ပလေတိုးနိဒါန်း မိတ်ဆက်

(၁)

ကျွန်တော် ဆရာဇော်ဂျီဘာသာပြန်ထားသည့် ပလေးတိုးနိဒါန်းကို ဖတ်ဖူးသည်မှာ အသက် (၁၉) နှစ်အရွယ်။ ဒေသကောလိပ် ဒုတိယနှစ်ကျောင်းသားဘ၀က ဖြစ်၏။ ထိုစဉ်က ဟင်္သာတမြို့လယ်ရှိ ပြန်ကြားရေးစာကြည့်တိုက်တွင် ဖတ်ခဲ့တာဖြစ်ပါသည်။ သို့သော် ပညာအခံကနည်းသေး၍ ဘာတွေရေးထားမှန်း သေသေချာချာ နားမလည်ခဲ့ပါ။ ယခု ပြန်ဖတ်သည့်အခါကျမှ လုံးစေ့ ပါဠ်စေ့ နားလည်ပါတော့သည်။ သို့မို့ကြောင့် မူရင်းစာ၏ အရသာကို ခုမှ ကျကျနန ခံစားနိုင်ပါတော့၏။

ကျွန်တော်တို့သည် ဟင်းကောင်းကောင်းလေးများနှင့် ထမင်းစားရသည့်အခါ ကိုယ့်ချစ်သူများကို သတိရသကဲ့သို့ စာအုပ်ကောင်းလေးများ ဖတ်ရသည့်အခါတွင်လည်း ချစ်မိတ်ဆွေများကို သတိရမိတတ်၏။ ထို့ကြောင့် ပလေးတိုးနိဒါန်းကို ဖတ်ပြီးသည့်အခါတွင်လည်း မိတ်ဆွေများကို ဖတ်စေချင်သည့် စေတနာပေါ်လာသောကြောင့် ယခုစာကို ရေးလိုက်ရခြင်း ဖြစ် ပါကြောင်း။

(၂)

ပလေးတိုးနိဒါန်းမှာ ဆရာဇော်ဂျီက ပလေးတိုးရေးခဲ့သော စာများအား မြန်မာပရိသတ်နှင့် မိတ်ဆက်ပေးလို၍ ကျမ်းစာများမှ ကောင်းနိုးရာရာများကို ထုတ်နုတ်ဘာသာပြန်ထားခြင်း ဖြစ်၏။

ပလေးတိုးနိဒါန်းအမှာတွင် ဆရာက ပလေးတိုးနိဒါန်းရေးရခြင်းအကြောင်းကို အောက်ပါအတိုင်း -

“ပလေးတိုးနိဒါန်းသည် ရှေးခေတ် ဂရိဒဿနိကဆရာ ပလေးတိုးရေးခဲ့သော ဖီဒရကထာ၊ သီတိတကထာ၊ အိုင်အုန္နကထာ၊ လက်ခီကထာ၊ ခါမိဒိကထာ၊ လိုင်စီကထာ၊ ဂေါဂျိယာကထာ၊ မီနိုကထာ၊ စာပွဲသဘင် ကထာ၊ သမ္မတနိုင်ငံကထာ၊ ချေပချက်ကထာ၊ ခရီတော်ကထာ၊ ဖီဒိုကထာ စာတမ်း (၁၃) ပုဒ်မှ ကောက်နုတ်သောစာများကို မြန်မာဘာသာပြန်လျက် ၁၉၆၁ ခုနှစ်လောက်မှစ၍ မြန်မာစာဖတ်ပရိသတ်အတွက် မိတ်ဆက်သဘောအဖြစ်ဖြင့် ငွေတာရီ မဂ္ဂဇင်း၌ ဖော်ပြခဲ့သော စာစုဖြစ်ပါသည်။ ဤစာစုတွင် ခရီတော်ကထာနှင့် မီနိုကထာ နှစ်ပုဒ်သည် အစအဆုံး အပြည့်အစုံ ဖြစ်၍ ကျန်စာများသည် ကောက်နုတ်ချက်စာများ ဖြစ်သည်။” - ဟု ဖော်ပြထားပါသည်။

ပလေတိုး၏ ကျမ်းစာများမှာ အတော်များ၏။ ကျမ်းစာလေးအုပ်စီပါသောအစုများ (tetralogies) ခွဲလိုက်လျှင် ကိုးစုရသည်။

၁။ Euthyphro, Apology, Crito, Phaedo

၂။ Cratylus, Theaetetus, Sophist, Statesman

၃။ Parmenides, Philebus, Symposium, Phaedrus

၎။ Alcibiadest, Second Alcibiades, Hipparchus, Rival Lovers

၅။ Theages, Charmides, Lches, Lysis

၆။ Euthydemus, Protagoras, Gorgias, Meno

၇။ Greater Hippias, Lesser hippias, Ion, Menexenus

၈။ Clitophon, Republic, Timaeus, Critias

၉။ Minos, Laws, Epinomis, Letters

ထို့ပြင် Definitions, On Justice, On Virtue, Demodocus, Sisyphus, Halcyon, Eryxias, Axiochus, Epigrams တို့လည်း ရှိသေးရာ စုစုပေါင်း ၄၅ စောင်လောက် ဖြစ်ပါသည်။

ထိုသည့်ကျမ်းစာများအနက် ဘယ်နှစ်အုပ်လောက် မြန်မာဘာသာပြန်ပြီးဖြစ်သည်ကို ကျွန်တော်မသိပါ။ ကျွန်တော့်ဆန္ဒကို ပြောရပါမူ အားလုံးကို ဘာသာပြန်စေချင်ပါသည်။ ဒဿနိကဆရာများအား နည်းနည်းချင်းစီ ဘာသာပြန်ကြရန်လည်း တိုက်တွန်းပါ၏။ အမှန်ကိုဆိုရပါမူ ထိုစာများကို အင်္ဂလိပ်လိုဖတ်ရတာ ကျွန်တော့်အနေနှင့် လုံးစေ့ပါဠ်စေ့ နားမလည်ပါ။ ဆရာဇော်ဂျီ၏ ပလေးတိုးနိဒါန်းကို ဖတ်စဉ်တွင်ပင် ယခုတခေါက်ပြန်ဖတ်သည့်အခါမှ နားလည်ပါသည်။

(၃)

ပလေးတိုးနိဒါန်းအား ဆရာဇော်ဂျီမြန်မာမှုပြုထားသည်ကို ဖတ်ရတာ စာအလွန်ချောပါသည်။ စာတစ်လုံးချင်းစီကို လုံးကောက် ဘာသာပြန်ခြင်းမဟုတ်မူ၍ မူရင်းအဓိပ္ပာယ်ကိုလည်း မပျက်စေဘဲ မြန်မာစကားနှင့် ဆီလျော်အောင် ထည့်တန်တာထည့်၊ ဖြုတ်တန်တာဖြုတ် ဘာသာပြန်ထားခြင်းဖြစ်၏။ သို့အတွက် ဆရာကြီးကို ကျွန်တော် အလွန်အထင်ကြီး လေးစားမိပါသည်။ အကယ်၍ ဤစာများကို ကျွန်တော်လုံးစေ့ပါဠ်စေ့ နားလည်သည့်တိုင် ဘာသာပြန်လျှင် ဆရာကြီးကဲ့သို့ စာချောအောင် ဘာသာပြန်နိုင်မည် မထင်ပါ။

ဆရာဇော်ဂျီက ဘာသာပြန်ရာတွင် ခံယူရမည့်သဘောထားကို သူ၏ “ရသစာပေ ဘာသာပြန် ပြဿနာအချို့” စာတမ်းတွင် အောက်ပါအတိုင်း ဖော်ပြထား၏။ (ကျွန်တော်က လိုသလောက်သာ ကောက်နုတ်ထားခြင်းဖြစ်ပြီး အားလုံး အပြည့်အစုံ မဟုတ်ပါ။)

“ဆိုလိုရင်းမှာ ဘာသာပြန်မည်ပြုကြသောအခါ -

(က) မူလစာရေးဆရာသည် သူ့လူမျိုးပရိသတ်၌ မြင်ယောင်ယောင် ကြားယောင်ယောင်ဖြစ်အောင် ပြုတတ်သကဲ့သို့ ဘာသာပြန်သူသည် ကိုယ့်လူမျိုးပရိသတ်၌ မြင်ယောင်ယောင် ကြားယောင်ယောင် တတ်နိုင်သမျှ ပြုတတ်ခြင်းရှိခဲ့လျင်”

ယခု ဆရာဇော်ဂျီ၏ လက်ရာတစ်ခုကို နမူနာပြပါမည်။ မိတ်ဆွေတို့ ခံစားကြည့်ပါ။

SOCRATES: Phaedrus, my friend! Where have you been? And where are you going?

ဆော့ခရတ္တိ။   ။ အချင်း အဆွေကောင်း ဖိဒရ၊ အသင်သည် အဘယ်အရပ်မှလာ၍ အဘယ်အရပ်သို့ သွားမည်ပြုပါသနည်း။

PHAEDRUS: I was with Lysias, the son of Cephalus, Socrates, and I am going for a walk outside the city walls because I was with him for a long time, sitting there the whole morning. You see, I’m keeping in mind the advice of our mutual friend Acumenus, who says it’s more refreshing to walk along country roads than city streets.

ဖီဒရ။   ။ ဆော့ခရတ္တိ၊ ဆိဖလ၏သား လိဆိအဲ့ထံမှ လာပါသည်၊ ယခု မြို့ပြင်တောစခန်းသို့ လမ်းလျှောက်ထွက်မည် ကြံစည်ပါ သည်။ ကျွန်ုပ်သည် လိဆိအဲ့၏အိမ်ခန်း၌ တစ်မနက်လုံးထိုင်ခဲ့သည်။ အကုမိနကို အသင်လည်း သိသည်၊ သူလည်း ကျွန်ုပ်နှင့် အတူရှိသည်၊ ကျောင်းသင်ခန်းထဲမှာ အောင်းနေရသည်ထက် လဟာပြင်သို့ထွက်၍ လမ်းလျှောက်ရသည်က ပိုကောင်းသည်၊ လန်းလန်းဆန်းဆန်းရှိသည်ဟု သူက ပြောလိုက်သည်။

SOCRATES: He is quite right, too, my friend. So Lysias, I take it, is in the city?

ဆော့။    ။ ဟုတ်လှပါပေသည်။ လိဆိအဲ့သည် အက်သင်းမြို့တွင် ယခုရောက်နေသည်ပါ့။

PHAEDRUS: Yes, at the house of Epicrates, which used to belong to Morychus, near the temple of the Olympian Zeus.

ဖီ။    ။ ရောက်နေပါသည်၊ မော်ရိခ၏အိမ်၌ အက်ပိခရတ္တိနှင့်အတူ တည်းခိုနေပါသည်။ မော်ရိခ၏အိမ်ကို အသင်သိပါသလော၊ နတ်မင်းကြီး ဇု၏ နတ်ကွန်းအနီးကအိမ် ဖြစ်သည်။

SOCRATES: What were you doing there? Oh, I know: Lysias must have been entertaining you with a feast of eloquence.

ဆော့။    ။ ဖီဒရ၊ လိဆိအဲ့သည် အသင့်အား အဘယ်စကားကို ပြောဟောလိုက်ပါသနည်း၊ အသင် သဘောကျပါ၏လော၊ အကြောင်းတစ်ခုခုကို လိဆိအဲ့ပြောဟောလိမ့်မည်ဟု ကျွန်ုပ်ထင်သည်။

PHAEDRUS: You’ll hear about it, if you are free to come along and listen.

ဖီ။    ။ ပြောပါသည်၊ ကျွန်ုပ်လမ်းလျှောက်ရာသို့သာ အသင်လိုက်နိုင်လျှင် အသင် ကြားရပါလိမ့်မည်။

SOCRATES: What? Don’t you think I would consider it “more important than the most pressing engagement,” as Pindar says, to hear how you and Lysias spent your time?

ဆော့။    ။ ဖီဒရ၊ အသင်တို့ပြောဟောကြသော စကားကို ကျွန်ုပ်ကြားချင်လှပါသည်၊ တရားနာရသော အလုပ်သည် ‘အလုပ်တကာတို့ထက် မြတ်သောအလုပ်’ ဖြစ်၏ဟု စာဆို ပင်ဒါက ဆိုခဲ့သည် မဟုတ်လော။

PHAEDRUS: Lead the way, then.

ဖီ။    ။ လမ်းလျှောက်ကြရအောင်။

SOCRATES: If only you will tell me.

ဆော့။    ။ အသင်ကလည်း ပြောပြမည် မဟုတ်ပါလော။

PHAEDRUS: In fact, Socrates, you’re just the right person to hear the speech that occupied us, since, in a roundabout way, it was about love. It is aimed at seducing a beautiful boy, but the speaker is not in love with him—this is actually what is so clever and elegant about it: Lysias argues that it is better to give your favors to someone who does not love you than to someone who does.

