Saturday, February 25, 2012

ကျွန်တော်နှင့် နတ်ကိုးကွယ်ခြင်းအကြောင်း

(၁)
 

ကာလရှည်လျား၊ လူ့ငနွားတို့၊ ကြီးမားယုတ်မာ၊ နတ်မိစ္ဆာကို၊ ဘိုးလာဘွားဘက်၊ မြေးသားဆက်၍၊ မပျက်ခုတိုင်၊ နတ်ခရိုင်နှင့် - - အစချီကာ အင်းဝခေတ်စာဆိုအကျော် ရှင်မဟာသီလ၀ံသမထေရ်က နတ်ကိုးကွယ်သူများ အားဆုံးမထားသည်ကို ငယ်စဉ် ကတည်းက ကျက်မှတ်ခဲ့ရဖူးပါသည်။ စိန္တကျော်သူဦးသြ ကလည်း သူ၏ က၀ိလက္ခဏာ သတ်ပုံကျမ်းတွင် “မိစ္ဆာအားလုံး၊ လွှမ်းပိတ်ဖုံး၊ တောင်ပြုံးညီနောင်နန်း“ ဟု စပ်ဆိုခဲ့ပါသည်။

ထို့အတူ ဆရာတော် သံဃာတော်ကြီး တော်တော်များများကလည်း နတ်ကိုးကွယ်ခြင်းကို အားမပေး၊ ရှုတ်ချကာ ဟောကြား ကြပါသည်။ အမှန်အားဖြင့် သူတို့ကိုးကွယ်သည့် “နတ်” ဟူသော အရာများကို ကျွန်တော်ကိုယ်နှိုက်လည်း ငယ်စဉ်က မယုံကြည်၊ လက်မခံခဲ့။ ပြင်းပြင်းထန်ထန် ရှုတ်ချပြောဆိုခဲ့ဖူးပါသည်။  

ဤတွင်ကျွန်တော်ယခုပြောမည့် “နတ်” များကို ရှင်းရှင်းလင်းလင်း၊ ကွဲကွဲပြားပြား သိသာမြင်သာစေရန် နှစ်ပိုင်းခွဲရပါလိမ့်မည်။ မိတ်ဆွေတို့သိကြသည့်အတိုင်း ကျွန်တော်တို့ ဗုဒ္ဓဘာသာမှ လက်ခံယုံကြည့်ထားသည့် ၃၁ ဘုံထဲရှိ တာဝတိံသာ၊ ယာမာ၊ တုသိတာ စသော နတ်ပြည် ၆ ထပ်မှနတ်များ၊ ဓတရဌ အစရှိသည့် နတ်မင်းကြီးလေးပါး စသည်တို့မှာ ကျွန်တော်တို့ လူသားများ လူ့ပြည်တွင်နေကြသကဲ့သို့ သူတို့လည်း သူတို့ဘာသာ နတ်ပြည်များ၌ နေကြကုန်၏။ ဗုဒ္ဓဘာသာမှန်လျှင် ထိုနတ်များနှင့် မကင်း။ မယ်တော် သန္တုသိတနတ်သား၊ သိကြားမင်း၊ ၀ိသကြုံနတ်သား အစရှိသူတို့မှာ ကြားရဖန်များသဖြင့် ကိုယ့်အဆွေအမျိုးလိုပင် ဖြစ်နေချေပြီ။  
သို့သော် ကျွန်တော် ယခုပြောမည့် “နတ်” များမှာ ထိုနတ်များမဟုတ်။ ကိုကြီးကျော်၊ မနှဲလေး၊ မင်းကြီး၊ မင်းလေး အစရှိသော ယနေ့ ကျွန်တော်တို့ မြန်မာအများ ကိုးကွယ်နေကြသည့် အတွင်း ၃၇ မင်း၊ အပြင် ၃၇ မင်း ဟုခေါ်သော နတ်များကို ဆိုလိုပါ သည်။

ဤတွင် စကားစပ်မိသဖြင့်ပြောလိုသည်မှာ ကျွန်တော်ရောက်ဖူးသမျှ မြန်မာနိုင်ငံတစ်နံတစ်လျားတွင် အမေရေယဉ်၊ နံကရိုင်း မယ်တော်၊ ကိုကြီးကျော် စသည့် နတ်များကိုသာ နတ်စင်များနှင့် တခမ်းတနား ကိုးကွယ်ကြတာ တွေ့ရသည်။ ၃၁ ဘုံထဲ၌ရှိပြီး လူအများအားလည်း ကူညီစောင့်ရှောက်နိုင်သည်ဟု ကျွန်တော်တို့ ယုံကြည်ကြသည့် ကုဝေရနတ်မင်းကြီး အပါအ၀င် နတ်အများကိုမူ ကိုးကွယ်တာ မတွေ့ရဖူးပါ။ ဤနတ်များကို ဘုရားပုထိုးများ၌သာ ရုပ်တုများ၊ ပန်းချီကားများအနေနှင့် တွေ့ရတတ်ပါသည်။ သို့သော်လည်း ဤရုပ်တုနှင့် ပန်းချီကားများကိုမူ မည်သူမျှ တလေးတစား ကိုးကွယ်ကြသည်ကို မတွေ့ရပါ။ ၎င်းတို့ကို ကိုးကွယ်ရမည့် အတန်းအစားထဲ၌လည်း ထည့်သွင်းမထားပါ။  

သို့သော် ၎င်းနတ်များကို ကျွန်တော်တို့ အလှူအတန်းလုပ်သောအခါများတွင် လည်းကောင်း၊ မေတ္တာပို့သော အခါများတွင် လည်းကောင်း ထည့်သွင်း အမျှဝေ၊ မေတ္တာပို့ကြပါသည်။ ပရိတ်နာခြင်း၊ ပဌာန်းရွတ်ခြင်း စသည်တို့ပြုလျှင်လည်း အနှီနတ်များကို တရားနာရန် ပင့်ဖိတ်ခြင်း၊ ပရိတ်ပဌာန်းရွတ်ပွဲပြီးလျှင် ပြန်ပို့ခြင်းလုပ်ကြသည်ကို လူတိုင်းသိ၏။ သို့သော် ထိုပရိတ်၊ ပဌာန်းတရားများကို ရွတ်ဖတ် သရဇ္ဈာယ်သောပွဲများတွင် ကိုကြီးကျော်နှင့် မမနှဲတို့ကို ဖိတ်လည်းမဖိတ်၊ ပြန်လည်းမပို့။ ထို့ပြင် သဗ္ဗေသတ္တာ အဝေရာဟောန္တု စသဖြင့် ဝေနေယျသတ္တ၀ါ အပေါင်းကို မေတ္တာပို့၊ အမျှအတန်း ပေးဝေရာတွင်လည်း ၃၁ဘုံနတ်များသာပါပြီး ကိုကြီးကျော်တို့နတ်များ ပါဝင်တာ ရှာမှရှားပါသည်။ ကုန်ကုန်ပြောရလျှင် မည်သူမျှ မေတ္တာပို့၊ အမျှဝေခြင်းမလုပ်ပါ။  

ထိုအခါ ကိုးကွယ်သောနတ်များကို မေတ္တာမပို့ဘဲ မကိုးကွယ်သော နတ်များကိုမေတ္တာပို့ခြင်း။ အလှူအတန်းလုပ်ရာတွင် မိမိတို့ မကိုးကွယ်သော နတ်များကို ပင့်ဖိတ်၊ အမျှအတန်း ပေးဝေသော်လည်း မိမိကိုးကွယ်သော နတ်များကို မပင့်ဖိတ်၊ အမျှအတန်း မပေးဝေခြင်းမှာ အဘယ်ကြောင့်နည်းဟု ကျွန်ုပ်မှာ အလုပ်မရှိအလုပ်ရှာကာ အမျိုးမျိုးစဉ်းစားတွေးတော နေမိပါလေ၏။

(၂)

များစွာသော နိုင်ငံတို့မှ လူများတွင် မူလကိုးကွယ်ရာ ဘာသာတရားများအပြင် သူ့ယုံကြည်ရာ ကိုးကွယ်ကြသော နတ်များ ကိုလည်း တွေ့နိုင်ပါသည်။ ဗုဒ္ဓဘာသာအခြေခံသင်တန်း၌ သပိတ်အိုင်ဆရာတော်က ထို သစ်ပင်တောတောင်၊ ရေမြေ၊ တိရိစ္ဆာန်အပါအ၀င် နတ်များကို လူအများယုံကြည်ကိုးကွယ်ခြင်းမှာ အကြောက်တရားကို အခြေခံသည်ဟု ဟောပါသည်။ ဤသို့ခြေခြေမြစ်မြစ်မသိဘဲ ကိုးကွယ်ခြင်းမှာ အန္တရာယ်ရှိ၏ ဟူ၍လည်း ဇာတံ သရဏတော ဘယံ - ကိုးကွယ်ရာမှ ဘေးဖြစ် တတ်၏ ဟု ဟောခဲ့တာ မှတ်မိနေပါသည်။ ဆရာတော်၏ သင်တန်းကို ကျွန်တော် စက်မှုကျောင်းသားဘ၀၊ ပဉ္စမနှစ် (၁၉၈၄) ၌ တက္ကသိုလ်များ ဓမ္မာရုံတွင် သွားတက်ခဲ့ခြင်းဖြစ်၏။

ရှေးယခင်ကတည်းက လူအများမှာ သဘာဝဘေးဒဏ်ကို ခံစားကြရသည်။ မီးလောင်ခြင်း၊ မိုးကြိုးပစ်ခြင်း၊ ရေကြီးခြင်း၊ ငလျင်လှုပ်ခြင်းတို့နှင့် ကြုံရသည်။ ထို့အပြင် သားကောင်များ၏ အန္တရာယ်၊ မြွေကင်းစသောအဆိပ်ရှိသတ္တ၀ါများ၏ အန္တရာယ် အစရှိသည့် အန္တရာယ်များနှင့် ပြွမ်းနေသော ပတ်ဝန်းကျင်တွင် နေထိုင်ရသည်။ ထိုအခါ ထိုအန္တရာယ်များမှ ကာကွယ်ပေးနိုင် မည့် သဘာဝလွန်တန်ခိုးရှင်များကို ရှာဖွေကြသည်။ ထိုအခါ နတ်များကို သွားတွေ့သည်။  

မိမိတို့ဘေးကင်းလုံခြုံရေးအတွက် နတ်များကို ကိုးကွယ်ကြသည်။ ဤနတ်များသည် မည်သည့်နေရာမှလာသည်ကို တိတိ ကျကျ သိချင်မှသိမည်။ သို့သော် ဤနတ်များ အမှန်တကယ်ရှိကြောင်း မိမိကိုယ်ကိုယ် စိတ်ချနိုင်စေရန် လက်တွေ့ရှိ အရာတစ်ခုခုနှင့် ဆက်စပ်ပေးရမည်။ ဤအရာသည် ကွယ်လွန်သွားသော လူစွမ်းကောင်း၊ သို့မဟုတ် ထိုလူစွမ်းကောင်း နှင့် တနည်းတဖုံ ဆက်စပ်ပတ်သက်နေသူ ဖြစ်ကောင်းဖြစ်မည်။ သို့မဟုတ်ပါကလည်း မိမိတို့ချစ်ခင်သော၊ သို့မဟုတ် သနားဖွယ် ကောင်းသောသူ ဖြစ်ချင်ဖြစ်မည်။ များသောအားဖြင့် သေရိုးသေစဉ်သေသူများမဟုတ်ဘဲ၊ အစိမ်းသေ သေကြသူများ ဖြစ်မည်။

မိမိ၏ ဘေးအန္တရာယ်နှင့် ရောဂါဘယများကို ပျောက်ကင်းစေလိုသဖြင့် ကိုးကွယ်သည်ဖြစ်ရာ အနှီနတ်များသည် သာမန် လူများထက် ပိုပြီး တန်ခိုးစွမ်းပကားရှိရမည်။ ရှိသည်ဟုလည်း ယုံကြည်ကြသည်။ ဤသို့မိမိတို့ယုံကြည်ရာအလိုက် ကိုးကွယ် ကြရာတွင် နတ်များ၏ ပုံသဏ္ဍာန်၊ တန်ခိုးစွမ်းအားများမှာ မိမိတို့နေထိုင်ရာ ပတ်ဝန်းကျင်၊ မိမိတို့ ယဉ်ကျေးမှု၊ နောက်ခံသမိုင်း၊ ဓလေ့ထုံးစံများနှင့် ဆက်စပ်ပတ်သက်နေပါသည်။  

သို့သော် လူမျိုးနှင့် နတ်မည်မျှပင်ကွဲသည်ဖြစ်စေ တူညီသောအချက်မှာ နတ်အားလုံးသည် မှော် သို့မဟုတ် ၀ိဉာဉ်ပိုင်းဆိုင်ရာ တန်ခိုးစွမ်းပကားနှင့် ပြည့်စုံခြင်းဖြစ်ပြီး လူများနှင့် တစ်နည်းနည်းအားဖြင့် ဆက်စပ်ပတ်သက်နေခြင်း ဖြစ်ပါသည်။

(၃)


အနော်ရထာမင်းစောလက်ထက်က နတ်ကိုးကွယ်မှုကို နှိမ်နှင်းသောအားဖြင့် ကိုးကွယ်သူများထံမှ နတ်ရုပ်များကို ဖမ်းဆီး၊ စုဆောင်းကာ ရွှေစည်းခုံစေတီတော်အတွင်း ထားရှိခဲ့သည်ဟု ဖတ်ခဲ့ရဖူးပါသည်။ မြန်မာ့သမိုင်းတစ်လျှောက်တွင် ဤတစ်ကြိမ် သာ နတ်ကိုးကွယ်ခြင်းကို ပြတ်ပြတ်သားသား အရေးယူဆောင်ရွက်ခဲ့တာ တွေ့ရပြီး အခြားမင်းများ၊ သို့မဟုတ် အစိုးရများ လက်ထက်တွင် မတွေ့ရပါ။  

လက်တွေ့ဆန်သော သိပ္ပံပညာထွန်းကားလာသည့်တိုင် နတ်ကိုးကွယ်မှုများကတော့ ရှိနေဆဲဖြစ်ပါသည်။ သို့သော် ရှေးယခင် ကာလများကထက်စာလျှင် အတော်လျော့နည်းသွားသည်ဟု ထင်ပါ၏။ တောရွာများတွင်သာမက မြို့ပြများတွင်ပါ နတ်ကိုးကွယ်မှုဓလေ့ ဆက်လက်ရှင်သန်လျှက် ရှိပါသေးသည်။ ကျွန်တော် ဒေသကောလိပ်ကျောင်းသားဘ၀၊ ဟင်္သာတတွင် ကျောင်းတက်ခဲ့စဉ်က နတ်ပွဲများကို တစေ့တစောင်း သွားကြည့်ခဲ့ပါသည်။ ဘာရယ်မဟုတ်၊ ဗဟုသုတရအောင် သွားလေ့လာ ခြင်းဖြစ်ပါသည်။ သူတို့က ပိုက်ဆံတတ်နိုင်တော့ နေ့ခင်း နတ်ကပြီး ညတွင် အငြိမ့်ကပါသည်။ တကယ့်အငြိမ့်ပွဲများကို မမီသည့်တိုင် ကြည့်လို့တော့ ကောင်းပါသည်။

