ့၏ ပြန်လည်သုံးသပ်ချက် (Management Review)) ကိုတော့ CU5 Assignment ပြီးမှ ဆက်ရေးပါမယ်။ ဒါ့အပြင် နောက်ဆက်တွဲဇယားတွေ၊ Check list တွေ၊ PTW ပုံစံတွေလုပ်ရမှာ အတော်လက်ဝင်မှာကြောင့် အနည်းဆုံး ဇန္န၀ါရီ ဒုတိယပတ်လောက်မှ ပြီးပါလိမ့်မယ်။

ရန်ကုန်ရောက်ရင် ဒီစာအုပ်ထုတ်ဝေရေးကိစ္စ စာအုပ်တိုက်တချို့၊ ဆောက်လုပ်ရေးဝန်ကြီးဌာနတို့နဲ့ ညှိနှိုင်းပါမယ်။ စာအုပ်ကတော့ အတော်ထူပါလိမ့်မယ်။ အခု A4 size, Zawgyi Font 9 နဲ့ ရိုက်ထားတာ စာမျက်နှာ ၃၃၀ လောက်ရှိပါတယ်။ ဇယားတွေပါနဲ့ဆို စာမျက်နှာ ၃၅၀ လောက် ဖြစ်သွားပါမယ်။ စာအုပ်အရွယ်ဆိုရင် စာမျက်နှာ ၅၅၀ လောက် ရှိပါလိမ့်မယ်။

နောက်ပြီး စာအုပ်မှာပါတဲ့ပုံတွေက တချို့ပုံတွေကို အရောင်နဲ့ခွဲမှတ်ဘို့လိုတဲ့အတွက် စာအုပ်ကို ရောင်စုံရိုက်မယ်လို့မှန်းပါတယ်။ စာအုပ်ရိုက်ခကို ရန်ကုန်မှာစုံစမ်းကြည့်တော့ အတော်လေး ဈေးကြီးပါတယ်။ ဈေးကွက်တင်တဲ့အခါ တစ်အုပ်ကို ကျပ် တစ်သောင်းခွဲလောက် ရောင်းရလိမ့်မယ်လို့ ဆိုပါတယ်။

ပုံနှိပ်သူတွေနဲ့ တေ့တေ့ဆိုင်ဆိုင် စကားပြောပြီးမှ ဈေးနှုန်းအမှန်ကို သိရမှာပါ။ သူတို့ဘက်ကသာ စိတ်ပါလက်ပါ အလုပ်လုပ်မယ်ဆို ဧပြီလလောက် စာအုပ်မြင်ရနိုင်ပါလိမ့်မယ်။ (အထင်ပြောတာပါ။ ရန်ကုန်ကလူတွေအလုပ်လုပ်တာကိုတော့ နည်းနည်းလေးမှ စိတ်တိုင်းမကျပါ။ ပြက္ခဒိန်စာအုပ်လုပ်နေတာ ၆ လလောက်ရှိပါပြီ။ ခုထိ စာအုပ်မထွက်သေးပါ။)

အေးငြိမ်း

၁၉၊ ၁၂၊ ၂၀၁၃

ညနေ ၆ နာရီ

လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) (၄၈)

အခန်း (၁၇)

လုပ်ငန်းခွင် အန္တရာယ်ကင်းရေး စီမံချက်အား လုပ်ငန်းစစ်ခြင်း

(Workplace Safety and Health Management System Audit)

            လုပ်ငန်းခွင်တစ်ခုကို အန္တရာယ်အကင်းနိုင်ဆုံး ထိန်းထားရန်အတွက် လုပ်ငန်းခွင် အန္တရာယ်ကင်းရေး စီမံခန့်ခွဲမှုစနစ်အား အမြဲမပြတ် တိုးတက်နေအောင် ဆောင်ရွက်နေရန်လိုပေသည်။ ဤသို့ဆောင်ရွက်ရာတွင် PDCA စက်ဝိုင်းပေါ် အခြေခံဆောင်ရွက်သည်။ PDCA စက်ဝိုင်းမှာ အောက်ပါအတိုင်းဖြစ်၏။

P – Plan                         - ရည်မှန်းချက်နှင့် စီမံချက်ရေးဆွဲပါ။ (OH&S policy)

D – Do               - ထိုစီမံချက်အတိုင်း အကောင်အထည်ဖော်ပါ။ (Implementation and Operation)

C – Check          - မိမိတို့လုပ်ငန်းစဉ်များသည် ချမှတ်ထားသော ပေါ်လစီ၊ ရည်မှန်းချက်၊ ဥပဒေ၊ နည်းဥပဒေများနှင့် ညီညွတ်ခြင်း

                           ရှိမရှိ အမြဲစောင့်ကြည့်နေပါ။ မှားနေ၊ လွဲနေသည်များရှိလျှင် ပြန်လည်ပြင်ဆင်ပါ။ (Checkin and Corrective Action)

A – Act              - လုပ်ငန်းခွင်ကျန်းမာရေးနှင့် အန္တရာယ်ကင်းရေးလုပ်ငန်းစဉ်များ အမြဲတိုးတက်ကောင်းမွန်နေရန် အရေးယူ

                            ဆောင်ရွက်ပါ။ (Management Review)

            ထိုစက်ဝိုင်းအရ စီမံကိန်းတွင် လုပ်ငန်းခွင်အန္တရာယ်ကင်းရှင်းရေး စီမံခန့်ခွဲရေးစနစ်တစ်ခု ရေးဆွဲသည်။ ထို့နောက် ထိုရေးဆွဲ ထားသည့် စနစ်အတိုင်း လုပ်ငန်းခွင်အတွင်း လက်တွေ့ကျင့်သုံးသည်။ ထို့နောက် ထို လက်တွေ့ကျင့်သုံးနေသည်များနှင့် ရေးဆွဲထားသော စနစ်၏ ချို့ယွင်းချက်အားနည်းချက်များကို ရှာဖွေမည်။ ထို့နောက်ရှာဖွေတွေ့ရှိချက်များအပေါ်အခြေခံကာ ပိုမိုကောင်းမွန်သည့် စနစ်တစ်ခု ဖြစ်လာစေရန် စီမံခန့်ခွဲရေးအဖွဲ့က ပြန်လည် သုံးသပ်စစ်ဆေးသည်။ ဤနည်းဖြင့် လုပ်ငန်းခွင် အန္တရာယ်ကင်းရေး စီမံခန့်ခွဲမှုစနစ်အား အမြဲမပြတ် တိုးတက်နေအောင် ဆောင်ရွက်နိုင်သည်။

            လုပ်ငန်းခွင် အန္တရာယ်ကင်းရေး စီမံခန့်ခွဲမှုစနစ်အား လုပ်ငန်းစစ်ခြင်းသည် အထက်ပါ PDCA cycle မှ Check အပိုင်း ဖြစ်သည်။ လုပ်ငန်းခွင် အန္တရာယ်ကင်းရေး စီမံခန့်ခွဲမှုစနစ်၏ ပြဌာန်းထားသော ဥပဒေများနှင့် မညီညွတ်သည့်အချက်၊ ချို့ယွင်းချက်။ အားနည်းချက် များကို လုပ်ငန်းစစ်ခြင်းဖြင့် ဖော်ထုတ်နိုင်သည်။

            စင်ကာပူတွင် ကန်ထရိုက်တန်ဘိုး သန်း ၃၀ ထက်ကျော်သည့် ဆောက်လုပ်ရေးလုပ်ငန်းတစ်ခုသည် လုပ်ငန်းလုပ်ခွင့်လိုင်စင်ရပြီး နှစ်လအတွင်း လုပ်ငန်းစစ်ရသည်။ ထိုလုပ်ငန်းစစ် အစီရင်ခံစာကို MOM သို့ တင်ပြရသည်။ အကယ်၍ စီမံကိန်းလုပ်ငန်းတစ်ခုသည် နှစ်လ အတွင်း လုပ်ငန်းစစ်ခြင်း မလုပ်ခဲ့ပါက ချပေးထားသည့် လိုင်စင်ကို ပြန်လည် ရုပ်သိမ်းနိုင်သည်။ ပထမအကြိမ် လုပ်ငန်းစစ်ပြီးနောက်တွင်မူ ခြောက်လတစ်ကြိမ် လုပ်ငန်းစစ် ၀င်ရသည်။

            ဤသို့လုပ်ငန်းစစ်ခြင်းကို လုပ်ငန်းစစ်အဖြစ် မှတ်ပုံတင်ထားသော အရာရှိများက ဆောင်ရွက်သည်။ ထိုလုပ်ငန်းစစ်များက အစိုးရ မှ သတ်မှတ်ထားသည့် လုပ်ငန်းစစ်ဆေးချက်ဇယားကို ကိုင်ကာ စစ်သည်။ ထိုဇယားကို Construction Safety Audit Scoring System (ConSASS) ဟုခေါ်၏။ ဇယားကြီးမှာ အလွန်ကြီးမားရှုပ်ထွေးပြီး မေးခွန်းပေါင်း ၃၅၀ ခန့်ရှိသည်။ သာမန်လူတို့ သိနားလည်နိုင်ရန် မလွယ် ကူ။ မြန်မာနိုင်ငံအတွက် အသုံးမတည့်နိုင်သဖြင့် ဤနေရာတွင် မဖော်ပြတော့ပါ။

            ယခုဖော်ပြမည့် လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်အား လုပ်ငန်းစစ်ဆေးခြင်းမှာ ယေဘူယျအားဖြင့် လုပ်ငန်းစစ် တစ်ခုတွင် မည်သည်တို့ ပါဝင်သည်။ မည်သည်တို့ကို စစ်ဆေးသည် စသည့် ယေဘူယျ လုပ်ပုံကိုင်နည်းများသာ ဖြစ်ပါသည်။

၁၇၊ ၁။ လုပ်ငန်းခွင်အန္တရာယ်ကင်းရေး လုပ်ငန်းစစ်ခြင်းဟူသည် အဘယ်နည်း

            လုပ်ငန်းခွင်အန္တရာယ်ကင်းရေး လုပ်ငန်းစစ်ခြင်းသည် ချမှတ်ပြဌာန်းထားသော ဥပဒေ၊ နည်းဥပဒေများနှင့်အညီ စီမံခန့်ခွဲမှုအဖွဲ့က မိမိတို့အဖွဲ့၏ လုပ်ထုံးလုပ်နည်းများအတိုင်း လုပ်သားများ၏ ကျန်းမာရေး၊ အန္တရာယ်ကင်းရေး၊ ပတ်ဝန်းကျင်ကို မည်မျှကောင်းမွန်အောင် စွမ်းဆောင်နိုင်ကြောင်း စစ်ဆေးသည့် စနစ်ကျသော၊ ပုံမှန်ဖြစ်သော၊ ရည်ရွယ်ချက်ရှိသော စီမံခန့်ခွဲမှုဆိုင်ရာ ကိရိယာတစ်ခုဖြစ်သည်။

            လုပ်ငန်းခွင်အန္တရာယ်ကင်းရေး လုပ်ငန်းစစ်ခြင်းတွင် ကုမ္ပဏီတွင်းစစ်ဆေးခြင်း (Internal Audit) နှင့် ပြင်ပအဖွဲ့အစည်းမှ ခေါ်ယူစစ်ဆေးခြင်း (External Audit) ဟု နှစ်မျိုးရှိ၏။

၁၇၊ ၂။ လုပ်ငန်းခွင်အန္တရာယ်ကင်းရေး လုပ်ငန်းစစ်ရခြင်း ရည်ရွယ်ချက်

Ø  အစိုးရမှ ချမှတ်ပြဌာန်းထားသည့် ဥပဒေ၊ နည်းဥပဒေ၊ လုပ်ထုံးလုပ်နည်းများနှင့် ညီမညီ သက်သေပြခြင်း

Ø  မောင်းနှင်ခြင်းနှင့် ပြင်ဆင်ထိန်းသိမ်းရေးဆိုင်ရာ အစီအစဉ်များနှင့် စံနှုန်းများနှင့် လွဲချော်နေသည့် အချက်များကို ထောက်ပြခြင်း

Ø  မတော်တဆမှုကိုဖြစ်စေနိုင်သည့်၊ အသက်ဆုံးရှုံးစေနိုင်သည့်၊ ပစ္စည်းများကို ပျက်စီးစေနိုင်သည့် လုပ်ငန်းခွင်အတွင်းမှ အခြေအနေများကို စစ်ဆေးဖော်ထုတ်ခြင်း

Ø  လုပ်ငန်းခွင်အတွင်းမှ လုပ်ဆောင်ချက်များနှင့် ပြင်ဆင်ထိန်းသိမ်းရေးဆိုင်ရာ အစီအစဉ်များသည် ချမှတ်ထားသော စံနှုန်းများ၊ စည်းမျဉ်းများ နှင့် ညီညွတ်ကြောင်း သေချာစေခြင်း

Ø  လုပ်ငန်းလုပ်ကိုင်နေသူများအား အလုပ်ခွင်အတွင်းမှ အန္တရာယ်များကို ပိုမိုသတိပြုမိလာစေခြင်း

Ø  လက်ရှိလုပ်ငန်းလုပ်ကိုင်ပုံစနစ်များသည် အသစ်ပြုပြင်ထားသည့် နည်းစနစ်များနှင့် ကိုက်ညီမညီ စစ်ဆေးခြင်း

Ø  အသစ်ပြောင်းလဲသုံးစွဲသည့် စက်ကိရိယာ သို့မဟုတ် နည်းလမ်းများသည် အန္တရာယ်အသစ်များကို ဖန်းတီးပေးခြင်း ရှိမရှိ စစ်ဆေးခြင်း

Ø  လုပ်ငန်းခွင်အန္တရာယ်ကင်းရှင်းရေး စစ်ဆေးမှုများသည် ပြည့်စုံလုံလောက်ခြင်းရှိမရှိ သုံးသပ်ခြင်း

Ø  လုပ်ငန်းကြီးတစ်ခုလုံး၏ အန္တရာယ်ကင်းရေးဆိုင်ရာ ဆောင်ရွက်ချက်များကို လေ့လာကာ အဓိကအန္တရာယ်ဖြစ်စေနိုင်သည့် အခြေအနေများ အတွက် အကြံဉာဏ်များ ပေးခြင်း

