Risk-based Thinking

Risk and Opportunity - ဆိုးကျိုးဖြစ်နိုင်ချေ နှင့် အခွင့်အလမ်း

(၁) Risk (ဆိုးကျိုးဖြစ်နိုင်ချေ)

-------------------------------

ယခု ISO 45001, ISO 9001 နှင့် ISO 14001 စသည့် အပြည်ပြည်ဆိုင်ရာစံနှုန်းများတွင် risk and opportunity ကို တွဲလျက် မကြာခဏတွေ့ရလေ၏။

Risk ကို ကျွန်တော်တို့သိသည်မှာ ကြာပါပြီ။ ထင်သာမြင်သာလည်းရှိ၏။ Safety ဆိုလျှင် risk ပါမြဲဖြစ်၏။ Risk Assessment တို့၊ Risk Management တို့၊ Hierarchy of Control ဆိုတာတို့ကို safety သင်တန်းတက်ဖူးသူတိုင်း ကြားဖူးကြသည်ချည်းဖြစ်၏။ (နားလည်တာ၊ မလည်တာ တစ်ပိုင်းပေါ့။)

Risk ကို မြန်မာလို စွန့်စားခြင်းဟု ဘာသာပြန်သည်။ အမှန်လည်း ဟုတ်ပါသည်။ Risk ဆိုတာ အန္တရာယ်ရှိမှန်းသိလျက်နှင့် စွန့်စွန့် စားစားလုပ်ဆောင်ခြင်းကို ခေါ်သည်။

သို့သော် ISO 45001 တွင်မူ risk ကို အဓိပ္ပာယ်ဖွင့်ထားပုံလေးမှာ တစ်မျိုးဖြစ်၏။ တိုက်ရိုက်အဓိပ္ပာယ်ဖွင့်ဆိုမှုမှာ Effect of uncertainty ဖြစ်၏။ မသေချာမရေရာမှုတို့၏ ရလဒ်ဟု ပြန်ဆိုနိုင်ပါလိမ့်မည်။

Safety မှ risk ကို သာမန်လူများအား ရှင်းပြလျှင် နားလည်ရန် သိပ်မလွယ်ပါ။ မကြာခဏလူသေမှုဖြစ်သော အလုပ်သည် အလွန် အန္တရာယ်များသည့်အလုပ် (high risk) ဖြစ်၏။ တစ်နှစ်နေလို့တစ်ခါတောင်မှမဖြစ်၊ ဖြစ်ပြန်လျှင်လည်း ဘာမှ ကြီးကြီးကျယ်ကျယ် ဒဏ်ရာမရသော အလုပ်မှာ အန္တရာယ်နည်းသည့်အလုပ် (low risk) ဖြစ်၏။

အန္တရာယ်ရှိမှန်းသိလျက်နှင့် ဖြစ်ကာမှဖြစ်ရော၊ စွန့်စွန့်စားစားလုပ်ကိုင်ခြင်းသည် risk ဖြစ်၏။ Risk ကို ဘယ်လိုဘာသာပြန်ကြမတုံး ဟု ဖေ့စ်ဘုတ်တွင် စူးစမ်းတော့ ကိုသန်းလွင်က "ဆိုးကျိုးဖြစ်နိုင်ချေ" ဟု အကြံပေးပါသည်။ သူ့စကားလုံးလေးမှာ အတော်လှပြီး ဆိုလိုရင်းကိုလည်း ငုံမိသည်ဖြစ်ရာ ISO 45001 ကိုဘာသာပြန်ရာတွင် ကျွန်တော် risk ကို "ဆိုးကျိုးဖြစ်နိုင်ချေ" ဟုပင် တအုပ်လုံး သုံးသွားပါသည်။

(၂) Opportunity (အခွင့်အလမ်း)

------------------------------------

ယခင်က safety တွင် risk တစ်ခုတည်းသာ ပြော၏။ ယခု ISO ဖြစ်လာတော့ Risk and Opportunity ဟု နှစ်ခုတွဲကာ ပြောလေ သည်။ သည်စကားလုံးမှာ ကျွန်ုပ်အတွက် အသစ်အဆန်းဖြစ်နေ၏။ Risk များနှင့်အသားကျလာသော ကျွန်ုပ်မှာ opportunity ရှာပါဆိုတော့ ဘာကိုဘယ်လိုရှာရမှန်းမသိ။

ဟိုတလောဆီက ကိုခင်မောင်ဦးက ဥပဒေ (laws) တွေရဲ့ အခွင့်အလမ်း (opportunity) တွေကိုထည့်ပါလို့ audit က ပြောတယ်။ အဲဒါ ဘာတွေထည့်ရမလဲဆိုတော့ ကျွန်တော် ရုတ်တရက်စဉ်းစားလို့မရ။

နောက်မှ ဥပဒေရှိခြင်းအတွက် အခွင့်အလမ်းများစွာ ရှိကြောင်း စဉ်းစားမိလေသည်။ ကျွန်တော်စဉ်းစားမိသမျှမှာ အောက်ပါတို့ ဖြစ်ပါသည်။ ထို့ထက်လည်း ပိုနိုင်ပါသည်။

ဥပဒေ၊ နည်းဥပဒေ၊ စံနှုန်း၊ စည်းမျဉ်းစည်းကမ်းများက ကျွန်ုပ်တို့ကို ဘာတွေ၊ ဘာတွေလုပ်ပါဟု အသေးစိတ် ညွှန်ပြပေးသည့် အတွက် ကျွန်ုပ်တို့သည် ဘာကိုဘယ်လိုလုပ်ရမလဲ ဟု ယောင်ဝါးဝါးဖြစ်နေစရာ မလိုတော့။ ဥပဒေက ညွှန်ပြထားသည်တို့ကို လိုက်လုပ်ရန်သာ ဖြစ်လေသည်။ ဤသည်မှာ အလွန်ကြီးမားလှသော အခွင့်အလမ်းဖြစ်လေသည်။

နောက်ပြီး ဥပဒေအရ မည်သည့်အလုပ်လုပ်လျှင် မည်သည့်သင်တန်းတက်ရမည်၊ တတ်မြောက်ကျွမ်းကျင်သူ ဖြစ်ရမည်ဟု ပြဌာန်းထားလေရာ မလုပ်တတ်သူတို့ လုပ်ခွင့်မရှိအောင် တားမြစ်ထားလေသည်။ ဤသည်မှာလည်း အလွန်ကြီးမားလှသော အခွင့် အလမ်းတစ်ခု ဖြစ်၏။ မလုပ်တတ်သူတို့ လုပ်ခွင့်မရှိတော့သောကြောင့် ဖောင်ဝပ်ပြိုမှုများ၊ အပေါ်မှ ပြုတ်ကျမှုများ၊ ငြမ်းစင် ပြိုကျမှုများ၊ စက်ညပ်ခြင်း၊ မီးလောင်ခြင်း၊ ကတုတ်ကျင်းအတွင်းဝင်မိ၍ အောက်ဆီဂျင်ပြတ် သေဆုံးခြင်း အစရှိသည့် မတော်တဆမှုပေါင်းများစွာကို တားဆီးနိုင်လေသည်။

ထို့ပြင် စီမံခန့်ခွဲသူများ အနေနှင့်လည်း ဥပဒေရှိ၍ လုပ်ရကိုင်ရ အလွန်လွယ်ကူသွားလေသည်။ ဥပဒေသာမရှိပါက မည်သည့်နည်း နှင့် အရေးယူပါမည်နည်း။ ဒါလုပ်ပါ ဆိုပေသိ၊ မလုပ်လည်း ဘာမှ အရေးယူလို့မရပါက လူအများ လေးလေးစားစားမရှိနိုင်။ အာဏာမရှိသူကို မည်သူအရေးလုပ်ပါမည်နည်း။ ဥပဒေကျတော့ သည်ဟာလုပ်ပါလို့ပြောသည်။ သည်ဟာ မလုပ်ပါနဲ့လို့ ပြောသည်။ လုပ်ပါလို့ပြောတာကို မလုပ်လျှင်သော်လည်းကောင်း၊ မလုပ်ပါနဲ့လို့ ပြောတာကို လုပ်လျှင်သော်လည်းကောင်း မည်ကဲ့ သို့ အပြစ်ပေး အရေးယူမည်ကို တိတိကျကျပြဋ္ဌာန်းထားသည်။ လူဆိုတာ အရေးယူမည်ဆိုမှ ကြောက်တာမျိုးဖြစ်၏။ အရေးယူမှု မရှိသရွေ့ကာလပတ်လုံး မည်သူမှ ဂရုမစိုက်။ ဤသည်မှာလည်း ဥပဒေရှိခြင်း၏ အလွန်ကြီးမားလှသော အခွင့်အလမ်းဖြစ် လေသည်။

ကျွန်တော်အားလုံးရေးမပြတော့ပါ။ သည်မျှဆိုလျှင် စာရှုသူတို့ မိမိဘာသာ ချဲ့တွေးနိုင်ပါပြီ။

(၃) Risk and Opportunity (ဆိုးကျိုးဖြစ်နိုင်ချေ နှင့် အခွင့်အလမ်း)

-----------------------------------------------------------------------

ISO 45001 က ထောက်ပြတော့မှ ဆိုးကျိုးဖြစ်နိုင်ချေ နှင့် အခွင့်အလမ်းမှာ အမြဲလိုလို ဒွန်တွဲနေတတ်မှန်း သတိထားမိ၏။ နမူနာတစ်ခု ပြောပြပါမည်။

လမ်းကို ကူးရမည့်နေရာမှမဟုတ်ဘဲ မိမိနှင့်အနီးဆုံးနေရာမှ ဖြတ်ကူးသည်ဆိုပါစို့။ (အန္တရာယ်ကင်းဘေးကင်း လမ်းဖြတ်ကူးစရာ နေရာလေးမျိုးရှိ၏။ ၁။ မီးပွိုင့်၊ ၂။ လူကူးမျဉ်းကြား၊ ၃။ လူကူးခုံးကျော်တံတား၊ ၄။ မြေအောက်လမ်းကူး)

မိမိနှင့် အနီးဆုံးနေရာမှ ဖြတ်ကူးလျှင် မျဉ်းကြား/မီးပွိုင့်ရှိရာ သွားစရာမလိုတော့သောကြောင့် အချိန်ကုန်သက်သာသည်။ မပင်ပန်းတော့။ လမ်းတစ်ဖက်ကို အမြန်ရောက်သည်။ ဤသည်မှာ ကောင်းကျိုး (အခွင့်အလမ်း - opportunity) ဖြစ်၏။

သို့သော် ဆိုးကျိုးဖြစ်နိုင်ချေ (risk) အနေနှင့် ကားတိုက်မည့် အန္တရာယ်ရှိသည်။ ကားတိုက်ခဲ့လျှင် ကျိုးပဲ့ ဒဏ်ရာအနာတရ ဖြစ်မည်။ ဆေးရုံဆေးခန်းသွားရမည်။ ဆရာဝန်ပြရမည်။ ဆေးကုသရသည့်အတွက် ငွေကုန်ကျေးကြများမည်။ အလုပ်ပျက်မည်။ အခြားမိမိနှင့်သက်ဆိုင်သူတို့ စိတ်ပူပန်ဆင်းရဲရမည်။ ၎င်းတို့ပါ အလုပ်ပျက်မည်။ အလုပ်မလုပ်နိုင်၍ ဝင်ငွေလျော့မည်။ ကားတိုက် ခြင်းကြောင့် ခြေလက်ကျိုးခဲ့လျှင် တစ်သက်လုံး ဒုက္ခိတကြီးဖြစ်သွားမည်။ အဆိုးဆုံးအခြေအနေတွင် အသက်ပါ သေနိုင်လေသည်။

အခြားနမူတစ်ခုမှာ အန္တရာယ်ကင်းမျက်မှန်မရှိဘဲ ဂဟေဆော်ခြင်းဖြစ်၏။

ကောင်းကျိုး (အခွင့်အလမ်း) အနေနှင့် ဈေးကြီးလှသော ဂဟေမျက်မှန် မဝယ်ရ၍ ငွေကုန်ကြေးကျ သက်သာသည်။ ဂဟေမျက်မှန် ဘယ်နားရှိတုံးဟု လိုက်ရှာရသည့်ဒုက္ခမှ ကင်းဝေးမည်။ သည်ဟာကြီး ဝတ်မထားရ၍ လွတ်လွတ်လပ်လပ် သက်တောင့်သက်သာ အလုပ်လုပ်နိုင်မည်။ အလုပ်တွင်မည်။ ဂဟေမျက်မှန်ကို ထိန်းသိမ်းရသည့် ဒုက္ခမှ သက်သာမည်။

ဆိုးကျိုးဖြစ်နိုင်ချေ အနေနှင့် ဂဟေမျက်မှန်မသုံးသဖြင့် မျက်လုံးကို ထိခိုက်မည်။ မျက်လုံးနှင့်ပတ်သက်သည့်ရောဂါများ ရနိုင်သည်။ အဆိုးဆုံးအခြေအနေတွင် မျက်စိကွယ်သည်ထိ ဖြစ်နိုင်သည်။ နောက်ပြီး သုံးနေမကျ၍ အလုပ်လုပ်ရာတွင် အနှောင့်အယှက် ဖြစ်မည်။ ဂဟေမျက်မှန်ဆိုတာ အနီးအနားမှဆိုင်များတွင် အလွယ်တကူ ဝယ်လို့ရတာမျိုးမဟုတ်။ အန္တရာယ်ကင်းပစ္စည်းများ ရောင်းသည့် ဆိုင်များသို့သွားကာ တကူးတက ဝယ်ရမည်။ နယ်မြို့ကလေးများဖြစ်ပါက ရန်ကုန်သွားရမည်။ ရန်ကုန်ရောက်သည့် တိုင် မည်သည့်ဆိုင်၌ ရောင်းမှန်းမသိ။ ထိုအခါ အလုပ်ရှုပ်သည်။ ငွေကုန်မည်။ စိတ်ညစ်ရမည်။

ဆိုးကျိုးဖြစ်နိုင်ချေ = မလုပ်ဖူးသည့်အလုပ်ကို စမ်းတဝါးဝါးလုပ်ရသဖြင့် အခက်အခဲများစွာ ကြုံတွေ့ရ၊ အန္တရာယ်များစွာ ကြုံရ