ဖီ။    ။ ဆော့ခရတ္တိ၊ ကျွန်ုပ်ပြောပြရမည့်အကြောင်းသည် အသင်ပြောဟောဖူးသော အကြောင်းမျိုးပင် ဖြစ်သည်။ မေတ္တာ၏ သဘောအကြောင်း ဖြစ်သည်၊ အရပ်ကြိုက် ပေါ်ပင်အကြောင်းဖြစ်သည်။ ယခုတလောတွင် လိဆိအဲ့သည် မေတ္တာရှိသူ မဟုတ်သောသူက မေတ္တာစကားဖြင့် ပိုးလားပန်းလားလုပ်လာသဖြင့် မတွေးတတ် မကြံတတ် အကျပ်ကြုံနေရသော လုလင်ပျို လူချောလူလှတစ်ယောက် အကြောင်းကို စာတမ်းတစ်ပုဒ်ဖြစ်အောင် ရေးသည်။ ထိုစာတမ်း၏ လိုရင်းအချက်သည် မေတ္တာရှိသူကို လက်ခံရခြင်းထက် မေတ္တာရှိသူ မဟုတ်သောသူကို လက်ခံရသည်က သာ၍ကောင်းသည်ဟူသော အချက်ဖြစ်သည်။ ထိုအချက်ကို ပရိသတ်အတွက် နှစ်သက်လက်ခံစရာဖြစ်လာအောင် အာဝဇ္ဇန်းခပ်ဝေေ၀ လက်တန်းဉာဏ် ခပ်ပွေပွေဖြင့် လိဆိအဲ့က တင်ပြထားသည်။

SOCRATES: What a wonderful man! I wish he would write that you should give your favors to a poor rather than to a rich man, to an older rather than to a younger one—that is, to someone like me and most other people: then his speeches would be really sophisticated, and they’d contribute to the public good besides! In any case, I am so eager to hear it that I would follow you even if you were walking all the way to Megara, as Herodicus recommends, to touch the wall and come back again.

ဆော့။     ။ ရွေ့၊ လိဆိအဲ့သည် ချီးကျူးစရာပါပေ၊ ထိုသို့သာ တင်ပြတတ်သည်ဖြစ်လျှင် ကျွန်ုပ်သည် ၀ါစနာလင်္ကာ စာရေးဆရာ လိဆိအဲ့အား သူကြွယ်ထက်သူဆင်းရဲအကြောင်းကို အသားပိုပေး၍ ရေးစေချင်သေးသည်၊ ပျိုမျစ်သူထက် ဇရာအိုအကြောင်းကို အသားပိုပေး၍ ရေးစေချင်သေးသည်။ ထိုသို့သာ ရေးမည်ဆိုလျှင် ကျွန်ုပ်၏ ဘ၀အကြောင်းလည်း ပါလာနိုင်၍ လူများစု၏ ဘ၀အကြောင်းလည်း ပါလာနိုင်မည်ဖြစ်သည်။ လူဆင်းရဲလူမွဲအကြောင်း၊ ဇရာအိုအကြောင်း အကောင်းရေးသော စာတမ်းမျိုးသည် အသစ်အဆန်း စိတ်ချမ်းမြေ့စရာဖြစ်မည်။ လူခပ်သိမ်းကို အကျိုးပြုသည်လည်း မည်ပေလိမ့်မည်။ ကောင်းပါပြီ။ လိဆိအဲ့တင်ပြသည်ဆိုသော အချက်ကို ကျွန်ုပ်နာချင်လှပါပြီ။ အချင်း ဖီဒရ၊ သူ့စာကိုသာ နာရသည်ဖြစ်လျှင် အသင်နှင့်အတူ ငါးမိုင်လောက်ဝေးသော မီဂရမြို့အထိ ခြေကျင်လျှောက်ရစေကာမူ ကျွန်ုပ်လိုက်မည်။ မီဂရမြို့မှာမနားဘဲ ချက်ချင်းပင် ခြေကျင်ပြန်လာစေကာမူ ကျွန်ုပ်လိုက်မည်။

ဤသည်မှာ ဘာသာပြန်ခြင်းအနုပညာ ဖြစ်ပါသည်။ ဆရာဘာသာပြန်ထားတာကို ဖတ်ကြည့်ပါ။ ဘာသာပြန်ထားမှန်းကို မသိရ။ သူ့ဘာသာ ရေးထားသကဲ့သို့ ထင်ရသည်။

ကြည့်ပါခင်ဗျာ။ ဆရာက older နှင့် younger ကို ဇရာအိုနှင့် ပျိုမျစ်သူ ဟု ပြန်ဆိုထားသည်မှာ မည်မျှ လှလိုက်ပါသလဲ။ ဤသည်မှာ အတတ်ပညာဖြစ်သည်။ မိမိဘာသာရပ်ကို ခြေခြေမြစ်မြစ် နားလည်ခြင်း ဖြစ်သည်။

ဤသည့်အကြောင်းကို ဆရာမင်းသုဝဏ်က ဘာသာပြန်နှင့်ပတ်သက်၍ သူ့ဟောပြောချက်တွင် -

“ဘာသာပြန်ဆရာအကျော်အမော်တို့၏ လုပ်ငန်းများကို လေ့လာကြည့်သောအခါ အောက်ပါလိုလားအပ်သော အချက် (၃) ရပ်ကို တွေ့ရပါသည်။

(၁) ဘာသာပြန်သူသည် ကိုယ့်ဘာသာရပ်ကို ခြေခြေမြစ်မြစ်နားလည်ရမည်။

(၂) ဘာသာပြန်သူသည် သူ့ဘာသာစကားကို ခြေခြေမြစ်မြစ်နားလည်ရမည်။

(၃) ဘာသာပြန်သူသည် မိမိပြန်ဆိုမည့်စာအုပ်ကို သို့တည်းမဟုတ် ပညာရပ်ကို ခြေခြေမြစ်မြစ်နားလည်ရမည်။”

ဟု ညွှန်ပြထားပါသည်။

အချက်ပါ (၃) ရပ်နှင့်မပြည့်စုံသူတို့၏ ဘာသာပြန်လက်ရာများကို ဖတ်ရလျှင် ပထမစာတစ်ကြောင်းနှင့်ပင် ဘာသာပြန်ဆိုတာ သိနိုင်လေတော့၏။

(၄)

အထူးခြားဆုံးမှာကား ပလေးတိုးနိဒါန်းတွင် ဆရာက လူတို့၏ စိတ်နေသဘောထားကိုပါ သရုပ်ပေါ်အောင် ရေးဖွဲ့ပြနိုင်ခြင်းပင် ဖြစ်ပါသည်။ ဖတ်နေရင်းနှင့်ပင် ဆော့ခရတ္တိက ဘယ်လိုလူစားမျိုး၊ မီနိုဆိုတာ ဘယ်လိုလူစား၊ ခရီတော်ဆိုတာ ဘယ်လိုလူစား ခန့်မှန်းနိုင်သည်။ ထိုအကြောင်းကိုလည်း ပလေးတိုးက ထိုသူများ မည်ကဲ့သို့စိတ်နေသဘောထားရှိကြောင်း သရုပ်ဖော် ရေးဖွဲ့ထားသည်ကို အင်္ဂလိပ်ဘာသာပြန်ဆရာများက အနီးစပ်ဆုံး ဘာသာပြန်နိုင်ခဲ့ကြသည်ဟု ဖော်ပြထားသည်။ အင်္ဂလိပ်ဆရာများဘာသာပြန်ထားသည်ကို မူရင်း ပလေးတိုး၏ အာဘော်မိအောင် ဆရာက ရေးဖွဲ့ပြနိုင်သည်မှာ ၎င်း၏ ထူးခြားသော အရည်အချင်းပင်ဖြစ်ပါသည်။ 

ပလေးတိုးနိဒါန်းတွင် ကျွန်တော်အကြိုက်ဆုံးအခန်းကို ပြပါဆိုလျှင် ချေပချက်ကထာနှင့် ဆော့ခရတ္တိ၏ ဘ၀နိဂုံးပိုင်း ဖြစ်ပါသည်။ အခန်းအားဖြင့် -

ချေပချက်ကထာမှ -

၁၉။ ဆော့ခရတ္တိ၏ ပညာရှိသဘော အယူအဆ

၂၀။ ဆော့ခရတ္တိ၏ မှက်ရဲဥပမာ

၂၁။ ဆော့ခရတ္တိ၏ လူဖြစ်ကျိုးမနပ် တရား

ခရီတော်ကထာမှ -

၂၂။ ဆော့ခရတ္တိ၏ အရပ်ထင်မြင်ချက်အယူအဆ

၂၃။ ဆော့ခရတ္တိ၏ နိုင်ငံသားကောင်း အယူအဆ

ဖီဒေါ်ကထာမှ -

၂၄။ ဆော့ခရတ္တိ၏ ဘ၀နိဂုံး

စာဖတ်ဝါသနာပါသူ မိတ်ဆွေများအား ဖတ်ဖြစ်အောင် ဖတ်ကြည့်ကြပါဟု တိုက်တွန်းလိုက်ရပါကြောင်း။

ကျေးဇူးတင်ပါသည်။

အေးငြိမ်း

၎ ဖေဖော်ဝါရီ၊ ၂၀၁၇။ နံနက် ၅း၃၀ နာရီ

လုပ်သားပြည်သူများ အန္တရာယ်ကင်းရေး ဟောပြောပွဲ

စင်ကာပူနိုင်ငံမှ Safety For Myanmar Nation အဖွဲ့နှင့် မြန်မာနိုင်ငံမှ Safety People in Myanmar တို့ပူးပေါင်း၍ အများပြည်သူ အန္တရာယ်ကင်းရေး ဟောပြောပွဲတစ်ခုကို ၂၀၁၇ ခုနှစ် ဇန္န၀ါရီလ ၂၈ ရက်နေ့တွင် ရန်ကုန်မြို့၊ ပန်းလှိုင်လမ်း၊ အမှတ် ၄၅ ရှိ Mahlzeit Restaurant, ပထမထပ်။ အမှတ် ၈၄၊ ပန်းလှိုင်လမ်း၊ စမ်းချောင်း (အာရှတော်ဝင်ဆေးရုံအနီး) တွင် ပြုလုပ်ခဲ့ပါသည်။

အနီးကပ်မှ MES က အခန်းအဆင်မပြေပါ၍ နေရာပြောင်းလိုက်ရပါသည်ဆိုတော့ အင်း၊ လာနားထောင်မဲ့ ပရိသတ် ရှိ၊ ရှိပါ့မလား ဟု စိတ်ထဲတွင် အတော်ထင့်နေမိ။ ထို့ကြောင့် မမတို့ကို ဟဲ့၊ ကြာဇံကြော်ကို ၂၅၀ မလုပ်နဲ့။ တော်ကြာပိုနေမှ အလကားဖြစ်ကုန်မယ်။ လူ ၂၀၀ စာပဲလုပ်။ ၂၀၀ တောင်လာပါ့မလား ဟု မှာရ၏။

သို့တိုင် အလွန်လျှင်မြန်လှသော ဖေ့စ်ဘုတ်တန်ခိုးကို ယုံကြည်ကိုးစားသည်ဖြစ်ရာ Account နှစ်ခု Page နှစ်ခုရှိသော ကျွန်တော့်အဖို့ သိပ်တော့လည်း အရမ်းမစိုးရိမ်မိပါ။ ရက်သိပ်နည်းနေ၍ စိတ်ထင့်နေတာသာ ဖြစ်ပါသည်။ ကျွန်တော်တို့ ပရိသတ်ကလည်း သစ္စာရှိပါသည်။ သတင်းအချိန်မီမရ၍ MES သို့ရောက်သွားသူများပင် နေရာသစ်သို့ ရောက်အောင် လာကြပါသည်။

သို့အတွက် တက်ရောက်လာသူ ၁၅၀ ကျော် ရှိပါသည်။ လာရောက်နားထောင်သူအားလုံးကို ကျေးဇူးတင်ပါကြောင်း ဤနေရာမှ မှတ်တမ်းတင်အပ်ပါ၏။ အထူးအားဖြင့် ဟောပြောပွဲဖြစ်မြောက်ရေးအတွက် အကူအညီပေးခဲ့သော Safety People in Myanmar မှ ဆရာဦးအောင်ကိုးနှင့် အဖွဲ့သားများ၊ Global Enchanting မှ ၀န်ထမ်းများ၊ ဗီဒီယိုရိုက်ကူးပေးသော ကိုခန့်လူနှင့်အဖွဲ့၊ ကျွန်တော့်နှမများ၊ (Safety for Myanmar Nation အဖွဲ့သားများလည်းပါပါသည်) အား အထူးကျေးဇူးတင်ပါသည်။