၁၇၊ ၃။ လုပ်ငန်းခွင်အန္တရာယ်ကင်းရေး လုပ်ငန်းစစ်အစီအစဉ်

Ø လုပ်ငန်းစစ်အစီအစဉ်ရေးဆွဲခြင်း

Ø လုပ်ငန်းစစ်နယ်ပယ် (ပါဝင်ရမည့်ဧရိယာနှင့်လုပ်ငန်း)

Ø လုပ်ငန်းစစ် ကြိမ်နှုန်း

Ø လုပ်ငန်းစစ်နည်းနာနိသျများ

Ø လုပ်ငန်းစစ်များ၏ အဓိကတာဝန်ဝတ္တရားများ

Ø လုပ်ငန်းစစ်အစီရင်ခံစာတင်ပြခြင်း

Ø လုပ်ငန်းစစ်တွေ့ရှိချက်များကို မှတ်တမ်းတင်ထားခြင်း

လုပ်ငန်းစစ်ဆေးခြင်းကို ကြိုတင်ကာကွယ်ခြင်းနှင့် ပြင်ဆင်ခြင်း (preventive and corrective action) တို့နှင့် ချိတ်ဆက် ထားရမည်။

 ၁၇၊ ၄။ လုပ်ငန်းစစ် ကြိမ်နှုန်းကို ရှာဖွေခြင်း

            မိမိတို့လုပ်ငန်းနှင့်လိုက်လျောညီထွေဖြစ်မည့် လုပ်ငန်းစစ်ကြိမ်နှုန်း (မည်မျှကြာလျှင် တစ်ကြိမ်လုပ်ငန်းစစ်မည်) ကိုရှာရန်အတွက် အောက်ပါအချက်များကို ထည့်သွင်းစဉ်းစားရမည်။

Ø မိမိတို့လုပ်ငန်း၏ လုပ်ငန်းသဘာဝ နှင့်ဆောင်ရွက်မှုများ

Ø လုပ်ငန်းကြောင့် သဘာဝပတ်ဝန်းကျင်ပေါ် ထိခိုက်နိုင်ခြေများ (လုပ်ငန်းမစမီကတည်းက ကြိုတင်ရှာဖွေထားရမည်)

Ø လုပ်ငန်းအစဉ်အပေါ် စောင့်ကြည့်လေ့လာမှု ရလဒ်များ

Ø ယခင်လုပ်ငန်းစစ်ဆေးခြင်းမှ တွေ့ရှိချက်များ

၁၇၊ ၅။ မည်သည့်အရာကို လုပ်ငန်းစစ်လုပ်မည်နည်းဟု ရွေးချယ်သတ်မှတ်ခြင်း

            မိမိလုပ်ငန်းခွင်အတွင်း၌ ကိရိယာများစွာ၊ စက်များစွာ၊ ကန်ထရိုက်များစွာ၊ လုပ်ငန်းများစွာရှိသည့်အနက် မည်သည့်အရာကို လုပ်ငန်းစစ်ဆေးခြင်းပြုမည်ကို မှန်ကန်စွာရွေးချယ်တတ်ဘို့ လိုပါသည်။ အောက်တွင် ရွေးချယ်ရာ၌ လိုက်နာသင့်သည့်အချက်မျာကို ဖော်ပြထားပါသည်။

Ø လုပ်ငန်းအသစ် သို့မဟုတ် စက်အသစ်၊ လုပ်ငန်းအသစ်ကို ပြောင်းသွားသလား။

Ø ဓာတုပစ္စည်းတွေအတွက် အသစ်ထွက်လာတဲ့ သတင်းအချက်အလက်တွေမှာ လူကိုအန္တရာယ်ဖြစ်စေတာတွေ ထပ်ပါလာသလား။

Ø ပြင်ပအဖွဲ့အစည်း၊ ဥပမာ - စက်ငှားရမ်းသူတွေဆီကနေ သတင်းအချက်အလက်သစ်တွေ ထပ်ရလာသလား။

Ø ပတ်ဝန်းကျင်ဆိုင်ရာကို အရင်တုံးက မစဉ်းစားပဲ အခုမှ ထည့်သွင်းစဉ်းစားသလား။

Ø လေထု၊ ရေထု၊ မြေထု ညစ်ညမ်းမှုကို စတင်အကောင်အထည်ဖော်မလား။

Ø လုပ်ငန်းစစ်ဆေးခြင်းအစီအစဉ်ကို ပြောင်းမလား။

အထက်ပါကဲ့သို့ အပြောင်းအလဲတစ်ခုခုဖြစ်သည့်အခါ ထိုအရာကို အာရုံစိုက်၍ လုပ်ငန်းစစ်သင့်သည်။ အဘယ်ကြောင့်ဆိုသော် မိမိ မသိသေးသောအချက်အလက်များစွာ ပါနေမည်ဖြစ်သဖြင့် လိုအပ်ချက်များ၊ လစ်ဟာချက်များ၊ အားနည်းချက်များ အများအပြား ရှိနိုင်သော ကြောင့် ဖြစ်သည်။

၁၇၊ ၆။ လုပ်ငန်းစစ် အစီအစဉ်

            ယေဘူယျအားဖြင့် လုပ်ငန်းစစ်အစီအစဉ်ကို သုံးပိုင်းပိုင်းခြားနိုင်သည်။

Ø လုပ်ငန်းစစ်မစတင်မီ ဆောင်ရွက်ရမည့်အချက်များ (Pre-Audit Activities)

Ø လုပ်ငန်းစစ်နေစဉ် ဆောင်ရွက်ရမည့်အချက်များ (On-Site Audit Activities)

Ø လုပ်ငန်းစစ်ပြီးသွားပြီးနောက် ဆောင်ရွက်ရမည့်အချက်များ (Post Audit Activities)

၁၇၊ ၆၊ ၁။ လုပ်ငန်းစစ် မစတင်မီ ဆောင်ရွက်ရမည့် လုပ်ငန်းများ

            လုပ်ငန်းစစ်မ၀င်မီ ပထမဦးစွာလုပ်ရမည်မှာ လုပ်ငန်းစစ်မည့် နေ့ရက်၊ အချိန်၊ နေရာ သတ်မှတ်ခြင်းဖြစ်သည်။ ဤသည်မှာ လုပ်ငန်းစစ်အဖွဲ့ဝင်များနှင့် စီမံကိန်းလုပ်ငန်းမှ စီမံခန့်ခွဲရေးအဖွဲ့တို့ ညှိနှိုင်းကာ နှစ်ဦးနှစ်ဖက် အဆင်ပြေမည့် နေ့ရက်၊ အချိန်ကို ရွေးချယ်ခြင်း ပင်ဖြစ်ပါသည်။ နေရာကိုမူ လုပ်ငန်းခွင်အတွင်းမှ စည်းဝေးခန်းမကို ရွေးချယ်ခြင်းက ပိုမိုသင့်တော်ပါသည်။

            ဤသို့ရွေးချယ်ပြီးနောက် လုပ်ငန်းစစ်အဖွဲ့ဝင်များအနေနှင့် လိုအပ်ချက်များကို ကြိုတင်ပြင်ဆင်ထားသင့်ပါသည်။ ဥပမာ - ခရီးဝေး မှ လာရမည့်သူဖြစ်ပါက သယ်ယူပို့ဆောင်ရေးအစီအစဉ်၊ နေထိုင်စားသောက်ရေး အစီအစဉ်၊ ၎င်းတို့၏ ကျန်းမာရေး စောင့်ရှောက်မှု စသည်တို့ ပါဝင်ပါသည်။ လုပ်ငန်းခွင် စီမံခန့်ခွဲရေးအဖွဲ့အနေနှင့်လည်း လုပ်ငန်းစစ်အတွက် လိုအပ်သော စာရွက်စာတမ်း၊ မှတ်တမ်းမှတ်ရာ၊ သက်သေ အထောက်အထားများ စုဆောင်းခြင်းကို ပြုလုပ်ထားရန်လိုပါသည်။ 

            ထို့နောက် မည်သည့်နေရာ၊ မည်သည့်လုပ်ငန်းများကို လုပ်ငန်းစစ်မည်၊ မည်မျှကြာမည်၊ မည်သည်တို့ ကြိုတင်ပြင်ဆင်ထားရန် လိုသည်စသည်တို့ကို လုပ်ငန်းစစ်အဖွဲ့မှ လုပ်ငန်းခွင်စီမံခန့်ခွဲရေးအဖွဲ့သို့ ကြိုတင်အကြောင်းကြားထားရပါမည်။

            လုပ်ငန်းစစ်အတွက်လိုအပ်သည်များမှာ အောက်ပါတို့ဖြစ်နိုင်ပါသည်။ သို့သော် လုပ်ငန်းစစ်မည့်သူများ အသုံးပြုမည့်နည်းများပေါ် မူတည်ကာ ကွဲပြားနိုင်သည်။

Ø လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ် လက်စွဲစာအုပ် (Safety Management System Manual)

Ø လုပ်ငန်းခွင်ကျန်းမာရေးနှင့် အန္တရာယ်ကင်းရေးမူ ၀ါဒ

Ø လုပ်ငန်းခွင် စီမံခန့်ခွဲရေးအဖွဲ့ ဖွဲ့စည်းပုံ

Ø လုပ်ငန်းခွင်ပြ မြေပုံ

Ø လုပ်ကိုင်နေသော လုပ်ငန်းအမျိုးအစားများ၊ သုံးနေသောစက်များ၊ ပါဝင်လုပ်ကိုင်နေသော လုပ်သားများ၏ သတင်းအချက်အလက်

Ø စက်များနှင့် ယာဉ်မောင်းတို့၏ လိုင်စင်များ၊ သင်တန်းဆင်းလက်မှတ်များ

Ø စက်ကိရိယာများ၏ ပြင်ဆင်ထိန်းသိမ်းမှု မှတ်တမ်းများ

Ø လုပ်ငန်းခွင် မတော်တဆမှု မှတ်တမ်းများ

Ø လုပ်ငန်းစစ်အတွင်း ပါဝင်ဆောင်ရွက်ရမည့်သူများစာရင်း (မန်နေဂျာ၊ အင်ဂျင်နီယာ၊ ကြီးကြပ်ရေးမှူး၊ အလုပ်သမားတို့၏ နာမည်စာရင်း)

၁၇၊ ၆၊ ၂။ လုပ်ငန်းစစ်နေစဉ် ဆောင်ရွက်ရမည့်အချက်များ

လုပ်ငန်းစစ် အဖွင့်စည်းဝေးပွဲ

ဤစည်းဝေးပွဲတွင် လုပ်ငန်းစစ်အဖွဲ့အား မိတ်ဆက်ရင်း လုပ်ငန်းစစ်ရခြင်းရည်ရွယ်ချက်၊ မည်သည်တို့ကို လုပ်ငန်းစစ်မည်၊ မည်သည့်နည်းများဖြင့်စစ်မည် အစရှိသည်တို့ကိုရှင်းလင်းပြောပြသည်။

ပဏာမခရီး

            ဤအဆင့်တွင် လုပ်ငန်းခွင်နှင့်ပတ်သက်သော လိုအပ်သည့် သတင်းအချက်အလက်များကို စုဆောင်းသည်။ လက်ရှိစစ်ဆေးမည့် နယ်ပယ်အပြင် လိုအပ်ပါက နောက်ထပ်စစ်မည့်နယ်ပယ်များ (ဥပမာ - ဆပ်ကန်ထရိုက်တာများ) ကို သတ်မှတ်သည်။ လုပ်ငန်းခွင်၏ အဓိက လုပ်ငန်းများ၊ စနစ်များနှင့် အကျွမ်းတ၀င်ရှိစေရန် အကျဉ်းရုံး လေ့လာသည်။ လုပ်ငန်းခွင်မှ ချမှတ်ထားသော စည်းမျဉ်းစည်းကမ်းများကို သိနားလည်နိုင်အောင် ကြိုးစားသည်။

လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်အား စစ်ဆေးခြင်း

            ရေးဆွဲကျင့်သုံးနေသော လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်သည် ပြဌာန်းထားသော ဥပဒေ၊ နည်းဥပဒေ၊ လုပ်ထုံး လုပ်နည်းများကို လိုက်နာခြင်းရှိမရှိ ဦးစွာစစ်ဆေးသည်။ ဤသို့စစ်ဆေးရာတွင် ကြိုတင်စီစဉ်ထားသော စစ်ဆေးချက်ဇယား (Checklist) ကို အသုံးပြုနိုင်သည်။ လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်၏ ကျစ်လစ်ခိုင်မာမှု၊ တိကျပြတ်သားမှုနှင့် ထိရောက်မှုတို့ကို လေ့လာ သည်။

            ရေးဆွဲထားသည့် လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်သည် ပြဌာန်းထားသည့် ဥပဒေများအတွက် လုံလောက်မှုရှိမရှိ၊ ကိုက်ညီမှုရှိမရှိ စစ်ဆေးသည်။ လုပ်ငန်းခွင်အတွင်း လုပ်ကိုင်နေမှုများသည် လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်တွင် ရေးဆွဲ ချမှတ်ထားသည်များနှင့် ကိုက်ညီခြင်းရှိမရှိ စစ်ဆေးသည်။ စစ်ဆေးတွေ့ရှိချက်ကို လုပ်ငန်းစစ်အစီရင်ခံစာတွင် ထည့်သွင်းရေးသားသည်။

မှတ်ချက်။             ။ ဆောက်လုပ်ရေးလုပ်ငန်းများအတွက် လုပ်ငန်းခွင်အန္တရာယ်ကင်းရှင်းရေး စီမံခန့်ခွဲမှုစနစ်ကိုရေးဆွဲရန် လုပ်ထုံး လုပ်နည်း၊ လုပ်ငန်းလမ်းညွှန်ရှိသည်။ CP 79 – Safety Management System for Construction Worksites ဖြစ်၏။ ဤ Code of Practice က ညွှန်ပြသည့်အတိုင်း ရေးဆွဲသည်။ ၎င်းတွင် အပိုင်း (၁၄) ပိုင်း (14 elements) ပါသည်။