အခွင့်အလမ်း = အတွေ့အကြုံများစွာရ၊ ကောင်းကောင်း လုပ်တတ်သွား

ဆိုးကျိုးဖြစ်နိုင်ချေ = အလွန်ခက်ခဲသည့်အလုပ်လုပ်ရလျှင် အန္တရာယ်ဖြစ်နိုင်ချေများ

အခွင့်အလမ်း = ပိုက်ဆံများများရ

ဆိုးကျိုးဖြစ်နိုင်ချေ = အသက်နှင့်ရင်းလုပ်ရသည့်အလုပ်၊ သေနိုင်

အခွင့်အလမ်း = ပိုက်ဆံမက်လောက်အောင်ရ

ဤသည်မှာ ဆိုးကျိုးဖြစ်နိုင်ချေနှင့် အခွင့်အလမ်းသည် အမြဲလိုလိုတွဲလျက်ရှိနေကြောင်း နမူနာအချို့ဖြစ်ပါသည်။ စာရှုသူတို့ အနေနှင့် မိမိဘာသာ ဆက်လက် ကြံဆနိုင်ပါသည်။

(၄) မြန်မာ့ယဉ်ကျေးမှု၌ ရှိနှင့်ပြီးဖြစ်သော ဆိုးကျိုးဖြစ်နိုင်ချေ နှင့် အခွင့်အလမ်း

-----------------------------------------------------------------------------------

အမှန်ဆို ဆိုးကျိုးဖြစ်နိုင်ချေ နှင့် အခွင့်အလမ်း တွဲလျက်ရှိကြောင်းကို ကျွန်ုပ်တို့ မြန်မာ့ယဉ်ကျေးမှုတွင် အတိအလင်း ဖွင့်ဆိုခဲ့ပြီး ဖြစ်ပါသည်။

"အနာခံမှ အသာစံရမည်" ဟူသည့် စကားပုံမှာ ဆိုးကျိုးဖြစ်နိုင်ချေ နှင့် အခွင့်အလမ်း တွဲနေကြောင်း ပြဆိုသည့် စကားပုံဖြစ်၏။

ကျွန်တော့်ကိုယ်တွေ့ကို ပြောပြပါမည်။

ကျွန်တော် စင်ကာပူမှ Union Alloy ဆိုသည့် ကုမ္ပဏီတွင် ၂၀၀၀ ခုနှစ်မှ ၂၀၀၄ ခုနှစ်တွင်တစ်ကြိမ်၊ ၂၀၀၇ မှ ၂၀၁၁ ထိတစ်ကြိမ် လုပ်ခဲ့၏။

Union Alloy တွင် ဝန်ထမ်းဦးရေမှာ ၁၅ ယောက်တောင် မပြည့်။ နောက်ပြီး အားလုံးလိုလိုမှာ အရောင်းမန်နေဂျာ၊ ရုံးစာရေးမ၊ ပစ္စည်းပို့သူ စသဖြင့် ရုံးဝန်ထမ်းများချည်း ဖြစ်၏။ အလုပ်က Jurong Island မှ ဓာတုဗေဒစက်ရုံများ၊ ရေဆိုးပြုပြင်ရေးစက်ရုံများ တွင် ဖိုက်ဘာဂလပ်စ်ပိုက်များဆင်ခြင်း၊ သံပိုက်များနှင့် ဖိုက်ဘာပိုက်များ လဲလှယ်တပ်ဆင်ခြင်းနှင့် အခြား ဖိုက်ဘာဂလပ် ပစ္စည်းများ တပ်ဆင်၊ ပြုပြင်ခြင်းလုပ်ငန်းများ ဖြစ်၏။

အလုပ်သမားဆို၍ တစ်ယောက်မှ မရှိ။ လိုအပ်လျှင် အခြားကုမ္ပဏီမှ အလုပ်သမားများငှားသုံးသည်။ ထိုအခါ တော်ရုံတန်ရုံ အလုပ်များ၌ သန့်ရှင်းရေးလုပ်တာ၊ ပိုက်နှင့်ပိုက်ဆက်ပစ္စည်း၊ စက်ကိရိယာများ သယ်ပို့တာ၊ ဖြတ်တာတောက်တာ၊ ပိုက်လိုင်း ဆင်တာ၊ စမ်းသပ်တာစသည့် အောက်ခြေသိမ်းအလုပ်မှစ၍ အကုန်လုပ်ရလေသည်။ အလွန်ပင်ပန်းလှ၏။

စက်ရုံမှလူများနှင့် ဆက်ဆံရေး၊ လိုအပ်သည်တို့ တွက်ချက်ခြင်း၊ စာရွက်စာတမ်းများပြင်ခြင်း စသည့် အလုပ်များလုပ်ရသလို အလုပ်သမားများလုပ်ရသည့် အလုပ်များကိုလည်း လုပ်ရ၏။

အတွေ့အကြုံကလည်း မရှိတော့ ပြဿနာပေါင်း သောင်းခြောက်ထောင်နှင့် ရင်ဆိုင်ခဲ့ရ၏။ အဆိုအဆဲခံခဲ့ရ၏။ တက္ကသိုလ် ကျောင်းသားဘဝက ကျော့ကျော့လေး နေခဲ့တာဆိုတော့ ယခု အလုပ်သမားတစ်ယောက်လို သိမ်းကြုံးလုပ်ရသည့်အခါ အန္တရာယ် လည်း အလွန်ရှိခဲ့၊ ထိခိုက်ဒဏ်ရာများလည်း ရခဲ့၊ စိတ်လည်းညစ်ခဲ့ရ၏။

ကိုယ်တစ်ခါမှ မလုပ်ဖူးခဲ့သည့် အလုပ်များကို စမ်းတဝါးဝါး လုပ်ရခြင်းကား risk ဖြစ်၏။ ဤသည်တို့မှာ ဆိုးကျိုးများ မဟုတ်လော။

သို့သော် ကောင်းကျိုး (အခွင့်အလမ်း) အနေနှင့် ကျွန်ုပ်မှာ ပညာအလွန်ရလေသည်။ ပရောဂျက်တစ်ခုလုပ်တော့မည်ဆိုလျှင် မည်သည်တို့ကို မည်ကဲ့သို့ ပြင်ရဆင်ရမည်။ မည်သည့်ပစ္စည်းများ၊ စက်ကိရိယာများလိုသည်၊ ပိုက်နှင့် ပိုက်ဆက်ပစ္စည်း များအကြောင်း၊ ပစ္စည်းမှာတာကအစ။ နောက်ပြီး အချို့ပစ္စည်းများကို ဖောက်ကလစ် သုံး၍ သယ်ရ၊ မ,ရ၊ ချရသည်။ ဝပ်ရှော့မှာ တခြားသူမရှိ။ ကိုယ်လုပ်မှ ဖြစ်မှာဆိုတော့ စမ်းမောင်းရင်း ဖောက်ကလစ်မောင်းတတ်သွား၏။ (ဖောက်ကလစ်ကို လိုင်စင်ရှိမှ မောင်းလို့ရမှန်း ကျွန်တော် သိပါသည်။ သို့သော် မန်နေဂျာသို့ အတန်တန်ပြောသည့်တိုင် ဖောက်ကလစ်မောင်းတာ မင်းအလုပ် မဟုတ်ဆိုကာ စီစဉ်မပေးပါ။)

လိုအပ်ချက်အရ ဖတ်ရင်းမှတ်ရင်း၊ လေ့လာရင်းနှင့်ပင် ပိုက်ဆင်လုပ်ငန်းအကြောင်း ကောင်းကောင်းနားလည်ရ၏။

မည်သည့်အလုပ်သမားမှ မရှိ၍ ပစ္စည်းသယ်တာကအစ အကုန်လုပ်ရ၍ ဆိုးလှသော်လည်း ကောင်းကျိုးအနေနှင့် ပိုက်နှင့် ပတ်သက်၍ အောက်ခြေသိမ်း အကုန်နားလည်သွား၏။

ဤသည်ပင်လျှင် "အနာခံမှ အသာစံရမည်" ဆိုးကျိုးဖြစ်နိုင်ချေနှင့် အခွင့်အလမ်း တွဲနေခြင်း နမူနာပင် မဟုတ်ပါလော။

နောက်ဥပမာတစ်ခုပြောပါရစေ။ ငွေလွှဲသည့်ကိစ္စဖြစ်၏။

ကျွန်တော် ပြုံးတရာဆင့်ကနေ ငွေလွှဲလာတာ ၁၅ နှစ်မကတော့ပါ။ လွယ်လည်း အင်မတန်လွယ်ပါသည်။ မပြုံးရေ - မမဆီကို ပိုက်ဆံဘယ်လောက်ပို့ချင်တယ် ဟု message ပို့ကာ ibanking မှ ငွေလွှဲလိုက်လျှင် မနက်ဖြန်ကျ အိမ်ကို ပိုက်ဆံရောက်၏။ ဘယ်မှသွားစရာမလို။ ဘာမှ အထွေအထူးလုပ်စရာမလို။ ဘယ်လောက်မှလည်း အချိန်မကုန်။ ဘာမှလည်း ခေါင်းစားစရာ မလို။

အလွန်လျင်မြန် လွယ်ကူလှ၏။

အခု ဘာတဲ့ ဘန့်တူဘန့် ငွေလွှဲစနစ်ဆိုတာကြီးပေါ်လာတော့ ခေတ်နောက်ကျမှာစိုးလို့ ကျွန်ုပ်လည်း သုံးကြည့်ချင်လာလေ၏။ ဟိုလို ပြဿနာတက်တယ်၊ ဒီလိုပြဿနာတက်တယ် စသဖြင့် ဖေ့စ်ဘုတ်မှာ သူများတွေပြောကြတာ ဖတ်နေရုံမျှနှင့် အားမရ။ ပြဿနာကို ကိုယ်တိုင် ကြုံမိချင်လာလေ၏။

သို့နှင့် POSB iBanking မှ ရန်ကုန် CBBank သို့ 2/2/2019 (စနေ) နေ့က ငွေလွှဲလိုက်၏။

4/2/2019 (တနင်္လာ) နေ့ကျတော့ လူကြီးမင်းငွေလွှဲတာ ဆပ်ဆက်ဖူးပါပြီဆိုပြီး စာပို့၏။

အင်္ဂလိပ်လို successful ဆိုသည့်စကားလုံးကို ကျွန်ုပ်က "ကျွန်ုပ်အကောင့်ထဲမှပိုက်ဆံ ရန်ကုန်အကောင့်ထဲဝင်သွားပြီ" ဟု ဘာသာပြန်လိုက်၏။ သို့မို့ကြောင့် ရန်ကုန်မှလူများကို ဘဏ်သွားကာ ပိုက်ဆံထုတ်ခိုင်း၏။ သို့သော် ပိုက်ဆံမရောက်သေး ဆို၏။ ပိုက်ဆံများဆုံးလေပြီလားဆိုပြီး ကျွန်ုပ်လည်း ရင်တုန်ပန်းတုန် ဖြစ်လေ၏။

ဘာတဲ့၊ အကောင့်နဲ့လွှဲရင် ဧရာဝတီတို့၊ သံလွင်တို့၊ ချင်းတွင်းတို့ (အဲလေ၊ မြစ်တွေနဲ့မှားကုန်ပြီ) ကမ္ဗောဇတို့ဆီ ရောက်သွား တတ်သည်။ မှတ်ပုံတင်နံပါတ်နဲ့လွှဲပါဟု ပြောသည် ဆို၏။ အလွန်ထူးဆန်းလှသော မက်ဆေ့ကြောင့် ကျွန်ုပ်လည်း မျက်လုံးပြူးရ လေ၏။ ကျွန်ုပ် ဂျာမနီ၊ အီတလီ၊ ပြင်သစ်၊ အင်္ဂလန်၊ အမေရိကန်၊ ဂျပန်၊ အိန္ဒိယ၊ တရုတ် စသည် နိုင်ငံပေါင်းတော်တော်များများနှင့် ငွေအပေးအယူ လုပ်ခဲ့ဖူးပါသည်။ လုပ်သမျှ အကုန်လုံး ဘဏ်အကောင့်နှင့်ချည်း လုပ်ခဲ့တာဖြစ်၏။ ဘယ့်နှာ နင်ရို့တိုင်းပြည်ကျမှ မှတ်ပုံတင်နဲ့လွှဲပါ ဖြစ်ရသတုံး။ ထူးဆန်းပါပေ့ ဆတွတ်ရယ်။

စီဘီဘဏ်က အကောင့်ကိုလွှဲတာ ဧရာဝတီတို့၊ ကမ္ဗောဇတို့ကို ရောက်တတ်တယ်ဆိုတော့ မြန်မာပြည်က ဘဏ်တွေမှာ ဘဏ်ချင်းမတူလဲ အကောင့်နံပါတ်တူတတ်တယ်ဆိုတဲ့ သဘောလား။ သေဗျဇီ။

တိုတိုပြောရလျှင် မမတို့လည်း ဘဏ်ကို ၂ ခေါက်လား။ ၃ ခေါက်လားပြေး။ ကျွန်ုပ်လည်း POSB ကို တစ်ခေါက်သွားမေး။

နောက်ဆုံး ၇ ရက်နေ့ကျမှ ပိုက်ဆံထုတ်လို့ရလေသည်။ စိတ်လည်းညစ်၊ လူလည်းပန်းလေ၏။ ကျွန်ုပ်က ကွန်ပလိန်းလုပ်လေသော် တရုတ်နှစ်ကူးရုံးပိတ်ရက်တွေကြောင့် ကြာသွားတာပါ တဲ့။ မှတ်ကရော့။

ကျွန်ုပ်ဘဏ်ကနေငွေလွှဲတာ ပြုံးတရာဆင့်ကို မယုံလို့မဟုတ်ပါ။ ကိုယ့်အကောင့်ထဲကနေ ဟိုဘက်အကောင့်ထဲ တိုက်ရိုက်ဝင်သွား လျှင် ပိုများကောင်းလေမလားလို့ လုပ်မိတာ ဖြစ်ပါသည်။

ပင်နင်ဆူလာမှ ငွေလွှဲလျှင် ဆိုးကျိုးဖြစ်နိုင်ချေ မှာ ပိုက်ဆံများဘတ်ကာ ထွက်ပြေးသွားခြင်းနှင့် ကြုံရတတ်သည်။ (အားလုံးကို သိမ်းကြုံးရမ်းခြင်းမဟုတ်ပါ။ တခါတလေဖြစ်တတ်တာကို ပြောပါသည်။ ငွေလိမ်ကာ ထွက်ပြေးသွားသည့် သာဓကများလည်း ရှိခဲ့ ဖူးပါ၏။)

