ဤဒွန္နယာကြီးတွင် လူ့ဗလချီးနမ်းများကြောင့် လူကောင်းသူကောင်းတို့ ဒုက္ခများကြရပုံ အကြောင်း

(၁)

 

ဤဒွန္နယာကြီးတွင် လူ့ဗလချီးနမ်းများကြောင့် လူကောင်း သူကောင်းတို့ အတော် ဒုက္ခများကြရကုန်၏။

အမှန်ဆို ဤလောကကြီးသည် အနှီလူ့ဗလချီးနမ်းများသာ မရှိပါက အတော်နေချင်စရာကောင်းသော လောကကြီးဖြစ်၏။

 

လယ်သမားများက လယ်စိုက်မည်။ 

[ယခုဆိုလျှင် (ခြင်းတောင်းတံဆိပ် မြေဩဇာများ ကောင်းလွန်း၍ဆိုလား) တစ်ဧကလျှင် စပါးတင်း တစ်ထောင်ကျော်ထိ ထွက်နေပြီဖြစ်ရာ လယ်တစ်ဧကလောက်လုပ်ပြီး တစ်မိသားစုလုံး တယ်တူနိမ်ခတ်ကာ နေနိုင်မည်။ ထို့ကြောင့် ခြင်းတောင်းတံဆိပ် မြေဩဇာ များများထွက်ဘို့အရေး၊ ဒို့အရေး]

ယာသမားများက ဝါစိုက်မည်။ ငြုပ်ကြက်သွန်စိုက်မည်။

မွေးမြူရေးသမားများက ကျွဲနွားဆိတ်ဝက်တွေမွေးမည်။ ငါးတွေမွေးမည်။ 

နောက်ပြီး နဂါးသောက်ဖို့ဆိုကာ ရွှံ့အိုင်ထဲ အချီးမဲ့သက်သက် လောင်းချဘို့ နွားနို့တွေ အသားကုန်ညှစ်မည်။ (နဂါးကများ နွားနို့သောက်တယ်ရယ်လို့။ ၆ကျိုးနဲ။ သူ့ပထွေးကများ သင်ထားလေရော့သလားမသိ။ ဖွမ်)

လက်သမားများက အိမ်ဆောက်ပေးမည်။

ဆေးဆရာက ဆေးကုပေးမည်။ ပါရာစီတမော့နှင့် စီဗစ်ကိုရောသမမွှေလျက် ကိုဗစ်ပျောက်ဆေးဆိုကာ ဖော်ရောင်းမည်။

ဆရာတွေက စာသင်မည်။ 

ဘုန်းကြီးတွေက “ငါးပါးသီလမလုံတဲ့သူတွေကို သတ်တာ ဘာအပြစ်မှ မဖြစ်ဘူး” ဟု ဂျင်းကို ဆီမဆွတ်ဘဲ အတက်လိုက် ထည့်မည်။ မဝင်ရင် ကန်ထည့်ကွာ၊ ရှုပ်တယ်။ (ဟုတ်ပေါင်၊ ဘုန်းမဲလုံးနဲ့ ရောကုန်ပြီ။ ငါ့နှယ်) 

ဘုန်းကြီးတွေက ပရဟိတယောင်ယောင် ဘာယောင်ယောင်မလုပ်ဘဲ လောကုတ္တရာတရား အားထုတ်မည်။

အင်ဂျင်၂၀၀ကောင်စီက ဘောစုပ်မည်။ (ဟုတ်ပေါင်၊ ငါ့နှယ် ဘာကိစ္စမဆိုင်တာတွေ ရောရောပါကုန်မှန်းကို မသိပါဘူး။​ လခွမ်းဒဲ့မှ)

 

ကောင်မလေးက လသာသာတွင် ဗိုင်းငင်မည်။

ကောင်လေးက ပုလွေမှုတ်ကာ ဖိုသံပေးမည်။

နောက်တော့ညားမည်။ ကလေးတွေ တလှေကြီးမွေးမည်။

သည်တော့မှ ကောင်လေးက နောင်တတွေ တပြုံကြီးရမည်။ (ဟုတ်ပေါင်)

သည်တော့မှ . . . . 

 

“နှီးဒေါင်းလန်းကြီး၊ ခူးပြီးသော့ခါ

သမီးနှင့်သား၊ များ၍မဝင်သာ

ဒူးတစ်ဘက်ဟာ၊ တွန်းကာဖယ်လျက်

သူ့ထက်ငါလေ၊ စားတော့မည်စေ

စားပေသာလှ အုန်းခွက်ကယ်နှင့်လေး။

ငုံ့လျက်ကိုယ်စီသာ ဆုပ်ကာ လွေးတော့သည်။

ပြီးလျင်ရေမရှာ၊ ခွေးသာကျွေးတော့သည်။”

(ထိုနှီးဒေါင်းလန်းကို ရေမဆေးဘဲ ခွေးကိုလျက်ခိုင်းသည်ဟု ဆိုလို၏။ ရွံထှာကွာ)

 

- တွေ ဖြစ်ကုန်မည်။ 

 

အားလုံး ကိုယ့်အလုပ်ကိုယ် လုပ်ကြ

ရိုးရိုးသားသား နေထိုင်လုပ်ကိုင် စားသောက်ကြ

ဖေ့စ်ဘုတ်ဖတ်လျက် ဆရာကြီးလေသံနှင့် ကွန်မင့်တွေရေးကြ

ကိုယ့်ကိုဝေဖန်လာသူများကို ဘလော့လိုက်ကြ

 

ဘယ့်ကလောက်များ ပျော်စရာ ကောင်းလိုက်ပါမည်လဲ။

 

