(၁၃)
နာမည် - ကိုမင်းကျော်အောင်
အသက် - ၃၄
ပညာအရည်အချင်း - ၀ိဇ္ဖာဘွဲ့ (မြန်မာစာ)၊ NTC 2, Diploma in Engineering (Mechatronic)
လက်ရှိအလုပ်အကိုင် -
လစာ - ၂၀၀၀
ကိုမင်းကျော်အောင်သည် မြန်မာပြည်တွင် အင်ဂျင်နီယာနှင့် ပတ်သက်သော ပညာရပ်များကို လေ့လာခဲ့ဖူးသူ မဟုတ်။ ထို့ပြင် စက်မှုလက်မှု လုပ်ငန်းအတွေ့အကြုံများလည်း မရှိ။ စင်ကာပူ ရောက်သောအခါ စက်မှုလုပ်ငန်းများနှင့် ထိတွေ့ရသောအခါ အခက်အခဲ အမျိုးမျိုးကြုံရသည်။ ကျွန်တော့် တွန်းအားပေးမှုနှင့် သူကိုယ်တိုင်၏ ၀ါယမစိုက်ထုတ်မှု ဖြင့် စင်ကာပူတွင် ရေရှည် ဆက်လုပ်နိုင်ရန် ကျောင်းတက်သည်။
ပထမ ITE (Institute of Technical Education) တက်သည်။ ထိုမှ တဆင့် Polytechnics ဆက်တက်ကာ ဒီပလိုမာ လက်မှတ်တစ်ခု ရအောင်ယူခဲ့သည်။
အလုပ်တစ်ဖက်နှင့် ကျောင်းတက်ရသည်မှာ ခက်ခဲ ပင်ပန်းသည်။ သို့သော် အနာခံမှ အသာစံရမည် ဆိုသည့် စကားအတိုင်း သူက နှစ်ရှည်လများ တက်ရသည့်တိုင် မငြီးမငြူ ဆက်တက်ခဲ့သည်။ ဆယ်စုနှစ် တစ်ခုနီးပါး ကြိုးစား လိုက်သောအခါ ယခု သူ့ကြိုးစားမှု၏ အသီးအပွင့်များကို သုံးဆောင်ခံစား နေနိုင်ပြီ။ သူနှင့် အတူလာသူ အများစုမှာ ပိုက်ဆံကို သာ ကုန်းရုန်းရှာကာ ယခု အချို့လည်း မြန်မာပြည် ပြန်သည့်သူပြန် စသဖြင့် ယယ်ကလယ် လိုက်နေချိန်တွင် သူ့မှာ မပူမပင်ဘဲ အေးအေးဆေးဆေး ဟန်ကျပန်ကျ နေနိုင်ပြီ ဖြစ်သည်။
ပညာရေးသည် ဘ၀အတွက် မည်မျှ အရေးကြီးကြောင်း ကိုမင်းကျော်အောင်၏ ဘ၀အတွေ့အကြုံများက သက်သေခံနေပါသည်။ စင်ကာပူရောက် လူငယ်လူရွယ်များသည် ကိုမင်းကျော်အောင် ကို အားကျကာ မိမိဘ၀ တိုးတက်လမ်းကို ရှာနိုင်သူများ ဖြစ်ကြပါစေကုန်သတည်း။
၁။ မြန်မာပြည်တွင် ကြိုတင် ပြင်ဆင်မှုများ
ဒီမလာခင် ရန်ကုန်မှာတုံးက ကျွန်တော် welding သင်တန်း တက်ခဲ့သေးတယ်။ အစိုးရက ဖွင့်တာပဲ။ ကုန်းလမ်း ပို့ဆောင်ရေး ၀န်ကြီးဌာန အောက်က။ ပါရမီ လမ်းဘက်က စက်ရုံတစ်ခုမှာ တက်ရတာ။ စက်ရုံနာမည်တောင် ကျွန်တော် မမှတ်မိတော့ဘူး။ ဆယ်နှစ်ကျော်ပြီကိုး။ သူက သင်တန်း အပတ်စဉ် ဘယ်လောက်။ သင်တန်းသား ဘယ်နှယောက် ဆိုပြီး သင်တာ။ သင်တန်းတစ်ခုကို သင်တန်းသား ၃၀ ကျော်လောက်ရှိတယ်။ သင်ပေးတာကတော့ မဆိုးပါဘူး။ စာတွေ့အနေနဲ့ တော့ သေသေချာချာ သင်ပေးပါတယ်။ ဒါပေမဲ့ လက်တွေ့ပိုင်း အားနည်းတယ်။ သင်တန်းသားက များပြီး welding စက်က နည်းတာမျိုး။ electrode တွေ လုံလုံလောက်လောက် မပေးနိုင်တာမျိုး ပေါ့။
သီအိုရီ သင်ပေးပြီးရင် ဂဟေချောင်း သုံးလေးချောင်းလောက်ပေးပြီး လေ့ကျင့်ခိုင်းတယ်။ အဲဒါ ကုန်သွားရင်တော့ တခြား အတိုအစ လိုက်ကောက်ပြီး ဆော်ချင်ဆော်၊ ဆရာကို မေးစရာရှိတာမေး ပြီး ပြန်ပေါ့။ တကယ့် professional မဆော်တတ်ပေမဲ့ လုံးဝ အတွေ့အကြုံမရှိတာနဲ့ စာရင် welding ဆိုတာ ဘာလဲ လို့ သဘောတရားတော့ နားလည် သွားတာပေါ့။ တကယ်လုပ်မဲ့ သူတွေအတွက် အခြေခံကောင်းကောင်း ရသွားတယ်။
