နိဒါန်း
လုပ်ငန်းခွင် အန္တရာယ်ကင်းရှင်းရေးအတွက်
ဘာတွေလုပ်ဖို့လိုတယ်။ ဘာတွေလုပ်သင့်တယ်။ ကျွန်တော်တို့အနေနဲ့ လုပ်ငန်းခွင်ဘေးအန္တရာယ်
ကင်းရှင်းရေးနဲ့ပတ်သက်လို့ မြန်မာပြည်ကို ဘာတွေကူညီလုပ်ကိုင်ပေးလို့ရတယ်ဆိုတာ ပြောလိုပါတယ်။
၁။ ဥပဒေ၊ နည်းဥပဒေ၊ စံချိန်စံညွှန်းများရေးဆွဲပြဌာန်းခြင်း
လုပ်ငန်းခွင်ဘေးအန္တရာယ်ကင်းရှင်းရေးနဲ့ပတ်သက်လုိ့
အရေးအကြီးဆုံးကတော့ လုပ်ငန်းခွင်ဘေးအန္တရာယ် ကင်းရှင်းရေး ဥပဒေ၊ နည်းဥပဒေတွေ ပြဌာန်းရေးပဲ
ဖြစ်ပါတယ်။ ပြဌာန်းထားတဲ့ ဥပဒေအရသာ လုပ်ငန်းခွင်ဘေးအန္တရာယ် ကင်းရှင်းရေးကို စတင်အကောင်အထည်ဖော်နိုင်မှာ
ဖြစ်ပါတယ်။ ဥပဒေနဲ့ပြဌာန်းပြီး လိုအပ်ချက်တစ်ခုအနေနဲ့ လုပ်ငန်းခွင် တွေမှာ ဘယ်လိုဘေးအန္တရာယ်ကင်းရှင်းရေးစနစ်တွေရှိရမယ်။
အဲဒီစနစ်ကို
အကောင်အထည်ဖော်ဘို့ ဘယ်လို နည်းဥပဒေတွေ၊ စံချိန်စံညွှန်းတွေ ရှိရမယ်။ ဘယ်လိုအကောင် အထည်ဖော်၊
ဆောင်ရွက်ရမယ်။ အဲဒီ နည်းဥပဒေ၊ စံချိန်စံညွှန်းတွေကို လိုက်နာ၊ မနာ ဘယ်လိုစောင့်ကြပ်ကြည့်ရှုရမယ်။
မလိုက်နာရင် ဘယ်လိုလမ်းညွှန်ရမယ်။ အပြစ်ပေးအရေးယူရမယ် အစရှိတာတွေကို ဥပဒေနဲ့ပြဌာန်းပေးဘို့ရာ
ပထမဦးဆုံး ခြေလှမ်းဖြစ်ပါတယ်။
အဲဒီတော့
-
၁) လုပ်ငန်းခွင်ဘေးအန္တရာယ်ကင်းရှင်းရေးဥပဒေကို ရေးဆွဲပြဌာန်းရပါမယ်။
၂) အဲဒီအထဲမှာ လုပ်ငန်းရှင်၊ ပိုင်ရှင်၊ ဒါရိုက်တာ၊ မန်နေဂျာ၊
အင်ဂျင်နီယာ၊ ကြီးကြပ်ရေးမှူး စတာတွေရဲ့ တာဝန်နဲ့ ၀တ္တရား တွေကို အတိအကျ ပြဌာန်းပေးရပါမယ်။
၃) အကယ်၍ အဲဒီ လုပ်ငန်းရှင်၊ ပိုင်ရှင်၊ ဒါရိုက်တာ၊ မန်နေဂျာ၊
အင်ဂျင်နီယာ၊ ကြီးကြပ်ရေးမှူး စတဲ့သူတွေဟာ သူတို့တာဝန် ကိုကျေပြွန်အောင် မထမ်းဆောင်ကြဘူးဆိုရင်
ဘယ်လိုဒဏ်ရိုက်မယ်၊ အပြစ်ပေးအရေးယူမယ်ဆိုတာတွေလည်း၊ ထည့်သွင်း ပြဌာန်းရပါမယ်။
အခု မြန်မာနိုင်ငံမှာ The
Factory Act 1951 ကို ပြန်လည်ပြင်ဆင်ရေးဆွဲနေတယ်လို့ ကြားသိရပါတယ်။ အလွန် ကောင်းပါတယ်။
ဥပဒေအပြင် အဲဒီဥပဒေကို အကောင်အထည်ဖော်မဲ့ နည်းဥပဒေနဲ့ လုပ်ထုံးလုပ်နည်းတွေလည်း သက်ဆိုင်
ရာကဏ္ဍအလိုက် အများကြီးလိုမှာပါ။ အဲဒါတွေရေးဆွဲတဲ့အထဲမှာ ဘယ်သူတွေပါတယ်။ နိုင်ငံတကာက
ဘယ်ဥပဒေတွေကို ကိုးကားတယ် စတာတွေကို ကျွန်တော်တို့ မသိရသေးပါ။ ကျွန်တော်တို့ အနေနဲ့
ကူညီလို့ရရင် ကူညီနိုင်ပါတယ်ဆိုတာ ပြောချင်ပါတယ်။
၂။ လုပ်ငန်းရှင်တွေရဲ့ ပူးပေါင်းဆောင်ရွက်မှု
လုပ်ငန်းခွင်ဘေးအန္တရာယ်ကင်းရှင်းရေးအတွက်
လုပ်ငန်းရှင်တွေ ပါဝင်ပူးပေါင်းဆောင်ရွက်မှုဟာ ဒုတိယအရေးကြီး ဆုံး အချက်ဖြစ်ပါတယ်။ လုပ်ငန်းခွင်ဘေးအန္တရာယ်ကင်းရှင်းရေးအတွက်