ဆံပင်ညှပ်ဆရာမရှိလည်း ကိစ္စမရှိ။ ယောင်ထုံးပစ်မည်။

ရှမ်ပူမရှိလည်း ကိစ္စမရှိ။ တယော်ကင်ပွန်းရှိသည်။

 

(၂)

 

ယခုတော့ ကျွန်ုပ်တို့၌ သည်အပျော်များ ပျောက်ဆုံးနေသည်မှာ လေးလကြီးများတောင် ရှိချေပြီ။

ကျွန်ုပ်မှာ မနက်မိုးလင်းလာလျှင် မင်းအောင်လှိုင် မြန်မြန်မသာပေါ်ပါစေ။ သေချင်းဆိုးနဲ့သေပါစေ။ မာလက ဈာန်ကြွ ပါစေ။ ချီးကားတိုက်ပြီး ခေါင်းနဲ့ကိုယ် အိုးစားကွဲပါစေ စသဖြင့် မေတ္တာပို့ရသည်နှင့် မအားလပ်နိုင်အောင် ရှိလေ၏။

အပြစ်မဲ့ပြည်သူ တစ်ထောင်နီးပါးတို့ ခွေးရူးကိုက်ခံရပြီး အသက်ဆုံးရှုံးရသည်ကို တွေးမိတိုင်းလည်း ကျွန်ုပ်မှာ ဝမ်းနည်း ကြေကွဲမိ၏။ 

 

ဟိုတစ်နေ့က pdf သင်တန်းဆင်းပွဲဆိုလား ကြည့်လိုက်ရတော့ ကျွန်ုပ်မှာ အားလည်းတက်မိ၏။ ဝမ်းလည်းနည်းမိ၏။

ကျွန်ုပ်တို့၏ သားသမီးအရွယ် ခလေးငယ်များ ကျောင်းတက်ရမည့်အချိန် ကျောင်းမတက်ရဘဲ စစ်သင်တန်းတက်နေကြ ရခြင်း၏ အဓိက လက်သည် တရားခံမှာ သေဂျင်းဇိုး၊ မသာ၊ ကာလနာ မင်းအောင်လှိုင်ပင် မဟုတ်ပါလား။

 

ထိုအစိမ်းဝတ်၊ အရေမရ အဖတ်မရများ သည်လောကတွင် လူဟူ၍ ဖြစ်လာခြင်းအားဖြင့် လူ့လောက ကောင်းကျိုး တစ်ကွက်ကမှ မရှိ။ (၇) ရက်သားသမီးတို့ စိတ်နှလုံး၊ ညှိုးခြုံးဖွယ်ရာသာ ဖြစ်တော့၏။

 

ဟိတောပဒေသ၌ “ကန်းနေသည့် မျက်လုံးသည် ဘာတစ်ခုမှ အသုံးမဝင်၊ နာကျင်ကျိန်းစပ်ရုံ သက်သက်မျှသာ ဖြစ်ဘိ၏” ဟု လာရှိလေရာ အနှီအစိမ်းဝတ်များသည်လည်း ကန်းနေသည့်မျက်လုံးများနှင့် အတူတူပင် ဖြစ်တော့၏။

“မြန်မာပြည်အပေါ်မှာ စစ်တပ်ရဲ့ကျေးဇူး၊ မူးလို့တောင် ရှူစရာမရှိဘူး” ဟု ဘဘဦးဝင်းတင်ကလည်း ပြောခဲ့ဖူးလေပြီ။

 

ကျွန်ုပ်တို့သည် လောကကြီးအတွက် ဘာတစ်ခုမှ အသုံးမတည့်သည့် ထို ဗုံမဟုတ်၊ ပတ်မဟုတ်များကို အပြီးတိုင် တိုက်ထုတ်ကြမည်။

 

လူကောင်းသူကောင်းတို့ အေးအေးချမ်းချမ်း နေနိုင်ဘို့ရာ ထိုလူ့ဗလချီးနမ်းအားလုံးကို အပြီးတိုင် သုတ်သင်ပစ်ကြမည်။

 

သေနတ်ရှိလျှင် လုပ်ချင်တိုင်း လုပ်လို့ရသည်ဟူသည့် စောက်တလွဲအယူအဆကြီးကို -

သေနတ်ရှိတိုင်းလည်း လုပ်ချင်တိုင်း လုပ်လို့မရကြောင်း လက်တွေ့ သက်သေပြကြမည်။

 

အရေးတော်ပုံ အောင်ရမည်။

 

အေးငြိမ်း

၂၈ မေလ၊ ၂၀၂၁

မိတ်ဆွေစာရင်းမှ ပယ်ဖျက်ခြင်းအကြောင်း

ကျွန်ုပ်တွင် မိတ်ဆွေများ တစတစ လျော့နည်းလိုက်လာလျက် ရှိချေ၏။

သို့တိုင် ကျွန်ုပ် ဝမ်းမနည်းမိပါချေ။

ဩော - ဒီလိုလူမျိုးများလည်း ငါ့မိတ်ဆွေများထဲမှာ ရှိပေသေးသကိုးဟု အာမေဋိတ်သာ ရေရွတ်မိပါ၏။

ကျွန်ုပ်က မှတ်ဉာဏ်မကောင်းလေတော့ ၎င်းတို့၏ နာမည်များကို ၂၀၀၅ ခုနှစ် RIT အာစရိယပူဇော်ပွဲ စာအုပ်ထဲတွင် “မိတ်ဆွေစာရင်းမှ ပယ်ဖျက်ထားပြီးသူများ” ဟု ခေါင်းစဉ်တပ်ကာ ရေးမှတ်ထားလိုက်၏။

နောင်တွင် မေ့လျော့ပြီး အပေါင်းအသင်း ထပ်လုပ်နေမိမည် စိုးသောကြောင့် ဖြစ်၏။

 

