လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) (၄၃)

အခန်း (၁၂)

လုပ်ငန်းခွင်အန္တရာယ်ကင်းရေးအတွက် စစ်ဆေးခြင်း (Safety Inspection)

            လုပ်ငန်းခွင်အတွင်းမှ အန္တရာယ်များကို လျှော့ချဘို့ရာ အန္တရာယ်ကင်းရေး စစ်ဆေးခြင်းများသည် အလွန်အရေးကြီးပါသည်။ လုပ်ငန်းခွင် အန္တရာယ်ကင်းရေး စစ်ဆေးခြင်းများသည် အန္တရာယ်ကင်းသော လုပ်ငန်းခွင်တစ်ခုအဖြစ် ထိန်းသိမ်းထားရေး၊ အန္တရာယ် မကင်းသည့် အခြေအနေ၊ အပြုအမူများကို ထိန်းချုပ်ရေး၊ လုပ်ငန်းများ ထိရောက်စွာ လည်ပတ်နိုင်ရေးတို့အတွက် များစွာ အထောက်အကူ ပြုသည်။

            လုပ်ငန်းခွင်အန္တရာယ်စစ်ဆေးခြင်းကို အလုပ်သမားများ၊ ကြီးကြပ်ရေးမှူးများ၊ လုပ်ငန်းခွင်အန္တရာယ်ကင်းရှင်းရေး ၀န်ထမ်းများ၊ အင်ဂျင်နီယာများ၊ မန်နေဂျာများ အားလုံးလုပ်နိုင်သည်။ မိမိတို့လုပ်ကိုင်နေသည့် အနီးပတ်ဝန်းကျင်၌ မိမိတို့ကိုယ်တိုင် စစ်ဆေးရန်လိုသည်။ သို့သော် အလုပ်လုပ်နေသူများအဖို့ မိမိတို့လုပ်ငန်းကိုသာ အာရုံစိုက်နေသည်ဖြစ်ရာ တော်တန်ရုံဘေးအန္တရာယ်များကို မြင်နိုင်ရန် မလွယ်ကူ။ ထို့ပြင် ၎င်းတို့သည် အန္တရာယ်ကင်းရေး အသိပညာလည်း နည်းပါးသည့်အတွက် အန္တရာယ်ဖြစ်နိုင်ချေများကို မသုံးသပ်နိုင်။

            လုပ်ငန်းခွင်အန္တရာယ်စစ်ဆေးခြင်းကို ပြုလုပ်နိုင်ရန် စစ်ဆေးသူ၌ ထိုက်သင့်အားလျော်သည့် လုပ်ငန်းခွင်အန္တရာယ် ဗဟုသုတများ ရှိထားရန် လိုပါသည်။ သို့မှသာ အန္တရာယ်မကင်းသော အခြေအနေများကို မြင်နိုင်မည်။ ဤအခြေအနေများကို အန္တရာယ်ကင်းအောင် မည်ကဲ့သို့ ပြုလုပ်ရမည်ကို သိရှိမည်။ ဤသို့ပြုလုပ်ရာတွင် ပြဌာန်းထားသော စည်းမျဉ်းဥပဒေ၊ လုပ်ထုံးလုပ်နည်းများကို လိုက်နာရသည်။  ကျွမ်းကျင်တတ်မြောက်သော လုပ်ငန်းခွင် အန္တရာယ်ကင်းရေးအရာရှိများဖြစ်လာစေရန် သီးသန့်သင်တန်းများဖြင့် လေ့ကျင့်သင်ကြားပေးရ သည်။ ဤသင်တန်းများအကြောင်းကို အခန်း (၅) တွင် အပြည့်အစုံဖော်ပြခဲ့ပြီး ဖြစ်ပါသည်။

            လုပ်ငန်းခွင်စစ်ဆေးခြင်းကို စီမံကိန်း လုပ်ငန်းခွင်ကြီးတစ်ခုလုံး ပြုလုပ်ရန်လိုပါသည်။ မိမိလုပ်ငန်းခွင်အတွင်း၌သာမက မိမိတို့ လုပ်ငန်းခွင် ၏ ပတ်ဝန်းကျင်အခြေအနေများကိုပါ စစ်ဆေးရန်လိုပါသည်။ ဥပမာ - မိမိတို့လုပ်ငန်းခွင်မှ ဆောက်လုပ်ရေးသုံးပစ္စည်းများသည် အနီးပတ်ဝန်းကျင်ရှိ အများပြည်သူသုံး လူသွားလမ်းများပေါ် ကျနိုင်ခြင်း၊ ကျနေခြင်း ရှိမရှိ။ မိမိတို့ လုပ်ငန်းခွင် အနီးအနား၌ ဓာတ်ဆီဆိုင် ကဲ့သို့ မီးအလွယ်တကူ လောင်နိုင်သည့် အရာများရှိမရှိ စသည်။

            လုပ်ငန်းခွင်စစ်ဆေးခြင်းကို အထောက်အကူပြုစေရန် စစ်ဆေးချက်ဇယား (inspection checklist) များသုံးနိုင်ပါသည်။ စစ်ဆေးချက်ဇယားများတွင် ပုံမှန်လုပ်နေသည့် လုပ်ငန်းများအတွက် စစ်ဆေးချက်ဇယားနှင့် လုပ်ငန်းခွင်ကြီးတစ်ခုလုံးအတွက် စစ်ဆေးချက် ဇယား ဟု နှစ်မျိုးရှိသည်။ ဥပမာ အမြင့်၌အလုပ်လုပ်ခြင်းအတွက် စစ်ဆေးချက်ဇယား နှင့် လုပ်ငန်းခွင်အတွင်း၌ သွယ်တန်းထားသော လျှပ်စစ်ဝါယာကြိုးများအတွက် စစ်ဆေးချက်ဇယား စသည်။