သို့သော် ConSASS လုပ်ငန်းစစ် စနစ်ဖြင့် စစ်ဆေးသည့် လုပ်ငန်းခွင်အန္တရာယ်ကင်းရှင်းရေး စီမံခန့်ခွဲမှုစနစ်မှာ OSHAS  (International Occupational Health and Safety Management System) ပေါ် အခြေခံ ရေးသားထားခြင်း ဖြစ်ပါသည်။ ဤအခန်း ရှေ့ဆုံးတွင် ဖော်ပြထားခဲ့သော PDCA စက်ဝိုင်းအတိုင်း အကောင်အထည်ဖော်ခြင်းဖြစ်၏။ ၎င်းတွင် အပိုင်း (၁၇) ပိုင်း (17 elements) ပါသည်။ လုပ်ငန်းခွင်အန္တရာယ်ကင်းရှင်းရေး စီမံခန့်ခွဲမှုစနစ် (SHMS - Safety And Health Management System) မှာ လုပ်ငန်းခွင် အတွင်း အန္တရာယ်ကင်းရေးလုပ်ငန်းများ လုပ်ကိုင်ရာ၌ လိုက်နာလုပ်ဆောင်ရမည့် လက်စွဲစာအုပ် ဖြစ်၏။ CP 79 အတိုင်းရေးထားသည့် SHMS နှင့် အနည်းငယ်ကွာသည်။

           

လုပ်ငန်းစစ်အတွက် အချက်အလက်များ စုဆောင်းခြင်း

            ဤလုပ်ငန်း၏ရည်ရွယ်ချက်မှာ လုပ်ငန်းခွင်အတွင်း လက်တွေ့ချမှတ်ကျင့်သုံးနေသည့်စနစ်၏ အားသာချက်၊ အားနည်းချက်များကို ဆန်းစစ်ရန်ဖြစ်သည်။ စုဆောင်းရယူသော အချက်အလက်များသည် မိမိတို့ဆန်းစစ်သည့်လုပ်ငန်းသည် စံနှုန်းများနှင့် ကိုက်ညီကြောင်း၊ မကိုက်ညီကြောင်းကို သက်သေပြရန်အတွက် ကိုယ်စားပြုနိုင်ရမည်၊ လုံလောက်ရမည်။

            ပိုပြီး အန္တရာယ်များသည့်လုပ်ငန်းများကို ဦးစားပေး လေ့လာဆန်းစစ်ရမည်။ (ဤနေရာတွင် ပိုပြီးအန္တရာယ်များသည့်လုပ်ငန်း ဟူသည်မှာ အကြီးအကျယ်ထိခိုက်ဒဏ်ရာရစေနိုင်သော သို့မဟုတ် အသက်အန္တရာယ်ရှိသော လုပ်ငန်းကိုဆိုလိုသည်။)

            အကယ်၍ လုပ်ငန်းတစ်ခုသည် လုပ်ကိုင်ဆဲ သို့မဟုတ် မပြီးပြတ်သေးပါက ထိုလုပ်ငန်းအတွက် အချိန်အကန့်အသတ်တစ်ခု ဖြင့်သာ လုပ်ကိုင်ရမည်။

            ဤသို့အချက်အလက်စုဆောင်းရာတွင် အောက်ပါအတိုင်း စုဆောင်းပုံ၊ စုဆောင်းနည်း သုံးမျိုးရှိသည်။

၁။ စာရွက်စာတမ်းများအား လေ့လာခြင်း

၂။ လုပ်ငန်းခွင်အတွင်းမှ လူများအား လူတွေ့စစ်ဆေးခြင်း

၃။ လုပ်ငန်းခွင်အတွင်း ကွင်းဆင်းစစ်ဆေးခြင်း

၁။ စာရွက်စာတမ်းများအား လေ့လာခြင်း

            လုပ်ငန်းခွင်အတွင်း ကွင်းဆင်းစစ်ဆေးနေစဉ်ဖြစ်စေ၊ ကွင်းဆင်းမစစ်ဆေးမီဖြစ်စေ စာရွက်စာတမ်းများ လေ့လာခြင်းကို အဆင်ပြေသလို ပြုလုပ်နိုင်သည်။ များသောအားဖြင့် အခြား မည်သည့်အရာမှမလုပ်မီ စာရွက်စာတမ်းများအား ဦးစွာ စစ်ဆေးလေ့ရှိသည်။

            စစ်ဆေးရာတွင် ဥပဒေအရ ရှိထားရမည့် စာရွက်စာတမ်းများ၊ ဥပမာ ၀န်ချီစက်မောင်းသူလိုင်စင်၊ ၀န်ချီစက်လိုင်စင်၊ ၀န်ချီကိရိယာ လက်မှတ်များ၊ မဖြစ်မနေတက်ထားရမည့် သင်တန်းဆင်းလက်မှတ်များ၊ သတ်မှတ်ထားသည့်အလုပ်ကို လုပ်ကိုင်ရန် ခန့်အပ်ထားသည့် အလုပ်ခန့်စာများ စသည်တို့ကို အဓိကထား စစ်ဆေးသည်။

စစ်ဆေးရန်လိုသည့် စာရွက်စာတမ်းများ

Ø လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်လက်စွဲစာအုပ်

Ø လုပ်ငန်းခွင် ဖွဲ့စည်းပုံဇယား

Ø လုပ်ငန်းခွင်အန္တရာယ်ကင်းရေး စည်းမျဉ်းစည်းကမ်းများ

Ø သင်တန်းမှတ်တမ်းများ

Ø ထိခိုက်ဒဏ်ရာရမှု၊ မတော်တဆမှုမှတ်တမ်းများ

Ø အန္တရာယ်ကင်းစွာ အလုပ်လုပ်ရေးအစီအစဉ်များ

Ø လုပ်ငန်းခွင်အန္တရာယ်ကင်းရေး စည်းဝေးပွဲမှတ်တမ်းများ

Ø စက်ကိရိယာပြုပြင်ထိန်းသိမ်းမှု မှတ်တမ်းများ

Ø လုပ်ငန်းခွင်စစ်ဆေးမှုမှတ်တမ်းများ

Ø လုပ်ငန်းခွင်အတွင်း အသုံးပြုနေသော စက်ယန္တယားများစာရင်း၊ ကိရိယာများစာရင်း

Ø အလုပ်လုပ်ခွင့်ပြုမိန့် (Permit-To-Work)

Ø အန္တရာယ်ရှိသောပစ္စည်းများ၏ သတင်းအချက်အလက်စာစောင် (Safety Data Sheet)

Ø အရေးပေါ်အစီအမံ

Ø လုပ်ငန်းခွင် ကျန်းမာရေးအစီအမံ

Ø ယခင်ကစစ်ခဲ့သည့် လုပ်ငန်းစစ်မှတ်တမ်းများ - - - စသည်

၂။ လုပ်ငန်းခွင်အတွင်းမှ လူများအား လူတွေ့စစ်ဆေးခြင်း

            နောက်တစ်ခုမှာ လုပ်ငန်းခွင်အတွင်း လုပ်ကိုင်နေသူများအား လူတွေ့စစ်မေးခြင်း ဖြစ်သည်။ ဤသို့စစ်မေးရာတွင်လည်း မေးခွန်းများကို ကြိုတင်ပြင်ဆင်လာနိုင်သည်။ မေးခွန်းများတွင် သမားရိုးကျမေးခွန်းများနှင့် သမားရိုးကျ၊ မေးရိုးမေးစဉ်မဟုတ်သော မေးခွန်း များလည်း ပါနိုင်သည်။ ဤနည်းဖြင့် ချမှတ်ကျင့်သုံးနေသည့်စနစ်ကို လုပ်ငန်းခွင်အတွင်း လက်တွေ့လုပ်ကိုင်နေသူများ နားလည် သဘောပေါက်ခြင်းရှိမရှိ၊ စီမံခန့်ခွဲရေးအဖွဲ့၏ ရည်မှန်းချက်နှင့်မူဝါဒများကို သတိပြုမိခြင်းရှိမရှိ၊ ပြဌာန်းထားသည့် အန္တရာယ်ကင်းစွာ အလုပ်လုပ်ရေးအစီအစဉ်များအတိုင်း လိုက်နာလုပ်ကိုင်ခြင်းရှိမရှိ စသည်တို့ကို သေချာစွာ သိနိုင်သည်။ လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်လက်စွဲစာအုပ်ပါနည်းအတိုင်း လက်တွေ့လုပ်ဆောင်ခြင်း ရှိမရှိ သက်သေပြချက်တစ်ခုလည်း ဖြစ်သည်။

            လူတွေ့စစ်မေးခြင်းတွင် အောက်ပါအချက်များကို ထည့်သွင်းစဉ်းစားရမည်။

Ø အမေးခံရသူ၏ ကျွမ်းကျင်တတ်မြောက်မှု (competence of interviewee)

Ø တုံ့ပြန်ဖြေကြားမှု၏ ကျိုးကြောင်းဆီလျော်မှု (reasonableness of response)

Ø ဖြစ်နိုင်ချေရှိသော ဘက်လိုက်မှု (possible biases)

Ø မေးခွန်း၏ သင့်လျော်မှန်ကန်မှု (suibability of the question being asked)

စစ်မေးရာတွင် -

·         အလုပ်သမား

·         ကြီးကြပ်ရေးမှူး

·         မန်နေဂျာ - စသည်တို့ ပါဝင်နိုင်သည်။

ပထမဦးဆုံးမေးရမည်မှာ ၎င်းတို့၏ တာဝန်နှင့် ၀တ္တရားများဖြစ်သည်။ ၎င်းတို့အား လုပ်ငန်းခွင်၌ ချမှတ်ထားသော လုပ်ငန်းခွင် အန္တရာယ်ကင်းရှင်းရေးမူဝါဒကို သတိပြုမိခြင်းရှိမရှိ၊ ထိုမူဝါဒကို ကောင်းစွာ သဘောပေါက်ခြင်းရှိမရှိ၊ လုပ်ငန်းခွင်အန္တရာယ်ကင်းရှင်းရေး စီမံခန့်ခွဲမှုစနစ်မှ ချမှတ်ထားသော စည်းမျဉ်းစည်းကမ်းများကို လိုက်နာကျင့်သုံးခြင်းရှိမရှိ၊ မိမိတို့လုပ်ငန်းနှင့် ပတ်သက်သည့် ဥပဒေ၊ နည်းဥပဒေများအကြောင်း တီးခေါက်မိခြင်းရှိမရှိ၊ မိမိတို့လုပ်ငန်းအတွက် ရေးဆွဲထားသော အန္တရာယ်ကင်းစွာ အလုပ်လုပ်ရေး အစီအစဉ် အတိုင်း လိုက်နာလုပ်ဆောင်ခြင်း ရှိမရှိ၊ အန္တရာယ် အကဲဖြတ်ချက် (Risk Assessment) အကြောင်း သိမသိ စသည်တုိ့ကို မေးမြန်းနိုင်သည်။

အင်တာဗျူးလုပ်စဉ် ဓာတ်ပုံရိုက်ခြင်း၊ အသံသွင်းမှတ်တမ်းတင်ခြင်းများ ပြုလုပ်နိုင်သော်လည်း ၎င်းတို့၏ သဘောတူညီမှုကို ဦးစွာ ရယူရမည်။ ဖြေကြားချက်များကို သေချာစွာ မှတ်သားထားရမည်။ အလွန်ကြာမြင့်စွာ မေးမြန်းခြင်းမပြုရ။ မူလသတ်မှတ်ထားသည့် အချိန် ဘောင်အတွင်းမှသာ မေးမြန်းရမည်။ မေးခွန်းတစ်ခုတည်းကို ထပ်ခါတလဲလဲ မေးမြန်းခြင်းအား ရှောင်ကြဉ်ပါ။  

၃။ လုပ်ငန်းခွင်အတွင်း ကွင်းဆင်းစစ်ဆေးခြင်း

            လက်တွေ့ကွင်းဆင်းလေ့လာခြင်း၏ ရည်ရွယ်ချက်မှာ စာရွက်စာတမ်းများ၊ လူတွေ့မေးမြန်းခြင်းများမှရသော အချက်အလက်များ နှင့် လက်တွေ့လုပ်ငန်းခွင်၌ လုပ်ကိုင်နေသည်တို့ ကိုက်ညီမှုရှိမရှိ သေချာအောင် ထပ်မံသက်သေထူခြင်းဖြစ်သည်။ တစ်နည်းအားဖြင့်လည်း အထောက်အထားများကို လုပ်ငန်းခွင်အတွင်းမှ လက်တွေ့လိုက်လံစုဆောင်းခြင်းဖြစ်သည်။ အထောက်အထား ယူရာတွင် စိတ်အချရဆုံး နည်းတစ်ခုဖြစ်၏။ လိုက်လံစစ်ဆေးရာတွင် အရေးကြီးသော (ဥပမာ - ဥပဒေအရ ပြဌာန်းထားသည့် မဖြစ်မနေ လိုက်နာရမည့် အချက်များ၊ အသက်အန္တရာယ်နှင့် တိုက်ရိုက်ပတ်သက်နေသည့် လုပ်ငန်းများ) ကို ဦးစားပေး စစ်ဆေးရပါမည်။ သို့သော် လက်တွေ့စစ်ဆေးရသည့် အချိန်မှာ အကန့်အသတ်ရှိလေရာ လုပ်ငန်းခွင်အတွင်း မြင်နေရသော လုပ်ပုံကိုင်နည်းများသည် စနစ်ကြီးတစ်ခုလုံးကို ကိုယ်စားပြုရန် မလုံလောက်နိုင်ခြင်းပင် ဖြစ်ပါသည်။

