မြန်မာပြက္ခဒိန်တွက်နည်း (၃၄)

 

၎၊ ၅၊ ၂၃။ သင်္ကြန် အတာတက် အဟောများ ^၄၀

 

            နှစ် (၁၂) ပါးတွက်ပုံနှင့် နှစ်နာမည်များပေးပုံကို အခန်း။ ၄၊ ၅၊ ၁၅။ တွင် ပြဆိုခဲ့ပြီး ဖြစ်ပါသည်။ ယခု ထိုနှစ်အလိုက် အဟောများကို ပြဆိုပါမည်။

 

၎၊ ၅၊ ၂၃၊ ၁။ ဇေယျနှစ် အဟော

 

            နှစ်အမည်ကား ဇေယျနှစ်တည်း။ နှစ်ကို နွားလားဥသဘစောင့်၏။ လကို ကျေးစောင့်၏။ ရက်ကို ဒက္ခရက်ဘီလူး စောင့်၏။ မြေကို ကုမ္ဘာဏ်ဘီလူးစောင့်၏။ ကောင်းကင်ကို ဗိဿနိုးစောင့်၏။ ရေကိုကြွက်စောင့်၏။ မိုးကို ကြက်စောင့်၏။ တောကို စင်ယော်ငှက်စောင့်၏။

            လူတို့၏ အဓိပတိကား မင်း၊ အခြေလေးခုတို့၏ အဓိပတိကား နွား၊ ငှက်တို့၏ အဓိပတိကား ကျေး၊ သစ်ပင်တို့၏ အဓိ ပတိကား ထိန်၊ ၀ါးတို့၏ အဓိပတိကား မြင်ဝါး၊ မြက်တို့၏ အဓိပတိကား နွားမြက်ရင်း၊ နက္ခတ် ၃ လုံး ငုပ်၏။ ၄ လုံးပေါ်၏။ မြေသြဇာမရှိ။ ကောက်ပဲသီးနှံမကောင်း။ မွတ်သိပ်ကုန်အံ့။ မိုးအကြိမ် ၅၀ ရွာအံ့။ မိုးဦးနည်းအံ့။ တန်ခူးလဆန်း မိုးသံကြားအံ့။ နယုန်လမှာ ရွာအံ့။ မိုးလယ်ရောက်သော် မိုးထန်အံ့။ မိုးကြီးကျယ်အောင် ရွာအံ့။ ရေကြီးအံ့။ မုန်တိုင်းလာအံ့။ အခြေလေးခု ရှိသော သတ္တ၀ါ၊ အတောင်ရှိသော ကျေးငှက်တိရိစ္ဆာန်တို့သည် ဘေးကြီးစွာဖြစ်၍ သေကုန်အံ့။ လူတို့အချင်းချင်း ညှဉ်းဆဲ ကုန်လတံ္တ့။ စစ်မက်များအံ့။ မင်းနှလုံးမသာမယာများအံ့။ ပြည်ရွာမီးလောင်ဘန်များအံ့။ လူတို့ အနာအဖျားများကုန်အံ့။ လူတို့ လုပ်ဆောင်သမျှ ပျက်စီးကုန်အံ့။ သစ်မြစ်၊ သစ်ဖု၊ သစ်သီး၊ အလုံးကြီးအံ့။ ဥတ္တရ၊ ဧသံ၊ အဂ္ဂိအရပ်မှာရှိသော ပြည်ရွာတို့သည် သုဉ်းကုန်အံ့။ ရှားပါးငတ်မွတ်အံ့။

            ထိုနှစ်ဖွားသောသားကား အဆင်းလှအံ့။ ပညာရှိအံ့။ ဟူးရား၊ သမား အတတ်ရှိအံ့။ ချမ်းသာရအံ့။ အသက် (၇၀) နေရအံ့။    

 

၎၊ ၅၊ ၂၃၊ ၂။ ၀ိသာခါနှစ် အဟော

            နှစ်အမည်ကား ၀ိသာခါနှစ်တည်း။ နှစ်ကို ကျားစောင့်၏။ လကို နွားစောင့်၏။ ရက်ကို ဖုဿသီနတ်စောင့်၏။ မြေကို ပဇ္ဇုန်နတ်စောင့်၏။ ကောင်းကင်ကို ရုတ္တရနတ်စောင့်၏။ ရေကို ဟင်္သာစောင့်၏။ မိုးကို ၀မ်းဘဲစောင့်၏။ တောကို ကျားစောင့် ၏။

