ထိထိရောက်ရောက် လုပ်တတ်သူ

(မှန်အောင်လုပ်နေတာထက် လုပ်နေတာတွေ မှန်ပါစေ) 

အစဉ်တိုးတက်ပြောင်းလဲနေသော၊ လှုပ်ရှားရုန်းကန်နေရသော၊ ရင်ဆိုင်ယှဉ်ပြိုင်မှုများသထက်များလာနေသော ယနေ့ခေတ် ကမ္ဘာကြီးတွင် လူတစ်ဦးချင်းစီသည် လုပ်ငန်းခွင်လိုအပ်ချက်နှင့် ပြောင်းလဲနေမှုများကို အမီလိုက်ရန် အရေးတကြီး ဖြစ်လာ နေပေသည်။

လုပ်ငန်းခွင်နှင့် အံဝင်ခွင်ကျဖြစ်ရေးမှာ ယခုအခါတွင် အားသာချက်တစ်ရပ်မဟုတ်တော့ပေ။ ၎င်းသည် အခြေခံလိုအပ်ချက် တစ်ရပ် ဖြစ်လာခဲ့ပြီ။

လုပ်ငန်းကျွမ်းကျင်ခြင်း နှင့် ထိရောက်စွာလုပ်တတ်ခြင်းတို့မှာ သိသာထင်ရှားစွာ ကွဲပြားခြားနားသည်။ စွမ်းဆောင်ရည် ဆိုသည်မှာ မှန်မှန်ကန်ကန်လုပ်တတ်ခြင်း ဖြစ်၍ ထိထိရောက်ရောက်လုပ်တတ်ခြင်းဟူသည် လုပ်သမျှမှန်ကန်ခြင်း ဖြစ်သည်။

(ဤနေရာတွင် စာရှုသူတို့နားလည်အောင် မူရင်းဆောင်းပါးတွင်မပါသော်လည်း မှန်မှန်ကန်ကန်လုပ်တတ်ခြင်း နှင့် လုပ်သမျှမှန်ကန်ခြင်း ကို အနည်းငယ်ရှင်းပြပါမည်။ ကျွန်တော်က ပိုက်သမားဆိုတော့ ပိုက်လုပ်တာကို နမူနာပေးပါမည်။ ဥပမာ - ကျွန်တော်တို့ ပိုက်လိုင်းတစ်ခု ဆင်ပြီဆိုပါစို့။ ကျွန်တော်သည် ဖိုက်ဘာပိုက်ကိုလုပ်လာတာ ဆယ်နှစ်မကပြီ။ သို့အတွက် ဖိုက်ဘာပိုက်ကို မည်သို့ဆင်ရမည် ကောင်းကောင်းသိသည်။ သည်တော့ ပုံကိုကြည့်ကာ ပိုက်နှင့်ဖလန်းကို ဆက်လိုက်သည်။ ပိုက်ရွေးတာရော၊ ဆက်တာရော၊ အလိုင်းမင့်ချိန်တာရော၊ ကော်သားရော ဘာမှပြောစရာမရှိ။ အားလုံး အပြစ်ကင်းသည်။ သို့သော် ပုံဖတ်စဉ်က ရှမ်းသွားသဖြင့် ပေါင် ၃၀၀ ဖလန်း ဆင်ရမည့်အစား ပေါင် ၁၅၀ ဖလန်းကို ဆင်ပေးလိုက်မိသည်။ ဆိုဒ်ထဲပို့လိုက်မှ ဆိုဒ်ကလူတွေက ဖလန်းကို ပေါင်၃၀၀ နှင့်ဆင်ရမည်ဟု ပြန်ပြောမှသိရသည်။ သည်တော့မှ ပုံကိုပြန်ဖတ်မိသည်။ ပေါင် ၃၀၀ ဖလန်း သုံးရမှန်းသိသည်။

ကျွန်တော် ပုံကိုကျကျနနဖတ်တတ်သည်။ ပေါင် ၁၅၀ နှင့် ပေါင် ၃၀၀ ဖလန်းကိုလည်း ကောင်းကောင်းသိသည်။ သို့သော် ပိုက်ကိုဆင်စဉ်က သေသေချာချာမဖတ်မိ။ သည်တော့ ထုံးစံအတိုင်း ပေါင် ၁၅၀ ဖလန်းပဲထင်ကာ ဆင်လိုက်သည်။ ဆိုဒ်ထဲ ရောက်မှဆင်ပြီးသား စပူးများကို ပြန်ပို့လာသည်။ သို့အတွက် အချိန်ကုန်သည်။ ပြန်လုပ်ရသည့်အတွက် အပိုပင်ပန်းသည်။ ကော်ထပ်သုံးရသဖြင့် ပိုက်ဆံပိုကုန်သည်။ အလုပ်နှောင့်နှေးကြန့်ကြာသည်။