လာရောက်နားထောင်သည့် ပရိသတ်၏ စိတ်ဝင်စားမှု၊ အားတက်သရောဆွေးနွေးမှု၊ မေးမြန်းမှုများကို တွေ့ရသည့်အခါ တစ်ခါဖြင့် ငါတို့လုပ်ရတာ ပင်ပန်းရကျိုးနပ်ပေစွဟု အထူးပင် နှစ်ထောင်းအားရဖြစ်မိပါသည်။

ပထမတော့ ကျွန်တော်က နေ့လည်ပိုင်းမှာ အတော်များ ပြန်ကုန်ကြမလားဟု အနည်းငယ် ရင်ထိတ်မိသေး၏။ သို့သော် ကိစ္စရှိသူ တစ်ဦးတလေမှလွဲ၍ အားလုံး မိမိနေရာတွင်ပင် တွေ့ရပါသည်။ ထို့အတွက်လည်း ပိုမိုဝမ်းသာရပါ၏။ ကျွန်တေ်ာက မနက်ပိုင်းပြောတာဖြစ်၍ နေ့လည်ပိုင်းပြောမည့်သူများအလှည့်တွင် လူတစ်ဝက်လောက်သာ ကျန်တော့မည်ဆိုပါက သူတို့ကို အားနာနေရဦးမည်။

မမတို့လည်း ညက နာရီပြန် ၂ ချက်ထိုးသည်ထိ ချက်ဘို့ပြုတ်ဘို့ ပြင်ကြဆင်ကြသည်။ မနက်လည်း ၄ နာရီကျော်လောက် ကတည်းကထပြီး ချက်ပြုတ် ကျော်လှော်ကြပြန်သည်။ သဟာတောင်မှ နေ့လည်စာအတွက် နာရီဝက်နီးပါးလောက် နောက်ကျမှ ရောက်လာသည်။

ကျွန်တော်တို့က အချိန်ကို ကွက်တိဖြစ်အောင် ပြောသည်။ ထို့ကြောင့် အချိန်ဇယားအတိုင်း ၁၁း၃၀ တွင် အပြောရပ်။ ၁၁း၃၀ မှ ၁၂း၀၀  အမေးအဖြေကဏ္ဍ ပေါ့။ သို့သော် အမေးအဖြေက ၁၁း၅၀ လောက်တွင် ပြီးသည်။ အမေးအဖြေပြီးလို့ ကိုင်း၊ ဆရာတို့ စားစရာတွေ ရောက်ပြီလားဆိုတော့ လာတော့နေပြီ။ မိနစ် ၂၀ လောက်ကြာမှရောက်မည် ဆို၏။ ဒီလိုဆို အလကားနေအလကား ကျွန်တော် ဆက်ပြောမယ်ဆိုပြီး (လူကလည်း ပြောဘို့ အခွင့်အရေးချောင်းနေတာဆိုတော့) ပြောဘို့ပြင်။ ကိုအောင်ကိုးက အစ်ကို ကျွန်တော်ပြောထားနှင့်လိုက်ရမလား။ ကျန်တာ နေ့ခင်းပိုင်းဆက်ပေါ့ ဆိုတော့ နေပါစေဗျာ။ ကျွန်တော်ဘဲ ဆက်ပြောလိုက်ပါမယ် ဟု အတင်းနေရာလုကာ (သူများနားထောင်ချင်မှန်းမသိ၊ မထောင်ချင်မှန်းမသိ) အတင်း ဆရာလုပ်လေ၏။

တခြားဟုတ်ပါရိုးလားခင်ဗျာ။ လူတိုင်းလူတိုင်း မိမိတာဝန်ကိုမိမိယူမည်ဆိုပါက နောက်ပြီး ရိုးသားခြင်း ဆိုတာကလေးကို ထပ်ဆောင်းလိုက်မည်ဆိုပါက ကျွန်ုပ်တို့ လူ့လောကကြီး အတော်ကိစ္စပြီးသွားမည် ဆိုသည့်အကြောင်း ဖြစ်ပါသည်။

ကျွန်တော်ကတော့ ဟောပြောပွဲ သို့မဟုတ် တရားပွဲ စသည်တို့သွားသည့်အခါတိုင်း မှတ်စုစာအုပ်ယူသွားကာ မှတ်စုစာအုပ် ထဲ၌ ရေးမှတ်ထားကြောင်း ကို တရုတ်စကားပုံ ကိုးကား၍ ပြောပါသည်။ တရုတ်စကားပုံက -

“အမှိန်ဆုံးသော မှင်သည် အကောင်းဆုံးသော မှတ်ဉာဏ်ထက် သာ၏” ဟူ၍ဖြစ်၏။ ယခု ကျွန်တော်တို့ ပြောခဲ့သည်များကို နောက်အပတ်ကျ မှတ်မိပါတော့မည်လား။ နောက်လဆိုလျှင် ခေါင်းစဉ်တောင် မနည်းပြန်စဉ်းစားရတော့မည်။ နောင်နှစ်ဆိုလျှင်တော့ ခပ်ရေးရေးမှတ်မိသည့်တိုင် အကုန်ပြန်မှတ်မိဘို့ဆိုတာ မည်သည့်နည်းနှင့်မျှ မလွယ်တော့ပါ။ (နမူနာ ပြရလျှင် ကျွန်တော် ဤစာကိုရေးနေရင်း ဒေါ်အောင်ဆန်းစုကြည် စင်ကာပူလာစဉ် မြန်မာများနှင့်တွေ့ကာ ပြောခဲ့သည်များကို ပြန်တွေးကြည့်မိရာ ဘာတွေပြောသွားမှန်း မမှတ်မိတော့ပါ။ ဒါထင်ပါရဲ့ဟု ခပ်ဝါးဝါးသာ မှတ်မိပါတော့သည်။)

ယခုတော့ မှတ်စုစာအုပ်မသုံးဖြစ်တော့ပါ။ ဖုံးထဲတွင် အသံသွင်းထားပါသည်။ နောက်ပြီး ထိုအသံဖိုင်ကို ကွန်ပြူတာ၊ external hard disk စသည်တို့၌ သိမ်းထား၏။ လိုသည့်အခါ ပြန်နားထောင်လို့ရသည်။ မှတ်စုစာအုပ်၏ အားသာချက်မှာ အရေးကြီးသည်များကိုသာ မှတ်ထားခြင်းဖြစ်၍ အချိန်ကုန်သက်သာသည်။ လိုချင်သည်ကို တန်းကနဲ သိနိုင်သည်။

နောက်ပြီး ကိုယ့်တာဝန်ကိုယ် ယူကြဘို့အကြောင်း ပြောပါသည်။ မည်သည့်အလုပ်ကိုလုပ်သည်ဖြစ်စေ ရိုးရိုးသားသားနှင့် မခို မကပ်၊ မလိမ်မညာဘဲ လုပ်ကြဘို့။ ဆရာဆရာမများကလည်း သင်ကာမတ္တမျှမဟုတ်ဘဲ မိမိတာဝန်ကို ကျေပွန်အောင် ရိုးရိုး သားသားနှင့် စေတနာထား သင်ကြဘို့ ကျောင်းသားကလေးများကလည်း စာကျက်ကာမတ္တမျှမဟုတ်ဘဲ ကြိုးစားပမ်းစား လေ့လာကြဘို့၊ သို့မှ တော်တည့်ထက်မြက်သော လူတော်လူကောင်းကလေးများ မွေးထုတ်နိုင်ကာ နိုင်ငံတကာနှင့် ရင်ဘောင် တန်းနိုင်မည့် မြန်မာနိုင်ငံကို ထူထောင်နိုင်မည်ဖြစ်ကြောင်း၊ ကိုယ့်အသိပညာ ဗဟုသုတများကို ဝေမျှနေခြင်း၊ မိမိပတ်ဝန်းကျင် ရှိ သားသမီး၊ တူတူမ စသည်တို့ကို ပြောဆိုပြသ ဆိုဆုံးမနေခြင်းသည်လည်း တိုင်းပြည်တိုးတက်အောင် ဆောင်ရွက်နေခြင်း ပင်ဖြစ်ကြောင်း၊ ဤကဲ့သို့ ပြောဆိုဆုံးမနိုင်အောင် မိမိကိုယ်၌ကလည်း မိမိပတ်ဝန်းကျင်၏ စံပြဖြစ်အောင် နေထိုင်ဘို့ လိုကြောင်း blah blah blah . . . .

နာရီဝက်လောက်ပြောအပြီး စားစရာတွေ ရောက်ပြီလား ဆိုတော့ ရောက်ပါပြီ။ အားလုံးကို ဝေဘို့ ပြင်ဆင်နေပါကြောင်း သိရသည်နှင့် ကိုင်း၊ ခင်ဗျားတို့လည်း ခုလောက်ဆို တော်တော်နားပူသွားရောပေါ့။ အခန်းရှေ့မှာ ကြာဇံကြော်ကို ဖေ့ာဘူးတွေနဲ့ ပြင်ထားပါတယ်။ တစ်ယောက်ချင်း တန်းစီပြီး ယူကြပါ ဟု တန်းဖြုတ်လိုက်၏။

စားသောက်အပြီး စကားစနေပြောကြ၊ သိလိုသည်များ မေးကြမြန်းကြနှင့်ပင် တစ်နာရီ တီးလေ၏။ ကိုအောင်ကိုးက မြန်မာနိုင်ငံ၌ လုပ်ငန်းခွင်အန္တရာယ်ကင်းရှင်းရေးလုပ်ရာတွင် တွေ့ကြုံနေရသော စိန်ခေါ်မှုများအကြောင်းကို လက်တွေ့ သာဓက ဓာတ်ပုံများဖြင့် အာပေါင်အာရင်းသန်သန်နှင့် အားရပါးရ ပြောသွား၏။

ကိုအောင်ကျော်ဝင်းကတော့ ယခုမှပြောခါစဆိုတော့ ဒူးတုန်နေလေ၏။ သူပြောပြီးတော့ ကျွန်တော်က ပါဝင်အားဖြည့်ပေးပါ သည်။ ပရိသတ်သိလိုသည်များကိုလည်း ပြန်လည်ဖြေကြားပေးပါသည်။

၃ နာရီခွဲလောက်တွင် အားလုံးပြီးသည်။

ထို့နောက်တော့ အမှတ်တရ ဓာတ်ပုံရိုက်ကြ၊ စာအုပ်ပေါ် လက်မှတ်ရေးထိုးကြ၊ မိတ်ဆက်ကြနှင့် တပျော်တပါးကြီး ဖြစ်ပါ၏။

ပန်ဂိုလင်းက ဓာတ်ငွေ့တိုင်းသည့်မီတာများ ယူလာကာ ပြသပေး၊ ရှင်းလင်းပေး၏။

Nanova ကုမ္ပဏီက ကျွန်တော်တို့ ယခုဟောပြောပွဲအတွက် ကျပ် ငါးသိန်း ပံ့ပိုးပါသည်။ ထို့အတွက် Nanova ကုမ္ပဏီ နှင့် ၀န်ထမ်းများအားလည်း အထူးကျေးဇူးတင်ပါကြောင်း၊ နောင်လည်း ဆက်လက်ပံ့ပိုးပေးလိမ့်မည်ဟု မျှော်လင့်ပါကြောင်း။ (ကျွန်တော်တို့အဖွဲ့က သိပ်ရံပုံငွေမတောင့်ဘူးခင်ဗျ။)။

တခါတရံ အဆင်မပြေမှုများသည် ပိုကောင်းလာဘို့အတွက်လည်း ဖြစ်တတ်၏။

MES တွင် နေရာအဆင်မပြေ၍ သည်နေရာသို့ရွှေ့လိုက်ရသည့်တိုင် ယခုအခန်းမှာ MES အခန်းနှင့်စာလျှင် အပုံကြီးသာသည်။ အိမ်သာများမှာလည်း အလွန်ကောင်းသည်။ နေရာလည်း ကျယ်သည်။ (Of course, ပိုက်ပိုက်ကလေးကလည်း ကောင်းသပေါ့ ခင်ဗျာ။) ထို့ကြောင့် ကျွန်တော်ကတော့ ပိုက်ဆံအနည်းငယ်ပိုကုန်သွားသည့်တိုင် MES မှာ အခန်းမရတာကိုပင် ကျေးဇူးတင်နေပါသေးသည်။ Sponsor သာရှိပါက နောင်လည်း သည်အခန်းမှာပင် လုပ်မည်ဟု စိတ်ကူးမိပါသည်။ အဲလေ အားလုံးသဘောတူတယ် ဆိုရင်ပေါ့။