ဤစစ်ဆေးချက်ဇယားများကို နောက်ဆက်တွဲ (-) အလုပ်လုပ်ခွင့်ပါမစ်များတွင် ကြည့်ရှုနိုင်ပါသည်။

လုပ်ငန်းခွင်အန္တရာယ်စစ်ဆေးခြင်းကို ထိရောက်စေရန် စစ်ဆေးသူများအား အခွင့်အာဏာတစ်ခုပေးထားရန် လိုသည်။ စစ်ဆေးသူများပြောသည့်အတိုင်း မလိုက်နာလျှင် သတိပေးစာထုတ်ခြင်း၊ ဒဏ်ရိုက်ခြင်းများ ပြုခွင့်ရှိရမည်။ အကယ်၍ ၎င်းတို့ကို လုပ်ပိုင်ခွင့် မပေးထားပါက အလုပ်သမားများအနေနှင့် လိုက်နာလိမ့်မည်မဟုတ်ပါ။

            လုပ်ငန်းခွင်အန္တရာယ်စစ်ဆေးခြင်းကို နေ့စဉ်စစ်ဆေးခြင်း၊ အပတ်စဉ်စစ်ဆေးခြင်း၊ လစဉ်စစ်ဆေးခြင်းနှင့် အထူးအခြေအနေများ တွင် စစ်ဆေးခြင်းဟု ခွဲခြားနိုင်သည်။

၁၂၊ ၁။ အဘယ်ကြောင့် လုပ်ငန်းခွင်စစ်ဆေးခြင်း အရေးကြီးရသနည်း

            လုပ်ငန်းခွင်အတွင်းမှ အန္တရာယ်များကို ဖော်ထုတ်ရာတွင် အထိရောက်ဆုံးနည်းလမ်းမှာ လုပ်ငန်းခွင်စစ်ဆေးခြင်းပင်ဖြစ်၏။ လုပ်ငန်းခွင်စစ်ဆေးခြင်းဖြင့် လုပ်ငန်းခွင် ထိခိုက်ရှာနာမှုများနှင့် လုပ်သားများ၏ ကျန်းမာရေးကို ကာကွယ်နိုင်သည်။

            မိမိတို့လုပ်ငန်းခွင်အတွင်းမှ လက်ရှိဖြစ်ပေါ်နေသည့် အခြေအနေများကို အစိုးရမှ သတ်မှတ်ထားသော စံနှုန်းများနှင့် ချိန်ထိုးကြည့် ပြီး မကိုက်ညီပါက ပြန်လည် ပြုပြင်ရန်လိုသည်။ ဤကဲ့သို့စစ်ဆေးနိုင်ရန်အတွက် လုပ်ငန်းခွင်အန္တရာယ်စစ်ဆေးမည့်သူသည် ပြဌာန်းထား သည့် နည်းဥပဒေနှင့် လုပ်ထုံးလုပ်နည်း၊ စံချိန်စံညွှန်းများနှင့် အကျွမ်းတ၀င်ရှိနေရန် လိုပါသည်။

လုပ်ငန်းခွင်အန္တရာယ်စစ်ဆေးခြင်းများ ပြုလုပ်ပြီးသည့်အခါ စစ်ဆေးချက်မှတ်တမ်းများ ပြင်ဆင်ရမည်။ ထိုမှတ်တမ်းများအား သက်ဆိုင်ရာ ကြီးကြပ်ရေးမှူးများသို့ မိတ္တူတစ်စောင်ပေး၍ ပြုပြင်ရမည့်အရာများကို ရှင်းလင်းပြောပြရမည်။ ၎င်းတို့တကယ် ပြင်မပြင် ဆိုသည်ကိုလည်း ထပ်ချပ်မကွာ စစ်ဆေးရန်၊ မလုပ်ပါက ချက်ချင်းလုပ်ရေး တွန်းအားပေးရန် လိုပါသည်။

လုပ်ငန်းခွင်အန္တရာယ်များကို စစ်ဆေးဖော်ထုတ်ကာ အချိန်မီ ပြုပြင်၊ အရေးယူဆောင်ရွက်ခြင်းအားဖြင့် ဖြစ်နိုင်ချေရှိသည့် ဘေးအန္တရာယ်များကို ထိန်းချုပ်လျှက် အန္တရာယ်ကင်းသော လုပ်ငန်းခွင်တစ်ခုအဖြစ် ဖန်တီးထားနိုင်မည် ဖြစ်ပေသည်။ သို့အတွက် လုပ်ငန်းခွင် စစ်ဆေးခြင်းများ သည် ဆောက်လုပ်ရေးလုပ်ငန်းခွင်များအတွက် မရှိမဖြစ် လိုအပ်ချက်တစ်ရပ်ဖြစ်လေသည်။