ဒါ့ထက် စကားမစပ်။ စင်ကာပူတွင် ကျင်းပပြုလုပ်သော ပွဲလမ်းသဘင် (စာပေဟောပြောပွဲ၊ ပဒေသာကပွဲ စသည်) များသို့ ကျွန်တော်ရောက်သည့်အခါ ဘာရေးရမလဲ ဟု အမြဲစူးစမ်းလျှက်ရှိသော ကျွန်ုပ်မျက်လုံးများက ဟို့ - ဇာတ်စင်ထောင့်နား၌ တင်ထားသော ငှက်ပျောပွဲ၊ အုန်းပွဲကို သွားတွေ့ပါသည်။ တစ်ပွဲတည်းမဟုတ်။ ပွဲတိုင်းဖြစ်၏။ သို့သော်လည်း သူတို့ကြိုက်မှန်း မသိ၊ မကြိုက်မှန်းမသိ။ ရမ်းမေးလို့ကလည်း မကောင်းလေတော့ ဘာတင်တာတုံးဗျာတို့ ဟု မေးချင်လျက်သားနှင့် မမေးခဲ့ဖူးပါ။ သိတော့ သိချင်ပါသည်။ ဘာကိုတင်တာလဲ။ ကျွန်တော်တို့တောရွာများ၌ ပွဲလမ်းသဘင်ကျင်းပလျှင် နတ်ပွဲတင်တာကတော့ လေ၊ မိုးကြောင့် ပွဲမပျက်ရအောင် လေနတ်၊ မိုးနတ်တင်သည်ဟု နားစွန်နားဖျားကြားမိပါသည်။ စင်ကာပူမှ Theatre များတွင် တော့ လေမိုးဒဏ်ကို စိုးရိမ်ရန်မလိုဟု ထင်ပါသည်။

ကျွန်တော်တို့ တောရွာများတွင် အိမ်ဆောက်သည့်အခါ၊ မဏ္ဍပ်ထိုးသည့်အခါ၊ အလှူ၊ မင်္ဂလာဆောင်စသည်တို့၌ ဤကဲ့သို့သော ငှက်ပျောပွဲ၊ အုန်းပွဲများ တွေ့ရပါသည်။ တွေ့ပင်တွေ့ငြားသော်လည်း ဘာကြောင့်တင်သလဲဆိုတာ ကျွန်တော် သေသေချာချာ မမေးမြန်း၊ မစူးစမ်းခဲ့ဖူးပါ။ အိမ်များ၌ ဘုန်းကြီးများပင့်ပြီး တရားဟောသောအခါ၊ ပရိတ်ရွတ်သောအခါများတွင်လည်း ထို ငှက်ပျောပွဲ၊ အုန်းပွဲများတွေ့ရပါသေး၏။ သူတို့ကတော့ ထိုပွဲကို သာသနာပွဲ ဟုခေါ်ပါသည်။ သာသာနာပွဲတွင် ငှက်ပျော ဘယ်နှဖီး၊ ဘာတွေပါရမယ် ဆိုတာရှိပါ၏။ ကျွန်တော်က စိတ်မ၀င်စားသဖြင့် မလေ့လာ၊ မလေ့လာသဖြင့်လည်း ထိုအကြောင်းများကို ဂဃနဏမသိပါ။ ငှက်ပျောပွဲ၊ အုန်းပွဲများအကြောင်း ရေးထားသော စာအုပ်တွေ့ဖူးသည် ထင်ပါသည်။ သို့သော် ဖတ်တော့မဖတ်ဖူးပါ။  

ဘုန်းကြီးကျောင်းများတွင်သော်လည်းကောင်း၊ စေတီပုထိုးများတွင်သော်လည်းကောင်း ထိုပွဲများကို တွေ့ရတတ်ပါသေးသည်။ ကျွန်တော့် အထင်ပြောရလျှင် ထိုအုန်းပွဲ၊ ငှက်ပျောပွဲများမှာ နတ်ကိုးကွယ်မှုနှင့် တစ်နည်းနည်းအားဖြင့် ဆက်စပ်ပတ်သက်နေ တာ ဖြစ်ဖို့များပါသည်။ သာသနာပွဲတွင်လည်း ငှက်ပျောပွဲ၊ အုန်းပွဲ။ နတ်ပွဲတွင်လည်း ငှက်ပျောပွဲ၊ အုန်းပွဲ။ ဘာကွာပါသနည်း။ သို့သော် ထိုသာသနာပွဲတင်သူများသည် နတ်ကိုးကွယ်သူများကို အ,မနာပ ပြောကြသူများဖြစ်ပါသည်။ နတ်များကို မယုံကြည်ဆိုသူများလည်း အိမ်ဆောက်သောအခါ ငှက်ပျောပွဲ၊ အုန်းပွဲတင်ပါသည်။ ဗုဒ္ဓဘာသာဓလေ့ထုံးစံအရ ရှင်ပြုလျှင်ပင် ရွာထိပ်ရှိ ကိုးမြို့စင်သို့သွားကာ နတ်ပြရပါသည်။ ကိုးမြို့ရှင်သည် ကိုကြီးကျော်တို့ အဆွေအမျိုးသာဖြစ်ပြီး ဗုဒ္ဓဘာသာ ကျမ်းဂန် လာ ၃၁ ဘုံမှ နတ်မဟုတ်ပါ။

သည်သို့ဆိုလျှင် အနည်းငယ် ရုပ်လုံးပေါ်လာပါပြီ။ ဤသည်ကိုပင်လျှင် ကျွန်တော် ဘ၀င်မကျ၊ နားမလည်နိုင်တာဖြစ်ပါ၏။

ကျွန်တော်ဆိုလိုသည်မှာ နတ်ကိုးကွယ်သူများကို ကဲ့ရဲ့ကာ၊ သူတို့ကိုးကွယ်သော နတ်များကို ရှုတ်ချနေသူများသည်လည်း ပါးစပ်ကသာ ရှုတ်ချနေရမည်။ သူတို့စိတ်ထဲတွင်လည်း ဤနတ်များနှင့်မကင်းနိုင်တာ သေချာပါသည်။ အကယ်၍ ငါတို့ကတော့ ဘယ်နတ်နဲ့မှ မပတ်သက်ဘူးကွ ဆိုလျှင် ထိုသူသည် သူ့သားရှင်ပြု၌ နတ်မပြဘဲ နေပါသလား။ အလှူမဏ္ဍပ်တိုင် ၌ အုန်းညွန့်မထိုးဘဲ ထားပါသလား။ မဏ္ဍပ်အတွင်း သံဃာစင်ထောင့်တွင် ငှက်ပျောပွဲ၊ အုန်းပွဲ မထိုးဘဲနေပါသလား။ ဟာ၊ ဒါကတော့ သာသနာပွဲကွ ဆိုလျှင် ဘာသာရေးဆိုင်ရာပွဲလမ်းများ၌ အုန်းသီး၊ ငှက်ပျောသီးများနှင့် ပွဲထိုးရမည်ဟု မည်သည့် ကျမ်းစာများက ညွှန်ပြထားပါသနည်း။ အကယ်၍ ဤသာသနာပွဲသည် ဗုဒ္ဓဘာသာ အယူအဆတစ်ခု၊ ဓလေ့ထုံးစံတစ်ခု ဖြစ်သည်ဆိုလျှင် သီဟိုလ်၊ ထိုင်း စသော အခြားနိုင်ငံများ၌ အနှီသာသနာပွဲရှိပါသလား။ ကျွန်တော်မသိပါ။

(ပြီးခဲ့သော ၂ နှစ်ခန့်က ကျွန်တော်သွားကြည့်ခဲ့သော ရန်ကုန်ရှိ ပြင်သစ်နိုင်ငံသံရုံး၊ မြန်မာယဉ်ကျေးမှုကဇာတ်တွင်ပင် ငှက်ပျောပွဲ၊ အုန်းပွဲထိုးထားတာ တွေ့ခဲ့ရပါသေးသည်။ ဤကား စကားချပ်)

ယခု အလုပ်မရှိအလုပ်ရှာပြီး ကျွန်တော်တွေးပြသည်မှာ မိမိကိုယ်၌ကရော မည်မျှစင်ကြယ်သူဖြစ်သနည်း ဆိုသည်ကို ပြန်လည် ဆန်းစစ်ရန်ဖြစ်ပါသည်။

ကျွန်တော်သည် နတ်ကိုးကွယ်သူမဟုတ်ပါ။ နတ်များရှိသည်ဟု အခိုင်အမာ ယုံကြည်သူတစ်ဦးလည်း မဟုတ်ပါ။ ထို့အတူပင် ဘာသာရေး အယူသီးသူတစ်ယောက်လည်း မဟုတ်ပါ။ မြတ်စွာဘုရား၏ ၀ိဘစ္ဆ၀ါဒီကို သဘောကျသဖြင့် ဘာသာရေးနှင့် နတ်ကိုးကွယ်မှုများ ထွေးရောယှက်တင်ဖြစ်နေသည်ကို အနည်းငယ် တွေးကြည့်ခြင်းသာဖြစ်ပါသည်။ အဲလေ၊ တွေးရုံတော့ လည်း မဟုတ်ဘူးပေါ့။ တွေးမိတာလေးတွေကို စာနဲ့ချရေးပြီး မိတ်ဆွေများကိုလည်း တွေးရအောင် ပြန်လည် ဝေငှသပေါ့။ 

(၄)


ဒါဆို ဘာ့ကြောင့် နတ်ကိုးကွယ်ကြသလဲ။ နည်းနည်းပြောကြည့်ပါမည်။ တွေးကြည့်ပါမည်။ ကျွန်တော်ကား အညတရ၊  ပမွှား၊ ငချွတ်ကလေးမျှ ဖြစ်သဖြင့် ကျွန်တော့်ဦးဏှောက် တစ်မိုက်လောက်နှင့်ပြောတာကို မှန်သည်ဟု တရားသေမယူဆပါ။ မိတ်ဆွေများ ကျွန်တော်နှင့် လွတ်လပ်စွာ သဘောကွဲလွဲနိုင်ပါသည်။  

ကျွန်တော်က သူများနှင့်မတူသော ရှုထောင့်မှကြည့်ပါမည်။ ကျွန်တော့် blog နာမည်ကို Free Thinker ဟုပေးခြင်းမှာ လွတ်လပ်စွာ တွေးလိုသဖြင့် ပေးခြင်းဖြစ်၏။ ဘာသာမဲ့မဟုတ်ပါ။ အများမတွေးသောဘက်မှ တွေးလို၍ ဖြစ်ပါသည်။

ကျွန်တော်တွေးတာကို ပိုမိုခိုင်လုံစေရန် နမူနာများ ဦးစွာပြပါမည်။

အနောက်တိုင်း၌ အလွန်နာမည်ကြီးသော ဆရာဝန်တစ်ဦးက လူနာများကို ဆေးကုရာတွင် မည်သည့်ဆေးကိုမျှမသုံး။ အရောင်အမျိုးမျိုးဆိုးထားသော ရေများကို ရောဂါအလိုက်တိုက်ကာ ကုသသည်။ လက်တွေ့လည်း ပျောက်သည်ဆို၏။ မည်သည့်နိုင်ငံမှ မည်သည့်ဆရာဆိုသည်ကို တပ်အပ်သေချာမပြောနိုင်သဖြင့် ပါးစပ်ထဲတွေ့ရာ လျှောက်ပြောနေသကဲ့သို့ ဖြစ်ပြီ။ ရည်ညွှန်းရန်စာအုပ်များမှာ ရန်ကုန်တွင်ကျန်ခဲ့သည်။ မည်သည့်စာအုပ်မှဆိုသည်ကိုပင် မမှတ်မိတော့ပါ။  

သိပ္ပံမောင်ဝလား၊ ဦးဖိုးကျားလား မသိ။ ရေးထားသော ဆေးဆရာ ဟူသည့်ဆောင်းပါးကို ကျွန်တော်တို့ငယ်စဉ် အထက်တန်း မြန်မာစာ လက်ရွေးစင်၌ သင်ရ၏။ အမည်မှာ ဆရာအိုဖြစ်သည်။ အကျဉ်းချုပ်ရလျှင် ဆရာအိုက ဆေးကုရာတွင် ဆေးထက် ဉာဏ်ကိုပိုပြီး အားကိုးသည်။ သူ့ကုထုံးများကိုကြည့်ပါ။ ဆရာအို မြန်မာ့ဆေးပညာကိုလေ့လာနေစဉ်က ဆရာအိုတို့ ပညာ သင်ယူနေသော မြန်မာဆေးဆရာကြီး၏ အိမ်တွင် ဆရာကြီး၏ အမျိုးသမီး မီးဖွားရန်ဖြစ်လာသည်။ ဆရာကြီးလည်း မိမိ တတ်သမျှ အစွမ်းကုန်ကု၏။ အစွမ်းဆုံးသော ဆေးများကို ပေး၏။ သို့သော် မီးဖွားချိန်တိုင်သည့်တိုင် မီးမဖွားနိုင်။ ဆရာကြီး မျက်လုံးပြူးလာပြီ။ မိမိ၏ ချစ်ဇနီးချောလေး။ ရထားတာမှ သိပ်မကြာသေး။ သို့ဖြင့် တပည့်များထဲမှ အတွေးအခေါ်ကောင်းသူ ဆရာအိုကို ခေါ်ကာ တိုင်ပင်သည်။ သည်တော့ ဆရာအိုက အနည်းငယ်စဉ်းစားကာ ဆရာကြီးခင်ဗျာ၊ ကျွန်တော်ကိစ္စလေး တစ်ခုရှိလို့ အပြင်ခဏသွားပြစေ ဟု ဆိုလျှက် ဆရာကြီးအိမ်ရှိ စာသင်သား မိတ်ဆွေဒေါက်တာလောင်းအပေါင်းကိုခေါ်ကာ အပြင် ထွက်သွားသည်။ သူတို့အပြင်ထွက်သွားသည်နှင့်တပြိုင်နက် ဆရာကြီးဇနီးမှာ ရှောရှောရှုရှု ကလေးမီးဖွားတော့ သတည်း။ (ဆရာကြီး၏ဇနီး မီးမဖွားနိုင်ခြင်းမှာ ဘာကြောင့်မှမဟုတ်။ ယောက်ျားသားလူပျိုတွေ အိမ်မှာ တစ်ပြုံကြီးရှိနေသဖြင့် ရှက်သည့်စိတ်က ဓမ္မတာကို ထိန်းထားခြင်းဖြစ်သည်။ ဆရာအိုက ဤအချက်ကို တွေးမိသဖြင့် လူပျိုဆရာအားလုံးကို ပ, ထုတ် သွားခြင်းဖြစ်၏။ သူတို့မရှိတော့ ရှက်စိတ်ပျောက်ကာ အလွယ်တကူ မီးဖွားခြင်း ဖြစ်သတည်း။)  

ထို့ပြင်တ၀ ကလေးမကလေးတစ်ဦးမှာ အပြင်းအထန်ဖျားပြီး မျက်လုံးများချိုင့်ဝင်ကာ ကျန်းမာလာသည့်တိုင် မျက်လုံးက ပြန်ထွက်မလာ။ မျက်စိပင် ကွယ်တော့မည်ကဲ့သို့ ဖြစ်နေ၏။ ဆရာပေါင်းစုံနှင့် ကုသော်လည်း မပျောက်။ ဤသည်ကို ဆရာအိုက ဉာဏ်ထုတ်လျှက် ပူစီပေါင်းသုံးလုံးကို မှုတ်ခိုင်းပြီးကု၏။ ပူစီပေါင်းများလည်း ဖောင်းလာ၊ မျက်လုံးလည်း ဖောင်းထွက်။ ပြန်လည်းမြင်တော့သတည်း။

