လုပ်ငန်းခွင် အန္တရာယ်ကင်းရှင်းရေး (ဆောက်လုပ်ရေး) (၁၁)

၇၊ ၃၊ ၉။ အသက်ရှူ အထောက်အကူပြုကိရိယာ (Dust Mask / Respirator)

            အလုပ်လုပ်နေသော လုပ်ငန်းခွင်တစ်ခု၌ ဖုံ၊ အမှုန်များ၊ မီးခိုးများ၊ ဆေးငွေ့များ စသည်တို့သည် လေထုအတွင်း ပျံ့နှံ့နေရာ အကာအကွယ်များသာ လုပ်ပေးမထားပါက ထိုပတ်ဝန်းကျင်၌ လုပ်ကိုင်နေရသော အလုပ်သမားများအား ရင်ကြပ်၊ ပန်းနာကဲ့သို့သော အသက်ရှူလမ်းကြောင်းဆိုင်ရာ ရောဂါများ ရစေသည်။    

            ကျောက်စက်တိုက်ခြင်း၊ ကွန်ကရိကြမ်းခင်း၊ နံရံများအား ကော်ပတ်စားခြင်း၊ ကွန်ကရိခွဲခြင်း၊ ပလာစတာစပ်ခြင်း၊ မြေတူးခြင်း၊ အဆောက်အဦများ ဖြိုဖျက်ခြင်း၊ ဂဟေဆော်ခြင်း၊ ဆေးသုတ်ခြင်း၊ သန့်ရှင်းရေးလုပ်ခြင်း စသည်တို့မှ ဖုန်၊ အမှုန်များထွက်သည်။ ဆေးငွေ့များ၊ ဓာတ်ငွေ့များထွက်သည်။ မီးစက်၊ အင်ဂျင်စသည်တို့မှ မီးခိုးငွေ့များ ထုတ်လွှတ်သည်။ ထို့ကြောင့် ထိုအလုပ်များလုပ်ကိုင်နေသူများကို အသက်ရှူလမ်းကြောင်း ကာကွယ်ရေးဆိုင်ရာ အစီအမံများ လုပ်ပေးထား ရသည်။ ဤအကြောင်းကို နောက်ပိုင်း အသက်ရှူလမ်းကြောင်း ကာကွယ်ရေးဆိုင်ရာ စီမံချက် (Respiratory Protection Programme) တွင် အသေးစိတ်ရေးပါမည်။

            ယခုမူ အသက်ရှူ အထောက်အကူပြုကိရိယာများအကြောင်း ဖော်ပြပါမည်။

            ထုတ်လုပ်သည့် ကုမ္ပဏီကိုလိုက်၍ ဒီဇိုင်း အမျိုးမျိုးပင် ကွဲသွားသော်ငြား အကြမ်းဖျဉ်းအားဖြင့် အသက်ရှူ အထောက်အကူပြုကိရိယာကို နှစ်မျိုးခွဲနိုင်၏။

• နှာခေါင်းအကာ (Dust Mask)
• အသက်ရှူ ထောက်ကူပြုကိရိယာ (Respirator)

၇၊ ၃၊ ၉၊ ၁။ နှာခေါင်းအကာ၊ ဖုံကာ (Dust Mask)

            သာမန်သန့်ရှင်းရေးလုပ်ခြင်း၊ ကွန်ကရိကြမ်းခင်းများအား ကျောက်စက်တိုက်ခြင်းကဲ့သို့ ဖုန်၊ အမှုန်ထွက်သည့် အလုပ် များအတွက် ဖုံကာများသုံးသည်။ ဖုံကာအမျိုးမျိုးရှိသလို ဈေးလည်းအစားစားရှိ၏။ စက္ကူဖြင့်လုပ်ထားသည့် ဖုံကာများမှာ တစ်ခါ နှစ်ခါလောက်သုံးပြီး ပစ်လိုက်ရသော်လည်း ပိုမိုကောင်းသည့် ဖုံကာများလည်းရှိသည်။ ဈေးပင်အနည်းငယ် ပိုကြီးစေကာမူ ထို ဖုံကာများက ပိုကောင်းပါသည်။

 နှာခေါင်းအကာတစ်ခုသည် သုံးသူကို ကောင်းစွာအကာအကွယ်ပေးနိုင်စေရန် ထိုနှာခေါင်းအကာများပေါ်တွင် ပုံနှိပ် ထားသည့် စာများကို သေချာစွာ စစ်ဆေးသင့်ပါသည်။ အထက်ပါပုံတွင် နှာခေါင်းအကာတစ်ခု၌ ရှိရမည့် စံသတ်မှတ်ချက်များ ကို ဖော်ပြထားသည်။