ကျွန်တော်တို့ပြောခဲ့သော ဆလိုက်အားလုံးကို mediafire မှတဆင့် ရှယ်လိုက်ပါသည်။ ကြိုက်သလို အသုံးပြုကြပါကုန်။ မိမိဒေသ၊ ကုမ္ပဏီ၊ ရပ်ရွာများ၌ ဤဆလိုက်များသုံးပြီး ဟောပြောလိုပါလျှင် ရှေ့ဆုံးဆလိုက်မှကျွန်တော့်နာမည်ကိုဖြုတ်ကာ သုံးနိုင်ပါသည်။

ကျွန်တော့် နေအိမ်အန္တရာယ်ကင်းဝေးရေး ကို အပြည့်အစုံပြန်ရေးထားတာကိုပါ မျှဝေပါသည်။ မိတ္တူကူးကာ အများ ပြည်သူများထံ များနိုင်သမျှများများ ဖြန့်ဝေပေးကြပါ။ (မနေ့က ကျွန်တော့်ထံမှ Thumb Drive ဖြင့် ကူးသွားသူများ home safety ဖိုင်ကို အခန်းအနားမှုးစကားပြောရန်ပြင်ထားသည့်ဖိုင်နှင့် မှားပေးလိုက်မိပါသည်။ ယခု mediafire တွင်တင်ထားသည့် ဖိုင်ကို download လုပ်ယူကြပါ ဆိုသည့်အကြောင်း။

Home Safety (U Aye Nyein)

http://www.mediafire.com/file/1j76natscy5z308/Home+Safety.pptx  

စာအပြည့်အစုံ

http://www.mediafire.com/file/spgnxe9wrzwmg8p/Home+Safety.pdf

Work At Height (U Myo Htet)

http://www.mediafire.com/file/zi1qrgrs3uyeodo/Presentation+WAH+-amended.pptx

Challanges of Safety in Myanmar (U Aung Koe)

http://www.mediafire.com/file/q8v96qldawga0gq/Safety+Briefing+28.01.2017+%282%29.pptx

Working Safely in Confined Space (U Aung Kyaw Win)

http://www.mediafire.com/file/d4fqpnjd2l7cj2a/26012017_Working+safely+in+Confined+Space.pptx

ကျေးဇူးတင်ပါသည်။

အေးငြိမ်း

၂၉ ဇန္န၀ါရီ၊ ၂၀၁၇။ နံနက် ၇း၁၀ နာရီ

နေအိမ်တွင်း အန္တရာယ်ကင်းရှင်းရေး

ယေဘူယျအန္တရာယ်များ

အန္တရာယ်ဖြစ်ရခြင်း၏ အဓိကအကြောင်းမှာ လူတို့၏ ဂရုမစိုက်၊ ပေါ့လေးတဆ၊ နမော်နမဲ့ ပြုမူမှုများကြောင့် ဖြစ်တာ များပါသည်။ မိမိတို့လုပ်သည့် အလုပ်အားလုံးကို သတိရှိစွာဖြင့် သေသေချာချာ ကျကျနနလုပ်ခြင်းဖြင့် မဖြစ်တန်တာ မဖြစ်ရလေအောင် တားဆီးနိုင်သည်။

ပေါ့လေးတဆ ပြုမူခြင်း၊

၁။ ကလေးငယ်များ အန္တရာယ်ကင်းရှင်းရေး

ဖြစ်နိုင်သည့် အန္တရာယ်များ

Ø  အိမ်သုံးဆေး၊ ပိုးသတ်ဆေး၊ ရေနံ၊ ဓာတ်ဆီ၊ ဒီဇယ်၊ ချောဆီ စသည့် အန္တရာယ်ရှိသော ဓာတုပစ္စည်းများကို ကလေးများ လက်လှမ်းမီသည့်နေရာ၊ ကြမ်းပြင် စသည့်နေရာများတွင်ထား၍ ကလေးများဆွဲလွဲကာ ပါးစပ်ထဲထည့်မိပြီး သေဆုံးခြင်း

Ø  ပလပ်ပေါက်များအတွင်း လက်နှိုက်သဖြင့် ဓာတ်လိုက်ခြင်း

Ø  ချွန်၊ ထက်၊ ရှသော ဓား ကပ်ကြေး စသည်တို့ကို ကြမ်းပြင်ပေါ်ထားသဖြင့် ကလေးများ ဆွဲလွဲကစားရာမှ ထိုးမိ၊ ရှမိခြင်း

Ø  ရေနွေးအိုးကို ဆွဲချလိုက်၍ ရေနွေးပူလောင်ခြင်း

Ø  ကစားစရာ၊ ဘောလုံးသေး၊ ဂေါ်လီလုံး၊ ကြယ်သီး၊ ဆပ်ပြာခဲ၊ စသည့် သေးငယ်သောပစ္စည်းများကို ပါးစပ်တွင်းထည့်မိရာမှ လည်ချောင်းတွင်တစ်ကာ အသက်ရှုကြပ် သေဆုံးခြင်း

Ø  မီးခြစ်နှင့်ကစားရာမှ မီးလောင်ခြင်း

Ø  ကြိုးများနှင့်ကစားရာမှ ကိုယ်လုံးကို ကြိုးများနှင့်ချည်မိခြင်း၊ အဆိုးဆုံးအခြေအနေတွင် လည်ပင်းကို ကြိုးနှင့်ပတ်မိခြင်း

Ø  အကာအရံမရှိသော ကြမ်းပြင်အစွန်းများမှ လိမ့်ကျခြင်း

Ø  တံခါးကြား လက်ညပ်မိခြင်း

Ø  ခုံနိမ့်များပေါ်တွင် တင်ထားသော ပစ္စည်းများကို ဆွဲချရာမှ ခေါင်း၊ ကိုယ်များပေါ်ကျကာ ထိခိုက်ဒဏ်ရာရခြင်း

Ø  သံပန်း၊ သံတံခါးများပေါ်တက်ရာမှ ပြုတ်ကျခြင်း

Ø  ရေတွင်း၊ ရေကန်၊ တိုင်ကီများအတွင်း ပြုတ်ကျ၍ ရေနစ်သေဆုံးခြင်း

Ø  တိရိစ္ဆာန်များကြောင့် ထိခိုက်ဒဏ်ရာရခြင်း

ကာကွယ်ရန် နည်းလမ်းများ

Ø  အိမ်သုံးဆေး၊ ပိုးသတ်ဆေး၊ ရေနံ၊ ဓာတ်ဆီ၊ ဒီဇယ်၊ ချောဆီ စသည့် အန္တရာယ်ရှိသော ဓာတုပစ္စည်းများကို ကလေးများ လက်လှမ်းမီသည့်နေရာတွင် အလွယ်တကူမထားပါနှင့်။

Ø  မြန်မာပြည်မှ ပလပ်ပေါက်များတွင် အပိတ်မပါပါ။ ထို့ကြောင့် ပလပ်ပေါက်၊ မီးခလုတ်များကို ကလေးများ လက်လှမ်းမမီနိုင်သည့်အမြင့် (ဥပမာ - အမြင့် ၅ ပေ) တွင် တပ်ဆင်ပါ။

Ø  ချွန်ထက်၊ ထက်၊ ရှသော ဓား ကပ်ကြေး စသည်တို့ကို ကလေးများ လက်လှမ်းမီသည့်နေရာတွင် အလွယ်တကူ မထားပါနှင့်။ စင်နှင့် စနစ်တကျထားပါ။

Ø  ပူနေသော ရေနွေးအိုးကို ကလေးများလက်လှမ်းမီသည့်နေရာတွင် မထားပါနှင့်။

Ø  ကစားစရာ၊ ဘောလုံးသေး၊ ဂေါ်လီလုံး၊ ကြယ်သီး၊ ဆပ်ပြာခဲ၊ ဆီးဖြူသီး စသည့် သေးငယ်သောပစ္စည်းများကို ဘူးများ၊ အိတ်များအတွင်း လုံခြုံစွာ သိမ်းဆည်းထားပါ။

Ø  မီးခြစ်၊ ဖယောင်းတိုင်စသည်တို့ကို ကလေးများ လက်လှမ်းမီနိုင်သည့်နေရာတွင် အလွယ်တကူမထားပါနှင့်။

Ø  အိမ်တွင်ကြိုးများရှိလျှင် သေချာစွာခွေပြီး သိမ်းဆည်းထားပါ။

Ø  ကြမ်းပြင်အစွန်းအားလုံးကို ကာရံထားပါ။ ပွင့်နေသော အပေါက်များအား သေချာစွာ ဖုံးကာထားပါ။

Ø  တံခါးများကို ဖွင့်ထားသည့်အခါ အလွယ်တကူ မပိတ်နိုင်စေရန် တံခါးခုတုံးနှင့် သေချာစွာခုထားပါ။

Ø  ပစ္စည်းများ၊ အထူးသဖြင့် လေးလံသောပစ္စည်းများကို ခုံနိမ့်များပေါ် တင်မထားပါနှင့်။ တောင်း၊ ပုလုံး၊ ပုံးများတွင်ထည့်ပြီး သိမ်းဆည်းပါ။

Ø  အိမ်တွင် ကလေးများတက်နိုင်သည့်နေရာ၌ သံပန်း၊ သံတံခါး စသည်တို့ရှိပါက ကလေးများတွယ်တက်ပြီး ပြုတ်ကျနိုင်သဖြင့် အထူးသတိထားပါ။

Ø  ရေကန်၊ တိုင်ကီများကို ဖုံးအုပ်ထားပါ။ ရေတွင်းနှုတ်ခမ်းသည် မြေပြင်နှင့်တပြေးတည်းမထားပါနှင့်။ ကျန်းမာရေးနှင့်လည်း မညီညွတ်ပါ။ ရေတွင်းပတ်လည်ကို အနည်းဆုံး ၃ ပေခန့်မြင့်သော အုတ်နံရံဖြင့် ကာပေးထားပါ။

Ø  ကလေးများကို တိရိစ္ဆာန်များနှင့် သူတို့ချည်း မကစားပါစေနှင့်။ ကစားသည့်အခါ လူကြီးများက ဘေးနားတွင် ကြည့်ရှု စောင့်ရှောက်ပေးပါ။

၂။ သက်ကြီးရွယ်အိုများ အန္တရာယ်ကင်းရှင်းရေး

ဖြစ်နိုင်သည့် အန္တရာယ်များ

Ø  ကြမ်းပြင်ပေါ်တွင် မူးမိုက်လဲကျခြင်း

Ø  ရေစိုနေသည့်ကြမ်းပြင်ပေါ်တွင် ချော်လဲခြင်း

Ø  အိမ်သာ အထိုင်အထတွင် လဲကျခြင်း

Ø  အမြင့်တစ်နေရာမှ ပြုတ်ကျခြင်း

Ø  မျက်စိမှုန်နေသောကြောင့် ဆေးမှားသောက်မိခြင်း

Ø  လည်ချောင်းနင်ခြင်း

ကာကွယ်ရန် နည်းလမ်းများ

Ø  ဖုံးဖြေရန်သွားသည့်အခါ အလျင်မလိုပါနှင့်။ ဖြည်းဖြည်းသာ သွားပါ။

Ø  အိမ်သာတွင် ထိုင်ထလုပ်သည့်အခါ ကိုင်ရန် လက်ကိုင်တန်းများ တပ်ဆင်ထားပါ။

Ø  အိပ်ယာမှနိုးသည့်အခါ ချက်ချင်းမထပါနှင့်။ အနည်းဆုံး ၃ မိနစ်လောက် လှဲနေပြီးမှ ဖြည်းညင်းစွာထပါ။

Ø  ရေစိုနေသည့်ကြမ်းပြင်ပေါ်သွားသည့်အခါ အထူးသတိထား၍ သွားပါ။ ချော်လဲတတ်သည်။

Ø  လှေခါး အတက်အဆင်းလုပ်သည့်အခါ လက်ရမ်းတန်းကိုကိုင်ပြီး တက်/ဆင်းပါ။

Ø  ကိုယ်ခန္ဓာ ကျန်းမာကြံ့ခိုင်စေရန် လမ်းလျှောက်လေ့ကျင့်ခန်းလုပ်ပါ။ ထို့ပြင် အောက်ပါအတိုင်း ပုံမှန် လေ့ကျင့်ခန်းလုပ်ပါ။

Ø  လမ်းလျှောက်လျှင် အဖော်တစ်ယောက်ပါပါစေ။

Ø  အိပ်ခန်းထဲတွင် ဆီးအိုးထားပြီး ညရေးညတာ ဆီးသွားချင်လျှင် အိပ်ခန်းအတွင်း၌သာ သွားပါ။

Ø  မည်သည့်ဆေးမှန်း၊ ပစ္စည်းမှန်းမသေချာလျှင် အိမ်သားများအား မေးမြန်းပါ။

Ø  ဆေးသောက်သည့်အခါ မိမိသောက်မည့်ဆေးမှန်း သေချာပါစေ။ မသေချာပါက မသောက်ပါနှင့်။ အိမ်သားများအား မေးမြန်းပြီးမှ သောက်ပါ။