ကောင်းကျိုးမှာ အခုလွှဲ နက်ဖြန်အိမ်ကို ပိုက်ဆံလာပို့သည်။

ဘဏ်ကနေ ကိုယ့်ဘာသာလွှဲလျှင်တော့ -

ကောင်းကျိုး = ကိုယ့်အကောင့်ထဲကနေ ပို့လိုသူ၏ အကောင့်ထဲ တိုက်ရိုက်လွှဲတာဖြစ်လို့ ဘယ်သူမှ လိမ်လို့မရ။ (ထင်တာပြောတာနော့)

ဆိုးကျိုး = အထက်တွင် ကျွန်ုပ်ပြောခဲ့သည့်အတိုင်း ဖြစ်ပါသည်။

ဤကဲ့သို့ပင် မြန်မာစကားပုံ၌ "ဆိုးကျိုးဖြစ်နိုင်ချေနှင့် အခွင့်အလမ်း" တွဲနေသည့် နမူနာ အများအပြားရှိပါသည်။

အောက်ပါတို့မှာ အချို့ဖြစ်၏။

မျက်စိလည်မှ တောကျွမ်း

လဖက်ကောင်းစားချင် ပလောင်တောင်တက်နှေးရ

နိဂုံးချုပ်ပါမည်။

ကျွန်ုပ် ရေဆင်းတွင်ရှိစဉ် ကလေးများကို ပိုလီယိုကာကွယ်ဆေးထိုးခြင်းနှင့် ပတ်သက်၍ ဆရာစံ (စာရေးဆရာ ကြည်မင်း၊ များမကြာမီက ကွယ်လွန်သွားရှာသော ဆရာမဒေါက်တာခင်မမ၏ ယောက်ျား) က အောက်ပါအတိုင်း ပြောတာ မှတ်မိနေပါ သေးသည်။

ကလေးတွေမှာ ပိုလီယိုဖြစ်တဲ့နှုန်း ဘယ်လောက်ရှိသလဲ။ အင်မတန်နည်းတယ်။ ဒါပေမယ့် ကာကွယ်ဆေးထိုးရင်တော့ ဖျားဘို့က သေချာသလောက်ပဲ။ အဲဒီတော့ ဘယ်ဟာကို ရွေးမလဲ။ ကိုယ်ကတော့ မထိုးတဲ့လမ်းကို ရွေးတယ်။

Risk = ကာကွယ်ဆေးမထိုး၍ ပိုလီယိုဖြစ်နိုင်သည်။

Opportunity = ဆေးမထိုးသောကြောင့် နာကျင်ခြင်း၊ ဖျားနာခြင်းမရှိတော့။

ကျေးဇူးတင်ပါသည်။

အေးငြိမ်း

၂၆၊ ဖေဖော်ဝါရီ၊ ၂၀၁၉

ISO 45001_လုပ်ငန်းခွင်ကျန်းမာရေးနှင့် အန္တရာယ်ကင်းရေး စီမံခန့်ခွဲမှုစနစ်အတွက် အပြည်ပြည်ဆိုင်ရာစံနှုန်း-၂

အပိုင်း (၂)

ISO 45001

လုပ်ငန်းခွင်ကျန်းမာရေးနှင့် အန္တရာယ်ကင်းရေး စီမံခန့်ခွဲမှု စနစ်

ဘာသာပြန်သူ၏ မှတ်ချက်များ

            စံနှုန်းကိုဘာသာပြန်ရတာ အလွန်တာဝန်ကြီးပါသည်။ မူရင်းဆိုလိုချက် အဓိပ္ပာယ်များမှ လွဲချော်မသွားစေရန် အထူး ဂရုစိုက် ဘာသာပြန်ရ၏။ ပြဿနာတစ်ခုမှာ အချို့ စကားလုံးများကို မြန်မာဘာသာပြန်ဆိုမထားရသေးခြင်း ဖြစ်၏။ ထို့ပြင် ဘာသာရပ်ဆိုင်ရာ စာပေများကို ဘာသာပြန်ရာတွင် ရိုးရိုးအင်္ဂလိပ်စာပါ အဓိပ္ပာယ်အတိုင်း ယူ၍မရသည်များ ရှိ၏။ ထို့ကြောင့် မူရင်းအဓိပ္ပာယ်မှ လွဲချော်မသွားစေရန် သင့်လျော်သလို ဘာသာပြန်ရပါသည်။

            ထို့ကြောင့် ကျွန်တော်၏ ဘာသာပြန် အယူအဆများကို စာဖတ်သူများ သိသာစေရန် ဤအမှာစာကို ရေးရခြင်း ဖြစ်ပါ သည်။

            "လုပ်ငန်းခွင်ကျန်းမာရေးနှင့် အန္တရာယ်ကင်းရေး" ဟူသော စကားလုံးမှာ ဤစံနှုန်း၌ နေရာပေါင်းများစွာတွင် ပါဝင်နေ သဖြင့် ဖတ်ရလွယ်ကူစေရန်နှင့် စာမျက်နှာချုံ့သောအားဖြင့် အတိုကောက် "လအက" ဟု သုံးထားပါသည်။ (မူရင်းစာအုပ်၌လည်း အတိုကောက်ပင် သုံးထား၏။)

Occupational Health and Safety = OH&S = လုပ်ငန်းခွင်ကျန်းမာရေးနှင့် အန္တရာယ်ကင်းရေး = လအက

4. 2. Interested parties

Interested parties ကို "စိတ်ဝင်စားသောပါတီများ" ဟု ဘာသာပြန်လိုက်လျှင် လူရီစရာဖြစ်သွားပါလိမ့်မည်။ ထို့ကြောင့် မူလ ဆိုလိုရင်း အဓိပ္ပာယ်နှင့် အနီးစပ်ဆုံးဖြစ်သည့် "ဆက်စပ်ပတ်သက်နေသူများ" ဟု ဘာသာပြန်ထားပါသည်။

5.4 establish

The organization shall establish . . ဟု ပါသည်။ ဤတွင် establish ကို တည်ထောင်သည်ဟု တိုက်ရိုက်ဘာသာပြန် လိုက်ပါက မူရင်းအဓိပ္ပာယ်နှင့် လွဲချော်သွားနိုင်ပါသည်။ ဤနေရာတွင် establish ၏ အဓိပ္ပာယ်မှာ ရေးဆွဲပြဋ္ဌာန်းသည် ဟု အဓိပ္ပာယ်သက်ရောက်သောကြောင့် establish ကို ရေးဆွဲသည် ဟု ပြန်ဆိုထားပါသည်။

5.4. (c) barrier

Note 2 တွင် "barrier" ကို "အတားအဆီး" အစား ပိုမိုသင့်လျော်မည့် "အခက်အခဲ" ဟု ဘာသာပြန်ထားပါသည်။

အတားအဆီး ဟု ဘာသာပြန်လိုက်လျှင် ရေးသားတင်ပြခြင်းမပြုရန် အာဏာပိုင်အဖွဲ့အစည်းများက တားမြစ်ထားသည် ဟု အဓိပ္ပာယ်ကောက်လွဲသွားနိုင်သဖြင့် အခက်အခဲ ဟု ဘာသာပြန်ရခြင်းဖြစ်ပါသည်။

5. 4. e. (7), A. 10. 2. Corrective action

ပြန်လည်ပြင်ဆင်ရန် အရေးယူဆောင်ရွက်ချက်များ ဟု ဘာသာပြန်ထားပါသည်။

ဥပမာအားဖြင့် ကြမ်းခင်းအစွန်းကို ကာရံထားသည့်တန်းများမှာ ခိုင်မာမှုမရှိသောကြောင့် လူတစ်ယောက်ပြုတ်ကျခြင်းမှ အကာအကွယ်ပေးနိုင်သည်ထိ ခိုင်ခိုင်မာမာ ဖြစ်အောင် ပြန်ပြင်ခြင်းကို corrective action ဟု ခေါ်ပါသည်။ လွဲမှားနေသည်များကို အမှန်သို့ ပြန်ရောက်အောင် ပြန်လည်ပြင်ဆင်သောကြောင့် corrective action ဟု ခေါ်ခြင်းဖြစ်ပါသည်။

6. 1. 2. 2 determine, nature

determine ကို ရှာဖွေဖော်ထုတ်သည် ဟု ဘာသာပြန်မှ ပိုသင့်လျော်ပါသည်။

မူရင်းတွင် nature ဟုသာပါပါသည်။ သဘာဝချည်းပဲဆို နားရှုပ်သွားမည်စိုး၍ လုပ်ငန်းသဘာဝ ဟု ဖြည့်စွက်ထားပါသည်။

 6. 1. 2. 3. adapt

သဟဇာတဖြစ်စေမည့် ဟု ဘာသာပြန်ထားပါသည်။

adapt ၏ အဓိပ္ပာယ်မှာ ကျယ်ပြန့်ပါသည်။ ပစ္စည်း သို့မဟုတ် အခြေအနေတစ်ခုကို အခြားပစ္စည်း သို့မဟုတ် အခြားအခြေအနေ တစ်ခုနှင့် ကိုက်ညီအောင် လုပ်ယူရခြင်း၊ ပစ္စည်းတစ်ခုမှ အခြားတစ်ခုသို့ သုံး၍ရသည်ထိ ပြုပြင်ပြောင်းလဲပေးခြင်း၊ ပြင်ဆင် ညှိနှိုင်းပေးခြင်း ကို adaptation ဟု ခေါ်ပါသည်။ ဥပမာ - အေစီ ၂၃၀ ဗို့အားကို ဒီစီ ၅ ဗို့ရအောင် လုပ်ဆောင်ပေးသည့် ပစ္စည်းကလေးကို adaptor ဟု ခေါ်သည်။ မြန်မာနိုင်ငံမှလာသူသည် စင်ကာပူသို့ ရောက်လာသည့်အခါ စင်ကာပူနိုင်ငံ လူနေမှုစရိုက်နှင့် ကိုက်ညီအောင် မိမိကိုယ်ကိုယ် ပြင်ယူရသည်။ ဤသည်မှာ adapt ဖြစ်သည်။ ဤသဘာဝနှင့် အနီးစပ်ဆုံးဖြစ်မည့် မြန်မာစကားလုံးမှာ သဟဇာတ ဖြစ်သဖြင့် adapt ကို သဟဇာတဖြစ်စေမည့် ဟု ဘာသာပြန်ခြင်းဖြစ်ပါသည်။

ဤသည်ကိုလည်း မူသေယူမထားပါ။ A4.2 တွင် ယူငင်သုံးစွဲသည် ဟု ဘာသာပြန်ထားပါသည်။ "မိမိသာ ဆန္ဒရှိပါက (ထိုအရာကို) မိမိအဖွဲ့အတွက် ယူငင်သုံးစွဲနိုင်သည်။"

6. 1. 3. update

နောက်ဆုံးရသတင်းအချက်အလက်များနှင့် ကိုက်ညီအောင် ပြင်ဆင်သည် - ဟု ဘာသာပြန်ထားပါသည်။

update မှာ ကျယ်ပြန့်ပါသည်။ Drawing များမှာ latest version ဖြစ်နေစေရမည်။ ဥပဒေ၊ နည်းဥပဒေများမှာ နောက်ဆုံးထုတ်ပြန်ထားသော ဥပဒေ၊ နည်းဥပဒေများဖြစ်ရမည်။ လူအင်အား၊ ပစ္စည်း၊ စက်အင်အား စသည်တို့မှာ ယနေ့လက်ရှိရှိနေသည့် စာရင်းများဖြစ်ရမည် စသဖြင့် ဖြစ်ပါသည်။ update ကို ခြုံမိငုံမိဖြစ်အောင် ဖလှယ်ရမည့် မြန်မာစကားလုံး မတွေ့မိသေးပါ။

7.4. communication

ဆက်သွယ်ဆောင်ရွက်ခြင်း ဟု ဘာသာပြန်ထားပါသည်။

ဆိုလိုသည့်အဓိပ္ပာယ်မှာ သတင်းအချက်အလက်များကို သက်ဆိုင်သူများထံ နည်းမျိုးစုံဖြင့် ဖြန့်ဝေပေးခြင်းဖြစ်၏။ communication တွင် စည်းဝေးပွဲ၌ ပြောပြခြင်း၊ Toolbox meeting ၌ပြောပြခြင်း၊ ကြော်ငြာသင်ပုန်း၌ ကပ်ထားခြင်း၊ လက်ကမ်းစာစောင်များဝေခြင်း၊ အီးမေးပို့ခြင်း၊ Supervisor များက အလုပ်သမားများအား ပြောပြခြင်း စသည်တို့ပါသည်။

7. 5. 2 create:

ဤစာပိုဒ်တွင် ဖန်တီးခြင်း ဆိုသည်ထက် စာရွက်စာတမ်းများ ပြုစုခြင်း ဆိုသည်က ပိုမိုသင့်လျော်ပါသည်။

A.4.1. b) 4. formal 

တရားဝင် ဟု ဘာသာပြန်ထားပါသည်။ သို့သော် အတိအကျမမှန်ပါ။ Formal ဆိုသည်မှာ သတ်မှတ်ထားသော ဥပဒေ၊ စည်းမျဉ်း စည်းကမ်း၊ လုပ်ထုံးလုပ်နည်းများအတိုင်းလုပ်ခြင်းဖြစ်၏။

informal

သတ်မှတ်ထားသည့် စည်းမျဉ်းများအတိုင်း မဟုတ်ဘဲ ဟု ဘာသာပြန်ထားပါသည်။ Informal ဆိုသည်မှာ ဥပဒေ၊ စည်းမျဉ်း စည်းကမ်းတို့အရ လုပ်ခြင်းမဟုတ်ဘဲ အလွတ်သဘော ပြုလုပ်ခြင်းဖြစ်ပါသည်။

A. 4. 2. h) voluntarily

မိမိဆန္ဒအလျောက် ဟု ဘာသာပြန်ထားပါသည်။

ဤအရာကို အသုံးပြုခြင်းမှာ မိမိဆန္ဒအလျောက်သာဖြစ်ပြီး မသုံးမနေရမဟုတ် ဟု ဆိုလိုပါသည်။

