လူသားအရင်းအမြစ်ကို ပျိုးထောင်ယူခြင်း

(၁) အရေးကြီးလှသော ပညာရေး

နိုင်ငံတစ်ခု၏ ဖွံ့ဖြိုးတိုးတက်မှုသည် သဘာဝသယံဇာတများအပေါ် မူမတည်။ လူသားအရင်းအမြစ်အပေါ်၌သာ မူတည်နေကြောင်း စင်ကာပူနိုင်ငံက သက်သေပြနေသည်။

            လူသားအရင်းအမြစ်များ ချို့တဲ့လျှင် မည်မျှသယံဇာတများပြားနေသည်ဖြစ်စေ။ နိုင်ငံသည် ဆင်းရဲတွင်းမှ ရုန်းမထွက်နိုင် ဆိုသည်ကို သိပ်မဝေးလှသေးသော မြန်မာနိုင်ငံ၏ သမိုင်းကြောင်းက ပြောပြနေသည်။

ဤသည်ကိုကြည့်လျှင် နိုင်ငံတစ်ခုကို ထူထောင်ရာ၌ ပညာရေး မည်မျှအရေးကြီးကြောင်း သိနိုင်ပါသည်။ ဤနေရာ တွင် ကျွန်တော်တို့ သမားရိုးကျ လက်ခံယုံကြည်နေသည့် ပညာရေးဆိုသော အစွဲအလန်းကို ဖျောက်ပစ်ရန်လိုသည်။ ကျွန်တော်တို့ လူ့အသိုင်းအ၀ိုင်းကြီးတစ်ခုလုံးက လက်ခံယုံကြည်နေသည့် ‘ပညာရေး’ ဟူသည်မှာ ကျောင်းသွားတက်ပြီး ဘွဲ့လက်မှတ်တစ်ခုရရေး ဟူသော ရည်မှန်းချက်ထက် မပို။ ပညာသင်ကြားရခြင်းမှာ မိမိဘ၀ရပ်တည်ရေးအတွက် ထမင်းစား လက်မှတ်တစ်ခု ရရုံမျှသာ ဖြစ်သည်။ သည့်ထက်မပို။

ဤသည့်ရည်မှန်းချက် ရှိနေသရွေ့ကာလပတ်လုံး ကျွန်တော်တို့တိုင်းပြည်မှာ ဆင်းရဲတွင်းမှ ရုန်းထွက်နိုင်ရန် မလွယ်ကူလှသေးချေ။ ဘွဲ့လက်မှတ်တစ်ခုရရုံမျှဟူသော လွဲမှားသည့် ရည်ရွယ်ချက်ဖြင့် ကျောင်းတက်နေလျှင် တကယ် တတ်သိနားလည်သည့် ပညာတတ်များ အဘယ်ကဲ့သို့ ဖြစ်လာနိုင်ပါမည်နည်း။ ဤသည်မှာ ကျောင်းသားများဘက်က ဖြစ်၏။

သို့ဆိုလျှင် ကျောင်းများနှင့် ပညာရေးဌာနတွင်ရော၊ မည်သည့်တာဝန်ရှိပါသနည်း။ ကျောင်းများသည်လည်းကောင်း၊ ပညာရေးဌာနသည်လည်းကောင်း မိမိတာဝန်ရှိလို့သာ သင်လိုက်ရသည်၊ ကိုယ်ဘာသင်လို့ သင်လိုက်မှန်းမသိ။ မည်သည့် ရည်ရွယ်ချက်ဖြင့် ကျောင်းသားများကို စာသင်ပေးနေသည်မှန်းမသိ ဆိုလျှင်လျှင်လည်း ကျောင်းသင်ပညာရေး၏ ရည်မှန်းချက် များ လမ်းစပျောက်နေပေတော့မည်။ ဤသို့သောကျောင်းများမှ ထူးချွန်ထက်မြက်ပြီး အရည်အသွေးပြည့်ဝသော ကျောင်းသား ကျောင်းသူများ မွေးထုတ်ပေးဘို့ဆိုတာ လေထဲတိုက်အိမ်ဆောက်သော စိတ်ကူးယဉ်အိပ်မက်မျှသာ ဖြစ်နေပေလိမ့်မည်။

(၂) အမှားသိလျှင်၊ အမှန်ပြင်

            နိုင်ငံတစ်ခုကို အုပ်ချုပ်ရာတွင်လည်းကောင်း၊ စီးပွားရေးလုပ်ငန်းကြီးတစ်ခုကို စီမံခန့်ခွဲရာတွင်လည်းကောင်း၊ လူမှုရေး၊ ကယ်ဆယ်ရေး၊ ပြန်လည်နေရာချထားရေး စသည့်လုပ်ငန်းများ လုပ်ကိုင်ရာတွင်လည်းကောင်း အရည်အသွေး ပြည့်ဝသူများက ဆောင်ရွက်မှသာ အောင်မြင်သော နိုင်ငံရေး၊ စီးပွားရေး၊ လူမှုရေးများ ဖြစ်နိုင်ပေလိမ့်မည်။ ဤကဲ့သို့ နိုင်ငံရေး၊ စီးပွားရေး၊ လူမှုရေးလုပ်ငန်းများ အောင်မြင်မှသာ တိုးတက်၊ အောင်မြင်သော လူ့အဖွဲ့အစည်းတစ်ခု ဖြစ်နိုင်ပေလိမ့်မည်။

            အရည်အသွေးပြည့်ဝသူများဟူသည် ဘုရားပေးသော ဆုလာဘ်မဟုတ်။ ၎င်းတို့ကို ဖန်တီးယူ၍ရသည်။ သင်ကြား ပေး၍ ရသည်။ လေ့ကျင့်ပေးခြင်းဖြင့် မွေးမြူယူနိုင်သည်။ အရေးကြီးသည်မှာ ထို သင်ကြားနည်း၊ လေ့ကျင့်ပေးနည်းများ မှန်ကန်ရေးဖြစ်သည်။ ထို့ပြင်တ၀ နည်းလမ်းမှန်ကန်ရုံမျှဖြင့် မပြီးသေး။ စေတနာပါပါဖြင့် မလိမ်မညာဘဲ ရိုးသားစွာ အကောင် အထည်ဖော် ဆောင်ရွက်ကြရန်လည်း လိုပါသည်။