            လူတို့၏ အဓိပတိကား ပုဏ္ဏား၊ အခြေလေးခုတို့၏ အဓိပတိကား နွား၊ ငှက်တို့၏ အဓိပတိကား ဥဗျိုင်း၊ သစ်ပင်တို့၏ အဓိပတိကား ငှက်ပျော၊ ၀ါးတို့၏ အဓိပတိကား မြင်ဝါး၊ မြက်တို့၏ အဓိပတိကား မြက်ချို၊ နက္ခတ် ၄ လုံး ငုပ်၏။ ၅ လုံးပေါ်၏။ မြေသြဇာတက်အံ့။ မိုးကြီးစွာရွာအံ့။ မိုးအကြိမ် ၅၀ ရွာအံ့။ မိုးဦးအကောင်းလွန်အံ့။ တန်ခူးလဆန်း မိုးသံကြားအံ့။ ကဆုန်လမှာ ရွာအံ့။ ကောက်ပဲသီးနှံ မြောက်အံ့။ သစ်သီးပန်းမာလ်များအံ့။ သစ်ရွက်ဟူသမျှ ကောင်းအံ့။ လူတို့ ၀ပြောကုန်အံ့။ ပြည်ထဲ သာယာအံ့။ သမီး၊ လုလင်ပျိုတို့ ချစ်ကြကုန်အံ့။ ဦးချိုရှိသော သတ္တ၀ါ၊ အစွယ်ရှိသော သတ္တ၀ါတို့ ချမ်းသာရကုန်အံ့။ သစ်၊ ကျား၊ မိချောင်း ရဲအံ့။ ၀ါဆို၊ ၀ါခေါင် ဤနှစ်လကား ရောဂါများအံ့။ ကဆုန်၊ တန်ဆောင်မုန်း၊ တပေါင်း ဤ သုံးလကား လူတို့ အနာအဖျား၊ ကျောက်၊ ၀က်သက် များကုန်အံ့။ စစ်မက်နည်းအံ့။

            ထိုနှစ်ဖွားသောသားကား ရန်အောင်အံ့။ ဘုန်းပညာရှိအံ့။ ပညာသင်သော် တတ်လွယ်အံ့။ သတင်းကောင်း ရှိအံ့။ ဥစ္စာရှိအံ့။ စိုးမင်းယုံကြည်အံ့။ လူချစ်လူခင်များအံ့။ တရားစောင့်အံ့။ သစ္စာစောင့်အံ့။ အသက် (၈၀) နေရအံ့။    

 

၎၊ ၅၊ ၂၃၊ ၃။ ဇေဋ္ဌနှစ် အဟော

 

နှစ်အမည်ကား ဇေဋ္ဌနှစ်တည်း။ နှစ်ကို ကျားစောင့်၏။ လကို ဠင်းတစောင့်၏။ ရက်ကို ရက္ခိုက်စောင့်၏။ မြေကို ဒွန်းစဏ္ဍား စောင့်၏။ ကောင်းကင်ကို ၀ဿဝရောစောင့်၏။ ရေကို ယုန်စောင့်၏။ မိုးကို ငှက်စောင့်၏။ တောကို ဥဒေါင်း စောင့်၏။

            လူတို့၏ အဓိပတိကား မိဖုရား၊ အခြေလေးခုတို့၏ အဓိပတိကား ကျား၊ ငှက်တို့၏ အဓိပတိကား ဠင်းတ၊ သစ်ပင်တို့၏ အဓိပတိကား အင်ကြင်း၊ ၀ါးတို့၏ အဓိပတိကား မြင်ဝါး၊ မြက်တို့၏ အဓိပတိကား နေဇာမြက်၊ နက္ခတ် ၆ လုံး ငုပ်၏။  ၆ လုံး ပေါ်၏။ မြေသြဇာတက်၏။ မိုးဦး၊ မိုးနှောင်း နာအံ့။ မိုးလယ် ရွာအံ့။ မိုးအကြိမ် ၄၀ ရွာအံ့။ ကျေးတောင်မကောင်း။ ချိုင့်ဝှမ်းရာ ကောင်းအံ့။ ကောက်ပဲ အပင်တို့ကောင်း၍ အသီးအနှံမကောင်း။ အဖျင်းများအံ့။ မြေတကာ ဖြစ်သမျှသစ်ပင် နာအံ့။ အရွက်ကြွေကျလတံ္တ။ မိုးကြည်းကြောင်း ရွာအံ့။

ကဆုန်လ မိုးသံကြားအံ့။ နယုန်လမှာ ရွာအံ့။ လူတို့ အနာအဖျားများကုန်အံ့။ ပြည်သူတို့ ခိုက်ရန်များကြကုန်အံ့။ အချင်းချင်း ညှဉ်းဆဲကြကုန်လတံ္တ့။ စစ်ဖြစ်ကြလတံ္တ့။ ကျောက်၊ ၀က်သက်ထွက်အံ့။ အနာထူပြောအံ့။ တန်ခူး၊ ကဆုန်၊ ၀ါခေါင်၊ သီတင်းကျွတ်၊ နတ်တော်။ ဤငါးလကား လူတို့ရှားပါး ငတ်မွတ်ကြကုန်အံ့။ သမီး၊ လုလင်ပျိုတို့ မြူးတူးခြင်း လွန်ကုန်အံ့။