လုပ်ငန်းရှင်တွေရဲ့စိတ်ပါဝင်စားမှု၊ ခံယူချက်အပြည့်နဲ့ စီမံခန့်ခွဲမှု၊ လိုအပ်တဲ့ လုပ်ငန်းခွင်ဘေးကင်းမှုပစ္စည်းတွေ
ထောက်ပံ့ပေးမှုဟာ အလွန်အရေးကြီးပါတယ်။ ဥပဒေရှိနေပေမဲ့ အလုပ်ရှင်တွေရဲ့ ပူးပေါင်းပါဝင်မှုမပါရင်
အောင်မြင်ဘို့အင်မတန် ခက်ပါလိမ့်မယ်။
အဲဒီအတွက် အလုပ်ရှင်တွေစိတ်ပါဝင်စားလာအောင်။
ဘေးအန္တရာယ်ကင်းရှင်းရေးဟာ ရင်းနှီးမြှုပ်နှံမှုတစ်ခုဖြစ်ပြီး လုပ်ငန်းအတွက် အကျိုးကျေးဇူးအများကြီး
ပြုနိုင်တယ်ဆိုတာကို နားလည်လာအောင် ဟောပြောပွဲတွေ၊ သင်တန်းတွေ ပေးဘို့။ နောက်ပြီး သူတို့ရဲ့တာဝန်ဝတ္တရားတွေကိုလည်း
သဘောပေါက်အောင် ရှင်းပြဘို့ အစိုးရပိုင်းက စီစဉ်ပေးဘို့ လိုပါတယ်။ ဟောပြောပွဲတွေ၊ သင်တန်းတွေကို
အလုပ်ရှင်တွေ တက်ချင်လာအောင်၊ တက်လာအောင် လုပ်ပေးဘို့က အစိုးရ မှတတ်နိုင်မှာ ဖြစ်ပါတယ်။
သာမန်စည်းရုံးရေးလောက်နဲ့၊ ပြင်ပအဖွဲ့အစည်းတွေလုပ်ရုံနဲ့ ဒါလောက် ထိရောက်မှာမဟုတ်ပါဘူး။
အောင်မြင်ဘို့ အလွန်ခက်ပါလိမ့်မယ်။
တကယ်လက်တွေ့လုပ်ငန်းထဲမှာ လုပ်ရင်းနဲ့မှ
ဘေးအန္တရာယ်ကင်းရေးဆိုတာ လုပ်ငန်းတွေအချိန်မီ ချောချောမွေ့မွေ့ ပြီးစေဘို့၊ အဆုံးရှုံး
အလေလွင့်တွေနည်းစေဘို့။ မလိုလားအပ်တဲ့ နှောင့်နှေးကြန့်ကြာမှုတွေနဲ့ ရင်မဆိုင်ရဘို့၊
သူ့လုပ်ငန်း နာမည်တက်စေဘို့ အရေးပါတဲ့ ရင်းနှီးမြှုပ်နှံမှုတစ်ခုလို့ သေသေချာချာနားလည်သွားမှာ
ဖြစ်ပါတယ်။ အဲဒီအခြေအနေထိ ရောက်လာအောင် အချိန်ကာလ အတိုင်းအတာတစ်ခုအထိ နိုင်ငံတော်ပိုင်းက
လုပ်ဆောင်ပေးရမှာ ဖြစ်ပါတယ်။
၃။ လုပ်ငန်းခွင် ဘေးအန္တရာယ်ကင်းရှင်းရေးစီမံချက်
ဥပဒေ၊
နည်းဥပဒေတွေလဲပြဌာန်းပြီးပြီ။ လုပ်ငန်းရှင်တွေကိုလည်း ဒီဥပဒေပါ လုပ်ငန်းတာဝန်တွေကို
ချပြပြီးပြီဆိုရင် တတိယအရေးကြီးဆုံးက လုပ်ငန်းခွင်ဘေးအန္တရာယ်ကင်းရှင်းရေးစီမံချက်၊
စနစ်တစ်ခု ရေးဆွဲဘို့ဖြစ်ပါတယ်။ အဲဒီစီမံချက်မှာ သက်ဆိုင်ရာ လုပ်ငန်းရဲ့မူဝါဒ၊ ရည်မှန်းချက်၊
လုပ်ငန်းခွင်ဘေးအန္တရာယ်ကင်းရှင်းရေးကို ဘယ်လိုအကောင်အထည်ဖော်မလဲ စတဲ့အစီအမံတွေ ပြည့်ပြည့်စုံစုံပါမှာ
ဖြစ်ပါတယ်။
ပြဌာန်းထားတဲ့
ဥပဒေ၊ နည်းဥပဒေတွေနဲ့အညီ ကောင်းမွန်ပြည့်စုံတဲ့ လုပ်ငန်းခွင်ဘေးအန္တရာယ်ကင်းရှင်းရေးစီမံချက်
ကို ရေးဆွဲနိုင်တဲ့သူဟာ စနစ်တကျလေ့ကျင့်သင်ကြားပေးထားပြီး၊ လုပ်ငန်းအတွေ့အကြုံလည်း
ရင့်ကျက်နေပြီဖြစ်တဲ့ လုပ်ငန်းခွင်ဘေးအန္တရာယ်ကင်းရှင်းရေး ပညာရှင်တွေပဲ ဖြစ်ပါတယ်။ သူတို့ရေးဆွဲလိုက်တဲ့ လုပ်ငန်းခွင်ဘေးအန္တရာယ် ကင်းရှင်းရေး
အစီအမံတွေဟာ တည်ဆဲဥပဒေတွေနဲ့လည်း ကိုက်ညီ၊ လုပ်ကိုင်နေတဲ့ လုပ်ငန်းခွင်နဲ့လည်း ဆီလျော်ညီညွတ်