A. 9. 1. 1. up-to-date

up-to-date ကို နောက်ဆုံးထုတ်ဟု ဘာသာပြန်ထားသော်လည်း အတိအကျ မမှန်ပါ။

up-to-date ဟူသည် မိမိတို့၏ မှတ်တမ်းများ၊ စာရွက်စာတမ်းများကို နောက်ဆုံးရောက်နေသည့် အခြေအနေတွင်ရှိနေစေရန် အမြဲ ပြင်ဆင်ပေးနေခြင်းကို ဆိုလိုပါသည်။ ဥပမာ - လုပ်ငန်းခွင်အတွင်းမှ လုပ်သားဦးရေသည် အမြဲ အပြောင်းအလဲ ရှိနေပါသည်။ သို့အတွက် ယနေ့မှတ်တမ်းတွင်ပြထားသည့် လုပ်သားဦးရေကို ယနေ့တွင်ရှိသည့် အရေအတွက်ဖြစ်အောင် ပြင်ဆင်ထားခြင်းကို up-to-date ဟုခေါ်သည်။

A. 10. 2. but are not limited to:

ထို့ထက်လည်းပိုနိုင်ပါသည် ဟု ဘာသာပြန်ထားပါသည်။ မူရင်းစကားလုံးများကို အတိအကျဘာသာပြန်ရလျှင် သို့သော် ၎င်းတို့ကို ကန့်သတ်မထားပါ ဟု အဓိပ္ပာယ်ရပါလိမ့်မည်။ ဤကဲ့သို့ဘာသာပြန်လိုက်လျှင် စာဖတ်သူ နားရှုပ်သွားပါလိမ့်မည်။ ဆိုလိုချင်သည် မှာ "ဤတွင်ဖော်ပြထားသည်များမှာ အားလုံးမဟုတ်သေး။ ထို့ထက်ပိုချင်လည်း ပိုနိုင်ပါသေးသည်။ နောက်ထပ် ရှိချင်လည်း ရှိနိုင်ပါသေးသည်" ဟု အဓိပ္ပာယ်ရသောကြောင့် "ထို့ထက်လည်းပိုနိုင်ပါသည်" ဟု ဘာသာပြန်လိုက်ခြင်း ဖြစ်ပါသည်။

ဤသည်မှာ အရေးကြီးသည့်စကားလုံးများကိုသာ ဖော်ပြထားခြင်းဖြစ်ပြီး နောက်ထပ် များစွာ ကျန်ပါသေးသည်။ သို့သော် အားလုံး မဖော်ပြတော့ပါ။ စာဖတ်သူများ နားလည်သဘောပေါက်ကြမည်ဟု မျှော်လင့်ပါသည်။

မှတ်ချက်။

         

ISO 45001 ရှင်းလင်းချက်ကို ရေးသားရာ၌ မူရင်းစာအုပ်ပါစာများအတိုင်း ရေးမှာမဟုတ်ပါ။ ထိုစာအုပ်ပါ စာများသည် အဘယ်ကို ဆိုလိုကြောင်းသာ ရှင်းပြမည်ဖြစ်ပါသည်။ ထို့ကြောင့် မူရင်းစာအုပ်၌ ဘာဆိုလိုသည်ကိုသိနိုင်ရန် ISO 45001 မူရင်းစာအုပ်ကိုပါ ဝယ်ယူဖတ်ရှုရန် လိုပါသည်။

ဝ.၁။ နောက်ခံအကြောင်းအရာ

            လူတို့သည် နေ့တိုင်းလုပ်ငန်းခွင်၌ အချိန်ကုန်ကြရ၏။ ထို့ကြောင့် ထိခိုက်ရှနာမှု၊ ရောဂါရမှုစသည်တို့မှာ လုပ်ငန်းခွင် ကြောင့်ဖြစ်နိုင်ချေ ပိုများသည်။

            အလုပ်လုပ်နေသူများ အန္တရာယ်ကင်းရေးနှင့် ကျန်းမာရေး။ အခြား မိမိတို့လုပ်ငန်းနှင့် ပတ်သက်နေသူများသည် မိမိတို့ လုပ်ငန်းကြောင့် အန္တရာယ် တစုံတရာမဖြစ်စေရေးအတွက် အဖွဲ့အစည်း၌ တာဝန်ရှိသည်။ ကျန်းမာရေးဆိုရာတွင် ရုပ်ပိုင်းဆိုင်ရာ ကျန်းမာရေးသာမက စိတ်ပိုင်းဆိုင်ရာ ကျန်းမာရေးလည်း အပါအဝင်ဖြစ်၏။  

            ဤ ISO 45001 (လုပ်ငန်းခွင်ကျန်းမာရေးနှင့် အန္တရာယ်ကင်းရေးစီမံခန့်ခွဲရေးစနစ်) ကို လိုက်နာကျင့်သုံးရခြင်း ရည်ရွယ်ချက်မှာ အလုပ်လုပ်နေသူအားလုံးအတွက် အန္တရာယ်ကင်းပြီး ကျန်းမာသော လုပ်ငန်းခွင်တစ်ခု ဖန်တီးပေးရန်၊ လုပ်ငန်းခွင် မတော်တဆမှုများ၊ ကျန်းမာရေး ချို့ယွင်းမှုများကို အကာအကွယ်ပေးရန်၊ အန္တရာယ်ကင်းစင်သော လုပ်ငန်းခွင်ကြောင့် လူအများ စိတ်ချမ်းသာ၊ လက်ချမ်းသာ အလုပ်လုပ်နိုင်စေရန် ဖြစ်၏။  

           

ဝ.၂။ လုပ်ငန်းခွင်ကျန်းမာရေးနှင့် အန္တရာယ်ကင်းရေးစီမံခန့်ခွဲရေးစနစ်၏ ရည်ရွယ်ချက်

            ဤလအကစီမံခန့်ခွဲမှုစနစ်၏ ရည်ရွယ်ချက်မှာ ထိရောက်သော ကာကွယ်၊ တားဆီးရေးနည်းလမ်းများသုံးလျှက် အန္တရာယ် များကို ဖျောက်ဖျက်ပစ်ရန်နှင့် လအက ဆိုးကျိုးဖြစ်နိုင်ချေများကို အနိမ့်ဆုံးသို့လျှော့ချပစ်ရန် ဖြစ်၏။ ဤလအကစီမံခန့်ခွဲမှုစနစ်က မည်ကဲ့သို့ ဆောင်ရွက်ရမည်ကို ညွှန်ပြထားသည်။ ဤစံနှုန်းပါနည်းများအတိုင်း လိုက်နာကျင့်သုံးပါက အဖွဲ့အစည်းသည် အန္တရာယ် ကင်းပြီး ကျန်းမာသော လုပ်ငန်းခွင်ကို ဖန်တီးပေးထားနိုင်မည်။ ထို့အပြင် ဥပဒေ၊ နည်းဥပဒေများနှင့် အခြား စည်းမျဉ်း စည်းကမ်း စသည်တို့ကိုပါ တပါတည်း ဖြည့်ဆည်းပြီးသား ဖြစ်သွားနိုင်လေသည်။ ဤသည်ပင်လျှင် ဤစံနှုန်း၏ ရည်ရွယ်ချက် ဖြစ်တော့ သည်။

ဝ.၃။ အောင်မြင်ရေး အခြေခံအကြောင်းရင်းများ

            လအကစီမံခန့်ခွဲမှုစနစ်ကို အကောင်အထည်ဖော်ရာတွင် တစ်ဦးကောင်းတစ်ယောက်ကောင်းနှင့် မရပါ။ ထိပ်ပိုင်းစီမံခန့် ခွဲရေးမှသည် အောက်ခြေလုပ်သားများထိ အားလုံးပါဝင်ရသည်။ အုပ်ချုပ်ရေးပိုင်းမှ အန္တရာယ်ကင်းရေးနှင့် ကျန်းမာရေးအတွက် လိုအပ်သည့် ပစ္စည်းပစ္စယများ ထောက်ပံ့ပေးရန်လိုသလို လုပ်သားများကလည်း ထောက်ပံ့ပေးထားသည့် ပစ္စည်းကိရိယာများကို ကောင်းမွန်မှန်ကန်စွာ အသုံးချရန်လို၏။

            အောင်မြင်ရေးဆိုင်ရာ သော့ချက်များ -

က) ထိပ်ပိုင်းစီမံခန့်ခွဲရေးအဖွဲ့၏ ဦးဆောင်မှု၊ ကတိကဝတ်နှင့် တာဝန်ယူမှု၊ တာဝန်ခံမှုများ - အုပ်ချုပ်ရေးပိုင်းက ဝန်ထမ်းအားလုံး၏ ကျန်းမာရေးနှင့် အန္တရာယ်ကင်းရေးကို စိတ်ပါဝင်စားစွာ တာဝန်ယူလုပ်ဆောင်ပေးရမည်။

ခ) အလေ့အထကောင်းများကို တည်ဆောက်ခြင်း - လူတိုင်းလူတိုင်းတွင် အန္တရာယ်ကင်းရေး အလေ့အထကောင်းများ ပေါ်ပေါက်လာအောင် လေ့ကျင့်ရမည်။ ဥပမာ - လူတစ်ဦးတစ်ယောက်သည် ကြမ်းပြင်၌ ပွင့်နေသော အပေါက်ကို တွေ့ပါက မျက်စိမှိတ်၊ ရှောင်လွှဲမသွားဘဲ ထိုအပေါက်ကို သေချာကျနစွာ ပိတ်ရမည်။ သို့မဟုတ် တာဝန်ရှိသူ တစ်ယောက်ယောက်ကို သတင်းပေးခြင်း၊ ထိုတာဝန်ရှိသူကလည်း အချိန်မဆိုင်းဘဲ အပေါက်ကို ချက်ချင်းဖုံးခြင်း။

ဂ) ဆက်သွယ်ခြင်း - ဥပမာ - အလုပ်သမားတစ်ယောက်သည် ဓာတုဗေဒပစ္စည်းတစ်ခုခုနှင့် အလုပ်လုပ်ရသည် ဆိုပါက ထိုအလုပ်သမားကို ၎င်းကိုင်တွယ် အသုံးပြုနေရသော ဓာတုပစ္စည်းအကြောင်း နားလည်အောင် ရှင်းလင်းပြသရမည်။

အလုပ်လုပ်ကိုင်မည့် အလုပ်သမားများကို ၎င်းတို့လုပ်မည့် အလုပ်နှင့်ပတ်သက်၍ သိသင့်သိထိုက်သည်များကို ရှင်းလင်း ပြောပြရမည်။

ဃ) အလုပ်သမားများ၏ ပူးပေါင်းပါဝင်မှုနှင့် အကြံပြုမှု - တစ်ခုခုနှင့်ပတ်သက်၍ ဆုံးဖြတ်ချက်ချရာတွင် အလုပ်သမားများ၏ အကြံဉာဏ်များကိုပါ ရယူသင့်သည်။ ၎င်းတို့တွင် ထိပ်ပိုင်းစီမံခန့်ခွဲရေးအဖွဲ့မှ မမြင်နိုင်သော အကြံဉာဏ်များ ရှိနေနိုင် သည်။

င) ရင်းမြစ်များကို နေရာချထားမှုနှင့် ထိန်းသိမ်းထားမှု - ရင်းမြစ်များတွင် လူအရင်းအမြစ်များလည်း ပါသည်။ လူမှန် နေရာမှန် နေရာချတတ်ပါက အန္တရာယ်တစုံတရာမရှိဘဲ အလုပ်များ လျင်မြန်လွယ်ကူစွာ ပြီးမြောက်မည်။ ထို့အတူ စက်ကိရိယာ များကိုလည်း စူးနေရာစူး၊ ဆောက်နေရာဆောက် သင့်တော်သလို အသုံးပြုရမည်။ စက်ကိရိယာများကို ပုံမှန် ပြင်ဆင် ထိန်းသိမ်းမှု ပြုလုပ်နေရမည်။ ဥပမာ - စက်ကိရိယာများကို တစ်လတစ်ခါ ကြံ့ခိုင်ရေးလုပ်ခြင်း

စ) မဟာဗျူဟာရည်ရွယ်ချက်၊ အဖွဲ့အစည်း၏ လားရာတို့နှင့် ကိုက်ညီသော မူဝါဒများ - မူဝါဒများချမှတ်ရာတွင် မိမိတို့ သွားလိုသော ပုံစံအတိုင်း သို့မဟုတ် မိမိတို့ခင်းထားသော လမ်းကြောင်းနှင့် ကိုက်ညီအောင် ချမှတ်ရမည်။

ဆ) အန္တရာယ်များကို ထောက်ပြခြင်း၊ ထိန်းချုပ်ခြင်းနှင့် အခွင့်အလမ်းများကို အသုံးချခြင်းတို့အတွက် လုပ်ငန်းစဉ်တစ်ခု ချမှတ် ရေးဆွဲထားရမည်။ ထိုလုပ်ငန်းစဉ်သည် လက်တွေ့အသုံးတည့်သော လုပ်ငန်းစဉ်ဖြစ်ရမည်။ လက်တွေ့လည်း အသုံးချရမည်။

ဇ) လအကစီမံခန့်ခွဲမှုစနစ်၏ လုပ်ဆောင်ချက်များကို စောင့်ကြည့်၊ ဆန်းစစ်နေခြင်း - မိမိလုပ်ထားသည့်ကိစ္စရပ်များ မှန်မမှန်၊ အကျိုးသက်ရောက်မှုရှိမရှိ စသည်တို့ကို အမြဲဆန်းစစ်နေရန်လိုသည်။ ဤသို့ဆန်းစစ်ရန်လည်း လုပ်ကိုင်နည်းစနစ်များ ရှိရမည်။

ဈ) လအကစီမံခန့်ခွဲမှုစနစ်ကို စီးပွားရေးလုပ်ငန်းနှင့် ပေါင်းစပ်ခြင်း - အဖွဲ့အစည်း၌ မတော်တဆမှု၊ ထိခိုက်ဒဏ်ရာရမှု စသည်တို့မရှိသလောက် ဖြစ်သွားလျှင် ဈေးကွက်၌ နာမည်ကောင်းရလာမည်။ မည်သည့်အလုပ်ကို မည်ကဲ့သို့ အန္တရာယ် ကင်းအောင် လုပ်မည် စသည်ဖြင့် မိမိဖောက်သည်ကို ချပြနိုင်သည်။ အဖွဲ့အစည်း နာမည်ကောင်းရလာလျှင် စီးပွားရေး လည်းတိုးတက်လာမည် ဖြစ်၏။

ည) မူဝါဒနှင့်ကိုက်ညီသည့် ရည်မှန်းချက်များ၊ အန္တရာယ်များ၊ အခွင့်အလမ်းများနှင့် ဆိုးကျိုးဖြစ်နိုင်ချေတို့ကို ထည့်သွင်း စဉ်းစားခြင်း - မိမိတို့ရည်မှန်းချက် အောင်မြင်စေရန် အဘက်ဘက်မှ စဉ်းစားကာ စီမံထားရန်လိုသည်။