            ထိုနှစ်ဖွားသောသားကား သူချစ်များအံ့။ အမျိုးများအံ့။ ကျော်စောထင်ရှားအံ့။ မယားများအံ့။ သားမြေးများအံ့။ စိတ်နှလုံးမဖြောင့် ကောက်ကျစ်အံ့။ အကြံအစည်နက်အံ့။ လူတကာတို့ မှီခိုရာဖြစ်အံ့။ အသက် (၅၀) နေရအံ့။    

 

၎၊ ၅၊ ၂၃၊ ၄။ အာသဠှနှစ် အဟော

နှစ်အမည်ကား အာသဠှနှစ်တည်း။ နှစ်ကို မကာရ်းစောင့်၏။ လကို ငါးစောင့်၏။ ရက်ကို ကုမ္ဘာဏ်စောင့်၏။ မြေကို ဒက္ခရက်ဘီလူး စောင့်၏။ ကောင်းကင်ကို ဣန္ဒသရောနတ်စောင့်၏။ ရေကို နဂါးစောင့်၏။ မိုးကို လပိုင်စောင့်၏။ တောကို ယုန်စောင့်၏။

            လူတို့၏ အဓိပတိကား သုခမိန်၊ အခြေလေးခုတို့၏ အဓိပတိကား မကာရ်း၊ ငှက်တို့၏ အဓိပတိကား ၀မ်းဘဲ၊ သစ်ပင်တို့၏ အဓိပတိကား ဆူးခေါင်းနက်၊ ၀ါးတို့၏ အဓိပတိကား တင်းဝါး၊ မြက်တို့၏ အဓိပတိကား ပပြားမြက်၊ နက္ခတ် ၆ လုံး ငုပ်၏။ ၇ လုံးပေါ်၏။ မြေသြဇာမရှိ။ မိုးဦးမိုးလယ် ကောင်းအံ့။ မိုးနှောင်းတံ့အံ့။ မိုးတဖျင်းသုံ ရွာအံ့။ မိုးအကြိမ် ၆၀ ရွာအံ့။ ကျေး တောင်တောမကောင်း။ ချိုင့်ဝှမ်းရာ ကောင်းအံ့။ ကောက်ပဲသီးနှံ နာအံ့။ အရွက်ဟုန်အံ့။ အသီးအနှံ၊ အမြစ်အဖုမကောင်း။ ရေကြီးအံ့။ ကဆုန်လဆန်း မိုးသံကြားအံ့။ နယုန်လမှာ ရွာအံ့။ ပန်းမာလ် အနံ့အမွှေးမကောင်း။ ကဆုန်၊ သီတင်းကျွတ်၊ တန်ဆောင်မုန်း၊ ပြာသို၊ ဤလေးလကား သူခိုးဒဏ္ဍထ၍ ခိုက်ရန်များအံ့။ မင်းကား ရန်သူကိုအောင်အံ့။ အဝေးသား ရောက်အံ့။ လူတို့ အနာအဖျား များကုန်အံ့။ မွတ်သိပ်ကုန်အံ့။ သမီးလုလင်စသော လူကြီးသူမတို့ ချစ်ခင်သော သူတို့နှင့် ကွေကွင်းခြင်း များအကုန်အံ့။ လူတို့ ပွဲသဘင် အလှူကောင်းမှုပြုသူနည်းအံ့။

            ထိုနှစ်ဖွားသောသားကား ပညာရှိအံ့။ ဥစ္စာသခင်ဖြစ်အံ့။ စိုးမင်းသိထင်အံ့။ ချစ်သူများအံ့။ ကောင်းသော ကျော်စောခြင်း ရှိအံ့။ စောင်းညင်းတတ်အံ့။ ဘုန်းရှိအံ့။ ယဉ်ကျေးအံ့။ လူတကာတို့ မှီခိုရာဖြစ်အံ့။ အသက် (၈၀) နေရအံ့။    

 

၎၊ ၅၊ ၂၃၊ ၅။ သရ၀ဏ္ဏနှစ် အဟော

နှစ်အမည်ကား သရ၀ဏ္ဏနှစ်တည်း။ နှစ်ကို မိချောင်းစောင့်၏။ လကို ယုန်စောင့်၏။ ရက်ကို သင်္ကြန်စောင့်၏။ မြေကို ကုမ္ဘာဏ်ဘီလူးစောင့်၏။ ကောင်းကင်ကို ကြက်စောင့်၏။ ရေကို မကာရ်းစောင့်၏။ မိုးကို ဠင်းတစောင့်၏။ တောကို ဆင်စောင့်၏။