နေပါအုံးကွ။ ဆရာအိုဆေးကုတာနဲ့ နတ်ကိုးကွယ်တာ ဘာပတ်သက်လို့ လေရှည်နေတာလဲ - -

ဟု အပြစ်တင်မစောပါနှင့်ခင်ဗျာ။ ကျွန်တော် အကြောင်းပြတာခိုင်လုံစေရန် လေကြောရှည်ရခြင်းဖြစ်ပါသည်။ 

ဉာဏ်ပြေးသူများကတော့ သဘောပေါက်ပါလိမ့်မည်။ အထက်ပါ အနောက်တိုင်းဆရာနှင့် မြန်မာ ဆရာအိုတို့မှာ လူနာကို ဆေးဖြင့် ကုခြင်းမဟုတ်။ သူတို့အပေါ် လူနာက ယုံကြည်ကိုးစားနေသော လူနာ၏ ယုံကြည်စိတ်နှင့် ပြန်ကုခြင်းဖြစ်သည် ဆိုခြင်းကို ကွက်ကွက်ကွင်းကွင်း မြင်နိုင်ပါသည်။ ကျွန်တော်တို့တိုင်းပြည်၌ ခေတ်စားလှသော ဘိုးတော်၊ ဘွားတော်၊ နာမည် ကြီးပျောက်စေ ဆရာတော်ကြီးများ၏ ရေမန်းစွမ်းခြင်းမှာ ရေမန်းထက် ရေမန်းကိုယုံကြည်သော လူနာ၏စိတ်က ပိုစွမ်းတာ ဖြစ်ပါသည်။

နတ်အကြောင်း ပြန်ကောက်ပါမည်။

(၅)

လူ၌ လုံခြုံရေး အရေးကြီး၏။ လုံခြုံရေး၌ ကိုယ်လုံခြုံရေးရော စိတ်လုံခြုံရေးပါ နှစ်မျိုးလုံး အရေးကြီးပါသည်။ ထို့ထက် ကိုယ်လုံခြုံရေးထက် စိတ်လံခြုံရေးက ပိုလို့ပင် အရေးကြီးသေးသည်။ ကိုယ်လုံခြုံရေးကို မိမိ မိဘဘိုးဘွားများ၊ မောင်ဘွား များ၊ ရဲများ၊ ဥပဒေဘက်တော်သားများ နှင့် အစိုးရက တာဝန်ယူပေးပါသည်။ သို့သော် သင်္ချိုင်းကုန်းသွားလျှင် အဘယ်ကြောင့် ကြက်သီးထသနည်း။ အိမ်ကြီးတစ်အိမ်လုံးမှာ ကိုယ်တစ်ယောက်ထဲနေလျှင် အဘယ်ကြောင့် ကျောချမ်းပါသနည်း။ စိတ်မလုံခြုံသောကြောင့် ဖြစ်၏။
သို့ဆိုလျှင် စိတ်လုံခြုံရေးကို မည်သူတာဝန်ယူ စောင့်ရှောက်ပေးပါသနည်း။ ဤမေးခွန်းကို ဖြေရန် လမ်းစရှာရာတွင် တစ်နည်း မှာ နတ် ဆိုသည်ကို သွားတွေ့ပါသည်။ ထိုအခါ အများစုက ဟေ့၊ ငါတို့ဗုဒ္ဓဘာသာမှာ ရတနာသုံးပါးရှိတယ်လေကွာ။ ငါတို့ကို လုံခြုံအောင် ရတနာသုံးပါးက စောင့်ရှောက်တာပဲ ဟု ဆိုပါလိမ့်မည်။ မှန်ပါသည်။ ဗုဒ္ဓဘာသာမှန်လျှင် အမြဲမပြတ် သရဏဂုံ တင်နေကြသူချည်း။ ဘုရားရှိခိုးတိုင်း သရဏဂုံတင်ကြသည်။ (သေမှတင်တာမဟုတ်။) ဗုဒ္ဓံ သရဏံ ဂစ္ဆာမိ ဆိုလျှင် သရဏဂုံ တင်ပြီး ဖြစ်တော့သည်။ သို့သော် ရတနာသုံးပါးကို ကိုးကွယ်ရာဟူ၍ ဆည်းကပ်ပါ၏ ပါးစပ်ကဆိုတိုင်း စိတ်ထဲတွင် ရတနာ သုံးပါးက မိမိကို အပြည့်အ၀ ကာကွယ်ပေးထားသည်ဟု ယုံကြည်ပါသလား။ အင်း၊ ယုံတာပေါ့ ဟု ပြောသာပြောသော်လည်း စိတ်ထဲကမူ အပြည့်အ၀မယုံပါ။
ဆူးလေစေတီတော်ရှိ ဆူးလေဘိုးဘိုးကြီး

နတ်များကိုတော့ မိမိနှင့်ပိုပြီး နီးနီးကပ်ကပ်ရှိသည်ဟု ခံစားမိကြသည်။ အဘယ်ကြောင့်ဆိုသော် နတ်များမှာ လောကီနယ်မှ ဖြစ်သောကြောင့်ဖြစ်၏။ တစ်နည်းအားဖြင့်လည်း နတ်များကို မိမိစိတ်၌ ဤကမ္ဘာလောက၏ တစ်နေရာရာတွင်ရှိနေသည် ဟု ထင်နေသည်။ အကောင်အထည်အားဖြင့်ဖြစ်စေ၊ ၀ိညဉ်အားဖြင့်ဖြစ်စေ ရှိနေသည် ဟု ထင်သည်။ မိမိအနီးပတ်ဝန်းကျင်၌ ရှိနေသည်ဟု ထင်သည်။ ထိုအခါ မိမိတို့စိတ်လုံခြုံမှုရရေးအတွက် နတ်များကို ချဉ်းကပ်သည်။

သို့သော် နတ်ဆိုတာ လူမဟုတ်၍ သည်အတိုင်းချဉ်းကပ်လို့မရ။ နတ်ဘာသာစကားကို နားလည်မည့် ကြားခံတစ်ယောက်လို သည်။ သို့ဖြင့် ကနားစီး၊ နတ်ဝင်သည်၊ နတ်ထိန်း စသည်တို့ပေါ်လာ၏။ ထိုသူတို့က နတ်နှင့်တိုက်ရိုက်ဆက်ဆံသည်။ သာမန် အများသူငါကမူ နတ်နှင့် တိုက်ရိုက်ထိတွေ့ခွင့်မရ။ ထို့ကြောင့် နတ်ကတော်များကို ချဉ်းကပ်ကြရ၏။ တစ်ခါတလေတော့ နတ် များ စိတ်လိုလက်ရရှိလျှင်မူ တစ်စုံတစ်ယောက်ကို ၀င်ရောက်ပူးကပ်သည်။

ကျွန်တော်တို့ဒေသဘက်၌ မိုးဦးလေဦးကျလျှင် လယ်ယာလုပ်ငန်း စတင်တော့မည်။ ထိုအခါ ဦးရှင်ကြီးတင်သည်။ ရေငံပိုင် ဦးရှင်ကြီးက ကျွန်တော်တို့ ရိုးမနားကရွာများ လယ်လုပ်ခြင်းတွင် ဘယ်ကဲ့သို့ပါဝင် ပတ်သက်နေသည်ကို ကျွန်တော်မသိပါ။  လူကြီးများကို စပ်စပ်စုစုသွားမေးလျှင် ခေါင်းခေါက်ခံရခြင်းတည်း ဟူသော အဖြေကိုသာ ရမည်ဖြစ်သဖြင့် တစ်ခါမှမမေးခဲ့ဖူးပါ။

တစ်စုံတစ်ယောက်သောသူသည် တောထဲသွားရင်း ဖျားနာလာခဲ့သည်ဖြစ်အံ့။ ရွာပြန်ရောက်လျှင် နတ်က, တော့သည်။ သူတစ်ဦးတစ်ယောက် အပြင်းဖျားလျှင်လည်း နတ်က, သည်။ မင်္ဂလာဆောင်သည့်အခါများတွင်လည်း မိဆိုင်ဖ,ဆိုင်နတ်များ ကို ကန်တော့ရသည်။ အမေ့၊ အဲဒီ မိဆိုင်၊ ဖ,ဆိုင်နတ်ဆိုတာ ၃၇ မင်းထဲက ဘယ်နတ်တွေလဲ ဟု သွားမေးကြည့်ပါ။ တယ်၊ ဒီကောင်လေး၊ လျှာ့ကိုရှည်တယ်။ ဒေါက် - ဟု ခေါင်းခေါက်ခံရမည်ဖြစ်၏။ အဘယ်ကြောင့်ဆိုသော် ထို မိဆိုင်ဖဆိုင်နတ်များ ကို သူတို့ကိုးသာကိုးကွယ်နေကြသည်။ ဘယ်သူတွေဟု ကျကျနန မသိသောကြောင့်၊ ဖြေစရာအဖြေ မရှိသောကြောင့် ဖြစ်၏။

ကျွန်တော်ငယ်စဉ် တော၌နေထိုင်စဉ်ကလည်း သီတင်းကျွတ်ကဲ့သို့ လများတွင် အိမ်တွင်းနတ်ကန်တော့သည်ကို ကြုံဖူး ပါသည်။ ကြက်ဖို၊ ကြက်မနှင့်ဖြစ်၏။ ကျွန်တော်မှာ ထိုစဉ်က အသက်ဆယ်နှစ်သားအရွယ်မျှဖြစ်သဖြင့် လူကြီးတွေ ဘာကြောင့် နတ်ကန်တော့သည်ကို မသိ။ ကျွန်တော်သိသည်မှာ နတ်ကန်တော့လျှင် ကြက်သားစားရမည်။ ဒါပဲဖြစ်၏။ ဦးရှင်ကြီးတင်လျှင် ကျွန်တော်တို့တတွေ အလွန်ပျော်၏။ တောဆိုတော့ စားစရာ၊ သောက်စရာ သွားရေစာ အင်မတန်ရှားသည်။ ဦးရှင်ကြီးတင် လျှင် အုန်းသီးစားရသည်၊ အုန်းရည်သောက်ရသည်။ နှစ်ခါပြန်ပေါင်း (ကောက်ညှင်းကို နှစ်ကြိမ်ထပ်ပေါင်းထားခြင်း) စားရ သည်။ ကျွန်တော်တို့ဘက်၌ အုန်းသီးရှားလှသည်ဖြစ်ရာ အုန်းသီးစားရတာ တစ်ခုတည်းနှင့်ပင် ကျွန်တော်တို့ကတော့ ဦးရှင်ကြီးကို ကျေးဇူးတင်လှပြီ။ အုန်းသီးဖြူးထားသော နှစ်ခါပြန်ပေါင်းမှာ စင်ကာပူ၌ ၇ ကျပ်ခွဲ၊ ၈ ကျပ်ပေးရသည့် မက်ဒေါ်နယ်ထက် ပိုအရသာရှိပါသည်။   

(၆)

ယုံကြည်မှုသည် အင်အားတစ်ရပ်ဖြစ်၏။ သည်ဟာကို မည်သူမှ ငြင်းလို့မရ။ ဤသည်မှာ စိတ်စွမ်းအင်တစ်မျိုးဖြစ်၏။ လူဆိုတာ ကိုယ်လုပ်ချင်တာ လုပ်လိုက်ရလျှင် စိတ်ချမ်းသာသည်။ ကျေနပ်သွားသည်။ တော်ရုံရောဂါများ ယူပစ်လိုက်သလို ပျောက်သွား သည်။ စိတ်အခန့်မသင့်၍ ကွဲနေသော လင်မယားကို ပြန်ပေါင်းထုပ်နိုင်စွမ်းရှိသည်။ ရေပေါ်တွင် လမ်းလျှောက်နိုင်စွမ်း စေသည်။ မည်မျှဆိုးရွားသော ရောဂါကြီးရှိနေပါစေ။ နှစ်ပေါင်းများစွာ အသက်ရှည်နေနိုင်သည်။ ဤသည်မှာ ယုံကြည်ခြင်း၏ တန်ခိုးသတ္တိ ဖြစ်၏။

အမေရိကန်ပြည်ထောင်စုဟု ဖြစ်လာရခြင်း ဇစ်မြစ်ကို ပြန်ဆန်းစစ်လိုက်လျှင် မိမိတို့ယုံကြည်ရာကို လွတ်လပ်စွာ ကိုးကွယ် လိုကြသည့် အင်္ဂလိပ်တစ်စုက နယ်ပယ်သစ်ရှာရင်း အမေရိကားတွင် အခြေချတာမှ စတာဖြစ်ပါသည်။ လူ့အခွင့်အရေးတွင် လွတ်လပ်စွာ ကိုးကွယ်ယုံကြည်ခွင့်ကို အလေးထားပါသည်။

စင်ကာပူမှတရုတ်များ စက္ကူများမီးရှို့နေသည်ကို သွားမကဲ့ရဲ့ပါနှင့်။ အလကား၊ မိစ္ဆာဒိဌိတွေဟု မမဲ့ရွဲ့ပါနှင့်။ မြေကြီးပေါ်တွင် မုံ့များ၊ လိမ္မော်သီးများချ၊ ဖယောင်းတိုင်များနှင့် နတ်ကန်တော့နေတာကို ကဲ့ရဲ့သဂြိုလ် အတင်းမဆိုပါနှင့်။ သူတို့ယုံကြည်ရာ လုပ်နေတာ လုပ်ပါစေ။ သူတို့လုပ်နေတာကို ကိုယ်က စိတ်ဝင်တစားနှင့် စက္ကူနှစ်ထုပ်လောက် မီးဝင်ရှို့ပေးလိုက်ပါ။ သူတို့ အလွန်ကျေနပ်ပျော်ရွှင်သွားတာ တွေ့ရပါလိမ့်မည်။  

ကျွန်တော်တို့ဆီမှလူများ နတ်ကိုးကွယ်ခြင်းမှာလည်း သူတို့ယုံကြည်တာ သူတို့လုပ်ခြင်းဖြစ်ပါသည်။ နေမကောင်းတာကို နတ်ဖမ်းတာဟု ယူဆသဖြင့် နတ်က,လိုက်လျှင်၊ နတ်ဒိုးသံကြားလိုက်ရလျှင်၊ နတ်ဝင်သည်များ ယိမ်းထိုနေတာ မျက်တောင် လေးစင်းကြည့်လိုက်ရလျှင်ပင် ရောဂါတစ်ဝက် သက်သာသွားပြီ။ အဲလေ၊ နတ်ကတိုင်းတော့လည်း ဘယ်ပျောက်ပါလိမ့်မတုံး။ မတော်၊ သေသွားတော့ရော ဘာတတ်နိုင်မှာတုံး။ သို့သော် သေကာမှသေရော၊ နတ်က,လိုက်ရသည့်အတွက် စိတ်ကျေနပ် သွားသည်။ နတ်တောင်မှ မစွမ်းနိုင်တဲ့အတွက် ကံကုန်လို့သေရတာပဲ ဟု မှတ်ယူလိုက်သည်။