၃။ မီးအန္တရာယ် ကင်းရှင်းရေး

ဖြစ်နိုင်သည့် အန္တရာယ်များ

Ø  ဘုရားမီးပူဇော်ရာမှ မီးလောင်ခြင်း

Ø  ၀ါယာရှော့ဖြစ်၍ လောင်ခြင်း

Ø  ထမင်းဟင်း ချက်ပြုတ်ရာမှ လောင်ခြင်း

Ø  ထမင်းဟင်းချက်ပြုတ်ပြီး မီးကြွင်းမီးကျန်များ ထားခဲ့ခြင်း

Ø  ကလေးငယ်များ မီးနှင့်ကစားရာမှ လောင်ခြင်း

Ø  အမှိုက်ကိုမီးရှို့ပြီး သို့မဟုတ် မီးလှုံပြီး မီးကို မသတ်ဘဲထားခဲ့ခြင်းကြောင့် မီးလောင်ခြင်း

Ø  စက္ကူစုတ်၊ သစ်ရွက်ခြောက် စသော မီးလောင်စေတတ်သည့် အမှိုက်များကို စည်းကမ်းမဲ့စွန့်ပစ်ခြင်း

Ø  ဆေးလိပ်တိုများကို မီးမသတ်ဘဲ တွေ့ရာပစ်ခြင်း

Ø  မီးသတ်ဘူးများကို ဟိုရွှေ့သည်ရွှေ့ ရွှေ့သောကြောင့် အရေးအကြောင်းဆိုလျှင် ရှာမတွေ့ခြင်း

ထွက်ပေါက်များ၊ လျှောက်လမ်းများတွင် ပစ္စည်းများဖြင့် ပိတ်ဆို့နေခြင်း

ကာကွယ်ရန် နည်းလမ်းများ

Ø  အိပ်သည့်အခါ ဘုရားမီးပူဇော်ထားသော ဖယောင်းတိုင်အားလုံးကို ငြိမ်းသတ်ပြီးမှ အိပ်ယာဝင်ပါ။

Ø  အိပ်ယာနားတွင် ခြင်းဆေးခွေထွန်းပြီး မအိပ်ပါနှင့်။ သေတတ်သည်။

Ø  တစ်အိမ်လုံး ခရီးရှည်ထွက်တော့မည်ဆိုလျှင် (ဓာတ်ငွေ့သုံးမီဖိုသုံးပါက) ဓာတ်ငွေ့အိုးခလုတ်ကို ပိတ်ခဲ့တာ သေချာပါစေ။

Ø  မီးဖိုထဲတွင် မီးလောင်စေတတ်သည့်အရာများ နည်းနိုင်သမျှ နည်းအောင် စီမံထားပါ။ ဓာတ်ဆီကဲ့သို့ မီးလောင်လွယ်သည့် ပစ္စည်းများ မီးဖိုထဲတွင် မထားပါနှင့်။

Ø  မီးတောက်ရှိသည့်နေရာအနီး ၃ ပေပတ်လည်တွင် မည်သည့် မီးလောင်နိုင်သောပစ္စည်းကိုမျှ မထားပါနှင့်။

Ø  ဓာတ်ငွေ့အိုးများကို မည်သည့်အခါမှ လှဲမထားရ။ အမြဲထောင်ထားပါ။

Ø  ဓာတ်ငွေ့အိုးကို မီးဖို၊ ပလပ်ပေါက် စသည်တို့မှ အနည်းဆုံး ၃ ပေ ခွာထားပါ။

Ø  ဓာတ်ငွေ့အိုးလဲနေစဉ် အနီးအနား၌ မည်သည့်မီးပွား၊ မီးတောက်မှ မရှိစေရ။

Ø  မည်သည့်အခါမှ ဓာတ်ငွေ့အိုး (၂) လုံးမမှာပါနှင့်။ တစ်ချိန်လျှင် တစ်လုံးသာသုံးပါ။ ဓာတ်ငွေ့ကုန်မည်စိုးသောကြောင့် ထပ်မှာလျှင် ပထမအိုးကုန်ခါနီးမှ မှာပါ။ နောက်ရောက်လာသောအိုးကို လေ၀င်လေထွက်ကောင်းသောနေရာ၊ မီးဖိုနှင့် ဝေးဝေးတွင် ထောင်ထားပါ။

Ø  မီးဖိုဆောင်သည် လေ၀င်လေထွက်ကောင်းပါစေ။

Ø  ထမင်း၊ ဟင်းအိုးတည်ပြီး အခြားသွားနေခြင်းမျိုး မည်သည့်အခါမှ မလုပ်ပါနှင့်။ အရေးတကြီးသွားစရာရှိလျှင် မီးပိတ်ပြီးမှ သွားပါ။

Ø  ထမင်းဟင်းချက်နေစဉ် မီးလောင်စေတတ်သော အရာများကို အနီးတွင် မထားပါနှင့်။

Ø  ခရီးဝေးသွားစရာရှိပြီဆိုလျှင် ဓာတ်ငွေ့အိုးခလုတ်ကို သေချာစွာပိတ်ခဲ့ပါ။

Ø  ဓာတ်ငွေ့ပိုက် နှင့် အဆက်များမှ ဓာတ်ငွေ့စိမ့်ထွက်နေမနေ သေချာစေရန် ဆပ်ပြာရည်ဖြင့်သုတ်ကာ စစ်ဆေးပါ။ ဆပ်ပြာပူပေါင်းများ ထလာပြီဆိုပါက ဓာတ်ငွေ့ပိုက်ကို အလျှင်အမြန်လဲပါ။ အဆက်များကို သေချာစွာ ပြန်ကြပ်ပါ။

Ø  ဓာတ်ငွေ့ပိုက်များကို (၂) နှစ်ကြာတိုင်း အသစ်လဲပါ။ (၅) နှစ်ကြာတိုင်း ဓာတ်ငွေ့အထိန်းဗားကို အသစ်ပြန်လဲပါ။

Ø  ဓာတ်ငွေ့အနံ့ရပြီ ဆိုပါက -

v  မီးမှန်သမျှ အားလုံးငြိမ်းသတ်ပါ။ ဓာတ်ငွေ့မီးဖိုကိုပိတ်၊ ဓာတ်ငွေ့အိုးမှ ခလုတ်ကိုလည်း ပိတ်ပါ။

v  တံခါးမှန်သမျှ အားလုံးဖွင့်ပြီး လေ၀င်ရန် လုပ်ပါ။

v  ဓာတ်ငွေ့ရောင်းသောဆိုင်သို့ ချက်ခြင်းဖုံးဆက်ပြီး အိုးအသစ်ဖြင့် ပြန်လဲပါ။ 

၎။ လျှပ်စစ်အန္တရာယ် ကင်းရှင်းရေး

ဖြစ်နိုင်သည့် အန္တရာယ်များ

Ø  ပလပ်ပေါက်အတွင်း လက်နှိုက်မိရာမှဖြစ်စေ၊ ပေါက်ပြဲနေသည့် ဓာတ်ကြိုးများကို ကိုင်မိ၍ဖြစ်စေ ဓာတ်လိုက်ခြင်း

Ø  ဓာတ်ကြိုးများပေါက်ပြဲကာ ရှော့ဖြစ်၍ မီးလောင်ခြင်း

Ø  ဓာတ်ကြိုးများကို စနစ်တကျ သွယ်တန်းမထားခြင်းကြောင့် အပူလွန်ကာ မီးလောင်ခြင်း

Ø  ဓာတ်ကြိုးများကို ခလုတ်တိုက် ချော်လဲခြင်း

Ø  ဓာတ်တိုင်ရှိဓာတ်ကြိုးများကို မိမိဓာတ်ကြိုးဖြင့်ချိတ်ကာ မီးခိုးသွယ်ခြင်းကြောင့် ရှော့ဖြစ်ကာ မီးလောင်ခြင်း (ဓာတ်ကြိုးဖြင့်ချိတ်သည့်နေရာမှ မီးပွားထွက် တတ်သည်။)

ကာကွယ်ရန် နည်းလမ်းများ

Ø  ပလပ်ပေါက်နှင့် လျှပ်စစ်ပစ္စည်းများကို မြေစိုက်ကြိုးပါသည့် ပစ္စည်းများသာ သုံးပါ။

Ø  ပလပ်ပေါက်တစ်ခုတည်း မီးခေါင်း သုံးလေးခု စုပြုံထိုးခြင်းမှ ရှောင်ကြဉ်ပါ။

Ø  ချောင်နေသော ပလပ်ခေါင်းများ၊ မကောင်းတော့သော ခလုတ်များ၊ ပေါက်ပြဲနေသော ၀ါယာကြိုးများ မသုံးပါနှင့်။

Ø  မတတ်ကျွမ်းသူများအား မီးကြိုးသွယ်တန်းခြင်း၊ မီးပြင်ခြင်း စသည်တို့ကို မခိုင်းပါနှင့်။ တကယ် တတ်ကျွမ်းသူ မဟုတ်လျှင် မိမိကိုယ်တိုင်လည်း မလုပ်ပါနှင့်။ အမှန်တကယ် တတ်ကျွမ်းသူများကိုသာ လုပ်ခိုင်းပါ။

Ø  တစ်အိမ်လုံး ခရီးရှည်ထွက်တော့မည်ဆိုလျှင် အိမ်အ၀င်ပေါက်နားတွင် တပ်ဆင်ထားသည့် မိန်းကိုချခဲ့ပါ။ သို့မဟုတ် ရေခဲသေတ္တာခလုတ်တစ်ခုမှလွဲ၍ ကျန်သည့်ခလုတ်အားလုံး ပိတ်ခဲ့ပါ။

Ø  တံခါးအကြားမှနေ၍ မီးကြိုးများသွယ်တန်းခြင်း မလုပ်ပါနှင့်။

Ø  မီးကြိုးများ သွယ်တန်းရာတွင် ယာယီသွယ်တန်းခြင်းပင် ဖြစ်စေ စနစ်တကျ ခေါင်းပေါ်မှသာ သွယ်တန်းပါ။

Ø  မီးလောင်တတ်သော ပစ္စည်းများပေါ်တင်၍ မီးကြိုးများသွယ်တန်းခြင်း မလုပ်ပါနှင့်။

Ø  ဈေးပေါသော၊ အရည်အသွေးညံ့သော လျှပ်စစ်ပစ္စည်းများ၊ ကြိုးများ မသုံးပါနှင့်။

Ø  ကလေးများအား လျှပ်စစ်ပစ္စည်းများနှင့် ကစားခြင်းကို တင်းတင်းကြပ်ကြပ် တားမြစ်ပါ။

Ø  မီးကြိုးများဖြင့် တုပ်နှောင်ခြင်း၊ ပစ္စည်းများအတင်အချလုပ်သည့် ကြိုးအဖြစ်သုံးခြင်း မလုပ်ရ။

Ø  မီးကြိုးများပေါ်တွင် အ၀တ်လှန်းခြင်း စသည် မလုပ်ရ။

၅။ သောက်ဆေးများ/ဓာတုဆေးဝါးများအန္တရာယ် ကင်းရှင်းရေး

ဖြစ်နိုင်သည့် အန္တရာယ်များ

Ø  ဆေးမှားသောက်မိခြင်း

Ø  အစားအသောက်နှင့် ဓာတုဆေးများ မှားသုံးမိခြင်း

Ø  ဓာတုဆေးများကို မည်ကဲ့သို့သုံးရမှန်းမသိနားမလည်သဖြင့် အကာအကွယ်ပစ္စည်းမပါဘဲ ကိုင်တွယ်သုံးစွဲခြင်းကြောင့် မျက်စိ၊ နှာခေါင်း၊ ပါးစပ်၊ အရေပြားများမှတဆင့် ခန္ဓာကိုယ်အတွင်း ဆေးများ ၀င်ရောက်ခြင်း

Ø  ဓာတုဆေးများကို မြေကြီး၊ မြစ်ချောင်းအင်းအိုင်များအတွင်း စည်းကမ်းမဲ့စွာ စွန့်ပစ်ခြင်း

Ø  ကလေးငယ်များ ဓာတုဆေးများကို စားသောက်မိ၊ ရှုရှိုက်မိခြင်း

Ø  ဓာတုဆေးများနှင့် ကြာရှည်ထိတွေ့ရာမှ အဆိပ်သင့်ခြင်း

ကာကွယ်ရန် နည်းလမ်းများ

Ø  သောက်ဆေး၊ ဓာတုဆေးများကို ကလေးငယ်များ လက်လှမ်းမမီသည့်နေရာတွင် ထားပါ။

Ø  ဆေးပုလင်းပေါ်တွင် ဆေးနာမည်ကို ထင်ထင်ရှားရှား ရေးထားပါ။

Ø  အကာအကွယ်ပစ္စည်း (နှာခေါင်းစွပ်)၊ ရာဘာလက်အိတ်၊ အင်္ကျီလက်ရှည်၊ ဘောင်းဘီရှည်များ ၀တ်ဆင်ပြီး အလုပ်လုပ်ပါ။