            လူတို့၏ အဓိပတိကား ဘုရား၊ အခြေလေးခုတို့၏ အဓိပတိကား မိချောင်း၊ ငှက်တို့၏ အဓိပတိကား ကျီး၊ သစ်ပင် တို့၏ အဓိပတိကား သရက်ဖြူ၊ ၀ါးတို့၏ အဓိပတိကား ကြသောင်းဝါး၊ မြက်တို့၏ အဓိပတိကား မြက်ခါး၊ နက္ခတ် ၇ လုံး ငုပ်၏။  ၈ လုံးပေါ်၏။ မြေသြဇာတက်၏။ မိုးဦးတံ့အံ့။ မိုးလယ်၊ မိုးနှောင်းကောင်းအံ့။ ရေကြီးအံ့။ သားငါးရှားအံ့။ မိုးအကြိမ် ၇၀ ရွာအံ့။ မိချောင်းရဲအံ့။ မြွေထူအံ့။ ကဆုန်၊ သီတင်းကျွတ်၊ တန်ဆောင်မုန်း၊ ပြာသို၊ တပို့တွဲ ဤငါးလကား ပြည့်ရှင်မင်းတို့ထံ လာဘ်ပါဒ် သကာရောက်အံ့။ ကောက်ပဲအသီးအနှံကောင်းအံ့။ ၀ပြောအံ့။ လူတို့အနာအဖျားများအံ့။ တပေါင်းလဆန်း မိုးသံကြားအံ့။ ကဆုန်လမှာ ရွာအံ့။ အပျက်အစီးများအံ့။ ပြည်ရွာ မီးလောင်ဘန်များအံ့။ ဇနပုဒ်တိုင်းကား ပုန်ကန်အံ့။ ခိုက်ရန်များအံ့။ မင်း၊ ရဟန်း၊ ပုဏ္ဏားမကောင်း။ အချင်းချင်း သတ်ကြအံ့။ မုဒိန်း၊ ဒဏ္ဍထူပြောအံ့။

            ထိုနှစ်ဖွားသောသားကား ပညာလျင်အံ့။ ထက်မြက်အံ့။ ပိဋကတ်၊ ဗေဒင်တတ်အံ့။ ဘုန်းတန်ခိုး၊ အာနုဘော် ကြီးအံ့။ စောင်မာန်ကြီးအံ့။ အခြေလေးခု သခင် ဖြစ်အံ့။ ခိုက်ရန်မလို။ အသက် (၉၀) နေရအံ့။    

 

၎၊ ၅၊ ၂၃၊ ၆။ ဘဒြနှစ် အဟော

နှစ်အမည်ကား ဘဒြနှစ်တည်း။ နှစ်ကို မြင်းစောင့်၏။ လကို ကြက်စောင့်၏။ ရက်ကို ကြွက်စောင့်၏။ မြေကို အဂ္ဂသရောဘီလူးစောင့်၏။ ကောင်းကင်ကို ကုမ္ဘာဏ်ဘီလူးစောင့်၏။ ရေကို ငါးကြင်းစောင့်၏။ မိုးကို မြည်းစောင့်၏။ တောကို ကြက်စောင့်၏။

            လူတို့၏ အဓိပတိကား မင်း၊ အခြေလေးခုတို့၏ အဓိပတိကား မြင်း၊ ငှက်တို့၏ အဓိပတိကား ဥသြ၊ သစ်ပင်တို့၏ အဓိပတိကား သင်းဝင်၊ ၀ါးတို့၏ အဓိပတိကား ၀ါးနွယ်၊ မြက်တို့၏ အဓိပတိကား ဆပ်သွား၊ နက္ခတ် ၈ လုံး ငုပ်၏။  ၉လုံးပေါ်၏။ မြေသြဇာတက်အံ့။ မိုးဦးမိုးလယ်တံ့အံ့။ မိုးနှောင်းကောင်းအံ့။ မိုးအကြိမ် ၆၀ ရွာအံ့။ မိုးတဖျင်းသုံရွာအံ့။ ရေမြေပျောက်အံ့။ ကျေးကုန်း၊ တောင်တောကောင်းအံ့။ ချိုင့်ဝှမ်းရာမကောင်း။ ကောက်ပဲသီးနှံ ကောင်းအံ့။ စပါးစသော အသီးမျိုးတို့သည် အဖျင်း မရှိ။ မာကုန်အံ့။  လူတို့အနာအဖျားများကုန်အံ့။ ၀ဲဆူ၊ ၀ဲလောင်၊ ကျောက်၊ ၀က်သက် ထွက်ကြကုန်အံ့။ လူတို့ ၀ပြော သာယာကြကုန်အံ့။ အမတ်၊ စစ်သူကြီးတို့ စစ်မက် သွားကြရကုန်အံ့။ ပြည်ရွာခြောက်ခြားအံ့။ မြောက်ဘက်မှ မုဒိန်းဒဏ္ဍ ထအံ့။

သမီး၊ လုလင်ပျိုတို့ရွှင်မြူးကြကုန်အံ့။ ရမ္မက်ကြီးအံ့။ ပြည့်ရှင်မင်းကား ဘေးကင်းအံ့။ မိဖုရားသစ် မြှောက်အံ့။ တပေါင်းလဆန်း မိုးသံကြားအံ့။ တန်ခူးလဆန်း ရွာအံ့။ လေမုန်တိုင်းထန်အံ့။ အခြေလေးခု ပေါအံ့။ ဆင်မြင်း နာအံ့။