နိဂုံးချုပ်ရလျှင် မိတ်ဆွေများခင်ဗျား -

ပုထုဇနော၊ ဥမ္မတ္တကော ဟု မြတ်စွာဘုရားရှင် ဟောကြားတော်မူသည့်အတိုင်း လူဟူသည် တစ်နည်းနည်းဖြင့် ရူးနေကြ သူချည်း ဖြစ်၏။ ကျွန်တော်လည်း ပိုက်ဆံတစ်ပြားမှ မရပါဘဲလျှက် ဤ နတ်အကြောင်းရေးနေတာ ညက သန်းခေါင်ကျော်မှ အိပ်ရသည်။ အလုပ်သွားရန် မနက် ၆ နာရီအိပ်ယာကထရသည်။ ဘာကြောင့်ရေးပါသနည်း။ ရေးချင်လို့ရေးတာဖြစ်ပါသည်။ ဤကဲ့သို့ ရေးချလိုက်သည့်အတွက် ကျေနပ်သွားသည်။ တစ်နည်းဆိုရလျှင် အာသာပြေသွားသည်။

နတ်ကိုးကွယ်သူများမှာလည်း သည်အတိုင်းဖြစ်ပါ၏။ ကိုးကွယ်ချင်လို့ ကိုးကွယ်တာ ဖြစ်ပါသည်။ တကယ်ရှိတာမရှိတာ အရေးမကြီးပါ။ သူတို့စိတ်ကျေနပ်သွားဘို့။ အာသာပြေသွားဘို့ အရေးကြီးပါသည်။ သည်လို ဦးရှင်ကြီးတင်လိုက်ခြင်းအားဖြင့် စိတ်ချလက်ချ လယ်လုပ်လို့ရသွားသည်။ ဦးရှင်ကြီးရှိတာမရှိတာ၊ တကယ်လာကယ်တာ၊ မကယ်တာ အရေးမကြီး။

ဦးရှင်ကြီး မတင်ဖြစ်လိုက်သော နှစ်တွင်မှ သားကလေးကို မြွေကိုက်သေသွားသည် ဆိုပါစို့။ အောင်မယ်လေး၊ ဖြစ်မှဖြစ်ရလေ လူကလေးရယ်။ အဲဒါ အမေတို့အပြစ်ပါ။ ဒီနှစ်ကျမှ အုန်းသီးကလေးတောင် ၀ယ်ဘို့ပိုက်ဆံမရှိလို့၊ ဦးရှင်ကြီးဆရာပင့်ဘို့ ငွေပြတ်နေလို့ မတင်ဖြစ်လိုက်တာ။ အမေ ဘယ်လိုဖြေရပါ့မလဲ ဟု တစ်သက်လုံး ယူကြုံးမရဖြစ်သွားတော့မည်။

ကျွန်တော်ငယ်စဉ်က နတ်ပွဲကြောင့်ရသော ၀က်သားကို မြိန်ရည်ရှက်ရည် စားခဲ့လင့်ကစား နတ်ပွဲများကို မည်သည့်အခါမှ အကောင်းမပြောခဲ့ဖူးပါ။ နတ်ကသူများကိုလည်း အင်မတန် ရူးတဲ့သူတွေဟု မျက်စောင်းထိုး၊ နှုတ်ခမ်းမဲ့ခဲ့ပါသည်။ ရွှေရင်ကျော်ဂိုဏ်းဝင်များကိုလည်း ဘုဂလန့် မေးခွန်းများမေးကာ ဒုက္ခပေးခဲ့ဖူး၏။ ယခု အသက်ကလေးရလာတော့ ပတ်ဝန်းကျင်ကို မျက်စိဖွင့်ကြည့်မိလာသည်။ ထိုအခါကျမှ အင်မတန်ကျဉ်းမြောင်း၊ သေးသိမ်လှသော ကျွန်တော့်သဘောထား ကို သွားတွေ့ရသည်။

သူတို့လုပ်ချင်ရာ လုပ်ပါစေ။ ကိုယ်ယုံကြည်ရာလုပ်ပိုင်ခွင့် လူတိုင်းတွင် ရှိသည်။ ဤသည်မှာ မွေးရာပါအခွင့်အရေးဖြစ်သည်။ သူတို့နတ်ကိုးကွယ်နေတာ အပြစ်တင်တော့မည်ဆိုလျှင် ငါရော ဟု ကိုယ့်ကိုယ်ကိုယ် ဆန်းစစ်ကြည့်ပါ ဟု တိုက်တွန်းလိုပါ သည်။ နတ်ကိုးကွယ်ခြင်းသည်ပင် ကျွန်တော်တို့မြန်မာလူမျိုးများ၏ ယဉ်ကျေးမှုတစ်ရပ် မဟုတ်ပါလော။ နတ်ကိုးကွယ်ခြင်းကို ရှုတ်ချခြင်းသည် မိမိယဉ်ကျေးမှုကို မိမိရှုတ်ချခြင်း မည်ပါသည်။

ကျေးဇူးတင်ပါသည်။

အေးငြိမ်း

၂၅-၂-၂၁၂ (စနေနေ့) ညနေ ၅ နာရီ ၂၈ မိနစ်

Thursday, February 16, 2012

ကျွန်တော့်စာအုပ်များ အင်တာနက်တွင် လွယ်ကူစွာဝယ်ယူနိုင်ပါပြီ

 ကျွန်တော့်စာအုပ်များကို iPhone, iPad များဖြင့် လွယ်ကူစွာဖတ်ရှုနိုင်ပါပြီ။ အဖိုးနှုံးမှာ လွန်စွာချိုသာပါသည်။ တစ်ဒေါ်လာ ပတ်ဝန်းကျင်သာဖြစ်ပါ၏။
http://ayenyein.com
တွင်ဝင်ရောက်ကြည့်ရှုနိုင်ပါသည်။

Monday, February 13, 2012

ခရစ္စတိုဖာ ပေါက်ကျိုင်း ၏ အတ္ထုပ္ပတ္တိ (၁၆-က)




ထောက်ကြံ့ ကလေးပြုစုစောင့်ရှောက်ရေးဌာနသို့ အ၀တ်အထည်များ သွားရောက်လှူဒါန်းပုံ

ရွှေဂုံတိုင် ကလေးပြုစုစောင့်ရှောက်ရေးဌာနသို့ အ၀တ်အထည်များ သွားရောက်လှူဒါန်းပုံ

(၆၁) မြန်မာပြည် ဖွံ့ဖြိုးတိုးတက်မှုကို လုပ်ဆောင်ရာတွင် အဓိက အနှောက်အယှက်ဖြစ်စေသော အချက်များ



ကျွန်တော်ကား စီးပွားရေးပညာရပ်ကို နကန်းတစ်လုံးမှ နားလည်သူမဟုတ်။ သို့သော်ငြားလည်း ယခုကဲ့သို့ မျက်မြင်ကိုယ်တွေ့ ကြုံလိုက်ရသောအခါမှ စင်ကာပူနိုင်ငံသည် အနှစ် ၃၀ အတွင်း Third World မှ First World အဖြစ် ထိုးတက်သွားချိန်၌ ကျွန်တော်တို့မြန်မာနိုင်ငံမှာ ဤအနှစ် ၃၀ အတွင်း LDC (Least Development Country) အဖြစ် ဇောက်ထိုးမိုးမျှော် ကျဆင်း သွားရတာ ဒါတွေကြောင့်ပါလားဟု ရေးရေးမျှ သဘောပေါက်မိပါတော့သည်။

နေရာတကာ စင်ကာပူနှင့်နှိုင်းနှိုင်းပြောနေရတာ ကိုယ့်ကိုယ်ကိုယ်တောင် ရှက်မိပါသည်။ သို့သော် ကိုယ်သိတာကလည်း စင်ကာပူတစ်နိုင်ငံပဲ ရှိလေတော့ ယခုလည်း စင်ကာပူနှင့်ပဲနှိုင်းရပါဦးမည်။ ဤသို့ဆိုလိုက်ခြင်းဖြင့် စင်ကာပူကဲ့သို့ နေရာတကာ အကုန်ပြည့်စုံကောင်းမွန်နေရမည်ဟု ဆိုလိုခြင်းမဟုတ်ပါ။ သူတို့လုပ်ထားတာ နမူနာယူနိုင်အောင် အနည်းငယ်ပြခြင်းမျှ ဖြစ်၏။

အောက်တွင် စင်ကာပူ ICA (လ.၀.က) ဌာနမှ လျှောက်လွှာတင်ရာတွင် လိုအပ်သည့် စာရွက်စာတမ်းများ ဖော်ပြထားတာကို နမူနာ ထည့်ပြလိုက်ပါသည်။
(စင်ကာပူ၌နေထိုင်သူများ သည်းခံပါခင်ဗျား။ မြန်မာပြည် စာဖတ်ပရိသတ် သိစေရန် ထည့်သွင်းဖော်ပြခြင်း ဖြစ်ပါသည်။ တစ်နည်းအားဖြင့်လည်း သူများသားသမီးတွေ ဘယ်လိုလုပ်နေသလဲ။ ငါတို့ရော ဘာတွေမှားနေပြီး ဘာတွေပြင်ရမလဲ ဆိုတာ ကျွန်တော်တို့ကို သဟောက်သဟာလုပ်ခဲ့သော အရာရှိမင်းများ ဝေဖန်နိုင်ရန်၊ ကိုယ့်ကိုယ်ကိုယ် ပြန်လည်ဆန်းစစ်နိုင်ရန် ထည့်လိုက်တာ ဖြစ်ပါသည်။ ဤကား စကားချပ်)


ထို့ပြင် မည်ကဲ့သို့လုပ်ရမည်။ မည်မျှကြာမည်။ ဆောင်ရွက်ခ မည်မျှပေးရမည် စသည်တို့ကို အသေးစိတ်ဖော်ပြထားတာ လေ့လာကြည့်ပါ။

မိမိလျှောက်လွှာ ကျ၊ မကျမည်ကဲ့သို့ ကြည့်ရမည်ကိုလည်း ဖော်ပြထားပါ၏။ ရုံးသို့လူကိုယ်တိုင်လာလျှင် မည်သည့်အချိန်များ တွင် လူကြပ်တတ်သည်။ မည်သည့်အချိန်လာလျှင် လူချောင်မည် စသည်ကိုလည်း ဖော်ပြထားပါ၏။

သည်တော့ မည်သည့်လျှောက်လွှာအတွက် မည်သည့် စာရွက်စာတမ်းများ လိုမည်။ မည်သည့်နေရာသို့သွားကာ မည်ကဲ့သို့ လုပ်ရမည်။ လုပ်ခမည်မျှပေးရမည်။ ဘယ်လောက်ကြာရင်တော့ အဖြေသိရမည် စသည်တို့ကို သိရသည်။

သည်လို အားလုံးသိထားတော့ လုပ်ရတာ မလွယ်ပါလား။ ဘယ်သူ့မျက်နှာမှ ဆင့်ဟိုဒင်း ခွေးမျှော်သလို ကြည့်စရာ မလိုတော့။ ကိုသောင်းတန်တို့၊ မမတို့လို မနက်စာ ငတ်လိုငတ်၊ နေ့လည်စာ ငတ်လိုငတ်၊ ဘယ်အချိန်မှ ဖူးမြော်ရမှန်းမသိသော လူကြီးမင်း များ၏ မျက်နှာတော်များအား အချိန်မရှိ၊ အချိန်ရှိ အကန့်အသတ်မဲ့ စောင့်စရာမလိုတော့။ ဤသည်မှာ ဤတစ်နေရာတည်း မဟုတ်။ မြန်မာနိုင်ငံသားမှန်လျှင် မြန်မာနိုင်ငံမှ ရုံးများသို့ သွားဖူးသူချည်း။ ထိုရုံးများသို့သွားသူတိုင်း ဤကဲ့သို့ စိတ်ညစ်စရာ များကို ကြုံခဲ့ရဖူးသူချည်း။

ဤသည်ပင်လျှင် အနှစ် ၃၀ အတွင်း မြန်မာပြည်ကြီးကို LDC ဘ၀ရောက်အောင် ဆွဲချခဲ့သော အကြောင်းများအနက် တစ်ခု ဖြစ်ပေလေတော့သတည်း။ ရှေးလူကြီးများကတော့ ကြီးတဲ့အမှု ငယ်အောင်၊ ငယ်တဲ့အမှု ပပျောက်အောင်လုပ် ဟု သွန်သင်ခဲ့ ပါသည်။ သို့သော် မြန်မာဗျူရိုကရက်လူကြီးများကတော့ အပ်နှင့်ထွင်ရမှာကို ဒါးနှင့်ခွဲရအောင်၊ ဒါးနှင့်ခွဲရမှာကို ပုဆိန်နှင့်ပေါက် ထုတ်ရအောင် လုပ်ကြသူချည်း။ မှန်မှန်ကန်ကန် လုပ်ပေးသူ လူကြီးများလည်း ရှိကောင်းရှိပါလိမ့်မည်။ သို့သော် ကျွန်တော် ယခု အသက် ၅၀ ကျော်သည့်တိုင် မှန်မှန်ကန်ကန်လုပ်ပေးသည့်လူကြီး တစ်ဦးတစ်ယောက်နှင့်မျှ မကြုံခဲ့ရဖူးပါ။

မသိနားမလည်သော ပြည်သူအပေါင်းကို ပညာပြရန် မလိုလားအပ်သော အဆင့်များခံထားခြင်းဖြင့် အများပြည်သူတို့မှာ ဒုက္ခများ၊ လုပ်ငန်းမှာလည်း နှောင့်နှေးကြန့်ကြာလှပါသည်။ အကျိုးဆက်အနေနှင့် ဤကဲ့သို့ကြုံရဖန်များလာသော ပြည်သူတို့ မှာ ဤဒုက္ခများကို သည်းမခံနိုင်သဖြင့် ကြားထဲမှ လုပ်ပေးမည့်သူများကို ချဉ်းကပ်ရတော့သည်။ ဤသို့ဖြင့် ပွဲစားဟူသော လူတန်းစားတစ်ရပ် အစိုးရရုံးပြင်ကန္နားများတွင် တရားဝင်ပေါ်ထွန်းလာပါတော့သတည်း။ 

ပြည်သူအပေါင်းကို သဟောက်သဟာနှင့် ပညာပြတတ်သော အထက်ပါ အရာရှိမင်းများမှာ ပွဲစားများကိုတော့ သူတို့ကျေးဇူး ရှင်များဖြစ်သည့်အတွက်၊ သူတို့မိန်းမများ၏ နားပေါက်များကို စိန်နားကပ်နှင့် အလှဆင်နိုင်အောင် လုပ်ပေးနိုင်သူများ ဖြစ်သည့်အတွက် ဆက်ဆံရေး အလွန်ကောင်းလှ၊ ဖူးဖူးမှုတ်ထားကြပေသည်။ ကျွန်တော်တို့ မြန်မာလူမျိုးများမှာ အလွန် ယဉ်ကျေးသူများဖြစ်သည့်အတွက် လုပ်ငန်းချောမွေ့စေရန် အနှီလူကြီးများအားပေးရသော ပိုက်ဆံများကို လာဘ် ဟု မခေါ်။ ဘာတဲ့ ကန်တော့တာ ဆိုလား။ လက်ဆောင်ပေးတာ ဆိုလား။ သို့မဟုတ် ထိုလူကြီး၏ သမီးမင်္ဂလာဆောင်လျှင် ကားသော့ကို လက်ဖွဲ့တာဆိုလား။ ကျွန်တော် ဤအသိုင်းအ၀ိုင်းနှင့် မနီးစပ်သည့်အတွက်၊ ဤအလုပ်များကိုလည်း တစ်ခါမှ မလုပ်ခဲ့သည့် အတွက် ဤအကြောင်းများကို သေသေချာချာမသိပါ။ သူများပြောတာ ကြားဖူးနားဝမျှသာ ဖြစ်ပါသည်။

