Saturday, June 13, 2015

ကျွန်ုပ်တို့ တိုင်းသူပြည်သားများ အဘယ်ကြောင့် စည်းကမ်းမဲ့နေကြရသနည်း ဆိုခြင်းအကြောင်း

(မိတ်ဆွေများခင်ဗျား -

ခပ်ရိုင်းရိုင်းရေးထားတဲ့ ဟိုပို့စ်ကို ပြန်ရေးမယ်လုပ်တော့ ဘယ်ကနေ ဘယ်လိုစရေးရမှန်းမသိဘူး။ အဲဒါရေးတုံးကတော့ ဟိုလူကြီးပြောထားတာတွေကို ပြန်ချေပချင်တာရယ်။ ရွေးကောက်ပွဲနားနီးလာတော့ ((ကျွန်တော်တို့က ကောင်းပါတယ်ခင်ဗျ။ တစ်သက်လုံး ရိုးရိုးသားသား နေလာခဲ့တာပါခင်ဗျ။ မဟုတ်တာဆိုလို့ ဘာမှမလုပ်ခဲ့ပါဘူး ခင်ဗျ။)) လို့ ရူးကြောင်မူးကြောင် လျှောက်အော်နေတဲ့သူတွေကို သောက်မြင်ကပ်တာရယ်ကြောင့် mood အပြည့်နဲ့ အသားကုန်ရေးချလိုက်တော့ ရေးလို့ ကောင်းလိုက်တာ။ အိနေအောင်နှပ်ထားတဲ့ အဆီတစ်ထပ်အသားတစ်ထပ် ၀က်သားကို ပယ်ပယ်နယ်နယ် တုပ်လိုက်ရတဲ့ အတိုင်းပဲ။ အဲဒါကို ပြန်ရေးမယ်ဆိုတော့ ဘယ်လိုရေးရမလဲ စဉ်းစားနေတာ တစ်ရက်ခွဲကြာတယ်။ ခုမှ လမ်းစရလို့ ရေးနေ ပါတယ်ခင်ဗျား။ ရေးပြီး The Voice ကို ပို့ပါမယ်။ သူတို့ထည့်ရင် တစ်နိုင်ငံလုံး ပြန့်သွားတာပေါ့ဗျာ။ စုစုပေါင်း A4 နဲ့ ၆ မျက်နှာရှိပါတယ်။ အဲဒါတောင် ပထမပိုင်းပါ။ စည်းကမ်းပိုင်းကို သီးသန့်ထပ်ရေးပါဦးမယ်။)


အားပေးသူအားလုံးကို ကျေးဇူးတင်ပါတယ် ခင်ဗျား။

(၁)

လဖက်ရည်ဆိုင်ထိုင်၍ လေပန်းနေသည့်။ ကားများကို အတင်းမောင်း၊ အတင်းကျော်တက်နေသည့်။ လမ်းကို ကူးချင်သလို ကူးနေကြသည့်။ အမှိုက်ကိုပစ်ချင်သလိုပစ်နေကြသည့် ကျွန်ုပ်တို့တိုင်းသူပြည်သားများအား ဆဲဆိုကြိမ်းမောင်း အပြစ်တင် နေသူများအားလုံးကို ရည်ညွှန်း၍ ဤဆောင်းပါးကို ရေးပါသည်။

အမှုကိစ္စတစ်ခုဖြစ်လာပြီဆိုလျှင် ထိုအမှုအား အပေါ်ယံမျှသာမကြည့်ဘဲ ထိုအမှုအဘယ်ကြောင့်ဖြစ်ရသည်ဟူသည့် အရင်းအမြစ် ကို ရှာရပါမည်။ အရင်းအမြစ်ကို မရှင်းနိုင်သရွေ့ကာလပတ်လုံး ပြဿနာများ ပြေလည်သွားမည် မဟုတ်ပါ။
ဥပမာအားဖြင့် - လူ့ခန္ဓာကိုယ်တွင် ပေါက်နေသည့် ကြွက်နို့များအား သတ်ရာတွင် ကြွက်နို့ကလေးများအား လျှောက်သတ်နေ ခြင်းထက် ကြွက်နို့အမကြီးအား ရှာသတ်နိုင်ပါမှ အမြစ်ပြတ်မည် ဖြစ်၏။ သို့မဟုတ်ဘဲ ကြွက်နို့ကလေးများကို တစ်လုံးချင်း လျှောက်သတ်နေပါက ကြွက်နို့များမှာ ဘိုးဘိုးအောင် ၀လုံးကဲ့သို့ တစ်လုံးသတ်လျှင် နှစ်လုံးပေါ်ပြီး နှစ်လုံးသတ်လျှင် လေးလုံး ပေါက်ကာ ကြွက်နို့သံသရာ ဆုံးတော့မည်မဟုတ်ပါ။

ဤသည်ကို Solve the problems at source. ဟု ခေါ်၏။

ယခုအခါ ကျွန်ုပ်တို့ မြန်မာနိုင်ငံတွင် ပြဿနာပေါင်းစုံတို့သည် ဖြစ်ပွားလျှက်ရှိ၏။ ရေပြဿနာ၊ မီးပြဿနာ၊ ပညာရေး ပြဿနာ၊ လယ်သမားများ ပြဿနာ၊ အလုပ်သမားများ ပြဿနာ၊ အစားအသောက်ထဲတွင် ဓာတုဆေးများရောစပ်ခြင်း ပြဿနာ၊ ကားကြပ်ခြင်းပြဿနာ၊ ရေလျှံခြင်းပြဿနာ အစရှိသဖြင့် ဖြစ်၏။ ဤပြဿနာများကို မည်ကဲ့သို့ ရှင်းမည်နည်း။

မီးလောင်သည့်အခါ မီးသွားသတ်ခြင်း၊ ရေလျှံသည့်အခါ မြောင်းများလိုက်ဖော်ခြင်း၊ ကားကြပ်သဖြင့် ဟိုနား ခုံးကျော်တံတားလုပ်၊ သည်နား ခုံးကျော်တံတားလုပ်၊ ဘလောက်တုံးများလျှောက်ချ အစရှိသည်တို့သည် မှန်ကန်သော ဖြေရှင်းနည်း မဟုတ်။ ဤသည်တို့မှာ လတ်တလောဖြေရှင်းနည်းမျှသာဖြစ်၍ မီးမလောင်အောင် တားဆီးရေး၊ ရေမလျှံအောင် စီမံရေးတို့သည်သာ အစစ်အမှန် ဖြေရှင်းနည်း ဖြစ်ပေသည်။

ဤသောင်းခြောက်ထောင်သော ပြဿနာပေါင်းစုံတို့အနက် ယခု ကျွန်ုပ်က မြန်မာပြည်သား လူအများတို့ စည်းမဲ့ကမ်းမဲ့ ဖြစ်နေရခြင်း ပြဿနာကို တင်ပြပါမည်။

လူပေါင်းများစွာတို့ အသုံးပြုလျှက်ရှိသည့် ဖေ့စ်ဘွတ်တည်းဟူသော လူမှုကွန်ယက်ပေါ်တွင် မြန်မာနိုင်ငံသားအပေါင်းတို့၏ စည်းကမ်းမဲ့မှုများအပေါ် ကဲ့ရဲ့သဂြိုဟ် အတင်းဆိုနေသံများကို ပွက်လောညံအောင် ကြားနေရ၏။ ၀မ်းနည်းစရာကောင်းသည်မှာ ထိုအထဲတွင် ပညာတတ်ဆိုသူများနှင့် အရာရှိကြီးများ၊ နာမည်ကြီးပုဂ္ဂိုလ်များပါ ပါဝင်နေခြင်းဖြစ်၏။ ၎င်းတို့၏ သာမန် လူပုဂ္ဂိုလ်များနှင့်မခြား တွေးကြခေါ်ကြပုံများကို ကျွန်ုပ်မှာ အလွန်တရာမှ အံ့သြမိရပါပေသည်။

စာရှုသူအပေါင်းသည် ဆင်လိမ္မာ၊ မြင်းလိမ္မာ၊ ခွေးလိမ္မာ၊ မျောက်လိမ္မာ၊ ငှက်လိမ္မာတို့၏ ပြကွက်ဆန်းများကို ကြည့်ဖူးကြမည် မချွတ်။ လူကိုယ်တိုင်မမြင်ဖူးသော်မှ ဗီဒီယို၊ ရုပ်ရှင်၊ ဖေ့စ်ဘွတ်များတွင် အနည်းနှင့်အများ ကြည့်ဖူးကြပါလိမ့်မည်။ ထိုတိရစာန်များသည် မွေးကတည်းက လိမ္မာတတ်မြောက်လာသလော။ သင်ကြားလေ့ကျင့်ပေး၍ လိမ္မာတတ်မြောက် လာသလော။ သင်ကြားလေ့ကျင့်ပေးသဖြင့်သာ ဤကဲ့သို့ တတ်မြောက်လိမ္မာလာရကြောင်း အကျွန်ုပ်ပြောစရာပင်မလို။
အဟိတ်တိရစာန်သော်မှ သင်ပေး၍ရနိုင်သေးလျှင် အသိဉာဏ်ရှိသောလူအား အဘယ်ကြောင့် သင်ပေး၍မရနိုင် ရှိပါအံ့နည်း။ အမှန်စင်စစ် သင်ပေးလို့ရနိုင်သည်သာတည်း။

ကျွန်ုပ်တို့သည် စင်ကာပူမှလူများ အရာရာတွင် တန်းစီကြပုံ၊ ဂျပန်မှလူများ ရထားစီးရာတွင်ပင် တန်းစီကြပုံကို နမူနာပြလျှက် မြန်မာပြည်မှလူအများ ကား၊ ရထားပေါ်သို့ အတင်းတိုးဝှေ့တက်ကြသည်ကို အပြစ်ဆိုကြ၏။ စင်ကာပူနှင့်ဂျပန်မှလူများ အဘယ်ကြောင့် တန်းစီပြီး မြန်မာပြည်မှလူများ အဘယ်ကြောင့် တန်းမစီကြသနည်းဆိုသည့် အရင်းအမြစ်ကိုမူ မည်သူမျှ မစဉ်းစားကြ၊ မတွေးခေါ်ကြ။ မြန်မာပြည်မှလူများ တန်းစီလာအောင် မည်ကဲ့သို့လုပ်မည်နည်းဆိုသည်ကို မည်သူမျှ အဖြေမထုတ်ကြ။ မြန်မာပြည်သားလူအများတို့ အဘယ်ကြောင့် ဤမျှလောက် စည်းပျက်ကမ်းပျက်ဖြစ်နေရသနည်းဆိုသည့် အရင်းအမြစ်ကို မည်သူမျှ မလေ့လာမဆန်းစစ်ကြ။ အပြစ်တင်ခြင်းဆိုသည့်အရာမှာ လူတိုင်းအလွယ်တကူ လုပ်၍ရနိုင်သည်သာ ဖြစ်၏။

မြန်မာပြည်သား လူအများတို့ စည်းမဲ့ကမ်းမဲ့၊ ပညာမဲ့ရခြင်းအကြောင်းရင်းကို ကျွန်ုပ် ဖော်ထုတ်ပြပါမည်။ စာရှုသူအပေါင်းတို့ မိမိ၏ ကိုယ်ပိုင်ဉာဏ်နှင့် ချင့်ချိန် စဉ်းစားကြပါလေ။

(၂)

လွတ်လပ်ရေးမရမီနှင့် ရပြီးစကာလများက ရန်ကုန်မြို့တော်သည် အရှေ့တောင်အာရှတွင် အသန့်ရှင်း၊ အသပ်ယပ်ဆုံး မြို့တော် ဖြစ်ခဲ့၏။ ထိုကာလက ရန်ကုန်သူ ရန်ကုန်သား၊ တစ်နည်းအားဖြင့် မြန်မာနိုင်ငံသားများ စည်းကမ်းမရှိဘဲနှင့် ဤမျှသန့်ရှင်းသော မြို့တော် ဖြစ်နိုင်ပါမည်လော။ သို့ဆိုလျှင် ထိုကာလက မြန်မာနိုင်ငံသားများသည် စည်းကမ်းရှိလျှက် ယခု အဘယ်ကြောင့် စည်းကမ်းပျက်နေရသနည်း။