စကစတို့ အာဏာကို အတင်းဓားပြတိုက်သွားပြီး သကာလ ဤကမ္ဘာလောကကြီးတစ်ခုလုံး ပြည်တွင်းပြည်ပ ဘယ်သူကမှ အသိအမှတ်ပြု မခံရသော (so call) အစိုးရဆိုတာကြီးကို ဖွဲ့လိုက်သည့်အခါ ကျွန်ုပ်မှာ ပထမ အံ့ဩ တုန်လှုပ်သလို ဖြစ်မိလေ၏။ ကျွန်ုပ်အံ့ဩတုန်လှုပ်မိသည်မှာ စကစ၏ အစိုးရဆိုတာကြီးကို မဟုတ်။ ထိုအဖွဲ့ထဲ၌ ကျွန်ုပ်၏ ရင်းနှီးသော မိတ်ဆွေတချို့၏ နာမည်များကို တွေ့မိရ၍ ဖြစ်သတည်း။

 

ထိုမှစကာ မျက်နှာဖုံးကွာကျလာသူများကို တဖြည်းဖြည်း တွေ့မြင်လာရလေ၏။

ကျွန်ုပ်သည်လည်း ၎င်းတို့စာရင်းများကို ရေးမှတ်ခြင်း၊ တခြား ဘယ်သူတွေပါသေးသလဲ လိုက်ရှာခြင်းဖြင့် အလုပ်ရှုပ်လျက် ရှိနေခဲ့လေသတည်း။

 

စကစ တည်မြဲလိမ့်မည်ဟု အသင်တို့ ထင်ပါသလား။

စကစကပေးသည့် ရာထူးများသည် မက်စရာဟုတ်ပါသလား။ 

 

စကစသည် ဤကမ္ဘာပေါ်တွင်ရှိသမျှ ယုတ်မာသူအားလုံးတို့ထက် ပိုသည့် ယုတ်မာမှုများကို ကျူးလွန်ခဲ့ကြ၏။

၎င်းတို့၏ ယုတ်မာမှုများမှာ စာဖြင့်ရေးလို့ကို မဆန့်နိုင်အောင် ရှိချေ၏။

 

ပြည်သူတို့ ကောင်းရောင်းကောင်းဝယ်လုပ်နေသည့် ရေသန့်ဘူးများကို အကြောင်းမရှိ၊ ခြင်းရာမရှိ၊​ ဓားဖြင့်ခွဲ၏။

လမ်းဘေးတွင် ရပ်ထားသည့် ကားများကို ဘူဒိုဇာဖြင့် ထိုးကာ ဖျက်ဆီး၏။

အချီးမဲ့သက်သက် အိမ်များကို သေနတ်ဖြင့် ပစ်၏။

ဆိုင်ကယ်ဖြင့် သူ့ဘာသာသူ သွားနေသည့် လူငယ်လေးကို သေနတ်ဖြင့် ပစ်သတ်၏။

စစ်ဘေးရှောင်ယောင်ဆောင်ကာ အရပ်သားများကို စတင်းဂန်းဖြင့်ဆွဲ၏။

စစ်ဘေးရှောင်စခန်းများအတွက် အများပြည်သူက လှူထားသည့် အလှူငွေများကို ဖမ်းဆီးကာ ဓားပြတိုက်ယူ၏။

 

စကစက ဤကဲ့သို့လုပ်နေခြင်းများကို မသိယောင်ဆောင်ကာ ၎င်းတို့လုပ်သည့် ပွဲများကို သွားတက်သူများ၊ ၎င်းတို့နှင့် သွားရောက်ပူးပေါင်းသူများကို တွေ့ရသည့်အခါ ကျွန်ုပ်သည် အနှီလူကြီးလူမကောင်းများကို များစွာ အော့နှလုံး နာမိလေ ၏။ 

 

ဤသည်ကိုပင် အချို့က စကစနှင့် ပူးပေါင်းတာမဟုတ်ပါ။ သူတို့လုပ်စရာရှိတာကို လုပ်တာသာ ဖြစ်ပါသည်ဟု ဆိုသေး၏။ ရှိစေ။ 

ကျွန်ုပ်ဘာမှ မပြောလိုတော့ပါ။ ပြောလည်း မပြောချင်သလို အငြင်းပွားစရာ ကိစ္စတစ်ခုဖြစ်သည်ဟုလည်း မထင်မိပါ။

 

၎င်းတို့သည် ဦးခေါင်းကို သေနတ်နှင့် အပစ်ခံရကာ သေဆုံးသွားသည့် လူငယ်လေးများ၏ မျက်နှာကိုမှ မထောက်။ 

၎င်းတို့သည် သည်ကနေ့ည ဖမ်းကာ နောက်နေ့ အလောင်းသာ ပြန်ရတော့သည့် ကိုယ်တွင်း ကလီစာများပါ အထုတ်ခံ ထားရသော ကဗျာဆရာကလေး၏ မျက်နှာကိုမှ မထောက်။

၎င်းတို့သည် စကစပြုတ်ကျအောင် အရာရာကို စွန့်လွှတ်ကာ မိမိတတ်နိုင်သည့်ဘက်မှ ကျားကန်ပေးထားကြသည့် CDM ဝန်ထမ်းများ၏ မျက်နှာကိုမှ မထောက်။

 

ကျွန်ုပ်သည် ၎င်းတို့၏ လုပ်ရပ်များကို လွန်စွာ ရွံမုန်းမိလေ၏။ 

၎င်းတို့၏ ရပ်တည်ချက်နှင့် ခံယူချက်များကို လွန်စွာမှ စက်ဆုပ်မိလေ၏။

 