            ထိုနှစ်ဖွားသောသားကား သူချစ်များအံ့။ သိမြင်လိမ္မာအံ့။ နှုတ်လက်ယဉ်ကျေးအံ့။ စည်းစိမ်ချမ်းသာများအံ့။ အဆင်းလှအံ့။ ပညာရှိအံ့။ အသက်ရှည်အံ့။ သတင်းကောင်းရှိအံ့။ အသက် (၈၀) နေရအံ့။    

 

၎၊ ၅၊ ၂၃၊ ၇။ အဿယုဇ္ဇနှစ် အဟော

နှစ်အမည်ကား အဿယုဇ္ဇနှစ်တည်း။ နှစ်ကို ဆင်စောင့်၏။ လကို သမင်စောင့်၏။ ရက်ကို သင်္ကြန်စောင့်၏။ မြေကို ရက္ခိုက်ဘီလူး စောင့်၏။ ကောင်းကင်ကို ပဇ္ဇုန်နတ်စောင့်၏။ ရေကို မြွေစောင့်၏။ မိုးကို မြင်းစောင့်၏။ တောကို မြည်းစောင့်၏။

            လူတို့၏ အဓိပတိကား ဘုရား၊ အခြေလေးခုတို့၏ အဓိပတိကား ဆင်၊ ငှက်တို့၏ အဓိပတိကား ကြိုးကြာ၊ သစ်ပင်တို့ ၏ အဓိပတိကား လက်ပံ၊ ၀ါးတို့၏ အဓိပတိကား ၀ါးနွယ်၊ မြက်တို့၏ အဓိပတိကား နွားမြက်ရင်း၊ နက္ခတ် ၉ လုံး ငုပ်၏။ ၁၀ လုံး ပေါ်၏။ မြေသြဇာတက်အံ့။ မိုးဦးတံ့အံ့။ မိုးလယ်၊ မိုးနှောင်းကောင်းအံ့။ မြစ်ရေ၊ ချောင်းရေ ကောင်းအံ့။ မိုးအကြိမ် ၉၀ ရွာအံ့။ လေမုန်တိုင်းထန်အံ့။ ကောက်ပဲသီးနှံ အကောင်းညီအံ့။ အခွံအနက်ထွက်အံ့။ သစ်မြစ်၊ သစ်သီး၊ သစ်ပွင့် အကောင်းညီအံ့။ မင်းတို့ တရား (၁၀) ပါးစောင့်အံ့။ ပြည်သူတို့ သာယာဝပြောအံ့။ စည်းစိမ်ဥစ္စာ တိုးတက်များပြားအံ့။ အလှူကောင်းမှုပြုသည် များအံ့။ တန်ခူးလ မိုးသံကြားအံ့။ ကဆုန်လမှာ ရွာအံ့။ လေရှည်အံ့။ မိုးအကောင်းညီအံ့။ ကျေးတောတောင်နှံ့အံ့။ ကန်ချောင်း ပြည့်အံ့။

            ထိုနှစ်ဖွားသောသားကား ကုသိုလ်ကောင်းမှု အလိုရှိအံ့။ ဟူးရား၊ ဗေဒင်၊ ယတြာ၊ ယာယီတတ်အံ့။ အလွန်သော သုခမိန်ဖြစ်အံ့။ မင်းစသောပြည်သူတို့၏ ချမ်းသာကို ရှာပေလတ္တံ့။ အသက် (၈၀) နေရအံ့။    

၎၊ ၅၊ ၂၃၊ ၈။ ကြတ္တိကာနှစ် အဟော

နှစ်အမည်ကား ကြတ္တိကာနှစ်တည်း။ နှစ်ကို မျောက်စောင့်၏။ လကို ခွေးစောင့်၏။ ရက်ကို ကြောင်စောင့်၏။ မြေကို ဘုမ္မစိုးစောင့်၏။ ကောင်းကင်ကို သတ္တသီရိဘီလူးစောင့်၏။ ရေကို ငါးစောင့်၏။ မိုးကို ကြက်စောင့်၏။ တောကို ကြွက်စောင့်၏။

            လူတို့၏ အဓိပတိကား မင်း၊ အခြေလေးခုတို့၏ အဓိပတိကား မျောက်၊ ငှက်တို့၏ အဓိပတိကား နှံပြည်စုတ်၊ သစ်ပင် တို့၏ အဓိပတိကား တောင်ပိန္နဲ၊ ၀ါးတို့၏ အဓိပတိကား သိုက်ဝါး၊ မြက်တို့၏ အဓိပတိကား မြက်ခါး၊ နက္ခတ် ၁၀ လုံး ငုပ်၏။ ၁၁  လုံးပေါ်၏။ မြေသြဇာတက်အံ့။ မိုးဦး၊ မိုးလယ်ကောင်းအံ့။ မိုးနှောင်းနာအံ့။ ရေလယ်ရေနှောင်းကောင်းအံ့။ မိုးအကြိမ် ၁၀၀ ရွာအံ့။ မိုးထက်ဝန်းကျင် အညီရွာအံ့။ ရွာတာရှည်အံ့။ လေထန်အံ့။ စပါး၊ ပဲ၊ ပြောင်း၊ ချိုင့်ဝှမ်းရာကောင်းအံ့။ ကောက်ပဲသီးနှံ မြောက်အံ့။ ပန်းမာလ် အနံ့မွှေးအံ့။ သစ်မြစ်သစ်သီးဟူသမမျှ ကြီးဖွံ့အံ့။ လူတို့ ၀ပြောကုန်အံ့။ သူကြွယ်တို့ ပျက်စီးကုန်အံ့။ တိုင်းကားပုန်ကန်အံ့။ ကဆုန်၊ သီတင်းကျွတ်၊ တပို့တွဲ၊ တပေါင်း ဤလေးလကား လူတို့အနာအဖျားများကုန်အံ့။ လူတို့မွတ်သိပ် ကုန်အံ့။ အခြေလေးခုတို့ ဥပါဒ်ရှိအံ့။