            ဤကဲ့သို့လုပ်ကိုင်ကြရာတွင် ကျွန်တော်တို့သည် အရှိကို အရှိအတိုင်းလက်ခံနိုင်ရန် အရေးကြီး၏။ မိမိ မသိလျှင်၊ မသိကြောင်း ၀န်ခံရမည်။ မှားနေလျှင် မှားနေကြောင်း ၀န်ခံရမည်။ အိပ်ချင်ယောင်ဆောင်နေသူကို အနှိုးရခက်ဘိသကဲ့သို့ မသိပါဘဲလျှက် သိချင်ယောင်ဆောင်နေသူအား အဘယ်ကဲ့သို့ သင်ကြားပြသပေးရပါမည်နည်း။ မှားမှန်းသိပါလျှက် အမှားကို ၀န်မခံလျှင် အဘယ်ကဲ့သို့ အမှန်ကို ရောက်နိုင်ပါမည်နည်း။

            သို့အတွက် ကျွန်ုပ်တို့သည် ကိုယ်မသိလျှင် မသိကြောင်း ရိုးသားစွာဝန်ခံလျှက် သိလာအောင် အားထုတ်ကြရပါမည်။ မှားနေသည့်လမ်းစဉ်ကို မမှန်ကြောင်းသိလျှင် ပြင်ရဲသည့် သတ္တိရှိဘို့လိုပါသည်။ မိမိသိသမျှကလေးနှင့် ရောင့်ရဲတင်းတိမ်နေပါ လျှင် မည်သည့်အခါမှ ထူးချွန်ထက်မြက်သူ ဖြစ်လာစရာ မရှိပါ။ သို့မို့ကြောင့် ကျွန်တော်တို့သည် မိမိမသိကြောင်း၊ မှားနေကြောင်း ပွင့်ပွင့်လင်းလင်းဝန်ခံလျှက် သိသူတတ်သူများထံ ချဉ်းကပ်မေးမြန်း၊ အကြံဉာဏ်များရယူကာ လမ်းမှန်၊ စနစ်မှန်ကို ဖော်ထုတ်ရပါမည်။

            မသိသည်ကို မသိဟု ၀န်ခံလျှင် သိဘို့ရန် လမ်းစပေါ်ပါပြီ။ ထိုအခါ သိရန်နည်းလမ်းပေါင်းစုံဖြင့် ကြိုးစားမည်။ သိသူများ ဖြစ်လာသည့်အခါ အရည်အသွေးပြည့်ဝသူ၊ ကျွမ်းကျင်တတ်မြောက်သူများ ဖြစ်လာလိမ့်မည်တည်း။ လမ်းမှားနေသူ များကလည်း မိမိတို့၏ မှားယွင်းနေသော နည်းလမ်း၊ စနစ်ကြီးကို မိုက်မဲစွာ ဖက်တွယ်မထားဘဲ အပြီးအပိုင်စွန့်လွှတ်လျက် ပိုမိုကောင်းမွန်မှန်ကန်သော နည်းစနစ်များကို ဖော်ဆောင်ရပါမည်။ တာဝန်ရှိသူများ ချပေးထားသော နည်းမှန်လမ်းမှန်အတိုင်း ကျွန်ုပ်တို့ ပြည်သူပြည်သားများသည် အပတ်တကုတ် ကြိုးစားအားထုတ်ကြမည်ဆိုပါလျှင် မြန်မာနိုင်ငံတော်ကြီးသည် ရွှေရောင်လွှမ်းသည့်ခေတ်ကို သိပ်မကြာမတင်ကာလတွင် ရောက်နိုင်ပါလိမ့်မည်ဟု ရဲရဲကြီး ပြောလိုက်ပါ၏။

(၃) သက်ကြီးပညာရေး

            ပညာရေးတွင် လူငယ်ပိုင်းပညာရေး (Pedagogy) နှင့် လူကြီးပိုင်းပညာရေး (Andragody) ဟု နှစ်ပိုင်းရှိ၏။ လူငယ်ပိုင်းပညာရေးဟူသည် မူလတန်းမှသည် ဘွဲ့ရသည်ထိ စာသင်ကျောင်းများသို့သွားကာ သင်ကြားကြရသော ပညာရေး (PET - Pre-employment Training) ဖြစ်သည်။ လူကြီးပိုင်းပညာရေးဆိုသည်မှာ လုပ်ငန်းခွင်အတွင်း ၀င်ရောက်လုပ်ကိုင် နေသူများအနေနှင့် ၎င်းတို့၏ အသိပညာ၊ အတတ်ပညာစွမ်းရည်များကို မြှင့်တင်ရန် လေ့လာသင်ယူသော ပညာရေး (CET - Coininuing Education and Training) ဖြစ်သည်။

လူငယ်ပိုင်းပညာရေးနှင့် လူကြီးပိုင်းပညာရေးတို့ကွာခြားချက်

ပညာဟူသည် သင်ယူလို့ ကုန်ခမ်းနိုင်သောအရာမဟုတ်။ စာသင်ကျောင်းများ၌ သင်ကြားပေးလိုက်သည်များမှာ တကယ့်ပညာများကို သင်ကြားနိုင်ရေးအတွက် အခြေခံမျှသာ ဖြစ်သည်။ တကယ့်ပညာဆိုသည်မှာ လူ့လောကထဲ ရောက်လာမှ လက်တွေ့သင်ကြားကြရခြင်း ဖြစ်၏။

            ကျွန်ုပ်တို့သည် မိမိအလုပ်နှင့် တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း ပတ်သက်နေသည့် ပညာရပ်များကို မပြတ်ဆည်းပူးလေ့လာနေကြရသည်။ ဤသည်ကို စဉ်ဆက်မပြတ်ပညာရေး (continuing education) ဟုလည်းကောင်း၊ ဘ၀တက္ကသိုလ် (life long learning) ဟုလည်းကောင်း ခေါ်သည်။

            အရည်အသွေးပြည့်ဝသူများဖြစ်လာစေရေး၊ အရည်အသွေးပြည့်ဝသူများ မွေးထုတ်ပေးရေးအတွက် ဘ၀တက္ကသိုလ် များသည် အလွန်အရေးကြီး၏။ နိုင်ငံကို ဖွံ့ဖြိုးတိုးတက်စေလိုသော် ဘ၀တက္ကသိုလ်များဖွင့်လျှက် လုပ်သားများ၊ ၀န်ထမ်းများ၊ အရာရှိ၊ အရာခံများအား ထူးချွန်ထက်မြက်သူများ ဖြစ်လာအောင် လေ့ကျင့်ပေးရမည်။