ရပါတယ်။
အဲဒီ လုပ်ငန်းခွင်ဘေးအန္တရာယ်ကင်းရှင်းရေး
စီမံချက်ဟာ လုပ်ငန်းရဲ့အဓိကရည်မှန်းချက်ဖြစ်တဲ့ အလုပ်ခွင် ထိခိုက်မှုတွေကြောင့် လုပ်ငန်းနာမည်ပျက်၊
အချိန်တွေပိုကြာ၊ ဆုံးရှုံးမှုတွေကို အနည်းဆုံးဖြစ်အောင် အထောက်အကူပြုဘို့၊ စီစဉ်ပေးနိုင်ဘို့
လိုပါတယ်။
၎။ လုပ်ငန်းခွင်ဘေးအန္တရာယ်ကင်းရှင်းရေး အရာရှိများ၊
ပညာရှင်များ နဲ့ သင်တန်းများ
ဥပဒေ၊
နည်းဥပဒေတွေလဲပြဌာန်းပြီးပြီ။ လုပ်ငန်းရှင်တွေလည်း သူတို့လုပ်ငန်းတာဝန်တွေကို သိသွားပြီ။
လုပ်ငန်းခွင် ဘေးအန္တရာယ်ကင်းရှင်းရေးစီမံချက်တွေလည်း ရေးဆွဲပြီးသွားပြီဆိုရင် နောက်တစ်ဆင့်က
အဲဒီလုပ်ငန်းစီမံချက်တွေကို ဘယ်သူတွေက အကောင်အထည်ဖော်မလဲ၊ ဘယ်လိုအကောင်အထည်ဖော်မလဲဆိုတာ
အရေးကြီးပါတယ်။
ဒါဟာလဲ
အတွေ့အကြုံရှိပြီး ဒီလုပ်ငန်းနဲ့ပတ်သက်လို့ လေ့လာသင်ယူထားပြီးသူများသာ လုပ်နိုင်တဲ့ကိစ္စဖြစ်ပါတယ်။
အဲဒီသူတွေဟာ စာတွေ့အားဖြင့်လည်း နားလည်တယ်၊ ကိုယ်လုပ်ရမဲ့အလုပ်ကိုလည်း သေသေချာချာ နားလည်ပြီး
တကယ်လဲ လက်တွေ့လုပ်တတ်တဲ့သူတွေ (ASK - Ability, Skill and Knowledge) ဖြစ်ပါတယ်။ ဒါဆိုရင်
အဲဒီလို လူမျိုးတွေရအောင် မွေးထုတ်ပေးဘို့လိုပါတယ်။ ဘယ်လိုမွေးထုတ်ပေးရမလဲဆိုရင် အတွေ့အကြုံရင့်ကျက်ပြီးသား၊
ကျွမ်းကျင်ပညာရှင်တွေကို ခေါ်ယူပြီး သင်တန်းတွေပေး၊ လက်တွေ့လည်း လေ့ကျင့်ပေးရပါမယ်။
သင်တန်းကျောင်းတွေဖွင့်ရုံသာမက လုပ်ငန်းခွင်မှာ လည်း လက်တွေ့အတွေ့အကြုံရအောင် On
Job Training တွေ ပေးရပါမယ်။ အဲဒီလိုဆိုရင် အချိန်တိုအတွင်းမှာ ကျွမ်းကျင် တတ်မြောက်တဲ့သူတွေ
ရလာနိုင်ပါတယ်။ သူတို့ဟာ လုပ်ငန်းခွင်ထဲမှာ တကယ်လုပ်တဲ့အခါ သူတို့တတ်ထားတာတွေကို လက်တွေ့
အသုံးချနိုင်မှာ ဖြစ်ပါတယ်။
အတတ်ပညာတွေ၊
နည်းပညာတွေဟာ နေ့စဉ်နဲ့အမျှတိုးတက်နေတာမို့ ဒါတွေနဲ့လည်း မျက်ခြေမပြတ်ဘို့ လိုပါတယ်။
အဲဒါကြောင့် ဥပဒေ၊ နည်းဥပဒေတွေကို အမြဲပြန်လည်သုံးသပ်နေပြီး ခေတ်နဲ့ညီအောင် ပြန်လည်ပြင်ဆင်သင့်ရင်
ပြင်ဆင်ရ ပါမယ်။ အဲဒီလို ပြင်ဆင်တဲ့အခါတိုင်းမှာလည်း လုပ်ငန်းရှင်တွေအားလုံးကို ဘာတွေပြင်လိုက်တယ်
ဆိုတာ အသိပေးရပါမယ်။ လုပ်ငန်းခွင်ဘေးအန္တရာယ်ကင်းရှင်းရေး အရာရှိတွေအနေနဲ့လည်း ပြုပြင်ပြောင်းလဲသွားတဲ့
ဥပဒေ၊ လုပ်ထုံးလုပ်နည်းတွေကို မျက်ခြည်မပြတ်လေ့လာနေဘို့ လိုပါတယ်။
အဲဒီလို
ခေတ်မီနည်းပညာတွေကို အမြဲအမီလိုက်နေနိုင်ဘို့ လိုအပ်တဲ့မွမ်းမံသင်တန်းတွေ၊ အဆင့်မြှင့်သင်တန်းတွေ
ဖွင့်လှစ်သင်ကြားပေးဘို့လည်း လိုပါတယ်။
၅။ လုပ်ငန်းများအလိုက် သက်ဆိုင်ရာသင်တန်းများပေးခြင်း