အဖြေကား လယ်ပြင်တွင် ဆင်သွားသကဲ့သို့ အင်မတန်မှ ထင်ရှားလှပါပေသည်။

ထိုခေတ်က အစိုးရသည် မည်သည့်စနစ်နှင့် မည်ကဲ့သို့ အုပ်ချုပ်ခဲ့ပါသနည်း။ မည်မျှသန့်ရှင်းပြီး မည်မျှကောင်းမွန်သော အစိုးရဖြစ်ခဲ့ပါသနည်း။ ပြည်သူပြည်သားတို့၏ ပညာရေး၊ ကျန်းမာရေး၊ စီးပွားရေး အစရှိသည်တို့ကို မည်မျှတာဝန်ယူ စောင့်ရှောက်ခဲ့ပါသနည်း။

၁၉၆၂ ခုနှစ်တွင် ဗိုလ်ချုပ်နေ၀င်း အာဏာသိမ်းလိုက်ပြီးသည်မှစ၍ မြန်မာနိုင်ငံသည် ကမ္ဘာနှင့်အဆက်ပြတ်သွားခဲ့ရသည်။ မြန်မာနိုင်ငံသူနိုင်ငံသားအပေါင်းမှာ မျက်စိပိတ်၊ နားပိတ်ခံလိုက်ရသည်မှအစ တိုးတက်သောနိုင်ငံကြီးများ၏ အသိပညာ၊ အတတ်ပညာ၊ လူနေမှုစနစ် စသည်တို့နှင့် အလှမ်းဝေးခဲ့ရသည်။ မြန်မာအစိုးရသည် ကိုယ့်ပြည်တွင်းမှာသာ ၀ါးလုံးခေါင်းထဲ လသာနေခဲ့သည်။ ထိုမှတစ်ဆင့်တက်၍ မြန်မာ့ဆိုရှယ်လစ်လမ်းစဉ်ကို ရေးဆွဲ၊ ချမှတ်၊ ကျင့်သုံးလိုက်ရာ မြန်မာနိုင်ငံသည်  ဆယ်စုနှစ်နှစ်ခုအတွင်းမှာပင် ဖွံ့ဖြိုးမှုအနည်းဆုံးနိုင်ငံ (LDC - Least Development Country) အဖြစ်သို့ ကျဆင်းခဲ့ရသည်။
မြန်မာပြည်သား လူအများတို့မှာ မိမိလယ်မှထွက်သော စပါးကိုမှ မိမိပိုင်ဆိုင်ခွင့်မရှိဘဲ ၀မ်းစာကိုပင် ပြန်ဝယ်စားရသည့် အခြေ အနေသို့ ရောက်ခဲ့ရသည်။ ၀န်ထမ်းလောကတွင်လည်း နွားထီးငါးကျပ်၊ နွားမငါးကျပ်စနစ်ကို ကျင့်သုံးခဲ့၍ ၀န်ထမ်းလောက တစ်ခုလုံး ပျက်စီးခဲ့ရသည်။ သမ၀ါယမဆိုင်များတွင် မည်သည့်ပစ္စည်းမှ မရှိပါဘဲလျက် လူကြီးလာမည်ဆိုမှ ဟိုကဆွဲ၊ သည်ကဆွဲနှင့် ပစ္စည်းများအလျှံပယ်တင်၊ အလွန်ချိုသာသောဈေးများကပ်လျက် လိမ်ညာခဲ့ကြသည်။ လူကြီးဆိုသူများကလည်း ဤကဲ့သို့ လိမ်ညာမှန်းသိလျက် မျက်စိမှိတ်ကာ မိမိ၏အရှိန်အ၀ါပေါ်တွင် သာယာနေခဲ့ကြသည်။

ရလဒ်အဖြစ် ၀န်ထမ်းလောကတွင် ခ လေးလုံးစနစ် (ခေါ်ရင်သွား၊ ခိုင်းတာလုပ်၊ ခံမပြောနဲ့၊ ခိုးစား) စနစ် ထွန်းကားခဲ့၏။ ဤနည်းအားဖြင့် ဆိုရှယ်လစ်စနစ်သည် ၀န်ထမ်းကောင်းများအား ပြည်သူ့ဘဏ္ဍာကို လစ်လျှင်လစ်သလို၊ ရလျှင်ရသလို တိတ်တိတ်ခိုးစားတတ်သည့် ကြောင်သူတော် ကြွက်သူခိုးများဖြစ်အောင် လေ့ကျင့်သင်ကြားပေးခဲ့လေသည်။
၁၉၈၀ ကျော်နှစ်များက စာတတ်မြောက်ရေး လှုပ်ရှားမှုများ နိုင်ငံတစ်ဝှမ်းလုံးတွင် ပြုလုပ်ခဲ့ကြသည်။ အထက်တန်းအောင်နှင့် တက္ကသိုလ်ကျောင်းသူကျောင်းသားတို့ နွေရာသီကျောင်းပိတ်ရက်များတွင် ကျေးလက်တောရွာများသို့ သွားရောက်ကာ ကျောင်းမနေခဲ့ဖူးသော အသက်ကြီးသူတို့ကို စာသင်ပေးကြသည်။ အ-သုံးလုံးဟု ခေါ်၏။ အ- သုံးလုံးဆိုသည်မှာ အရေး၊ အဖတ်၊ အတွက် ဖြစ်၏။ ယခင်က စာမတတ်ခဲ့သူတို့ကို ယခု စာတတ်မြောက်ရေး လှုပ်ရှားမှုဖြင့် ရေးတာရော၊ ဖတ်တာရော၊ တွက်တာပါ တတ်မြောက်စေရန် သင်ကြားပေးရေး ဖြစ်၏။

စာရှုသူတို့ စဉ်းစားကြည့်ပါ။ တစ်သက်လုံးက စာမသင်ခဲ့ဖူးသူတို့ကို တစ်လလောက် လက်ပူတိုက်သင်ရုံမျှနှင့် တတ်နိုင်ပါမည် လား။ သင်သည်ဆိုရာတွင်ပင် တစ်နေ့လုံး သင်ရတာမဟုတ်။ သူတို့မှာ နေ့ခင်းပိုင်း အလုပ်လုပ်ကြရသောကြောင့် ညပိုင်းမှ ခဏ တဖြုတ် သင်ရခြင်းဖြစ်သည်။ ကျွန်တော်သည်ပင်လျှင် စက်မှုတက္ကသိုလ် တတိယနှစ်ကျောင်းသားဘ၀က ပါဝင်လုပ်အား ပေးခဲ့ဖူး သေး၏။

စာလေးမဖြစ်ညစ်ကျယ်သင်ပြီးတော့ မြို့နယ်လုံးကျွတ်၊ တိုင်းလုံးကျွတ်၊ ထို့နောက် နိုင်ငံလုံးကျွတ် စာတတ်မြောက်ရေး အောင်ပွဲ များ ကျင်းပသည်။ လှိုင်ထိပ်ခေါင်တင် စစ်ကြောင်း၊ ယောမင်းကြီးစစ်ကြောင်း စသော စစ်ကြောင်းကြီးများနှင့်။ မြို့နယ်ရုံးစိုက်ရာ မြို့သို့ ထိုမြို့နယ်ရှိ ရွာပေါင်းစုံမှ နွားလှည်းများဖြင့် စစ်ကြောင်းကြီးများ ချီလာကာ ချိမ့်ချိမ့်သဲသဲ ကျင်းပကြသည်။
စာတတ်မြောက်ရေးအောင်ပွဲတွင် အ-သုံးလုံး၏ တန်ခိုးဖြင့် နတ်ရေကန်ထဲပစ်ချလိုက်သလို နေ့ချင်းညချင်း စာတတ်လာသော တောင်သူကြီး၊ လယ်သူမကြီးများက တက်ကြွစွာ၊ အားရရွှင်လန်းစွာဖြင့် စာများ တက်ဖတ်ပြသည်။ ဆုများချကြသည်။ ပါတီ ကောင်စီလူကြီးများက ၀ါဒဖြန့်ကြသည်။ ကျွန်ုပ်သည်ပင်လျှင် ကြက်သီးမွေးညှင်းများထကာ မိမိတို့လုပ်အား၏ အသီးအပွင့်များ အဖြစ် ပီတိဝေဖြာခဲ့ရသေး၏။

မြန်မာနိုင်ငံသည် စာတတ်မြောက်ရေးလှုပ်ရှားမှုများအတွက် ၁၉၈၃ ခုနှစ်က မိုဟာမက် ရီဇာပါလာဗီဆုတောင် ရလိုက်သေး၏။
သို့သော် အမှန်တကယ်မှာ အားလုံး လိမ်ညာနေကြခြင်းမျှသာ ဖြစ်၏။ ခုနင်က စာတက်ဖတ်ပြသည့် တောင်သူဦးကြီး၊ လယ်သူမ ကြီးများမှာ ယခင်ကတည်းက စာတတ်သူများဖြစ်၏။ လူမကြောက်တတ်သူ၊ စာကောင်းကောင်း ဖတ်တတ်သူများကို ကြိုတင်ရွေး၊ ဘာတွေတက်ဖတ်ပြမယ်ဆိုတာကို နဂိုကတည်းက စည်းဝါးရိုက်၊ လေ့ကျင့်ကာ တက်ဖတ်ပြခြင်းမျှသာ ဖြစ်၏။
ဤသည်မှာ မြန်မာတစ်နိုင်ငံလုံးက ကမ္ဘာနှင့်ချီ၍ လိမ်ညာခြင်းဖြစ်လေသည်။ ဦးနေ၀င်းအစိုးရက ဤကဲ့သို့သော နည်းလမ်းများဖြင့် မြန်မာတစ်မျိုးသားလုံးအား လူလိမ်များဖြစ်အောင် လေ့ကျင့်သင်ကြားပေးခဲ့လေသည်။

အမှန်တကယ် ကျွန်တော်တို့သင်ပေးခဲ့ကြသူများမှာ တစ်လမပြောနှင့်။ မတ်လတင်မက ဇွန်လတိုင်အောင် ကျွန်တော်တို့ သင်ပေးခဲ့ကြသော်လည်း အနည်းငယ်မျှသာ မတောက်တခေါက်တတ်သည်။ အများစုမှာ မတတ်ကြပါ။

ဦးနေ၀င်းအစိုးရ လိမ်ခဲ့သည်မှာ ၂၆ နှစ်အတွင်း အတော့်ကို များပါသည်။

နောက်တစ်ခုလောက် နမူနာ ထုတ်ပြပါဦးအံ့။

မြန်မာ့ဆိုရှယ်လစ် လမ်းစဉ်ပါတီ၏ ကြိုးစားအားထုတ်မှုဖြင့် မြန်မာနိုင်ငံတွင် ရိုးရာစပါးများပပျောက်ကာ အထွက်တိုးစပါးများ ပေါ်ထွန်းလာခဲ့သည်။ သို့သော် သူတို့အထွက်တိုးတာက လွန်လွန်းလှချည့်။ အထွက်တိုးတာ ရိုးရိုးမတိုး။ နမူနာပြရလျှင် အသက် ၁၀ နှစ်သမီးကို အတင်းအဓမ္မဗိုက်ကြီးစေပြီး ကလေးမွေးခိုင်းတာနှင့် တူနေသည်။