၁၂၊ ၂။ လုပ်ငန်းခွင်စစ်ဆေးခြင်း၏ ရည်ရွယ်ချက်ကား အဘယ်နည်း

            လုပ်ငန်းခွင်စစ်ဆေးခြင်းသည် လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးစီမံချက် (Workplace Safety and Health Management Program) ၏ အရေးကြီးသော အစိတ်အပိုင်းတစ်ခုဖြစ်သည်။ လုပ်ငန်းခွင်စစ်ဆေးခြင်းကြောင့် အောက်ပါ အကျိုးအမြတ်များရနိုင်သည်။

v လုပ်သားများနှင့် ကြီးကြပ်ရေးမှူးများ၏ လိုအပ်ချက်များကို သိမြင်နိုင်ခြင်း

v လက်ရှိလုပ်ကိုင်နေသည့် အလုပ်အပေါ် ပိုမိုသိနားလည်လာနိုင်ခြင်း

v လက်ရှိရှိနေသော ဘေးအန္တရာယ်များနှင့် ဖြစ်ပေါ်လတ္တံ့သော ဘေးအန္တရာယ်များကို ဖော်ထုတ်နိုင်ခြင်း

v ဘေးအန္တရာယ်ကိုဖြစ်စေသည့် အကြောင်းအချက်များကို ရှာဖွေတွေ့ရှိခြင်း

v ဘေးအန္တရာယ်ထိန်းချုပ်မှုစနစ်၏ ထိရောက်မှုနှင့် အကျိုးသက်ရောက်မှုကို စောင့်ကြည့်အကဲခတ်နိုင်ခြင်း

v ထိုဘေးအန္တရာယ်များကို ကာကွယ်ရမည့်၊ ထိန်းချုပ်ရမည့်နည်းလမ်းများအား အကြံပေးနိုင်ခြင်း

၁၂၊ ၃။ လုပ်ငန်းခွင်စစ်ဆေးခြင်းကို မည်ကဲ့သို့ စီမံမည်နည်း

            မည်သည့်အရာကိုလုပ်သည်ဖြစ်စေ စနစ်တကျ စီမံပြီးမှ လုပ်ခြင်းသည် အချိန်တိုအတွင်း အကျိုးသက်ရောက်မှု များများ ရစေသည်။ လုပ်ငန်းခွင်စစ်ဆေးခြင်းကို စနစ်တကျ စီမံထားပါက လက်ရှိဘေးအန္တရာယ်များနှင့် ဖြစ်နိုင်သည့်အန္တရာယ်များကို အချိန်တို အတွင်း ဖော်ထုတ်နိုင်သည်။ ထို့ကြောင့် လုပ်ငန်းခွင်စစ်ဆေးခြင်းကို အောက်ပါအတိုင်း စီမံနိုင်ပါသည်။

Ø လုပ်ငန်းခွင် စစ်ဆေးချက်ဇယားများ ပြင်ဆင်ခြင်း

Ø မိမိစစ်ဆေးမည့် ဧရိယာတွင် မည်သည့်လုပ်ငန်းများ လုပ်ကိုင်နေသည်ကို စုံစမ်းထားခြင်း

Ø ထို ဧရိယာ၊ လုပ်ငန်း၏ အန္တရာယ်အကဲဖြတ်ဇယား (Risk Assessment) မှ ဖြစ်နိုင်သော အန္တရာယ်များနှင့် ထိန်းချုပ်မည့်နည်းလမ်းများအား လေ့လာထားခြင်း

Ø အန္တရာယ်ကင်းစွာ အလုပ်လုပ်ရမည့် လုပ်ကိုင်နည်းစနစ်များ (Safe Work Procedures) အားလေ့လာထားခြင်း

Ø လိုအပ်သော မှတ်စုစာအုပ်၊ လက်နှိပ်ဓာတ်မီး၊ ပေကြိုး၊ ကင်မရာ၊ ခရာ၊ မာကာပင်၊ Potable noise meter၊ gas meter စသည်တို့ကို စုဆောင်းထားခြင်း

Ø လုပ်ငန်းခွင် စစ်ဆေးချက်မှတ်တမ်းများ (Safety Inspection Record) အား ပြင်ဆင်ထားခြင်း

၁၂၊ ၄။ မည်သည်တို့ကို စစ်ဆေးရမည်နည်း

ယေဘူယျအားဖြင့် လုပ်ငန်းခွင် ဘေးအန္တရာယ်များကိုစစ်ဆေးရာတွင် -

(၁) အန္တရာယ်မကင်းသော အခြေအနေ

(၂) အန္တရာယ်မကင်းသော အပြုအမူ နှင့်

(၃) စက်ကိရိယာများ မောင်းနှင်ခြင်း နှင့် ပုံမှန်ပြုပြင်ထိန်းသိမ်းရေး အလေ့အထများ - ဟု သုံးမျိုး ခွဲခြားနိုင်သည်။

            အန္တရာယ်မကင်းသော အခြေအနေဟူသည် ဥပမာ - ကာရံမထားသော ကြမ်းပြင်အစွန်းများ၊ ဖုံးအုပ်မထားသည့် ကြမ်းပြင် အပေါက်များ၊ သံများရှိနေသည့် ပျဉ်ပြားများ စသည်တို့ ဖြစ်ပါသည်။

            အန္တရာယ်မကင်းသည့် အပြုအမူဆိုသည်မှာ ဥပမာ - အန္တရာယ်ကင်းမျက်မှန် မတပ်ဘဲ ကျောက်စက်တိုက်နေခြင်း၊ ကိုယ်သိုင်းကြိုး မ၀တ်ဘဲ အဆောက်အဦအစွန်းများတွင် အလုပ်လုပ်နေခြင်း စသည်တို့ဖြစ်၏။