            လုပ်ငန်းခွင်အတွင်း ကွင်းဆင်းစစ်ဆေးရာတွင် ဓာတ်ပုံမှတ်တမ်း၊ ဗီဒီယိုမှတ်တမ်း၊ စာရွက်စာတမ်း အထောက်အထား (ဥပမာ - အမြင့်၌ အလုပ်လုပ်ခွင့် ပါမစ် - Permit To Work for Working At Height)  စသည်တို့ ရယူနိုင်သည်။ လက်တွေ့ကွင်းဆင်း မစစ်ဆေးမီ လိုအပ်သည့် ပစ္စည်း ကိရိယာများ စုံလင်အောင် စုဆောင်း ပြင်ဆင်ထားရမည်။ ထိုပစ္စည်းများတွင် အောက်ပါတို့ ပါဝင်နိုင်သည်။

Ø လုပ်ငန်းခွင်အတွင်းသွားရာတွင် ၀တ်ဆင်ရန်လိုအပ်မည့် တစ်ကိုယ်ရည်ကာကွယ်ရေး ပစ္စည်းများ (PPE)

Ø စစ်ဆေးချက်စာရင်းဇယား (Checklist)

Ø မှတ်စုစာအုပ်၊ ဘောပင်၊ ခဲတံ (Auditor’s Notes)

Ø ကင်မရာ၊ ဗီဒီယိုကင်မရာ

Ø အခြားပစ္စည်းများ (ဥပမာ - ပေကြိုး၊ လက်နှိပ်ဓာတ်မီး၊ ဆူညံသံတိုင်းမီတာစသည်)

ကွင်းဆင်းစစ်ဆေးရာတွင် မိမိဦးတည်စစ်ဆေးမည့်အရာကို သိရမည်။ (ဥပမာ - အမြင့်တွင်အလုပ်လုပ်ခြင်း) အောက်ပါတို့သည် ကွင်းဆင်းစစ်ဆေးရာတွင် ဦးစားပေးရမည့် အရာများ၊ အာရုံစူးစိုက် စစ်ဆေးရန် လိုသော နယ်ပယ်များဖြစ်၏။

Ø အမြင့်မှပြုတ်ကျခြင်း

Ø အမြင့်မှကျလာသည့်ပစ္စည်းနှင့် ထိခိုက်မိခြင်း

Ø မြေတူးခြင်းနှင့်ဆက်နွယ်နေသည့် အန္တရာယ်များ

Ø အန္တရာယ်ရှိသော သို့မဟုတ် အဆိပ်အတောက်ပစ္စည်းများနှင့် ထိတွေ့လုပ်ကိုင်နေရခြင်း

Ø လျှပ်စစ်အန္တရာယ်

Ø စက်များ၊ အလုပ်ရုံများနှင့် ဆက်နွယ်နေသော အန္တရာယ်များ

Ø လိုဏ်ခေါင်း၊ ကတုတ်ကျင်းများအတွင်း အလုပ်လုပ်ခြင်း (Confined Space Works)

Ø မီး သို့မဟုတ် ပေါက်ကွဲစေတတ်သော ပစ္စည်းများ၏ အန္တရာယ်

လေ့လာတွေ့ရှိချက်များသည် ပြည့်စုံလုံလောက်မှုရှိရမည်။ တွေ့ရှိချက်များကို သတ်မှတ်ထားသောစံများအပေါ်မူတည်၍ လေ့လာ သုံးသပ်ရမည်။

စစ်ဆေးချက်စာရင်းဇယား (Audit Checklist) ကို နောက်ဆက်တွဲ (-) တွင် ဖော်ပြထားပါသည်။

၎။ လုပ်ငန်းစစ် အပိတ်စည်းဝေးပွဲ (Exit Meeting)

            လုပ်ငန်းစစ်ဆေးစဉ်အတွင်း မိမိတို့တွေ့ရှိချက်များကို ရှင်းလင်းတင်ပြရန်၊ လုပ်ငန်းစစ်အစီရင်ခံစာကို မည်သည့်နေ့ရက်တွင် တင်ပြနိုင်မည်ဖြစ်ကြောင်း အသိပေးရန်၊ လုပ်ငန်းစစ်တစ်လျှောက်လုံး အကူအညီပေးခဲ့ခြင်းအတွက် လုပ်ငန်းခွင်မှ လူအားလုံးကို ကျေးဇူး တင်ပါကြောင်း ပြောကြားရန်၊ မရှင်းလင်းသည်များရှိပါက ထပ်မံရှင်းပြရန်တို့အတွက် လုပ်ငန်းစစ် အပိတ်စည်းဝေးပွဲကို လုပ်ရသည်။

၅ ။ ပြန်လည်သုံးသပ်ချက် (Evaluation)

            လုပ်ငန်းစစ်ခြင်းမှ တွေ့ရှိချက်များကို ပြန်လည်အကဲဖြတ် သုံးသပ်ရန်လိုပါသည်။ တွေ့ရှိချက်များထဲမှ -

v အဆိုးဆုံးအခြေအနေ

v ဘာတွေမှားနိုင်သလဲ

v လုပ်ငန်းစစ်ရာမှာ ဘာတွေ မေ့ကျန်ခဲ့သလဲ - စသည်တို့ကို ဆန်းစစ်ရပါမည်။

မှန်ကန်သည့်လူကို မေးမြန်းခြင်း၊ မှန်ကန်သည့် စက်ကိရိယာကို ရွေးချယ်နိုင်ခြင်းဖြင့် မိမိတို့၏ စစ်ဆေးတွေ့ရှိချက်များကို ပိုမိုခိုင်မာစေသည်။ မိမိတို့စစ်ဆေးနေစဉ်အတွင်း လုပ်ကိုင်မနေသော အခြားလုပ်ငန်း ရှိသေးသလားဟုလည်း စုံစမ်းရမည်။ စစ်ဆေးတွေ့ရှိ သမျှ ငယ်သည်ဖြစ်စေ၊ ကြီးသည်ဖြစ်စေ၊ အားလုံးကို အပြည့်အစုံ မှတ်တမ်းတင်ထားရမည်။  

            ယေဘူယျ စစ်ဆေးတွေ့ရှိချက်များအား လုပ်ငန်းခွင်အန္တရာယ်ကင်းရှင်းရေး စီမံခန့်ခွဲမှုစနစ်နှင့် ဆက်စပ်နိုင်ရမည်။ ထို့နောက် နည်းလမ်းများရှာဖွေလျှက် စနစ်၏ အားပျော့ချက်ကို ထောက်ပြနိုင်ရမည်။

၁၇၊ ၆၊ ၃။ လုပ်ငန်းစစ်ပြီးသွားပြီးနောက် ဆောင်ရွက်ရမည့်အချက်များ

            လုပ်ငန်းစစ်များသည် လုပ်ငန်းစစ်ခြင်းပြီးသွားပြီးနောက် မိမိတို့တွေ့ရှိချက်များကို အစီရင်ခံစာ ရေးတင်ရသည်။ အစီရင်ခံစာကို နှစ်ပတ် သို့မဟုတ် တစ်လထက်မပိုစေဘဲ လုပ်ငန်းခွင် တာဝန်ရှိသူများထံ ပေးပို့ရသည်။

ပထမဦးစွာ အစီရင်ခံစာကို အကြမ်းရေးပြီး လုပ်ငန်းခွင် တာဝန်ရှိသူများထံ ပေးပို့ကာ စစ်ဆေးခိုင်းရသည်။ လုပ်ငန်းခွင်တာဝန်ရှိသူ များက ထိုအစီရင်ခံစာကို ဖတ်ရှုပြီး လိုအပ်လျှင် ပြန်လည်ပြင်ဆင်ရန် လုပ်ငန်းစစ်များထံ ပြန်လည်ပေးပို့သည်။ နောက်ဆုံး အားလုံး အတည် ဖြစ်မှ လုပ်ငန်းစစ်များက အချောသတ် လုပ်ငန်းစစ် အစီရင်ခံစာကို ပြင်ဆင်ပေးပို့သည်။

အစီရင်ခံစာတွင် လုပ်ငန်းစစ်၌တွေ့ရှိသမျှ ကောင်းကျိုးဆိုးပြစ်တို့ကို ဖော်ပြသည်။ လုပ်ငန်းခွင်အန္တရာယ်ကင်းရေး စီမံခန့်ခွဲမှုစနစ်၏ အားနည်းချက်၊ လစ်ဟာချက်၊ ဥပဒေ၊ နည်းဥပဒေများနှင့် မကိုက်ညီသောအချက်၊ လိုအပ်ချက်များကို ထောက်ပြသည်။ ထို့နောက် မည်သည်တို့ ပြုလုပ်သင့်သည်ကို အကြံပေး (recommendation) သည်။

လုပ်ငန်းရှိ တာန်ရှိသူက ထို လုပ်ငန်းစစ်အစီရင်ခံစာပေါ်မူတည်၍ လုပ်သင့်သည်တို့ကို ပြုလုပ်ရန် လုပ်ငန်းဆောင်ရွက်ရန်ဇယား (Follow-up Action Table) ရေးဆွဲသည်။ ထိုဇယားတွင် မည်သည်တို့ကို မည်သည့်နေ့၌ မည်သူကဆောင်ရွက်ရမည်ကို ဖော်ပြထားသည်။ ပြီးရမည့်ရက်ကိုပါ ဖော်ပြထားကာ လက်တွေ့လုပ်မလုပ်လည်း စောင့်ကြည့် စစ်ဆေးနေရန် လိုပါသည်။

လုပ်ကိုင်ပြီးသွားလျှင် မည်သည့်နေ့က ပြီးကြောင်း လက်မှတ်ထိုး မှတ်တမ်းတင်ထားရမည်။ အကယ်၍ မလုပ်ရသေးလျှင် အကောင်အထည်ဖော် ဆောင်ရွက်ရန် တာဝန်ရှိသူကို သတိပေးပြောကြားရမည်။

ထိုလုပ်ကိုင်ဆောင်ရွက်မှုမှတ်တမ်းကို သေချာစွာသိမ်းဆည်းထားကာ နောက်တစ်ကြိမ် လုပ်ငန်းစစ်ဝင်သောအခါ ယခင် လုပ်ငန်းစစ်တုံးက တွေ့ရှိချက်များကို ဆောင်ရွက်ပြီးကြောင်း သက်သေပြရမည်။

ရည်ညွှန်းကိုးကားစာအုပ်စာတမ်းနှင့် အင်တာနက် website များ

၁။ Batch Chemical Manufacturing Industry – EMS Audits

၂။ WSH Graduate Certificate Course – Conduct WSH Management System Audit

၃။ Audit Checklist for Construction Site

ဆက်ပါဦးမည်။

အေးငြိမ်း

၁၉ ဒီဇင်ဘာ၊ ၂၀၁၃။ ညနေ ၅း၃၀ နာရီ

လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) (၄၇)

အခန်း (၁၆)

လုပ်ငန်းခွင် မတော်တဆမှုများအား စုံစမ်းစစ်ဆေးခြင်း (Accident Investigation)

            အလုပ်လုပ်နိုင်သူမှန်သမျှသည် လုပ်ငန်းခွင်အတွင်း၌ တစ်နေ့တာကို ကုန်ဆုံးကြရ၏။ လုပ်ငန်းခွင်ဟူသည် လူများ၊ စက်များ၊ ယာဉ်များ လှုပ်ရှားလုပ်ကိုင်နေသည့်နေရာ ဖြစ်လေရာ စနစ်တကျ စီမံမထားလျှင် အချိန်မရွေး အန္တရာယ်ကျရောက်နိုင်သည်။ ထိုအခါ လုပ်ငန်းခွင် မတော်တဆမှုများ၊ ထိခိုက်ဒဏ်ရာရမှုများကို မလွှဲသာမရှောင်သာ ကြုံကြရသည်။

            လုပ်ငန်းခွင် မတော်တဆမှု၊ ထိခိုက်ဒဏ်ရာရမှု၊ အန္တရာယ်နှင့် ပွတ်ကာသီကာ လွဲချော်မှု တစ်ခုခုဖြစ်ပါက ထိုမတော်တဆမှုများကို စုံစမ်းစစ်ဆေးရန်လိုသည်။ မည်သူသည် မည်သည့်နေ့ရက်၊ မည်သည့်အချိန်က မည်သည့်နေရာတွင် မည်သည့်ပစ္စည်းကြောင့် မည်ကဲ့သို့ ထိခိုက်ဒဏ်ရာရသည်ကို သေချာစွာ စုံစမ်းစစ်ဆေးရမည်။ ထို့နောက် မတော်တဆမှုဖြစ်ရသော အကြောင်းရင်းကိုရှာကာ နောင် ဤကဲ့သို့ ထပ်မံ မဖြစ်ပွားရလေအောင် လိုအပ်သော ကာကွယ်ရေး အစီအမံများ ပြုလုပ်ရသည်။

            စင်ကာပူတွင် လုပ်ငန်းခွင်မတော်တဆမှုများအား အစိုးရသို့သတင်းပို့ရန် Workplace Safety and Health (Incident Reporting) Regulations ဟု ဥပဒေ ပြဌာန်းထား၏။ ထိုဥပဒေအရ မတော်တဆမှုတစ်ခုသည် ဆေးခွင့် ၃ ရက်ထက်ပိုပါက သို့မဟုတ် ဆေးရုံတက်ချိန် ၂၄ နာရီထက် ကျော်ပါက MOM (Ministry of Manpower) သို့ မတော်တဆမှုဖြစ်အပြီး ၁၀ ရက်အတွင်း သတင်းပို့ရ သည်။ အကယ်၍ သတင်းပို့ရန်ပျက်ကွက်ခဲ့ပါက ပထမအကြိမ် ဒဏ်ငွေ စင်းဒေါ်လာ ၅၀၀၀၊ ဒုတိယနှင့်နောက်အကြိမ်များ ဒဏ်ငွေ စင်းဒေါ်လာ တစ်သောင်း နှင့်/သို့မဟုတ် ထောင်ဒဏ် ၆ လ ပြစ်ဒဏ်ချမှတ်နိုင်ပါသည်။

မှတ်ချက်။             ။ သတင်းပို့ရသည်မှာ လွယ်ကူပါသည်။ MOM website မှ iReport စာမျက်နှာတွင် လိုအပ်သည့် အချက်အလက်များ နှင့်တကွ မတော်တဆမှုဖြစ်သည့် ဖြစ်ပုံအသေးစိတ်ကို ဖြည့်ကာ ဓာတ်ပုံ၊ ဆေးစစ်ချက် စာရွက်စာတမ်းများနှင့် တင်ရခြင်းဖြစ်ပါသည်။