ယခင်က တစ်ဧကတွင် စပါး ၄၅ တင်း၊ တင်း ၅၀ မျှသာထွက်သော လယ်များမှာ ဦးနေ၀င်း၏ တန်ခိုးဖြင့် တစ်ဧကလျှင် တင်း ၃၀၀ ကျော်ထွက်ကာ ဦးလူနီတို့ ဦးလူစီတို့မှာ စပါးသူရဲကောင်းကြီးများအဖြစ် ဂျပန်နိုင်ငံသို့ပင် လေ့လာရေးခရီး သွားခဲ့ကြ သေးသည်။ အင်မတန် စက်မှုထွန်းကားလှပါသည်၊ fully mechanized farming လုပ်နေပါသည်ဆိုသော အမေရိကန် ပြည်ထောင်စု၌ပင်လျှင် ၂၀၁၁ ခုနှစ်ထိ တစ်ဧကလျှင် တင်း ၁၅၀ ကျော်ထွက်တာ ပြည်နယ်အနည်းငယ်မျှသာ ရှိ၏။ မြန်မာနိုင်ငံ တွင်မူ ၁၉၈၀ ပတ်ဝန်းကျင်ကတည်းက တစ်ဧက တင်း ၃၀၀ ကျော်ဖြင့် ကမ္ဘာသာမက စကြာဝဠာစံချိန်ကိုပါ ချိုးထားခဲ့သည်။
ကျွန်တော့်သူငယ်ချင်းကတော့ အင်္ဂလိပ်တွေက မြန်မာတွေကို လူလိမ်တွေဖြစ်အောင် လုပ်ခဲ့တာကွ ဟု ဆို၏။ လုပ်စမ်းပါဦးကွ၊ ဘယ်ပုံဘယ်နည်း လုပ်ခဲ့တာတုံး ဆိုတော့ သူက မင်းကွာ၊ လွတ်လပ်ရေးပေးတာကို မနက် ၄း၂၀ မှာပေးတယ်လေကွာ။ ဖိုးတွမ်တီးဆိုတာ လူလိမ်မဟုတ်လို့ ဘာတုံးကွ ဟု ဆို၏။ သူပြောတာလဲ ဟုတ်တုတ်တုတ်။

ကျွန်ုပ်အဘယ်ကြောင့် ဤမျှပေရှည်နေရသနည်းဟူမူ မြန်မာပြည်သား လူအများတို့၏ ကောင်းမွန်သည့် အကျင့်စရိုက်များအား မြန်မာပြည်၏ အုပ်ချုပ်ရေးအာဏာကို အတင်းအဓမ္မသိမ်းပိုက်ခဲ့သော အစိုးရအမည်ခံ စစ်ဗိုလ်များက အချိန်ယူ၍ တစ်စစီ ချိုးဖဲ့ချေမွှနေခဲ့ကြောင်း ထင်ရှားစေလို၍ ဖြစ်၏။


ကျွန်ုပ်တို့မြန်မာပြည်သားလူအများသည် ဗုဒ္ဓဘာသာ၏ အဆုံးအမအောက်တွင် ကြီးသူကိုရိုသေ၊ ရွယ်တူကိုလေးစား၊ ငယ်သူကို သနား ဟူသောအစဉ်အလာကို ခံယူလျက် မေတ္တာ၊ ကရုဏာ၊ မုဒိတာ၊ ဥပေက္ခာတည်းဟူသော ဗြဟ္မစိုရ်တရားများ လက်ကိုင်ထားကာ အေးအေးချမ်းချမ်းနေထိုင်ခဲ့ရာမှ စစ်ဗိုလ်တစ်စု၏ ဖောက်ပြန်မှားယွင်းသော အုပ်ချုပ်မှုအောက်တွင် ကိုယ်ကျင့်တရားများ ပျက်ပြားခဲ့ရသည်။ စာရိတ္တများ ချို့ယွင်းခဲ့ရသည်။ 

(၃)


ဦးနေ၀င်း၏ ဖိနှိပ်မှုဒဏ်ကို မခံနိုင်သည့်အဆုံး မြန်မာတစ်ပြည်လုံး အုံးအုံးဆူလျှက် ၈၈ အရေးတော်ပုံကြီးဖြင့် အလွန် သြဇာအာဏာကြီးမားလှသော စစ်အာဏာရှင်ကြီးကို အောင်မြင်စွာ ဖြုတ်ချနိုင်ခဲ့သည်။

သို့တိုင် ကံကြမ္မာက ကျွန်ုပ်တို့မြန်မာပြည်သူများအား မျက်နှာသာမပေးသည့်အခါ နောက်ဘုန်းကြီး နှစ်ချက်ခေါက် အဖြစ်နှင့် ကြုံခဲ့ရပြီး အလွန်ဆိုးညစ်ယုတ်မာလှသည့် အစိုးရကို လက်ဝယ်ပိုင်ပိုင် ရရှိလိုက်ပြန်သည်။

အရေးအခင်းကာလအတွင်း အစိုးရအရာရှိများသည် ဂိုဒေါင်များကိုဖောက်၊ ပစ္စည်းအကောင်းများကိုယူ၊ ထို့နောက် ဂိုဒေါင်များကို ဖွင့်ထားခဲ့ကာ လူထုအား ကျန်သောပစ္စည်းများအား တရားမရှိ၊ ဓားမရှိ ယူငင်စေလျှက် စည်းကမ်းမဲ့သူများ၊ သူများပစ္စည်း အချောင်နှိုက်တတ်သူများဖြစ်အောင် သင်ပေးခဲ့ပြန်သည်။ အုပ်ချုပ်မှုလျော့နည်းနေစဉ်ကာလအတွင်း ပြည်သူတို့သည် မိမိတို့ လုံခြုံရေးအတွက် မိမိတို့ကိုယ်တိုင် ရပ်ကွက်ကင်းများစောင့်ကာ ကိုယ့်ရပ်ကွက်ကိုယ် စောင့်ရှောက်နေစဉ် အစိုးရဆိုသူများသည် လူဆိုးဓားပြဒလံများလွှတ်ကာ လုယက်ခြင်း၊ သတ်ဖြတ်ခြင်း စသည်တို့ကို အစဖော်ပေးခဲ့သည်။ ထိုအခါ ရပ်ကွက်အတွင်းရှိ ယခင်ကတည်းက ဇ,ရှိခဲ့သူများအနေနှင့် ခေါင်းဖြတ်ခြင်း၊ ဓားပြတိုက်ခြင်းတို့ကို အလွယ်တကူ ကျူးလွန်ခဲ့သည်။ အတုမြင် အတတ်သင်အနေနှင့် တက်သစ်စ လူငယ်ကလေးများ၏ သဏ္ဍာန်အတွင်း မကောင်းသည့် ဓလေ့စရိုက်တို့ ပေါက်ဖွားလာခဲ့ တော့သည်။
  
အရေးအခင်းကာလအပြီး သူတို့ကို ကလန်ကဆန်လုပ်ခဲ့သော ကျောင်းသားများအား အငြိုးအာဃာတထားကာ စစ်အစိုးရသည် ကျောင်းသားများနှင့် ပညာရေးအား တစ်စစီချေမှုန်းရေးကို စနစ်တကျ လုပ်ဆောင်ခဲ့သည်။

ကျောင်းများကို ရက်အကန့်အသတ်မရှိပိတ်လိုက်ခြင်းဖြင့် ကျောင်းသားလူငယ်များမှာ လုပ်စရာမရှိတော့ဘဲ လေလွင့်သွားခဲ့ကြ သည်။ ထိုကာလမှာ အနည်းဆုံး လေးနှစ်ကြာခဲ့သည်ဖြစ်ရာ လေးနှစ်အတွင်း လေလွင့်သွားခဲ့သည့် လူငယ်အရေအတွက်မှာ ကြောက်ခမန်းလိလိဖြစ်၏။

ကျောင်းများပြန်ဖွင့်သော် ယခင် စုပြုံနေသော ကျောင်းသားများကို စာကိုမဖြစ်ညစ်ကျယ်သင်၊ ဖြစ်ကတတ်ဆန်း စာမေးပွဲများ စစ်လျက် အကုန်အအောင်ပေးခဲ့ပြန်သည်။ ထိုကာလက ကျွန်တော်သည် စိုက်ပျိုးရေးတက္ကသိုလ်၌ လက်ထောက်ကထိကအဖြစ် တာဝန်ထမ်းဆောင်လျှက်ရှိရာ တစ်နှစ် နှစ်တန်းမျှသော သင်တန်းများကို အဖြစ်မျှသင်လျှက် စာမေးပွဲမေးခွန်းများကိုသာ အဓိက ထားသင်ပြီး အတန်းတင်ပေးခဲ့ရသည်။

နိုင်ငံတစ်ခုကို တည်ဆောက်ရာတွင် ပညာရေးကို အခြေခံ၍ တည်ဆောက်သည့်နိုင်ငံမှသာလျှင် အခြေခံကောင်းသော၊ စနစ်ကျသော၊ လူနေမှုအဆင့်မြင့်သော နိုင်ငံတစ်ခု ဖြစ်ပေမည်။

အခြေခံပညာအဆင့်တွင် စာကိုအဖြစ်မျှသင်ကာ အောင်လာခဲ့သော ကျောင်းသားများသည် တက္ကသိုလ်တွင်လည်း စာကို အဖြစ်မျှသင်ပြီး ဘွဲ့ရကုန်ကြသည်ဖြစ်ရာ ထိုဘွဲ့ရများ၏ အဆင့်အတန်းကို ခန့်မှန်းနိုင်ပါသည်။

ထိုမျှမကသေး။ သေသေချာချာ မစူးစမ်းမလေ့လာ။ ကိုယ်ကိုယ်တိုင်လည်း သေသေချာချာမသိပါဘဲလျက် စဉ်ဆက်မပြတ်၊ အကဲခတ် ပညာရေးဟု လုပ်ချလိုက်ပြန်ရာ ယခင်ကတည်းက ညံ့ဖျင်းနုံချာလှသည့် မြန်မာနိုင်ငံပညာရေးစနစ်ကြီးမှာ အဆိုးဆုံးသို့ ဇောက်ထိုးမိုးမျှော် ကျရောက်သွားလေတော့သတည်း။

ထိုစနစ်အရ ကျောင်းသားများမှာ စာကျက်သည်ဖြစ်စေ၊ မကျက်သည်ဖြစ်စေ၊ တော်သည်ဖြစ်စေ၊ ညံ့သည်ဖြစ်စေ။ တစ်နှစ် တစ်တန်း မတက်မနေတက်ကြရမည်ဖြစ်ရာ လူတို့၏သဘာဝအတိုင်း အလိုလိုအတန်းတက်ရမည်မှန်းသိနေသူသည် အဘယ်မှာလျှင် စာကြိုးစားပါတော့မည်နည်း။ အင်မတန် ညံ့ဖျင်းသောကြောင့် ကျောင်းသားစာမေးပွဲကျလျှင် ထိုဆရာဆရာမမှာ ထုချေလွှာ အတောင်းခံရတော့သည်။ ကျောင်းတွင်မျက်နှာကောင်းမရ။ ၀ိုင်းဝန်း အငြိုးထားကြသည်။ ထိုအခါ လခ ရတာချင်း အတူတူ၊ မည်သည့် ဆရာဆရာမသည် အဆူအပူအဆဲအဆိုခံ၊ ထုချေလွှာအတောင်းခံပါတော့မည်နည်း။ ရလဒ်အဖြစ် ဆယ်တန်း ကျောင်းသားတစ်ဦးသည် အင်္ဂလိပ်အက္ခရာ ဘယ်နှစ်လုံးရှိမှန်းမသိ။ မိမိနာမည်မှ မိမိမှန်အောင် မရေးတတ်သည့် အခြေအနေထိ ရောက်ခဲ့ရသည်။