            လုပ်ငန်းခွင်အန္တရာယ်ကင်းရှင်းရေး စစ်ဆေးသူသည် ထိုအခြေအနေအားလုံးကို စစ်ဆေးရန်လိုသည်။ အန္တရာယ်မကင်းသည့် အပြုအမူများကို ထိုနေရာ၌ပင် ချက်ချင်း အရေးယူဆောင်ရွက်ရသည်။

            အန္တရာယ်မကင်းသည့်အခြေအနေတွင် ချက်ချင်းအရေးယူဆောင်ရွက်ရန်လိုသည့် အလွန်အန္တရာယ်များပြီး အရေးကြီးသည့် အခြေအနေနှင့် နောက်ပိုင်းမှ ဖြည်းဖြည်းချင်း အရေးယူဆောင်ရွက်နိုင်သည့်အခြေအနေဟု နှစ်မျိုးခွဲခြားနိုင်သည်။

            အောက်ဆီ-အက်ဆီတလင်းဓာတ်ငွေ့ဖြင့် ဖြတ်တောက်ခြင်းလုပ်ငန်းတွင် ဓာတ်ငွေ့ပိုက်အဆက်များမှ ဓာတ်ငွေ့ယိုစိမ့်နေသည်ကို တွေ့ပါက ချက်ချင်းပြုပြင်ရန်လိုသည်။ အဘယ်ကြောင့်ဆိုသော် ဓာတ်ငွေ့ယိုစိမ့်နေလျှင် ထိုအနီးတ၀ိုက်၌ ဓာတ်ငွေ့များ စုနေမည်။

ထိုဓာတ်ငွေ့များမှာ မမြင်နိုင်သည့်အတွက် တစ်စုံတစ်ယောက်က ထိုအနီးတ၀ိုက်တွင် မီးညှိခြင်း၊ ဆေးလိပ်သောက်ခြင်းများ ပြုလိုက်ပါက ကိုယ့်ကိုယ်ကို မီးရှို့သတ်သလို ဖြစ်သွားနိုင်သည်။ ဤသည့်အခြေအနေမှာ အလွန်အန္တရာယ်များလှသဖြင့် ဓာတ်ငွေ့ယိုစိမ့်မှုကို တွေ့ပါက ချက်ချင်းပြုပြင်ရန် လိုခြင်းဖြစ်သည်။

            ကြမ်းပြင်ပေါ်တွင် အမှိုက်များနှင့်ရှုပ်ပွနေခြင်းသည်လည်း အန္တရာယ်များသည်။ သို့သော် သေလောက်အောင်တော့ မဖြစ်နိုင်။ ထို့ကြောင့် ဤကိစ္စမျိုးကိုမူ ဆောင်ရွက်ရန် တစ်ရက်တန်သည်၊ နှစ်ရက်တန်သည် အချိန်တစ်ခုပေးနိုင်သည်။ သို့သော် တကယ်ဆောင်ရွက်

ခြင်းရှိမရှိကို ထပ်မံစစ်ဆေးပြီး အရေးတယူဆောင်ရွက်ခြင်းမရှိပါက သတ်မှတ်ထားသော ရက်တွင် အပြီးလုပ်ရန် ထပ်မံသတိပေးရမည်။

            နောက်တစ်ခုမှာ စက်ကိရိယာများသုံးစွဲမှုဖြစ်၏။ စက်ကိရိယာများကို မောင်းနှင်နေပုံ၊ သုံးနေပုံသည် အန္တရာယ်ကင်းမကင်း၊ သတ်မှတ်ထားသော စည်းကမ်းများနှင့် ညီမညီ ကိုစစ်ဆေးရမည်ဖြစ်သကဲ့သို့ စက်ကိရိယာများ၏ ပြုပြင်ထိန်းသိမ်းမှုကိုလည်း စစ်ဆေးရန် လိုပါသည်။

            စက်ကိရိယာများ မောင်းနှင်ခြင်းကို စစ်ဆေးရာ၌ ဥပမာအားဖြင့် လုပ်ငန်းခွင်အတွင်း၌ ဖောက်ကလစ်ကို အမြန်မောင်းခြင်း၊ လိုင်စင်မရှိဘဲ မောင်းခြင်းစသည်တို့ ပါဝင်သည်။ ထို့ပြင်ထိုဖောက်ကလစ်အား ပုံမှန်ပြုပြင်ထိန်းသိမ်းမှုလုပ်ခြင်းရှိမရှိကို စစ်ဆေးချက် မှတ်တမ်းများဖြင့် စစ်ဆေးကြည့်ရှုရန်လို၏။

            စစ်ဆေးရာ၌ မြန်မာလို ‘မ’ ငါးလုံး (မည်သူ၊ မည်သည့်အရာ၊ မည်သည့်အချိန်၊ မည်သည့်နေရာ၊ မည်ကဲ့သို့)၊ အင်္ဂလိပ်လို 4W, 1H (Who, What, When, Where, How) နည်းနှင့် စစ်ပါမည်။ မည်သူသည် မည်သည့်အရာကို မည်သည့်အချိန်က မည်သည့်နေရာတွင် မည်ကဲ့သို့ လုပ်နေသနည်း ဟူ၍ဖြစ်၏။