ဤသည်မှာ ကျွန်တော် မှန်မှန်ကန်ကန်တော့ လုပ်တတ်သည်။ သို့သော် လုပ်တာမမှန်ခြင်း ဖြစ်သည်။

လုပ်သမျှ မှန်ကန်ခြင်း ဆိုသည်မှာ ပိုက်ကိုရွေးသည့်နေရာမှာရော၊ ဖလန်းကိုရွေးသည့်နေရာမှာရော၊ တိုင်းသည့်နေရာမှာရော၊ ဆက်သည့်နေရာမှာရော၊ အလိုင်းမင့်ချိန်သည့်နေရာမှာရော၊ လုပ်သည့်နေရာအားလုံးမှာ မှန်ကန်နေတာ ဖြစ်သည်။ သို့အတွက် ဖလန်းကိုမှားရွေးမိစရာ အကြောင်းမရှိတော့။

ဤသည်မှာ လုပ်သမျှမှန်ကန်ခြင်း နှင့် မှန်မှန်ကန်ကန်လုပ်တတ်ခြင်းတို့ ကွဲပြားခြားနားပုံဖြစ်သည်။ ဤကားစကားချပ်။)  

သည်ခေတ်တွင် ကျွမ်းကျင်လုပ်သား ပေါလှသည်။ သို့သော် ထိထိရောက်ရောက်လုပ်တတ်သူ ရှားသည်။

သို့ဆိုလျှင် အသင်သည် ကျွမ်းကျင်စွာလုပ်တတ်သူမှ ထိရောက်စွာလုပ်တတ်သူအဖြစ် မည်သို့ ပြုပြင်ယူမည်နည်း။

ဤသို့ပြောင်းရန် အဓိက သော့ချက် ၃ ချက် ရှိသည်။

၁။ သင့်စွမ်းအားကို နားလည်ပါ။

မားကပ်စ် ဘပ်ကင်ဟမ် နှင့် ဒေါ်နယ်ကလစ်ဖ်တန် တို့က သူတို့၏ ထင်ရှားကျော်ကြားလှသော Now, Discover Your Strengths စာအုပ်တွင် လူ့အသိုင်းအ၀ိုင်းသည် အပြစ်ကိုရှာရာတွင် ပုံကြီးချဲ့လွန်းလှသည် ဟု ဖော်ပြထားသည်။

အကယ်၍ ကျွန်ုပ်တို့သည် ဘ၀လိုအပ်ချက်များကို ထိထိရောက်ရောက် ဖြည့်ဆည်းလိုလျှင် ကျွန်ုပ်တို့တွင်ရှိသော စွမ်းအားများ ကို ရှာဖွေဖော်ထုတ်ကာ ထိုစွမ်းအားများကို အသုံးချမည့်နည်းလမ်းများကို ရှာရပေမည် ဟု ဘပ်ကင်ဟမ် နှင့် ကလစ်ဖ်တန်တို့ က ၎င်းတို့၏ စာအုပ်တွင် ညွှန်ပြထား၏။

မိမိအားနည်းချက်များကို ပြင်နေသည်ထက် မိမိစွမ်းအားများကို တိုးမြှင့်ခြင်းက ထိရောက်မှုရှိစေခြင်းကို အရှိန်အဟုန်မြှင့်ပေး နိုင်သည်။ သို့ဖြစ်လျှင် -

စွမ်းအားဆိုတာ ဘာလဲ?

စွမ်းအားဆိုသည်မှာ လုပ်ဆောင်မှုတစ်ခုအား အကြွင်းမဲ့နီးပါး ဦးလည်မသုံ စွမ်းဆောင်နိုင်မှုကို ခေါ်သည် ဟု အဓိပ္ပါယ် သတ်မှတ်ထားသည်။

စွမ်းအား၏ ဥပမာများတွင် လျှင်မြန်စွာပြုလုပ်နိုင်စွမ်း ပါသည်။ သို့သော်လည်း ကောင်းမွန်သော ဆုံးဖြတ်ချက်များချနိုင်မှု၊ တိကျမှု၊ စိတ်ရှည်မှု နှင့် ယုတ္တိရှိစွာတွေးခေါ်တတ်မှုတို့နှင့် ယှဉ်တွဲနေသည်။

စွမ်းအားသည် ပါရမီနှင့် ကွဲပြားသည်။ ပါရမီသည် မွေးရာပါအရည်အချင်းဖြစ်ပြီး စွမ်းအားကိုမူ မွေးမြူယူ၍ရသည်။