            ဤနေရာတွင် တစ်ခုသတိပေးလိုပါသေးသည်။ ယခင်က ကျွန်ုပ်တို့ သာယာခဲ့သော ကိန်းဂဏန်းများဖြစ်၏။ တက္ကသိုလ် ဘယ်နှစ်ကျောင်းဖွင့်လိုက်သည်။ ဒေါက်တာဘွဲ့ ဘယ်နှစ်ယောက် မွေးထုတ်ပေးလိုက်သည်။ တစ်နိုင်ငံလုံး ဘွဲ့ရမည်မျှရှိသည်ဟူသော ကိန်းဂဏန်းများဖြစ်၏။ သို့သော် ထိုဘွဲ့ရ ထောင်ပေါင်းများစွာအနက် ဘယ်နှစ်ယောက်သည် ၎င်းတို့ကိုင်ဆောင်ထားသော ဘွဲ့လက်မှတ်နှင့် လျော်ညီသည့် အရည်အချင်းရှိပါရဲ့လား ဆိုတာဆန်းစစ်မိပါရဲ့လား။ 

            ကျောင်းဘယ်နှစ်ကျောင်းဖွင့်လိုက်သည် ဆိုတာထက် ထိုကျောင်းများသည် ၎င်းတို့နာမည်ခံထားသည့် အရည်အချင်း နှင့် လျော်ညီသလား၊ အနှီတက္ကသိုလ်များမှ မှိုလိုပေါက်နေသည့် ဆရာဆရာမများသည် တကယ့်အရည်အချင်းပြည့်ဝသော၊ တကယ်တတ်သိနားလည်သော ဆရာဆရာမများ ဖြစ်သလား၊ ထိုကျောင်းများတွင် ကျောင်းနှင့် တူတူတန်တန် စာကြည့်တိုက်များ ရှိသလား၊ သင်ကြားရေး အထောက်အကူပစ္စည်းများ ရှိသလား ဆိုတာက ပိုအရေးကြီးပါသည်။

            ယခု Continuing Education Centre များ၊ Life Long Learning Centre များ ဖွင့်ပါဟု အကြံပေးလိုက်ကာမှ ၎င်းကို အခွင့်အရေးတစ်ခုအဖြစ် အသုံးချလျှက် လုပ်စားသွားကြမှာကိုလည်း စိုးရိမ်မိပါသေးသည်။ အမှန်အကန်မလုပ်ချင်ဘဲ၊ အကြံအဖန်လုပ်ချင်သည့် ကျွန်တော်တို့လူမျိုးများ၏ စိတ်ဓာတ်ကို အတော်ပြင်ယူရပါဦးမည်။ ယခု ကျွန်တော်ပြောသည့် စဉ်ဆက်မပြတ် ပညာရေးဟူသည် တကယ် တတ်သိနားလည်သည့် ပညာရှင်များ၊ လုပ်သားများ ပေါ်ထွက်လာရေးကို ဦးတည်ပါသည်။ သင်တန်းကျောင်းများဖွင့်လျှက် လူစားဖြင့်ကျောင်းတက်ခိုင်းကာ လက်မှတ်များ ဖောချင်းသောချင်း ရိုက်ထုတ်ကြမည်ဆိုလျှင်တော့ မဖွင့်ဘဲနေတာကမှ ပိုကောင်းပါလိမ့်ဦးမည်။

            လွန်ခဲ့သော ၁၃ နှစ်ခန့်က ဆယ်မိုင်ဘက်တွင်ဖွင့်ထားသော နယူးအေးရှဟူသည့် ကားမောင်းသင်တန်းတွင် ကျွန်တော် ကားမောင်းသင်တန်း သွားတက်ပါသည်။ စင်ကာပူပြန်ထွက်ရမည့်ကိစ္စရှိသဖြင့် ဆယ်ရက်အမြန်သင်တန်းဆိုတာကို ရွေးလိုက်၏။ သင်တန်းကြော်ငြာစာရွက်ထဲမတော့ ပျံလန်နေအောင် ရေးထားပါသည်။ သို့သော် ကျွန်တော် ဘာမှမတတ်ခဲ့ပါ။ စာတွေ့ဆိုတာ သင်ပေးသည်။ ရေရေရာရာ စာတွေ့မဟုတ်။

လက်တွေ့အမောင်းသင်တာကို စော်ဘွားကြီးကုန်းမှ လမ်းမကြီးတွင် သင်ပေးသည်။ ဓါတ်တိုင် နှစ်တိုင်စာလောက်ကို တစ်နေ့လျှင် အသွားအပြန် သုံးလေးခေါက်လောက် မောင်းပြသည်။ ကျွန်တော်တို့ကို မောင်းသူနေရာ ထိုင်ခိုင်းလျက် စတီယာရင်ကို ဟိုလှည့်သည်လှည့် လုပ်ခိုင်းတာကလွဲပြီး အမောင်းသင်ပေးသူကောင်လေးက သူ့ဟာသူ မောင်းပြသွားတာ ဖြစ်ပါသည်။ တစ်ခါတစ်ရံ ကားပျက်သည့်အခါတွင်မူ ကားတွန်းပြီးပြန်လာရ၏။

ကျွန်တော်တို့က ကားကို ကိုယ်တိုင်မောင်းချင်သည်။ သူက မောင်းခွင့်မပေး။ တစ်ခုခုဖြစ်မှာ ကြောက်နေသည်။ ဆီကုန်မှာလည်း စိုးသေးသည်။ သို့အတွက် ထို (နယူးအေးရှ) သင်တန်းတွင် တက်ခဲ့သော ဆယ်ရက် ကားမောင်းသင်တန်းမှာ ပိုက်ဆံကုန်၊ အချိန်ကုန်တာကလွဲ၍ ကျွန်တော်တို့အတွက် ဘာအကျိုးအမြတ်မှ မရခဲ့ပါ။