လုပ်ငန်းခွင်ဘေးအန္တရာယ်ကင်းရှင်းရေးမှာ
ဦးဆောင်ရမဲ့လူတွေကို လေ့ကျင့်သင်ကြား၊ ပညာပေး၊ ဆွေးနွေးပွဲတွေ လုပ်ပေးနေရုံနဲ့လဲ မလုံလောက်သေးပါဘူး။
ဘေးအန္တရာယ်ကင်းရှင်းရေးဆိုတာ လုပ်ငန်းခွင်ထဲမှာ ပါဝင်ပတ်သက်နေတဲ့ လူအားလုံးရဲ့ အရေးကိစ္စဖြစ်တဲ့အတွက်
အဲဒီလူအားလုံးကို သူတို့နဲ့ပတ်သက်တဲ့ အသိပညာပေးဘို့၊ လေ့ကျင့်သင်ကြားပေးဘို့
လည်းလိုပါသေးတယ်။
ကြီးကြပ်ရေးမှူးလည်း
ကြီးကြပ်ရေးမှူးအလျောက်၊ အလုပ်သမားဆိုလည်း အလုပ်သမားအလျောက် သူလုပ်ရတဲ့ အလုပ်နဲ့ပတ်သက်တဲ့
ဘေးအန္တရာယ်ကင်းရေးဆိုင်ရာ အသိပညာ၊ ဗဟုသုတတွေရစေဘို့ လိုအပ်တဲ့ သင်တန်းတွေကို စေလွှတ်သင်ကြား၊
လေ့ကျင့်ပေးဘို့ မဖြစ်မနေ လိုပါတယ်။ ဥပမာအားဖြင့် - ငြမ်းဆင်တဲ့လူဟာ အန္တရာယ်ကင်းတဲ့
ငြမ်းစင်တစ်ခုကို စနစ်တကျ ဆင်တတ်အောင်၊ ၀န်ချီလုပ်ငန်းမှာ လုပ်တဲ့သူတွေဟာလည်း အန္တရာယ်ကင်းကင်းနဲ့
ဝန်ချီတတ် အောင်၊ အချက်ပြတဲ့သူကလည်း မှန်မှန်ကန်ကန် စနစ်တကျ အချက်ပြတတ်အောင်၊ ကြိုးချည်တဲ့သူကလည်း
သေသေချာချာ ကြိုးချည်တတ်အောင် လေ့ကျင့်သင်ကြားပေးဘို့ လိုပါတယ်။
ကုန်ထုတ်လုပ်ငန်း၊
ဝန်ဆောင်မှု လုပ်ငန်းတွေ အနေနဲ့ လုပ်ငန်းအမျိုးအစားအများကြီးရှိမှာပါ။ လုပ်ငန်းအမျိုးအစား
များသလောက် လုပ်ငန်းခွင်ဘေးအန္တရာယ် ကင်းရှင်းရေးသင်တန်းတွေလည်း များများစားစား လိုပါလိမ့်မယ်။
လုပ်ငန်းခွင် ဘေးအန္တရာယ်ကင်းရှင်းရေး စနစ်ကို စတင် ထူထောင်စမှာ သင်တန်းအားလုံး တစ်ချိန်တည်း၊
တပြိုင်နက်ဖွင့်ဘို့ မဖြစ်နိုင်ပါ။ တစ်ခုချင်း ဖြည်းဖြည်းချင်းတက်လှမ်းယူရမှာ ဖြစ်ပါတယ်။
သင်တန်းဆိုတာ
ပညာပေးရေးလုပ်ငန်းဖြစ်လို့ ငွေကုန်ကြေးကျ များသလောက် ငွေကြေးအမြတ်အစွန်း ပြန်မရနိုင်တဲ့
လုပ်ငန်းဖြစ်ပါတယ်။ ဒါပေမဲ့ ထက်မြက်တဲ့ လူသားအရင်းအမြစ်တစ်ရပ် မွေးထုတ်ဘို့ ပညာရေးရင်းနှီးမြှုပ်နှံမှုဟာ
အင်မတန် အရေးကြီးပါတယ်။ သင်တန်းတွေပေးတဲ့နေရာမှာ ကုမ္ပဏီကြီးတွေရဲ့ ပံ့ပိုးမှုနဲ့ အခမဲ့သင်တန်းတွေ
ပေးနိုင်သလို၊ အစိုးရက တချို့တ၀က်ကျခံတဲ့သင်တန်းမျိုးတွေလည်း စီစဉ်ပေးနိုင်ပါတယ်။ ဒီနေရာမှာ
အစိုးရအနေနဲ့က ဘယ်အလုပ်လုပ်ဖို့ ဘယ်သင်တန်းကို တက်ရမယ်။ သင်တန်းဆင်းလက်မှတ်မရှိရင်
အလုပ်လုပ်လို့မရဘူးဆိုပြီး ဥပဒေနဲ့ ပြဌာန်းဆောင်ရွက်ဘို့ လိုပါတယ်။
စနစ်တစ်ခုရဲ့အစမှာ
ဖွံ့ဖြိုးရေးရံပုံငွေတွေနဲ့ မက်လုံးပေးပြီး ပညာပေးတဲ့စနစ်ဟာ ထိရောက်ထက်မြက်နိုင်ပါတယ်။
၆။ နိုင်ငံတကာ စံနှုံးများနဲ့ အဲဒီစံနှုံးတွေကို
မြန်မာနိုင်ငံနဲ့ သင့်လျော်အောင် ပြုပြင်သုံးစွဲခြင်း
လုပ်ငန်းခွင်ဘေးအန္တရာယ်ကင်းရှင်းရေးဆိုတာ