(၆၂) ဖြစ်သင့်တာ

ကွန်တိန်နာတင်သွင်းရန် သူတို့လိုသည်ဆိုသော စာရွက်စာတမ်းများကို ကျွန်တော်အားလုံးပြင်ပေးခဲ့ပြီး ဖြစ်ပါသည်။ သို့နှင့်တောင် ဘာအကြောင်းပြချက်မှ ရေရေရာရာမရှိဘဲ ထို ညွှန်မှူးဆိုသူများက ကိုသောင်းတန် နှင့် မမတို့ကို သူတို့နှင့် တွေ့ရန် အဘယ်ကြောင့် လာခိုင်းရပါသနည်း။ နောက်ပြီး ဘယ်အချိန်တွေ့မယ်လို့လည်း သတ်မှတ်ပေးတာမဟုတ်။ ဘာကိစ္စ ဆွေးနွေးမယ်လို့လည်း မပြော။ ဘာစာရွက်စာတမ်းတွေ လိုတယ်လို့လည်း တိတိကျကျမသိရ။

လူကိုယ်တိုင်တွေ့ရမှ သည်ကွန်တိန်နာ ထုတ်လို့ရမတဲ့လား။ လိုတဲ့စာရွက်စာတမ်းတွေ တင်ပြလိုက်လျှင် မပြီးဘူးလား။ လူကိုယ်တိုင်တွေ့ဘို့လိုတယ်ဆိုလျှင်တောင် တစ်ခါတွေ့ပြီး သိလိုသမျှ အကုန်မေးလိုက်လျှင် မပြီးဘူးတဲ့လား။ သူတို့လုပ်ရပ် ကိုကြည့်ခြင်းဖြင့် ထိုလူကြီးများမှာ အလုပ်ကို မည်ကဲ့သို့ စနစ်တကျလုပ်ရမည်ကို မသိကြောင်း ၀န်ခံနေသကဲ့သို့ ဖြစ်ပါသည်။ ထိုသူများမှာ အစိုးရဌာနကြီးတစ်ခုလုံးကို အုပ်ချုပ်နေရသော ညွှန်ကြားရေးမှူးများဖြစ်၏။ ညွန်မှူးဆိုသူများက ဤသို့လုပ် နေလျှင် သူ့လက်အောက်မှ ၀န်ထမ်းများရော မည်ကဲ့သို့လုပ်နေပါသနည်း။

အဆိုးဆုံးမှာကား ဘယ်သူ့ကို အဖေခေါ်ရမှန်းမသိတာ။ ဘာကိုဘယ်လိုလုပ်ရမည်မှန်း မသိတာဖြစ်ပါသည်။ ဤကိစ္စတွင် မည်သူတာဝန်အရှိဆုံးနည်း။ ဤကိစ္စပြေလည်အောင် ဘာတွေလုပ်ရမည်နည်း။ ဘာစာရွက်စာတမ်းတွေလိုလို့ ရှေ့မဆက်နိုင် ဖြစ်ရသနည်း။  ကျွန်တော်တို့ ဘာမှမသိရပါ။ ကျွန်တော်တို့တင်မဟုတ်။ အထက်ဖော်ပြပါ လူကြီးမင်းများလည်း ဘာမှမသိပါ။ ကျွန်တော့်ညီနှင့်အစ်မကိုသာ နင်းကန်ဟောက်နေတာ ဖြစ်ပါသည်။ ငါ့ဘက်ကရော တာဝန်ကျေရဲ့လား။ ငါလုပ်နေတာရော မှန်ရဲ့လားဆိုတာ ထိုလူကြီးများ ကိုယ်တိုင်မသိပါ။ မသိ၍ပင် ရှင်းမပေးနိုင်တာ ဖြစ်ပါသည်။

မပြောချင်သော်လည်း စင်ကာပူအကြောင်းပြောရပါဦးမည်။ ဗီဇာလျှောက်တာနှင့် နမူနာ ပြပါမည်။

နိုင်ငံရပ်ခြားမှ တစ်စုံတစ်ယောက်သောသူသည် စင်ကာပူသို့လာလိုသည်ဖြစ်အံ့။ မည်သည့်နိုင်ငံသားများအတွက် ဗီဇာမလို၊ မည်သည့်နိုင်ငံသားများအတွက်သာ လိုသည်။ ဗီဇာလျှောက်လိုလျှင် မည်သည့် စာရွက်စာတမ်းများ တင်ပြရမည်။ မည်ကဲ့သို့ လုပ်ရမည်။ မည်မျှကျသင့်မည်။ ပိုက်ဆံကို မည်ကဲ့သို့ပေးရမည်။ ဘယ်လောက်ကြာမည်။ ဗီဇာကို မည်ကဲ့သို့ထုတ်ရမည် စသဖြင့် သိသင့်သိထိုက်သမျှ အချက်အလက်အားလုံးကို ICA Website ၌ ဖော်ပြထား၏။

ကျွန်တော့်တူမ စင်ကာပူလာမည်ဆိုတော့ လိုအပ်သောစာရွက်စာတမ်းများ ပြင်ဆင်၍ ကျွန်တော့်အိပ်ခန်း စာကြည့်စားပွဲ၌ ဂျေမောင်မောင်၏ သတိရနေတဲ့သီချင်း ကိုနားထောင်လျှက် ကုလားထိုင်နောက်မှီကို မှီပြီးဇိမ်ဖြင့်ထိုင်ကာ ကျွန်တော် အင်မတန်ချစ်လှသည့် laptop ကလေးမှ ခလုတ်ကလေးများကို ဟိုဟိုသည်သည်နှိပ်၊ mouse ကလေးဖြင့် ဟိုကလစ်၊ သည်ကလစ်လုပ်။ ၁၅ မိနစ်မျှပင်မကြာပါ။ ဗီဇာလျှောက်ခြင်းကိစ္စ ပြီးသတည်း။ ထို့နောက် online banking ဖြင့်ပင် ပိုက်ဆံပေးလိုက်၏။

နောက်နေ့ကျတော့ လူကြီးမင်းတင်ထားတဲ့ဗီဇာ ရပါပြီရှင် ဟု email ပို့၏။ ယမန်နေ့ကကဲ့သို့ပင် ကျွန်တော့်အိပ်ခန်း စာကြည့်စားပွဲ၌ စိုးပိုင်၏ နေခြည်ထိပ်ထားသီချင်းကို နားထောင်ကာ ဗီဇာကို print out လုပ်။ တူမထံ email ပို့ပေး။

သို့အတွက် သည်ဗီဇာလျှောက်သည့်အရေး၌ ကျွန်တော်မည်သည့်နေရာမှလည်း သွားစရာမလိုပါ။ တစ်ဖက်စားပွဲမှ အမျိုးသမီး နှင့် ဟိုမင်းသမီးအကြောင်း အတင်းတုတ်နေသော စာရေးမ၏ စားပွဲနားတွင် မခို့တရို့ရပ်ကာ သူကိုယ့်ဘက်လှည့်လာသည်ထိ သွားဖြဲကလေးနှင့်လည်း ရပ်စောင့်နေစရာမလိုပါ။ ပြည်သူများကပေးထားသော လခကိုစားနေသူက ကိုယ့်ဆီရောက်လာသော ပြည်သူကို သူတစ်သက်လုံးထောက်ပံ့ကျွေးမွေးထားရသော မုဆိုးမသားကလေးကို ကြည့်သော မျက်နှာနှင့် အကြည့်ခံရစရာ လည်း မလိုတော့ပါ။ သည်စားပွဲပြီးလျှင် ဘယ်ဆက်သွားရမည်မှန်းမသိသဖြင့် အနားမှ မျက်နှာထားတင်းတင်းနှင့် လူကြီးကို (ဦးလေးအရွယ်ဖြစ်ပါလျှက်လည်း) အစ်ကို့ ဒါပြီး ဘာဆက်လုပ်ရမလဲဟင် ဟု ၇ ရက် ထမင်းမစားရသော လေသံပျော့ကလေး နှင့်မေးသည်ကို ဟိုဘက်သွား ဟု မပြောချင်ပြောချင်နှင့် ဆောင့်ကြီးအောင့်ကြီးပြောတာကိုလည်း မကြုံရတော့ပါလေ။

မည်သည့်ကိစ္စများဆောင်ရွက်လိုလျှင် မည်သည့်စာရွက်စာတမ်းများ လိုသည်။ ဤစာရွက်စာတမ်းများတွင် မည်သည့်အချက် အလက်များနှင့် ပြည့်စုံရမည်။ ဤစာရွက်စာတမ်းများအတွက် မည်သည့်ရုံးများနှင့် ဆက်သွယ်ဆောင်ရွက်ရမည်။ ဆက်သွယ် ရမည့် အရာရှိမှာ မည်သူဖြစ်သည်။ ဤသို့ဆောင်ရွက်ခအတွက် မည်မျှကျသင့်သည်။ မည်သည့်အဆင့်ပြီးလျှင် မည်သည့် နေရာသို့သွားကာ ဘာဆက်လုပ်ရမည်။ စုစုပေါင်း ဆောင်ရွက်ချိန်မည်မျှကြာမည်။ အင်တာနက်တွေကောင်းပြီး ၀က်ဘဆိုက် ကြီးတွေလုပ်ကာ တင်ထားရမည်။ လုပ်သားပြည်သူများ၌လည်း တစ်အိမ်ထောင် ကွန်ပြူတာတစ်လုံးရှိနေရမည် ဟု ကျွန်ုပ် လေသံမျှ မဟခဲ့ပါ။

ဤသည့်သတင်းအချက်အလက်များကို အနှီရုံးများတွင် ကပ်ထားမပေးသင့်ပါသလော။ ကိုးရီးယားမင်းသားအကြောင်း ဆွေးနွေးနေသော မမများကလည်း မေးလာသူအား လဖက်စားမပျက် သေသေချာချာ ရှင်းပြရန် မသင့်ပါသလော။ အကယ်၍ လျှောက်လွှာတင် စာရွက်စာတမ်းများမပြည့်စုံ ဆိုပါကလည်း ဟောသည်စာရွက်စာတမ်းတွေ လိုသေးတယ်၊ အဲဒါတွေစုံမှ ပြန်လာခဲ့ပါ ဟု မပြောသင့်ပါသလော။ သူတို့လိုတဲ့စာရွက်တွေစုံလျှင် ပြီးရောမဟုတ်ပါလား။ အဘယ်ကြောင့် လူကိုယ်တိုင် တွေ့ချင်ရပါသေးသနည်း။ လူကိုယ်တိုင်လာတွေ့ရန် လိုအပ်ပါသလား။ လူတွေ့လျှင်ရော ဘာများအကြောင်းထူးပါသနည်း။

ကျွန်တော်တို့နိုင်ငံတွင် ပြုပြင်ပြောင်းလဲရေးတွေ လုပ်နေပြီဟု ဂျာနယ်များတွင်ဖတ်ရ၏။ ကျွန်တော်ကား မြန်မာနိုင်ငံအတွင်း ရှိမနေသဖြင့် ဘာတွေပြုပြီး၊ ဘာတွေပြင်သလဲဆိုတာ သေသေချာချာ မသိပါ။ ဂျာနယ်များတွင်ဖတ်ရသလောက်တော့  ယခင်ကထက် အများကြီး ဖွင့်ပေးထားတာ တွေ့ရပါသည်။ 

“ပြည်သူ့ဝန်ထမ်း” ဟူသော အမည်သညာနှင့်အညီ ပြည်သူများ၏ “၀န်” ကို မငြိုမငြင် “ထမ်း” ဆောင်ပေးသော ၀န်ထမ်း ကောင်းများအဖြစ်သို့ မနှေးအမြန် ရောက်ရှိလာကြပါစေကြောင်း ဆန္ဒပြုလိုက်ပါသည်။

ဆက်ပါဦးမည်။

အေးငြိမ်း
၁၃၊ ၂၊ ၂၀၁၂ ည ၉း၂၇ နာရီ

Sunday, February 12, 2012

ခရစ္စတိုဖာ ပေါက်ကျိုင်း ၏ အတ္ထုပ္ပတ္တိ (၁၆)


(၅၉) အလုပ်မဖြစ်သော မြန်မာပြည် ကြိုးနီစနစ်



အမှန်ဆို သည်ကွန်ပြူတာများကို ကျွန်တော်တို့အရင် တစ်ဖွဲ့သို့ ပေးသေး၏။ သို့သော် ထိုပုဂ္ဂိုလ်များမှာ ကျွန်တော့်လောက် မမိုက်မဲရကား ဟင့်အင်း၊ မြန်မာပြည်ပို့ဘို့ လွယ်မှာမဟုတ်ဘူး ဟု ငြင်းသောကြောင့် ကျွန်တော်တို့ဆီ ရောက်လာရတာ ဖြစ်ပါသည်။ ထိုအဖွဲ့မှာလည်း ကျွန်တော်တို့ကဲ့သို့ ပရဟိတလုပ်နေသူများ ဖြစ်ပါသည်။ သို့သော် သူတို့က ဘာသာရေးဘက် ပိုနွယ်၏။

ကွန်ပြူတာများရလာတော့ မြန်မာပြည်ပို့ဘို့ရာ ကွန်ပြူတာထည့်ရန် စက္ကူပုံးများမှာခြင်း၊ သွားသယ်ခြင်း၊ ကွန်ပြူတာများကို ပုံးများအတွင်းထည့်ခြင်း စသည်တို့ လုပ်ပါသည်။ အားလုံးမှာ ကိုယ့်အလုပ်နှင့်ကိုယ်ဆိုတော့ များသောအားဖြင့် သည်ကိစ္စများ ကို ကျွန်တော်တစ်ယောက်တည်းလုပ်ရတာ ဖြစ်ပါသည်။

ကျွန်တော်က ကွန်ပြူတာများကို မြန်မာပြည်သို့ ကွန်တိန်နာနှင့်ပို့။ ဟိုဘက်က ကျွန်တော့်အစ်မကြီးက ရွေး။ နောက်ပြီး ကျောင်းများသို့ လှူ ဟု သည်မျှသာ ရိုးရိုးစင်းစင်းကလေး တွက်ထားတာဖြစ်သည်။ တကယ်တန်းပို့တော့ သည်မျှမလွယ်။  ကွန်ပြူတာများကိုမည်သို့ ပို့မည်နည်းဟု စုံစမ်းသော် ကိုမျိုးသူရ ဟူသော သင်္ဘောသားကလေးနှင့် အဆက်ရ၏။ ဦးဆုံး ကွန်ပြူတာ ၃ လုံးကို သူတို့နှင့် ပို့ထည့်လိုက်သည်။ သို့သော် သည်ကဲ့သို့ လုံးချင်းသယ်နေလို့အလုပ်ဖြစ်မှာမဟုတ်သည့် အတွက် ထပ်မံစုံစမ်းရပြန်၏။ မြန်မာပြည်၌ အလှူများလုပ်နေသော စင်ကာပူမှ ဂျိန်းတို့အဖွဲ့နှင့် ဆက်မိသော် သူတို့က သူတို့ ပစ္စည်းပို့နေကျ forwarder နှင့် ဆက်ပေးသည်။ Tong Joo Shipping ဟူ၏။