            ထိုနှစ်ဖွားသောသားကား စိတ်လက်ကြွအံ့။ နှုတ်လက် ဆော့အံ့။ မယားများအံ့။ သားသမီးနည်းအံ့။ ဥစ္စာမားအံ့။ ယာဉ်သံလျင်းမကွာစီးရအံ့။ လူတကာတို့ ချစ်မြတ်နိုးအံ့။ အဆင်းအ၀ါလှအံ့။ အသက် (၈၀) နေရအံ့။    

 

၎၊ ၅၊ ၂၃၊ ၉။ မိဂသီနှစ် အဟော

နှစ်အမည်ကား မိဂသီနှစ်တည်း။ နှစ်ကို ကြက်စောင့်၏။ လကို အဘယနတ်စောင့်၏။ ရက်ကို သင်္ကြန်စောင့်၏။ မြေကို ကုမ္ဘာဏ်စောင့်၏။ ကောင်းကင်ကို ၀ဿဝရောဘီလူးစောင့်၏။ ရေကို နဂါးစောင့်၏။ မိုးကို နွားစောင့်၏။ တောကို ကရ၀ိက်ငှက် စောင့်၏။

            လူတို့၏ အဓိပတိကား ပုဏ္ဏား၊ အခြေလေးခုတို့၏ အဓိပတိကား မျောက်၊ ငှက်တို့၏ အဓိပတိကား ယစ်၊ သစ်ပင်တို့၏ အဓိပတိကား သမင်စာ၊ ၀ါးတို့၏ အဓိပတိကား ကြခတ်ဝါး၊ မြက်တို့၏ အဓိပတိကား သက်ငယ်၊ နက္ခတ် ၁၁ လုံး ငုပ်၏။ ၁၂ လုံးပေါ်၏။ မြေသြဇာတက်အံ့။ မိုးဦးမိုးလယ်ကောင်းအံ့။ မုးနှောင်းတံ့အံ့။ ကောက်ပဲ၊ ဘူး၊ ဖရုံ၊ ဖရဲ၊ ခရမ်းကား ချိုင့်ဝှမ်းရာ ကောင်းအံ့။ အသီး၊ အနှံ၊ အပွင့်မြောက်အံ့။ အခွံအနက်နေအံ့။ ကြွက်ဖျက်အံ့။

            ကဆုန်၊ သီတင်းကျွတ်၊ နတ်တော်၊ တပို့တွဲ၊ တပေါင်း ဤ ၅ လကား ပြည်ရွာ ရှားပါးငတ်မွတ်အံ့။ လူတကာတို့ ဘေးဥပါဒ်ဖြစ်ကုန်အံ့။ မိုးမရွာသောအရပ်ကား တစ်ပေါက်မှမကျအောင် ခေါင်အံ့။ မီးလောင်ဘန်များအံ့။ မင်း အမျက်ထွက်အံ့။ ဆင်ယာဉ်၊ မြင်းယာဉ်တို့ဖြင့် စီးသွားရအံ့။ ဗိုလ်ပါ ထိတ်လန့်အံ့။ လူတို့ စိတ်နှလုံးမသာ ရှိကုန်အံ့။ ဇနပုဒ်၊ တိုင်းကားပြည်ရွာ သောင်းကျန်းအံ့။ ပုန်ကန်အံ့။ ဘေးများအံ့။ လူတို့ စည်းစိမ်ချမ်းသာပျက်စီးခြင်း များကုန်အံ့။ ကဆုန်လမှာ မိုးသံကြားအံ့။ နယုန်လမှာ ရွာအံ့။ သတ္တ၀ါတို့ ဥပါဒ်များကုန်အံ့။

            ထိုနှစ်ဖွားသောသားကား ပညာရှိအံ့။ အခြေလေးခုသခင် ဖြစ်အံ့။ စိတ်နှလုံးကောက်ကျစ်အံ့။ ဆင်မြင်းစီး၍ သွားရအံ့။  အသက် (၅၀) နေရအံ့။    

 