Ø  ဓာတုဆေးနှင့် အလုပ်လုပ်သည့်နေရာတွင် ရေအဆင်သင့်ဆောင်ထားပါ။ ကိုယ်ပေါ်သို့ ဓာတုဆေးများ စဉ်လျှင်သော် လည်းကောင်း၊ မျက်လုံးအတွင်း ၀င်လျှင်သော်လည်းကောင်း ရေများများနှင့် ဆေးကြောပါ။ အခြားမည်သည့်ဆေးမှ မသုံးပါနှင့်။

Ø  ဓာတုဆေးများကိုင်တွယ်ပြီးသည့်အခါတိုင်း လက်ကို ဆပ်ပြာဖြင့် ဆေးပါ။

Ø  ပိုးသတ်ဆေးစသည့် အဆိပ်အတောက်ရှိသည့်ဆေးဝါးများကို မူလပုံးအတွင်းတွင်သာ ထည့်သိုသိမ်းဆည်းပါ။ မည်သည့်အခါမှ သောက်ရေသန့်ဘူးများ အတွင်း၊ အစားအသောက်ဘူးခွံအလွတ်များအတွင်း မထည့်ပါနှင့်။ မှားယွင်း စားသောက်မိပါက အသက်ဆုံးသည်ထိ အလွန်အန္တရာယ်များပါသည်။

Ø  ဓာတုဗေဒပစ္စည်းများထည့်သည့် ပုံး၊ ပုလင်း စသည်တို့ကို အမြဲ နာမည်တပ်ထားရပါမည်။ ဓာတုဆေးရည်များကို ရေသန့်ပုလင်းအဟောင်းနှင့် မည်သည့်အခါမှ မထည့်ပါနှင့်။ ရေနှင့်မှားသောက်မိပါက အလွန်အန္တရာယ်ကြီးပါသည်။

Ø  ဓာတုဆေးဝါးများကို မည်သည့်အခါမှ အစားအသောက်များနှင့် အတူရောမထားပါနှင့်။

Ø  ဓာတုဆေးဝါးများကို လေ၀င်လေထွက်ကောင်းသော၊ အေး၍ခြောက်သွေ့သော၊ မီးနှင့်ဝေးသော၊ ကလေးများ လက်လှမ်းမမီနိုင်သော နေရာတွင် စနစ်တကျ သိုလှောင်သိမ်းဆည်းပါ။ ဆေးများလျှင် ဂိုဒေါင်နှင့်သိုလှောင်ထားပြီး ဂိုဒေါင်ကို သော့ခတ်ထားပါ။ ဂိုဒေါင်သည် လေအ၀င်အထွက် ကောင်းပါစေ။ အလုံပိတ်အခန်းတွင် ထားပါက ထိုဆေးများမှထွက်လာသော ဓာတ်ငွေ့များသည် အခန်းတွင်းလှောင်ပိတ်မိနေကာ အခန်းအတွင်းသို့ ၀င်လာသူအား ဒုက္ခပေးနိုင်ပါသည်။ အခန့်မသင့်လျှင် အသက်ပင်ဆုံးရှုံးနိုင်ပါသည်။

Ø  ဓာတုဆေးဝါးများ ကိုင်တွယ်သည့်အခါတိုင်း လုပ်ငန်းသုံးမျက်မှန် (Safety Goggle)၊ (လိုအပ်ပါက မျက်နှာအကာ - Face Shield) ၊ ရာဘာလက်အိတ်၊ လိုအပ်ပါက နှာခေါင်းအကာ (Respirator)၊ လိုအပ်ပါက ဓာတုဗေဒ ဆေးရည် များဒဏ်ကိုခံနိုင်သည့် အ၀တ်အစား(Chemical Protective Clothing) စသည်တို့ ၀တ်ဆင်ရပါမည်။

Ø  ဓာတုဗေဒဆေးဝါးများနှင့်အလုပ်လုပ်သည့်အခါ လေကောင်းလေသန့်ရသောနေရာ သို့မဟုတ် အလုံပိတ် မဟုတ်သော နေရာများတွင် လုပ်ပါ။ လေတိုက်သောနေရာ မဟုတ်လျှင် ပန်ကာဖြင့် လေမှုတ်ထားပေးရမည်။ သို့မှသာ ဓာတုဗေဒ အဆိပ်ဓာတ်ငွေ့များကို ဖယ်ထုတ်နိုင်မည်။

Ø  ဓာတုဗေဒပစ္စည်းများဖြင့် အလုပ်လုပ်ပြီးတိုင်း မိမိလက်များကို ဆပ်ပြာဖြင့် သေချာစွာ ဆေးကြောရပါမည်။ အလုပ်ပြီးသွားသည့်အခါတွင်လည်း ခန္ဓာကိုယ်ကို ရေများများနှင့် ချိုးရပါမည်။ ရေချိုးသည့်အခါ ခေါင်းကိုပါ လျှော်ပါ။

Ø  ဆေးကိုင်ထားသောလက်ဖြင့် ပါးစပ်၊ နှာခေါင်း၊ မျက်လုံး စသည်တို့ကို မထိမိစေရန် ဂရုစိုက်ပါ။ ထိုဆေးများသည် ချက်ခြင်း အစွမ်းမပြသေးသော်လည်း နှစ်ကြာလာသည့်အခါ ကင်ဆာကဲ့သို့သော ရောဂါများကို ဖြစ်စေတတ်သည်။

Ø  မည်သည့် ဓာတုပစ္စည်းမှန်းမသိပါက ရမ်းမလုပ်ပါနှင့်။ နားလည်တတ်ကျွမ်းသူကို မေးပါ။

Ø  ဓာတုဗေဒပစ္စည်းများ ထားသိုရာနေရာများတွင် မည်သည့်အခါမျှ ဆေးလိပ်သောက်ခြင်း၊ အစာနှင့် ရေစသည်တို့ စားသောက်ခြင်း မပြုရ။

Ø  ဓာတုဆေးများ သိုလှောင်ထားရာအနီးသို့ မည်သည့်အစားအသောက်မှ ယူဆောင်မသွားပါနှင့်။

Ø  မိမိကိုင်တွယ် အသုံးပြုရမည့် ဓာတုပစ္စည်းများအား မည်သို့ကိုင်တွယ်ရမည်၊ မည်သည့်အန္တရာယ်များရှိသည်၊ မည်သို့သုံးရမည် စသည်တို့ကို ကောင်းကောင်းသိနေရမည်။

Ø  ဓာတုဗေဒပစ္စည်းများနှင့် အလုပ်မလုပ်မီ သေသေချာချာ ပြင်ဆင်ပါ။

Ø  ဓာတုပစ္စည်းများကို အတတ်နိုင်ဆုံး မဖိတ်မစဉ်အောင် ဂရုစိုက်ပါ။ ဖိတ်စဉ်သွားလျှင် ချက်ခြင်းသန့်ရှင်းရေးလုပ်ပါ။ ဓာတုဆေးဝါးအမှိုက်များကို သီးသန့်အမှိုက်ပစ်ရမည့် နေရာများတွင်သာ ပစ်ရပါမည်။ အခြားအမှိုက်များနှင့် ရောနှောပြီးမပစ်ရ။

Ø  မီးလောင်ခဲ့လျှင် မည်ကဲ့သို့မီးသတ်ရမည်ကို သိထားရပါမည်။    

Ø  ဓာတုဗေဒပစ္စည်းများနှင့် အလုပ်လုပ်ပြီးတိုင်း ထိုအ၀တ်ကို ပြန်မ၀တ်ပါနှင့်။ ရေနှင့် ကောင်းစွာလျှော်ဖွပ်ပြီးမှ ၀တ်ပါ။

Ø  လက်သည်းများကို အမြဲညှပ်ပါ။ လက်သည်းရှည်လျှင် လက်သည်းများအကြား၌ ဓာတုဆေးများ ကြွင်းကျန် နေတတ်သည်။

Ø  မည်သည့်အခါမျှ အ၀တ်မ၀တ်ဘဲ၊ ဘွတ်ဖိနပ်မစီးဘဲ ဓာတုဆေးများကို မကိုင်ပါနှင့်။

Ø  ဓာတုဆေးများကိုင်တွယ်နေစဉ် အိမ်သာသွားလိုပါက လက်ကိုသေသေချာချာ ဆေးပြီးမှသွားပါ။

Ø  ဓာတုဆေးများ ကိုယ်ပေါ်သို့စဉ်လျှင် ရေများများဖြင့် ဆေးကြောပါ။

Ø  ဓာတုဆေးများ မျက်လုံးအတွင်းသို့ဝင်လျှင် ရေများများဖြင့် အနည်းဆုံး ၁၅ မိနစ်ကြာသည်ထိ ဆေးကြောပါ။ မျက်လုံးကို လုံးဝမပွတ်ပါနှင့်။

Ø  မတော်တဆ ဓာတုဆေးများ ပါးစပ်အတွင်း ၀င်ရောက်သွားပါက အန်ထုတ်ရန် မကြိုးစားပါနှင့်။ ရေများများ သောက်ပါ။ နောက် ဆရာဝန်ထံ အမြန်ဆုံးပြပါ။

Ø  ဓာတုဆေးများ အ၀တ်သို့စဉ်လျှင် ချက်ခြင်း ချွတ်လဲပါ။ ဆက်မ၀တ်ပါနှင့်။ ဖြစ်နိုင်လျှင် ချက်ခြင်းလျှော်ပါ။

Ø  ဤကဲ့သို့သော အမှတ်အသားတွေ့လျှင် သတိပြုပါ။ အရေပြားကို စားစေတတ်သော ဓာတုပစ္စည်းများ၏ အမှတ်အသားဖြစ်၏။

၆။ အစားအသောက်အန္တရာယ် ကင်းရှင်းရေး

ဖြစ်နိုင်သည့် အန္တရာယ်များ

Ø  ဆိုးဆေးများ၊ ဓာတုဗေဒပစ္စည်းများပါဝင်သော အစားအသောက်များ၊ ပိုးသတ်ဆေး အကြွင်းအကျန်များပါသော အသီးအနှံများကို စားမိခြင်းကြောင့် အစာအဆိပ်သင့်ခြင်း၊ မူးဝေအော့အန်ခြင်း၊ အဆိုးဆုံးအခြေအနေတွင် ကင်ဆာဖြစ်ခြင်း

Ø  ရက်လွန်နေသော၊ သိုးနေသော၊ မှိုတက်နေသော အစားအသောက်များ၊ အမှည့်လွန်နေသော၊ အရည်လည်နေပြီ ဖြစ်သော၊ တစ်ခြမ်းပုပ်နေသော အသီးအနှံများစားခြင်းကြောင့် ၀မ်းပျက်ဝမ်းလျှောခြင်း၊ အစာအဆိပ်သင့်ခြင်း

Ø  မတည့်သည့်အစာများ တွဲစားမိသောကြောင့် အစာအဆိပ်သင့်ခြင်း

Ø  အစားအသောက်ထည့်သော ပန်းကန်များ မသန့်ရှင်းခြင်း၊ ချက်ပြုတ်သောအိုးများကို သေချာစွာ ဆေးကြောမထား ခြင်း၊ စဉ်းနီတုံး၊ ဓား၊ ငြုပ်ဆုံ၊ ငြုပ်ကျည်ပွေ့၊ စိန်ခလုတ်၊ အသားကြိတ်စက်၊ ဘလင်ဒါ စသည်တို့ကို အသုံးပြုပြီးနောက် သေချာစွာမဆေးမှုကြောင့် မှိုများတက်နေခြင်း၊ ဘက်တီးရီးယားများ တွယ်ကပ်နေခြင်း၊ ပုရွက်ဆိတ်၊ ပိုးဟပ်၊ ယင် စသည်တို့ နားခြင်းကြောင့် အစားအသောက်များ မသန့်မရှင်းဖြစ်ကာ ၀မ်းနှင့်ပတ်သက်သောရောဂါများ ရနိုင်ခြင်း

Ø  သောက်သုံးရေမသန့်သဖြင့် ၀မ်းနှင့်ပတ်သက်သောရောဂါများ ရနိုင်ခြင်း

ကာကွယ်ရန် နည်းလမ်းများ

Ø  ကြက်ဥ၊ ဘဲဥအများအပြားဝယ်ပြီဆိုပါက အိတ်ပေါ်တွင် ၀ယ်သည့်ရက်စွဲကို ရေးမှတ်ထားပါ။ ရက်မလွန်ပါစေနှင့်။