သင်တန်းကြေးကတော့ သိပ်မများပါဘူး။ ၃၀၀၀ ထင်တယ်။ ၁၉၉၉ ခုနှစ်လောက်က။ သင်တန်းက တစ်လခွဲ သင်တန်း။ သင်တန်းပြီးတော့ test လုပ်တယ်။ မနက်ပိုင်းဖြေ။ ညနေကျ အောင်စာရင်း ထုတ်ပြီး သင်တန်းမှာ ပထမ၊ ဒုတိယ စသဖြင့် ဆုရတဲ့သူတွေကို ဆုပေးတယ်။ သူဆော်ထားတဲ့ welding သားပေါ်မူတည်ပြီး ရွေးတာပေါ့။
အင်္ဂလိပ်စာ သင်တန်းတက်ခဲ့တယ် ဆိုပေမဲ့ သိပ် ထိထိရောက်ရောက် မဟုတ်ဘူး။ လှည်းတန်းက ဦးဝင်းနိုင်မှာ တက်ခဲ့တာ။ ဆရာကတော့ သင်ပေးမှာပဲ။ တကယ် တတ်မတတ် ဆိုတာကတော့ ကိုယ့်လေ့ကျင့်မှုနဲ့ ကြိုးစားမှုပေါ် မူတည် မှာပေါ့။ ဦးဝင်းနိုင် သင်ပုံသင်နည်းက ပိုကောင်းတယ်။ ကိုယ်သေသေချာချာ လေ့လာရင် အများကြီး တိုးတက်နိုင်တယ်။ သူ့ဆီမှာ လာတက်တဲ့သူ များတယ်။ သူက speaking ကို ဦးစားပေး သင်တာ။ သူက လူသစ်တန်း၊ လူဟောင်းတန်းရယ် လို့ ခွဲသင်တာ မဟုတ်ဘူး။ ခန်းမကြီးထဲမှာ အားလုံးလာထိုင်။ ပြီးတော့ အင်္ဂလိပ်စကားပြော ဗီဒီယိုတွေ ပြတယ်။ မသိရင် အချင်းချင်း ဆွေးနွေး၊ ဆရာကို မေးပေါ့။ နောက်ပြီး တစ်ယောက်နဲ့ တစ်ယောက် ပြောရဲဆိုရဲ ရှိအောင် လေ့ကျင့်ပေးတယ်။
သင်တန်းသားတွေကို စတိတ်ခုံပေါ်တက်ခိုင်းပြီး သူ့အကြောင်း ပြောခိုင်းတယ်။ သူ့မိသားစု အကြောင်း၊ သူဖြတ် သန်းခဲ့ရတဲ့ ဘ၀အကြောင်း။ သူ့ပညာရေး အကြောင်း စသဖြင့်ပေါ့။ အောက်က နားထောင်နေတဲ့ သင်တန်းသားတွေ ကလည်း ကိုယ်သိချင်တာတွေ မေးလို့ရတယ်။ ဆိုတော့ အပြန်အလှန် စကားပြောဖြစ် သွားတာပေါ့။ အပြင်မှာကျ ဒါမျိုး ပြောဘို့ အခွင့်အလမ်း မရှိဘူး။ ဒီတော့ ကျောင်းသားတွေ ဘက်ကလည်း စိတ်ဝင်စားမှု ရှိတယ်။ တိုးတက်မှုလည်း ရှိတယ်။ သူ့ဆီမှာ နှစ်နဲ့ချီပြီး လေ့လာနေတဲ့ သူတွေ ရှိတယ်။ သင်တန်းကြေးကလည်း နည်းတယ်။
တခြားသင်တန်းတွေကတော့ သုံးလအပြတ်၊ လေးလ အပြတ် စသဖြင့် သင်သွားတယ်။ သူ့သင်တန်းကာလ ကုန်တာနဲ့ တတ်သည်ဖြစ်စေ၊ မတတ်သည် ဖြစ်စေ လက်မှတ်ပေးပြီး ပြန်လွှတ်လိုက်တာပဲ။ ဆိုတော့ ကျွန်တော့်သဘော အရ ပြောရရင် ဦးဝင်းနိုင် သင်ပုံသင်နည်းကို ပိုကြိုက်တယ်။
၂။ ဘ၀သစ်သို့
ကျွန်တော် ကျောင်းပြီးတာ ၁၉၉၉ ခုနှစ် ဧပြီလ။ စာမေးပွဲ ဖြေပြီးတော့ မေလမှာ စင်ကာပူကို ထွက်လာခဲ့တာပဲ။ ကုမ္ပဏီနာမည်က Wing Yong Engineering။ နောက်တော့ Alpine Engineering Services ဆိုပြီး နာမည် ပြောင်းလိုက် တယ်။ အဲဒီ ကုမ္ပဏီက လူက သူတို့ကုမ္ပဏီအတွက် လူလိုလို့ ဆိုပြီး လာခေါ်တော့ ပိုက်ဆံ သိပ်မကုန်လိုက်ဘူး။ သူ့ဟာသူ ပဲ အေးဂျင့် လုပ်ပြီး လူခေါ်တာ ပြောပါတော့။ အဲဒီတုံးက သူ့ကို စင်ကာပူဒေါ်လာ ၁၅၀၀ ထင်တယ်၊ ပေးရတယ်။ အလုပ် က Steel Work Worker တဲ့။ Keppel သင်္ဘောကျင်းမှာ။ လခက တစ်နေ့ကို ၁၈ ကျပ်။
ကျွန်တော်တို့ ဆိုတာက ရန်ကုန်မှာ သင်္ဘောကျင်း လုပ်ဖို့မပြောနဲ့။ သင်္ဘောတောင် ရုပ်ရှင်တွေ ဗီဒီယိုတွေထဲမှာပဲ မြင်ဖူးတာ။ အပြင်မှာ သင်္ဘောကြီးတွေ တစ်ခါမှ မြင်ဖူးတာ မဟုတ်ဘူး။ ဒီရောက်မှ သင်္ဘောတွေ သေသေချာချာ မြင်ဖူး တာ။ ဒီလောက်ကြီးတဲ့ သင်္ဘောကြီးတွေ မြင်ရတော့ အတော် ကို အထူးအဆန်း ဖြစ်နေတာပေါ့။ လုပ်ငန်း အတွေ့အကြုံက လည်း ဘာမှ မရှိသေး။ ဘာမှလည်း မလုပ်တတ်သေးတော့ သူများလုပ်တာ လိုက်ကူရတယ်။ Helper ပေါ့။ ကူရင်းနဲ့ သူတို့လုပ်တာ ကိုင်တာကြည့်ပြီး မှတ်သား၊ သင်ယူ ရတာပေါ့။ သူတို့ကလည်း ဘာမှ သေသေချာချာ မခိုင်းသေးဘူး။