            လူတစ်ဦးတစ်ယောက်၏ အပြုအမူသည် ၎င်းကိုယ်တိုင်ကိုသော်လည်းကောင်း၊ အခြားသူတစ်ဦးတစ်ယောက်ကိုသော် လည်းကောင်း၊ သဘာဝပတ်ဝန်းကျင်အတွက်သော်လည်းကောင်း ဒဏ်ရာအနာတရဖြစ်စေ၊ ပျက်စီးစေနိုင်ပါက ထိုအပြုအမူကို အန္တရာယ် မကင်းသော အပြုအမူဟု ခေါ်သည်။

            လုပ်ငန်းခွင်စစ်ဆေးရာတွင် ထိုသူ၏နာမည်၊ နေရာအတိအကျ၊ အချိန်အတိအကျ၊ လုပ်ပုံကိုင်နည်းအသေးစိတ်တို့ကို စစ်ဆေး မှတ်တမ်းတင်ရပါမည်။ ထိုအမှုမျိုး နောက်ထပ်မကျူးလွန်နိုင်စေရန် သတိပေးခြင်း၊ ဒဏ်ရိုက်ခြင်းစသည်တို့ လုပ်ရပါမည်။ အလုပ်သမား တစ်ဦး ထိုအမှုကိုကျူးလွန်ခြင်းသည် ၎င်းကိုအုပ်ချုပ်သူ ကြီးကြပ်ရေးမှူးတွင်ပါ တာဝန်ရှိသဖြင့် ကြီးကြပ်ရေးမှူးကိုပါ သတိပေးခြင်း၊ ဒဏ်ရိုက်ခြင်းများ ပြုရပါမည်။ သက်သေအထောက်အထား အခိုင်အလုံပြနိုင်ရန် ထိုအလုပ်သမား၏ အပြုအမူကို ဓာတ်ပုံရိုက်၍သော် လည်းကောင်း၊ ဗီဒီယိုရိုက်၍သော်လည်းကောင်း မှတ်တမ်းတင်ထားရပါမည်။ ဓာတ်ပုံတွင် ရက်စွဲနှင့် အချိန်ကိုပါ ထည့်ထားပါ။

            ယခုခေတ်ပေါ် လက်ကိုင်ဖုံးများသည် ဓာတ်ပုံ/ဗီဒီယိုရိုက်၍ရသဖြင့် အလုပ်လုပ်ရာတွင် ပိုအဆင်ပြေစေပါသည်။

            လုပ်ငန်းခွင်မှ အန္တရာယ်များကို စစ်ဆေးရန်အတွက် အခန်း (၇) တွင် ဖော်ပြခဲ့သည့် အန္တရာယ်ကင်းစွာ အလုပ်လုပ်ရမည့် လုပ်ကိုင်နည်းစနစ်များ (Safe Work Procedures) ကို မှီငြမ်းနိုင်ပါသည်။ ထိုအန္တရာယ်ကင်းရေး နည်းနာနိသျများကို မလိုက်နာခြင်းသည် အန္တရာယ်မကင်းစွာ အလုပ်လုပ်နေခြင်းပင် ဖြစ်၏။

ပိုမိုလွယ်ကူသည်မှာ နောက်ဆက်တွဲ (-) တွင် ပြထားသော အလုပ်လုပ်ခွင့်ပါမစ်မှ စစ်ဆေးချက်ဇယားများကို ကိုင်ပြီး စစ်ဆေးခြင်းပင် ဖြစ်ပါသည်။

လုပ်ငန်းခွင် စစ်ဆေးချက်မှတ်တမ်းများ (Safety Inspection Record) ကို နောက်ဆက်တွဲ (-) တွင် ပြထားပါသည်။

၁၂၊ ၅။ လုပ်ငန်းခွင်အတွင်း၌ မည်ကဲ့သို့သော အန္တရာယ်များကို ရှာဖွေစစ်ဆေးရမည်နည်း

Ø လုပ်ငန်းခွင်အန္တရာယ်။ ဥပမာ - အကာအရံမရှိသော လည်ပတ်နေသည့် စက်အစိတ်အပိုင်းများ၊ လက်ရမ်းမရှိသော လှေခါးများ

Ø ဇီဝအန္တရာယ် - ဗိုင်းရပ်စ်၊ ဘက်တီးရီးယား၊ မှို။ ဥပမာ - အစားအသောက်အမှိုက်များကို ရက်များစွာ စွန့်မပစ်ဘဲထားခြင်း

Ø ကိုယ်အနေအထား အန္တရာယ်။ ဥပမာ - ကွန်ပြူတာစားပွဲ၌ထိုင်ကာ တစ်နေကုန် စာရိုက်နေရခြင်း

Ø ရုပ်ပိုင်းဆိုင်ရာ အန္တရာယ်။ ဥပမာ - အလွန်ဆူညံသော၊ အလွန်ပူလှသော၊ အလွန်တုန်ခါနေသော နေရာ၌ အလုပ်လုပ်နေရခြင်း  

၁၂၊ ၆။ စစ်ဆေးချက်ဇယားများ၌ မည်သည်တို့ ပါဝင်ရမည်နည်း

            အောက်ဖော်ပြပါဇယားမှာ လမ်းညွှန်ချက်တစ်ခုမျှသာဖြစ်ပြီး ပြီးပြည့်စုံသည်ဟု မမှတ်ယူပါနှင့်။ စစ်ဆေးချက်ဇယားမှာ လုပ်ငန်း တစ်ခုနှင့်တစ်ခု၊ နေရာတစ်ခုနှင့်တစ်ခုကိုလိုက်ပြီး ကွာခြားသွားနိုင်ပါသည်။