Ø  အစားအသောက်ထည့်သော ပန်းကန်များ၊ ချက်ပြုတ်သောအိုးများ၊ စဉ်းနီတုံး၊ ဓား၊ ငြုပ်ဆုံ၊ ငြုပ်ကျည်ပွေ့၊ စိန်ခလုတ်၊ အသားကြိတ်စက်၊ ဘလင်ဒါ စသည်တို့ကို သေချာစွာ ဆေးကြောထားပါ။ အသုံးပြုလျှင်ပြုပြီးခြင်း ဆေးကြောပါ။

Ø  အခြောက်အခြမ်းများကို လေလုံသည့် ပုလင်း၊ ဘူး၊ အိတ် စသည်တို့တွင် ထည့်သွင်းသိမ်းဆည်းပါ။

Ø  အသားငါးစိမ်းများနှင့် ချက်ပြုတ်ပြီး အစားအသောက်များကို ရောမထားပါနှင့်။

Ø  သားစိမ်းငါးစိမ်းများကို ရေခဲသေတ္တာအတွင်း ထည့်ပြီဆိုလျှင် ပလပ်စတစ်နှင့် သေချာစွာထုပ်ပိုးပြီးမှ ထည့်ပါ။ အရေများ တစ်စက်စက်ကျမနေပါစေနှင့်။

Ø  အသီးများ၊ ချက်ပြုတ်ပြီး အစားအသောက်များကို ရေခဲသေတ္တာ၏ အပေါ်ဆုံးအဆင့်တွင် ထားပါ။ အသားငါးများကို အောက်ဆုံးအဆင့်တွင်ထားပါ။ ချက်ပြီးသောအစားအစာက အောက်၊ သားစိမ်းငါးစိမ်းကအပေါ် မထားမိအောင် သတိထား ရှောင်ကြဉ်ပါ။

Ø  မတည့်သည့်အစာများစာရင်းကိုဝယ်ပြီး အိမ်တွင် ချိတ်ထားပါ။ အိမ်သားများနားလည်အောင်လည်း ရှင်းပြထားပါ။

၇။ မီးဖိုချောင် အန္တရာယ်ကင်းရှင်းရေး

ဖြစ်နိုင်သည့် အန္တရာယ်များ

Ø  သားငါးလှီးသော ဓားများနှင့် ကလူကျီစယ်ခြင်း လုံးဝမပြုပါနှင့်။ အန္တရာယ်များလှသည်။

Ø  ပလပ်ပေါက်များနှင့် ရေ နီးပါက ဓာတ်လိုက်တတ်ပါသည်။

Ø  ရေစိုနေသည့်လက်နှင့် မီးခလုတ်များကို ဖွင့်ခြင်း၊ ပလပ်များ ချွတ်၊ စွပ်ခြင်းတို့ မပြုပါနှင့်။

Ø  မီးဖိုချောင်အတွင်း သွားလာရာမှ စားပွဲအပြင်ဘက် စွန်းထွက်နေသည့် အိုးခွက်လက်ကိုင်များ၊ ဓားများနှင့် တိုက်မိတတ်သည်။

Ø  လှုပ်ရှားရာမှ မတော်တဆ ဓားသွားနှင့်ထိခိုက် ရှနာတတ်သည်။

Ø  ဇွန်းခက်ရင်း စသည်တို့ ပြုတ်ကျကာ ခြေထောက်တွင် ထိခိုက်ဒဏ်ရာ ရတတ်သည်။

Ø  ထမင်း၊ ဟင်းအိုးများတည်ထားပြီး တခြားသွားနေသဖြင့် အပူလွန်ကာ မီးလောင်တတ်သည်။

Ø  ဓာတ်ငွေ့များစိမ့်ထွက်ခြင်းမှသော်လည်းကောင်း၊ မီးကြိုးများ ရှော့ဖြစ်ရာမှသော်လည်းကောင်း မီးလောင်တတ်သည်။

Ø  ထမင်းဟင်းအတွင်း ဆံပင်များကျတတ်သည်။

Ø  ထည့်သိုသည့် ပစ္စည်းများမသန့်သဖြင့် အစားအသောက်အတွင်း မှို၊ အမှုန်၊ ကြွက်ချေး၊ ပိုးဟပ်ချေး စသည်တို့ ၀င်နိုင်သည်။

Ø  မီးဖိုဆောင်အတွင်း ပိုးဟပ်၊ ပုရွက်ဆိတ်၊ ကြွက် စသည်တို့ဝင်လာ စားသောက်သဖြင့် အစာအဆိပ်သင့်ခြင်း၊ အခြား ရောဂါ ဘယများရခြင်းတို့ ဖြစ်တတ်သည်။

Ø  အစားအသောက်ပြင်ဆင်သော လက်များ မသန့်သဖြင့်လည်း ၀မ်းပျက် ၀မ်းလျှောခြင်းတို့ ဖြစ်တတ်သည်။

Ø  အစားအသောက်အတွင်း အခြားပစ္စည်းများ မှားယွင်းထည့်မိသောကြောင့် ၀မ်းလျှောခြင်း၊ မူးဝေအော့အံခြင်းတို့ ဖြစ်တတ်သည်။

Ø  ရက်ကျော်နေသည့် အစားအသောက်၊ ချက်ပြုတ်ပစ္စည်းများသုံးမိသဖြင့် ၀မ်းပျက်ဝမ်းလျှောနှင့် အခြား ရောဂါ ဘယများ ရနိုင်သည်။

ကာကွယ်ရန် နည်းလမ်းများ

Ø  သားငါးလှီးသော ဓားများကို ကလေးများ လက်လှမ်းမမီနိုင်သည့်နေရာတွင် စင်နှင့် စနစ်တကျ ထားပါ။

Ø  ပလပ်ပေါက်များကို ရေစင်နှင့် ဝေးရာတွင် တပ်ဆင်ပါ။

Ø  အိုး၊ ခွက်လက်ကိုင်များ၊ ဓားများကို စားပွဲအစွန်းအပြင် ထွက်မနေပါစေနှင့်။ စားပွဲ အတွင်းဘက်လှည့်ထားပါ။

Ø  ဓားများကို ဓားထည့်သည့်စင်ရှိလျှင် စင်တွင်ထားပါ။ စင်မရှိလျှင် စားပွဲပေါ်တွင် အသွားကို နံရံဘက်လှည့်ထားပါ။

Ø  ဇွန်း၊ ခက်ရင်းစသည်တို့ကို ပလတ်စတစ်ခြင်းနှင့် ထည့်ထားပါ။

Ø  ထမင်း၊ ဟင်းအိုးတည်ထားစဉ် အဝေးမသွားပါနှင့်။ သွားစရာရှိလျှင် မီးငြိမ်းပြီးမှ သွားပါ။

Ø  ထမင်းဟင်းချက်နေစဉ် မီးပြတ်သွားလျှင် မီးခလုတ်ကို သေချာစွာပိတ်၊ ပလပ်ကိုချွတ်ပြီးမှ အခြားသွားပါ။

Ø  ဓာတ်ကြိုးများ၊ ဓာတ်ငွေ့သုံးမီးဖိုများကို ပုံမှန်စစ်ဆေး ထိန်းသိမ်းမှု ပြုလုပ်ပါ။

Ø  ထမင်းဟင်းချက်ပြီးလျှင် မီးခလုတ်၊ ဓာတ်ငွေ့ခလုတ်များကို အမြဲပိတ်ထားပါ။ ပိတ်ဖို့မမေ့ပါနှင့်။

Ø  ဆံပင်များကို သေချာစွာထုံးနှောင်ထားပါ။

Ø  အ၀တ်အစားကို ဘိုသီဘတ်သီ မ၀တ်ပါနှင့်။

Ø  အစားအသောက်များနှင့် အခြားဓာတုဆေးဝါးများကို ရောနှောမထားပါနှင့်။

Ø  ဟင်းချက်ပစ္စည်းများထည့်သည့် ပုလင်း၊ ဘူး၊ ခွက်များပေါ်တွင် ဆား၊ အချိုမှုန့်၊ နနွင်းစသည်ဖြင့် စာရေးကပ်ထားပါ။

Ø  အစားအသောက်ထည့်သည့် ပန်းကန်၊ ခွက်ယောက်များကို အမြဲသန့်ရှင်းနေစေရန် ဂရုစိုက်ပါ။

Ø  အသားငါးများ ခုတ်ထစ်သည့် စဥ့်နီတုံးကို တစ်ခါသုံးပြီး တစ်ခါ အမြဲစင်ကြယ်နေအောင် သန့်ရှင်းထားပါ။

Ø  အသားငါးများလှီးသည့် ဓား၊ ကပ်ကြေးများကို သေချာစွာ အမြဲဆေးကြောထားပါ။

Ø  အစားအသောက်များ ကျန်နေပါက ကြောင်အိမ်၊ ရေခဲသေတ္တာတို့တွင် သေချာစွာ သိမ်းဆည်းထားပါ။

Ø  စားပွဲပေါ်တွင်ထားလျှင် စနစ်တကျ ဖုံးအုပ်ထားပါ။

Ø  စားကြွင်းစားကျန်များပစ်ထားသော အမှိုက်ပုံးကို ဖြစ်နိုင်လျှင် ချက်ချင်းစွန့်ပစ်ပါ။ ချက်ချင်းစွန့်ပစ်ရန် မဖြစ်နိုင်ပါက ၂၄ နာရီ ထက် ကျော်လွန်သိမ်းဆည်းမထားပါနှင့်။

Ø  အစားအသောက်များဝယ်လျှင် သက်တမ်းကုန်မည့်ရက်ကို ဂရုစိုက်ကြည့်ပါ။ ဦးစွာဝယ်သည့်ပစ္စည်းကို အရင်သုံးပါ။ နောက်မှဝယ်သည့် ပစ္စည်းကို နောက်မှ သုံးပါ။ ကုန်နိုင်သလောက်သာ ၀ယ်ပြီး လက်ရှိပစ္စည်းများကုန်မှ အသစ်ထပ် ၀ယ်ပါ။

Ø  နောက်ဝယ်လာသည့် ပစ္စည်းများကို ရေခဲသေတ္တာအတွင်း ထည့်မည်ဆိုလျှင် ရေခဲသေတ္တာအတွင်းရှိ ပစ္စည်းများကို ဦးစွာထုတ်ပါ။ နောက်ဝယ်လာသည့်ပစ္စည်းများကို ထည့်ပြီးမှ ယခင်ဝယ်ထားသည့် ပစ္စည်းများကို ထည့်ပါ။

Ø  ယခင် အစားအသောက်ထည့်သည့် ဘူး၊ ခွက်များကို ပြန်သုံးမည်ဆိုပါက သေချာစွာ ဆေးကြော၊ အခြောက်ခံပြီးမှ သုံးပါ။

၈။ လက်သုံးကိရိယာများ အန္တရာယ်ကင်းရှင်းရေး

ဖြစ်နိုင်သည့် အန္တရာယ်များ

Ø  ဓား၊ စူး၊ ဆောက် စသည်တို့နှင့် မတော်တဆ ထိမိရှမိခြင်း

Ø  ကလေးများ ဓားစသည်တို့ကို ဆွဲလွဲကစားခြင်းကြောင့် ထိခိုက်ဒဏ်ရာရခြင်း

Ø  ခုတ်ထစ်နေစဉ် အရိုးကျွတ်၍ ခိုက်မိခြင်း

Ø  အသွားတုံးနေ၍ အားစိုက်ခုတ်ရာမှ လက်ကိုထိမိခြင်း

Ø  စူးနှင့်လက်ကို ချော်ထိုးမိခြင်း

ကာကွယ်ရန် နည်းလမ်းများ

Ø  ကလေးများကို ချွန်ထက်သော၊ ရှသော ကိရိယာများနှင့် ဆော့ကစားခြင်း မပြုပါစေနှင့်။

Ø  လက်သုံး ဓား၊ စူးဆောက်တံဆာပလာများကို ကလေးများ လက်လှမ်းမီသောနေရာတွင် မထားပါနှင့်။

Ø  လက်သုံးကိရိယာများကို မမီမကမ်းစင်ပေါ်တွင် မထားပါနှင့်။ လက်လှမ်းတမီတွင်သာ ထားပါ။

Ø  အရိုးများချောင်နေမနေ အမြဲစစ်ဆေးနေပြီး ချောင်နေပါက ချက်ချင်းပြုပြင်ပါ။

Ø  အသွားများထက်နေစေရန် အမြဲသွေးထားပါ။

Ø  အသုံးပြုသည့်အခါ အန္တရာယ်စက်ကွင်းကို သတိထား ရှောင်ရှားပါ။

Ø  လက်သုံးကိရိယာများနှင့် ကလူကျီစယ်ခြင်း မပြုပါနှင့်။

Ø  လက်သုံးကိရိယာများသုံးသည့်အခါ ဂရုစိုက်ကိုင်တွယ်ပါ။ စိတ်က အခြားရောက်မနေပါစေနှင့်။