ဒီလိုပဲ သူများလုပ်တာကြည့်။ ၀င်လုပ်။ လုပ်ရင်း၊ သင်ရင်း နဲ့ပဲ ၆ လ လောက်ကြာတော့ လုပ်တတ် ကိုင်တတ် သွားရတာပဲ။
ရောက်ခါစကတော့ ကိုယ်ကလည်း သင်္ဘောကျင်း ဗဟုသုတ ဘာမှ မရှိသေး။ အတွေ့အကြုံကလည်း မရှိ ဆိုတော့ အခက်အခဲ ဆိုတာကတော့ ရှိတာပဲ။ အစစ ပေါ့။ communication ကစ။ သူတို့ပြောတာ ကိုယ်နားမလည်။ ကိုယ် ပြောတာ သူတို့ နားမလည်။ ကိုယ့် စူပါဗိုက်ဆာက ဟေ့ကောင်၊ မင်း Fore Peak Tank ထဲ သွားကြည့်ချေ ပြောတော့ သင်္ဘောမှာ အဲဒီ Fore Peak Tank ဆိုတာကြီးက ဘယ်နားနေလို့ နေမှန်းမသိ။ မင်း Port Side က Engine Room ထဲ လာခဲ့ ဆိုရင် Port Side ဆိုတာ ဘာလဲလို့ မသိ။ Engine Room ဆိုတာ ဘယ်နားရှိမှန်း မသိ။ အာ၊ အကြီးအကျယ် ရွာ တွေ လည်တာပေါ့။
တခါတလေ သူတို့လိုက်ပြလို့ Tank တစ်ခုခုထဲ တော့ ရောက်သွားပါရဲ့။ အဲဒီ Tank ဟာ သင်္ဘောရဲ့ Starboard side မှာ ရှိမှန်းမသိ။ Port Side မှာ ရှိမှန်းမသိ။ ကိုယ်ကြည့်နေတဲ့ ပိုက်လိုင်းက ဘာပိုက်လိုင်းမှန်း မသိ။ ပြောရရင်ဗျာ။ ဘာဆို ဘာမှ မသိတာကိုး။ Welding ဆော်ခိုင်းတော့လည်း မဆော်တတ်။ Cutter ဖြတ်ခိုင်းပြန်တော့လည်း မဖြတ်တတ်။ အကုန်ပေါ့။ မေးရင်းစမ်းရင်း၊ မှတ်ရင်း သားရင်း။ အမှားမှား အယွင်းယွင်းနဲ့ပဲ ဒီလို ဖြစ်လာရတာပဲ။ အချိန်က သင်ပေးသွား တာပေါ့။ လေးငါး ခြောက်လလောက် ကြာတော့ အားလုံး သိသွားပြီ။
ရောက်စတုံးက Woodland JTC မှာ နေရတယ်။ တစ်ခန်းကို ၁၂ ယောက် စုနေရတယ်။ နေရတာတော့ အဆင်ပြေပါတယ်။ ချက်စားလို့လဲ ရတယ်။ ဒါပေမဲ့ အခန်းခ တစ်လကို ၈၀ ပေးရတယ်။ ရေဘိုး၊ မီးဘိုး လည်း ကိုယ့်ဟာ ကိုယ် ပေးရတာပဲ။ ဆိုတော့ နေစရိတ်တင် တစ်လကို တစ်ရာကျော်လောက် ရှိတယ်။
ဒါပေမဲ့ ကျွန်တော်တို့ စလာတဲ့ ၁၉၉၉ ၀န်းကျင်လောက်က အလုပ်တွေက အရမ်းကောင်းတယ်။ အိုဗာတိုင်တွေ အရမ်း ဆင်းရတယ်။ Overnight တွေလည်း ဆင်းရတယ်။ ဆိုတော့ ကျွန်တော် အဲဒီတုံးက လခ တစ်နေ့ကို ၁၈ ကျပ်ပဲ ရတာတောင် တစ်လကို ၈၀၀ ကနေ ၁၀၀၀ ကြား ထုတ်ရတယ်။ မဆိုးသေးဘူး ဆိုရမှာပေါ့။
ဒါပေမဲ့ ခုတော့ OT တွေကို အရမ်းချ မပေးတော့ဘူး။ ထိန်းထားတယ်။ Overtime ကို အလှည့်နဲ့ ဆင်းခိုင်းတယ်။ ဥပမာ ဒီတစ်ပတ် တနင်္ဂနွေ ဆင်းတဲ့သူတွေ ဆို နောက်တစ်ပတ် မဆင်းရတော့ဘူး။ စနေလဲ ထိုနည်း၎င်း ပဲ။ အဲတော့ လခ နည်းတဲ့သူတွေ ထိတာပေါ့။ တစ်လမှ ၃၅၀ ရ၊ ၄၀၀ ရ။ အင်မတန် ကောင်းပါမှ ၅၅၀၊ ၆၀၀ ရတာ။
ကုမ္ပဏီက လခ တစ်နှစ်ကို တစ်ခါ တိုးပေးတယ်။ ကိုယ့် လုပ်ရည်ကိုင်ရည်ပေါ်မူတည်ပြီး ၂ ကျပ်ကနေ ၅ ကျပ်ထိ တိုး ပေးတယ်။ စလာတုံးက ၁၈ ကျပ်ရတဲ့ သူတွေ နောက်နှစ်ဆို တစ်နေ့ ၂၀ ရတယ်။ ကိုယ်တော့ လုပ်ပြရတာပေါ့။ အလကား နေရင်းတော့ ဘယ်ပေးမလဲ။ နောက်ပြီး ကုမ္ပဏီက Keppel သင်္ဘောကျင်းရဲ့ လက်အောက်မှာ ဆိုတော့ Keppel ကနေ တိုက်ရိုက်လာ အုပ်ချုပ်တယ်။ အဲ့ဒါကြောင့်ပဲ တစ်နှစ်ခွဲ၊ နှစ်နှစ်လောက်ကို တစ်ခါ General Manager ပြောင်းတယ်။ Keppel က Section Manager ဒါမှမဟုတ် Project Manager ရာထူးလောက် လူတွေ လာပြီး အုပ်ချုပ် တာ။ ဒီတော့ တခြားကုမ္ပဏီတွေလို သူဌေးက တိုက်ရိုက်အုပ်ချုပ်တာ မဟုတ်ပဲ Keppel က တာဝန်ပေးလိုက်တဲ့ General Manager တွေက အုပ်ချုပ်တာ။