            နှာခေါင်းအကာပေါ်တွင် CE ဟူသောအမှတ်အသား ပါရမည်။ CE အမှတ်အသားမှာ ထိုနှာခေါင်းအကာဒီဇိုင်းအား သတ်မှတ်ထားသော စံနှုန်းများနှင့် ညီမညီ စစ်ဆေးပြီးကြောင်း အမှတ်အသားဖြစ်၏။ သုံးစွဲသူအား မည်မျှအကာအကွယ် ပေးနိုင်သည်ကို FFP ဖြင့်ပြ၏။ FFP1 မှာ ကာကွယ်မှုပေးနိုင်စွမ်း အနည်းဆုံး၊ FFP2 မှာ အလယ်အလတ် နှင့် FFP3 မှာ အများဆုံး အကာအကွယ်ပေးနိုင်သည်။

            တစ်ခါသုံးနှာခေါင်းအကာများအတွက် သတ်မှတ်ထားသောစံနှုန်းမှာ EN149: 2001 ဖြစ်သည်။

            နှာခေါင်းအကာ၏ မျက်နှာနှင့်ထိရမည့်ဘက်ကို လက်နှင့်မထိပါစေနှင့်။ လက်သည် ညစ်ပတ်နေနိုင်သဖြင့် လက်မှ ပါလာမည့် အမှုန်နှင့်ရောဂါပိုးများ ခန္ဓာကိုယ်အတွင်း ၀င်သွားနိုင်သောကြောင့် ဖြစ်သည်။ အောက်တွင် နှာခေါင်းအကာ တစ်ခု ကို စနစ်တကျဝတ်နည်းအား ပြသထား၏။

မသုံးသည့်အခါများတွင် နှာခေါင်းအကာကို အေးပြီးခြောက်သွေ့သည့်နေရာ၌ သေချာစွာ သိမ်းဆည်းထားပါ။ ဖုန်ထူ သောနေရာ၌ မထားပါနှင့်။ ဇစ်တပ် ပလတ်စတစ်အိတ်အတွင်း ထည့်သွင်းသိမ်းထားနိုင်ပါသည်။ သက်တမ်းမှာ တစ်လသာ ဖြစ်ပါသည်။

၇၊ ၃၊ ၉၊ ၂။ အသက်ရှူထောက်ကူပြုကိရိယာ (Respirator)

ဓာတုဆေးရည်များမှထွက်သော အငွေ့၊ ဓာတ်ငွေ့များသည့် လူတို့ကျန်းမာရေးကို ဆိုးဝါးစွာထိခိုက်စေနိုင်သည်။ အချို့ ဓာတ်ငွေ့များမှာ အသက်ဆုံးရှုံးနိုင်သည်ထိ အန္တရာယ်ရှိသည်။ ထို့ကြောင့် ထိုဓာတ်ငွေ့များနှင့်အလုပ်လုပ်နေရသူများ သို့မဟုတ် ထိုဓာတ်ငွေ့များရှိနေရာ ပတ်ဝန်းကျင်၌ အလုပ်လုပ်နေရသူများသည် အသက်ရှူလမ်းကြောင်းမှတစ်ဆင့် ခန္ဓာကိုယ်အတွင်း ထို ဓာတ်ငွေ့များမ၀င်နိုင်စေရန် အကာအကွယ်များ ၀တ်ဆင်ထားရသည်။

            အသက်ရှူလမ်းကြောင်းအတွင်းသို့ ဓာတ်ငွေ့များ ၀င်မလာနိုင်စေရန် ကာကွယ်ပေးသည့် ကိရိယာမှာ respirator ခေါ် အသက်ရှူအထောက်အကူပြု ကိရိယာဖြစ်သည်။ Respirator ဒီဇိုင်းအမျိုးမျိုးရှိသော်လည်း အခြေခံ အလုပ်လုပ်ပုံမှာ အတူတူ ပင်ဖြစ်ပါသည်။ 