            ၎င်းတို့ပိုက်ဆံရရေးတစ်ခုတည်းကြည့်ကာ ပိုက်ဆံအကုန်ခံ၊ အချိန်ကုန်ခံ လာတက်သူသင်တန်းသားများအား အနည်းငယ်မှထည့်မတွက်သော သည်ကဲ့သို့သင်တန်းကျောင်းများမှာ မြန်မာနိုင်ငံထူထောင်ရေးအတွက် မလိုလားအပ်သော၊ အလျင်အမြန်ရှင်းပစ်ရမည့် အမှိုက်များသာ ဖြစ်ပါသည်။

           

(၄) အရည်အသွေး ပြည့်ဝသူ (Competent Person)

            နိုင်ငံတစ်ခုကို ထူထောင်ရာ၌ အရည်အသွေးပြည့်ဝသူများ လိုအပ်ကြောင်း ပြောခဲ့ပြီ။ သို့ဆိုလျှင် အဘယ်ကဲ့သို့သော လူမျိုးကို အရည်အသွေး ပြည့်ဝသူ (Competent Person) ဟု ခေါ်သနည်း။

            Competent Person ၏ အရည်အသွေးကို အင်္ဂလိပ်လို ASK ဟု အတိုကောက်မှတ်နိုင်ပါသည်။

•                   A မှာ (Attitude) သို့မဟုတ် (Ability) ဖြစ်၏။ စိတ်နေသဘောထား၊ လုပ်လိုသည့်စေတနာ သို့မဟုတ်     
•                      စွမ်းဆောင်နိုင်စွမ်း ဖြစ်သည်။ 
• S မှာ (Skill) ဖြစ်ပြီး မိမိလုပ်ငန်းနှင့်ပတ်သက်၍ အောက်ခြေသိမ်း ပိုင်နိုင်ကျွမ်းကျင်မှု ဖြစ်၏။
• K မှာ (Knowledge) ဖြစ်သည်။ မိမိလုပ်ငန်းနှင့် ပတ်သက်၍ စာတွေ့ဗဟုသုတ၊ သီအိုရီများကို တတ်သိနားလည်မှု -   
•    ဖြစ်၏။

မြန်မာစကားတွင် လူတော်လူကောင်းဟု ရှိပါသည်။ Competent Person ကို လူတော်လူကောင်း ဟု ဘာသာပြန် လျှင် မမှားနိုင်ပါ။ အဘယ်ကြောင့်ဆိုသော် S နှင့် K မှာ လူတော်တစ်ဦး၏ အရည်အချင်းဖြစ်ပြီး A မှာ လူကောင်း၏ အရည်အသွေးဖြစ်ပါသည်။ ထို့ကြောင့် ASK အရည်အသွေးများနှင့် ပြည့်ဝသူသည် လူတော်လူကောင်းဖြစ်ပေလိမ့်မည်။

            အထက်ပါ စဉ်ဆက်မပြတ်ပညာရေးစနစ်မှာ လူတော်လူကောင်းများ မွေးထုတ်ပေးရေး ပညာရေးစနစ်ဖြစ်၏။ ထို (ASK) အရည်အသွေးသုံးရပ်မှာ အလွန်ကျယ်ပြန့်လှသည့် ဘာသာရပ်ဖြစ်သောကြောင့် ဤဆောင်းပါးလောက်မျှဖြင့် အပြည့်အစုံ ဖော်ပြရန် မဖြစ်နိုင်ပါ။ ထိုအထဲတွင် soft skill, hard skill, interpersonal skill စသည်တို့ပါဝင်သည်။ ဤနေရာတွင် အကျဉ်းမျှ ဖော်ပြပါမည်။

စိတ်နေသဘောထား (Attitude)

  

            စိတ်နေသဘောထားတွင် စိတ်ခံစားမှု၊ အပြုအမူနှင့် တွေးခေါ်မြော်မြင်မှုဟူ၍ သုံးပိုင်းပါသည်။ ဤသည်မှာ ကိုယ်ရည်ကိုယ်သွေးနှင့် ဆက်စပ်နေသည်။ မိမိ၏ ပြောဆိုမှုများ လုပ်ကိုင်မှုများကို တာဝန်ယူမှု၊ မှန်ကန်စွာတွေးခေါ် မြော်မြင်တတ်မှု၊ မှန်ကန်စွာ ပြုမူတတ်မှု စသည်တို့ ပါဝင်သည်။ လူတစ်ဦးသည် မည်မျှတော်နေပါစေ သဘောထားဆိုးပါက ပတ်ဝန်းကျင်နှင့် အဆင်ပြေမည်မဟုတ်သကဲ့သို့ လူ့အဖွဲ့အစည်းကိုလည်း ကောင်းကျိုးပြုနိုင်စွမ်း နည်းပါလိမ့်မည်။ အကယ်၍ ၎င်း၏ အတွေးအခေါ်တို့ မှားယွင်းခဲ့ပါက ဆိုးကျိုးများပင် ဖြစ်စေလိမ့်ဦးမည် ဖြစ်ပါသည်။

ထို့ကြောင့် စိတ်နေသဘောထားသည် ပထမဦးဆုံး အရေးကြီးသော အရည်အသွေးတစ်ခုဖြစ်၏။ သို့သော် ဤသည်ကို သင်ကြားပေးလို့ရပါသည်။ မြန်မာလူ့အဖွဲ့ အစည်းအတွက် ပိုလွယ်ပေသေးသည်။ အဘယ်ကြောင့်ဆိုသော် မြတ်ဗုဒ္ဓ၏တရားတော်များ၌ လူ၏တွေးခေါ်မြော်မြင်မှုနှင့် စိတ်နေသဘောထားကို မှန်ကန်အောင် ထိန်းကျောင်းပဲ့ပြင်ပေးရမည့် နည်းလမ်းများ အပြည့်အစုံရှိနေသောကြောင့် ဖြစ်၏။ အများကြီးသင်စရာမလိုပါ။ ဓမ္မပဒကို ကျေညက်စွာနားလည် သဘောပေါက်လျှင်ပင် လုံလောက်ပါပြီ။

ဓမ္မပဒကို ကျေညက်စွာနားလည် သဘောပေါက်ရေးမှာ စာအုပ်ကြီးတစ်အုပ်လုံးကို အလွတ်ကျက်ဘို့ ပြောတာ မဟုတ်။ ထိုစာအုပ်ထဲမှ တရားတော်များကို သေသေချာချာ နားလည်သဘောပေါက်ပြီး လက်တွေ့လိုက်နာ ကျင့်သုံးကြဘို့ ဖြစ်ပါသည်။ အလွတ်တော့ ကျက်ထားပါရဲ့။ ရွတ်လည်းရွတ်ပါရဲ့။ သို့သော် ဘာကိုဆိုလိုမှန်းမသိ။ လက်တွေ့လည်း မကျင့်သုံး ဆိုလျှင်တော့ ဘာမှ တန်ဘိုးမရှိပါ။