သူတို့က “အမျိုးသားစည်းကမ်းအစ၊ စာသင်ကျောင်းက” ဟု ဆင်လောက်ကြီးသော ဆိုင်းဘုတ်ကြီးများကို တစ်နိုင်ငံလုံးအနှံ့ ရှိသမျှ ကျောင်းအားလုံးတွင် ချိတ်ဆွဲကာ လူမြင်ကောင်းရုံ လုပ်ခဲ့သည်။ ထိုအဆိုအမိန့်ကို ဘာသာပြန်လိုက်သော် “စာသင်ကျောင်းများပျက်စီးလျှင် တစ်မျိုးသားလုံး၏ စည်းကမ်းများ ပျက်စီးလေတော့၏။” ဟု အဓိပ္ပာယ်ရ၏။ သူတို့စကားနှင့် သူတို့၊ ယခု စာသင်ကျောင်းများမှာ ရစရာမရှိအောင် ပျက်စီးသွား၍ တစ်မျိုးသားလုံး၏ စည်းကမ်းဆိုသည်မှာလည်း ချုံးချုံးကျ သွားခဲ့ရလေသည်။

နောက်တစ်ဆင့် -

တက္ကသိုလ်ကျောင်းသားများဟူသည် သိပ်မဝေးလှသော ကာလတစ်ခုတွင် နိုင်ငံကိုဦးဆောင်မည့်သူများ မဟုတ်ပါလော။ သည်နိုင်ငံကို သည်တက္ကသိုလ်ကျောင်းသားများ ဦးမဆောင်လျှင် မည်သည့် ကလေကချေများ ဦးဆောင်ပါမည်နည်း။ တက္ကသိုလ်ကျောင်းသားများအား တစ်တိုင်းပြည်လုံးတွင် ပညာအတတ်ဆုံး လူတန်းစားဟု ပြောနိုင်သည်။ ထို့ကြောင့် နိုင်ငံ့ခေါင်းဆောင်ကောင်းများ ဖြစ်လာစေရန် တက္ကသိုလ်မှာကတည်းက ပျိုးထောင်ပေးရန်လိုသည်။ လူကြီးလူကောင်းများ ဖြစ်လာစေရန် အနေအထိုင်၊ အပြောအဆို၊ အပြုအမူ၊ တွေးပုံခေါ်ပုံ အစစအရာရာ လေ့ကျင့်ပေးရမည်။ ၁၉၆၀ မတိုင်မီ နှစ်များက တက္ကသိုလ်ကျောင်းသားဆိုလျှင် ဂုဏ်ရှိသည်။ တက္ကသိုလ်ကျောင်းသားများကို တက္ကသိုလ်ကျောင်းသားနှင့် တူတူတန်တန် ထားသည်။ ထို့မို့ကြောင့်ပင် တက္ကသိုလ်ကျောင်းသားများကလည်း လူကြီးလူကောင်းဆန်ဆန် နေထိုင်၊ ပြုမူ၊ ပြောဆိုကြသည်။

များမကြာမီ ကာလတစ်ခုက အစိုးရကမူ တက္ကသိုလ်ကျောင်းသားများအား ၎င်းတို့အား ဒုက္ခပေးမည့်သူများ၊ ရန်သူများအဖြစ် သဘောထားသည်။ အငြိုးအတေးထားကာ အာဃာတတရားကြီးကြီးဖြင့် ရှိရှိသမျှတက္ကသိုလ်အားလုံးကို မြို့ပြင်ထုတ်ကာ၊ ရွာများ အနီး၌ တည်ခဲ့သည်။ တည်သမှ တစ်မြို့လျှင် တက္ကသိုလ်တစ်ခုနီးပါး၊ တစ်နိုင်ငံလုံး မှိုပေါက်သလို တည်ခဲ့သည်။ အရေအတွက် များလျှင် အရည်အသွေးကျတတ်သည့် သဘာဝအတိုင်း မြန်မာနိုင်ငံမှ တက္ကသိုလ်များမှာ တက္ကသိုလ်ဟုသာဆိုရသည်။ အဆောက်အဦကလွဲ၍ စာအုပ်ပင်လျှင် ပြည့်ပြည့်စုံစုံ ရှိပါလေရဲ့လား။ အခြားသင်ထောက်ကူများအနေနှင့် တကယ့်ပစ္စည်းထားလို့ စက္ကပေါ်တွင်ရေးထားသည့် အရုပ်အနေနှင့်တောင် အပြည့်အစုံ ရှိပါရဲ့လား။

ဤမျှများပြားလှသော တက္ကသိုလ်များတွင် ခန့်ထားရန် အရည်အသွေးပြည့် ဆရာဆရာမများ မည်သည့်နေရာက ရပါသနည်း။ ဤကျောင်းများတွင် ဤဘာသာရပ်များကို သင်သည်ထား။ တကယ်အဓိပ္ပာယ်အနှစ်သာရနှင့် ပြည့်ဝပါသည်ဟု မည်သူသည် evaluate လုပ်ပါသနည်း။

ဤမျှလောက်ဆိုလျှင် အနှီတက္ကသိုလ်များမှ ထွက်လာသည့် ကျောင်းသားများ၏ အရည်အသွေးကို ခန့်မှန်းမိလောက်ပါပြီ။
ကျွန်တော်တို့ရွာမှ ကလေးမတစ်ယောက် စီးပွားရေးတက္ကသိုလ်တက်ခွင့်ရသဖြင့် ရန်ကုန်သို့ ကျောင်းလာတက်သည်။ စီးပွားရေး တက္ကသိုလ်က ရွာသာကြီးမှာ။ ရွာသာကြီးဆိုတာ အဝေးကြီး။ အဘယ်ကဲ့သို့ ရန်ကုန်မှ နေ့ချင်းပြန်ကျောင်းတက်ပါမည်နည်း။ သည်တော့ ရွာသာကြီးနားက ရွာမှာပင် စုပြီး အိမ်ငှားနေကြရသည်။ ကျောင်းသားများအတွက် နေစရာအဆောင် စီစဉ်ထား မပေး။

ထို့ထက် ဆန်းပြားတာ ရှိပါသေးသည်။ ရေဆင်းစိုက်ပျိုးရေးတက္ကသိုလ်တွင် ဖြစ်၏။ ရေဆင်းတွင် စိုက်ပျိုးရေးတက္ကသိုလ်၊ တိရစာန်မွေးမြူရေးနှင့် ဆေးကုသရေးတက္ကသိုလ်၊ သစ်တောတက္ကသိုလ် ဟု တက္ကသိုလ်သုံးခုရှိသည်။ ထိုတက္ကသိုလ်များက မြို့နှင့်မနီး။ တောင်စောင်းတွင်ရှိသဖြင့် တက္ကသိုလ်ကျောင်းသားများ နေထိုင်ရန်အတွက် အဆောင်များ ဆောက်ပေးထားသည်။ သို့သော် သိပ်မကြာလှသော ကာလတစ်ခုက ကျောင်းသားများအား ထိုအဆောင်များတွင် နေခွင့်မပေးတော့။ သည်တော့ တက္ကသိုလ်ကျောင်းသားများမှာ အနီးအနားရှိ ပေါက်ကုန်းကျေးရွာ၊ ရေဆင်းကျေးရွာများတွင် အိမ်ငှားနေကြရသည်။ ကျောင်းသားများအတွက်ဆောက်ထားသော အဆောင်များတွင် ကျောင်းသားများကိုမထားခြင်းကား ကျွန်တော့်အဖို့တော့ အတော့်ကို ဆန်းကျယ်လှသော ကိစ္စတစ်ခုပေတည်း။

ရွာဆိုသည်မှာ ရွာသဘာဝအတိုင်းပင်ရှိပါမည်။ အရက်ဆိုင်ရှိမည်။ ကာလသားများက အရက်သောက်မည်။ ပုဆိုးစလွယ်သိုင်း သွားမည်။ ငါနှင့်လူနှင့် ဆဲမည်။ လင်မယားချင်း ရန်ဖြစ်မည်။ မိန်းမအချင်းချင်း ဖင်ပေါ်ခေါင်းပေါ် နပန်းသတ်မည်။ ဤသည်မှာ ရွာစရိုက်ဖြစ်၍ ဘာမှ မဆန်းပါ။ သို့သော် ဤကဲ့သို့သော ရွာများတွင် တက္ကသိုလ်ကျောင်းသားများကို သွားထားခြင်းသည်ကား သက်သက် နာမ်နှိမ်ခြင်းဖြစ်၏။

ကျွန်တော်တို့ငယ်စဉ်က ကျေးညီနောင်ပုံပြင် သင်ခဲ့ရ၏။ အဟိတ်တိရစာန်ကျေးသားပင်ဖြစ်လင့်ကစား ရသေ့များထံ ရောက်သွားသော ကျေးသားက လာပါ၊ ကြွပါ၊ အပန်းဖြေပါနှင့် ချစ်ဖွယ်သောစကားကို ပြောတတ်သည်။ သူခိုး၊ ဓားပြများထံ ရောက်သွားသော ကျေးသားကမူ အဲဒီအကောင်ကိုသတ်ပြီး ပစ္စည်းတွေ လုယူကြဟေ့ဟု ပြောသည်။

တိရစာန်သည်ပင်လျှင် သူကျင်လည်ရသည့် ပတ်ဝန်းကျင်အလိုက် ဓလေ့စရိုက်ပြောင်းသည်။ လူဆိုလျှင်မူ အဘယ်ဆိုဘွယ် ရှိပါတော့မည်နည်း။ ဆိုတော့ ရွာသားများနှင့် ဒိုးတူပေါင်ဘက် နေကြရသော တက္ကသိုလ်ကျောင်းသားများသည် လူကြီးလူကောင်း များအဖြစ် ပြုမူနေထိုင်ကြပါမည်လား။ ရွာသားများကဲ့သို့ပင် အရက်ဆိုင်မှ မူးပြီးပြန်လာသည့်အခါ ပုဆိုးကို စလွယ်သိုင်း၍ ငါနှင့်လူနှင့်ဆဲဆိုပြီး တစ်ရွာလုံးကို စိန်ခေါ်ဘို့ များလေသည်။

UNESCO ၏ စာရင်းအင်းများအရ မူလတန်း၊ အလယ်တန်း၊ အထက်တန်း ကျောင်းသားဦးရေမှာ ၁၀ သန်းခန့်ရှိလေရာ တစ်နှစ်လျှင် ၁၀ သန်းမျှသော လူတို့မှာ ဗရုတ်သုက္ခပညာရေးစနစ်ကြောင့် ဗလချီးနမ်းလူများ ဖြစ်နေကြရလေသည်။ ထို အရေအတွက်မှာ တစ်နှစ်တည်းမဟုတ်။ ကျောင်းသို့ရောက်လာသမျှသော ကလေးငယ်အပေါင်းသည် ဤပညာရေးစနစ်အောက် တွင်ပင် သင်ကြားကြရလေရာ ကျောင်းမှထွက်လာသူအပေါင်းတွင် အင်မတန် တော်တည့်ထက်မြက်သော ကျောင်းသား အနည်းငယ်မှအပ အားလုံးလိုလိုမှာ အညွန့်ချိုးခံပြီးသား လူတန်းစားတစ်ရပ်အဖြစ် ပေါ်ပေါက်လာလေတော့သည်။

ထိုမျှသာမကသေး။ မြန်မာပြည်သူအပေါင်းကို အဆိုးတကာ့ အဆိုးဆုံးအခြေအနေရောက်အောင် ဖန်တီးပေးထားသော အခြေအနေများလည်း များစွာရှိပါသေးသည်။ နမူနာအနည်းငယ်ကို ထုတ်ပြရပါလျှင် ၂ လုံး၊ ၃ လုံး ချဲထီများကို ဥပဒေအား စောင့်ရှောက်ရမည့် ရဲများကိုယ်တိုင်၊ သို့မဟုတ် ၎င်းတို့၏ဇနီး၊ ဆွေမျိုးအသိုင်းအ၀ိုင်းက ဒိုင်ကိုင်သည်။ ချဲဒိုင်များနှင့် ပေါင်းပြီး လုပ်စားသည်။ ဥပဒေပြင်ပမှ လုပ်ငန်းမှန်သမျှ ဆက်ကြေးတောင်းခံကာ ဖွင့်ပေးထားသည်။ အာဏာပိုင်များကို ပိုက်ဆံပေး ထားသည့်အတွက် လုပ်ငန်းရှင်များကလည်း ပြောင်ပြောင်တင်းတင်းပင် လုပ်ကြကိုင်ကြသည်။