၁၂၊ ၇။ လုပ်ငန်းခွင် စစ်ဆေးမှုများကို လက်တွေ့တွင် မည်ကဲ့သို့ ပြုသနည်း

            လုပ်ငန်းခွင် စစ်ဆေးရန်သွားတော့မည်ဆိုလျှင် သင့်ကိုယ်သင် ဦးစွာ အန္တရာယ်ကင်းအောင် ပြုမူပါ။ လိုအပ်သော အန္တရာယ်ကင်း ခမောက်၊ ဘွတ်ဖိနပ်၊ မျက်မှန်၊ နားကြပ်၊ လက်အိတ် စသည်တို့ ၀တ်ဆင်သွားပါ။ ဓာတ်မီး၊ ကင်မရာ၊ မှတ်စုစာအုပ်၊ ဘောပင်၊ ခဲတံ၊ ပေကြိုး၊ ခရာ၊ မာကာပင် အားလုံးစုံအောင် ယူသွားပါ။ ကိုယ်သိုင်းကြိုးဝတ်ရန်လိုမည်ထင်လျှင် ကိုယ်သိုင်းကြိုးပါ ၀တ်သွားပါ။

            လုပ်ငန်းခွင်ရှိ အန္တရာယ်များကို စစ်ရန်အတွက် တစ်နေရာချင်းကို သေချာကျနစွာ စစ်ဆေးပါ။ အောက်ပါတို့မှာ ယေဘူယျ ကြုံတွေ့ရသည့် လုပ်ငန်းခွင် အန္တရာယ်များဖြစ်ပါသည်။ သို့သော် နမူနာမျှသာဖြစ်ပြီး လက်တွေ့တွင် ထို့ထက် ပိုများနိုင်ပါသည်။

Ø မီးကြိုးများကို ကြမ်းပြင်ပေါ်ချ သွယ်တန်းထားခြင်း

Ø ပေါက်ပြဲနေသော မီးကြိုးများကို စနစ်တကျပြင်ဆင်ခြင်းမဟုတ်ဘဲ ဖြစ်ကတတ်ဆန်း တိပ်ဖြင့်ပတ်ထားခြင်း

Ø မစစ်ဆေးရသေးသော လျှပ်စစ်သုံးကိရိယာ၊ လက်သုံးကိရိယာများကို ခိုးကြောင်ခိုးဝှက်သုံးခြင်း

Ø ပျက်စီးနေသော ပလပ်များ၊ ဆော့ကက်များ၊ extension box များကို သုံးခြင်း

Ø ကျောက်စက်ကဲ့သို့ စက်များမှ အကာအရံများကို ဖြုတ်ထားခြင်း

Ø မျက်မှန်၊ နားကြပ်စသည်တို့မ၀တ်ဆင်ဘဲ ကျောက်စက်တိုက်ခြင်း၊ ကျောက်ခွဲခြင်း

Ø ဓာတုဆေးများကိုင်တွယ်ရာတွင် လက်အိတ်၊ မျက်မှန်၊ အသက်ရှုကူကိရိယာ စသည်တို့ မ၀တ်ဆင်ခြင်း

Ø ဓာတုဆေးများကို သောက်ရေဘူးများ၊ အစားအသောက်ထည့်သည့် ဘူးခွက်များနှင့် ထည့်ခြင်း

Ø ဓာတုဆေးပုံးများနှင့် အစားအသောက်များ ရောထားခြင်း

Ø ကောင်းစွာအလုပ်မလုပ်သော စက်ကိရိယာကို သေချာစွာမပြင်ဘဲ မဖြစ်ဖြစ်အောင် ကြံဖန်သုံးခြင်း

Ø လိုင်စင်မရှိဘဲ ဖောက်ကလစ်ကဲ့သို့သော စက်များကို မောင်းနှင်ခြင်း

Ø ပွင့်နေသော ကြမ်းပြင်အစွန်းများကို ကာရံမထားခြင်း

Ø ကြမ်းပြင်အပေါက်များကို သေချာစွာ ဖုံးအုပ်၊ ကာရံမထားခြင်း

Ø လှေခါးမသုံးဘဲ ဖြတ်လမ်းသုံးပြီး တက်၊ ဆင်းခြင်း

Ø မတတ်ကျွမ်း၊ နားမလည်သူများက ငြမ်းဆင်ခြင်း

Ø ငြမ်းစင်များပေါ်တွင် ၀န်ပိုတင်ခြင်း၊ လူများစုပြုံ အလုပ်လုပ်ခြင်း

Ø ငြမ်းစင်တွင် အတက်အဆင်းလှေခါး မရှိခြင်း၊ လက်ရမ်းတန်းမရှိခြင်း

Ø မီးလောင်နိုင်သည့် ပစ္စည်းများ အနီးအနားတွင် ဂဟေဆော်ခြင်း၊

Ø ဂဟေဆော်ရာတွင် မီးခံအ၀တ်ဖြင့် ကာရံမထားခြင်း၊ မီးသတ်ဘူး ဆောင်မထားခြင်း

Ø ဂဟေမျက်မှန်မတပ်ဘဲ ဂဟေဆော်ခြင်း

Ø အပေါ်တွင် ဂဟေဆော်နေရာ၌ အောက်သို့မီးပွားများကျသည်ကို မည်သည့်အကာအကွယ်မှ ပြုလုပ်မထားခြင်း