၃။ ကျောင်းစတက်ခြင်း
၂၀၀၀ နှစ်ဆန်းပိုင်းလောက် ရောက်တော့ ကျွန်တော် ကျောင်းစတက်တယ်။ ITE January Intake ကို စတက် တယ်။ ကျောင်းတက်တယ် ဆိုတာလည်း ကိုယ်လုပ်တဲ့ အလုပ်ရဲ့ အခြေအနေပေါ်လည်း မူတည်သေးတယ်။ ကိုယ် တက်ချင်တိုင်း တက်လို့ရတာ မဟုတ်ဘူး။ ဘာလို့လည်း ဆိုတော့ အချိန်ပေးရတာကိုး။ ကျောင်းတက်မဲ့ အချိန်နဲ့ ကိုယ်လုပ် ရတဲ့ အလုပ်ချိန်နဲ့ တိုက်နေရင် ဘယ်လိုမှ တက်လို့ရမှာ မဟုတ်ဘူး။ နောက်ပြီး တချို့ အလုပ်ရှင်တွေက သဘောထား ဆိုး တယ်။ ကိုယ့်အလုပ်သမား ကျောင်းတက်တာကို မကြိုက်ဘူး။ ဒီတော့ အလုပ်ချိန်နဲ့လည်း အဆင်ပြေ။ လူကြီးကလည်း သဘောတူ ဆိုမှ တက်လို့ ကောင်းတယ်။
ကျွန်တော် တက်ဖြစ်တာက အကြောင်းအပေါင်း တိုက်ဆိုင်လာတယ် ဆိုပါတော့။ ၉၉ ခုနှစ် နှစ်ကုန်ပိုင်းလောက် ရောက်တော့ ရုံးပေါ်မှာ လုပ်စရာရှိတာနဲ့ လူကြီးတွေက ကျွန်တော့်ကို ရုံးလာလုပ်ဖို့ ခေါ်တယ်။ ကျွန်တော်က ရန်ကုန်မှာ တုံးက ကွန်ပြူတာ သင်တန်းတက်ခဲ့သေးတော့ ကွန်ပြူတာကို အရမ်း ကျွမ်းကျွမ်းကျင်ကျင် မကိုင်တတ်တောင် သုံးတော့ သုံးတတ်တာပေါ့။
ဘာလုပ်ရတာလဲ ဆိုတော့ သင်္ဘောပေါ်မှာ သုံးလိုက်တဲ့ ပစ္စည်းတွေရဲ့ စာရင်းကို ပြုစုရတာ။ ဆိုပါတော့၊ ဘယ် အလုပ်အတွက် ဘယ်သင်္ဘောရဲ့ ဘယ်အစိတ်အပိုင်းမှာ ဘယ်လို သံပြား လဲလိုက်တယ်။ သံပြားရဲ့ အလျှား၊ အနံ၊ အထူ က ဘယ်လောက်၊ အဲဒီသံပြားလဲဘို့ လူဘယ် နှစ်ယောက်၊ ဘာပစ္စည်းတွေ သုံးတယ်၊ ဘယ်နှစ်ရက် လုပ်ရတယ်၊ ဘယ်ရက် ကနေ ဘယ်ရက်ထိ လုပ်တယ်။ ဖိုမင်က ဘယ်သူ၊ စူပါဗိုက်ဆာက ဘယ်သူ စသဖြင့်ပေါ့။ စာရင်းတွေ မှတ်၊ တွက်ချက် ပေးရတယ်။
ပစ္စည်းမလဲဘဲ welding ဆော်ရတယ် ဆိုရင်လဲ welding အလျှားက ဘယ်လောက်၊ welder ဘယ်နှယောက် စသဖြင့် ပေါ့လေ။ အကုန်လိုက်မှတ်၊ စာရင်းပြုစုပြီး အဲဒီစာရင်းကို commercial ဌာနကို ပေးရတယ်။ Commercial ဌာန ကမှ အဲဒီစာရင်းပေါ် မူတည်ပြီး owner ဆီက ပိုက်ဆံ တင်တောင်းတာပေါ့။
ဆိုတော့ လုပ်ငန်းသဘာဝ ပြောင်းသွားတယ်။ အရင်ကလို တစ်နေကုန် သင်္ဘောပေါ် တက်ရတဲ့ အလုပ်မဟုတ် တော့ပဲ ရုံးပေါ်ထိုင်ရတဲ့ အချိန် များလာတယ်။ ဘာလို့လည်း ဆိုတော့ တစ်ခါတလေ လဲရတဲ့ သံပြားကြီးတွေက အကြီးကြီး တွေ ဆိုရင် အချိန် အများကြီးယူရတယ်။ ကိုယ်က တစ်ခေါက်လောက် သွားကြည့်ထားပြီး သံပြားအရွယ်၊ လူအင်အား စသ ဖြင့် တစ်ခါ မှတ်ထားလိုက်ရင် ရပြီ။ ညနေပိုင်း တစ်ခေါက်လောက် တက်ပြီး သူတို့ ဒီနေ့ ဘယ်လောက်ပြီးသလဲ မှတ်လိုက် တယ်။ ဒါဆို ဒီနေ့အတွက် လုံလောက်ပြီ။ ဆိုတော့ အချိန်အား များလာတယ်။ ဆိုတော့ ကျောင်းတက်ဖို့ အခွင့်အရေး ရလာတယ် ပေါ့။