အင်မတန်ကျယ်ပြန့်ပါတယ်။ ကျွန်တော်တို့နိုင်ငံကို များမကြာမီမှာ နိုင်ငံခြားရင်းနှီးမြှုပ်နှံမှုတွေနဲ့အတူ
နိုင်ငံခြားကုမ္ပဏီတွေ ၀င်ရောက်လာတော့မှာ ဖြစ်ပါတယ်။ အဲဒီအခါ သူတို့ကလည်း သူတို့ စနစ်တွေကို
တစ်ပါတည်း သယ်လာမှာဖြစ်ပါတယ်။ အဲဒီအခါမှာ ကျွန်တော်တို့ဆီမှာ ချမှတ်ထားတဲ့ စနစ်တွေ၊
လုပ်ထုံး လုပ်နည်းတွေနဲ့ သူတို့ကျင့်သုံးနေတဲ့ စနစ်တွေ အများကြီးကွာဟမနေဘို့ လိုပါတယ်။
ပြောရရင်တော့
လုပ်ငန်းခွင်ဘေးအန္တရာယ်ကင်းရှင်းရေးဆိုတာ သိပ်အဆန်းမဟုတ်ပါဘူး။ ဒီအလုပ်လုပ်ရင် တွေ့ရမဲ့
အန္တရာယ်ဟာ ဘယ်နိုင်ငံမဆို အတူတူပဲဖြစ်ပါတယ်။ ဥပမာ - အမြင့်ကိုတက်ရင် ပြုတ်ကျသေတတ်တယ်ဆိုတာ
ယေဘူယျ အမှန်တရားပါ။ ဓားနဲ့ခုတ်မိရင် လက်ပြတ်မယ် ဆိုတာ ဘယ်နိုင်ငံမှာမဆို မှန်ပါတယ်။
အဲဒီအတွက် ဟိုနိုင်ငံကဟာမို့လို့ ဒို့ဆီမှာ သုံးလို့မရဘူးဆိုတာ မဟုတ်ပါဘူး။ ကိုယ့်ဆီက
အခြေအနေ၊ ဓလေ့ထုံးစံတွေနဲ့ လိုက်လျောညီထွေဖြစ်အောင် နည်းနည်းပါးပါး ပြုပြင်သုံးရင်
ရပါတယ်။ အဲဒီလို အပြည်ပြည်ဆိုင်ရာစံနှုန်းတွေကို စံထားပါမှလည်း ခုနကပြောတဲ့ နိုင်ငံခြားကုမ္ပဏီတွေနဲ့အတူ
ပါလာတဲ့ သူတို့စံနှုန်းတွေနဲ့ အံဝင်ဂွင်ကျ ဖြစ်နိုင်မှာပါ။
ဖွံ့ဖြိုးတိုးတက်တဲ့နိုင်ငံကြီးတွေက
စံနှုန်းတွေဟာ နှစ်ပေါင်းများစွာ သုံးစွဲရင်း လက်တွေ့နဲ့ကိုက်ညီအောင် ပြင်ဆင်ထား တာတွေမို့လို့
အင်မတန် အသုံးတည့်ပြီး လက်တွေ့ကျပါတယ်။ လုပ်ငန်းတစ်ခုချင်းအလိုက် ရေးဆွဲထားတဲ့ စံနှုန်းတွေ
ပြည့်ပြည့် စုံစုံရှိပါတယ်။ ကျွန်တော်တို့က အဲဒါတွေကို နားလည်အောင် ကြိုးစားပြီး မိမိရေမြေသဘာဝနဲ့
ကိုက်ညီအောင် လက်ခံကျင့်သုံး ဘို့ပဲလိုပါတယ်။ ဖွံ့ဖြိုးပြီးတဲ့နိုင်ငံတွေမှာသုံးတဲ့
စက်ကိရိယာတွေနဲ့ ကျွန်တော်တို့ဆီက စက်တွေနဲ့တော့ ဘယ်တူနိုင်ပါ့မလဲ။ ဒါကြောင့် ပုံတူကူးချဘို့တော့
ဘယ်လိုမှ မဖြစ်နိုင်ပါဘူး။ သူတို့ရေးထားတာတွေကို မှီငြမ်းပြီး ကိုယ့်ဒေသနဲ့ ကိုက်ညီမဲ့
စနစ်တွေ ပြုပြင်ရေးဆွဲရပါမယ်။
ဒီလိုရေးဆွဲတဲ့နေရာမှာ
နိုင်ငံတကာအတွေ့အကြုံရှိတဲ့၊ နိုင်ငံတကာစံနှုန်းတွေနဲ့ ရင်းနှီးကျွမ်းဝင်ပြီးဖြစ်တဲ့
ပညာရှင်တွေ ရဲ့ အား။ အများကြီးလိုပါတယ်။ မြန်မာနိုင်ငံပြင်ပမှာရောက်ရှိနေထိုင် လုပ်ကိုင်နေကြတဲ့
လုပ်ငန်းခွင်ဘေးအန္တရာယ် ကင်းရှင်းရေး အရာရှိတွေ အများကြီးရှိပါတယ်။ သူတို့အားကိုယူပြီး
မြန်မာနိုင်ငံအတွက်လိုအပ်တဲ့ စနစ်တွေ၊ စံနှုန်းတွေ ရေးဆွဲ လိုက်ရင် မှန်ကန်၊ ကောင်းမွန်၊
လက်တွေ့နဲ့နီးစပ်တဲ့ ဥပဒေ၊ စည်းမျဉ်းစည်းကမ်း၊ လမ်းညွှန်တွေကို နှစ်အနည်းငယ်အတွင်း ရမှာဖြစ်ပါတယ်။