ဋ) ဥပဒေ၊ နည်းဥပဒေ၊ အခြားလိုအပ်ချက်များနှင့် ကိုက်ညီစေခြင်း - အကယ်၍ အဖွဲ့အစည်းက ဥပဒေ၊ နည်းဥပဒေ ပြဋ္ဌာန်း ချက်များကို လေးစားလိုက်နာလျှင် အာဏာပိုင်အဖွဲ့အစည်းများ၏ အပြစ်ပေးအရေးယူမှုများကို ခံရစရာ အကြောင်း မရှိတော့သောကြောင့် လုပ်ငန်းများ နှောင့်နှေးကြန့်ကြာခြင်း၊ ဒဏ်ငွေဆောင်ရသဖြင့် ငွေကုန်ကြေးကျများခြင်း စသည် တို့ကို ရှောင်ရှားနိုင်လေသည်။

            အဖွဲ့အစည်းအနေနှင့် လအကစီမံခန့်ခွဲမှုစနစ်ကို ထိရောက်စွာ အကောင်အထည်ဖော်ရန် လိုသည်။ ဤအဖွဲ့အစည်းသည် ISO 45001 လက်မှတ်ရထားသည် ဟု ဆိုရုံမျှဖြင့် ဤအဖွဲ့အစည်းတွင် မတော်တဆမှု လုံးဝမဖြစ်တော့ပါပြီ ဟု လည်းကောင်း၊ လုပ်ငန်းခွင်ကြောင့်ရသော ရောဂါ လုံးဝကင်းစင်ပါပြီ ဟု သော်လည်းကောင်း မဆိုနိုင်ပါ။ စံနှုန်းကိုချည်း အားကိုးနေလို့မရပါ။ ဤစံနှုန်းကို အပြည့်အဝလိုက်နာ ကျင့်သုံး နေသည့်တိုင် ဤအဖွဲ့အစည်းရှိ လူအားလုံးသည် မိမိတို့တာဝန်ဝတ္တရားများကို မိမိတို့ ကျေပွန်ရန်၊ လိုက်နာရန်လိုသည့် ဥပဒေ၊ စည်းမျဉ်းစည်းကမ်းများကို အတိအကျလိုက်နာရန်၊ မိမိ၏ အန္တရာယ်ကင်းရေးကို မိမိ ကိုယ်တိုင် တာဝန်ယူရန် လိုသေးသည်သာ ဖြစ်၏။

            အဖွဲ့အစည်း၏ လအကစီမံခန့်ခွဲမှုစနစ် အောင်မြင်ရေးမှာ အချက်များစွာပေါ် မူတည်နေ၏။ ဥပမာ -

§  အဖွဲ့အစည်း၏ ဖွဲ့စည်းပုံ (ဥပမာ - အလုပ်သမားအရေအတွက်၊ စီးပွားရေးလုပ်ငန်း အရွယ်အစား၊ ပထဝီအနေအထား၊ ယဉ်ကျေးမှု၊ ဥပဒေလိုအပ်ချက် နှင့် အခြားလိုအပ်ချက်များ)

§  အဖွဲ့အစည်း၏ လအကစီမံခန့်ခွဲမှုစနစ်၏ သြဇာသက်ရောက်မှုနယ်ပယ်

§  အဖွဲ့အစည်း၏ လုပ်ငန်းသဘာဝနှင့် ဆက်စပ်နေသည့် လအကအန္တရာယ်များ

ဝ.၄။ စီမံ-လုပ်-စစ်-ပြင် စက်ဝိုင်း (Plan-Do-Check-Act Cycle)

            လအကစီမံခန့်ခွဲမှုစနစ်အား အသုံးချပုံချနည်းကို စီမံ-လုပ်-စစ်-ပြင်စက်ဝိုင်း (PDCA) ပေါ်တွင် အခြေခံထား၏။

            စဉ်ဆက်မပြတ်တိုးတက်မှုကိုရစေရေးအတွက် အဖွဲ့အစည်း၏ လုပ်ငန်းများအကြား တစ်ခုနှင့်တစ်ခု အပြန်အလှန် ဆက်သွယ်ဆောင်ရွက်ရ၏။ စီမံ-လုပ်-စစ်-ပြင်စက်ဝိုင်း၏ သဘောတရားမှာ အောက်ပါအတိုင်းဖြစ်ပါသည်။

ISO 45001_လုပ်ငန်းခွင်ကျန်းမာရေးနှင့် အန္တရာယ်ကင်းရေး စီမံခန့်ခွဲမှုစနစ်အတွက် အပြည်ပြည်ဆိုင်ရာစံနှုန်း-၁

အပိုင်း (၁)

ISO 45001 ဖြစ်ပေါ်လာပုံ

၁။ စံနှုန်းဆိုတာ ဘာလဲ (What is a Standard?)

(Ref: https://www.bsigroup.com/en-SG/Standards/Information-about-standards/What-is-a-standard/)

            စံနှုန်းဆိုသည်မှာ တစ်ခုခုပြုလုပ်ရန် သဘောတူထားသည့် နည်းလမ်းတစ်ခု ဖြစ်၏။ ၎င်းသည် ပစ္စည်းတစ်ခုခုထုတ်ခြင်း၊ ထုတ်လုပ်မှုနည်းစဉ်တစ်ခုခု၊ ဝန်ဆောင်မှုလုပ်ငန်းတစ်ခုခု သို့မဟုတ် ပစ္စည်းပံ့ပိုးပေးခြင်း စသည်တို့အတွက် ဖြစ်နိုင်ပါသည်။ စံနှုန်းသည် အဖွဲ့အစည်းများနှင့် ၎င်း၏ ဖောက်သည်များ လုပ်ဆောင်မည့် လုပ်ငန်းအားလုံးကို ကျယ်ပြန့်စွာ လွှမ်းခြုံနိုင်၏။

            စံနှုန်းသည် ထုတ်လုပ်သူများ၊ ရောင်းဝယ်သူများ၊ စားသုံးသူများ၊ ကုန်သည်ကြီးများ၊ အသုံးပြုသူများ၊ ဥပဒေပြုသူများ၏ လိုအပ်ချက်ကို သိနားလည်သော ကျွမ်းကျင်ပညာရှင်များက ရေးဆွဲထားသည့် ပညာရပ်ဆိုင်ရာ စာရွက်စာတမ်းဖြစ်၏။

            စံနှုန်းများမှာ Voluntary ဖြစ်ပါသည်။ ၎င်းတို့မှာ လူတို့အကျိုးစီးပွားအတွက် လိုက်နာသင့်သော စည်းမျဉ်းများသာဖြစ်ပြီး ဥပဒေဖြင့်ပြဋ္ဌာန်းထားသည့် စည်းမျဉ်းစည်းကမ်းများကဲ့သို့ မလိုက်နာမနေရ မဟုတ်။ မလိုက်နာသည့်တိုင် ထိုသူ၊ ထိုအဖွဲ့အစည်းကို အရေးယူလို့မရပါ။ ထုတ်လုပ်သူ၊ သုံးစွဲသူများသည် မိမိထုတ်ကုန်/လုပ်ငန်းများ ပိုမိုအရည်အသွေးကောင်း၊ စိတ်ချရစေရန်အတွက် စံနှုန်းများကို လိုက်နာကျင့်သုံးကြသည်။ သုံးစွဲသူများအနေနှင့်လည်း ထိုပစ္စည်းကို မည်သည့်စံနှုန်းအတိုင်း ထုတ်လုပ်ထားသည် ဟု သိရလျှင် စိတ်ချလက်ချ သုံးစွဲနိုင်သည်။ ထို့ကြောင့် စံနှုန်းများကို လိုက်နာခြင်းသည် ထုတ်လုပ်သူအတွက်ရော သုံးစွဲသူအတွက်ပါ နှစ်ဦးနှစ်ဘက် အကျိုးများသဖြင့် လိုက်နာလုပ်ဆောင်ကြခြင်း ဖြစ်၏။

            ဥပမာ ISO45001 သည် အလုပ်လုပ်နေသူများ၏ အန္တရာယ်ကင်းရေးနှင့် ကျန်းမာရေးအတွက် များစွာအထောက်အကူပြု သဖြင့် အဖွဲ့အစည်းများ၊ ကုမ္ပဏီများအနေနှင့် လိုက်နာကျင့်သုံးရန် သင့်တော်လှ၏။ သို့သော် ISO45001 ကို မလိုက်နာဟု ဆိုကာ အစိုးရက ထိုအဖွဲ့အစည်း/ကုမ္ပဏီကို အရေးယူ၍ မရပါ။ သို့တိုင် အဖွဲ့အစည်းတစ်ခုသည် ဤစံနှုန်းကို မလိုက်နာသဖြင့် လုပ်ငန်းခွင် ၌ ထိခိုက်ဒဏ်ရာရမှု၊ လူသေမှုများ မကြာခဏဖြစ်သည်ဆိုလျှင် ထိုအဖွဲ့အစည်း နာမည်ပျက်မည်။ ထိုအခါ နောင်တွင် အလုပ်ရဘို့ ခဲယဉ်းသွားပေလိမ့်မည်။ လုပ်သားများအနေနှင့်လည်း မိမိ ထိခိုက်ဒဏ်ရာရမည့်အရေး စိုးရိမ်နေရသောကြောင့် အလုပ်မတွင်။ လုပ်ချင်ကိုင်ချင်စိတ် နည်းမည်။ မကြာခဏ ထိခိုက်ဒဏ်ရာရလျှင် အာမခံကြေးလည်း မြင့်တက်မှာ သေချာလှပါသည်။

            ထို့ကြောင့် မိမိလုပ်ငန်းခွင်တွင် ISO 45001 ကို ချမှတ်ကျင့်သုံးခြင်းဖြင့် အန္တရာယ်နည်းသည့် လုပ်ငန်းခွင်ကို ဖန်တီး ယူမည်လား၊ မတော်တဆမှုတွေကို လျှော့ချမည်လား။ သို့တည်းမဟုတ် ဈေးကွက်တွင် နာမည်အပျက်ခံမည်လား ဆိုသည်ကို လုပ်ငန်းရှင်/ အဖွဲ့အစည်းများအနေနှင့် မိမိဘာသာ ရွေးချယ်နိုင်ပါသည်။

            စံနှုန်းများသည် အသိပညာဖြစ်၏။ စွမ်းအားပြည့် လက်နက်များဖြစ်၏။ ၎င်းတို့က ကုန်ထုတ်တိုးရေးကို တိုးတက်စေသည်။ အဖွဲ့အစည်းများကို အောင်မြင်စေသည်။ လူအများ၏ နေ့စဉ်လူနေမှုဘဝကို အန္တရာယ်ကင်းစေသည်၊ ကျန်းမာစေသည်၊ ပိုမို လွယ်ကူစေသည်။

            စံနှုန်းများမှာ နိုင်ငံကိုလိုက်၍ အမျိုးမျိုးကွဲသွားနိုင်သည်။ အမေရိကန်စံနှုန်း၊ ဥရောပစံနှုန်း၊ ဂျာမန်စံနှုန်း၊ ဗြိတိသျှစံနှုန်း၊ ဂျပန်စံနှုန်း၊ သြစတေးလျ-နယူးဇီလန် စံနှုန်း စသဖြင့်ဖြစ်၏။ အမေရိကန်စံနှုန်းတွင်ပင် ASTM, ASME, AWS စသဖြင့် အမျိုးမျိုး ရှိသေးသည်။ ဗြိတိသျှစံနှုန်းချည်း သုံးသောင်းကျော်ရှိသည်။

            မည်သည့်စံနှုန်း ကောင်းသနည်းဟူမူ စံနှုန်းတိုင်း သူ့ဟာနှင့်သူ ကောင်းတာချည်း ဖြစ်ပါသည်။ မိမိနှင့်ကိုက်ညီမည့် စံနှုန်းတစ်ခု ကိုသာ လိုက်နာဘို့လို၏။

            အပြည်ပြည်ဆိုင်ရာစံနှုန်းများက ထုတ်ကုန်များ၊ ဝန်ဆောင်မှုလုပ်ငန်းများနှင့် စနစ်များ၏ အရည်အသွေး၊ အန္တရာယ် ကင်းရေးနှင့် စွမ်းရည်တို့ကို ပိုမိုကောင်းမွန်လာစေသည်။ ယခုအခါ ISO က အပြည်ပြည်ဆိုင်ရာစံနှုန်းနှင့် ၎င်းတို့နှင့် ဆက်နွယ် နေသည့် စာရွက်စာတမ်းပေါင်း ၂၂၆၅၄ ကို ပြဋ္ဌာန်းခဲ့ပြီးဖြစ်၏။ ထိုစံနှုန်းများသည် နည်းပညာနှင့် ကုန်ထုတ်လုပ်မှု လုပ်ငန်းအားလုံး လိုလိုကို ခြုံမိငုံမိရှိသည်။

            နမူနာအဖြစ် အောက်တွင် စံနှုန်းအချို့ကို ဖော်ပြထားပါသည်။

Standard	Title
ASTM A131/A131M	Standard Specification for Structural Steel for Ships
ASTM A197/A197M	Standard Specification for Cupola Malleable Iron
ASTM A709/A709M	Standard Specification for Structural Steel for Bridges
ASME A17.1-2004	Safety Code for Elevators and Escalators, Includes Addendum and Supplement
ASME B1.20.1-1983(R2006)	Pipe Threads, General Purpose (Inch)
BS EN 1011-6:2018	Welding. Recommendation for welding of metallic materials. Laser beam welding
BS 45002-0:2018	Occupational health and safety management systems. General guidelines for the application of ISO 45001
BS EN 60204	Safety of machinery
JIS H 3140	Copper bus bars
JIS H 4301	High purity aluminium foils
JIS Q 9001	Quality management systems - requirements
DIN 315	Wing nuts with rounded wings
DIN 444	Eyebolts
DIN 919-1	Technical Drawings; Wood Processing; Principles
ISO 37001:2016	Anti-bribery management systems
ISO/IEC 80000	Quantities and units
ISO/IEC 81714	Design of graphical symbols for use in the technical documentation of products
AS 4041-2006	Pressure piping
AS 4024.1-2006	Safety of machinery

၂။ ISO (International Organization of Standardization)

            ISO45001 အကြောင်းမပြောခင် ထိုစံနှုန်းကို ရေးဆွဲအတည်ပြုပြဋ္ဌာန်းခဲ့သည့် ISO အဖွဲ့ကြီးအကြောင်း မိတ်ဆက်ပေးလို ပါသည်။