အဲဒီအချိန်တုံးက Poly တွေမှာ Part Time မဖွင့်သေးဘူး။ ဒီတော့ အများစုက ITE (Institute of Technical Education) မှာပဲ တက်ကြတာ များတယ်။ နောက်ပြီး ကျောင်းတက်ရတာ ခုလောက် မခဲယဉ်းသေးဘူး။ ကျောင်းလခတွေ ကလည်း ဈေးသက်သာသေးတယ်။ နောက်ပြီး အလုပ်တစ်ဖက်နဲ့ ကျောင်းတက်ရတဲ့ သူတွေအတွက် ITE က အတော် အဆင်ပြေတယ်။ နောက် အားသာချက် တစ်ခုက ITE ပြီးရင် EP (Employment Pass) တို့ ဘာတို့ လျှောက်လို့ ရတယ်။ ဒီတော့ ကျွန်တော်တို့ အပါအ၀င် နိုင်ငံခြားသား အများစုက ITE သွားတက်ကြတယ် ပေါ့။
ITE က စာတွေ့ထက် လက်တွေ့သင်ပေးတာ ပိုများလို့ လူတွေကြိုက်ကြတာလဲ ပါတာပေါ့။ သူကမှ တကယ့် သက်မွေးဝမ်းကျောင်း ပညာသင် ကျောင်းပဲ။ ဥပမာ - ဆိုကြပါစို့။ လျှပ်စစ် သင်တန်းမှာ မော်တာ အထူးပြု ဆိုပါတော့။ မော်တာရဲ့ သီအိုရီသာပါ မက မော်တာ တစ်လုံးလုံး ပြင်တတ်၊ ဖြုတ်တတ်၊ ဆင်တတ်အောင်၊ မော်တာတွေကို ကိုယ့်ဟာ ကိုယ် ပတ်တတ်အောင် သင်ပေးလိုက်တာ။ လက်တွေ့ခန်းမှာ အဲဒီဘာသာနဲ့ ပတ်သက်တဲ့ ပစ္စည်း အစုံရှိတယ်။ ဆိုတော့ လူကြိုက်များတယ်။ ဈေးကွက်ထဲမှာလည်း ITE ကျောင်းဆင်းဆို အလုပ်ရှာရတာ လွယ်တယ်။
ဗမာပြည်မှာ စာတွေ့ပဲ လေ့လာခဲ့တဲ့လူတွေ ITE သွားတက်လိုက်ရင် လက်တွေ့ပါ ပိုပြီးနားလည် သွားတယ်။ ကျွန် တော်တို့လို မြန်မာပြည်မှာ အင်ဂျင်နီယာ ဘာသာရပ်တွေနဲ့ မကျွမ်းဝင်ခဲ့သူတွေ အဖို့ အင်ဂျင်နီယာရင်း ကို အခြေခံက စ သင်ပေးလိုက်တော့ မလိုက်နိုင်စရာ မရှိတော့ဘူး။ အားလုံး သိသွားတယ်။ ဗမာပြည်မှာ ဆယ်တန်းအောင်လာပြီး ဒီကျမှ ITE တက်လဲ ရတာပဲ။ မထူးပါဘူး။ ဒီကျမှ တက်တော့ အခြေခံအားလုံး သိသင့်သိထိုက်တာတွေ သိသွားတယ်။
အချိန်ပြည့် တက်နေတဲ့ သူတွေလည်း ရှိပါတယ်။ ဒါပေမဲ့ နည်းတယ်။ သူတို့ကျ အိမ်က ပိုက်ဆံ အလုံအလောက် ထောက်ပံ့နိုင်မှ ကိုး။ ကိုယ့်ပိုက်ဆံနဲ့ကိုယ် တက်မဲ့လူတွေ အတွက်ကတော့ အလုပ်လုပ်ရင်း တက်တာ အဆင်ပြေပါတယ်။ ကျောင်းတက်တဲ့ သူတွေထဲမှာ မြန်မာတွေ တော်တော်များတယ်။ ကျောင်းသားဦးရေရဲ့ ၁၀ ကနေ ၁၅ ရာခိုင်နှုံးလောက် ထိ ရှိမယ် ထင်တယ်။
ကျွန်တော် ကျောင်းစတက်တဲ့ ၂၀၀၀ ပတ်ဝန်းကျင်က ကျောင်းလခ အရမ်းသက်သာတယ်။ မော်ဒျူး (Module) တစ်ခုကို တစ်ရာ့အစိတ်ပဲ ရှိတယ်။ စာမေးပွဲကြေး၊ စာအုပ်ကြေးတွေ ဘာတွေ အားလုံးပေါင်းလိုက်မှ တစ်နှစ်ကို ၃၀၀ လောက်ပဲ ကျတယ်။ အရမ်း သက်သာတယ်။ ဒါပေမဲ့ တစ်နှစ်ထက် တစ်နှစ် ဈေးတွေ တက်လာလိုက်တာ ကျွန်တော် Final Semester ရောက်တော့ တစ်နှစ်ကို ၆၀၀ ကျော်လောက် ဖြစ်နေပြီ။ အခုဆို Module တစ်ခုကို ၉၀၀ ကျော်သွားပြီ။
မှတ်ချက်။ ။ ITE သင်တန်းအသေးစိတ်ကို http://www.ite.edu.sg/cet/index.htm တွင် လည်းကောင်း၊ သင်တန်းကြေးများကို http://www.ite.edu.sg/admission/pt/fees.htm#NitecISC တွင်လည်းကောင်း ၀င်ရောက် ကြည့်ရှုနိုင်ပါသည်။
ကျွန်တော်ယူတဲ့ အဓိက subject က Mechatronics ။ အခြေခံ မရှိတဲ့သူတွေ ဆိုရင်တော့ လိုက်နိုင်မှာ မဟုတ်ဘူး။ ဒါပေမဲ့ ဆယ်တန်းအောင်ပြီးသား ဆိုရင်တော့ ကောင်းကောင်း လိုက်နိုင်ပါတယ်။ ဒါပေမဲ့ အချိန်တွေ အများ ကြီး ပေးရတယ်။ Module တစ်ခုကို တစ်ပတ်မှာ နှစ်ရက် တက်ရတယ်။ အလုပ်က ညနေ ၄ နာရီခွဲ ပြန်။ ကျောင်းက ညနေ ၆ နာရီကနေ ၉ နာရီ ထိ။ တစ်ပတ်ကို ကျောင်းချိန် နှစ်ရက် ဖြစ်တဲ့ အတွက် တစ်ပတ်မှာ နှစ်ရက် အိုဗာတိုင်မယူပဲ လေးနာ ရီခွဲ ပြန်ရတယ်။ အဲဒီအတိုင်း တက်သွားရင် ပုံမှန်ဆို ၄ နှစ် တက်ရတယ်။