ကျွမ်းကျင်မှု (Skill)

            ကျွမ်းကျင်မှုသည် နေရာတကာ အရေးကြီး၏။ လယ်သမားသည် လယ်လုပ်နည်းကို ကျွမ်းကျွမ်းကျင်ကျင်သိရမည်။ အုပ်ချုပ်ရေးပိုင်းမှ အရာရှိများသည် စီမံခန့်ခွဲမှုကို ကောင်းကောင်းနားလည်ရမည်။ ပန်းရံသမားသည်လည်းကောင်း၊ ကျောင်းဆရာ တစ်ဦးသည်လည်းကောင်း၊ စက်ပြင်ဆရာတစ်ဦးသည်လည်းကောင်း မိမိတို့၏ လုပ်ငန်းများကို သေသေချာချာ ကျွမ်းကျွမ်းကျင်ကျင် တတ်မြောက်ရမည်။

            လူတစ်ဦးတစ်ယောက်သည် ထိုလုပ်ငန်း၌ မည်မျှ ကျွမ်းကျင်သည်ဆိုသည်မှာ ထိုသူသည် ၎င်း၏အလုပ်ကို မည်မျှ စိတ်ဝင်စားသနည်း ဆိုသည်နှင့်ဆိုင်ပါသည်။ ထမင်းစားစရာမရှိ၍သာ လုပ်နေရသည်။ အလုပ်အပေါ် နည်းနည်းမှ စိတ်မ၀င်စားသူသည် အဘယ်ကဲ့သို့ ကျွမ်းကျင်သူ ဖြစ်ပါမည်နည်း။ အဘယ်ကြောင့်ဆိုသော် မတတ်သာ၍သာ လုပ်နေရခြင်း ဖြစ်သဖြင့် လုပ်ငန်းအကြောင်း ဘာမှမလေ့လာဘဲ လုပ်သာရုံကလေးသာ လုပ်နေသောကြောင့် ဖြစ်ပေသည်။

            လုပ်ငန်းကျွမ်းကျင်မှုသည် လုပ်သက်၊ လုပ်ငန်းအတွေ့အကြုံနှင့်ဆိုင်သည်။ အချို့အရာများမှာ ကျောင်းတွင် စာနှင့် သင်ပေးလို့ရသည်မဟုတ်။ လက်တွေ့လုပ်ရင်းမှ သိနားလည်ရသည်များ ဖြစ်သည်။ ကြုံတွေ့လာရသော အခက်အခဲ၊ အကြပ် အတည်းများကို ဖြေရှင်းရင်းနှင့် သည်ကွေ့တွင် သည်တက်နှင့်လှော်ရမည်၊ ဟိုကွေ့တွင် ဟိုတက်နှင့်လှော်ရမည်ဟု သိလာခြင်း မှာ ကျွမ်းကျင်မှု ဖြစ်၏။

အသိပညာ၊ ဗဟုသုတရှိမှု (Knowledge)

            ထူးချွန်ထက်မြက်သူဖြစ်ဘို့ရာ လုပ်ငန်းကျွမ်းကျင်မှုတစ်ခုတည်းနှင့် မလုံလောက်ပါ။ မိမိလုပ်ငန်းနှင့်ပတ်သက်၍ အသိပညာ ဗဟုသုတရှိဘို့လည်း လိုပါသည်။ ဥပမာပြရလျှင် တစ်သက်လုံးလယ်လုပ်လာသည့် လယ်သမားတစ်ဦးအနေနှင့် ကျွမ်းကျွမ်းကျင်ကျင် လယ်လုပ်တတ်မည်ကို သံသယရှိစရာမလိုပါ။ သို့သော် ၎င်းသည် လယ်ယာစိုက်ပျိုးရေးနှင့် ပတ်သက်၍ မည်မျှ ဗဟုသုတရှိပါသနည်း။

ထိုလယ်သမားသည် မြန်မာနိုင်ငံ၌ မြေအမျိုးအစား မည်မျှရှိသည်။ မိမိလယ်သည် မည်သည့်မြေအမျိုးအစား၌ ပါဝင်သည်။ မြန်မာနိုင်ငံ၌ စိုက်လို့ရသော စပါးမျိုးပေါင်း မည်မျှရှိသည်။ မိမိမြေအမျိုးအစားအတွက် မည်ကဲ့သို့သောစပါးမျိုး သည် အသင့်တော်ဆုံးဖြစ်သည်။ စပါးပင်အရွက်များဝါလာလျှင် မည်သည့်ရောဂါဖြစ်သည်။ မည်ကဲ့သို့ ကုစားရမည်။ မည်သည့် စပါးမျိုးသည် သက်တမ်းမည်မျှရှိသည်။ မည်သည့်စပါးကတော့ ရေငတ်ခံနိုင်သည်။ မည်သည့်စပါးမျိုးက စားလို့ကောင်းသည်။

ထို့ထက် မြန်မာနိုင်ငံမှ ဆန်စပါးများ ၀ယ်ယူနေသော နိုင်ငံများမှာ မည်သည့်နိုင်ငံများဖြစ်သည်။ နိုင်ငံခြားသို့ ရောင်းနေသော စပါးဈေးမှာ မည်မျှရှိသည်။ မိမိတို့စပါးဈေးမှာ နိုင်ငံတကာဈေးကွက်နှင့်ယှဉ်လိုက်လျှင် အဆင့်မည်မျှရှိသည်။ ကမ္ဘာပေါ်တွင် ဆန်စပါးအများဆုံးထုတ်လုပ်သော နိုင်ငံများမှာ မည်သည့်နိုင်ငံများဖြစ်သည်။ ၎င်းတို့ဈေးနှင့် မြန်မာနိုင်ငံမှ ဈေးများ မည်မျှကွာသည်။ မည်သည့်အကြောင်းကြောင့်ကွာသည်။ ထိုနိုင်ငံများသည် မည်သည့်စပါးမျိုးများ စိုက်ပျိုးထုတ်လုပ် နေသည် စသည်တို့ကို သိပါသလား။

