စင်္ကာပူသို့ အလုပ်လာလုပ်မည့် အလုပ်သမားများအား အေးဂျင့် (သို့) အလုပ်ရှင်သည် MOM မှ ထုတ်ပေးသည့် IPA letter ကို စင်္ကာပူသို့ထွက်မလာမီ အနည်းဆုံး (၃) ရက် ကြိုပေးရမည်။ တကယ်တမ်း (၃) ရက်တင်ကြိုပေးမပေးကို စင်္ကာပူရောက်မှ တက်ရသည့် SIP သင်တန်းတွင် စစ်မေးသည်။
(၃) ရက်ကြိုပေးရမည်ဟု သတ်မှတ်ခြင်းမှာ သူတို့က အလုပ်သမားများကို သည်စာအား ဖတ်စေ၊ နားလည်စေ၊ သည်စာပါ အကြောင်းအရာများကို သဘောတူမတူ သိစေလို၍ ဖြစ်၏။ သည်စာကို တင်ကြို ပေးသည့်တိုင် အလုပ်သမားများသည် သည်စာကို ဘာစာမှန်းသိပါသလား။ ဘာတွေရေထားမှန်း သိပါသလား။ သည်စာသည် သူတို့အတွက် အရေးကြီးမှန်း သိပါသလား။ သည်စာကို မည်မျှအလေးထားပါသနည်း။
များသောအားဖြင့်တော့ သည်စာကို ဘာစာမှန်း၊ ဘာတွေရေးထားမှန်း၊ အရေးကြီးမှန်း မသိသူ များပါသည်။ အင်္ဂလိပ်လိုတွေရေးထားတာလည်း တစ်ကြောင်းဖြစ်၏။ အိမ်အကူ အမျိုးသမီးများအတွက် IPA ကို မြန်မာဘာသာပြန်ဖြင့် ထုတ်ပါသည်။ သို့သော် တစ်ရာမှာ တစ်ယောက် မဖတ်ပါ။
ယခု ကျွန်ုပ်က IPA letter ကို ဘာသာပြန်ကာ ပေးလိုက်ပါသည်။ နီးစပ်ရာလူများကို ဝေမျှလိုက်ကြပါ။ သူတို့ဖတ်တာ မဖတ်တာ ကျွန်ုပ် ဘာလုပ်လို့ရပါမည်နည်း။ ရေးတာ ကျွန်ုပ်အကြောင်းဖြစ်၍ ဖတ်တာ သူရို့ကိစ္စဖြစ်ပါသည်။
Part I(A): Declaration by foreign employee စာမှာ အတန်များသဖြင့် မူရင်းစာပေါ်တွင် ဖော်ပြဘို့ အခက်အခဲရှိသဖြင့် ဤတွင်ပင် ဖော်ပြလိုက်ပါသည်။ အတိအကျမဟုတ်၊ လိုရင်းမျှဖြစ်၏။
(ပြောသာပြောရ၊ ဤတွင်ရေးထားသည်များကို အလုပ်သမားများအနေနှင့် အပြည့်အဝ နားလည်လိမ့်မည်ဟု ကျွန်ုပ်ကတော့ မထင်ပါ။)
++++++++++++++++++++++++
အောက်ပါအတိုင်း ကျွန်ုပ် ကြေငြာပါသည်။
(က) MOM website တွင်ရနိုင်သည့် နိုင်ငံခြားသားများ အလုပ်ခန့်ထားခြင်းဥပဒေပါ ဝပ်ပါမစ်သမားများ လိုက်နာရမည့် စည်းမျဉ်းစည်းကမ်းများကို ဖတ်ရှုပြီး သဘောပေါက်နားလည်ပါသည်။
(ခ) ကျွန်ုပ်သည် မည်သည့်တိုင်းပြည်/နိုင်ငံအတွင်းတွင်မှ ရာဇဝတ်မှု တစုံတရာ ကျူးလွန်ခဲ့သည်/ မကျူးလွန်ခဲ့ပါ။ (မလိုအပ်သည်ကို ဖျက်ပါ)