ဒါပေမဲ့ 1 semester ကို module နှစ်ခု ယူခွင့်ပေးတယ်။ ကျောင်းတက်ရတဲ့ ရက်တွေ တိုက်မနေဘူး ဆိုရင်ပေါ့။ ဆိုပါတော့ module တစ်ခုက တနင်္လာနဲ့ ကြာသပတေး တက်ရတယ်။ နောက် module တစ်ခုကျတော့ ဗုဒ္ဓဟူး နဲ့ သောကြာ ဆိုရင် module နှစ်ခု တစ်ပြိုင်နက် ယူလို့ရတယ်။ ဒါပေမဲ့ တစ်ပတ်ကို လေးရက်တော့ ကျောင်းတက်ရမယ် ပေါ့။
ဒါ့အပြင် စနေ တစ်နေ့လုံး ဒါမှမဟုတ် တနင်္ဂနွေ တစ်နေ့လုံး တက်လို့ရတယ်။ မနက် ၉ နာရီကနေ ညနေ ၅ နာရီ ထိ။ အဲဒီတော့ ကြားရက်တွေမှာ နှစ်ရက် တက်စရာမလိုတော့ဘူး။ စနေ၊ တနင်္ဂနွေ တစ်ရက်ရက် သွားတက်လိုက် ပေါ့။ အဲဒီတော့ တကယ်လို့ module နှစ်ခု ယူချင် တဲ့သူတွေ အနေနဲ့ ဘာလုပ်လို့ရသလဲ ဆိုတော့ စနေ ဒါမှမဟုတ် တနင်္ဂနွေ မှာ module တစ်ခုတက်၊ ကြားရက်နှစ်ရက်မှာ တခြား module တစ်ခုတက်။ ဆိုတော့ တစ်ပြိုင်နက်ထည်း module နှစ်ခု တက်လို့ ရတာပေါ့။ အလုပ်ရှင်နဲ့လည်း သိပ် စကားပြောစရာ မလိုတော့ဘူး။
ဒါပေမဲ့ လခလည်း ထည့်တွက်ရ သေးတာကိုး။ ကျွန်တော်တို့က နာရီစား နဲ့ လုပ်ရတာဆိုတော့ တကယ်လို့ တနင်္ဂနွေ မဆင်းဘူး ဆိုရင် လခ အရမ်းနည်းသွားရော။ တနင်္ဂနွေ ဆင်းရင် နှစ်ဆရတာ ဆိုတော့ ဘယ်သူကမှ တနင်္ဂနွေ ကို မဖျက်ချင်ကြဘူးလေ။ ဒါ ထုံးစံပေါ့။ ဒါပေမဲ့ ပညာလိုချင်ရင်တော့ တစ်ဖက်ကို အနစ်နာ ခံရမှာပဲပေါ့။ ဘယ်တတ်နိုင် မလဲ။
Course တစ်ခုကို Module ရှစ်ခု ရှိတယ်။ ဆိုတော့ တကယ်လို့သာ ခုနက ပြောသလို one semester မှာ module နှစ်ခု တစ်ပြိုင်နက် တက်နိုင်ခဲ့ရင် လေးနှစ် တက်စရာမလိုတော့ဘဲ နှစ်နှစ်နဲ့ အပြတ် ဖြတ်လို့ ရတယ်။ လူတော့ နည်းနည်း ပင်ပန်းတာပေါ့။ နောက်ပြီး အိုဗာတိုင် လျော့သွားတော့ လခလည်း နည်းသွားတာပေါ့။
အဲဒီမှာ အလုပ်ရှင်နဲ့ အဆင်ပြေရင် ကိစ္စမရှိဘူး။ တချို့ကျတော့ အလုပ်ရှိနေရက်နဲ့ အလုပ်ဖျက်ပြီး ကျောင်းသွား တက်ရင် မကြိုက်ချင်တာတွေလည်း ရှိတယ်။ အလုပ်ထဲမှာ ကိုယ်နဲ့ အဆင်ပြေတဲ့ သူငယ်ချင်းတစ်ယောက် ရှိရင် ပို အဆင်ပြေတယ်။ ကိုယ့်အလုပ် တွေကို သူ့ကို လွှဲပေးခဲ့လို့ ရတယ်။ တကယ်လို့ ကိုယ့် supervisor က မေးလာခဲ့ရင်တောင် ငါလုပ်ရမဲ့ အလုပ်တွေ သူနဲ့ လွှဲပေးခဲ့တယ်။ သူ ဆက်လုပ်လိမ့်မယ် လို့ ပြောလို့ ရတယ်။ ဒါတောင် တချို့ကျ သိပ်မကြိုက်ချင်တာတွေ ရှိသေးတယ်။ မင်း စင်ကာပူလာတာ အလုပ်လုပ်ဖို့လာတာလား၊ ကျောင်းတက်ဖို့ လာတာလား လို့ အမေးခံရတဲ့ သူတွေရှိတယ်။
ကိုယ်နဲ့ တွဲလုပ်တဲ့သူတွေ ကလည်း ကိုယ့်ကို နားလည်ပေးနိုင်ဘို့ အရေးကြီးသေးတာပဲ။ သူကျောင်းသွားတက် နေတာပဲ၊ သူ့အလုပ်တွေ ငါကူလုပ်ပေးမယ် လို့ စိတ်ကောင်းရှိတဲ့ သူတွေ ရှိသလို တချို့ကျတော့ ကိုယ်ကျောင်းတက် တာကို အလကားနေရင်း မနာလို တိုရှည် ဖြစ်နေတဲ့သူတွေ ရှိတယ်။ အဲလိုလူတွေနဲ့ ကြုံရရင်တော့ အရမ်း ဒုက္ခများတာ ပေါ့။ ကိုယ့်ကို ကူလုပ်မပေးတဲ့ပြင် ကဖျက်ကယက် လုပ်တာပေါ့။