လူကြီးလူကောင်းအမည်ခံသူတို့မှာ မိမိလုပ်ပိုင်ခွင့်ကို တလွဲအသုံးချလျက် ပိုက်ဆံကို တရားသည်ဖြစ်စေ မတရားသည်ဖြစ်စေ၊ ရသည့်နည်းနှင့် အကုန်ယူသည်။ ရိုးဖြောင့်မှန်ကန်သူတို့မှာ ၎င်းတို့နှင့် မယှဉ်နိုင်သည့်အတွက် ညှိုးငယ်စွာ နေထိုင်ကြရသည်။ ထိုအခါ လူငယ်များမှာ ဆင်းတောင့်ဆင်းရဲနေထိုင်ရသည့် ရိုးဖြောင့်သူများကို အထင်မကြီး။ မဟုတ်တာလုပ်ပြီး ကောင်းစား နေသည့် လူကြီးလူမကောင်းများအား အထင်ကြီးလျက် ၎င်းတို့အားအတုခိုးကာ မည်သည့်နည်းဖြင့်ရသည်ဖြစ်စေ။ ရလျှင် ဘနဖူးတောင် သိုက်တူးရမည်။ ပိုက်ဆံရရေးသာ အရေးကြီးသည်ဟူသော အယူဝါဒကိုသာ စွဲစွဲလန်းလန်းလက်ခံ ကျင့်သုံးနေကြ တော့သည်။ မြန်မာလူမှုအသိုင်းအ၀ိုင်းတွင်လည်း ရိုးရိုးသားသား လုပ်ကိုင်စားသူများမှာ နှုတ်ခမ်းမဲ့ပြီး တီးတိုးတီးတိုး အကဲ့ရဲ့ ခံရလျှက် အောက်ဆိုဒ်ဟူသည့် မတရားသည့်နည်းဖြင့် ပိုက်ဆံရသူများကိုသာ အထင်ကြီး လေးစားကြသည်။ လူရာသွင်းကြ သည်။ အချင်းချင်း မေးလျှင်ပင် ဟဲ့၊ နင့်ယောက်ျားက အောက်ဆိုဒ်ဘယ်လောက်ရလဲ ဟုသာ မေးကြသည်။ သာမန်လခကို စိတ်မ၀င်စား။ မိမိတို့၏ သားသမီး၊ မြေးမြစ်များကိုလည်း သမာအာဇီဝကျမည့် လုပ်ငန်းကိုင်ငန်း လုပ်ဖို့ မတိုက်တွန်း။ အောက်ဆိုဒ် များများရမည့် အလုပ်ကိုရှာရန်သာ တွင်တွင် တွန်းအားပေးကြသည်။

ဤသို့အားဖြင့် ရှေးယခင်က မြန်မာ့လူအဖွဲ့အစည်းအတွင်းရှိခဲ့သော ကိုယ်ချင်းစာတရားနှင့်တကွ မေတ္တာ၊ ကရုဏာ၊ မုဒိတာ၊ ဥပေက္ခာတည်းဟူသော ဗြဟ္မစိုရ်တရားတို့မှာ တဖြည်းဖြည်းတစစ ပျောက်ကွယ် ကုန်လေတော့၏။

(၄)

ချုပ်ပါမည်။

အထက်တွင် ကျွန်တော် ရေးသားဖော်ပြခဲ့သကဲ့သို့ ၁၉၆၂ ခုနှစ်မှသည် ၂၀၁၀ ခုနှစ်များအတောအတွင်း မြန်မာတစ်မျိုးသားလုံး လိုလိုအား ကြမ်းပိုးသူခိုးစိတ်ဓာတ်များ ကိန်းအောင်းလာအောင်၊ ကလေကချေများဖြစ်လာအောင်၊ အရည်အချင်းမဲ့သည့် ငတုံး ကလေးများဖြစ်အောင် အလုပ်ခံခဲ့ရကြောင်း ပြက်ပြက်ထင်ထင် တွေ့မြင်ကြရပြီ။
ပါပသ္မိံ ရမတီ မနော - စိတ်သည် မကောင်းမှု၌ မွေ့လျော်တတ်၏။ အမြဲတစေ မကောင်းမှုဘက်သို့ ယိုင်နေတတ်သော စိတ်အား ကောင်းမှုတို့ဖြစ်ပေါ်နေစေရန် လေ့ကျင့်ပေးရ၏။ ကောင်းမှုလုပ်သည်ဆိုခြင်းမှာ အဆန်လမ်းဖြစ်၏။ အစုန်လမ်းလောက် မလွယ်ကူ။

ယခုမူ ကျွန်ုပ်တို့မြန်မာပြည်သူပြည်သားများအား ကောင်းမွန်သည့်စိတ်ဓာတ်၊ မြင့်မြတ်သည့် အပြုအမူများ ဖြစ်ပေါ်လာစေရန် လေ့ကျင့်ပေးရမည့်အစား နဂိုကမှ မကောင်းမှုလုပ်ရန် ညွတ်နေသည့်စိတ်ကို အဆင်းတွင် ဘီးတပ်ပေးသည်။ မကောင်းမှုများ ပြုလုပ်လာစေရန် လမ်းခင်းပေးသည်။ ကြမ်းပိုးတေလေများ ဖြစ်လာစေရန် သွေးဆောင်စည်းရုံးသည်။ မသိမသာဖြစ်စေ၊ သိသိ သာသာဖြစ်စေ လေ့ကျင့်ပေးသည်။ ပုံသွင်းပေးသည်။

ယခုမျက်မှောက်တွင် စာရှုသူတို့မြင်နေ၊ တွေ့နေရသည့် လူမှုပတ်ဝန်းကျင် အခြေအနေများမှာ ထို အနှစ် ၅၀ ကာလအတွင်း ညစ်ပတ်စုတ်ပဲ့လှသည့် အစိုးရဆိုသူတို့က ကျကျနန ဖျက်ဆီးထားခဲ့သည့် ရလဒ်များဖြစ်သည်။

ဤမျှဆိုလျှင် ကျွန်ုပ်တို့မြန်မာပြည်သူပြည်သားတို့ အဘယ်ကြောင့် ဤမျှစိတ်ဓာတ်များ အောက်တန်းကျကာ ပျက်စီးချင်တိုင်း ပျက်စီးနေကြရသည် ဆိုသည်ကို စာရှုသူတို့ ကွက်ကွက်ကွင်းကွင်း မြင်လောက်ပြီဟု ယူဆပါသည်။
အဘယ်ကြောင့် စည်းကမ်းမလိုက်နာကြရသနည်း ဆိုသည်ကို ဒုတိယဆောင်းပါးတွင် ဆက်ရေးပါမည်။

ဖတ်ရှုအားပေးသူအားလုံးကို ကျေးဇူးတင်ပါသည်။

အေးငြိမ်း
၁၁ ဇွန်၊ ၂၀၁၅။ ည ၉း၀၀ နာရီ

Friday, June 12, 2015

အနိုင်မခံ

ဖွတာတော့ မဟုတ်ပါဘူး။ ကျွန်တော်တို့ဆီက လူကြီးတွေရဲ့ ဗဟုသုတနဲ့ လေ့လာမှတ်သားမှု အဆင့်အတန်းကို နည်းနည်းလောက် ကလိတာပါ။

ဟောဒီမှာ မူရင်း

http://mizzimaburmese.com/2013-10-20-17-18-22/2013-10-20-16-34-57/item/45867-2015-06-11-03-01-51



ဦးတင်အေးပြောတာ။ ဘာတဲ့။

(ဗိုလ်ချုပ်အောင်ဆန်းပြောတဲ့စကားရှိပါတယ်။ It is bloody but unbowed တဲ့။)

ဟာဟ။ ဟုတ်မှလုပ်ပါ ငှက်ကဋ္ဌ ဟုတ်ပေါင် ဥက္ကဋ္ဌကြီးရယ်။ ကြားဖူးနားဝလေးနဲ့ ရမ်းမတုတ်ပါနဲ့ဗျာ။ မသိရင် ကျွန်တော့် လှမ်းမေးလို့ရပါတယ်။ ကျွန်တော် သေသေချာချာ ပြန်ဖြေပေးပါမယ်။

အဲဒါ ဗိုလ်ချုပ်အောင်ဆန်းပြောတာလို့ ဘယ်သူက ခင်ဗျားကို သင်ပေးထားပါလိမ့်။


အဲဒီမူရင်းက ကမ္ဘာကျော်ကဗျာ “Invictus” ထဲကဖြစ်ပြီး ကဗျာဆရာ “William Ernest Henley” ရေးတာ ဖြစ်ပါတယ်။ ဒီ ကဗျာကို ဗိုလ်ချုပ်အောင်ဆန်း (ဒါမှမဟုတ်) ညိုမြ က “အနိုင်မခံ” ဆိုတဲ့ခေါင်းစဉ်နဲ့ ဘာသာပြန်ခဲ့ပါတယ်။ ဗိုလ်ချုပ်အောင်ဆန်း ဘာသာပြန်တာလား၊ အိုးဝေဦးညိုမြ ဘာသာပြန်တာလားဆိုတာ အငြင်းပွားစရာပါ။ ဒီကဗျာလေးကို တော်တော်များများ သိကြပြီး ဖြစ်မှာပါ။ ဒါပေမဲ့ ကော်မရှင်ဥက္ကဋ္ဌကြီး မသိသေးတဲ့အတွက် ထပ်မံ ဖော်ပြလိုက်ပါတယ်။ နောက်တစ်ခါ သတင်းစာရှင်းလင်းပွဲ လုပ်တဲ့အခါ (အေးဗျာ။ ကျွန်တော်မှားသွားတယ်) လို့ ပြောနိုင်အောင်ပါ။ 

Invictus


Out of the night that covers me,
      Black as the pit from pole to pole,
I thank whatever gods may be
      For my unconquerable soul.

In the fell clutch of circumstance
      I have not winced nor cried aloud.
Under the bludgeonings of chance
      My head is bloody, but unbowed.

Beyond this place of wrath and tears
      Looms but the Horror of the shade,
And yet the menace of the years
      Finds and shall find me unafraid.

It matters not how strait the gate,
      How charged with punishments the scroll,
I am the master of my fate,
      I am the captain of my soul.