၇။ စိုက်ပျိုးရေး လုပ်ငန်းခွင်ဘေးအန္တရာယ်ကင်းရှင်းရေး
ခုနကပြောခဲ့တာတွေ
အားလုံးဟာ ဆောက်လုပ်ရေး၊ စက်ရုံအလုပ်ရုံစတာတွေကို အခြေခံထားတာပါ။ ဘာလို့လည်း ဆိုတော့
ကျွန်တော်တို့ အလုပ်လုပ်နေတဲ့ စင်ကာပူမှာ လယ်ယာစိုက်ပျိုးရေးလုပ်ငန်းမရှိဘဲ ဆောက်လုပ်ရေး၊
စက်ရုံအလုပ်ရုံ၊
ကုန်ထုတ်လုပ်ငန်း၊ သင်္ဘောကျင်း၊ ရေနံဓာတု စတဲ့လုပ်ငန်းတွေပဲ
ရှိတာကြောင့်ဖြစ်ပါတယ်။
ဒါပေမဲ့
ကျွန်တော်တို့ မြန်မာနိုင်ငံဟာ စိုက်ပျိုးရေးကို အခြေခံတဲ့နိုင်ငံဖြစ်ပါတယ်။ နိုင်ငံလူဦးရေရဲ့
၇၀% လောက်ဟာ စိုက်ပျိုးမွေးမြူရေးလုပ်ငန်းနဲ့ အသက်မွေးတာပါ။ ကမ္ဘာ့ နိုင်ငံကြီးတွေမှာလည်း
organic farming ဆိုပြီး ကျယ်ကျယ်လောင် လောင်ကြားလာရပါပြီ။ လူလုပ်ပိုးသတ်ဆေးတွေနဲ့
မြေသြဇာတွေကနေ တဖြည်းဖြည်း စွန့်ခွာလာနေပါပြီ။
ပိုးသတ်ဆေး၊
ပေါင်းသတ်ဆေးတွေနဲ့ မှိုသတ်ဆေးတွေ အလွန်အကျွံသုံးမှုက သီးနှံတွေအပေါ်မှာ ဆေးကြွင်းအားနိ
သင်တွေကို ရှိသင့်တာထက် ပိုကဲပါဝင်လာစေပါတယ်။ ဖွံ့ဖြိုးပြီးနိုင်ငံကြီးတွေမှာ ဈေးကွက်ထဲတင်ပို့မဲ့
ဟင်းသီးဟင်းရွက်၊ သစ်သီးဝလံတွေကို စစ်ဆေးတာတွေ လုပ်ပေမဲ့ ဖွံ့ဖြိုးဆဲနိုင်ငံတွေမှာတော့
အင်မတန်အားနည်းလှပါတယ်။ မရှိသလောက် ပါဘဲ။ အဲဒီတော့ ဈေးမှာရောင်းချနေတဲ့ ဟင်းသီးဟင်းရွက်တွေမှာ
ပိုးသတ်ဆေး အကြွင်းအကျန်တွေ ဘယ်လောက်ရှိနေတယ် ဆိုတာ ဘယ်သူမှ မသိနိုင်ပါဘူး။ ဒီနေ့ရောင်းမဲ့
ဟင်းသီးဟင်းရွက်၊ သစ်သီးဝလံတွေကို မနေ့ညကမှ ဆေးဖြန်းထားတယ်ဆို ရင် ရလာမဲ့ အန္တရာယ်ဟာ
မတွေးဝံ့စရာပါဘဲ။ အဲဒီပိုးသတ်ဆေးကြွင်းကြောင့် ထူးထူးဆန်းဆန်း ရောဂါတွေရပြီး သေရတာဟာ
ကံမကောင်းအကြောင်းမလှလို့ မဟုတ်ပါဘူး။ ဒါဟာ လူတွေလုပ်တဲ့ အန္တရာယ်ဖြစ်ပါတယ်။
ဒါတင်မကသေးပါဘူး။
အဲဒီပိုးသတ်ဆေးကို ကိုင်တွယ်သုံးစွဲနေတဲ့ တောင်သူတွေမှာရော ပိုးသတ်ဆေးနဲ့ပတ်သက်တဲ့
အသိပညာဗဟုသုတတွေ ဘယ်လောက်ရှိပါသလဲ။ ဒီပိုးသတ်ဆေးကို ဘယ်လိုသိုလှောင်ရမယ်၊ ဘယ်လိုကိုင်တွယ်ရမယ်၊
ဘယ်လိုသုံးစွဲရမယ်။ ဆေးအကြွင်းအကျန်တွေကို ဘယ်လိုစွန့်ပစ်ရမလဲဆိုတာ သေသေချာချာ သိပါသလား။
သူတို့နားမလည် လို့ ပိုးသတ်ဆေးဖြန်းပြီး ပုံးထဲကျန်နေတဲ့ ဆေးတွေကို ချောင်းထဲမှာ ရေဆေးလိုက်တယ်ဆိုရင်
အဲဒီချောင်းထဲမှာ ရေချိုးနေတဲ့၊ အဲဒီချောင်းရေကို ခပ်သောက်နေတဲ့၊ အဲဒီချောင်းမြောင်းအင်းအိုင်ထဲက
ငါးတွေအတွက် အလွန်အန္တရာယ်မကြီးပါလား။ ဒါဆို အဲဒီလိုမဖြစ်အောင်၊ ဖြစ်ရင်တောင်မှ နည်းနိုင်သမျှနည်းအောင်
ဘယ်လိုထိန်းမလဲ။
အစိုးရအနေနဲ့
မြန်မာနိုင်ငံထဲကို ၀င်လာသမျှ၊ မြန်မာနိုင်ငံထဲမှာ ထုတ်သမျှ၊ မြန်မာနိုင်ငံထဲမှာရှိနေသမျှ