ကျွန်တော် ကျောင်းတက်ရတာတော့ အဆင်ပြေပါတယ်။ အလုပ်က လေးနာရီခွဲ ပြန်။ ရုံးကားရှိတော့ အိမ်ပြန် ရောက် ရေမိုးချိုးပြီး ငါးနာရီကျော်။ နောက်ပြီး ကျောင်းနဲ့ အိမ်နဲ့က ကပ်လျက် ဆိုတော့ ငါးမိနစ်လောက်ပဲ လျှောက်ရတယ်။ အချိန်မကုန်တော့ဘူး။ အပြေးအလွှားလဲ လုပ်စရာ မလိုတော့ဘူး။ ကျွန်တော်တက်တာ ITE West (Bukit Batok Campus) မှာ။
အခန်းထဲမှာက သူငယ်ချင်းတွေနဲ့ စုပြီးနေရတော့ အခန်းထဲမှာ စာကျက်လို့ မကောင်းဘူး။ ကိုယ်က စာကျက် ချင်တယ်။ သူတို့က တီဗီကြည့်နေတယ်။ ချက်ဟယ်၊ ပြုတ်ဟယ်။ စကားပြောကြ ဆိုတော့ ဆူညံနေတော့ စာကျက်ရတာ အဆင်မပြေဘူး။ အဲဒီတော့ အိမ်အောက်ဆင်း ကြည့်ရတာပေါ့။ နောက်တစ်ခုက ကိုယ်နဲ့ ကျောင်းအတူတူတက်တဲ့ သူငယ် ချင်းတွေနဲ့ စုပြီး စာကျက်ရင်လည်း ပိုကောင်းတယ်။ ကိုယ်နားမလည်တာ သူ့မေး၊ သူမသိတာ ကိုယ်ရှင်းပြ ဆိုတော့ ပိုပြီး ခရီးရောက်တယ်။ အင်ဂျင်နီးယားရင်း ဘာသာတွေ ဆိုတော့ အတွက်အချက်တွေ များတယ်။ ဒီတော့ တစ်ယောက်ထဲ စာလုပ်တာထက် စုပြီး ကျက်တာ ပိုကောင်းတယ်။
ဆိုတော့ စာနဲ့ပတ်သက်လို့တော့ သိပ်အခက်အခဲ မတွေ့ခဲ့ရဘူး။ နောက်ပြီး သူတို့ သင်ရိုးညွှန်းတမ်း ရေးထား တာလဲ ကောင်းတယ်။ Module တစ်ခုကို နာရီ ၁၂၀ ရှိတယ်။ အဲဒီမှာ practical အတွက် နာရီ ၆၀ ကနေ ၆၆ နာရီထိ ယူ ထားတယ်။ တချို့ဘာသာတွေဆို သီအိုရီမှာ နာရီ ၄၀ လောက်ပဲ ရှိတယ်။ တစ်ပတ်မှာ နှစ်ရက် ရှိတဲ့အနက် တစ်ရက်က စာတွေ့၊ တစ်ရက်က လက်တွေ့ သင်တယ်။ ဆိုတော့ စာသင်ရတာ မပျင်းတော့သလို လုပ်ငန်းကျွမ်းကျင်မှုလည်း အများကြီး တိုးတက်သွားတယ်။
အရင်တုံးက ပထမ Module လေးခု ပြီးရင် NTC3 (National Technical Certificate Grade 3)၊ နောက် Module လေးခုပြီးရင် NTC2 (National Technical Certificate Grade 2) ပေးတယ်။ အခုတော့ NTC 2 တို့ NTC 3 တို့အစား NITEC (National ITE Certificate) နဲ့ Higher NITEC ပေးတယ်။ ဒါပေမဲ့ အရင်ကလို ပထမ Module လေးခု ပြီးရုံနဲ့ ဘာ cretificate မှ မပေးတော့ဘူး။ Module ၈ ခုလုံး ပြီးမှ NITEC ပေးတော့တယ်။ အဲဒါပြီးလို့ ၂ နှစ် ဆက်တက်ရင် Higher NITEC ပေးတယ်။
ဒီလက်မှတ်ရတော့ ဘာကောင်းလဲ ဆိုတော့ အရင်တုံးက ကျွန်တော်တို့အနေနဲ့ EP (Employment Pass) လျှောက်လို့ မရဘူး။ ဒါပေမဲ့ ဒီ NTC2 လက်မှတ်ရတာနဲ့ EP လျှောက်လို့ ရသွားတယ်။ အများကြီး ကွာသွားတာပေါ့။ ဒီတော့ စင်ကာပူမှာ ရေရှည်လုပ်မဲ့ သူတွေအနေနဲ့ ကိုယ့်တက်လမ်းအတွက် ဒီ ကျောင်းကတော့ တက်ကို တက်သင့်တယ်။
ခု ITE တက်တဲ့ Workpermit Holder တွေကို ကျောင်းတက်ချိန် ကန့်သတ်လိုက်တယ်။ NITEC တက်တဲ့ သူတွေအနေနဲ့ one semester ကို Module နှစ်ခု ယူလို့မရတော့ဘူး။ တစ်ခုပဲ ယူလို့ရတော့တယ်။ အဲဒီတော့ ကျောင်းတက်ချိန် ပိုကြာ သွားတာပေါ့။ ဒါ့အပြင် ကျောင်းစရိတ်ကလည်း Module တစ်ခုကို ၆၀၀ ကျော် ဆိုတော့ Module ၈ ခုကို ၄၈၀၀ ကျော် ၅၀၀၀ နီးပါး။