ကျွန်ုပ်သည် ထိုသူများနှင့် အပေါင်းအသင်း မဖြစ်လိုတော့ပြီ။

အသင်တို့သည် အကျွန်ုပ်နှင့် သည်ဘဝမျှသာမက နောင်ဘဝထိအောင်ပင် ဝေးကွာသွားချေပြီ။

 

အသင်တို့လည်း အသင်တို့ကြိုက်ရာလမ်း ရွေးချယ်ပိုင်ခွင့်ရှိပါ၏။

ကျွန်ုပ်လည်း ကျွန်ုပ်ကြိုက်ရာလမ်းကို ရွေးပါမည်။

 

ကျွန်ုပ်သည် မြန်မာပြည်သူများနှင့် အတူ ရှိပါမည်။

စကစပြုတ်ကျရေးအတွက် ကျွန်ုပ်တို့ပြည်သူများကို အစွမ်းကုန် ပံ့ပိုးပေးသွားမည်။

 

အဓမ္မသမားတို့ ကျဆုံးရမည်။

အရေးတော်ပုံ အောင်ရမည်။

 

အေးငြိမ်း

၂၄ မေလ၊ ၂၀၂၁

ရုပ်မြင်သံကြား သင်ကြားရေးစနစ် (Audio-Visual Learning System)

(၁)

 

အခု စစ်အာဏာရူးတွေက ဆရာ/ဆရာမ၊ ကျောင်းသား/ကျောင်းသူတွေမရှိဘဲနဲ့ အတင်း အဓမ္မ ကျောင်းတွေ ပြန်ဖွင့်ဘို့ လုပ်နေတာ အားလုံးအသိပါ။

 

သူတို့ဖွင့်မယ့် ကျောင်းတွေကို မတက်ကြဘို့ တိုက်တွန်းပါတယ်။ 

ဒါဆို ငါတို့က ဒီအတိုင်းထိုင်နေရတော့မှာလား လို့ မေးစရာရှိလာပါတယ်။

 

အခု NUG က ကျောင်းသားတွေကို ရုပ်မြင်သံကြား သင်ကြားရေးစနစ်နဲ့ သင်ပေးဘို့ အပူတပြင်း စိုင်းပြင်းနေပါတယ်။

အထူးသဖြင့် ဘွဲ့ရခါနီးကျောင်းသားတွေနဲ့ ကျောင်းတက်ဘို့ စာရင်းသွင်းပြီးမှ တိုးလို့တန်းလန်းဖြစ်နေတဲ့ ကျောင်းသား တွေကို ဦးစားပေးအဆင့်အနေနဲ့ စသင်ပါလိမ့်မယ်။

 

တစ်နိုင်ငံလုံးအတိုင်းအတာနဲ့ဆိုတော့ လုပ်ငန်းကြီးက အလွန်အင်မတန့်ကို ကြီးမား ကျယ်ပြန့်ပါတယ်။

အဲဒီအတွက် အားလုံးရဲ့ အင်အား လိုပါတယ်။

တစ်ဆင့်ချင်း တစ်ဆင့်ချင်း သွားရမှာပါ။

 

နောက်တစ်ခုက ကျွန်တော်တို့နိုင်ငံရဲ့ ပညာရေးဆိုတာကို အားလုံးအသိပါ။

အောက်ဆုံးကို ကျော်ပြီး အနုတ်လက္ခဏာပြနေတဲ့အဆင့်ပါ။

စစ်အာဏာရူးတွေ ကျဆုံးသွားပြီး ပြန်ဖွင့်မယ့် ပညာရေးစနစ်မှာ အဲဒါကို အဓိကထား ပြင်ပါမယ်။

ဘယ်အတန်းမှာတော့ဖြင့် ဘာတွေကို သိထားရမယ် ဆိုတဲ့စနစ်နဲ့ သွားပါလိမ့်မယ်။

ကိုယ်ကျင့်တရားနဲ့ လူပီပီသသ ဖြစ်လာဘို့တွေပါ ပါမယ်။

 

အခုလို အကျပ်အတည်းကာလကြီးမှာ စစ်တပ်က အာဏာထသိမ်းတယ်ဆိုတာ အဲဒါတွေ ပျောက်ဆုံးနေလို့ပါ။ 

စံမီတဲ့လူတစ်ယောက်ဟာ ဘာကိုတော့ဖြင့် လုပ်သင့်တယ်၊​ ဘာကိုတော့ဖြင့် မလုပ်သင့်ဘူးဆိုတာ တွေးတတ် ခေါ်တတ် မြော်မြင်တတ်ရပါမယ်။

ဟိုဘက်ရွာက လူတွေမှာ လုပ်သင့်မလုပ်သင့်ဆိုတာကို ဝေဘန်ပိုင်းခြားနိုင်စွမ်း မရှိပါဘူး။

 

အမှန်က ကျောင်းတွေဆိုတာ စံမီတဲ့ နိုင်ငံသားကောင်းတွေကို မွေးထုတ်ပေးဘို့ ဖြစ်ပါတယ်။

ကျောင်းဆိုတာဟာ -

ဟုတ်မှန်းမသိ၊ မဟုတ်မှန်းမသိ၊ စာအုပ်ထဲပါတာတွေ နင်းကန်ကျက်၊ အချိန်တန်တော့ လက်မှတ်တစ်ခု ရလာဘို့ အတွက်မျှလောက်သာ မဟုတ်ပါဘူး။

အဲဒါထက်ပိုပါတယ်။

 

အဲဒါဟာ NUG က မျှော်မှန်းထားတဲ့ ပညာရေးပါ။

 

(၂)

 

သေချာတာပေါ့ခင်ဗျား။

ရေဆန်လေဆန်ကို လှော်တက်တဲ့အခါ ပင်ပန်းပါမယ်။ ခက်ခဲပါမယ်။ ပြဿနာပေါင်းစုံနဲ့ ရင်ဆိုင်ရပါလိမ့်မယ်။