            ISO (International Organization for Standardization) အဖွဲ့သည် လွတ်လပ်သော၊ အစိုးရမဟုတ်သည့် အပြည်ပြည်ဆိုင်ရာ အဖွဲ့အစည်းတစ်ခု ဖြစ်၏။ ၁၉၄၆ ခုနှစ်တွင် နိုင်ငံပေါင်း ၂၅ နိုင်ငံမှ ကိုယ်စားလှယ်များသည် အင်္ဂလန်နိုင်ငံ၊ လန်ဒန်မြို့၊ Institute of Civil Engineers တွင် တွေ့ဆုံကြကာ အပြည်ပြည်ဆိုင်ရာ စံနှုန်းများ ရေးဆွဲပြဋ္ဌာန်းရေး ဆွေးနွေးခဲ့ကြ၏။ သို့နှင့် ၁၉၄၇၊ ဖေဖော်ဝါရီလ ၂၃ ရက်နေ့တွင် ISO အဖွဲ့ကို တရားဝင် စတင်ဖွင့်လှစ်ကာ လုပ်ငန်းများ စတင်လုပ်ဆောင်ခဲ့၏။

            ယနေ့အချိန်အခါတွင်မူ အဖွဲ့ဝင်နိုင်ငံပေါင်း ၁၆၂ နိုင်ငံထိရှိလာခဲ့ပြီ။ စံနှုန်းများ ရေးဆွဲပြဋ္ဌာန်းရေးအတွက် နည်းပညာ ကော်မတီ နှင့် ဆပ်ကော်မတီ စုစုပေါင်း ၇၈၅ ခု ရှိ၏။ ဆွစ်ဇာလန်နိုင်ငံ၊ ဂျီနီဗာမြို့ရှိ အထွေထွေ အတွင်းရေးမှူး ရုံးချုပ်တွင် အချိန်ပြည့်ဝန်ထမ်း ၁၃၅ ဦးကျော်ရှိ၏။

            ထိုအဖွဲ့ကြီးက ကမ္ဘာလုံးဆိုင်ရာစိန်ခေါ်မှုများအတွက် ပြဿနာဖြေရှင်းနည်းများကို ပံ့ပိုးပေးရန်နှင့် တီထွင်ကြံဆမှုများ အတွက် ပံ့ပိုးမှုများပေးရန် ဈေးကွက်နှင့် ကိုက်ညီသော၊ ကောက်ယူရရှိသော အချက်အလက်များပေါ် အခြေခံထားသော၊ လိုက်နာသင့်သည့် အပြည်ပြည်ဆိုင်ရာစံနှုန်းများကို အဖွဲ့ဝင်နိုင်ငံများမှ ကျွမ်းကျင်သူများ၏အကူအညီဖြင့် ရေးဆွဲပြဋ္ဌာန်းပေးသည်။

            အပြည်ပြည်ဆိုင်ရာစံနှုန်းအဖွဲ့ကြီးကို နိုင်ငံအလိုက် နာမည်အမျိုးမျိုးဖြင့် ခေါ်ကြသေး၏။ အင်္ဂလိပ်လို IOS, ပြင်သစ်လို OIN (Organisation Internationale de normalisation) စသဖြင့် ဖြစ်၏။ ISO အဖွဲ့ကို စတင်တည်ထောင်သူများကမူ ISO ဆိုသည့် စာသားကိုသာ ကြိုက်ကြသည်။ ISO ဆိုသည်မှာ ဂရိစကားလုံး ISOS မှ ဆင်းသက်လာပြီး ညီမျှခြင်း ဟု အဓိပ္ပာယ်ရ၏။ မည်သည့်နိုင်ငံ၊ မည်သည့်အဖွဲ့အစည်းမဆို ဤစံနှုန်းကိုလိုက်နာ ကျင့်သုံးမည်ဆိုပါက အားလုံး တန်းတူညီမျှ အရည်အသွေးကို ရရှိစေသည် ဟု ဆိုလို၏။

ISO သည် လျှပ်စစ်နှင့် အီလက်ထရောနစ်ဆိုင်ရာ စံချိန်စံညွှန်းများသတ်မှတ်နိုင်ရန် IEC (International Electrotechnical Commission) အဖွဲ့ကိုပါ ထူထောင်ပြီး ပူးပေါင်းဆောင်ရွက်ခဲ့ရာ အချို့ ISO standard များတွင် ISO/IEC ဟု ဖော်ပြထားသည်ကို တွေ့နိုင်ပါသည်။ ISO/IEC နှစ်ဖွဲ့ရှိရာ ISO/IEC JTC1 ကို ၁၉၈၇ တွင်လည်းကောင်း၊ ISO/IEC JTC2 ကို ၂၀၀၉ ခုနှစ်တွင်လည်း ကောင်း ဖွဲ့စည်း ဆောင်ရွက်ခဲ့၏။

            ISO အဖွဲ့ဝင်ပုံစံ ၃ မျိုးရှိ၏။ ၎င်းတို့မှာ -

၁။ Member bodies  

၂။ Correspondent members

၃။ Subscriber members . . . တို့ ဖြစ်၏။

            ISO အဖွဲ့၏ အဓိကအလုပ်မှာ စံနှုန်းများ ရေးဆွဲခြင်း ဖြစ်၏။ စံနှုန်းများအပြင် technical reports, technical specifications, publicly available specifications, technical corrigenda, and guides စသည်တို့ကိုလည်း ရေးသား ထုတ်ဝေပါသေးသည်။

            ISO အဖွဲ့အကြောင်း ပိုမို၍ အသေးစိတ်သိလိုသူများ အောက်ပါ link မှ download လုပ်ယူ ဖတ်ရှုနိုင်ပါသည်။

https://www.iso.org/files/live/sites/isoorg/files/about%20ISO/docs/en/Friendship_among_equals.pdf

၃။ ISO 45001 (International Standard for Occupational Health and Safety Management System)

            ကမ္ဘာတဝှမ်း၌ လုပ်ငန်းခွင် မတော်တဆမှုများကြောင့်သော် လည်းကောင်း၊ လုပ်ငန်းခွင်မှရသော ရောဂါဘယများကြောင့် သော်လည်းကောင်း သေဆုံးရမှုများမှာ တစ်ရက်လျှင် ၇၆၀၀ ကျော်၊ တစ်နှစ်လျှင် ၂.၇၈ သန်းကျော် ရှိပါသည်။ လုပ်ငန်းခွင်မှ ရသော ရောဂါဘယနှင့် ထိခိုက်ဒဏ်ရာရမှုများမှာ နှစ်စဉ် ၃၇၄ သန်းမျှထိ ရှိ၏။

            ကမ္ဘာ့နိုင်ငံများမှ လုပ်ငန်းခွင်ထိခိုက်သေဆုံးရမှုများကိုကြည့်လျှင် အောက်ပါအတိုင်း တွေ့ရမည် ဖြစ်၏။

နည်းပညာများ တိုးတက်လာမှုနှင့်အတူ အဖွဲ့အစည်းများသည် ယနေ့အချိန်အခါတွင် အမျိုးမျိုးသော စီးပွားရေးနှင့် လုပ်ငန်းဆောင်တာ စိန်ခေါ်မှုများကို ရင်ဆိုင်ရလျှက်ရှိ၏။ တိုးတက်လာသော နည်းပညာများနှင့်အတူ လုပ်ဆောင်မှုများကလည်း ပိုမိုရှုပ်ထွေးလာသည်။ တစ်ခါမှ မကြုံတွေ့ခဲ့ရဖူးသည့် အန္တရာယ်အသစ်များလည်း ပေါ်ထွက်လာသည်။ စီးပွားရေးပြိုင်ဘက်များနှင့် ဥပဒေပြုအဖွဲ့အစည်းများကဲ့သို့သော ပြင်ပတွန်းအားများသည်လည်း ဒုတိယတန်းစား ဖိအားများဖြစ်၏။

            ထိုအခါ အဖွဲ့အစည်းများသည် ဈေးကွက်တွင် ဆက်လက်ရပ်တည်နိုင်စေရန် တိုးတက်ပြောင်းလဲလာသော စနစ်နှင့်အတူ သဟဇာတဖြစ်အောင် လိုက်နာ လုပ်ဆောင်ရန် လိုလာ၏။ စီမံခန့်ခွဲမှုညံ့ဖျင်းလျှင် မသေချာမရေရာမှုနှင့် ပိုမိုရှုပ်ထွေးမှုများဆီ ဦးတည်သွားနိုင်သည်။

            ယခု အသစ်ပြဋ္ဌာန်းလိုက်သည့် ISO 45001 "လုပ်ငန်းခွင်ကျန်းမာရေးနှင့် အန္တရာယ်ကင်းရေး စီမံခန့်ခွဲမှုစနစ်အတွက် အပြည်ပြည် ဆိုင်ရာစံနှုန်း" က အလုပ်ကြောင့်ရသော ရောဂါများ၊ လုပ်ငန်းခွင်၌ကြုံတွေ့ရသည့် ဆိုးကျိုးဖြစ်နိုင်ချေများ၊ လုပ်ငန်းခွင် မတော်တဆမှုများကို လျှော့ချရေး၊ တည်ဆဲဥပဒေများနှင့် ညီညွတ်စေရေးအတွက် များစွာအထောက်အကူပြု၏။

            သို့ဆိုလျှင် ISO 45001 ကို လိုက်နာကျင့်သုံးခြင်းဖြင့် မည်သည့် အကျိုးအမြတ်များ ရမည်နည်း။

            ဤစနစ်မှာ အပြည်ပြည်ဆိုင်ရာက လက်ခံကျင့်သုံးနေသည့် စံနှုန်းဖြစ်သဖြင့် ISO 45001 ကို လိုက်နာကျင့်သုံးနေသော မည်သည့် နိုင်ငံက ကုမ္ပဏီမဆို အခြားနိုင်ငံများသို့ သွားရောက်အလုပ်လုပ်သည့်အခါ အထွေအထူးထပ်မံ လုပ်နေစရာမလို။ လက်ရှိ ISO 45001 စနစ်အတိုင်းသာ ဆက်လက်ကျင့်သုံးသွားရုံဖြစ်၏။ ထို့ကြောင့် လွယ်ကူသည်။ အလုပ်ရှုပ်သက်သာသည်။ လုပ်သားများကို သီးသန့် လေ့ကျင့်သင်ကြားပေးနေစရာ မလိုတော့သောကြောင့် အချိန်ကုန်၊ ငွေကုန်သက်သာသည်။ စာရွက် စာတမ်းများ အသစ် ထပ်မံ ရေးဆွဲနေစရာမလိုတော့သဖြင့် စီမံခန့်ခွဲမှုအပိုင်းတွင် အလုပ်များစွာ သက်သာသွားသည်။

            ဒုတိယတစ်ချက်အနေနှင့် ISO 45001 မှာ စနစ်တကျရေးဆွဲထားခြင်းဖြစ်သောကြောင့် ခေါင်းဆောင်မှုပေးရာတွင် လည်းကောင်း၊ လုပ်သားများ ပါဝင်ပတ်သက်မှုတွင်သော်လည်းကောင်း ယခင်ကထက် ပိုမိုအားကောင်းလာသည်၊ ကောင်းမွန် လာသည်။

            ထို့ပြင် အခြားစံနှုန်းများနှင့် ပူးပေါင်းဆောင်ရွက်နိုင်သဖြင့် ပိုမိုလွယ်ကူသည်။ လက်တွေ့ကျင့်သုံးရာတွင် ပိုမို တိုးတက်မှု ရှိသည်။ ပစ္စည်းထောက်ပံ့သော၊ ဝန်ဆောင်မှုပေးသော ကုမ္ပဏီများကို ပိုမိုကောင်းမွန်စွာ စီမံခန့်ခွဲနိုင်သည်။

၃၊ ၁။  ISO 45001 ဖြစ်ပေါ်လာပုံ

            ISO 45001 ကို အဘယ်ကြောင့် ချမှတ်ကျင့်သုံးရန် လိုသနည်းဆိုသော် လုပ်ငန်းခွင်မတော်တဆမှုများ၊ သေဆုံး နေရမှုများကို လျှော့ချရန် ဖြစ်၏။ ရေးဆွဲသောအဖွဲ့မှာ ISO/PC283 ဖြစ်၏။ PC မှာ Project Committee ဖြစ်၏။ ထိုကော်မတီ၏ အဓိကတာဝန်မှာ ISO 45001 စံနှုန်းတစ်ရပ်ထွက်ပေါ်လာရေး လုပ်ဆောင်ရန်ဖြစ်၏။ စံနှုန်းမူကြမ်းရေးဆွဲရာတွင် နိုင်ငံပေါင်း (၇၀) မှ ပညာရှင်များ ပူးပေါင်း ပါဝင်ခဲ့ကြ၏။

            ISO 45001 ကိုရေးဆွဲရန် ၂၀၁၃ အောက်တိုဘာ၊ ၂၅ ရက်တွင် တင်ပြခဲ့၏။ ၂၀၁၄ ဇန္နဝါရီလတွင် စံနှုန်းမူကြမ်း ထွက်လာပြီး ကြေငြာခဲ့ရာ သဘောထားမှတ်ချက်ပေါင်း ၁၃၀၀ လက်ခံရရှိခဲ့၏။ ထို့နောက် ဇူလိုင်လ၊ ၂၀၁၄ တွင် ကော်မတီ မူကြမ်း ထွက်ခဲ့၏။ သို့သော် အတည်မပြုနိုင်ခဲ့။ ထိုမူကြမ်းအပေါ် မှတ်ချက်ပေါင်း ၂၅၀၀ ရရှိခဲ့၏။ ထို့နောက် ၂၀၁၅ မတ်လတွင် ဒုတိယအကြိမ် ကော်မတီမူကြမ်း ထပ်ထွက်လာပြန်သည်။ မူကြမ်းအပေါ်သုံးသပ်ဝေဖန်ခြင်းကို ဇွန်လ ၂၀၁၅ တွင် ပိတ်ခဲ့ရာ မှတ်ချက်ပေါင်း ၂၅၀၀ ထပ်မံရရှိခဲ့ပြန်သည်။ ISO 45001 ၏ progress timeline မှာ အောက်ပါအတိုင်း ဖြစ်၏။