            ကျွန်တော်တို့ဆီမှလယ်သမားများသိသော လယ်ယာစိုက်ပျိုးရေး အသိပညာသည် ဟိုးရှေးယခင် နှစ်ပေါင်း ၁၅၀၊ ၂၀၀ ခန့်က လယ်သမားများသိသောအသိနှင့် ဘာမှ သိပ်မကွာခြားလှသေးပါဟုဆိုလျှင် လွန်မည်မထင်ပါ။ ယခင်ခေတ်များ ဆီက စိုက်ပျိုးရေးပညာပေးစခန်းများ မြန်မာနိုင်ငံတစ်နံတစ်လျား အနှံ့အပြားရှိပါသည်။ ထိုစခန်းများရှိနေပါလျက် လယ်သမား များ ဘာမှမသိဆိုသည်မှာ မေးခွန်းထုတ်စရာ မဟုတ်ပါလား။ သို့ဆိုလျှင် ထိုစခန်းများရှိနေခြင်းသည် မည်သည့်အတွက် ပါနည်း။

            လယ်သမားတစ်ဦးတည်းမဟုတ်ပါ။ အသိပညာဟူသည် လူတိုင်းအတွက် အရေးကြီး၏။ အိမ်များတွင် မီးဆင်သူ၊ ရေပိုက်ဆင်သူ စသည်တို့ရော သူတို့အလုပ်နှင့် ပတ်သက်၍ သေချာကျနစွာ သိပါသလား။

            အရပ်ထဲတွင် အင်ဂျင်စက်များကို ပြင်သော စက်ပြင်ဆရာ အများအပြားရှိပါသည်။ ထိုစက်ပြင်ဆရာများသည် အင်ဂျင်တစ်လုံး အလုပ်လုပ်ပုံကို သေသေချာချာ သိပါသလား။ နော်ဇယ်က မည်သည့်အလုပ်လုပ်သည်။ အင်ဂျက်ရှင်းပန့်၏ တာဝန်က ဘာဖြစ်သည်။ စပါ့ပလပ်အကြောင်း၊ ကာဘရိုက်တာအကြောင်း၊ ချောဆီဘယ်နှစ်မျိုးရှိသည်။ မြန်မာနိုင်ငံ၌ မည်သည့်ချောဆီများသုံးသည်။ အဘယ်ကြောင့်သုံးရသည် အစရှိသည်များကို သေချာစွာ သိပါသလား။   

            သူများနောက်လိုက်ရင်း၊ သူများလုပ်တာကိုင်တာကြည့်ရင်းမှ တတ်လာရတာသည် စနစ်တကျတတ်တာ မဟုတ်ပါ။ ကျွမ်းကျင်လုပ်သားတစ်ဦးဖြစ်ဘို့ရာ သေချာကျနစွာ သင်ပေးဘို့လိုပါသည်။ ကျွမ်းကျင်လုပ်သားများဖြင့်သာ နိုင်ငံ တည်ဆောက်မှုကို အဆင့်မြှင့်နိုင်မည်ဖြစ်ရာ စဉ်ဆက်မပြတ်ပညာရေး အရေးကြီးကြောင်း ပြောရခြင်း ဖြစ်ပါသည်။

(၅) မိမိအလုပ်ကို ဂုဏ်ယူပါ

            အရည်အသွေးပြည့်ဝသည့် လုပ်သားကောင်းများဖြစ်စေရန် ကိုယ့်အလုပ်ကို ဂုဏ်ယူတတ်ဘို့ အရေးကြီးပါသည်။ ယုတ်စွအဆုံး အမှိုက်သိမ်းသမားသည်ပင်လျှင် သူသည် တာဝန်ကျေသော အမှိုက်သိမ်းသူဖြစ်ကြောင်း ဂုဏ်ယူတတ်ရပါမည်။ ဟေ့၊ ဒီလမ်းကို ငါတာဝန်ပြီး အမှိုက်သိမ်းနေတာကွ။ ဒီလမ်းမှာ အမှိုက်တစ်စမှ မရှိစေရဘူး ဟု ၀ံ့ကြွားတတ်ရပါမည်။

            ကျောင်းဆရာတစ်ဦးသည် လခနည်းသည့် ကျောင်းဆရာဖြစ်နေရခြင်းအပေါ် ဘာမှသိမ်ငယ်နေစရာမရှိ။ အနာဂတ်၏ မျိုးဆက်သစ်များအား ပဲ့ကိုင်နေသူအဖြစ် ဂုဏ်ယူတတ်ရပါမည်။ ကျောင်းဆရာဖြစ်နေရခြင်းကား ရှက်စရာမဟုတ်၊ ပထ၀ီ သင်သည့်ဆရာလုပ်နေပြီး အရှေ့အလယ်ပိုင်းဒေသ ဘယ်မှာရှိမှန်း မသိတာသာ ရှက်စရာဖြစ်ကြောင်း နားလည်ရမည်။ သမိုင်းသင်နေပြီး အနော်ရထာမင်းသည် ပုဂံမင်းဆက် ဘယ်နှစ်ဆက်မြောက်ဖြစ်ကြောင်း မပြောနိုင်တာသာ သိမ်ငယ်စရာ ဖြစ်လိမ့်မည်။ D Day အကြောင်းမေးလာလျှင် ပြန်မဖြေနိုင်ခြင်းကိုသာ ၀မ်းနည်းရပေလိမ့်မည်။

            မိမိယခုလုပ်နေသည့်အလုပ်သည် မိမိ၏မိသားစု စားဝတ်နေရေးကို ဖြေရှင်းပေးနေကြောင်း သိနားလည်လာလျှင် မိမိအလုပ်အပေါ် ဂုဏ်ယူတတ်လာမည်။ မည်သည့်အခါမှ မိမိအလုပ်အကြောင်း မကောင်းမပြောပါနှင့်။ ထိုအလုပ်ကို မကြိုက်လျှင် အလုပ်ပြောင်းပါ။ မည်သူမှတားနေမည် မဟုတ်။ မိမိအလုပ်ကို တန်ဘိုးမထားသူ၊ အထင်မကြီးသူသည် မည်သည့်အခါမှ ကောင်းစားလိမ့်မည် မဟုတ်ပါ။