 

အထူးသဖြင့် -

ပျက်စီးနေတာကို ပြန်ပြင်ရတာဟာ အသစ်ဆောက်ရတာထက် ပိုခက်ပါတယ်။

အင်ဂျင်နီယာမှန်ရင် အဲဒီကိစ္စကို ကောင်းကောင်း သိပါတယ်။

 

ဒါပေမယ့်ခင်ဗျား -

တကယ်လုပ်ရင် အဟုတ်ဖြစ်ပါတယ်။

ကျွန်တော်တို့မှာ တကယ် တော်တည့်ထက်မြက်တဲ့ မြန်မာနိုင်ငံသားကောင်းလေးတွေ ပြည်တွင်းပြည်ပမှာ အများကြီး ရှိပါတယ်။ 

သူတို့ကလည်း တကယ့်ကို စိတ်ပါလက်ပါနဲ့ လုပ်ပေးချင်ကြပါတယ်။

လက်ရှိလည်း လုပ်နေတဲ့သူတွေ ရှိပါတယ်။

သူတို့ရဲ့အားနဲ့ လုပ်ယူလို့ရပါတယ်။

 

အရေးအကြီးဆုံးက မြန်မာနိုင်ငံမှာ လူတော်လူကောင်းတွေ ထွက်ပေါ်လာမှာကို အလိုမရှိတဲ့ စစ်ခွေးတွေကို မြန်မာ့မြေပေါ်ကနေ အပြီးတိုင် သုတ်သင်ဖယ်ရှားပစ်ဖို့ပါ။

အဲဒီ ဒဒေါင်းဇားတွေ (ငါ ပြောရင်းပြောရင်း ဒေါသထွက်လာပြီ။ မဆဲတော့ဘူးလို့ နေတာ) မြန်မာ့မြေပေါ်မှာ မရှိတော့ဘူး ဆိုရင် အားလုံးကောင်းသွားဘို့ လမ်းစပေါ်ပါပြီ။

 

အခု ရုပ်မြင်သံကြား ပညာရေးစနစ်ကို စဘို့ ဝိုင်းကြ ဝန်းကြရအောင်။

ကျွန်တော်တို့လည်း ပါပါမယ်။

မိတ်ဆွေတို့ကိုလည်း ဖိတ်ခေါ်ပါတယ်။

 

(၃)

 

ရုပ်မြင်သံကြား ပညာရေးစနစ်မှာ Online နဲ့ Offline ဆိုပြီး နှစ်ပိုင်း ပါပါမယ်။

အင်တာနက်ရတဲ့ ဒေသတွေမှာ online သင်ပါမယ်။

အင်တာနက်မရတဲ့ ဒေသတွေမှာ offline သင်ပါမယ်။

 

Online အတွက် Zoom, Microsoft Team, Google Hangout စတာတွေနဲ့ သင်လို့ရပါတယ်။

Offline အတွက်တော့ သင်ကြားရေး ဗီဒီယိုတွေ ကြိုရိုက်ထားရပါမယ်။

ဗီဒီယိုရိုက်တယ်ဆိုတာ စားပွဲမှာထိုင်ပြီး မျက်နှာသေကြီးနဲ့ စာလာဖတ်ပြတာမျိုးကို ပြောတာ မဟုတ်ပါဘူး။

တကယ့် အခန်းထဲမှာ စာသင်နေတဲ့ပုံစံမျိုး ရိုက်မှာပါ။

ဒါလောက် ဒုံးမဝေးတဲ့ ကျွန်တော့်မိတ်ဆွေများ သိပါတယ်။

 

အရေးကြီးတာက သင်ပေးမယ့် ဆရာ/ဆရာမတွေပါ။

သူတို့သာ မသင်တတ်ရင် နာရီဝက်မတိုင်ခင် အားလုံး အိပ်ပျော်ကုန်ကြပါလိမ့်မယ်။

ဒါမှမဟုတ်လည်း အသီးသီး၊ အလျှိုလျှို ပျောက်သွားကြပါလိမ့်မယ်။

အဲဒီအတွက် ဆရာ/ဆရာမတွေကို ကောင်းကောင်း လေ့ကျင့်ပေးဘို့လိုပါတယ်။ TTT (Train-The-Trainer) Programme ပါ။ အဲဒီအတွက်လည်း ကျွန်တော်တို့ ပြင်ဆင်နေပါတယ်။

 

စာသင်တာမှာ လက်ရှိပြဋ္ဌာန်းထားတဲ့ သင်ရိုးတွေကို အခြေခံပါမယ်။

အဲဒီအထဲမှာ Game တွေ၊ Classroom Exercise တွေ၊ Quiz တွေ ထည့်သွားပါမယ်။

Blended Learning လို့ခေါ်ပါတယ်။ လက်ရှိ စင်ကာပူက သင်တန်းတွေကို သင်တဲ့ပုံစံပါ။

စာသင်လိုက် သူတို့ကို လေ့ကျင့်ခိုင်းလိုက်ပေါ့။ အဲဒါဆို အိပ်ငိုက်လို့မရတော့ဘူး။​ ပျင်းစရာလည်း မကောင်းတော့ဘူး။

 

အရေးအကြီးဆုံးကတော့ ကျောင်းသားတွေနဲ့ ဆရာဆရာမတွေရဲ့ လုံခြုံရေးပါ။

ကျောင်းသားတွေစုဘို့၊ ဆရာဆရာမတွေကို အကူအညီတောင်းဘို့က ပြဿနာမရှိနိုင်ဘူးလို့ ယူဆပါတယ်။