သို့နှင့် ကျွန်တော် ပေ၂၀ ကွန်တိန်နာမှာကာ ကွန်ပြူတာများပို့ရန် လုပ်သည်။ ကွန်တိန်နာက Ubi Industrial Estate မှာ။ ကွန်ပြူတာများက ကျွန်တော်နေသည့် Kallang မှာ။ သည်တော့ ဂျိန်းက သူတို့ လော်ရီကလေးယူလာကာ သည် ကွန်ပြူတာ အလုံး ၇၀ ကျော်ကို သူ့လူများအကူအညီနှင့် လာသယ်ပေးသည်။ သူ့လူများကလည်း တရုတ်အဖွားကြီးများချည်း ဖြစ်၏။ သည်တော့ သည် ကွန်ပြူတာ အလုံး ၇၀ ကျော်ကို အပေါ်ထပ်မှထမ်းချသည့်အလုပ်ကို ကျွန်တော် တစ်ယောက်တည်းလိုလို လုပ်ရသတည်း။ သူတို့က ကားပေါ်တင်ကာ နေရာချပေးသည်။

ကွန်တိန်နာထဲ ကွန်ပြူတာတွေထည့်လိုက်တော့ နေရာတော်တော်များများ လွတ်နေသည်။ သည်တော့ စေတနာကောင်းလှ သော ဂျိန်း က ဟဲ့၊ ကွန်တိန်နာဆိုတာ အလုံးလိုက်ငှားရတာ။ ဒီတော့ တန်အောင် ငါတို့ အ၀တ်တွေနဲ့ အစားအသောက်တွေပါ ထည့်ပေးလိုက်မယ်။ နင်တို့လှူလို့ရတာပေါ့ ဟု ဆိုကာ အ၀တ်ထုတ်များ၊ ဘီစကွတ်များ၊ ခေါက်ဆွဲခြောက်ထုပ်များ၊ အအေးဗူး များ ကို ထည့်သတည်း။

ထည့်သည်ဆိုရာတွင်လည်း တစ်နေရာထဲမဟုတ်။ ဟိုနေရာက နည်းနည်းသွားယူ။ သည်နေရာက နည်းနည်းသွားယူ စသဖြင့် ကွန်တိန်နာ မပြည့်မချင်းထည့်တာ ဖြစ်၏။ ဤပစ္စည်းများသည် နောင်တွင် ကျွန်ုပ်တို့အား ကောင်းကောင်း ဒုက္ခပေးမည်မှန်း ထိုစဉ်က ကျွန်ုပ်မသိခဲ့။ မသိသဖြင့်သာ အင်မတန်လေးလံလှသော သည်အထုပ်ကြီးများကို ဂိုဒေါင်များအတွင်းမှ ထမ်းထုတ်ခဲ့၊ ကွန်တိန်နာအတွင်း တွန်းတင်ခဲ့တာ ဖြစ်ပါသည်။

သည်ကိစ္စများကို ကျွန်တော်တစ်ယောက်တည်း ဂျိန်းတို့အဖွဲ့နှင့်လုပ်တာဖြစ်သဖြင့် အခြားသူမည်သူမျှ မသိပါ။ ထိုနေ့က ည သန်းခေါင်ကျော်မှ အိမ်ပြန်ရောက်ပါသည်။

ပထမတော့ ဘာလုပ်ရမှန်းမသိ။ နောက်မှ ဆွေးနွေးတိုင်ပင်ကြရင်း ဒါတွေက ပညာရေးဌာနကို လှူမှာဖြစ်တဲ့အတွက် တင်သွင်း ခွင့်ပါမစ်ရဘို့ သူတို့ကို အကူအညီတောင်းမှဖြစ်မယ်ဟု အဖြေထွက်၏။ သည်တော့ ရန်ကုန်တွင်ရှိနေသော ကိုသောင်းတန်နှင့် မမတို့ အခြေခံပညာဦးစီးဌာနသို့ သွားကာ အကျိုးအကြောင်းရှင်းပြရ၏။ ကျွန်တော်တို့ စနေဓမ္မမိတ်ဆွေများအဖွဲ့ဆိုတာ မြန်မာပြည်ထဲမှာ လိုအပ်နေတဲ့နေရာတွေကို လစဉ်လှူဒါန်းနေတဲ့ စင်ကာပူနိုင်ငံက အဖွဲ့တစ်ဖွဲ့ဖြစ်ပါတယ်။ ဘာနိုင်ငံရေးနဲ့မှ မပတ်သက်ပါဘူး။ လူမှုရေးသီးသီးပဲ လုပ်တာပါ။ ဟောသည်မှာ ကျွန်တော်တို့ ဆောင်ရွက်မှုတွေပါ ဟုဆိုကာ ကျွန်တော် ပြင်ပေးလိုက်သော လက်ကမ်းစာစောင်များ၊ လှူဒါန်းမှုမှတ်တမ်းများထည့်ထားသော CD များကိုပေးလိုက်ပါသည်။

သူတို့က ကျောင်းများမှ အလှူခံစာများလိုချင်သည်ဆိုသဖြင့်လည်း ကျွန်တော်တို့ထံ ကွန်ပြူတာများအလှူခံလာသည့် ကျောင်း များသို့ ဆက်သွယ်ကာ အလှူခံစာများရယူရပါသည်။ ထို့နောက် ကျွန်တော်တို့အဖွဲ့၏ ဆောင်ရွက်မှုမှတ်တမ်းအကျဉ်း၊ စီဒီ နှင့် ကျောင်းများမှ အလှူခံစာများပူးတွဲကာ အခြေခံပညာသို့ ကွန်ပြူတာများတင်သွင်းခွင့်လျှောက်ရသည်။ ကိုသောင်းတန် အခြေခံပညာဦးစီးဌာနသို့ စာတင်သည်မှာ ၂၀၀၃ ခုနှစ် ဒီဇင်ဘာလ ၁၇ ရက်၊ ဗုဒ္ဓဟူးနေ့။

သည်မျှသာမက သူတို့ကျောင်းတွေကို လှူမှာဆိုတော့ သူတို့ဆီမှ လှူဒါန်းခွင့်ကိုလည်း လျှောက်ရသေးသည်။ ကျွန်တော်တို့က မလုပ်တတ်တော့ ကွန်ပြူတာများ တင်သွင်းခွင့်ကိုလျှောက်သူနှင့် လှူဒါန်းခွင့်လျှောက်သူ အတူတူဖြစ်ရမည်မှန်းမသိ။ သူတို့ ကလည်း မြန်မာပြည်က ရုံးတွေထုံးစံအတိုင်း ပြည့်ပြည့်စုံစုံ ဘာမှပြောပြတာမဟုတ်။ မသိသူကို ဖြဲခြောက်ဖို့ပဲ စဉ်းစားသူများ ဖြစ်သည်။

ဆိုတော့ တင်သွင်းခွင့်ပါမစ်လျှောက်တာ မမနာမည် (ဒေါ်ကျင်ကျင်) နှင့်။ သို့သော် ကွန်ပြူတာများလှူဒါန်းခွင့် လျှောက်တာ ကျတော့ ကိုသောင်းတန့်နာမည်နှင့် ဖြစ်နေသည်။ ဤသည်ကို သူတို့အသိ။ အနို့သူတို့ပဲပြောပြလို့ သူတို့ရှေ့မှာပဲရေး။ သူတို့ဆီပဲ တင်လုပ်ရတာ။ ဘယ့်နှာကြောင့် သည်ကိစ္စမျက်စိမှိတ်နေဘိသနည်း။ ကွန်တိန်နာများထုတ်သောအခါ ဤကဲ့သို့ နာမည်လွဲနေခြင်းအတွက် အကြီးအကျယ်ပြဿနာတက်သည်။ ကွန်တိန်နာများ ထုတ်လို့မရ။

တင်သွင်းခွင့်ကို အဘယ်ကြောင့် မမနာမည်နှင့်လျှောက်ရသတုံးဆိုသော် ကိုသောင်းတန်မှာက ဖုံးမရှိ။ ဆက်သွယ်ရ မလွယ်။ သည်တော့ အကြောင်းကိစ္စရှိက ဆက်သွယ်ရလွယ်စေရန် တယ်လီဖုံးရှိသော မမနာမည်ကို ထည့်လိုက်ခြင်းဖြစ်၏။

နောက်ပြီး ဘာကိစ္စရယ်လို့ ရေရေလည်လည်ပြောပြတာလည်း မဟုတ်ဘဲနှင့် အခြေခံပညာ (၁) (၂) (၃) မှ ညွှန်မှူးများနှင့် လာတွေ့ပါ ဆိုကာ အပတ်စဉ်သွားတွေ့ရသေး၏။

မိတ်ဆွေများခင်ဗျား -

သွားတွေ့ဆိုတွေ့လိုက်ပေါ့ဗျာ၊ ဘာခဲယဉ်းတာလိုက်လို့ ဟု ခပ်လွယ်လွယ်ကလေး မပြောပါနှင့်။ ရွှေကိုယ်တော်များ၏ မျက်နှာတော်ဖူးရဘို့ ဆိုတာ ရေငံပိုင်ဦးရှင်ကြီးကို ဖူးဖို့ထက်ခက်သေးသည်။ ဦးရှင်ကြီးကမှ “ရေငံတစ်ရိုး၊ ပိုင်စံနယ်စိုး၊ တန်ခိုးပေါ်ထင်၊ နတ်ဦးရှင်ခင်ဗျား - - “ ဟု ပင့်လိုက်လျှင် ဖူးမြော်ခွင့် ရချင်ရနိုင်သေးသည်။ အနှီဆရာကြီးများမှာကား တစ်နိုင်ငံလုံးရှိကျောင်းများအရေး စီမံနေရသည်ဖြစ်ရာ အလွန်အလုပ်ရှုပ်လှရကား ကိုသောင်းတန်က အောက်ပါအတိုင်း ပြန်ပြောပြပါ၏။

“ကျွန်တော်နဲ့ အစ်မကြီးမှာဗျာ၊ သူတို့က လာတွေ့လှည့်ပါဆိုလို့လည်း သွားရသေး။ ဟိုရောက်တော့၊ စည်းဝေးပွဲတက်နေလို့၊ ဘယ်ဧည့်သည်ရောက်နေလို့၊ ဘယ်ထွက်သွားလို့ နဲ့ တစ်ခါတစ်လေ တစ်မနက်လုံး ဘာမှ မစားရသေးဘဲ ထိုင်စောင့်နေရ တယ်။ တစ်ခါတလေ နေ့လည်စာငတ်တယ်။ အနို့တခြားသွားလို့လည်း မဖြစ်ဖူးဗျ။ သူတို့အားမဲ့ အချိန် ကိုယ်က စောင့်နေရ တာ။ တော်ကြာ ထမင်းထွက်စားနေတုံး အပြင်ထွက်သွားပြီ ဆို သေရော။ တစ်မနက်လုံးစောင့်ခဲ့ရတာ အလကားဖြစ်ကရော မဟုတ်လား။ နောက်ပြီး ရုံးအ၀င်မှာလည်း ကျွန်တော်တို့လာပါတယ် ဆိုတဲ့အကြောင်း လက်မှတ်ထိုးရသေးတယ်။

တွေ့ခွင့်ရပြီဆိုတော့လည်း ဘာမှ ရေရေရာရာ အလုပ်ဖြစ်တာမဟုတ်ဘူး။ နောက်နေ့ပြန်ချိန်းပြန်တာပဲ။ အဲဒီလို နှစ်လလောက် ကျွန်တော်တို့ အပတ်တိုင်း သွားခဲ့ရတယ်။ နောက်ပြီးသူတို့က ဘာပြောတယ်မှတ်သလဲ။

မင်းတို့လုပ်တာနဲ့ ငါတို့မှာ အပြောခံရတယ်။ မင်းတို့က မနေနိုင်မထိုင်နိုင် ဘာကိစ္စ လှူချင်ရတာတဲ့လဲ။ အခု ကွန်ပြူတာတွေက ပညာရေးကို လှူမယ်ဆိုပြီး ဘာဖြစ်လို့ နာဂလိုဏ်ဂူကို အလုံး ၂၀ ပေးရတာလဲ။ နာဂလိုဏ်ဂူကို ပေးချင်ရင် မင်းတို့ သာသနာ ရေးမှာ ဘာ့ကြောင့်သွားမလျှောက်တာလဲ။ အင်မတန်ရှုပ်တဲ့ကောင်တွေ။ ဒါ မင်းတို့လုပ်တာ မရိုးသားဘူး။ မင်းတို့ကြောင့် ငါတို့ မှာ ပြဿနာတက်ရတယ်။ ဒီကွန်ပြူတာတွေ ငါတို့ကို အကုန်လှူပါ။   - တဲ့။

ကျွန်တော်လည်း အစ်ကိုမှာတဲ့အတိုင်း ပြောတာပဲ။ အလှူရှင်တွေက နာဂလိုဏ်ဂူကို လှူပေးပါ ဆိုတဲ့အတွက် ကျွန်တော်တို့က လှူပေးရတာ ဘာတတ်နိုင်မလဲ။ အဲဒါကို ပြဿနာရှာတယ်။ ကျွန်တော်ကလည်း ပြောတာပေါ့။ ဒီကွန်ပြူတာတွေကို ကျွန်တော် တို့ တစ်လုံးမှ ယူမှာမဟုတ်ဘူး။ အကုန်လှူဘို့ချည်းပဲ။ နာဂလိုဏ်ဂူကို အလုံး ၂၀ လှူပြီး ကျန်တဲ့ ၅၆ လုံးကို ဟောဒီကျောင်း တွေကို အကုန်လှူမှာ။ ဟောဒီမှာ ကျောင်းအုပ်ကြီးတွေရဲ့ အလှူခံစာနဲ့ လှူမဲ့ကျောင်းတွေရဲ့ စာရင်း။ မယုံရင် လှူပြီးတဲ့အခါ ခင်ဗျားတို့ အဲဒီကျောင်းတွေကို လိုက်ကြည့်လို့ရတယ်။ ပညာရေးကိုလှူမှာ ဖြစ်တဲ့အတွက် ပညာရေးမှာပဲ ပါမစ်တင်ရမှာပေါ့ လို့ပြောတော့ -

မင်းတို့ဟာ ရှုပ်ကိုရှုပ်တယ်။ မင်းတို့အတွက်နဲ့ ငါတို့မှာ အထက်က အထောင်းခံရတယ် လို့ပြောတယ်။”

မိတ်ဆွေများခင်ဗျား -

ကျွန်တော်တို့အဖြစ်မှာ ဘာနှင့်တူသလဲဆိုလျှင် ၀ါးခယ်မမှာ ငါးသလောက် အစိမ်းချက်ကလေး စားလို့ကောင်းလိုက်တာဟေ့ ဟုဆိုကာ မိမိအိမ်နီးချင်းများကို စားစေလိုသော စေတနာဖြင့် ငါးသလောက်များကို ဈေးကြီးပေးဝယ်ကာ အိမ်နီးချင်းများသို့ ပေး၏။ ထိုအခါ အနှီအိမ်နီးချင်းများက မင်းနှယ်ကွာ။ ဒီလောက်အရိုးထူတဲ့ ငါးသလောက်ကြီးများ ပေးရတယ်လို့။ ငါတို့မှာ ငါးကိုင်လို့ ဒါးရှရင် ဘယ့်နဲ့လုပ်မလဲ။ နောက်ပြီး ထင်းအကုန်ခံပြီး ဟင်းလည်းချက်ရဦးမယ်။ ဒီလောက် အရိုးများတဲ့ငါး။ စားလိုက်လို့ လည်ချောင်းထဲ အရိုးစူးနေရင် ဘယ့်နဲ့လုပ်မလဲ။ မင်းမို့လို့ ပေးမှပေးရက်ပလေတယ် ဟု အပြောခံရသကဲ့သို့ ဖြစ်ပါ၏။