            မတော်တဆမှုသည် ဆေးခွင့် ၃ ရက်ထက်နည်းပါက သို့မဟုတ် ဆေးရုံတက်ချိန် ၂၄ နာရီထက် မကျော်ပါက မိမိတို့ ကုမ္ပဏီတွင်း ၌ပင် စစ်ဆေးကာ မှတ်တမ်းပြု သိမ်းဆည်းထားရပါသည်။ ဤမှတ်တမ်းများသည် အရေးကြီး၏။ နောင်အခါလုပ်မည့် လုပ်ငန်းများတွင် အန္တရာယ်ဆန်းစစ်ချက်များ ရေးဆွဲသည့်အခါ ထိုမှတ်တမ်းများကို ပြန်လည်ကိုးကား၍ လိုအပ်သော ကာကွယ်ရေး အစီအမံများ ရေးဆွဲပြဌာန်းရခြင်းကြောင့် ဖြစ်လေသည်။

၁၆၊ ၁။ လုပ်ငန်းခွင် မတော်တဆမှု (Accident) ဟူသည် အဘယ်နည်း

လုပ်လက်စ လုပ်ငန်းများကို ပြီးဆုံးအောင် မလုပ်နိုင်စေရန် အနှောင့်အယှက်ဖြစ်စေသော ကြိုတင်စီမံမထားသည့် ဖြစ်ရပ်တစ်ခု ဖြစ်ခဲ့လျှင် (ထိုဖြစ်ရပ်ကြောင့် ဒဏ်ရာအနာတရဖြစ်မှု ရှိချင်ရှိမည်၊ ရှိချင်မှလည်း ရှိမည်) ထိုဖြစ်ရပ်ကို မတော်တဆမှုဟု အဓိပ္ပာယ်ဖွင့်သည်။ လုပ်ငန်းခွင်မတော်တဆမှုများကို accident (ထိခိုက်ဒဏ်ရာရမှု), incident (မတော်တဆဖြစ်မှု), near miss or dangerous occurance (ပွတ်ကာသီကာလွဲချော်မှု) ဟု ခွဲခြားထားသည်။

            မတော်တဆမှုတွင် လူ သို့မဟုတ် စက်ကိရိယာများကြောင့်ဖြစ်သော မတော်တဆမှုနှင့် သဘာဝကြောင့် ဖြစ်သော မတော်တဆမှု ဟု ခွဲခြားနိုင်သည်။ ဥပမာ - လူတစ်ဦးသည် မည်သည့်အကာအရံမှမရှိသော ကြမ်းပြင်အစွန်းတွင် မည်သည့် အကာအကွယ်မှမရှိဘဲ အလုပ်လုပ်ရာမှ ပြုတ်ကျခြင်း၊ ကျောက်စက်တိုက်နေရာမှ မျက်လုံးအတွင်း သံစ၀င်ခြင်း စသည်တို့သည် လူ သို့မဟုတ် စက်ကြောင့်ဖြစ်ပြီး မိုးရွာသဖြင့် မြေသားများနူးကာ တူးထားသော မြေကျင်းပြိုကျခြင်း၊ ငြမ်းစင်များ ပြိုလဲခြင်း စသည်တို့သည် သဘာဝကြောင့်ဖြစ်သော မတော်တဆမှု ဖြစ်၏။ 

            မတော်တဆမှုတစ်ခု မည်မျှပြင်းပြင်းထန်ထန်ဖြစ်သည် ဆိုခြင်းမှာ အကြောင်းအချက်များစွာပေါ် မူတည်နေသည်။ အလွန်ဆိုးဝါး လှသော အခြေအနေတွင် အသက်ပင် ဆုံးရှုံးနိုင်ပါသည်။ မတော်တဆမှုကို စုံစမ်းစစ်ဆေးရခြင်း၏ အဓိကရည်ရွယ်ချက်မှာ ဖြစ်ရပ်၏ အဓိက အကြောင်းရင်းကို ရှာဖွေဖော်ထုတ်၍ နောင်ထပ်မံမဖြစ်ရလေအောင် ကာကွယ်တားဆီးနိုင်မည့် နည်းလမ်းများကို ဖော်ထုတ် အသုံးချရေးပင် ဖြစ်လေသည်။ ထိုရည်ရွယ်ချက်တွင် အောက်ပါအချက်များလည်း ပါဝင်နေပေသည်။

Ø အရေးကြီးဆုံးမှာ မတော်တဆမှုဖြစ်ရခြင်း အဓိကအကြောင်းရင်းကို ရှာဖွေဖော်ထုတ်၍ နောင်ထပ်မံမဖြစ်ရလေအောင် ကာကွယ်တားဆီး နိုင်မည့် နည်းလမ်းများကို ဖော်ထုတ်အသုံးချရေး

Ø ချမှတ်ပြဌာန်းထားသော ဥပဒေကို လေးစားလိုက်နာရေး

Ø မတော်တဆမှုကြောင့် ပေးဆပ်လိုက်ရမှုများ

Ø မတော်တဆမှုဖြစ်ရခြင်းမှာ မည်သည့် လုပ်ငန်းခွင်အန္တရာယ်ကင်းရေးဆိုင်ရာ စည်းမျဉ်းစည်းကမ်းများကို မလိုက်နာသောကြောင့်နည်း

Ø မတော်တဆမှုဖြစ်သော လုပ်သား၏ အာမခံဆိုင်ရာ လုပ်ငန်းများကို အထောက်အကူဖြစ်စေရန်

မတော်တဆမှုများ စုံစမ်းစစ်ဆေးခြင်းကို မတော်တဆမှုဖြစ်ရပ် ငယ်သည်ဖြစ်စေ၊ ကြီးသည်ဖြစ်စေ၊ ဒဏ်ရာရသည်ဖြစ်စေ၊ မရသည် ဖြစ်စေ၊ ပစ္စည်းများ ပျက်စီးဆုံးရှုံးသည်ဖြစ်စေ၊ မဆုံးရှုံးသည်ဖြစ်စေ မတော်တဆမှုအားလုံးကို ပြုလုပ်ရပါမည်။

၁၆၊ ၂။ မည်သူသည် မတော်တဆမှု စုံစမ်းစစ်ဆေးခြင်းကို ပြုလုပ်ရမည်နည်း

            ယေဘူယျအားဖြင့် မတော်တဆမှုကို မည်ကဲ့သို့ စုံစမ်းစစ်ဆေးရမည်ကို သေချာကျနစွာ သိနားလည်သူ၊ မတော်တဆမှု စစ်ဆေးခြင်း၌ အတွေ့အကြုံရှိသူ၊ စစ်ဆေးခြင်းနည်းလမ်းများကို ကျွမ်းကျင်စွာ အသုံးချတတ်သူ၊ လုပ်ငန်း၏ လုပ်ပုံကိုင်နည်း သဘော၊ သဘာဝတို့ကို သိနားလည်သူက ပြုလုပ်သည်။ ဤသူသည် လုပ်ငန်းခွင်အန္တရာယ်ကင်းရှင်းရေးအရာရှိ၊ မန်နေဂျာ၊ အင်ဂျင်နီယာ စသည် ဖြစ်နိုင်သည်။

            ခက်ခဲရှုပ်ထွေးသော အမှုများ၌ မတော်တဆမှု စုံစမ်းစစ်ဆေးရေးအဖွဲ့ ဖွဲ့ကာ စစ်ဆေးနိုင်သည်။ ထိုအဖွဲ့တွင် ထိုလုပ်ငန်းကို ကြီးကြပ်သူ၊ မတော်တဆမှုဖြစ်ခဲ့သူ ကိုယ်တိုင်၊ မတော်တဆမှုကို မျက်မြင်ကိုယ်တွေ့ကြုံခဲ့ရသူ၊ အင်ဂျင်နီယာ၊ လုပ်ငန်းခွင်အန္တရာယ် ကင်းရှင်းရေးအရာရှိ၊ မန်နေဂျာ စသည်တို့ ပါဝင်နိုင်သည်။ လိုအပ်လျှင် ပြင်ပကျွမ်းကျင်သူတစ်ဦး၊ အစိုးရအရာရှိတစ်ဦး စသည်တို့ကိုပါ ဖိတ်ခေါ်နိုင်သည်။ မတော်တဆမှုဖြစ်ခဲ့သည့်လုပ်ငန်းမှ လုပ်ငန်းကြီးကြပ်သူအနေနှင့် ထိုလုပ်ငန်းအကြောင်းကို သေချာဂနစွာ သိသည့်အပြင် ထိုလုပ်ငန်းကြောင့်ဖြစ်နိုင်သည့် မတော်တဆမှု၊ မည်ကဲ့သို့ကာကွယ်နိုင်သည် စသည်တို့ကို အကြံပေးနိုင်သည်ဖြစ်ရာ စုံစမ်းစစ်ဆေးရေး အဖွဲ့တွင် မပါမဖြစ် ပါဝင်သင့်ပါသည်။

၁၆၊ ၃။ ဖြစ်ရသည့်အကြောင်းရင်းကို အဘယ်ကြောင့် ရှာဖွေဖော်ထုတ်ရသနည်း

             မတော်တဆမှုသည် လုပ်ငန်းခွင်အတွင်း အန္တရာယ်မကင်းသည့် အခြေအနေကြောင့်ဟု ယူဆရပါက ထိုအန္တရာယ်မကင်းသည့် အခြေအနေကို ဖော်ထုတ်ရန်လိုသည်။ အခြားတစ်ချက်မှာ လူကြောင့်ဖြစ်သော အန္တရာယ်မကင်းသည့် အပြုအမူကြောင့်ဟု ယူဆနိုင်သည်။ သို့ဆိုလျှင် အဘယ်ကြောင့် ထိုသူသည် အန္တရာယ်မကင်းသည့် အမှုကို ပြုဘိသနည်း ဆိုခြင်းအကြောင်းရင်းကို ရှာဖွေဖော်ထုတ်ရမည်။ ထို့ကြောင့် မတော်တဆမှုတွင် ပါဝင်ပတ်သက်နေသည့် အကြောင်းများ၊ မတော်တဆမှုကို ဖြစ်စေသော အကြောင်းခံကွင်းဆက်များအားလုံး ကို ဖြစ်နိုင်သမျှ ရှာဖွေဖော်ထုတ်ရမည်။

            အရေးကြီးသည့်အချက်တစ်ခုမှာ ထင်သာမြင်သာရှိသော မတော်တဆမှု၌ပင်လျှင် ဖြစ်ရသည့်အကြောင်းရင်းကို တစ်ချက်ထဲ မျှသာဟု ခပ်ပေါ့ပေါ့ တွေးထင်၊ ဆုံးဖြတ်တတ်ကြခြင်းပင်ဖြစ်ပါသည်။ ဥပမာအားဖြင့် - အလုပ်သမားတစ်ယောက် လက်ကို သံစူးသည့် ကိစ္စ ဆိုပါစို့။ ဤမတော်တဆမှုကို အလုပ်သမား၏ ပေါ့ဆမှုကြောင့်ဟု အလွယ်တကူ ကောက်ချက်ဆွဲတတ်ကြပါသည်။ မတော်တဆမှု စုံစမ်း စစ်ဆေးရေးကို ဤအကြောင်းပြချက်နှင့်ရပ်လိုက်ပါက ထို့ထက်ပို၍ အသိရခက်သော၊ နက်နဲသော အကြောင်းအချက်များဆီ မရောက်နိုင် တော့ပါ။ ထိုအချက်များတွင် အောက်ပါတို့ ပါဝင်နေနိုင်သည်။

Ø အလုပ်သမားဟာ စိတ်ညစ်ညူးနေသလား၊ စိတ်အနှောင့်အယှက် ဖြစ်နေသလား။

Ø အန္တရာယ်ကင်းစွာ အလုပ်လုပ်ခြင်းအစီအစဉ် (Safe Work Procedure) ကို မလိုက်နာဘူးလား။ ဘာကြောင့် မလိုက်နာသလဲ။

Ø အန္တရာယ်ကာကွယ်ရေးပစ္စည်းတွေ အဲဒီနေရာမှာရှိသလား။ မရှိဘူးဆို ဘာကြောင့်ရှိမနေရတာလဲ။

Ø အဲဒီအလုပ် လုပ်ဖို့ အလုပ်သမားကို သင်တန်းပေးထားသလား။ မပေးထားဘူးဆို ဘာကြောင့်မပေးရတာလဲ။

ထိုမေးခွန်းများ၏ အဖြေကို ရှာဖွေခြင်းဖြင့် ပိုမိုခိုင်လုံသော အကြောင်းရင်းကိုသိနိုင်ကာ အလုပ်သမား၏ ပေါ့ဆမှုကြောင့် ဖြစ်ရလျှင်ပင် အဘယ်ကြောင့် ပေ့ါဆရသည်ကို သိနိုင်ပေမည်။

၁၆၊ ၄။ လုပ်ငန်းခွင် မတော်တဆမှုများအား စုံစမ်းစစ်ဆေးခြင်း၌ မည်သည့်အဆင့်များ ပါဝင်သနည်း

Ø ခန့်အပ်ထားသောအရာရှိက မတော်တဆမှုကို သတင်းပို့ရမည်။

Ø ဒဏ်ရာရရှိသူကို ရှေးဦးသူနာပြုစုပေးခြင်းဖြင့် ရရှိလာသော ဒဏ်ရာကို ပိုဆိုးမသွားစေရန် ထိန်းထားပါ။

Ø မည်ကဲ့သို့ မတော်တဆမှုဖြစ်ကြောင်း စုံစမ်းစစ်ဆေးပါ။

Ø မတော်တဆမှုဖြစ်ရခြင်း အကြောင်းရင်းကို ရှာဖွေဖော်ထုတ်ပါ။

Ø တွေ့ရှိချက်များကို အစီရင်ခံ တင်ပြပါ။

Ø နောင်တွင် ဤမတော်တဆမှုမျိုး ထပ်မံမဖြစ်ရလေအောင် မည်ကဲ့သို့ကာကွယ်တားဆီးနိုင်ကြောင်း အစီအမံများကို ရေးဆွဲတင်ပြပါ။