            ၎င်းတွင် respirator ကိုယ်ထည်နှင့် လေစစ် (filter)ဟု နှစ်ပိုင်းပါသည်။ ကိုယ်ထည်မှာ ဆေးကြောပြီး ကျိုးပဲ့မသွား သည်ထိ အထပ်ထပ်ပြန်သုံးနိုင်သည်။ လေစစ်မှာ သတ်မှတ်ထားသော သက်တမ်းကုန်သွားလျှင် အသစ်ပြန်လဲရသည်။

            အသက်ရှူထောက်ကူပြုကိရိယာအတွက် စံနှုန်းမှာ ကိုယ်ထည် (mask) အတွက် EN140 ဖြစ်ပြီး လေစစ်အတွက် အစားစားရှိသည်။   

• ဓာတ်ငွေ့စစ်အမျိုးအစား ၁၊ ၂ သို့မဟုတ် ၃ (gas filters of Class 1, 2 or 3) များအတွက် စံနှုန်းမှာ EN141 ဖြစ်သည်။
• အမှုန်စစ်အမျိုးအစား P1, P2 သို့မဟုတ် P3 (particle filters of class P1, P2 or P3) များအတွက် စံနှုန်းမှာ EN143 ဖြစ်သည်။
• ဆူမှတ်နိမ့်အော်ဂဲနစ်ဓာတ်ပစ္စည်းများ (Class Ax) အတွက် စံနှုန်းမှာ EN371 ဖြစ်သည်။

အသက်ရှူထောက်ကူပြုကိရိယာများတွင် မျက်နှာတစ်ဝက် နှင့် မျက်နှာပြည့်ဟု နှစ်မျိုးရှိသည်။ မျက်နှာအပြည့်က တစ်မျက်နှာလုံးကို ကာကွယ်ပေးသည်။ မျက်နှာတစ်ဝက်အမျိုးအစားကို အန္တရာယ်ကင်းမျက်မှန်နှင့် တွဲသုံးနိုင်ပါသည်။

လဲရသည့်လေစစ်မှအပ အသက်ရှူထောက်ကူပြုကိရိယာကို အမြဲသန့်ရှင်းရေးလုပ်နေရန် လိုပါသည်။ အဆို့ရှင်များ ကောင်းမကောင်း၊ မျက်နှာနှင့်ထိသည့်နေရာမှ ရာဘာလိုင်နာများ ပေါက်ပြဲနေမနေ၊ လေလုံမလုံ။ အထူးသဖြင့် အတွင်းပိုင်းကို လုံးဝသန့်ရှင်းနေအောင် ထားပါ။

ဝတ်သည့်အခါ မျှော့ကြိုးများကို မတင်းလွန်း၊ မလျော့လွန်းအနေအထားတွင် ချိန်တပ်ပါ။ တင်းလွန်းလျှင် မသက် မသာခံစားရပြီး လျော့လွန်းလျှင် လေမလုံတတ်ပါ။ ဦးခေါင်း၊ လည်ကုပ်တို့နှင့်ထိနေသည့် မျှော့ကြိုးများကို ရေလျှော်ရန် လိုပါသည်။ ၀တ်ပြီးသည့်အခါတိုင်း ဆေးကြောသန့်ရှင်းရန် အရေးကြီးပါသည်။

အသက်ရှူထောက်ကူပြုကိရိယာကို မ၀တ်မီ ကောင်းမကောင်းဦးစွာ စစ်ဆေးရပါမည်။ လေမလုံသည့် အသက်ရှူ ထောက်ကူပြုကိရိယာကို မသုံးပါနှင့်။ ၀တ်ရကျိုးမနပ်ပါ။ အဆိပ်အတောက်ရှိသော ဓာတ်ငွေ့များအန္တရာယ်မှ ကာကွယ်ပေး နိုင်လိမ့်မည် မဟုတ်ပါ။

အသက်ရှူထောက်ကူပြု ကိရိယာများဝယ်ယူသည့်အခါ ရောင်းသည့်ကုမ္ပဏီမှ အရောင်းကိုယ်စားလှယ်များလာကာ အသုံးပြုမည့်သူများကို Fit Test လုပ်ရပါသည်။ Fit Test လုပ်သည်ဆိုခြင်းမှာ အသက်ရှူ ထောက်ကူပြုကိရိယာကို ၀တ်လျှက် အနံ့ရသော ဓာတ်ငွေ့တစ်မျိုးဖြင့် ဖြန်းကာ အနံ့ရ-မရ စမ်းခြင်းဖြစ်၏။ အသက်ရှူ ထောက်ကူပြုကိရိယာသည် ၀တ်သူကို ရာနှုန်းပြည့် အကာအကွယ်ပေးရေး သေချာစေရန် စမ်းသပ်ခြင်းဖြစ်ပါသည်။