            နောက်ဆုံးစံနှုန်းမူကြမ်း (DIS-Draft Internation Standard) ကို ၂၀၁၆ ဇန္နဝါရီလ ၇ ရက်နေ့တွင် ထုတ်ပြန်ခဲ့သည်။ ထို့နောက် ထိုစံနှုန်းမူကြမ်းကို၂၀၁၆၊ ဖေဖော်ဝါရီ ၁၂ ရက်နေ့မှ မေလ ၁၂ ရက်နေ့ထိ ဆန္ဒခံယူခဲ့၏။ ၂၀၁၇ ဇန္နဝါရီလတွင် ထို နောက်ဆုံးစံနှုန်းကို ပုံနှိပ်ရန် ရည်မှန်းခဲ့၏။

            နောက်ဆုံးအတည်ပြုပြီး ISO 45001 ကို မတ်လ ၁၂ ရက်၊ ၂၀၁၈ တွင် ပုံနှိပ်ခဲ့၏။

၃၊ ၂။ အမျိုးသားစံနှုန်းအဖြစ် လက်ခံကျင့်သုံးခြင်း

            ISO 45001 သည် တစ်ကမ္ဘာလုံးက အသိအမှတ်ပြုသည့် ကမ္ဘာ့ပထမဆုံး လုပ်ငန်းခွင်ကျန်းမာရေးနှင့် အန္တရာယ်ကင်းရေး စံနှုန်းဖြစ်၏။ ISO 45001 ကို နိုင်ငံအတော်များများက ၎င်းတို့၏ အမျိုးသားစံနှုန်းဖြစ် လက်ခံကျင့်သုံးကြရာ ထိုနိုင်ငံများမှာ အောက်ပါတို့ဖြစ်ကြ၏။

            အယ်လ်ဘေးနီးယား၊ အာဂျင်တီးနား၊ သြစတြီးယား၊ ဘယ်လ်ဂျီယံ၊ ဘရာဇီးလ်၊ ဘူလ်ဂေးရီးယား၊ ချီလီ၊ ကော့စ်တာ ရီကာ၊ ခရိုအေးရှား၊ ဒိန်းမတ်၊ အက်စ်တိုးနီးယား၊ ဖင်လန်၊ ဂျာမဏီ၊ အိုင်ယာလန်၊ အီတလီ၊ နယ်သာလန်၊ နော်ဝေ၊ ရိုမေးနီးယား၊ ဆာဗီးယား၊ ဆလိုဗေးနီးယား၊ ဆွီဒင်၊ ဆွစ်ဇာလန်၊ ယူကေ၊ အုရုဂွေး၊ သြစတေးလျား။

            ဤစံနှုန်းကို လုပ်ငန်းအရွယ်အစားမရွေး၊ လုပ်ငန်းသဘာဝမရွေး မည်သည့်ကုမ္ပဏီမဆို လိုက်နာကျင့်သုံးနိုင်ရန် ရည်ရွယ် ရေးဆွဲထား၏။ သေးငယ်ပြီးအန္တရာယ်နည်းသော လုပ်ငန်းများသည်လည်း ကြီးမားရှုပ်ထွေးပြီး အန္တရာယ်များသည့် လုပ်ငန်းကြီး များကဲ့သို့ပင် အညီအမျှလိုက်နာကျင့်သုံးနိုင်၏။ ဤစံနှုန်းက လိုက်နာကျင့်သုံးသော မည်သည့်အဖွဲ့အစည်းကိုမဆို ချမှတ်ပြဋ္ဌာန်း ထားသော ဥပဒေစည်းမျဉ်းစည်းကမ်းများနှင့် ညီညွတ်စေရန် ကူညီပေး၏။

၃၊ ၃။ ISO 45001 ၏ ရည်မှန်းချက်

Ø  လုပ်ငန်းခွင်ကျန်းမာရေးနှင့် အန္တရာယ်ကင်းရေး ဆိုးကျိုးဖြစ်နိုင်ချေများနှင့် အခွင့်အလမ်းများကို စီမံခန့်ခွဲရာ၌ မူဘောင်တစ်ခု ပံ့ပိုးပေးရန်

Ø  အလုပ်သမားများအား အလုပ်နှင့်သက်ဆိုင်သည့် ဒဏ်ရာအနာတရဖြစ်မှုများနှင့် ကျန်းမာရေးထိခိုက်မှုများမှ အကာအကွယ်ပေးရန်

Ø  အန္တရာယ်ကင်းပြီး ကျန်းမာသည့် လုပ်ငန်းခွင်တစ်ခု ဖန်တီးပေးရန်

Ø  အန္တရာယ်များကို ဖယ်ရှားပစ်ရန်၊ ထိရောက်သော အကာအကွယ်၊ အတားအဆီးများဖြင့် လအကဆိုးကျိုးဖြစ်နိုင်ချေများကို လျှော့ချရန်။

Ø  လအကဆိုးကျိုးဖြစ်နိုင်ချေများကိုစီမံခန့်ခွဲရန်နှင့် လအကစွမ်းဆောင်ရည်ကို မြှင့်တင်ပေးရန်

Ø  တရားဥပဒေဆိုင်ရာနှင့် အခြားလိုအပ်ချက်များကို ဖြည့်ဆည်းပေးရန်

၃၊ ၄။ ISO 45001 ကိုလိုက်နာကျင့်သုံးခြင်းဖြင့် ရရှိလာမည့် အကျိုးအမြတ်များ

            ISO 45001 ကို လိုက်နာကျင့်သုံးခြင်းဖြင့် အောက်ပါအကျိုးအမြတ်များကို ရနိုင်ပါသည်။

Ø  အလုပ်ကြောင့်ဖြစ်သည့် ဒဏ်ရာအနာတရဖြစ်မှုများ၊ ကျန်းမာရေးထိခိုက်မှုများ၊ သေဆုံးမှုများကို လျှော့ချနိုင်ခြင်း

Ø  လုပ်ငန်းခွင်ကျန်းမာရေးနှင့် အန္တရာယ်ကင်းရေး ဆိုးကျိုးဖြစ်နိုင်ချေများကို ဖျောက်ဖျက်နိုင်ခြင်း သို့မဟုတ် အနည်းဆုံးသို့ လျှော့ချနိုင်ခြင်း

Ø  လုပ်ငန်းခွင်ကျန်းမာရေးနှင့် အန္တရာယ်ကင်းရေး လုပ်ငန်းများနှင့် ထိရောက်မှုကို တိုးတက်လာစေခြင်း

Ø  ပံ့ပိုးမှုကွန်ရက် လိုအပ်ချက်များနှင့် ကိုက်ညီစေခြင်း၊ ကုမ္ပဏီ၏တာဝန်ယူမှုကို ပြသနိုင်ခြင်း

Ø  မိမိကုမ္ပဏီ အမှတ်တံဆိပ်၏ ဂုဏ်သိက္ခာကို ကာကွယ်နိုင်ခြင်း

Ø  ဝန်ထမ်းများအား အကြံပြုရန်နှင့် ပါဝင်ဆောင်ရွက်နိုင်ရန် စေ့စပ်ပေးခြင်း၊ အားပေးအားမြှောက်ပြုခြင်း

Ø  လုပ်ငန်းခွင်ကျန်းမာရေးနှင့် အန္တရာယ်ကင်းရေး အန္တရာယ်များကိုပိုမို သတိပြုမိလာစေခြင်း

Ø  သင့်တော်သည့် အရေးယူဆောင်ရွက်မှုများပြုခြင်းဖြင့် လုပ်ငန်းခွင်ကျန်းမာရေးနှင့် အန္တရာယ်ကင်းရေး ဆောင်ရွက်ချက်များကို သုံးသပ်ခြင်းနှင့် တိုးတက်စေရန်ကြံဆောင်ခြင်း

Ø  လုပ်ငန်းခွင်ကျန်းမာရေးနှင့် အန္တရာယ်ကင်းရေးအရေးကိစ္စများတွင် လုပ်သားများတက်ကြွစွာပါဝင်လာစေရန် သေချာစေခြင်း

တိုက်ရိုက်အကျိုးအမြတ်

Ø  ထုတ်ပြန်ထားသည့် ဥပဒေ၊ နည်းဥပဒေများကို လိုက်နာနိုင်စွမ်း ပိုမိုမြင့်မားလာခြင်း

Ø  မတော်တဆမှုကြောင့် ကုန်ကျရသော စရိတ်စကများကို လျှော့ချနိုင်ခြင်း

Ø  လုပ်ငန်းဆောင်ရွက်ရာ၌ အနှောင့်အယှက်များကြောင့် ကုန်ကျစရိတ်များနှင့် နှောင့်နှေးကြန့်ကြာမှုများကို လျှော့ချနိုင်ခြင်း

Ø  အာမခံအတွက်ပေးရသည့် ငွေကြေးပမာဏ (ပရီမီယံကြေး) ကို လျှော့ချနိုင်ခြင်း

Ø  အလုပ်ဆင်းရန်ပျက်ကွက်မှုများနှင့် လုပ်သားများအတွက် ကုန်ကျစရိတ်ကို လျှော့ချနိုင်ခြင်း

Ø  အပြည်ပြည်ဆိုင်ရာတန်းဝင်ကုမ္ပဏီအဖြစ် အသိအမှတ်ပြုခံရခြင်း

၃၊ ၅။ ISO 45001 လက်မှတ်ရအောင် ကြိုးစားပုံအဆင့်ဆင့်

            အကယ်၍ သင်သည် ISO 45001 လက်မှတ်ရရန် ရည်မှန်းထားသည်ဆိုပါစို့။ အောက်ပါတို့ကို ပြင်ဆင်ထားရမည်။

၁။ အဖွဲ့အစည်း၏ လုပ်ငန်းခွင်ကျန်းမာရေး၊ အန္တရာယ်ကင်းရေးနှင့် ပတ်သက်နေသည့် အချက်များကို ဆန်းစစ်ရန်လို၏။ ထို့အတူ မိမိ၏ စီးပွားရေးလုပ်ငန်းအပေါ် သက်ရောက်နိုင်သော အဇ္ဈတ္တ၊ ဗဟိဒ္ဓအချက်များကိုလည်း ထည့်သွင်း စဉ်းစားရမည်။

၂။ မိမိတို့၏ လုပ်ငန်းခွင်ကျန်းမာရေး နှင့် အန္တရာယ်ကင်းရေးစနစ်ကို မည်မျှထိ ရည်မှန်းထားသနည်းဆိုသည့်အပေါ် တူတည်၍  (အန္တရာယ်ကင်းရေး) နယ်ပယ်ကို သတ်မှတ်ရမည်။

၃။ လုပ်ငန်းခွင်ကျန်းမာရေး၊ အန္တရာယ်ကင်းရေး မူဝါဒ နှင့် ရည်မှန်းချက်များ သတ်မှတ်ရမည်။

၎။ စနစ်ကို ချမှတ်ကျင့်သုံးရာတွင် အချိန်ကာလတစ်ခု သတ်မှတ်ကျင့်သုံးရမည်။ ထို့နောက် ရည်မှန်းချက်များပြည့်မီစေရန် မည်ကဲ့သို့လုပ်မည်ကို အစီအစဉ်ရေးဆွဲရမည်။

၅။ စံနှုန်းကို စတင်မကျင့်သုံးမီ အကောင်အထည်ဖော်ရာ၌ လိုအပ်မည့် အရင်းအမြစ်များ၊ ကျွမ်းကျင်မှုများကို ဦးစွာ ရှာဖွေထား ရမည်။

မှတ်ချက်။            ။

၁။ Occupational Health and Safety ကို အတိုကောက် OH&S ဟု သုံးသကဲ့သို့ မြန်မာလို "လုပ်ငန်းခွင် ကျန်းမာရေးနှင့် အန္တရာယ်ကင်းရေး" ကို နောက်ပိုင်းတွင် 'လအက' ဟု အတိုကောက် သုံးပါမည်။

၂။ Occupational Health and Safety Management System ကို အတိုကောက် OH&SMS ဟု သုံးသကဲ့သို့ မြန်မာလို "လုပ်ငန်းခွင် ကျန်းမာရေးနှင့် အန္တရာယ်ကင်းရေးစနစ်" ကို နောက်ပိုင်းတွင် 'လအကစ' ဟု အတိုကောက် သုံးပါမည်။

အဆင့် (၁) - ပထမဦးဆုံးဆန်းစစ်ချက်

            ဤပထမဦးဆုံးဆန်းစစ်မှုက ISO 45001 တွင်ပြဆိုထားသည့် မရှိမဖြစ်လိုအပ်ချက်များနှင့် ကိုက်ညီမှုရှိမရှိ ရှာဖွေစစ်ဆေး ပေးသည်။ အကယ်၍ လအကစ လိုအပ်ချက်များနှင့် ကိုက်ညီပါက အဆင့် (၂) ကို ဆက်သွားနိုင်သည်။

အဆင့် (၂) - ဒုတိယဆန်းစစ်ချက်

            ဒုတိယဆန်းစစ်မှုက စနစ်၏ ထိရောက်မှုကို ဆန်းစစ်သည်။ ထို့ပြင် စီမံခန့်ခွဲမှုစနစ်ကို လက်တွေ့အကောင်အထည် ဖော် မဖော်၊ တကယ် လုပ်ဆောင်မှုရှိမရှိ အတည်ပြုပေးရန် ရှာဖွေသည်။

ထောက်ခံချက်ပေးခြင်းနှင့် လက်မှတ်ထုတ်ပေးခြင်း

            ဤအဆင့်တွင် အဆင့် (၁) နှင့် (၂) စစ်ဆေးစဉ် တင်ပြခဲ့သော ရှာဖွေတွေ့ရှိချက်များကို ပြန်လည်ပြင်ဆင်မှုများ ပြုလုပ်ခြင်းရှိမရှိ သုံးသပ်သည်။ လက်မှတ်ထုတ်ပေးရန် ထောက်ခံချက်ပေးလိုက ပေးနိုင်သည်။

လက်မှတ်ကို ပြန်လည်သုံးသပ်ခြင်းနှင့် ဆုံးဖြတ်ချက်ချခြင်း

            လွတ်လပ်ပြီး ဘက်လိုက်မှုမရှိသော စစ်ဆေးရေးအဖွဲ့က အဖွဲ့အစည်း၏ ဖိုင်များကို ပြန်လည်သုံးသပ်ပြီး လက်မှတ်ထုတ် ပေး/မပေး ဆုံးဖြတ်ချက်ချသည်။

လက်မှတ်ရရှိခြင်း

            လျှောက်ထားသူကို လက်မှတ်ထုတ်ပေးရန် စစ်ဆေးချက် အောင်မြင်ကြောင်း အကြောင်းကြားပြီး လက်မှတ်ထုတ်ပေး သည်။