နှစ်သုံးရာမှ ပဲ့တင်သံအသံလှိုင်း ကဗျာမှ မောင်သော်က ဘာသာပြန်သည့် ကဗျာ 

အနိုင်မခံ

ငါ့အား ဖုံးလွှမ်းအပ်သည့်
ညဥ့်နက်သန်းခေါင် အမှောင်တွင်းမှ
အသူရာတမျှ နက်လှသော
ချောက်ကမ်းပါး အတွင်းမှ
ငါ၏ မကြောက်တရားကို
ဖန်တီးထားသည့်
နတ်သိကြားများကို
ငါ ကျေးဇူးဆိုပါ၏။
လောကဓံတရား၏
ကြမ်းကြုတ်သော လက်ဆုပ်တွင်းသို့
ငါသက်ဆင်းကျရောက်
သော်ငြားလည်း
ငါကား မတုန်လှုပ်၊ မငိုကြွေး
ကံတရား၏ ရိုက်ပုတ်ခြင်းကြောင့်
ငါ၏ ဦးခေါင်းတို့သည်
သွေးဖြင့် ချင်းချင်းနီ၏။
သို့သော် ညွှတ်ကားမညွှတ်။
လောဘ ဒေါသတို့ကြီးစိုးရာ
ဤကမ္ဘာ၏ အခြားမဲ့၌
သေခြင်းတရားသည်
ကြောက်ဖွယ်ငံ့လင့်၏။
သို့သော် ငါ့အား
မတုန်လှုပ်သည်ကိုသာ တွေ့ရအံ့။
နောင်တွင်လည်း
မကြောက်ရွံ့သည်ကို သာလျှင်
အစဉ်တွေ့ရလတံ္တ့။
သုဂတိသို့ သွားရာတံခါးဝသည်
မည်မျှပင်
ကျဉ်းမြောင်းသည်ဖြစ်စေ
ယမမင်း၏ ခွေးပုရပိုက်တွင်
ငါ၏ အပြစ်များမည်မျှပင်
ရေးခြစ်ထားစေ
ငါသာငါလျှင် ငါ့ကြမ္မာ၏ အရှင်
ငါသာငါလျှင် ငါ့ဘ၀၏သခင်
ဖြစ်တော့သည်။ 

My head is bloody, but unbowed. ဆိုတာကို ကျွန်တော် ခုနစ်တန်းကျောင်းသားဘ၀က စ ကြားဖူးခဲ့တာပါ။ အင်မတန် နှစ်သက်လို့ ဒီကဗျာကို လိုက်ရှာခဲ့ပါတယ်။ ဒါပေမဲ့ ဒေသကောလိပ်၊ ဒုတိယနှစ်ကျမှ ကဗျာမူရင်းနဲ့ ဘာသာပြန်အပြည့်အစုံကို ရခဲ့ပါတယ်။ ချစ်သူငယ်ချင်း သန့်ထူးက ကျွန်တော့်ကို လက်ရေးနဲ့ ကူးရေးပေးခဲ့ပါတယ်။

အဲဒီကဗျာကို ကျောင်းဆရာဘ၀တုံးက ကျွန်တော် ကိုခင်မောင်စိုးကို ရေးပေးဖူးပါတယ်။ ဒါပေမဲ့ မေ့တောင်နေပါပြီ။ ကိုခင်မောင်စိုးက ကျွန်တော့်လက်ရေးမူရင်းကို အီးမေးနဲ့ ပြန်ပို့ပေးခါမှ မှတ်မိတာပါ။



ဆရာမောင်သော်က ဘာသာပြန်ကို ပိုသဘောကျလို့ မောင်သော်ကရဲ့ ဘာသာပြန်ကို တင်ပေးလိုက်ပါတယ်။

(ကော်ဖီချိန်နားတုံး တင်လိုက်တာ။ မိုးတွေလည်း တအုံးအုံးချနေတယ်။)


အေးငြိမ်း
၁၂ ဇွန်၊ ၂၀၁၅။ ၁၀း၂၀ နာရီ

Thursday, June 11, 2015

စနစ် နှင့် စည်းကမ်း အကြောင်း

ဦးမြင့်ဆွေသို့ -

(တစ်နေကုန်အလုပ်လုပ်ပြီး အလုပ်ကပြန်လာတော့ CSOC သင်တန်းရှိလို့ သွားပြနေရသေးတယ်။ အဲဒါကြောင့် ခုမှ ရေးနိုင်တာ)(ကျွန်တော် Eliminate the Risk at Source ဆိုတဲ့ပို့စ်ကို ဖေ့စ်ဘုတ်ပေါ်တင်လိုက်တော့ ဦးမြင့်ဆွေဆိုတဲ့တစ်ယောက်က ကွန်မင့်တွေပေးလာတဲ့အတွက် သူ့ကွန်မင့်ကို ပြန်ပြီးရှင်းချက်ထုတ်တာပါ။)

ခုလိုသေသေချာချာ ပြန်ဆွေးနွေးပေးတဲ့အတွက် အထူးကျေးဇူးတင်ပါတယ်ခင်ဗျား။

၁။ (စနစ်ဆိုတာ လူတွေလုပ်တာဗျ။) - သိပ်မှန်သပေါ့ဗျာ။

၂။ (ဘယ်သူမှမွေးလာကတည်းက အစိုးရဖြစ်ရမယ်။သခင်ဖြစ်ရမယ်။ကျွန်ဖြစ်ရမယ်ဆိုပြီး နဖူးတံဆိပ်အကပ်ခံမွေးလာတာ မဟုတ်ဘူးဗျ။) - သိပ်မှန်သပေါ့ဗျာ။
============================================================

၁။ ((စနစ်ဆိုတာ လူတွေကလုပ်တာ)) - ဆိုတာကို ပြောပါမယ်။

ကျွန်တော်တို့မြန်မာနိုင်ငံဟာ ဦးနေ၀င်းအာဏာမသိမ်းခင်က အရှေ့တောင်အာရှမှာ ထိပ်ဖြစ်ခဲ့တာ ဦးမြင့်ဆွေ သိပါတယ်။ အဲဒါ စနစ်ကောင်းခဲ့လို့ပဲ။ ဘယ်ကစနစ်လဲ။ အင်္ဂလိပ်တွေ ချမှတ်ခဲ့တဲ့စနစ်ကို ဆက်လက်ကျင့်သုံးခဲ့လို့။ မြန်မာပြည်နဲ့ကိုက်အောင်တော့ ပြန်ပြင်ရမှာပေါ့။ အဲဒီစနစ်ကို လုပ်ခဲ့တဲ့ အဲဒီခေတ်က လူတွေက လူတော်တွေကိုးဗျ။ စနစ်ကောင်းလို့ တိုင်းပြည်ကောင်းတာ။
စနစ်ဆိုတာ လူတွေကလုပ်ခဲ့လို့ပဲ ဆိုရှယ်လစ်စနစ်ဆိုတာကြီး ဖြစ်လာတာပေါ့ဗျာ။ အဲဒီ ဆိုရှယ်လစ်စနစ်ဆိုတာကြီးကြောင့် မြန်မာနိုင်ငံဟာ အရှေ့တောင်အာရှမှာ အချမ်းသာဆုံးဖြစ်ခဲ့ရာကနေ အဆင်းရဲဆုံးဖြစ်ခဲ့တာ မဟုတ်လားဗျာ။
ဦးနေ၀င်းပြီး နောက်တက်လာတဲ့ စစ်ခေါင်းဆောင်တွေ လက်ထက်ကျတော့ ဘာစနစ်ကို ကျင့်သုံးသလဲ။ ငါ့မြင်းငါစိုင်း၊ စစ်ကိုင်းရောက်ရောက် ဆိုတဲ့စနစ်ကို ကျင့်သုံးကြတာပဲ။ အဲဒါကြောင့် မြန်မာနိုင်ငံဟာ အခု ဘယ်အခြေဆိုက်နေတယ် ဆိုတာ ဦးမြင့်ဆွေ သိပါတယ်။

အင်္ဂလန်ဆိုတာ ကမ္ဘာ့မြေပုံပေါ်မှာ ဇီးရွက်လောက်ကလေးရှိတဲ့တိုင်းပြည် သေးသေးလေးပေါ့ဗျာ။ ဒါပေမဲ့ ဘာ့ကြောင့် သူ့ထက် အဆပေါင်းများစွာကြီးတဲ့ အိန္ဒိယနိုင်ငံကို ရာစုနှစ်တစ်ခုလောက်ထိ သိမ်းပိုက်အုပ်ချုပ်ထားနိုင်ခဲ့သလဲ။ သူ့ထက် အင်မတန်ကြီးတဲ့ မြန်မာနိုင်ငံကို ရာစုနှစ် ထက်ဝက်လောက် သိမ်းပိုက်ထားနိုင်ခဲ့သလဲ။ မြန်မာနိုင်ငံကို လာအုပ်ချုပ်ခဲ့တဲ့ ဗြိတိသျှအရာရှိ ဘယ်လောက်ရှိမယ် ထင်ပါသလဲ။ လက်တစ်ဆုပ်လောက်ရှိတဲ့ အင်္ဂလိပ်လူမျိုးနည်းနည်းကလေးနဲ့ နေမ၀င်အင်ပါယာကြီး တစ်ခုလုံးကို ဘယ်လို အုပ်ချုပ်ခဲ့သလဲ။

စနစ်နဲ့ခင်ဗျ။ စနစ်နဲ့အုပ်ချုပ်တာ။ လူနဲ့အုပ်ချုပ်တာမဟုတ်ဘူး။

အဲသလောက်ဆို အဲဒီစနစ် ဘယ်လောက်ကောင်းသလဲဆိုတာ ဦးမြင့်ဆွေ နည်းနည်းလောက် ရိပ်မိလောက်ပါပြီ။ ဒါဖြင့် အဲဒီစနစ်ကို ဘယ်သူတွေ ရေးခဲ့သလဲ။ အင်မတန် တော်တည့်ထက်မြက်သူတွေ ရေးတယ်ဆိုတာ ယုံမှားသံသယမရှိနိုင်ပါဘူးဗျာ။ “ရေဘူးပေါက်တာမလိုချင်ဘူး။ ရေပါတာပဲလိုချင်တယ်” ဆိုတာလောက်သိတဲ့ ဦးဏှောက်တွေနဲ့ ရေးရင် အဲသလောက် ကောင်းမွန်တဲ့ စနစ်တစ်ခု ထွက်လာလိမ့်မယ်လို့ ဦးမြင့်ဆွေ ထင်ပါသလား။

စနစ်ကိုလူကရေးတာမှန်ပေမဲ့ အဲဒီစနစ်ကို ရေးတဲ့သူဟာ ကောင်းတဲ့၊ တော်တဲ့၊ နိုင်ငံ့အပေါ်လည်း စေတနာထားတဲ့ (Competent Person = Knowledge + Skill + Attitude) သူတွေ ရေးမှ ကောင်းတဲ့စနစ်ဖြစ်မှာပေါ့ဗျာ။ “ကျွန်တော်သာ နောက်ထပ် ၅ နှစ်လောက်အုပ်ချုပ်ရရင် စင်ကာပူလို ဖြစ်ရစေ့မယ်” လို့ အရူးချီးပန်းလျှောက်ပြောနေတဲ့သူတွေက ကောင်းမွန်တဲ့စနစ်တစ်ခု ရေးနိုင်လိမ့်မယ်လို့ ဦးမြင့်ဆွေ ထင်ပါသလား။

နောက်တစ်ချက် -

၂။ ((ဘယ်သူမှမွေးလာကတည်းက အစိုးရဖြစ်ရမယ်။ သခင်ဖြစ်ရမယ်။ ကျွန်ဖြစ်ရမယ်ဆိုပြီး နဖူးတံဆိပ်အကပ်ခံမွေးလာတာ မဟုတ်ဘူးဗျ။ အမှိုက်စည်းကမ်းမယ့်မပစ်တာ တန်းစီတာ တဦးနဲ့တဦးကူညီတာ လေးစားတာ ကိုယ့်ဟာကိုယ်စာကြိုးစားတာ ကျန်းမာရေးလုပ်တာ ကျန်းမာတဲ့အစာစားတာ တဦးနဲ့ဦးအနှောက်အယှက်မဖြစ်အောင် နေတာစသည်ဖြင် ကိုယ့်ဟာကိုယ်လုပ်လို့ရသော အလုပ်ပေါင်းများစွာရှိရဲ့နဲ့တစိပ်ရှိ အစိုးရအစိုးရဆိုတာလုပ်မနေကြဘို့ ကျနော်တို့လူ့
အဖွဲ့အစည်းကိုမေတ္တာရပ်ခံတာပါ။ အစိုးရဆိုတဲ့ကိစ္စနဲ့ပတ်သက်လို့ကိုယ့်ဟာကိုယ်ဒုက္ခရောက်မယ့်နည်းရော သူတို့ဒုက္ခရောက်မယ့်နည်းရောအားမပေးပါဘူး။ သူနိုင်ကိုယ်နိုင် win-win နည်းဘဲသုံးစေခြင်တယ်။ လူတွေအားလုံးအစွဲတွေ တဏှာမာနတွေကြောင့်ဒိဋ္ဌိဖြစ်ပြီး ဒုက္ခရောက်ကြတာ။ ဆေးလိပ်စွဲ ဆေးစွဲ အရက်စွဲ လောင်းကစားစွဲ အပျော်အပါးစွဲ။ စွဲမိရင်မှားမှန်းသိတောင်မဖြတ်နိုင်ကြတော့ဘူး။ အဲဒီလိုမျိုးတွေထဲမှာမှ အာဏာစွဲစည်းစိမ်စွဲတွေက အဆိုးဆုံးတွေပါ။
လွယ်လွယ်နဲ့ဖြတ်ဖို့ စွန့်လွှတ်ဖို့ခက်နေပါပြီ။ ဒီလိုအာဏာတွေစည်းစိမ်တွေအပေါ်မှာ သာယာခြင်းမကသာယာနေ
ကြတဲ့အတွက် ကိုယ်ချင်းစာတရားတွေဗြဟ္မစိုရ်တရားတွေပျောက်နေပါပြီ။)
- ဆိုတာ ဆက်ပြောပါမယ်။