            မိမိအလုပ်ကို တန်ဘိုးမထားသူများအတွက် တိုင်းပြည်မှာ နစ်နာလှသည်။ ကျွေးထားရတာမတန်၊ ပေးလိုက်ရသော လခနှင့်ထိုက်တန်အောင် ပြန်မရသည့်အတွက် နိုင်ငံမှာ အလွန်နစ်နာသည်။ မိမိအလုပ်ကိုတန်ဘိုးထားသူသည် မိမိအလုပ်နှင့် ပတ်သက်သည်များကို အစဉ်တစိုက်လေ့လာနေမည်၊ မိမိအရည် အသွေးတက်နေအောင် ကြိုးစားနေမည်ဖြစ်သဖြင့် ထိုသူမှာ အနှေးနှင့်အမြန် အရည်အသွေးပြည့်ဝသူ ဖြစ်လာမည်မှာ မြေကြီးလက်ခတ် မလွဲပါ။        

(၆) အချိန်ကို တန်ဘိုးရှိစွာအသုံးချပါ

            အတော်ရှည်သွားပြီဖြစ်သဖြင့် နိဂုံးချုပ်ပါမည်။

            ကျွန်တော် ၁၉၉၀ ပြည့်လွန်နှစ်များက ဖောင်ကြီးသင်တန်း တက်ခဲ့ပါသည်။ ပုံမှန်တက်ရသော သင်တန်းကတစ်ခု၊ တက္ကသိုလ် ဆရာဆရာမများ အထူးမွမ်းမံသင်တန်း ဆိုတာကတစ်ခု ဆိုတော့ နှစ်ခါပြန် တက်ခဲ့ရတာ ဖြစ်၏။ ကျွန်တော်တို့ ခေတ်တုံးက ၀န်ထမ်းဖြစ်သည်နှင့် ဖောင်ကြီးသင်တန်း တက်ကြရသည်။ ယခုတော့ မပြောတတ်ပါ။

            ၀မ်းနည်းစရာကောင်းသည်မှာ ဖောင်ကြီးသင်တန်းသို့ရောက်လာသည့် သင်တန်းသား တော်တော်များများမှာ သင်တန်းကို တန်ဖိုးထားရကောင်းမှန်း မသိကြခြင်းဖြစ်ပါသည်။ ၎င်းတို့အနေနှင့် သက်ဆိုင်ရာဌာနများက လွှတ်လိုက်သဖြင့် သာ လာတက်ကြရခြင်း ဖြစ်သည်။ များသောအားဖြင့် လာချင်ကြတာမဟုတ်။ မလာချင်ဘဲလာကြရတာ ဖြစ်သဖြင့်လည်း မည်သူသည် အလေးထား လေ့လာသင်ကြားပါမည်နည်း။ ထိုသူများသည် သတ်မှတ်ထားသော တာဝန်တစ်ခုကို သတ်မှတ် ထားသော ကာလတစ်ခုအတွင်း ပြီးဆုံးသွားစေရန် ၀တ်ကျေဝတ်ကုန် လာလုပ်လိုက်ခြင်း တစ်ခုမျှသာ ဖြစ်ပါသည်။

            သည်သင်တန်းသို့ မဖြစ်မနေတက်ကြရမည် ဖြစ်သဖြင့် မည်သူမဆို သည်ကျောင်း၌ အချိန်ကာလတစ်ခုကို ကုန်လွန် စေရမှာ သေချာလှပါသည်။ လောကတွင် ပြန်မရနိုင်သည့်အရာများအနက် အချိန်သည် တန်ဘိုးအရှိဆုံးအရာတစ်ခု ဖြစ်၏။ သည်ကျောင်းလာတက်နေစဉ်အတွင်း ထိုဝန်ထမ်းများကို အချိန်ပြည့် လခပေးထားသည်။ ထို့ကြောင့် ကိုယ်လုပ်ရမည့် အလုပ်ကိုမလုပ်ဘဲ သည်နေရာလာပြီး သက်သက် အချိန်ဖြုန်းလိုက်သူများအနေနှင့် နိုင်ငံတော်ဘဏ္ဍာများကို အလဟဿ ဖြုန်းတီးပစ်နေကြောင်း သဘောပေါက် နားလည်ရန်လိုသည်။ နိုင်ငံတော်ဘဏ္ဍာကိုသာမက မိမိကိုယ်ပိုင်အချိန်များကိုလည်း ဖြုန်းတီးပစ်လိုက်ကြသည်။

            သင်တန်းအားလုံးပေါင်းလိုက်လျှင် သင်တန်း အမှတ်စဉ်တစ်ခု၌ သင်တန်းသား ၅၀၀ ရှိသည်ဆိုပါစို့။ အနှီ သင်တန်းသား ၅၀၀ အနက် ၂၅၀ သည် ဘာမှမလေ့လာဘဲ အချိန်ကို အလဟဿဖြုန်းတီးပစ်နေသည် ဆိုလျှင် သင်တန်း ကာလ သုံးလအတွက် မည်မျှဆုံးရှုံးမည်နည်း။ တစ်ရက်လျှင် အလုပ်လုပ်ချိန် ၈ နာရီ နှင့် တစ်ပတ်ကို ၅ ရက်လုပ်ပါက သင်တန်းသား ၂၅၀၊ သုံးလဆိုလျှင် အလုပ်ချိန်နာရီပေါင်း ၁၂၀၀၀ ဆုံးရှုံးသွားမည်။ ၂၅၀ ဆိုတာ ကျွန်တော်က လျှော့လျှော့ ပေါ့ပေါ့တွက်ခြင်းဖြစ်သည်။ လက်တွေ့တွင် သည်ထက်ပိုများနိုင်ပါသည်။

            ဤသည်ကိုကြည့်လျှင် တစ်နှစ်တစ်နှစ် လေလွင့်သွားသော လုပ်အားများ မည်မျှရှိသည်ကို ခန့်မှန်းနိုင်ပါပြီ။