ဒေသအလိုက်၊ ရပ်ကွက်အလိုက်၊ ရွာအလိုက် လုပ်ကြမှာကိုး။

ဒါပေမယ့် ခွေးရူးဆိုတာ လူကောင်းမှန်းမသိ၊​ လူဆိုးမှန်းမသိ၊ ကောင်းတာလုပ်နေမှန်းမသိ၊ ဆိုးတာလုပ်နေမှန်းမသိ။ အကုန် မြင်မြင်ရာကို ကိုက်တတ်တဲ့သဘောရှိပါတယ်။

အဲဒါကြောင့်မို့လို့ စာသင်နေတဲ့သူတွေကို ရန်ရှာလာနိုင်တဲ့ အန္တရာယ်ရှိနိုင်ပါတယ်။

အဲဒါကို ဘယ်လိုလုပ်မလဲဆိုတာတော့ ဝိုင်းဝန်းဆွေးနွေး အဖြေရှာကြဘို့ပဲ ဖြစ်ပါတယ်။

 

(၄)

 

ဘာပဲဖြစ်ဖြစ် ရုပ်မြင်သံကြားပညာရေးစနစ်ကို ကျွန်တော်တို့ စလုပ်ပါမယ်။

ကျွန်တော်တို့ရည်မှန်းထားတာကတော့ မည်ကာမတ္တ စာသင်တာမဟုတ်ဘဲ နိုင်ငံတကာ ပညာရေးနဲ့ရင်ဘောင်တန်းနိုင် ဘို့ထိပါ။

ဆိုလိုတာက ကျွန်တော်တို့ သင်ပေးလိုက်တဲ့ Primary 3 သည် ဘယ်နိုင်ငံက Primary 3 နဲ့မဆို ယှဉ်နိုင်ရမယ်။ သူတို့ သင်နေတဲ့စာတွေကို နားလည်နိုင်ရမယ်။

မလွယ်ပါဘူး။ ခက်ပါလိမ့်မယ်။

ဒါပေမယ့် မဖြစ်နိုင်တာ မရှိပါဘူး။ 

အားလုံးဝိုင်းလုပ်ရင် ဖြစ်နိုင်ပါတယ်။

မြန်မာပြည်ဟာ (ခွေးရူးတွေ ပေါ်မလာခင်ကအချိန်အထိ) အရှေ့တောင်အာရှမှာ ထိပ်ဆုံးဖြစ်ခဲ့တယ်ဆိုတာ မမေ့ကြပါစို့နဲ့။

 

ဒို့ခေတ်ရောက်မှ ညံ့ကြတော့မှာလား။

မြေအုတ်တို့ ပြိုလေရာ၊ ကျောက်အုတ်တို့ဖြင့် အစားထိုးအံ့။

 

အရေးတော်ပုံ အောင်ရမယ်။

 

အေးငြိမ်း

၁၇ မေလ၊ ၂၀၂၁

အရှုံးကြီး ရှုံးလေပြီဖြစ်သည့် စစ်တပ်နှင့် ရဲ

(၁)

 

နိုင်ငံတော်အာဏာကို ဓားပြတိုက် ရယူသွားသည့် မြန်မာနိုင်ငံမှ စစ်တပ်နှင့် ၎င်း၏ မယားပါသား ရဲ တို့ကား အရှုံးကြီး ရှုံးလေပြီ ဖြစ်သတည်း။

 

(၂)

 

ကျွန်ုပ် ဤစကားကို ငါ့စကား နွားရ ပြောခြင်းမဟုတ်။

မနက်မိုးလင်းလာလို့ ဖေ့စ်ဘုတ်ဖွင့်လိုက်သည်နှင့် ဘယ်စခန်းကိုဖြင့် KNU တိုက်လို့ စစ်ခွေးဘယ်နှစ်ကောင် သေချင်းဆိုး ဖြင့် သေပြီ၊ ဘယ်စခန်းတော့ ကျသွားပြန်ပြီ။ KIA တိုက်လို့ ရဟတ်ယာဉ်ပျက်ကျပြီ။ စစ်ခွေးကားတွေ ဗုံးပေါက်ပြီး စစ်ခွေးဘယ်နှစ်ကောင် မာလကီးယားသွားပြန်ပြီ စသည့် သတင်းများကို ဖတ်ရသည့်အခါ ကျွန်ုပ်မှာ သာဓု၊ သာဓု၊ သာဓု။ ကောင်းလေစွ၊ ကျက်သရေမင်္ဂလာရှိပေစွ ဟု မြည်တမ်းမိလေ၏။ နောက်ထပ်လည်း ဤသတင်းမျိုးကို မကြာခဏ ဖတ်ရပါစေ၊ စစ်ခွေးများ အစုလိုက်အပြုံလိုက် မသာပေါ်ကြပါစေ ဟုလည်း လှိုက်လှဲစွာ ဆုတောင်းမိ၏။

 

ဤသည်မှာ ကျွန်ုပ်တစ်ယောက်တည်းမဟုတ်။ စစ်ခွေးများ၏ မယားပါသားများနှင့် စစ်ဘောလျက် လက်တစ်ဆုပ်စာ လူ့ဘူးတောင်းတစ်စုမှလွဲ၍ ယခု စာဖတ်နေသူ အသင်အပါအဝင် မြန်မာတစ်နိုင်ငံလုံးပင် ဤနည်းအတိုင်း ခံစားကြရ သည်သာ ဖြစ်၏။

 