လူဟာ မွေးလာကတည်းက အစိုးအနေနဲ့မွေးလာတာမဟုတ်ဘူးဆိုတာ ဦးမြင့်ဆွေလို လူကြီးမပြောနဲ့။ မနေ့တစ်နေ့ကမှ ကိုရင်ဝတ်ကထွက်လာတဲ့ ၈ နှစ်သား ကျွန်တော့်သားတောင် သိပါတယ်ဗျား။
ကျွန်တော်တို့တိုင်းပြည်ကလူတွေ အဲသလို စည်းကမ်းမဲ့၊ ပညာမဲ့၊ အရက်သမား ဘိန်းသမားတွေဖြစ်အောင် ဦးနေ၀င်းကစလို့ အဆက်ဆက်သော စစ်အာဏာရှင်တွေက ဖျက်ဆီးခဲ့တယ်ဆိုတာ ဦးမြင့်ဆွေမသိတာများ အံ့သြကုန်နိုင်ဘွယ်ပါဘဲ ခင်ဗျာ။ ကလေးတွေပြောတာဆို ထားပါတော့။ အခု ဦးမြင့်ဆွေလို လူကြီးတစ်ယောက်က အဲဒါကိုမသိဘူးဆိုတော့ ကျွန်တော်ရှင်းပြရ တာပေါ့ဗျာ။

ကျွန်တော်ကတော့ ကျွန်တော်တို့တိုင်းပြည်က လူတွေရော (အားလုံးတော့မဟုတ်ဘူးပေါ့ဗျာ)။ ခု ကျောင်းသားလေးတွေရောကို အပြစ်မမြင်ပါဘူး။ သူတို့ (ကျွန်တော်တို့) ဟာ စနစ်ဆိုးရဲ့ သားကောင်တွေပါ။ တိုင်းပြည်ကို စနစ်တကျ ရစရာမရှိအောင် ဖျက်ဆီးခဲ့တဲ့ (ခု ချိပ်ထဘီဝတ်တွေအပါအ၀င်) အာဏာရှင်တွေသာ အဓိက တရားခံပါ။

ကုလသမဂ္ဂအတွင်းရေးမှူးချုပ်ဖြစ်ခဲ့တဲ့ ဦးသန့်ဆိုတာ ဘယ်က ထွက်တာပါလဲ။ မြန်မာနိုင်ငံမှာ အင်မတန်တော်တဲ့ လူတွေ အများကြီး ထွက်ခဲ့ပါတယ်။ အခုလည်း ရှိပါတယ်။ ခင်ဗျားသိချင်တယ်ဆို ကျွန်တော် စာရင်းလုပ်ပေးမယ်။ ကျွန်တော် အခုအလုပ်လုပ်နေတဲ့ စင်ကာပူမှာကိုပဲ ကုမ္ပဏီ ဒါရိုက်တာ ဖြစ်နေတဲ့သူတွေ၊ မန်နေဂျာတွေ၊ အကြံပေးအရာရှိတွေ။ 

ကုန်ကုန်ပြောမယ်ဗျာ။ ကျွန်တော့်လို ပမွှား၊ ငချွတ်တောင် ကျွန်တော်တို့ ကုမ္ပဏီမှာ၊ ခုလုပ်နေတဲ့ ပရောဂျက်မှာ Safety နဲ့ပတ်သက်လို့ ကျွန်တော်အကြီးဆုံးပဲ။ ကြွားတယ်လို့ ထင်ချင်ထင်ပေါ့ဗျာ။ Safe မဖြစ်တဲ့အလုပ်ဆို ကျွန်တော်ချက်ချင်းရပ်ခိုင်းလို့ရတယ်။ Safety မလိုက်နာတဲ့သူဆို ဘာကောင်ကြီးပဲ ဖြစ်ဖြစ် ဆိုဒ်ထဲကနေ ဦးစွန်းဖုတ် ဆွဲထုတ်လို့ရတယ်။ အဲဒါ ကျွန်တော့်လို့ အလယ်အလတ်တန်းစား မြန်မာတစ်ယောက်ရဲ့ စင်ကာပူက အဆင့်အတန်း။ ဦးမြင့်ဆွေမယုံဘူးဆို ကျွန်တော် လေယာဉ်လက်မှတ် ၀ယ်ပို့လိုက်မယ်။ ဗီဇာလျှောက်ပေးမယ်။ လာခဲ့ပါ။ ကျွန်တော့်ဆိုဒ်ထဲ လိုက်ပြမယ်။ အဲဒါ အလယ်အလတ်တန်းစား မြန်မာတစ်ယောက်ပါ။ ကျွန်တော့်ထက်ရာထူးကြီးတဲ့၊ အခြေအနေမြင့်တဲ့၊ လခ ကောင်းတဲ့သူတွေ စင်ကာပူမှာ ရိုက်သတ်လို့ မကုန်ဘူး။

ဒါပေမဲ့ မြန်မာနိုင်ငံမှာ ဘာဖြစ်လို့ ဦးမြင့်ဆွေပြောသလို လူတွေတန်းမစီကြတာ၊ အမှိုက်ပစ်တွေပစ်တာ၊ လော်ကြီးတွေနဲ့ အသားကုန်ဖွင့်တာ၊ ကားတွေဆိုလည်း ကျော်ချင်သလို ကျော်တာ ဖြစ်နေသလဲ တဲ့။

နံပါတ် (၁) သူတို့ အာဏာတည်မြဲရေးအတွက် လူတွေကို ပညာတတ်တွေမဖြစ်တော့အောင်၊ စဉ်းစားတွေးခေါ်တတ်တဲ့ အသိဉာဏ်တွေ မရတော့အောင် ပညာရေးကို တစ်စစီချေမှုန်းလိုက်တယ်။ ချိုးဖျက်လိုက်တယ်။ ချေမွှလိုက်တယ်။ ဖျက်ဆီးလိုက်တယ်။

နံပါတ် (၂) တရားဥပဒေစိုးမိုးရေးကို ဦးစားမပေးဘဲ လူတွေကို စည်းမဲ့ကမ်းမဲ့လူတွေဖြစ်အောင် နေချင်သလိုနေ၊ လုပ်ချင်သလို လုပ်ခွင့်ပေးထားတယ်။ အဲဒီတော့ လူတွေဟာ အလိုလိုနေရင်း စည်းကမ်းမဲ့တဲ့သူတွေ ဖြစ်သွားတယ်။ ကလေကချေတွေ ဖြစ်သွားတယ်။ ဗလချီးနမ်းလူတွေ ဖြစ်သွားတယ်။

နံပါတ် (၃) လူတွေအတွက် အလုပ်အကိုင်အခွင့်အလမ်းတွေ ဖန်တီးမပေးဘူး။ လူတွေဟာ လုပ်စရာမရှိတော့ လမ်းဘေး ရောက်ကုန်တယ်။ လဖက်ရည်ဆိုင်ရောက်ကုန်တယ်။ အရက်ဆိုင် ရောက်ကုန်တယ်။ နှစ်လုံး သုံးလုံးထိုးတတ်လာတယ်။ အဲသလိုနဲ့ လေရာကလွင့်၊ လွင့်ရာကနေ လုံးလုံးပျက်တဲ့အခြေ ဆိုက်သွားတယ်။ လူပျင်းတွေ ဖြစ်လာတယ်။

နံပါတ် (၄) အကျင့်ပျက်ခြစားမှုကို ပိုးမွေးသလိုမွေးထားပြီး ၀န်ထမ်းလောကကြီးတစ်ခုလုံးကို ဖျက်ဆီးလိုက်တယ်။
ကျွန်တော်ရန်ကုန်ပြန်တော့ လမ်းကူးဘို့ လူကူးမျဉ်းကြားလိုက်ရှာတယ်။ ကျွန်တော်နေတာ ပြည်ရိပ်မွန်မှာ။ စိုက်ပျိုးရေး မှတ်တိုင်ကဆင်းပြီး အဆညရှေ့မှာလုပ်ထားတဲ့ လူကူးမျဉ်းကြားကနေ ကူးဘို့ကြံတယ်။ အဲဒီလူကူးမျဉ်းကြားမှာ ကားဆို တစ်စီးမှ ရပ်မပေးဘူးဗျာ။ တ၀ီးဝီးမောင်းနေတဲ့ကားတွေကြားထဲက အတင်းဖြတ်ကူးရတာပဲ။

နောက်ပြီး စင်ကာပူနေတာကြာတော့ အကျင့်ဖြစ်နေလို့ အမှိုက်ကို တွေ့ကရာမပစ်တတ်လို့ အမှိုက်ပစ်စရာ နေရာရှာတယ်။ တစ်နေရာမှ တူတူတန်တန် အမှိုက်ပုံးမတွေ့ခဲ့ဘူး။ ဒါဆို အဲဒီအမှိုက်ကို တွေ့ကရာမပစ်လို့ ဘယ်သွားပစ်မတုံးဗျာ။
သေးမပေါက်ရတဲ့။ ရန်ကုန်မြို့လယ်မှာ ရေးထားတယ်။ အဲဒီနေရာမှာ သေးမပေါက်ရရင် ဘယ်နေရာသွားပေါက်မလဲ။ သေးပေါက်စရာနေရာ လွယ်လွယ်ကူကူရှိသလား။

လူတွေ စည်းကမ်းမရှိဘူး။ စည်းကမ်းမရှိဘူးနဲ့၊ စည်းကမ်းမရှိတာသာ အပြစ်ဖို့နေတယ်။ စည်းကမ်းရှိချင်လာအောင် ပံ့ပိုးပေးဘို့ ဘယ်သူစိတ်ကူးပါသလဲ။

လူတွေကို လူနေမှုအဆင့်မြင့်လာအောင်၊ စည်းကမ်းရှိလာအောင် လုပ်ပေးရာမှာ အဓိက က ပညာရေးဗျ။ လူတွေကို တွေးတတ် ခေါ်တတ်၊ စဉ်းစားတတ်တဲ့ တကယ့်ပညာတတ်တွေ ဖြစ်အောင် သင်ပေးဘို့လိုတယ်။ အဲဒါဟာ ကျောင်းသင်ပညာရေးကနေ စတာဘဲ။ အခု မြန်မာနိုင်ငံကကျောင်းတွေမှာ သင်နေတဲ့ပညာရေးဟာ အင်မတန်ကောင်းလှချည့်လို့ ဦးမြင့်ဆွေ ထင်သလား။ ကလေးတွေ ကျောင်းကထွက်လာပြီး ဘာမှမတတ်တာ အဲဒီကလေးတွေ သောက်သုံးမကျလို့ လို့ ဦးမြင့်ဆွေ ထင်သလား။
လူမပြောနဲ့၊ ခွေးတောင် အဆင့်မြင့်မြင့်ထားရင် အဆင့်အတန်းမြင့်မြင့် နေတတ်တယ်။ ခွေးတွေ လူသွားတဲ့အိမ်သာမှာ ရှူးရှူး သွားပေါက်ပြီး ရေဆွဲချခဲ့တဲ့ ဗီဒီယိုတွေ ဖေ့စ်ဘုတ်မှာ ဦးမြင့်ဆွေ ကြည့်ဖူးသလား။ မကြည့်ဖူးရင် ရှာကြည့်ဗျာ။