Ø ပိုမိုအန္တရာယ်ကင်းသော လုပ်ငန်းခွင်တစ်ခုဖြစ်လာစေရန် ဖန်တီးပါ။

မတော်တဆမှုဖြစ်ပြီဆိုသည်နှင့် အချိန်ဆွဲမနေဘဲ ချက်ချင်း စုံစမ်းစစ်ဆေးမှုများ ပြုလုပ်ပါ။ စုံစမ်းစစ်ဆေးရာ၌ မှတ်စုစာအုပ်၊ ပေကြိုး၊ မာကာပင်၊ ခဲတံ၊ ဘောပင်၊ ကင်မရာ၊ ဓာတ်မီး စသည်တို့ လိုပါမည်။ မတော်တဆမှုဖြစ်ပွားသည့်နေရာကို ခြေရာလက်ရာမပျက် ထိန်းထားပါစေ။ သို့မှသာ မည်ကဲ့သို့ ဖြစ်သည်ကို သေသေချာချာ သိမြင်နိုင်မည် ဖြစ်ပါသည်။

၁၆၊ ၅။ မတော်တဆမှုဖြစ်ရခြင်း အကြောင်းရင်းအနေနှင့် မည်သည်တို့ကို ကြည့်ရမည်နည်း

            မတော်တဆမှုဖြစ်ရခြင်း အကြောင်းရင်းများကို အောက်ဖော်ပြပါပုံအတိုင်း task (အလုပ်), material (ပစ္စည်း), environment (ပတ်ဝန်းကျင်), personnel (လူ) နှင့် management (စီမံခန့်ခွဲမှု) ဟု အုပ်စု ၅ ခု ခွဲနိုင်သည်။

ထိုအုပ်စုငါးခုထဲမှ မတော်တဆမှုဖြစ်ရခြင်း အကြောင်းများကို ရှာရန် ဖြစ်သည်။ ဤသည်မှာ နမူနာမျှသာဖြစ်ပြီး ပိုမိုပြည့်စုံ  ကောင်းမွန်သည့် စစ်ဆေးချက်စာရင်း (Check list) ကိုပါ ပြင်ဆင်ရန် ကြိုးစားရပါမည်။

၁၆၊ ၅၊ ၁။ အလုပ် (task)

            ယခုမတော်တဆမှုတစ်ခုဖြစ်လျှင် လက်တွေ့လုပ်ကိုင်ရမည့်နည်းလမ်း အဆင့်ဆင့်ကို ဖော်ပြပါမည်။ မတော်တဆမှု စုံစမ်း စစ်ဆေးရေးအဖွဲ့ဝင်များအနေနှင့် အောက်ပါမေးခွန်းများ၏ အဖြေကို ရှာဖွေရပါမည်။

Ø အန္တရာယ်ကင်းစွာ အလုပ်လုပ်ခြင်းအစီအစဉ် (Safe Work Procedure) ကို လိုက်နာရဲ့လား။

Ø လုပ်ရိုးလုပ်စဉ်အတိုင်းလုပ်ရင် အန္တရာယ်များတဲ့အတွက် အန္တရာယ်ပိုနည်းတဲ့ အခြေအနေရောက်အောင် ပြောင်းလဲထားရဲ့လား။

Ø သင့်တော်တဲ့ ကိရိယာတွေ၊ ပစ္စည်းတွေ ရနိုင်ရဲ့လား။

Ø အဲဒီ သင့်တော်တဲ့ ကိရိယာတွေ၊ ပစ္စည်းတွေကို အသုံးပြုရဲ့လား။

Ø အန္တရာယ်ကာကွယ်ရေးပစ္စည်းတွေ ကောင်းကောင်း အလုပ်လုပ်ရဲ့လား။

Ø လိုတို (LOTO – Lock Out Tag Out) ကို လိုအပ်တိုင်း အသုံးပြုရဲ့လား။

မှတ်ချက်။             ။ လိုတို (LOTO – Lock Out Tag Out) အကြောင်း အထက်တွင် ဖော်ပြခဲ့ပြီး ဖြစ်ပါသည်။

၁၆၊ ၅၊ ၂။ ပစ္စည်း (material)

            မတော်တဆမှုသည် ပစ္စည်းကြောင့်လား၊ စက်ကိရိယာကြောင့်လား ဆိုသည်ကို ရှာဖွေရန် မတော်တဆမှု စုံစမ်းစစ်ဆေးရေး အဖွဲ့ဝင်များအနေနှင့် အောက်ပါမေးခွန်းများ၏ အဖြေကို ရှာဖွေရပါမည်။

Ø မတော်တဆမှုဟာ စက်ပျက်လို့ဖြစ်တာလား။

Ø ဘာကြောင့် စက်ပျက်ရတာလဲ။

Ø စက်ဟာ အလုပ်လုပ်ဖို့လို့ သေသေချာချာ ဒီဇိုင်းဆွဲထားတာ ဟုတ်ရဲ့လား။

Ø အန္တရာယ်မကင်းတဲ့ပစ္စည်းတွေ ပါနေသလား။

Ø အဲဒီ အန္တရာယ်ရှိတဲ့ပစ္စည်းတွေကို မြင်ရအောင် သေသေချာချာ ပြထားရဲ့လား။

Ø အဲဒီ အန္တရာယ်ရှိတဲ့ပစ္စည်းတွေကို ပိုပြီး အန္တရာယ်နည်းတဲ့ ပစ္စည်းတွေနဲ့ အစားထိုးလို့မရဘူးလား။

Ø ကုန်ကြမ်းတွေဟာ အရည်အသွေးမမီတဲ့ ပစ္စည်းတွေဖြစ်နေသလား။

Ø အဲဒီအလုပ်လုပ်ရင် တစ်ကိုယ်ရည်ကာကွယ်ရေး အသုံးအဆောင်ပစ္စည်းတွေကို ၀တ်ဆင်ဘို့ လိုသလား။

Ø လိုတယ်ဆိုရင် သင့်တော်တဲ့ တစ်ကိုယ်ရည်ကာကွယ်ရေး အသုံးအဆောင်ပစ္စည်းတွေကို ၀တ်ဆင်ရဲ့လား။

Ø တစ်ကိုယ်ရည်ကာကွယ်ရေး အသုံးအဆောင်ပစ္စည်းတွေကို ဘယ်လိုစနစ်တကျ ၀တ်ရမယ်ဆိုတာ သင်တန်းပေးထားရဲ့လား။

            ထို့ပြင် အဘယ်ကြောင့် ထိုကဲ့သို့ဖြစ်နေရသနည်းဆိုသည့် အကြောင်းကိုပါ ရှာဖွေစုံစမ်းပါ။

၁၆၊ ၅၊ ၃။ ပတ်ဝန်းကျင် (environment)

            ပတ်ဝန်းကျင်ကြောင့်လည်း မတော်တဆမှုဖြစ်နိုင်ပေသည်။ အထူးသဖြင့် အလုပ်လုပ်နေကျ ပတ်ဝန်းကျင် အပြောင်းအလဲ ဖြစ်သွားသည့် အခါများတွင် ဖြစ်၏။ ထိုအခါ ထိုအလုပ်သမားသည် ပြောင်းလဲသွားသည့် ပတ်ဝန်းကျင်နှင့် လိုက်လျောညီထွေ ဖြစ်မဖြစ် စုံစမ်းစစ်ဆေးရပါမည်။ ထိုအထဲတွင် အောက်ပါမေးခွန်းတို့ ပါဝင်နိုင်ပါသည်။

Ø ရာသီဥတုအခြေအနေ ဘယ်လိုလဲ။

Ø လုပ်ငန်းခွင် သန့်ရှင်းရေးဟာ ပြဿနာတစ်ခု ဖြစ်နေသလား။

Ø ပူလွန်းနေသလား၊ ဒါမှမဟုတ် သိပ်အေးလွန်းနေသလား။

Ø အလုပ်လုပ်တဲ့နေရာဟာ သိပ်ဆူလွန်းနေသလား။

Ø အလုပ်လုပ်တဲ့နေရာဟာ အလင်းရောင် အလုံအလောက် ရရဲ့လား။

Ø အလုပ်လုပ်တဲ့နေရာမှာ အဆိပ်ငွေ့၊ ဖုန်၊ အမှုန်၊ ဓာတ်ငွေ့တွေ ရှိနေသလား။

၁၆၊ ၅၊ ၄။ လူ (personnel) 

            မတော်တဆမှုအဖြစ်အပျက်တွင် ရုပ်ပိုင်းဆိုင်ရာရော၊ စိတ်ပိုင်းဆိုင်ရာပါ ပါဝင်ပတ်သက်နေသည်ဖြစ်ရာ ဤအကြောင်းများကို စုံစမ်းဖော်ထုတ်ရမည်။ မတော်တဆမှုကို စုံစမ်းခြင်းသည် တစ်ဦးတစ်ယောက်အား အပြစ်တင်ဘို့မဟုတ်။ ၎င်း၏ စိတ်နေသဘောထား၊ အကျင့်စရိုက်စသည်တို့ကို စစ်ဆေးကြည့်ရန် လိုသည်။ များသောအားဖြင့် အချို့အချက်များကို ပုံသေယူဆ၍ရသော်လည်း အချို့မှာမူ နေ့စဉ်၊ အချိန်နှင့်အမျှ ပြောင်းလဲနေနိုင်သည်။ ဤသည်တို့တွင် အောက်ပါတို့ ပါဝင်၏။

Ø ဒီအလုပ်သမားဟာ အဲဒီအလုပ်မှာ အတွေ့အကြုံရှိသလား။

Ø သူ့ကို ဒီအလုပ်လုပ်ဖို့ သေသေချာချာ သင်တန်းပေးထားသလား။

Ø ဒီအလုပ်လုပ်ဖို့ ကိုယ်ခန္ဓာ ကြံ့ခိုင်တောင့်တင်းမှုရှိသလား။

Ø သေသေချာချာရော ကျန်းမာရေး ကောင်းရဲ့လား။

Ø အလွန်မောပန်း နွမ်းနယ်နေသလား။

Ø စိတ်ဖိစီးမှုအောက်မှာ အလုပ်လုပ်နေရတာလား။

၁၆၊ ၅၊ ၅။ စီမံခန့်ခွဲမှု (management)

            စီမံခန့်ခွဲရေးအဖွဲ့အနေနှင့် လုပ်ငန်းခွင်နှင့် အလုပ်သမားများ အန္တရာယ်ကင်းစွာ အလုပ်လုပ်နိုင်ရေးအတွက် တာဝန်အရှိဆုံး ဖြစ်သည်။  ကြီးကြပ်ရေးမှူးအစ၊ အင်ဂျင်နီယာအလယ်၊ မန်နေဂျာအဆုံး မိမိတုိ့တာဝန်ကို ကျေပွန်အောင် ထမ်းဆောင်ကြရန် လိုသည်။ စီမံခန့်ခွဲရေးညံ့ဖျင်းမှုသည် လုပ်ငန်းခွင်မတော်တဆမှုများကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ အဖြစ်များစေသည်။ မတော်တဆမှု စုံစမ်းစစ်ဆေးရာတွင် စီမံခန့်ခွဲမှုနှင့် ပတ်သက်၍ အောက်ပါမေးခွန်းတို့ကို မေးနိုင်သည်။

Ø အန္တရာယ်ကင်းရေးစည်းမျဉ်းတွေကို အလုပ်သမားတွေကိုပြောပြထားသလား။ သူတို့ တကယ်ရောနားလည်ရဲ့လား။

Ø အန္တရာယ်ကင်းရေး ရေးဆွဲထားတဲ့အစီအစဉ်တွေရှိရဲ့လား။

Ø အဲဒါတွေကို လက်တွေ့တကယ်အသုံးချရဲ့လား။

Ø သူတို့ကို လုံလောက်တဲ့ကြီးကြပ်အုပ်ချုပ်မှု ပေးရဲ့လား။

Ø အလုပ်သမားတွေကို အဲဒီအလုပ်လုပ်ဖို့ သေသေချာချာသင်တန်းပေးထားရဲ့လား။

Ø ဖြစ်နိုင်တဲ့အန္တရာယ်တွေကို ကြိုရှာထားရဲ့လား။

Ø အဲဒီအန္တရာယ်တွေကို ကျော်လွှားဘို့ အစီအစဉ်တွေ ရေးဆွဲချမှတ်ထားရဲ့လား။

Ø အန္တရာယ်မကင်းတဲ့အခြေအနေတွေကို အန္တရာယ်ကင်းတဲ့အထိ ပြန်ပြင်ပြီးပြီလား။

Ø စက်ကိရိယာတွေကို ပုံမှန် ပြုပြင်ထိန်းသိမ်းမှုတွေ လုပ်သလား။

Ø လုပ်ငန်းခွင်အန္တရာယ်ကင်းရေး ပုံမှန်စစ်ဆေးမှုတွေ လုပ်ရဲ့လား။

အထက်ပါအချက်များမှာ လုပ်ငန်းခွင်မတော်တဆမှု အကြောင်းရင်းများကို ဖော်ထုတ်ရာတွင် အထောက်အကူပြုမည့် နမူနာ နည်းလမ်း အချို့သာဖြစ်သည်။ ဤသည်ကို မှီး၍ပိုမိုကောင်းမွန်ပြည့်စုံသော စစ်ဆေးချက်ဇယား (Checklist) များ ပြင်ဆင်နိုင်သည်။