အပြောသာခံရသည်။ သူတို့ဆီကိုသာ ဒုက္ခခံသွားတွေ့ရသည်။ သူတို့လုပ်ပေးနိုင်တာ တစ်ခုမှမရှိ။ နောက်တော့ မမက ကိုသောင်းတန်ကို ပြောသည်။

“ဟဲ့၊ ကိုသောင်းတန်၊ ငါတို့ဒီလိုချည်း ရေစုံမျောနေလို့ အလုပ်မဖြစ်ဘူး။ ငါတို့ဟိုတစ်ခါ လှူခဲ့တဲ့ ကြပ်ပြည့်ဆရာတော်ဆီ နင်ဖုံးဆက်စမ်း။ ငါတော့မဆက်ချင်ဘူး။ သူက အထက် လူကြီးတွေနဲ့ အတော်လေးနီးစပ်တယ်လို့ ငါတို့ကို ပြောဖူးတယ်”

ထိုအခါ ကိုသောင်းတန်လည်း ထိုဆရာတော် ဦးပညိန္ဒထံ ဖုံးတစ်ဂွမ်ဂွမ်ဆက်သတည်း။ ဆရာတော်က ဒါယိကာကြီးက နေ့တိုင်းဖုံးမဆက်နဲ့လေ။ ဘုန်းကြီးတတ်နိုင်သလောက်တော့ လုပ်ပေးမှာပေါ့ ဟု တားယူရသည်ထိ ဖြစ်၏။ သို့သော် အကြောင်းကထူးမလာ။ ထိုအခါ နောက်တစ်ယောက်က အကြံပေးပြန်သည်။ ချောက်က အ.ထ.က ကျောင်းအုပ်ဆရာကြီး ဦးထွန်းလွင်ဆိုတာ သူတပည့်တစ်ယောက်က ၀န်ကြီးဖြစ်နေသတဲ့၊ သူ့ဆီဆက်ပြီး အကူအညီတောင်းကြည့်ပါလား။

မှတ်ချက်။            ။ ကျွန်တော်တို့ စနေဓမ္မမိတ်ဆွေများအဖွဲ့သည် ချောက်မှ မူလတန်းကျောင်းသို့ ကျောင်းဆောင်သစ် ဆောက်လုပ်လှူဒါန်းခဲ့ဖူး၏။ ဤအကြောင်း ထိုဆရာကြီးသိသဖြင့် အကူအညီတောင်းရခြင်းဖြစ်ပါသည်။

ကိုသောင်းတန်လည်း ဆရာကြီးထံ ဆက်ပြန်၏။ ဆရာကြီးက သူ့တပည့်နာမည်၊ ရာထူး၊ ဌာနများ ပေးလိုက်၏။ ကိုသောင်းတန်လည်း ဆရာကြီး၏တပည့် ပညာရေး ဒု-၀န်ကြီးထံသွား၏။ ဒု-၀န်ကြီးနှင့်တွေ့သော် စနေဓမ္မမိတ်ဆွေများ အဖွဲ့ အကြောင်း စာရွက်စာတမ်းများနှင့် စီဒီလည်းပေး။ ပါးစပ်ကလည်း ရှင်းပြ လုပ်ရ၏။ ထိုနံရောအခါ အနှီ ဒု-၀န်ကြီးဆိုသူက မိုက်ကြေးခွဲပါသည်။

မင်းတို့အဲဒီကွန်ပြူတာတွေ ငါတို့ကို အကုန်ပေးပါ။ ငါတို့လှူချင်တဲ့ကျောင်းတွေ လှူမယ်။

ဟိုက်ရှားဘား။ ကိုသောင်းတန်ခမျာ မျက်ကလဲဆန်ပြာဖြင့် တောင်းပန်ရသည်။ မဟုတ်ပါဘူး ၀န်ကြီးခင်ဗျာ။ ဒီမှာ ကျွန်တော်တို့ဆီ အလှူခံထားတဲ့ ကျောင်းအုပ်ကြီးတွေရဲ့ စာတွေပါပါတယ်။ အဲဒီကျောင်းတွေကို ကျွန်တော်တို့လှူမှ ဖြစ်ပါမယ် ခင်ဗျာ။ ၀န်ကြီးက ကျွန်တော်တို့ကို ကွန်ပြူတာတွေတင်သွင်းခွင့်ရအောင် ပါမစ်ကိစ္စကလေးသာ ကူညီပေးပါ။

အေး၊ ဒီတစ်ခါတော့ ရှိစေတော့။ နောင်ကျလို့ ငါတို့ကို မပေးဘဲ မင်းတို့လှူချင်တဲ့နေရာလှူမယ် ဆိုရင် ပါမစ်လုံးဝချပေးမယ် မဟုတ်ဘူး။ ကြားရဲ့လား ဟေ့ကောင်။

ဟုတ်၊ ဟုတ်၊ ၀န်ကြီးခင်ဗျ။

ပြောသာလွှတ်လိုက်သည်။ ဟောက်သာဟောက်လိုက်သည်။ ဘာမှ အဖြေရေရေရာရာမရခဲ့။ ၎င်းလည်း ဘာမှ အဆုံးအဖြတ် မပေးနိုင်။ ကိုသောင်းတန်မှာ အဆဲခံရန်သက်သက်သွားသည်နှင့် တူနေပေ၏။



(၆၀) ဒုက္ခများနှင့် နပန်းလုံးရခြင်း



ကိုသောင်းတန်၏ ကွန်ပြူတာလှူဒါန်းခွင့် လျှောက်လွှာအတွက် အခြေခံပညာဦးစီးဌာနမှ ၀န်ကြီးဌာနသို့ ပါမစ်တင်တာ ၂၀၀၄ ခုနှစ် ဇန္န၀ါရီလ ၈ ရက်နေ့ဖြစ်၏။ သို့သော် ကျွန်တော်ပို့လိုက်သော စာရွက်စာတမ်း၊ အချက်အလက်များ မပြည့်စုံသဖြင့် ထပ်တင်ရသေးသည်။ နောက်တစ်ခါ ထပ်တင်တာ ၂၀၀၄ ခုနှစ် မတ်လ ၁၀ ရက်နေ့ ဖြစ်၏။

ကွန်ပြူတာများ တင်သွင်းခွင့် လိုင်စင်က တော်တော်နှင့်မရ။ ဘာတဲ့ ဂေါ်ဇီလာလောက်ကြီးသော အကောင်ကြီးကြီး ၅ ဦး ပါသည့် Trade Council ထိ တင်ရသည်ဆို၏။

ဟိုလူ့ဆီသွားလည်း အကြောင်းမထူး။ ဒီလူလည်း ဘာမှမတတ်နိုင် ဟု လိပ်ခဲတည်းလည်းဖြစ်နေသဖြင့် အခြေခံပညာမှ ဦးသောင်းရွှေက ထုတ်ကုန်သွင်းကုန်ကိစ္စများနားလည်သည့် သူတို့ဌာနမှ ကိစ္စများကို လိုက်လံဆောင်ရွက်ပေးနေသော  ပွဲစားတစ်ယောက်နှင့် ချိတ်ပေးပါသည်။ သူ့နာမည်မှာ အောင်ထူး ထင်၏။ အောင်ထူးက ကိုသောင်းတန်ကို ပြောသည်။

ခင်ဗျားတို့ဟာက ပြဿနာပဲ။ တင်သွင်းခွင့်လျှောက်တာက ဒေါ်ကျင်ကျင်။ လှူဒါန်းခွင့်လျှောက်တာက ကိုသောင်းတန် ဆိုတော့ သူတို့က ခင်ဗျားတို့ကို မရိုးသားဘူးလို့ ဒီလိုပဲ ယူဆနေကြတာ။ ဒါကြောင့်ကြာနေတာ။ အဲဒါ ဘာဖြစ်လို့နာမည်လွဲနေရသလဲ ဆိုတာ ခင်ဗျားတို့ကိုယ်တိုင် လိုက်ရှင်းမှ ဖြစ်မယ်။ ကျွန်တော်ပြောရင် ယုံမှာမဟုတ်ဘူး ဟု ဆို၏။   

ထိုအခါ ကိုသောင်းတန်လည်း လိုက်ရှင်းရပြန်၏။ ရှင်းသည့်အခါ လူညာတွေဟု အစွပ်စွဲခံရပြန်၏။ ရိုးရိုးသားသားလုပ်တာ မဟုတ်ဘူး ဟု အဟောက်ခံရပြန်၏။

ဒုက္ခသုက္ခပေါင်းစုံ၊ မျက်စိနောက်စရာ၊ ခေါင်းကိုက်စရာပေါင်းစုံနှင့် ကြုံရပြီးသည့်နောက် ကျွန်တော်တို့လျှောက်လွှာတင်ပြီး ၄ လလောက်အကြာ ၂၀၀၄ ခုနှစ် ဧပြီလ ၂၂ ရက်နေ့တွင် ကွန်ပြူတာတင်သွင်းခွင့်ပါမစ် ဆိုတာကြီး ကျလာသည်။ ထိုစာကို ကိုသောင်းတန်က ကျွန်တော့်ထံ email ပို့လိုက်၏။

ပါမစ်ရပြီဆိုတော့ ကျွန်တော်လည်း ကွန်တိန်နာကြီးကို ရန်ကုန်သို့ လွှတ်လိုက်သည်။

ကွန်ပြူတာများတင်ပို့ဘို့ shipping document များ ပြင်ရ၏။ သည်တုံးက ကျွန်တော့်မှာ ဘာ shipping အတွေ့အကြုံမှမရှိ။  Shipping ကုမ္ပဏီက ဟိုဘက်ကလက်ခံမည့် consignee နာမည်ပေးပါဆိုတော့ ခပ်လွယ်လွယ်ပင် ကျွန်တော့်အစ်မကြီး နာမည် ပေးလိုက်၏။ တင်သွင်းခွင့်ပါမစ်ကို အခြေခံပညာမှ လျှောက်ပေးမည်ဖြစ်ရာ မြန်မာပြည်ဘက်မှ ထုတ်ယူမည့်သူမှာ အခြေခံပညာမှသာ ဖြစ်ရပါမည်။ သို့အတွက် ယခင် BL consignee နေရာ၌ ကျွန်တော်ရမ်းဖြည့်ခဲ့သော အစ်မကြီးနေရာတွင် အခြေခံပညာဦးစီးဌာန ဟု ပြောင်းရ၏။ ထို BL နှင့်အတူ Invoice, Packing List များပါ တွဲတင်ရသည်ဖြစ်ရာ ကျွန်တော်လည်း တတ်သရွေ့မှတ်သရွေ့နှင့်  ပြင်ပေးလိုက်၏။ ထိုအခါ ဟိုဟာမှားနေတယ်။ ဒီဟာမဟုတ်ပြန်ဘူးဆိုကာ မကြာခဏ ပြန်ပြင်ခိုင်းပါသတည်း။ သည်တုံးက အင်တာနက်အဆက်အသွယ်မှာလည်း ယခုလောက် မတွင်ကျယ်လှသေးရကား အလွန်ဒုက္ခများပါ၏။

အထက်တွင်ဆိုခဲ့သည့်အတိုင်း ဂျိန်းတို့က စေတနာရေစီးကမ်းပြိုလိုက်ကာ လွတ်နေသော ကွန်တိန်နာအတွင်းသို့ အစားအသောက်၊ အချိုရည်ဗူး၊ အ၀တ်အထည်များ နင်းကန်ထည့်ပေးလိုက်၏။ ဤသည့်အတွက် ပြဿနာ ထပ်တက် ပြန်သတည်း။

ကိုသောင်းတန်နှင့် မမတို့က ဒုက္ခပေါင်းစုံဖြင့် အလွန်အင်မတန် ခဲယဉ်းစွာကျလာသော ရွှေထက်အဖိုးတန်သည့် ပါမစ် ကလေးကို တယုတယကိုင်ကာ သီလ၀ါဆိပ်ကမ်းသို့ ကွန်ပြူတာထုတ်ရန် ၀မ်းသာအားရသွား၏။

သီလ၀ါမှ အကောက်ခွန်မင်းများက ကွန်တိန်နာကို ဖွင့်သည်။ ထိုအခါ နောက်ဘက်သို့ ရောက်နေသော ကွန်ပြူတာများကို မတွေ့ရ။ ရှေ့ဘက်တွင် နင်းကန်ထည့်ထားသော အ၀တ်အထည်များ၊ သကြားလုံးများ၊ အချိုရည်ဗူးများ စသည်တို့ကို တွေ့ရပြီးသကာလ အကောက်တော်မင်းများမှာ ရွှေဒေါတော် ဖောင်းလေတော့၏။

ဒါမင်းတို့သက်သက်လိမ်တာ။ လူညာတွေ။ ရိုးရိုးသားသားလုပ်တာမဟုတ်ဘူး။ ကွန်ပြူတာတွေ ဗန်းပြပြီး အစားအသောက်တွေ သွင်းလာတယ်။ မင်းတို့ကို ဒီကွန်တိန်နာ ဘယ်လိုနည်းနဲ့မှ ထုတ်ခွင့်မပြုနိုင်ဘူး။

(ရွှေဉာဏ်တော် စူးရောက်လှသည့် ထို အကောက်တော်မင်းများကို ကျွန်ုပ်နားမလည်နိုင်ပါ။ သည် အချိုရည်ဗူးများမှာ မည်မျှတန်ပါသနည်း။ အချိုရည်ဗူးဆိုတာ ပလတ်စတစ်နှင့်ထည့်ထားသော ပုလင်းများမဟုတ်။ စက္ကူဗူးများဖြင့် ထည့်ထားသော တစ်ခါသောက်ဗူးများ ဖြစ်သည်။ ကွန်ပြူတာကို ဗန်းပြပြီး အချိုရည်ဗူးများသွင်းလာသည် ဟုတွေးသော ၎င်းတို့ဦးဏှောက်မှာ ပုံမှန်ဟုတ်ဟန်မတူ။  စိတ်ရောဂါ အထူးကုဆရာဝန်ကြီးများနှင့် သေသေချာချာ ကုသသင့်ပေသည်။ အကောက်ခွန်ဌာန ဟူသည် အလွန်အရေးကြီးသောဌာန မဟုတ်ပါလော။)

ထိုအခါ တစ်ခါတော့ဖြင့် လေးလလောက် စောင့်ခဲ့ရတဲ့ ကွန်ပြူတာတွေတော့ ရပါပေ့ါ ဟု မျှော်လင့်တကြီး၊ ၀မ်းသာအားရ သွားခဲ့သော ကိုသောင်းတန်နှင့် မမတို့မှာ အကောက်တော်မင်းများက ဤကဲ့သို့ ပြောလိုက်လေသော် ရင်ဝသို့ ဆီး၍ ကန်ကျောက်လိုက်သည့်အလား ဖြစ်ဘိသည်။ ကိုသောင်းတန်နှင့် မမတို့နှင့်အတူ မြန်မာပြည်သို့ ခေတ္တပြန်ရောက်နေသူ ကိုမင်းမင်းပါ ပါသေး၏။

ထိုအခါ အေးဂျင့်လုပ်သူမှာလည်း လက်မြှောက်လိုက်လေသတည်း။ ဒါတော့ ကျွန်တော်လည်း ဘာမှ မတတ်နိုင်ဘူးဗျာတို့ ဟု ဆို၏။ ကိုသောင်းတန်လည်း ကြပ်ပြည့်ဘုန်းကြီးထံ အပူကပ်ရပြန်သည်။