သို့ဆိုလျှင် သင်၏စွမ်းအားများကို မည်ကဲ့သို့ သိနိုင်မည်နည်း။

သင့်စွမ်းအားများကို သိသူများမှာ အခြားသူများမဟုတ်။ သင်နှင့် နီးနီးကပ်ကပ်ပေါင်းသင်း ဆက်ဆံနေရသူများ ဖြစ်၏။ ဤသူများမှာ သင့်မိဘ၊ ညီအစ်ကိုမောင်နှမ၊ သင့်အိမ်ထောင်ဖက်၊ သင့်သားသမီးစသော အိမ်သူအိမ်သားများ၊ သင်၏ အရင်းနှီးဆုံး သူငယ်ချင်းများ၊ သင်၏ ဆရာဆရာမများ၊ လုပ်ဖော်ကိုင်ဖက်များ စသူတို့ဖြစ်သည်။ သူတို့က သင်၏ ကောင်းကွက်များကို ဖော်ထုတ်ပေးလိမ့်မည်။

သင့်စွမ်းအားများမှာ မည်သည်တို့ဖြစ်သည်ကို သိရသည်နှင့် ၎င်းတို့ကိုအကောင်းဆုံးဖြစ်အောင် လုပ်ယူ၊ ပြုပြင်ယူပါ။ မိမိတွင် ဤစွမ်းအားများ အမြဲရှိနေစေရန် သတိထားပါ။

သင်သည် အလုပ်များကို ပိုမိုထိရောက်တွင်ကျယ်စွာ လုပ်ကိုင်လာနိုင်ကြောင်း အံ့သြစွာ တွေ့ရပါလိမ့်မည်။

၂။ အမြဲသင်ယူနေသူ ဖြစ်ပါစေ။

အမြဲသင်ယူနေသူ ဆိုသည်မှာ သင်တန်းများတစ်ခုပြီးတစ်ခုတက်၊ ကျောင်းများ အဆက်မပြတ်တက်ကာ လူအထင်ကြီးစေမည့် ဘွဲ့များ၊ ကြွားနိုင်လောက်သော လက်မှတ်များ တစ်သီကြီးရယူနေဘို့ ဆိုလိုခြင်းမဟုတ်ပါ။ သင်ဖြစ်ချင်သော လူတစ်ယောက် ဖြစ်လာစေရန်၊ သင့်တွင် ထိုဖြစ်လာနိုင်လောက်သည့် စွမ်းရည်များပိုင်ဆိုင်လာအောင် တွေးခေါ်တတ်လာအောင် လေ့လာသင်ယူနေမှုကို ဆိုလိုပါသည်။

ယခု အသိပညာခေတ်ကြီးတွင် နည်းပညာအသစ်များနှင့် အတတ်ပညာများက တီထွင်ဆန်းသစ်မှု တန်ဖိုးများကို ဖြစ်စေသည်။ ဘ၀တစ်လျှောက်လုံး သင်ယူနေခြင်းသည် မိမိကိုယ်ကိုပေးဆပ်နိုင်သည့် အကောင်းဆုံးရင်းနှီးမြှုပ်နှံမှုပင် ဖြစ်တော့၏။

ဘ၀တစ်လျှောက်လုံး သင်ယူနေခြင်း ဆိုတာဘာလဲ?

ဤကဲ့သို့သင်ယူရာတွင် နည်းနှစ်နည်းရှိ၏။ တစ်နည်းမှာ စာအုပ်စာပေများမှ လေ့လာခြင်း ဖြစ်ပြီး နောက်တစ်နည်းမှာ မိမိထက် ပိုမိုတတ်ကျွမ်းသူများထံမှ လေ့လာသင်ယူနည်း ဖြစ်၏။

စာဖတ်ခြင်းသည်ကား အပြစ်ကင်းဆုံးအမှုပင် ဖြစ်တော့၏။

လူများစွာကပင် ကျုပ်တို့မှာ စာဖတ်ဖို့အချိန်မရှိပါဘူးဗျာ ဟု ဆင်ခြေပေးတတ်ကြသည်။ သို့သော် သူတို့မှာ အပေါင်းအသင်း များနှင့် မဟုတ်က မဟတ်ကများပြောရန်၊ တီဗီကြည့်ရန် သို့မဟုတ် ရုပ်ရှင်သွားရန်၊ အရေမရ အဖတ်မရ ချတ်တင်ဝင်ဘို့ရန် များအတွက်မူ အချိန်များစွာရှိပေသည်။