၎၊ ၅၊ ၂၃၊ ၁၀။ ဖုသျှနှစ် အဟော

နှစ်အမည်ကား ဖုသျှနှစ်တည်း။ နှစ်ကို ခွေးစောင့်၏။ လကို ကြောင်စောင့်၏။ ရက်ကို ကြွက်စောင့်၏။ မြေကို ဒက္ခရက်ဘီလူးစောင့်၏။ ကောင်းကင်ကို ကာလမည်သောနတ်သားစောင့်၏။ ရေကို ကြက်စောင့်၏။ မိုးကို ကျေးစောင့်၏။ တောကို ခြင်္သေ့စောင့်၏။

            လူတို့၏ အဓိပတိကား မင်း၊ အခြေလေးခုတို့၏ အဓိပတိကား ခွေး၊ ငှက်တို့၏ အဓိပတိကား ကြက်၊ သစ်ပင်တို့၏ အဓိပတိကား သမင်စာ၊ ၀ါးတို့၏ အဓိပတိကား ၀ါးသဲ၊ မြက်တို့၏ အဓိပတိကား သမန်းမြက်၊ နက္ခတ် ၁၂ လုံး ငုပ်၏။ ၁၃ လုံး ပေါ်၏။ မြေသြဇာတက်အံ့။ မိုးဦးမိုးလယ်နာအံ့။ မိုးနှောင်း ကောင်းအံ့။ မိုးအကြိမ် ၁၀၀ ရွာအံ့။ ရေကြီးအံ့။ တောတောင် မကောင်း။ ချိုင့်ဝှမ်းကောင်းအံ့။ မြေထက်ရောက်သော ကောက်ပဲဟူသမျှ အမြစ်အရွက် အဖု၊ အသီး အနှံမကောင်း။ လူတို့ မွတ်သိပ်ကုန်အံ့။ အချင်းချင်းလုယက်ကြကုန်အံ့။ ငါးသေအံ့။ လူတို့ စကားမမှန် ကျင့်ကုန်အံ့။ ထူးပြားသော အနာတို့ ပေါက်၍ သေကုန်အံ့။

            ကဆုန်၊ ၀ါဆို၊ နတ်တော်၊ တပေါင်း၊ ဤလေးလကား စပါးရှားအံ့။ လူတို့ ငတ်မွတ်ကုန်အံ့။ မီးလောင်ဘန်များအံ့။ မင်းလည်း အမျက်ထွက်ဘန်များအံ့။ ဗိုလ်ပါထိတ်လန့်အံ့။  စစ်ရောက်အံ့။ ဥပါဒ်ကြီးဖြစ်ကြအံ့။ ကဆုန်လဆန်း မိုးသံကြားအံ့။ နယုန်လမှာ ရွာအံ့။ ကောက်ယဉ်၊ ကောက်လတ်ကောင်းအံ့။ သစ်သီး၊ ကွမ်းသီးနည်းအံ့။

            ထိုနှစ်ဖွားသောသားကား အနာအဖျားနည်းအံ့။ စည်းစိမ်ချမ်းသာနည်းအံ့။ စိတ်နှလုံးဆင်းရဲအံ့။ ပညာနည်းအံ့။ သူ့အသက်ကို မချစ်တတ်။ သူ့သားမယားအိမ်ယာကို ပြစ်မှားတတ်အံ့။ အသက် (၆၀) နေရအံ့။    

 

၎၊ ၅၊ ၂၃၊ ၁၁။ မာဃနှစ် အဟော

နှစ်အမည်ကား မာဃနှစ်တည်း။ နှစ်ကို ၀က်စောင့်၏။ လကို ကျီးစောင့်၏။ ရက်ကို ခွေးစောင့်၏။ မြေကို ဒွန်းစဏ္ဍားစောင့်၏။ ကောင်းကင်ကို ရုတ္တရနတ်စောင့်၏။ ရေကို ကြွက်စောင့်၏။ မိုးကို ၀မ်းဘဲစောင့်၏။ တောကို ယစ်စောင့်၏။

            လူတို့၏ အဓိပတိကား မင်း၊ အခြေလေးခုတို့၏ အဓိပတိကား တောဝက်၊ ငှက်တို့၏ အဓိပတိကား စွန်၊ သစ်ပင်တို့၏ အဓိပတိကား သစ်ကနက်၊ ၀ါးတို့၏ အဓိပတိကား သိုက်ဝါး၊ မြက်တို့၏ အဓိပတိကား မြက်ရဲ။ နက္ခတ် ၁၃ လုံး ငုပ်၏။ ၁၄ လုံး ပေါ်၏။ မြေသြဇာမရှိ။ မိုးဦးနာအံ့။ မိုးလယ်မိုးနှောင်း ကောင်းအံ့။ ရေကြီးအံ့။ လေနှောင်းအံ့။ မုန်တိုင်းလေပွေ ထန်အံ့။ မိုးအကြိမ် ၆၀ ရွာအံ့။ ကောက်ပဲသီးနှံတို့ အဖျင်းမရှိ။ ကျေးတောတောင် မကောင်း။ သစ်ပင်ဟူသမျှလည်း မကောင်း၊ အရွက် အပွင့်၊ အဖု၊ အမြစ်နာအံ့။ အပွင့်အသီးနည်းအံ့။ လူတို့အနာအဖျားများအံ့။ အသေအပျောက်နည်းအံ့။ မိုးကြည်းကြောင်း ရွာအံ့။ ငါး, သားများအံ့။ တန်ခူးလဆန်း မိုးသံကြားအံ့။ နယုန်လမှာ ရွာအံ့။ ၀ါဆိုလ မိုးမှန်အံ့။ လူတို့ဝပြောကုန်အံ့။ စစ်မက်မရှိ။ ပြည့်ရှင်မင်း နှလုံးချမ်းသာအံ့။