၉။ ကာဘွန်မိုနောက်ဆိုဒ်၊ မီသိန်းစသော ဓာတ်ငွေ့များအန္တရာယ် ကင်းရှင်းရေး

ဖြစ်နိုင်သည့် အန္တရာယ်များ

ကာဘွန်မိုနောက်ဆိုဒ်၊ မီသိန်းဓာတ်ငွေ့ များများရှုမိပါက သေနိုင်သည်။

ထိုဓာတ်ငွေ့များ အနည်းငယ်ရှုမိလျှင် မူးမော်တတ်၊ မေ့မျောတတ်သည်။

ကာကွယ်ရန် နည်းလမ်းများ

Ø  ညအိပ်သည့်အခါ ခြင်ဆေးခွေကို အိပ်ယာနားထွန်းပြီး မအိပ်ပါနှင့်။

Ø  လေအေးပေးစက်တပ်မထားပါက အိပ်ခန်းတံခါးများကို အလုံပိတ်မထားပါနှင့်။ လေအ၀င်အထွက်ရစေရန် အနည်းငယ် ဖွင့်ပေးထားပါ။

Ø  အလုံပိတ်ထားသော အခန်းအတွင်း အမွှေးတိုင်၊ ခြင်ဆေးခွေ၊ ဖယောင်းတိုင်၊ ရေနံဆီမီးခွက် စသည့် မီးခိုးထွက်သည့် အရာများ ထွန်းညှိပြီး မအိပ်ရ။

Ø  အိမ်အောက်တွင် မီးဖိုပြီး မအိပ်ရ။

Ø  မီးစက်မောင်းထားသည့်အခါ အိပ်ဇောပိုက်ကို လမ်းမဘက်သို့ လှည့်ထားပါ။ ဘေးပတ်လည် အိမ်များဝန်းရံနေပါက အိပ်ဇောပိုက်ကို ခေါင်မိုးအပေါ်ရောက်သည်ထိ ဆန့်ထုတ်ထားပါ။

Ø  နွားမီးထည့်သည့်အခါ သို့မဟုတ် မီးရှို့သည့်အခါ မီးခိုးများ အိမ်အတွင်းဝင်မလာစေရန် အထူးသတိထားပါ။

Ø  ရေတွင်းဟောင်း၊ အိမ်သာကျင်းစသည်တို့အတွင်း ဆင်းရန်လိုပါက (တတ်နိုင်လျှင်) မဆင်းမီ မိနစ် ၂၀၊ နာရီဝက်ခန့် လေမှုတ်စက်နှင့် အတွင်းသို့ မှုတ်ထားပါ။ ပြီးလျှင် ပုဆိုးကွင်းသိုင်းပြီး လူတစ်ကိုယ်ဝန်အားကို ကောင်းကောင်း ခံနိုင်သည့် ကြိုးဖြင့်ချည်ပြီး အပေါ်မှလူများက အရံသင့်စောင့်နေပါ။ ပြီးမှ သတိဝီရိယနှင့်ဆင်းပါ။ တစ်ခုခုဖြစ်လျှင် ချက်ချင်း ပြန်တက်လာပါ။ သို့မဟုတ် ဆွဲတင်ရန် အပေါ်မှလူများကို အမြန်အချက်ပြပါ။

Ø  ရေတွင်းဟောင်း၊ အိမ်သာကျင်းစသည်တို့အတွင်း၌ အောက်ဆီဂျင်ရှိမရှိသိနိုင်ရန် မီးထွန်းပြီး မစမ်းပါနှင့်။ အကယ်၍ အတွင်း၌ မီးလောင်စေတတ်သည့်ဓာတ်ငွေ့များရှိနေပါက ကိုယ့်ကိုယ်ကိုယ် မီးရှို့သလို ဖြစ်လိမ့်မည်။

Ø  မြေအောက်ခန်း၊ လူမ၀င်တာကြာပြီဖြစ်သော လိုဏ်ဂူများအတွင်း အရမ်းမ၀င်ပါနှင့်။ မကောင်းသည့်ဓာတ်ငွေ့များ၊ မီးလောင်တတ်သည့် ဓာတ်ငွေ့များ ရှိနေတတ်ပါသည်။ အောက်ဆီဂျင် နည်းချင် နည်းနေပါလိမ့်မည်။

၁၀။ အထွေထွေ အန္တရာယ်ကင်းရှင်းရေး

ဖြစ်နိုင်သည့် အန္တရာယ်များ

Ø  အမြင့်မှလိမ့်ကျခြင်း (ခေါင်မိုးတက်မိုးရာမှ လိမ့်ကျခြင်း၊ ထန်းပင်တက်ရာမှလိမ့်ကျခြင်း စသည်)

Ø  အပေါ်မှ ပြုတ်ကျလာသည့်ပစ္စည်းများနှင့် ခိုက်မိခြင်း

Ø  အပေါက်ကျွံခြင်း

Ø  ရှသော၊ ထက်သော၊ ချွန်ထက်သော အရာများနှင့် ထိမိ၊ ရှမိခြင်း

Ø  ခလုတ်တိုက်လဲခြင်း

Ø  ထုပ်တန်းများနှင့် တိုက်မိခြင်း

Ø  မီးပူတိုက်နေစဉ် အပူလောင်ခြင်း၊ မီးလောင်ခြင်း

Ø  သစ်သားကြမ်းခင်းတွင် သံများကြွနေ၍ မတော်တဆ ခလုတ်တိုက်ကာ ခြေထောက်ဒဏ်ရာရခြင်း

Ø  သစ်သားတန်း၊ ပျဉ်ပြားများတွင် သံများရှိနေ၍ သံဖြင့် ခြစ်မိခြင်း

Ø  သွပ်ပြားများကို သေချာစွာ သိမ်းမထား/ကာမထားသဖြင့် ခြစ်မိ၊ ရှမိခြင်း

Ø  ရေနစ်ခြင်း

Ø  မြွေစသည့် အဆိပ်ရှိသတ္တ၀ါများ အကိုက်ခံရခြင်း

ကာကွယ်ရန် နည်းလမ်းများ

Ø  မတတ်ကျွမ်းဘဲ အိမ်သုံးပစ္စည်း အထူးသဖြင့် လျှပ်စစ်ပစ္စည်းများကို မပြင်ပါနှင့်။ တတ်ကျွမ်းသူကို ခေါ်ပြင်ပါ။

Ø  အပေါ်သို့တက်လျှင် လှေခါးစသည်တို့ဖြင့် တက်ပါ။ ကုပ်ကပ်ပြီး တွယ်တက်ပါက ပြုတ်ကျနိုင်သည်။

Ø  လှေခါးထောင်သည့်အခါ ၁း၎ ဖြင့်ထောင်ပါ။ ခိုင်ခိုင်မြဲမြဲ ထောင်ပါ။ ခနော်နီခနော်နဲ့လှေခါး မသုံးပါနှင့်။

Ø  တံခါးနောက်တွင် လှေခါးထောင်ပြီး အလုပ်လုပ်နေသည့်အခါ တံခါးကို ဂျက်ချပိတ်ထားပါ။

Ø  သုံးသည့်လှေခါးသည် ဆွေးမြေ့ပျက်စီးနေသော လှေခါးမဖြစ်စေရ။

Ø  အပေါက်များရှိပါက သည်အတိုင်းမထားပါနှင့်။ ပျဉ်ပြားဖြင့်သံရိုက်ပြီး ခိုင်မြဲစွာ ဖုံးအုပ်ထားပါ။

Ø  ကြမ်းခင်းသည် ပျဉ်ခင်းဖြစ်ပါက ပျဉ်များပေါက်ပြဲဆွေးမြေ့နေမနေ စစ်ဆေးပါ။ အကယ်၍ ဆွေးနေသည့် ပျဉ်ပြားများတွေ့ပါက အချိန်မီ လဲလှယ် အသစ်ခင်းပါ။

Ø  ဘီရို၊ စင် စသော အမြင့်ပေါ်၌ ပစ္စည်းများထားသည့်အခါ အစွန်းတွင် မထားပါနှင့်။ အတွင်းဘက်သို့ ရွှေ့ထားပါ။

Ø  ထိုပစ္စည်းများကို ယူသည့်အခါတွင်လည်း ဆွဲမချပါနှင့်။ ခုံနှင့်တက်ပြီး သေချာကျနစွာ ယူပါ။

Ø  နံရံ၊ ကြမ်းချင်းစသည်တို့တွင် သံငုတ်များ ကြွတက်နေပါက၊ သို့မဟုတ် ပျဉ်ပြားများကြွတက်နေပါက ချက်ချင်းပြန်ရိုက်ပါ။ သံချောင်နေပါက နေရာရွှေ့ပြီး သံအသစ်ဖြင့် ရိုက်ပါ။

Ø  အလုပ်ပြီးသည့်အခါ လက်သုံးကိရိယာများကို ချက်ချင်းပြန်သိမ်းပါ။ ကြမ်းပြင်ပေါ် ပြန့်ကျဲမထားခဲ့ပါနှင့်။

Ø  အိမ်တွင် မီးကြိုးများကို ယာယီသွယ်တန်းသည့်အခါ ခေါင်းပေါ်မှသာ သွယ်တန်းပါ။ ကြမ်းပြင်ပေါ်ချပြီး သွယ်တန်းလျှင် ခလုတ်တိုက်လဲနိုင်သည်။

Ø  မီးပူတိုက်လျှင် မီးပူကို အပြားလိုက်ချမထားပါနှင့်။ မည်သည့်အခါမဆို အမြဲထောင်ထားပါ။ ဖြစ်နိုင်လျှင် မီးပူထောင်သည့် အခါတိုင်း လူနှင့်ဝေးရာ နံရံဘက်တွင် ထောင်ပါ။

Ø  သွပ်ပြား၊ သံ စသည့် ရှတတ်၊ စူးတတ်သော ပစ္စည်းများကို သေချာစွာ သိမ်းဆည်းထားပါ။

Ø  အိမ်အနီးတွင် ရေတွင်း၊ ရေကန်၊ ချောင်း၊ မြောင်းများရှိပါက ကလေးများကို အမြဲဂရုစိုက်ပါ။ လွှတ်မထားပါနှင့်။ သက်ကြီး ရွယ်အိုမိဘများရှိလျှင်လည်း ထိုနေရာများသို့ မသွားရန် သတိပေးပါ။

Ø  အိမ်၌ မသန်စွမ်းသူများရှိပါက သူတို့အတွက် လမ်းလျှောက်ရာတွင်လည်းကောင်း၊ ထိုင်/ထရာတွင်လည်းကောင်း ကိုင်နိုင်ရန် လက်တန်းများ လုပ်ပေးထားပါ။ အထူးသဖြင့် လှေခါးအတက်အဆင်းများတွင် လက်တန်းရှိပါစေ။

Ø  အထပ်မြင့်အိမ်ခန်းများဖြစ်ပါက ပြူတင်းပေါက်အားလုံးကို သံဇကာဖြင့် ကာထားပါ။

Ø  ပြူတင်းပေါက်ဘောင်များပေါ်တွင် ပန်းအိုးစသည့် အောက်ပြုတ်ကျနိုင်သော မည်သည့်ပစ္စည်းမှ တင်မထားပါနှင့်။

Ø  အပေါက်များ၊ ချောင်ကြိုမြောင်ကြားများ၊ မသုံးတာကြာသည့် ဖျာလိပ်များအတွင်း ရမ်းမနှိုက်ပါနှင့်။ မြွေကင်းစသည်တို့ ရှိနေတတ်သည်။ (အထူးသဖြင့် ရေတက်ပြီးပြန်ကျသွားသည့် အခါမျိုးများတွင်) တုတ် စသည်ဖြင့် ခြောက်လှန့်မောင်းထုတ်ပါ။

နိဂုံး

မတော်တဆမှုဟူသည် ကြိုတင်ကာကွယ်ရသောအရာဖြစ်၏။ ဖြစ်ပြီးမှဆိုလျှင် ဘာမှ မတတ်နိုင်။

လူ့ခန္ဓာကိုယ်အစိတ်အပိုင်းနှင့် အသက်တို့မှာ မည်သည့်အရာနှင့်မှ အစားထိုးလဲလှယ်လို့ ရစကောင်းသော အရာမဟုတ်။

ထို့ကြောင့် အန္တရာယ်ကင်းရေး အသိရှိကြလျှက် အရာရာကို သတိဝီရိယနှင့် ဆောင်ရွက်ရန် အရေးကြီးလှပါကြောင်း။

ကျေးဇူးတင်ပါသည်။

အေးငြိမ်း (လေးမျက်နှာ)

၈ ဇန္န၀ါရီ၊ ၂၀၁၇