            သည်သင်တန်းတွင် အုပ်ချုပ်ရေး၊ စီမံခန့်ခွဲရေး၊ ရုံးလုပ်ငန်းဆိုင်ရာ ဘာသာရပ်များကို သင်ကြားပေးပါသည်။ သည်ဘာသာရပ်များမှာ ၀န်ထမ်းတိုင်းအတွက် တိုက်ရိုက်ဖြစ်စေ၊ သွယ်ဝိုက်၍ဖြစ်စေ သိထားသင့်၊ တတ်ထားသင့်သော ပညာရပ်များဖြစ်၏။ သို့ဆိုလျှင် ထိုသူတို့သည် အဘယ်ကြောင့် ဤပညာရပ်များကို တန်ဘိုးမထားကြပါသနည်း။ ယခု ဤစာကို ဖတ်နေသူသည် သင်တန်းသားတစ်ဦးဖြစ်သည်ဆိုပါလျှင် “ငါဟာ နိုင်ငံတော်ဘဏ္ဍာကို အလဟဿ ဖြုန်းတီး ပစ်နေတာလား” ဆိုတာ မိမိကိုယ်မိမိ ပြန်မေးကြည့်ပါ။ သင်တန်းကာလတစ်လျှောက်လုံး အသင်သည် လခထုတ်နေ သည့်အတွက် ထိုထုတ်ယူနေသည့်လခနှင့် ထိုက်တန်စွာ လေ့လာသင်ယူရပါမည်။ မည်သူကမှ အတင်းတွန်းအားမပေးသည် ဖြစ်စေ လေ့လာသင်ယူဘို့ရာ အသင့်၌ တာဝန်ရှိသည်။ အကယ်၍ ထိုကဲ့သို့မဟုတ်။ အလကား အချိန်ဖြုန်းနေမည်ဆိုလျှင် သင်နေ့တိုင်းဘုရားရှေ့၌ ရွတ်နေသည့် ‘အဒိန္နာဒါနာ၊ ဝေရမဏိသိက္ခာပဒံ၊ သမာဒိယာမိ’ သည် အလကားသာ ဖြစ်ပါလိမ့်မည်။ ဘာမှ တန်ဘိုးရှိမှာ မဟုတ်ပါ။

            ၀န်ထမ်းတက္ကသိုလ်များအနေနှင့်လည်း ဤကျောင်းသည် ကလေးများကို သင်သည့်နေရာမဟုတ်။ လူကြီးများ၊ အတွေ့အကြုံများနေသူများကို သင်ကြားနေခြင်းဖြစ်ကြောင်း သတိချပ်ရပါမည်။ ၎င်းတို့၌ မိသားစုကိစ္စ၊ သားရေးသမီးရေး ကိစ္စ၊ ငွေကြေးအဆင်မပြေမှုစသည်တို့ ရှိမည်။ ဤသည်ကို နားလည်ထားရန် လိုပါသည်။ ဤဆောင်းပါးအစ၌ ကလေးပညာရေး နှင့် လူကြီးပညာရေး မည်ကဲ့သို့ကွာခြားကြောင်း အနည်းငယ်ပြောခဲ့ပါသည်။

            အကယ်၍ ဤသင်တန်းကျောင်းမှ သင်တန်းနည်းပြများသည် သင်တန်းသားများအား ကလေးများစာသင်သကဲ့သို့ သင်နေမည်ဆိုပါက သင်တန်းစအပြီး နာရီဝက်မပြည့်မီပင် သင်တန်းသားအတော်များများမှာ အိပ်မက်လှလှကလေးများ မြင်မက်နေကြပြီဖြစ်ကြောင်း တွေ့ရပါလိမ့်မည်။

            ထို့ကြောင့် ဗဟိုဝန်ထမ်းတက္ကသိုလ်မှ သင်ကြားရေး စီမံခန့်ခွဲမှုအဖွဲ့သည် မိမိတို့သင်ကြားပုံနည်းစနစ်များ၊ သင်ရိုး ညွှန်းတမ်းများအား နှစ်စဉ် ပြန်လည် ဆန်းစစ်နေရန်လိုပါသည်။ ပို့ချသော သင်တန်းမှတ်စုများအားလည်း ပုံသေမထားပဲ တိုးတက်ပြောင်းလဲနေသော ခေတ်နှင့်အညီ အမြဲဆန်းသစ်နေရပါမည်။

            သင်ကြားရေးအထောက်အကူပစ္စည်းများကိုလည်း ဆွဲဆောင်မှုရှိသော (ဥပမာ ပရိုဂျက်တာဖြင့် သင်ကြားခြင်း၊ ဗီဒီယိုများ ပြသခြင်း) သင်ကြားနည်းများ ပြောင်းလဲရပါမည်။ သင်တန်းနည်းပြနှင့် သင်တန်းသား အချိုးကိုလည်း ပြန်လည် ဆန်းစစ်ရပါမည်။ စာချည်း တစ်ချိန်လုံးသင်မနေဘဲ မိမိပေးလိုသော အကြောင်းအရာကို သင်တန်းသားခေါင်းထဲ တိုက်ရိုက် ရောက်သွားစေမည့် နည်းစနစ်များအား ပြောင်းလဲကျင့်သုံးရပါမည်။ သို့မဟုတ်ပါက ပိုးသာ ကားနှစ်စီးတိုက်လောက် ကုန်၍ မောင်ပုံကလေး စောင်းတတ်မည် မဟုတ်ပါချေ။ ကျွန်တော်တို့တိုင်းပြည်တွင် ဤကဲ့သို့သော မောင်ပုံများ မည်မျှများပြား နေပါပြီနည်း။

            ထိုမျှသာမက မိမိတို့ သင်ကြားပေးလိုက်သည်များ တကယ်ထိရောက် အကျိုးရှိရဲ့လားဆိုတာ ပြန်လှန်စစ်ဆေး၊ သုံးသပ်နေဘို့ လိုပါသည်။ အကယ်၍ မထိရောက်၊ အကျိုးမရှိဟု တွေ့ရှိပါက မည်ကဲ့သို့ထိရောက် အကျိုးရှိအောင် လုပ်မည်နည်း ဆိုသည့်အဖြေကို ရှာရန်လိုပါသည်။ မဟုတ်လျှင် အိတ်ပေါက်နှင့် ဖားကောက်သကဲ့သို့ ရှိချိမ့်မည်။

            နိုင်ငံတည်ဆောက်ရေးအတွက် မိမိစွမ်းအားရှိသမျှ အားလုံး အဖက်ဖက်မှဝိုင်းဝန်း ကြိုးပမ်းကြပါမည့်အကြောင်း အလေးအနက်တိုက်တွန်း လိုက်ပါသည်။

ကျေးဇူးတင်ပါသည်။

အေးငြိမ်း

၂၈၊ ၉၊ ၂၀၁၃။ ညနေ ၆း၁၅ နာရီ