၃၊ ၆။ ISO 45001 က ဘယ်သူတွေ အတွက်လဲ

            ISO 45001 ကို လုပ်ငန်းကြီးသည်ဖြစ်စေ၊ ငယ်သည်ဖြစ်စေ။ အန္တရာယ်များသော လုပ်ငန်းဖြစ်စေ၊ အန္တရာယ်နည်းသော လုပ်ငန်းဖြစ်စေ။ မည်သည့်အလုပ်၊ မည်သည့်စီးပွားရေးလုပ်ငန်းမျိုးမဆို အသုံးချနိုင်သည်။ ISO 45001 ကို အသုံးပြုရာတွင် အစအဆုံး စနစ်တစ်ခုလုံးသော်လည်းကောင်း၊ မိမိကြိုက်နှစ်သက်ရာ အပိုင်းကို ရွေးချယ်၍သော်လည်းကောင်း အသုံးပြုနိုင်၏။

            ISO 45001 စနစ်၏ အားသာချက်မှာ အခြား စီမံခန့်ခွဲရေးစနစ်များဖြစ်သည့် အရည်အသွေးပိုင်းဆိုင်ရာ ISO 9001 (quality management), ပတ်ဝန်းကျင်ဆိုင်ရာ ISO 14001 (environmental management) များနှင့်ပါ အလွယ်တကူ ပူးပေါင်းပြီး Integrated Management System အဖြစ် ကျင့်သုံးနိုင်ခြင်း ဖြစ်၏။ ထိုမျှသာမက TS 16949, AS 9100, ISO 22000 တို့နှင့်ပါ အလွယ်တကူ ပူးပေါင်းဆောင်ရွက်နိုင်သည်။

၃၊ ၇။ ISO 45001 ကို လက်တွေ့အသုံးချခြင်း

            ဤစနစ်ကို လက်တွေ့အသုံးချရာတွင် ထိရောက်စေရန် နှင့် ရည်ရွယ်ထားသည့်ရလဒ်များ ရရှိနိုင်စေမည့် သော့ချက်များ

က) ထိပ်ပိုင်းစီမံခန့်ခွဲရေးအဖွဲ့၏ ဦးဆောင်မှု၊ ကတိကဝတ်နှင့် တာဝန်ယူမှု၊ တာဝန်ခံမှုများ

ခ)  ရည်ရွယ်ထားသည့် လအကစီမံခန့်ခွဲမှုစနစ်ရလဒ်များကို ပံ့ပိုးပေးမည့် အလေ့အထကောင်းများကို တည်ဆောက်ခြင်း၊ စံပြပြုလုပ်ပြခြင်း နှင့် မြှင့်တင်ခြင်း

ဂ) ဆက်သွယ်ခြင်း (သတင်းအချက်အလက်များ ဖြန့်ဝေခြင်း)

ဃ) အလုပ်သမားများနှင့် ၎င်းတို့၏ ကိုယ်စားလှယ်များသည် ၎င်းတို့ရောက်ရာနေရာမှ ပူးပေါင်းပါဝင်မှုနှင့် အကြံပြုမှု

င) လိုအပ်သည့်ရင်းမြစ်များကို စနစ်တကျနေရာချထားမှု နှင့် ထိန်းသိမ်းထားမှု

စ) မဟာဗျူဟာရည်ရွယ်ချက်၊ အဖွဲ့အစည်း၏ လားရာတို့နှင့် ကိုက်ညီသော လအကစ မူဝါဒများ

ဆ) လအကအန္တရာယ်များကို ထောက်ပြခြင်း၊ ထိန်းချုပ်ခြင်းနှင့် အခွင့်အလမ်းများကို အသုံးချခြင်းတို့အတွက် ထိရောက် သောလုပ်ငန်းစဉ်

ဇ) လအကဆောင်ရွက်ချက်များတိုးတက်စေရန် လအကစီမံခန့်ခွဲမှုစနစ်၏ လုပ်ဆောင်ချက်များကို စဉ်ဆက်မပြတ် စောင့်ကြည့်၊  ဆန်းစစ်နေခြင်း

ဈ) လအကစီမံခန့်ခွဲမှုစနစ်ကို အဖွဲ့အစည်း၏ စီးပွားရေးလုပ်ငန်းနှင့် ပေါင်းစပ်ခြင်း

ည) လအကမူဝါဒနှင့်ကိုက်ညီသည့် လအကဆိုင်ရာရည်မှန်းချက်များ၊ အဖွဲ့အစည်းအတွက် အန္တရာယ်များ၊ လအကဆိုင်ရာ အခွင့်အလမ်းများနှင့် ဆိုးကျိုးဖြစ်နိုင်ချေတို့ကို ထည့်သွင်းစဉ်းစားခြင်း

ဋ) ဥပဒေ၊ နည်းဥပဒေ၊ အခြားလိုအပ်ချက်များနှင့် ကိုက်ညီစေခြင်း

အဖွဲ့အစည်း၏ လအကစီမံခန့်ခွဲမှုစနစ်အောင်မြင်ဘို့တွင် အောက်ပါအချက်များပေါ် များစွာမူတည်နေ၏။

v  အဖွဲ့အစည်းဖွဲ့စည်းပုံ (ဥပမာ - လုပ်သားအရေးအတွက်၊ ကုမ္ပဏီအရွယ်အစား၊ ကုမ္ပဏီ၏လုပ်ငန်းအမျိုးအစားနှင့် သဘာဝ၊ လုပ်ငန်းခွင် အန္တရာယ်ကင်းရေးဆိုင်ရာ အလေ့အထများ၊ ဥပဒေ၊ နည်းဥပဒေနှင့် အခြားလိုအပ်ချက်များ)

v  အဖွဲ့အစည်း၏ လအကစီမံခန့်ခွဲမှုစနစ် နယ်ပယ်

v  အဖွဲ့အစည်း၏ လှုပ်ရှားမှုများ၊ ဆက်စပ်နေသည့် လအကဆိုင်ရာ ဆိုးကျိုးဖြစ်နိုင်ချေများ

၃၊ ၈။ ISO 45001 ၏ ထူးခြားချက်များ

            ISO 45001 စနစ်၏ ထူးခြားချက်များမှာ -

ü Risk ကို အဓိပ္ပာယ်ဖွင့်ရာတွင် ယခင်အခါကာလများကဲ့သို့မဟုတ်ပဲ effect of uncertainty ဟု အဓိပ္ပာယ်ဖွင့်ပါသည်။ မြန်မာလို မသေချာမှုတို့၏ ရလဒ် ဟု ဘာသာပြန်နိုင်သော်လည်း ဤစာအုပ်တွင် ဆိုးကျိုးဖြစ်နိုင်ချေ ဟု ဘာသာပြန် ထားပါသည်။ 

ü နောက်တစ်ခုမှာ worker အဓိပ္ပာယ်ဖွင့်ဆိုမှု ဖြစ်၏။ ယခင်က worker ဆိုလျှင် ကာယလုပ်သားများကိုသာ ရည်ညွှန်း သော်လည်း ISO 45001 တွင်မူ worker ၌ ထိပ်ပိုင်းစီမံခန့်ခွဲသူ (မန်နေဂျာ၊ ဒါရိုက်တာ စသည်) များကိုပါ ထည့်ထား၏။ Worker ကို စီမံခန့်ခွဲရေးလုပ်သား (managerial worker) နှင့် စီမံခန့်ခွဲရေးမဟုတ်သော လုပ်သား (non-managerial worker) ဟု ခွဲခြားခေါ်ဝေါ်၏။ စီမံခန့်ခွဲရေးလုပ်သားများ၌ ဒါရိုက်တာ၊ မန်နေဂျာ၊ အင်ဂျင်နီယာ၊ အရာရှိ နှင့် ကြီးကြပ်ရေး မှူးများ ပါ၏။ စီမံခန့်ခွဲရေးမဟုတ်သော လုပ်သားများမှာ ကာယလုပ်သားများဖြစ်၏။

ü လအကစီမံခန့်ခွဲမှုစနစ်ကို အကောင်အထည်ဖော်ရာတွင် ISO 45001 ၌ ကာယလုပ်သားများ၏ အခန်းကဏ္ဍကိုပါ အလေးပေး ထား ပါသည်။ ကာယလုပ်သားများသည်လည်း ဆုံးဖြတ်ချက်များချမှတ်ရာ၌ ပါဝင်ခွင့်ရှိသည်။

ü ISO 45001 အရ ကာယလုပ်သားတစ်ဦးသည် စီမံခန့်ခွဲရေးပိုင်းမှ အရာရှိတစ်ဦးဦး၏ အမှားကို ထောက်ပြနိုင်ရမည်။ ဤကဲ့သို့ ထောက်ပြခြင်းအတွက် ထိုလုပ်သားကို အရေးမယူရ။ ဤသည်မှာ ISO 45001 ၏ ထူးခြားချက်တစ်ခုဖြစ်သည်။

           

၃၊ ၉။ OHSAS 18001 မှ ISO 45001 သို့ ချောမွေ့စွာ ကူးပြောင်းခြင်း

၎။ BS 45002 (General Guidelines for the Application of ISO 45001)

Ref: https://shop.bsigroup.com/ProductDetail/?pid=000000000030334815

           

            ယခင် OHSAS 18001 စနစ်ကျင့်သုံးစဉ်ကာလက OHSAS 18001 အား မည်ကဲ့သို့ အကောင်အထည်ဖော်ရမည်ကို OHSAS 18002 ရေးဆွဲကာ လမ်းညွှန်ပေးခဲ့သည်။

            ယခု OHSAS 18001 ကို ISO 45001 ဖြင့် အစားထိုးလိုက်၏။ ထိုအခါ ISO 45001 အား မည်ကဲ့သို့ လက်တွေ့ အကောင်အထည်ဖော်ရမည်ဆိုသည်ကို လမ်းညွှန်ရန် BS 45002 ကို ပြုစုကာ မတ်လ ၃၁ ရက်၊ ၂၀၁၈ ရက်နေ့တွင် ထုတ်ဝေခဲ့ ပါသည်။

            BS 45002 က BS 18004:2008 နှင့် BS OHSAS 18002:2008 တို့နေရာတွင် အစားထိုးမည်။

            ၎င်းက ယခုမှ စတင်ကျင့်သုံးမည့်သူများအပါအဝင် လုပ်ငန်းသေးသည်ဖြစ်စေ၊ ကြီးသည်ဖြစ်စေ၊ ISO 45001 အား လိုက်နာကျင့်သုံးသူ မှန်သမျှကို အကူအညီပေးမည်။ ထိုမျှသာမက BS 45002 ၏ အခြားကောင်းကွက်တစ်ခုမှာ ISO 45001 ကို လိုက်နာကျင့်သုံးရန် အဆင်သင့်မဖြစ်သေးသူများအား လုပ်ငန်းခွင်ကျန်းမာရေးနှင့် အန္တရာယ်ကင်းရေး စီမံခန့်ခွဲမှုစနစ်ကို စနစ် တကျ ဖွံ့ဖြိုးတိုးတက်လာ စေရန် အထောက်အကူပြုသည်။

            သို့ဆိုလျှင် BS 45002 ကို မည်သူတို့ လိုက်နာကျင့်သုံးသင့်သနည်း။

            BS 45002 သည် အဖွဲ့အစည်းအရွယ်အစား ကြီးသည်ဖြစ်စေ၊ ငယ်သည်ဖြစ်စေ ISO 45001 အား လိုက်နာကျင့်သုံးသူ အားလုံးအတွက်ဖြစ်၏။ ထိုမျှသာမက ယခုမှ စတင်ကျင့်သုံးရန် ကြိုးစားနေသူများအတွက်လည်း ဖြစ်သည်။

v  ဤစံနှုန်းကို ရိုးရှင်းသည့်အင်္ဂလိပ်စာဖြင့် တတ်နိုင်သမျှ ပြင်ဆင်ထား၏။ လုပ်ငန်းခွင်အန္တရာယ်ကင်းရေးကို မိမိလုပ်ငန်းခွင် ၌ စီမံခန့်ခွဲလိုသူ မည်သူမှန်သမျှ အလွယ်တကူ ဖတ်ရှုနားလည်နိုင်ရန် ရည်ရွယ်သည်။

v  ဤစံနှုန်း၌ ISO 45001 ၏ ဆိုလိုချက်များကို တစ်ပိုဒ်ချင်း ရှင်းပြထား၏။ ထို့နောက် ISO 45001 ကို လက်တွေ့ အကောင်အထည် ဖော်ရာတွင် မည်ကဲ့သို့ လိုက်နာကျင့်သုံးရမည်ဆိုသည်ကို လမ်းညွှန်ပေးထားသည်။

v  အဖွဲ့အစည်းများအား ၎င်းတုိ့ကိုယ်တိုင်၏ လအက အခြေအနေကို ရောင်ပြန်ဟပ်စေမည့် လအကစီမံခန့်ခွဲမှုစနစ်တစ်ခုကို အချိုးကျ အသုံးချနိုင်ရန် အကူအညီပေးသည်။

v  ISO 45001 ၏လိုအပ်ချက်များကို ပြည့်မီအောင် လုပ်ဆောင်ရန် လက်တွေ့နမူနာများကို ပံ့ပိုးပေးသည်။

v  လအကစီမံခန့်ခွဲမှုစနစ်တစ်ခုကို စနစ်တကျ တိုးတက်လာစေရန် ISO 45001 ကို အားလုံးသော်လည်းကောင်း တစ်စိတ်တစ်ပိုင်း သော်လည်းကောင်း လိုက်နာကျင့်သုံးရာ၌ အသုံးပြုနိုင်သည်။

မှတ်ချက်။            ။ ဤစံနှုန်း၌ သက်ဆိုင်ရာ အခန်းကဏ္ဍများအတွက် နည်းပညာပိုင်းဆိုင်ရာ အသေးစိတ်များကို ဖော်ပြမထားပါ။ ယေဘူယျသဘောများကိုသာ ပံ့ပိုးပေးထားပါသည်။ ခေါင်းစဉ်တစ်ခုချင်းစီအတွက် လမ်းညွှန်များကိုလည်း ဆက်လက် ပြုစုသွား မည်။ ထိုအထဲတွင်မှ အောက်ပါသုံးခုကို ဦးစွာပြုစုမည် ဖြစ်သည်။

BS 45002-1: 2018: Occupational health and safety management systems. General guidelines for the application of ISO 45001.

BS 45002-2: 2018: Occupational health and safety management – managing risks and opportunities

BS 45002-3: 2018: Occupational health and safety management – accident and incident investigation

ဆက်ရန်