စစ်တပ်က မတရားသတင်းလွှင့်ကာ ပရိုပဂန်ဒါများ အသားကုန် လုပ်ထားသည့်အတွက် ကျွန်ုပ်တို့မှာ ယခင်က KIA, KNU ဆိုသည်တို့ကို အကြမ်းဖက် သောင်းကျန်းသူများဟု လွဲမှားစွာ မှတ်ယူထားကြကုန်၏။ ယခု မင်းအောင်လှိုင်ကောင်းမှု ကြောင့် မင်းသားမျက်နှာဖုံးစွပ်ထားသည့် စစ်တပ်၏ သောက်ခွက်အစစ်အမှန်ကို ကျွန်ုပ်တို့ မြင်ခွင့်ရသည့်အခါကျမှ မည်သူသည်ကား လူဖြစ်ပြီး မည်သူသည်ကား ဘီလူးဖြစ်သည်ကို သေချာ ဂဏစွာ သိခွင့်ရလေတော့၏။ (အခုလို လူမှန်း ဘီလူးမှန်း ခွဲခြားသိအောင် လုပ်ပေးနိုင်ခြင်းအတွက်ကား ကျေးဇူးတင်ပါသည် ဂန်းမသား မင်းအောင်လှိုင်)

 

လူတစ်ယောက်သေသည်ကို ဝမ်းမသာစကောင်း။ 

သို့ဆိုလျှင် ထိုစစ်ခွေးများ မသာပေါ်သည်ကို အဘယ်ကြောင့် ကျွန်ုပ်တို့ ဝမ်းသာဘိရသနည်း။

အဖြေကား ရှင်းလှပါသည်။

ကျွန်ုပ်တို့သည် ထိုစစ်ခွေးများအပေါ် မေတ္တာတရား လုံးဝ ခြောက်ခမ်းသွားလျက် အမုန်းကြီး မုန်းတီးနေကြသောကြောင့် ဖြစ်သတည်း။

 

ကျွန်ုပ်တို့ မုန်းတီးရခြင်းမှာလည်း အကြောင်းမဲ့ မဟုတ်။ ၎င်းတို့ကို ခါးခါးသီးသီး မုန်းတီးလာစေရန် ၎င်းတို့ကိုယ်နှိုက်က ပင် အပူတပြင်း ကြိုးစား လုပ်ဆောင်နေကြသောကြောင့် ဖြစ်၏။ အပြစ်မဲ့ပြည်သူများကို ဘာအကြောင်းပြချက်မှမရှိဘဲ ရမယ်ရှာကာ ဖမ်းသည်။ နှိပ်စက်သည်။ သတ်သည်။ ပစ္စည်းများကို လုသည်၊ ခိုးသည်၊ ပြောင်နှိုက်သည်။ ပြည်သူတို့၏ ပစ္စည်းများကို အကြောင်းမဲ့ ဖျက်ဆီးသည်။ ဤကဲ့သို့သော လူသတ်သမား၊ လူရမ်းကား၊ သူခိုး၊ ဓားပြ၊ ပြန်ပေး တို့ကို အဘယ်သူသည် မေတ္တာထားနိုင်အံ့နည်း။ ဝေးစွ။

 

ထိုမျှသာမကသေး။ ထိုသတ္တဝါများသည် ဤကမ္ဘာပေါ်၌ မည်သူမှ ကျူးလွန်လိမ့်မည် မဟုတ်သော မိုက်မဲမှုမျိုးကို ယခုတိုင် မိုက်မိုက်မဲမဲ နေ့စဉ် ကျူးလွန်နေကြပေချေလေသေး၏။ ဤသည်ကား မြဝတီ၊ မြန်မာ့အသံ၊ ကြေးမုံတို့မှ မဟုတ်က မဟတ်က လိမ်ဆင်သတင်းများကို ဆက်တိုက် ထုတ်လွှင့်နေခြင်းဖြစ်၏။

 

ယခုအခါ ဤကမ္ဘာပေါ်ရှိ စဉ်းစားဆင်ခြင်တတ်သူ မည်သူကမှ စစ်အာဏာရူးများအပေါ် အယုံအကြည်မရှိကြတော့။ ဤကဲ့သို့ အယုံအကြည်မရှိကြရန်လည်း ၎င်းတို့ကိုယ်တိုင်ပင် မိုက်မိုက်မဲမဲ ကြိုးစားပမ်းစား တင်ဆက်နေကြလေ သတည်း။

 

အသင်တို့တွင် ပစ္စည်းဥစ္စာ၊ ရတနာများ ပျက်စီး ပျောက်ဆုံးသွားသည်ဆိုလျှင် သင်တို့ ကြိုးစားအားထုတ်မှုဖြင့် ပြန်ရ နိုင်သေး၏။ သို့သော် မေတ္တာတရားနှင့် ယုံကြည်မှုတို့ပျောက်ဆုံးသွားပြီဆိုလျှင် ဘာနှင့်မှ ပြန်လုပ်လို့ မရနိုင်တော့။ အပြီးတိုင် ပျက်စီးခြင်းသို့ ဆိုက်ရောက်သွားချေပြီ။

 

မေတ္တာတရားနှင့် ယုံကြည်မှုတို့ဟူသည် ပိုက်ဆံပေးဝယ်လို့ ရစကောင်းသောအရာမဟုတ်။ သေနတ်ပြကာ ခြိမ်းခြောက် ယူလို့ မရစကောင်း။ ဤသည်တို့မှာ လူတို့၏တန်ဘိုး။ လူ့သိက္ခာနှင့်ဆိုင်သည်။ 

 

ကျွန်ုပ်တို့သည် ဗိုလ်ချုပ်အောင်ဆန်းကို အဘယ်ကြောင့် ရင်ထဲအသည်းထဲ၊ နှလုံးထဲ၊ ကျောက်ကပ်ထဲ။ အူသိမ်အူမထဲ၌ ယနေ့တိုင် အမြတ်တနိုး သိမ်းဆည်းထားကြ၊ ချစ်ခင်မြတ်နိုးနေကြသေးသနည်း။ 

 