၁၆၊ ၆။ အချက်အလက်တွေကို ဘယ်လိုစုဆောင်းမလဲ

            မတော်တဆမှုကို စုံစမ်းစစ်ဆေးခြင်းမှာ ရှင်းလင်းလွယ်ကူပါသည်။ စစ်ဆေးသူများလုပ်ရမည်မှာ သတင်းအချက်အလက်များကို စုဆောင်းခြင်း၊ ထိုအချက်အလက်များကို ဝေဘန်ဆန်းစစ်ခြင်း၊ ကောက်ချက်ချခြင်း နှင့် အကြံပေးခြင်း တို့ ဖြစ်သည်။ ဤအဆင့်များမှာ ရိုးရှင်းသော်လည်း လက်တွေ့လုပ်ဆောင်ရာတွင် အဆင့်အလိုက် မျက်စိရှမ်းကာ ကျန်ခဲ့သည့်အချက်များ ရှိနိုင်သည်။ မတော်တဆမှုကို စုံစမ်းစစ်ဆေးရာတွင် ဖွင့်ထားသောစိတ်သည် အလွန်အရေးကြီး၏။ ဘက်လိုက်တွေးဆမှု၊ အကောင်းမြင်မှုများသည် မလိုအပ်သော ကောက်ချက်များကို ဖြစ်စေသည်။ အချက်အလက်မှန်များကို ဖော်ထုတ်ရေး၌ ရေလိုက်လွဲတတ်သည်။ ဤသို့စုံစမ်းရာတွင် ဖြစ်နိုင်ချေရှိ သော အကြောင်းအချက်အားလုံးကို ထည့်သွင်းစဉ်းစားရမည်။ ရလာသောအကြံဉာဏ်များကို ရေးမှတ်ထားခြင်းသည် ကောင်းပင်ကောင်း သော်လည်း အချက်အလက်အားလုံး အပြည့်အစုံ မစုဆောင်းရသေးမီ ကြိုတင်ဆုံးဖြတ်ချက်ချခြင်းမျိုး မပြုသင့်ပေ။

၁၆၊ ၆၊ ၁။ ဒဏ်ရာရ လုပ်သား

            အရေးကြီးဆုံးနှင့် ချက်ချင်းလုပ်ရမည်မှာ အရေးပေါ်ကယ်ဆယ်ရေး၊ ဒဏ်ရာရလုပ်သားကို ဆေးကုသပေးရေး နှင့် အခြေအနေ    ပိုဆိုးမသွားအောင် တားဆီးထားရေးတို့ပင် ဖြစ်၏။ ဤကဲ့သို့ပြုလုပ်ရာတွင် အခြားမည်သည့်အရာကမှ အနှောက်အယှက် မပြုစေရ။ အားလုံး တည်တည်ငြိမ်ငြိမ်ဖြစ်သွားပြီဆိုမှ စုံစမ်းစစ်ဆေးမှုကို စတင်ရမည်။

            စုံစမ်းစစ်ဆေးရာတွင် ဒဏ်ရာရသူသည် အကောင်းဆုံးမျက်မြင်သက်သေဖြစ်၏။ ၎င်းသည် ဖြစ်ပုံပျက်ပုံအလုံးစုံကို အသေးစိတ် ပြောပြနိုင်လိမ့်မည်။

၁၆၊ ၆၊ ၂။ သက်သေခံပစ္စည်း

            မတော်တဆမှုဖြစ်ပြီဆိုသည်နှင့် ခြေရာလက်ရာမပျက်မီ အခင်းဖြစ်ပွားရာသို့ ချက်ချင်းသွားပြီး ဓာတ်ပုံမှတ်တမ်းများ ရယူပါ။ လိုအပ်သည့်ပစ္စည်းများ သိမ်းဆည်းပါ။ အကယ်၍ မတော်တဆမှုအား အစိုးရသို့ အကြောင်းကြားရန်လိုပါက ထိုဖြစ်ပွားသည့် နေရာကို ၀င်းခတ်၍ မည်သူမှမ၀င်နိုင်ရန် ဟန့်တားထားပါ။ မတော်တဆမှုကို စုံစမ်းစစ်ဆေးရာ၌ အခင်းဖြစ်ပွားသည့်နေရာမှ သက်သေခံ အထောက် အထားများသည် အလွန်အရေးကြီးသည်။ ၎င်းတို့ကိုကြည့်၍ မည်ကဲ့သို့ဖြစ်ပွားသည်၊ မည်သည်တို့ မှားယွင်းနေသည်၊ မည်သည့်အတွက် ဤမတော်တဆမှုဖြစ်နိုင်သည်။ မည်ကဲ့သို့ ကာကွယ်နိုင်သည် စသည်တို့ကို ဆုံးဖြတ်နိုင်သည်။

            သက်သေခံပစ္စည်းများတွင် အောက်ပါတို့ ပါဝင်နိုင်သည်။

Ø ဒဏ်ရာရသူနေခဲ့သော ကိုယ်ဟန်အနေအထား

Ø ၎င်းသုံးစွဲခဲ့သည့် ကိရိယာ၊ စက်ပစ္စည်း

Ø ၎င်းလုပ်ကိုင်ခဲ့သော ပစ္စည်း သို့မဟုတ် အန္တရာယ်ရှိသောပစ္စည်း သို့မဟုတ် ဓာတုပစ္စည်း

Ø အန္တရာယ် ကာကွယ်ရေး ကိရိယာ

Ø အဖုံးအကာများ တပ်ဆင်ထားမှု

Ø အထိန်းခလုတ်များ၏ အနေအထား

Ø စက်ပစ္စည်း၊ ကိရိယာ ချို့ယွင်းမှု

Ø လုပ်ငန်းခွင် သန့်ရှင်းရေး အခြေအနေ

Ø ရာသီဥတုအခြေအနေ

Ø အလင်းရောင်ရရှိမှု အခြေအနေ

Ø ဆူညံသံ အခြေအနေ

Ø မည်သည့်အချိန်တွင် ဖြစ်သည်

ခြေရာလက်ရာမပျက်မီ ဓာတ်ပုံမှတ်တမ်းများ ရယူထားရပါမည်။ ဓာတ်ပုံမှတ်တမ်းယူရာတွင် လုပ်ငန်းခွင်တစ်ခုလုံး ခြုံလျက် အနေအထား၊ အလုပ်လုပ်သည့်နေရာ အနီးကပ်ပုံ၊ ပစ္စည်းတစ်ခုချင်း၏ပုံ၊ မတော်တဆမှုဖြစ်ခဲ့သည့်နေရာ၊ ပစ္စည်း စသည်တို့အားလုံးကို ရယူပါ။ လိုအပ်လျှင် အတိုင်းအတာများပါ ရယူပါ။ နမူနာပစ္စည်းရနိုင်လျှင်လည်း ယူထားပါ။ ကျိုးကြေသွားသည့်ပစ္စည်းများဖြစ်လျှင် လွှင့်မပစ် ပါနှင့်။ စနစ်တကျရေးမှတ် သိမ်းဆည်းပါ။ လိုအပ်လျှင် ပုံကြမ်းဆွဲ မှတ်ထားပါ။ စက်ပစ္စည်းဖြစ်လျှင် မည်သည့်စက်အမျိုးအစားဖြစ်သည် ဆိုသည်ကိုပါ ဓာတ်ပုံရိုက်ယူထားပါ။

၁၆၊ ၆၊ ၃။ မျက်မြင်သက်သေ

            မတော်တဆမှုစုံစမ်းရေးတွင် မျက်မြင်သက်သေများလည်း အရေးကြီး၏။ ၎င်းတို့က မည်ကဲ့သို့ ဖြစ်ပျက်ခဲ့သည်ကို အသေးစိတ် ပြန်ပြောပြနိုင်ပါလိမ့်မည်။ ထိုမျက်မြင်သက်သေများသည် ဒဏ်ရာရသူနှင့်အတူ အလုပ်လုပ်နေသူများ ဖြစ်နိုင်သည်။ အတူပင် အလုပ်လုပ် မနေသော်ငြားလည်း အနီးတွင်ရှိနေကာ ထိုမတော်တဆမှုကို သေချာစွာ တွေ့မြင်လိုက်ရသူလည်း ဖြစ်နိုင်ပါသည်။ မျက်မြင်သက်သေများ၏ ထွက်ဆိုချက်များသည် မတော်တဆမှု စုံစမ်းရေးတွင် အရေးကြီးသော အခန်းကဏ္ဍမှ ပါဝင်နေပေသည်။ ၎င်းတို့ထံမှ အဘိုးတန်သော အချက်အလက်များကို ရနိုင်သည်။ အကြောင်းကား ထိခိုက်ဒဏ်ရာရမှုကို မျက်မြင်ကိုယ်တွေ့ တွေ့လိုက်ရသည့် ၎င်းတို့အဖို့ စိတ်လှုပ်ရှားမှု များစွာဖြင့် သူတို့ တွေ့မြင်သမျှကို မခြွင်းမချန် ရင်ဖွင့်လိုကြမည်သာ ဖြစ်လေသည်။ မည်ကဲ့သို့ ပြုပြင်လိုက်လျှင် အလားတူ မတော်တဆမှု များမှ ကာကွယ်နိုင်မည်ကို ၎င်းတို့ကပင် အကြံပေးနိုင်ပါလိမ့်ဦးမည်။

            မျက်မြင်သက်သေ တစ်ဦးထက်အများပိုရှိနေလျှင် မတော်တဆမှုဖြစ်လျှင် ဖြစ်ချင်း ၎င်းတို့ကို ခွဲခြားထားဘို့လည်း အရေးကြီးပါ သည်။ အဘယ်ကြောင့်ဆိုသော် နောက်ကျသွားလျှင် ၎င်းတို့အချင်းချင်း ဆွေးနွေးတိုင်ပင်ကာ လုပ်ဇာတ်များ ပေါ်ထွက်လာနိုင်သောကြောင့် ဖြစ်၏။ ထို့ကြောင့် လူတွေ့မေးမြန်းချင်းကို ၎င်းတို့ တစ်စုံတစ်ရာ အကြံမထုတ်နိုင်မီ မတော်တဆမှုဖြစ်ဖြစ်ချင်း ချက်ချင်းမေးရန် အရေးကြီး ပါသည်။ သို့မှသာ မှန်ကန်သော အချက်အလက်များရနိုင်မည်။

            ထို့ပြင် မျက်မြင်သက်သေများကို လူတွေ့မေးမြန်းရာတွင် တစ်ဦးချင်းစီ ခေါ်မေးပါ။ အားလုံးခေါ်ပြီး စားပွဲတစ်ဝိုင်းတည်း ထိုင်မေး ခြင်းကို ရှောင်ကြဉ်ပါ။ ဒဏ်ရာရသူနှင့် အတူလုပ်သူကို ဦးစွာမေးပြီး ကျန်သည့်သူများကို နောက်မှ မေးပါ။

            မေးမြန်းသည့်အခန်းသည် တိတ်ဆိတ်ငြိမ်သက်ပြီး အနှောက်အယှက်ကင်းသော အခန်းဖြစ်လျှင် ကောင်းပါသည်။ လူတွေ့ မေးနေစဉ် မည်သူမှ ၀င်ရောက်နှောက်ယှက်ခြင်းမပြုနိုင်ရန် အခန်းတံခါးကို ချက်ချထားပါ။ ဖြစ်နိုင်လျှင် မေးသမျှကို အသံဖမ်းထားပါ။ အသံ ဖမ်းရန် မလွယ်ကူလျှင် စာနှင့်ရေးမှတ်ထားပါ။

            အရေးကြီးသည်မှာ မျက်မြင်သက်သေအား စိတ်မပူရန်၊ ယခုမေးသမျှကို စိတ်အေးအေးထားဖြေရန်၊ မြင်လျှင် မြင်သည့်အတိုင်း အမှန်အတိုင်းပြောပြရန် အားပေးရပါမည်။ ၎င်း၏ထွက်ဆိုချက်များအပေါ် ကာကွယ်တားဆီးရေးအစီအမံများ ပြုရမည်ဖြစ်သဖြင့် ထိုသူ ပြောဆိုချက်များသည် အရေးကြီးပါသည်။

၁၆၊ ၆၊ ၄။ လူတွေ့ မေးမြန်းခြင်း

            လူတွေ့မေးခြင်းကို လိမ်မာပါးနပ်စွာ ပြုလုပ်ရန်လိုပါသည်။ မည်ကဲ့သို့ လူတွေ့မေးရမည်ဟု စနစ်များချမှတ်ထားခြင်းမရှိစေကာမူ ဆောင်ရန်၊ ရှောင်ရန်များကိုမူ သိထားရန် လိုပါသည်။ အမေးခံရသူသည် သူသိမြင်ထားသည့်အတိုင်း ပြည့်စုံမှန်ကန်စွာ ပြောပြနိုင်ရေးမှာ လူတွေ့မေးသူ၏ ကျွမ်းကျင်လိမ္မာမှုပေါ် များစွာ မူတည်နေပါသည်။

လူတွေ့မေးရာ၌ လိုက်နာရန် အချက်များ

ü  မေးမည့်သူသည် ပျာယာခတ်နေလျှင်၊ စိတ်လှုပ်ရှားနေလျှင်၊ စိုးရိမ်ကြောင့်ကြနေလျှင် ၎င်းကို ဦးစွာ တည်ငြိမ်သွားအောင် လုပ်ပါ။

ü  မတော်တဆဖြစ်ခဲ့မှုအပေါ်တွင်သာ အာရုံစိုက်မေးပါ။ မည်ကဲ့သို့ဖြစ်ပျက်ခဲ့သည်ကို ရှင်းလင်းစွာ မေးပါ။

ü  သူ့ကိုသာပြောပါစေ၊ သင်က စိတ်ဝင်စားစွာ နားထောင်ပေးပါ။ မရှင်းသည့်အချက်များကိုမူ ပြန်မေးနိုင်ပါသည်။

ü  သူပြောသမျှ ပြည့်စုံနိုင်သမျှ ပြည့်စုံအောင် မှတ်ထားပါ။ သင်မမှတ်နိုင်လျှင် ဘေးမှနေ၍ တစ်စုံတစ်ယောက်ကို လိုက်မှတ်ခိုင်းပါ။

ü  သူပြောသည့်အချက်များကို သင်မှတ်စုလိုက်ရာတွင် မှန်ကန်တိကျပါစေ။

ü  ၎င်း၏ ငုပ်လျှိုးနေသည့် ခံစားချက်များကို ပေါ်လာအောင် ဆွဲဆောင်ပါ။

ü  ဖြစ်နိုင်လျှင် သူပြောသမျှကို အသံဖမ်းထားပါ။ သို့သော် အသံဖမ်းနေကြောင်း သူ့ကိုအသိပေးထားရပါမည်။