လေ့လာချက်များက ချမ်းသာသောမိသားစုများ၏ အခြေခံတူညီမှုမှာ စာအုပ်များဝယ်ယူစုဆောင်းခြင်း တခါတရံ အိမ်တွင်း စာကြည့်တိုက်ကလေး ထူထောင်ထားခြင်း ဟူသော အချက်ကို ဖော်ထုတ်ထားသည်။ စာဖတ်ခြင်းသည် စိတ်ဓါတ်ခွန်အား ဖြည့်ဆည်းခြင်းဖြစ်၏။ စာဖတ်ခြင်းဖြင့် အသိပညာ ဗဟုသုတများစွာ ရစေသည်။ မှန်ကန်စွာတွေးခေါ်တတ်စေသည်။ တနည်းဆိုရသော် စာဖတ်ခြင်းအားဖြင့် ရရှိလာသော အကျိုးအမြတ်မှာ အကန့်အသတ် မရှိပါ။

လူများထံမှ အဘယ်ကဲ့သို့ လေ့လာသင်ယူမည်နည်း။ လွယ်ပါသည်။ မိမိနှင့် သက်တူရွယ်တူများ၊ မိမိမိတ်ဆွေသူငယ်ချင်းများ၊ ဆရာသမားများ စသည်တို့၏ ကောင်းကွက်များကို အတုယူခြင်း၊ မိမိဝါသနာပါရာ သင်တန်းများတက်ခြင်း စသည်တို့ဖြစ်သည်။

၃။ ကျန်းမာပျော်ရွှင်နေပါစေ။ လေ့ကျင့်ခန်းများ လုပ်ပါ။

နှလုံးရောဂါအများစုမှာ တနင်္လာနေ့တွင် ရတာများ၏ ဟု သုတေသနများက ဆိုပါသည်။ အဘယ်ကြောင့်နည်း။ လွန်ခဲ့သော အပတ်က စိတ်ဖိစီးမှုများကို ယခုတစ်ပါတ် တနင်္လာနေ့တွင် ပြန်လည် သယ်ဆောင်လာသောကြောင့် နှင့် ယခုတစ်ပါတ် လုပ်ရမည့် အလုပ်ဝန်ထုပ်ဝန်ပိုးကို တွေးမိသောကြောင့် ဖြစ်သည်ဆို၏။

အကယ်၍ သင်သည် ပူပင်သောက ဗျာပါဒများနှင့် အလုပ်လုပ်နေပြီဆိုလျှင် အလုပ်ကိုထိရောက်စွာလုပ်ရန် မရှိမဖြစ်လိုအပ် သော ပြတ်ပြတ်သားသားတွေးခေါ်နိုင်မှုကို မည်သည့်အခါမှ ရနိုင်လိမ့်မည် မဟုတ်ချေ။

သို့သော်လည်း အနာသိက ဆေးရှိရပေမည်။

ဆေးကား အေရိုးဗစ်လေ့ကျင့်ခန်း လုပ်ခြင်းပေတည်း။

လေ့ကျင့်ခန်းပုံမှန်လုပ်ခြင်း၏ အကျိုးကား အလုပ်တွင် ထိထိရောက်ရောက်လုပ်နိုင်ခြင်းဖြစ်၏။ သင်၏ သွေးခုန်နှုံး ပိုနှေးလာပြီ ဆိုသည့်သဘောမှာ သင်ပိုပြီးတည်တည်ငြိမ်ငြိမ်ရှိလာပြီကို ဖော်ပြနေသည်။ လေ့ကျင့်ခန်းပုံမှန်လုပ်ခြင်း (တစ်နေ့ကို နာရီဝက်ခန့်ပြေးခြင်း စသည်) အားဖြင့် သင်သည် အလုပ်မှ အခက်အခဲ၊ ပြဿနာများကို ခေါင်းအေးအေးဖြင့် ဖြေရှင်းကျော်လွှားနိုင်လာသည် ဆိုသည်ကို မယုံနိုင်စရာ တွေ့လာပါလိမ့်မည်။

တစ်နည်းအားဖြင့် သင့်ဘ၀တွင် အလုပ်ကို ထိရောက်စွာလုပ်တတ်သူအဖြစ် အောင်မြင်မှုမှတ်တိုင်တစ်ခု စိုက်ထူလိုက်ခြင်း ပါပေတည်း။

သို့ပါသောကြောင့် -

ယခု အသင့်အား ဘ၀အောင်မြင်ရေး သော့သုံးချောင်း ပေးလိုက်ပါပြီ။ အချိန်ယူကာ ကြိုးစားအားထုတ်ခြင်းဖြင့် အောင်မြင်သော ဘ၀တစ်ခုကို တည်ဆောက်နိုင်သူ ဖြစ်ပါစေသတည်း။

Straits Times, 14 September, 2011, Page C26 ပါ Johnny Ong ၏ Be Effective At Work ကို ဘာသာပြန်ပါသည်။

အေးငြိမ်း

၂၂ စက်တင်ဘာ၊ ၂၀၁၁ ည ၉ နာရီ မိနစ် ၂၀
Blk 663D, Jurong West St. 65
#15-233
Singapore 644663