Ø ဆူညံသောနေရာတွင် အလုပ်လုပ်နေသော်လည်း နားအဆို့၊ နားကြပ်များ မ၀တ်ဆင်ခြင်း

Ø သေချာစွာဆောက်မထားသော၊ အန္တရာယ်များသော ခုံများ၊ ပလက်ဖောင်းများ၊ ငြမ်းများပေါ်တွင် အလုပ်လုပ်ခြင်း

Ø လှေခါးများတွင် လက်ရမ်းများမရှိခြင်း

Ø အလင်းရောင် လုံလောက်စွာမရသောနေရာ၌ အလုပ်လုပ်နေခြင်း

Ø စစ်ဆေးမထားသော ခါးပတ်ကြိုး၊ ချိန်းကြိုးများဖြင့် ၀န်ချီခြင်း

Ø ချီမ,ထားသော ၀န်အောက်တွင် ရပ်နေခြင်း၊ အလုပ်လုပ်နေခြင်း

Ø ပျဉ်ပြားများတွင် သံများရှိနေသည်ကို မနှုတ်ဘဲထားခြင်း

Ø မနိုင်ဝန်ကို မ,ခြင်း၊ ၀န်ကိုမ,ရာတွင် အနေအထားမမှန်ခြင်း

Ø သွားလမ်းလာလမ်းတွင် အမှိုက်များနှင့် ရှုပ်ပွနေခြင်း

Ø ၀င်ပေါက်၊ ထွက်ပေါက်များတွင် ပစ္စည်းများနှင့် ပိတ်ဆို့နေခြင်း

၁၂၊ ၈။ လုပ်ငန်းခွင်စစ်ဆေးခြင်းအတွက်လိုအပ်သော ကိရိယာများ

လုပ်ငန်းခွင်စစ်ဆေးခြင်းအတွက် သုံးရန်ကိရိယာ များစွာရှိပါသည်။ စစ်ဆေးရန်အတွက် ရည်ညွှန်းရန် အကောင်းဆုံးစာရွက် စာတမ်းများမှာ အစိုးရမှချမှတ်ထားသော ဥပဒေ၊ နည်းဥပဒေနှင့် လုပ်ထုံးလုပ်နည်းများ ဖြစ်၏။

အောက်ပါကိရိယာများမှာ လုပ်ငန်းခွင်စစ်ဆေးရာတွင် မရှိမဖြစ် လိုအပ်သည်။

ü  ရေးဆွဲထားသော လုပ်ငန်းခွင် စစ်ဆေးရေးအစီအမံ (Written safety program)

ü  စစ်ဆေးချက်ဇယားများ (Inspection checklist)

ü  လုပ်ငန်းခွင်အန္တရာယ် ဆန်းစစ်ချက် (Risk Assessment)

ü  တစ်ကိုယ်(PPE)

ü  မှတ်စုစာအုပ် (Note book)

ü  လက်နှိပ်ဓာတ်မီး (Flash light)

ü  ပေကြိုး (Measuring Tape)

ü  ကင်မရာ (Camera)

ü  မာကာပင် (Marker Pen)

ü  ဆူညံသံတိုင်း မီတာ (Potable noise meter) (ခေတ်ပေါ် အိုင်ဖုံးများနှင့်တိုင်း၍ ရပါသည်။)

ü  ဓာတ်ငွေ့တိုင်း မီတာ (gas meter)

၁၂၊ ၉။ နေ့စဉ်၊ အပတ်စဉ်၊ လစဉ် စစ်ဆေးခြင်း (Daily, Weekly, Monthly Inspection)

            ဆောက်လုပ်ရေးလုပ်ငန်းခွင်ဟူသည် အချိန်နှင့်အမျှပြောင်းလဲနေသည်ဖြစ်ရာ အန္တရာယ်များမှာလည်း အမျိုးမျိုး ပြောင်းလဲ နေနိုင်သည်။ ယမန်နေ့က စစ်ဆေးထားသဖြင့် အန္တရာယ်ကင်းနေသည့် နေရာသည် သည်ကနေ့ အန္တရာယ်ကင်းချင်မှကင်းမည်။ ထို့ကြောင့် ဆောက်လုပ်ရေးလုပ်ငန်းခွင်၌ လုပ်ငန်းခွင်စစ်ဆေးခြင်းကို နေ့စဉ်နှင့်အမျှ အချိန်တိုင်း ပြုလုပ်နေရန် လိုပါသည်။ သို့မှသာ ပြောင်းလဲနေ သော အခြေအနေကြောင့် အသစ်အသစ်ပေါ်ထွက်လာမည့် အန္တရာယ်များကို အချိန်မီထိန်းချုပ်နိုင်မည် ဖြစ်၏။