            အသက်ရှူထောက်ကူပြု ကိရိယာဝတ်ဆင်သည့်အခါတွင်လည်း Positive Check နှင့် Negative Check ကို အမြဲ လုပ်ရန် လိုပါသည်။ ၀တ်ဆင်ထားသော ကိရိယာသည် ကောင်းစွာလေလုံနေမှ ၀တ်ဆင်သူအား ရာနှုန်းပြည့် အကာအကွယ် ပေးနိုင်မှာ ဖြစ်ပါသည်။ အသက်ရှူထောက်ကူပြု ကိရိယာများ လေမလုံလျှင် အလွန်အန္တရာယ်များပါသည်။ အဆိပ်ငွေ့များကို ရှူမိမည်ဖြစ်သည့်အတွက် အသက်အန္တရာယ်ပင်ရှိပါသည်။

            အောက်တွင် အသက်ရှူထောက်ကူပြု ကိရိယာ ၀တ်ဆင်နည်း၊ စမ်းသပ်နည်းများကို ဖော်ပြထားပါသည်။ 

             လေစစ်ကို အသစ်လဲသည့်အခါ သတိထားရမည်မှာ အတွင်းအပြင် ပြောင်းပြန်မတပ်မိစေရန် ဖြစ်ပါသည်။ လေစစ်ဘူး အတွင်း၌ တပ်ပုံတပ်နည်းကို ဖော်ပြထား၏။ မသေချာလျှင် ထို အညွှန်းစာရွက်ကို သေချာစွာဖတ်ပြီးမှ တပ်ပါ။ နားမလည်လျှင် တတ်ကျွမ်းနားလည်သူကို ချဉ်းကပ်မေးမြန်းပါ။

            လေစစ်ကို မည်မျှကြာလျှင် လဲရမည်နည်းဟူသည်မှာ ပုံသေပြောရခက်ပါသည်။ အလုပ်လုပ်နေသည့် ပတ်ဝန်းကျင်မှ လေထုအတွင်း ဓာတ်ငွေ့ပါဝင်မှုပြင်းအား၊ ၀တ်ဆင်ရန် ကြာချိန်၊ လေထုစိုထိုင်းဆ၊ ထိုပစ္စည်းကို မည်မျှ ဂရုတစိုက်ကိုင်တွယ် သနည်း (သန့်ရှင်းရေးလုပ်ခြင်း၊ သေချာစွာသိမ်းဆည်းထားခြင်း စသည်) စသည်တို့အပေါ်များစွာ မူတည်နေပါသည်။

            ပျမ်းမျှခြင်းအားဖြင့် တစ်လခန့်ကြာလျှင် လဲသင့်ပါသည်။ သို့သော် အသက်ရှူထောက်ကူပြု ကိရိယာကို ၀တ်ဆင်ပြီး အလုပ်လုပ်နေစဉ် ဆေးနံ့ရလာလျှင်၊ ခေါင်းမူးလာလျှင်၊ မသက်မသာခံစားရလျှင် အချိန်မရွေးလဲသင့်ပါသည်။

အသက်ရှူထောက်ကူပြုကိရိယာကို ညစ်ပတ်နေသော လက်များနှင့်၊ အထူးသဖြင့် ကိရိယာ၏ အတွင်းပိုင်းကို မကိုင်ပါနှင့်။ အနံ့အသက်ရှိသည့်နေရာ၊ မီးခိုးများရှိသည့်နေရာ၊ အစိုဓာတ်များသည့်နေရာ၊ နေရောင်တိုက်ရိုက်ကျသည့်နေရာ၊ ဖုံထူသည့်နေရာ စသည့်နေရာများတွင် မသိမ်းဆည်းပါနှင့်။ ဇစ်တပ် ပလတ်စတစ်အိတ်အတွင်း၌ ထည့်သိမ်းထားရပါမည်။

            စင်ကာပူတွင် အသက်ရှူထောက်ကူပြုကိရိယာအတွက် သတ်မှတ်ထားသော စံနှုန်းမှာ SS 548 - Code of Practice for Selection, use, and maintenance of respiratory protective devices ဖြစ်ပါသည်။

ဆက်ပါဦးမည်။

အေးငြိမ်း

၁၂၊ ၉၊ ၂၀၁၃။ ည ၁၀း ၃၇ နာရီ