အရှင်ဘုရား။ တပည့်တော်တို့ ဒီလို ဒီလို ပြဿနာ တက်နေပါတယ်။ ကူညီပါဦး။ အရှင်ဘုရားတို့ကျောင်းကိုလည်း ကွန်ပြူတာ ၂ လုံး လှူမှာပါ။

ကိုသောင်းတန်ကား မျက်နှာမရ ခြေထောက်ရလေ၏။ အကူအညီလေးများ ရလိမ့်မလား ဖုံးဆက်ကြည့်ပါတယ်။

နေပါဦး။ မင်းတို့က ကွန်ပြူတာဆိုပြီး ဘယ့်နှာကြောင့် အဲသည် အ၀တ်အထည်တွေ၊ အချိုရည်တွေ သယ်လာရသတုံး။ အလကား လူညာတွေ၊ မရိုးသားဘူး၊ မင်းတို့သွင်းချင်တဲ့ ပစ္စည်းတွေသွင်းဘို့ ကွန်ပြူတာတွေကို ဗန်းပြတာပဲ - ဟု အကောက်တော်မင်းများ လေသံအတိုင်း ဟောက်လေသတည်း။

ရေနစ်သူအဖို့ ကောက်ရိုးတစ်မျှင်မှာလည်း အားကိုးရာဖြစ်လေရာ ချောက်မှ ဆရာကြီးထံ ဆက်ပြန်၏။ သူကတော့ သိပ်မဆိုး။

ဒီမှာ ကိုသောင်းတန်၊ ခင်ဗျားတို့ ကွန်ပြူတာပေါ်မှာပဲ အာရုံထား။ တခြားဘာမှ ကြည့်မနေနဲ့တော့။ ကွန်ပြူတာချည်းပဲ ထုတ်မယ်ဆိုရင်တော့ ကျွန်တော်လုပ်ပေးမယ် ဟု အားပေးဖော်ရ၏။ ကိုသောင်းတန်ကလည်း ဆရာကြီးရယ်၊ ကျွန်တော်တို့ တခြားပစ္စည်းတွေ မမက်ပါဘူးဗျာ၊ ကွန်ပြူတာတွေထွက်လာရင် တော်ပါပြီ ဟု အကြောင်းပြန်၏။

မိတ်ဆွေများခင်ဗျား -

လွယ်လွယ်လေးမအောက်မေ့ပါနှင့်။ ဤကိစ္စရက်အတော်ကြာပါသည်။ ကျွန်တော်မှတ်မိသရွေ့ နှစ်လထင်ပါသည်။ ဆိပ်ကမ်းတွင်ထားသည်ဆိုပေမင့် သည်ကွန်တိန်နာကြီးကို အလကားထား၍ ရသည်မဟုတ်ပါ။ သိုလှောင်ခ Holding Charges ဟု ဆိုကာ တစ်ရက်လျှင် ၅၀၀၀ ကျပ်ပေးရပါသည်။ ထိုကိစ္စအတွက် ကျွန်တော် မြန်မာပြည်နှင့် ဆက်ခဲ့ရသော ဖုံးခများတင် မနည်းလှပါ။

ကျွန်တော်တို့လည်း စိတ်ညစ်လှပြီ။ ပါမစ်ရဘို့တုံးက တစ်ဒုက္ခ။ ပါမစ်ရလာပြန်တော့ ကွန်တိန်နာက ထုတ်လို့မရ။ ကိုမင်းမင်း လည်း တတ်သရွေ့၊ မှတ်သရွေ့။ သူ့သူငယ်ချင်း ဗိုလ်ကြီးဆိုလား ထံ အကူအညီတောင်းရပြန်ပါ၏။

ကိုသောင်းတန်မှာ စိတ်မရှည်နိုင်တော့။ သီလ၀ါဆိုတာ နီးလှတာမဟုတ်။ သည်လမ်းသည်ခရီး ခေါက်ကယ်၊ ပြန်ကယ် သွားနေရတာ စိတ်ကုန်လှပြီ။ သည်တော့ -

ဒီမယ် ဆရာတို့၊ ခင်ဗျားတို့ ဘာဖြစ်ချင်တာလဲ။ အဲဒီ အ၀တ်တွေ၊ အချိုရည်တွေကြောင့် ထုတ်မပေးတာဆိုရင် အဲဒါတွေ အားလုံး ခင်ဗျားတို့ကို ပေးခဲ့မယ်။ အဲဒီပစ္စည်းစာရင်းလုပ်ပြီး လက်ခံရရှိကြောင်းသာ ကျွန်တော့်ကို လက်မှတ်ထိုးပေးပါ။ ကျွန်တော်တို့ကို ကွန်ပြူတာတွေချည်း ထုတ်ပေးလိုက်၊ ဟုတ်ပြီလား။

အဲဒီလိုမှမဟုတ်သေးဘူးဆိုရင် ကုန်ကုန်ပြောမယ်ဗျာ။ ဟောဒီမှာ အဲဒီကွန်ပြူတာတွေ လှူရမဲ့ကျောင်းစာရင်း။ ဒီကွန်ပြူတာတွေ ကျွန်တော်တို့ လာမထုတ်တော့ဘူး။ အဲဒီကျောင်းတွေဆီသာ ခင်ဗျားတို့ လှူပေးပေတော့။ ဟောဒီမှာ ကျွန်တော်တို့ ကွန်ပြူတာ တွေကို တင်သွင်းခွင့်ရော၊ လှူဒါန်းခွင့်ပါရပြီးပြီ ဖြစ်တဲ့အတွက် ကွန်ပြူတာတွေကို ထုတ်မပေးလို့ ကျွန်တော်တို့ ဒီမှာ ထားခဲ့တဲ့အကြောင်း၊ ခင်ဗျားတို့ပဲ ဒီကိစ္စဆက်လုပ်လိမ့်မယ်ဆိုတဲ့အကြောင်း ပညာရေးဝန်ကြီး၊ အခြေခံပညာက ညွှန်ချုပ်တွေ၊ အလှူခံထားတဲ့ကျောင်းအုပ်ကြီးတွေဆီ အကြောင်းကြားလိုက်မယ်။

ဒီတော့ ဒီကွန်ပြူတာတွေနဲ့ အ၀တ်အထည်၊ အစားအသောက်တွေ ရရှိကြောင်း၊ ဖြစ်လာသမျှ ပြဿနာအားလုံး ခင်ဗျားတို့ပဲ တာဝန်ယူ ဖြေရှင်းပေးပါမယ်လို့ စာရေးပြီး လက်မှတ်ထိုးပေးလိုက်ပါ။ ကျွန်တော်တို့ ဘာမှမယူတော့ဘူး။ ဒီအတိုင်း ပြန်တော့မယ်။ သဘောတူရဲ့လား။ ဒီပစ္စည်းတွေဟာ လှူဘို့ပစ္စည်းတွေဖြစ်တဲ့အတွက် ဒီပစ္စည်းတွေရဘို့အတွက်နဲ့တော့ ခင်ဗျား တို့ကို တစ်ပြားတစ်ချပ်မှ မပေးနိုင်ဘူး။ ပေးချင်ပေး။ မပေးချင်နေ။ ကျွန်တော်တို့ ပြန်တော့မယ်။ ဒါ နောက်ဆုံးပဲ။ ကျွန်တော်တို့ ဆက်ပြီး စိတ်ညစ်မခံနိုင်တော့ဘူး။ ဖြစ်လာသမျှ ခင်ဗျားတို့ ရှင်းပေရော့။

သည်လိုကျတော့လည်း ကိုကာစတန်တို့ တာဝန်မခံနိုင်ပြန်။ ခဏနေပါဦးဗျာဟု ဆိုကာ ဟို ဖုံးဆက်၊ ဒီဖုံးဆက် လုပ်ပြန်လေ၏။ ကိုသောင်းတန်ကတော့ ပေးသည်ဖြစ်စေ၊ မပေးသည်ဖြစ်စေ နောက်မလာတော့ဟု အပြတ်ဆုံးဖြတ်ထားပြီး ဖြစ်လေသည်။

ညနေစောင်းလာလေပြီ။ အခြေအနေလည်း အတော်လေးတင်းမာလာ၏။ ဟိုလူတွေကလည်း အချိန်ဆွဲထား၏။ ပေးတော့မယ် လိုလို။ မပေးဘူးလိုလို နှင့် ည ၈ နာရီလောက်ကျမှ ကွန်တိန်နာကြီးကို ထုတ်ခွင့်ပြုလိုက်တော့သည်။ ကိုသောင်းတန်တို့၊ မမ တို့မှာ ကွန်တိန်နာကြီး ရလာသည့်တိုင် ၀မ်းမသာနိုင်ပါ။ သည်ကွန်တိန်နာကြီးအားဖွင့်လိုက်၊ အ၀တ်အထည်နှင့် အစား အသောက်ထုပ်များကို ထုတ်လိုက်၊ သွင်းလိုက်နှင့် ဘယ်နှကြိမ်မှန်းကို မသိတော့ပါဘူးဟယ် ဟု မမကငြီးပါသည်။

ဒူဘိုင်းတွင် အလုပ်လုပ်နေသော ကိုမင်းမင်းပြန်လာလို့သာ တော်တော့သည်။ သူ့မှာက publica ကားကလေးရှိသဖြင့် သီလ၀ါသို့သွားရတာ အတော်အဆင်ပြေသွားသည်။ မဟုတ်လို့ တက္ကစီငှားသွားရပါက ကားခနှင့်မွဲရချည့်။

ကျွန်တော်၊ မမ နှင့် ကိုသောင်းတန်တို့မှာ ဤကိစ္စအတွက် အတော်လေး စိတ်ညစ်၊ လူပင်ပန်း၊ စိတ်ပင်ပန်းခဲ့ကြပါသည်။ စနေဓမ္မမိတ်ဆွေများဟုသာ အမည်ခံထားသော်လည်း တကယ်တန်းလုပ်ရတာ ကျွန်တော်တို့ သုံးယောက်သာ ဖြစ်ပါသည်။ အဓိကကတော့ ကိုသောင်းတန်နှင့် မမဖြစ်ပါ၏။ ကျွန်တော်က စင်ကာပူမှ ဖုံးတဂွမ်ဂွမ်ဆက်ရုံသာ တတ်နိုင်သည်။

ကွန်တိန်နာကြီးထုတ်လာတော့ အခြေခံပညာမှ လူကြီးမင်းများက ကျွန်တော်တို့ကို စိတ်မချ။ ခင်ဗျားတို့၊ အဲဒီကွန်ပြူတာတွေ ကို ကျွန်တော်တို့ဆီမှာပဲ ထားရမယ်။ ခင်ဗျားတို့လုပ်စရာရှိရင် ကျွန်တော်တို့မျက်စေ့အောက်မှာပဲ လုပ်ရမယ်။ အဲဒီကနေမှ ကျောင်းတွေကို အပ်ရမယ် ဟု ဆိုသတည်း။ ဤသည်မှာ ကျွန်တော်တို့အတွက် အကွက်ပင်ဖြစ်၏။ မဟုတ်လျှင် သည်ကွန်ပြူတာ အလုံး ၇၀ ကျော်ကို မည်သည့်နေရာသွားထားမည်နည်း။ ကွန်ပြူတာတွေ ထားဘို့နေရာ ထားပါဦး။ ကွန်တိန်နာဝင်ဘို့ပင် ကျွန်တော်တို့လမ်းများမှာ သိပ်အဆင်ပြေလှသည် မဟုတ်။

သည်တော့ ကိုသောင်းတန်လည်း ဟာ၊ ဆရာတို့ အဲဒါတော့ စိတ်သာချဗျို့။ ကျွန်တော်တို့ အဲဒီမှာပဲထားမှာ။ ကွန်ပြူတာတွေ servicing လုပ်ရင်လည်း အဲဒီပဲလာလုပ်မယ်။ နောက်ပြီး ပေးအပ်ပွဲလဲ အဲဒီမှာပဲ လုပ်ပြစေ။ ဒါဆို ဒါကြီးတွေ ကျွန်တော်တို့ ဘယ်မှ သယ်နေစရာ မလိုတော့ဘူး ဟု ၀မ်းသာအားရပြောသည် ဟူသတတ်။

ပထမ မမက ကွန်တိန်နာကို ကျွန်တော်တို့အိမ်သို့ မောင်းစေကာ အ၀တ်အထည်နှင့် အစားအသောက်အားလုံးကို ချစေသည်။ ကျန်သည့် ကွန်ပြူတာများကိုသာ နတ်မောက်လမ်း၊ အခြေခံပညာဦးစီးဌာနသို့ သယ်သွားစေ၏။

ဂျိန်းတို့ထည့်ပေးလိုက်သော အချိုရည်ဗူးများမှာ expire ဖြစ်ကာနီး ဗူးများဖြစ်၏။ ကွန်တိန်နာထုတ်လို့ရဘို့ ၆ လခန့်ကြာသွား သည်ဖြစ်ရာ အချိုရည်ဗူးများမှာ expire ဖြစ်နေပြီ။ သို့သော် အရမ်းတော့ မကြာသေး။ တစ်လခန့်တော့ကြာနေပြီ။ ထို့ကြောင့် ယခင်က ရည်မှန်းထားသော မိဘမဲ့ကလေးကျောင်းများကို လှူလို့မဖြစ်တော့။ မတော် ၀မ်းတွေလျောကုန်၊ အစာအဆိပ် ဖြစ်ကုန်လျှင် စေတနာက၊ ဝေဒနာဖြစ်တော့မည်။ သည်တော့ အနီးအနားက လူတွေကို သည်အချိုရည်ဗူးများမှာ သက်တမ်း ကုန်နေပြီဖြစ်သဖြင့် လွှင့်ပစ်တော့မည်အကြောင်း သတင်းပေးလိုက်သည့် သကာလ - ဟယ်၊ နှမြောစရာကြီး၊ လွှင့်တော့ မပစ်ပါနဲ့။ ဒို့ကိုပေးပါ ဟု ဆိုကြကုန်၏။ ဟဲ့၊ ကြည့်ကျက်လည်းသောက်ကြ။ ၀မ်းတွေပျက်ကုန်မယ် ဟု မမက သတိပေးလိုက် သေး၏။ သူ့စကားပင်မဆုံးလိုက်ပါ။ ကပ်များနှင့်ထည့်ပေးလိုက်သော အချိုရည်ဗူးများမှာ မျက်စိတစ်မှိတ်မျှသော ကာလအတွင်းတွင်ပင် ပြောင်တလင်းခါ သွားလေတော့သတည်း။

အ၀တ်အထည်များကိုတော့ ရွေဂုံတိုင်၊ ထောက်ကြံ့နှင့် မရမ်းကုန်း ကလေးပြုစုရေးဌာနများ၊ မလိခ အမျိုးသမီးသင်တန်း ကျောင်း စသည်တို့သို့ သွားရောက် လှူဒါန်းလိုက်ကြလေသည်။



ဆက်ပါဦးမည်။

အေးငြိမ်း

၁၂၊ ၂၊ ၂၀၁၂ ည ၁၁း၂၇ နာရီ

Friday, February 10, 2012

မြွေဆိပ်ဖြေဆေးလက်ကမ်းစာစောင်

ပုံကြီးမြင်ရရန် နှင့် download လုပ်ရန် ပုံပေါ်ကို ကလစ်နှိပ်ပါခင်ဗျား။