ခွေးကတက်မှာထားတဲ့ ခွေးဟာ ခွေးကတက်က စိတ်ဓာတ်လောက်ရှိတယ်။ အိမ်ပေါ်မှာ ကျကျနနထားတဲ့ ခွေးဟာ သူ့အဆင့် သူသိတယ်။ အိမ်ပေါ်မှာ လူလိုနေတတ်တယ်။ အဲဒါ တိရစ္ဆာန်။ လူမဟုတ်သေးဘူး။

အခုတော့ တက္ကသိုလ်တွေကို တောတွေပို့ပစ်ပြီး ကလေးတွေကို ရွာတွေမှာထားတယ်။ ရွာမှာနေရတဲ့ ရွာသားတွေ နေတာထိုင်တာ လုပ်တာကိုင်တာ ပြောတာဆိုတာကိုပဲ မြင်၊ ကြားနေရတဲ့ ကလေးတွေဟာ ရွာသားအဆင့်လောက်ပဲ ရှိတော့ မပေါ့ဗျာ။ တက္ကသိုလ်ကျောင်းသားဆိုတာ တက္ကသိုလ်ကျောင်းသားလို ထားရတယ်ဗျ။ လေးစားရတယ်ဗျ။ အထင်ကြီးရတယ်ဗျ။ မြေတောင်မြှောက်ပေးရတယ်ဗျ။

ခုတော့ ဘယ့်နှယ်ကွယ်။ ကလေးတွေကို တောပို့ပြီး ဖျက်ဆီးပစ်တယ်။ ကျုပ်ဖြင့် ရင်နာလို့မဆုံးဘူး။ သူတို့သားသမီးတွေတော့ နိုင်ငံခြားပို့ပြီး ပညာသင်ခိုင်းတယ်။ တောက်၊ ရာဇ၀င်ရိုင်းလိုက်လေ။

အဲဒီတက္ကသိုလ်တက်တဲ့အထဲမှာ ခင်ဗျား သားသမီးတွေရော ပါသလားမသိဘူး။ ပါတယ်ဆိုရင် သူတို့ ဘယ်လိုနေရစားရတယ်။ ဘယ်သူတွေနဲ့ ပေါင်းရသင်းရတယ်။ သူတို့ ဘယ်လိုတွေးကြခေါ်ကြတယ် ဆိုတာ နည်းနည်းလောက် မေးကြည့်စမ်းပါဗျာ။
ကျွန်တော်လက်ရှိနေထိုင်တဲ့ စင်ကာပူအကြောင်း နည်းနည်းပြောပြပါမယ်။

ဦးမြင့်ဆွေ (လီကွမ်ယုရဲ့ တတိယကမ္ဘာမှ ပထမကမ္ဘာသို့) ကို ဖတ်ဖူးလိမ့်မယ်လို့ယူဆပါတယ်။ မဖတ်ဖူးသေးရင် ဆရာဟိန်းလတ် ဘာသာပြန်ထားတာရှိတယ်။ နက်ဖြန် သွားဝယ်ဖတ်ချေဗျာ။

လီကွမ်ယုတို့ စင်ကာပူကို စထူထောင်တော့ အထပ်မြင့်တိုက်တွေ ဆောက်ပေးတယ်။ ခုမှ တောင်ယာထဲကနေ တိုက်ပေါ် ရောက်လာတဲ့ သူ့နိုင်ငံသားတွေက လှေခါးတွေပေါ်မှာ ၀က်တွေကျောင်းတယ်။ တိုက်ခန်းတွေမှာ ကြက်တွေ တကော်ကော်နဲ့။ သူတို့လည်း အသည်းအသန် လုပ်ယူရတာပဲ။ ဒါပေမဲ့ တကယ်လုပ်တဲ့အခါကျတော့ တကယ်ဖြစ်တာပဲ။

ဦးမြင့်ဆွေပြောသလို သူတို့လည်း မွေးကတည်းက စည်းကမ်းကြီး လည်ပင်းချိတ်မွေးလာတာ မဟုတ်ပါဘူး။ စည်းကမ်းရှိတဲ့ လူအဖွဲ့အစည်းထဲ နေရတဲ့အခါကျတော့ အော်တိုမက်တစ် စည်းကမ်းရှိသွားသပေါ့ဗျာ။

ဗမာပြည်ကလာခဲ့တဲ့ ကျွန်တော်တို့လည်း စင်ကာပူမှာ အများတန်းစီသလို တန်းစီတာပါဘဲဗျ။ အဲဒါ အစိုးရကောင်းလို့ တိုင်းပြည်ကောင်းတယ်၊ တိုင်းပြည်ကောင်းလို့ နိုင်ငံသားတွေလည်း ကောင်းတဲ့နိုင်ငံသားတွေ ဖြစ်တယ်၊ အဲဒီအသိုင်းအ၀ိုင်းထဲ ရောက်သွားတဲ့ မြန်မာပြည်မှာကြီးပြင်းခဲ့တဲ့ ကျွန်ုပ် ငအေးငြိမ်းလည်းပဲ စင်ကာပူရောက်တော့ တန်းစီဖြစ်သွားတာပဲဗျ။ အဲဒါဟာ လူ့အသိုင်းအ၀ိုင်းက အလိုလို သွန်သင်ပေးသွားတာပဲ။ အရေးကြီးတာက အဆင့်မြင့်တဲ့ လူနေမှုပတ်ဝန်းကျင်ကို ဖန်တီးပေးဘို့ပဲ။ ကြွေပြားပြောင်ပြောင်ပေါ် တော်ရုံတန်ရုံလူ ကွမ်းတံတွေးထွေးသွားပါ့မလားဗျာ။ လူတကာကမှ တန်းမစီဘဲ ဘယ့်နှာလုပ် တစ်ယောက်တည်းက တန်းစီမတုံး။ ခင်ဗျားနှယ်။

စင်ကာပူကိုလည်း ကောင်းလွန်းလှပြီ မထင်ပါနဲ့။ စင်ကာပူနိုင်ငံ ဒီလောက် သန့်ရှင်းသပ်ယပ် လှပနေတာ အင်မတန့်ကို စနစ် ကောင်းလွန်းလို့၊ အစိုးရက နိုင်နိုင်နင်းနင်း လုပ်လွန်းလို့ပါဗျာ။ ဓာတ်လှေခါးထဲမှာ အအေးဘူးတွေ၊ သတင်းစာတွေ၊ တစ်ရှုးတွေ ပစ်သွားတာ မကြာမကြာတွေ့ပါ့။ ထိုင်ခုံတွေမှာ စားသောက်ပြီး အမှိုက်တွေကို ဒီအတိုင်း ပစ်သွားတာပဲ။

ဒါပေမဲ့ မြန်မာနိုင်ငံလိုတော့ မဟုတ်ဘူးဗျ။ ရန်ကုန်မှာ ကွမ်းမစားရ၊ ဒဏ်ငွေ ၅၀၀ ဆို စာလာကပ်သွား။ စားလည်း ဘာမှ မဖြစ်ဘူး။ ဘယ်သူမှလည်း အရေးမယူဘူး။ အရေးယူတဲ့သူကလည်း ရိုက်သွားတဲ့ဒဏ်ငွေကို အိပ်ကပ်ထဲ ထည့်သွားတာပဲ။ နောက်ပြီး အဲဒီ ကွမ်းမစားရ ဆိုတာကြီးလည်း တစ်ပတ်မခံဘူး ပျက်သွားတာပဲ။ အဲဒါ ဘာလုပ်တာလဲဗျာ။

စင်ကာပူမှာ ဒဏ်ရိုက်တာ ခင်ဗျားကို ပြောပြဦးမယ်။

သူတုိ့က ဒဏ်ရိုက်ရင် ပိုက်ဆံတောင်းပြီး အိပ်ထဲထည့်သွားတာ မဟုတ်ဘူးခင်ဗျ။ ဖြတ်ပိုင်းပေးသွားပြီး အဲဒီဖြတ်ပိုင်းထဲမှာ ပါတဲ့အတိုင်း သွားဆောင်ရတာ။ ဆောင်လိုက်တဲ့အခါ အဲဒီပိုက်ဆံက အစိုးရဘဏ်ထဲ တိုက်ရိုက်ရောက်သွားတာ။ ကဲ။ တကယ် မိရင်လည်း တကယ်ဆော်သပေါ့ဗျာ။ ကျွန်တော် အခုလုပ်နေတဲ့ ပရောဂျက်မှာတောင် ဒဏ်ငွေဆောင်ရတာ စင်ကာပူဒေါ်လာ ၇ သောင်းရှိသွားပြီ။ ပရောဂျက်လုပ်တာမှ တစ်နှစ်မပြည့်သေးဘူး။

ပြီးခဲ့တဲ့လက ကျွန်တော်တို့ဆိုဒ်က ထိုင်းအလုပ်သမားတစ်ယောက် မရီနာဘေမှာ ငါးသွားမျှားလို့ ဒဏ်ငွေ ၅၀ ဆောင်လိုက်ရ တယ်။ ဒဏ်ငွေက ထုံးစံအတိုင်း ဖြတ်ပိုင်းနဲ့ဆိုတော့ ဘာလုပ်ရမှန်းမသိလို့ ကျုပ်ဘဲ အင်တာနက်ကနေ ဆောင်ပေးလိုက်တယ်။
နောက်ပြီး ကုလားလေးတစ်ယောက်လည်း မနှစ်က သြချတ်မှာ အမှိုက်ပစ်လို့ ဒဏ်ငွေ ၂၀၀ ဆောင်လိုက်ရသေးတယ်။

((လူတွေက ကိုယ်လုပ်စရာရှိတာတော့ မလုပ်ဘူး။ ထစ်ကနဲရှိ အစိုးရချည်း အပြစ်ပုံချနေတယ်)) . . .  တဲ့။

အစိုးရသောက်သုံးမကျလို့ အစိုးရကို အပြစ်ပုံချတာပေါ့ဗျ။ သူတို့လုပ်ခဲ့လို့ ကျုပ်တို့တိုင်းပြည် ဗိုလ်ချုပ်ပြောတဲ့ ဖာနိုင်ငံဖြစ်နေပြီ။

 အာဆီယံ ၁၀ နိုင်ငံမှာ စင်ကာပူလာဘို့  ဗီဇာလျှောက်ရတာ မြန်မာနိုင်ငံဘဲရှိတယ်ဆိုတာ ခင်ဗျားသိရဲ့လား။ တိုင်းပြည်က ဘာထွက်ကုန်မှ ထုတ်မရောင်းနိုင်ဘဲ ရှိသမျှသယံဇာတတွေကို သူ့ရို့အဖေဆီက အမွေရတဲ့အတိုင်း ထုတ်ရောင်းနေတာ အဲဒီ အစိုးရကို သောက်သုံးကျတယ်လို့ ခင်ဗျားက ထင်နေသေးတာလား။

တော်ပြီဗျာ။ စိတ်ပေါက်ပေါက်နဲ့ရေးလိုက်တာ အခုတောင် ၁၀ နာရီခွဲတော့မယ်။

ဒါမှမကျေနပ်သေးလို့ မျက်နှာချင်းဆိုင်ဆွေးနွေးချင်သပဆို ဟောဒီမှာ ကျွန်တော့်ဖုံးနံပါတ်နဲ့ email လိပ်စာ။

Tel (Sing): 9730 3027
email: aye475@gmail.com

အေးငြိမ်း

၉ ဇွန်၊ ၂၀၁၅။ ည ၁၀း၂၅ နာရီ