ပိုးသတ်ဆေး နဲ့တကွ၊ ဓါတုဗေဒဆေးဝါးတွေကို မှတ်ပုံတင်စေဘို့၊ အဲဒီဆေးတွေကို ဘယ်သူတွေက
တင်သွင်းတာလဲ၊ ဘာလုပ်ဖို့လဲ၊ ပမာဏ ဘယ်လောက်တင်သွင်းတာလဲ၊ ဘယ်သူတွေကို ရောင်းသလဲ၊ ဆေးလက်ကျန်ဘယ်လောက်
ရှိသေးလဲ၊ အဲဒီဆေးရဲ့ ကောင်း ကျိုးဆိုးပြစ်တွေက ဘာလဲ စတာတွေကို တိတိကျကျစာရင်းဇယားကောက်ယူပြီး
ထိန်းဘို့လိုပါတယ်။ စာရင်းဇယား ကောက်တယ်ဆိုတဲ့နေရာမှာလည်း ရိုးသားမှုအရေးကြီးပါတယ်။
သွင်းလာတာက ပုလင်း ၁၀၀၀ ဖြစ်ရင် စာရင်းကိုလည်း ပုလင်း ၁၀၀၀ ပြဘို့လိုပါတယ်။ ဘယ်သူတွေကို
ဘယ်လောက်ရောင်းလိုက်တယ်။ ဘယ်လောက်ကျန်သေးတယ်။ ဓါတုဆေး အကြွင်းအကျန်တွေကို ဘယ်လိုစွန့်ပစ်ဘို့
ဘယ်လိုစီမံတယ် စသဖြင့် အားလုံးကို မှန်မှန်ကန်ကန်ဖော်ပြဘို့ လိုပါတယ်။
နောက်တစ်ခုက လယ်ယာသုံးစက်ကိရိယာတွေပါ။
အခု တောင်သူတွေဆီမှာ လယ်ယာသုံးစက်ကိရိယာတွေ အရေအတွက်တော်တော်များများ ရောက်ရှိသုံးစွဲနေပါပြီ။
ဒါဆို အဲဒီတောင်သူတွေဟာ သူတို့ကိုင်နေတဲ့စက်တွေကို သေသေချာချာ မောင်းတတ်ပါသလား။ အဲဒီစက်တွေအကြောင်း
ဘယ်လောက်နားလည်ပါသလဲ။ အဲဒီစက်တွေကို ဘယ်လို မောင်းနှင်ရမယ်၊ ဘယ်လိုပြုပြင်ထိန်းသိမ်းရမယ်လို့
သင်တန်းတွေ ပေးတာရှိပါသလား။ စက်ကိရိယာတွေကြောင့် ထိခိုက် ဒဏ်ရာရမှု ဘယ်လောက်ရှိသလဲလို့
မှန်မှန်ကန်ကန် စာရင်းကောက်ထားတာရှိပါသလား။ အများဆုံးထိခိုက်မှုဟာ ဘာတွေ ဖြစ်တယ်။ အဲဒါတွေကို
တတ်နိုင်သမျှအနည်းဆုံးထိ လျှော့ချဘို့ရာ အစီအမံတွေ လုပ်သင့်ပါပြီ။
တောင်သူလယ်သမားအများစုဟာ ပညာတတ်သူနည်းမှာပါ။
ကျောင်းတက်လာတဲ့ ဘွဲ့ရပြီးခဲ့တဲ့သူတွေတောင် စနစ် တကျမသင်ပေးရင်၊ ဘွဲ့ရထားပေမဲ့လည်း
ဘာမှဆက်မလေ့လာရင် ဘာမှတတ်မှာ မဟုတ်ပါဘူး။ ဒီတော့ ဒီစက်ကိရိယာတွေ နဲ့ပတ်သက်ပြီး ကြားဖူးနားဝ
နည်းနည်းရှိချင်ရှိမယ်။ ဒါပေမဲ့ သေသေချာချာတော့ ဘယ်သူမှ မတတ်နိုင်၊ မသိနိုင်ပါဘူး။
လယ်သမားတွေကို
သူတို့သုံးစွဲမဲ့စက်ကိရိယာတွေနဲ့ ပတ်သက်ပြီး အန္တရာယ်ကင်းအောင်မောင်းတာ၊ ပြုပြင် ထိန်းသိမ်းတာစတာတွေကို
ပုဂ္ဂလိက စက်အရောင်းဆိုင်များနဲ့ ပူးပေါင်းပြီး လုပ်ဖို့လိုပါတယ်။ နောက်ပြီး အဲဒီစက်နဲ့
ပတ်သက် လို့ ဖြစ်နိုင်မဲ့ အန္တရာယ်တွေ၊ လိုက်နာရမဲ့ စည်းကမ်း၊ နည်းလမ်းတွေကိုပါ တပါတည်း
သင်ပေးလိုက်ဘို့လိုပါတယ်။ လယ်သမား ကိုစက်ရောင်းတော့မယ်ဆိုတာနဲ့ သူတို့ကိုခေါ်ပြီး အရင်ဆုံးသင်တန်းပေး၊
အားလုံးနားလည်ပြီဆိုမှ စက်ကို အပ်လိုက်ဘို့ ဖြစ်ပါတယ်။
စက်မှုလယ်ယာလို့
နာမည်ကောင်းယူချင်တာနဲ့ လယ်သမားတွေကို ပြီးပြီးရော စက်တွေအတင်းထိုးရောင်းလိုက်တာ အင်မတန်မှားတဲ့