            နေ့စဉ်စစ်ဆေးမှုများကို လုပ်ငန်းခွင်အန္တရာယ်ကင်းရှင်းရေး ကြီးကြပ်ရေးမှူးများ (Safety Supervisors) က ပြုလုပ်ရမည်။ ၎င်းတို့ အနေနှင့် လုပ်ငန်းခွင်တစ်ခုလုံးရှိ လုပ်ငန်းအားလုံး၊ လူအားလုံး၊ နေရာအားလုံးကို တစ်နေ့ထဲစစ်ဘို့ရာ ဖြစ်ချင်မှ ဖြစ်နိုင်မည်။ ထို့ကြောင့် သည်ကနေ့ မည်သည့်နေရာ၊ မည်သည့်လုပ်ငန်းများကို အဓိကထားစစ်မည်ဟု မိမိဘာသာ စီစဉ်နိုင်ပါသည်။ ဤသို့ဖြင့် တစ်နေ့လျှင် ဘယ်နှစ်နေရာ၊ လုပ်ငန်းဘယ်နှစ်ခု စသည်ဖြင့် မိမိဘာသာ ချိန်ဆ စစ်ဆေးနိုင်ပါသည်။

            သို့သော် လုပ်ငန်းခွင်တစ်ခုလုံးကို ပို၍ အသေးစိတ်ကျစွာ စစ်ဆေးနိုင်ရေးအတွက် မန်နေဂျာများ၊ အင်ဂျင်နီယာများ၊ လုပ်ငန်း ကြီးကြပ်ရေးမှူးများပါ လိုက်ပါလျှက် တစ်ပတ်လျှင်တစ်ကြိမ် သို့မဟုတ် တစ်လလျှင် တစ်ကြိမ်ကျစီ စစ်ဆေးမှုများ ပြုရပါမည်။ ထိုသို့ စစ်ဆေးရာတွင် မည်သူတို့လိုက်ပါသည်၊ မည်သည့်အချိန်က စစ်ဆေးသည်၊ မည်သည့်နေရာများကို စစ်ဆေးသည် စသဖြင့် မှတ်တမ်းယူထားရပါမည်။

            ထို့နောက် စစ်ဆေးတွေ့ရှိချက်များကို မှတ်တမ်းပြုစုကာ သက်ဆိုင်ရာ ကန်ထရိုက်တာများအား စာပို့လျှက် နောက်ဆုံးရက် သတ်မှတ်ကာ ပြုပြင်ခြင်းများ လုပ်စေရပါမည်။ သတ်မှတ်ရက်၏ နောက်တစ်နေ့တွင် ဆောင်ရွက်ထားမှုများကို ထပ်မံစစ်ဆေးရပါမည်။ မပြီးသေးလျှင် ချက်ချင်းပြုလုပ်ခိုင်းရမည်။ ပိုမိုလေးစားလာစေရန် သတိပေးစာများထုတ်ခြင်း၊ ဒဏ်ရိုက်ခြင်းများ ပြုလုပ်နိုင်ပါသည်။

            တွေ့ရှိချက်များကို ပြန်လည်ပြင်ဆင်ပြီးလျှင် ပြင်ဆင်ပြီးကြောင်း ရက်စွဲနှင့်တကွ လက်မှတ်ထိုး၊ မှတ်တမ်းယူထားရပါမည်။

၁၂၊ ၁၀။ လုပ်ငန်းခွင် စစ်ဆေးချက်များကို မှတ်တမ်းတင်ခြင်း

            လုပ်ငန်းခွင် စစ်ဆေးတွေ့ရှိချက်များကို မှတ်တမ်းပြုစုထားရပါမည်။ ထိုမှတ်တမ်းကို သက်ဆိုင်ရာ လုပ်ငန်းကြီးကြပ်သူအား မိတ္တူ ပေးပြီး လိုအပ်သော အရေးယူဆောင်ရွက်မှုပြုရန် အကြောင်းကြားရမည်။ မှတ်တမ်းကို စီမံကိန်းမန်နေဂျာသို့ တင်ပြရမည်။ ဆောင်ရွက်ပြီး မပြီးကိုလည်း ထပ်မံစစ်ဆေး၍ ဆောင်ရွက်ပြီးလျှင် ပြီးကြောင်း လက်မှတ်ရေးထိုးခိုင်းရပါမည်။ ထိုစစ်ဆေးချက်မှတ်တမ်းများကို စနစ်တကျ ဖိုင်တွဲထားရန် လိုပါသည်။

လုပ်ငန်းခွင်စစ်ဆေးချက်မှတ်တမ်းပုံစံကို နောက်ဆက်တွဲ (-) တွင် ဖော်ပြထားပါသည်။

လုပ်ငန်းခွင် စစ်ဆေးချက်နမူနာပုံစံ (၁)

လုပ်ငန်းခွင် စစ်ဆေးချက်နမူနာပုံစံ (၂)

ရည်ညွှန်းကိုးကားစာအုပ်စာတမ်းနှင့် အင်တာနက် website များ

၁။ OSHA 3071 - Job Hazard Analysis; 2002(Revised)

၂။ SAS Pte Ltd - Workplace Safety and Health Management System, Rev 3; Sep, 2013

၃။ Effective Workplace Safety Inspections Powerpoint

၎။ http://www.ccohs.ca/oshanswers/prevention/effectiv.html - Effective Workplace Inspections

၅။ http://www.safetymanagementgroup.com/ - Construction Safety Inspections

၆။ Work Safe BC, Vancouver - Safety Inspections, Feb, 2009

ဆက်ပါဦးမည်။

အေးငြိမ်း

၆ ဒီဇင်ဘာ၊ ၂၀၁၃။ ည ၁၀း၃၇ နာရီ