ခု Polytechnicn တွေမှာ Part Time တက်လို့ရပြီ။ Certificate ဖြစ်ဖြစ်၊ Diploma ဖြစ်ဖြစ် တက်လို့ ရတယ် ဆိုတော့ အချိန်ပေးရတာချင်း၊ လူပင်ပန်းတာ၊ ပိုက်ဆံကုန်တာချင်း အတူတူ ဒီပလိုမာပဲ တက်တော့မယ် ဆိုပြီး ပိုလီကို တက်တဲ့သူ ပိုများလာတယ်။ Diploma Course က သုံးနှစ်။ ကုန်ကျ စရိတ်ကလည်း ၉၀၀၀ နဲ့ တစ်သောင်းကြားပဲ ရှိတယ်။
ဒီတော့ ၄ နှစ်လည်းကြာမယ်။ ပိုက်ဆံကလည်း ၅၀၀၀ လောက်ကုန်မယ်။ ရတော့လည်း Certificate ပဲ ဆိုတော့ လူတွေ က Certificate Course အစား Diploma Course ကို ရွေးတာလည်း ပါတယ်။
တစ်ခုတော့ ရှိတာပေါ့လေ။ Singaporean နဲ့ Singapore PR တွေဆိုရင်တော့ အစိုးရက grant ပေးထာတဲ့ အတွက် အများကြီး သက်သာတယ်။
အဲဒါနဲ့ ကျွန်တော်လည်း ITE ပြီးတာနဲ့ Poly ကို ဆက်တက်လိုက်တယ်။ မြန်မာပြည်က လာတဲ့သူတွေအတွက် ဆယ်တန်းအောင်လက်မှတ် ပြရတယ်။ အမှတ်စာရင်း ပြရတယ်။ သင်္ချာနဲ့ ရူပဗေဒ မှာ သူတို့သတ်မှတ်ထားတဲ့ အမှတ် မမီ ရင် ၀င်ခွင့် ထပ်ဖြေရသေးတယ်။ အဲဒါအပြင်ကို ကိုယ်တက်မဲ့ ဘာသာရပ်နဲ့ ဆက်နွယ်နေတဲ့ အလုပ်မှာ သုံးနှစ် လုပ်ငန်း အတွေ့အကြုံရှိကြောင်း ကုမ္ပဏီက ထောက်ခံစာပါ တင်ပြရတယ်။ မှတ်ပုံတင်ကြေး ၇ ကျပ်ပေးရတယ်။ လျှောက်ပြီးလို့ ကျောင်းမဖွင့်မီ တစ်လလောက် အလိုမှာ ကျောင်းလျှောက်တာ ရ၊ မရ ကို အိမ်ကို စာပို့တယ်။
မှတ်ချက်။ ။ ကျောင်းဝင်ခွင့်၊ ကျောင်းလခ စသည်များနှင့် ပတ်သက်၍ သက်ဆိုင်ရာ ကျောင်း website များတွင် ၀င်ရောက် လေ့လာနိုင်ပါသည်။ ဥပမာ - http://www.np.edu.sg/Pages/default.aspx
ကျောင်းရမရကို တရားသေတော့ တွက်ထားလို့မရဘူး။ တစ်ခါတလေ ချောင်တယ်။ တစ်ခါတလေ ကျပ်တယ်။ များသောအားဖြင့်တော့ ကိုယ်လျှောက်တဲ့ ဘာသာနဲ့ ကိုယ်လုပ်နေတဲ့အလုပ်နဲ့ မကိုက်ညီလို့ ရှိရင် reject ထိတယ်။ အဲဒီ အခါ appeal ထပ်တင်လို့တော့ ရတယ်။ ဘာလို့ ဒီဘာသာရပ်ကို တက်ချင်ရသလဲ ဆိုတဲ့ အကျိုးအကြောင်းတော့ ခိုင်လုံရ တာပေါ့။
ပိုလီကျတော့ တစ်ပတ်ကို သုံးရက် တက်ရတယ်။ Core Module နဲ့ Elective Module နှစ်ခု ယူရတယ်။ Core Module ကတော့ မယူမနေရ ဘာသာတွေ။ Elective Module ကတော့ ကိုယ့်စိတ်ကြိုက် ရွေးလို့ရတဲ့ ဘာသာတွေ။ Diploma Course ကို point system နဲ့ ပေးတယ်။ စုစုပေါင်း 72 points ပြည့်အောင် ယူရတယ်။
စုစုပေါင်း သုံးနှစ် 6 semester တက်ရတယ်။ အဲဒီ သုံးနှစ်အတွင်း ကျောင်းပြီးချင်ရင် Core Module တွေတက် နေရင်း elective module တွေ ညှပ်ယူရတယ်။ အဲဒီတော့ ပိုပြီး အချိန်ပေးရတယ်။ အလုပ်ကတစ်ဖက်နဲ့ ကျောင်းတက်နေ သူတွေအဖို့ အလုပ်မအားလို့ ကျောင်းတက်ချိန် အပြည့်မပေးနိုင်ရင် သုံးနှစ်ခွဲ ဖြစ်သွားတာတို့၊ လေးနှစ်နဲ့မှ ပြီးတာတို့ ဖြစ်လာတာပေါ့။ ကျွန်တော်တော့ သုံးနှစ်နဲ့ပြီးအောင် လုပ်လိုက်တယ်။ ၂၀၀၄ က စတက်တာ ၂၀၀၇ မှာပြီးတယ်။
ကျွန်တော်က ရန်ကုန်မှာတုံးက အင်ဂျင်းနီးယားရင်း အခြေခံမရှိခဲ့တော့ အတော်လေး လိုက်ယူရတယ်။ ဆိုပါတော့ သင်္ချာတို့၊ applied mechanics တို့ဆို နည်းနည်း ဒုက္ခရောက်တာပေါ့။
No comments:
Post a Comment