လုပ်ရပ်ဖြစ်ပါတယ်။ သူတို့ဝယ်လာတဲ့စက်တွေကို ကောင်းကောင်းမသုံးတတ်လို့၊ အချိန်မတိုင်ခင်
ပျက်သွား လို့ အင်မတန်တန်ဘိုးကြီးလှတဲ့ အဲဒီစက်တွေကို ချောင်ထဲဒီအတိုင်းထိုးထည့်ထားရတဲ့
တောင်သူတွေ မြန်မာနိုင်ငံမှာ ဒုနဲ့ဒေး ပါ။ အဲဒီစက်တွေအတွက် စက်အပိုပစ္စည်းတွေကို အလွယ်တကူ
ဝယ်လို့ရပါသလား။ သူတို့ရောင်းလိုက်တဲ့ပစ္စည်းတွေကို အာမခံပေးထားပါသလား။ ပိုအရေးကြီးတာက
ပျက်တဲ့စက်တွေကို ပြင်ဘို့ သေသေချာချာ ပြင်တတ်ဆင်တတ်တဲ့ ၀ပ်ရှော့တွေ လက်လှမ်းတမီမှာ
ထားပေးပါသလား။
ကျွန်တော်ပြောတာ
သိပ်ရှည်နေပြီဖြစ်ပေမဲ့ နည်းနည်းလောက် ဆက်ပြောပါရစေ။
နောက်တစ်ခုက မြန်မာနိုင်ငံမှာ
နှစ်စဉ်ကြုံတွေ့နေရတဲ့ မြွေအန္တရာယ်ပါ။ မြွေကိုက်လို့ လူပေါင်းများစွာ နှစ်စဉ် သေဆုံး
နေရပါတယ်။ မြွေကိုက်တဲ့လူနာတွေကိုကုဘို့ မြန်မာနိုင်ငံမှာ ယခုထိ ဈေးသက်သာပြီး လုံလုံလောက်လောက်
ရနိုင်မဲ့ မြွေဆိပ် ဖြေဆေးမရှိသေးပါ။ အမေရိကန်နဲ့ပူးပေါင်းပြီး မြွေဆိပ်ဖြေဆေးထုတ်ဘို့
သတင်းထဲမှာ ဖတ်လိုက်ရပါတယ်။ အမြန်ဆုံး ဖြစ်စေချင်ပါတယ်။
မြွေကိုက်တာကို ကာကွယ်နိုင်တဲ့တစ်နည်းက
လက်နှိပ်ဓါတ်မီးနဲ့ ရာဘာဘွတ်ဖိနပ်ရှည်တွေပါ။ မြွေအကိုက်များတဲ့ ဒေသကတောင်သူတွေကို အဲဒီဘွတ်ဖိနပ်တွေ
သင့်တင့်လျောက်ပတ်တဲ့ဈေးနဲ့ ရောင်းပေးဘို့။ ဖြစ်နိုင်ရင် မြန်မာနိုင်ငံမှာ အဲဒီဘွတ်ဖိနပ်ထုတ်ဘို့လို့
တင်ပြချင်ပါတယ်။
နိဂုံး
နိဂုံးချုပ်အနေနဲ့ ပြောချင်တာကတော့
တကယ်လက်တွေ့ အကောင်အထည်ဖော်ရမဲ့အပိုင်း ဖြစ်ပါတယ်။
အစိုးရအနေနဲ့ ဥပဒေ၊ နည်းဥပဒေ နဲ့
လုပ်ထုံးလုပ်နည်းတွေရေးဆွဲတဲ့အခါ ကျွမ်းကျင်ပညာရှင်တွေ မုချလိုမှာ ဖြစ်ပါတယ်။ အဲဒီအပိုင်းမှာ
ကျွန်တော်တို့ ကူညီလို့ရပါတယ်။
တပြိုင်နက်ထဲမှာပဲ လုပ်ငန်းခွင်
အန္တရာယ်ကင်းရှင်းရေးစနစ်တစ်ခု စတင်ထူထောင်ဘို့ရာ လူတွေကို အသိပညာ ပေးဘို့ လိုပါတယ်။
ဟောပြောပွဲတွေ၊ စာအုပ်စာတမ်းထုတ်ဝေတာတွေ၊ သင်တန်းဖွင့်ပေးတာတွေ စသဖြင့် လုပ်လို့ရပါတယ်။
အစိုးရအနေနဲ့ လုပ်ငန်းခွင်ဝင်မဲ့သူအားလုံး လုပ်ငန်းခွင် အန္တရာယ်ကင်းရှင်းရေးတက်ဘို့လိုတယ်လို့သာ
ပြဌာန်းလိုက်ရင် ကျွန်တော်တို့အနေနဲ့ မြန်မာနိုင်ငံမှာ တကယ့် ပရော်ဖက်ရှင်နယ် သင်တန်းကျောင်းလာဖွင့်လို့ရပါတယ်။
အရေးကြီးတာက သင်တန်းကျောင်း ရှင်သန်လည်ပတ်နေဘို့ ဖြစ်ပါတယ်။
ဒီကိစ္စ အစိုးရအထောက်အကူမပါဘဲ ကျွန်တော်တို့ချည်း
လုပ်ဖို့ရာ မဖြစ်နိုင်ပါဘူး။ ကျွန်တော်တို့အနေနဲ့ မြန်မာပြည် အတွက် ကျရာနေရာကနေလုပ်ပေးဘို့
အမြဲအဆင်သင့်ရှိနေကြောင်း သတင်းစကား ပါးလိုပါတယ်။
ကျေးဇူးတင်ပါတယ်။
=================++++++++++++++++++++=================