(ဂ) ဤဝပ်ပါမစ်လျှောက်ထားခြင်းအတွက် ကျွန်ုပ်၏ ကိုယ်ရေးအချက်အလက်များကို အခြား အစိုးရအဖွဲ့ အစည်း၊ လူပုဂ္ဂိုလ်များအား ပေးအပ်ခြင်းကို သဘောတူပါသည်။ ကျွန်ုပ်အား အလုပ်ခန့်ထားခြင်းအတွက် ကျွန်ုပ်၏ ကိုယ်ရေးကိုယ်တာအချက်အလက်များကို အခြားသက်ဆိုင်သူ လူများ/အဖွဲ့အစည်းများ ကြည့်နိုင်စေရန် စင်ကာပူအစိုးရ website ပေါ်တင်ထားခြင်းကို ခွင့်ပြုပါသည်။
(ဃ) အပိုင်း (၁) တွင် ဖော်ပြထားချက်များမှာ အမှန်အကန်များဖြစ်ပါသည်။ ဝပ်ပါမစ် လျှောက်ထားရန် ကျွန်ုပ် တင်ပြထားသည့် စာရွက်စာတမ်းများအားလုံးမှာလည်း အမှန်အကန်များဖြစ်ပါသည်။
(င) POSB ဘဏ်စာရင်းဖွင့်ရန် နှင့် MWC (ရွှေ့ပြောင်းလုပ်သားများစင်တာ) အသင်းဝင်ရန် လိုအပ်သည့် ကျွန်ုပ်၏ ကိုယ်ရေးကိုယ်တာ အချက်အလက်များကို POSB နှင့် MWC သို့ ပေးပို့ခြင်းအား သဘောတူပါသည်။
(စ) MWC ၏ အစီအစဉ်နှင့် လှုပ်ရှားမှုများတွင် ပါဝင်ဆောင်ရွက်နိုင် စေရန် ကျွန်ုပ်၏ ကိုယ်ရေးကိုယ်တာ အချက်အလက်များအား MWC က ရယူသိမ်းဆည်းထားခြင်းကို သဘောတူပါသည်။
(ဆ) လိုအပ်သော အစိုးရလုပ်ငန်းများ လုပ်ကိုင်နိုင်ရန် ကျွန်ုပ်၏ ကိုယ်ရေးကိုယ်တာ အချက်အလက်များ အား MOM က SingPass သို့ပေးခြင်းအပေါ် နားလည် ခွင့်ပြုပါသည်။
(ဇ) ကျွန်ုပ်၏ ဝပ်ပါမစ်ကို MOM ၏ mobile application ဖြစ်သော workpass apps ဖြင့် scan လုပ်လိုက်သည့်အခါ ကျွန်ုပ်၏ ကိုယ်ရေးကိုယ်တာ အချက်အလက်များပေါ်လာစေရန် MOM ကို ခွင့်ပြုပါသည်။
(ဈ) အရေးပေါ်ကိစ္စနှင့် အခြား အလုပ်ခန့်ထားခြင်း ကိစ္စများတွင် ကျွန်ုပ်ကိုဆက်သွယ်ရန် ကျွန်ုပ်၏ ဖုန်းနံပါတ်အား အသုံးပြုခြင်းကို MOM အား ခွင့်ပြုပါသည်။ ထို့အတူ ထိုရည်ရွယ်ချက်အတွက် သုံးရန် ကျွန်ုပ်၏ ဖုန်းနံပါတ်ကို MOM က အခြား အစိုးရအဖွဲ့များသို့ ပေးအပ်ခြင်းကိုလည်း ခွင့်ပြုပါသည်။
++++++++++++++++++
ကျေးဇူးတင်ပါသည်။
အေးငြိမ်း
၂၆ စက်တင်ဘာ၊ ၂၀၁၉