ü  အကောင်းဘက်သို့ဦးတည်သည့် စကားများပြောလျှက် မေးမြန်းခြင်းကို အဆုံးသတ်ပါ။

လူတွေ့မေးရာ၌ ရှောင်ကြဉ်ရန် အချက်များ

Ø မျက်မြင်သက်သေကို ခြိမ်းခြောက်ခြင်း၊ အကြပ်ကိုင်ခြင်း လုံးဝမလုပ်ပါနှင့်။

Ø ၎င်းပြောနေစဉ် ကြားထဲမှ ဖြတ်မပြောပါနှင့်။ ဖြတ်မမေးပါနှင့်။

Ø ကိုယ်လိုချင်သည့် အဖြေကို လမ်းကြောင်းပေးသည့် မေးခွန်းမျိုး မမေးပါနှင့်။

Ø မိမိ၏ စိတ်လှုပ်ရှားမှုကို မပြပါနှင့်။

Ø ရုတ်တရက် ရပ်လိုက်ခြင်းမျိုး မလုပ်ပါနှင့်။

မေးရာတွင် အဖွင့်မေးခွန်းမျိုးသာ မေးပါ။ ဟုတ်တယ်၊ မဟုတ်ဘူး ဟုသာဖြေနိုင်သော မေးခွန်းမျိုးကို ရှောင်ပါ။ လက်တွေ့မေးရာတွင် မေးခွန်း ပုံစံမှာ ဖြစ်ပျက်ခဲ့သော မတော်တဆမှုအပေါ်မူတည် ကွာခြားသွားနိုင်ပါသည်။ သို့တိုင် ယေဘူယျအားဖြင့် အောက်ပါမေးခွန်းမျိုးကို မေးနိုင်ပါသည်။

Ø မတော်တဆမှုဖြစ်တုံးက မင်းဘယ်နေရာမှာရှိနေသလဲ။

Ø အဲဒီအချိန်က မင်းဘာလုပ်နေသလဲ။

Ø မင်းဘာကိုမြင်လိုက်သလဲ၊ ဘာကိုကြားလိုက်မိသလဲ။

Ø မတော်တဆမှုဖြစ်တုံးက ရာသီဥတုအခြေအနေ ဘယ်လိုရှိသလဲ။ မိုးရွာနေသလား၊ နေပူနေသလား။ ဆူညံပွက်လောရိုက်နေသလား စသည်

Ø မတော်တဆမှုဖြစ်တုံးက ဒဏ်ရာရတဲ့သူဟာ ဘာလုပ်နေသလဲ။

Ø ဒီမတော်တဆမှုဟာ ဘာကြောင့်ဖြစ်တာလို့ မင်းထင်သလဲ။

Ø ဒီလို မတော်တဆမှုမျိုး ထပ်မဖြစ်ရအောင် ဘာတွေလုပ်သင့်သလဲ။

            မတော်တဆမှုကို သင်မျက်မြင်ကိုယ်တွေ့မကြုံရလျှင် မျက်မြင်သက်သေကို မေးမြန်းခြင်းဖြင့်သာ ဖြစ်ရပ်အမှန်ကို သိနိုင်သည်။ တစ်ခါတစ်ရံတွင် ပိုမိုရှင်းလင်းစွာ နားလည်နိုင်စေရန် အခင်းဖြစ်ပွားရာသို့သွားပြီး မျက်မြင်သက်သေကို လက်တွေ့ လုပ်ပြခိုင်းနိုင်သည်။ ဤသို့လုပ်ပြခိုင်းခြင်းဖြင့်လည်း နောက်ထပ် မတော်တဆမှုတစ်ခု ထပ်မံမဖြစ်ပွားစေရန် အထူးသတိပြုပါ။

၁၆၊ ၆၊ ၅။ နောက်ခံ အချက်အလက်များ

            အချို့ လျှမ်းသွားသည့်အချက်အလက်များကို ယခင်က ရှိနှင့်ပြီးသား အချက်အလက်များတွင် ရှာဖွေနိုင်ပါသည်။ ဤအထဲတွင် လုပ်ငန်းခွင်အန္တရာယ်ကင်းရေး စည်းဝေးပွဲမှတ်တမ်းများ၊ စက်အသုံးပြုနည်းလက်စွဲများ၊ ဓာတုပစ္စည်း အချက်အလက်များ (MSDS)၊ လုပ်ငန်းခွင်စစ်ဆေးချက်မှတ်တမ်းများ၊ ယခင်က မတော်တဆမှု မှတ်တမ်းများ၊ လုပ်ငန်းခွင်အန္တရာယ်ကင်းရေး လုပ်ငန်းစစ် (Safety Audit) အစီရင်ခံစာများ၊ အန္တရာယ်ကင်းစွာ အလုပ်လုပ်နည်း အစီအစဉ်၊ အန္တရာယ်အကဲဖြတ်ဇယား စသည်တို့ ပါဝင်သည်။

၁၆၊ ၇။ မတော်တဆမှုများကို ဆန်းစစ်ခြင်းနှင့် ကောက်ချက်ဆွဲခြင်းအတွက် မည်သည့်အရာများ သိထားရမည်နည်း

            ဤအဆင့်တွင် ထိုမတော်တဆမှုမှာ အဘယ်ဖြစ်သည်၊ အဘယ်ကြောင့်ဖြစ်သည် ဆိုသည်ကို သိထားရမည်။ ထိုမှတစ်ဆင့် ဘာကြောင့်ဖြစ်ရသည်ကို စစ်ဆေးကြည့်ရမည်။ နောင် ဤမတော်တဆမှုမျိုးထပ်မံမဖြစ်ရလေအောင် စုံစမ်းစစ်ဆေးသူသည် ဤမေးခွန်းများ ၏ အဖြေကို ပြည့်စုံမှန်ကန်စွာ ဖြေတတ်ဘို့ လိုပေသည်။

Ø စုံစမ်းစစ်ဆေးမှုပြီးသွားပြီဆိုလျှင် ဘာဖြစ်ခဲ့သည်ကို တစ်ဆင့်ချင်း ချရေးပါ။

Ø ထို့နောက် မတော်တဆမှုဖြစ်ရခြင်းအကြောင်းများ၊ ဖြစ်နိုင်ချေရှိသည့်အကြောင်းများအားလုံးကို ချရေးပါ။

Ø ဤအကြောင်းအချက်များကို သက်သေပြချက်များဖြင့် ပံ့ပိုးပေးပါ။

Ø သက်သေပြချက်များသည် တိုက်ရိုက် သို့မဟုတ် သွယ်ဝိုက်၍ ဖြစ်နိုင်သည်။ မျက်မြင်သက်သေများ ဖြစ်နိုင်သည်။

Ø သက်သေပြချက်များသည် ယူဆချက်များအပေါ် အခြေခံသည်။

၁၆၊ ၈။ အဘယ်ကြောင့် အကြံပြုချက်များပေးရန် လိုသနည်း

            နောက်ဆုံးနှင့် အရေးကြီးဆုံးအချက်မှာကား ဝေဘန်အကြံပြုချက်များ ပေးရန် ဖြစ်၏။ ထိုအကြံပြုချက်များက နောက်ထပ် ဤမတော်တဆမှုမျိုးမဖြစ်စေရန် မည်သည်တို့ ပြုလုပ်ရမည်ကို သိစေသည်။ အကယ်၍သာ သင်သည် မတော်တဆမှုဖြစ်သည့် လုပ်ငန်းစဉ် တစ်ခုလုံး အစအဆုံးကျေညက်စွာ နားလည်သဘောပေါက်သူဖြစ်ပါက ဤကောက်ချက်ဆွဲရန် ခဲယဉ်းမည် မဟုတ်ပါ။ ဤအချက်များသည် လိုက်နာလုပ်ဆောင်နိုင်သည့် လက်တွေ့ကျသော အချက်များဖြစ်ရမည်။ ဤအကြံပြုချက်များသည် -

ü  တိတိကျကျရှိရမည်။

ü  အပြုသဘောဆောင်ရမည်။

ü  အကြောင်းရင်းကို တိုက်ရိုက်ဖြေရှင်းထားသည့် အချက်ဖြစ်ရမည်။

ü  အခြားပတ်သက်ဆက်နွယ်နေသည့် အချက်များကိုပါ ထောက်ပြရမည်။

၁၆၊ ၉။ အစီရင်ခံစာ ရေးသားတင်ပြခြင်း

            ဖြစ်ပွားသော မတော်တဆမှုတိုင်းအတွက် အမှုကြီးသည်ဖြစ်စေ၊ သေးငယ်သည်ဖြစ်စေ အစီရင်ခံစာ ရေးသားတင်ပြရသည်။    

မတော်တဆမှုဖြစ်ပွားသူ၊ ဖြစ်ပွားသည့်နေ့ရက်၊ အချိန်၊ နေရာ၊ မည်ကဲ့သို့ ဖြစ်ပွားသည်၊ ဒဏ်ရာရမရ၊ ခန္ဓာကိုယ် မည်သည့်အစိတ်အပိုင်း တွင် ဒဏ်ရာရသည်။ ဆေးခွင့် ဘယ်နှစ်ရက်ယူရသည်။ ဆေးရုံ ဘယ်နှစ်ရက် တက်ရသည်။ ဆေးရုံဆေးခန်းနာမည်။ မည်သည့်အရာများ ပါဝင်ပတ်သက်နေသည် စသဖြင့် အသေးစိတ် ဖော်ပြရသည်။

            ရရှိခဲ့သည့် ဒဏ်ရာ၊ ဖြစ်ပျက်ခဲ့သည့်နေရာ၊ စက်ကိရိယာ၊ လက်သုံးကိရိယာ စသည့် ဓာတ်ပုံမှတ်တမ်းများလည်း ပူးတွဲတင်ပြရ သည်။ မတော်တဆမှုဖြစ်ပွားစဉ် ထိုနေရာ၌ ရှိနေခဲ့သူ မျက်မြင်သက်သေများအား လူတွေ့စစ်ဆေးမေးမြန်းချက်များကိုလည်း မှတ်တမ်းတင် ထားရသည်။

            နောက်ဆုံးတွင် ဤမတော်တဆမှုမျိုး နောက်ထပ်မဖြစ်အောင် မည်ကဲ့သို့ အကာအကွယ်၊ အတားအဆီးများ ပြုလုပ်သင့်သည်ကို အကြံပြု တင်ပြရသည်။ ထို့နောက် စုံစမ်းစစ်ဆေးသူအရာရှိက လက်မှတ်ထိုးကာ စီမံကိန်းမန်နေဂျာထံတင်ပြပြီး စီမံကိန်းမန်နေဂျာက လိုအပ်သည့်မှတ်ချက်များပြုကာ အတည်ပြု မှတ်တမ်းတင်သည်။

အစီရင်ခံစာအတွက် စံပုံစံရှိပါသည်။ ထိုပုံစံကို နောက်ဆက်တွဲ (-) တွင် ဖော်ပြထားပါသည်။

၁၆၊ ၁၀။ မည်ကဲ့သို့ ဆက်လက်ဆောင်ရွက်ရမည်နည်း

            မတော်တဆမှုဖြစ်ပွားကြောင်း လုပ်ငန်းခွင်၌ ရှိသူအားလုံးကို ထုတ်ပြန်အကြောင်းကြားရမည်။ နံနက်ခင်း စုဝေးပွဲများတွင် လုပ်သားအားလုံးကို အသိပေးပြောကြားသည်။ အပတ်စဉ်စည်းဝေးပွဲ၊ လပတ်စည်းဝေးပွဲများတွင် ဆပ်ကန်ထရိုက်တာအားလုံးအား အသိပေးသည်။ ကြော်ငြာသင်ပုန်းတွင်ကပ်ကာ ကြေငြာရသည်။     

အစီရင်ခံစာပါ အချက်အလက်များအရ ကာကွယ်ရမည့်အစီအမံများကို သက်ဆိုင်သူများမှ ဆက်လက် အကောင်အထည်ဖော် ဆောင်ရွက်ရသည်။ မည်သည့်ရက်တွင် အပြီးဆောင်ရွက်ရမည်ကို အစီရင်ခံစာ၌ ထည့်သွင်းရေးသားထားရမည်။ မည်ကဲ့သို့လုပ်ရမည်ကို အစီရင်ခံစာတွင် အတိအကျ ရေးသားဖော်ပြထားသည်ဖြစ်၍ ထိုအတိုင်း လိုက်နာဆောင်ရွက်ရန် ဖြစ်ပါသည်။ အမှန်တကယ် လိုက်နာ ဆောင်ရွက်ခြင်းရှိမရှိကို တာဝန်ရှိသူ (ဥပမာ - လုပ်ငန်းခွင်အန္တရာယ်ကင်းရှင်းရေး အရာရှိ) က စောင့်ကြည့်စစ်ဆေးရသည်။ မလုပ်ရသေး လျှင် အမြန်အကောင်အထည်ဖော် ဆောင်ရွက်ရန် တွန်းအားပေးရသည်။

လိုအပ်လျှင် အလုပ်သမားများအား မွမ်းမံသင်တန်းများ ပေးရမည်။ ပိုမိုအန္တရာယ်ကင်းသော စက်များနှင့် လဲလှယ်ပေးရမည်။ ပိုမို အန္တရာယ်ကင်းသည့် လုပ်ငန်းခွင် ဖန်တီးပေးရမည်။ မိမိတို့ အကြံပေးချက်များသည် လက်တွေ့တွင် တကယ်ထိရောက်မှုရှိမရှိ၊ အမှန်တကယ် မတော်တဆမှုကို လျှော့ချပေးနိုင်၊ မပေးနိုင်ကိုလည်း အမြဲပြန်လည် ဆန်းစစ်နေရန်လိုသည်။  

ရည်ညွှန်းကိုးကားစာအုပ်စာတမ်းနှင့် အင်တာနက် website များ

၁။ http://www.ccohs.ca  - Accident Investigation

ဆက်ပါဦးမည်။

အေးငြိမ်း

၁၇ ဒီဇင်ဘာ၊ ၂၀၁၃။ ည ၉း၃၅ နာရီ