            ထိုနှစ်ဖွားသောသားကား ဥစ္စာပရိရိက္ခာများအံ့။ ပညာ အဆင်အခြင်မရှိ။ လောဘရမ္မက်ကြီးအံ့။ အင်္ဂါလက္ခဏာချို့တဲ့ အံ့။ အဆင်းအ၀ါတံအံ့။ အမူအကျင့်ညစ်အံ့။ ချစ်သူခင်သူ နည်းအံ့။ အသက် (၇၀) နေရအံ့။    

 

၎၊ ၅၊ ၂၃၊ ၁၂။ ဘဂ္ဂုဏနှစ် အဟော

နှစ်အမည်ကား ဘဂ္ဂုဏနှစ်တည်း။ နှစ်ကို ကြွက်စောင့်၏။ လကို ၀မ်းဘဲစောင့်၏။ ရက်ကို ၀က်စောင့်၏။ မြေကို ပြိတ္တာစောင့်၏။ ကောင်းကင်ကို အာဠာဝကဘီလူးစောင့်၏။ ရေကို လင်းပိုင်စောင့်၏။ မိုးကို ဟင်္သာစောင့်၏။ တောကို စာမရီငှက်စောင့်၏။

            လူတို့၏ အဓိပတိကား ဒွန်းစဏ္ဍား၊ အခြေလေးခုတို့၏ အဓိပတိကား ကြွက်၊ ငှက်တို့၏ အဓိပတိကား ခင်ပုတ်၊ သစ်ပင်တို့၏ အဓိပတိကား ထောက်ကြံ့၊ ၀ါးတို့၏ အဓိပတိကား ၀ါးပိုး၊ မြက်တို့၏ အဓိပတိကား သမန်း၊ နက္ခတ် ၁၄ လုံး ငုပ်၏။ ၁၅ လုံးပေါ်၏။ မြေသြဇာတက်အံ့။ မိုးဦး၊ မိုးလယ်၊ မိုးနှောင်းအကောင်းညီအံ့။ ရွာတာရှည်အံ့။ ရေနှောင်းအံ့။ မိုးအကြိမ် ၉၀ ရွာအံ့။ ကောက်ပဲသီးနှံ ကောင်းအံ့။ ကောက်ယဉ်၊ ကောက်လတ်ကောင်းအံ့။ သစ်မြစ်၊ သစ်ဖု၊ သစ်ရွက်၊ သစ်ပွင့်၊ သစ်သီး အကောင်းညီအံ့။ ကွမ်းသီးကွမ်းရွက် အကောင်းညီအံ့။ စပါးပြောင်းတို့သည် အခွံနက်နေကုန်အံ့။ ကြွက်ဖျက်အံ့။

            လူတို့ဝပြောသာယာကုန်အံ့။ သမီးလုလင်ပျိုတို့ စိတ်လက်မရွှင် ကိုယ်နာ၊ ကိုယ်ဖျားများကုန်အံ့။ မင်းလည်း သူတစ်ပါး မှ ဖြစ်သော ဥစ္စာတို့ကို ရကုန်အံ့။ စိတ်နှလုံး ချမ်းသာရအံ့။ တန်ခူးလဆန်း မိုးသံကြားအံ့။ ကဆုန်လမှာ ရွာအံ့။ မိုးရုန့်အံ့။ လေနှောင်းအံ့။ ရေရုန့်အံ့။ အခြေလေးခုအနီ၊ အပျောက်၊ အကြားစွံအံ့။

            ထိုနှစ်ဖွားသောသားကား ဥစ္စာများအံ့။ လျှပ်ပေါ်အံ့။ ပညာလျင်အံ့။ အဆင်းအ၀ါလှအံ့။ နှုတ်သစ္စာစောင့်အံ့။ သားသမီး၊ မြေးမြစ်တိုင်အောင် အဆင်းအ၀ါ၊ စည်းစိမ်ချမ်းသာ မချို့တဲ့၊ ပြည့်စုံအံ့။ လူတကာတို့ကို သနားစုံမက်၊ မရောက်ဘူး သော အရပ်တို့ကို ရောက်အံ့။ သူ့ကိုနိုင့်ထက်ကလူ ပြုတတ်အံ့။ အသက် (၉၀) နေရအံ့။    

            ဤကား အတာစက္ခုအလိုတည်း။