အဖြေကားရှင်းပါသည်။ ဗိုလ်ချုပ်အောင်ဆန်းသည် လူပီသသည်။ သူ့မှာ လူ့တန်ဘိုးအပြည့်ရှိသည်။ သူ့မှာ သိက္ခာ အပြည့်ရှိသည်။ သို့အတွက် ကျွန်ုပ်တို့ ချစ်ကြသည်။ ယခုစာဖတ်နေသူ အသင်သည် ဗိုလ်ချုပ်အောင်ဆန်းဆိုတာ နာမည်သာ ကြားဖူးသည်။ မြင်ဖူးတွေ့ဖူးခဲ့တာမဟုတ်။ သို့သော် အသင် သူ့ကို မချစ်ပါသလော။

 

(၃)

 

မြန်မာ့စစ်တပ်နှင့် ရဲကား အဆုံးရှုံးကြီး ဆုံးရှုံးခဲ့ပြီဖြစ်၏။

၎င်းတို့သည် မြန်မာပြည်သူတို့၏ မေတ္တာတရားကို ဆုံးရှုံးခဲ့ပြီ။ 

၎င်းတို့သည် မြန်မာပြည်သူတို့၏ ယုံကြည်မှုကို ဆုံးရှုံးခဲ့ပြီ။

နောင်လည်း မည်သည့်အခါမှ ပြန်ရနိုင်ဖွယ်ရာ မရှိတော့။

ဤသည့်ဆုံးရှုံးမှုမှာ မည်သည့်အရာနှင့်မှ အစားထိုးမလဲလှယ်နိုင်သော ဆုံးရှုံးမှုကြီးဖြစ်သတည်း။

 

သို့တိုင် မိုက်လုံးအလွန်ကြီးလှသော၊ အဝီစိရောက်အောင် မိုက်တွင်းနက်လှသော ထိုစစ်ဗိုလ်ချုပ်ကြီးများမှာ ဆုံးရှုံးလို့လည်း ဆုံးရှုံးမှန်းသိမည်မဟုတ်ပါ။ ၎င်းတို့၏ အသိစိတ်ကို ငါကောင်းစားဘို့၊ ငါအာဏာရဘို့တည်းဟူသော မသိမှု အဝိဇ္ဇာတရားက အမှောင်ချထားခဲ့ပြီ ဖြစ်၏။

 

အကယ်၍သာ မင်းအောင်လှိုင်၏ အဖေသည် သက်ရှိထင်ရှားရှိနေသေးလျက် ယခု မြန်မာနိုင်ငံမှ အဖြစ်အပျက်များကို မျက်ဝါးထင်ထင် တွေ့မြင်နေရသည်ဖြစ်အံ့။

 

အနှီသူသည် ကိုယ့်ကိုယ်ကိုယ် ကျိန်ဆဲကာ ကိုယ့်ပါးကိုယ် သုံးချက်လောက် ချနေမည်မှာ မြေကြီးလက်ခတ် မလွဲပါ။

ကိုင်းကွာ . . . ကိုင်းကွာ . . . အဲဒီညက ဘာဖြစ်လို့ ငါ ကွန်ဒုံးမသုံးခဲ့ရသလဲကွ။ 

သေဇမ်းကွာ . . . လူမိုက် . . . သေဇမ်း . . . သေဇမ်း။ 

အဲဒီလောက်မိုက်လုံးကြီးလှတဲ့ ခွေးသားကိုမှ မွေးထုတ်ခဲ့ရသား . . . လူမိုက် . . . မသာ . . . သေချင်းဇိုး . . . ဟု အဖန်တလဲလဲ ရေရွတ်လျက် . . . .

ကိုယ့်ပါးကိုယ် မကျေနိုင်မချမ်းနိုင် ထပ်ခါ ထပ်ခါ ချနေမည်ကို ကျွန်ုပ် မြင်ယောင်မိပါတော့သတည်း။

 

အဓမ္မသမားတို့ ကျဆုံးရမည်။

 

အရေးတော်ပုံ အောင်ရမည်။

 

အေးငြိမ်း

၆ မေလ၊ ၂၀၂၁

ငြမ်းအကြောင်း သိကောင်းစရာ

ကျွန်တော် ငြမ်း အကြောင်းရေးနေတာ တစ်ဝက်လောက် ပြီးပါပြီ။

ငြမ်းအမျိုးအစားတွေအကြောင်း၊ Tie back တွေအကြောင်း၊ ငြမ်းဆင်ပုံ၊ ဖျက်ပုံတွေအကြောင်း ကျန်ပါသေးတယ်။

မြန်မာနိုင်ငံမှာ ဝါးငြမ်းတွေလည်း သုံးကြတော့ ဝါးငြမ်းအကြောင်းလည်း ထည့်ရေးပါမယ်။

ဝါးငြမ်းနဲ့ပတ်သက်လို့ ဟောင်ကောင်က standard တွေကို မီငြမ်းပါမယ်။

ဝါးရဲ့ mechanical property စသဖြင့် အင်ဂျင်နီယာဆိုင်ရာတွေလည်း အနည်းအကျဉ်းပါပါမယ်။

အခုက ပြီးသလောက် အနည်းအကျဉ်း တင်ပေးလိုက်တာပါ။

မသမာသူတွေရဲ့ရန်က ကာကွယ်ဘို့ တစ်မျက်နှာကျော်စီပဲ ပေးထားပါတယ်။

မေလကုန်လောက် ပြီးမယ် မှန်းပါတယ်။

အများဆုံး ဇွန် ပေါ့ခင်ဗျား။

အားလုံး ကျန်းမာချမ်းသာ၊ ဘေးရန်ကင်းကွာကြပါစေ။

မင်းအောင်လှိုင်လည်း အမြန်ဆုံး မာလကီးယားပါစေ။

အေးငြိမ်း

၂၈ ဧပြီလ၊ ၂၀၂၁